.

مساء الخيير..

لقيت الحل متابعينا الاحباء ايش رأيكم فيه.. هذا افضل حل عشان اقدر افتح لكم النسخ.. بس ان محد يحذف اي معرف او رابط والا غير محللين ليوم الدين.. وشاكرة لتفهمكم

..

.

روايات الكاتبة المتألقة منارة اليمن مكتملة هنا👆🏻

.

.

يسعد مساكم متابعينا الاحباء تعليق الكاتبة المتألقة: منارة اليمن 👇🏻😍

السلام عليكم و رحمة الله وبركاتة...
كيف كلاً وحالة؟! إن شاء الله بألف خييير...

هالموووهم وحشتووونييي قوووي قوووي قوووي والله، لذلك رجعت لكم بعد طووول غييياب خيييرررراااات 😁
وانتو وحشتكمممم ولا مااااشي؟! 🙊

والأهم اتمنى أن القصصصصةةة نالت إعجابكممم، وان شاء الله استفدتوووا منهاااا وحركت مشاعركممم وكذااا🤍

رأيييكم فيها ي أضخمممم متابعييينن وشتقبله برووووح طيبة وصدر رحببب🤍

#جرعة_تحفيييز_لكاتبتكمممم_الفخمممةةة_منااارة_اليممممن؟!😹
عسب اشتحط واكتب لكم رواياااات خيييرات

التعليق عبر بوت الإدارة وسترد عليكم

@YemRewBot

.

.

تعليقات المتابعين(1) 🤩👇🏻


👤 روايه بقمه الروعه بس عندي سؤال
ايشو مرض الداون هو يعني مرض التوحد اولا مرض مشاباه له
والتعليق الثاني حين قلتي سمير قده خاطب فكيف تزوج خوله😅😅😅😅وبجد روايه حلوه بجد استمري ي مبدعه


👤 قوة واتمنا الاستمرار فيها روايات نستفيد منها


👤 السَلآْم عَلْيُكّمٌ وٍرٍحَمُةّ الله وٍبُرٍكآتُهْ
رويه تستحق القرأه اكثر من مره لروعتها و تسلم يدش ونتمنى انش تستعجلي برويات اكثر وشكرآ


👤 بصراحه القصه حلوة اجبني شخصيه لؤي ولمياء وانه تزوج رغم ان في من عارض وفي من وافق
وكمان حبيت شخصيه ميرا وباسم وكيف ان حبهم طاهر وانه يوفي بوعده لها
وحزنت على اياد طفولته براءته حبيتها
وحزنت على مروان الي اخواته مش مهتمين فيه وانه اخوي الي مهتم في موت نفسه بالقبله
وكمان محمد الي اصبح طبيعي بعد ما لقى الي يحبه ويهتم فيه
وخوله ومعاناتها  الي ربي اخذ ابوها وامها  واخد اياد بعد ما تعلقت فيه بس ربي اعطاها شخص بدل شخص
وشخصيه صفيه الطفله المرحه رغم حزنها بسبب امها وبراعتها
بصراحه ابداااااع ما شاءلله
في واقع موجودين اطفال داون لكن بعض الاهالي يهتمو والبعض لا
واخر شي شكرا للكاتبه لانك اعطينا عبره لهذا القصه الرائعه


👤 روايه في قمة الروعه استمري ربي يوفقك


👤 الصراحه الرواية كانت اكثر من مايقول عليها رائعة كل بارت كان يشوقني اكثر لقراءت المزيد فخمةةة بمعنى الكلمة. تسلم انااااملك استمري 💜...


👤 سلام

والله القصة حلوة قوي

وانا احب هذا المجال أنه اشتغل فيه

بس ماقدرت ربي مااراد ذلك

اح بس حتى انا معي اخت صما وبكما وبنت اختي فيها داوون

بس الصدق مابنتعامل معاهم الا بكل حب

الله يوفقك بكل شي تتمنية

ويسعدك بكل شي

وانا من محبين القصص .قوى اجلس أقرا حتى لو قدوا فجر اهم شي اخلص😁😁


👤 الرواية قمة في الروعة واكثر شي مؤثر فيها قصة مروان .. بس في شي بسيط بالنسبة لسمير هو كان خاطب وبعدين يمكن نسيتي 😅 ماذكرتي هذا الموضوع في البارتات


👤 القصة كانت حالية روعة واحسها واقعية استمري انتِ مبدعة


👤 ما قد قريتها بس اكيد حلوه جدا😍

لانه معي اختبارات 😭


👤 روايه فخخمه تكلمت عن شي ناس غافلين عنه بينت فيها مشاعر كان انسان طبيعي او فيه اعاقه ذهنيه صدق صدق تستحق لقب افضل كاااتبه ❤️❤️❤️❤️❤️❤️❤️❤️


👤 الروايه كانت فخممه وناقشت شي احنا بنجهله ومجتمعنا بيشوفه شي عيب مثل م ذكرتي..

لاكن ب نهايه الروايه احس انك اختصرتي الأحداث قووي وما اديتي نهايه لكل شخص .

مع ذلك مشكوره ع كل جهودك المبذوله 💜💜💜💜💜.


