🔥


بـارتـات يـومنـا السبـت👆🏻😍

.

البــارت 211 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


عدي: صدق والله ايش منتظر لحتى تتأخر وعندك بيت رممه بشهرين مثلي وخلاص

سيف: والا يجلس عندي وله جناح متكامل وباب خلفي عشان يرتاح

خليفه: ان شاءالله بس

عدي ضرب فخذه: لا تبسبس ان نويت ربي يعينك ويوفقك وماتحس الا وانت عريس وعروسك قدامك

سيف: ما احد يسوي جنونك واستعجالك

عدي: لاني عندي عم يشترى بالذهب
مارفض رجل ليش ينتظر للشكليات يعرف الاصول

خليفه: وانت لو مكانه بتستعجل وتعرف بالاصول

عدي: اكيد

خليفه: مدامك بتستعجل لي اشتيك خال عيالي وقول لخالي سيف يخطب لي منك

لف له بتفاجؤ عدي

سيف بابتسامه رزينه: وانا اطلبك ياعدي وان مارضيت بمجلسي اجي معه لمجلسك بفلتك

عدي برفض واستنكار: لا جعلني فداك مجلسك يكفي وايش تجي البنت بنتك ويخطبها منك وانت من ربيت وانت ولي امرها

ابتسم بحب سيف: لا والله مانتخطاك و انت ولي امرها ومربيهم بك الخير والبركه

احمد بابتسامه: يعني الآن خطبه خطبتم

اسامه: ليش لا الولد وبنت خاله مافي رسميات كلنا اسرة وللبنت اللي يرضيها هي واخوها والا يا عدي

عدي بهدوء: مالي اعتراض على كلامكم

سيف: اسأل البنت

خليفة: حقها بس عدي عطيتني

عدي نظر له هو صديقه او توأم له ونظر للمتواجدين يترقبوا رده

احمد: ليش لا تتأكد تخاف تنرفض

خليفه: وليش بنرفض بس اشتي رضى تام من اخي وصديقي عدي بس

عدي: وانت تستاهل واعطيك

محمد بمزح: كما تدين تدان مثل ما سويتوا با آسر يا عدي سوا بك خليفة

سيف: وعدي وخليفة رجال ويستاهلوا ولو غيرهم مانعطيهم بناتنا غاليات بس لانهم يستاهلوا

خليفة: تسلم ياخال انت الخير والبركه واشتي حفلة سادس العيد قبل لا ارجع افتح الصيدليه واجهز براحه من الدوام

سيف: هااا عدي

عدي: مثل ماتشتي انت فصل وانا والبنت نلبس

احمد بضحكه: الااا صح هن توام من منهن

خليفة بتحديد: تولين

عدي عقد حواجبه ولف له بحده

ابتسم خليفة: لا تعصب مااعرفهن والله حتى عن بعد بس طلع الاسم

اسامه: ههههههه هيبه ابن اخي هههههه

وقف عدي بصمت: يله استأذن

الكل: الله معك

@rewayatyamania المصدر الأول للروايات

اتجه لفلته بصمت بسرعه صار الموقف واعطاه البنت بس ان رفضت هز راسه رفض ليش ترفض هو ابن خالتها دين واخلاق ودكتور ماينرفض

دخل وشافهن كلهن قدام الشاشة ويشوفين برامج عيديه يمنية مضحكه قدامهن انواع المكسرات وجعالة

ام عدي: هلا حبيبي الحمد لله على سلامتك

جلس عدي بجانب بيلار اللي بالطرف لفت له بصمت وابتسمت ورجعت تتابع للشاشة نظر لمكان انظارهن وتافف ونظر لامه متنهد بتأفف يكلم تولين مره واحده او يكلم امه تكلمها جاهل بهذي المواضيع هو اشر لها ووقفوا متجهين لغرفه جانبيه

لفت بيلار للبنات وشافتهم يقفلوا الباب

بيلار: بنات ايش في دخلوا للغرفه وقفلوها خلفهم

تولين: مدري والله

توليب: يا اخلاقكن الفاسده ابن وامه ايش دخلكن

بيلار: من تتكلم ام الفضول

تولين: مندمجه مع البرنامج والا تشوفيه لاصقه اذنه على الباب

بيلار: خبر اليوم بفلوس بكره ببلاش

تولين: زوجك اكيد بيقولك

بيلار تاكل لوز مع زبيب: عادي راحته ووالله ان قال لي اقول لك الا بخصوص الاسرار

تولين ابتسمت: حلو مسكتي نفسك بس ان كان اللي بينهم اسرار واشتي اعرف

بيلار: هذيك امك كلميها تقول لك اما انا ما اطلع سر لزوجي

تولين بابتسامه هاديه: زوجك زوجك وحقك يااختي

وبعد وقت قدمت بيلار مع توليب العشاء

توليب: وين تولين

بيلار: مااعرف شكلها نادتها عمتي
حطت الاكل واتجهت تنزل شعرها لان رفعته وهي تطبخ مع توليب وعمتها تصلي وتولين معاها وعدي بالجامع لفت لدخوله وابتسمت

بيلار: يله العشاء جاهز

عدي هز راسه بصمت واتجه خلفها لطاولة الاكل وجت تولين بصمت ووجهها لتحت وام عدي بعدها
جلست والكل احتوى على الاكل لفت توليب

باستغراب لبيلار: ليش كذا صامتين رفعت كتوفها علامة جهلها

توليب بابتسامه: اشوف في اسرار وصمت ومواضيع خاصه تتشاوروا فيها بالغرفه لوحدكم ايش فيه
نظرت لامها وعدي

ابتسمت امها: مافي لا اسرار ولا مشاورات في خطاب 

توليب ابتسمت بغباء: خطاااب لتولين والا بيلار

نظر لها عدي بحده وبيلار كانت بتشترغ بالقهوة ابتسمت وبدلع وتشوف لعدي الصامت

بيلار: لا انا عندي زوج قولي لك والا لتوأمك الصامت

صمتت وترفع وجهها لتولين: لك صح

صدت تولين بكره وتأفففت بصوت

عدي لاحظ حركتها وعقد حواجبه: كلمتيها يمه

امه اشرت له بصمت بس تجاهل ونظر بنرفزه من حركتها

عدي: وايش قالت

تولين برفض وقوة اول مره قدام عدي: لا مااشتوش

عدي سند لظهر الكرسي: وليش

رفعت بيلار حواجبها استغراب من كلمته واضح فيها عجرفه

تولين: كذاااا مااشتوش

عدي عقد حواجبه بتعصب ومسكت يده الام تنفس بقوة وواضح معصب: ...





📚 @rewayatyamania  🇾🇪

.

البــارت 212 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


عدي عقد حواجبه بتعصب ومسكت يده الام تنفس بقوة وواضح معصب: مافيش رفض كذااااا ماتشتوش في تفكري وردي لي بكرة على الصبوح

تولين بصوت واطي: لو في رضى او رفض من البداية

عدي مسك اطراف الطاولة بيدينه وتقدم لعندها: ان قلت لك اني اعطيته كلمه وكلمتك امي الا زياده ومااشتيش اسمع كلمة غير الرضى لاني دلعت وجاء على راسي قلي لي ايش يرتفض به دكتووووررررر وولد عمتك على حد علمي مافيش شي ينرفض به الا ان تعرفي شي يخليك ترفضيه قولي لي وارفضه وارفض حتى كلمتي اللي اعطيته له وقدام الكل

صدت تولين ويدها توقفت بحضنها ومااكلت ولا شي

ام عدي: اهدى حبيبي اهدى وخليفة مافيش شي

توليب: لمن الخطبه ذلحين لتولين وخليفة المغرور

عدي رفع حواجبه ولف لها: مغرور من متى وعلى من وايش عرفك

بلعت توليب لقمتها بصعوبه واصدرت صوت: هو معروف بكل العائلة بغروره مايشوف احد وكأن الكل تحته

عدي بعصبيه: قولي

تولين والدموع غرقت عيونها: كلنا نعرف غروره واخلاقه المعدومه حتى خواته يقولين كذا

عدي: ليش ماعرفتن الا انتن بغروره وهو اخ وصديق لي ماحسيت بغروره

بيلار بنفسها: قدر ولقت غطاها كلكم مغرورين ومتعجرفين ولا في احد يقنع كذا

تنهدت: حبيبي يا ابي اقنعني وماعرفت كيف اقتنعت بس باسلوبه استحيت ارفض كان سوا مثله بدال تعجرفه

فزت من صرخته

عدي: الا انتن مااعرفش ايش دخلكن بالرجال وانا طلعتن علي اني متعجرف ومعقد وهو مغرور اي غرور هااااا ماحسيته انا قولين

