.

البـارت 33 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


بعد عيد عرفة

أتزوج محمد وحنين دخلت الأمتحان

حنين: أخيرا كملنا باقي النتيجة

زينب: ذكرى قومي محمد يلا قدو شرق

ذكرى: حاضر يمه

زينب: لو سعاد مثلش أن هي عندنا لكن يلا كل واحد ما يشل الا نصيبه

ذكرى: محمد يلا قوم عمل أشتي أكنس الغرفه

محمد قام: يلا وأصطبحوا وسار العمل

حنين: يلا يمه معي مراقبة قد أستدعونا

زينب: الله معش

@rewayatyamania المصدر الأول للروايات


في الجامعة

داخل قاعة تسليم البطائق

المشرف أخذ الاسماء ودعاهم بالاسم: حنين أسماعيل

أحمد محمد ال..........، الكل عليه الذهاب لأستلام الأوراق

رؤساء اللجان كل شخص أخذ أوراق الأمتحان وسار للقاعه المخصصة له

حنين دخلت القاعة: فين هذا رئيس اللجنه

طالب: وزعي الأوراق الوقت يمشي

حنين شافت الساعة: باقي معاكم وقت جلست تتبرقط وتحط يد على يد وتضغط عليهم ، كل واحد يجلس مكانه وسارت لا عند المشرف من رئيس اللجنة رقم 20

المشرف: أنتِ وأحمد محمد ما قد أستلم أوراقه فين سار بعد أستلام بطاقته

حنين: بس مش موجود والامتحان باقي له ربع ساعة

المشرف: خلاص أستلمي أنتِ وأخذت الأوراق وسارت القاعة

طالب: باقي خمس دقائق

حنين وصلت ووزعت الأوراق

أحمد دخل القاعة (كان وسيم جدا طويل القامة ذو لحية مرتبة وشعر أشقر يتجاوز من العمر 23سنة)

حنين ما أنتبهت له كانت تمر بين الطلاب توزع الأوراق

أحمد جلس في المكان المخصص للمراقبين

حنين كملت توزع الأوراق وراحت لمقعدها ولما التفتت أتفاجأت

حنين: عفوا من أنت وين مكانك هذا مكان المراقبين

أحمد: أنا رئيس اللجنة

حنين جلست وكانت مضطربة لأنها وشت به عند المشرف وأحمد غاضب منها أشد الغضب والنار تخرج من عيونه

حنين كانت تمر على الطلاب وشويه تسير خلف الطلاب وأحمد جالس في الأمام

طالب: أشتي ماء، سارت حنين تدي له قاروره ماء، الطالب عجبه الخبر قام رمى القلم تحت الكرسي

الطالب: لو سمحتي هاتي القلم، حنين جابت له القلم وبعدها المسطرة

أحمد وقف فجأة وكان شديد الغضب ووقف فوق رأس الطالب ورفع يده لحنين تروح مكانها

أحمد: هذا انذار لك لا تخليني أسحب الورقه وأحرمك من المادة

الطالب خاف وسلم الورقه وخرج (قد كان كمل الأمتحان بس بيعمل حركات بايخه) ،💔 حنين صغيرة لم يتجاوز عمرها 17 عاما طيبه حنونه تتعامل مع أي شخص ببراءة

خلص وقت الأمتحان وأخذوا الأوراق وأحمد رتبهن ووقعت حنين وأحمد على الأستلام وخرجوا من القاعة وشاف أسمها كاملا

خرجت حنين من الجامعة وركبت الباص وسارت بيتهم

زينب: حيا ببنتي تاعبة مه أدفي لش الغداء

حنين: أسهل يمه أنا ش أدفيه وسارت تاكل عاد أنا شرجع معي فترة ثانية أصلي العصر وأسير

زينب: لا تتعبي يابنتي قدش ضعيفه

حنين: من عيدي لنا حق مصروف وأبي قد أتبرى مننا ماكان يدي لنا حق دفاتر وأقلام للمدرسة وكنا نسير المدرسة جاوعين

زينب: أبردي يابنتي قد بين أخيط ويوقع لنا قرشين الله ما يفلت أحد

أخوش فلت البيت وسار بعد سعاد يجي يبسرنا يوم الجمعة ويسير ومحمد قدو بيدي جهده

حنين سمعت أذان العصر سارت تصلي ولبست العباية وخرجت من البيت وطلعت فوق الباص وأتذكرت أيام المدرسة(باك)

مشرفة الطابور: يلا يابنات طابور لا تجلسين تتمخطرين بسرعة

الطالبات أجتمعين كلهن وطوبرين

حنين كانت تقوم من فجر تصلي وما تاكل تجلس تذاكر وأمها راقدة ماتسخى تصحيها ومابش ما ياكلوا صبوح

حنين كانت تحس بدوار وأرجلها ما أتحملين من التمارين وحست أنها بدأت عيونها تسود والظلام يعتم كانت تفتح عيونها وتغمض وسقطت على الأرض مغمي عليها

طالبة: حنين قومي وأخذنها طالبتين لاعند الأخصائية

حنين فاقت لقيت نفسها فوق السرير

الأخصائية: هاه حنين قدش بخير مالش يمكن جاوعه أسير أدي حقش السندوتش من الشنطة

حنين: لا أستاذة خلاص أنا بطلع الصف (ماكان معاها شي في الشنطة)


حنين دقت الباب

المدرسة: أدخل وكانت حازمه ما تحب أحد يتأخر أو يدخل بعدها
من تشتي

حنين: أنا كنت عند

طالبة: هذه يا أستاذة عندنا أتأخرت

الأستاذة: يلا سيري للإدارة وأنا ش أجي أكمل الدرس

حنين: بس يا أستاذة أنا

الأستاذة: جالسة تأخريني عن الدرس أو ماهو مارأيش أدي لش قلص شاهي ونجلس نتكلم يلا للإدارة

حنين نزلت الإدارة وهي دموعها شلال في عيونها وصرخه ما طلعت

المديرة:مالش يابنتي من أنتِ وأي صف

حنين: أنا حنين أسماعيل ال..... في صف ثاني أعدادي

المديرة: وليش نزلتي عندي سيري صفش

حنين: أنا كنت عند ، ودخلت المدرسة

المدرسة حكت لها ما حصل

المديرة: سيري للأخصائية وادعيها

الأخصائية شافت حنين: مالش ياحنين جالس الدوار جالسة تاعبة

المديرة: ماهو من دوار مالها

الأخصائية: هذه حنين جت وهي أغمي عليها في الطابور

المديرة: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 34 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


الأخصائية شافت حنين: مالش ياحنين جالس الدوار جالسة تاعبة

المديرة: ماهو من دوار مالها

الأخصائية: هذه حنين جت وهي أغمي عليها في الطابور

المديرة: أيوه شفتها الصباح بس مادريت من

المدرسة: وهو أنتِ ليش ما تتكلمي يا بنتي يلا حصل خير

حنين نزلت الدموع من عيونها وسمعت صاحب الباص: يا بنت وصلنا أين تشتي

حنين شافت أنها في جولة الجامعة ونزلت ودخلت الجامعة


دخلت بسرعة للجنة أخذت الأوراق ودخلت القاعة

سهام: أنا معش اليوم نشتي نحزم عليهم لأنهم يبسروا ثنتين بنات عيخلونا مسخرة

حنين: ولا يهمك قد أتعلمت من.... وسكتت لما أتذكرت الصباح وما حصل لها

سهام: عرفيني عليش

حنين: أنا حنين اسماعيل وانتِ من،، وأنا سهام عادل تشرفنا يارب نكون مع بعض دائما ارتحت لش ،،، دخلوا الطلاب وكل واحد جالس في مقعده

حنين وسهام وزعين الأوراق مرين بين الطلاب وأثناء مرور حنين شافت للخارج كان أحمد يشوفها من بعيد كان في القاعة المقابلة لها

ورجعت للوراء حست بشي غريب في قلبها كان يدق بسرعة جنونية

أحمد أبتسم وراح يمر بين الطلاب وكل شوية يشوف الباب

حنين كانت تتنفس بعمق وتحاول تهدأ من ضربات قلبها وجلست

سهام: حنين مالش

حنين: ولا شي بس حسيت بدوار

سهام: أجلسي وأنا بمر عليهم هم هادئين ما شاء الله عليهم

خلص الأمتحان وأخذين الأوراق للجنة العليا وسلمنهن

سهام: جي نسير المقصف ناكل شي

حنين فكرت مابش معاها غير أيجار الباص: شكرا بس بروح البيت أمي عتقلق عليا

سهام: ناهي خمس دقايق عادو بدري خليني أعزمش اليوم ودخلين المقصف شربين عصير وأكلين

سهام: معش رقم تلفون نكون صديقات والا ما تشتي نكون أصحاب

حنين: ليش لا سعيدة بمعرفتك وجابت لها الرقم بس هو أرضي ماعندي تلفون محمول، وحست أن به أحد خلف الكرسي الذي هن جالسات مع بعض يسمعهن

سهام: ولا يهمك حتى أنا التلفونات عادهن ما قد وصلين لاعندنا مثل البلدان الثانيه عادهن ما يوصلين الا وقد أخترعوا تلفونات قد شبعوا الناس منهن وأحنا جالسين على الأرضي وضحكين

أحمد بالصدفة دخل هو وصاحبه يشربوا عصير وسمع صوت حنين وجالس خلف الستارة مباشرة

سهام وحنين مسكين أيدي بعض وغادرين

سهام: فين بيتكم علشان لو هو في طريقي

حنين: في شارع .......

سهام: أممم للأسف مش طريقي إذاً يا صديقتي العزيزة متواصلات عبر التلفون وكل واحدة غادرت

أحمد كان يمشي بعدهن طلعت حنين الباص وجلست واحدة جنبها وما شافته طلع بعدها وجلس خلف الكرسي الذي جالسه فيه

البنت: بتدرسي هنا

حنين: لا بس عمل

البنت: أها أيش بتشتغلي في الجامعة

حنين: مش عمل رسمي عمل مؤقت

البنت: كيف يعني

حنين: مراقبه الأمتحانات

البنت: ها بتراقبي أيش من كلية تراقبي

حنين: شريعة وقانون

البنت: موفقة فين عتسيري الآن

حنين: طريق البيت،،،

البنت: وأنا كمان فين بيتكم

حنين اتضايقت كأنها في تحقيق وسكتت ووصل الباص لطريق البيت

البنت: أنا عاد انا مواصلة الله معش،،،،

نزلت حنين وسارت بيتهم وأحمد نزل بعدها وحست حنين أن أحد يمشي بعدها والتفتت وأحمد اتخبى وراء الجدار ووصلت بيتهم

حنين بتفكر ماهو هذا شكله بيلاحقني الله يستر لوما أكمل المراقبة لو يدروا أمانة لا يعملي مشكلة من دون داعي

زينب: كم باقي لكم لوما تكملوا

حنين: يهي باقي خيرات ما قد سار الا أسبوع باقي يمكن ثلاثة أسابيع

زينب: كم عتجلسي سيرة جية أجلسي هناك شلي معش أكل هناك مصلى

حنين: ايوة به غرفة للطالبات يصلين فيها ومقصف للبنات

زينب: خلاص بدل ما تجلسي تشتي ترجعي وبعدا تسيري كم حق مواصلات

حنين: أتعرفت علي مراقبه هناك وقعت صديقتي وأشترت لي على حسابها اليوم وخزيت منها

زينب: الله يسهل لش كل ما اتعسر شدي لش مصروف أشتري لش سندوتشات ومواصلات قد بعت الفساتين الذي خيطتهن أمس الحمدلله يكفينا لنهاية الشهر

حنين: ماشي يمه يكفي حق المواصلات الأكل شدي لي من هنا سندوتش وخلاص

زينب: قدش ضعيفة لا عاد تجوعي

حنين: أسهل شرجع وأكل أي شي من حق الغداء

زينب: الله يقويش يابنتي وسارين يصلين مغرب

محمد: كيف قد أنتِ ضعيفه كلي سوا

زينب حست بغصة في حلقها وأتذكرت اسماعيل وكيف هانت عليه العشرة
.
.