👤 السلام عليكم
طبعا الروايه حلوة بس متقطعة توصلي لنقطة وتنتقلي الي نقطة ثانيه ..... وتكون بدايه لكل شي
في نقاط ايجابيه وسلبيه .....  ونتمنى لها التوفيق


👤 رواياتك كلها حبووبه والله وكمان الاخيره دخلت صميم قلبي والله باخر البارتات بكيت واكثر شي بكاني اغنيه صفاء وكلام خوله ع اخوها اياد واستمري يامبدعتنا مزيد من التقدم والنجاح ان شاءالله 😍❤️


👤 السلام عليكم

بصراحه رواية من أجمل الاروياات مواثه وبتتحاكي ع الواقع لان  في ناس بيتعاملو مع الذي في اعاقه اي كانت معمله شوعه وبيحسسوهم انهم ولاشي وان مالهم اي اهميه في الحيااه

استمري والله ويوفقش 😊


👤 اكثر شي لامس قلبي بالروايه وصابني بالصميم هذي العباره
👇

أن تعمل!

يجب عليك ان تحب عملك
وإن احببته سترى نفسك تتقنه دون ان تشعر بذالك؛


وسترى اختلافاً كثيراً في حياتك؛

گ الرضاء عن نفسك؛ والفخر بذاتك😴🤍

الف الف الف الف شكر للكاتبة مناراة اليمن

الله يوقفها لكل خير

استمري بتوفيق الله

للان ماقد كملت الروايه بس بكلمها واجيب تعلقيقي

استمري منارة اليمن روايات جداً ممتعه ومفيده



👤 كانت ولا زالت منارة اليمن أفضل كاتبة أبداعها يزيد يوم عن يوم وقرأت كل رواياتها بجد هادفة بشكل كبيييرر بصراحة عجزت عن التعبير فثمانية وعشرون حرفا لا توفيها حقها لقد جعلت من تلك الحروف نسيجا رائعا ومبهرا تغزِل فيه رواياتها بكل شغف واتقان  وأتمنى لقلمها الذهبي الدوام على الكتابة..

منارة اليمن أول كاتبة تطرقت لموضوع الداون بشكل خاص وصفت مشاعرهم بدقة وكأنها تحس بهم
منارة اليمن استحقت لقب المؤلِفة والكاتبة بجدارة💙

* Mermaid💙


👤 السـلام عليــكم "
منــاره اليــمن ڪاتبه تستحـق الشڪر دايـم مبـدعةة
في رواياتڪ وهاـذي الروايـه فعلا فييي قــمه الفخـامه وعشـان نرڪز ع مـلائكه الارض وڪيف يتـم التعامل معاهم بجـدا شڪرا لڪ جزيـل الشڪر ابدعتي فــوووق الابداع بصـدق واتمنـي تستمري ع هذاٱ المبدأ ....💐وڪما اشڪر ادارﮪ قناه روايات يمنـيه ..اخوڪ عبـدالناصر👨‍💼


👤 قناه رائعه وكاتبه متميزه متألقه تصل حروفها وكلماتها إلى القلب
وحلوو جداً انه يكون هدف الكاتبه توصيل رساله للمجتمع بشكل عام والأهل بشكل خاص
عكس بعض الروايات وانه نهتم بالأطفال او الكبار المصابين بمثل هذه الامراض مثل الداون والصم والبكم والعمى وغيرهن.....الخ
🌸🌷🌺🌹

.

.

تعليقات المتابعين (2) 🤩👇🏻


👤 سلااااااام ،
قصـــة ملائكككة الأرض للكاتبة منارة اليمن حابة اول شيئ اقووول اي والله انششش وحشتيييينا قووووي قووووي قووووي لا تتأخريششش علييينا ثاني شيئ القصصصصةةة خووورااافييية بمعنى الكلمةةةة 😭😭😭 ودائممما وابددددا اقووول انتييي كااااتبة متميييزززة وفريييدة من نوووعها كم احبشششش واحببب كتابااااتششش وروايااااتش وقصصششش والله ، احسسس يدخليييين القللللب ويستحلللنه وما تناااال اعجااااب الا الذييي معاااهم ذووووق رفيييع والله
قرررريت كل رواياااتش وقصصششش كلللللهنننن وكلللللهننن يدخليييين القللللب بلاااا استأذاااانننن يكفييي إن كل روايييية وكل قصصصةةة مختلفففة علا الثاااانيييةةة يعنييي شيئ جديييد علييينا وكل مرررة تتطرقييي لموضوع جدييييد وتخلييي الرواييية ممتعةةة وماااا تتملششش بسررردش وافكااارششش وحبكتششش مووووفقةةةة ياااروووحييي ومنتظرررييين كل جدييييدششششش بفاااارغ الصبرررر المهم لا تطوليييي علييينا😩😩😩


👤 السلام عليكم
قصة  ملائكة الارض كانت حاليه قوي واستفدت انا منها قووي خصوص اننا كنت ابسر هولا ذوي الاحتياجات الخاصه وافتجع منهم مدري ليش

