.

البـارت 104 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ضحكت حلا بقهر وقالت: طلق وشل عيالك اني خلاص ضبحت منك ومنهم

صدمه ! لا لا هيه بس معصبه لازم استفزها من مكان حساس ومن مشاعرها

قلت: طيب بس لازم تعرفي ان قبله بتكون امهم وما يمانع يمكن يوم من الايام يقولوا لها اماه او يمكن وتعرفي الصدق مرة الاب تكون قاسيه

ضحكت بصوت واطي وانا اسمع تنفسها وساكته

استغليت الوقت وقلت: وانا لازم مااجلس اهتم فيهم معي شغل واذا انتي مصره ع طلاقش مني انا بطلق مع اني اشتيش ترجعي لبيتش وعيالش بس خلاص دام مصره ع طلاقش ماعندي مانع انا مااذل نفسي واترجاااش معش يومين يا ترجعي يا طلاااق وانتي فاهمه وعاقله


سكت ع امل انها ترد بس هيه ماتكلمت وانا غلقت الخط

يااارب تنفع الخطه يكفي مااقدر اخسر حلا واخسر قبله
.
.


قمر*

صار المغرب والنسوان كلهن روحين ولا بقي احد الكل اقتشط🙂

دورت ع امي وسهر وسارة وسماء وقبله قالين بيروحين شفتهن معبيات مسكت سارة من يدها وقلت: انتي خليش بنسهر عند ورده

سارة التفتت ع امي عشان لو موافقه وامي قالت: لا سارة بتروح انتي قدهم اخوانش اجلسي اما سارة بتروح

اني قلت: يمااااااه ليييش خلييها تجس

قالت امي وهيه تشل عدي من سهر: خلاص اجلسين وبكره الصباح تعالين يله بنات

شفتهن خرجين مع امي وقبله تمشي بدلع مدري حسيتها مريضه قلت بخوف: قبله مالش

التفتت وكان وجهها احمر قالت: دوخه بس يله استمتعين بوقتكن بااي


خرجين وانا وسارة جرينا لغرفة ورده اللي فيها ورده و بشير هههههههه

جلسنا نسمع من عند الباب واجت عمتي عيشه ونتعتنا بشعرنا وكان عيونها حمر اني كنت ببكي وسارة قالت: عمه هههههخخخ احنا اقصد احن


قاطعتنا عمتي وسحبتنا وقالت: لقد تزوجتين بتدرين ايش يقولوا مش تتسمعين الصبر يابنات

اني ضحكت و سارة تبلع ريقها دخلتنا امخدم وقالت: وانتي ياسارة استحي ع عمرش تتسمعي مع ذه امهبلا انتي ياسارة بيجي عادل يعقد عليش وتتعرفي ع ايش يتكلموا

قلت اني وانا اضحك: ههههههههه لا ياعمه لقده هيه ماتشتي تشتي تعرف من قبل صح ياساره وغمزت لها والبنت انحرجت وعيونها يتوعدين عليها لو كان عمتي مش موجوده بتدخلني في فرن الشوله
.
.

ورده *

هههههه اول مادخلنا اني رجيلي ما شاليني خجلت مره اول مره احس اني اخجل من بشير كان شكله حلو وعيونه حلوه جلس جنبي وقال: مبررروووك لي بش

قلت بخجل وصوت واطي: الله يبارك

ضحك وقال: قولي ومبروك لي بك ايش الله يبارك


اني كنت بموت من الخجل قلت بلقوة خرجت الجمله: مبروك لي بك


مسك يدي وقال: ورررده مالش مقفيه مني التفتي


اني كنت ادعي اني اموت والا تنشق الارض وتبلعني يااالله قبل قليل كنت فرحانه اننا بنكون لوحدنا بس الآن لا يووه متى بتخلص النص ساعه ويخرج

قطع افكاري وهو يقول: اوووه طيب تستحي يعني صح وما تقدري تعينيني اوك بحاول استوعب لحظه ورده عاد لما جيتي عندي بالمشفى كنتي ماتستحي غير البيت طبعاً وغيرها وغيرها ههههههههه ع اساس الآن تستحي مني يله لا تمثلي التفتي عليه اشتي شوف جمالش


اني كان ودي الطمه باالعصير اللي قدامي والا اشوه وجهه بالملعقه الشوك يعني مصر انه يخليني اموت في ديمي يوووه يا


قاطع افكاري وهو مصدوم وقال: بتشوهي وجهي بملعقه الشوك

اني التفت عليه وهو ضحك وقال: قلتيها بصوت عالي يعني من صدقش تستحي هههههههه


ضحك بقوة واني بلعت ريقي وقلت: بشير والله ماني قاصده اقول...