اليوم الثاني

اسماعيل: عايشة أمش مدري مالها جي لاهنا

عايشة: هي هكذا تجي لها نوبات خليها تشرب العلاج

اسماعيل: آنا جي نبضها مابش

عايشة: يوه على أمي وسارت تدعي الدكتور حقها

الدكتور: عظم الله لكم الأجر،،،

عايشة جلست تبكي على أمها

اسماعيل أتصل لأخوه: أم مرتي ماتت جوا نقبر

عزيزة: يوه الله يرحمها نسير نعزي سليفتي

ابراهيم: يلا نسير جمعه(خرجوا من البيت)

زينب خرجت وأبسرتهم: فين عتسيروا

عزيزة: أم سليفتي ماتت،،،،

زينب: سليفتش من هي

عزيزة: مرة اسماعيل

زينب: ...





📚 @rewayatyamania  🇾🇪

.

البـارت  35 ``


قلـوب منكسـرة  💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


زينب خرجت وأبسرتهم: فين عتسيروا

عزيزة: أم سليفتي ماتت،،،،

زينب: سليفتش من هي

عزيزة: مرة اسماعيل

زينب: الله يرحمها يلا سيروا ما هذا اتصل لكم ولا يسأل عن عياله والا مايشتوا

عزيزة ماسمعت ركبت السيارة وساروا


عزيزة حضنت عايشة وبكيت معاها  يوه تشتي شي (عمرها مافعلتها مع زينب وواستها في موت أبوها وأمها بتكرهها من يوم ما أدى عمهن علي أبو اسماعيل وابراهيم حبوب جنيهات لانه خلفت زينب ولد وهي أدت بنت البكر ودفنوا الجثة

وعملوا عزاء 12يوم كانت عزيزة تسير كل يوم عندها

كانت حنين تسير تراقب كل يوم الصباح والمساء وترجع خمس ونص البيت

أحمد كان يراقب بعض الأحيان معاها أو جنب القاعة المجاورة لها

آخر يوم في الأمتحانات كانت حنين مع أحمد في نفس القاعة

أحمد كان يتفرج حنين وهي توزع الورق وتمر على الطلاب بالتناوب هي وهو بعد انتهاء الأمتحان جمعوا الاوراق وساروا يسلموهن

المشرف: سلموا البطائق في القاعه رقم 10

حنين ماكانت تسلم بطاقتها لأنها دائمه لمدة ثلاث سنوات

خرجت حنين من بوابة الكلية مع سهام

سهام: أحمد يشتي يتعرف عليش عن قرب كلمني أمس وأنت طالعه من اللجنة قال أنك متحفظة وما كنتي تكلميه

حنين: مااحب هذه التصرفات وما يعجبني أكلم أحد وما عندي تعارف

سهام: يابنت الرجال يشتي يتقرب منك مدري يقدر يشوفك مرة ثانية أو لا

حنين: مع السلامة فرصه سعيدة أني اتعرفت عليش وغادرت الجامعة

سهام: مالها هذه قلبت الموضوع لصالحها وغادرت من دون ما تمشي معي يلا على العموم وأنا مالي


أحمد كان يتفرجهن من بعيد: سهام أيش قالت لك

سهام: كل خير البنت رافضه هذا الأسلوب حتى ما جابت رد وودعتني وغادرت

أحمد أبتسم وقال في نفسه بالعكس عجبتني واتعلقت بها أكثر

سهام شافته شارد وراحت موقف الباصات يوه ياحنين تركتي ولد مثل القمر مافيه سخى يلا كل واحد ونصيبه

أحمد حط حنين في راسه من يومها

زينب: خلصتوا يابنتي

حنين: أيوة باقي فقط نسير نستلم حق المراقبه لوما يتصلوا بنا

زينب: ان شاء الله مرة أخوش قدي عتولد نشتي نشتري لها حاجة معانا

حنين: أماه قوا سعاد ما تشتي أحد مننا فلتتنا وسارت من أول شهر لا تجلسي تهميها ما تستاهل

زينب: قدو ولدي يابنتي ما نفعل

حنين: تمام إن شاء الله نسير بس والله ما أشتري شي يلا نصرف على نفوسنا بعدين هي دائما تولد في القرية عند أمها دعممي وبس أذا شلش أحمد سرتي معه

زينب دخلت تتوضا وتصلي المغرب كانت تحس بتعب وحاجه تحت أبطها ينمو حبة صغيرة صلت مغرب وجلست تقرأ قرآن وبعده العشاء

حنين كملت تصلي وسارت لا عند أمها كانت جالسة تعس تحت أبطها

زينب: مدري ماهي هذة الحبة أسكه أبسريها

حنين: مدري يمكن نبته ترجع تسير

زينب نسيتها فترة وبعدها وهي تتحمم شافتها كبرت وسكتت ما اتكلمت

رن التلفون

زينب: ياحنين جاوبي التلفون

حنين: حاضر يمه ردت ألو ألو ولا رد وقفلت السماعه

زينب: من هو يابنتي

حنين: مدري يمكن غلطان رن مرة ثانية

صفية حملت وجاوبت: ألو من معي ياكلب

أحمد صيح: ماهو يا كلبة تصيحي فوق أخوش هاتي أمي

صفية: يوه أخي أحمد وهو أنت مابلا جاوبت حنين ومارديت

أحمد: هاتي أمي قلك جاوبت حنين عادي تنكر ياسعم مااعرفش أصواتهن

زينب: مالك مابه

أحمد: سعاد ولدت أدت بنت وهي عند أمها

زينب: جنه أرجع جي لي نسير نبسرها

أحمد: تمام بكرة الصباح أجي ونسي ما يقول لأمه من صفيه مافعلت

@rewayatyamania المصدر الأول للروايات

الصباح سارت هي وصفية عند سعاد مع أخوها أحمد وحنين جلست تسوي الغداء رن التلفون

حنين: ألو

المتصل: ألو السلام عليكم

حنين: وعليكم السلام من تشتي

المتصل عرف صوتها الا هي: أنا أحمد محمد ال........

حنين: كأن شي أفقدها النطق والحركه وجالسة ساكته

أحمد: حنين ألو حنين

حنين تشتي تتكلم ماقدرت وغلقت السماعة

غلقت السماعة وهي مصدومه كيف عرف الرقم ومن اين جابه وليش اتصل طول الوقت وهي بتفكر لوما احترق الطبيخ: يوووه حرق ذلحين كيف أفعل وشافته حرق قليل من تحت شالت الطبيخ من فوق وخلت المحروق وغسلت الطاسة وهي جالسة شاردة من أين جاب رقمها

زينب رجعت من عند سعاد: يوه ماهو هذا شم الحريق

حنين: مابه شي كنت في الحمام أغسل الملابس حقي بعد الجامعة مادريت الا وشقذ شوية مشو قوي

زينب: يلا أقوم أصلي ونتغدا، حنين شاردة ماسمعت، حنين مالش

حنين: هاة يمه مابه''' زينب مالش سارحه

حنين: يلا أسير أقرب الغداء وجلست تفكر في أحمد كيف عرف الرقم

زينب أبسرتها: هذه كأنها مفتجعه أحد خوفها وما حاكتني شاقل للمحجمة تجي تكوي لها غدوه الصبح سارت لاعندها الصبح بدري وأدتها معاها

دخلت المحجمه وأبسرت حنين: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 36 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


دخلت المحجمه وأبسرت حنين: ماشاء الله والحلى فيها مالها ياحجه زينب

زينب: قد قلت لش أكوي لها يمكن أفتجعت

حنين: مالكم مابش فيني شي

المحجمه: جي يابنتي جي وعستها عند قلبها يوه والله ينبض قوي يلا قفي ظهرش وحمت السيخ ودزتها في ظهرها شبحنها أمها وصفيه بقوه علاسب تكوي وحنين صاحت بكل قوتها وبكيت

زينب: علاسب تتباخري أبسرى كيف أنتِ تاعبة وضعيفه

حنين جلست تبكي  مابش فيني شي إرهاق بعد المراقبة

زينب: بس حالي أبسري كيف حمر وجهك كنتي مصفرة

حنين سارت تغسل وجهها وتفعل ماء لظهرها: يوووووه بيلهب

زينب: يابنتي خلاص لاتجلسي تفعلي ماء

عدى ذلك اليوم على حنين بالعافية وحست أنها افتهنت

صفية: جالسة تتدلع علي سب تهرب من العمل

حنين: أماه خلاص قدي كبيرة نفعل دور خليها تتعب شوية كله عليا أنا

زينب: والله صدق ما بين أجي من خارج الا وكل شي جاهز ونظيف

صفية: يوف مالش كرها وقعت لش أنا مااقدرش مثلش

زينب: أتعلمي يابنتي عتسيري بين نسوان ماتقدري تسوي الا رز وطبيخ أبسري كيف أختش

صفية: أتعلم ناهي لوما أكبر

@rewayatyamania المصدر الأول للروايات

بعد أسبوع

زينب: ألو من تشتي يا أبني

حنين دق قلبها بسرعة خافت لو هو أحمد

المتصل: هذا بيت حنين أسماعيل

زينب أبسرت حنين، وهي زاد خوفها: أيوة ماتشتي

المتصل: تجي تاخذ حقها الفلوس حق المراقبة بكرة الساعة التاسعه من مكتب العميد

زينب: حاضر يا أبني تسلم وغلقت السماعة

حنين حست قلبها عيوقف من الخوف

زينب: مالش هكذا قد وجهك مصفر تشتي دزة بالنار

حنين خافت: ماشي يمه مابلا قلت لو أحد يشتيني من الكلية

زينب: أيوة قالوا تسيري بكرة تدي الفلوس الحمدلله نشتري مقاضي بها

حنين هدأ التوتر الذي كان فيها وابتسمت: تمام إن شاء الله

صفية: وأنا أشتي أراقب معش مرة ثانية يوقع لي زلط أساعد أمي

زينب: جبرني بكن الله يدي لكن النسمة الطيبة عهدي وبعدي

حنين حضنت أمها وصفية حملت بعدها وضمتهن لا صدرها

محمد: وأنا مافعلت

زينب: ما شاء الله عليك تجي في أوقات الحنية جي عندي (مااحلى حنان الأم )
.
.