بس فعلا انتبهت ان معاهم مواهب ومشاعر ويحسو والي يتعامل معاهم بلطف يعاملوه بالمثل
بس الروايه شويه متقطعه ياريت كان نتشارك الكلام والاحداث وردات الفعل اكثر من انو نفهمها فهم من خلال القراءة
وشي مافهمته ايش سبب كره ام ميرا وابوها لها مابش اي مبرر ولا فسرتي لنا السبب
معقول حد يكرهه بنته مثلهم؟؟
ومعقول ان خوات مروان يكونين بهذه القسوه ويرجمين اخوهن ولايدين له حتى اكل؟
وبس والله المهم التوفيقق للكاتبه ومنها للاعلى 💙💙


👤 السلامه عليكم
رواية بقمة الروعه وكمان هادفه
بينتي فيها شي كنا غافلين عنه


👤 مساء الخيرات للكاتبة "منارة اليمن " 🤍🦋
ولجميع من بيقرأ تعليقي ع رواية
"ملائكة الأرض " 😍🤍

في البداية حابة أشكر إدارة القناة
وأنا فعلاً مقدرة للجهد المبذول 💜
واتمنى من كل قلبي تسمحوا لنا بنسخ البارتات عشان ننشر للي مافي معاهم تليجرام ...

أما بالنسبة للرواية الصراحة ماقد قرأتها كاملة وإنما النصف فقط 🙃
لان معي مذاكرة و إختبارات كل يوم أقرأ شوية بارتات 😂🤍 دعواتكم يا أعزائي ...

🤍أختيار الكاتبة لعنوان الرواية كان موفق🤍

واحداث الرواية كانت رائعة ومؤثرة
بإبداعش حركتي مشاعري 😌💕

متشوقة اكمل الرواية وأشوف النهايه😁
انا هذه أول رواية أقرأها للكاتبة منارة اليمن
وفعلا نحتاج لمثل هذه الروايات اللي بتناقش قضايا مهمة في مجتمعنا واللي الكثير بيجهلها

وحابة أقول للكاتبة انتي فعلا حققتي هدف عندما كتبتي ونشرتي رواية لها قيمة وتأثير
👏👏👏

متشوقة لقراءة روايات ثانية لش 😍🤍

دمتِ في تألق ومن نجاح الى نجاح 💜💜

"Nervana"💜


👤 الروايه ضخمه قوي تسلم يدش وابداعش راااقي ورواياتش فخمه قوي،
الروايه حلوه وعنوانها متميز
والاحلى انش كتبتيها مختلفه عن كل الروايات، والحلو انش وضحتي رساله الي بيتعاملوا مع مرض الدوان وكتبتي كيف يتعاملوا معاهم كمان شخصيه لمياء روووعه وكل الشخصيات كمان
تسلم يدش وتسلم اداره القناه على التنسيق الروايه ونقدر تعبكم وجهدكم..
والشكر الجزيل لكم


👤 سلام كيف الحال

الروايه صراحه فخمممممه جدا وهادفه بشكل جمييييل جدا لكن يمكن ما انتبهتي لشي اولا ان سمير كان خطب وبعدين قلتي تزوج خوله وثاني شي اخر لمياء كان اسمه فادي بعدين غيرتيه رامي وثالث شي كنتي تنتقلي من احداث لاحداث جديده بدون ماتكمل الاحداث الاوله واختصرتي النهايه قووووووي ورابع شي والي ماعجبني نهائيا هو انش كنتي تكرري الحرف اكثر من مره يعني قووووي مكثره الحروف لهذا حسيت بشويه ملل وانا اقراها يعني مثلا كنتي تكتبي (عننندد لمممياااءء) او (يوووووومممم ثااااااانننننيييي) اتمنى فهمتي كيف قصدي

بس ماننكر روعة القصه ومفهومها بس اتمنى انش تشدي اكثر في رواياتش وتتخيلي انش انتي الي تقرأي الاحداث عشان تتخيلي كيف ردة فعلنا على الاحداث وعلى السرد والي هو اهم شي

اتمنى تكوني فهمتي قصدي


👤 الرواية حلوة  وياليت والله لو في مركز. لمثل هذي الحالات
وأيضاً في عنف شديد لمرضى الداون والي مرضوا الحمى الشوكيه والامراض هذوا يتعرضوا للعنف والتنمر باليمن وغيرها

نسأل الله العافيه للجميع
وشكراً جزيلاً. وصلتي المعلومة بالتعامل معاهم تمام  التمام


👤 رواية ملائكة الأرض
لاتوجد كلمات لوصفها..
راقت لي وبشدة
فعلا احتوت موضوع مهم مهم جدا في حياتنا
خلتني أطرق لأشياء ماكنت منتبه لها خااالص.

والكاتبة منارة اليمن أنتِ فعلا تستحقين أعلى المراتب ..
كلمة إبداع قليلة بحقك💜💜


.

.

