رواية الثروة المنسية للكاتبة: عبير الكبسي

👌🏻👇🏻 😍
📚 @rewayatyamania  🇾🇪


ملخص الروايـة 🥀

رقـم الروايـة : 243

اسم الروايـة 📖 :  الثروة المنسية

اسم الكـاتبة✍🏻 :  عبير الكبسي

عدد البارتـات : 154

مدة العرض 🗓 : 10 أيـام

وقت العرض ⏰ : العصر والمســاء



#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة






📚 @rewayatyamania  🇾🇪

.

البــارت 1 ○


#الثروة_المنسية
#للكاتبة_عبير_الكبسي

👌🏻👇🏻 😍
📚 @rewayatyamania  🇾🇪


عام 1997

في القريه المطله على المزارع.. تنتمي القريه إلى سكانها والفئه الغالبه في المنطقه تنتمي لأسره عريقه تعود للجد الأكبر ، المتحكم في أغلب المزارع وشؤون القريه والعاملين فيها من فلاحين ومزارعين

يدعى بالشيخ خالد حفيد الجد الأكبر


بعد يوم متعب للمزارعين
رجع ابو أنس (سليم) لبيته البسيط
غرفتين وحمام وصاله صغيره ومطبخ صغير جدا في الحوش


سليم وصل ورجم المفرس ( أداة حراثه وزراعه) في الارض وبضبح: وين انتي يا مررره؟


زوجته كانت بتظفر شعر بنتها الصغيره وبخووف سمعت صوته قامت خرجت من غرفه بناتها: يوه اي حين وصلت والله ماسمعتك سامحني

سليم شافها بتساعده يخلع الكوت والشال بنبره غريبه: انتوا بخير!!

زوجته بتعلق الكوت في المسمار اللي في الجدر  باستغراب لفتت له: بخير مالك؟؟ سليم مابين لها خوفه: مالي؟
مايحق لي اقلق وأسأل عليكم؟ من الفجر خرجت لانا داري ايش معكم وايش بيحصل لكن راكن عليش

زوجته: تطمن يا ابو أنس له الحمد مستورين بخيرك ورضا الله علينا له الحمد

سليم جلس على الأرض وبيمسد (مساج) رجله تنهد بحرقه وقهر وعيونه امتلت دموع: لا سامحه الله دنيا ولا اخره

زوجته مسكت صدرها من الخوف: من هو؟! مالك ماوقع


سليم كأنه ذكر شي صاح: وين أنس؟ ((معه 7 بنات وأنس الاخير جاء بعد البنات
4 مزوجات وبقي 3)) زوجته خافت (زوجها شديد الاهتمام بحكم انه الوحيد ما لاحظت غرابه في خوفه فجأة ع ابنه)

ذكرت انه بيلعب بيت عمه خافت لايصيح دخلت الغرفه تقل لبنتها تدي انس.. وانتين اخرجين غالطين ابوكن لايحس انه مابحد  امد مايروح اخوكن

قامين بسرعه وخرجين


ابو انس منتظر أنس سارح في التهديد اللي حصل له ف المزرعه

خرجت زوجته لاحظت بيتفرج لأصبعه اللي عليه بصمه: اليوم سرت تنتخب؟

زوجها شافها لاحظت قلب يده وبمغالطه: ايش من انتخابات هذا الساع يامره

زوجته شهقت (اخذت نفس فجأة) وبصدمه: تزوجت عليا.. قربت لجنبه ياويلك من الله تزوجت

زوجها قام بضبح ودخل للحمام وهو بيصيح: الله يعيننا من قلة عقول النسوان صلِ على النبي يامره هذا الساع انا تاعب ومهدود حيلي شقا وهم مش ناقصش

زوجته بتدهف باب الحمام: احلف

زوجها فتح الباب وبعدها: بتشوفي الباب كيف مهتري يله يستر علينا لاعد تزيدي تعدمينا الباب.. بصياح اين ابنششش قلت!

بنته دخلت بتصيح: يماااه يماه انس.. وبكيت

الاب والام جريوا للباب وهم بيتضاربوا

انس شاف ابوه خاف فلت اخته

مرته لفتت له: لاتغالط ايش في يدك ليش بصمت  ايش معك مابش انتخابات يعني تزوجت

زوجها: لاحووول ولاقوة الا بالله يمين بالله لوما تنقلعي من قدامي هذا الساع لاتزوج صدق

زوجته هدأت وسمعت ابنها


ابو انس دخل وقفل الباب ع نفسه.. انس (10 سنوات) وصل في يده جعاله ومسدس لعبه

امه: من ادالك

انس: عمي جاء من المدينه وادالهم حاجات حاليه يمه معهم عصير ومعهم اشياء غريبه هاا كلي أطعمي مااحلاها

ابوه خرج من الحمام

انس شاف ابوه قام وسار يفرش السجاده للصلاه زي ماتعود

ابوه: فين كنت

امه بتبهرر لابنها يسكت

انس: عند بيت عمي ياريت معك عمل في المدينه يا اباه عمي معه زلط خيرات معه سياره جاء بسياره ضخمه

ابوه: عمك من؟

أنس: عمي حسين

ابوه تطمن انه حسين اخوه


البنات قربين العشاء البسيط (خبز دافي مخبوز في تنور حطب مع لبن دافي وزحاوق)

أنس شاف ابوه تم يصلي: انا مااشتيش اتعشيت اكل ضخم عندهم،  ليش عمي معه زلط وانت ماشي يا اباه

ابوه: الرزق ياابني مكتوب لكل واحد له الحمد والشكر

أنس: ولاتزعل انا بشتغل معك واعاونك في الارض ونعيش احلى عيشه

ابوه: انت ادرس ماعليك من العمل اشتي يا ابني افتخر بك شوف كيف اللي مش متعلم مثلي يرحم لايعرف يقرا ولا يكتب.. يبصموه على ورق ماهو داري ايش فيهن

مرته: على ايش بصمت يارجال

زوجها طرح الخبزه من يده: اليوم شكله دبور من اوله
تصبحوا ع خير

بنته قامت تفرش له بقعته يرقد

ابوها: ادعي انس اشتيه

انس سمعه وقام يجاوب

ابوه أشر له بعينه: اجلس

انس جلس: مافي نفسك

ابوه: بتلقى الشيخ خالد والا عياله؟

أنس: ايوه تضاربت مع ابنه بعد ماضحك عليا وزبج قبال العيال

ابوه بخوف: وانت ايش فعلت ليش تضربه ماعليك منهم لاتمشي معهم ولا تصاحبهم ولاتسير بيتهم ولاتاكل شي منهم

أنس: مالك يا اباه انا رجال ليش بتفتجع عليا

ابوه بصياح وخوف: اسمع اللي اقلك ولاتجادلني بتفهم

أنس: تمام بس حقي والله ماافلته ماسكت لهم يضربوني ويضحكوا عليا

ابوه صاح وذكر التهديد لطمه بدون مايحس: قل حاضر وبس لاتعاند كلامي وتكسره

أنس اقتهررر من ابوه وشاف خوف ابوه ومعامله الكل لابوه انه جبان كره الخوف اللي في عيون ابوه كان يشتي يعصب مسك نفسه وقام


امه سحبته خارج الغرفه: سير ارقد.. غلقت الباب ودخلت شافت زوجها: مالك اليوم ماجرا لك؟

زوجها بهرر عصب قام مثل المجنون..





📚 @rewayatyamania  🇾🇪

.

البــارت 2 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


زوجها معصب قام مثل المجنون... سحب البطانيه وغطى وشه: انا تاعب اشتي ارقد انخمدي سكته والا اخرجي ارقدي عند بناتش
.
.

ثاني يوم الصبح... بيت الشيخ خالد... ( بيت فخم رغم وجوده في القريه نسوانه ال3 يعيشين في نفس البيت بينهن مكايدات بس قدامه بيمثلين انهن منسجمات وخوات خوف منه..)


الشيخ خالد جلس يصتبح والكل ساكت ولما تم وقام... شاف زوجته الاولى بحكم بيركن عليها في كل كبيره وصغيره: عرس بنت ابو أنس قريب سيري شوفي ايش تحتاج مرته وانا ادفع وخرج..

زوجته الثانيه أم 2 عيال بتحانك الاولى بحكم معها بنات بس باسلوب محانكه نسوان: غريب رغم فقر حالهم ومستواهم وكل بناته صغار وبيتزوجين وانتي بناتش غريب محد بيجي لهن اوبهي يعنسين سمعه عيالي

زوجته الاولى ( عاتقه)
 شافت الزوجه الثالثه( هنيه): ارجعي زوجي ابنش تصاحب هنيه حرام لحالها عتضبح.. مابتقدر تنسجم معش فرق بينش وبينها 15 سنه...

عصبت زوجته الثانيه ( لطفيه): ع يدش يتمين يتزوجين البنات وبعدا نزوج الولد عيب نزوج الولد وخواته معنسات محد بيوافق

الزوجه الاولى: خايفه عليش تطيري من هنا قبل ماتفرحي بعيالش.. وبدأ الجو يتوتر بينهن ويتصايحين كعادتهن...الخ

@rewayatyamania المصدر الأول للروايات


خارج البيت في الأرض..

الشيخ خالد بيلوي ومعه واحد بيحسبوا الارض وبيأشروا على الاماكن

ابو انس شافه وخاف ذكر الورقه اللي وقعها فتح جيبه وخرج الوصية حق ابوه وراح لاعنده وهو خايف

الشيخ خالد شافه جاي لاعنده خاف ينفضح قدام الرجال اللي معه: انت سير الآن احسب ع مهلك اتم اكلم المزارعين وارجع لك

ابو انس بخوف وفي يده الورقه بترجف: ياشيخ كنت اشتي اكلمك

الشيخ: لاتقلش رجعت في كلامك خلاص انت بصمت

ابو انس ناوله الورقه...

الشيخ بيقراها قطعها نصين وناوله: لاتفكرش عتخرج الاثباتات وتبلغ بها وتقاضيني اذكرك لو نسيت امس بيوصلك راس اغلى ماعندك ارجع جهز كفنه ساعتها

ابو انس بخوف: ياشيخ انا بس بين اوريك انها وصيه ماينفعش هذا الخبر ماينفعش نغير.. الوصيه هذه من ابي فيها انه شهد هو وابوك وعيال العم ع الأرض

الشيخ بنظرات شر: ابوك وابي وعيال العم رحمة الله عليهم ساروا الا لو تشتي تلحق بهم انت تعرفني مايهمني شي غير اللي اشتيه وبس.

