.

البـارت 52 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


رانيا حطت يدها على خصرها: مجبر حب وغزل وسهر آخر الليالي

آسيا شافتها: لا تغرقي في احلامش يا روحي انا وحسام آخر من يسوي هكذا في العالم كله الموضوع وما فيه انو انا رشحوني مندوبة الدفعة وهو اشترى تلفون

سارة فرحت مشيت وهي بتهز وترقص: الله يعني انا لما ادخل جامعة اوقع المندوبة واخلي هاني يشتري لي تلفون

رانيا شافت لاختها كيف تهز مدت ارجلها قدام سارة لما تكحولت سارة

سارة بوجع: يا حمااااارة

رانيا رجعت تخضر الحلبة: عشان تعرفي ان نهاية احلامش السقوط هذا

آسيا كملت تقدم: ههههههههه يوه منش يا رانيا كيفش دائماً تحطمي الواحد

صالح وطه والشباب رجعوا من الجامع ودخلوا

صالح: الغداء جاهز

سارة خرجت السلطة: ايوة ايوة يلا اقدموا

قدموا كلهم للغداء وبدؤوا يأكلوا وام اياد كل ما شافت الكوسا تتذكر اياد ودموعها تنزل وصالح منتبه عليها بس مطنش خارجيا اما داخليا هو مقهووور وماعاد يتحمل ناوي يسوي الشي اللي براسه اليوم

@rewayatyamania المصدر الأول للروايات

في امريكــا
ياسر يقلب بتلفونه وهو مقهور كيف ثلاثة ايام والشباب ما يتواصلوا معه

اياد شافه: ما لامك انت

ياسر بسره: هاني وحسام ورامي لهم ثلاثة ايام ماعاد يفتحوش النت اقلقوني ما عليك من هاني ورامي الغريبة ان حسام يقفل هذا مستحيل لو تنطبق السماء على الارض ما يرقد قبل ما يكلم مزتين ثلاث على الاقل

يزن مقهور انه ما يعرفهم ولا يتواصل معاهم: الله يسامحك يا جد

داليا ابسرته: ايش

يزن استوعب انه تكلم بصوت عالي: ولا شي

اياد يمشي ببرود: انا مستغرب كيفك متعلق فيهم يااخي مش طايق اسمهم انا

ياسر رجع التلفون بجيبه: انت بينك وبينهم عقده بسبب مشاكلكم بس انا ما بيني وبينهم شي بالعكس حبوبين ورجال ولو تغير رأيك وتتعرف عليهم ما بتندم وبتحبهم وبالعكس تماما انت بتندم انه ضاع عمرك ما تعرفهم

يزن ماعاد تحمل الضيق: ما عليك منه يا ياسر ما يقطع فيه الدم انا اتمنى اتعرف على عيال عمي عيال عمتي بنفسي اكلمهم بنفسي جدي يسمح ويكسر الحاجز اللي سواه بيننا لكن ممنوع
شاف لاياد بقهر: لكن هذا جدي يراشيه عشان يكلمهم بس ما يقطع

اياد اقتهر من كلام يزن وهو يحس محد يقدر مشاعره ويحس فيه: وهم ايش قطع فيهم الدم
وقف ومسك راسه بوجع لما الكل وقف وهم يشوفوا له

اياد بقهر طاغي ما خرجه عمره وعصبية: مش امك اللي تركتك يا يزن مش امك هي امي انا اللي تركتني ورجمتني مش جدك اللي قال احنا مش متكفلين نربيه ورجمك لواحدة غريبة عنهم انا اللي ارتجمت مش انت اللي عشت تنتظر ان امك ترفع التلفون وتقول هاتوا ابني اكلمه لكن عبث وبعد استسلام منك ان اهلك وامك تذكرك وتكره حياتك المنبوذة وبعد ما تكره كل شي فيهم يذكروك ويقولوا هاتوا يزن

دق صدره بقوة وحرقه: مش انت يا يزن انا انا اللي رجموني وانا اللي تخلوا عني وانا اللي هجروني وانا اللي ولا كأني شي في حياتهم انا يا يزن انا اللي ارتجمت لانسانة غريبة

وطى صوته بيقهر: يوم رجموني لها وكنت اخاف منها هي الوحيدة اللي ما تركتني وهي الوحيدة اللي كبرتني واعتنت بي وحبتني وسهرت وكبرت هي امي هي الحاجة الوحيدة الحنونة في هذه الدنيا ولو في حاجة انا لازم اكلم فيه بيت جدك اللي تحبهم هو اني اشكره لانه بسببه حصلت على ام عظيمة ام حقيقية ام فعلا، اما الدم اللي تتكلم عنه ما يكفي يا يزن الدم ما يكفي الروح اللي تكفي وانا امي سحر جابت لي روحها وما معي احد بهذه الدنيا عائلتي محدودة امي سحر وابي وعمي علي وعمتي هند وانت وياسر وداليا وخالي سيف وخالتي وبس وبس غيرهم مافيش واذا على اهلي في اليمن يا اخي ما عندي احد باليمن ولا انا يمني ومنكر لاصلي وانا امريكي امرررريكي

تركهم ومشي وهو طاااافح وياسر شاف ليزن واقتهر لكن تركه ولحق بعد إياد

داليا مش فاهمة شي واستغربت من النقاش اللي حصل وحدته: يزن ماله اياد وايش اللي كنتوا تقولوا جدك ليش يكرهك وليش رجم اياد وايش قصتكم انا مش فاهمة

يزن بقهر: اجلسي اجلسي عشان تعرفي قصتنا القصة طويلة

داليا جلست فوق صخرة ويزن جلس قدامها وبدأ يحكي لها قصتهم
.
.

في الطــرف الثانــي

ياسر: يا اياد تعرف يزن اليوم مقهور ماهوش عارف ما يقول

اياد بقهر كبير: واصل وهو هكذا اناني ما يفهم الا نفسه ومشاعر الناس في البحر

ياسر: بس اليوم زود بها لانه مقهور اعذره يا اياد انت اخوه الكبير والعاقل

اياد بدأ يهدأ: قده يوم دبور من اوله

ياسر: خلينا نرجع الآن ونسير المحمية

اياد شل عودي من الارض وجلس يكسره: ماليش نفس يا ياسر فلتني بروحي
.
.

في صنعــاء

وبعــد العصـــر تحديــدًا

بعد صلاة العصر بدأت زفة روان والكل يزف بقوة وحماس وآسيا ورانيا وسارة يسمعين وهن مقهورات بنفسهن يسيرين العرس......





📚 @rewayatyamania  🇾🇪

.

البـارت 53 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


بعد صلاة العصر بدأت زفة روان والكل يزف بقوة وحماس وآسيا ورانيا وسارة يسمعين وهن مقهورات بنفسهن يسيرين العرس اما الشباب اليوم فلتوهم وراحوا يخزنوا مع امير وزياد

سارة بتنفجر من القهر: هيا قلدكن الله هو يسبر هذا عرس روان روان

آسيا ما تحملت وقرحت بالبكاء اليوم عرس صاحبتها وما قدرت تسير علاقتها بروان قوية غطت عيونها وهي تبكي

رانيا جت ومسكتها وهي مقهورة: خلاص يا آسيا المفروض نكون تعودنا

آسيا بشهقات: عرس روان يا رانيا روان يااختي تخيلي انه عرس نجاة اللي روحش فيها وما تقدري تسيري

رانيا بقهر: ان شاء الله ما يجي عرسها الا وانا مزوجة يوصلني زوجي واخرج من طاقة بيت عمي كامل واشوف لجدي واخرج لساني احانكه واقول له تحداك تمنعني ما ذلحين

آسيا بدون شعور ضحكت: انا متأكدة انه ايجي يوم ولسانش يودينا في داهية

رانيا: جعل ما يوديكم في داهية غيره

سارة مطننة مقهورة وهي تفكر بمصيبة
.
.

فـي بيـت ابـو روان

روان جلست فوق الكوشة الكل يشوف حلاوتها بس محد يشوف انهياراتها انكساراتها محد يشوف بهتانها ضعفها انخذالها الكل يحس ببسمتها الزائفة محد حاسس بالنار المشتعل بايسر صدرها.....

@rewayatyamania المصدر الأول للروايات

فـي امريكــا

جون شاف اياد وياسر فرح وراح لعندهم: مرحبًا ايها الرفاق
تلفت يدور يزن: اين هو يزن

اياد شافه بنظرات عجزوا جون وياسر انهم يفهموها ماهي الا ثواني واياد هجم على جون بكل وحشية
.
.

في الطرف الثانـي

داليا مقهورة: امي وابي ما كلموني ولا فتحوا قدامي قصة عمتي سحر وانا قصدي تزوجت طبيعي وسافرت امريكا ما اعرفش انهم هربوا من عادات المجتمع
تنهدت بقهر: بس يا يزن اياد معه حق اللي عاشه مش قليل انت تقدر تسامح ام ما سألت عليك او اخت متجاهلة وجودك وجد تركك وما فكر فيك الا بعد سنين لما قلبك قنع

يزن اقتهر من كلام داليا: يا داليا هو جدي اكيد اللي مانعهم محد عارف ايش القصة عندهم وبعدين هاني ورامي وحسام كلموا ياسر انهم مش قادرين يكلموني لأن جدي منعهم هم ما يكسروا كلمته الاحترام اساس عائلتنا اللي هناك

داليا: عائلتنا عادك تقول عائلتنا وهم مش معترفين فيك

يزن بصدق: اعترفوا او لا هم عائلتي ومصيرهم يعترفوا فيني انا بصلح كل شي العائلة هي اساس الحياة والحياة بدون عائلة ما تعتبرش حياة وابي انحرم من عائلته ومن حقه يعيش معاهم مهما كابر هو مشتاق، وانا نص عائلتي، تعرفي ياسر اللي واصل يضحك هو واصل يضحك لان حياته ناقصة ياسر ماعاد معه من العائلة الكبيرة هذه الا انا واياد بس حتى امه وابوه مقاطع لهم ضحكته مش من فراغ ضحكته من نقص حياة اما اياد اياد حقده من حب لا تشوفي انه يكرههم ما يحقد هكذا الا لانهم غاليين عليه وجرحوه

داليا ابتسمت لكلامه وقامت: بنفسي اعرف عائلتكم الكبيرة هذه وكم اتمنى لو كنت جزء منها والآن خلينا نروح لياسر واياد

يزن وقف: طيب هيا

مشيوا صليهم المسافة مش بعيدة اسرعوا بخطواتهم لما سمعوا صوت صراخ وصلوا وقفوا وهم يشوفوا اياد يضرب جون وياسر يحاول يفرع راح يزن ومسك اياد وسحبه

اياد بعصبية: فلت يا يزن خليني اقتل النذل هذا

يزن يهديه: اهدأ وايش زاد فعل

ياسر ضحك: جاء يسأل عليك واياد ما تحمل

يزن شاف لياسر: من ضحكتك يااخي

ترك اياد وراح لجون اللي عدل جلسته ويتحسس وجهه بوجع: ماذا تريد بعد ما فعلته بي

جون ابتسم بقهر: هل تساءلت لماذا لم ادافع عن نفسي لماذا لم اهجم عليكم ايضًا لماذا استسلمت لكم ايها الاصدقاء