تعليقات المتابعين (3) 🤩👇🏻


👤 الرواية رائعة جدا وهادفة
الاسم نفسه احلى شيء وفعلا اصحاب الاعاقات الذهنية ملائكة الأرض ولازم يكون عندنا وعي بكيفية التعامل مع هذه الفئة وما نخليهم مهمشين ولازم ندمجهم وسط المجتمع
وعلى اي وأسرة يكون لديها طفل يعاني من اي اعاقة يسجله في صندوق رعاية وتأهيل المعاقين 
عاد تقولوا ما الفايدة اقول لكم الدولة بتسعى جهدها انه توفر متطلبات المعاقين بشكل عام وهناك جهود عديدة بس كما انتم دارين اوضاع البلاد بتعمل عراقيل كثيرة
اتمنى انه كل واحد في المجتمع يعامل اصحاب الداون  واصحاب الاعاقات الاخرى بانسانية وانه لهم حقوق في هذا المجتمع لا يحق لاي احد سلبها وانه عندهم مشاعر وأحاسيس ويتيحوا لهم فرصة التعبير
انا ما اديت هذا كله الا من خبرة التعامل مع اصحاب الاعاقات
في الاخير اشكر الكاتبة على الرواية ونتمنى روايات توعوية مماثلة


👤 بصراحه للكاتبه منارة اليمن
رووااايهههه ضضضخخخمههه جدا
بس آثر فيني موت اياد قوووووي😭😭😭😭😭❤️❤️❤️❤️❤️


👤 رواية ملائكة الارض اكثر من رائعه عشتها بكل حروفها وكل معنا فيها مبدعه ي منارة اليمن


👤 الروايه ضخمه جدا لكن نشتي روايات فيها مغامرات وقصص فيها مغامرات


👤 الروايه تجنننن🔥 الصدق حاليه ومختلفه عن بقيت الروايات😊
حبيتهاااا وحبيت تعامل لمياء 😌  كانت شخصيت لميا تجنننن  😍وتفكيرهاا ضخم قوي ومثقففف  والروايه لمست قلبي والله ❤️فيها فرح 😁وحزن😴 وسعاده وبراه 🙂لا هناك لا هناك🥺😅
المهم ولذي معهم اطفال دوان ما يخزوش بهممم  ولا يعملوهم كان هم ولا شي لانو صدق هم بيحسووو مثلنا واكثر اضن🫂 ولذالك تتعملو معهم برفق وعطف  وكل شي عيسبر❤️
المهم لا اطول عليكم الروايه تجنننن واضخم من الضخم نفسه صدق  الى الامام دائما يا منارة اليمن 😊❤️


👤 الصراحة اشكرك من كل. قلبي اكثير احب قصصك
انتي كيثر مبدعة لك يسلملي يديك🙊😘😘😘😘


👤 تعليقي على قصه ملائكه الارض

الرواية حلوه جدا 🤩وفيها الكثير من النصائح القيمه وبجد عجبتني قووي قووي وتصفقيه حاره لهذه القصه الاكثر من رائعة👏🏻

وتطرقت منارة اليمن على موضوع جدا مهم👌🏻 واتمنى انه يكون في مراكز لذو الاعاقه والداون
لانهم بصدق يحبوا الدراسه وعندهم مواهبه جميله جدا

وفي واحده من قريباتنا بنتها تشبه قصه هاشم وقت الولاده نقص عليها الاكسجين ومرضت بس حبوبه وطيبه قوي مستحيل تخلي اي احد يزعل منها تجلس تعتذر منه وتستسمحه 🥺
وبتحب الدراسه قوي قوي وواصل نفسها تدرس
وكان في مدرسه قبل الازمه بتدرس فيها بس الان مافي 😞وهي دائما تقول انها تشتي تدرس

واخر فتره قبلتها مدرسه الله يجازيهم الخير هي وواحده من الداون وبيدرسين جمعه ووقعين صحابات وبيدرسين سوا بجد فرحت قوي ❤️

وتمنيت لو في سع المركز واستاذه سع لمياء والمديره والباقيين 😔
وان شاء الله في المستقبل يكون في مراكز متخصصه لتعليمهم واكتشاف مواهبهم
وتوعيه للاهل الي معاهم اطفال دوان وكيفيه التعامل معاهم

وشكرا لمناره اليمن على مجهودها في الكتابه وان شاء الله توصلي لاقصاء طموحاتش ✨
ويرجع لش الشغف وتبدعي اكثر واكثر وتبهرينا برواياتش وقصصش المفيده والجميله جدا❤️

#إلى_القمه_منارة_اليمن💪


👤 _تعليقي ع روايةة ملائكةة الأرض .

بجد بجد رواية جميلة وهادفه ومؤثرة جداً وفيها تعلمت كثير أشياء .


