روايات يمنية📚🇾🇪
22.9K subscribers
591 photos
39 videos
14 files
10.8K links
قنواتنا:
قناة روايات يمنية📚🇾🇪
@rewayatyamania

ارشيف القناة📗🗂
@archiveRY
@ArchiveRY2

قناة سلي على قلبك للنكت🤣🤪
@nokat23

قناة قصص باللغة الانجليزية📖✏️
@engstory23

للتواصل عبر البوت
@YemRewBot

🔥مااحلل من يحذف رابط اومعرف قنواتي ليوم الدين🔥
Download Telegram
This media is not supported in your browser
VIEW IN TELEGRAM
9👀2💘1
#انتظرونا مساء اليوم

   ومع آخر بارتات قصة

            قلوب منكسرة



📚 @rewayatyamania 🇾🇪
👍23🤔5🔥4💔42👀1💘1
This media is not supported in your browser
VIEW IN TELEGRAM
3👍1💘1
This media is not supported in your browser
VIEW IN TELEGRAM
🥰53👍2💘1
This media is not supported in your browser
VIEW IN TELEGRAM
4👏2💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 61 ``


قلـوب منكسـرة 💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


بعد مرور شهرين قررت حنين تدخل المعهد ودرست دبلوم كامل لمدة سنتين

ياسر: فين انتِ يلا بسرعه جي دراسة ما منها فايدة

حنين: مالك ماقد به

ياسر: مالي العيال يشتوا تذاكري لهم

حنين: ماناش مقصرة بين اذاكر لهم كل درس بدرسه وشغل بيتي مهتمه به حتى أنت مايسبر الا تقهرني

ياسر غلق السماعه في وجهها عاد هي ترد عليا

حنين وصلت البيت وكان ياسر يصمم بيت ويكلم صاحب الأرضيه قالت فرصه اكلمه يصمم لنا بيت

ياسر جالس والكمبيوتر جنبه جلست حنين جنبه

ياسر أبسرها: ماقد تشتي

حنين: مارأيك تصمم لنا بيت وتشتري
ارضيه وتعمرها العيال بيكبروا ومابش معاهم غرفه يجلسوا فيها

ياسر: مش وقت ما شافلت أبي وحده مابش معش هدار سيري أبسري عيالش معاهم واجبات ووائل ما بيقدر يربط الحروف

حنين سارت تدرس وائل وجلست تذاكر دروسها

@rewayatyamania المصدر الأول للروايات

بعد شهر

ياسر: ابن عمي عرس بنته الأسبوع الجاي ادوا لش دعوة سيري مش وقت الدراسه عيب

حنين شافت الدعوة وقالت: اسهل هو يوم الخميس


سارت العرس ورفهت عن نفسها شويه

أم العروسه: حيا بحنين عاش من شافك قد لي منش خيرات

حنين: ألف مبروك لابتهال عقبال البكاري لا بيت من زوجتوها

أم العروسه ناديه: ناس أغنياء معاهم محلات وصياغه ذهب وفضه هم معروفين في صنعاء بيت ال..........

حنين: المهم ألف مبروك أنا مااعرفهمش


ابتهال تبلغ من العمر 17سنه طويلة وجميله نوعا ما أمها تحب الفشر والفلوس ما يهمها بنتها المهم فلوسهم

بعد سنه من زواجتها عمتها حصلت بينهم مشاكل

ناديه: أشتي بيت لوحدها بنتي ما تجلس عند عمتها توريها الويل

عصام: ياعمه انت داريه أني وحيد أمي بعدما أبي اتوفى عيرجع كل هذا لنا أعصي أمي ترجع تحرمني من الورث خلينا بس نجاريها

نادية: قد شرطت عليكم من البدايه قلنا يلا خليهم سنه عند أمك بس البنت تعبت أمك ما تخلي لها حالها

عصام: مايكون الا كل خير (عصام عمرة 28سنه وحيد أمه)


بعد مدة دخل في البورصه بمبلغ كبير

أمه: يا ابني أنتبه عتضيعنا قد لنا سنين نشقى وأبوك جت له جلطه من ذمه البورصه لوما خسر فيها

عصام: لا تقلقي يمه ما عيوقع شي

ابتهال: أشتي مصروفي المليون ما تكفيني اشتري ذهب وملابس ضخمه أسير المحلات الفستان الواحد بخمسين الف لازم تزيد لي المصروف

عصام: حاضر من عيوني بس اصبري لوما تزيد لنا فلوس البورصه لأكسيش من راسش لا رجلش هيا ماتشتي

أبتهال: ياروحي أنت نفسي تعمر لي قصر وأشتري اثاث فخم منه كله

أمه تتسمع جنب الباب هذه دخلت على طمع تشتي تشفط الولد أنا من أول ما أبسرتها ماعجبتني لكن ما أفعل ودفت قلك حبها من اول نظرة هذه حبت اسمك ومركزك وفلوسك والا أمها الرقطه كل يوم ومعاها طلب
.
.

حنين: ياسر بنت ابن عمك كيف لوما اتعرفوا على هولا الناس باين عليهم أغنياء غنى فاحش وعند من نادية باين عليها بتشفطهم شفط

ياسر: مدري او بتعيريني لأني مابش معي

حنين: أي حين قد ذكرت أنا مااشتي فلوسك الحمدلله عمري ماطلبت منك تشتري لي حتى الجزمه

ياسر: هجعيني خليني ابسر عملي

حنين: كل ما أكلمك هجعيني هجعيني أي حين نكلمك

ياسر: قومي سيري عند عيالش يلا أخرجي جالسة فوق راسي


سماح: تشتي تتزوجي قبلي ماعيقلوا الناس البنت الصغيرة اتزوجت قبل الكبيرة

سحر: مادخل الناس في الموضوع انتِ كبيرة مااختلفناش وكل شي نصيب ومن جاء نصيبها خطيت انتِ داريه كم عمري الآن وعمرش فوق الثلاثينات اي حين نتزوج وأي حين نخلف

سماح: يااختي أفهمي مايسبر هكذا سلفنا مابش زواجه ذلحين خلي كرم يراعي قد صبر سنين

سحر: ياسلام يجلس يراعي لش لوما تتزوجي لو ما جاش نصيبش اجلس لوما أعنس

سماح: أنا عانس الله المستعان عليش على كلام بتدي

تغريد بتسمعهن لانازل وهن يتصايحين: شلوكن بيتقالعين مثل الكلاب المسعورة

سليم: مالكن ياجنيات

سماح: مالنا شي سير اجلس مكانك عنسد
.
.

ناديه: يارب يتمم لش على خير يابنتي ماذلحين اوقعي مرة وخليه يكتب لش البيت باسمش وأمه كم ما كان عمرها عتموت انتبهي بس تفعل لش حاجه تخليش تسقطي كما أنا ما ارتحت لها

لبتهال: يمه عاد أنا مشرعه مااشتي اتكلم من ذلحين لوما نبسر ما هو بعدا يحلها الحلال

ناديه: شلوش تشتي لوما أمه تزوجه قد سمعتيها بنفسش وهي بتقله لو ما ادت ولد لا ازوجك تذكري والا نسيتي

أبتهال: هو يحبني حتى لو جت بنت عيكتب لي كل ما معه بس منتظرة البورصه تطلع النتيجه يعلم الله أي حين وبعدها لنا كلام

ناديه: أبسري خراجش والله لا ترجعي تندمي وأنا اذكرش

ابتهال عست بطنها: ماعليش شي كله في بابه





📚 @rewayatyamania  🇾🇪
👍397💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 62 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


حنين كملت الدراسه في المعهد

حنين: خليني أدور على عمل بدل ما اجلس هكذا كم شجلس ادرس قد درست كل المجالات ودخلت دورات تدريبيه ولوما قدك عند العمل ماتشتي اشتغل

ياسر: كل يوم ومعش دحس خليني اشتغل بعدا البيت من عيوبه له

حنين: ما بين اقصر قلت لك جرب لو ما وفقت بين العمل والبيت خلاص أخرج

ياسر سكت وقال في نفسه ترجع تشتغل وتكون احسن مني قد معاها شهايد خمس ودخلت دورات وأنا معي الهندسة والله لا تطلع من فوق رقبتي الأحسن أخليها هكذا تدرس تتواله بس عمل مابش


سحر سارت العمل لقيت كرم وشلها فوق السيارة

سحر: لاتكون تجي للشارع والله لو يبسرك أبي لا يفعل لي مشكله

كرم: كلما اجي اخطبش يرفضوا نفسي أعرف مايشتوا

سحر: يشتوا تتزوج سماح الأوله مرتبطه بها قد بين ادعي تتزوج انت داري كم قد جوا لي لاحد الآن ثلاثه ورفضتهم قد بين أخاف ارفض يقلي مدري مامعي