ام عدي: اهدا ياابني لا تعصب ومااحد يقنع البنت كذا الله يصلحك

ضرب الطاولة وطلع وتولين رمت الخبز من يدها واضح مالمسته شهقت وانفجرت تبكي وبقوة ضمتها بيلار بحب وتهمس تهدئها

تولين: يمه ليكون بيغصبني هاااا والله مااتزوجه يعني مااتزوجه

امها مسحت على ظهرها بحنان: اهدئي ذلحين بعدين نتكلم

تولين: امانه يمه لا

الام: بس يابنتي الولد مافيه شي مش لدرجة رفضك كذا ولا مغرور ولا شي

ابتسمت بيلار بهدوء وتأشر انها بتكلمها هي هزت راسها وطلعت الام لعند عدي تهديه وتقنعه ان بيلار بتحاول فيها وهن بنات وبتقتنع منها بنت لبنت

بيلار: لاتبكي وان في نصيب مابتقدري ترفضي وان مافي والله لو بتنزفي له مايتم الزواج ولو بوقت الزفه

تولين: بس كارهته وان بالرجل غرور واخلاقه خاربه بأيش بيعاملني

بيلار: اذا انتي زوجته مابيغتر عليك بالذات اذا صنعتي لنفسك كيان قدامه مابيغتر وبيحترمك ويقدرك كله اللي شخصيتك اللي بتصنعيها انتي

تولين صمتت

@rewayatyamania المصدر الأول للروايات

بيلار: وبعدين ماتقدري تردي كلمة اخوك وهو قال له تمام وقدام الكل تشتي وجهيته تطاح وان كلمته ماتسمعها اخته اكيد بيستهان به

تولين: ليش يعطي كلمة مايقول اشوف رأي البنت

بيلار: ممكن احرجوه مثل ما وقع مع ابي وعدي هم كذا قدام الكل طلبوا منه وماقدر يرفض وهو قدام الكل وانا وقعت بموقفك صح ابي ماسوا مثل عدي بس بالعقل بترفضي وتنزلي كلمته صمتت وتشوف صمتها

بيلار بصوت واطي: انا كنت والله مثلك تماما حتى متعقده من اخوك وكنا نقول المعقد المتعجرف اكثر من خليفة بس رضيت عشان ابي وربي وفق بيننا والآن زوجته وحامل بابنه لما تعاييشي الشخص بتعرفي انه فيه خير وفيه شر مافي بشر من غير شي

رفعت تولين عيونها لبيلار واشرت لها بإيجاب ونزلت تولين راسها بصمت

تركتها وطلعت متجهة لجناحهم دخلت للغرفه ومغثيه شافته جالس على السرير ويدينه على ارجوله ووجهه لتحت رفع راسه ويسمع صوت ترجيعها بالحمام وقف ويشوفها متكيه على المغسلة بعد مارجعت اللي ببطنها والقارئ بكرامه تقدم بخوف واستغراب
عدي: ايش فيك ليش كذا ترجعي

مارفعت وجهها وتغسل بتعب وخمول غزى كل مفاصلها: عادي

عدي تقدم ومسكها من اكتافها: اي عادي الله يهديك بكره اخذك للمستشفى ويعطيك حق الترجيع هذا اما اذا رجعتي بعد كل وجبه ايش بيتغذى جسمك والا الجنين

حطها على السرير ووقف بيروح لعند امه يشوف ايش بتعطيها

مسكت يده وهي تجلسه جنبها: ما تطلع انا تمام شوي ويروح الخمول

عدي: اكلم امي تعطيك اي شي من الاعشاب تبعها

بيلار: تعطيني يانسون وع اكرهه

عدي: اذا يهدي لك اشربي مش ضروري تحبيه او لا

بيلار غمضت عيونها وتفتحها بتعب: بخصوص تولين كلمتها بهداوه وحاولت اقنعها عشانك وكلمتك قدام الناس بهدواة واقتنعت نوعا ما

عدي: اقتنعت او لا بتتزوجه بتتزوجه

بيلار بنرفزه: لا تكون كذا كل شي غصب لان ان رفضت بتتعب انت وتتعب هي وزواجه مش جائز وبتجرحوا ببعض

عدي: ايش قلتي لها لحتى اقتنعت امي عرفت وكلمتني انه بتقتنع منك

بيلار: قلت لها كلمتك وطلعت قدام الناس وعيب ترجع بها وانت طلعت كلمة

عدي هز راسه: الله يهديها اشعلت نار غضبي كنت اشتي اجلدها

بيلار: تجلدها وهي شابه عيب بحقك وحقه

عدي: بس ترفضه وتستهتر...




📚 @rewayatyamania  🇾🇪

.

البــارت 213 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


عدي: بس ترفضه وتستهتر بي بكل وقاحه عشان ايش عشان سمعت انه مغرور
اعرف مافي احد تشوهت سمعته مثلي عند بنات عائلتي بس ماسويتي مثلها

بيلار تنظر له وبنفسها: لان اسلوب ابي غير عن اسلوبك ولو جاء باسلوبك والله لو انك اخر رجل ماخذتك

تمدد بتعب وحط يده على عيونه وبصوت واطي: تعرفي انهم طلبوا حفلة بعد خمس ايام من اليوم

بيلار: اييشششش

عدي فز من شهقتها وبتذمر: هذا انتي تفاجأتي كيف ما تولين بس كنت امل منها الهدوء وتنصاع بعقل

لفت له بيلار وحطت يدها على صدره: بتعقل ماعليك بس ليش رضيت حفلة بعد خمس ايام

عدي: طلبها من عمي سيف وهو كلمني مستحيل ارفض بس عليك تكلمي تولين

بيلار: مادخلني

عدي: والله ماغيرك يكلمها والا تشتيني انا واجلدها ان تمردت مثل قبل شوي قولي لها انتي وقولي لها ان اللي حدد الموعد عمي سيف ومابترفض والتجهيز كل شي بيتكفل فيه انا وهو ماتهتم

هزت راسها بصمت وانصياع وتفكر بتناقض شخصيته ان جت له على العناد والتمرد يطلع شره وتعجرفه بس بالاسلوب والمراوغه مافي بتفهمه ووداعته

@rewayatyamania المصدر الأول للروايات

♡♡♡♡♡

عدلت زينتها قدام المرايه وحطت عطر للجو من حوالينها لحتى ينتشر على جسمها بالكامل رفعت فستانها الطويل والفخم لمناسبه مثل ايام العيد منتظره شوي ويجي يخزنوا مع بعض ابتسمت له اول مادخل تقدمت بابتسامه وترحب فيه بنعومه

سيف: ارتاحي الوقفه عليك عناء

ايلان: عناءك راحه ياقلبي اجلس

جلس بهدوء على المكان المخصص اللي جهزته له وريحة البخور اليمني منتشره بفخامه بانحاء الغرفه وشاي وماء بارد وقاته مغسل وجاهز تقدمت تجلس جنبه بهدوء: كيف نهار العيد

سيف: ليت الناس نفوسهم تصفى دايماً مثل نهار العيد

ايلان: مايتشاجروا الا اهل الدنيا حياتي

ابتسم ومد يده لبطنها البارز شوي رغم ان الفستان حق حمل: كيف ابني تمام ماتعبك بالعيد

حطت يدها على يده: لا فديته وفديت ابوه ضحكت بفرح: شوف حس بمعايدتك ويرد عليك

ابتسم برزانه: ربي يحفظكم ويطلع للدنيا بخير انتي وهو عيد الاضحى بيكون معانا صح

ايلان: ان شاءالله ماعرف ممكن عقيقته يوم العيد

سيف: يارب ويكون عيدنا عيدين

♡♡♡♡

نفخت بتأفف من ساعه تصحيهم ولا واحد صحى منهم قبل كانت بواحد لان اثنين نسخه من بعض هزت كتف يزن بنرفزه كان نايم وحاضن سيف بحنان العالم بينهم هزته للمره ماتعرف كم

ايلين بصوت مرتفع: والله والله اجيب ماء

تمتم بنعاس يزن: وانتي بالله وايش صحيك من صبح الله

مسكت خصرها بضجر: من صبح الله الساعه عشره ونص اي صبح الله ونسيت ان معانا سفر

جلس بتعب ويتمطط بخمول ونعاس شعره تبعثر بس اعطاه شكل جذاب مع تصفيفة عوارضه تكلم بصوت ثخين اثر النوم: تعرفي ان نومي حق يومين امس مواصل رجعت الفجر من عند الحلاق الحمار اللي متعامل معاه ماجاء مشغول واضطريت اروح لصالون عادي وطوبرت لبعد الفجر وامس الليل سهرنا تعرفي ماجاء نوم لان اختبط عندي الروتين مو مثلك من مغرب نايمه

ضربته بخفه ووقفت: لان حتى انا واصلت بس مع التعب نمت ماا سهرت مع الروتين

وقف وياخذ منشفته: وصحيتي نشيطه

ايلين: القناعه كنز من ثمان صاحيه الآن كيف اصحي ابنك نسخه منك صحيه انت وانا بجهز ملابسكم