👤 روايات اللضخمه منارة اليمن النسانه الي كل رواياتها تحتل قلبي واتعايش معاها واحس اني من اهل الروايه🤤😂

استمري ي روحي ومن ابداع لابداع ومن تالق لتالق سلمت اناملش وخيالش الواسع الله يوفقش ويسعد قلبش يارب♥️♥️

رواية ملائكة الارض من اكثر الروايات الجديده المختلفه والذي قربتنا ووعتنا لحاجات كنا غافلين عنها الحبوبه والواقعيه والي تخطف القلب وتوعي الناس كيف يتعاملو مع اطفالهم وان الاطفال لهم معامله خاصه كانت صحتهم جيده او كانو من ذوي الاحتياجات الخاصه
ومن الاخطا المقارنه بين الاطفال والمحايزه بينهم ومباعدتهم عن بعض والتمييز بينهم لازم اطفال ذوي الاحتياجات الخاصه يختلطو بالناس وبالاطفال خاصه عشان يفهمو الحياه
شي محزن لما تبسر ناس معاهم طفل من ذوي الاحتياجات الخاصه وهم مغلقين عليه ومستحيين فيه هذا خلق الله افرحو بطفلكم وامنو حياته ولاتخلوه مهمش اطفال الداون ملائكة الرحمن من جدا

محتوى الروايه خلانا نتمنى لو من صدق في مراكز لذوي الاحتياجات الخاصه نفس التعامل ونفس المواصفات وانسانه نفس لمياء ياليت لو يسوو في اليمن هكذا💔

اكثر شخصيه كانت حبوبه كانت لمياء
واكثر شخصيه كانت صبوره كانت ميراء
بس ايش سبب كره ابو وام ميرا لميرا

صفيه وهاشم الثنائي الصغير
الاطفال اكثر برائه ونقاوه عاملوهم بالحسنا


الروايات الذي تبكيني من صدق رواياتش ي مناره بطلي تبكينا🥹💔

#منارة_دمتي_بود_ي_متالقهةة.

.

.

بفتح لكم القناة انسخوا وانشروا براحتكم ولكن أمانة في اعناقكم لا تحذفوا لا معرف ولا روابط القناة.. لا احلل من يحذفهن ليوم الدين
إدارة القناة
.

.

يسعد مساكم.. نشكر كل من شارك وعلق وإليكم برد الكاتبة العسل منارة اليمن 👇🏻🤩

مسسساء الخييير ورجعت لكم من جديدددد...


أولاً شكككرررراااا خييييرررات ع تعلييقاتكممم الضخمممة، وان القصة نالت اعجاااابكممم🤍 الصدق فرحتوني قوووي
ثاني شيء أنا كتبتها تقريباً قبل ثلاث سنوات، قبل رواية جرم طفولتي وبياض الثلج وكنت عادنا سنة ثانية جامعة وكنت مضغووووطةةة قوووي تعرفوا الأسنان وهكزززا😁 لذلك م انتبهتش للأسم ، ولا إنه خاطب اصنن ولا احد ركز😹 لأن الكل قرأها وانتشرت ومحدش علق يعني... وبعدين دعمموا 😅
_واللي قالت كانت تمل لاني كنت اكرر الحرررف! يمكن لانش اول مرة تقرأي لي م ركزتيششش بس انا دائما وابدا وبكل قصة أو رواية اكتبببها بطررريقة مختلفة...
حتى في السسسرد...
أقرأي لي غيرها وعتعرفي...
" إن تعيد ترتيب الأحداث والأفكار ، بطريقة مختلفه ومتميزة ، وفي كل مرة يندهش القارئ عندما يعلم من هو كاتب هذه الأحرف ، وكأنها المرة الأولى التي يقرأ له، عندها تعلم بأن الكتابة تجري بمجرى دمهِ وليست حقً مكتسب"
وبس يكفي هذه الخاطرة تشرح كل شيء 😁💜
_أما ب النسبة للتقطيع،حتى أنا حسيت أن به حاجة ضائعة ف بعض البارتات، مدري هن ضاعين ولا حين كانين البارتات متفاوتات الطول فحصل لخبطة!🌚
_ابو ميرا وامها يكرهوها! من قال إن هم يكروهوها؟! انا كتبت انهم يحبوا كل جهالهم بس متحيزين للؤي! والسبب معروف ابنهم الوحيد وحصل له حادث وغير منه وبإعتقادهم إن ميرا بتبسر لؤي مسكين والخ تقوم تتبلا عليه ومن هذا الكلام
_خوات مروان قدوة مكتوب ف كتابة الكريم " في قلوبهم مرض فزادهم الله مرضاً" 😁

وأخيييرا في الفترة الأخيرة ، بسرت أن أغلب الروايات اليمنيه رجعين ساع الروايات الخليجية، وم بش شيء يختلف عنهن، رجعين مبالغاااات فيهن والحب هذاك ينسسسح نسسسح، وسيناريو متكرر، فحبيت افعل شيء مختلف ومُميز طالما أن رواياااااتي الكل يشهد لهن أنهن خفيفات، سلساااات يدخليييين القللللب سررريع "صححح ولا صحيين"😹  وفيهن العبرة والعظة وشيء يستفيد منه القارئ، أكثر من أنه شيء مبالغ فيه وف احداثهن...
وم يهمنيش أنه ابسر هذا الشيء الرائج هذه الأيام وأسير افعل نفسهن عسب الفت الانتباااهه، أو اجذب القارئ أكثر شيء لل"حب" ومن هذه الخزعبلات...

