..


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


#تعريف_بالشخصيات...


عائلة أبو سمير...
الأب ابو سمير بيشتغل في منظمه، عصبي وعنده شوية غرور!!! ويحب جهاله قوي!!!


الأم ام سمير ربة منزل، وتشجع ع الاشياء المختلفه والمتميزة، وكان حلمها تكون شرطية بس الله م اردش لها!!!


الابن الكبير سمير عمره 25 سنه عسكري بس م بيسرش عمله وطول وقته راقد وخاطب لبنت خالته!


لمياء "أحدى بطلاتنا" عمرها 23 سنه خريجه معهد تربية أطفال، تحب الأطفال وأكتشاف الأشياء، وتحب شغلها اللي الأغلبية معترضين عليه!!! بس هي متمسكه فيه بقوتها!!!


فادي الآخ الصغير عمره عشرين سنة خريج ثانوية ب الدهفه، مسكين بعد حاله م يدخلش بأحد، بس حنووون وطيب!!!
.
@rewayatyamania المصدر الأول للروايات
.

عائلة ابو لؤي!!!
الأب أبو لؤي عصبي، م يتفهمش أبداً يحب لؤي قوووي لأنه وحيده ومهما سوا م يقلش مع!!! وواصل مشغول!


الأم أم لؤي طيوبة وحنونه عصبية بعض الاحيان، ونفس الشيء تحب لؤي ولا ترضى عليه وتدلعه آخر دلع، لانو بكرها ووحيدها من العيال!!!


لؤي عمرة عشرين سنة، كان طفل طبيعي بس حصلت له مواقف في صغره خلته يتحول ثلاثمئة وستين درجة، وكل م كبر يكبر جسمه بس عقله م زال صغير، وأبرز المواقف كانت فيه بداية حمى شوكيه، فتأثر عقله قليل!!!


الاخت الكبيرة ميرا "بطلتنا الثانيه" عمرها 16 سنة، ثالث ثانوي، كانت هي وأخوها م يفترقوش بس القدر ضدهم وخلاهم شبة أعداء من الطرفين، لؤي مش مخلي لها حالها كودة يشاررها، وهي م يعجبهاش عصبيه ومتنرفزة!!!


ومعاهم خوات ثانويات مش داخلات في الرواية الا ب النادر!!!
.
.
.

عائله ابو أياد...
أبو أياد رجل دائم السفر بين محافظات اليمن بسبب البضائع اللي معه، رجل حكيم شويةةة، يحب جهاله كلهم بدون أستثناء!!!


أم أياد مدرسة صفوف أبتدائية هادية بس لما تتوتر تتنرفز وتعصب من أتفه شي!!!


معاهم خولة البنت الكبيرة "بطلتنا الثالثة" عمرها 17 سنة، ثالث ثانوي!!! فصيحة لسان ولقنه بس لقانة بحذاقه وكلها دُرر!!!


وأياد الاخ الصغير من حين م خُلق وهو معاه إعاقة ذهنيه وقصور في وظائف الدماغ عمره خمستعشر سنة!!! مشاغب ولا يرزى ويتحرك واصل ويبكي اذا احد قاله مع!!!


طبعاً خالتهم معاهم عند أختها لأن أهلهم في البلاد وهي طلعت تدرس جامعه!!!



وبكذا انتهينا من سرد الشخصيات الأساسية لـ روايتنا والباقيين بنتعرف عليهم في البارتات الجايةةة!!!



📚 @rewayatyamania  🇾🇪

.

البــارت 3 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


وإنه لمن المؤلم بأن ترى نفسكَ مُهمشاً،
منبوذاً ومضطهداً،
وكأنك لست موجوداً،
وأن قلتَ لمَ؟! تسمع تلك الأصوات التي تكرهها توبخكَ تقول لكَ: لا يحق لكَ أن تسأل، فقط شاهد وقل مرحباً💔😪



تجمعت الدموع في عيونها بعد م بسرت غرفتها مكركبه ونص ادوواتها مكسرات، قحصت مشافرها "عضت شفايفها" بقهر وهي بتحاول قد م تقدر تهدأ وتخلي الأجواء طبيعي، أصلا هي تستاهل؟!

لأنها هي اللي بتخليهم يتمادوا، قامت بصعوبة وقهر وعادهي بلداة المدرسة، طلعت المكتب اللي فيه كل شي، بزت الكتلة اللي بينها جميع دواير البيت "مفاتيح البيت" وهي تجاهد نفسها م تنفجرش!!!


وفي اقل من خمس دقائق لقيت الداير حقها حق الغرفة، بعدته من بين الكتلة وفعلت له ميدالية خاصه فيه، رجعت الدواير مكانهن وهي تجاهد نفسها مجاهدة، ووشها قدو أحمر من القهر!!!


امها جت: هيا ساعه لما تبدلي؟! قومي قربي معي الغداء!!!


سكتت م تشتيش ترد! ولا تقول شي! لأنها عتبكي! ويمكن تقهرها امها بكلامها! لما تسمع صوت بكاها وتبسر دموعها!!!


الأم ضبحت: انا م بين اقلللل؟؟؟! بتسمعييني والا قدش درنى "يعني م بتسمعش"!!!


ميرا بضيق وبصوت منخفض: حاضر ي اماه اكمل ابدل وانزل!! وبعدين انا دخلت الحمام عزكم الله توضيت واشتي اصلي بس يلاه شاصلي إن شاء الله لما ارجع أطلع!!!


أم لؤي: يوووه من اول بتتوضي؟!

بسرت الغرفه كيف منبشة ومكسر بعض الاشياء فيها...
يوووه وهذه الغرفة ليش هكذذذااا؟! جننتي والا ماهو لما تنبشي وتكسري!!!


ميرا بسرتها بصدمة: ي سعم تشتوا تقنعوني انو مش انتوا داريين من اللي فعل بالغرفة هكذا؟! وبعدين عادني طيرت كيف شفعل هذا كله في ثواني؟!


أم لؤي: ولا رحتي لش من اخوش جالسة تتهميه؟!


ميرا ابتسمت بقهر: وما دراكم اني اقصده؟! يمكن اي واحدة من خواتي!!!! والا شكل لؤي صدق اللي خرب غرفتي!!!


أم لؤي سكتت: ذلحين بطلي كل م ادي لش كلمة تديها لي عشر ويلا القطبة قد ابوش بيصيح يشتي غداء!!!


ميرا تنهدت بقلة حيلة: حاضر تمام!!

@rewayatyamania المصدر الأول للروايات

وصلت للبيت وقدهي تاعبة ارتجمت فوق السرير ، شوية وحست حد يدخل لعندها فزت اول م بسرتها امها!!!


: يوووه ي اماه وانا فدالكم ليش تتعبوا نفوسكم؟! كنت شاجي انا من نفسي وادفي لي الغداء!!!


ام سمير طرحت الاكل فوق الطاولة: ولا به تعب ولا شي، يلا قومي غسلي وجي تغدي!!! وقلي لي م فعلتي اليوم؟!


لمياء تحمست بدون قصد منها: يماااه لو تبسررروا اليوم جوا اثنين جهال جداااد، واحد لو تبسررري على موهبببةةة معه تخيلي انووو بيفعل أشكال من الورق؟! وكأنهن حقيقيات!!!

وبتخرج التلفون توريها اللي سبرهن وصورتهن!!!
: ابسرررروا يماااه هه ما احلى الورق وابسروا الوردة كيف هي؟!


ام سمير بانبهار: يوووه ما شاء الله، صلاااااة ع النبي ايش اسمه هذا الولد؟!


لمياء بحب: اسمه هاشم، بس امااانه فيه قبلة وحلا وهدوووء ي حجاب الله، وذكييي قوي ما شاء الله!!!

ام سمير ضحكت: خلاص ي بنتي قد اكلتيه بعيونش اكيد أن له مكانه في قلبش صح؟!


لمياء: أيوه يماااه مدري كيف دخل لقلبي بسرعة، يعني مدري ايش اقول عنه!!!


أم سمير مسحت ع رأسها: الله يوفقش ي بنتي ويدي لش ع م في نفسش!!! يلا لا ازيد ااخرش لانو مشو حالي تتأخري في الغداء وانا اسير ابسر م يشتي اخوش المشولح "سمير" اكيد يشتي ندي له حقه الزنة"ثوب"


لمياء تنهدت بعجز من أخوها: الله يعينكم ي اماه عليه!!!
ويعين مرررته مدري كيف عتتحمله؟!


أم سمير: م عليش شي ي بنتي اللي هم هكذا، يجوا لعند نسوانهم ويشخروا ويفتحسسووواا!!


لمياء: ع الله وهو صدق!!!

@rewayatyamania المصدر الأول للروايات


نسير لمكان اول مرة نزوره!!

منزوي في الزوة "الزاوية" حق الغرفة وعيونه شاخصه، ويرتجف، ويتشنهج!!!
وهو بيبسر خالته في يدها سود ب النار "جمرة"...
وفي عيونها شرررر!!!


...بعصبيه: انا اوريييكك ي ابن الكلب انت مجنووون لا تجيييش تتمجنن عندددييي!!! حرقت المفرررشةةة وعاد هي جديدة!!! وانا والله لا أحرقققكك ي ابن اليهوديييةةة!!!


بيبسرها بتقرب صلييه غمض عيونه بقوووة وبدأ يدمععع، م يشتيش يبسر المنظر اللي عتفعله، واللي اكيد عتعاقبه ساع كل يوم!!!

مشو داري ليش أو للمه أو م فعل؟!
بس اللي داري به وبيحس فيه أنه عيتوجع ويتألم من العقاب اللي عيتلقاااه!!!


فتح لقفههه "فمه" وهو بيصييح بقوووةةة من الوجع والحرارة اللي يحسها سلخت كتفه!!!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 4 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


صباح جديد على أبطالنا!!

قامت من نومها وبدأت روتينها المعتاد واللي بيبز من نفسيتها وعافيتها خيرااات، داعتهم للصبوح وطلعت تلبس عسب المدرسة كملت وخرجت من غرفتها وغلقتها ب الداير وهي تقول في نفسها " ذلحين اتحدى اي واحد يكسر ويخرب لي غرفتي!!! ولو يقع م يقع، وإذا ابي يشتوا يضربوني عادي يضربوا حتى يقتلوني!!! بس اهم شي غرفتي مغلقه محد يفتحها!!! وينبشهااا"


خرجت من البيت وهي مفتهنه نسبياً لأن هي حاولت قد م تقدر تتجنب أخوها اللي مسبب لها أرق وتعب بتصرفاته، وأهلها اللي م بينصفوهاش!!!


وصلت للمدرسة لقفتها صاحبتها: حيا شكل وشش اليوم منووور!!! اكيد أن لؤؤؤي بعد حاله ولا شاررش؟!


ميرا ابتسمت: إلا والله إنه من الصبح يهدر ولا يقر بس غلقت غرفتي بالداير واتحدى اي حد يفتحها!!


صاحبتها شهقت: يووووه ي مجنونه لو يدررروا ابوووش؟! لا يقتلوششش، تتذكري هذيك المره لما قفلتيها كيف فعل بششش؟!


ميرا بلا مبالاة: طوووز م يهمنيششش المهم ان محد ينبش أو يكسرررر ادوااااتييي!!!


صاحبتها: يوووه الله يهدييييش والله اني مفتجعه عليش لا يفعل بش ساع المره الاولة!!


ميرا: قلت لش م يهمنيش اهم شي محد يدخل غرفتي ويكسرها؟! هذا هو المهمممم!!! وذلحين دعمممي وخلينا نسير الطابور قبل م تجي المشرفةة!!

↯↯↯↯↯↯↯↯


بتبسره م بيقدرش يحرك يده سوى، والدموع باب عيونه!!

استغربت وسارت لعنده: هاشم حبيبي؟! مالك م تسبر ورد بالورق؟!


هاشم لف لها بدموع وكأنه بيترجاها أو بيستنجدها مدري كيف حست نظرته!!


لمياء طرحت يدها ع كتفه: هـ...!!


هاشم قاطعها ببكاء وبعد يدها منه وهو بيمسك كتفه من داخل الفنيلة!!


لمياء فتحت عيونها ع وسعهن وهي مستغربه من حركته!!
عقدت حواجبها وقدمت منه وهي بتبعد الفنيلة اللي فوق كتفه!!
وزادت اتساااع حدقة عيوونها لما بسرررت كتففه كيييف محرروووق؟!
والحرق باين أنه طررري ومتعمددد؟!