اليوم التالي الصباح بعد الفطور جهزت حنين كل شي وسارت الجامعة

كان واقف هناك قرب باب مكتب مشرف اللجان

حنين كأنها ما شافته وجلست مع سهام

سهام: كيف حالش فلتيني ولا سؤال

حنين: مشاغل البيت ما بفضي

سهام باستغراب: أنت مزوجه

حنين: ماشي بس أمي تاعبة شوية وأنا ضروري أساعدها

أحمد كان يسمعها بكل جوارحه ويفتخر بها وكل شويه يشوفها

وحنين تحس بنظراته وأخيرا جاء المشرف الكل دخل وحنين أنتظرت لما يخف الزحام وأحمد وراها

بعد أستلام المبلغ وأخذ البطائق غادر الجميع

أحمد: حنين ممكن لحظه

سهام: يلا ياقلبي مع السلامه وغادرت

حنين وقفت وبتحس أنها ترجف من الداخل

أحمد: ليش ما بتردي لما أتصل بك

حنين حست أنه الوقت المناسب لوقفه عند حده

حنين: لو سمحت لا تتصل بي عيب عليك عتسبب لي مشاكل أنا في غنى عنها

أحمد: بس أنا وما كمل الجملة الا وحنين غادرت

حنين: ياالله مالي كلما أشوفة أرجف وقلبي ما أقدر أسيطر عليه يدق بسرعة جنونية


عند مفرق الطريق الي الباصات لمحته واقف يشوفها لما تطلع الباص

جاء صاحبه

صاحبه: أحمد يلا نسير السكن قد أنا ميت جوع

أحمد شاف حنين والباص مغادر وحس بضيق يلا


💔 نبذة عن أحمد

أنسان مكافح بنى نفسه بنفسه أبوه متزوج بواحدة أخرى بعد وفاة أمه محل أقامته مع صديقه سامي في سكن الطلاب لديه أخوه من أبوه بس في القرية مع خالته زوجة أبيه صديقه سامي يحبه كأخوه ما يفترقوا شبه بعض من دون أم وسامي لا أم ولا أب

أحمد: أشتي أقلك سر بس بيننا

سامي: قول بسمعك

أحمد: أنا شكلي وقعت في حب حنين من يوم ما شفتها مدري ماحصل لي علي الرغم أنها بنت محترمة ومتحفظة كلما أقرب أشتي أكلمها تبعد بس بحس أنها معجبة بي وأحساسي ما يخيب

سامي: من متى وأنت بهذة الحالة

أحمد حكى له كل شي من يوم ما أشتكت به الى هذه الساعة

سامي: يمكن مجرد أعجاب عيزول بمرور الأيام

أحمد: ما أظن لأني لوما أبعد أشتاق لها أكثر

سامي: وهي أيش قالت لك

أحمد: يا أخي ما بتديني فرصة أتكلم وقالت أبعد عنها بسبب لها مشاكل

سامي: جرب يمكن تكلمك واذا غرضك شريف أتقدم لها

أحمد: من اين أتقدم وأنت عارف باقي معي سنة واتخرج والشغل مابش يلا بساعد في البنشر

سامي: والله ما أقلك الا كل خير أصبر لوما تكمل الجامعة

أحمد: بشتاق لها ما بقدر أتحمل أشتي أسمع صوتها وجلس
يسمع ميادة الحناوي أنا بعشقك





📚 @rewayatyamania  🇾🇪

.

البـارت 37 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


اسماعيل جاء للبيت

محمد: أدخل ياباه ودعى حنين وصفية

اسماعيل: كيف حالكم

حنين ساكتة وفي حلقها غصة ألم من أبوها الذي ما سأل عنهم ولا حتى ذكر أنه معه عيال

صفية: عادك ذكرت أن معك عيال (جريئه)

اسماعيل: والله وكبرتي يابنت أتكلمي مع أبوش سوى قليلة تربية

زينب: ما عندها حجه عادك ذكرت أن معك عيال تجي فقط تخطب وتعقد وتسير عند أم عيالك الثانية وياريت أدت عيال لك قدو بحق القطيعه

اسماعيل: عادش بنت عمي من لحمي ودمي أحمدي ربش أني مابعت البيت هذا وشردتكم

محمد: أباه يكفي أنت قلت فاقد للبنات مايسبر هذا الكلام

حنين: شكرا لأنك ذكرتنا حقك علينا

اسماعيل حس أن بناته كرهنه: أمكن عبت قلوبكن عليا

زينب: والله صدق عبيت قلوبهن كأنهن ما يبسرين ولا يسمعين

اسماعيل قام من بقعته الذي جلس فيها: يلا أتأخرت مع السلامه قد أمكن عملت الواجب وزيادة

حنين شافت أبوها قام ودخلت الغرفة وصفيه غلقت الباب بعده

@rewayatyamania المصدر الأول للروايات

ابراهيم: مالك يا أخي أدخل نتغدى جمعه

اسماعيل: المرة مراعية مع السلامه وسار

ابراهيم دخل بيته

عزيزة: هذا أخي اسماعيل جاء مسكين فقد للعيال

ابراهيم: أيوه بس شكلة غاثي مدري ما حصل

عزيزة: مدري يمكن به مشاكل بينهم وخرج من البيت

ابراهيم سار للغرفة فتح الدولاب وخرج زلط وحطها في جيبه وخرج

عزيزة: أين عتسير نقرب الغداء ونتغدى

ابراهيم: قربوا لوما أجي أسير للدكان وأرجع سار وأشترى فواكة لهم
ولبيت أخوه دق الباب

محمد قام يفتح الباب: أهلا ياعم أدخل

أبراهيم: أدعي أختي زينب أشتي أكلمها

زينب فعلت الستارة فوقها واتغطت وكلمت ابراهيم(كان زمان بنت العم ماتكشف على ابن عمها)

ابراهيم: شلوا هذا لكم وهذه الفلوس لو تحتاجوا شي لأنه حس بالذنب لوما كان يبيعوا الأراضي وما خلوا شي للعيال والآن شبه معدمين وخاصة بعدما تاب ورجع لضميره وصلح عمله


يا أختي قد الشيطان لعب بنا خيرات وأخي الله يهديه يرجع لوعيه ويتوب الى الله

زينب: كثر الله خيرك يا أخي مانشتي الا سلامتك شكرا أحنا في خير

ابراهيم: الحمدلله علي كل حال بس قد أشتريت لا ترجعيني مايسبر

زينب شلت الفواكه ورجعت الفلوس

ابراهيم سار البيت وهو غاثي كيف اتبهذلنا وبيعنا وذلحين ندور الريال لا حول ولا قوة الا بالله (ماينفع الندم بعد زلة القدم)


زينب دخلت المكان حقها وجلست تبكي وأزداد عليها التعب وكلما تبسر الورم الذي تحت أبطها تخاف ليش يكبر وقالت لأحمد

أحمد جاء العشي: لازم نسير نفحص في المستشفى قسم الأورام

زينب: بس مامعنا فلوس باقي معي البيت حق أمي نبيعه دور مشتري

أحمد: تمام إن شاء الله

محمد شل أمه المستشفى وأحمد سار يدور مشتري للبيت

الدكتور: للأسف أمك فيها ورم سرطاني خبيث لازم نعمل عملية بس مكلفه ولازم جرعات كيماوي

زينب سمعته: لاحول ولا قوة الا بالله كرها اتطلقت قلت أرتاح من الضرب والأهانه جا لي مرض الحمدلله رب العالمين

محمد: إن شاء الله دكتور في أي مستشفى تنصحنا

الدكتور: في مستشفى الدكتور............ للأورام السرطانية وإن شاء الله خير

محمد: ألف شكر دكتور وبه هنا جرعات الكيماوي

الدكتور: أكيد بس قبل الجرعات تعمل العملية علشان يحد من أنتشار المرض

محمد: تمام دكتور نعمل الأجراءات والباقي على الله

الدكتور: باقي حاجه والدتك أتعرضت لضغط نفسي عنيف فيها حالة نفسية مزمنه يمكن لهذا السبب بدأ المرض في الأنتشار

محمد تذكر أبوه وما كان يعمل: بها تمام دكتور شكرا جزيلا وغادروا المستشفى

أحمد: ما فعلتوا

محمد حكى له ما قال الدكتور بالحرف

أحمد: أكيد أمي عانت الكثير مع أبي وياريت أعترف بذنبه لكن حسبي الله ونعم الوكيل

محمد: وأنت ماعملت

أحمد: جاء مشتري للبيت بس يشتي يبخسه في سعره لأنه قديم نراعي يمكن يجي مشتري أحسن منه

محمد: تمام، ،،


حنين كانت تسمعهم سكتة ودموعها شلال مطر


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 38 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


عام 1996

أحمد اتصل يشتي يسمع صوت حنين

حنين: ألو ألو حست حنين أنه أحمد

أحمد: كيف حالك حنين

حنين: الحمدلله وأنت

أحمد فرح أخيرا سألت عليه: الحمدلله

حنين جلست ساكته وبعدها قالت  معانا مراقبة أنت سجلت

أحمد: أيوة سجلت وكملت أمتحانات ودخلت أدرس في مدرسة ال....... ولو أحتجتي شي أتصلي للمدرسة وقلي لهم يدعوني وأنا باجي بسرعة

حنين: يلا مع السلامة أمي جت وغلقت السماعة

أحمد فرح قوي أخيرا كلمته بعد مدة سنه كاملة بس مانسيتني

حنين جلس قلبها يدق بسرعة جنونية وبدأت تشعر معه بالأمان لاتعلم لماذا هو بالذات تملك قلبها وكان وجهها منور وأحمر وأبتسامة على ثغرها وأول مرة تبتسم

زينب: الكيماوي تعبني بس حسيت بتحسن الحمدلله

حنين: الحمدلله بس قال الدكتور نعمل العملية لكن البيت ما قد أبتاع وبدأنا بالكيماوي وسألنا الدكتور قال مابش مشكلة

زينب: الحمدلله مالي شي قد تحسنت،،، بدأت تمارس حياتها بشكل طبيعي وخففوا لها الكيماوي


صفية بعد الثانوية وجلست في البيت: أشتي أدخل الجامعه

زينب: مانقدر ندفع مصاريف الجامعة حنين تشتي تدخل لو شي أني دخلتها وقد تعبت مراقبات

صفية: بنات عمي دخلين ليش أحنا ماشي

زينب: بنات عمش معاهن أبوهن وأخوتهن بيشتغلوا أما أنتين يلا نكفي نفوسنا وأخوتش يكفوا نفوسهم وعيالهم

حنين: بس أسكتي أمي تاعبة لا تزيدي الحمل عليها

صفيه: والله لا أدخل الجامعة مااشتي مصروف

زينب ماسخيت عليها وأتذكرت أنها السبب في حروقها الذي في جسمها وخافت لو ما يجي أحد يتقدم لها وسجلتها في الجامعة

حنين دخل في نفسها ليش هي تدخل تكمل دراستها وهي لا

زينب: سير سجل أختك صفية في كلية المجتمع على ما تشتي

محمد: أماه كملوا التنسيق في جميع الكليات ومن بكرة تبدأ الأمتحانات

حنين: صح مالي نسيت واتذكرت ما قالته لأحمد

محمد: السنة الثانية تسجل بس مابش معانا فلوس التسجيل

زينب: لوما أخوك يبيع البيت حقنا

محمد: هذا للسفر ومرضش

زينب: ناهي ما عنسافر بالمبلغ بكله وبعدا الحمدلله قد انا أشكل

اتصلت نجاة

نجاة: كيف حالش يمه قلقتيني عليش

زينب: الحمدلله محد بيبسرش كني جي علي الأقل زيارة

نجاة: سامحيني يمه العيال ومدارسهم والقرية بعيدة قدش دارية بالوضع

زينب: الله يعينش يابنتي وقت العملية ضروري تجي قد بناتش كبار خليهن يوبهين لزوجش والبيت

نجاة: حاضر يمه شتصل كل يوم وأعرف موعد العملية ولايهمش

زينب: إن شاء الله في أمان الله

@rewayatyamania المصدر الأول للروايات

اليوم الثاني

أحمد شاف حنين وسار لا عندها: حنين

حنين التفتت: كيف حالك

أحمد: الحمدلله وأنتِ

حنين: الحمدلله

أحمد: أشتي أقلش أني معج........