يزن ضحك بقهر: لا تقل بانك تحس بالذنب الآن

جون بصدق: لا فقط سأخبرك شيء

يزن: ماذا

جون: كل هذا كان طلب اليز وخطة منها لتثبت لك ان لينا ليست بالنقاء التي تعتقدها

يزن بغلب ووجع: ومن اجلها خنت صديقك

جون: يزن انا حقًا اسف لست مستعدًا لخسارتك

يزن وقف بقهر: خسرتني يا صديقي لا اريد رؤية وجهك
شافهم: هيا نسير المحمية

الكل: هيا

تركوا جون غارق في ذنبه وراحوا للمحمية وهم ناسيين اللي حصل بين اياد ويزن قلوبهم لبعض نقية لدرجة ثواني وينسوا ان كل واحد يجرح الثاني وهمهم الآن بس كيف يخرجوا يزن من الوجع اللي يعيشه وصلوا للمحمية واول ما شاف يزن لينا تجاهلها باستحقار وراح بعيد عن كل الشباب يجلس لوحده مش طايق احد، وجوده في المحمية بس عشان ما يخرب على اخوه وابن عمه وداليا رحلتهم

داليا جلست قريب منه: قصدك بتفتك مننا وتجلس لحالك

اياد جلس جنبه: باحلامك والله ما تفتك

ياسر ضحك: عتكره عيشتك ان احنا نقرب لك واصحابك

يزن ابتسم بوسط وجعه وخذلانه: وجيتوا للمحمية عشان تجلسوا جنبي
رفع راسه وتنهد: شوفوا مااحلى الجو بتضيعوه عليكم

اياد: نضيعه جمعه

داليا بدأت تغني:
مشاعر تشاور تودع تسافر مشاعر تموت و تحيي مشاعر
يادي يادي يادي المشاعر يادى يادى يادى المشاعر....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 54 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


يادى يادى يادى المشاعر يادى يادى يادى المشاعر
يادى يادى يادى المشاعر يادى يادى يادى المشاعر
اللي غرب نفسه سافر من آلام المشاعر
و اللي نفسه يعشها تاني هي هي المشاعر
و اللي داب بابتسامة من عينيه مر المشاعر
و اللي نفسه قصاد حبيبه يبان عليه حبة مشاعر
....

يزن منسجم مع صوتها يحبس دمعته اللي اساسا مش راضية تخرج وياسر يسمع بهدوء واياد غرق في صوتها والكل مش مستوعبين ان داليا عندها هذا الصوت الرهيب اليوم اول يوم يكتشفوه

داليا وقفت الغناء: الحياة هذه مليانة مشاعر ولكل انسان مشاعره اللي تتحكم فيه

يزن متألم: المشاعر في هذا الزمن هي مشاعر مسمومة

اياد يغير الموضوع: اول مرة اسمعك وانتي تغني صوتك يخلي الواحد يغرق في الانسجام

ياسر بصدق: لو سمعك فيكتور بيعرض عليش تكوني منافسته من زمان يدور على منافس يستحق فعلاً صوتك جبار

داليا ابتسمت بخجل: طبعي ما اغني الا مع صديقاتي بس اليوم لاول مرة اغني قدام حد غيرهن

جان خرج من وراهم: مرحبًا

داليا تضايقت وما ردت والبقية ردوا عليه

جان شاف لداليا: صوتك جميل للغاية اسف لقد سمعتك لا اعلم ما هي الكلمات تبدو الاغنية عربية ولكن لصوتك نبرة جذابة يتفوق نبرة صوت فيكتور

ياسر: لقد قلت لها هذا

داليا بدون نفس: شكرًا

@rewayatyamania المصدر الأول للروايات

فـي صنعــاء

صالح في غرفته وهو ماعاد يتحمل عذاب الضمير اللي يحسه ناحية بنت اخته رفع تلفونه واتصل وعزم الامر

ابو ياسر رد: غلق يا باه معي رصيد خارجي ملان بتصل لك انا

صالح: يلا دقيقة لو تتأخر اكثر يا ويلك

علي غلق وابتسم وهو يفكر كيف ابوه عازم عليه ويخاف من ابوه للآن رغم البعد والسنين الطويلة وماهي الا ثواني واتصل عليه

صالح رد: ما تأخرت

ابو ياسر ضحك: وانا اقدر

صالح ابتسم: كيفك يا ولدي

ابو ياسر: الحمدلله ياباه انت كيفك اخبارك

صالح: اسمع اتصلت لك عشان اقول لك ترجع اليمن

ابو ياسر ضبح من الموضوع: ياباه كلمتك انا مستقر هنا وعايش ومرتاح ما اجي اسوي

صالح بجدية: اسمع يا علي انا كل مرة اطلب طلب واقول براحته بس هذه المرة لا انا اأمرك أمر وغصب عنك بترجع اليمن والا والله العظيم يا علي لا انت ابني ولا انا اعرفك حتى جثتي تحرم عليك تشوفها لما تبكي وتقول ابي مات وانا بعيد

ابو ياسر انصدم ما توقع انه بيجي يوم ويجبره ابوه مثل الماضي: ياباه هذا خبرك الآن

صالح بعصبية جدية وعزم: ايوة هذا خبري احترمتك سنين وقلت بيشتاق ويرجع من روحه لكن لا، 24 سنة وانت مغترب حتى زيارة ما نزلت وانا اقول بكرة بعده ومافيش فايدة فيك اسمع بترجع وهذا الشهر وإياد معك وان رفض اسحبه

ابو ياسر مسح وجهه بقهر خلاص اطرح تحت الأمر الواقع: ابشر ياباه لكن مش الشهر هذا خلي ياسر وإياد قدها سنتهم الاخيرة بالجامعة باقي لهم ستة اشهر ويكملوها ونزلنا على الأقل لا توقف دراستهم

صالح شاف انه معه حق: طيب يكملوا سنتهم وتجوا لكن خليها ببالك جيتك ماعاد لها رجعة لامريكا

غلق قبل ما يرد ابنه وابو ياسر اقتهر خلاص الشي اللي يهرب منه من سنين بكرة اجباري عليه انه يواجهه
.
.

فــي الغــابــة

سمعت صوت تلفونها شافت اسم امها ابتسمت وقامت بعيد عن الشباب ترد

داليا: حيااا بالغالية

ام داليا بشوق: حيااا ببنتي وينش يمه وكيف الرحلة بتاكلي بتشربي

داليا ضحكت: ايوة ايوة لا تقلقيش انا فدالش

ام داليا تنهدت: قلت لش ما تشتيش هذه الرحلة وانتي الا ولا تسيري

داليا: يووو يمه كيف تقلقي والله مابه شي هذا يزن واياد وياسر هنا وانا قد انا اختهم

سمعت بصوت يقترب منها وقلقت لانها بعيدة عن الشباب قوي التفتت شافته وغمضت عيونها بضيق: يلا يمه خاطرش شاغلق الآن

ام داليا: انتبهي لنفسش

داليا: حاضر مع السلامة

ام داليا: بأمان الله

غلقت وشافته بنص عين: ما الذي اتى بك الى هنا

جان: داليا نحتاج للتحدث قليلًا على انفراد

داليا: ليس بيننا اي حديث جان اخبرتك الا تقترب مني دعني وشأني

مشيت ولكن جان بحكم الطبيعة الامريكية اللي عايشها مسك داليا عشان يوقفها

داليا صرخت بأعلى صوتها: دعني ايها القذر

جان مسكها اكثر: داليا اسمعيني فقط

داليا تشنجت وهي تحاول تفك يدها: جان دعني دعني لا تلمسني جان

بدأت تبكي وترجف هي عارفة جان ما بياذيها بس انو رجال مسكها نرفزها استفزت لدرجة ان بكاءها اختلط مع التشنج والعصبية والصراخ

ياسر نبع: صوت داليا

الكل استوعبوا الصوت ولحقوا بعده ياسر شاف كيف جان ماسك داليا ما تحمل قفز قفزة لفوق جان وضربه على طول

داليا ماسكة يدها ومعصبة وتبكي وهي تحس ان يدها الآن تحتاج لتعقيم تمسح بأقوى قوتها بين شهقاتها

يزن بكل عصبيته دهف ياسر وبدأ يضرب جان وجان يرد ويدافع على نفسه وإياد يحاول يهدي داليا والشباب يفرعوا بين يزن وجان

داليا هدأت شوية: .....





📚 @rewayatyamania  🇾🇪

.

البـارت 55 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


يزن بكل عصبيته دهف ياسر وبدأ يضرب جان وجان يرد ويدافع على نفسه وإياد يحاول يهدي داليا والشباب يفرعوا بين يزن وجان

داليا هدأت شوية: انا ماعاد اتحمل هذه الرحلة يا إياد شلني

إياد: طيب

يزن شاف لداليا: وجعك

داليا بين دموعها: لا اشتي اخرج من هنا

ياسر: هيا خطينا

تركوا الكل وراحوا يخرجوا خارج المحمية ورجعوا للمخيم

لينا شافت يارا: شفتي كيف شفتي قاموا القيامة كرمالا للانسة داليا لك حتى إياد ما عبرك ما كلمك وكأنك ولا شي كل همون داليا

يارا طنشتها ومشيت وهي مقهوووورة من تصرف إياد وطبطبته لداليا
.
.

في المخيــم

يزن بعصبية: قلت لكم نجي بالسيارة قلتوا لا هاه شفتوا ايش من رحلة هذه تشتوا تجلسوا اجلسوا انا ما بجلس ومش طايق احد

داليا مسحت دموعها: ولا انا مااشتيش، اشتي اروح

إياد: هيا خطينا كلنا لفوا حاجاتكم

يزن بقهر: بايش مافيش ولا اي شي

ياسر يلف حاجاته: بندبر نفسنا

الكل بدأ يجهز حاجاته اغلقوا الشنط وتحركوا وهم مش عارفين وين بيروحوا

@rewayatyamania المصدر الأول للروايات

فـي صنعــاء

سارة شافت للبنات: بنات بنروح القاعة

رانيا شافتها بنص عين: لا والله ما رحناش البيت وهو جنب اذني تشتينا نروح القاعة اللي الله اعلم في اي مقبرة هو

سارة: قبرررروش ان شاء الله يااختي انا شاقول اللي عندي واللي اتجي حياها الله واللي ما اتجي تجلس هنا تتبكبك

آسيا: على ماهو ناوية انتي

سارة بحماس: اسمعني العيال يشغلوا جدي لمغرب واحنا نروح العرس للمغرب ونروح

آسيا: عيرضوا العيال

رانيا: غصب عنهم ليش ما ايرضوش

ام هاني: يوووه ناويات على مصيبة يا صباحات

ام إياد: سارة انتي بعد الطنان حقش مشاكل لا تطنني خيرات كن

ام حسام: ولا عليكن روحين وانا شاغطي عليكن

رانيا نبعت وحبتها: يووو جعلني فداش يا عمة اما انتي امانة انش تبردي القلب

آسيا بحماس: اويلي ويلاااااه هذه عمة والا بلاش

سارة: ايوة عمة لش من الجهتين عمة عرطة

آسيا شلت الوسادة ورجمتها: اذا ما وريتش يا بقرة
.
.