غورقت عيونها بالدموووع، وهي مقهوررة عليه وفي بااالها شي ولازم تنفذذه!!

@rewayatyamania المصدر الأول للروايات

↯↯↯↯↯↯↯↯


خولة بسرت امها بنظرة: ماهو يماااه؟! الله يحفظكم كييف عتفلتونا وتسيروا م ينفعش؟! وانتوا داريين اني مااقدرش اتعامل مع أيااااد؟!


أم أياد: يوووه منش ي خوولةةة كني ادحنيه، واكسبيه لصفشش لا تكنيش تقاارريه وهو م عيجيش من الله يجي يضاربش؟!


خولة بتأفأف: استغفر الله يماااه!!! ي سعم م تعرفوش اياد كيفووو؟! وترجعوا اللوم عليااا؟!


خالتها: خلاااص بس مقالعه!!! اسهلل هوذاني عندكممم وكل شي عيسبر أن شاء الله!!!
اهم شي تنتبهوا للطريق!!!


ابو اياد: أصلا م عنتأخرش عنجلس يومين بالكثير انا انزل البضاعة، وهي تسلم ع صاحبتها!!!


خولة تنهدت: خيرة الله الله معاكم!!!


إياد بتكسيرات: أ أثثتي م من هذ ذذا!!!


خولة مدت له الجبنه وهو هزرها من يدها!!!
بقهر قالت: هيييا بسرررتوا انو هو اللي بيبدااا؟!


أم أياد: يووووه وعتعتبي عليييه؟! قدش دارية انو هذا طبعه!!! فلا تتحسسيش!!!


خولة قامت من السفرة بضيق: انتوا اجلسوا مكنونا هكذذذااا!!! أياد يشتي له ترربييةة تربية طفل طبيعي وكل شي عيسبر صح أنو يشتي له مداارررااة وأشياء خيرات بس اذا فعل غلط ضروري م تصيحوا فوقه، م هكذا عتتعبوا بس انتوا م تفهموووش!!!


ابو اياد بدأ يعصب: بنتتتت م هو هذا الكلاااام؟! عتجي تعليمنا كيف نربي أبننا؟!


خولة بضيق: طيب اسفةةة!!!
وخرجت تتجهز عسب تسير المدرسةةةة!

..

..



وما زلنا نتساءل!!!
أين موقعنا من إعراب العائلة؟!💔


خولة رجمت شنطتها بتعب وضيق: خااالة بالله اتصلي لعندهم قلبي مقبوووض مش اني دارية للمه؟!


خالتها: ولا عليش شي لا تقلقي مشي اول ولا آخر مره يسافروا؟!


خولة: انا دارية بس مدري ليش هذه المره احس بأنقباض في قلبي!!!


خالتها: تعوذي من ابليس وكل شي عيسبر!!!
وبعدين مش وقت هذا الكلام، جي معي لش حُكى حالي!!


خولة فزت: ماااهووو؟!


خالتها: اليوم واحنا في الجامعة صاحبتي قالت إن معها أبن ساع أياد!!! ولما شلته تيه المدرسة كيف رجععع!!
هادئ، كوده غير يرسم موهبته الوحيدة، حتى تعلم الأدب وأحترام الكبير!!


خولة عقدت حواجبها بأستغراب: صووووودق؟! تقولي كلامها صدق والا بتقروط؟!


خالتها: مدرري خلينا نسير نبسر ونسأل بنفوسنا ع تيه المدرسة ورجع نحدد!!


خولة رفعت أيديها ساع الدعاء: يووووه ي ررررررررررررب أن شاء الله ويقععع صدددق، عسب ندخل أياد يتعلم ويقع طفل طبيعي!!!
م هكذا تعببب!!


خالتها: إن شاء الله، والحمد لله ع كل حال!!
احمدي ربك ولا تكنيش تقنطي وتقلي للمه!!
.
.

لمياء بقهر: أنى أنت أبببب؟! كييف تخلي مرة أب تفعل بأبنك هكذذااا؟؟ به معك قلب والا ماااشي؟! انتوا م تخااافوششش الله؟! ومأيد لها في كل شيء؟!


الأب بأحراج ووشه اسود: ...





📚 @rewayatyamania  🇾🇪

.

البــارت 5 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


لمياء بقهر: انى أنت أبببب؟؟؟! كييف تخلي مرة أب تفعل بأبنك هكذذذااا؟؟ به معك قلب والا ماااشي؟! انتوا م تخااافوششش الله؟! ومأيد لها في كل شي؟!


الأب بأحراج ووشه اسود: انا م كنتش داري أنها بتفعل به هكذا!!! مقصدي أنها بتربية ساع أي أم لما ابنها يفعل شي!!!
م توقعتتتش يوصل بها أنها تحرقه!!!


لمياء بغبنه: هذا لانه م يهمكششش همك غيررر روحككك، انت تسمي روحك أبببب؟! اللي مستغربه منه كيييف ترضى بأنها تقلك ي فلان انا ضربت ابنك وانت تقلها عادي هو ساع ابنششش؟!


المديرة حست انها انفعلت: استاذة لمياااء!!! أهدأي م يصلحش اللي تفعليه!!! هذا وانتي المدرسة الهادئه حقنا والرزينه ايش اللي قع؟!


لمياء بسرتها بدموع وهي تتذكر الحرق كيف كان في كتفه: الا يصلح وبعدين كيف تشتيني اهدأ واكون رزينه وانا بسرت بعيني؟! شي يدمي القلببب قبل العيون؟! بتستضعفففه حين هو م يقدرش يتحاكى؟!


الأب: لا حول ولا قوة الا بالله العلي العظيم، أستاذة لمياء أعتذر لش الف ولأبني أضعافه، بس صدقيني واللي نفسي بيده م تمسي ثانيه ع عصمتي!!! لاني شخص مشغول وفعلاً وربي م كنتش داري ب اللي يحصل!!! ابني هاشم مشاغب وأعرفه وكانت تجي تقلي أنه بيكسر وتعاقبه!!! فقلت أنها بتعاقبه عقاب عادي!!!


لمياء: م دخلنييي تجلس في عصمتك أو مع ي أستاااذ، بس انا اللي اشتيييه أنها م عاد تقرب لهاااشم أبداً وإذا جاء يووومم وبسرت فيه حتى شخطي صغير م تلوموا الا نفوسكم!!!

بسرته بنظره ملاااانها حققدد وكره منه...

وعيكووون هاااشم متبنييي لهذه المدرسةةةة وارجع قول الأستاذة لمياء قالت؟!


خرجت بدون م تسمع ردة وسارت طوالي للأخصائية حق المدرسة، وبسرتها بتعقم له الحرق وتطهره!!! وتفعله مرررهم!!!


رفعت رأسها لها لما حست أن به حد: أستاذة لمياء جرح هاشم عمييق قوي ضروري مستشفىىى!!!


لمياء بفجيعة: طيب م عيتأثرش حين تأخرنا؟!


الأخصائية تنهدت: والله ماادي لش علم، بس اللي انا دارية به حالياً، هاشم محتاج مستشفى لأن الحرق من الدرجه الثانية، وتلوووث قوي عليه!!!


ع أخر كلماتها وصل الأب وبخوف: مااااهووو؟! من الدرجه الثااانيييةةة؟!


⇓⇓⇓⇓⇓⇓⇓⇓⇊⇓

@rewayatyamania المصدر الأول للروايات


غمضضت عيونها بقوووة لما سمعت صوته اللي تكرررهه وتكرررهه عصبيته بس ردت بهدوء: هاه بابه به شي؟!


ابو لؤي بشررر: شكللل الضرب حق المرررة الاولة م كفااااششش؟! ممممه تشتي ضرب مرة ثانييية؟!


ميرا تدعي الغباء عقدت حواجبها بإستغراب: ليش ي بابه م فعلت؟!


ابو لؤي: وعااادششش بتتغيبي؟! ليششش غلقتي غرفتششش بالداااير؟! م به معششش داخلها مفتجعه عليها؟!


ميرا إبتسمت بقهررر: ي اباااه انتوا م بسرتوش غرفتي كيف كانت امسسس منبشششه ومكسر أغلبية الاشياء اللي فيها؟! كييف م تشتونيششش اغلقهااا؟! وأما ع الاشياء اللي مفتجعه عليها كل شي فيها انا مفتجعه عليهننن!!!


أبو لؤؤؤي مشع شعرررها: افتحييي الباببب ي بنتتت الكلللب يلاااا واورريششش كيف تكون مكركبببه ومكسسسرةة!!!


أم لؤي بتبكي ع بنتها وبتفارع: يوووه ي ابو لؤي صلِ ع النبي واذكر الله، م ينفعش اللي بتفعله وإذا غلقته عادي هي زي اي بنت تغلق غرفتها بعمرها فيها خصوصياتها؟!


ابو لؤي: انتييي اصصصاااه هي م خربت الا من دلعششش ويلا انتي سررررريع افتحي الغررفةةة!!!


ميرا بوجععع ويد في رأسها فوق يد ابوها واليد الثانية بتحاول تخرج الداير بايدييي مرتجفففه!!!
فتحت الغرفةةةة بعد صراااع وأبو لؤي فلت لها ودخل يكسسسر لها الغرفة وينبش يبسر الاشياء اللي مفتجعه عليهن ماهن عسب تغلق الغرفة؟!



بعد دقائق خرج من الغرفة ببرووود، وام لؤي دخلت لعندها وهي بتبكي!!!
: ولا رحتيييي لششش ي ميرررا من غلاق غرفتش؟! ليششش يعجبش تنضربي ويعجبشش م يمر يوم إلا وتعكنني عيشتنا؟! عجبتششش ذلحين عجبششش كيف فعل بش ابوووش!!!


ميررا من بين شهقااتها: انا ايششش فعلللت؟. هذا من حققييي ايش فيها اذا غلقت غرفتي وانتوا قد بسرتوا امسسس كيف فعل لؤي بغرفتيي؟!


أم لؤي: وإذا قلنا لششش خلي لؤؤي يفعل مااشتىىى واحنا عندي لش دبل أدواتششش!!! بس لا تغلقيش غرفتش وانتي دارية انو ابوش م يعجبش بس مع انتي حمارة بقرة م تفهميشش!!! م اقدر اقول الا حسبي الله فيكم!


وخرجت!!!


ميرا ضمت أرجلها وطرحت رأسها وبتبكي: ي ربيييي ليششش ليششش انا الوحيييدةةة اللي بيقع فيني هكذذذذااا؟. لا ابببب حااالييي ولا ام تهتم ولا اخخخ سوااا؟! ي ررررررررررررررب اموت وارتاااح!!!

شوية شوية م تحسس الا بنغزززات في قلبببهاا ورأسها يدووررر، ودوخةةة فظيعة حاولت تفتح عيونها م قدرتششش!!!

دمعت عيونها: ي رررب اذا هذه سكرات الموووت أرحمنييي برحمتككك!!!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 6 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


مِن الجَميل أن تكُون وحدك، أن تكُون وحدك لا يعنيّ أن تكُون وحيدًا، بل يعنيّ أن عقلك لا يتأثَر ولا يتلوّث بِالمُجتمع...💜


فتحت عيونها بصعوبة، تحس بثقل في عيونها م تقدرش تفتحهن!!!
بتحاول تقوم م تقدرش، زرت ع نفسها م حست بنفسها الا وهي تهوي للقاع بدون سابق إنذار، حست بعجز وتعب حست بحقارة الأنسان وكيف هو ضعيف، ع أبسط شي وأقل أذى في الجسم أو حتى إرهاق كيف يقع!!


تنهدت بتعببب وتحس نفسها تشتي تبكي بس خلاص لأي حين عتجس تبكي؟!
تمددت بقعتها ورجعت لنومها!!!


لؤي دخل للغرفة بسرها راقده في القاااع، وصل لشقها دنى تحديدا لأذنها وأرتسمت ع لقفه أبتسااامة مشاغبةةة ووو: بوووووو!!!
وهرررب...
لا حقينييي ي ميييراااا!!! صنجتششش؟!! وابسري م بزييييت من غرفتششش!!!


ويرفع يده ويوريها انو بز تلفونها!!!


ميرا فتحت عيووونها بس تحسسس بخمووول، طنشششته مع أنها حست الدمعةةة باب عيووونها ورجعت لنووومها الثقيييل وكأنها مخدرررةة؟!



وتلك الندوب التي في روحكَ وانت تكتُمها كي تُمثل القوة، ستخرج للجميع وتعلن لهم بأنك ضعيف وهش هشاً جداً من الداخل💔


سمير بعصبية: وييين انتي ي هااانم لا هذا الساااع؟! م بش وراش من يربييش؟!