ابو انس لف الورق جيبه ومسح العرق اللي ع جبهته بطرف الكم حق الثوب ومشي

الشيخ خالد شافه بنص عين وضحك نص ضحكه شر ومشي بخطوات تجبر وتسلط وجبروت ع الارض اللي مغتصبها عن اصحابها ... وصل لجنب المدرسه الصغيره التابعه لقريتهم... دخل وحب يسأل ع بنته من بين عياله كلهم متعلق ب بنته ( كنز 8 سنوات ) لذكاءها وشطارتها رغم صغر سنها الا انه يعجبه يجلس معها ويتكلم معها للقانتها وذكاءها ومرحها

الاستاذه شافته خافت وسكتت وسط الدرس..

الطالبات كلهن بمشاورات جاء ابو كنز.. كنز هذا ابوش جا لهنا..

كنز قامت فارحه: استاذه اجاوب أبي

الشيخ خالد بيتفرج لاستاذتها من نص النظاره الشمسيه

كنز لاحظت: اباااه جيت

ابوها: كيف البنت يا استاذه

الاستاذه بنبرة خوف ورجفة احراج: شاطره وذكيه والأولى

الشيخ خالد: طالعه لابوش ، لو تشتي شي يا استاذه وتحتاجوا شي للمدرسه احنا في الخدمه حاضرين اكتبوا طلباتكم

الاستاذه: نشتي بس طيقان لانه برد اوقات

الشيخ خالد: ابشري وانتي يلزمش شي اشتي بنتي توقع مثلش متعلمه ، محد في البيت كله متعلم عندنا الا كنز

كنز بغيررره لاحظت ابوها مهتم باستاذتها: خلاص يا اباه روح

الاستاذة: عيب هكذا ياكنز خليه براحته

كنز سحبت ابوها ومشيت من قدام الصف: هيا معنا درس مهم روح انت

ابوها: يله سيري الله معش

الاستاذه فارحه وبتفكر في اهتمام ابو كنز بها وبتحاسب نفسها لو انها كلمته ببقية حاجاتهم للمدرسه بحكم انه المسؤول ع القريه

كنز رجعت للفصل وصاحباتها فارحات وكل واحده بتتقرب لها انها بنت الشيخ الا طالبه واحده بكيت: ابوش وحش اكرهه ابوش سجن ابي وسرق ارضنا وبقرتنا ابوش سارق..

الاستاذه صيحت فوقها ورجعتهن للدرس

@rewayatyamania المصدر الأول للروايات

وبعد الدوام..
كنز مروحه للبيت سمعت 2 بيتلكموا ويدعوا على ابوها انه بيسلم لهم نص الأجرة ونصها بيخصمها عليهم اعذار.. واصلت طريقها وهي من يوم ليوم بتكبر وتكتشف سرقة ابوها وظلمه للناس المساكين

لقيتها بلقيس بنت ابن عم ابوها: وين رايحه ياكنز

كنز: اروح البيت كنت في المدرسه

بلقيس: تعالي نلعب شويه

كنز بتتفرجها بتلعب بالطين: ب ايش تلعبي ! ليش ماتسيري المدرسه بدل ماتلعبي

بلقيس: ابي قال الدراسه للعيال والبنت تتزوج

كنز: ادرسي لوما تكبري و تتزوجي

بلقيس جلست تبكي: اشتي ادررس ابي مارضيش
مااشتيش اتزوج مثل خواتي وماعد يلعبين ولايخرجين

كنز جلست تواسيها: هيا نلعب طيب.

بلقيس...




📚 @rewayatyamania  🇾🇪

.

البــارت 3 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس جلست تبكي: اشتي ادررس ابي مارضيش
مااشتيش اتزوج مثل خواتي وماعد يلعبين ولايخرجين

كنز جلست تواسيها: هيا نلعب طيب.

بلقيس مسحت دموعها ويدها ملان طين

كنز ضحكت: قد وشش كله خلب ( طين)

بلقيس بطرف فستانها مسحت دموعها ووشها

جنبهن عيال القريه بيضحكوا عليهن.

كنز قامت وقفت: والله لاكلم ابي

العيال افتجعوا من ابوها وهربوا..

بقي أنس طرح شنطته وقرب من البير بيحفر تراب من حوله

بلقيس: انتبه ياولد لاتقرب من البير

فجأة صاحت: أنسسسسس

انس لفت لها وشاف بلقيس: اسمي انس سمعتي يابنت قلك ولد

كنز بتتفرجهم سكته

بلقيس: ناهي يا ما اسمك انا داريه لاتقرب له

انس طلع وقف في حافه البير: هاااا ماافتجعش ساع البنات

كنز وقفت من الصدمه: أنس بس جنان لاتفلت وتغرق زي ابن عمي مسعد

أنس نزل من البير: اسير ادي اتريك ( كشاف ضوء) واجي ابسر صدق اللي قالوا!..

بلقيس سمعت امها بتدعيها: يلا مع السلامه ياكنز اروح اتغدى

كنز مشيت وبتمسح الطين اللي في يدها في الجدر

شافها ابن خالتها ( بسام ) وناولها فاين..

كنز شلته

بسام : ليش بتجابري العيال والله لاقل لاخوتش

كنز شافته بنظرات: فجعتني طز سير قل لهم ورجمت له الفاين ومشيت محارش وبيفعل نفسه مخلق (خلوق)

@rewayatyamania المصدر الأول للروايات

بعد العصر نسوان القريه .. كعادتهن اجتمعين تحت شجره يتقهوين ويتجابرين

واحده منهن: صدق يا ام بلقيس البير اللي جنبكم حق جدتش؟

ام بلقيس لفتت لأم بسام بنظره وعوجت فمها: ايوه بس ماعد في حق هنا امرهم لله كل ظالم

ام بسام بمشاوره للي جنبها: ايش قصدها ليش شافتني

اللي جنبها: يمكن حين انتي اخت عاتقه

ام بسام: ولو انا اخت عاتقه؟ اللي جنبها بتسمع اللي جنبها بمشاوره بيتمتمين سكتت

ام بسام سمعتهن ( قالوا فيه ذهب مدفون وانه ملان ثعابين ومن قرب له قتلوه)

والباقيات: اعوذ بالله ، ياساتر ، اعوذ بالله من الشيطان الرجيم

ام بلقيس: مادراكن ! وليش بتتشاورين ! تكلمين نسمعكن ومن قرب البير بنيه يخرج الذهب او حاكى حد بالسر هذا مات .. الله يرحمها جدتي دريت ان فيه ثروه واول ماتحاكت بالسر ماتت .. تشتين تموتين الله يفتح عليكن..

قامين كلهن تطايرين من الخوف وبيجرين لبيوتهن...

ام بسام بخوووف: تتكلمي صدق ! او بتفجعيهن

ام بلقيس: والله انه هذا الكلام اللي قالوا لنا

ام بسام: الله يستر علينا دنيا واخره ..خاطركن ما من جمعتكن الا البلا.


بتمتم بينها وبين نفسها ( تكلم نفسها): ماعندهن حجه يتفرجين لي هكذا ويتشاورين بس ماعليهن الايام عتبين لهن حالي حالهن و برغم ان اختي مرة الشيخ الا انها شايفه نفسها عليا وبتحانكني وبتقهرني بمكانتها وجبروت زوجها اللي ذل زوجي.

@rewayatyamania المصدر الأول للروايات

في بيت سليم..

انس: اين الاتريك؟

ابوه: ليش ؟؟

انس: يا اباه قالوا البير (البئر) فيه ثروه داخله وانه ملان حنشان (ثعابين) اشتي ابسر صدق او لا

ابوه وقف فجأة: تبسر ايش ؟

هذا الرجال اللي راكن عليه عيتعلم ويتنور بيصدق خرافات أهل القريه.. تشتي تجنني يا ابني انا تعبت..

جلس فجأه في الأرض تعبت بين اراعي ليوم بعد يوم تكبر واركن عليك في كل شي وانت عادك غاوي

أنس انصدم من ابوه ليش هكذا !! ايش حصل مافعل شي يستدعي انهيار ابوه!!

حس ان في ابوه شي ماكان يعرفه وكأنه فتح عينه على ابوه يستكشفه اكثر ايش اللي بيتعب ابوه رغم كل اللي في المنطقه بيشتغلوا ويمزحوا ويتهنوا بحياتهم ليش ابوه الوحيد اللي منكد نفسه بنفسه

ابوه شاف صدمة أنس وبس نظراته ع ابوه والكلام كله بيدور في راسه حس انه فقد اعصابه بدون مايحس من كل الضغوطات اللي عليه حاول يغالط الكلام: خليتني ارجع جاهل من خوفي عليك لايقع بك شي وتفلت للبير الله يسامحك يا أنس بس الله يهديك ويصلحك يا ابني

مرته: ذلحين انا اشتي ادرى ع ايش بصمت امس؟

بنتها جلست وراها تدحسها: قلي له اي حين نطلع المدينه عند عمتي نتكسى للعرس

امها: وبنتك تشتي كسوه للعرس اي حين نطلع!! يوووو وافلته بعد ما بصم! فرصته يديها بيتي والله ماطلع ولاتتكسي تزوجي وسيري باداتش هولا مافيهن..

سليم تعب وحس بثقل ع صدره وصداع شل نفسه وخرج وقفل الباب مشي لاعند اصحابه متجمعين بيشربوا شاهي


مرته هزرت أنس جنبها ومسكت اذنه بطرف اصابعها وتشده لها وتفلت مع كل كلمه بتقولها: اسمع فتح اذانك الكبار هولا واشتي تدرا ابوك وين بيسير ويجي ومن بيحاكي بتسمع

انس: اراقب ابي ليش امد يقتلني ضرب قدام عيال الحاره وتفتهنوا مني انا داري

امه هزرته بالفنيليه: والله لوما تخرج من قبالي وتلحقه لا قتلك.. سير

انس قام وضبح خرج من البيت ومشي بطريق غير ابوه...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 4 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


امه هزرته بالفنيليه: والله لوما تخرج من قبالي وتلحقه لا قتلك.. سير

انس قام وضبح خرج من البيت ومشي بطريق غير ابوه لحق عند اصحابه اللي بيتجمعو الليل يتجابروا ويحكوا عن الفروق بين المدينه والقريه واحلام كل واحد فيهم ايش رغم بساطتها

واحد منهم ابن الشيخ خالد... عمر: تعال اطعم ياولد ضخامه اشفط اسحب ها..