كرم: لو تتزوجي غيري والله لا اقتلش وأقتل نفسي كلمه وقلتها لش 12سنه من وانتِ في سادس والآن كملتي الجامعة

سحر: احمد الله اني منتظرة لك ولو أنت نصيبي عيكون مهما فعلوا

كرم: أهم شي أننا مع بعض أشوفك وأسمع صوتك ماشي هذا عيطير من مكانه وطرح يده في عقله وبعدا في قلبه

سحر: مجنون والله تنفع قصة حبنا روايه وماحصل فيها من أحداث وضحكت


سماح كانت مسترجله وماكانت جميله مثل سحر رقيقه وجمال

@rewayatyamania المصدر الأول للروايات

اسماعيل: تشتي شي من البقاله شخرج اشتري لي قات من السوق

عايشه: أيوه اشتري خضرة وزبادي ولحمه وارجع سير أشتري قات

اسماعيل خرج جلس في البقاله ساعه أشترى الخضرة ورجع يدق الباب

عايشه: من

اسماعيل: أنا أفتحي

عايشه: وين المفتاح حقك

اسماعيل: ماقدرت اديه من الجيب شلي هذا وجلس يتجابر هو وياها

عايشه: مالك جلست وين اللحمه

اسماعيل: قد أنا تاعب يامرة عجزت

عايشه: قلك عجز عادك شباب يلا سير ادي اللحمه

اسماعيل: اللحمه والقات خاطرش وخرج


اسماعيل: كيف حالك ياعلي بخير هات لحمه من العجل

علي: حاضر من العيون وجلس يذبحها

اسماعيل: أسير أشتري قات وأنت خلي الولد حقك يدق بها للبيت

علي: حاضر ياعم اسماعيل من العيون

اسماعيل: والله قد أنا بين أتعب بسرعة والمقوت بعد الرصدة جلس يراعي للسيارات لوما خطيين ويشتي يقطع سيارة مسرعة صدمته

حوشوا الناس والسيارات وقفين وقدو مرجوم اسماعيل من الرصيف الاول الى الرصيف الثاني ضربته السيارة ضربه قويه لوما نزف اسماعيل من راسه وفمه

أبن الجزار علي سار ودق الباب ومكنهم اللحمه ورجع سار المجزرة

ابن الجزار: مالهم محوشين هكذا اسير أبسر مابه خطي لا عند الرصدة
مابه مالكم

الرجال: صاحب سيارة صدم رجال وأشر لاعنده

ابن الجزار: يوه والفعله هذا عمي اسماعيل وحمل يدق باب البيت حقهم

عايشه: يوه ماقدر يفتح الباب والا نسي المفتاح هيا مه مالك

ابن الجزار: هو أنا عمي إسماعيل صدمته سيارة هناك عند الرصدة ممدد

عايشه: يوه على زوجي ياغارتاه لبست الستارة وقفلت الباب وخرجت

الرجال اتصلوا بالأسعاف الرجال عيموت من هم أهله

عايشه: أنا زوجته

صاحب السيارة الذي صدمه: يلا نشله للمستشفى بسرعة
.
.

في المستشفى دخلوه غرفه العمليات

عايشه: أشتي اتصل لعياله يجوا يبسروا ابوهم من اين اتصل

صاحب السيارة: كم هو رقمهم

عايشه ادت له الرقم واتصلت بأحمد

أحمد: ماهو في أي مستشفى جاي الآن اتصل بمحمد

محمد اتصل بحنين: أبي في المستشفى فعل حادث الآن في غرفة العمليات

حنين: ماهو يعوه ياباه اتصلت بحنان وصفيه سارين للمستشفى كلهن


اسماعيل خرج من غرفه العمليات وشلوه غرفه

حنين دخلت وأبسرت أبوها: يوه ياباه وبكيت قوي كان وجهه كله حوارق دم أسود وايديه مثل التجلط

دخل الدكتور: الحمدلله علي سلامته بس في رضوض قويه عملنا اللازم وباقي تخطيط الدماغ لوما يفوق

أحمد: خير يادكتور

محمد: من صدمه

صاحب السيارة: والله ما شفته كنت مسرع والطريق خالي وهو قفز مدري من اين جاء

أحمد دخله الحبس لوما يبسر أبوه ما يفعلوا
.
.

بعد اسبوعين خرج اسماعيل من المستشفى

أحمد: الرجال صاحب السيارة في السجن ما خليناه يخرج

اسماعيل وهو تاعب: خرجه يا ابني أنا الغلطان هو كان ماشي في طريقه وانا ما أبسرته وجت لي سومه (دوخه) ماقدرت اتوازن ومادريت الا بالسيارة صدمتني بعدها ما ظهر لي ماحصل

محمد: خلاص مابش داعي الرجال اعترف وشل أبي للمستشفى حتى دفع جميع المصاريف حق العلاج والعمليه وأحنا نحبسه

اسماعيل: سير خرجه عيب مهما كان لا نتقبح في الرجال

عايشه: صح مايسبر يا ابني قد حصل ماحصل

أحمد: تمام بعدكم وسار للقسم وخرجه

صاحب السيارة: ...





📚 @rewayatyamania  🇾🇪
👍386💘3👏1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 63 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


اسماعيل: سير خرجه عيب مهما كان لا نتقبح في الرجال

عايشه: صح مايسبر يا ابني قد حصل ماحصل

أحمد: تمام بعدكم وسار للقسم وخرجه

صاحب السيارة: والله أني نادم وحرمت اسرع في الطريق والسيارة خلاص وقفتها بس المهم كيف الوالد بخير

أحمد: الحمدلله ماكنا نشتي نحبسك بس قلت لوما نبسر ابي مايقول

صاحب السيارة: من حقكم وأنا ما شنقدكم ابدا ذلحين خلاص ارحلي وهذا رقمي لو تشتوا شي أنا موجود

أحمد: ألف شكر والمسامحة خزي أحمد من أسلوب الرجال وغادروا القسم
.
.

بعد شهرين اتحسن اسماعيل وبدأ يخرج بس للبقاله ويرجع
وكان عياله والبنات يزوروا اسماعيل دائما مافلتوه


سماح خرجت من العمل بعدما أشترت لها سيارة وكانت جنب بيت صاحب البيت حق من هذه السيارة لا أفطر التواير حقها أشتي ادخل سيارتي وهي وسط باب بيتي

سماح: العفو منك ما كانت اعرف انك تشتي تدخل حسبته دكان

صاحب البيت: هذا دكان باب حوش سيارة قلبتيه دكان

ابنه خرج: مالك ياباه مابه

صاحب البيت: هذه جت تركن سيارتها جنب البيت وعاد هي تقلي دكان

ابنه ابسر سماح من عيونها كانت مكحله وحاطه شويه مسكرة وملثمه

سماح: العفو منكم الآن شبعدها ومن حق سماح الكلام المعسول بعدما أبسرت ابنه وسارت البيت

ابنه دخلت في راسه وجلس كل يوم يراعي لها ويبسر أين تشتغل

سار سأل الموظف حق البوابه: لو سمحت من هذه الذي دخلت الآن

رجال البوابه: هذه الأستاذة سماح ال...... تشتغل هنا في الادارة

أبن صاحب البيت: تعرف أين ساكنين

رجال البوابه: ايوه في شارع ........امام بيت ال...... معروفين قوي هناك

أبن صاحب البيت: هاه ألف شكر تسلم أخي وسار

@rewayatyamania المصدر الأول للروايات

ناديه: قدو شهرش يابنتي قد أبسرتي ماهو

ابتهال: أيوة بنت عاد هي الذي تدي البنات عتدي العيال

نادية: قلت لش من يومه قلي له يكتب لش البيت مارضيتي تفهمي

ابتهال: قد أنا تاعبة مشاكل هو عمتي لو بيحبني صدق عيوقف معي

وسارت بيتها بعد أسبوع جت لها الولاد وولدت البنت

أم عصام: والله لا تتزوج ماشي ما شدفع لك قرش واحد تتزوج بنت خالك مالها جمال وكمال وبنت شابعه من بيت أبوها معاهم محلات مثلنا من قيسنا

عصام خاف على فلوسه الذي عند أمه والذي في البورصه وكل شويه بتزيد وما رضي يسحبها: حاضر تمام موافق

أم عصام: طلق مرتك هذه مااشتيها تورث ولا ريال مننا

عصام: حاضر،،، وخلا أمه تحدد العرس والاوله شلها بيت أمها بس ماطلقها وأستأجر لها بيت جنب أمها 

ابتهال: صدق أستأجرت لنا بيت ومعانا بيت أمك فعلت كل هذا على سب تخرجني من ذمتك وأتزوجت بنت خالك فوقي والله ماراحت لك

عصام: كان ماافعل اطلقش ومعش بنت احمدي الله أني ماطلقت

ناديه: خلاص أكتب لها نص بيتكم الذي فيه أمك وادي لها محل الذهب

عصام: ماهو ما بتقلين كل شي مكتوب باسم أمي كيف ابيع من غير رضاها

ابتهال: اتصرف ماعليا اشتي الذي طلبت أمي كله

عصام حط يده فوق راسه بيحس أنو ضاق بين أمه ومرته
.
.