يزن: وجهزي لثلاث ايام لان مابنرجع الا خامس العيد او رابعه

ايلين: ان شاءالله جهزت ملابسه واتجهت لغرفتها مع سيف وتجهز لهم ملابس مااخذت لها الا بناطيل وتيشرتات وبجايم وعبايات مختلفه مع جزم اعز القارئ وشناط ناعمه

طلعت تدق باب غرفته مارد فتحت الباب وشافته طالع وبمنشفه فقط على خصره رجعت وقفلت الباب ودقته مره ثانيه: انزل مع سيف صبوح

نزلت وتقدم الاكل على الطاولة ودخل يزن بقمة كشخته عليه كاجول ابرز جسمه الرياضي من تيشرت ابيض واضح كأنه مرجع الازرار بصعوبه وعضلاته مرسومه وجاكت جلد اسود وبنطلون جينز اسود وشوز اعز القارئ ابيض كان مصفف شعره لفوق وواضح كثافته وشقاره الخفيف كان يضحك ويحاول يوقف سيف وهو نايم بقوة

ايلين تقدمت وجلست قدامه: ماما حبيبي اصحى بدل عيد بنروح لدار الحجر اللي تتمنى تزوره

سيف بنعاس: نروح بكره

ايلين لفت ومليت يدها ماء وغسلت وجهه

جلس يزن ضاحك: وضيته كامل ولا صحصح

ايلين: يله اجلس واصطبح

جلس سيف بنعاس ويصطبح ولما خلصوا نقل يزن الشنط للسياره وركبت معاه وسيف ركب بنفس نعاسه ونام بحضن ايلين بعمق

ايلين: حتى الاغراءات ما نجحت معه

يزن: لو ما الضرورة وعطلة كنت جبت سائق يسوق السياره وانام جنب سيف

ايلين: ايه على اساس اني وسائد تناموا عليها

يزن: واجمل والله

ايلين تغير الموضوع: ووين بنروح قبل ما نوصل صنعاء

يزن: نروح ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 214 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


يزن: نروح جبل بعدان ولقصر اروى بجبلة ولما نوصل صنعاء  نتعشى بمطعم ونرجع الجناح نخزن وننام واليوم الثاني نروح دار الحجر وجامع الصالح وجبل همدان ونروح لعدن لصهاريج والشاطئ

ايلين: باقي معبد الشمس بمارب

يزن: ان شاءالله عيد الاضحى نروح تعز ومارب

ايلين: ان شاءالله المعالم والجمال باليمن تجنن والتاريخ يشهد لهم مش بس ابناءها

يزن بتنهيده: ايييييه والله ايييه من يشبهها من هي الحضاره هي المناره هي الاصل والفصل والروح والفن

ايلين: امي اليمن

فتح مسجل السياره على صوت زعيم الغناء العربي الفنان اليمني ابوبكر سالم باغنية امي اليمن وصوت الارض ايوب طارش ويتنقل بين اغانيه واناشيد عيديه يمنيه للكبسي والمنشدين الجداد

@rewayatyamania المصدر الأول للروايات

♡♡♡♡♡


بيلار: لا الحمدلله كل شي جاهز للحفلة

احلام بفرح وابتسامه مشرقه: ربي يسعدكم ويحفظكم واشوف عيالكم بأقرب وقت

ديما: ههههههه مستعجلة تخوفيه اول شي قولي تشوفيهم الاثنين مع بعض ولما يكونوا مع بعض اذكري العيال و و

ايلان: هههههههه ربي يسعدك احلام بس كلام ديما بمكانه

احلام بضحكه: ايش اسوي فرحانه ومستعجلة اشوف عيال وحيدي

حور: الله يقر عينك يارب

احلام: تسلمي ويقر عينك بشوفة نبيك وولدك

اسيل: اوووف تولين وين شافك المغرور خليفه لحتى حددك انتي بالاسم وصلتني اخبار اعترفي تعرفيه بسكته

تولين صدت بصمت وحواجبها معقوده لفت لبيلار وببكاء: مسرع الحفلة بعد بكره مستعجل عدي يتخلص مننا

بيلار: الله المستعان ليش تقولي كذا والله انتن روح عدي بس حدد خالي سيف وتعرفي كلمته من يرده

تولين نزلت وجهها تخفي دموعها: كنتي قلتي لي احسن من ما اكون بين الكل مثل الهبلاء

بيلار قبلتها بحب: تعرفي والله ماكنت بخفي عنك بس قلت لعمتي تكلمك وقالت بعد الغداء بتقلك وشكلها تراجعت وماكنت اعرف انهن بيجين والا قلت لك وخليتك تستعدي وافرديها حرام شوفي خالتي احلام ماتقلصت الابتسامة من الجانب للجانب

هزت راسها بهدوء

اسيل: مافي دي جي نزف نرقص

خيريه: مسرع كله الا حفلة عقد وبعد بكره عاده

اسيل: المهم نفرح حفلة عقد والا طلاق المهم نرقص

احلام: الله مايكتب الطلاق لاحد وصدق المهم نفرح باثنين مش واحد من العائلة وبكره بيجين خواته كلهن لو تشوفين فرحتهن وحالات الواتساب ماهدين كلهن عليه ومباركات له

ديما: الله يسعدكن به ويخليه لكن

الكل: آمين

ايلان: بتتكوفري صح

تولين صامتة

اسيل: انتي انتي تولين ليش التقليد وكأنك عروسة صدق هااا مانسمع صوتك الا همسه هي حفلة مش زواج

احلام: مالك دخل ببنتي وخطيبة الغالي

لفت تولين لبيلار بكره واشرت لها تبتسم ولو شوي مجاملة

دخلت توليب بدي جي وشغلنه لاعلى صوت وبدأت رقص وجنون مع اسيل والبقيه عدا ايلان وثقلها وتولين وحنقها من الوضع كامل بس مابيدها غير تصمت وتتقبل لان ان رفضت مابتغير شي بس تجرح فرحة محبين واقارب له ويقربوا لها وكبيره عندها انها تزعلهم لان بحياتها ماقد زعلت احد منها وهمس وحور جالسات يتحاورين بهدوء بشخصياتهن وخفيفات حركة حتى البنات الصغار شاركين برقص واحلام وخيريه بالذات ان الجده بالقصر وماقدرت تيجي وطلبت تولين لاعندها تبارك لها وان بتيجي بتيجي يوم الحفلة ان سوها لها بفلة عدي

يوم العقد
تولين ببكاء: والله والله اطلع من الغرفه واحرجكم كلكم بس مايدخل ويلبس

ام عدي: ليش يمه ايش تفرق اذا دخل وشافك انتي زوجته

تولين: تفرق اني تزوجته غصب فلا تغصبوني حتى قدام النسوان ابكي بصوت واحرجكم وهذا اني قلت ومابتراجع قولي لابنك

بيلار تقدمت وبنعومة: خلاص حبيبتي والله مايدخل ولا يشوفك هذا اني حلفت بس لاتخربي زينتك شوفي ما شاءالله جاورتي القمر تبارك الرحمن

عدلت لها خصلة بجانب وجهها بجماله الناعم شعرها عملت فيه ويفي وبف نفخه من فوق كان طوله يلامس اكتافها مع الويفي كانت التسريحه ناعمه من قدام حركات بسيطه ابرزت جمالها الناعم اكثر وميك اب بشادو عيون ترابي ابرز سوادهم وروج لحمي لامع ابرز رسمة شفايفها الصغيره والفاتنه بامتلاءها الخفيف انفها المتوسط بانحدار فاتن فيه اكتمل جمالها وكان عليها فستان لحمي هادئ بصدر قصير ومنفوش من تحت بشكل كبير والصدر بقصه حديثه ابرز نعومة جسمها وبياضها

مدت لها بيلار بكلينكس تمسح فيهم دموعها لفت لتوليب اللي محتاره ايش تلبس ولاول مره تلبس لوحدها دون توأمها

توليب بضجر وعليها ميك اب ناعم حطته مع تولين وبيلار بالصالون

توليب: يمه ايش رأيك تدوروا لي عريس واعملوا لنا حفلة الثنتين ماقدرت البس ناعم وهي فخم ولبس عرائس حرام طول عمرنا مثل بعض

هزت الام راسها بتهديد

ابتسمت توليب بغباء: ...





📚 @rewayatyamania  🇾🇪

.