فـي امريكــا

العيال يمشوا ومافيش اي شي يرجعهم للمدينة وقفوا بتعب واخذوا نفس شوية وقاموا وبعد مدة جلسوا واكلوا شوية ماعدا يزن اللي من بعد ما حصل ماعاد ياكل شي ويشرد كثير ورجع قاموا ووصلوا للخط يوقفوا السيارات ولا حد وقف لهم وبهذه المنطقة مافيش وسائل نقل ايجار ، الشمس قتلتهم وكل واحد يعرق من كل شعره شافوا شاحنة ويزن قفز لقدامها وياشر بيداته الثنتين لما وقفت الشاحنة

يزن صرخ: الى اين ستذهب

صاحب الشاحنة: الى نيويورك

يزن: هل تسمح لنا بالصعود معك بمقابل اجرة من المال

صاحب الشاحنة: يبدو لقد وقعتم بمشكلة حسنًا فليس بجانبي الا مقعد لشخص واحد احدكم يصعد بجانبي والبقية بالخلف بجانب البضاعة

يزن شكره: شكرًا لك سنصعد جميعًا بالخلف

طلعوا كلهم وراء وطبعا مفتوح وبين الشمس والبضاعة جنبهم واياد مد ارجله ومرتاح وياسر يطابزه واياد احيان يدعمم عشان يرقد واحيان يضاربه وداليا تضحك عليهم ويزن مش معاهم خالص

ياسر رفس إياد: انا قم اجلس قم تمدد ساع الوالدة

إياد زبطه: يااخي ما عليك مني

داليا رشت فوق وجهها ماء: اصاه صرعتونا فوق ما صرعتنا الشمس هذه

اياد شل قطعة قماش من البضاعة ورجمها: اهجعي سكتي هذا وفكيني منه

ياسر ضربه: والله ما تفتك قم قامت قيامتك

داليا رجعت ترجم إياد: وانت قم صدق ماهو هذا، دخلتي مكان الولاد يااختي

ياسر ميت ضحك: ياسين عليش

إياد قام وشل البضاعة ويرجمهم الاثنين: الله يقلعكم يا حمير

ياسر يضحك ويرد الضرب وداليا تدافع ويزن مش معاهم ابدا لبعد نص ساعة ويزن صحصح وشاف للشاحنه مجعوثة وممهودة قد كل شي متطاير

يزن فتح عيونه وعصب: ماهو هذا يا جن ماهو هذا؟؟  الآدمي تجمل وطلعكم معه هكذا ترفسوا بضاعته لكم بقرة ترفسكم رفس لكن

ياسر ضحك: اهيي صباح الخير يا ابن عمي

يزن بعصبية: لا صبحك ولا عافاك
صرخ اكثر: يلا رجعوا كل شي على ما كان
.
.

فــي الليــل

وصلوا لنيويورك يزن حاسب صاحب الحافلة بس رفض انه ياخذها اخذوا تكسي وراحوا للبيت


فـي بيـت ابـو اياد

ابو اياد اقتهر: يعني بترجع اليمن بعد ستة اشهر

ابو ياسر: ابوك فرض علينا

سحر مقهورة: وكيف نقنع إياد اياد مستحيل يرضى

ابو اياد: ماعاد فيش خلاف بيرجع اليمن مع عمه يعني بيرجع

ابو ياسر: انا ما هميت شي ربع ما اهم إياد وكيف نسوي معه

سكتوا لما سمعوا صوت الباب ينفتح شافوا الشباب واستغربوا

ام يزن: يوه مالكم روحتوا مش الرحلة اسبوعين

يزن طنشهم كلهم وراح لغرفته وداليا كمان راحت لغرفتها حتى ما راحت تشوف امها من الضيق كل ما تذكرت جان

ياسر يخرج ما يشتيش يشوف ابوه: بروح البيت تاعب اشتي ارقد
تركهم وخرج

إياد جلس: ......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 56 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


ياسر يخرج ما يشتيش يشوف ابوه: بروح البيت تاعب اشتي ارقد
تركهم وخرج

إياد جلس: ما عليكم منهم تاعبين المهم خربت الرحلة وروحنا

خلس الشنطة اللي فيه حاجاته ووقف: وانا تاعب تصبحوا على خير

الكل مستغربين: وانتم من اهل الخير

يزن في غرفته مش قادر ينام يكتوي بنار الانخذال الانكسار الخيانة اللي تعرض لها تمردت دمعته للمرة الثانية تقلب عشان ينام وينسى وجعه بس عبث الهرب من نيران الاحتراق اللي تسكن بين نبضات قلبه بهذه اللحظات عدل جلسته وهو يتمنى لو هو باليمن لو يعرف عيال عمه وعمته او على الاقل يتواصل معاهم
.
.

في اليوم الثانــي

في العصر هاني وحسام باسلوبهم قنعوا الجد يخرج للمقهى وعشان يشغلوه راح رامي وعزم الحج محسن والكل في المقهى

البنات لبسين بسرعة واستشورين شعرهن استشوار خفيف لبسين البوالط ونزلين معاجلات

سارة لبست الشبشب (اكرمكم الله): بنات البسين الشباشب مابش وقت نتضارب مع الكوتشات يلا

رانيا: نخرج بالكعب ليش عاد الشغلة

آسيا لبست شبشب: ما باقي الا هي نخرج بكعب عاد الله اعلم كم بندور القاعة

رانيا لبست الشبشب وخرجت بعدهن وهن مش عارفات وين يروحين طلعين فوق باص شافين العنوان ان القاعة في السائلة كلمنه يوصلهن للسائلة وصل صاحب الباص ووقف نزلين وحاسبنه وهن منزلات خنن البراقع عشان وكل واحدة بيدها دعاية فيهن جزماتهن وملابسهن مثل الشاقيات وماشيات بالشباشب ومنظرهن يرثى له

سارة تمشي وشافت شباب يشوفوهن ويتهامسوا ويضحكوا شافت انهم يشوفوا لارجلهن شافت لارجلهن كيف اشكالهن بالشباشب وبدون شعور ضحكت

رانيا: مالش يا مصروعة

سارة: قد ايفكرونا خرجنا نشحت اللهم لا شماته

آسيا شافت الشباب يتهامسوا ويضحكوا واقتهرت وهي تضحك واصلين طريقهن يمشين طوالي طوالي طوالي ولا وصلين للقاعة ضبحين وقفين وسألين واحد

رانيا: لو سمحت تعرف وين قاعة الـ.......

الرجال: في نهاية السائلة

البنات بصوت واحد: شكرًا

اسيا اقتهرت: يعني نشتي باص الآن

مر باص وسارة بسرعة وقفته

سارة: لنهاية السائلة

صاحب الباص: ايوة اطلعين

طلعين لما وصل لنهاية السائلة ونزلين حاسبنه ومشي

سارة راحت لعند صاحب البقالة: لو سمحت يا عم تعرف وين قاعة الـ.......

صاحب البقالة: في نهاية السائلة

رانيا شوية وتنجلط: ايوة هنا

صاحب البقالة: لا نهاية السائلة من الشق الثاني

اسيا اقتهرت: ماهو يعني على الاقل الآن ثلاث مشاوير

اقتهرين وكل واحدة تلعن الثانية شافين قد الساعة خمس استأجرين باص كمان لما وصلهن للقاعة نزلين بسرعة ودخلين للقاعة وقد الساعة 6 الا ربع

صالح شاف الساعة: هيا نروح عشان شوية واذن مغرب

حسام توتر ورسل رسالة لآسيا يسألهن لو رجعين لكن اسيا ما ردت وزاد توتره وحسام اشر لهاني بمعنى انها ما ردت

رامي يشتي يصلح الوضع خربه: اجلس يا جد عادو بعيد الاذان بعدين ضروري نسير البيت نخطى للجامع على طول

صالح رفع حاجبه: وليش ما نروح البيت ايش في

هاني بدون شعور: الله يلعنك يارامي

صالح: ومالك تلعنه

وقف: يلا بعدي ولا واحد منكم يحاول ينطق بحرف واحد

التفت ومشي وحسام ضرب رامي ورامي كاتم صوت صياحه وخطيوا بعد جدهم وهاني طول الطريق يتحلف لرامي

@rewayatyamania المصدر الأول للروايات

في القاعــة
آسيا بهررت: سااارة مابش وقت ايأذن الآن ايش اتخلسي خلينا ندخل هكذا نشوف روان وخرجنا

سارة خلست البالطو: والله ما ادخل هكذا

رانيا تحمست بدلت ودخلت والبنات دخلين اول ما شافتهن روان دمعت عيونها من الفرحة

روان مش مستوعبة: كيف جيتين

سارة ضحكت: هربنا من البيت

نجاة طلعت للكوشة وصرخت: يا كلبااااااات ايش جابكن

آسيا تضحك: شكله مش مرحب فينا

نجاة حضنتهن وهي فااااارحة من قلبها: انا مصدووووومة

رانيا: قرحنا ارجلنا مثل السرق

الكل: هههههههههههههههه

اسيا غمزت لروان: ايش هذه الحلاوة من القمر اللي اتجنن نجيب اليوم

روان اقتهرت من كلامها بس ابتسمت مجاملة: صدق حالية

رانيا تشوف نجاة بكامل حلاوتها: هات يابي هات يسسستتتتررررر

نجاة تلف: قمر صح ناقص العريس اللي ما رضي يجي

رانيا: ولا عيجي يا صاحبتي

الفنانة: نتوقف الآن لبعد اذان وصلاة المغرب واللي يحب العروسة يسمعنا احلى زغاريط

رانيا وآسيا وسارة بصوت واحد: لاااااااااااا

سارة نبعت من عند الكوشة للارض: جدي والله ليقتلنا

البنات حملين بعدها وكل من في القاعة يشوفوهن كيف يتطايرين ومستغربات لما سارة تكحولت بشيشة واحدة واكتسرت الشيشة ما اهتمت سارة وقفت ومشيت بسرعة والمرة تصيح وتسب وتلاعن

المرة: قلللللةة ذووووق وقلة حياااء ماهو هذا بنات هذا الجيل

آسيا نبعت بعدها: احنا آسفات

رانيا بعدهن وبلقااانة: اصاااه هي شيشة

خرجين يبدلين ونجاة وروان ميتات ضحك

روان شافت لنجاة:......





📚 @rewayatyamania  🇾🇪

.

البـارت 57 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


خرجين يبدلين ونجاة وروان ميتات ضحك

روان شافت لنجاة: اقسم بالله ودفين

نجاة نزلت: شاسير ابسرهن

تركتهم واعتذرت من المرة وقالت لها انها بتجيب لها شيشتها بدل اللي اكتسرت ومشيت لعند البنات شافتهن كيف كل واحدة تلبس بالطو الثاني واللي تلبس البرقع قلب وترجع تفكه وتتبرقع وهي فاطسة ضحك عليهن شافتهن خرجين الشباشب وانصدمت

نجاة تمسك بطنها من الضحك: جيتين بالشباشب يا مصروعات

رانيا مستعجلة: الله يصرعش بضحكتش خاطرش

نجاة ما وقفت ضحك: الله معاكن انتبهين لنفسكن

سارة تخرج: حاسبي المرة قيمة شيشتها اللي كسرتها شرجع احاسبش

نجاة: لا تهمي شدي لها شيشتي بدل شيشتها تحمد ربها شيشتي نحاس واحلى من شيشتها اللي قدها ملصقة من كل زوة

ضحكين وخرجين ماعاد انتبهين لشي شافين تكسي وطلعين وقالين له عن البيت وكل واحدة تدعي ان جدهن راح للجامع طوالي وما روح للبيت

@rewayatyamania المصدر الأول للروايات

فـي بيـــت صالـح

صالح دق بعصاته في الارض بعصبية: انا قلت وين البنااات وين البنااااات

أم هاني بخوف: رر رراح راحين العرس

صالح عصب وجنن جنونه: عرس أيش ومن وداهن وبأمر من خرجين؟!!