حنين: عرس أختي قرب لازم أسير معاها تتكسى أنت داري أمي ماتت مابش معاها أحد غيري

ياسر: سيري أحد منعش

حنين: لازم يدي لي كلمه تغثيني

كانت تسير مع صفيه تشتري لها الكسوة وحددوا العرس بعد شهر

اتزوجت صفيه وسافرت مع زوجها حجه وجلست هناك

حنين: خلاص ماعاد معي أحد في صنعاء لو حنقت ادخل عند نسوان أخوتي مايشتين أحد يارب من لي سواك واتذكرت أمها وبكيت
.
.

عصام بيراقب البورصه

انخفضت انخفاض فظيع وخسر كل ما يملك دفعه واحدة

عصام: يوه والمصيبه خسرت كل فلوسي باقي فقط المحلات وأمي جننت فوقي وطردتني

ابتهال: مالك ماقد به بتكلم نفسك هكذا، ،،قلها بالحكايه

عصام: خلاص ارتاحي مابش لابيت ولا ذهب وأمي حتى مشي داريه انش علي ذمتي قلت لها طلقتش

ابتهال: مابتقول للمه تفعل هكذا وشلت المسدس وكانت توجهه لا راسه

عصام مسك المسدس وجلسوا يتهازروا: تشتي تقتليني ياطماعه

ابتهال كانت تغمض عيونها وهي تهزر المسدس من يده وضغط الزناد

خرجت رصاصه من المسدس وصوبت نحوه ومات قتيلا

كانت ناديه تبسرهم قبل ما تنطلق الرصاصه بثواني

ابتهال: قتلته أنا قتلته قتلته يمه وكان الدم ملان السجادة وهو في الأرض
.
.

ابن صاحب البيت: أستاذة سماح

سماح: أيوة من، ،،أنا أبن صاحب البيت الذي كنتي جنب باب بيتنا وقفتي السيارة

سماح تذكرت ذلك اليوم: أيوة أو تشتي أبعد السيارة من جنب الجدر.. عادي قلي اصلا مامعي الا هنا اركنها وعملي خلفكم مباشرة

أبن صاحب البيت: لا والله الله المستعان بس أشتي ازور الوالد ممكن تقلي له أني يوم الخميس أنا وأبي جايين لاعندكم نطلب منكم القرب

سماح: إن شاء الله تشرفونا بس تطلب من أختي مخطوبه لو تعمل ماعملت ما تشتي الا هو قد جوا لها امه الصلاة

أبن صاحب البيت: ...


https://tttttt.me/+Ecxq_OzMYh40M2E0



📚 @rewayatyamania  🇾🇪
👍405🤩1💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 64 ``


قلـوب منكسـرة  💔


👌🏻👇🏻 😍
📚 @rewayatyamania  🇾🇪


أبن صاحب البيت: لا والله الله المستعان بس أشتي ازور الوالد ممكن تقلي له أني يوم الخميس أنا وأبي جايين لاعندكم نطلب منكم القرب

سماح: إن شاء الله تشرفونا بس تطلب من أختي مخطوبه لو تعمل ماعملت ما تشتي الا هو قد جوا لها امه الصلاة

أبن صاحب البيت: اولا اسمي ناجي وانا أشتيش انتِ اذا مش مخطوبه

سماح بتلعثم: هاه أنا وسكتت حاضر نقل لأبي واهلا وسهلا بكم

ناجي ضحك كيف اتلعثمت ماعاد به الحدة في الكلام: تمام إن شاء الله
.
.

يوم الخميس جوا بيت ناجي وطلبوها للزواج وحددوا بعد أختبارات الثانويه


سحر: واخيرا انفكت العقدة

كرم: كيفه انفكت

سحر: أختي انخطبت والعرس بعد شهرين

كرم: أخيرا هي تتزوج وأنا والله لو يرفضوا لا اجلس لهم جنب باب عمي سليم ولا اتزحزح

سحر: خلاص ماذلحين جي وانت مرتاح قد أبي قلي من قبل لو اتزوجت اختش يجي يتقدم ابي متفهم بس سماح كانت تشبجه

كرم: خليها تتعرس بعدين أحنا براحتنا مانشتي منغصات خطوبه وبعدين عرس على طول

سحر: تمام ما اختلفنا قد خطبوها وحددوا جي اطلبني ونعمل خطوبه وبعدين نتزوج متى مانحدده أنا وانت

كرم: إن شاء الله اكلم بيتنا ونجي على طول وغلقوا السماعه

ناديه: يابنتي اهدئي انا شفت كل شي مشو انت الذي قتلتيه قتل نفسه

ابتهال: كيفه يمه وأنا مسكت المسدس بيدي وصوبته نحوه

ناديه: لا تتكلمي بهذا قدام احد الشرطه عيجوا ذلحين الجيران قد سمعوا طلق الرصاص وبلغوا قوا أسكتي لاتودي نفسك في داهيه

أبتهال بتبسر أمها وتبكي

الشرطه حوطت المكان ودخلوا عاينوا الجثه واخذوا البصمات والمسدس ونقلوا الجثه للتشريح واتصلوا بأم المجني عليه وسارت ابتهال وأمها وأبوها معاها للقسم

وكيل النيابه: مادوافعك لقتل المجني عليه عصام ال.....

ابتهال: والله ماقتلته هو مسك المسدس من يدي وما دريت كيف خرجت الرصاصه من المسدس

وكيل النيابة بصوت مرتفع: يعني قتلتيه مع سبق الأصرار والترصد

ناديه: بنتي بريئه انا شفتهم في آخر لحظه وشفت عصام ضاغط على الزناد

أم عصام: قتلت ابني تشتي تورث قلي بنفسه انو طلقها قبل ما يتزوج بنت خاله كيف ذلحين تقل أن هي على ذمته وماكان ابني يفعل عندها وقتلته

وكيل النيابه: للأسف بصمات بنتكم على المسدس وكل الدلائل تشير اليها تحبس المتهمه خمسة أيام على ذمة التحقيق

ناديه: سهل يابنتي انا بعمل المستحيل علشان الورث حقش منهم وأمه ترجع تتوسل لي

الضابطه: يلا وشلتها الحبس لوما تستوفي الأدلة
.
.

ناجي فتش لسماح حس أنها مثل الرجال ما بش فيها أنوثه يوه والودافه يلا نقضي بها لوما اجمع فلوس واتزوج واحدة ثانيه والله لا أبي يجنن

سماح: مالك بتكلم نفسك

ناجي: هاه ولا شي

@rewayatyamania المصدر الأول للروايات

بعد شهرين اتزوجت سحر وعملت عزومه في البيت جين الجيران وصديقاتها المقربات

بيت ال...... معاها ست بنات وثنتين منهن مخطوبات بس فيهن اساليب المياعه وقلة الأدب خلين الحفله هوشليه وبعدها دخلين لسليم يبتزنه وهو عجبه أسلوبهن ومياعتهن

أنهار 16سنه وأزدهار 17سنه مستاجرين جنب جيرانهم المقربين لبيت سليم وصاحبة البيت افراح طيبه قوي تحب حنين وتجلس تزورها لو تحتاج شي

أنهار: عمو سليم كيف حالك جيت ابسرك لا تشتي شي بعدما سارين بناتك

سليم: شكرا يابنتي وجلسوا يهدروا

حنين: هذولا البنات ما عجبني نهائيا شكلهن مايعات

ياسر: عادي بيجين يزورين ابي ويسيرين بس أنتِ تكبري الموضوع

حنين: ماعليا بس أسلوبهن في الكلام ماعجبني ما ارتحت لهن

ياسر: خلاص هجعينا وقومي سيري دوري ماتعملي

حنين في نفسها وأنا ما عليا منهن اجلس احرق أعصابي

حنين طلعت تتفقد عمها لو يشتي شي دخلت عليه وأنهار عنده وحدهم ويدها في صدره واليد الثانيه في يده وبتجابره بمياعه