البــارت 215 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


ابتسمت توليب بغباء: يمه هو افتراض وفكره جت على راسي حبيت اقلك به بس

ام عدي: لا تقوليش وخليه باسفل بطنك احسن

اسيل اللي معاهن من اليوم الاول: وتطلع مع البول

بيلار: والله نكتك طلعت نفسي ولا تضحك

اسيل تجلس تحط المناكير على اصابعها وكل شي بكشختها جاهز: يعني اسعدتيني نكتي تضحك بس النفسيه بيلار ماضحكت

لفت بيلار وهي تلوي فمها اتجهت لجناحها والجوال بيدها تتصل بعدي وقفت قدام مرايتها بغرفة نومها تعدل شعرها الاشقر اللي صبغته اشقر وكان حواجبها مرسومين باشقر وشادو اسود بدقه عكس على شقارها وعسلية عيونها وروج احمر صارخ ابرز بياضها كان عليها فستان ذهبي وبارز جسمها النحيل وبقصة صدر سبعه من قدام ووراء لنص الظهر وتسريحتها تغطى الفتحه ان تحركت

لفت لدخوله بعد مانادته برسالة تقدمت وتشوف كشخته وكأنه هو العريس بتصفيف عوارضه وشعره طولان شوي لانه باجازة عليه كوت اسود وفوقه شال ابيض واسود وثوب ابيض ناصع
وجنبيه غالية الثمن على خصره

عدي تقدم وحواجبه معقوده: ناديتي ايش ناقص

بيلار: مش ناقص شي بس تولين تبكي تقول ماتشتيش خليفة يدخل يلبس

عدي ويتقدم ووقف قدام المرايه ونفض شاله اللي كان على كتفه: ومن قال بيدخل مابخليه انا

بيلار تنهدت براحه: احسن والله بكت وماهديت الا لما حلفت لها انه مابيدخل

عدي لف لها: بكت لانه ما بيدخل والا من حركاته السابقة

صمتت بيلار: لا رافضه يدخل

عدي عدل الشال على راسه ويربطه بالطريقه اليمنيه ابرزت ملامح وجهه الوسيم وجزء من الشال على كتفه

بيلارابتسمت لوسامته: ما شاءالله اقري لا يمرعوك

لف لها وابتسم: اقري انتي على نفسك يا شقرائي تقدم يتلمس شعرها وكشر باستغراب: ليش قسى كذا اعرفه حرير 

بيلار ضحكت بنعومه: لا هذا مثبت بس

عدي دقق بنظرات حاده: غيرتي لونه

بيلارحركت عيونها بدلال: بس اضفت شوي خصلات شقراء

عدي هز راسه وحك طرف شاربه: كنت اذكره وانتي صغيره كان احمر حناوي كذاا

بيلار: ايييه من زمان غيرت لونه للاشقر مثل بشرتي وحماره كان بسبب الحناء بس

عدي: حنيه احسه كان اجمل

بيلار ابتسمت: ان شاءالله المرات الجايه 

عدي نظر لساعته: يله شوي ويجوا من صلاة العصر بروح لان صليت وحدي كنت مستعجل واول ماخلصت شفت رسالتك جيت وعمي سيف كان مناديني

بيلار هزت راسها: يله الله يتمم كل شي على خير

تنهد وطلع وهو يتمم بآمين

اتجهت بحماس لعند تولين تطمنها بكلام عدي

@rewayatyamania المصدر الأول للروايات

♡♡♡♡

كان واقف بجانب باب مطبخ الرجال الخارجي بصمت وجمود وعيونه الحاده بلون البن الفاتح  تتابع بدقه الرجال الكثير اللي يدخلوا ويخرجوا ماكأنه بس حفلة عقد

ماجد من الداخل وغارق وسط الكثير من أواني الاكل المتسخه بعد وليمة الغداء: تغدا ماتغديت

لف له بجمود: شابع ولله الحمد

ماجد بابتسامه محاول ممازحته وتعديل مزاجه الحاد لان معتاد مخرن جلوسهم لوقت طويل مع بعض: طيب ما بترفع اكمامك وتساعدني

لف له بحاجب مرفوع: لاااا يعني تشتيني اجلي والله عقابك للصبح خدمه بدالي

ماجد بتراجع: لا لا منسحب عن كلمتي اجلي لوحدي

لف وجهه للباب بس بسرعه ادار ظهره للباب الخارجي ويشوف اللي دخل بهيبته ونظراته الحاده تأمل الشي الصغير الساكن بيده وهز راسه بترقب ثبت السماعه على اذنه يسمع صوت حارس الباب الخارجي يكلمها ابتسم ساخر لعذرها اليومي والكاذب خلع طاقية الطباخه بضجر وتأفف وضحك ماجد وبمرح: لو تنتشر بس صورتك وانت كذا ههههه

ابتسم بجمود وثقل يجامله ولا افكاره بعيده كل البعد عن نكت ماجد تكلم بصوت جامد وحازم: اطلع كلم الشباب كل شي تمام

طلع من بين اكوام الاواني العملاقه ويتبع الطريق لداخل ويطمن مافي احد وان القصر خالي تماماً
قلب الشي الصغير اللي بيخاطر ويحطه

رجع لعنده ماجد ويلهث: كل شي نضيف ادخل درب السلامة

رمقه بجمود: تلهث كأنك جيت من بداية المدينه يشتي لك جلد وتدريب على الضعف اللي بجسمك مكتفي بالطبخ وناسي لياقتك وانك تحتاجها اكثر شي بحياتك

هز راسه بصمت ولف يمشي بخطوات ثقيلة ورزينه يخطيها بجسم عريض ورياضي بطول فارع

دخل وعيونه تدقق لكل مكان بحذر وترقب عميق القصر هادئ كامل لان مشغولين بيوم الحفلة اتجه لعمود عريض وقدامه ممر عارف لمين بالضبط مع تحرياتهم ومكوثه هنا من ايااااام وشهور ثبت الشي الصغير بدقه ولمسها بخفه كحذر وادلة ضد مكرهم

تلمس الجدران حواليه بدقه ورجولة يطبطب بكل مكان يدوس عليه ولما وصل لنهاية الممر وفي بابين مختلفين لجناحين وقدامه نافذة كبيرة...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 216 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


تلمس الجدران حواليه بدقة ورجولة يطبطب بكل مكان يدوس عليه ولما وصل لنهاية الممر وفي بابين مختلفين لجناحين وقدامه نافذة كبيرة مايعرف وين مفتاح المخزن الارضي دقيق رغم انه صوره من قبل وعطاه لمصممين الديكور ومفككين للخزنات وشفرات ماقدروا بيحاول بيقدر وبيدخلوا ويكشفوا كل شي على بينه يكون الكل مجتمعين بيتم القبض عليهم مره واحده عشان ولا احد منهم ياخذ حذره ويفر ويظل من اثرهم بذرة بيوم من الايام بتزرع من جديد

تلمس الجدران المطلية بطلاء ابيض ناصع دقق ويشوف مكان كف لونه شوي مقلوب للبيج لامع شوي تأكد مافي اضاءة تبرز لمعانه بكثره عن الأماكن البقية وماشاف مد يده وحس ان المكان خاوي من الخلف شوي ضغط بقوة ولف بتفاجؤ لاحد مربعات البلاط تتحرك ببطء دقه بحياته ماقد شافها

بس فز من وسط ترقبه وتدقيقه للاصوات وتماسك بثبات ويطرد ارتباكه بحكم وظيفته مافي خوف ولا ارتباك يهزهم ولو من عقلهم اللا ارادي بس حتى وان استولى على ارتباكه بسهولة مايقدر ان لف وجهه يمثل لان بيكشفوه وتعب الشهور يطير هباء

تنهد للحظات بارتياح من الصوت اللي سمعه وامل يتصاعد ان مهمتهم مابتفشل بقرب نهايتها لف وجهه وانلجم لسماع كلماته الساخره
ثبتها بقوه لا تنحرف وتتخربط عندهم الصورة  وترجع مره ثانيه تخاطر لهنا وتدخل عشان تثبتها من جديد وتراقبوا المكان بس اعتقد انك تثبت كاميرا تصوير استخباراتيه تلتقط صور وفيديو مش تثبت زينة طبخه عندك صححح انت ملخبط بمهنك والااااا انا الملخبط يا شييييف وبسخريه:  شهاااب

@rewayatyamania المصدر الأول للروايات

♡♡♡♡

استقبلتها بحب وفرح ضمتها بشوق
ونظرت لها: حيا الله من جانا كيفك حبيبتي بخير

ايلين تعدل فستانها الاحمر الفخم: الله يسلمك الحمدلله على كل حال

ايلان بأبتسامة حب: الحمد لله شفتك بلون غير الاسود اللي خبيتي جمالك بوسطه

ايلين بتنهيده: تسلمي وما شاءالله سمنانه

ايلان: الحمل وعمايله والعقبى لك بس تعالي معي

ايلين تمشي خلفها: لوين

ايلان تكلم بيلار: جناحك مفتوح

مدت لها مفتاح بيلار اخذته وطلعت معاها ايلين دخلت وسحبتها لغرفة النوم لفت لها

ايلان: ارفعي شعرك اشوف

ايلين: ليش

ايلان: حرام الفستان بهذي الفخامه ووجهك باهت بدون زينه بزينك

ايلين باعتراض: والله ماله داعي م

ايلان قاطعتها باصرار: والله والله هذا اني حلفت اني بزينك يا بنت حرام الحزن هذا كله سودتي عيشتك وعيشة الشاب مسكين طول حياته وحداني وينتظرك ولما شافك كل ملابسك اسود وبدون زينه