الكل ساكت وأم هاني تجمعت الدموع بعيونها وأم إياد وأم حسام كل واحدة متوترة أخس من الثانية

التفت للعيال وهو بينفجر بالعصبية: ونخرج المقهى ونجلس مع الحج محسن وانتوا بتخبوا عليا على الأقل واحد منكم يوقع رجال وكان يروح يوصلهن لكن مش الآن حسابكم، الآن وقت صلاة حسابكم بعد الصلاة
رفع أصبعه بتهديد: بعد الصلاااة
.
.

البنات فوق التكسي سارة شافت محل آيس كريم: وقف وقف وقف وقف

صاحب التكس وقف: ما وصلنا

سارة: دارية ممكن تريع لنا هنا خمس دقايق بس

آسيا شافت محل السكريم: سارة يا منعاه والله إنش بتجمعي لنا المصايب جِمَّاع قد ودفنا الآن من تحت راسش وناوية تكمليها

رانيا بخوف: يووووه نفسي بسكريم والله بس جدي

التفت لعند سارة: سارة وين هذه البنت

آسيا ألتفتت وشافين مكان سارة فاضي

سارة في باب المحل: بسرعة مابش وقت

آسيا بتحسر: ياااااارب صبرني ولا تجلطني

رانيا نزلت: قد اسمنا أنتصبن اليوم خلينا ننزل نأكل سكريم لأنو اليوم التصبين بكلوركس تعالي نبرد قلوبنا شوية

آسيا نزلت وهي تتحلطم: يا بنات عمي طه قد قلوبكن ثلج من يومه أيش عاد أتبردين أكثر

سارة: تعالي بس هيا

دخلين المحل وجلسين طلبين أنواع مختلفة من السكريم وصل الطلب وبدأين يأكلين

سارة: آسيا وين تلفونش هذا أبو خمس كيمرات على الأقل هاتي نتصور ذكريات والا هوكة على الفاضي

آسيا بقلق : أيش نصور ذلحين وقته

رانيا: أيوووة أيوووة وقته إبسري مااحلانا بالشباشب أمانة صوري يدنا وأرجلنا

سارة: شوفي الكشخة يا آسيا حرام تروح على الفاضي

آسيا طلعت التلفون وفتحت الكاميرا: يلا أقربين نصور كشختكن والله بنزلها حالة وأخلي بنات الدفعة كامل يضحكين على الكشخة

رانيا: جعلهن فدا لنا

آسيا صورت وخرجت من الكاميرا شافت إتصالات حسام ورسايله وقامت بررعب: بنات بنات  هيا نكمل السكريم فوق التكس شرق والله لو يخرج جدي من الجامع وعاد إحنا ما وصلنا بيقتلنا مش بس يصبنا

سارة قامت: يلا أنتين إخطين وأنا بحاسب وألحق

خرجين بسرعة وسارة حاسبت وخرجت وروحين صلا البيت
.
.

فــي أمريكـــا
إياد ميت من الضحك والكل يشوفه ومقهورين من ردة فعله

إياد خف من الضحك: أنا أنزل اليمن وأروح بيت جدي وأنتم من صدقكم تطلبوا مني هذا الطلب!!!
أبو إياد ماسك نفسه من العصبية: أنا مااطلبش منك أنا اأمرك أمر

إياد شافه بحدة: أنت يابه على عيني وراسي بس اليمن هذه إنساها والله لو هواها علاجي ما أدخلها

أبو إياد عصب: إياد إحترم اللي قدامك

إياد شافه وشاف عمه: محترم لكم بس طلبكم ثقيل عليا الوطن اللي تركني بطفولتي والأهل اللي رجموني الله الغني عنهم
مااشتيش نقاش ولا عاد تحاولوا تقنعوني والله مانا رايح لا تتعبوا أنفسكم

قام وتركهم بحالهم

أبو إياد تنهد: وأيش الحل الآن!

يزن شافهم وحابس شعوره بقلبه تمنى لو إنه مكان إياد تركهم وراح بعد إياد وأبو إياد شاف لعند يزن وهو فاهم لشعوره وتنهد كذلك أبو ياسر وياسر حسه عند يزن

أم يزن أقتهرت على إبنها تركتهم ولحقت بعد يزن وياسر لحقها

أم يزن دخلت لغرفة يزن: يزن أنا فاهمة لك...

يزن قاطعها: سهل يمه لا تهتمي محد عارف وين الله طارح ليزن مش مرغوب يمه بين أهلي

ياسر أقتهر من كلام يزن: إحنا أهلك يا يزن إحنا والا مش مكفيين

يزن أبتسم بحسرة: أنتوا أهلي ومكتفي بكم بس بنفسي جدي يعترف بي بنفسي أعرف أختي وبقية أهلي من حقي هذا الشيء والله إنه من حقي

الكل سكت ويزن قلبه بينفجر بينما إياد بغرفته بيفكر كيف يتخلص من زنهم عليه بأنه يرجع مع عمه اليمن
.
.

فـي صنعـــاء ....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 58 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


فـي صنعــاء

صالح دخل وأبو هاني وراه والعيال بعدهم وعيون الحج صالح تتنقل في البيت وهو يشوف قدامه بس أم إياد وأم حسام وأم هاني

صالح بغضب هادئ: عادهن ما وصلين!!

الثلاث بنفس حركة الرأس بمعنى لا وهن منزلات رؤوسهن

سارة نزلت ورجمت لصاحب التكس الزلط رجم والبنات نزلين بعدها بسرعة ودخلين لحوش البيت

سارة بخوف: مستعدات للبهذلة

آسيا حاسة قلبها بيوقف وبتوتر: عاد ضميرش ذكر إنه يرجع

رانيا تهدئ الوضع: بنات قوين قلوبكن وإقرأين آية الكرسي وسور المعوذات والفاتحة

سارة قاطعتها: وياسين ودخلنا القبر

آسيا قفت ورجعت لوراء: مع السلامة أنا قررت أهرب من البيت

رانيا مسكتها من شعرها من فوق الطرحة وتسحبها بعدها: هيا بس خبالة يا جبانة

سارة تلحق بعدهن وهي تحس يدها ثلج

صالح بعصبية صرخ شاف لعند الشباب: روحوا روحووووووهن مابتفعلواا هانا، هذين شرفكم وعرضكم للآن للآن ماهلهن وأنتم جالسين ولا أديتم حركة تفووو عليكم

الشباب وقفوا بيخرجوا

@rewayatyamania المصدر الأول للروايات

رانيا دخلت على كلام جدها وبحركاتها البريئة وهي ترمش بعيونها: روحنا يا جدو

الشباب شافوهن وآسيا تفك نفسها من يد رانيا وتضربها ووقفت زي الألف جنب رانيا قدام جدها وسارة جنبهن وعم الصمت لثواني

صالح شافهن وبغضب: كيف كان العرس يا قمارا

سارة تحمست ونست نفسها: يجنن وكسرت شيشية مرة و .....
ما كملت كلامها إلا وتحس بيد آسيا تسد لقفها

صالح بهدوء متصنع: ليش تغلقي لقفها خليها تكمل كسرت الشيشة وأيش حصل بعده

آسيا بهمس بإذن سارة: والله لو تتكلمي عن السكريم لذبحش بداله

تركت فمها وسارة أستوعبت هبالتها وبتوتر: وبس روحنا

الجد تقدم خطوة وهن رجعين بنفس اللحظة خطوة لوراء والكل خايف ومتوتر

صالح شاف لسارة: إشرحي لي كيف كسرتي الشيشة عشان أكسر رأسك بنفس الطريقة

سارة سكتت بخوف وصالح يشوف لهن والعصبية بتتفجر بأي لحظة

الحج صالح صاح لمن نقز الكل: من أذذذذن لكن تروحيين العِررس، وييييينكن لهذا الساااااع،
الحج صالح مشع أذن آسيا: أنتييي الكبيييرة حقهن كيييف تخرررجين بلاااا محرررم هااااه، ماعاد في لكلامي إعتبار

آسيا بكت: والله ياجد آخر مرررة آخر مرررة والله مانعيدها، والله مانعيدهااا

رجع لفت لرانيا وسارة: أنتييي وياها مافيش واحددة عاقلة تراااجع الثاننية، أنا هكذذاااا ربيتكن ترجعين لي بعد المغرب

الحج صالح أخذ الباكورة وضربهم عليها

"ملاحظة: مش هذاك الضرب المبرح بس عشان توقع لهن ويحرمين يخرجين بدون إذن، شي طبيعي بأي بيت متشدد يحصل ضرب، مش معناه ضربهن من كره ، لا من حبه وخوفه عليهن"

البنات يبكوووا ولا حد تجرأ يدافع عليهن

الشباب حسوا بتأنيب الضمير وهم يشوفوهن يبكين

البنات ببكاء: والله آخررر مررة ياجد والله آخررر مرررة ما نعيدها

الحج صالح: خليتوني أستخدم معاكن الضرب وأنتين كباررر إن عييب أضربكم وإن الواحدة بطولي، ولا تحسبوا بمضيها لكن، والله عاد مرررة ثاني تخرجوا بدون إذني لأكسر أرجلكن فاااهماااات 

البنات بفجعة يهزوا رؤوسهن بمعنى تمام

الحج صالح: يلا إطلعين صلين وأرجعين لهنا

مشوا من قدامه وهن يبكوا، دخلوا غرفتهن يبكيين

أم هاني دخلت لغرفتهن: هكذا تقلقني هكذا، يعني مافيش معاكن أم هنا على أعصابها

رانيا تمسح الدموع: والله يماااه مش بقصدنا أتأخرنا، ضعنا يماه ضعنا

أم هاني خبطت وجها: ضعتييييين يا مصيبة واللي كانت عتوقع

سارة: اهئ اهئ هذا نحنا يماه روحنا

أم هاني: أقسم بالله تعيدوها مرررة ثاني لقتلكم أنا قبل جدكم لو كان أنخطفتوا لو كان وقع فيبكن حاجة، من وييين نجييب علمكن، لولا جدكن برد قلبي بضربكم كنت ما أشتفي بواحدة منكم

صالح صرخ: صلين وانزلين وإلا والله لطلع أكسر الخيزرانة في جلودكن

آسيا تسمعه وتبكي ع دخلة أمها

أم إياد بقهر: أيش هذا يا آسيا أين كنتيين؟ الله المستعان هنتووو عليك تخليني بقلق لبعد المغرب

آسيا تبكي: مش برضانا يماه ضعنااا

أم إياد بشهقة: ضعتييييين، شفتييي آخرتها لوييين كنتين عاد تضيعين وأنتين ماتعرفين مكان، لو وقع بك حاجة أنا أيش كنت بفعل برووحي هااا أيييش، والله كنت ما بسامحك لا دنيا ولا آخرررة، وخرجتيين بدون محرررم

آسيا بغلب وقهررر: محرررم أيششش محرررم أيشش تتكلموا علييه، أينهم محااارمي اسكه قووولي أينهههممم لو كانوا متواجدين ماكنت عايشه هنا كأني بسجن، عرررس ورحنا وأبسسط حق من حقوقنا يسمح لنا لكن كل شي ممنوع ممممنوووع أيش يممنوووعوووا نأكل ونشرررب ونرقد ونتمهررر وعلييهااا

أم إياد بإستنكار من كلامها: وأيششش فيها حياتنا إحمددي الله غييرك مش واصل لها

آسيا ضبحت: غييررري غيرررري، هو كذا آخر حقه التشديد، هربنا وكنا  بنضييع

أم إياد: وبسبب من بسبب غبائكن....





📚 @rewayatyamania  🇾🇪

.