انس شاف السجاره بيده وشمها

واحد منهم ضحك: مالك مفجوووع قلنا لكم هذا بنت بيفتجع ع روحه لاتدوا له شي

انس حس بضبح من معايرتهم له قرب هزرها من يد عمر وجلس طرحها في فمه للنص

عمر ضحك عليه: لحظه يا ابلد امسك هكذا وخلي الطرف هذا بس بفمك عتبلها وتكتسر

أنس جرب كلامه وبدأ يشرب وينفخ سعل ودمعت عيونه وبيده الثانيه بيهوي عينه والدخان: يخ ايش هذا ؟؟؟

عمر: قلنا لك مش انت حق شي
هات يابطل هات... خرج الباكت ووزع لهم جلسوا يشربوا كلهم

وأنس وسطهم: مش اي شي يعجبكم وماعجبني معناه مش رجال ... لو انتول رجال صدق سيروا قبال الرجال شيقروا ( اشربها قدام ابوك انت وياه ) !

هيا وروني رجالتكم من فيكم رجال اتحداه يسير قبال ابوه يشربها

عمر قام رجم السجاره وهزره: مالك يا حبيبي!! من فاكر نفسك.. جاي تتحدا من ؟؟؟ انا ؟؟؟؟

انس بضبح وعيفطه وعصبيه قرب لقدامه ودهف يده: ايوه انت.. ليش من انت !! من ؟؟؟

العيال بيضحكوا ويصيحوا ويصفقوا... اوبه دلا ع اخو البنات مالك ياعمر..

عمر ضحك ودهفه بقوة..

أنس حاول يتمايل معه مع الضربه رجع لاورا وبقوة رجع لقدامه ودهفه للارض: هكذا مضاربه الدلوعين يا ابن بابا.. اتحداك تروح البيت وتدخل غرفتك سكته مش تسير تشتكي له ساع خواتك النواني.. وضحككك واشر له باي ومشي..

@rewayatyamania المصدر الأول للروايات

قاموا كلهم ولحقوه وضربوه تضاربوا وسمعهم ابو واحد منهم وفرع بينهم وشلهم كلهم لاعند الجماعه اللي سامرين بيشربوا شاهي وبيسمعوا مواويل بلديه ( اشعار غنائيه بلهجتهم البدويه) ...

سكتوا لما سمعوا صياح وبيقربوا منهم ولعوا بالاتريك لاوشهم وشافوهم

ابو واحد منهم: قوم يا سليم ابسر ابنك الذربه ضربهم وبهذل بهم ليش منعوه الشقاره...ابنك يشيقر من اين له !!!

كل واحد فيكم يغير ع ابنه غريمكم سليم وابنه عيمسخ لنا الجهال.. الولد هذا زيدت له الدلع الظاهر انه كان تعب عليك تربيه بعد البنات..

سليم قام تصايح معهم.. وسأل العيال كلهم اتحدوا عليه مع عمر خوفا منه ومن ابوه ولانهم الاغلبيه في الكل صدقهم وهاجموا ابو سليم بالكلام والتهديد والشكاوي....

سليم هزره ومشي البيت سكته ماقدر يتكلم شي وماحب يهين ابنه قدامهم ويضربه زي ما كان ابوه يضربه

وصل للبيت ودهفه وقفل الباب

مرته شافته بيقلع القات من طرف العودي وبيقرشه..

أنس ماسك نفسه من البكاء والخوف: يا اباه راعي اقلك راعي افهمك

سليم حاسس انه بيخرج كل الوجع اللي داخله بقدر ماتمناه وبقدر ماانذل وخاف بسببه

انس: ابااااه والله انه عمر اللي ادالي ومارضيت.. الصدق جربت ابسر ماهو وانه شمه يقلع ناولته وبعدا.....

سليم ماخلاه يكمل الكلام هاجمه بالضرب: وبعدا !!! تجرب هااااه ! ويضرب بكل قوته!! وبعدا ليش خرجت ؟؟ والضربه الثالثه في ظهره؟ هااااه... ليش تمشي معه منعتك او لا

أنس بضبح: والله ان هي امي قالت الحق بعدك اراقبك... وبيبكي

سليم شاف مرته: يراقب من ؟؟؟؟؟؟

مرته خااافت وتبهرر لابنها يسكت..

سليم بيشوفها ومصدوم: يراقب من يا مره !!! انا ؟؟ ليش ؟؟؟ او بين اسرررق؟؟؟ عاد شي معش عقل... ضرب بالعصا في الارض !! من بين اكلم جاوبي يراقب من وليشششش

مرته بتبكي وبحنقه ودلع نسوان: يراقبك انا داريه تزوجت بس اشتي اتاكد قبل مااظلمك...

أنس خايف نسي الضرب والوجع اللي فيه وخايف على امه.

سليم هدأ الضبح اللي داخله ورجم العصيه ماقدر يمسك نفسه جلس يضحككك دخل غرفته

مرته لحقته: يعني بتضحك يعني تزوجت من هي الله لاوفقها للله ينتقمها

سليم: بتدعي على نفسش؟ مجنونه؟؟

مرته بكل سذاجه وع نياتها: لا والله مااقصد نفسي اقصدها هي ربي عالم بالنيات

سليم: اي نيات واي مخ معش ماتفكريش ماتفهميش.. اي زواجه وانا مش لاقي ايش اصرف او ايش اجمع لزواجات بنات او طلباتكم... من الصبح لليل وانا شاطفح عمل واروح ع هرمش هذا اعوذ بالله لو ازيد ادي لي مجنونه ثانيه ماتميت الاولى

مرته نسيت كل اللي قاله وفرحت وابتسمت: امانه يعني ماتزوجت؟؟

سليم شافها فاعله كحل وروج احمر سحري من حق زمان: انتي بتشتري الالوان حق الوش هذا لش او بناتش؟ و ايش معش هذا الساع من خرجه

مرته بخزا وع نياتها: هو امد لاتوقع مرتك الثانيه احلى مني قمت فعلت مكياج من حق بناتك حق عرسهن

سليم: مصممه تزوجيني تمام بعيني شاتزوج واقلش من احلى

بناتها واقفات يتشاقرين خافين يتصايحوا...




📚 @rewayatyamania  🇾🇪

.

البــارت 5 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سليم: مصممه تزوجيني تمام بعيني شاتزوج واقلش من احلى

بناتها واقفات يتشاقرين خافين يتصايحوا شافين وامهن بتتحيلا لروحها جرين لاعند اخوهن ويضحكين.. والله انك ترحم هنا ساع الديك المذبوح بعد قتله وابوك بيترمسس مع امك والضرب لك....

بيضحكين وهو ضبح خرج ورزع الباب وجلس باب بيتهم...

وصل ابو عمر بسيارته وأنس جالس

عمر نزل: هوذا ها ابسررر

أنس جالس بيفحس ارجله وظهره من الضرب  كان وشه مشخط من مضراب العيال واثار الضرب العصا في يده بتلهبه بينفخها... شافهم خاف ووقف وخاف اكثر ع ابوه حس ان في شي بين ابوه وبين الشيخ هذا... وهذا سر خوف ابوه..

الشيخ خالد فتح الطاقه واشر له باصبعه تعال..

قام انس وبيعرج لاعنده: مد يده يسلم ، ادعي ابي؟

الشيخ خالد دهف يده بقوه: اطلع انا بدعي ابوك لاعندي بطريقتي

أنس ذكر تهديد ابوه وخاف يفعل مشكله جديده رجع خطوات لورا: اين اجي؟ اشتي اسير ارقد...

المرافقين اللي مع الشيخ جالسين ورا..

الشيخ خالد لفت لهم بعصبيه: مراعيين يديكم هو !!! فتحوا الباب ونزلوا سحبوه كان يقاوم يدافع ولا قدر طلعوه وقفلوا ومشيت السياره..

@rewayatyamania المصدر الأول للروايات

في بيت سليم

اخته تمت تخيط الشميز حق المدرسه وبتدوره في الصاله ذكرت انه خارج رجعت الطرحه اللي ع راسها وغطت وشها فتحت الباب وخرجت راسها بتشوف فين مابش اي اثر وهدوء وظلااااام

خافت وقلقت فين ممكن يكون! خايفه تصحي ابوها وماتشتي تزعله يكفيه اللي فيه... قفلت وجلست سارحه... اكيد بيت عمي هو واصل هانك الله يهديك يا أنس..

فرشت بقعتها وامتدت بتفكر كيف بيكون شكل عريسها!! طيب مثل ابوها.. بس مايكون مثل عصبيته.. طيب مرتاح والا فقير !! .... ذكرت كيف خواتها تزوجين وراحين قرى مجاوره لقريتهن ومايلتقين الا في العيد.. فرحت ان حظها ع الاقل احسن منهن بتكون قريبه من اهلها..

@rewayatyamania المصدر الأول للروايات

وقت الفجر..
سليم بيتوضا للصلاه ويداعي انس: اين ابنش؟

مرته: يمكن سبقك للجامع

سليم انبسط وبيمسح ع شعره بالماء: الله يصلحه..
سحب الكوت حقه وفتح الباب وخرج

مرته تمت تصلي وبدأت تعجن للخبز.. شافت بنتها سارحه فلتت العجين: جي تميه انتي.. مالش ساهيه!

بنتها: ينفع تقلي لهم ماعد نشتي خطوبه!

امها تفاجأت: ايش؟

بنتها: مااشتيش اتزوج واحد مااعرفه

امها: الله يقلعش هذا الساع اسسسكتي لايسمعش ابوش ! من اي حين عندنا بنات يعرفين العيال؟

بنتها: اقصد شكله

امها: شكله هذا خلقة ربش ماعتغيريها

بنتها ضبحت وتأففت

امها: لمي العجين سوا لموا عظمش.. قلك ماتعرفه..

وصل سليم  بيصيح من خاررج: انس؟ انسسسس؟

مرته فتحت: ماقد جاء مالقيته؟

زوجها دخل: محد شافه من بعد مصيبه امس اخزاني الله يخزيه حوشوا لي خلق الله كلهم يشتكوا منه

بنته ذكرت انه كان خارج ومارجع: يمكن بيت عمي امس خرج الليل

ابوها صيح: وليش ماقيمتيني ! اين عمش ولاحد شافه

بنته: مدري

مرته قربت الخبز: اجلس تقهوى يا رجال بعدا سهل مش هو جاهل يضيع

سليم سارررح تهديد الشيخ وذكر انه امس ابنه كان بينهم.. خرج بسرررعه وراح لبيت الشيخ..