قاطعني وقال وهو يكتم ضحكته: طيب خلاص انا خفت اخرج ووجهي مشوه عاد زواجنا بذا الاسبوع وتشتيني اتشوه

اني ضحكت وقلت: كنت امزح

قال وهو يقرب مني: تعرفي بيكون احلى تشواه

اني بلعت ريقي وهو باسني بخدي وقال: مابتطعميني جاتو


اني وجهي حمر والتفت ع ايدي وما عرفت اشيلها واقطع وهو ضحك وقال: مالش كذا يابسه

اني التفت عليه وقويت قلبي وتحركت وقطعت جاتو وسويت له بصحن صغير ولقيته اياه وهو شله وضحك وقال: ع اساس انش ماذبتي صح


اني قطعت لي وحطيت رجل ع رجل وقلت: لا ما صار شي لا تصدق نفسك

هو ضحك وقرب مني واني حنبت الجاتو بحلقي وهو قرب وقطع من حقتي واكلها وشل الصحن من يدي وحطهن وقرب سحبني من كتفي وحط شفته ع اذني وتمتتم بكلام خلاني اموت حياء


بعدني وقال: احبك والله


اني ماقدرت اتحرك وهو ضحك ع وجهي وقال: ليش خدودش حمر

اني بلعت ريقي وسكت وقلت بقلبي (يووووه يارب تكمل النص ساعه)
.
.


قمر*

بعد ماسحبتنا عمتي جلسنا نشرب قهوة معها واجت هناء وشروق يشربين معنا ههههه ضحكنا ع ورده اللي ماطلعت من الغرفه


بيجي قليل الا وبشير طلع ونحنا نضحك عليه اني قمت وجريت وراه وقلت: بشيرو


هو بس وقف وماالتفت لانه يستحي من بنات عمي هناء وشروق مع انهن اكبر منه بس مايقدر يستحي فديته قلت: مبروك

التفت عليه وسحبني بيدي...




📚 @rewayatyamania  🇾🇪

.

البـارت 105 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


هو بس وقف وماالتفت لانه يستحي من بنات عمي هناء وشروق مع انهن اكبر منه بس مايقدر يستحي فديته قلت: مبروك

التفت عليه وسحبني بيدي لما المخرط الباب الخارجي و ماد يشوفنا ضحك وقال: ليش بتمسي هنا صح

اني قلت: ايوه يا قلبي باجس عند ورده طيب بشر ايش حصل هاااه وغمزت له

حك خورته وشعره وضحك ع جنب وقال: عادش صغيره

قلت واني اضحك وامشي من قدامه: ورده بتقول لي كل شي

قال: لا تضبحي بزوجتي

زوجتي ! هههههههه


التفت عليه وقلت: ماشاءالله ع زوجتك بالله يابشير كيف شفتها


قال: تجننن والله واحلى من الحلى كله واحلى مخلوق شفته


قلت وانا اضحك: اووه لا تخلينا نستحي ع العموم انا شيكتها


جزع من عندي وخرج وكاني هبلا ع الاقل بيمدحني كنت بزبط الباب وطارق وفريد دخلوا


فريد: قمر


اني بخوف: هههه انا اقصد كنت


طارق ضحك وقال: كنتي بتزبطينا ادخلي ادخلي ايش مخليش هنا


اني دخلت وانا العن نفسي


سارة و رهف دخلين امخدم يهديرين ودورت لـ فله وهناء وشروق صححح دخلين عند ورده


اني دخلت شفتهن جالسات يضحكين وورده وجهها احمر


جلست وقلت بلهفه: ايش حصل

البنات وبضحكه: فات عليش القطار

يووه قلت: ورده ايش حصل

هناء: مالش دخل عادش جاهله


ع العموم جلسين يتهابلين عليه ولا قالين لي شي من الضحكه حقتهن ذه جلست محانقه شفت الكل خرج بقيت ورده تراسل بشير واتصل بها وعينتني وقالت: ايش معش لاطيه هنا اخرجي


اني ضحكت وقمت وقلت: ردي بسمع ايش تقولوا

هيه دقتني بشنطه صغيره ورجعت دقتني بمخده اني خرجت وماقدرت امشي من الضحكه شفت ساره جالسه ع المصبه تضحك مع رهف رحت وجلست معهن وقضينا وقت يمكن نص ساعه ونحنا نتكلم التفت ع ورده وهيه تأشر لي بتعالي واني قمت ورحت وقلت: يامحسن امحامله ذي

سحبتني ودخلتني امغرفه وقالت: تعالي بنهرا لنا قليل شلش منتي

قلت واني اجلس: والله عادش عفطتيني (طردتيني) قبيل

جلست وقالت: يه كنت اتكلم مع بشير ع العموم قده بيتعشى وبيروح وكنت بقلش لو يعني بتقومي تكلمي عيال طارق اخوي يجيبوا لش اندومي اقصد لنا امدومي

قلت وانا ابتسم: عادش ذكرتي يله يله هاتي الفين والا ثلاثه

خرجت من شنطتها الفين وقالت: ولا بزيد ريال


شليتها  خرجت ع طول كلمت واحد من عيال طارق وراح امدكان قليل وجا ومعه كيس شليته ودخلت امغرفه وقلت: اسمعي انتي اطيتيني الفين حقت امدومي باقي عندش بطل وشطه

التفتت عليه بكذا (😳)

قلت: لا تستغربي جيبي الفين ثانيه يله

جلست مفتحه عيونها وقالت بعد ما رمشت مرتين: نعم

قلت: نعم الله عليش هاتي اللي قلت


قالت وهيه تمشي باتجاهي: ياقمر مالش انتي بتشتري بألف بطل والف اندومي منين لي الآن جيب