البـارت 59 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


أم إياد: وبسبب من بسبب غبائكن

آسيا صاحت: بسببه بسببه هووو اللي يشدد علينا وآخرته كنا بنضيع، لو كان خلا واحد من العيال يودينا وروحنا أيش بيجرا له أيييش

أم إياد: قومي صلي الآن مش وقت البكاء

@rewayatyamania المصدر الأول للروايات

تحت عند الحج صالح

رجع يشوف لعند الشباب بغضب: وأنتوا قدامي للحوش يلا يلاااا

هاني خاف من العقاب: يا جد صلِ على رسول الله

الجد تقدم وضربهم بالباكورة وهم هربوا للحوش: قلت قدااااامي

خرج بعدهم للحوش وصيح: طه تعال

خرج طه وهو قده غاسل يده من تصرفات العيال: عارفين عقابكم يلا إخلسوا جواكتكم

حسام: يا جد برد يا جد خلي هذا العقاب لأيام الصيف

الجد بعصبية: اخلسوا

العيال خلسوا الجواكت وحسوا بالبرد وطه شلهم وطلع

الجد: هاتوا مفاتيح سيارتكم وبتجلسوا شهر بدون السيارات وبدون صرفة ومااشتيش يوم واحد تغيبوا عن جامعتكم سيروا رجل تعلقوا دبروا أنفسكم واليوم مابش عشاء وأنا سامر لكم في الطاقة وأحد يخرج أو يدخل البيت بعلقه أسبوع في الخزانات

رامي: يا جد زفة روان راكنين علينا

الجد عصب: ما عليكم بزفة روان خالك والعمال حقنا حق المحلات ما بيقصروش والسيارات جاهزة ومحد بيقصر معاهم خلوكم مرتاحين هنا وبس

البنات نزلين وهن يشوفين لجدهن سكتة ووجوههن مورمة من البكاء

الجد شافهن: بتحتبسين في مخزن البدروم  وبدون عشاء وبدون بطانيات

البنات توقعين هذا العقاب وما ردين على جدهن وصالح راح فتح باب المخزن وهن دخلين سكته وخرج الجد وغلق عليهن الباب شاف العيال واقفين بقعتهم ورافعين رجل ويداتهم الإثنين

رامي بتعب: قوانين المدرسة حق معاقبة رفع اليد والرجل أبصم لكم بالعشر إنها فكرة جدي وقوانينه نشرت من عهده

حسام: تقدر تسكت والا أسكتك الآن أنت وصوتك هذا يا سعم تشاورنا حتى جدي سمعك

هاني: اسكتوا أنتوا الإثنين

صالح بعصبية: إسكتوا كلكم وأنا الآن بطلع واحد منكم يتحرك بتتكسر هذه العصية بظهره

الشباب سكتوا وكل واحد يشوف للثاني ويرجعوا يشوفوا جدهم لما طلع ماهي إلا شوية وشافوا طاقة غرفته أفتتحت جلس فوق الكرسي وهو يشوف لهم

البنات في البدروم وفي بالبدروم طاقة صغيرة مرتفعة لكنها تساوي مع مستوى أرض الحوش بس صعب يوصلين للطاقة وهي صغيرة وفيها حدايد سود مثل حدايد أبواب السجن شافين لعند براميل الذرة والدقيق وبدأين يزحزحين البراميل لتحت الطاقة وطلعين لما وصلين للطاقة شافين أرجل الشباب واحدة واحدة والثانية مرفوعة وضحكين

سارة بتوعد: والله لعاقبكم أخس، ضربتنا ما تروح للقاع

آسيا ضربتها برأسها: ما تروحي لش من المقالب وبعدين معاقبين كلنا بسبب دهدهدتش وعادش بتعاقبيهم المفروض هم يعاقبونا

رانيا مسكت فم آسيا: ماعليش من هذه اللغجة اسكه إمسكيها وأنا أقول لش كيف

سارة شافت رانيا: خليش أنتي ماسكة لها
شافت لعند العيال وخرجت يدها وقبصت هاني

هاني صرخ ونزل رجله الثانية: اااححححح

رامي وحسام شافوه: أيش في

هاني شاف لعند جده شافه مشغول بالقلص اللي بيده وبسرعة رفع رجله

هاني بتوعد وهو راصص على أسنانه: والله لو تعيدنها لكسر يدكن

سارة خرجت يدها بتقبص حسام لكن حسام كان أسرع ودعسها لما صاحت

سارة بصياح: أييي يا حيوووان فلت يدي فلت فلت راكن إنك خفيف يا حيوان يدي أندهست

حسام زاد الدعسة لما زاد صراخ سارة: آخر مرة والا أكلم جدي وأخليه يعاقبكن أخس

سارة تصرخ: خلاص خلاص خلاص آخر مرة والله إنها آخر مرة

حسام رفع رجله: وين آسيا

آسيا بعدت يد رانيا وضربتها: هذا أنا

حسام: أنا ليش جبت لش التلفون هاه أتصل وافعل رسايل وأنتي مدعممة

آسيا: والله ما أنتبهت إلا وإحنا فوق التكس

سارة ماسكة يدها وشوية وقدها بتبكي: لا تصدقهاش كانت تقول طز فيه والله ما أرد

آسيا دهفتها من فوق البرميل للأرض: تشتي دعسة ثانية قولي

سارة مسكت ركبها بوجع: إذا راحت لش يا كلبة

رامي صيح: مالرانيا اليوم مابش لها صوت

رانيا: أصاه بس بين أفكر كيف ندفى برررررد

رامي: فكري الله يجعلش تفكري عمرش كله لاقدش أتسكتي هكذا

رانيا تشوف حولها وتفكر وبصوت واطي: مش وقتك
.
.

في بيت أميـر

أم أمير: ملاك وينش

ملاك خرجت من غرفتها: موجودة

أم أمير: إنزلي سوي العشاء

ملاك تنزل: طيب

نزلت ملاك وأم أمير دخلت غرفتها تفتش وتقلب في المكان ما حصلت شي وخرجت
.
.

عنـد الشبــــاب
زياد: عمي طه فعل لنا رسالة قال نزف بنت عمي كامل

أمير أستغرب: والشباب!

زياد قام وهو يضحك: معاقبين

أمير ضحك من ضحكة زياد: ياليل الليل ياليلاااه
.
.

في أمريكــا

داليا جالسة في الصالة وهي كل حسها عند ياسر ويزن وإياد ولكن بكثرة مع يزن

أم داليا: داليا وين حسش يا بنتي

داليا صحصحت: ولا مكان

أم يزن جت: صلحت لنا كيك وحلويات لو نعدل الجو ......


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 60 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أم يزن جت: صلحت لنا كيك وحلويات لو نعدل الجو

داليا لقيت فرصة وقامت: بروح أصيح للشباب

تركتهم ودخلت غرفة إياد لقيت ياسر وإياد

إياد بعصبية: يا ياسر روح لك مني يا أخي غلق الموضوع قلت لكم اليمن والله ما أدخلها ولا أشتي أعرفها

ياسر: يا إياد شهر بس إذا ما حبيت الوضع أرجع لأمريكا يااخي لا تكسر كلام جدي

إياد ضحك بقهر: جدك مالي دخل فيه أما أنا مافيش معي أحد باليمن من هذاك اليوم لما تركوني وتخلوا عني وكأني مش إبنهم من هذاك اليوم وقعت مش إبنهم فعلاً

داليا لأول مرة تتدخل: إياد عشان أمك وأختك

إياد بوجع: أمي سحر وماعنديش خوات عندي أخ واحد هو داخل غرفته حزين بدل ما تجلسوا عندي روحوا عنده

ياسر تنهد: داليا أمانة شوفي يزن وأنا بجلس أشوف هذا العنيد متى بيغير قراره

إياد ضحك بإستهزاء وتمدد فوق سريره: حاول لما تشبع

داليا تركتهم وراحت لعند يزن دقت الباب ما جاوب فتحت لقته جالس فوق سريره وحسه بعيد وملامح الحزن مرسومة عليه رسم

داليا دخلت وجلست قدامه: يزن

يزن شافها وما رد عليها

داليا تنهدت: بيجي اليوم اللي يعترفوا بك

يزن بنبرة قهر: متى يا داليا!

داليا بحزن: مااعرفش لكن صدقني هذا اليوم بيجي

يزن شاف للبلكونة: بنتظر عمري كله وبالأخير ما بيجي

داليا وقفت: قوم عمتي صلحت لنا حلويات يلا قوم خلينا نغير جو الإكتئاب هذا

قام يزن وخرج راح لغرفة إياد

يزن دخل: ياسر منك صدق جالس تقنعه

ياسر ضحك: غبي صح لكن مصيره يقتنع

يزن شافهم: يلا إخرجوا خلونا نسمر

إياد قام بفرحة: الحمدلله فكة من مكة

ياسر خبطه بظهره وخرجوا كلهم للصالة عشان يسمروا مع بعض

@rewayatyamania المصدر الأول للروايات

فـي صنعــاء
الشباب تاعبين ورافعين أرجلهم ويرجفوا من شدة البرد ورانيا جلست بيأس بعد ما حاولت تدبر شي يدفوا فيه وسارة جالسة ماسكة يدها بوجع وتدعي على حسام وآسيا تلف وتدور بالبدروم وهي مكتفة نفسها من قوة البرد

رامي بتعب شديد شاف لعند جده: هذا الشيبة بيرحمنا أو مع

حسام رفع رأسه بتعب: لا تريعش

هاني أبتسم: شباب معي خطة

حسام ورامي بنفس الوقت: أيش

هاني: واحد مننا يمثل إنه دوخ من التعب هكذا جدي بيرحمنا

رامي: خلوها عليا

حسام: إسكت أنت بالذات تخرب الشي بدل ما تصلحه

هاني: أنا شادوخ

حسام: يلا

هاني أرتجم والجد شافه وقلق ونزل بسرعة وحسام ورامي راحوا يمسكوا هاني

رامي يمثل بإبداع: هاني هاني قوم قوم يااخي قوم

حسام عايش الدور والقلق: هاني إصحى هاني رامي هات ماء

رامي دخل للبيت بسرعة وأخذ بالقلص ماء والجد وأبو هاني خرجوا لعند هاني

البنات قامين من الصياح بخوف وطلعين فوق البراميل وقلقين لما شافين هاني في الأرض مدوخ

الجد مسك هاني: ماله

حسام: دوخ

أبو هاني حضن هاني: هات ماء

حسام: راح رامي يجيب

رامي جاب الماء ولكن قبل ما يرشوا هاني جاء لهاني العطاس وعطس ثلاث عطسات متتالية

الجد شاف لهاني بنص عين رجع يشوف للشباب والجو يعمه السكوت وأبو هاني نفخ بضبح من حركاتهم وهاني يشوف لعند جده متوتر وحسام ورامي يلعنوا بداخلهم والبنات أرتاحين إنه كذب

صالح بعصبية: وتكذبوا كمان
شل القلص من يد رامي وسكبه فوق هاني لما زاد رجفة هاني من البرد

صالح قام: والله لو تتحركوا حركة بس إن العقاب بيكون أخس والآن إرجعوا وارفعوا يدكم ورجلكم

رجعوا مكانهم والجد وأبو هاني طلعوا والبنات ضحكين والشباب يشوفوا لهاني بنص عين

هاني ضبح: مالكم تشوفوني هكذا

حسام: أخبل ما تقدر تمثل حتى

هاني: كيف أمسك العطسة إسكه قول لي يا حاذق

رانيا فاطسة ضحك: إكذبوا على العالم ولا تكذبوا على جدي بتنكشف كذبتكم

شافوا لعند أبو هاني لما خرج وعرفوا إنه بيروح يزف روان
.
.