جنب البوابه واقف له ربع ساعه فتح واحد من المرافقين بيشوفه بعين وعين مغمض: مالك ماتشتي هذا الساع!

سليم: ابني انس

المرافق زله لسانه لانه عاده نوم بضبح: هوذك بيشخر زي الثور ماخلانا نرقد

سليم فرح: ايوووه هو هكذا.. تغيرت ملامحه وكأنه حس انه غريب ابنه هنا (بس ليشش انس هنا ماجابه

المرافق ركززز وصحصح: اين انس! مدري.. دهف الباب يقفل

سليم فتحه بقوة: اين الشيخ ادعيه

المرافق بيتصل يتأكد ايش يفعل


خالد في التلفون: قل له يراعي بقعته لما اصحى عاد انا نوم ولو تتصل لاخصم عليك تخزينه اليوم.. والا اقلك اسحبه مع ابنه لاني كنت مراعي له

في الطاقه جالسه تذاكر وتحفظ بتشوف من ورا الستاره غرفه الحارس جنب الباب دخل واحد بهزوره ودهف وفتح الباب

تفاجأت اول مافتح الباب حق غرفه الحارس انس واقف وخرج لاعند ابوه.. دهفه المرافق لا داخل فلت في الارض وابوه بعده وتقفل الباب عليهم.. ومشي المرافق!!

ايش في ؟ ايش حصل ! شكله سرق ابو انس ابي مابيعاقب الا السرق بس ليش الناس بيقولوا ابي شررير هو احسن اب في القريه كيف جهالهم كلهم شمات واحنا احلى عيشه (( تفكير طفله 8 سنوات))

امها دخلت: هيا صبوح اخرجي ابوش ضابح

كنز خرجت و شافت ابوها بيبهذل عمر: ليش مادافعت عن نفسك ليش ماضربته... ومن اين له سجاير وليش تصاحب الاشكال هذه انت داري ابن من انت يا اهبل او ماشي!

كنز: هو انس صح؟

ابوها: ايش عرفش؟ شفتيهم؟

كنز: ايش شفت؟

ابوها بصياح: مادراش انه انس؟

كنز بكيت خايفه: شفته ذلحين هو وابوه حبسهم الحارس في غرفته

ابوها تلفت لنسوانه بخوف...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 6 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ابوها بصياح: مادراش انه انس؟؟

كنز بكيت خايفه: شفته ذلحين هو وابوه حبسهم الحارس في غرفته

ابوها تلفت لنسوانه بخوف لحد يكتشف بلطجته: انا قلت له يديهم قبل مايهربوا بعد فعلتهم هذه

كنز هربت خايفه ابوها لايضربها ومافعلت شي..

الشيخ خالد شل ابنه ونزل... دعى الحارس فتح الباب ودخل لهم

سليم: ياعيباه الله المستعان ! هكذا القبيله ؟ اهل وبيننا دم يفعلوا بي هكذا في بيتك هكذا المشايخ يضيفوا ماوقعت ياخالد الله المستعان

خالد: الشيخ خالد من ادالك حق تكلمني هكذا !

وبعدا انت داري ماتكفيني انت ولا ابنك!!! اذا الولد هكذا ربيته كيف ربيت البنات؟

ابنك صايع حق شقاير ويعلم الله لو سرقهن

انس قاطعه بصياح: والله العظيم ماهو انا انه هو وخبرته خرج لهم الباكت هو .. انا من اين لي زلط اشتري

الشيخ: يعني سارررق من سرقت ياولد هاا ! يدك يشتي لها قطع

سليم خاااف واقتهر يهين ابنه: ايش تشتي يا شيخ ذلحين !

الشيخ: انت داري

سليم: يخرجوا العيال ونتفاهم

@rewayatyamania المصدر الأول للروايات

الشيخ فرح انه يتنازل له ويبصم ع الورق المهمه  اشر للحارس يخرجهم: هيا راعي ادي الورق

سليم: انا قلت نتفاهم

الشيخ: خرجت ابنك خلاص ماعد باقي غير تبصم القطبه معك عمل

سليم: ابصم ع ايش؟؟

الشيخ خالد: تنازل بأن لي الحق في التصرف على الارض والساقيه

سليم: ليش ؟؟؟ ومن اين ااكل الجهال هولا ماعد ابقي لهم واورثهم!  ومش انت بحاجتها معك ماشاءالله

الشيخ: لاتخاف حقك محفوظ بس اتصرف بها

سليم: مااقدرش اكثر من اللي قد تنازلت لك به

الشيخ: ماشفت ابنك ايش فعل بابني!! عتتحمل اللي حصل ؟

سليم: انا اتحمل بدل ابني مستعد..

@rewayatyamania المصدر الأول للروايات

بيت سليم..
سليم بغضب وقهر مظلوم بيحرث ويحفر ويروي الارض بعرقه وتعبه.... ويفكر ليش خالد يشتي الارض والساقيه هذه ايش بيستفيد وهو معه اراضي كثيره
.
.

في البيت...
زوجة سليم بتبكي وتصيح ملان البيت وبناتها من خوفهن بيبكين معها

النسوان متجمعات على اساس يهدأنها

ام بلقيس: ابنش كان واصل بيحوم حول البير ، اظن انه نكع لاوسطه

زوجة سليم ضربت ع ركبها ووقفت: يو ياساتر يو يا انسسسس يو يا ابني

واحده ثانيه: والا قتله ثعبان كما الليل ملان ثعابين

ام بلقيس: والا اخر حل شلوه الجن اللي بيحرسوا الكنز حق البير

وامه تصيح

فتح الباب ودخل شافهن بيبكين افتجع: ابي وقع به شي؟

امه جريت الباب وتبكي وتضربه وتشتم: اين انت يا كلب اين انت يا صايع كرهت اليوم اللي اديتك فيه تميتني هدايم تعبت يا ابني تعبت... وحضنته وبكيت

انس مصدوووم : ايش به ! ليش بتبكي ماله ابي ؟  قتلوه !

امه: من هم؟

ام بلقيس صاحت: اظن الجن قتلوا زوجش والا شلته جنيه... كما الجنيات لاعشقين لهن واحد شلنه

ام انس لفتت لهن وجلست جنبهن: صدددق؟؟ من قال

انس: بس لكن جنان ابي بيت الشيخ خالد.. ليش تبكي ماله

امه صاحت: وانا مادراني ماله ! وأنت اين كنت

انس ذكر تهديد الشيخ انه لايقل لحد: ولاشي بيت عمي

خرجين النسوان بعد ماتطمنين ع ابنها

ام انس: قومي انتي وهي ياناطلات ( تطلق للكسالى)  اخرجين ارعين الغنم والدجاج عيذهبين (يموتين) جوع

@rewayatyamania المصدر الأول للروايات

في القسم..

وقف الضابط باحترام للشيخ خالد  ورحب به وعزمه يجلس

الشيخ خالد قدم الشكوى

الضابط: ولايهمك الآن نسير نديه ولايخرج الا بعد موافقتك

الشيخ: انت الصدق يشتي لك ترقيه حرام تشتغل مكان زي هذا في القريه ولايهمك الا اتوسط لك يافندم معاريفي خيرات اتصال واحد بس

الضابط تجمل وتشكره ووقف يودعه لخارج القسم


بنات سليم.. 2
مخطوبات واحده زواجها بعد أيام وعمرها 14 والثانيه عمرها 8 محجوزه لابن عمها ولما تكبر تتزوج..

بيمشين بعد الغنم

شمس: يا ارزاق تخيلي لو نلقى خطيبش ماقلتي ما اسمه؟

ارزاق ضحكت بخزا ومسكت فمها من ورا اللثمه: اسمه حمود

شمس: جي نسمي التيس حمود امد لو داعيناه ولقينا حد بهذا الاسم يلتفت

ارزاق: يووو والله ان انتي ذكيه يابنت لو تدرسي بدل انس انش شاطره

شمس ضحكت فرحت: هيا اسكه داعي به واحد هانك يمكن هو

ارزاق مشيت ولقطت حجره من الارض ورجمتها للتيس وبتداعي حمود

الرجال التفت لهن ورجع كمل يقطف الرمان

شمس: مش هو

جلسين بضبح من فوق طرف الجبل بيتفرجين لانازل ويراجمين حجار صغار

ارزاق شافت..





📚 @rewayatyamania  🇾🇪

.

البــارت 7 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ارزاق شافت سياره مدير المدرسه واقفه جنب المدرسه: هنيت لبنات المدير اكيد عايشات احلى عيشه معهم سياره وابوهن يعلمهن ومعه زلط خيرات وابي بيتعب ومابش معه شي.

شمس: يخ مانشتيش قرايه ضبح قالين البنات ان كنز مابتلعب معهن ولا بتخرج الصبح انها بتسير المدرسه ضبح يابنت وبعدا صعب

ارزاق: يا هبلا المتعلم عيعيشش في المدينه لانرعى غنم ولا نحمل ماء ونحطب.. عنعيش عيشه غير

شمس: انا اشتي العب مااشتيش لا اتزوج ولاشي.

ارزاق: وانا ماشتي راشيتهم وامي صيحت.. وبكيت جلست تبكي...

شمس شافت رجال داعت التيس ... ومحد لفت .. جلسين يضحكين

@rewayatyamania المصدر الأول للروايات

وصل الظهر يتغدا..

انس جلس منزل راسه

ابوه: مفتهن ! اللي فعلته فيني اخر عمري نزلت راسي قبال الرجال اتبهذل بسببك بعد ما تمنيتك ؟؟؟

أنس: يا اباه جعل لي اموت ذلحين لاقمت من بقعتي والله انه هو اللي خرج الباكت وانه كذاب هو وخبرته.... بدأ يتشنج ويعصب وهو بيبكي... هانوني وبهذلوني وانا والله مااسكت لهم قلت لهم لو انت رجال انت وياه سير قبال ابوك اشربها وقاموا ضاربوا وساروا سبقوا بالشكاوي لكم

ابوه اقتهررر  انه ظلم ابنه وعرف انه تبلى عليه عشان يشل اللي يشتيه... وصلوا دقو الباب بقوووه

مرته نكزززت: يا ساترررر من هذا عيكسر الباب فز ياولد افتح

انس فتح

2 عسكر: اين ابوك

سليم قام وعاد دموعه قهر ع ابنه في عيونه: خير مالك

العسكري: اخطى معنا

سليم: اين..