ابو سمير سمعه وصاح: ولددددد كن حاسب ع كلاااامككك، وبنتي هي قد أستأذنت مني انت من عاسب تحاسبها؟!


سمير لف لابوه بعصبيه: بس ي ابااااه م بتبسروش كم قد الساااعةة؟؟ ولا ذلحيين وعادهي غير الا رجعت؟! ويعلم الله مع من...؟!


م كملش كلامه الا وحس الملطام في وشه وبعصبيةة: اسسسمع ي سميررر انت اخي والكبير ع عيني وراسي، بس انككك تشككك في أخلاااقي وتربيتييي هذا اللي م شسمحلكششش به!! 


سميررر بسرها بصدمه وبعصبيةة: انا تلطمينييي ي لمييياااء اناااا؟!


ابو سمير ببرود: وتكسسسر راسك عسب تكن تبطل كلامك وتفكيرك الاعوج ساااعككك؟!

بسر بنته...
بس قلي لي ليش تأخرتي لذيه الساع؟! مش قلتي عتسيري المستشفى بسرعة وترجعي؟!


لمياء تقدمت من عند ابوها: اسسفةة ي بابه حقكم عليا، بس مع اللي قع م قدرتش اركز بالوقت، بس ابسر هه...

وخرجت التلفون توريه...
هذا هاشم طالب عندنا، معه إعاقة ذهنيه من حين خُلق "الجد آيْة" قبل كم يوم جاااء وكان منطوي ع نفسه شوية شوية حاولت ادمجه مع خبرته، وفعلاً قدرت واكتشفت موهبته يسبر أشكال بالورررق، بس اليوم جاء وكان متضايق وم قدرش يتحرك ويعس كتفه!!!
جيت ابسره وانووو كتفه محروووق واللي حرقته خالته مرة أبوه والعذر انو حرق المفرشة وهي جديدة واللللخخخ!!!


سردت له كل شي...
ولهذذذا انا تأخرت لذلك لو تبسررروه ي بابه كيف كان يستوجع لا ترحمووه وتعذروني!!!


الأب بتأثر: يووووه كيف لها قلببب بنت الكلللب،،، وبعدين صدق زيما قال المثل الخالة تبقى خاااالةة لو فعلت م فعلت!!!


لمياء: وذلحين هو مرقد في المستشفى ويعلم الله م عاد عيزيد يقععع!!!


الأم كانت ورا الاب جت لعندها حضنتها وبدموع: فديييت بنتي كيف معاها قلب كبييير يتسع الكللل ودارية كيف تعيش الأطفال اللي ساع هذولا كأنهم أطفال طبيعيين!!


سمير بسرهم كيف مطنشين له، وهي بتتحاكى بثقة وفخر ولا كأن هي فعلت شي خرج بقهررر وهو متحلللف لهم!!
.
.

في مكان بعيد عن بيت بطلتنا...

وفي إحدى مستشفيات العاصمةة صنعاء!
متمدد فوق السرير وراقد مشو حاس بشي من حوله، والمغذيةة في يده،
طفل بعمره وبحالته يرقد في المستشفى والسبب مرة ابوه المخببثثةة فعلت به هكذا؟!


وكل من بسره ترق قلوبهم من شكله، فكيف بأبوووه اللي كان مأمنننن لها ابنه وحيدة؟! واللي بعد م ولدته أمه ماااتت!!! ولا قدر ع حمله خصوصاً أنه مشاااغب؟! بس بعد م تزوج مرته الثانية رجع هادئ منطوووي وبيفتجعع أكثثر!!!

م انتبهشش لتصرفات ابنه اللي تدعي للريبة!!!
مقصده أنها كانت تعامله ساع أبنها واحسن، وكانت تبسر م يشتي وايش اللي يحتاج، زي اي طفل بعمره لما هدأ ولا عاد كان يشاغب،  بسسس طلع شي ثاااني، وذلحين هو بيدفع الثمن مشوووش مشو داري م يفعل؟!


وكل م يتذكر أن ابنه كان يعااني اكثثر من اللي هو فيه، كل ما تعذذب أكثر فأكثر، وشكر الله وحمده لأنوه دخله مدرسة لذوي الإحتياجات الخاصةة، وكان ابنه من نصيب الأستاذة اللي تعرف وتنمي مواهب الأطفال، وتهتم فيهم كلهم دون أستثناء ولولاها بعد الله أنه كان جالس ع عماااه لما يفقددد ابنه بعد امه اللي م تهناش معاها وسرعان م وافتها المنييةةة، وهي بتولد ابنه اللي نقص عنده الاكسجييينن ووقع هكذا..


تنهد بضيييق وجلس في الكرسي اللي جنب السرير حق ابنه، مسك يده وحبها حبه طووويلة يعبر له عن اسفه لأهماااله له!!!


وبدأ يفكر ب الأستاذة هذه كيف كانت نظراتها حادة، وباين القهر في عيونها والدموع ع ابنه!
ويقل في نفسه" لو تزوجتها بتنتبه لأبني زيما ذلحين؟! وبتفتجع عليه؟! أو كله تمثيل عسب تبز شهادة أحسن استاذة في المركز؟




📚 @rewayatyamania  🇾🇪

.

البــارت 7 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


لقدْ كانوا هُنا بيننا، ولا نَعلمِ كيفَ ذهبوا ولمَ لم يعودوا💔😪


خالتها وهي مقهورة ع أختها وزوجها وع حالة بنت اختها: خووولةةة أرحميييي روحششش م يصلحششش اللي تفعليه بنفسششش؟!


خولة بسرتها ببلادة: م تشتيني اقووول؟! قلي ليييي؟! م تشتيني افعللل؟! اقوم ابكييييي وانووحح؟!


خالتها طرحت اللي في يد خولة ومسكتها: بسسس بسششش من حين م قالوا لش بالخبر وانتي تقشعي البيت قده هذا ثالث مررررةةة، حررررام عليششش لو الجدررر والبيت بيتحاكى لا يقلششش ارحميييني قد خلستييي جلددده!!!


خولة هزرت يدها منها وبصياح: احسسسن من انيييي اندددب حظييي!!! وابكيييي واقنططط من رحمةةة الله!!! امييي وابييي ماتووااا!!! تعرفي ايش يعني ماااتوا؟! م عبششش معي سنددد ولا احددد في هذه الدنيييااا!!! واخيييي الحمد لله ع كلللل حااال ولد وهو م بششش عقققللل!!! انا وحيييدةة ولله الحمددد، تشتيييني ابكييي؟!

وكملت بعيون حمررراااء...
من لما سمعت الخبررر ولما بين اسمعهم يشيعوا جنازاتهم ولما نزلوووهم للحددد وللآن وانا بين احاول ابكييي؟! م قدرتششش تشتينيي ابكي غصبببب؟! م عتقدريششش لو ايش م فعلتييي!!! ثلاثة اياااام بين احاول فيهننن بس مااابش دموووع نشفييين خلاااص💔

@rewayatyamania المصدر الأول للروايات

خالتها بكيت بحرقةةة: حررررام ي خوولةةة ارحمييي نفسششش!!! ارحمييي اخوووش هو بحاجتش م عباقي له من أهله الا انتييي وانتي أخته الكبيرررة، لا تنسيشش توصيااات اهلششش علاميييده، وبعديييين هوذا احنا اهلكممم خالاتشش واخوالششش جدش وجدتششش وين سرررنااا!!!


خولة ببرود وهي ترجع تبز الاسفنجه وتمسح الجدر: اخييي الله عيييكون معه وانتي م بتقصريششش تقدري تهتمييي به اكثررر مني، أما على ان انتوا معي ع عيني وراسي بس م بششش حد عيقع ساع امي وابي محدددد💔


خالتها من بين شهقاتها: ي قسسسسوة قلبششش ي خوولةةة ي قساااوته، تتخلي عن اخوووش؟! وتنكريينا؟! وبعدين بتقلي ان انتي م تشتي تقنطي من رحمة الله وهذا اللي انتي بتفعليييه مااااهوووو؟!
انتي راضييية ع نفسشش؟!
راضييية ع م بتفعليييه؟! جاوبينييي ي خولة راضيييةةة؟!


خولة صاحت: ايييوة راضييية راااضيييةةة ي خااالة الله يرحم لي والديششش ريحي لش منييي، خلينييي في عزلتييي واللي بين افعله لا تحاوليششش تخرجيني من جوووي!!!


خالتها بسرتها بنظرررررة: شاخليش ذلحين شوية عسب تهدأي لانو شكلش دخلتي في صدمة بس تذكري صوت جدش وجدتش هذا اللي بتسمعيه وصوتي وصوت اخوش لا ترجعيش تندمي اذا فقدتيهن!!!


يتألم الشخص أضعاف ألمه عندما لا يستطيع المواساة، مواساة شخص عزيز عليه بل ويزيدهُ ألماً بكلماتهِ السامةِ تلك💔😪
.
.
@rewayatyamania المصدر الأول للروايات

صاحبتها مصدووومة من تصرفاااتها مستغررربةةة بقوووة كيف رجعت ميرراا...
مسكتها من أكتافها بريبةة: ميييررررااا!!!


ميرا لفت لها بأستغراب: يوووه مالششش من المدلااازة؟؟


صاحبتها بقهر: ميييررررااا من اي حييين بتضحكييي هكذذذا؟! من اي حييين يتجننني هكذذذا؟! ميييرا لا تكتميششش واتحاكي بما فييش؟!


ميرا بسرتها بضحكه والغصة في حلقها: مالشش استغرربتي حين بين اضحك؟! ليششش يعجبكم اني اكون نكديييةة؟!


صاحبتها بقهر زرت ع كتفها: ميييرا انا اعرررفشش ودارية بالنار اللي في داخلشش!! بسسس مكااابرة ابكييي وصيحي بس لا تتصنعييي القوووةةة!!! اتصنعي القوة في البييت بس هنيييه مععع!!!


ميرا لفت وشها وما ردتش!!!
والضيق باين في عيونها!!!
وشوية م بسرت نفسها الا تطلق ضحكة وجع وقهررر والمممم!!!
وبعدها انفجررررت بكاااء💔
:امسسس حسيت اني شموووت ومحد حولي ولا احد يهتمممم فليش اوجع قلبي زيادة خليني اعيشش حياتي ببرررود مشاعر واي شي اتلقاااه عااادييي💔



أيوه محد يستغرب تصرف ميرا، شيء انتوا م عشتوش لا تحكموش عليه، ذلحين اغلبيتكم بيبسر ردة فعلها مبالغ فيها بس محد حاس فيها ولا بالوجع اللي فيها، اب بعيد كل البعد عنهم وإن جاء بعصبية وتحكام ولا هو داري اين الله طارح لهم أو ايش يشتوا واهم شي عنده لؤي صح في كل شي


وام مسكيينةةة يلعب بعقلها تأنيب الضميررر لما قع بلؤي حمى شوكية م قدرتش تنقذه وتكون في صفة دائماً بس حنونه عليهم كلهم، واخخخ كان ولا اروووع بالرغم أنهم كانوا صغار إلا أنها كانت تحس بالأمان معه بس لما كبروووا ووقع اللي وقع في لؤي وتغيير تغيرت هي اكثررر منه تأزمت وتمردت وتشردت💔 وكل يوم تنضرب ع شي م يسواااش ومحد ينصفها تحس م بش لها حد والكل ضدها!!!
ايش تتوقعوا منها تفعلللل؟!


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 8 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


وكيف لقلب مثل هؤلاء الناس أن يكون متجرد من الرحمة؟!💔


المديرة: أستاذة لمياء وين عتسيري؟!


لمياء بسرتها: شاسير ابسر هاشم كيف قدووو من أمس وقلبي بيحرق!!! ولو عليا أن قدني عنده من الصبح!!!


المديرة: طيب وطمنيني ولا تتمشكليش مع ابوه، لانه باين أنه محترم ولو م كنش محترم أنه رفع عليش قضية ويمكن ع المدرسة كامل!!!


لمياء: وليش ان شاء الله؟!


المديرة: لأن أي واحد في مكانه بيبسرش كيف بتتهجمي فوقه وترفعي صوتش م عيعجبش! وخصوصا أنه ابنه عيقلش يفعل به مااشتىىىى! هو ابوووه!!!