فـــي القــــاعة
الكل لبس واستعد لحضور موكب الزفة ولبسوا روان اللي ماعاد تحس بنفسها من قوة الحزن والتوتر والخوف من إنو يتكرر لها الماضي لبسوها وماهي إلا دقايق أعلنت الموكب حضورها بضرب الهونات وإطلاق الألعاب النارية

نجاة: يلا روان قومي

روان قامت وبصوت مكبود: خلاص ماعاد فيش أمل

نجاة أقتهرت: بتتعوضي وبتشوفي يا عيوني

روان ما بكيت على فراق أهلها ولا عاد بحسها من شي قد ما حست إن هذا بيكون موكب جنازتها مش موكب زفتها

قدام القاعة الكل فوق السيارات منتظرين خروج روان

أبو روان: وين العيال

أبو هاني تنهد: معاقبين

أبو روان ضحك: والله إني بين أرحمهم عند أبوك

أبو هاني ضحك: أيش نسوي حكم القوي على الضعيف

أمير أخذ سيارة همدان وهو فوق السيارة أما زياد فوق سيارته وأبو همدان فوق سيارته وبعض العمال حق أبو هاني جوا بسيارات هاني وسيارة حسام وسيارة رامي وأبو هاني جاء بسيارته وسيارة هاني وحسام ورامي كل واحدة مزينة زينوهم........


https://tttttt.me/rewayatyamania/53778



📚 @rewayatyamania  🇾🇪

💜

بـارتـات يـومنـا الاثنيــن 👆🏻😍

.

البـارت 61 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


جوا بسيارات هاني وسيارة حسام وسيارة رامي وأبو هاني جاء بسيارته وسيارة هاني وحسام ورامي كل واحدة مزينة زينوهم الصباح كذلك سيارة أبو روان أربع سيارات كل واحدة زينتها مختلفة وأحلى

سمعوا صوت الزغاريط والشباب أحرقوا الدنيا بالقريح وروان خرجت وطلعت فوق سيارة أبوها ونجاة جنبها أما الباقيين توزعوا على السيارات الباقية وانطلقوا صلا بيت العريس
.
.

فـي بيت صالــح

رامي شوية ويبكي: يا جماعة شوفوا لنا حل

رانيا ترفع صوتها: نعيش ونشوف

رامي بقهر: أنتي بالذات عملي معش
شاف لعند الشباب: ما يتجملين

حسام غاسل يده منهن: أبداً

هاني رفع صوته: معاقبين من تحت راسكن يا مصايب

رانيا فارحة إن عقابهم أشد: جعلنا مصايب فوق رأسكم طول العمر يارب

حسام: الله يوصلني أزفش لبيت زوجش حرام يا رانيا إنو عليا المهر والله لدفع له المهر عشان يشلش أنتي بالذات ونخلص

رانيا قربت من الطاقة أكثر: يا حسام أيش رأيك تفسخ من آسيا وتخطبني

آسيا شافتها: بدأ تأثيرات البرد يجيب مفعوله عند رانيا

رانيا شافتها: فديت الغيرة بس

حسام: والله لو يدوش بلاش أنا مجنون أفلت العاقلة حقي وأشل مصروعة

رانيا ضحكت وآسيا أنحرجت من كلام حسام

سارة صفرت: وحقش يا آسيا حقششش فديت المستحية

آسيا أنحرجت: إسكتي يلعن شكلش

حسام ضحك: يا جد سمعت التصفيرات

سارة خافت: حسام هذا أنا بين أقول حقها

حسام: لا تحرجيها وأنا أسكت

رانيا شافت لحسام رجعت تشوف لآسيا بنص عين: ماقد بينكم انتوا الإثنين ومخبيين علينا واحد يدافع والثاني ينحرج

رامي: رانيا إرتاحي هو تأثيرات البرد بس

@rewayatyamania المصدر الأول للروايات

فـي بيــت نجيــب
الزغاريط من بيت نجيب في إستقبال روان والقريح من السيارات ومن جهة العريس والدنيا تحرق ولكن أكثر شي محترق بهذه اللحظات هو قلب روان أما نجاة تبكي لأن روان راحت من بيتهم أما أم روان فهو كالعادة في بيتها بسبب العادات ولكنها تبكي لأن البيت فرغ من وجود روان وأبو روان يسوق وهو حابس دموعه

نزلوا أخوة نجيب وأعمامه وكلهم يحوطوا قدام الباب بالستائر عشان دخول روان ونزلت روان وهي ما تسمع لا الزغاريط ولا القريح كأنها تمشي بدون روح مسكنها أم نجيب وأخت نجيب ودخلنها لغرفتها وهي مش حاسة بشي

ساعدين روان تخلس عبايتها وجلسوها فوق سريرها

أبو روان مسكها: روان خلاص إرضي بالقدر يا بنتي ومن الآن حياتك بتتغير للأفضل وبتشوفي إني فعلت كل شي لمصلحتك

روان ما ردت شافت لعند نجاة وهي تبكي: خلاص وصلتوني الآن روحوا

أبو روان أنصدم: روان!

روان بقهر: تخلصت من العار والسمعة الآن روح وافتهن

أبو روان سكت وهو حاسس بها حبها برأسها ونزلت دمعته: الله يوفقك
تركها: الآن بخرج وبيدخلوا أهل زوجك أنا قد وصيت زوجك عليش لو أذاش بكلمة أبوش موجود

روان طنشته بقهر وأبو روان مسك نجاة وخرجوا وماهي إلا شوية وارتفعت الزغاريط والقريح لمجيء نجيب

أخت نجيب دخلت وحطت الطرحة على روان: نجيب الآن بيدخل خليش هادئة

روان ما أعطت أي أهمية أو ردة فعل ونجيب دخل وأخت نجيب أبتسمت له وخرجت

نجيب وقف قدام روان: مبارك لي فيش يا قرة عيني

روان سمعت كلامه وقلقت ونجيب مسكها ووقفها حط يده على رأسها وقرأ سورة الفاتحة ودعى الله فيها وفتش لها وابتسم برضى من جمالها

نجيب برضى: سبحان اللي خلق

روان خافت وتوترت أكثر وما ردت

نجيب حب يدها كإحترام لها أنها أصبحت شريكة حياته: بخرج الآن تكمل السمرة وأرجع وإذا تاعبة إرقدي عادي ولا تتوتري أنتي من الآن تاج رأسي وبتكوني أميرتي اللي برضيها بالناس والدنيا

روان أنحرجت بدون ما ترد ونجيب خرج وهي جلست مش مستوعبة كلامه ونبرة حنيته فجأة شي بسيط بقلبها تغير وهو المشاعر اللي ما عرفت أيش هو
.
.

فــي فجــر اليـــوم الثانـــي
وفـي بيـــت صالـــــح

الجد نزل وشافهم بنص عين: يلا بنروح الجامع نصلي

الشباب نزلوا أرجلهم وهم حاسين بتعب موت وإرهاق شديد بسبب السهر يحسوا رجلهم اليمين مورمة من الوقفة عليها بس مشيوا بخطوات بطيئة توضح كمية تعبهم

طه نزل وراح فتح البدروم للبنات عشان يخرجين يصلين

أبو هاني: إطلعين صلين وارجعين لهنا نخرج من الجامع وأنتين هنا

البنات بصوت واحد وبقهر : حاضر

رانيا بقهر: شفتين الغنم اللي يخرجوهن الصباح هو نحنا

آسيا وسارة ضحكين

آسيا: الله يهديك

سارة: قده أحسن مايكسر عظامنا بالرغم إنه أنضربنا

رانيا: اسرعين نلحق الصلاة

راحوا للجامع يصلوا والبنات صلين وأول ما كملت رانيا شافت سريرها واغترت راحت تدفى وغرقت في نومتها على طول

سارة سلمت وقامت عطفت السجادة شافت رانيا وراحت هزرت البطانية: عادها جت ترقد وتدفى هيا قومي قبل ما يرجعوا من الجامع......





📚 @rewayatyamania  🇾🇪

.

البـارت 62 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


سارة سلمت وقامت عطفت السجادة شافت رانيا وراحت هزرت البطانية: عادها جت ترقد وتدفى هيا قومي قبل ما يرجعوا من الجامع

رانيا ماعاد حست بنفسها ميته مش نايمة

سارة ضبحت: رانيا قومي

آسيا دخلت: كملتين

سارة بضبح: البنت جت ترقد

آسيا راحت وسحبت رانيا: رانيا قومي

رانيا غرقانة نوم: فلتني

آسيا ركزتها وقومتها: لو فلتناش إحنا جدش بيدفنش

رانيا قامت وهي نووووم: حسبي الله فيكن ما تخلين أحد يرتاح

تركتهن ونزلت للبدروم والبنات بعدها أما أم هاني وأم حسام وأم إياد  قامين بدلهن يسوين الصبوح

@rewayatyamania المصدر الأول للروايات

فـي أمريكــــا
أم ياسر شافت الشباب قاموا من السفرة: شبعتوا

يزن: الحمدلله بنمر الآن لداليا ونروح الجامعة

أم ياسر: ياسر روح بدري عشان نخرج نتسوق قبل ما نرجع اليمن

ياسر بدون نفس: إن شاء الله

إياد خرج والشباب لحقوه راحوا لبيت أبو إياد وإنهم شافوا داليا نزلت شغلوا السيارة وداليا طلعت معاهم وتحركوا للجامعة

هند ترفع وهي مرتاحة والضحكة على شفايفها

أبو ياسر شافها: من يوم ماعرفتي برجوعنا لليمن وفرحتك ما غادرتك

هند مش مهتمة له: أكيد بلتقي بأهلي وناسي وبواجه الماضي اللي أنت تهرب منه

أبو ياسر سكت وهند رفعت كل شي ودخلت المطبخ

هند دمعت عيونها وغمضت وهي تتذكر الماضي

أبوها دهفها بالدرج ووقع رأس هند على حافة الدرج لما حست هند بأنها أعتمت حست باللي حضنتها وهي تبكي وغمضت عيونها من الدوخة اللي جتها من قوة الضربة..... هند فتحت عيونها بدأت تستوعب من اللي حضنتها: هاجر

هاجر تبكي وهي حاضنة لهند: مافيش فايدة يا هند بتنضربي لما تموتي

هند تبكي: أموت ولا أتزوج علي

زاد بكاها وهي تشوف يد أختها حارق من الضرب اللي ضربهم أبوها

صحت من ذكرياتها وهي تمسح دموعها: قرب اليوم اللي نهرب منه إحنا الأربعة يا هاجر
.
.