سامي: أحمد يلا عنتأخر،،أحمد شافه يلا دقيقه

أحمد: حنين شلي هذة الورقة وأقريها بس لا تردي الآن لو سمحتي فكري وبعدها أتخذي القرار

حنين شلت الورقة ويدها ترتعش وقلبها تحسه بيطلع من مكانه وطرحتها في شنطتها

سامي: يلا يا أخي المشرف عيقفل باب التسجيل

أحمد شاف حنين بنظرات حب ما نسيتها حنين

حنين شافت سهام وسارت لاعندها: حيا بقلبي وين الغيبه

سهام: أنتِ ما بتسألي اتعينت في مدرسة ال.......أدرس

حنين في نفسها عند أحمد نفس المدرسة

سهام: الو حنين يلا نسير نسجل مدري فين هذه المرة بياخذونا

وسارين للمشرف كان زحمه قوي وأحمد وصديقه واقفين

المشرف: لو سمحتوا البنات أولا أنتوا متحضرين أفترقوا

البنات أخذين صف والشباب صف وتم التسليم بس هذه المرة لم يجتمعوا

سهام: لو سمحت خلينا أنا وحنين مع بعض

المشرف: للأسف ماينفع هذا مدرج من الكمبيوتر بالأسماء والتوجيه

حنين أنتِ في كلية اللغات سهام في كلية الطب أحمد محمد في كلية الشريعة

أحمد شاف حنين وفي نفسه على الأقل قريبة مني

الكل اتوجه نحو كليته

حنين: لولا أمي ماتعبت هذا التعب علشان أمي يهون كل شي

العقل: علشان أمك والا علشان أحمد

القلب: علشان أحمد الحب مش حرام حبيه جربي ولو مرة أنت محرومه من حنان الأب والأم

حنين: لا الله عيعاقبني العلاقات حرام

العقل: من قلش يا خبلا الحب مشو حرام أتخيلي أحمد كيف بيعمل علشانك

القلب: أكد العقل في هذا

حنين طردت التفكير من عقلها ولكن قلبها مصر على التفكير به

وبدأت توزع الأوراق لكن ليس لها نفس مثلما كانت في كلية الشريعة

طلعت حنين من الجامعة متوجهه الى الباص وزحمه ما قدرت تلاقي باص فاضي ومشيت للبيت كان المشي حلو لها أفادها

زينب: مالش اتأخرتي هكذا

حنين: الباصات زحمة ومشيت لاهنا بس حسيت بمتعه أستنشاق هواء نظيف الجو حلو بعد المطر

زينب: ماشاء الله عليش بس تعب

حنين: ولا تعب ولا شي وفرت مواصلات قد أنا جاوعة قوي

زينب: سيري أتغدي بقينا لش

حنين: يلا أسير المطبخ وحست أن أرجلها ورمت بس ماتشتي تدري أمها




📚 @rewayatyamania  🇾🇪

.

البـارت 39 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


عايشة بدأت توسوس لإسماعيل يبيع البيت الذي فيه العيال وزينب

عايشة: أشتي أسألك مع زينب بيت لوما جالسة في بيتنا

اسماعيل: للمه بتسألي أو زهقتي أني جالس عندش تشتي نسير هناك

عايشة: ماشي بس عندي أقتراح تسير زينب بيتها والعيال مزوجين ما رأيك تبيعه ونسافر مصر نقضي فيها شهرين ثلاثه ونرجع هنا في بيتي

اسماعيل: مش وقته هذا الكلام ما نسافر نفعل قد شليتش كل مكان والا نسيتي

عايشة: مانسيت بس نفسي أسير خارج اليمن

اسماعيل: بعدما أزوج البنات مهما كان هن بناتي ومسؤول عليهن

عايشة: في بتفكر ما ذلحين مسؤول عليهن ما بتصرف عليهن ولا أنت داري وين هن

اسماعيل أبسر الساعة 11 الليل: يلا قومي ارقدي وصحيني بدري معي عمل

عايشة: ناهي ياريت وأنا اخلف لي جاهل يوانسني.. اسماعيل

اسماعيل: ماهو مابه معش حكى ثاني

عايشة: أشتي أسير اتعالج قد الطب اتطور نفسي اخلف لي جاهل

اسماعيل: يكفيني الذي معي ماتشتي من الجهال

عايشة بنرفزة: ماهو يكفيك أنت وأنا أشتي لنفسي

اسماعيل بغضب: سيري أحد منعش خليني ارقد وغطى وجهه ورقد

عايشة جلست تبسره سكته والله لا أفعل المستحيل وأخلف

@rewayatyamania المصدر الأول للروايات

استيقظت حنين وسارت الكلية

المشرف: هذه اوراق الأمتحان وأنتٍ رئيسة اللجنة وسماح معش

سماح ( تحب الزبج مرحة وتضحك من أبسرت تبلغ من العمر 20سنه درست للثانوية ): ولا يهمك يادكتور أنت بس أامر لو تقلنا طيرين لا نطير الآن يلا ومسكت حنين وطيران للقاعة

حنين: والله طيرتينا صدق مسرع وصلنا

سماح: أخطي بعدي بس أستوب لحظة قبل ما يجوا الطلاب ويربشونا عرفيني على نفسك سريييييع

حنين: مش وقته بعدين

سماح: فين عتهربي أنا وراش والزمن طويل يلا شلي الورق قبلما يهجموا علينا وخففت حدة صوتها وخلته كأن هي تبكي بعدا يجوا ياكلونا لحم ويرمونا عظم

حنين ضحكت من قلبها شلت الورق وجلست

سماح: أيوة أضحكي حد واخذ منها حاجه ياجدع روح ههههه

حنين مسكت نفسها لا تضحك قدام الطلاب



بعد الأمتحانات

سماح: حنون فين عتسيري اليوم

حنين: البيت ليش

سماح: لا بس أفتكرت لو تشتي تسيري حتة معينه مثلا معش موعد مع الغرام

حنين ضحكت وفجأة ذكرت الرساله من أحمد ونسيت ما تقراها أمس من كثر التعب

سماح: الو نحن هنا لاتزعلي بمزح ماقد عرفتيني أحب الضحك والسخريه على الناس آآ قصدي المزح معاهم

حنين: باين عليش المهم فرصة سعيدة أني أتعرفت عليش

سماح: وووووب لحظة مالش متصربعه هكذا هاتي رقمش بدون نخس

حنين: بس مابش معي تلفون الا حق بيتنا ارضي

سماح: ما أنا معي تلفون أبو صاروخ يطلع لش المتصل حي بين يديش كلنا أرضي لوما نفتح خزنه البنك نرجع نفكر نشتري تلفون نوكيا والله
قدهن موجودات بس غاليات يابنت تصوري وأحنا ما حيلتنا خمسة قروش 😜 جايين هنا نسترزق

حنين جابت لها الرقم وهي تضحك: سبحان الله مرتاحه

سماح: هاه قلتي حاجة

حنين: قلت في أمان الله

سماح: مع السلامه ياقلبي متواصلين وراكي وراكي والزمن طويل

حنين سارت البيت واتغدت وصلت وقريت قرآن وسارت الغرفه

بعدما الكل نام شافت شنطتها وخرجت الرسالة وقلبها يدق بسرعة وفتحتها وبدأت تقراها

عندما يرخي الليل ستائر عتمته، تنطلق أبواق الذكرى في قلبي، تدق طبول الأشتياق، صوت يناجي من أقصى الوجدان

فرمان صادر من قلب محتار، يعلن عن اقتراب موعد استنزاف نبضاته

💥(مقتبس) ليست من الرساله

💌   حنين أرجو أن لا أكون يوما ما سببا في تعاستك فقط عندما رأيتك أول مرة لا أعلم ماذا أصابني لا أستطيع وصف مشاعري
ناحيتك أحببتك من أعماقي أعلم أيضا أنك تبادليني نفس الشعور لكن يوجد داخلك خوف لا أعلم ماهو أهو من المستقبل
أم شيء آخر يحول بيني وبينك لا أريد سوى أن تكوني لي معي، أعلم أنك لا تعلمين من أكون ومن أنا، اعرفك على نفسي أنا شخص فقد أمه وهو صغير فقد حنان الأب والأم عشت طفولتي وأنا مع أصحابي

بعض الاحيان أدخل مع صاحبي خلسة وأنام عنده وبعضها أنام جائع
بنيت نفسي بنفسي كافحت ودرست وأشتغلت سمكري وبقال وكل ما يخطر على بالك عطشت جوعت وأنا أبحث عن مأوى

سوف تستغريين أين أبي في هذا كله أبي مع خالتي وأولاده كنت أتعذب بسبب خالتي ضرب وأهانه وعندما ياتي أبي تنقلب ملاك رحمه لذلك قررت وأنا في 16من عمري أهرب من البيت وأعتمد على نفسي

أعلم أني طولت عليكي فقط أريدك أن تعلمي أني أحببتك

وفي الأخير منتظر ردك وسوف أعمل المستحيل حتي تكوني لي

حبيبك المخلص أحمد ❣️بدأت الدموع تنزل من حنين ونامت


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت  40 ``


قلـوب منكسـرة  💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


لبست حنين فستان زفاف غاية في الجمال أبيض مطرز بفصوص بيض مثل الكرستال وطرحة طويله بطول الفستان وتاج فضي مثل الملكة وفي يدها باقة ورد قلوب نزلت من الدرج الى صالة كبيرة
فخمه والزغاريد تملأ الارجاء

دخل أحمد لابس بدلة سوداء على شميز أبيض وكرفتة سوداء

مسك يد حنين ودخلوا الصالة والزغاريد تدوي وحقش ياحنين وحقك يا أحمد وحقش يا حنين ياحنين

زينب: حنين يا حنين قومي صلي أذن فجر وأدعي أختش تقوم يلا شرق يابنتي

حنين فتحت عيونها لقيت نفسها فوق السرير في الغرفة وقامت على طرف السرير تتذكر الحلم وابتسمت وقومت صفية تصلي

سارت للمطبخ تساعد أمها وسبرين الصبوح وأصطبحوا

زينب: من بعد ما سار أخوش محمد يستأجر وفلتنا ما رغبت أقوم جالس صدري يوجعني بين أحس هنا بوخز مثل الأبرة

حنين: نسير اليوم المستشفى

زينب: سيري الجامعة باقي لش اليوم يلا لا تتأخري

حنين: بس أنتِ تاعبة

صفية: أماه ضروري تسيري نبسر ما هو

حنين: شتصل لأخوتي يجوا يشلوش ونسير معش

زينب: ماشي سيري الجامعة وأخوش يشلني أتصلي به

حنين: مايسبر وحدش تسيري لازم مرافق

صفية: ش أسير معاها سيري الجامعة

حنين أتصلت بمحمد: جي لأمي شلهم المستشفى

محمد: اليوم مابش مابلا يوم السبت ونحجز اليوم

حنين: يلا تمام اتصل للدكتور وحدد موعد

زينب: هيا مه

حنين: قال مابش اليوم

صفية: يلا سيري مرتاحة الجامعة

حنين لبست وسارت الجامعة

سماح: السلام عليكم

حنين: وعليكم السلام ورحمة الله وبركاته

سماح: صوتك فيه نبرة حزن

حنين: لا بس يمكن لأنه الصباح ماقد كلمت أحد

سماح: ماقد تسلكين المواصير وضحكت

حنين ضحكت: يلا نسرع ندخل القاعه أنتِ معي في اللجنة اليوم

سماح: للأسف لا شلوني اللجنة الأخرى خلف الشمس بخمس

حنين ضحكت: كم يعجبش الزبج

سماح: مااقدرش الا أزبج ماشي أحس أني ناقصة يلا باي نلتقي بعد المراقبة اليوم آخر يوم

حنين: أيوة يلا مع السلامة يعلم الله من عيجي معي اليوم

سارت حنين للمشرف تاخذ الأوراق وسارت القاعه

أحمد دخل بعدها وجلس على الكرسي يشوف الأوراق

حنين اتلعثمت وكلها حيرة وأستغراب

أحمد: لا تستغربي فعلت المستحيل لأجل أكون معك آخر يوم بحكي لك بعدين

حنين أبتسمت بان من عيونها العسلية (طبعا منقبة)

أحمد شاف عيونها تضحك فرح قوي

@rewayatyamania المصدر الأول للروايات

بعد تسليم الطلاب أوراق الأمتحان

أحمد: لو سمحتي ما باخذ من وقتك كثير أشتي أعرف فقط قريتي الرسالة

حنين: أيوة، ،،،،،،

أحمد: وردك حتى لو تلميح مشاعرك نفس مشاعري

حنين هزت رأسها بنعم

أحمد: يعني موافقة أجي اتقدم لك

حنين تذكرت أمها المريضة ممكن بعدين اقصد بعد مدة لأن

أحمد: لأن أيش

حنين: لأن أمي مريضه مرض خبيث وبنعمل لها عملية يوم السبت نشلها مستشفى الجمهوري للفحوصات

أحمد رق قلبه: تمام ولا يهمك وأنا بنتظرك إن شاء الله العمر كله

حنين الرسالة مزقيها أخاف أحد يشوفها وتعمل لك مشاكل

حنين: لا تخاف معي بس محفورة في وأشرت لقلبها وسارت

أحمد حبها أكثر وأكثر وسار بعدها لما وصلت فرزة الباصات وطلعت

حنين سعيدة جدا وفي نفس الوقت حزينه على أمها ونسيت سماح

سماح: وين هذه مالها أتأخرت وقد قلت لها تراعي لي نخطى جمعه

يلا وطلعت الباص وسارت بيتهم

أحمد شاف سامي وسار لاعنده

سامي: كيف حالك اليوم وجهك منور

أحمد: وأخيرا كلمتني حنين وقالت بتبادلني نفس المشاعر بس

سامي: مبروك عقبالي لوما القى بنت الحلال بس ماهو

أحمد بحزن: أمها مريضة بمرض خبيث ويعملوا لها عملية لوما يحدد الدكتور
  
سامي: لا حول ولا قوة الا بالله بس افضل لك شوية تشوف بيت وتبسر أمورك

أحمد: أيوة معي مبلغ لي بحوشه سنين لمثل هذا اليوم باقي فقط البيت ومستلزماته

سامي: الله يتمها على خير وساروا البيت
.
.