سليم: انتو في القلب

دخلت حنين: ياعم أشتي أسال وكانت أنهار موطيه راسها وسليم ارتبك ونظرات حنين مركزة على أيديهم

حنين نزلت بسرعة وجلست وهي تنتفظ وصورتها مقلوبه

ياسر: مالش ما قد به قد صورتش اقتلبت هكذا اتكلمي

حنين ساكته لا يصيح فوقها قالت له سير أبسر بنفسك أنا قد قلت لك

ياسر: اجلسي اتوهمي أشياء مابش لها راس

حنين: طيب سدوا بس خايفه على سمعتكم بعد هذا العمر وعدى ذلك اليوم

أنهار وازهار جين بعد العصر لسليم يجلسين عنده

حنين: مابش دخله من هذا الباب لو تدخلين لا أكسر ارجلكن عيب استحين قد انتين مخطوبات لو يسمعوا والله ما تجلسين معاهم يلا اخرجين

سليم بصياح: ياحنين خليهن يدخلين

حنين: يلا اخرجين قبل ما اسمع بكن

خرجين ودخلت حنين غرفتها

أنهار وأزهار والله لا نخليها تندم على طردها لنا ويا أحنا يا هي

حنين نسيت الموضوع





📚 @rewayatyamania  🇾🇪
👍324🥰2💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 65 ``


قلـوب منكسـرة 💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


عام 2016

ام عصام سارت ترشي القاضي يدخل ابتهال الحبس وحجزت كل ممتلكات أبنها وجردتها من كل شي ماعدا بنتها رجمتها لها كل ما يطلقوا سراحها ترشيهم وترجع السجن وعلمت فيما بعد أن عندها مجوهرات وبيت مسجل باسمها ورفعت قضيه ارجاع لكن ناديه لم توافق

أخوها: يمه قوا اتنازلي عن حقوقها ما نشتي على سب تخرج البنت من السجن عاد هي صغيرة عتدمر حياتها

ناديه: والله مااتنازل لا اجلس أنا وهي في المحاكم هذا حق بنتي


وهكذا جلسوا في محاكم وأخوها يئس من أمه ترجع ما بقي لأم عصام من مجوهرات والبيت الذي أشتراه عصام لها وجالسة على ذمته مارضيت تتطلق منه

أما ابتهال دخلوها السجن المركزي بتهمه قتل زوجها مع ثبوت الأدله لكنها لم تقتله عمد وأنما ظهرت ادله تثبت براءتها من دم زوجها وأم عصام لفقت لها التهمه وزورت في الأدله وأرشت القاضي ليغير الأدله

وانتهت بابتهال في سجن النساء واصبحت حالتها النفسيه سيئة جدا
.
.

جالسه حنين في غرفتها بعدما سبرت الغداء قبل الظهر

سليم: هذه ال*** بتسير تقل عني كلام للناس والله ما راحت لها

سماح: أيوة تشتي تشوه بسمعتنا خرجهم من البيت

عمر: هي حق مشاكل انزل لها اطردها من هنا

سحر: لوما يجي ياسر ونتصرف معاها

حنين بتسمع الصياح واسمها ماقد فعلت لهذا كله اتصلت بياسر وقالت له ماسمعت

ياسر: خلاص قدني جايي الآن ونبسر ما به

وفي اقل من ربع ساعة جاء

حنين قربت الغداء يتغدوا نزل سليم بالعكاز حقه يضرب الباب

ياسر فتح: ماتشتي ياباه

سليم: هذه ال*** بتشوه بسمعتي يلا مقلع ولا أبسر لش وش هنا اخرجي والعيال يبكوا على أمهم

حنين قامت تدافع عن نفسها: أشتي أعرف مافعلت وأي حين أعرف أحد في حارتكم من يوم ما أتزوجت بناتك كذابات

ياسر لطم حنين كف في وجهها لوما ارتمت على الأرض وكتمت دموعها وأشرت لسليم بمعنى والله لا ترجع لا تحت رجلي

سليم شل مفاتيح الغرفه حقهم وطلع: لا تجلس هذه في بيتي مقلع

ياسر: انت داري وعارف ان هي ما أتكلمت نهائيا وبناتك هن الذي قالين

سليم: يلا أخرج انت وهي مااشتي تجلسوا هنا

ياسر اتصل بسماح وسحر: هكذا تعملين تفترين على حنين وانتين عارفات أن هي ما بتخرج عند أحد

سماح: من قلك أنو أحنا سمعنا من أبي كل المجبر

حنين جلست مغلقه على نفسها الغرفه هي وعيالها وياسر كان يسير العمل

حنين سمعت سليم خرج للحوش يلاعنها وعمر جنبه ابعد الكهرباء منهم خليها في ظلمي والماء قفل المحبس لوما تتربى هذه ال**

حنين بتسمع وعيونها ينزلين شلال وعيالها يبسروها ويبكوا

@rewayatyamania المصدر الأول للروايات

ياسر جاء من العمل لا ماء ولا كهرباء طلع لا عند أبوه وهو قدو ضابح: قلي ماتشتي ذلحين ليش تقطع الماء والكهرباء

سليم: يلا دور لك بيت ومقلع أنت وهي أخرجوا من بيتي

ياسر نزل: كله من سبتش فاهمه كنت اقلش اهجعي وأنتِ ولا ذلحين أبسري عملش

حنين: الله عالم أني مظلومه والله عيظهر الحق أنا متأكدة أنهن فعلين هذا كله علاسب سحر تجي هي وزوجها الغرفه هذه

ياسر: كني صدقي الأوهام حقش

سار ياسر فتح المحبس ووصل الكهرباء: يلا لفي الحاجات معي بيت بس ما قد شطبته عادو مسمت فقط حتى المطبخ والحمام ماقد جهزته نسير هناك وعنصلح شويه شويه

حنين استغربت أي حين اشترى بيت وجالسين في غرفه هي والعيال

سليم جلس يدخل أنهار وأزهار وسمعتهم حنين وهم يهدروا منها

سليم: قد طردتها من البيت علشانكن مقلع

حنين: يوه والفعله يعني هن من سبب المشاكل والهدار هذا كله واتهمني

أفراح جت تزور حنين: يوه مالكم أو قد عتنقلوا

حنين: أيوة طردنا من البيت حقه هذا بسبب حقكم المستأجرين

أفراح: تقصدي بيت ال........ هذولا بنات قليلات ادب وعمش يجي للحوش عندنا ويجلس يتجابروا معاهن ولا به حياء

حنين: قدو شيبه خرف ما يفعلين به لا تصدقي هذولا بس يشتين فلوسه بيدي لهن ويتكلمين معه بمياعه ويشلين الذي يشتين سمعتهن قالين له ان هو احسن من أبوهن الذي فلتهن

أفراح: والله ماراحت لهن لا اطردهم من البيت وخرجت

ياسر وحنين نقلوا للبيت حقهم وصلوا للبيت كان بعيد قوي خارج صنعاء ومدارس العيال في الدائري والبيت بارد ثلج أيام الشتاء وحامي أيام الصيف

ياسر أشترى سمنت وقص ورنج وبلاط ومواسير وادوات كهرباء

كانت حنين تساعده وتسمت البيت معه وكان بخيل مايشتي يدي عمال

جلسوا يشقوا فيه سنه كامله وهم بعد العصر يشقوا والليل يرقدوا وهو بارد ثلج وما كان معاهم فراش الا السرير حق صاحبه الذي دخلت عليه حنين يوم عرسها

مرضت حنين قوي وطلع لها حبوب في فمها وخارجه من الحمى

كل أسبوعين تمرض ويرتفع عليها الضغط الى 160 /120

وكانت تسمع الصواريخ تنفجر تموت من الفجيعه كان البيت جنب معسكر


https://tttttt.me/+Ecxq_OzMYh40M2E0



📚 @rewayatyamania  🇾🇪
👍328💘2
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 66 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


كانت حنين تتذكر مافعل بهم عمها سليم وتدعي من خالص قلبها وهي فوق السجادة بتصلي كم ظلموها من يوم مادخلت عندهم وكم عانت من زوجها وكلما تحصل مشكله بينه وبين أهله او حتى في عمله يصب غضبه فوقها ويطردها لو اتكلمت اتحملت كثير علشان عيالها وذاقت المر من طرد وأهانه لكرامتها عمرها ماحست معه بالأمان ،،،

ارتفع ضغط حنين لدرجه أنها دوخت وما فاقت الا والمغذيه في يدها وضربوا لها مهدئ للضغط وبعدها لازمها مدى حياتها

خرجت حنين تبيع ماتبقى من الذهب حقها لعل وعسى تستقر في بيت تشعر فيه بالأمان اشترت أثاث ومواكيت وبردات للبيت