لمياء بلا مبالاااة: شاقدمه لحقوق الإنسان ونبسر مع من الحق هي روووح، مشو جدر يتعذب يفعل به مااشتى؟! اي عقول متخلفه هذه اذا فعل شي غلط أيوه يعاقبه ويعاتبه بشي معقول مشششش ساع اليهود؟!
وذلحين اعذريني اشتي اسير مااشتيش أتأخر ع هاشم...
وخطيت...


أما المديرة تنهدت بقلة حيلة منها، ورجعت مكتبها!!!



وصلت للمستشفى وهي يلا بتصابر روحها مصابرة، قد روحها عتخرج عليه وكل م تتذكر الحرق تدمع!!!
وصلت لغرفته الخاااصةةة بعد م نقلوه ومابش حد عنده وهو ذاهن!!!
بس مرقد ع بطنه!!!

تقدمت لعنده وحبته في صابررة وبفرحه: هاشمييي كيف انت اليوم بخيررر؟!


هاشم بسرها بإبتسامه وفعل أيديه لعيونه وهز رأسه!!!


لمياء بتتحيلا له: يوووه جبرررك ي هااشمي مااحلاااك...

وبغصة لما بسرت الحرررق وفوقة قماش ع شكل مربع مرفوع عسب الهواء م يدخلش فيه وتتجرثم...
يوووه الله لا رحمها برررحمته مرة خالك الخبيثة...
دنت لعنده وبألم: بتوجع ي هاشمي؟!


هاشم هز رأسه والتكشيرة باينه ع ملامح وشه!!!


أستقامت وتنهدت بوجع وبتحاكي روحها بصوت عالي: يووووه غير الا لو ادرى من هييي تيه مرة ابوه لا اكلللل من لحمهااا كيف قددرت تفعل به هكذا؟! هذا اللي بسرناه عاد من اول كيف كانت تفعل به؟! ي رررررررررب أسألك انك تنكد عليها عيشتها ولا تخليها ترتاح وخليها تتعذذذب في دنياها قبل آخرتها، كيف جاء لها قلببب تعذب طفل خُلق بإعاقة ذهنيه وزيد يتيم من الجهتين تفعل به هكذا؟! كيييف؟! مدري الاشخاص اللي ساعهم عاد به معاهم قلب والا انعدمت الرررحمه منهم؟!


لفت بفجيعه من الصوت اللي سمعته وراها: أهلاً أستاذة لمياء اي حين جيتي؟!


لمياء بحلطمة: عفوا ً ي أستاذ عاد الناس يدقوا، وبعدين كيف تسير وتخلي هاشم لحاله وهو ذاهن لو أحتاج شي أو قع به شي من عيتحمل المسؤولية؟!


ابو هاشم عصب بس مسك نفسه: ممكن ي أستاذة لمياء تهدأي مش كل م قلنا كلمة تقارحتي وع م أظن هاشم ابني انتي م تدخليش منه ممكن؟!


لمياء...؟!


وإني أقاتل على أشيائي بجلّ وبكل ما أوتيت من قوة🔥
.
.

صاحبتها بابتسامه: هيا مه افتهنتي؟!


ميرا إبتسمت بصدق: ايوووه الحمد لله تسلمي الله يحفظش!!!


صاحبتها: أيوة اشتيشش تقعي ميرا اللي اعرفها قوية م يهزهاش رريح، وخلي الكلام اللي كنتي تردديه لي ردديه لش وفي بالش م بش شي يستاااهل في هذه الحياة، واجعلي البساطه هي شعارش!!!

ي ميرا هذه الدنيا م ترررررحمش المسكين والطيب، تشتي واحد قوي يبز حقه بنفسه، لا تبزيش حقش بحرقة دم ووجع بزييه بثقة وسهولة!!!
وذلحيييين يلاااا قومييي نضوي، تأخرنا ع البيت قبل م يجي عمي يخرج غرقته فوقش قدو بحق البكاء!!!


ميرا ضحكت: ههههههههههههه اسهل اصلا متعوودة م يفرررقش، وخلاص انا شاعيش طبيعي وبسلاسه م شطلبش شي وشاخليهم يفعلوا مااشتوا وطززز يسدوووا!!!


صاحبتها: ايوووة هكذذذا عيشي وطززز في الكل، يلا مع السلااامه!! لا أأخرررش كما انا اعرف عمي كييفووو عصبي!!!


ميرا: مع السلااامه متواصلات ان شاء الله!!!


خرجين من المدرسة وكل واحده افترررقت لبيتها!!
ولما قد عتوصل للبيت حست حد وراها التفتت بريبة وأستغراب فتحت عيونها ع وسعهن من اللي بتبسرره؟!


ميرا...؟!

@rewayatyamania المصدر الأول للروايات

وإني أُجاهد بأن أكون كما أنا وبشخصيتي، ولكنهم بأفعالهم يجعلون الجزء السيئ منا يظهر للعلن وبأظلم صورة دون إرادة منا💔


خولة كانت سااارحه وعيونها حمر وتحت عيونها اسود حارق من الارهاق ومطنننه، م نكزت الا من حبة أياد لها في صابرها!!!


بسرته بحزن وبدون سابق إنذار حضنته بقوووة كأنها تشتي تحس بالأمان في ظهر أخوها حتى لو اصغر منها وحتى لو مشو بعقله، وارتاحت أكثر لما حسته يلف ايديه حول رقبتها!!!


أبتسمت بحزنن، وبعدته من حضنها: أيادي تشتي تأكل؟!


أياد هز رأسه بلا!!!


تنهدت بحزن: كان م تشتي؟!.


أياد بيتحاكى بصعوبه وبيمد يده بسرعة وهو بيبزها، قامت معه بقلة حييلةةة، وصلوا لغرفة امهم وابوهم حست بغصة في حلقها، بس دخلت معه وجارته بما يشتي!!!


شوية ووقف قدام صورتهم اللي تجمعهم كلهم وبيأشر وبيتحاكى بصعوبة وكأنه بيسأل وينهم؟!


خولة مسحت ع شعره بحزززن: أيادييي مامه وبابه...




📚 @rewayatyamania  🇾🇪

.

البــارت 9 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


خولة مسحت ع شعره بحزززن: أيادييي مامه وبابه ساروا م عاد عيرجعوش؟! ساروا لعند الله!!!


إياد فهم كلامها وبدأ يبكي ويفعل برأسه مع!!!


خولة بحزن حضنته: إياد ي حبيبببي ادعي لهم عسب نرجع في الجنه تمام؟!


إياد م رضيش يهدأ وجالس يهز برأسه ومنفعل،

خولة عجزت فيه وحضنته بقوووة وتحس الدموع حق اخوها تخزق قلبها بس ايش تفعل؟!


تعبت معه وبصوت: خااالة ي خاااالةةة!!!


خالتها جت: يوووه مالكم هنيه؟! وماله إياد؟!


خولة: قلت له أن امي وابي م بحد ساروا وهو شكله فهم وجالس يبكي ويجنن يشتيهم!!!


خالتها جت حضنته منها: يوووه منش ي خولة كنتي عتسكتي، وهو عينسى!!!


خولة: ضروري م يدرى وكيف عينسى وهو كل شوية بيدورهم!!!


خالتها: خير ان شاء الله، ذلحين ضروري م نبسر هذه المدرسة لأياد هو بحاجتها هذه الفترة أكثر من أي فترة سارت!!!


خولة بتعب: إن شاء الله، نبسر كييف!!!

..
@rewayatyamania المصدر الأول للروايات
..

وتلك هي ندوب أرواحنا، التي لا يراها أحد ونشعر بها نحنُ فقط، ولكنها لا تُخفى على ربنا🤍


ميرا لفت له: لؤؤؤؤي كيف تخرج أدواتي للشااارع؟!


لؤي وفي أيديه ألوانها وكراستها وبيرسم: امييي قالت لي ابزهن انتي م عليش وبعدين من اي حين حقش من جيب امييي افعل بهن مااشتيت!!!


ميرا بقلة صبررر دخلت البيت وبهدوء عكس داخلها: امااااه ليش تمكنوا لؤييي حقي الالوان والكراااسه؟!


أم لؤي بسرتها: يوه يوه ع بنت المفررروض تدخلي وتسلمي م هو هذا دخلتي مهاجمه؟! وبعدين عااادي ايش فيها كم قد لش م عاد بتستخدميهنش ولؤؤؤي قال يشتيهن جنني مكنته!!!


ميرا بغيظ: بسسس انتوا داريين كم بين احنجهننن؟! ولا بين اسخىىى العب بهن؟! واستخدمهن والا مااستخدمهنش ي يمامه هذولا عزيزات عليا!!!


أم لؤي: هيييا ناهي لش ي ميرررا، عزيزات عليش حسستيني مدري ماهن هن شوية الوان حتى لو هن هدية، وإذا تشتيهن ششتري لش بدلهنننن!!! ويلا سريع سيري بدلي وجي ساعديني!!!


ميرا إبتسمت بقهرر: حاااااااضضضضررررر!!!



سارت غرفتها وهي مقهورة الف، هذولا الناس بأيش يحسوا؟! وكيف عاشوا؟؟ وليش هم هكذا؟!

.
.

لمياء طول وقتها وهي بتفكر بردة فعلها، وكيف انصدمت من رده، وخرجت من المستشفى بدون رد، وبتسأل نفسها هل اللي فعلته سوا؟! وهل مبالغ فيه أو مع؟!

مسحت وشها بتشوششش ورجعت المركز بصمت ووقعت ع حضورها، وبسرت اذا عباقي طلابها موجودين أو قد جوا لهم أهلهم، بسرت م بش أحد وروحت البيت!!!


لمياء: ماماااا جيييت!!!


أم سمير: حيا ببنتي يلا اخلسي وبدلي، اليوم تأخرنا في الغداء عتتغدي معنا!!!


لمياء: تمام حاضر ابدل واصلي واجي!


سمير سمعها وعاده قااام من النوووم: هيييا ناهي لش عنجلس نريع لششش غددداااء قدني جاااوع!!!


لمياء بإحتقااار: قوووم صلييي وبعدين جي تحاكى عيب عليك رجال مسبببع مرببببع!!! وعادك غير الا قمتتت؟! وبتتنقححح وتشتي غداء وجاوع؟؟ وين عتسير من ربي يوم القيامةةة؟!


سميررر...؟!


ولأنهم ذكورا ً لا يريدون أن يقول لهم أحداً لا!!!
.
.

خولة: إياد راقد؟!


خالتها: ايوووه عشيته ورقد!!!


خولة: طيب ذلحين معش موقع المركز؟!


خالتها: اكيييد وغطوة ضروري م نسير نبسره ع طريقنا!!!


خولة: إن شاء الله!!
وع الله ينفعه!!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 10 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


لطالما اعتقدت أن أفضل ما قد يحمله الإنسان من مشاعر هو الرضا: الرضا عن النفس، الرضا بما يملك، والرضا عمّا يعلم أنه لن يملكه...🔥



خولة وهي بتبسر المبنى: هو هذذذا المركز صححح؟!


خالتها: يمكن لانها قالت لي أسمه رواد المستقبل!!!


خولة: ايوووه هو م بتبسريش اللوحه عادهي قالت يمكن!!!


خالتها: ناهي ي لقااانه يلا ندخل، امسكي إياد سوا!!!


خولة: حاضر هوذاني ماسكه له ليش م بتبسريني؟! شليته!!!؟


خالتها: انا لله خلاص ي شيييخه، مشو حالي كل ما أديت لش كلمة ترديها لي بعشر؟!


خولة بتسليك: طااااايب طااااايب تمام يوووه م قد قلنا؟!


وهن بيتقارطين واياد وسطهن، واحده ماسكه له بيد والثانية بيد، دخلين المرركز وهن مبهورات ب التنظيييم!!! والتنسيق اللي فيه، مررركز يفتح النفسسس للأطفال المتوحدين يدرسوا فييه!!


لفين ع صوت مستغرب بيتساءل: عفففووواً من تشتين؟!


ورجعت بسرت الطفل اللي في الوسط أبتسمت وجلست قعت بطوله: ومنوووو هذا البطل اللي منوورررنا؟!
وهي بتمط ملاااجعه(خدوده)!!!


خولة وخالتها بيتباسرين وعجبهن تصرفها!!!

خالتها: عفواً احنا نشتي مكتب المديرة، وجينا هنيه عسب نسجللل إياد يدرس مع أصحاابه!!!
ولفتت لإياد...
صح ي إياد؟!


... مسحت ع شعره بحنان وحب: اسمك إياد؟! ع فكرة أسمك حالي ساااعككك!!!
كم عمرررك ي إياااد؟!


إياد خزي بس فعل بأيديه خمستعشش!!!