فـي الجامعـــة

يزن شاف لعند لينا وطنشها ولينا مطنشة وعايشة مع جون حب مظاهر ويزن ماعاد يهتم خارجياً الكل يشوف قوته لكن داخلياً يموت ألف موته وهو يشوفهم مع بعض

داليا مقهورة: يزن طنش وجودهم

يزن بكذب: مطنش

ياسر: يا إياد إسمعني لكن

إياد ضرب الماسة بضبح: يا ياسر أنت بتغثى لغجت بالموضوع والله لضربك بدون حس

ياسر ضحك: إضرب لكن مصيرك ترجع اليمن هذا قرار جدك

إياد صرخ: ياسر لا تخليني أغلط على جدك هذا الآن

يزن وقف ومشي من مشاكلهم ضابح يشتي يكون لوحده

داليا أقتهرت: يااخي أنتم وموضوعكم هذا ما تشوفوش حالة يزن إرحموه من جهه لينا وجون ومن جهه جدكم ومن جهه يشتي يرجع اليمن ويحس نفسه منبوذ من أهله اسكه غلقوا الموضوع شوية وفكروا بمشاعره خلوا عندكم شوية دم

إياد أقتهر وبضبح: كلمي هذا اللي مش راضي يترك الموضوع

تركهم وراح يشوف يزن

داليا شافت ياسر: والله حرام يا ياسر والله حرام

ياسر مقهور: داليا أنا فاهم شعور يزن بس فكري فيها معي إياد هو بيكون سبب رجوع يزن لليمن

داليا ما فهمته: كيف

ياسر بغموض: أنا أسوي هكذا عشان يزن لأن إياد صعب وما يسامح بسهولة وجدي عشان يرضيه بيعمل المستحيل حتى عشانه بيرد عمي شرف وسحر ويزن وبيعترف بهم

داليا سكتت وهي عندها أمل إن ياسر كلامه صح

إياد وقف جنب يزن: أسألك بالله يشتوني أروح اليمن وأفلتك

يزن أبتسم بدون شعور: حيوان

إياد ضحك: أيوة هكذا إضحك من يشتي يترك يزن أمانة يعني من معي غيره رازم يخرب لي أم النوم ويسحبل بي ملان البيت

يزن تغير مزاجه من كلام إياد وفرح مسك إياد من رقبته: تعال أسحبل بك ملان الجامعة الآن
.
.

فـي صنعــــاء

رجعوا من الجامع ودخلوا للبيت

صالح شاف للعيال: يلا إطلعوا إلبسوا وروحوا الجامعة

تركهم وراح فتح البدروم: آسيا إطلعي إلبسي وروحوا الجامعة اخرجوا بدري بتمشوا رجل

آسيا بتعب: طيب

بدلوا وخرجوا وهم تاعبين ومشيوا رجل للجامعة

صالح راح لعند سارة ورانيا: إخرجين للحوش مابش لكن رقدة، تنظفيين الحووش كاامل ومااشتيش أشوف ورقة بالأرض

رانيا ناقص تبكي: الآن؟!

الحج صالح: أيووة والا مش عاجبك

سارة: شمس ياجد

الحج صالح: ماقلتين أمس هكذا وخرجتم بدون إذن!،،

خرجين البنات بدأين يكنسين

رانيا: ماهي الا لك يا آسيا

الحج صالح: سهمها مخبأ لما تروح

البنات خرجين وجلسين معاقبات للظهر وهن ينظفوا الحوش كله لما رجعوا الشباب وقد كل واحد تاعب أخس من الثاني ولكن هيهات صالح ما أستسلم وأستلمهم أول ما دخلوا

صالح شاف للعيال: أنتوا خرجوا كل عفش البيت لخارج

رجع شاف للبنات: وانتين نظفين البيت ومسحنه وغسلين أشتي البيت يلمع

رانيا وسارة ببكاء: ياجد قد نظفنا الحوش

الحج صالح: كلمتي ماتتكرر يا محترررمة

آسيا شوية وتبكي من تعب السهر والجامعة ومشية الرجل وبدون عشاء ولا صبوح ولا غداء: ياجد البيت واصل بيلمع

صالح عشان.......




📚 @rewayatyamania  🇾🇪

.

البـارت 63 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


صالح عشان يعاقبهم بس: عمكم علي بيجي من أمريكا أشتي يكون كل شي يلمع بالذات شقته المهجورة من 24 سنة

العيال شافوا لعند البنات والبنات شافين لعندهم

صالح: شقتي الوحيدة اللي ما تقربوا منها ويلا إبدؤوا الآن على شقة شقة

رامي بتذمر: بكرة يا جد مش اليوم إحنا ساهرين وتاعبين

صالح بهدوء: قلت اليوم عشان تتعلموا كيف تكسروا كلامي

دخل البيت والكل شاف لعند بعضهم بيأس

آسيا: بدل ما كل واحد يطنن لوجه الثاني خلونا نبدأ

حسام: أنا جاوع أول شي نأكل

أبو هاني شافهم: جدكم قال ممنوع تأكلوا إلا بعد ما تخلصوا تنظيف كل شي

الكل بصوت واحد بنفس النبرة: ااايييييش

أبو هاني: الأفضل تبدؤوا عشان ترجعوا تأكلوا لكم لقمة بالذات إنكم جاوعين وبدون عشاء وبدون صبوح

طلعوا وبدؤوا الشباب بشقة علي بحكم إنها أكثر شقة تحتاج لها ترتيب لجيتهم وجية ياسر

حسام بقهر: الآن بتوسخ

رامي: ياي الكيوت حقنا

هاني: حسام حشم واخلس الثوب خليك بالبجامة عشان تعرف تتحرك

آسيا: أصورك فيديو وارسل لرفأ أقول لها شوفي الرجال حقش معش مستقبل زاهر معه ما بتتعبي

هاني ضحك: مستقبل زاهر لكن الثنتين

رامي: إبدؤوا هيا عشان نكمل بسرعة أنا جاوع

رانيا: أنتوا خرجوا كل شي وإحنا نمسح وننظف، سارة تخرج تمسح العفش خارج ولما نكمل أنا وآسيا أنتوا تدخلوا العفش وإحنا نفرش وأمد ما نفرش أنتوا خرجوا حق المكان الثاني وهكذا بنكمل بسرعة

هاني: وهكذا بنموت بسرعة

سارة بيأس: يارب متى أتزوج واتخارج من هذه العائلة

رانيا شافتها وضحكت: قرحت عليش يا سارة كنا نقول جدي بيجيبني لرامي وأنتي بتخرجي من العائلة بس خلاص قرح عليش الزواجة خارج العائلة ياسر وإياد جايين الله أعلم من منهم بيكون نصيبك

سارة بقهر: أيش بيجيب أمهم هولا كانوا بيجوا بعد ما أتزوج خربوا مستقبلي

الكل: ههههههههههه

رامي شاف لرانيا: يارب تكون سارة لياسر وأنتي لإياد وأفتك منش

رانيا شافته بنص عين: عاد ما معك إلا الحاصل ويلا وريني عضلاتك عشان أشوفك تناسبني أو لا

رامي شافهم: إليك الثقة ليش أنا شايف إنك تناسبيني أنا فارح إن ياسر وإياد جايين واحد منهم بيفرع لي

رانيا تحب يدها بثقة: محظوظ من شوقع نصيبه وإن شاء الله يكون إياد أما ياسر قده حق سارة

سارة: موزعة نصيب بس بس بدل ما توزعي خلينا نشتغل

هاني بحسرة: يااارب وأنا محد يذكرني هن ثلاث بنات بالعائلة ثنتين خواتي وواحدة شلها حسام وهاني قرح جو

الكل: ههههههههههه

@rewayatyamania المصدر الأول للروايات

بدؤوا الشباب يخرجوا العفش والبنات ينظفين ويمسحين وشوية يجلس واحد والثاني يشرب ماء والثالث يتمدد بتعب والبنات رانيا تنفض وتلعن العيال وآسيا تمسح داخل وسارة تمسح خارج وهكذا لما كملوا غرفة أبو ياسر

رانيا بتعب: سارة أنتي إمسكي غرفة خطيبش

سارة شافت لغرفة ياسر: منو ياسر

رانيا: من غيره

سارة بضبح: لكن أنتي تمسكي غرفة إياد

رانيا شافت آسيا: أخته بتمسكها له

آسيا بكره: والله إنها الغرفة اللي ما بلمس خرقة واحدة من داخلها يخخ آخرتي أنظف غرفة إياد أنتين نظفنها وأنا بنظف أي مكان ثاني لما تكملين

سارة دخلت غرفة ياسر: خطيبته بتنظف أنتي إرتاحي دام رانيا هنا
.
.

في بيت روان

نجاة في الطاقة تراقب الشباب وهم يخرجوا العفش وكيف هم تاعبين عرفت إنهم معاقبين فرحت وراحت أخذت جعالة وجلست قدام الطاقة تأكل وهي تتفرج لهم وتتنمر عليهم وهي لحالها ومستمتعة بالذات لما يخرب رامي شي والشباب يضربوه
.
.

في بيت نجيـب

فتحت عيونها بتعب ولكن أنصدمت من وجوده وهو يتأملها

روان عدلت جلستها: صباح الخير

نجيب مسك يدها وحبها وابتسم لها بحب: صباح العصر يا عروسة قلبي

روان أنصدمت: عصر

نجيب قام وهو يضحك: نومش هكذا ثقيل يعني ودفت يلا يا عيوني قومي بدلي نخرج نتعشى خارج ونغير جو

روان أبتسمت بإحراج وقامت تروشت وبدلت ونزلت

أم نجيب: حيااااااا بعروستنا

روان بإحراج: الله يحييكم
تلفتت: وين ورود (أخت نجيب)

أم نجيب: جاء زوجها الصبح وشلها ماعليش من ورود أنتي إخرجي الآن مع زوجش وافتهني

روان أبتسمت ونجيب دخل

نجيب مسك يد روان: يلا شغلت السيارة وين نروح

روان بإحراج: أي مكان ونشل عمتي معانا

أم نجيب: مع أنا فدالش اخرجوا وافتهنوا وأنا هنا أسوي لعمش وأخوة زوجش العشاء

نجيب أحرج روان: يمه هي تشتي تهرب مني

روان بإحراج: نجيب إخطى

نجيب ضحك ومشي وهي معه وحست بقليل من الراحة من معاملة نجيب لها
.
.

في أمريكـا
ياسر شل أمه وخرج للسوق وإياد ويزن في بيتهم وداليا ضابحة

يزن مركز على داليا بدون ما يجيب كلمة

إياد أنتبه له وابتسم: يزووون

يزن صحصح: هاه

إياد غمز له: يارب اللي بقلبي

يزن فهمه ونفخ بضبح: يااخي البنت ضابحة وأنت حسك مدري وين

إياد ضحك وشاف داليا: .....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 64 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


إياد ضحك وشاف داليا: داليا مالش

داليا شافته: ضابحة

إياد قرح ضحك وشاف لعند يزن: هههههههههههه
وبهمس: وتفهما بدون كلام يا حركات الحب الصامت هذا

يزن بنص عين: بسك هبالة
شاف لعند داليا: ياسر وعمتي خرجوا السوق أيش رايش تروحي عندهم وتتسوقي أنتي وعمتي

داليا فرحت: تمام

يزن أبتسم واتصل لياسر

ياسر: أرحب

يزن: وين رايحين

ياسر: بنروح ...... ليش

يزن: يلا شوية أنا وإياد وداليا عندكم لاقد تبدؤوا تتسوقوا راعوا لنا بالكافي اللي قدام المول

ياسر: طيب منتظرين

يزن غلق الإتصال: قومي إتجهزي أمد أشغل السيارة

داليا قامت بفرح تغير ملابسها وإياد ضحك ونزل لعند يزن
.
.