مسكوه: عتدرا هانك

سليم التفت وبيكلمه ويرفع صوته: ادخل ولاتخرج من البيت الا لما اروح ولاتسير مدرسه ولابقعه

سليم بيلحقه: مافعلت يا اباه !

سليم: ادخل وقفل

امه واقفه وبدات صياح: يوووو مالهم مافعل ابوووك يا ولد

انس دخل وضبح جالس بياكل نفسه ويشك الشيخ السبب او لا

@rewayatyamania المصدر الأول للروايات

بيت الشيخ خالد..

كنز وصلت بدرجاتها لاعند ابوها: اباه ابسر جيت الاولى كل درجاتي 100

ابوها مش فاهم شي:  يعني ايش؟

كنز: يعني انا اشطر واحده

خالتها مرة ابوها: يلا معش سنه وتجلسي في البيت.. ماعد بش بنات عندنا يدرسين ويخرجين وهن عزبات

الشيخ خالد: ليش

مرته: تشتي الخلق يتكلموا عليك بناتك سايرات جيات قبال الخلق... يدرسوا الرجال بدل مانسوانك مش قادرات يربنهم امس ابسر عمر بيشقور في الحوش ويرجع متأخر وتخازين.. من عيمسك مالك واراضيك غير عيالك

الشيخ خالد اقتنع بكلامها: سواا مابش عندنا بنات يدرسين

كنز: يا اباه ابسر مااحلى استاذتنا متعلمه وماشاءالله عليها تعجبني قوي حين هي متعلمه

مرته غارت: قومي سيري دوري مهره قالت متعلمه هذك فالته مابش معها اهل

الشيخ خالد لفت لها: كسرررتي راسي ياعجوز قومي قامت قيامتكن نسوان..

كنز: اباه عتخليني ادرس؟

الشيخ: معش لصف سادس وتجلسي في البيت

كنز حنقت وحقدت ع خالتها سارت الغرفه

الشيخ خالد شل من زوجته الثالثه طاسه المرق شافها مبتسمه له , وبيفكر في كلام كنز ع الاستاذه

@rewayatyamania المصدر الأول للروايات

بيت سالم..

بلقيس جالسه بتقلب الكتب حق كنز وتكتب الحروف في دفتر قديم من دفاتر كنز

امها: مابتفعلي يابنت

بلقيس: جالسه اقري نفسي

امها: ماتفعلي بالقرايه ! قومي جي اعلمش كيف تخيطي قراقيش للنيني

بلقيس بضبح: مااشتيش

امها: ارجمي القراطيس هذه وقومي افعلي لش مهره شاولد وبعدا عتوبهي لاخوش انتي

بلقيس بضبح: ناهي اتم الواجب اللي ادت لي كنز واجي

امها بمسخره: ادت لش واجب قدها ساع ابوها بتفعل نفسها هيبه

بلقيس: والله ان كنز طيبه خبيرتي (صاحبتي)

امها: قومي افرشي لجدتش بقعتها ترقد

بلقيس: قد بطنش كبيره يمه

امها: صلِ ع النبي لاتمرعيني ادعي لي اقوم بالسلامه

جدتها: اين ابوش يا بلقيس؟

بلقيس: مدري

جدتها: قلي له امش ميتتني جوع قدنا شاطفح

ام بلقيس: عاد انتي طفحتي فوق القرم ( اقراص خبز تخبز في تنور حطب) واللبن ياحجه... اللهم صبر وقوه بس.. ادي لها تاكل

بلقيس لفت دفترها وقامت تقرب لجدتها.

جدتها: قلي لها هولا بردين تقوم تخبز لي دافيات احقاوي بيوجعني اشتي ادفا

ام بلقيس: العجوز هذه خرفت والا مه.. ادي وانا اقلش مافعل ... شلت القرم ودفتهن قلبتهن فوق موقد النار

بلقيس: ادي لها

امها: خليها تراعي ياسعم خبزناهن

بلقيس ضحكت هي وامها: شافت امها بتضحك فرحت ،  اشتي اسالش يا اماه كم عمرش؟

امها: مدري يابنتي لكن اظن 22 سنه

بلقيس: فرق بيننا.. وبدأت تحسب بيدها الثنتين
جدتها قاطعتهن اين العشاء الله لاوفقكن.

بلقيس: 15 سنه اكبر مني

امها بتعجب: مادراش اننا خلفتش وعمري15

بلقيس: حسبت

امها: كيف لوما ومابتقريش

بلقيس: قد حفظت الارقام

امها ناولتها: سيري ناولي جدتش تتعشى
وانا اجهز لابوش العشاء

بلقيس ناولت جدتها

https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 8 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


امها ناولتها: سيري ناولي جدتش تتعشى
وانا اجهز لابوش العشاء

بلقيس ناولت جدتها

جدتها: مالها ماتديهن هي اللي يبسرها يقل حامل بولد هي عتدي بنيه مثلش.

بلقيس: وانا مالي !

جدتها: بنيه مالش قلت لابوش نزوجه ومارضي سحرته الجنيه هذه

بلقيس ضبحت وقامت

الجده: ساع امها.. نسوان القريه قد عيزوجين عيالهن وهي مامعها الا بنيه

ام بلقيس: هذا امر الله ياحجه ما اراد لنا مانفعل

الجده: كنتي تخلي لابني حاله يتزوج.

@rewayatyamania المصدر الأول للروايات

بيت سليم...

زوجته رقدت بعد ماجلست تبكي وتهم كيف تفعل

انس: يا اماه ماقد رقدتي؟

امه: من اين يجي لي نوم ومانفعل وكيف نعيش بعد ابوك.

انس: وانا ماافعل

امه: مع ابوك قال ماتخرج انت من هنا... يعلم الله ايش اللي حصل.. وكيف اتواصل مع اخوتي وكل واحد في علم الله مانراهم الا من عيد لعيد

انس  جالس سارح: يماه خليني اسير اشتغل في المدينه وارجعلكم بزلط ملان شوال

امه ضربته ع كتفه: اهجع من الجنان هذا الساع ارقد اختمد مانشتي بالزلط

مانحتاج شي له الحمد البقره عتدي لنا لبن.. ومعنا طحين لكن انا في حسي ابوك

انس جالس يفكر لو يسافر سكته المدينه الفجر ويرجع المغرب.. ويتحمل مسؤولية ابوه.... غفيت عينه وهو بيفكر.

@rewayatyamania المصدر الأول للروايات

ثاني يوم الصبح...

كنز وصلت مع ابوها.. الشيخ خالد نزل العمال طلبات الاستاذه.. وفارح وشمه بيفوح مسااافه من العطر..

الاستاذه متجمله وتتشكر

الشيخ خالد :يا استاذه اين بيتكم؟

الاستاذه باستغراب خرجت من باب الفصل واشرت له

الشيخ: اي اوامر

الاستاذه: تسلم يا ابو كنز

الشيخ: خالد ابو ايمن سميني

الاستاذه: تسلم

الشيخ خرج ونزل بيتمشى وبيتفرج على الاراضي... وحاسس بفخر وعز وكأنه مالك القريه كلها.. بيجري واحد لاعنده: يا شيخ... لو تشوف... وياخذ نفسه

الشيخ: مالك؟؟

الرجال: خليني اتنفس سرت بعد المهمه اللي اديتها لي وتأكدت منهم احنا نراعي 4 سنوات لموسم الحصاد ونشغل اهل القريه ويجننونا بزلط واجرتهم وهذا بيحصدوا زرعهم في السنه 5 مرات هيا بذمتك اين اربح لنا !

الشيخ ضبببح: اليوم تجمع لي اهل القريه كلهم مع الورق نحاول نقنعهم الأغبياء هولا

الرجال: تمام ولايهمك.

الشيخ ذكر عائله سليم واخوته اللي تعبوه فعرف كيف يجي لسليم

راح لاعند ابن عم سليم اللي اكبر منهم

ابن عم سليم: يا حيا الله بالشيخ اليوم غداك هنا

الشيخ بيلتفت لبيت الاستاذه: شكلي اليوم هنا كل اموري اللي اشتيها هنا... اولا مابقبل عزومتك الا بعد ماتقل تم

ابن عم سليم: تم وتفداك الدار واهلها

الشيخ بدأ يكلمه ويقنعه

ابن عم سليم: يا عيباه واحنا تمينا عمرنا في شجرة العائله هذه اللي تعبتنا ونهمها اكثر من جهالنا

الشيخ: فتح مخك واقنع عيال عمك ماشي عنخرجهم من القريه غصب وندفع لهم مقابل ارضهم يدوروا لهم بقعه ثانيه تنتظر 5 سنوات لزرعهم

ابن عم سليم قرب منه ناوله القهوه: مالك منهم كلهم انا كبيرهم ومن يدك هذه لهذه مافي نفسك قول بس وابسر.

سليم: اشتي الصلاحياات في الارض .. تعرفني مش حق مشاكل

ابن عم سليم ضحك ضحكه متعجب ومكذبه: كيف مانعرفك الله المستعان ( انا لو غيرك لارفض بس تصدق فكرت فيها قبلك وحاولت اقنع الورثه مارضوا رجعت اقبل بالامر الواقع)

الشيخ: الصلاحيات في يدك وانت كبيرهم ولما يشوفوا الزلط عتهدا نفوسهم

ابن عم سليم: اتفقنا.. غداك عندنا ياشيخ

الشيخ: الااان هات الاوراق وابصم لي عليها

ابن عم سليم: بس مااعرف اكتب

الشيخ: تعال يا سالم

ابن عم سليم: من هذا؟

الشيخ: هذا الكاتب حقي اركن عليه في كل شي..

سالم: حاضر يافندم

الشيخ: اتقهوى امد مايدي الاوراق تقراهن وتكتب اللي عنقلك............

@rewayatyamania المصدر الأول للروايات

في غرفه حجز صغيره.. مع المظلومين اللي مثله والسرق ... سليم سحب الشال اللي فوق كتفه وربط ع بطنه من الجوع

اللي جنبه قرب له خبزه

سليم جلس ياكلها بشراهه من كثر الجوع

وصل الضابط: اين هو ابو انس

سليم فرح ووقف وبدأ يودعهم

العسكري ضحك: ع ايش مستعجل انت ارجع الا معك زيارة

سليم اكتسف ومشي بخيبه... انصدم انس..