قلت: من نخرش من قال لش تشرطي يله طلعي الفين قلت

البنت انصدمت مني وقالت: مافيش مفلسه شوفي

اني بضحكه وقلت بكمل عليها دام مصدومه قلت بصوت يخوف: جيييبي الفين يا ورده

كانت تمشي والتفتت عليه وقالت: من صدقش ماشي ولا ريال اقلش

دخلت سارة وقالت: مالكن

اني عقدت حواجبي وقلت: من قال لش تشارطي الان باقي بطل وشطه خرجيها من عيونش

سارة جلست ترمش ببطء وورده حاطه يداتها ع خصرها وتعيني بقرف واني قلت: لا تعينيني كذا هاتي من فم ساكت

قربت لي وخرعتني بيدها في راسي وقالت: موتي ولا معي ريال

اني انفجرت ضحك ع سارة لان عيني حطت بعينها وضحكتني وقلت: مالش ياسارة

قالت: مالش انتي ع ورده قلت يمكن بتضاربين
.
.


سهر*

روحنا ولما نزلنا من امسيارة شفت قبله تدوخ قلت: مالش ياقبله

التفتت عليه وقالت: لا ولا شي

مشت ودخلت امبيت انا مشيت وقلت: يله مالي دخل

اول مادخلت شفتها جالسه مع امي في امصاله استغربت لانه مش من عوايدها تجلس مع امي جلست انا وبعد ما خلست عبايتي وشفتها قامت وع طول سقطت في الارض

امي بشهقه: ياااالله مالها

اني جريت ومسكت بيدها وحاولت ارفعها وابني عدي هرب من الفزع وعلاوي خرج وشعره منكش شكله كان نايم وامي وراي تبكي وتقول: مالها مالها مالها

اني اشرت لعلاوي يجي يشل معي وهو ع طول اجا وشلها وهو يقول: حلو انها ماخلست عبايتها بسرررعه يابه اطلع امسياره وسوق بوديها امشفى


(معقول فيها مرض خطير لانه يبان من عيونها انها تعبااانه مرره لدرجه كبيره حتى لما كنت مع اخوها اقصد كنت متزوجه اخوها كان شكلها حلوه واحلى من كذا واما الآن تغيرت 180 درجه حتى نحفت واستودت وصار عيونها كبار ويخوفوا يارب مايكون اللي افكر فيه صح لازم اتأكد من نفسي)


التفت ع امي وهيه تتصل وقلت: بمن تتصلي

قالت: بعلاوي بعلاوي يمكن حصل شي لمنسانه يارب سترك

قلت وانا اجلس جنبها: مابيردشي عليش لانهم عادهم طلعوا الآن وين تبيه يرد

امي سكتت مني وجلست تتصل واني قمت دور ع ابني وين رجع دورت في امغرف و...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 106 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


امي سكتت مني وجلست تتصل واني قمت دور ع ابني وين رجع دورت في امغرف واخر شي غرفه علاوي دخلت وحصلته تحت امقعاده ورجيله طالعين ضحكت عليه وقلت: بيجيه مرض من امفزع ذي يعمد فيه يارب استر ع ابني نتعت رجيله وطلعته وحضنته وقلت: فزعت

قال: همه ايث حثل له(عمه ايش حصل لها)

ضحكت ع كلامه وقلت: ولا حاجه بعدين استحي ع كلامك قدك كبير قول عمه

شليته وكنت بخرج بس لفت انتباهي دواء مطروح ع اتسريحه رجعت وشليته وطلعت من امغرفه ودخلت غرفتي انا واخواتي وجلست ع القعاده ومديت ابني ينام واني قمت شليت تليفوني وصورت الشريط والقاروره وطرحت تليفوني ورجعت غرفه علاوي وحطيت امدواء وطلعت ورجعت لتليفوني و دقيت بحث و بحثت ع النت ايش من دواء ذا و

صدممههه؟

سرطان!
.
.

سارة*

الساعه 9:00 م

اتصلت باامي وقالت ان قبله داخت وشلوها امشفى مااهتميت وقلت تدلع وبعد نص ساعه كلمت قمر وشفتها خايفه وقلت: ليش تخافي قدش ماتحبيها

قالت: سارة ماركزتي عليها كانت تعبانه من لما اجت

ورده: تعبانه

قمر: ايوه حتى ماجلست معنا سوى ولما سألتها قالت دوخه

ضحكت ورده وقالت: لا تشلين في نفسكن يمكن ماهن(بس) حامل

حامل؟

التفت ع قمر وقلت: وحلا

ورده باستغراب: ايش وحلا

قمر: تقصد يعني حلا بتزعل

ورده: ع اساس مهيشي مرته اقلش خليها تزعل لو تحبه بترجع ولو تزوج عليها ذا مش عذر

سارة: صح لو حلا تعقل وترجع حتى لو تزوج هيه لازم تجلس وفي بيتها ما تتهابل وتسوي نفسها م....