... بأنبهار: عمرك خمستعش ي إياد؟؟؟! ما شاء الله قدك رجااال!!!
قامت وبتبسر البنات اللي قدامها!!!
شكلكم كنتووا تدرسوه صح؟! والا علمتوووه الارقام؟!


خولة وهي مبهورة من تعامل هذه اللي قدامهن مع إياد: مع مع كنا ندخله مدرسة يجلس اسبوووع ويفصلوه م بيتقبلوووهش لأن إياد مشاغب وحررركي!!!


بسرعة: مع مع إياد بطللل مشووو مشاغب، وبيستمع الكلام ويلا ذلحين نسير نسجله وعيقع احسن واحد في الفصل!!!
مسكت يده وبتخطى معاهم وبتتحاكى!!!


...: م قلتوا لي من وين تعلم إياد يقول عمره خمستعش بأيديه؟!


خولة بحيرة: والله ماادي لش علم ي أستاذة، غير أنه كره "مرة" علمته يفعل بأيديه عمره لا أحد سأله وكان بعمر الثلتعش !!!
وما عاد كررتهاااش!!!
مدري يمكن...
وبألم... يمكن امي أو ابي كانوا يعلموه؟!


... أبتسمت بفرحه بانت في عيونها: متأكدددةةةة؟!
.
.


عند ميررراا!!!

دخلت غرفتها بعد م كملت تفعل الصبوح وقربته، بتبسر كيف الغرفه منبشةةة وتتأزم نفسيتها كل شوية وكل مرة ترفع غرفتها م تبسرها الا مكركبببه...
تنهدددتت بضيييق وتمددت فوق السرير وتدفتت!!!


مالهاااش مزاااج تسير المدرسة اليوووم، ولا لها مزززاااج تواجه يوم جديد وروتين جديد مؤلم، رقدت وهي بتدعي أن الله يغير حياتها للأفضل ويدي لها القوة عسب تصبر ويعووضها لصبرهااا!!!


غمضت عيونها م حست الا بدمعه يتيمة متمرردة حرقت صابرهااا!!!
.
@rewayatyamania المصدر الأول للروايات

الساعه‍ 11:30 ص...

قامت ساع الملقوووصةةة بسرت الساعه وهي هداعش ونصصص، مسحت وشها بضيق وتنهدت لأنها نسيت م تبلغ صاحبتها، وذلحين اكيد تشتي تخرج وعتواجه إنتقادات امها وتنمررر اخوها عليها!!!


قوت حالها وخرجت، غسلت وشها ونزلت بتدور ع لؤي وأمها ومستغررربة من الهدوء اللي بيلتف حول البيت؟!
وين هم؟!
ووين ساروا؟!


طنشت وفعلت لها بيييض وبُن بعفشةة، وهي تحسسس ب الررراحه والحرريةة م بش حد يجننها أو حد يتحكم فيها أو يصيح؟؟ كأنها خدامة عندهممم!!!

كملت تأكل وبزت تلفونها تأنترررر وبدون سااابق أنذذذااااررر شهقتتتت وفتحتتت عيوونها ع وسعهننن، وقامت ترقصصص بفرررحه وكأنها سوت أنجاااززز: يسسسس يسسسس اخيييرا لقيييت الحللل؟! ليششش م افكررر من قبل بهذا الحللل؟!


جلست ورجعت تقرأ المنشووور مرة ثانيييةةة، والمووووقع تحفظه حفظ!!!

وبسرعة البرق طلعت غرفتها لبست بالطوها وحجابها ومستلزماتها وخرجت وهي بتتفقد الداير حق البيت اللي معها...
وطولة الطرررييق وهي بتدعييي إن الله يوفقها باللي عتفعله!!!

ويكون معها ولا يقع شي ضدها، وصلت الموقع وهي بتبسره شااامخخ!!!

وبتردد دخلت المبني وبتتلفت!!! وانبهرررت من التصميم والتنسيق واللي باين فيه الإهتمام، وهي في دوامه تفرجها وإنبهارها صنمت من الصوووت!!!

وبصوت مرتجف: هاه ..هاه أن انننا كك كنت!! اششش اشتي بسسس!!!

قاطعتها...؟!


https://tttttt.me/rewayatyamania/50989



📚 @rewayatyamania  🇾🇪

.

البــارت 11 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


‏كانوا يغضبون بقلقٍ مفرط حتى أصبحت قلوبهم على رؤوس أصابعهم...😪💔



في بيت إحدى بطلاتي!!

دخل سمير وهو بيرقص رقصص: امااااه ابااااه وين انتوا؟! معي لكم خبرررر حالي؟؟


أم سمير خرجت من الديمة: مااالك بتشولح ي ابني؟! م قد به؟!


سمير بفرحه: وين هو ابييي؟!


أم سمير تنهدت: أيوة طبيعي تسأل وين هووو لانك مشك داري وين الله طارح لنا!! بس شاجاوبك ابووك في العمل م تشتي منه؟


سمير دخل في نفسه كلام أمه بس دعمم: اليييوم جاء للمياء خاطبييي!!! وقال يشتيها ع سنة الله ورسوله م قلتوا؟!


أم سمير: خير إن شاء الله، خليها لما تجي ويجي ابوك ونسألها ونستفسر ع الولد وإذا كان شي سابر توكلنا ع الله!!


سمير بإنزعاج: اماااه الرجال مورررععع!!! يشتي خبر ذلحين!!


فادي كان بيسمع وبشككك ولأول مره يتحاكى: مااالك مستعجل ي سمير ع الرد؟! وبعدين الناس اول شي يسألوا ويتطقسوووا وإذا كان رجال سابر م بش عليه غبار وبسرنا رأي البنت وكانت موافقة توكلنا مش من جاء شل؟!
.
.

عند واحد يمكن قد فقدتووه!!

كان يبكي بقوووةةة ولا رضي يسكت وجدته عجزت عنه!!


بزت تلفونها ابو ازرار: اسكه جي ي بنتي اتصلي لي ع ابو هاشم يجي يبسر ماله؟!


مرة ابنها الثاني بتأفأف: اوووف وهذا جاء يدوشنا!!! بالله ي عمة اذا حاكيتيه قلي له يجي يشله معه صرعنا ببكاااه، لا يقوووم البنت عادهي رقدتتت!!


الجدة تنهدت بألم من أسلوب مرة ابنها ولا تحترمها ولا تميزها بالكلام ووجع ع حال ابن ابنها: تمام ان شاء الله انتي بس اتصلي له!!!


بزت التلفون بنغفره وبتقلب في الأرقام واتصلت عليه وبرزوعه: هاه بزيه هذا اذا عيجاوبش ماشي سبحان من خلق الدعممه!!


الجدة بزته منها وسكتت!!! وهي بتسمع الرنات، شوية ووصلها صوته: حيا بابني كيف انت؟!


ابو هاشم باستغراب: الحمد لله يماه مالكم؟! عادني كنت عندكم قبل شوية؟!


الجدة تنهدت: م بلا ي ابني جي ابسر هاشم من حين قام وهو ع صوت واحد، بيبكي عجزت أفهمه وافهم م يشتي؟!


ابو هاشم تنهد: حاضر يلا ثواني وشاجي يماه لا تهموش!!

غلق من عندها، وفعلا م مرتش عشر دقائق الا وجاء وبسره بيبكييي!!


تحاكى بضيق: حبيبي هاااشم ي روح بابه مالك م تشتي؟!


هاشم بسره وسار حضنه وبصوت يله يطلع وينفهم: ب ب ا به، اث ت تتي أسس تادة امم ي ي ي ااء!!!
"بابه اشتي أستاذة لمياء"


ابو هاشم فهمه وتنهد: بس ي ابني هي ذلحين معها عمل وبعدين لو تدرى انك خرجت من المستشفى لا تقوم القيامة ولا تقعدها!!


هاشم فهمه وبدأ يبكي بصوت عالي وخر منه وبدأ يزبطه ويضربه: ااا اميي ميييااا اسسس تي استتتت ااادةةةة!!
"لمياء اشتي أستاذة"


ابو هاااشم قام بضيق ومسك ايديه: خلااااص ي هاشم يلااا شتصلها وتحاكيها ونبسر اذا هي فاضيه نسير لاعندها!!


هاشم مسح دموعه بفرح وهز راسه!!


ابو هاشم غصب نفسه وبيدور ع اسمها اللي بز رقمها من الكشف حق المركز، وهو بيتمنى م ترررددش م يشتيش يسمع صوتها، أو يحتك بها بعد آخر موووقف!!


غمض عيونه بقوووة لما سمع صوتها المتسائل يقول: الوووو من معي؟؟!
.
.

ميرا سكتت لما بسرت إبتسامتها وبحنيه: يوه مالش هكذا مرتبكه ومتوترة، من تشتي؟؟


ميرا تنهدت: اشتي المديرة حق المركز وين هي؟!


المديرة: انا مديرة المركز خير به شي؟!

ميرا انصدمت من شكلها، اللي يبسرها يفتجع ع طووول كيف الاطفال بيستحملوها!!! بس لما بسرت الحنية في عيونها تنهدت: أيوه اشتي اسجل اخي هنيه!!
هو مشو داون!!


المديرة استغربت: بس هذا مركز للإعاقة الذهنيه!! مش للأطفال الطبيعيين!!


ميرا تنهدت: داااريية، بس الموضوع طووويل نشتي نتحاكى واحنا جالسات!!


المديرة: يلا ادخلي المكتب نتحاكى!!! مع اني مستغربه كيف بنت بعمرش تجي هنيه بدون م يكون حد كبير معها!!


ميرا دخلت المكتب بدون م ترد ع كلامها واول م جلسين: شحكي لش القصة مقتطفات، اخي اكبر مني بأربع سنين كان طفل طبيعي بس فتره قعت له حمى شوكيةةة وطار عقله..

وبألم..
م عادهوش اخي اللي اعرفه، اللي كنت افرح لما اجلس معه والعب، اللي اذا قع بي شي يقوم يساعدني ويضرب اللي يضربني، رجع هو يضربني ويتنمر عليا ويقل اني اكرهه، برغم اني احبه غير عن اللي بيفعل بي، من مشاكل وجنان، وضرب، م زلت أحبه بس التفرقه العنصرية اللي في بيتنا وعدم التفاااهم الاسري، وأشياء خيرات واجعه لقلبي، رجعت وبين احاول ارجع اخي اللي اعرفه من اول بس مااقدرش والسبب دلع امي وابي له، اذا غلط م يصيحوش فوقه، بس فوقي انا، وإذا اضطر الأمر يضربوني، اخي اللي يبسره انساااان طبيعي حتى في كلامه بعض الاحيان، بسسس يعني مدري كيف اشرح لش انو لو كانوا تعاملوا معه معاملة الشخص الطبيعي من صغره أنه طبيعي اخي بيفهم وذكي وأشياء خيرات فيه، بس الحمى أثرررت على عقللله بالكامل، مدري انتي فهمتي من كلامي شي او مع!!





📚 @rewayatyamania  🇾🇪

.

البــارت 12 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


‏إن حوادث الطفولة أشبه بالخدوش التي تُترك على سطح ليّن من الإسمنت، سرعان ما يجفّ فلا تُمحى الخدوش أبدًا...😴💔👌


وبترجي...
وذلحين اشتي شي يرجع اخي ع م كان، أو ع الأقل يهدأ من المشاغبةةة!!!
ومدوووود الأيدي!!!



قاطع كلامهن دخووول لمياء المفاجئ: اعتذذذر ع دخولي هكذا بسسس هاااشم عيجييي ولازم نستقبله احسسن استقبااال!!


المديرة قامت: طيب خلي الحارس أو المراسل يسير يشتري ترررتة ع شكل طائره ساع م يحب، وزينوووا الطواريييد سرريعع وانتبهوووا تشتروا شبيب "بالونات"...
وخلي اطفال فصلش يساعدوش تمام؟


لمياء: اكيييددد ولا يهمش بس، جيت أستأذن اذا عتصيحي وانو من نفسش قلتي عادي 🤣


المديرة ضحكت: كان ماهو، هاشم غالي على قلبي ولازم نستقبله احسن استقبال كأنو في بيته هو والا غيره!!!


طبعاً ميرا كانت تسمع وتتفرج ولا هي دارية بشي ساع الاطرش في الزفةةة🤣💔


المديرة لفت لها وبإحراج: آسففةةة أعتذر منش بس زيما تبسري معنا عمل!!! تجي تساعدينا؟؟؟!


ميرا بإحراج ومع ان هي مش دارية بشي: اكيييد ولا يهمش يلا بدأنا!!!