ايلين: مااقدر ولو يشتي والله عادي يتزوج بس انا ما اقدر اتزين والبس واعيش كأن ابي ما راح من الدنيا

ايلان: الله يرحمه والحي ابقى من الميت وانتي مسؤولة لأهمالك لزوجك حرام تهمليه وماتمتعيه بجمالك بمفاتنك تبرزيها خليه يكتفي وانتي تبارك الله ماتحتاجي كثير تجنني بس الكآبه لا

ماقدرت ترفض وبدأت تزينها بدقة ايلان ورفعت شعرها بنعومه منزلة خصلات على رقبتها ووجهها بفخامه ابرز جمالها ابرزت عيونها بالآيلاينر من تحت ولنص من فوق وماسكره كثفت رموشها وكحل اسود ابرزهم اكثر وشادو احمر وروج احمر صارخ يتناسب مع الفستان

ايلان ابتسمت بإعجاب: ما شاءالله تجنني شوفي نفسك

شافت لوجهها بهدوء وابتسمت مجامله ليلان
لفتها يخرجن

ايلان: امنك بالله ماترجعي لحزنك تزيني وحافظي على زوجك وارجعي ايلين اللي اعرفها

نزلين ويدخلين للمجلس الواسع اللي فيه حشد كبير من النسوان سلمت ايلين على الكل وجلست مع ايلان بصدر المجلس وبدأن بمواضيع كثيرة وماتنتهي

هند لفت بنرفزه لامها: خلاص يمه رفض عدي يدخل خليفه لبسيها انتي

احلام: كنت اعرف مستحيل يرضى بس عادي الزواج قريب يشوفها مرة واحدة

هديل: بس ماتشوفيه كيف معصب وقال حاول يدخل بينهم خالي سيف ورفض وحلف بالطلاق قبل لا يكلمه

احلام: خيره بغيره
تقدمت ولبستها ورفضت ام عدي ياخذين له صور موصيه من عدي
وتحلطمين خواته بزعل

رن جوال اسيل وكانت ترقص شافت رساله من خليفه خييير المعرس يرسل ردت: هلا هلا ومسهلا بالعريس

رد باختصار وعصبيه واضحه من كلماته: بلا كثر كلام صوري تولين وارسليها عدي منع امي والبنات يصورنها

اسيل فتحت عيونها من كلامه وبغيظ: اعرف اللي يشحت يقدم يده من تحت

خليفه اللي اشتعل اكثر وهو بالمجلس حس جسمه تعرق اكثر من كلام السخيفه هذي اي شحت الله ياخذه: اسيت جيبي صورة لا اجي واعلمك الكلام السخيف

اسيل جلست وتقرأ فتحت عيونها بغيظ: من اسيت انا من عيني يا خليفج يا خرده مغروره

ردت بلعانه: حرام صورة البنت اجيبها لك من عقلك فاهم للي تكتبه اني انسانه اخااااف ربييييي

خليفه شد على اسنانه يطلع غيظه وارسل: غسيل البنت مرتي وحقي اشوفها بس المتخلف عدي حلف بالطلاق ما ادخل

اسيل فتحت عيونها غيظ ولوت فمها: ...





📚 @rewayatyamania  🇾🇪

.

البــارت 217 ◇


وصيـة انتقـام 🔥

👌🏻👇🏻 😍
📚 @rewayatyamania  🇾🇪


اسيل فتحت عيونها غيظ ولوت فمها: من غسييل غسلوا دماغه الحمار المغرور

ردت: من عيني تقول لعدي متخلف بقوله
وارسلت مره ثانيه بخوف لان تعرف رفعت ضغطه وواضح غضبه وحتى خواته واضح زعلانات على اخوهن المغرور

اسيل: واخاف ان ارسلت لك وعرف يجلدني جلللللدد وجسمي للآن يشهد لبصمات حزامه

خليفه رد بقهر: وحزامي بيرسم على الباقي يا اسيج الكلبه

اسيل بقهر: متخلف هذا  يكسر جسمي كل مره كسر اشتي لي كرتون بيض ومية جبيره عشان ارجع الاكسار ويشتم بكل عين قويه صمتت لو صدق يطبق تهديده ارسل له بس بطريقتي تقدمت لعند تولين

اسيل: وواااوو تولين النقش يجنن هاتي اصوره واخلي المنقشه تطبقه لي للعيد الثاني

تولين مدت يدها الشمال منقشه بنعومه ومناكير خمري عكس بياضها والمحبس بالبنصر اللي لبسته لها احلام من شوي التقطت صوره وارسلت له
شاف الصوره وعدل جلسته بحماس يشتي يعرف اللي تزوجها عشان عدي صح بس رغبته بالجمال مايتخلى عنها وعنده فضول يشوفها بس قهره عدي بتحجره غمض بقهر ويشوف الصوره ليد بيضاء ارسلت يدها ايش اشتي به دقق وفهم ان اليد لتولين من المحبس اللي اختاره بنفسه ارسل لها: اسيت ايش الصوره هذي قلت لوجهه

اسيل ابتسمت: هذا القطعه الاوله ما اقدر اصور وجهه وحرام انتقشت لاجلك ودفعنا آلاف حرام ماتشوف النقش وخلي واحده من خواتك تصوره ان عرف عدي ما يقدر يجلدها هذا اللي علي قفلت جوالها ورمته بشنطة تولين ورجعت للرقص والجنون مع توليب وبنات الحارة

@rewayatyamania المصدر الأول للروايات

♡♡♡♡♡

فتح عيونه وشافه بحده لف له ورفع حاجب وبسخريه وصوت قوي ازال كل رهبة اللحظه وغرابتها عليه بالذات مع حساسية الموقف: واعتقد انا انك ماتشوف وبالظلام والا ليكون تستخدم انت الكاميرات الليلية وتشوف بها بالليل اعمالك وعندك فيها خبره

يبتسم سام ساخر: يعني احنا الاثنين متساوين انت ضابط وبزي شيف وانا اعمى وبالحقيقه اشوف وهز كرسيه ووقف وامشي وسليم ماني مكسح ولا عاجز

يتحكم بردات افعاله اللااراديه بقدارت مبهره وهو يخفي صدمته بخفه شكوكه كانت صحيحه بس كيف والتقارير  الطبيه الصحيحة والقانونيه اللي تأكد منها

سام اتجه ومد يده يخلع الكاميره ورماها للارض وهو يدوس عليها: عندنا محارم ومايحق لكم تحطوها هنا وتستبيحوا محارمنا وسترهم فاهم ولو انتم رجال دولة واستخبارات كنتم على الاقل اخذتوا اذن اهلها ينبهوا محارمهم مايجين مكان الكاميره وخذوا بعدين خطوات خطتكم اللي بديتوا تحيكوها بوسط قصرنا وبدون علمنا

حك طرف فمه وطرف شاربه بصمت وعيونه تدقق بعيون اللي قدامه عيون سليمة ومافيها الضياع السابق وعدم قدرته على التحكم فيه ممثل وبجداره ولو من اكبر ضباط الاستخبارات اللي يدسوهم بين الاعداء ماوصلوا لمثل دقة تمثيله لدرجة ايقن واتأكد انه اعمى ومعاق بصدق
رفع عيونه لسام اللي فهم غلط مغزى وضع
الكاميرا

رجع يجلس على الكرسي وبهدوء تكلم معاكس لعصبيته السابقه: اعرف على ايش تدور وتحوم من اياااام وشهور ورجالك هنا بكل مكان بس رفع يدينه وصفق: اهنيك على دقة حركتك ومهارتك قربت تخلص على الكل والا باقي وليش متأخر للآن والدليل عندك من اول ما استلمت القضيه

يسند جسمه الطويل اللي بعضلات متناسقه وضخمه ومتجاهل صدماته اللي يتلقاها من الشاب اللي قدامه ماتوقعه بهذا الغموض والذكاء تكلم بهدوء مماثل للي قدامه وبصدق: اخاااف نترك بقايا بذور وترجع تنبت وتكون اقوى واخطر من السابقه بغلاف اعمق واكثر نقاهه ظاهريا