احب كوني منارة اليمن ، واحب أني اوصل من خلال أحرفي شيء يدل ع أسمي 🙊 وكانت قصة " ملائكة الأرض" مثال واحد من بين اغلب رواياتي اللي يدلين ع هذا الشيء
وإن شاء الله ، مجتمعنا يتغير بشيء ولو بسيط بسبب رواياتي... حتى لو كان شخص واحد تغير بسبب أحرفي اعتبرة إنجاز عظيم🤍
وإن شاء الله، توصل القصة لنطاق وااااسع عسب الفااايدة تعم الجميييع🤍

وفي الختاااام، احب ارجع اششششككككررر كل من يحببب حروووف الكاتبة منارة اليييمن، ويعشششق روايااااتها وينتظررر لها بفااارغ الصبر🤍 دائما اقول انتووو جيشي العظيييم 🤍 لا حرررمت منكم


كما أني أحب اشششكر إدارة القناة، ع تعبببهممم وسهرهم عسب يرسلوا كل الروااايااات الضخمممة للقنااااة وع مجهودهممم الجباااار في تجميع الروايات، وتنسيقهن من اول وجديد🤍

إن شاء الله نلتقي بروايات جديدة قريباً ومختلفه ومميزة گ العادة🤍
#الكاتبة_منارة_اليمن💜

.

ملائكة الارض

مستند

و

روابط

.

اشوف كم منتظر لقصة🌚

.

يسعد مساكم متابعينا الاكارم..

انتظرونا ومع قصة جديدة

للكاتبة: دلوعـة نفسـي

بعنـوان

يا وجـه الخـير ليـا وأحـن واحـد عليـا❤️

ابتداءً من مساء يوم غدٍ الاحد🤩 وذلك على قناتكم 👌🏻👈🏻روايات يمنية على الرابط التالي
👇🏻
https://tttttt.me/+Ecxq_OzMYh40M2E0



.

.

‏لما تفتشي تلفون زوجك ،
لا تفتشي على اسماء البنات 
فتشي على 👈🏻التكملة هنا

.

قصة يا وجه الخير ليا وأحن واحد عليا للكاتبة: دلوعة نفسي

👌🏻👇🏻 😍
📚 @rewayatyamania  🇾🇪


ملخص القصـة 🥀

رقـم القصـة : 240

اسم القصـة 📖 :  يا وجه الخير ليا وأحن واحد عليا

اسم الكـاتبة✍🏻 :  دلوعة نفسي

عدد البارتـات : 36

مدة العرض 🗓 : 4 أيام

وقت العرض ⏰ :  المســاء



#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة




📚 @rewayatyamania  🇾🇪

.

البـارت 1 🍂


#ياوجه_الخير_ليا_وأحن_واحد_عليا
#للكاتبة_دلوعة_نفسي

👌🏻👇🏻 😍
📚 @rewayatyamania  🇾🇪


ملاك: ساره ساره هيااا بسرعه جدي عيخلينا اليوم بدون اكل بسببش

ساره: يووه لااا وقسم ميته جوع الآن باجي خليني اشوف البرقع امد وباجي

ملاك: اللهم طولك ياروح هو الا شلخه ((خطوه)) وانك بيت جدي يازعم من بعد المسافه

ساره ماردت عليها
.
.


بيت الجد قاسم..

الرجال والشباب في الجامع بيصلوا صلاة الجمعه

النسوان قد كملين يصلين والآن بيجهزين الغداء

البنات اللي تساعد في المطبخ واللي ترتب مجلس الرجال وتبخر واللي تكنس المجلس حق النسوان 

ساره وملاك بيدقوا الباب

الجده: شوفي يا جودي من بالباب

ندى: انا بروح افتح اكيد ذي ساره وملاك

ندى: من؟

ساره: انا

ندى: من انت

ملاك: ندى بس هباله افتحي جدي والباقي عيجوا الان من الجامع ويشوفونا

ندى: عادي خلي جدي يسمعش محاضره ليش تتأخري تهربي من شغل البيت صح

ساره: ندى ي جزمه افتحي

ندى تفتح الباب وهي تضحك: خلاص خلاص رحمتكن

ندى تحضن ساره وتقول: وحشتيني ي حماره

ساره: ادري اني وحشتك

ملاك: مالت عليكن ادخل اسلم على جدتي ارحم لي من صوركن المعفنه

ملاك: السلام عليكم

الجده وباقي البنات: وعليكم السلام
حيااا وقووا بـ بنات ابني ليش اتأخرتين

ملاك جاءت تتكلم قاطعتها جودي

جودي: يهربوا من شغل البيت يمه

ملاك: لاتصدقي يمه هذه ساره اخرتني

الجده: يله الله يحفظكن روحين ساعدين النسوان بتقريب الغداء

ملاك تبوس يد جدتها: من عيوني يمه بروح اغير ملابسي واجي

جودي: والله لو تتأخري ياويلش

ملاك: ههههه يووه يوووه مالكن عليا يازعم ماعد فيه غسوله وتكنيس بعد الغداء

@rewayatyamania المصدر الأول للروايات

عند الجد واولاده واحفاده متروحين من الجامع.