في صنعــاء

رامي مسك المراية ونكعت من يده واكتسرت

سارة: أووووووووف أووووووووووف يااخي ما تقدر تمسك شي بدون ما تخربه المفروض أنت جدي يجيب لك إعفاء يرفع القلم عن الطفل

رامي: تعالي كنسي الزجاج بدون فلسفة

سارة رجعت تمسح: اللي كسر يلف

حسام ضربه برأسه: مسح معاهن وخلي العفش عليا أنا وهاني قدو الصدق

رامي: آسيا هاتي المكنس

آسيا صيحت: رجلك مكسرة أو مه الطريق قدامك

رامي راح لعند رانيا ومسك المكنس: هاتي أكنس

رانيا هزرت المكنس: إليك المكانس نازل ملان ماجيت إلا اللي بيدي

رامي يتريحم: إنزلي أنتي جيبي

رانيا: ماعاد تستحي على وجهك خدامتك أو مه إنزل نزلت روحك

حسام: رامي إنزل ذليت روحك أنت والكسل حقك

@rewayatyamania المصدر الأول للروايات

في بيت روان
أم روان جت لجنب نجاة: أيش تفعلي

نجاة تضحك: بين أشوف الشباب قد شقى بهم جدهم مثل ما يشقي الراعي بالحمار

أم روان ضحكت: ليش معاقبين هذه المرة

نجاة مبتسمة ومستمتعة: لأن البنات جين عرس روان

أم روان تركتها وخرجت وهي تضحك: الله يهدي الحج صالح

نجاة مستمتعة بقوة: الله يخليه العمر كله يستاهلوا أمانة
.
.

في أمريكـــا
هند مبتسمة: هذا القماش بيعجب هاجر هي تحب هذا اللون

داليا: من هاجر

هند: أختي أم هاني

داليا: هاني إبن عم الشباب

هند مبتسمة: أيوة

داليا: هاه هي أختش

هند: أيوة أختي


يزن في قسم الإكسسوارات: إياد أيش رأيك هذا لآسيا بيعجبها

إياد: أيش دخلني أنا

يزن: شله هدية لها

إياد: ما بشل لحد ولا أشتي أحد أنا بنتظر لكم بالكافي اللي قدام المول

تركهم وخرج ويزن شل الأسوارة اللي عجبته

ياسر: ليش شليته

يزن: عجبتني أشتيها لأختي إن إياد راح اليمن يجيبه لها وإن ما راح أنت جيبه لها مني
شاف لعند ساعة عجبته وأخذ عطر: وهذا من إياد لها إن ما راح قول لها الساعة والعطر من إياد والإسوارة من يزن

ياسر أبتسم له بدون ما يرد

يزن عجبه طقم: وهذا لخالتي أم إياد

وأخذ سلسين نفس الشكل هادئ وأنيق: هذولا لسارة ورانيا

وأخذ بعض هدايا كمان لعمه طه ولهاني ولحسام ولرامي ولأم حسام ولأم هاني منه ومن إياد وياسر أخذ هدايا كذلك هند بمساعدة داليا أختارت أجمل الأقمشة والهدايا للكل
.
.

فـي صنعـــاء
والساعة 10 تحديداً في الليل

آسيا أرتجمت: وأخيراً كملنا

رانيا بتعب وإرهاق: إفسحي لي جنبك ماعاد فيني من نزل لشقتنا

سارة جنب آسيا من الشق الثاني أرتجمت ورقدت على طول

كذلك الشباب تناذقوا في الصالة كل واحد أختمد نوم بعد سهر يوم كامل وعقاب وبدون أكل وشغل وكرف البيت كله نظفوه وخلوه يلمع مثل ما طلب جدهم تماماً

أم هاني دخلت لعند البنات: رانيا آسيا سارة قومين كلين يا بناتي قومين

البنات: ......

أبو هاني دخل: مالهن ما يقومين

أم هاني مقهورة: تاعبات قوي والا ما بيرقدين وهن جاوعات

أم حسام جت وتحاول تصحيهن بدون فايدة

أم إياد مقهورة ماسكة آسيا: هيا قوا يا بناتي قومين كلين

آسيا شوية وتبكي: خلونا نرقد مانشتيش

شافوا لعند بعضهم بقهر ووقفوا أول ما شافوا صالح دخل

صالح شافهن مرجومات نوم وحالتهن حالة ماعاد بدلين ولا غسلين وأثر الصابون والغبار فوقهن ويداتهن ممهودات أقتهر عليهن بس ما بين

صالح: ما رضيين يقومين يأكلين

أبو هاني: لا تاعبات قوي

صالح: خلاص خلوهن يرقدين إفعلوا العشاء للعيال

أبو هاني: أول شي نشوفهم بيقوموا والا ارتجموا زي البنات

الجد نزل يصحيهم: حسام هاني رامي قوموا اتعشوا يلا

هاني بتعب ونوم مش عارف بشي: مانشتيش خلوني أرقد

صالح: رامي قوم

رامي في سبات

صالح تنهد: حسام يا حسام

حسام: ........

صالح رجع يصحيهم: طيب إطلعوا ارقدوا غرفكم لا تجلسو هنا

الشباب: ........

صالح أتنهد: جيبوا بطانيات ودفوهم

أم إياد وأم هاني وأم حسام خرجين البطانيات ودفين الشباب رجعوا طلعوا يدفين البنات والكل مقهورين إنهم ناموا تاعبين وبدون أكل من أمس الليل وأولهم الجد بس مكابر ومش موضح هذا الشي أبداً
.
.

فـي صبـــاح اليــوم الثانــــي

فـي صنعـــاء......





📚 @rewayatyamania  🇾🇪

.

البـارت 65 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


فـي صبــاح اليــوم الثانــي

فـي صنعــاء
الجد بيصحيهم للصلاة راحوا يصلوا والكل كملوا يصلوا وأم هاني وأم حسام فعلين الصبوح وأم إياد رتبت كل شي والكل قدم على السفرة

الشباب والبنات يأكلوا دلا دلا وهم تاعبين ومرضانين بسبب الشغل يحسوا عظامهم مكسرة تكسير

صالح: اليوم محد بيروح دوامه إجلسوا ارتاحوا واليوم كل واحد يقول أيش بنفسه يأكل وطه بيجيب لكم كل الطلبات وأم حسام وهاجر ورقية بيطبخوا أنتين إرتاحين

البنات فرحين بس فرحة تعب والشباب كمان مثل وحطوا كل اللي بنفسهم بالغداء وفعلاً الكل بدأ يجهز للغداء على ما يشتوا العيال

حسام بتعب: أح أح اليوم مباراة المنتخب ضد المنتخب السعودي

سارة: نشتي نشوف

آسيا: أيوة

الجد سمعهم: هاني إبحث على قنوات المباراة اليوم مسموح لكم تشوفوا للمباراة

الكل صرخ بفرحة: ييييييي

الجد بعصبية: إسكتوا والا ببطل

الكل سكت وهم فارحين والجد راح شقته وهاني راح يبحث عن قنوات المباراة بالتردد وطلعهم وحماسهم للمباراة يفوق كل تعبهم
.
.

فـي أمريكـــا

ياسر دخل: أيش هذا النشاط يا يزن

يزن حط الشكلاتة على الكيك: اليوم مباراة المنتخب اليمني ضد المنتخب السعودي تعال صلح التنفاش أنت

إياد يحط المكسرات على الصحون: أنت بأمريكا قول فشار يابو يمن

ياسر ضحك: والله لو بالصين العرق دساس

أم يزن دخلت وتضحك: إخرجوا إخرجوا وأنا وداليا بنسوي كل شي

يزن: صلحت لكم أحلى كيك من يد يزن الليلة بتكون يمانية

داليا: راكن الفوز

يزن فارح: الكأس يماني هكذا قلبي يقول لي

ياسر ضحك: شوفوا الكيكة اللي فعلها

الكل قدموا يشوفوا وضحكوا وهم يشوفوا علم اليمن على الكيك

إياد: متحمس الولد حرام عليكم

يزن يحط اللمسات الأخيرة وهو يرقص بهبالة: لا ميسي ولا محمد صلاح
.
.
في صنعاء وبنفس الوقت

آسيا وسارة ورانيا وهاني وحسام ورامي: حيوا اليماني بارتياح
.
.

يزن زاد حماسه: فيك الفخر فيك النجاح
.
.

الشباب في اليمن: واسعد جماهيرك نعم
.
.

يزن علا الصوت: 1 2 3

الكل بأمريكا وباليمن بصوت واحد وبحماس قوي: أولي أولي أولي

يزن: 1 2 3

الكل زاد حماسهم: منتخب يمننننني

يزن: يا كل دولة ومنتخب

الكل: إبن اليمن فيه العجب

يزن: لعب الكرة عندي طرب

الكل: حيوا اليماني يا أمم

يزن: 1 2 3

الكل: أولي أولي أولي

يزن: 1 2 3

الكل: منتخب يماني

@rewayatyamania المصدر الأول للروايات

فــي كــــل لحظة وفي كل ثانية وكل يمني في كل بقاع الأرض أمام الشاشات منتظرين لعب المنتخب بكل شغف وكل حماس وتشجيعهم مع المنتخب سواء فازوا أو خسروا وصولهم للنهائي أكبر فخر رغم ظروف اليمن القاسية اللي تمر فيها وطننا الحبيب ولكن في هذه اللحظات الكل ناسي وضع البلد والكل ناسي كل مشاكله الشخصية والكل بس متحمس ومتوتر للعب المنتخب ومن ضمن جماهير هذا الوطن الحبيب هم جماهير بيت الحج صالح وبيت أمير وعند الشباب وبيت نجيب وبيت أبو روان وكمان الكل اللي هم خارج الوطن ومن ضمنهم بيت أبو ياسر وبيت أبو إياد والكل مجتمعين في بيت يزن يعلن المعلق الصوتي بدأ اللعب ويبدأ حماس الشعب

يزن بحماس: حيووا اليماني
الكل ضحك: حيووووه
يزن: حيوووا اليماني
الكل: حيوووووه
.


فـي صنعــــاء

حسام: حيوووا اليماني

الكل ماعدا الجد صالح لأنه ما يشوف المباراة: حيووووه

أبو هاني: وطوا أصواتكم بعدين بيجي جدكم يطفي علينا

الكل تفاعل بصمت وبهذه اللحظات كل الشعب يتابع بحماس

مر الوقت وكان أول هدف يمني والكل صرخ بحماااااس

يزن يتنبع وياسر قفز لفوق يزن وإياد يرقص وداليا تتنبع بفرحة: ههههييييييييييي

هاني رفع الشال وهو يرقص وحسام يصيح بفرح ورامي يتقلب والبنات يصيحين

هدأ الجو وبدأ اللعب من جديد والكل فارح وكذلك مر الوقت والمنتخب السعودي هدفوا هدف وعم الصمت واللي سكت بقهر واللي حبطت معنوياتهم

يزن بقهر: سهل سهل باقي وقت يارب هدف ثاني للمنتخب

الكل: يارب

جاء الهدف الثاني اليمني والهدف الثاني السعودي وانتهت المباراة بالتعادل وأعلن المعلق عن الوقت الإضافي لكن بدون فائدة أنتهى أيضاً بالتعادل بعدها بدأت ضربات الترجيح

سارة بهمس: أعجبت بوضااااح

آسيا: بس بس حفظتها منك من تحت عينك تكسر تكسير

رانيا بقهر: آسيا أشتي أتزوج وضااح

آسيا شافتها: أيش رأيش اقول لعمي يزوجش هو

رانيا: أوووصصص مفضوحة

سارة مسكت يدها بتوتر: أنا فدالك يا وضاح إمسك عليهم الكرة الفوز والأمل كله بك

آسيا ضحكت: تمام سمعش الآن

سارة ورانيا: أشششش
.
.

في أمريكـــا

إياد بحماس: يااخي أنا أفدي وضاح وأنور وعبدالرحمن وكلهم لعبوا لعب حريقة

داليا: الآن فوزنا وفرحتنا بيد وضاح الله يثبته بس

يزن: أص أص بدأت الضربات

الكل سكت وبدأت ضربات ........


https://tttttt.me/+Ecxq_OzMYh40M2E0



📚 @rewayatyamania  🇾🇪