يوم السبت

الكل سار المستشفى دخلوا قسم الأورام

أحمد: يلا ندخل نبسر الدكتور ونرجع

محمد: هم عيداعوا بالاسم لوما يجي دورنا

زينب: الجلسة فوق الكرسي متعبة خلوني أوقف

الدكتور خرج من غرفة العمليات وشاف محمد: أهلا وسهلا سامحوني أخرتكم

محمد: ولا يهمك دكتور أمي تعبت نشتي نعمل الفحوصات

أحمد: أماه يلا أدخلي يفعلوا الفحوصات، أنتين أجلسين هنا لوما نرجع ممنوع دخولكن

حنين وصفية هزين روسهن بالموافقة

صفية: شخرج الحوش مايعجبني شم المستشفى

حنين: لا تبتعدي خليش جنب الباب

صفية: تمام وسارت وهي ماشية علي جية أحمد محمد ال.......

حنين كانت واقفة عند الطارود شافت أحمد قادم خافت لحد يشوفها

أحمد شافها يشتي يكلمها خرجوا من القسم دور ظهره لهم ولبس النظارة

محمد: فين صفيه ياحنين

حنين أتكلمت بصعوبة من الخوف: سسسارت الحووووش

أحمد: مالش مرتبكة

محمد: ...


https://tttttt.me/rewayatyamania/52819



📚 @rewayatyamania  🇾🇪

💔

بـارتـات يـومنـا الاربعـاء 👆🏻😍

.

البـارت  41 ``


قلـوب منكسـرة  💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


محمد: فين صفيه ياحنين

حنين أتكلمت بصعوبة من الخوف: سسسارت الحووووش

أحمد: مالش مرتبكة

محمد: خايفه على أمي أنت داري بها قلبها ضعيف

أحمد محمد جالس يسمعهم يعني تخميني صح آه ياحنين آه

زينب خرجت مع الدكتور

أحمد دور وجهه يشتي يشوف حماته المستقبلية

الدكتور كان ظهره يغطي عليهم من رؤية أحمد: للأسف المرض أنتشر في جزء من الثدي الأيمن لذلك يجب أستئصاله في أسرع وقت

أحمد: أي مشفى تنصحنا وبكم بتكلف العملية

الدكتور: مشفى الدكتور.......للأورام بتكلف في حدود 300الف غير العلاجات

أحمد: إن شاء الله ماهي الأجراءات

الدكتور: حددوا مع الدكتور المختص هناك وهم بيعملوا اللازم وسار

حنين كانت ترتعش وتشوف أحمد واقف ولا همه كان يتهيأ لها انهم كمان يعرفوه ونسيت أنها فقط تعرفه

أحمد: يلا عنتكلم في البيت قد جاء مشتري للبيت والحمدلله

أحمد محمد: ياالله عيبيعوا بيتهم وشاف حنين وهم بيغادروا

حنين شافته خلسة وهو شافها ورفع يده بمعنى مع السلامة

@rewayatyamania المصدر الأول للروايات

في البيت

أحمد: نسير نحجز للعملية

زينب: أصبر يبتاع البيت

أحمد: الرجال قد دفع العربون خلاص ونسيت ما أكلمكم أمس الجمعه عندما قلتوا لي أمي مريضه

محمد: كم عيدفع

أحمد: مبلغ ماله شي يكفي وزيادة نحطها في البنك للحاجه

زينب: يلا تمام


اليوم الثاني جاء المشتري وأشتري بيت الجدة أم زينب وجلست تبكي علي بيت أمها الذي عاشت فيه سنين عمرها وما بقى اسماعيل لهم شي غيره والآن باعوه

واليوم الذي بعده سار أحمد ومحمد للمستشفى يحجزوا للعملية

زينب: اتصلي بنجاة تجي أشتيها ضروري

حنين: حاضر يمه اتصلت لها تجي

حنين: قالت أمي تشتي تبسرش قدي فاقدة لش

نجاة: يوه يمه بس مشغولة بالعيال تمام إن شاء الله بكرة وأنا عندكم الصباح
.
.

اليوم الثاني الصباح

نجاة وصلت ودقت الباب

حنين: من

نجاة: أنا أفتحي

حنين: حيا بأختي أدخلي

نجاة: سالم معي

حنين هربت ودخلت: يلا أدخل

سالم: الله الله كيف صحتش ياعمة

زينب: الحمدلله مالكم ما بتجوا ولا تزورونا الا لوما ندعيكم

سالم: والله مشغول عملي ما بين أفضى حتى أسألوا نجاة

نجاة: أيوة يمه يجي يتغدى ويسير للعشي

زينب: أين العيال

نجاة: في البيت قلت أجي بسرعة وأسير معه

سالم: أعذرينا ياعمة

زينب: هاه بس جيتي خطفة وبس يلا خير

نجاة: مابة أو به شي

زينب: ولا شي سيري بعد حالش الله معش

سالم: يلا قلنا أو به شي

نجاة: خاطرش يمه وإذا به شي اتصلتوا

زينب سكتت: مع السلامة حبي بناتش وادعي حنين وصفيه على طريقش

نجاة خرجت مع زوجها وسارت دخلت حنين وصفية

زينب: أبسرتين جت زيارة وسارت قلت أن هي عتجلس يومين ثلاث وما قلت لها بالعملية والا خلاص مشو ضروري تعرف

حنين: بس هي بنتش من حقها تعرف حتى لو ما سألت مادراها

صفية: هي مستعجلة زوجها معه عمل وما يشتي تجلس علاسب العيال

زينب: لو أموت ما عتسوي عتسير بعد زوجها وما تجلس عندكن

حنين وصفية سكتين

زينب: اذا حصل لي شي يابناتي الفلوس اتصدقين بشوية منها والباقي لكن أنا قد قلت لأخوتكن والختمة كملين تقرينها لا تخلينها مهجورة ومعي شوية ملابس اتصدقين وسامحني ما خليت لكن شي تتقاوتني به سيرين عند أبوكن حتى لو هو مزوج لا تجلسين وحدكن سمعتين

حنين وصفية بكيين

حنين: لا تقلي هكذا يمه عترجعي وتجلسي معانا مثل زمان

زينب: كنت مخبية لكن البيت من أبوكن لايشل البصيرة ويبيعها بس مانفعل أخوش باعه وقد قلت له مااشتي عملية قدو منتشر المرض

وهذا المرض لو دخل جسم الأنسان ما بلا ينهيه عمتكن وقع فيها هكذا حورية اوصيكن وصية لا تفترقين حبين بعضكن البعض ونجاة مشي دارية بس سارت بعد زوجها الله يستر عليها وأنتين يدي لكن النسمة الطيبة عهدي وبعدي

حنين ما قدرت سارت تبكي في المكان لوحدها

صفية: بس يمه ارقدي عتتعبي قوي

زينب: وين سارت حنين تبكي هي قلبها ضعيف هذه البنت ودموعها بين عيونها

صفية: سارت تدي لش عشاء ماسارت تبكي

حنين سمعت وسارت تدي عشاء واتعشوا
.
.

بعد أسبوع

دخلت زينب المشفى تعمل العملية ودعت نجاة تجي للمستشفى

نجاة: للمه ما كلمتني لوما جيت هذاك اليوم للمه

حنين: كنتي مستعجلة وأمي ما قدرت تكلمش تغثي وما تقدري تسيري عند عيالش

أحمد: خلاص أدعين تخرج من غرفة العمليات بالسلامة

محمد واقف منتظر بيقرأ قرآن في تلفونه


بعد عشر ساعات متواصلة خرجوا من غرفة العمليات

أحمد: كيف أمي وحنين ومحمد وصفية ونجاة حملوا لا عند الدكتور

الدكتور: ...






📚 @rewayatyamania  🇾🇪

.

البـارت 42 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪



بعد عشر ساعات متواصلة خرجوا من غرفة العمليات

أحمد: كيف أمي وحنين ومحمد وصفية ونجاة حملوا لا عند الدكتور

الدكتور: استأصلنا الورم بس الغدة الذي تحت الأبط الاربطة اتضررت وأحتمال يكون عندها تورم في يدها مستقبلا

والآن هي في العناية لوما تستقر حالتها ونخرجها للغرفة الافضل لا تجلسوا هنا روحوا وجوا بكرة لأن جلوسكم ما منه فايدة

حنين: ما شا أسير مكان الا لوما اتطمن على أمي

محمد: ما تجلسي هنا تعملي سمعتي الدكتور يلا اخطين والصبح بدري نجي كلنا

أحمد: يلا ومشيوا كلهم للبيت انا ش أسير بيتي وانتوا ادخلوا وبكرة شرجع الصبح بدري

محمد: تمام مع السلامة

حنين: وانت يا أخي لو تشتي تسير بيتك سرت علشان مرتك لا تقلق

محمد: بس عتجلسين وحدكن

نجاة: أنا هنا لا تقلق

محمد: يلا انتبهين على نفوسكن

حنين: تمام مع السلامة خرج محمد وبعد فترة دق الباب

عزيزة: كيف أختي زينب

نجاة: في غرفة العناية مارضي الدكتور نجلس

عزيزة: لو تحتاجين شي اتكلمين خاطركن

صفية غلقت بعد مرة عمها ودخلت: تشتين عشاء اسوي

نجاة وحنين ماشي مابش نفس ودخلين يرقدين

@rewayatyamania المصدر الأول للروايات

في اليوم الثاني

ساروا كلهم للمستشفى حتى اسماعيل وابراهيم ونسوانهم والبنات

اسماعيل: كيف أمك يا أحمد

أحمد: مدري عاد أحنا جينا قبل خمس دقايق والدكتور ما وصل نسأله

الدكتور: كلكم عائلة الحجة زينب

اسماعيل: أيوة كيف صحتها

الدكتور: للأسف

حنين صاحت: أميييي ودوخت

أحمد شلها للغرفة

اسماعيل: ياممرضه تعالي شوفي البنت مالها

الدكتور: مالكم وترتوني خلوني أكمل كلامي

محمد: اسكتوا خلوه يتكلم الدكتور

الدكتور: للأسف مازالت في غيبوبة لوما تفيق نتواصل بكم رجاء غادروا المشفى واذا أحد منكم يشتي يجلس معها في الغرفة لأنها طلعت من غرفة العناية

اسماعيل: أحمد اجلس مع أمك

حنين فاقت وخرجت من الغرفة والدكتور يتكلم: أنا شجلس عند أمي والله ما أتركها وما بروح البيت

اسماعيل: خلاص خلوها يلا نغادر عملنا زحمه المهم اتواصلي بنا

حنين هزت راسها

الكل غادر ما عدا محمد واحمد عنسير ندي لش ملابس وأكل كل يوم لاهنا

حنين: مااشتي ملابس بجلس هكذا أشتي فقط السجادة وختمه وثوب صلاة

محمد: تمام يلا انتبهي لنفسك وأوقات الزيارة أحنا موجودين

الممرضه: لو سمحتوا أنتهت الزيارة تجلس فقط المرافقة

الكل غادر وبقيت حنين كانوا كل يوم يجوا يزورا أمهم وبعد أسبوعين

حنين شافت أمها تفتح عيونها: أمي يا دكتور أمي صحيت

الدكتور: كويس الحمدلله ها يا حجه قدش أحسن

زينب فتحت عيونها وشافت حنين: أين أنا يابنتي

حنين: في المشفى

الدكتور: عاد هي مش مستوعبة هذا بفعل العلاجات بس فيه تحسن

أحمد ومحمد دخلوا الغرفة هاه دكتور كيف هي

الدكتور: كنت بشرح لأختك الحالة مستقرة ننظم لها الجرعات وبعدها نقرر الخروج

محمد: الحمدلله
.
.