ايان بيهمس لامير: قد شليت لك قات

امير: لا والله ماقد فضيت ماقمت الا ظهر وجيت على طول للجامع

ليث سمعهم وقال: انت داري ي ايان ان القات يوم الجمعه على جدي

ايان: هيا ناهي قال من قات جدي بيروح يشل ارخص قات بالسوق ويجيبه لنا مش عارف ليش هو بخيل

أمير: هههههههه احترم نفسك ي جني هذا جدك

ليث بينه وبين نفسه وهو صدق ليش بيخبي الفلوس 😒
.
.

ام امير: ي ام ليث وين السحاوق

ام ليث: يوووه وهذاك ايش الذي قدامش

ام امير: يووو حرام ماشفته الله معي

سعاد تدخل المطبخ: هياا هيااا جااء ابي والباقي خلينا امد نقرب الغداء

ام وليد: هيااا قد كل شي جااهز صيحي لوليد والباقي يجوا يقربوا

سعاد: عادهم بيسلموا على امي.

ليث وباقي العيال بصوت واحد: السلام عليكم.

الجده وندى وساره: وعليكم السلام

ندى وساره خرجين من الديوان

ليث: جمعه مباركه يمه كيف انتي ويبوس راسها ويدها وباقي العيال نفس الشي

الجده: ربي يحفظكم ي عيالي ويبارك فيكم ولايحرمني شوفتكم عرسان.

ايان ونادر بنفس الوقت ااااااااااامين

امير: خخخخخخ اكبروا اول وبعدا قولوا اااامين

ليث: عاد انتوا بتبكوا تشتوا جعاله ههههه الزواجه تشتي لها رجال مثلي طبعاً

اياد: ناهي يا رجال قوم نقرب الغداء

دخل الجد واولاده

الجد: ايش بكم ي عيال الكلب كل شويه مناقره

ايان: هئى اسمع يابه ايش بيقول جدي عليكم

ابو ليث: ماعليك مننا احنا فداا ل ابي

ابو وليد: كيف انتي يمه

الجده: الحمدلله ي عيالي الله يحفظكم ويآخي بينكم.

الجد بصوت عالي: هياااا ي عيال قربوا لنا الغداء

العيال بصوت واحد طيب تمام الان دقيقه وهو عندك

قربوا الغداء طبعاً النسوان والبنات صاله ل وحدهن
والجد واولاده والشباب سواا

الجد: احم احم

الكل شاف ل عنده

الجد: بعد الغداء اشوفكم الكل عندي بالمجلس مع نسوانكم والبنات

ابو ليث: انا يابه مشغول قوي قدك عارف الشغل

الجد: انت بالذات انا احتاجك

ابو ليث: ليث موجود يابه

الجد بصوت عالي: فجني انا قلت الكل يكون موجود يعني الكل


في الصاله الذي جنب

سااره بصوت واطي: يوووه مابه العجوز هذا

ملاك: احترامي نفسك هذا جدش جلدوش

ندى: الله يستر بس يعلم الله ماقد به

ام ليث: يووه خير مابه عمي

سعاد: الله يهديه ابي قدكن عارفات له يضبح امد

ساااره: يمه فخريه(اسم الجده فخريه) اسألك بالله كيف انتي متحمله جدي طول هذه السنين

جودي: الحب الحب خليها كذا

ام امير: ساره عيب عليش هذا جدش مايهمك الا اقول لـ ابوش

الجده: ههههه الله يهديش ي ساره جدش هو ماكان كذا بس الوقت وخيانة الاصدقاء والاقارب خلته كذا يا بنتي اتغدي وبعد الغداء انا بحكي لكن قصته


امير: اماااااااه وامااااااه وين الشااااهي

ام امير: يووه ي ملاك جبرك قومي جيبي الشااي لـ  أخوش

ملاك: حاااضر

ام وليد: ملاك لاتنسي جيبي لهم الحلا من الثلاجه

ملاك وقد هي خارج: طيب

امير: هيااا اسرعي اسرعي ماقد شليت لي قاات

ملاك: ناهي وذلحين ايش بين اعمل

امير: اليوم جدي قال يشتيتنا الكل عنده بعد الغداء




📚 @rewayatyamania  🇾🇪

.