سام بتنهيده فهم دقته: هنااا مافي ولا بذره ااكد لك والوحيده عارفها وساقها بيدك اقتلعه بسرعه قبل لا ينكشف لغيرك وينفضح تخفيكم وتفوح رائحة القصر العظيم انا بشهد معك ولك اللي اكثر من اللي تعرفه وبتدور عليه ومابتلاقيه الا بعد شهور وممكن سنين ماهم بالبساطه اللي ممكن ذكاءك يصورهم قدامك من سنة وانا صامت وامثل عن الكل حتى محاولة اخي وسندي لعلاجي وزعله وقهره علي اللي اشوفه ويجلدني ضميري بس مواصل تمثيلي عليه عشان هذا الشي وعشان اكشف اختي وزوجها وابلغ لكم وترددي رفع عيونه له بتنهيده: ترددي انتظر لو في امل تتوب اختي وتتراجع عن الوساخه اللي زرعها فيها زوجها

وبأسف: لان والله احنا ربينا وزرعنا فيها كل خصال الدين بسس جرها الحقير زوجها لمستنقع وقعت فيه ومالها طلعه نزل عيونه وبقهر وغبن:  بس الآن بعترف لك كل شي وحتى لو تروح قصاص بس اطالبكم تستروها وتستروا سمعة شيوخ اعزاء لا يكتسر ظهورنا


ميل طوله وباستفسار: تشهد بأي خصوص يعني شفت ولا عندك ادلة

سام بانكسار وعيونه لتحت: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 218 ◇


وصيـة انتقـام 🔥


👌🏻👇🏻 😍
📚 @rewayatyamania  🇾🇪


ميل طوله وباستفسار: تشهد بأي خصوص يعني شفت والا عندك ادلة

سام بانكسار وعيونه لتحت: كل شي عندي ويكفي للآن ضحايا اللي قد راحين وقبل لا تكثر اعدادهن حرام كثير من اعراض الناس تهتك كل يوم وانا بانانية منتظر لحتى تتوب وهي كل يوم تزيد جرأتها بافعال شنيعه وتغضب الله وخلقه

مد يده يطبطب عليه شهاب بقوة: لا تخاف وهذي افعال يدينها عندها اراده وهي اللي ادت بنفسها للتهلكه واكيد سمعة شيخنا وعائلته تهم الدولة كامل وبيكون كل شي بتخفي تام عن كل العيون والاذان

سام هز راسه: ومتى بتاخذ اقوالي

شهاب بجمود وتفكير يربط المعلومات الكثيره اللي تلقاها وبذكاء يقيس ايش صدقها من كذبها تكلم بحزم: الآن روح ينتظروك تحضر حفلة ابن اختك وينتظروني تعرف معزوم والليل نلتقي بعد الحاديه عشر وتمدني بكل اللي تعرفه وتعطيني الأدلة اللي عندك وان شاءالله قريب واحنا قد مسكناهم كلهم وتخلصنا من هذي الجرائم المخزيه والشنيعه

سام: الله يعين ويوفقكم على حكر والقبض على هذولا الخونه للوطن وللاهل

@rewayatyamania المصدر الأول للروايات

♡♡♡♡♡♡

الجده: انتي ماتفهمي ليش افعالك اختلفت عن زمان لاتجلسي مع الضيوف ولا مع العائلة اختلفتي يابنتي

خلود: تعرفيني اكره تجمع النسوان الكثير

الجده: ايش فيها ان تجمعن وهن مايجين الا فرحانات لنا اشوف باركتي لبنتك

خلود: لا اول واحده تحمل والا كيف

الجده: الله يعوض بنتي بالخير وامه كذا متخلفه بنتك بنتك الكبيره حملت باركي لها وكبري مكانها عند زوجها ليش نسيتي حتى الاصول والواجبات

احلام تهدي الوضع لان من وقت ماسكه بخلود وتعاتبها وتهينها بشكل يخزي ومهين قدام كل بنات العائلة: الا يمه هي تزوره كل يوم يقول الحارس انه تجي لهنا

الجده لفت لام عدي: امانه عليك هي تجي كل يوم صدق

ام عدي صمتت متى تجي ولا قد دخلت البيت الا اليوم وقرب المغرب مابتشهد زور ولا بتسكت عن حق: لا

احلام اتفاجأت: لا كيف لا لفت لخلود وين تروحي مادامك ماتجي لهنا هااا

خلود بتأفف: اوووووف ايش دخلكن هاااا اني كبيره ومااحتاجش راي احد وقفت تاخذ عبايتها وتطلع

الجده بعصبيه: قولي هذا الكلام لاخوك سيف اشوف ان بتنطقي بحرف صدق ان حياك وادبك نسيتيه لما تطلقتي من آسر

قلبت عيونها من ذكره واتجهت للخارج

دخلت بيلار مبتسمة وتقلصت ابتسامتها باستغراب: وين راحت امي ماضيفتها

الجده تمتمت: بداهيه ان شاء الله تاخذها

احلام: راحت ارتاحي انتي شوفي بعد مارجعتي بعد الغداء ما اكلتي شي وجهك واضح اصفر من فوق الميك اب

بيلار بابتسامه مجاملة: لا خلاص باكل بعدين

وقفت ايلان بتعب: يله يمه

الجده: يله ياقلبي ربي يعينك ويقر عينك

ايلان: آمين آمين

راح الكل للقصر وجلست بيلار بصمت مع عمتها وتوليب وتولين وتوليب تقلب بالصور اللي سوتها لتولين وام عدي بدت ترتب وقفت بيلار تساعدها وحلفت عليها تجلس جلست بهدوء وجرح من روحة امها نفسها تعذر عليها وتسألها عن حالها وعن احتياجاتها قدام اهل زوجها عشان يكبر شانها ويحترموها وتكون مرتاحه وعندها عزوه وذخر

دعت من قلبها لابوها لان تحسه اقتمص الدورين وعوضها اضعاف ماكانت تعطيها امها من زمان ماقد عطتها لاحنان ولا اهتمام ولا نصايح تحذرها وتانبها عن الغلط بهدوء ورقه

دخل عدي ومتلثم بشاله واضح كان معرق وتلثم لا يأثر عليه الريح سلم على تولين ويبارك لها فرحت انهم تصالحوا وشافته بدأ يتكلم عن موضيع غير تعجبت لان شكله مراضاته للكل بهذا الشكل يتجاهل ماكان السبب بالزعل ويبدأ مباشر يكلم ويحاور لا يعتذر ولايطمن انه بيكف عن اعماله ويتوب

شفت رسالة من اسيل عقدت حواجبي من كلامه ووقفت متجهه للجناح لفيت لدخول عدي بديت جهزت له مكان يجلس وجبت له الماء والشاي جلست جنبه وبعد صمت

بيلار: سمعت ان خليفة مقهور انك ماسمحت له يدخل

عدي باستهتار وصوته ثخين مع القات الللي بفمه رغم ان حجمه صغير: يضرب براسه بحجر اسود مش من العاده يدخل عندها لو يوم الزواج بكره مااخليه يدخل يدخل عندها لما تكون ببيته ولابسه الابيض

بيلار: والله احسن ولا يسوا عقد ويقال يتعارفوا ولما يلعب بمشاعره ويخلع حياءه يطلق جرح على البنت اكثر من الرجل

عدي: اكيد فكذا احسن وعادي لو رجعت مطلقة بعد عسى الله شهرين بس المهم تكون تزوجت هذي تقاليدنا

بيلار بتسحيب كلام: كيف لما اقتنع

عدي: كيف حلفت وخلاص

بيلار: يعني مادخل وساطة خالي سيف

عدي: قبل لا يدخل حلفت وقطعت عليه كل المحاولات

بيلار: وبأيش حلفت 

رفع حاجب استغراب لسؤالها

بيلار بقوه وحزم بس ماتخلت عن صوتها الناعم: حلفت بالطلاق صحح كذا عرضه لايمانك اول شي مايجوز تحلف بغير الله وثاني شي انا ان كنت شي هين لك تحلف فيه على اي شي افضل تتركني اسهل امساك معروف او تسريح باحسان بس...





📚 @rewayatyamania  🇾🇪

.