بعد شهر خرجت زينب من المشفى ووصلوا البيت

زينب: مااشتي أدخل الغرفه خلوني هنا تعب ظهري من السرير

حنين سارت تسبر لأمها أكل مثلما قال الدكتور

زينب: صفية وين نجاة ما أبسرتها

صفية: سارت البيت وقالت نتصل بها لوما تخرجي من المشفى

زينب: هاه عيالها وحدهم وزوجها خليها براحتها

محمد: قال الدكتور كل أسبوع جرعه كيماوي

زينب: مااشتي خلاص متعب الكيماوي وعست صدرها عدة مرات وعرفت أنهم أستأصلوا الثدي وباقي واحد ونزلت دموعها

أحمد: خلاص قدر الله وما شاء فعل

دق الباب

أحمد قام يفتح كان أبوة اسماعيل

أحمد: أبي يشتي يبسرك

زينب: مااشتي أبسر أحد خلوا لي حالي خليه يرحله

أسماعيل سمعها: كيف أنتِ يابنت عمي

زينب نزلت دموعها وجالسة ساكتة

أحمد: أمي تاعبة قال الدكتور ضروري تبعد عن التوتر والحزن

اسماعيل: الله يشفيها وغادر

زينب: يشتي يبسرني خلاص لا هو زوجي ولا يحق له يبسرني ولا أشتي شفقة من أحد

حنين: خلاص يمه قوا يكفي يلا كلي هذا علشان يتقوى جسمك الدكتور اتحرى قوي

زينب: الحمدلله وأكلت شوية ورقدت

حنين دفت أمها بالبطانية وخرجوا من عندها

صفية: يلا نتغدأ قد أنا جاوعه واتغدوا كلهم
.
.

بعد الغداء جت عزيزة وبناتها ونسوان عيالها ونجاة وبناتها

حنين: يوه والله لا يدوا لأمي المرض أكثر أحسن اقلهم راقدة

رن التلفون

أحمد محمد: ألو حنين كيف أنتِ

حنين في نفسها ياالله والمصيبه شافتهن كلهن يتجابرين وكانت تتكلم بصوت عادي وبنبرة واطيه: الحمدلله أيوة أمي خرجت من العمليه

احمد: وكيف هي الآن لوتشتوا شي كلميني عندك أحد

حنين: أيوة الحمدلله الله يسلمكم يوصل مع السلامة

أحمد: في أمان الله

نجاة: من هذا

حنين: ها جارتنا بتسأل علي أمي وقلبها يدق بسرعة كأنه عيوقف وجسمها كله يرتعد وتمسك نفسها

عزيزة: أمش راقدة نبسرها يوم ثاني

نجاة: زارتكم العافيه كلكم





📚 @rewayatyamania  🇾🇪

.

البـارت 43 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


مضت سته أشهر وأجريت عملية ثانية لزينب وأستأصال الثدي الآخر

وأستمرت علي الكيماوي واليد اليسرى تورمت وبدأت زينب تتعافى قليلا


بعد سنتين بنفس الأحداث مع تطور العلاقة بين حنين وأحمد لدرجة الأشتياق اذا لم يسمعوا أصوات بعض

كان أحمد يتصل لحنين كل يوم عندما تكون حنين في البيت لوحدها كان لديه
آنذاك بيجر وكان يذهب للأتصال بها من أي كبينة للأطمئنان عليها
وعلى والدتها ومواساتها وقف معها معنويا

👈تعريف /(البيجر جهاز لاسلكي صغير يظهر رقم المتصل فقط له
رقم خاص مكون من 14رقم يظهر رقم المتصل به فقط)
.
.

عام 1998

حنين بدأت تعمل مدرسة بالثانوية في مدرسة ال........

المديرة: حنين أنت مثال للمعلمة المجتهدة وقررنا نعمل لكِ حفل تكريم وهذه دعوة لوالديك

حنين وطت راسها وشكرت المديرة وقالت لها أن أمها مريضه وأبوها مايقدر يجي لظروف خاصة

المديرة: أخوك أو أحد أقاربك

حنين: إن شاء الله وعملوا لها تكريم يليق بها بعد أمتحانات نصف العام

@rewayatyamania المصدر الأول للروايات

بعد أسبوع

أحمد: سهام لو سمحتي ممكن لحظة

سهام: اتفضل أستاذ كانت تنظر له بأعجاب

أحمد: ممكن أطلب منك خدمة

سهام: أكيد أتفضل

أحمد: أكيد تعرفي حنين وأنتِ على ما أظن صديقتها

سهام: مش كثير لأني ما بعرف أخبارها بس اتفضل

أحمد: أشتي منك تتصلي بها وتقولي لها أني أشتيها على سنة الله ورسولة

سهام بتفكر بغيظ حسبتك بتقلي أنا: تمام ولا يهمك

دخل سامي: ياصديقي العزيز كيف حالك

أحمد: قام أهلا ما جابك عندنا

سامي: جيت أطمن عليك وأعرف آخر الأخبار بينك وبين حنين كيف صحة أمها

سهام سمعت أها سامي يعرف قصتهم وفكرت بشي خير مالها أم حنين ما بعرف أخبارها من يوم ما تركتني ساعتين في الرصيف منتظرة وكانت مغتاظه وبدأت تحب أحمد وحبه في قلبها يزيد

سامي: يلا أشوفك بعدين وخرج

وسهام خرجت بعده: أستاذ سامي ممكن لحظة

سامي: أتفضلي أستاذة سهام في شي

سهام: يمكن فضول مني وضحكت أشتي أعرف كيف اتعرف أ/أحمد وحنين وهذا الحب العظيم الذي بينهم لدرجه كل واحد بيضحي لأجل الآخر أمانة قصتهم تنفع رواية في زمن الف ليلة وليلة

سامي رفع حاجباه أعجاب بخفة دمها: بس هذا مش من حقي أتكلم عنهم وأخون صديقي

سهام: يوه يوه لين قد وصلتها مش لهذه الدرجه مجرد فضول يمكن نحب يوما ما ونتعلم منهم (جابتها بدلع)آه منكن يابنات حواء

سامي مسح خلف شعره قال في نفسه وانت قلها يمكن تحبك هي كمان: اجلسي اقلش تعالي نجلس في المكتبة مافيش أحد غير مسؤول المكتبة وهو سمعه خفيف شوية وساروا

سامي بدأ يحكي لها كانت حنين ماتكلم رجال كانت جدية الصدق ولاحد الآن وسهام تحفزه يتكلم هاه وبعدين واصل ما بقاطعك

سامي: في يوم أجتمعنا كلنا في لجنة وكان الكل يتحدث عنها إنها متعجرفة وشايفه نفسها حصل رهان بينه وبين صديق هناك مراقب
ومن يكسب الرهان يفوز بها ويلعب بمشاعرها وبعدها يتركها وحصل
إن أحمد فاز بهذا بس حس أنها طيبه وحنونه وصادقه وكمان هادئه

في البداية أعجب بها وبعدها حصلت مواقف خلته يحبها بشغف وصدق وهي بادلته نفس الشعور بس بتحفظ من حنين تصوري ما حصل بينهم أي شي مخل حتى بالكلام محترمة لأبعد حد

سهام جالسة تسمع وتخطط في عقلها كيف توقع بينهم

سامي: أحمد لو يعرف أني كلمتك بيزعل ويقاطعني لذلك أنتبهي

سهام: حاضر ولا يهمك وسارت تدرس بقية الحصص وعقلها يودي ويجيب سارت بيتهم شافت التلفون واتصلت بحنين ، رن التلفون

صفية حملت تجاوب: الو من معي

سهام: هذا بيت حنين اسماعيل

صفية بجلافة: بيتها أيوة من تشتي

سهام: أشتي حنين أنا زميلتها في المدرسة

صفية: حنين ياحنين جاوبي واحدة تشتيش

حنين: الو

سهام: حنين كيف صحتش وكيف الوالدة والله عادني عرفت من أ/أحمد

حنين: حيا كيف حالش وين الغيبة

سهام: ضروري ازورش معي لش خبر متى يناسبك أجي

حنين: تعالي في أي وقت البيت بيتش

سهام: اليوم سبت بكرة مااقدرش خليه الاثنين العصر أوك ياقلبي

حنين: تمام إن شاء الله وغلقت السماعة
.
.


صباح اليوم الثاني

رن التلفون وكانت صفية خارج وزينب راقدة

حنين: الو

أحمد: حنين هذا الأسبوع بتصل لأخوكي محمد نحدد موعد الخطوبة وانت ضروري تمهدي له وتكلميه وينتظر مني أتصال

حنين: بحاول إن شاء الله

أحمد: لا تحاولي أكدي طيب

حنين: تمام أكيد يلا مع السلامة ببلغك يوم الأثنين الصباح مع السلامة

أحمد: مع السلامة

حنين ابتسمت كانت سعيدة لدرجه تحس أن قلبها يطير من مكانه

حست أن الدنيا بدأت تبتسم لها والحزن الجاثم في صدرها وعيونها بدأ يزول،،،ولكن هل سوف تستمر هذة الفرحة أم ماذا يخبئه القدر


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 44 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


💔 أنت شيء لو فقدته، لانتهيت، ويا ليت الحنين يتوقف قليلاً، لألتقط أنفاسي، فأنا أهلكتني أوجاع الدنيا.. لو كان الأمر بيدي لأخفيت انهيار دموعي عن الجميع، ولكن سحقاً لتلك الأعين التي تفضح ما تخفي القلوب..

