روايات يمنية📚🇾🇪

رواية وصية انتقام للكاتبة: بثينة الدميني

.

البــارت 196 ◇

وصيـة انتقـام 🔥

للكـاتبـة: بثينـة الدمينـي

👌🏻👇🏻 😍
📚 @rewayatyamania 🇾🇪

كان يجلس على كرسي تحت مظلة كبيره بحوش القصر وجانبه كرسيه المشؤوم اللي ماكره بحياته شي مثل كرهه لهذا الكرسي وعجزه عن تركه بحياته ماشي عجز عنه كل اللي يشتيه يتمنى او يفكر فيه يسويه الا هذا الكرسي عاجز وعجزه خارج ارادته وقدراته

زفر اااااااااااااه بوجع من اعماقه حس بيدها الصغيره تمسك يده اللي على فخذه وصوتها الهادئ اللي يحبه ويناسبه كان يكره الصخب والصوت العالي دايم حتى وهو صغير وكانت هاذي الناعمه تناسبه بكل الاوقات حتى وهم اطفال كان يقبل فيها وبس تلعب معاه لانها هاديه ووديعه تسمع الكلام مثل مايحب وعدوة العناد

لف لصوتها تسأله عن شروده تحاول ماتخليه يشرد عنها او يفكر مع نفسه وكأنها تعرف جلده لذاته على كل اللي حوله وعاجز عنه

سمع صوتها المبتسم والناعم: شكلك اليوم جاوع ليش ماتتكلم وحتى اكلمك واحاول اخذك من سرحانك ماتسمعني

سام مسك يدها الصغير بداخل يده: لا مافي جوع واحنا بنص رمضان بس احس الهواء الطلق اثر فيني

حور: مايأثر فيك ولا تهتم مافي بالدنيا شي تتندم عليه او تتمنى تشوفه الا سحبت يده بحب وحطتها على بطنها: الا ابنك اللي بيجي للدنيا فقط

حس بصدمه وارتعشت يده اللي مسكتها تكلم بعجز: انتي حامل جد متأكده بالله عليك لا تفرحيني كذب بس لاني مهموم ومتضايق

حور بصدق: والله والله حامل ومن شهرين او ثلاثه مااعرف

سام ببطء: وليش الآن لحتى تكلمتي

حور بخجل وتردد: ماكنت اقدر اقول والله اخجل منك ومن الكل بس امانه ماتقول لاحد

سام بنرفزه: وليش هو حرام

حور: لا والله بس اخجل

صمت ويتمتم بحمد وشكر ترك يدها وبحزم: ادخلي لا يجي واحد من الشباب واحنا هنا

حور: وكيف بترجع تعال ادخلك معي

سام تنهد: لا بجلس شوي زياده ومثل ماجيت برجع انتي روحي ارتاحي صايمه وحامل تتعبين
و بعتاب: وماتقولي من شهور ليش اعرف هدفك مش خجل هدفك ما امنعك وتساعديني وتشيليني وتحطيني صححح

حور صمتت ماتعرف بايش تبرر لان كلامه صح

سام عصب من صمتها وبحزم: ادخلي حوورررر بسرعه لا يلمحك احد

حور بصدق: امانه ماتزعل ولا تحس بعجز امانه لان نفخت باااااه: مااحب احد يساعدك غيري ولو عرفت منعتني سامحني بالله عليك

سام: ادخلي وبعدها يحلها الله

حور: والله مااقدر ادخل الغرفه بدونك

سام ببرود: لاتدخلي الغرفه روحي عند جدتي والا عند واحده من البنات

صمت ويسمع خطواتها الهاديه تبتعد سند راسه بضياع للخلف ولان ازدادت مشكلة ثانيه ومضطر مضطر يتجاوز عجزه وللمصايب من حواليه من جهه مساعدتها له واصرارها اللي يعجز يرفضه والثاني مضطر يجلس كذا عاجز عشان ضرب برجله الارض ويكرر بنفسه بقهر عشان عشان عشان نفخخخ بااااه عجز وحيره وضياع وشي بداخله يهمس شي اهم من شي وان راح وتعبت وانجرح واضحي بأغلى شي بالدنيا بس عشان اشياء واشياء اغلى بكثير

@rewayatyamania المصدر الأول للروايات

♡♡♡♡

كنت مع اهلي واحس انتعاش بقلبي وسعادة تفيض منه شوفتهم الاثنين ابي وامي ويامين وشناف ذكرتني بسعاده من سنين حتى قبل سفر شناف لان بعد سفره كان ينقصنا وجوده وبعد رجعته نقصتنا ايلاف ربي يتغشاها بواسع رحمته وهي شهيده توفت وجيعة البطن مزاح شناف على يامين الهادئ تضحكنا كلنا وحتى ابي يضحك بصخب من زمان عنه ممكن قبل فقده لاب شناف نفسه

لان من شفت الحياه ابي هادئ ويامين مثله الصخب بالعائلة تركز على شناف وايلاف كنا نقول الفا المشترك شبكتوا هبال وضجه بسبب الحرفين وكنا ننادي شناف باشنان يقول ابي عشان ياخذ من هدوئي ويحلف له شناف اني مجنونه و و بس امثل قدامه صحيح اوقات امزح و و بس شخصيتي وقوره بالاول والاخير

وبعد مارجعوا من الصلاه وصلينا انا وامي التراويح جهزنا اماكن للتخزينه لنا ولهم وشاي وشعير للرجال

جلست بعد مالبست جلابيه ناعمه ومحتشمه مثل وصايا سيف فديته من العصر ماكلمته ارسلت له وتأخر ماارسل شكله مشغول فتحت جوالي على رسالة من اسيل صدمتني واشعلت الدم بعروقي ناقض صوت من داخلي يقول لا اصدقها هبلاء وكلامها كذب بس ليش اجتمع معاها بغرفه وتتكلم من الخارج ماله داعي تدخل لعنده لا وتقول كاشفه استغفرت الله لا ادعي تستهزئ فيني تقول ماشفتي تروحي من عش زوجك الا لما جت انثى غيرك ممكن تدخل للفراغ اللي تركتيه لا اقسم بالله اموتها واخذ اعدام ان

ضربت راسي وشوي وابكي من الافكار المختلطه اللي براسي تعرفي سيف سيف اي هبل وافكار سخيفه افكر فيها مايفكر فيها عقل وهي مجرد بنت من الرعيه اللي هو شيخ عليهم وآلاف البنات حل لهن مشاكلهن وهو شاب وهو متزوج وماتزوج الا واحده بعيده كل البعد عنه ارسلت لها بتعقل واستهتار لكلامها واحرقتني اكثر برسالتها

📚 @rewayatyamania 🇾🇪

👍32❤8💘1

2.81K views12:14