انس ناوله الصره ( قماشه يلف فيها الاكل او الملابس): ها يا اباه تغدى

سليم ضبح: انا قلت لك لاتجي يا انس ماافعل يا ابني بك تفهم

انس قرب منه وبيشاوره

العسكري خرج يجاوب

انس يتكلم بسرعه: اباه انت خايف عليا من الشيخ صح

سليم: ايوه ليش رجع لك يشتي شي

انس: اسمع  قبل محد يرجع هو طارحني في راسه  له فتره وانا داري طرحك هو في السجن ومش داري ليش قل لي

سليم: ولا انا داري اهم شي اتخبى في البيت

انس: مش انا مكلف اتخبى والله مااتخبى اباه خليني اسير المدينه

سليم انصدم: اين عتسير عند من

انس: ...




📚 @rewayatyamania  🇾🇪

.

البــارت 9 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس: مش انا مكلف اتخبى والله مااتخبى اباه خليني اسير المدينه

سليم انصدم: اين عتسير عند من

انس: شادبر روحي تطمن به عيال من القريه اللي ساروا مستأجرين شقه صغيره اتشارك معهم وادرس وارجع ارفع راسك

سليم: الفكره صعبه لكن افضل من جلستك هنا شاتطمن اكثر بس لاتقل لحد

العسكري دخل: خلاص هيا ياولد روح

انس بفرح: تمام يا اباه ولايهمك وماشفلتك.

العسكري شل ابوه ورجعه الغرفه الصغيره حق الحجز.

سليم دخل وحاسس انه انس هم وانزاح من فوق راسه صح هم كيف يعيش في المدينه وحده وكيف يصرف على نفسه.. بس ولايسمع خبر قتله...

خبرته: ياسلااام رجع بالغداء

سليم فرش الصره وقرب معهم الاكل تقاسمه وبدأوا ياكلوا

@rewayatyamania المصدر الأول للروايات

بعد المغرب

بيت الاستاذه

ابوها: يابنت من بكره ماعد بش تدريس

بنته: ليش

ابوها: جاء عريس ومايشتي مره تشتغل

بنته: عريس؟ ومن عيدرس بنات القريه

ابوها: ماعليش منهن مصيرهن يتزوجين والكل.

ويشتي بعد يومين نعقد ويشلش مابش عرس

بنته بقهر: يومين ! ليش يا اباه ماله مستعجل وكيف اخرج اكتسي

ابوها: هو شيخ يوم والسوق عندش

بنته بصدمه: كيف؟ شيخ من ؟؟

ابوها: الشيخ حظش يابنت شكل امش كانت تدعي لش

بنته امتلت عينها دموع: انت داري متزوج بالثلاث

ابوها: وانتي الرابعه داري

بنته: يا اباه عياله اكبر مني

ابوها: خلاص ولاكلمه انقلعي. انا اخبر لش بمصلحتش عتعيشي مفتهنه الكل يحلمين يتزوجين ويدخلين هذك البيت

حنقت ودخلت تبكي في غرفتها

@rewayatyamania المصدر الأول للروايات


بيت سليم..

انس بيلفلف ثيابه وكتبه

امه: كيف وقعت يا ابني عتفلت امك وخواتك لوحدهن

انس: انا عشانكم والله يا اماه انه عشانكم

امه: ماعليك مني يا ابني اقلك مالك دخل مني بتسمع

انس جلس يشرح لها كل مشاكل الشيخ معهم وانه في سبب مش فاهمه وان ابوه خايف عليه يخرج

امه اقتنعت شويه بس بتهم: من عيأكلك ويغسل ثيابك من اين لك زلط وكيف عتجلس مع ناس ماتعرفهم... ورجعت تبكي

انس: هيا حسستيني مدري وين سارح انا في البلاد يمه اي حين مافقدتيني 3 ساعات وانا عندش

اخته: واتزوج وانت مابحد

انس ضبح وجلس: هيا ناهي لكن عتعقلين انا شارجع كل يومين مالكم حلقتوها ما شفحط ( اهرب)
.
.

بيت الشيخ..

الشيخ جالس مع ابنه ايمن: ياولد بكره عتوصل الغرفه اطرحها في الطرحه الاخيره

ايمن مستغرب: ايش من غرفه؟

ابوه بهنجمه: شاتزوج

ايمن ضبح شايف ابوه هامم الا نفسه: ان شاءالله

ابوه: شركن عليك انا بكره سارح المدينه معي عمل هانك.

أيمن: خير ان شاءالله ماتقلق.

ابوه: انزل ادعي سالم قل له يطلع

ايمن فتح الغرفه خرج وهن مرصوصات جنب الباب كل واحده معها شكل وصوره وبهراره تفجع مسكين ايمن: عيتزوج !

الثانيه لطفيه: يو غبني عليش ياهنيه عتحسي ما وقع بي

هنيه شافتها: ماعد فرقت رابعه والا ثانيه كلهن سوا

ايمن: فلتني لو يخرج يشوفكن لايطلقكن كلكن اهربين الرجال عيطلع


بعد مااجتمع سالم والشيخ في الديوان

الشيخ: ها ماقالوا لك؟

سالم: من يرفض نسبكم ياشيخ تطمن كل شي تمام

الشيخ: والبقيه وقعوا ع البصاير حق الارض!

سالم: نعم

الشيخ: خلاص نتوكل الفجر وانت عندي

سالم: تم ولايهمك.. خاطرك نزل
في الطابق الارضي..

ايمن طالع لاعند ابوه.

سالم نزل شاف ايمن ابتسم بيبارك له: مبروك دام الله السرور

ايمن بضبح رد: الله يبارك.

وودعه للباب

@rewayatyamania المصدر الأول للروايات

بيت سالم..

بلقيس خايفه ع امها اللي بتولد

المولده (القابله) خرجت للجده: لازم تسير المستشفى عتموت وين زوجها يجي يسعفها !

الجده: اي مستشفى ! يشتي لنا سفر والمستوصف الصحي مابلا دكتور مايسبرش.. شوفي اللي تقدري تفعلي افعلي واحنا عندعي لها

المولده خايفه: عتموووت هي والجاهل ماقدرت افعل شي انا

بلقيس بتبكي خايفه ع امها وتحب يدها: قوااا  انتي اسعفيها قوا

المولده: سيري دوري ابوش يابنت

بلقيس خرجت بسرعه بتبكي ... لقيت رجال: ياعم ابسرت ابي؟

الرجال: كان مع الشيخ

مشيت لقيت انس خارج من بيتهم.. بلقيس  ياولد لقيت ابي؟

انس: ماشي

بلقيس مشيت شويه لقيت ابوها جاي من بيت الشيخ: اباه الحق امي.. بسرررعه قدلي من اول ادورك

سالم: مالش امش فيها شي؟؟

بلقيس: امي بتولد و.

سالم قاطعها: بنت والا ولد

بلقيس: مدري امي تاعبه ياباه قالت المولده نشلها مستشفى

سالم  مشي معها بسرعه للبيت

الجده بتصيح: حسبش وامرش لله !! حسبش وامرش لله لو اللي في بطنها كان ولد مااسامحش عمري

المولده بتبكي: بين اقلش من اول ماجيت حالتها صعبه ماقدرت اسعفوها... لاحول ولاقوة الا بالله

دخل سالم: ايش به !

امه: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 10 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


المولده بتبكي: بين اقلش من اول ماجيت حالتها صعبه ماقدرت اسعفوها... لاحول ولاقوة الا بالله

دخل سالم: ايش به !

امه: قتلت الولد قتلها الله حسبها وامرها لله

سالم: كيف قتلته.. وين المره ؟

المولده: صلِ ع النبي يا ابني هو اجلها ماافعل لامك قلت لها نسعفها قالت مستوصف ودكتور هانك

سالم اقتهررر: يعني ماتت ؟

امه بتبكي: الله يعوض عليك يا ابني  انا لله وانا اليه راجعون

بلقيس جريت ودخلت لاعند امها شافتها حضنتها وجلست تبكي ، ... يا اماه قومي لاتموتيش سهل ادي جاهل ثاني .. قوا قومي يمه  وتصيييح... اماااه امااااه... اماه..

دخلت جدتها هزرتها وخرجتها: خلاص يابنتي لاتفعلي هكذا ... حسبنا الله ونعم الوكيل

المولده خرجت وهي بتبكي

سالم جالس في الارض حزين بيبكي

امه خرجت شافته: عتبكي ! رجال يبكي ؟؟؟

سالم: مرتي وابني

امه: الظاهر انها بنت مادرانا انه ولد لاتغثي نفسك

سالم: ولو بنت

بلقيس شافت جدتها: هو انتي السبب ماخليتي امي نسعفها

جدتها: يعاينها دكتور يامجنونه بعقلش هذا ارادة الله مابش سبب اجلها

بلقيس: ومافيها هو رجال وقع دكتور اهم شي امي ماتموت... بتبكي

امه: قوم اغسل وشك وابسر مانفعل خبر اهلها...

بلقيس منهاااره بتبكي

جدتها عصبت: اخرجي من قدام وشي هذا الساع اين اجي بروحي يا الله

سالم خرج

بلقيس جلست خارج جنب الباب تبكي

@rewayatyamania المصدر الأول للروايات


الصبح..

الشيخ مراعي له في الباب وشاف الناس متجمعين وخرجو جنازتها

خالد: من مات ؟

سالم خرج بعد اخوه مرته وابوها..

خالد: عظم الله اجرك انا لله وانا اليه راجعون... كيف نفعل ذلحين ماعتجيش؟

سالم شاف له ولهم بيمشوا بالجنازه لحقهم

خالد طلع سيارته وقرر ياخرها يوم سفرته
.
.

في المدينه... مندهش ع الزحمه وسيارات وباصات وبيسأل ع العنوان اللي في الورقه وبيدلوه ع شوارع مايعرفهن قرر يتصل بالرقم دخل محل اتصالات وخلى الرجال يطلب له الرقم اللي في الورقه... محد بيرد..