البـارت 2 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


امير: اليوم جدي قال يشتيتنا الكل عنده بعد الغداء

ملاك: خير ان شااء الله ايش يشتي

امير: مدري والله

ملاك وهي تمكنه الشااي والحلا: الله يهديه

بدخلة ليث المطبخ وهو بيقول: وينك ي امير ساعه لما تجيب الشاهي

امير: جيت جيت

ليث: كيف انتي يا ملاك

ملاك وهي تخرج من المطبخ: الحمدلله

امير بيقول  لليث: هياا هيااا شل معي الاقلاص وتعال

@rewayatyamania المصدر الأول للروايات

بعد الغداء.. 
الجد بيصيح: ياااا خيريه جي انتي ونسوان العيال

الجدة: ذلحين عنجي

سعاد تدخل الديوان وتقول: سسسسلام كيفكم ي حلوين

ابو وليد.: واحد يقول السلام عليكم ورحمة الله

وليد: ايوه صح اتعلمي قدش جده وعادش تقولي سسسلام

سعاده: هئئئئ حرام عليك ي وليد هذا الملاك كله وتقول عليا جده عاد انا اصغر منك

راكان: فديييييت امي وعادش احسن من الملاك

الجد: سعااااد قولي لامش قيام لهنا هي ونسوان اخوتش وحتى البنات

سعاد: طيب يابه بس البنات عاد هن اللي تغسول واللي تكنس

الجد: قبل كل شي يجوا شغل البيت مش عيطير

سعاد: طيب من عنووووني

نادر: فديت عيونش انا

راكان: كسروا لقفك تتغزل ب امي قبالي

نادر: قبل ماتكون امك هي عمتي

ابو امير: بس ي عيال اعقلوا

نادر: طيب زوجونا على شان نعقل

الجد: ناااادر كمل دراستك اول.


سعاااد: هيااا هيااا تعالين قبل كل شي ابي يشتينا ضروري

يارا: هههه شكله عيزوجك ي ملاك

ملاك: فاال الله ولا فالك ي جزمه

سااره: خلاص ارقدي لك يزوجني انا

سعاااد: بنااااات هيااا

البنات طيب طيب الآن


في الديوان الكل مجتمع

الجد: اسمعوا ايش اقول

ليث بيشاور (يهمس): وليد شكله عيزوجك

وليد. لااا يزوجك انت مانا مااشتي

ليث: ليش الزواجه ضخم

وليد: ليش قدك مجرب

ليث: خخخخ اكيد لا ولا اشتي اجرب بس يقولوا

الجد: ليث ووليد ايش كنت بقول

سااره تضحك بالصوت: هههههههههههههههههه

الكل بيشوف لها: ؟؟؟؟؟؟

ملاك تهمس لها: خير ي صياد ماالش

الجد: ايش فيش ي جنيه

ساره: تضحك هههههههههههههه وبعدا قاله ذكرتني يا جد بالاستاذه حق الرياضيات لما تشوفنا نهدر نقول يله قومي عيدي ايش قلت

الكل بيضحك: خخخخ باستثناء الجد.

ابو امير: الله يهديش ي بنتي

الجد: المهم ليث ووليد اسمعوا ايش اقول
انا اليوم قررت ازوج واحد من عيالي  ؟؟؟

الكل ؟؟؟؟؟؟؟؟؟

الجده: ايش فيك ي قاسم صلٍ على النبي عيالي كلهم مزوجين ومعاهم عيال قول نزوج عيالهم

ابو امير: الله يهديك يابه من تزوج وكلنا مزوجين ماذلحين نزوج امير وليث ووليد.

الجد: ماعليا منكم انا قررت ازوج عبد الله (ابو ليث)

الكل: ايشششششش

ابو ليث قام:  ايش يااااباااااه, مالك انا الحمدلله مزوج ومعي ليث وجودي ربي يحفظهم

ام ليث بتبكي: ليش يا عم

ليث: ايش هذا الكلام يا جد وليش مااخترت الا ابي وراح جنب امه وحضنها

جودي بتبكي وراحت جنب امها وليث

الجد: ماعليا منكم ايش قلت ي عبد الله

ابو ليث: اكيد لا يابه ومرتي والعيال وبعدا ليش اتزوج؟

الجد: كيف ليش مش انت عارف ابن من انت.. انت ابن قاسم ال......  ومامعك الا ليث وجودي لازم يكون معك اكثر من ولد على شان يشلوا اسم العائله ويورثوك شوف اخوتك كلهم معاهم عيال وبنات وانت مامعك الا ليث وجودي

الجده: قاااسم خاف الله وبعدا اذا على الورث زوجوا ليث وهو عيدي عيال وخلاص

ام ليث: ليش يا عم مانا وبنتك سعاد وهي مامعاها الا راكان وجودي

الجد: اسكتي ي مره ولاتقارني نفسك بسعاده.

ليث: خلاص وقسم بالله مايتزوج ابي وراسي حي يشم الهواء

عبدالله: ليث اهدأ ي ابني

ليث: كيف اهدأ يابه وجدي يشتي يزوجك كيف

جودي: حرام عليك يا جد

الجد:حرمت عيشتك انتي اسكتي

ساره: ليش تسكت وبعدا هي ماقاله شي غلط من جد حرام عليك

امير: سااااره اسكتي قبل مااجي اقص لسانش

ساره: ناهي

الجد: ي قليلة الادب تردي كذا على جدش

ابو امير: سااره قومي اعتذري من جدي وحبي راسه

ليث: ليش انتوا ماتحبوا لامن قال قول الحق.

ندى بصوت واطي: اي والله

الجد: واتكلمه الملقوفه الثانيه وبعدا وحرام وطلاق لو ازيد اسمع واحده منكن تتكلم اني لاازوجها المهم  عبد الله فكر ورد لي خبر.

الجده: الله يهديك ايش يفكر

الجد بصوت عالي: انا قلت الذي عندي وإذا عبدالله مايشتي يتزوج يزوج ليث وخرج من المجلس


الكل خرج من المجلس كل واحد راح مكان





📚 @rewayatyamania  🇾🇪