لمياء باستغراب: من هي تيه؟! عادني اول مرة ابسرها؟؟


المديرة: هذه شرجع احكي لش بعدين يلا م عبش معنا وقت!!!


خولة جت من وراهن وبسرعة: استاااذة لمياااء الجهال بيشااغبوا ولا بيسمعوا لي كلمة، جي ابسريهممم!!!


لمياء بإستعجال: يلا يلا ذلحين الآن!!!

@rewayatyamania المصدر الأول للروايات

أما عند ابو هاشم!!

بيسوق السيارة وهو حسسه مشوووش وعند صوتها، وهي بتحاكيه برزانه، واللي باين من أنها بتمسك نفسها بالقوووةةة، لما قال لها أن هاشم عيخرجه، لف لأبنه اللي جنبه وبيبسر الفرحه في عيونه!!! نسي نفسه و!!!


وبحنيةةة: هاشم!!!


هاشم لف لعند ابوه!!!


ابوة تنهد: تحب الأستاذة لمياء؟!


هاشم هز رأسه بأيوووة وهو فااارح قوووي!!!


ابوة: كمممم تحبها؟!


هاشم فتح أيديه قوووي: هتددااهه🥺
"هكذا أهه" يعني خيرات


ابو هاااشم بحييرة: ي ررررررررررب ذلحين اللي بين افكر فيه صح او ماااشي؟!


سمع صوت من وررراااه: ي ابني اذا بتفكر زيما بين افكر فأنت اخترت صح، هاشم م يتعلقش بحد عن عبثثث وان شاء الله تتوفق، انت غير اعزم النييةة وتوكل!!!


ابو هاشم تنهد بوهقه لأنه نسي امه اللي قالت تشتي تجي وأصرت الا تجي وجت، وذلحين من عيفكه منها؟!


سكت وكمل طريقه للمررركززز وهو في حيرررة ورأسه مشوووش من كل شي!!
.
.

لمياء قامت بتعب: خلاص كل شي جاهز مه؟!


المديرة: ايوه، بس ذلحين نشتي نخرج الجهال لهنيه نراااصفهم، احسن عسب م يتشابكوش!!!


لمياء: اكيييد يلااا!!!

بسرت الساعه...
يوووه اكيد قدهم هنيييه يلا يلا ي جهااال جوا جوا هنيييه عسب نفعل لهاشم مفاجأة؟!


الجهال كلهم حملوا لعندها بحماس وهي بترتبهممم، بدقة وسررعةةة أما خولة وخالتها وميرا، بيتفرجنهم بانبهار كيف بيسمعوا كلامها من كلمةةة!!!

وبيتحمسين معاهم، كيف الفرحة ماليه وجوههم، حتى إياد اندمج معاهم، وايش م فعلوا بيفعل، وبيستمع كلام لمياااء...


شويةةة م بسرين الا حد داخل وبيده جاهل داون، ومرة عجووزززةةة!!

@rewayatyamania المصدر الأول للروايات

الجهال كلهم بصوووت واحد وبحروف متكسرررة، واللي م يقدرش يتحاكى بس بيطلع صوت: الحمد لله ع سلامتك هاااشم!!!


هاااشم طار من الفرررحه وبدون سابق إنذار أبتعد من ابوه وسار حضن لمييياااء!!!


وهي نزلت لعنده وحضنته قوووي وهي بتدمع: يوووه ي هاااشم كم قد فقدتككك!!!


هاااشم حبها في صابرها وبفرحة: واناااااا!!!


لمياء قامت وبعفويةةة: كيف قد كتفككك؟! عادو بيوجعك أو مع؟!


هاشم هز رأسه ب مععع وهو فارح، مسك يدها وبيخطى صلا خبرته!!


وبيأشر صلا الترته: هبيب تويوووو "يقصد هابي برث داي تو يو🤣💔"


لمياء بفرحه: ايييوووه عيد ميلاد هاشمي حبيبي، لانه خرج من المستشفى وحارب الوجع بطلللل!!!


هاشم بيسمع كلامها ويفهم ويفرح اكثثثر: اميييااا "لمييياااء"


لمياء نست نفسها ضحكت: ي عيييون امييياء هاه هاشمي؟!


هاشم وهو فارح قوووييي: ا ا اهه بسسس "اهبسس"


لمياء فرحت وضحكت أكثر نزلت لعنده ومجغته: وانا أحبببك اكثثثر!!!


: يلا حبيبي هاااشم عيقطع الترررته، وخبرته عيصفقوا له!!!


طلعته فوق كرسييي، وقطع الترته، والكل صفق له حتى ميرا وخولة اللي بدأين يدمعيين من الموووقف، وكيف هم أبريااااء وحالييين بس محد بيتفهمهم أو يكون معاهم؟!


ومن بين الغجه، بعد م خبرته سلموا عليه وبيلعبوا، ابو هاشم كان يتابع خطوات لمياء كيف بتفعل وكيف بتسوي وأنه باين أن اللي بتفعله من داخل قلبها بس كان يفووور من داخله كيف بتتجاهله هو وامه ولا قالت تفضلوا بزت هاشم وخلاص؟!


صحى ع عكازة امه فوق ظهره: ...




📚 @rewayatyamania  🇾🇪

.

البــارت 13 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


أشعر بالخوف من المجهول فآويني...😴💔


صحى ع عكازة امه فوق ظهره: هيا مالك مفهي فيها ي ابني؟! والله انها تناسبك وتناسب ابنك، حرام تضيعها من يدك ابسر كيف بتفعل بابنك؟! وتسايره؟!


كان يشتي يرد عليها بس قاطع كلامه صوووت المديرة: عفواً ادخلوا التهينا عنكم بسبب فرحتنا بهاشم حياااكم!!


الجده دخلت: ولا يهمكم م به شي يلا ندخل ي ابو هاااشم!!


طبعاً كانوا في الطاروود حق الفصل حق هاشم وهم في الفصل!!


دخلوا واحتفلوا، وجننوا حتى رجعوا ساع الاطفال بينهم، وسرقهم الوقت!!


ووقفهم صوت شهقتها اللي طالعه من القلب: يووووه تأخررررت قسسسم بالله!


خولة بسرتها باستغراب: ع ايش تأخرتي؟!


ميرا بإرتباااك: يعوووه والله لا يقتلوني قد الساعه ثنتين ونصصص وانا ولا حسيييت برووحييي!!!
قدهي تشتي تسير...


خولة: لحظه لحظه، ميررررا جي ادي لي رقمششش؟!


ميرا بإرتباك وتوتررر: اكتبي عندششش 77***...
ويلا مع السلاااامه!!


وسارت قبل م تخليها ترد عليها، كانت تخطى ساع اللي بتحمل وقلبها بيدق وبدأ ينغززها، والتنفس عندها بيقع قليييلل!!


وصلت للبيت أفتهنت حين م بسرتش السيارة حقهم موجوددة، وبإرتباك بتدخل الداير افتتح ودخلت وهي بتتنهد وتدعي الله اللي م كشفهاش ولا وجعها، م لهاش قوه تزيد تواجه اكثرررر!!


طلعت لغرفتها وهي بتبعد الشيلة، بس تصنمتتت من الشخص اللي قبااالها ويبسييين ركبها، م تفعل ايش تسوووي؟!


وايش بيفعل هذا هنااا؟! عيونه حمررر ساع الدم وباين عليه معصببب بقوووته، حاولت تتماااسك قد م تقدددرر، وتبييين أنها قوووييةةة!!


وحاولت تتحاكى بقوة بس خرجين الحروف بصوت مرتجف: من من من اي حين وانتوا هن هنيه؟!


بتسمع صوت صياح وبكاء افتجعت ودخلت البيت بسرعة: ماابه ايش حصل؟!

بتبسره كيف بيضرب بنتها بوحشية وهي بتحاول تهرب منه: يووه مالك ي رجاال علييها صلِ ع النبيي!

وقامت تشتي تدخل بينهم، بس م حست الا الدهفه اللي وجعت لها ظهرها، واستغربت من اللي بتبسره، لؤؤي ماسك لأبووه ويحاول يبعده عنها "طبعاً لؤي طويل بطول ابوه ولا ضعيف ولا دب"
ويقله: خلاص بسسس!!


ابو لؤي هدأ: ابسرري اخووش اللي تكرهيه كيف بيفعل؟! ويدافع عنشش، لعنةة الله عليشش من بنت!
ودخل غرفته!

ميرا جالسة تبكي في زوتها، وحست أنها بحاجة للبكاء أكثر، فرحت حين لؤي دافع عنها، وبعد ابوها عنها، بسرت لعنده بحاجة كأنها بتدور أمان في هذا البيت، بس سرعان م تلاشت حين بسرته يضحككك: ههههههه تستاااهلي ابي ضربشش ي مسكيينه ي مضرربه!!

حست بقهرر اكثثر، ويا لغبااء تفكيرها؟! هه لؤي؟! يساعدها ويكون اخوها وسندها؟! لا مسستحيل؟!

تحاملت ع نفسسسها وبتقوم بصعوبه، وقفها صوت امها: بنت وين سرتي وليش لابسه البالطو السوداء؟! وليش ابوش ضربش؟!

@rewayatyamania المصدر الأول للروايات

ميرا بقهر وصدق: اليوم م سرتش المدرسة، رقدت لا هداعش ونص، وقمت خرجت سرت ابسر حاجه اشتيها وتأخرت روحت وقدهم قدام وشي م بسرت الا بينزلوا فيني ضرب، حتى بدون م يدروا ب السبب أو كيفه، م سألونيش وين انا وليش تأخرت بس طوالي قاموا يضاربوا!
ع العموم وين كنتوا وين خواتي؟!


امها م قدرتش ترد ع كلامها الأول: كنا في بيت سيدشش سرت شليت لؤي المستشفى، وخواتش في بيت سيدهن!

ميرا ببهوت وبرود: اهاه سابر، شدخل ابدل وأخرج افعل غداء وابسرهم قد تغدوا أو مع!

امها رحمتها: خلاص لاعاد تفعليش غداء شبسره اذا تغدى ماشي قد شفعله ما ادى الله، تعرفي ابوش يعجبه الحلبة أكثر شي!!

ميرا هزت راسها بتمام، وهي تحس نفسها مخنووقه تشتي تصيح!

دخلت وبسرت اتصالات من صاحبتها، رجعته مشغول وكتبت "اسفه مااقدرش اجاوبش ، تاعبه اذا افتهنت شتصلش تطمني بخيرة بس شوية حمى"

طرحته وتمددت فوق سريرها، وطارحة يدها فوق قلبها بتعب، وبتحسس بووجع ونغززز في قلبها، مسكت عليه وهتفت: يا ررررب يا الله يا ولي كل نطفة في هذا العالم ويارب كل شيء اعصم قلبي، وقوني وزدني صبراً يا الله!!💔
.
.

في المركز!

بعد م كملوا يحتفلوا، وكل واحد سار بيته باقي بس هاشم وأهله وخولة واهلها، ولمياء والمديرة وبعض من المدرسات!


خولة وهي تشتي اياد يكون مع الأستاذة لمياء: ذلحيين م قلتي ي أستاذة ب الله اشتي اسجل أياد عندكم، وتحديدا عندش مااشتيش عند أي أستاذة ثانيه؟!

لمياء مسحت ع شعر أياد: انا صراحة اشتي اياد عندي بس القوانين قوانين والنظام نظام م ينفعش!
والتفتت صلا المديرة..
والا م قولشش؟!


المديرة بحيرة: صراحه مش اني دارية م اقلش؟! بين ابسر اياد يشتي يجلس معشش بس هو عمررة خمستعش م يصلحشش!

أستاذة ثانيه: اسسهل عادي اذا هو إياد نفسه يجلس مع الأستاذة لمياء م عنديششش مانع، اهم شيء راحتهم صحح ي ايااد؟! تشتي الأستاذة لمياء؟!

أياد بفرحه: اييووه!


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 14 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


سأخبر الله بكل شيء، بأنني جاهدت وقاومت، وصبرت ولم أيأس يوماً، أو أقنط من رحمته، ولكنهم كانوا ودوماً ويحاولون جاهدين أن يخرجونني عن أمري😴💔


هاشم جاء مسك يد لمياء وبصياح: ادييي "حقييي"


لمياء ضحكت: يوووه ي هااشمي جبررك صدق، وبعدين انتوا اخووة عادي اذا جاء عندنا؟! صح؟!


هاشم بسرها وبيقلب كلامها في رأسها: ادييي؟! "حقييي؟!"