قاطعتني قمر وهيه تضحك وقالت وهيه تتمدد: اسمعين لو عادل و بشير خطبوا غيركن


اني سكت بس في شي داخلي يقول لاا مستحيل اعيش


التفت ع ورده وانها تقول: ويتزوج والله لجلس فوقه وفوق طبينتي واخرج نفسه واذلحهم واروح بيت ابوي


ضحكت قمر وقالت: لانش ضامنه انه مابيتزوج عليش بس تخيلي يا ورده تخيلي تزوج هاااه


ورده وجهها حمر ودقت قمر بالمخده وقالت: كلبه والله لخليه يتمنى الموت لو تزوج


اني ضحكت وقالت قمر: انتي شي تخيلتي


اني سكت وقمر قالت: اووه يمكن عادل يتزوج لانه مايبان يحبش

اني ع طول بكيت وقلت: الا

ورده التفتت بصدمه وقمر ضحكت وقالت: مالش بكيتي امزح والله اصافطش

ورده: بكت؟

قلت بحنق: لو مايحبني ليش يخطبني

دخلت هناء ع اخر كلمه وقالت: ايش عيدي اللي قلتي

قمر جلست وقالت: نجحت لنا شروق الاندومي

هزت راسها هناء بايوه واشرت لي وتقول: مالها ؟
.
.


تركي*

روحت وامتديت ع قعادتي وكلمت عمي نايف قال انه في امشفى معهم مرض خفت تكون قمر يارب لاا

اتصلت بقمر ع طول من خوفي عليها
.
.

قمر*

كنت في امخدم مع شروق خرجت انجح معها حسيت بجوالي يهتز طلعته وماشفت الاسم لاني كنت اكلم شروق

شروق: تحبي تشربي امرق حقه

قلت واني افتح الخط واضحك: لا ايش من مرق ههههههه ياااااع مقززز

هناء: والله يعجبني خليه لي ياشروق

قلت واني اخرج من امخدم: وجع وجعش يا هناء امسقمه

قلت بصوت عادي: الو

تركي بضحكه: ههههههههههههههههههه خلاص اطمنت يله باي

وغلق اني استغربت وقلت: ماله يضحك وايش اطمن.
.
.

تركي*

قمر امجنونه حتى عند اعمامها ما تبطل جنان ضحكت عليها وامدديت اشتي انام واخر صوت اسمعه يكون صوتها هيه
.
.


عادل*

دخلت ع امي وقلت: كيفش يمه

قالت: الحمدلله مالك انته

جلست وقلت: يمه عندي لش موضوع بكلمش فيه

قالت بخوف: حد من اخوانك حصله حاجه والا من اخو..

قاطعتها وقلت: لا لاا يمه بكلمش في موضوع يخصني

اتنهدت وقالت: ايش من موضوع

قلت: يمه اشتي اتزوج بنهاية هذا الشهر

ضحكت وقالت: يوم المنى طيب بكلم بوك يكلم الجماعه ونشوف ايش بيقولوا

ابتسمت وبست راسها وقلت: تسلمي لي

قالت: والله نيتي شوف عيالك قبل الله يشل امانته

قلت: الله يطول في عمرش تشوفي عيالي وعيال عيالي ان شاءالله

ابتسمت وانا طلعت ودخلت غرفتي انا واخوي الصغير امتديت فوق القعاده وقلت: يااارب عينني ع هذا الشهرر

اخوي بصدمه: مالك

التفت عليه استغربت انه صاحي وقلت: مالك دخل نم

قال: ع العموم امين

قلت: راجع وانته ساكت والا نم احسن
.
.


زياد*

كل ليله ماتروح من مخيلتي عيونها احبها بكل مافيها حتى عادل صايحني وقال بطل تحب مرة اخوك بس ايش اسوي واصلا تركي بيطلقها يارب يا تكون لي يا انزع حبها من قلبي

قهرت وقلت: احبها والله ومش بيدي

قال لي: بس هيه متزوجه

جلست من فوق القعاده وقلت: حتى احبها تقول تركي بيطلق

شرب ماء وحط القلص من يده وقال: مدري واذا لا ايش بتسوي

قلت: بسافر

قال: انا بقلك ايش مادام قلت تركي يحب قمر وتزوج بنت عمه اللي انته تحبها وعشان ينتقم فهذا معناته بيطلق مادام قد انتهى كل شي حتى عمه مات

سكت قليل وقلت: وانته عادي عندك اذا تركي يحب قمر

قال: عادي عندي مافيش مشكله

قلت: ويعني اقصد لو احد ثاني كان عصبت




📚 @rewayatyamania  🇾🇪

.

البـارت 107 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قلت: ويعني اقصد لو احد ثاني كان عصبت

قال: ههههههه لا عادي مادام يحبوا من قلب نظيف عادي واصلا انا بصف قمر واشوف حبها لتركي في عيونها وخاصه اليوم لما قال عمي نايف شافك دخلت ومعك دكتور وهيه خافت ع تركي يكون حصله حاجه

قلت بابتسامه: شادي والله انته طيب مع اني بقلك اسراري بس انته ما تفكر بخبث او تنزعج

قال شادي وهو يجلس: تعرف يازياد اليوم او الصدق قبل ساعه ونص سعفوا زوجة علاوي والمصيبه انهم مايعرفوا بمرضها

جلست وقلت: ليش ايش فيها

قال: الخبيث
.
.