حاولت قدر المستطاع تخليه بيت مرتب مثلما كانت تحلم من زمان

لكن كانت تمرض كل أسبوعين والصواريخ تمطر عليهم سيل في كل يوم ماشعرت بالأستقرار وأين يسيروا كانت تنام هي وزوجها وعيالها وتتشهد هل سوف تصحى اليوم التالي ام ستودع هذه الدنيا

@rewayatyamania المصدر الأول للروايات

بعد مرور سنة

ياسر: عرضت البيت للبيع وعيجي مشتري يوم الأحد خلاص جهزي الحاجات ننقل بيت أيجار لوما نبسر لنا بيت بثمنه

حنين جمعت حاجاتها والأثاث وأستأجروا بيت وسط صنعاء يبعد عن مدارس العيال مسافه بسيطه

دخلت فيه لمدة ثلاثه اشهر كانت تأذيها صاحبه البيت كل شويه تتفقد البيت لو اتكسر فيه شي

ياسر: لقيت بيت بس شعبي نشتريه

حنين من كثر ما ضايقتها صاحبه البيت وافقت ونقلوا فيه

حنين جت لها دعوة من صديقه سماح وسارت العرس لقيت سحر
هناك وسماح وتغريد

سحر سارت تسلم على حنين: حيا ماهي أخباركم

حنين: الحمدلله كلنا بخير

سحر: والله أننا زعلنا عليش طلعت هي من سوت لش المكايد وخرجتش من بيتنا ابسرتها سماح وهي جالسه عند أبي وبتشل من عنده زلط كل يوم هي وأختها

وأفراح خرجتهم من بيتها وفسخوا خطوبتهن لما سمعوا الخبر وما فعلنه بنا وبش

حنين: كنت اقلكن هن ماعجبني تصرفاتهن أحساسي بالناس ماتخيبني

سحر: أمانه سامحي أبي قدو نادم لأنه خرجكم من البيت

حنين ماقدرت تلفظ المسامحه وسكتت: قلتوا لياسر كان بيتهمني أنا

سحر: أيوه قدو داري بكل شي مافلت أبي لوما خرجتوا وكان يجي يزوره ما قلش

حنين: ليش هو بيكلمني بشي خيرة الله بعد مه ما طلعتوا لي الضغط

يلا قدو مغرب مع السلامه أسير البيت قبل ما يأذن وأبسرت سماح وما سارت لا عندها نفس طباع أخوها ياسر حقود ما يسامح وينخط ويتكبر عليا

رجعت البيت وصلت مغرب وعشاء وكانت تقرأ قرآن، ،رن التلفون

أحمد: كيف حالش

حنين: الحمدلله

احمد: معي خبر لكن لا تخافي أبي مريض قوي حصل له فشل كلوي ذلحين في غرفه العناية

حنين: يارب ارحمني برحمتك من حزن لاحزن ضاقت بي الدنيا

ياسر: ماله عمي

حنين: في غرفه العنايه فشل كلوي
.
.

الصباح ساروا للمستشفى

الدكتور خرج من غرفه العناية: عظم الله اجركم ورحم ميتكم

عايشه بكيت وحنين وحنان جت للمستشفى ودريت بالخبر واتصلوا لصفيه ونجاه ومحمد كان في المستشفى

شلوا الجثه البيت وغسلوها وساروا قبروا اسماعيل

كم هذه الحياة قصيرة يعمل فيها الأنسان المعاصي والذنوب وبعدها يذهب مع ثوب أبيض مثلما ولد
(لا ينفع مال ولا بنون الا من أتى الله بقلب سليم )
.
.

بعد مضي سنة

أحمد اتصل لحنين تجي تاخذ ورثها من بيت أمها المتبقي أما بيت أبوها رفضوا يبيعوه

حنين اشترت بالفلوس ذهب للحاجه

ياسر: ياحنين قال صاحبي الذهب عيرخص بسبب الأوضاع هاتي نبيعه

حنين صدقته وشلت الاربع البدلات حقها الذي من ورث بيت أمها ومكنته باقي بدله حق الزفاف ماسخيت عليها خلتها

ياسر جمع فلوسها مع فلوسه وأشترى بيت جديد وأجره وحنين ولا لها علم

حنين: ياسر فين فلوس الذهب لاتفرط فيها انتبه

ياسر وهو موطي راسه علشان لاتبسر حنين وتعرف أنه يكذب عليها: موجود في الدولاب لا تخافي ما عننكرش

حنين سكتت كيف يقدر يقلب الشي لصالحه
.
.

في فصل الصيف مرض أبوه وسار عنده والمطر هطل قوي والبيت اتسرب منه المطر بشدة جلست حنين تغرف الماء من البلاط وتقشع الفراش طول الليل لوحدها

جاء ياسر اليوم الثاني

حنين: سبر البيت والسقف ابسر كيف هو من المطر اتشرب الخشب

ياسر: مش وقته أنا حانب بروحي وأنتِ حسش عند البيت وكانوا بيتغدوا رجم الصحن وضرب به للأرض هجعينا والا مارأيش ذلحين

حنين خافت منه وسكتت وهي بتبسر العيال وحنبت الغصه في حلقها ودموع امتلت عيونها بدون ما تنزل






📚 @rewayatyamania  🇾🇪
👍346🤔1💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 67 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


عام 2020

جائحة كورونا

ياسر: أبي مريض سوي له غداء وخلي واحد من العيال يسير يشله له

حنين سوت الغداء ونزلته له رجع أحمد أبنها

أحمد: ولا كأن به عنده أحد البيت بعيد كم شجلس اسير وأجي لاعنده

عمتي سحر عنده في البيت ماتقدر تسوي غداء وتنزله والا مرة عمي

حنين: اسهل يا ابني ولو هو جدك اليوم أحنا مالنا شي ولوما نعجز من لنا غيركم الله يصلحك

أحمد: ماقلت شي داري أنه جدي بس تعب اجلس أسير وأجي وجدي مريض قوي قالت عمتي فيه كورونا والرئتين قدي مبيضه

حنين: كن البس كمامه لاتخرج بدونها والله يستر كيف قدو عمي

ياسر: قدو بيتحسن افضل من أول

حنين: ما شاء الله ماهذه السنة بركه المطر مستمر والبيت السقف قدو عينزل يارب افرجها من عندك

جاء ياسر: نزلتي غداء لأبي

حنين: أيوه نزلته خرج مستأجر ونسير البيت الذي أشتريته عادو جديد مسلح

ياسر: ماعجبش الباب مفتوح يلا سيري بيتكم القصر

حنين اتنهدت بقوة كلما تكلمه يقوم يطردها: لوما تكون ترجع من عند أبوك غسل يدك بديتول والبس كمامات

ياسر: داري عادي عد جي تعلمني ،،دخل الغرفه وكان كل شي مرتب ياجنيه فين حقي الأوراق يامصيبه قلت لش ارزي لش رزه ترزش

حنين: دخلت مالك بتصيح وهولا ماهن ما عاد بتبسر

ياسر: قومي انقلعي من قدام وجهي يلا

اتصل واحد من العمل: بتبسر هذا الصعلوك مافعل والله ماراحت له

حنين: ذلحين دريت ليش صب غضبه فوقي حسبي الله ونعم الوكيل

جلس مبرطم (غاضب)من حنين ولا بيعبرها وحنين ساكته شل بطانيته وسار الغرفه الثانيه يرقد
.
.