لمياء تنهدت ونزلت صليه: هاشمي انا مامه لكم كلكم وانتوا أخوه وانا احبكم كلكم تمام؟! المفروض تلعبوا جمعه مش تزعل؟؟ وإذا زعلت انا شبكي لذلك سير سلم ع خواوه تمام اتفقنا؟!


هاشم لما سمعها قالت شبكي طوالي سار مسك يد أياد وهز رأسه بلا: خواوة!


لمياء ابتسمت براحه: خلاص ذلحين انحلت كل المشااكل، واياد عيتسجل في فصلي بعد إذن المديرة!


المديرة: اكيد م بش عندي مانع، ويلا جي بعدي عسب نسجله وتكتبي البيانات!


خولة وخالتها بإمتنان: شكررراً م تقصرووا!


ساروا بعد المديرة، واياد بيقلهم باي بيده، وهاشم مبتسم ويقله باي، لمياء لفتت لابو هاشم: اعتذر منكم م قدرتش اتحاكى معاكم انشغلت مع هاشم!
بس اللي اشتي أدرى ليش تخرجوه وعاده تااعب؟!


ابو هاشم صبر روحه: عفوا أستاذة لمياء، زيما قلت لش هاشم ابني افعل مااشتيي، وبعدين انا رجال مشغول م بش معي خوات واخوتي مشغولين من عيجلس مع هاشم في المستشفى؟! بزيته عندي عسب اعتني به انا احسن من المستشفى!


لمياء تنرفزت: الله يعني تشتي تقنعني أن شغلك اهم من ابنك؟ وبعدين كيف تشله عندك وزي م قلت محد يقدر يهتم فيه؟؟ يعني هكذا والا هكذا م بش حد يهتممم عاد في المستشفى به أطباء وممرضين؟! يفعلوا شغلهم اي اهماال هذا؟!


ابو هاشم بسرعة: اييووة م بش حد يهتم بس لو اتززوج واحده تحب هاشم عينحل!!


لمياء بإستغراب: كييفه؟! ومن م بيحبش هاشم؟!


ابو هاشم: هذا هو المطلووب؟؟ تقبلي تكوني ام لهاشم؟!


لميااء..؟!
.
.

الجدة بعصبيه: انى انتتت م افعل بك ي ابني هكذا يتحاكوووا؟! م يصلحش خبرك هذا؟!


ابو هاشم ببرود: ليش ايش فعلت ي اماه؟! وهي كلامها مستفز فضروري ارد عليها!!


الجدة: لا والله م هو مستفز ولا شي، وفعلاً كلامها صدق هي ام للكل مش بس لهاااشم ايش اللي قاهرككك؟!


ابو هاشم: لاني مااشتيهاش تكون معهم، انا اشتيها بس لأبني هاشم!!


الجدة: الله يهدييك ي ابني بسس، هذا الشي كنت عتحاكيها بهداوة، وهي عتتفهم وتبسر وجهة نظرها، مش طوالي اشتيش تقعي أم لهاااشم؟!


ابو هاشم بيبسر ابنه وساااكتتت!!
وطول الطريق وهو بيفكر بالكلام، وهل هو غلطان أو مع!!؟



عند بطلتي لمياء🤍

كانت بتخطى بين الحواري لأنها تأخرت وما لقتش باصات!!
وهي ساهيييه بتفكر في كلام ابو هاشم اللي ادى لها فترررةة تفكر في الموضوع، هي من ناحييةة موافقه هي موافقه عسب هاااشم بسسس به معها شروط ولازم تفكر سوا!!


شوية الا تلتفت ع صوت صياح وضرررب، قربت من الصوت وبسرت مرة كبيرة بتضرب بنت جاهله!!


سارت مسكت الام: يوووه مالش عليها ليش بتضربيها هكذا؟!


الأم بعصبيه: فلتيني خليني عليها هذه بدعت بي كل يوم تفدج لي واحد، والا تسير تكسر طيقان الجيران؟! واليوم تجييي وينتقدوا أنها كسرت سيكلة الولد؟!


لمياء بعقلانية: طيييب بس مش هكذا ابسروا م تشتي وليش بتفعل هكذا، م هكذا عتزيد وتشرد وتتنمر وتفعل اخسسس؟!


الأم بدون وعي: اصلا هييي مجنووونه تعبببت منهااا م ازيييد افعل بها؟!


لمياء بإستغراب: كييفه؟!

@rewayatyamania المصدر الأول للروايات

عند بطلتي خولة🤍..

وصلت البيت مع خالتها واياد اللي سارت ترقده، وهي متأملة خيير ومستبشرررةة أن اخوها إياد يقع طفل طبيعي او ع الأقل يعيش طبيعي، تذكرت امها وأبوها وحسهم في البيت وتنهدت بخنقةةة وهتفت: الله يرحمهم برحمته ويغفر لهم💔


جدتها بسرتها: جي جي ي بنتي م اقلش معي لش خبر حالي!!


خولة أبتسمت وسارت لعند جدتها: هاه جدة وانا فدالكم م تشتوا؟!


جدتها: ابسري ي بنتي انتي قد كبرتي ما شاء الله وقد عتوقعي عرروووسةة، وابوش وامش الله يرحمهم، م خلوش الا انتي واخوش لوحدكم، واخوش مشو قد حملش ولا عيحميش لذلك ابن خالش تقدم لش واحنا موافقييين م قلتي؟!


خولة....؟!
.
.


عند ميرررااا🤍

قامت من النوم ع صوت أذان المغرررب تحس شي في وشها، مسحت بيدها بأهمال وقامت غلقت الستارة وسرجت الضوء وبتقبض شعرها سوا اللي انتفل وهي راقده، بس انصدمت من شكلهاااا وشها كاااااان دممممم؟!!


وبترررعف بقوووةة سحبت فاينات وخرجت بسرعةةة، غسلت وشها ومسكت ع نخرتها "أنفها" لمدة دقيقتين عسب يكف النزيف!!


تنهدت وتغسلت توووضت وسارت تصليي، وهي تحسسس بدوووااارر رأسها بيوجع وكل خليه في جسمها مرهقة، كملت تصلي ودعت الله انو يصبرها دعوتها المحببةة، بزت تلفونها ونزلت تفعل عششاااء!!!


وهي بتفعل عشاء لؤي جاااء: يووووه ي ميرررا...





📚 @rewayatyamania  🇾🇪

.

البــارت 15 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


گ تلكَ الندوب التي في روحي لن أجد، ولن تبرى أبدآ💔


وهي بتفعل عشاء لؤي جاااء: يووووه ي ميرررا قد وشش ملان دم منييينه؟!


ميرا بسرته بإستغراااب: وشي فيه دممم؟! عادني غسسلته!!


لؤي بضحكةةة: والله ابسري تحت نخرتش كيف هي؟! اكيد هذا من ضرررب ابي لش تستاااهلللي؟!



ميرا مسكت نخرتها ووو...؟!

..

..


اليوم الثاني الصبح🤍

وصلت للمدرسسةة وهي بتلهثث وتضحك في نفس الوقت صاحبتها بسرتها وبتضربها: وييين انتييي ي كلبببةةة فجعتييني عليششش عاد الناس يقلووا هاااه م انتي من مررةةة؟! مالشششش؟!


ميرا وهي بتلاحق أنفاسها: امسسس قع يوم مغامرررات عالمييي للصبح، تخيلي ابي بيلحقني عسب م اجيش للمدرسسةةة وانا هربت عليه...
وبتمسك مكان قلبها اللي بيوجعها ولا اهتمت له...
والله شششكله تووحفةةة وهو بيلحقني؟!


صاحبتها شهقت: يوووه يوووه ي ميرررا ما قد هببتي؟! ولما هربتي عليييه اكيييد عتقع لششش قتلة م قد قعتتت!!! وليش م يشتيش تجي المدرسةةةة فهمينييي؟!


ميرا بلا مبالاه: طوووززز وإذا ضرب قد تعووودت، اهم شي دراستي ومستقبلي محد عينفعني بعدين، وجي ذلحين ندخل الفصل قبل م يبدأ الطابور احكي لش كل شي!!


صاحبتها تنهدت بهم: يلا والله يستر بس!!


دخلين وميرا تحكي لها كل شي حصل أمس وايش قع، والغريب أن ميرا بتحكي لها وهي بتضحككك وكأنو م به شي ولا قع شي هل هذا التقدم حالي لميرا ام بتدهور من نفسيتها؟!


ميرا بضحكه: وهذا انا جيييت المدرسة بعد م حلف عليا ابطل وعيسحب شهادتي!!!


صاحبتها حضنتها: يوووه ي قلبي عليش ي ميرررا، خير ان شاء الله خير بس لو كنتي جلستي اليوم في البيت لما يهدأ ابوووش وهو م عيسخاش عليش!!


ميرا ببرود: ابي وأعرفه م همه الا نفسه وزلطه وابنه، وبيفعل بنا مااشتى بس مش عندي، هالمهم ذلحين ابردي لش من هذا الحُكى ويلاااا طااابوووررر!!!


صاحبتها تنهدت بضيق من حالة ميرا، وخرجين يطوبرررينن، وبتبسررر تغيير ملحوظ وكبييير من ميييراااا ومستغربه كيف في يوم ولييييلةة بتتغير؟!

@rewayatyamania المصدر الأول للروايات

عند لمياء...

قامت ورأسها مصدددع من امسسس ومن الاحداث اللي حصلت فيه!!!
خولة وأخوها، هاشم وجيته، أبو هاشم وكلامه؟! الام وبنتها؟! واخر شي الشخص المتقدم لها من قبل أخوها سميرررر؟! اللي باين أنه متحلف لها لو رفضت؟!


مسحت ع وشها تغسلت وصلت فجر اللي فاتها، لبست وتجهزت ونزلت!!


بسرت امها بتقرب الصبوح وبإرهاق: مامه، تشتوا مني شي شاسير المركز؟!


امها بسرتها وهي مبتسمه: حيا ولا اشتي شي غير اصتبحي وسيري لش الله وديعش!!


لمياء ابتسمت: مع تسلموا مااشتيش شصتبح مع جهالي!!


سمير رفع حواجبه الثنتين وبحده: جهااالش؟! هيا لا احد يسمعششش ويصدق، واتمنى تفكري في كلااامي، اليوم تردي أو غطوة الرجال مورع!!


لمياء بسرته بضبح وما ردتش: يلا ي مامه مع السلامه، دعواتكم!!


وخرجت بدون م تسمع رد أو كلام يوجع قلبها، ومستغربة كيف له اخوها قام من هذا الساع؟!
تنهدت بهم، وطلعت فوق الباص وطريق المركز اللي تحس فيه بالراحه، وتنسى همها معاهم!!


لفت لما وصلت للحارة اللي بسرت المرة تضرب البنت، بس م لقتش احد، وصلت للمركز م تبسر الا في وشها ابو هاشم وهاشم!!


ابو هاشم بإحراج من كلامه حق أمس: آسف بس هاشم ازعجني كل شوية يقول أمياء ويشتي امياء!!!


لمياء إبتسمت براحه: يوه جبره، اديه قسم م بيسلوا ع القلب الا هم!!!


ابو هاشم نزله وهي حضنته...
وبإحراج: أستاذة لمياء ولو مشو وقت بس اشتي ادرى ايش ردش؟!


لمياء انحرجت بس ردت وهي بتقوي نفسها: استاذ، كيف تطلب اكون ام هاشم، وانا أمه اصلا وثاني شي مشك داري كيف انا ولا أخلاقي ولا شي؟!


ابو هاشم بسرعة: مااشتيش أسأل أو ادرى قد بسرت اسلوبش مع هاشم يكفيني!!

لمياء: حلووو طيب اذا وافقت معي شروط!!


ابو هاشم فرح واستبشر خير: وانا موافق!!


لمياء: اول شي ادرى م هن شروطي يمكن م عتقبلش بهن؟!


ابو هاشم استغرب وسكت! ورجع رد: طيب قولي؟! ايش؟!


لمياء تنهدت: أولاً اي حين مااشتي اسير عند امي شاسير!! وعملي م شفلتهششش ولا تحاولش فيني حتى يوم العرس شاجي المركز، وأسلوبي تستحمله وتتحمله، وياليت صوتك م ترفعهش فوقي مهما كان واياً كان!! وغير هذا هاشم عيكون معي واصل!! واشتي غرفة خاصة لي أنا وييييه لاني شاكن ارقد معه!!


ابو هاشم...؟!
..

..