بالمشفى*


علاوي*

ابوي: الخبيثثث

قلت وانا احط يدي ع كتف ابوي: يبه

حول يدي ابوي وقال: من متى


الدكتور مشى من عندنا بعد ما قال (الخبيث سيطر عليها ويمكن تموت ماباقي لها الا القليل تجلس بالمشفى لما الله ياخذ امانته)


انا نزلت راسي وجلست ع الارض وقلت: مدري

ابوي حط يده ع كتفي وقال: خلي ايمانك قوي ياابني بروح امبيت واكلم امك واخواتك


مشى من عندي وانا نزلت من عيني دمعة حرقت خدي اااه تروحي ياقبله بعد مافكرت نعيش مستقبلنا وحياتنا مع بعض كذا وبذي البساطه اصلا ليه اشوفش ليش احبش ليش اخطف ابنش وادخل نفسي في عذاب انا مااتحمله عذاب حبش وعذاب تروحي وتخليني بعد ماملكتي كل اللي فيني اااااه يارب رحمتك بتعب بغيابها والله مالي قدره
.
.

حلا*

كل اللي قاله لي علاوي ظل يتردد في اذني انا لازم ارجع لبيتي وعيالي واصلا غرفتي مادخلت فيها قبله قالت قمر انها مصنجه ع ماهيه عليه يارب ليش حاسه ان علاوي محتاجني حاسه انه بحاجتي من اول وانا بحس شي بداخلي بيقلي علاوي يووووه يارب خلاص بكره برجع بدل الدلع ذا و الطلاق اصلا الطلاق مااشتي اطلق لانه حياتي كلها مع علاوي مستحيل افكر انفصل منه هو كل دنيتي حتى ولو قهرني بزواجه بظل احبه صح ماببين له اني لسى احبه بس مع ذلك مابتركه
.
.


سارة*

دخلت امخدم وشفت قمر جالسه تعين تليفونها قلت: خير قموره

التفت عليه وابتسمت وقالت: خير خير مافيش حاجه

جلست وشفت هناء تسحق شتني قلت: بتخلطيه قد اماطور لاصي

هناء: لا طعم حق امسحقه يجنن

جلست وصرفت لي قهوة وهمست في اذن قمر: صدق مالش

قالت: مدري احساس غريب

غريب؟

قلت: يمكن لان قبله بالمشفى

قالت قمر: طيب حد اطمن عليها والا اتصلتوا والا شي

قلت: لا والله اتصلي بعلاوي بكلمه

قمر فتحت تليفونها ع طول رن باسم (حبي سهر🖤 )

ردت قمر وقالت: هلا

سهر: وينش الآن حد عندش

قمر باستغراب: ايوه

سهر: طيب وين سارة

قمر: عندي

سهر: هاتي بكلمها

قمر: طيب

اني قلت: ايوه

سهر: اطلعي برع بكلمش

استغربت كان صوتها يرجف

خرجت وقمر لحقتني وبنات عمي مستغربات مني ووورده لحقتني


لما عند امنيمره ذي في بيت عمي وجلست تحتها وقلت: سهر

قالت: الآن لوحدش

التفت شفت ورده وقمر يووووه منهن طابزات وفضوليات قلت: ورده وقمر معي

قالت: مش مهم طيب اسمعي تخيلي شليت دواء من غرفة قبله وعلاوي وصورته بالنت بحثت عليه طلع تخيلي ايش طلع

اني بخوف: ايش

سهر بصوت باكي: طلع حق مرض الخبيث

اني سقط الجوال من يدي وقمر شلته وقالت: طلع ايش

سهر: طلع الخبيث

قمر ببكى: حق علاوي والا قبله

سهر: مدري يمكن حق قبله

قمر ببكى: يارب يارب الا اخوي يارب

نتعت ورده امتليفون وقالت: حرام عليش حتى لو قبله الله يشفيها

قمر واني: آمين يارب

ورده: الو سهر تأكدي لو حق من واوبهي اذا روح عمي رياض اعرفي مالها وليش سعفوها ضروري نعرف مابنطمن الا لما نتأكد طيب

وغلقت


بعد نص ساعه

هناء: يووووووه جعلي اموت صدق لفيته سهر

شروق وهيه تشرب قهووة: الله يشفيها ماشي لها بطى متزوجه علاوي يمكن يا سارة انها تزوجت وهيه داري بمرضها

سارة: مدري والله ماعاد درينا ايش

ورده: اعتقد انها قدها عارفه من قبل

قمر: الله يشفيها والله نفسي اطمن عليها
.
.

سهر*

اجا ابوي وخرجنا انا وامي وسألنا قال: الخبيث بها ويمكن تتوفى بذي اليومين


امي صاحت واني شليت ابني ليفزع ع طول دخلت غرفتي وقلت: بيدرموووا ابني والله بيموت عليه من كثر ما يفزعوه شليته وقريت عليه اصلا ماانصدمت من ابوي يوم قال الخبيث قدني عرفت والله ومن قبل اتأكد من الدواء اااه يارب سامحني جرحتها كثير اااه ياقهري ع علاوي بيجنن اصلا يحبها عمي ماشفت بعيونه نظره لحلا زي مايناظر قبله اوه صدق من قال ماتحسوا بقيمته الا عندما تفقدوه ااااه لازم اتصل بقمر

اتصلت ومن اول رنه قمر: الووو

قلت: ماالان تأكدنا الخبر صح وقالوا يعني الله لا يقول ماشي لها وقت

هنا ماسمعت غير صياح البنات كلهن: يالله ... الله يشفيهاا... يوووووه ... يارب...