لا يهمني أمر كل شخص يرحل عن حياتي، كل ما يهمني أن لا أكون المخطئ في حقه.. في الليل تختنق صدورنا، تتشابه ملامحنا، نبكي كثيراً ونخفي الدموع، خوفاً من أن يراها أحد


يوم الاحد العصر جاء محمد لكي يرى والدته
محمد: كيف أمي ياحنين

حنين: تاعبة بدأ المرض ينتشر في مناطق أخرى بشوف ورم في الصدر تحت العملية لوما أجي اغسلها

محمد: يمكن من تأثير الكيماوي فين هي الآن

حنين: نايمة محمد أشتي أكلمك في موضوع عارفة أنه مش وقته وأحنا في هذه الظروف

محمد: عادي أتكلمي أنتِ دارية أن معزتش غير دون عن أخوتي كلهم

حنين: بعتبرك أبي وأخي وكل شي لنا فيه شخص يشتي يتقدم لي بس ماعرف كيف يوصلك او يكلمك عادي لو اتصل لك وحددتوا موعد تتقابلوا فيه

محمد: كيف تعرفيه اقصد من اينه ومن هو

حنين:أنت عارف كيف أنا وكيف شخصيتي وعارف أني لا يمكن أعمل شي يغضب الله هذا أولا ويمس سمعتي وشرفكم

محمد: هذا أكيد والذي يقول غير هذا اقطع لسانه

حنين: تسلم يا أخي الغالي بالمختصر شافني في أيام المراقبة وحدث بيننا تواصل في الكلية وعبر التلفون عدة مرات ما بكذب عليك لكن ماشفت منه شي يمس كرامتي وحتى لما يتصل بأدب وأحترام ويشتيني على سنة الله ورسوله

محمد: أختي أنا عن نفسي بقلك الحب مش عيب أنا اتزوجت عن حب ومش كل حب بين أثنين يعتبر خطيئه او حرام (قال الرسول صلي الله عليه وسلم ما رأيت للمتحابين مثل النكاح" اي الزواج أهم شي يكون طاهر عفيف

حنين حمدت الله على أخ معاها

محمد: قلي له يتواصل بي أو هاتي رقمه بس مايسبر اتصل به أنا

حنين: تمام إن شاء الله

@rewayatyamania المصدر الأول للروايات


اليوم الثاني
اتصلت حنين وأجلت الزيارة للأسبوع القادم يوم الثلاثاء واتصلت بأحمد يتواصل بأخوها

أحمد: أستاذ محمد كيف حالك

محمد: من معي

أحمد: أنا أحمد محمد ال...... وأشتي أحدد معك موعد أشوفك فيه

محمد شاف للساعة: لو معك وقت ممكن تجي الآن وشرح له موقع عمله

أحمد: بيكون أفضل وراح لزيارته في عمله

محمد: أهلا وسهلا اتفضل أجلس وبدأ الحوار بينهما عن شغله وأهله ومع من ساكن

أحمد: وأنا لي الشرف اطلب يد كريمتك للزواج وإن شاء الله أكون عند حسن ظنكم

محمد: خير إن شاء ابلغهم وأرد لك خبر ونحدد موعد

أحمد: إن شاء الله الف شكر في أمان الله

محمد: مع السلامة في نفسه رجال محترم فعلا
.
.

بعد أسبوع نسي محمد الموضوع من كثر العمل ويوم الثلاثاء جاءت سهام لاعند حنين

حنين: أهلا وسهلا اتفضلي

سهام: حياش الله دار بينهما حديث عن والدتها وبعد ذلك دار الحديث عن أحمد

سهام: انصحك ترفضيه لأنه فقط بيلعب فيكي وقالت لها مادار بينها وبين سامي بالحرف وزيدت فوقه من عندها قال مايشرفني ارتبط بها فقط حتي توافق واكسر شوكتها

حنين مذهولة ومش مصدقه أحمد يعمل كل هذا بها ويخدعها وسنين يوهمها باسم الحب حست بنبضات قلبها تضعف والغرفة تدور

سهام: يلا ياقلبي أتأخرت أخذت حقيبتها وغادرت وغلقت الباب

حنين مش مصدقه مستحيل أحمد يفكر هكذا ومسكت راسها والدموع تنزل شلال من عيونها

💔💔
.
.

في بيت سماح التي اتعرفت عليها في الكلية الضحوكه

اعرفكم أولا علي أفراد العائله التي سوف تدور أحداث القصة حتى نهايتها

الأب سليم يبلغ من العمر 50 سنه،، الأم تقوى تبلغ من العمر 45 سنه
عمر يبلغ من العمر27سنه،، ياسر يبلغ من العمر 25 سنه، سماح تبلغ من العمر 20، سحر تبلغ من العمر 15سنه

في سياق القصة سوف تتعرفوا عليهم أكثر

سماح: نزوجكم الأثنين سوى ياسر وعمر قدو من مرة خلونا نفرح

سحر: تشتي تتعبينا بس خلي كل واحد وحده بعدين ماقد دورنا بنات

سماح: لا تدوري ولا شي جاهزات قد كنت اطقس من بدري مش أناراقدة 💥💥وراها وراها والزمن طويل (اتذكرتوا لمن كانت تقول هذا)

تقوى: بنتي تبسر وسكته يلا قولي لي من قد دورتي لهم

سماح: خلي أبن الراقد عمر يسير لاعند أخوها محمد يكلمه بكرة هو يعرف عمها وبيشتغل مع شرف ابنه بس مش عارف أن عندهم بنت مثل القمر نديها لياسر وعمر صاحبتي جارتنا في الحارة الثانية

سحر: معاهن اسم وبنات من والا دائما تتكلمي بالألغاز

سماح: بنت أسماعيل حنين،،، والثانية تغريد بنت علي ......

تقوي: من اين عرفتي بأهلها وهي مش صاحبتش مثل جارتنا

سماح: هذة بالذات صدفه في الجامعه راقبت أنا وهي وكانت تحكي لي وأنا كنت استخرجها بالكلام من غير ماتحس وعارفين كيف اسلوبي مع الناس بالضحكة اموت القلوب فيني يلا سيري حاكي الحج سليم يقل لعمر يسير يربط كلام

تقوى كلمت سليم وجلسوا يهدروا كلهم عن حنين





📚 @rewayatyamania  🇾🇪

.

البـارت  45 ``


قلـوب منكسـرة  💔

للكـاتبـة: هنـاء عـبدالعزيـز

👌🏻👇🏻 😍
📚 @rewayatyamania  🇾🇪


يوم الأربعاء يوم شؤم على أحمد وحنين يوم مانسيته حنين

وحل في ذاكرتها يوم18/3/1998 هذا التاريخ فاجعة لحنين وأحمد حزنه الساعة الثامنة والنصف

محمد كان في الشارع يتكلم مع عمر أخو سماح واتقدم لحنين لأخوه ياسر

عمر: أحنا عنتزوج الأثنين واتقدمت لواحدة من الحارة وياسر لأنه مشغول بالجامعة ماقدر يجي معي لذلك جيت أنا وانتوا أسألوا علينا براحتكم أختي تعرف أختك في الجامعة راقبين مع بعض أكيد عارف

محمد: أكيد أن شاء الله خير أشوفهم وارد لك خبر

عمر: أذن منتظرين الرد وألف شكر وسعيد بمعرفتك

محمد: العفو والف مبروك لك في أمان الله ودخل البيت

زينب: مالك يا ابني جالس في الشارع

محمد: فيه موضوع أشتي اقلكم فيه جاء شخص يشتي حنين لأخوه وقال تعرفيها في الجامعة أيام المراقبه

حنين: استغربت سهام معها أخ وليش ما كلمتني لوما جت

محمد: قال أسمها سماح ويشتي الرد ما رأيش موافقة

حنين تذكرت أحمد وما قالته سهام وشعرت بغصة في حلقها

ورن التلفون قام محمد يجاوب

محمد: ألو من معي

أحمد: حددت لي موعد اليوم أيش ردكم

محمد شاف حنين وأشر لها بمعنى ما اقله

حنين من قهرها رفضته قبل ماهو يرفضها وأشرت له انتهى

محمد: مابش نصيب الله معك

حنين في نفسها لا تقفل خليني أسأله ليش عمل هكذا بي وكأن الدنيا أنطبقت على قلبها

أما أحمد مسك باب الكبينة وقلبه انجرح واتكسر وسودت الدنيا في وجهه

زينب: وهذا منه الذي اتصل

حنين شافت محمد يسكت ويغلق الموضوع وهو فهمها

محمد: واحد صاحبي بيسأل عليش يمه

زينب: يوه فيه الخير بلغه سلامي أشتي أسألك من اين هم هذولا الذي يشتوا أختك

محمد: من صنعاء بيت ال.......يعرفوا ابن عمي شرف

حنين تعبت وقامت للغرفة وجلست تبكي وتتذكر أيامها مع أحمد

زينب: قل للدكتور يوقف لي الكيماوي خلاص تعبت ما عاد به فايدة له مابين أقدر أقوم أبسر لي عمل

محمد: حاضر يمه يوم السبت أسير لاعنده يلا قومي أرتاحي شليها ياصفيه المكان

صفية: يلا يمه دارية تشتي تتكلم أنت وحنين وحدكم أثنين مرة واحدة وأنا مالي مش أنا بنت قد دريت وأنتوا بتتشاوروا

محمد: ماهو هذا الكلام اص عيب الواحد يستحي كني أمسكي نفسش

صفية دخلت عند أمها ودفتها: صورتي شجلس وحدي بين اربعه حيطان

@rewayatyamania المصدر الأول للروايات

محمد: حنين مالش أتكلمي ليش رفضتي أحمد وكنتي تشتيه

حنين: قهرني يا أخي وكسرني الف كسر

محمد بغضب: ماهو كيفه ماسوى هذا الحقير

حنين بحزن: مش مثلما أنت مفكر لا يمكن وحكت له ما قالت سهام لوما جت تزورها

محمد: وهذه من اين تعرفيها قالت له،،مش يمكن افترت عليه

حنين: طيب لو قلنا أفترت عليه ما دراها بالحوار الذي دار بيننا أنا وهو

(باك) أحمد: أشتي اكلمك في موضوع بس لا تفهميني غلط والله من بعدها حبيتك من أعماق قلبي

حنين: ماهو اتكلم

أحمد: قبل ما أشوفك في القاعه يوما رحتي تشتكي بي للمشرف ذاكرة

حنين: أكيد كمل

احمد: يومها شفتك من قبل وأحنا نستلم البطائق وشخص جنبي كلمني عنك أنك مغرورة ومتكبرة وما بتكلمي أحد هذا في نظري حلو وعجبتيني من يومها بس

حنين: بس، ،،،

احمد: أتكلمنا وأتراهنا عليش من يقدر يكسب قلبك وبعدها اعجبت فيكي لأحترامك لنفسك وتقديرك لذاتك ومن يومها عاهدت نفسي أني أعمل المستحيل واتقدم لك وحبيتك فعلا

محمد: وأيش الكلام الذي قالت لك سهام

حنين: قالت بعض من هذا الكلام وكمان يكسرني ويذلني ويرميني في النهاية وبكيت لدرجه حست صدرها بيطلع من بين ضلوعها

محمد ضمها: خلاص أختي أنسيه والله عوضك بأحسن منه

حنين تذكرت أنها حبت أحمد من أعماق روحها وكيف تنساه وكان اول حب في حياتها وأجمل سنين عمرها قضتها معه ثلاث سنوات وهم على أتصال واقف معاها في المرة والحلوة كيف أنساه كيف ونزلت دموعها شلال حتى نامت

محمد دفاها بالبطانية وغادر بيته مسكينة يا أختي
.
.