خولة وصلت للمركز، ودخلت إياد للفصصل وهي بتدور لمياء وين م لقيتش حد، م قد جوش الا إياد بس سارت للمكتب وبسرت المديرة!!



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البارت 16 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


لكل فرد منا قيمة لا متناهية بالنسبة لله.. نحن صغار تحت السماء وضعفاء عندما تهتز الأرض، ولكننا بالنسبة لله أثمن من أي شيء آخر...🤍🖤



خولة وصلت للمركز، ودخلت أياد للفصصل وهي بتدور لمياء وين م لقيتش حد، م قد جوش الا أياد بس سارت للمكتب وبسرت المديرة!!!

خولة: السلام، كيف انتوا؟!


المديرة بسرتها: حيا وعليكم السلام الحمد لله!!!
بكرتي اليوم!!!


خولة أبتسمت: أيوة اصلا إياد قام وقومني معه جنني يشتي يجي المركز!!


المديرة فرحت وهي بتدور في المكتب عن شي: يوووه الله يحفظه صدق جبره مااحلاه وان شاء الله يستفيد من المركز!!


خولة: إن شاء الله بس...
وبإستغراب...
بس مالكم بين ابسركم بتدوروا على شي؟!


المديرة تنهدت وبحيرة: أيوة والله أمس ميرا كتبت لي رقمها في ورقه عسب اتواصل معها ونسيت، والتهيت كامل!!!
وذلحين اشتيه ضروري!!!


خولة ذكرت أنها كتبت رقمها عندها: اسهل هوذا الرقم معي!!!


المديرة فرحت:صدددق؟! خلاص مليني لأني اشتيييه ضروري!!!


خولة بدأت تملييها واتصلت، وبعد خامسسس رنةةة جاوبت!!!


المديرة: الووووو؟!

المديرة بعدت التلفون بإستغراب: متأكدةةةة انو هذا رقمها؟!


خولة بتعجب: ايوووة والله هي ملتني ليش؟!


المديرة غلقت التلفون: ولا شي بس جاوبني رجال تقلي غلطتي في الرقم أو كيفه؟!


خولة: مع مع والله اني رنيت لها وسمعته بيرن، بس غرريبة؟! تقولوا مشو حقها التلفون؟! او هي في المدرسة ذلحين؟! وأبوها أو اخوها جاوب؟!


المديرة وهي بتفكر: مدررري يجوز!!!
وذلحين يلا سيري شغلش قد الأستاذة لمياء جت!!


خولة: الله المستعان م به شي، أيوة صح ذكرتوني أياد لوحده
مع السلامة!!


خرجت خولة والمديرة بتفكر من اللي جاوبها؟! ابوها أو اخوها؟! لو هو اخوها باين من صوته أنه رجال طبيعي؟!


عند خولة خرجت وبسرت قبالها لمياء وفي حضنها هاشم وقدامها ابو هاشم استحتتت، وتشتي تدخل الفصل..


لمياء داعتها: هاه هاه خولة جي هه؟! وينو إياد قد جاء؟!


خولة: ايوووه قدو داخل قد له ربع ساعه مورع لش!!


لمياء: يلا هوذاني جااايةةة شلي هاشم معش!!


ومدت هاشم لخولة، بس هاشم متمسك فيها: ماأهه!! "ماعةةة"


لمياء بحنان: هاشمي حبيبي سير مع خالة خولة إياد مراعي لك في الفصصل العبوا لما اجي تمام؟!


هاشم فرح: إيد؟! "إياد؟!"


لمياء ابتسمت: ايوووة إياد ي هاشمي!!


هاشم سار من عندها وسار مع خولة، وبطلتي لمياء لفت لأبو هاشم!!!

وبقوة: يعني أنتهى نقاشنا، والآن أنا فقط أستاذة لأبنك واتمنى م تتعداش الحدود، شروطي م قبلتش بهن واهم شرط واللي مستحيل أستغني عنه م رضيتش عليه انا مش موافقه، هاشم ع عيني ورأسي، وهو ابني قبل كل شي وما وافقت الا عاسبه، بس انك تشتي تحرمني من جهالي الثانيين انا ماشسمحش، يلا مع السلامه!!


ومشت بدون م تخليه يرد، وهو بيبسر بعدها وهو مجمز بيده كيف ترفضه من يقلوا لها؟! وليش هي هكذا قوية عين وبتتحاكى بثقة؟!


مسح وشه بضبح وخطي لعمله لأنه تأخررر!!


لمياء دخلت الفصل بفرحة: انا جيييتتت؟! من حبيبي؟!


إياد وهاشم نبعوا لحضنها وكلهم بيقلوا أنا!!
لمياء ضحكت بسعااادة، وفرحةةة وبدأت تلعب معاهم، لما توافدوا الطلاب وبدأت تدرسهم وتعلمهمم وتدربهم!!


وخولة ارتاااحت أن إياد بدأ يتحسسسن، وسارت مدرستها لأول مره بعد وفاة أمها وابوها، تهرب من جو وكلام جدتها اللي ضايقها امسسس...

..

..


تسررريع أحداااث...
وبعد مرررور أسبوووع كامل من حياة أبطالنا🤍


في المركز...

المديرة قامت بإستغراب: تفضلوا ادخلوا مالكم؟!


الولد بإحراج وقف وهو ماسك لأخته المشاكسه اللي مارضت تهدأ: عفواً بس زيما تبسروا كيف بتفعل أختي ولا رضت تهدأ!!


المديرة سارت لعندها وبحنان: ما للحااالية بتشااغب م تشتي؟!


البنت اول م بسرتها افتجعت بس لما بسرت حنانها استكانت وبطلاقه: ابسري اخي قلت له اشتي اسيررر العب وهو ولا رضي اداني لاهنا مش اني دارية لمه؟!


المديرة بحنان: يمكن هو أداش لهنيه عسب تدرسي صح ي.. ؟!


قاطعها: ي باسم اسمي باسم!!!


المديرة: حياك الله ي باسم!!


باسم: أيوة انا اديتها هنيه عسب تدرس بدل م تجلس بدون دراسه!!


المديرة بتحاكي البنت: وايش اسم الحلوووة؟!

البنت: اسمي صفية بس انا مااشتيش ادرس قلي له يخليني اسير العب؟!


المديرة: انتي عتسيري تلعبي بس قلي لي كم عمرش؟!


صفية: عمري عشر يعني به هنا جهال ساعي نلعب؟!


المديرة: أيوة اكيييد..
يلا جوا بعدي!!



خطيوا بعدها وهي بتحاول م تتطرقش لموضوعها "صفية" لانو باين انها عتفهم، وصلتها لغرفه الأستاذة لمييياء وبتدقه؛!


لمياء فتحت: أيوة؟؟


المديرة: هذه طالبة جديدة اسمها صفيه اهتمي فيها وخليها تلعب مع الجهال تمام؟
وغمزت لها!!


لمياء فهمت: تماااام ولا يهمش ذلحين..
ونزلت لعند صفيه..
عتجي تلعبي مع خبرتش؟!





📚 @rewayatyamania  🇾🇪

.

البــارت 17 ♡


مـلائـكـة الأرض 👼

👌🏻👇🏻 😍
📚 @rewayatyamania  🇾🇪


عمري م حقدت ع أحد وتمنيت له الشر حتى لو كان عدوي ولا عمري فكرت اتغير ع أحد الا اذا شفته تغير عليا وبطل الشخص اللي عرفته وقتها يكون م عاد يهمني وجوده👌🏻



صفية: ايوووة اشتي العب كم لي وأخي باسم م خلانيش!!


لمياء مسكت بيدها وهي مسسستغربة من الملامح هذه كأنها قد بسرتها: يلا ابردي لش من اخوش وجي معي نلعب مع الجهال!!


دخلتها ورجعت: يلا م تهميشش هي في عهدتي!!


المديرة ابتسمت : يلا تمام وانا واثقة فيش؟!


رجعت للمكتب وباسم معها وجلست في مكتبها وهو جلس مقابل لها بنظراته الحادة وشخصيته المُبهره!!

المديرة: أيوة ممكن تحكي لي عن اختك؟! لانو باين انها مش داون؟!


باسم تنهددد مسح وشه بألم ع حال أخته: اختي من الاخير مشي داون، اختي وقع لها حمى شوكيةةة ومحد داري تطور الأمر لما كانت عتموووت بس في اخر لحظه قدرنا ننقذها، وهي كانت هادئه بس الضرب اللي كان يقع لها والمشاكل خلوها هكذا وانا عجزت ع اختي ومااسخاش ابسرها هكذا ولا افعل شي!!


المديرة ع طول تذكرت ميرا وكلامها ع اخوها: طيب فهمت كلامك ولا يهمك، خلاص الموضوع عندي مع انو هذا المركز مختص بأمراض الداون فقط بس شفعل قسسسم لهذه الحالات!!


باسم فرح: تسلموا الله يحفظكم وان شاء الله تفتهن، قد بسرت تعاملكم معها وانا متأكد انها بتتباخر سريع!!


المديرة إبتسمت: إن شاء الله،
ومدت ورقةةة...
يلا اكتب بيانات صفيةةة، والرقم عسب نكن نتواصل معاكم، والباقي عنتفاهم عليه بعدين...


باسم بز الورقة: إن شاء الله...


بعد م اتفقوا، وتموا كل شي وحددوا وقت اي حين يديها!!!
وقدو خارجي م بسروا الا فتحة باببب!!


المديرة اول م بسررررتهم فتحت عيونها ع وسعهم، أما هووو مستغرررب بقوووته!!

@rewayatyamania المصدر الأول للروايات

عنـد خولةةة...

كانت في البيت م سارتش المدرسه، قشعت البيت من وإلى عاسب تشغل نفسها، فعلت الغداء وجلست تأنترررر دخلت لعندها جدتها!!


خولة بسرتها وتنهدت بضبح، لأن قد لها اسبوع من حين قالت لها بالخبر وهي بتحاول م تحتكششش وتتهرب!!

طرحت التلفون وبسرتها عسب تتحاكى...


الجدة: خووولةةة ي بنتي العناد م عيفيدششش والله م بش احسسسن من ابن خالش، وهو شاريش ابسري احنا م عندوومش لششش ولا حتى اخوش لذلك وافقي خير لش ولنا!!


خولة حاولت م تتنرفزش: جدددة الله يحفظكمممم انا مش اني رافضة ابن خالي لأسببباااب هو فيه مااااع انا...

وبغصصةةة...
عاد ابي وامييي ماااتوا كيف تسخوا تفكروا تزوجوني وتفرحوا وعاد قبرهم م نشفششش؟! هذا أولا وثانييي شي انا بنتتت معها طمووووح عالي اشتي اكمللل دراسستي وادخل التخصص اللي اشتيييه،  مااشتيشش ادمررره فهمتوا؟!


الجد دخل ع كلامها وبحزززم: شكل بنتي م قدرتش تررربيش مه؟! خليت جدتششش تجي تحاكيش وتفهمشش بس شكل راسش يابس وما بش عندنا بنات يدرسييين، ويخطين من فوق كلام اللي اكبر منهن!!
وعرسسسششش الشهر الجاي من ابن خالش ولا نقاااشش بعدهااا!!!
فلتها وخطي...


والجدة بسرتها برحمة لحالها ولا قدرت تفعل لها شيء!!!


خولةةةة...؟!

@rewayatyamania المصدر الأول للروايات

في مكان مجهووول!!

...بعصبية: هييييا ناهي لككك اسبوووع تواعدنييي عتبسر م عتفعل عتقطبنا ي خبيرررر؟!


...بضبح: انا قلت لك م تهمششش المشكلة لو م بحدهم امي وابي أن قد اديتها لك زمان ووببلاااشش بس هم مكبرررين لها رأسها لذلك رفضتتت!!
فخليني افكررر بخطةةة عاسب أقنعها واخلييها تتزوجككك غصصب!!


...: هالله اسبووع تفكررر في خطةةةة؟! ولا قدرت تدي شي عتشتحططط؟!


... وهو بيمسح دقنته: معي لككك خطةة جهنمييةة بس تسبر والا مععع، لان هي تشتي حبككةةة وإنتباااه!!!


...: يلا نوووورنا ي ابووو الافكاااار؟!


...بخبثثث:......؟؟؟؟!



لكل فرد منا قيمة لا متناهية بالنسبة لله.. نحن صغار تحت السماء وضعفاء عندما تهتز الأرض، ولكننا بالنسبة لله أثمن من أي شيء آخر...🤍


https://tttttt.me/+Ecxq_OzMYh40M2E0




📚 @rewayatyamania  🇾🇪