كل وحده كلمه وقلت: قمر كلهن عندش


شروق: سهر سهر متى عرفتوا وليش هيه من قبل مريضه والا ايش

قلت: مدري بس ابوي قال...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 108 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


شروق: سهر سهر متى عرفتوا وليش هيه من قبل مريضه والا ايش

قلت: مدري بس ابوي قال انها مالها وقت كثير وامي برع تبكي خليني شوفها وبكره بنتكلم


غلقت لاني مالي نفس اتكلم بكيت ع قبله بحرقه مستحيل انسى اني ظلمتها وجرحتها مع اني انا لما كنت زوجة اخوها ولا مره جرحتني زي ماانا جرحتها اااااه يارب اهى اهى اهى اهىىىىىىىىى اهههىىىى ياقبله
شفت ابني يمسح دموعي وابتسمت له عشان مايخاف ونومته في حضني وعيوني ماوقفين دموع
.
.


قمر*

لاعاد سهره ولا عاد اندومي ولا بطل ولا ضحك ولا شي ماغير كلنا نبكي وندعي لها ياالله كيف تغيرت الاحوال عادنا كنا نضحك والان نبكي يااااه استغفرك يارب ياالله عيننا ع طاعتك واشفي لنا قبله صح اننا غلطت عليه يمكن زعلتها بكلمه كلمتين لكن يشهد الله اني ولا مره فكرت اكرهه والله حبيته وقلت زي ما احب حلا بحب قبله اااه وذا علاوي اتصل عليه مايرد


يمكن مقهور يارب ارحمه واهديه و عينه ووفقه واحفظه لنا واحفظ لي اخواني واخواتي وعمامي وعماتي واخوالي وخالاتي وكل من احب وتركي ياالله احفظه لي ولا تحرمني منه اااه الله يرحمش ياخاله ام محمد شكثررر اشتقت لها


جلست فوق القعاده افكر بايام زمان اللي ماترجع
.
.

أخي ‏وكأن اللّٰه وضعك بقلبي ليُريني جمال الحياة بِك ♥️♥.



علاوي*

التفت ع امخرط حق امشفى شفت بشير جاي باتجاهي

قمت ونفلطت معوزي من افحس شفته قرب وحضني وقال: ماتخاف ان شاءالله خير


حضنته بقوة وكأني ناظر احد يجي يطبطب عليه بكلمه تريح قلبي خرجت كل اللي بقلبي بانفعال وقلت: والله العظيم احبها يابشير وانته عارف يااارب ماتموت والله حياتي بدونها ولا شي


حط ايده ع ظهري وقربني له وقال: ادعي لها ادعي

سحبني بعد ما بعد من حضني وجلسني عنده ع الكرسي وقال: ابوي قالي بكل حاجه

مسحت دمعه نزلت من عيني وقلت وانا اسحب هواء: ماكان لازم يقلك ويخرب عليك فرحتك و..

قاطعني وقال: عيب والله ياعلاوي انته اخوي لو ما وقفت معك بوقف مع من لو ماسندتك وكنت معك بأصعب لحظه متى تشتيني اكون معك

ابتسم وقال: ايوه مابتروح تنام

قلت وانا امسح عيوني بيدي: لا والله ماابيجيني نوم

قال: طيب حتى قليل نص ساعه وبثورك

قمت وقلت: بدخل اطمن عليها انته روح اذا تشتي

اشر لي باروح


انا رحت ودخلت امغرفه ودخلت وغلقت امباب  شفتها ممدده ع السرير قربت لها وحطيت يدي بيدها وقلت: ليش تكذبي عليا وماقلتي لي انش مريضه والله كنت بعاتبش لما روحتي من بيت عمي رياض بس انتي ماخليتيني حتى عاتبش ليييش تخبي عليا ترضي عليا انقهر آسف ع كل مره جرحتش فيها انتي بيوم وليله غيرتيني واحتليتي عقلي وقلبي وبذي البساطه تموتي وتخليني والله بتعب بدونش والله قوووومي ياقبله انتي قويه واكثر من كذا


مسكت يدها وبستها وانا مغمض عيوني وقالت بصوت تعب: علاوي

فتحت وحطيت يدي ع راسها وقلت: ياعيونه وقلبه

قالت بتعب: عملت اح عملت معك كذا وخبيت عنك لاني شفت فيك الرجال الشهم واشتي ابني يتربى معك.... سكتت وكملت وهيه تسحب هواء: اشتي ابني يكون يتربى ع ايدك انا كمان حبيتك..... تعرف ذاك المره لما شفتك تكلمني من وراء الباب