صاحب المحل: من اين جيت ياولد

انس: من البلاد

صاحب المحل: طيب هنا الشارع اللي عندك بس اين بالضبط كم يا بيوت وبقالات

انس: والله مالي علم

صاحب المحل: مايقرب لك؟

انس: ابن عمي

صاحب المحل: طيب سير لاعند البقاله اللي في الورقه وادي له اسم ابن عمك ويمكن ينفعك

انس: تمام تسلم

صاحب المحل: عتحاسبنا ؟


أنس خرج افلاس ( عملات معدنيه ) من جيبه: العفو منك نسيت كم حسابك

صاحب المحل ضحك: حرام ماتدفع فلس

انس: تسلم يا اخي

صاحب المحل: شكلك طيب  ياولد محد جاوبك امد تحاسب اوبه حد يزيد عليك

انس: وانا مادراني يحاسبوا او مع

صاحب المحل: لو حد جاوبك وفتح الخط يحسب عليك لكن لو محد جاوب ماتدفع  ابسر جي اعلمك... واتصل .... ووراه كيف يحسب الجهاز فوق

انس انبهر: اهااا ضخم والله

صاحب المحل شاف زبون دخل: يله الله معك

انس جلس يلوي في الحارات يسأل على البقاله... وبيشوف كيف الناس بعضهم لابسين بنطلونات وبدلات ويشوف الزنه اللي فوقه.

وقف سأل واحد... كان رجال واقف جنب السياره وعياله لابسين زي المدرسه وهو لابس بدلته شافه: خير يا بابا بتدور حد !!

أنس فررررح لما قال له هكذا حس بالحنان اللي ناقصه وشاف منظر غريب عليه مبلود مطنن في وشهم شايف البنات بشعرهن مابش حجاب

الرجال: من انت

انس: ياعم هذا عنوان ابن عمي عاد انا جيت من البلاد

الرجال قري الورقه: شوف البقاله اللي مكتوب اسمها في الحاره الثانيه تمشي طوالي( مستقيم ) وتلف يمين جنب الخزان عتلقى بقاله أسأله

انس فرح: تسسسلم.

@rewayatyamania المصدر الأول للروايات


في القريه العصر .. بعد المقبار...

الشيخ خالد جا يعزيه: اجلت سفرنا لبكره

سالم: انت ناسي ما معك بكره ياشيخ!

الشيخ: لا مش ناسي قد فعلت وكاله للولد يتصرف بالموضوع امد

سالم: حلو نتم الموضوع وتتفرغ بعدا براحتك

الشيخ متحمسسس بس مابين له: يله وانت والكل تزوج ويجي الولد والله يعوض عليك

سالم: ان شاء الله ، الحمد والشكر لله.



بلقيس راقده في بقعه امها وحاضنه الروب حق امها

جدتها دخلت شافتها راقده زعلت عليها وخرجت جلست في الصاله
.
.

في المدينه.. انس خرج من البقاله ( على دخلة ابن عمه....)


https://tttttt.me/rewayatyamania/51250




📚 @rewayatyamania  🇾🇪

.

البــارت 11 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في المدينه..

انس خرج من البقاله يأشر له وين ساكن ابن عمه لقيه تحاضنوا وتسالموا

ابن عمه: كيف لك جيت

انس: اشتي ادرس هنا ابي محبوس ومعه مشاكل في البلاد خلاني اطلع عندك

ابن عمه: حياك الله هيا جي.
.
.

ثاني يوم في القريه...

ايمن خرج من عند امه وبيتذكر كلامها (( ابوك لو يجلس يتزوج ويخلف ماعد يبقي لكم شي والاخيره قالوا متعلمه مدرسه عتجي تشل كل شي لها فتح عينك واخرب الزواجه حين وكلك )) سير فركشها

ايمن خرج ومشي مع المرافقين  لبيت الاستاذه حسب مااتفقوا العقد بعد صلاه العصر..

المرافق فتح له باب السيارة: القاضي اللي عيعقد مراعي باب بيتهم قد له هانك نص ساعه

ايمن بضبح: فارح مبكر يعقد عيقع له قرشين بعدها والبلا لاراسنا

المرافق: مافهمت

ايمن طلع: اخطى بس

وصلوا بيت الاستاذه.. كانت سميه بتبكي في غرفتها وجنبها مرة اخوها تواسيها: هيا سهل عيشتري لش كل شي هو ابوش مابش معه انتي داريه لاتغثي

سميه: ليش هكذا اتزوج كنت اشتي ساع كل بنات الحاره افعل عرس

مرة اخوها: عتخليني اصلحش يا بنت عيمهى ( يسيل ) الكحل

سميه: فستانش وسيع فوقي

مرة اخوها: امد مايتموا العقد انا ارقعه لش بساعتي لفي وادي لي ظهرش.. تمت تفرجت نفسها في مرايه صغيره حق مشط شعر

كان شعرها طويل اسود كثيف ناعم ، ملامحها بسيطه فعلت الروج السحري والكحل ابتسمت شويه اول مره تشوف وشها بالمكياج الحلم اللي انتظرته كل بنت مثلها في القريه ( اليوم المسموح لها تفتح شعرها وتوضع زينتها ومكياجها )

@rewayatyamania المصدر الأول للروايات


عند الرجال..
القاضي نسي انه خالد وكل ابنه يعقد له جلس يردد الكلام لايمن

ايمن ردد قبلت

القاضي: الف مبروك

ابوها: وين ابوك مايجي يعقد هو !

ايمن ركز انه عقد هو: يعقد لي ! هو قال اعقد له

القاضي شاف الورقه حق التوكيل ولهم بدهشه: يعني عقدنا للولد مش الاب؟

ايمن فرح لانه كان يشتي يفركش زواجة ابوه: خلاص وانا موافق

ابوها فرررح اكثر انها ماتسير للشيخ وانها للابن: خلاص سد مع ابوك..

خرج القاضي.

والاب لقيها فرصه يدبسه ببنته دخل يدعيها
البنت ملان عيونها دموع خايفه تدخل تشوف الشخص اللي بسن ابوها ويمكن اكبر.

بتمشي بخطوات ألم وكأنها على شوك وجمر حاسه انها لحظه اعدام مش زواج مرت من قدامها توقعات عيشتها معه ظلمه لها زي ظلمه لأهل القريه كيف بتعيش مع نسوانه وعياله كيف بتحتبس في البيت بعد ماكانت تحس الوحيده في القريه بفخر انها متعلمه ( خريجه ثانويه عامه)

ابوها سحبها ودخلها: ادخلي عند زوجش امد مايجهزوا الشرشف (عباياتها) خرج وقفل الباب.

كانت نظراتها في الارض مارفعت راسها تشوفه منتظره بس تسمع صوت الشيبه ( العجوز) اللي مراعي لها..

وقفت متصنمه حست انها مشلوله واي خطوه ثانيه ممكن توصلها للموت اللي متخيلته

ايمن شافها ونزل راسه اول مره يشوف واحده بشعرها متزينه !! حاسس بذنب وكأنها زوجه ابوه حس بغضب اكثر

بعد صمت دقيقتين...

رفعت راسها بسرعه ونزلته تشوف ليش ساكت!

رجعت رفعت راسها وشافت شاب خرجت من الغرفه

ايمن تأفف: استغفر الله العظيم مافعلت بنفسي من فعله.. كيف افعل ب أبي

ابوها شافها واقفه خارج باب الغرفه خايفه: مالش

سميه: بس هذا  مش الشيخ؟

ابوها: طلع ابنه اللي كان يشتيش

سميه حست هم كبير انزااااح من صدرها وكأن حد انقذها من الخوف اللي داخلها... رغم ان الاسره كلها مكروهه بس اهون من الاب

ابوها: البسي يله تمشي مع زوجش

@rewayatyamania المصدر الأول للروايات


في المدينه قبل المغرب..

ابن عمه: هيا انس نخرج نتمشى

أنس قام لبس الزنه ( الثوب)

ابن عمه: البس بنطلون وشميز

أنس: مابش معي الا الزي البسه؟

ابن عمه: مع.. جي ادي لك معي بنطلون اعتقد عيجي عليك وفنيليه

انس فرح لبسهن

ابن عمه: شلهن لك قد صغرين عليا

انس: تسلم

ابن عمه: ذلحين زي ما اتفقنا احاكي لك اللي اعرفهم يوظفوك بعد المدرسه.. وبكره مابش معي محاضره اشلك المدرسه نسجل لك اديت الملف وصور

انس: ايوه بس مابش صور

ابن عمه: يله امشط شعرك تتصور

انس: تمام
.
.


في القريه

الجده: قومي يابنت الرقده مرض هذا الساع

بلقيس بتهلوس

الجده: مالش بتخرفي ! اوبهي تجنني يله اقوم بروحي انا مريضه

بلقيس بترجف من البرد: راسي بيتكسررر وجع

الجده: ياغارتاه الليله هذه ابوش مابحد كيف افعل
قربت تعسها حاميه.. طرحت فوق راسها منشفه مبلله بالماء

بلقيس بتبكي: امي وين هي عاطشه اماااه

الجده: انا لله وانا اليه راجعون قد قلت له يتزوج مابيسمعش لو شي ماحنبت هذه الحنبه بروحي

دق باب البيت... ام بسام: يا اهل البيت

الجده فتحت لها: اداش الله بنت ابني تاعبه ماافعل لها

ام بسام...




📚 @rewayatyamania  🇾🇪

.

البــارت 12 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


الجده: انا لله وانا اليه راجعون قد قلت له يتزوج مابيسمعش لو شي ماحنبت هذه الحنبه بروحي

دق باب البيت... ام بسام: يا اهل البيت

الجده فتحت لها: اداش الله بنت ابني تاعبه ماافعل لها

ام بسام طرحت لها الاكل اللي في الصحن ودخلت تعسها حاميه بعدت البطانيه من فوقها: اسير ادي لها علاج واجي مع الجهال حق الحمى
.
.

فوق السياره..

جالسه جنبه ورا وساكته.

ايمن بيهم كيف يروح البيت وايش يقل لهم !! وابوه لو روح كيف

سميه جالسه جنبه ومستغربه سكوته ولا كلمه ليش ! مغصوب او كيف القصه ؟

وصلوا البيت

امه وطباينها جالسات جنب الباب مراعيات لها

ايمن دخل وهي بعده.