اليوم الثاني

حنين: قوم اصطبح ماقد سويت بك ذلحين خلاص مااشتي تسبر البيت

ياسر ابسرها بغضب: اعوذ بالله منش وخرج من دون صبوح مرفسه

حنين بتكلم العيال: هيا مافعلت به قلت شي

عدي: يمه قد أنتِ داريه كيف هو أبردي لش قدو بيبسر كيف البيت

حنين جلست تصطبح وسارت تسوي الغداء


في العشي

حنين: صاحبتي فعلت مؤسسة وقالت اجي اشتغل معاها لأني معي خبرات ما رأيك

ياسر: افعلي ما تشتي فين هذه المؤسسة وجلس يفكر على الأقل تلهي نفسك

حنين: في بيتهم فتحوا شقه

ياسر: تمام سيري وكم الراتب انتبهي اطلبي مبلغ سوا مش توقعي خبلاء

حنين: مدري كيف الشغل قد أحنا عنبسر

اتصلت حنين بصديقتها علياء لهم مع بعض 25سنه من يوم ما سارت حنين بعد الثانويه تدرس وشافتها هناك باك

كنا في المكتبه حق المدرسه كلنا معانا اجتماع مع المديرة

وفاء: ممكن اجلس جنبك

حنين: اكيد اهلا وسهلا اتفضلي

وفاء: يزيد فضلش من انتٍ، ،حنين

وفاء: حياكي الله وبعدها ما يفترقين كانت حنين تسير من بيتهم بدون صبوح ووفاء كانت تدي لها سندوتش وياكلين مع بعض

صداقتهن استمرت طويلا وكانت وفاء تعزمها عندهم في الأعياد والمناسبات ويتبادلين الهدايا

وفاء: انتِ أختي مثل خواتي الله يديم المحبة

حنين: وانتِ كذلك وبعدها اتزوجت حنين ووفاء وكل واحدة سارت من المدرسه بس جلسين على تواصل بالتلفون

اتصلت حنين بوفاء: خلاص زوجي وافق اجي امسك سكرتاريه وأشراف عندكن

وفاء: ممتاز جي للمؤسسة علشان نتفق ونشوف سير العمل

حنين: إن شاء الله وقفلت السماعه شعرت حنين إن الدنيا بدأت تتحسن معاها وتشعرها أنها أنسانه لها نفع في المجتمع حتى زوجها وافق من دون اعتراض

بدأت حنين شغلها كانت مجتهدة تشتي تثبت وجودها في العمل

فتحين مجموعه تواصل بالواتس ودخلين ازواجهن وفاء وأخواتها وحنين ما كانت تعرف منهم سوى أخواتها

حنين: اطلعين على هذه الملفات تفيدكن

وفاء: نشتي نعمل لوحه للمؤسسة وشعار يكون حلو مميز ياحنين انتِ درستي جرافكس تصاميم

حنين: حاضر بعمل لكن اللوحه، ، وجلسين يتعبين حنين كل واحدة تشتيها على مزاجها

حنين: هكذا والله لا نجلس في اللوحه أشهر بدون فايدة وأنا تعبت ارضيكن كلكن

وفاء: خلاص سويها أنتِ وأحنا بعدش ،،، وأخيرا انجزت اللوحه والشعار

جلست حنين تبحث كيف آلية العمل وطرق نجاحها وترسلها للمجموعة

وهن ولا رد حست أنها بتتعب على الفاضي

وفاء: معانا أجتماع جين للمؤسسة

حنين كانت تسير الصباح والعصر وكان الأجتماع يدور في المحور نفسه في كل أجتماع

لمدة خمسة أشهر وحنين مواصلات وسيرة جيه وتدفع من جيبها

وفاء: قررنا نخرج للمنظمات المانحه ونشوف لو يدوا لنا دعم

حنين: هذا افضل للجميع اعرف مؤسسات كثيرة تدعم بس نشتي ارساليات لاهناك

وفاء: تمام نجهزها ونتحرك، ،كانين يسيرين كل يوم مع الفريق ولا أحد دعم بشي

وفاء: أيش رأيكم نفتح خياطه وتعليم محو أميه وتطريز وكوافير

حنين: حلو واغلبهم وافق فتحوا والعمل أستمر وبدأ مدخول المؤسسة يزيد

ياسر: والله بتسيري بدون فايدة لا مرتب ولا هم يحزنون اجلسي اخرج لش

حنين: يمكن يدين لوما نستقر في العمل بعدين قد به مدخول لنا

ياسر: يلا عنبسر آخرتها مدري يذكرينش بريال أو حرام

https://tttttt.me/+Ecxq_OzMYh40M2E0



📚 @rewayatyamania  🇾🇪
👍437💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 68 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


سليم جاء لاعند حنين يبسر البيت كان ناوي يجلس عندهم

أبسره بيت مقلفد والمطر خلى السقف ملدن والرطوبه اكلت الخشب والغرف مابش الا غرفتين ومطبخ رجع بيته

حنين: كان بيتهيأ لي أنو عيقل سامحيني يابنتي قد طردتش من بيتي وأنه جاء فقط يبسر البيت


كان نصف رمضان

وفاء: جي ياحنين معانا توزيع للعيد حنين سارت الصباح بدري وهي صايمه جلسين للعصر وهن يوزعين

ياسر: لا ذلحين يامحترمه كنتي عتتعشي هناك عند صاحبتش بأستهزاء

حنين: ما اسوي عمل

ياسر: خلاص بطلي مابش سيرة ما منها فايدة السيرة

حنين: قوا لو سمحت نزيد نبسر يمكن يوقع لنا شي

ياسر: والله انو تعب بدون فايدة وأنا اذكرش

بعد رمضان والعيد واصلين العمل كان البيت مايخلى من التسجيل ويجين من الحارات الثانيه يدرسين ويتعلمين خياطه

وفاء: بتعيرني بحنين مالك قدي احسن مني

زوجها: أبسري كيف هي نشيطه وانتين ولا تردين عليها في المجموعه عيب

وفاء: مادخلك الحجه عندي لاني دخلت وزوج أختي معانا في المؤسسة وغارت من حنين وهي مسكينه مش عارفه ما بيدور عند وفاء

وفاء: شفتي كيف عيون الرجال زايغه

أختها: من قلش تدخليها معانا في المؤسسة حتى زوجي عينه عليها

وفاء: يوه مالهم هذولا حنين مزوجه ومشي من هذا النوع

أختها: داريه ونعرفها من زمان لكن عيون رجال

حنين: اتصلت بوفاء ولا بترد، ،وأختها ولا رد


اليوم الثاني في المؤسسة

حنين: وفاء كم قد اتصلت لش ولا تردي

وفاء بنغافه: كنت مشغوله

حنين حست أن به شي بس طنشت


ياسر: قد الذهب ارتفع قد سعر الجرام 36الف

حنين فكرت توزن حقها البدله شلتها لاعند واحد في ........لو سمحت اوزن لي هذة البدله

الصايغ وزنها وابسرها ثقيله ذهب من حق زمان شل منها اللب وخلى القشرة كان وسط البدله حبوب كبار وطرحها في علبتها زي ماهي وسارت حنين البيت وحطت البدله في الشنطه

@rewayatyamania المصدر الأول للروايات

يوم الخميس الصبح دق الباب

حنين: من

المطلبه: أنا يابنتي ادي لي لو معش شي

فتحت حنين والمطلبه دخلت بتتفرج يمين وشمال

حنين: راعي هنا وسارت تدي لها ما قسم الله وأبسرتها في المكان هاه شلي هذا

المطلبه: تسلمي يابنتي وخرجت

حنين: مالها هذة ارتبكت لوما أبسرتني وشكت يوه البدله الذهب وكانت خبتها في شنطه دبلوماسيه وسط الدولاب محد داري غيرها فين هي

فتحت الدولاب لقيت شنطتها الذي فيها الأكسسوارت الفالصو اختفت

ونكعت بطونها طلعت من فوق الكرسي واتفقدت البدله حقها الحمدلله ماعستها مشتا الفالصو والله ما ذلحين ما افتح لأحد وادخله

ياسر رجع للبيت وحنين في المطبخ

حنين: يلا دقيقة واقرب الغداء وبعد الغداء شلت البدله ومكنته هاه خبيها عندك في دولابك أخاف تنسرق وما كلمته بما حصل
.
.

بعد سنه اتصلت أختها تجي ولاد بنتها

حنين: تمام إن شاء الله بعد العصر

حنين: عدي جي قوي لبسني البدله ماقدرت

عدي: يلا الآن سار عدي لا عند أمه يمه كيف هذه البدله أين وجهها من خلفها

حنين: مالك مابتقول اسكه أوريك وشافتها حنين ودخنت حست أن الدم عينفجر من راسها ياسر ياياسر هذه البدله مش حقي أنا أعرفها فيها هنا حبوب كبيرة

ياسر:من قد عرتي وبدلها لش

حنين: مااعرف أحد على كثر ما بين أخرج طرحتها في العلبه وسارت الولاد وهي مقهوره على البدله وبتفكر كيف وقع بها

رجعت حنين من بيت بنت أختها وهي طول الطريق بتبكي

أحمد: يمه خلاص ما عاد تجلسي تقهري نفسش عيرتفع عليش الضغط

حنين: داريه أني ابسرتها سلم ورجعتها مكانها وطرحت يدها على راسها وجلست تفكر من شلها

حنين: ياسر انت متأكد انك طرحتها بقعتها انت ابسرتها بعدي

ياسر: ما أبسرتهاش طرحتها وبس في الدولاب
.
.