قلت بحزن: اممم

قالت: ذاك اليوم تمنيتك تكون ابو ابني وزوجي لاني مامعي احد وانته عارف ابوي رفضني ورفض ابني وناصر ومحمد مابيدوموا لي ومرضي سيطر عليا مامعي غيرك وانته حبيتني وربي رزقني بك وانته عارف طليقي ابو ابني مريض نفسي وما بيربي ابني التربيه الصالحه ولا بيرتاح ابني معه وانا خايفه ع ابني اني اموت واتركه وانته طلعت بطريقي وانا خفت اخبرك بمرضي وماتتزوجني لذلك خبيت عنك لعل وعسى ماتعرف ولعلي اموت وماتكشف انته مرضي بس هه انته شايف كيف كشفت وعرفت واشتي اطلب منك طلب... ابني يكون جيزه من عيالك حتى ولو مش ابنك يكفي تربيه وتكبره بين يدك ويكون مع مع حلا ايوه اشتي حلا تربيه وتسامحني اني كنت انانيه ومافكرت بها ودخلت حياتكم وخربت بيتكم بس والله العظيم كانت نيتي بس

قاطعتها وانا احط يدي ع لقفها وقلت: منتيشي اللي انانيه حلا هيه الانانيه وانتي بتعيشي وبتربي ابنش لوحدش مافيش داعي لذا الكلام

سكتت بس نزلت دموعها ياريت فيه ولا فيها

مسكت يدها وبستها وقلت: بتظلي انتي مستقبلي وحاضري مستحيل احد يدخل بيننا ولا حتى حلا بتكوني انتي معي لاخر نفس وما بيسير لش حاجه


قالت بتعب: لا في ذمتك ياعلاوي ترجع حلا لو مت وتعتذر منها عني وتقول والله انها ماكان نيتها تسوي لش شي وانها تسامحني اهى

قلت بألم: مابتموتي يارب ماتموتي لا تقولي كذا ياقبله والله تقهريني




📚 @rewayatyamania  🇾🇪

.

البـارت 109 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قمر*

كنت مبتسمه ع ذكريات خطرت ببالي تبعنا انا وتركي يووووووه يارب لو كان ترجع لنا ذاك الايام هههههه

جلست من فوق امفراش وشفت سارة وهناء نيام وجنبي الثاني شروق وورده كمان فوق نايمه ع امقعاده
(تركي ايش يخليه يضحك ويقول اطمنت )

ضحكت ع تفكيري وقلت: هبلا نامي

امتدديت ونمت
.
.

يووووم جديد ع ابطالنا كل صباح يحمل لهم حكايه جديده حزن فرح ألم وقهر وسعاده كل منا ينال المناسب واللي كتبه له الله له الكل لازم يتأقلم مع حياته سواء كانت مؤلمه او مفرحه او حتى وسط لا فرحان ولا موجوع طبعا بالنادر بيجي احد يفر لك وله يكون حزين


قام الفجر صلى ورجع روح البيت من المسجد دخل شافها جالسه مع اخته تشرب قهوة ضحك لانه عاده الفجر وش يقيمهن يشربين قهوة ذا الوقت قرب لهن وجلس وقال: صباحكم

قمر وهناء: صباح النور

شادي: بالله ايش مقيمكن تشربين قهوة الآن شكلكن منتيشي سواء

ضحكت هناء وقالت: قمر قامت وقالت انها ركدت كتلي قهوة وانت جيت اتشوه معها وانته من اين جيت

شادي: اسكبي لي ماهن لو طلبت

هناء: طيب

سكبت هناء لشادي وقمر تلعب بتليفونها جزعت ام شادي ودخلت امخدم وقالت من داخل: ولا بتنفعين لو كان عجنتين معكن اما امهره طزز بابوها و امهرا بتجلسين له

شادي بضحكه: هههههههههه

قمر ناظرته بمعنى اسكت: وجع

هناء: بشوف بنتي قامت كنه هيه ذي تبكي

قامت هناء وشادي قال بهمس: شي شفتي تركي؟
.
.

قمر*

كنت العب بتليفوني ولفت انتباهي لا لا صاعقه حطت ع راسي اول ماسمعت كلمات شادي وهو يهمس: شي شفتي تركي ؟


يوووه التفت عليه ويبست بقعتي بلعت ريقي بصعوبه وقلت بتمثيل: ايش ذا الكلام وين بشوفه يعني

قال بابتسامه ع جنب اليسار: اقصد لما رحتي تجيبي ثياب انتي وسارة


يوووه شافنا والله شافنا يووووه ايش ذي الورطه يووويلييي تستاهلي هذه نهايتششش هذه نهاية جنانش يا لطم لما تموتي ياشنق ياحرق


قال شادي وهو يهز كتفي: مالش تشنجتي بس سألتش

اني بكيت وقلت: وي و وووءء وينءء شفتنا


قال: انسي يله اسكبي لي قهوة

يوووه اني ع طول سكبت له ويدي ترجف وقلت: لا شكلك فهمت غللط انا مارحت بيت تركي


قال بابتسامه: يمكن فهمت غلط وضحك

اني بلعت ريقي وقمت وهربت غرفة ورده


ورده كانت نايمه وسارة كمان وشروق تصلي يوووه تأخرت بصلاتها وذي هناء ترضع بنتها ابتسمت لهن وجلست وقلت: هنااء هنووو هن هن

التفتت عليه وقالت: مالش

قلت: شادي يعرف اني رحت بيت تركي

قالت بخوف: يعرف وانتي ليش تروحي شفتي آخرتها الله يشلش ياقمر الله يلعنش انتي وجنانش يا...