بعد أسبوعين خطوبة وعقد حنين على ياسر وأصبحت زوجته شرعا وقانونا

عند أحمد قفل عليه البيت دون خروج لمدة شهرين وأدمن على الشيشه وكان سامي يدخل له اكل وشرب ويجلسوا مع بعض

أحمد: حنين نسيت كل شي بيننا في لحظة تصور رفضتني أين الحب الذي كان نفسي أعرف ليش رفضتني هل أهلها رفضوني أم هي أنا كلمت أخوها قلت له لساتني بكون نفسي من الصفر بشتغل سمكري بس كنت بعمل المستحيل علشانها أشتريت الغاز والبوتجاز وحتى الصحون تصور وكنت بروح أستأجر بيت لو أشتغل ليل نهار علشانها

سامي: يكفي قتلت نفسك


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 46 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪



بعد مرور سبعه أشهر

زينب: العرس قرب اتصلي لنجاة تجي تسير معاكن تشترين الكسوة حقش واتصلي لحنان أختش تجي تتعرس عيب قدي اختكن

حنين بحزن: عادي يمه يكفي هذولا الحاصل وشوية الذهب أهم شي صحتك يمه أتعبتك معي كنتي تتحملي وتجي معانا فوق السيارة نشتري الذهب والكسوة وأنتِ تاعبة خلاص يمه قوا

زينب: مامعي الا أنتين باقي صفية إن شاء الله يجي لها زوج أموت وأنا مطمنه عليكن

حنين: الله يدي لش العافية وتبسري أحفادك

زينب: الحمدلله على كل حال يلا باقي شهرين للعرس لا تجلسي تسيري السوق خلاص أبسري كيف قد اتهديتي جسمك ضعف

حنين في نفسها: هدني يمه الوجع وكسرة القلب


نجاة جت وجلست عندهم شهرين هي والبنات


أيام الزفاف سارت نجاة تعربن مغنية لليومين النقش والحفلة

سماح: جيت أتفق معاكم حريوتنا الثانيه بتعمل الأحد والثلوث وأنتوا أختاروا أيام

زينب: خلية الربوع والخميس

سماح: خلاص تمام إن شاء الله والفستان عنبسر كيف نعمل

زينب: إن شاء الله يابنتي،،،، وسارت سماح

حنين: كله كلفتة أبردي مايهمني حتى الكسوة مش من الذي أشتي مطرز نفس الشكل مع تغيير اللون

نجاة: وانتِ كنتي عتختاري لنفسك

حنين: أمي ماتشتي الا هكذا وبدون أعتراض وأنا ماسخيت اتعبها دوار


يوم الثلوث فعلوا الحمام ويوم الربوع النقش

لبست حنين فستان أخضر مطرز والعصبة الخضراء جوا معازيم خيرات أهلهم وأصدقاءهم

عزفت المغنية كانت تزف حنين وهي كأنها في عالم آخر فقط أختها حنان تمسكها من يدها وتجلسها وتلبسها العصبة مالش يااختي حزينة افرحي هذا عرسش مرة في العمر

حنين ساكتة وتبكي بصمت من دون دموع

@rewayatyamania المصدر الأول للروايات

بعد المراسيم في الليل رن التلفون

زينب: الو من معي

سماح: أبسري ياعمة والله دورنا فستان زفاف لوما شبعنا مالقينا أبسروا أنتوا من جهتكم

زينب: جيتي تقلي لي اليوم وغدوة الزفاف من اين ادي فستان ذلحين

سماح: اتصرفوا عليا نبيت مع السلامة

زينب غلقت السماعة: من اين ادي فستان لغدوة جت تقلي اليوم

نجاة: نستعير حق بنت الجيران عاد هي اتزوجت وهي نفس حنين ضعيفه عاد انا سرت عندهم قبل أسبوعين

زينب: سيري قلي لأمها قوا بنتي عادو حين بعد العشاء

نجاة: تمام لبست وسارت هي وبنتها ووافقوا يدوا الفستان بفلوس

حنين: هذا وهو فستان يعلم الله ما عاد به مخبى كأنها حست أنهم شؤم اليوم الذي تحلم به أي بنت في سني وزفافها الأول يحصل معي هكذا



يوم الزفاف

انتظرت حنين تجي المزينة لما وقعت الساعة خمس

المزينه: يوه سامحيني أتأخرت عليش كان معانا عروسات مثلش كملتهن وجيت

حنين: سارين صديقاتي قدو عيأذن

المزينة: يلا سيري البسي الفستان وجي ،، عملت لها تسريحة ومكياج سريع كملته أمد ربع ساعة لبسوها العباية ونزلت الدرج تسير بيت عمها لأنه كبير مارضيت أمها في قاعه

خرجت الشارع كانت تحلم يوصلوها بالسيارة لقيت مافيش أحد من أخوتها ولا عيال أخوتها منتظرين لها في الباب

مشيت مشي دخلت بيت عمها والزغاريد والمغنية تغني وزفتها لما وصلت الكرسي الذي عملوه لها كان كرسي فوقه سجادة مرتفع عن الأرض فوق وسايد

(الذي حق زمان من حق الفراش خلف الظهر)


كملت المراسيم وسارت حنين بيتهم الساعة عشر جت السيارات تأخذ حنين

كانت خايفه أحتضنتها أمها بعدما لبسوها العباية

حنين كانت تشتي تحضن أمها وتبكي تمالكت نفسها وغادرت

طلعت فوق السيارة زينوها بورد وكان جنبها خالتها مرة أبوها وحنان أختها وهي في الوسط


السيارة الثانية

بنات عمها وبنات أختها وسبع سيارات آخرى من أهل العريس وأربع من بيت العروسة

مشوا في الطريق وكان يقود السيارة أخوها أحمد كان الموكب في وادي وسيارة العروسة في وادي كان أحمد يسرع بالسيارة بسرعة غير معقولة

اسماعيل: دلا ياابني مالك مستعجل السيارات بعيدة وأنت قد سبقتهم

أحمد: ماافعل ماقدرت اوزن السرعة مش أنا والف أسوق اتمتيك وهو مسرع جت سيارة من الطرف الثاني مفترق الطريق التقاطع

اسماعيل: أحمد أنتبه

حنين غطت عيونها ووطت راسها في حضنها

أبن عم عمر: ماله أتقدم بسرعة بالسيارة مسرع

واحد يقرب لهم: والله كان عيفعل حادث أبسرت كيف مسك بريك

الموكب وصل لا عند السيارة

اسماعيل: خفف السرعة كنت عتودينا في داهية

حنين مسكت أختها حنان

حنان: خلاص الرجال مسك لطف الله كنا عنسير جنازة قوا دلا ما بيعاجلك

أحمد: كله من ذمة الأتمتيك ماقدرت أوزن يدي خلاص وصلنا باقي هذه اللفه بنخطى بعد موكبهم

الطريقات مليان الشارع وكان الشارع مسرج بالقناديل وقفت السيارة ونزلت خالتها وحنان وحنين جالسة فوق السيارة من الخوف ما قدرت تمشي

حنان: يلا ياأختي مسكت يدها ودخلين بيت العريس

حنين في نفسها...





📚 @rewayatyamania  🇾🇪

.

البـارت 47 ``


قلـوب منكسـرة 💔

👌🏻👇🏻 😍
📚 @rewayatyamania  🇾🇪


حنان: يلا ياأختي مسكت يدها ودخلين بيت العريس

حنين في نفسها اللهم أنزلني منزلا مباركا وأنت خير المنزلين

شبحها أبوها اسماعيل وطلعوا الدرج ونزلوا الشنط في غرفتها

سليم: أهلا وسهلا ارحبوا فوق العين والراس

والزغاريد ملان البيت

دخل العريس غرفته منتظر حنين

تقوى: لا تنزليها سماح لوما تجي الثانية يبسروهن النسوان مرة واحدة

حنين كانت تشعر بالعطش تشتي تشرب وغلقوا الديوان عليها

محد في الغرفة ياربي تعبت دخلت أخته مالش تشتي شي

حنين: اشتي اشرب كم الساعة

سماح: الساعة 12الليل

حنين: ياالله كنت أشتي أصلي عشاء

جت الحريوة الثانية ودخلوها عند حنين سلمين على بعض

ونزلت حنين عند زوجها وشافته كأنه غريب عنها ماحست بالأمان معه

ياسر أبسرها: ماشاء الله والجمال

عمته: أقرأ الفاتحه وافتش لها

اتصوروا كانت الغرفة صغيرة محشورة حشر

حنين: أشتي أصلي العشاء

ياسر: قد الوقت متأخر صلي غدوه

حنين: اصلي ركعتين على الاقل ،، دخلت الحمام وغيرت واتوضت

وسارت تصلي ركعتين وجلست تدعي وهو يشوفها بيقول وقت الصلاة حبكت
.
.

في صباح اليوم الثاني جوا أهلها يسلموا عليها وغادروا

اليوم الثالث عملوا ثالث للعروسات في صاله والعشي رجعت حنين من القاعة وكان ياسر خارجي من الباب ماسك الكتب في يده

حنين: فين عتسير وشافت الكتب كان ياسر سنه خامسة هندسة

ياسر: معي أمتحانات وخرج

حنين شافت فستان الزفاف وهذا لمن دخلت وغلقت خلعت الفستان وطلعت عند عمتها والبنات

تقوى: يوه مالش طلعتي وين الفستان قد خلستيه سيري أجلسي مع زوجش

حنين: خرج يذاكر مع صاحبه

سماح: ها مع المستأجر هم في نفس الكلية أسهل أجلسي معانا

حنين جلست شويه ونزلت بتسمع الحريوة الثانية الغرفه جنب بعض وكان عمر يعزف على العود ويغني منسجمين شافت الساعة عدت الواحدة بعدها نامت ومادريت متى رجع من عند صاحبه

@rewayatyamania المصدر الأول للروايات

في الصباح

حنين: أشتي أعرف ليش اتزوجت في أيام الأمتحانات

ياسر: تشتي أجلس جنبش وهي سنتي الأخيرة وتعب خمس سنوات

حنين: كنت عتراعي لما تكمل

ياسر: غصبني أبي قال عرس واحد من الخسارة

حنين أستغربت وسكتت: كان نفسي في تسريحة مابش تبع السرير وشافته كأنه قديم

ياسر: هذا حق صاحبي قدو عيسافر بلادهم اداه لي وخرج الجامعة


تغريد: سلام كيف أمورش

حنين: الحمدلله

وشافت الغرفة حق حنين

تغريد: جي عندي شوية بدل ماتجلسي لوحدش

حنين: ليش فين زوجش

تغريد: طلع عند أبوه وسارت غرفتها

تغريد: تعالي ما تخافي جالس طالع

دخلت حنين وشافت كل شي جديد من الدولاب والتسريحة وحتى الفرش والموكيت

حنين حست بغصة في حلقها ليش هو مايشتروا له مثل أخوه وسارت غرفتها

سماح دقت الباب: ممكن اتفضل

حنين: تعالي ادخلي حيا

سماح: حيا بش أنتِ

حنين: سماح ليش أخوش ما أشترى جديد حق صاحبه أخذهن

سماح: تقصدي السرير والدولاب مايفعل يا أختي هو طالب وعمر موظف وبيستلم مرتب أما ياسر قلنا نزوجه معه علشان قدو مرة واحدة ولأنه مابش معه يدفع مصاريف العرس أنتِ عتفهمينا عادش جديدة أبي يعجبه يخليهم يعتمدوا على نفوسهم

حنين أبسرت الغرفة والفرش قدهن عفى عليهن الزمن
.
.

العصر خرج عمر وتغريد يقضوا شهر العسل

ياسر :أسير أذاكر يلا وأنتِ أطلعي عند أمي أبسري ما تعملي

حنين: نشتي نخرج مثل عمر وتغريد هيا قوا معك يوم الجمعة

ياسر: سيري أطلعي ما شا أترك دراستي وأجلس اتنبع تشتي أعيد السنة وخرج من البيت


عدى شهر ونصف

تغريد: يوه مالي ما بيجلس شي في بطني

تقوى: أو قدش حامل ياجنيه

تغريد: مدري وعملت فحص وطلع حمل

حنين خرجت من غرفتها تطلع عند البنات

تقوى: قد تغريد حامل باركي لها ما ذلحين مرة أبني ما تبز جور خلي حنين لو به نفاظ والا غسال عيجي العيد باقي شهر أوبهي

حنين: مبروك أبسرت عمتها وسكتت
.
.

في شهر رمضان بعد مضي شهرين ونص لوحام تغريد

تقوى: هيا مه قد شي وحام

حنين أستغربت ليش السؤال ماقد لها الا شهرين

ياسر طلع للمطبخ مع أمه ياكل

تقوى: لو ما توحم عنزوجك الشجرة التي لا تنبت يجب قطعها


https://tttttt.me/+Ecxq_OzMYh40M2E0



📚 @rewayatyamania  🇾🇪