البــارت 219 ◇


وصيـة انتقـام 🔥


👌🏻👇🏻 😍
📚 @rewayatyamania  🇾🇪


بيلار بقوه وحزم بس ماتخلت عن صوتها الناعم: حلفت بالطلاق صحح كذا عرضه لايمانك اول شي مايجوز تحلف بغير الله وثاني شي انا ان كنت شي هين لك تحلف فيه على اي شي افضل تتركني اسهل امساك معروف او تسريح بحسان بس ماتخليني شي قابل للهلاك بمجرد عصي يمينك خلاص انتهت علاقتنا لا وتحلف على اي شي انا اكره النوعيه هذي من الرجال اللي كل حلفانهم بالطلاق وعلي الحرام والطلاق تمام


عدي صمت وتأملها بنظرات هاديه عدل جلسته ومسك يدها: والله لا انتي شي هين علي ولا شي بس قلت اقطع محاولته ومافي احد يكسر يمين احد ان كان بالطلاق

بيلار: ولو مش تبرير انك واثق ان الكل بيسوي اللي تشتيه الطلاق ماتحلف فيه الله اعظم احلف فيه

عدي وماسك غضبه بصعوبه بس لان صوتها للآن هادي: اعتادوا الناس على هذا اليمين وما احد يخلفه

بيلار قاطعته: ولو مايهمني يهمني انت ماتحلف واخر مره اسمع

عدي بتذمر يشتم اللي قال لها: خلاص يابنت الناس ما احلف مره ثانيه تمام

ابتسمت مجاملة وهزت راسها برضى

عدي: قالت امي ما اكلتي بعد مارجعتي كل اللي ببطنك يعني الدكتورة اللي اخذتك لها كذابه وعلاجها مانفع معك

بيلار: لا مش من العلاج السبب الحمل مايجلس بمعدتي حتى دقايق لا وارده
تنهدت: ايش نسوي نتحمل

عدي: انزلي اكلي

بيلار وقفت بتعب: احس اسفل ظهري وبطني يوجعني من كثر الوقفه بنام

عدي: قلت اكلي لك شي

بيلار بخمول: والله ان اكلت الان ارجعه خليني كذا ومعدتي مستقره لا تقلبها علي بالاكل

اتجهت تخلع الذهب والزينه ودخلت للحمام والقارئ بكرامه تغير لبجامه ناعمه تساعدها تنام براحه
شافت عدي وقف قدامها اول ما فتحت الباب

عدي: اشربي علبة الحليب هذي على الاقل تعتقك من الموت

بيلار بتعترض بس مسكها ويشربها غصب

بيلار: طيب ابعد والا رجعت عليك تركها بسرعه وارتمت على السرير:  الله يسامحك غثيتني

عدي رجع لمكانه ويرتب ثوبه وهو يجلس لا يتجعلك: نامي على الجانب اليمين وبترتاحي

هزت راسها ودقيقه وصارت بسابع نومه وهو فتح جواله يتصفح على مواقع التواصل الاجتماعية

@rewayatyamania المصدر الأول للروايات

♡♡♡♡♡

وقف السياره بجانب البيت ونزلت وحاملة سيف اللي نايم بحضنها نزل يزن وحمله بخفه من حضنها لداخل قفلت السياره وباب الحوش ودخلت خلفه طلعت وشافته يحط سيف بسريرهم لفت تخلع العبايه والغطاء رفعت عيونها وتفاجأت لنظراته الملتصقه بشكلها نظرت لنفسها ورفعت الفستان بخجل من الصدر وارتبكت من نظراته لفت للمرايه وانصدمت من شكلها بالميك اب للحظات نسيت انها متزينه

لفت له بخجل وعيونه ملتصقه فيها ومانزلها ولا لثانيه حست بوجع ببطنها من الارتباك نزلت راسها وشافت طرف ثوبه وهو وقف قدامها مباشر  حست بيده تمتد لشعرها وتسحب البنس اللي ثبتت فيه خصلاتها الطويلة سحبه وانساب شعرها بكل نعومه مغطي ظهرها كامل واكتافها لمنتصف فخذها

غمضت عيونها بخجل وتحس بيدينه تحيط راسها وصوته وهو يهمس بذكر الله لجمالها ميل راسه مقبلها

وكانت بتتراجع بس اخذها بخفه للخارج لغرفة نومه

♡♡♡♡

نزل راسه عن عيونهم الحاده والمترقبه لكل حرف يطلع من فمه وبجانبه اصوات ازرار الكمبيوتر تسجل اقواله باسم وهمي كشرط منه لاخفاء كل ماله صلة بهم

"اول ماعرفت من مايقارب السنه وانا كنت خارج غرفتي القريبه للمطبخ والممر اللي يوصل لمكان الجرائم اللي مسجلة بالفيديو عندكم ويسنده فيديو ثاني هنا بهذا الجوال تسجيل اثبات جرمهم اللي شفته بعيوني وصور كل المتهمين واضحه بالفيديو

المحقق: انت من سجل الفيديو الثاني

رفع عيونه للشخص اللي بيمينه ويستمع باندماج: لا

المحقق: ومن اللي صوره لان اذا كنت انت بناخذ شهادتك والمقطع الفيديو بدلال انه منك

تنهد بأسى وتكلم بهدوء ظاهري: اللي صور المقطع زوجة اخي السابقه

فتح عيونه بصدمه الجالس بترقب وصمت: عمتي يعني موتها بسببكم


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 220 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


سام:  لا مااعرف سبب موتها بس اللي اعرفه اني شفتها ليلة بوقت متأخر طلعت من المطبخ ماء وسمعت اصوات بكاء اللي شدني مثلها اتجهت للمكان وشافت اللي مسجل ويحدث كل ليلة اغتصاب لبنت بعد ابتزازهم لها بصور او مقاطع فيديو ويصوروهم والعياذ بالله بنفس شكلهم رجعت مفزوعه واتخبيت انا عشان ماتشوفني ولا احد يفضح تخفي للحقيقه

والليلة الثانيه جت بنفس الوقت بس مامعاها ماء كان معاها جوال واتجهت للمكان فتحته بخفه مثل لما فتحته صاحبة الفيديو الدليل الاول اللي عندكم لان كانوا تحت ويسهل فتح الباب بدون فتح الرمز اللي على الجدار ولما خلص صمت يبتلع ريقه بغصه وانكسار وجت بتتراجع بس انتبهت لها المتهمه رقم اثنين وخافت تراجعت بهلع وطاح منها الجوال واخذته انا بدون لايعرفين الثنتين وهذا هو عندكم

شناف: موت عمتي بسببها

هز راسه عدم معرفه

ضرب الطاولة: طيببب ماعرفت المتهمه انها عرفت اكيد بتتسبب بموتها والا ليش ماتت بهذيك السرعة لا والكبد وقبل شهر فحصت للزواج وسليمه فيروس الكبد ماهو بهذا الفتك

لف بعصبيه لضابط بجانبه: افتح محضر بسبب مقتل ايلاف عبد الغني ال من سنه وشهرين والمتهمه الاولى هي المتسببه لمقتلها

هز راسه الضابط

كشر بغضب وقهر: قول يارب ماتكون السبب بموتها لا والله اقصها بيدي

صمت سام بانكسار ووقف بوجه جامد جلس على كرسيه: انا خلص كلامي وان احتجتوا شي ثاني نادوني وبحضر طلع يمشي بكرسيه واول ما طلع من الباب التقفه العسكري وساعده يركب لسيارته وودعه باحترام والسائق حرك السيارة

@rewayatyamania المصدر الأول للروايات

♡♡♡♡♡

كانوا متمركزين بالمكان من ساعات واوشك الصبح على الطلوع وهم هنا من قبل صلاة العشاء مترقبين لتجمعهم

كان واقف جانبه ومن شهور وايام ماوقف كذا وقدام العلن عليه بنطلوز جينز اسود وجاكت ثقيل يحميه من برد الليالي متلثم بشال اسود وجالس بجانب شناف اللي عليه اللبس العسكري التابع للقوات الخاصه ومتلثم بقناع خاص

لف للحركة البطيئة لمدير المحل المشكوك به وثلاثة عمال يدخلوا من الباب الخلفي الصغير اللي يدخلوا عبره مواد غذائية خاصه للقصر شد على يده سام بغيظ لدخولهم بكل هذي السهولة انقهر ويحس عيونه تحرق من برودة المكان وقهر الموقف

شناف طبطب على كتف سام: بتنحل بتنحل ومثل ماتشتي واشطرتك رئيس الحرس مابينذر الشيخ سيف

سام: كلمته واعطيناه امر التفتيش وكان رافض لا يبلغ سيف وبصعوبه اقنعته يكتم لان اكبر همي لا يعرف سيف بينكسر ظهره مره واحده لان حتى اسامه ان عرف بيعايش الموقف روحه لين لهذي القضايا اما سيف صمت عاجز يصف حالته وهو الواثق بكل اهل البيت وربى واعطى الثقه ان عرف انكسر ظهره قهر وغبن من خيانتها للعائلة وسمعتهم ولثقته الكبيره بالكل

♡♡♡

فوق بآخر دور كان جالس وبيده جواله يتصفح بهدوء وقف بيبذل قاته وينام يحس مصدع من السهر انسحب بتفكيره بقضيه معقده لاولاد عم مختلفين على اراضي ورث لهم واصلها واقف وفي مشترين وفي مأجرين فتفكيكهم معقد وصدع وهو يتنقل بين الاوراق والثبوتات