اليوم الثاني الجمعة

حنين بتغسل الثياب سمعها ياسر وهي تهدر يعلم الله من سرقها

ياسر بصياح: يعني من هو اتكلمي أنا شليتها والله لا أوريش عملش وجلس يلاعنها وخرج لاعند أبوه

حنين: كان من هو وذكرت أن هي سارت توزنها وما ابسرتها من بعد ما حطها الصايغ وكان مقفي وسألته حنين ما بتعمل

الصايغ: مابلا بين انظفها من التراب وكان يفكفك الحبوب

وهي مادريت مأمنه له بعض الأحيان تبيع حقها الذهب عنده





📚 @rewayatyamania  🇾🇪
👍3210💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 69 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


سيأتي يوم في حياتك لا تعرف الصديق من الغريب، ولا الحبيب من الخائن، ولا القريب من البعيد، فالكل أصبحوا بوجوه واحدة، ابتسامة في الوجه، وطعنة في الظهر

اليوم الثاني سارت حنين لاعند الصايغ بعدما صورت القلادة

تعرف هذه القلادة

الصايغ اقتلب وجهه لوما شاف الصورة مالها

حنين: ليش تفعل هكذا أنا عملت بك شي اقلك توزنها وانت تقلعها

وترجعها لي قشر ما عاد به فيها شي حرام عليك هذه قد لها 24سنه معي هذه مهري ودموعها مليان عيونها وذكرى من أمي امنتك وجيت لاعندك عمري ما بين اسير عند أي صايغ من هذولا قلت أنت أمين حرام عليك ماسويت بك

الصايغ: اتحداش تثبتي انه أنا

حنين: الكايمرا تثبت

الصايغ: الكايمرا بعد ثلاثه أشهر تمحي كل شي وجلس يتلعثم وبقدر الآن أقول انك جيتي تسرقي المحل

حنين فتحت عيونها بدهشة: أنا أشرف منك ياحرامي حسبي الله ونعم الوكيل فيك امرك الى الله ورفعت يدها للسماء امرك الى الله

خرجت حنين من المحل والدموع في عيونها وهي تدعي عليه

وكانت كلما تمشي من جنب المحل تدخل تقله هاه ضميرك أنبك

الصايغ: جالسة ترفسي قومي ريحيلش من هنا وما تقدري تثبتي بعد سنه جت تقلي سرقتها

حنين: ما السنه جالس ذاكر لكن الله موجود أمرك الى الله ورجعت البيت

ياسر جالس حانق منها ولا بيبسر لا وجهها بعدما ادعى أن هي اتهمته لمدة أربعه أشهر

حنين: وائل قل لأبوك شخرج المؤسسه، ،، متعودة تستأذن لوما تخرج

حنين خرجت وسارت المؤسسه وهي مقروحه على حقها البدله

جلست فوق الكرسي وعقلها شارد

رجعت البيت تشتي تدخل وياسر مارضي يفتح الباب

ياسر: يلا مقلع انقلعي بيتكم

حنين: افتح الباب

ياسر: انقلعي يا*** والله لا أوريش عملش

حنين فتحت بالمفتاح نسيت أن معاها مفتاح ودقت الباب

ياسر: يلا أخرجي من بيتي مااشتي أبسرش

حنين وقفت في الصاله: ماتشتي مني ذلحين شخرج مش أنا مراعيه لك ودخلت تصلي مغرب وعشاء وهي بتبكي وتدعي الله أين تسير

وكانت تجمع حاجاتها

ياسر كان عيخرج رجع من ربع الطريق ودخل يهزورها لو تشلي شي ياويلش ما معش الا شنطه وجلس في الغرفه مراعي تسير

حنين اتصلت بمرة أخوها محمد: قلي لمحمد يجي لي

مرة أخوها بحدة في كلامها: محمد خارج وين عتسيري مامعش الا زوجش لاتخرجي

حنين داريه أن هي ماتشتيها عندهم يلا بأحوالهم وما دريت بمن تتصل

أخوها أحمد زوجته طباعها شوعه وما تحبها جلست في الغرفه وغلقت علي نفسها لليوم الثاني وياسر ساكت داري أنه مابش معاها أحد تلجأ له غيره

@rewayatyamania المصدر الأول للروايات

اليوم الثاني

اتصلت بأخوها محمد وجاء من العمل لاعندهم

محمد: مالكم مابه

حنين: طردني من البيت وسمع بي الناس

ياسر بصياح: قلها مافعلت أسأل أختك

محمد: مابه

ياسر: بتتهمني أني سرقت البدله (القلادة)الذهب وهي سلمتها لاعندي بيدها وخبيتها لها وأمس تخرج من دون أذن

حنين: الله عالم أني ماقلت سرقها سألته بس انت أبسرتها قبل ما تطرحها في الدولاب وين عتجي وهي عندك وبعدا ذكرت أنه الصايغ سرقها وجيت لاعنده واعتذرت وعادو ينخط فوقي ولا يجاوبني هو دائما هكذا يفعل لو به مشكله تافهه حتى قد صبرت واتحملت خيرات وبكيت بحرقه لوما حست صدرها بيوجعها وجلست فوق السرير

وحضنها محمد وبكيت بقوة حست خرجت في حضن أخوها وجع السنين كلها

ياسر دخل يخزن ومحمد قله الآن مابش شي معاكم عيال أبسروا كيف هم مهمومين وعيب تفعل هكذا كل شويه تطردها يعني بتمسكنا من اليد الذي بتوجعنا داري اني مستأجر وأخي مستولي على بيتنا هو ومرته

ياسر ساكت: خلاص خليني اخزن بحجر الله

محمد: هاه بتطردني أنا والكل بس بأسلوب يلا خاطركم وخرج من البيت وجلس يدعي لحنين طول الطريق
.
.

العشي دخل ياسر لاعند حنين وقلها خلاص وحنين من طبعها ماتقدر تبغض أحد وتنسى بسرعة

وبدأت الحياه تسير مجراها الطبيعي نوعا ما


في المؤسسة

وفاء اتقالعت هي وزوجها ونزلت المؤسسه

حنين: مالش خير وجهك مقلوب

وفاء: مالي شي ماعليش انتِ وبعدين أبعدي اللوحات الذي صممتيهن من هنا كل شويه تقلي هذا عملي وتوري الطالبات

حنين: عادي أيش فيها قلت لو أحد يشتي اصمم له

وفاء: مدري ماقد فعلتي شويه تصاميم وكله كوبي بست

حنين انصدمت ما دريت ماتقول: نسخ لصق وعملنا كله والتعب نسخ لصق ماقد حتى شليت حق تعبي

وفاء: تعبش ماقد تعبتي فيه أحنا دفعنا فلوس وأحنا الذي أسسنا المؤسسه وأنتِ أيش عملتي ولا شي كله تطوع

حنين: ألف شكر ولا شي ماعملت جالسه سيرة جيه فقط يلا وشلت شنطتها وغادرت ودموعها بتنزل وسارت بيتها





📚 @rewayatyamania  🇾🇪
👍347💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 70 ``


قلـوب منكسـرة 💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


دخلت حنين البيت وحست بضيق خلاص ما عاد قدرت تستحمل

الإبتلاءات ليست عقاب وإنما هو إختبار للبشر وإيمانهم

سواء كانت في صور الخير أو الشر من وجهة نظر العبد لأنه لا يعلم الغيب إلا الله

وأفضل الإبتلاءت هي ماكانت بالشر من وجهة نظرنا لانها سواء كانت عقاب فهي لمن يرضي الله عنهم ليخفف عقاب الآخرة

أو لأن الله يعلم النفس البشريه فهو خالقها ويمنع عنها غضبه

أو ليقربنا منه بالدعاء والمناجاه والتودد إليه بما يرضيه 

وإن كان بالخير من وجهة نظر العبد

سواء بالصحة أو الأولاد أو المال أو المراكز والمناصب

وهذه أصعب الإبتلاءات فالغالبيه يصل إلى حد الكبر والغرور والتسلط

إلا من رحم ربي فلا يغرنك سلطان فالدنيا دواره ولذا لابد من اليقين والرضى بما  قسمه الله لك 

واعلم ياابن آدم لو إجتمع الإنس والجن على أن يضروك بشيء لن يضروك إلا بشيء قد كتبه الله عليك.. ولو إجتمع الإنس والجن علي إن ينفعوك بشيء لن ينفعوك إلا بشيء قد كتبه الله لك.. رفعت الأقلام وجفت الصحف


ياسر: مالش رجعتي بسرعة خلاص استغنين عنش قلت لش لا تجلسي تتعبي نفسش علي الفاضي ورجعتي ولا ادين لش ريال واحد صح

حنين ساكته ولا نطقت بحرف دخلت تصلي وجلست تبكي وكان ما معاها الا دموعها تريح قلبها وتناجي ارحم الراحمين

ياسر: خلاص من اليوم مابش سيرة اتركيهن وهذه صاحبتش الذي قد لها سنين معش طعنتش في ظهرش واتنكرت لش على الأقل تقول ندي لها حق تعبها