زوجه ابوه الثالثه(هنيه) واقفه ماسكه خاصرها وبمسخره: عروسة الغفله الشيبه مابحد

ايمن: هذه مرتي انا ، الحقي بعدي

طلعت سميه بعده وهي بتسمع همسهن واستغرابهن

ايمن طلع هو وياها غرفته دخل وقفل: اسمعي اللي شاقلش ، ماتجاوبي ع حد ولاتبرري لحد وتشرحي له شي ... لو كنتي فارحه بنفسش تتزوجي الشيخ فانسي الوهم اللي كان في راسش ، انتي مرتي غصباً عنش رضيتي او ماشي ومادام دخلتي البيت هذا بطمع جنب الاولات فعتشوفي عيشة جهنم معي عشان يعرف الحج حده ويوقف موالفة النسوان

سميه: انا ماكنت داريه بشي والله انه

ايمن عصب: ولا اشتي اسمع نخس.. شااابع خرط نسوان وكيد وحركات لاتمثلي عليا يا متعلمه وتزيدي عليا متعلم مثلش محد احسن من احد.... خرج وقفل الباب..

سميه جلست تتفرج المكان اللي هي فيه وحظها السيئ اللي جمعها بواحد غريب مثل هذا ! بس بنظرها اهون من ابوه والطباين اللي استقبلين لها من الباب بكيد النسوان.

ايمن نزل وهن جالسات بيخترعين الف سبب وسبب للي حصل ويرجعين الموضوع لعاتقه انها اللي تضامنت مع ابنها وعلمته يعقد عليها هو

ايمن: لا هي امي ولا انا ، القاضي غلط وعقد لي وابوه دخلها لاعندي ماعد دريت ما افعل

امه قامت وقفت: حتى ما ابسرتها ولا داريه بنت من هي غير استاذه كنز

كنز: استاذتي ،؟ فين هي !

ايمن جلس امه: رجاء محد يتدخل ويتكلم لما يجي ابي ونبسر مانفعل معه

الزوجه الثالثه مبرقطه بتهز رجلها ضبح وبتفحر نفسها تشوفها: خلينا نبسرها ونجلس معها

ايمن بعصبيه: قلت ماشي لا اسير اعقد له واحده ثانيه ذلحين بالوكاله هذه

خافين وسكتين

ايمن خرج وصرع الباب

كنز طلعت سكته لاعندها ... بتحاول تفتح الباب مقفل...

سميه من ورا الباب: من ؟

كنز: هو انا كنز صدق انتي استاذتي

سميه سكتت

@rewayatyamania المصدر الأول للروايات


بيت سالم..

ام بسام: يله خاطرش يا حجه اسير ابدي ع ام انس مسكينه حالتها حاله زوجها محبوس

جدة بلقيس: يا ساتر ماقد فعل

ام بسام: العالم الله وابنها سار المدينه ماعد عيعيش هنا

جده بلقيس: كان الله في عون الجميع كل واحد  معه كفايته.. الا يا بنتي كنت شاقلش لو قبالش بنيه نزوجها لابني الله يحفظش دليني عليها

ام بسام: خلي مره ابنش تنشف تربتها وبعدا زوجوه.. خاطركم... خرجت وهي بتعلق على ام سالم.. مافالحين الا يزوجوا بس
.
.

اخر الليل وصل من عند الشباب اللي بيسمروا ويخزنوا سوا

البيت كان هادئ وكلهم نوم.. دخل غرفته ونكزز شاف ظل جنب الطاقه رفع الاتريك ( كشاف الضوء لاوشها وذكرها كان ناسيها شل الشمع من فوق الصفيف ( رف بجانب النافذه) وولعها .. ماقد رقدتيش؟

سميه قرحت تبكي

ايمن: استغفر الله العظيم مافعلت بروحي.  مالش !

سميه: كنت مفتجعه لوحدي

ايمن تعجب: مفتجعه من ايش او عيجي جني يلهفش.

سميه متعجبه ع اخلاق معه في اول يوم: ماقد صليت قفلت عليا الغرفه.. اين الحمام ؟

ايمن في الدرج انزلي وعتبسريه

سميه خرجت من جنبه ورجعت: البقعه كلها طافيه

ايمن ناولها الشمعه وقفل الباب بعدها غير ثيابه وشل بطانيه ووساده وكل اللي يحتاج

سميه رجعت دخلت وبتنفخ يدها كان الشمع يقطر لاصابعها: اين السجاده؟

ايمن اشر لها لكومه ثيابات: دوريها بينهن.

خرج وقفل الباب..

سميه طرحت الشمعه فوق ماسه صغيره ودورت السجاده وجلست تصلي وتدعي وتبكي


في الديوان...

ايمن فرش الفراش وجلس يفكر شويه في ابوه ورقد
.
.

في المدينه..

أنس ممدد ماقدر يرقد من ازعاج الشباب اللي معه في الغرفه كان متعود هدوء القرية والرقده بدري

ابن عمه: قوم العب معنا

أنس: ايش ؟

ابن عمه: كيرم

أنس فرح وقام جلس معهم يتعلم كيف بيلعبوا




📚 @rewayatyamania  🇾🇪

.

البــارت 13 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


ثاني يوم..

الشيخ فارح: خلاص يا سالم الاوراق موثقه من الأمانه انزل اتصل لهم قبل مانمشي من بكره قل لهم يجوا يقلعوا كل الشجر الباقيات حق سليم وعيال عمه والارض اللي جنبها

سالم: تمام

الشيخ: ومعك حق تعبك مبلغ دسم سير شل لك مره واخطب وتزوج ، عاد طريقك طويله لو ما توالف الأربع

سالم ضحك: لحالك ياشيخ انا شويه واتزوج .. ماقد خطي يومين ع موت المرحومه

الشيخ: الحي أبقى ..الله يرحمها.

@rewayatyamania المصدر الأول للروايات

في القريه... بعد ماطلع الضوء

سميه ضبحت من الجلسه شافت الغرفه مرفسه قامت ترفعها رتبت البطانيات والوسايد وملابسه علقتهن ... وضبحت من فستان مرة اخوها جالسه محتاره ايش تفعل .. لقيت ثوب من ثيابه شلته ولبسته ولبست فوقه الشرشف وجلست

ايمن قام الصبح ونزل يصتبح

امه: يا ابني الباب مقفل عليها قيمناك (صحيناك) : تفتح لنا وانت نوووم ليش مقفل او عتهرب

ايمن: اخاف يجي ابي وانا راقد او نوم وتخبص في الكلام اشتي احاكيه اول انا.

امه: ناهي البنت عتموت بغير عشاء وصبوح

ايمن خايف يسألوها ويستفسروا: اديه وانا اطلعه لها

امه شافته متوتر ومعصب ماعاندت: ناولته الصحن

ايمن شله وطلع فتح الباب ودخل تفاجأ بالغرفه مرتبه طرح الصحن وعلى خرجته

سميه: اشتي اقلك حاجه

ايمن: مالش؟

سميه: ضبحت من الزنه الي فوقي ولبست ثوب من ادوانك ( ملابسك)

ايمن شافها بضبح: وليش تلبسي بدون استئذان ! احرمتي(خربتي) عليا الزنه

سميه اقتهرت من معاملته وامتلت عيونها دموع: مابش معي ثيابي مااديتهن

ايمن: خلاص خليها لش يا امد.. ماشلبس بعد مره ثوب رجال... وخرج وقفل عليها

سميه قربت شافت صغيره خبزه ولبن.. خلتهن زي ماهن وجلست تبكي

ايمن بينزل من الدرج وبيضحك ع شكلها لابسه الزنه حقه.. وقف ف اخر درجه قدامه

ابوه بيكلم سالم: الان اريح نتغدى واخلي ايمن يسير يشرف على العمال

سالم: تمام خاطرك اسير اتفقد اهل البيت وارجع لك

ايمن بربشه: اي حين جيت

الاب دخل وقفل

نسوانه بيلطمين وشهن ويداهفينه لاعند ابوه

ايمن لفت لهن بعصبيه: ماهو ! مالكن؟ وين الغداء !! )) كان يحاول يصرفهن من قدامه عشان لايتلطم قدامهن))

ابوه مبتسم: مافعلت !

ايمن مسك ابوه ودخله الديوان ومعصب: اباه صلِ ع النبي

ابوه: ماهووو مافعلت؟؟

ايمن: مش هو انا.. اللي حصل بدون سبب ماقدر الله ولا كتب لك.

ابوه بيخلس الكوت ويرجم ويبعد الشال وحزام الجنبيه: مالك

ايمن حاول يتشجع: القاضي لما عقد نسي يلقن الا وانا انه توكيل عقد ووافقنا

الشيخ: مابتربش ماقلت!

ايمن: القاضي عقد لي بدلك..

الشيخ جلس بسهولة: اها فهمت... طيب طلقتها وعدت العقد

ايمن شاف ابوه اللي مبورد: مافهمنا الا بعد ماتم القاضي وروح ودخل الاب الحريوه لاعندي

الشيخ وقف وعصبيه: قلت لك تعقد لي سرت تعقد لنفسك ! مجنون انت او بتخرف؟

ايمن: ما افعل ذلحين ! انا مقفل عليها من حين وصلت

ابوه قرب لجنبه ودهفه للجدر بقوه: اصلا غبي ولاعمرك عتفهم .. غبي وانا راكن انك اللي عتمسك كل مالي وحلالي... خلفت لي شويه جهال ما منهم فايده.. طلقها وترجع بيتهم لابوها حين استعجل عليها
وخرج من عنده...

صاح صوت لنسوانه: اين الغداء !! زبط الباب والله لوما يقرب لاطلقكن من شق وطرف

هذك الساع اشتغلين مثل النحل الثلاث فرشين المائده في دقايق..

الشيخ جلس مثل الوحش يفترس نعمة الله (الاكل) مثل ما بيفترس الان حق المساكين واهل القريه...

@rewayatyamania المصدر الأول للروايات

خارج بيته..
الاهالي والرجال متجمعين .. عيال عم سليم وعيالهم بيصيحوا ويتضاربوا هم والعمال اللي بيقلعوا الاشجار

مرة سليم خرجت مسكت راسها وتبكي ليش ماحصل مالهم !! ماهووو ليش بيقلعوووهن وتمسك الاغصان اللي في الارض وتبكي

حماها اخو زوجها سحب طرف ستارتها: ارجعي البيت عنفهم زوجش

بدأوا يتفرقوا من ضرب الرصاص اللي حصل
.
.

بيت ام بسام..
ام بسام: لاي حين عتجلس اختي تزنط عليا انها مرة الشيخ وانت اوقع احسن منه اقلك سر؟؟؟


https://tttttt.me/+Ecxq_OzMYh40M2E0



📚 @rewayatyamania  🇾🇪