طلع لشرفة جناحه الواسعه وتتمركز امام الباب الرئيسي والشارع كامل تنفس بتنظيم حتى يزيل صداع التركيز كان بيدخل ويصلي قيام وينام بس عقد حواجبه ويحس بحركه رغم تأخر الساعه من ثلث الليل طلع ببطء وياخذ شاله وعليه بجامه ثقيلة تحميه من برودة المكان سحب معوز ولفه على خصره واخذ مسدسه واتجه بخطوات سريعه لسطوح القصر دقق لكل مكان حوالين القصر وشده حركات واضواء خافته تتحرك بالجانب الخلفي للقصر

شاف اجساد سوداء تتحرك بسرعه لداخل القصر من باب المخزن لمن هذه الاجساد وايش دخلها مخزن القصر اللي يخزن مواد غذائيه وفيه ثلاجه تجميد للخضروات

نزل باستغراب واسئلة تزوره وعلامة استفهام من هم وليش يدخلوا وايش عندهم و و و طلع بهدوء وفز له الحارس اللي مناوب وعند باب القصر

الحارس: محتاج شي ياعم

هز راسه بصمت ورفع يده بحزم علامه له يصمت طلع من باب الحوش الخلفي بخفه وهدوء تام تلثم بشاله واتبع الاجساد يدخل خلفهم عقد حواجبه ويتعرف على هوية الاجساد قوات خاصه وبمداهمه لمخزن قصري اي حلم غريب اخوضه بواقع

دخل متجاهل للعسكري اللي حاول يمنعه من الدخول اشر بيده يصمت ولا يشد انتباه احد بتواجده ويتيح لهم تكملة مداهمتهم انصدم من تواجد الشاب اللي شافه يوم العيد شغال بمحل الالكترونيات وموصل جوال لخلود بحث عنه واعطوه معلومات انه من محافظه لحج ويسكن إب من طفولته ويشتغل من خمس سنين بمحل الالكترونيات عنده شهادت صيانة جولات الآن يشوفه محاصر من عسكريين وياخذوه بتكتم للخارج

رفض وافكار مشوشه تزور عقله عن مافي الداخل وايش بيشوف وبينصدم من استنتاجات تواجد هذا الشاب وتخفي وتواجد القوات الخاصة دخل متجاهل افكاره...


https://tttttt.me/rewayatyamania/52368




📚 @rewayatyamania  🇾🇪

🔥


بـارتـات يـومنـا الاحـد👆🏻😍

.

البــارت 221 ◇


وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania  🇾🇪


رفض وافكار مشوشه تزور عقله عن مافي الداخل وايش بيشوف وبينصدم من استنتاجات تواجد هذا الشاب وتخفي وتواجد القوات الخاصة دخل متجاهل افكاره وحيرته خلف العساكر واللي كل واحد بدقه تامه ياخذ مكانه ويحاصروا المكان من الداخل

شاف تمركزهم على باب الغرفة اللي يعرفه مخزن للمواد الغذائيه بس الآن ماهو متأكد ايش تحوي واسئلة كثير تغزوا راسه

رفع راسه وهو واقف خلف تمركز العساكر الصامت وتكتمهم بعد ما اشر لهم يصمتوا وصمتوا تفاجأ من طلوع حارسين ممسكين برجل خمسيني ووجيههم مكشوفه ومفجوعه سمع همسات متقززه ومستغفره وهلعه تطلع من افواه رجال الشرطه الاستخباراتيه استغرب اصعب المواقف ماتأثر فيهم سمع طلقات نار تقدم بثقه وثبات رجولي فتح عيونه بهلع وكان له جزء من هلع الشرطين اللي قبل اللي علق عليهم وعلى هلعهم  بس الموقف خطف انفاسه

نظر لمكان الرصاصات على زاوية المستودع الضخم واضواء، متأكد ماكانت موجوده من قبل اهتزت اعماقه بتأثر من اللي يشوفه وشهقات بكى انوثيه تطلع من جسم مغطى بالكامل ببطانيه بلع امواس واهتزت الارض تحته ويحاول يربط اللي يشوفه ومكانه والافكار اللي استنتجها و لف للي بالزاوية وبعبايه رفع عيونه لوجهها وارتخت اطرافه حس بشي حار يمشي من راسه لقلبه بوجع قاسي وتضاعف نبضات قلبه رفع يده ويضرب على قلبه بقوه اثارت انظار الكل له من بين هلعهم وتقرفهم وطلوع اغلبهم من بشاعة الجرم وكقلب يمني كيف له التحمل ومشهود لنا برقة القلوب ولين الافئدة

@rewayatyamania المصدر الأول للروايات

تقدم بسرعه وكان جسمه العملاق وبنيته الرياضية رافضه الخضوع والانهيار يتقدم ممسك باللي سببت بوجع قلبه عمره ماقد حس فيه ظهره انكسر وانطعن الف والف مره بسكاكين عدة هو مااستوعب المكان لحتى يستوعب وجودها لا ومش بين الضحايا بين المتهمين والمحاطين بشرطيات هي وامراه ثانيه محاطات باربع من الملازمات النساء يمسكين فيهن كل واحده بجهه

سحبها من يدها بخفه من بين قبضة الملازمات وكان كأسد غاضب ويحترق من الداخل تقدم منه الجسم الضخم اللي يوضح من الرتبه اللي على كتفه انه الضابط لهم وكان المتقدم الاول

تكلم بصوت يعرفه وحسه انه هذي المره انكسر ظهره لاجزاء عديده حاول منعه من اخذها باحترام بس طلع صوته بحزم ويشد على اسنانه نار غيرة شرقيه ونار القهر والخداع ونار الظلم اللي قضى عمره يحاربه ويحاول ينهيه من وجه الارض

سيف: اتركني اغسل عاري بيدي يا شناااااف

شناف: لا مابنمنعك بس هي الان بيد الدولة والعدالة وجزاها تاخذه ونغسل عارك بس عندنا وبيد الدولة

سيف بقوة: خسئت والله العظيم تشكك بعدالتي ولو كان في سموم تجري من تحت قدمي من عقارب وحيايا اسكنها بقصري بس عمري ماتساهلت مع الظلم والله وخلقه يعرف

ضرب شناف صدره: وانا اشهد لك والكل اللي هنا واوعدك وعد رجال ماحد يعرف بها لك اللي تأمر به بس مكانها معانا ومحاكمتها علينا

سيف دهفه بقوه ورفض: انا اللي اعرف مكانها وانا اللي بحاكمها مثل ما خدعتني وادخلت الجرائم لقصري وتوقع تحتي وانا مثل الاعمى مااعرف بشي ووالله مكانها من اللحظه هذي تحت الارض لا فوقها الله لا يكتب لي عمر للصبح ان خليتها بمكانها

شدها وهو يتمتم بكلمات قويه مهزوزه واثقه ومتردده واضحه ومبهمه قاسيه ومشفقه طلع بخطوات وتبعه سام ماسك اكتافه: استحلفك بالله ورضاه عليك تتركهم ياخذوها وبيخفوا عن موضوعها ماتخاف ماحد يعرف بس لا تنجس يدك بدمها

سيف لف له بانفاس متسارعه وبنظره تخفي خلفها آلاف المعاني تسأله عن معرفته من قبل وتعاتبه تخفيه عنه وتسأله عن عيونه اللي يشوفها سليمه ووقوفه قدامه نظر له بحده يصمت وكيف يتجرأ يعترضه وتوبخه وتشتمه و و كثير من المعاني وصلت لسام اللي تبعه بخوف عليه هو ولا خلود بستين داهيه

سحبها ودخل لصالة القصر رماها بقوه وسحب عصا كان لجده مرفوع بشماعه كذكرى وتقدير له وبصوت مرتفع وانفاس متسارعه سيف: تسكتي عن الظلم وتدخليه لبيت اللي يحقه تسكتي عن معاصي وعن زنا تجمعي بينهم وتزيدي اثم وجبروت اين حيائك من ربك اين دينك ووين خوفك من ربك تربيتنا لك اصلك وعائلتك كيف نسيتيهم

نزل عليها بضرب وجلد بكل مااعطاه الله من قوه وغيظ وغضب كان يصرخ بكل صوته بصوت يزلزل القصر

وفزع كل اللي فيه ونزل الكل لعنده بهلع من المنظر وحالته وضربه المبرح للمرأه اللي بعبايه ومااحد نطق بشي يصرخ بصوت عالى مقهور: من من العائلة دخلتيها من نشرتي صورها من هااا

نطقت بين صرخاتها المتألمه: والله ما احد نشرت لها صور والله ماغير هم يعطوني الاجهزه والبنات يجين للمكان وانا بس اثبت الكاميرات وارسلها بعدين لل

صمتت وصرخت بكل ما تملك من صوت بألم:  والله ماقد جبرت حتى بنت تسوي كذا هن يجين من نفسهن

ميل فمه بقهر وقرب من جسمها المتكاوم بألم...





📚 @rewayatyamania  🇾🇪