حنين ساكته وهو سار يتفقد أوراقه

بات حنيني يؤلمني
ويبعثر أشلائي
ما تبقي شيء مني
إلا فراق أحبائي
ماعدت أشعر بالأمان
ولاعاد يجذبني المكان
فقد إفتقدت مافيه
من دفء وحنان
ماعادت الأيام ترضيني
وماعاد شيء يعنيني
ولاعدت أشعر بالحياه
فقد بلغ الظلم منتهاه
ومات الحب فينا
وماعدت اتنفس هواه
ولا شيء عاد يشجيني
وحنيني بات يؤرقني
ويسرق الأحلام
قد سُرق العمر مني
سُرقت معه الحياة
وبات حنيني يؤلمني
ويبعثر آشلائي
ما تبقي شيء مني
إلا فراق أحبائي
وماعدت أشعر بالأمان
ماعاد يجذبني المكان

@rewayatyamania المصدر الأول للروايات

كانت حنين تشعر بالوحدة رجل همه الوحيد شغله وكيف يجمع فلوس

يخاف الفقر وعيشته فقر حتى لو معه يكدر على نفسه وزوجته

يعطي اولادع مصروفهم اليومي ومستلزمات دراستهم فقط

كانت حنين تجلس معه في نفس الغرفه وهو أما في يده التلفون والأبتسامات تظهر على وجهه أو يشاهد المسلسلات على جهازه اللوحي

أين أنا من حياتك ما مسؤوليتي فقط اطبخ واكنس وأنام حتى عند ما قلت الدنيا بدأت تبتسم لي فغدرتني ومن أقرب صديقه لي قلبي الصغير لا يتحمل كل هذه المعاناه

هكذا كانت حنين تتحدث مع نفسها كل يوم وحيدة دائما تبحث عن الأمان ولكنها لم تجده

ياسر: حنين جهزي الغداء أشتي اخرج معي عمل

حنين: كل يوم معك عمل أي حين فضيت لي

ياسر: ما بتهدري بتكلمي نفسك اقطبي

حنين: ناهي يلا وطرحت الغداء

ياسر جاء له اتصال من الأمين الذي بينتبه للبيت حقه الو أين الأيجار قد لك شهرين وهم مادفعوا قله يخرج

الأمين: والله أنه قال عيديه خلال هذه اليومتين

ياسر: كل مرة تقلي هذا الكلام يلا ناهي عنبسر

حنين: أنا متأكدة انه بيسرقك وأنت جالس تأمنه سير بنفسك أبسر أمورك جالس معتمد على الناس

ياسر: ماعليش ماخصش عتهجعيني والا قومي انقلعي

حنين: هذا الذي معي منك قومي انقلعي أبسر كيف أحنا عايشين

ياسر: ماعجبش لو عندش كرامه أخرجي سيري بيتكم بدل ما أخوش متربع في بيتكم بكله

حنين: ماعليك من أخوتي

ياسر: وانتِ ماعليش مني وجلس يلاعنها وخرج

.
.

عام 2023 شهر 8

دخلت حنين الغرفه جالسة وحدها مطننه ومالقيت ماتعمل

بتكلم نفسها دراسة ودرست شهايد ومعي ماهو هذا بختي يارب

مافعلت من ذنب لوما تقدر لي هذه الحياة واتذكرت كل شي مر في حياتها من خير ومن شر كانت تساعد خواتها في كل شي أن كان عرس بناتهن والا موت أحد تسير تعزي تفرح لفرحم وتحزن لحزنهم

إذا فرحت هي تشتي الكل يفرح معاها بس تلاقي الصد ما يقابلوا إحسانها الا باساءة هل طيبتها السبب

وجلست هكذا لوما رجع ياسر وكان غاضب منها ما يكلمها

حنين دخلت الغرفه وجالسه ساكته وهو فوق الأيباد والا الورق ضبحت سارت ترقد


https://tttttt.me/+Ecxq_OzMYh40M2E0




📚 @rewayatyamania  🇾🇪
👍263🥰1👏1💘1
روايات يمنية📚🇾🇪
قصة قلوب منكسرة للكاتبة: هناء عبدالعزيز
.

البـارت 71 ``


قلـوب منكسـرة 💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


الصباح يوم الجمعة

ياسر قوم اصطبح وكانت تنغزه في بطنه بأصبعها علشان يقوم اول شي ضحك وبعدها قام فجأة وأتلبس في وجهه الشيطان (خلاص نسيت ماقالت لك يااهبل وتضحك لها) قلب فجأة ودهف حنين لوما كانت عتدق راسها في فرق الجدر الزاويه قومي انقلعي من قدام وجهي انتِ مش أنتِ داريه ما بيوقع بي ورزع باب الغرفه لوما انخلع من اللوال حقه للصاله وكانت واقفه حنين تبسر ياسر وكان عينكع لا فوقها ولاطف الله عليها ابتعدت بسرعة والله انك أبليس وجهك
أبليس وراحت لها الغرفه

ياسر: عزي نفسش وانقلعي قلعوا وجهش

حنين: والله ما اجلس الا هنا لو تفعل مافعلت (داريه مابش معاها أحد)

وبتكابر ومن يومها الى اليوم وهو في مكان وهي في مكان لا يشوفوا بعض ولا يتقابلوا وتجلس فقط تبكي وتدعي اربعه أشهر وياعالم الى متى كان منتظر لها تجي تعتذر وتذل نفسها وكرامتها لكن

خلاص فاض الكيل كانت زمان علشان أولادها كانوا صغار أما الآن كلا اتحجر قلبها الرحمه والعطف الذي كان لديها أنعدم ....قلب مكسور وروح تتألم

@rewayatyamania المصدر الأول للروايات

يادنيا هاتي ماعندك

كل اللي عندك

أنا لا بكرهك ولا بعاندك

هاتي كل اللي شيفاه

هاتي أقصى ماعندك

ماأنا وحدي العمر عيشاه

يادنيا هاتي اللي عندك

هيا الأحزان دي لمين

ما أنا في الهم بقالي سنين

شايلاه أحمال احمال

عايشه العمر بحمل جبال

ومالي ف الفرح آمال

يادنيا هاتي ماعندك

هاتي كمان وكمان

ماخلاص يادنيا

ماعادشي فيكي أمان

دا أنا كل ما أتنازل

تسوقي فيها وتعملي أمثال

يادنيا هاتي ماعندك

كل اللي عندك

واقسي ولا يهمك

هيا الأحزان دي لمين

والظلم اللي فيكي

نصيبه مين

يادنيا هاتي اللي عندك

أقصي ماعندك

كل اللي عندك

واحنا ليكي مسلمين

حامدين الله شاكرين

يبتلينا ونقوله آمين

يادنيا هاتي ماعندك

شعر مصري مقتبس

لكل بدايه نهاية وسيقف نزيف قلمي سأفيق من ثمالة الحب

ومن يدري قد أعود الى عالم النور عالم الناس الطيبه الناس النظيفه قلوبهم،

جلست حنين وفي يدها دفتر مذكراتها الحزينه لا تعلم ماذا يخبئ لها المستقبل وكيف ستكون حياتها وسنينها ما تبقى من عمرها هل ستبتسم لها الحياه أم ستزيد سوء

💔  الختام

الطيبة صفة من الصفات البشرية التي وضعها الله في قلوب عبادهِ الطيبين بشكل عفوي وغير مُكتسب.. يُقال في زمنُنا هذا بأن النية الطيبة غباء كما قالوا عن الخُبث ذكاء والإبتسامة في وجوه بعضُنا البعض مصلحة وأن النقاء الذي في القلوب غباء ولم يعلموا بأنها فطرة ميّز الله بها من أحبهم من خلقه

الأنسان الطيب الذي أصبح من يتحلى بهذه الصفـة للأسف دائما مظلوم ودائما ما يعاني من الكثير من المشاكل ودائما ما يتعرض للغدر وللكذب وللخداع وللخيانة وللجرح وللتجريح وأصبح يتعرض لكل شيء مؤلم في الحياة فقط لأنه يتحلى بهذه الصفة التي أصبح يتمنى في كل الأوقات أن يتخلى عنها لكن الطبع يغلب التطبع.

#انتهت


https://tttttt.me/rewayatyamania/52819




📚 @rewayatyamania  🇾🇪
👍206🌚6💔5🤔1💘1
This media is not supported in your browser
VIEW IN TELEGRAM
5👍1💘1
This media is not supported in your browser
VIEW IN TELEGRAM
3👍3💘1
This media is not supported in your browser
VIEW IN TELEGRAM
👍54💘1