سارة فتحت عيونه وقالت: قمرررر ايش تسوي من ابش

اني بكيت وقلت: هنو بليززز مساعدتش كلمي شادي مايحكي لابوي والله بيموتني قولي له قالت قمر تجي تلبجها لما تموت ولا تحكيشي لعمي نايف هاااه

هناء اتصنمت قالت بعد لحظه: يعني خلاص

قلت ببكى: ايش خلاص اقلش عرف هو يا شافني ياحد ثاني شافني

التفت ع سارة وهيه تلطم وجهه بقوه وتقول: انفضحتي ياحيوانه ياكلبه يا$@$#, ياويلي ياويلي وااااه ياويلي

قلت بخوف: ساره يكفيني ذي فيني

هناء لطمتني في كتفي: وانتي ايش وداش ياكلبه

اني بخوف: كذا اطمن

لطمتني مره ثانيه وقال: ليش تطمني

وشدددت ع اسنانها ومهستني في فخذي واني مااحس بشي لاني خايفه قلت: عند الله وعندكن

التفتت لورا ع صوت ورده و شروق: كشفووووووششش


قلت: يه يه يه يااااااه كشفوني ومن شادي الكلب

هناء وهيه تحط بنتها ع امسوفه: عاده اشكل شادي بيتفاهم معنا اما لو علاوي والا اخواني الثانين والله بيذبحوش


قلت بصدمه: يذبحوني ليش ايش سويت غلط انا كل اللي سويته رحت بيت تركي  ليش بيت تركي كبريه والا مرقص وانا مش عارفه🙂💔

قالت شروق: يلعنش ياكلبه

اني لطمتها بمخده وقلت: وين تليفوني بكلم سهر والا سماء اختي

سارة: سماء روحت بيت عم زوجنا ولا هيه داريه وين نودش

اني بكيت وقلت: طيب قومين كلمين شادي لا يودينا في داهيه

ورده وهيه تممدد: طيب خليه يحكي لهم يمكن يجبروها تتزوج تركي لانها حلفت تندمه وماتتزوجه

هنا البنات جنين وقالين: اااايييش؟

اني: ههه اصلا ههههه هو الآن اقصد

هناء: قومي يا شروق بشوف شادي


قامت شروق وهناء وخرجين وانا جلست ابكي: يووووه يااارب


سارة: يخربش من بنت ثولا ولا تفهم بقرة ايش يخليش ذاك اليوم تروحي

مارديت عليها وقالت ورده: عادي مش مهم المهم شادي من اين عرف

اني ببكى: مدري

ورده: الله يستر لو قالوا لبشير والا علاوي بيموتوش

طلعت لي قشعريره وقلت: اسكتي الله يشلش يكفي لا تزيدي عليه

سارة اجت وحضنتني وقالت: يارب ماحد يعرف انتي متهوره كثير

اني بكيت وقلت بصوت عالي بس مش كثير: الله يشلك ياشادي يامنحوس ياكلب كيف عرفت اوووه ياجني

ورده: احم احم

ساره: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 110 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


اني بكيت وقلت بصوت عالي بس مش كثير: الله يشلك ياشادي يامنحوس ياكلب كيف عرفت اوووه ياجني

ورده: احم احم

ساره: وايش معش تحم حمي

ورده: مله اخونا ههههههه ع الاقل احترام


اني طلع لي عرق وفي خورتي وقلت: اخوش ياكلبه انتي وياه وش من اخ منا اصلا اخته لعاد جا اخ


ورده كتمت ضحكتها وقالت: خلاص سكتنا ماشي يطلع لي معش لانه اخوش كمان
.
.

بعد ساعتين انا جالسه وفي حضني بنت هناء اللي اسمها ذهب وساره وورده يتفرجين في تليفوني صور امعقد والفيديو ذي رسله لي بشير

دخلت شروق وبعدها هناء وقالت هناء: ماشي والله قال انه مابيحكيشي واصلا انه عارف بحبكم

اني بقهر: عارف ياغااارتاااه ياافضيحتااااااه يااااااالهووي يااخرابي يااامصيبتي يااااااافضيحتيييييي ايش عااارف ايش تقولي ياااارب ان عندي خلل في امسمع عيدي ايييش قلتيييي

هناء بابتسامه: عااارف انكم تحبوا بعض ومابيحكيشي واصلا واثق فيش


اني ع طول انكرفت ع امسوفه واعمل حالي مدوخه

شروق: هههههههه

ورده: ساعتين وقال ذي الكلمتين


هناء لا لا في ذكرت هناء تذكر ايش حصل معها


شادي: بقلكن اصدق انا داري ومن زماان بس اتعامس وآخر شي راح تركي تزوج بنت عمه وخلاها وبعدين عرفت انه بس يشتي ينتقم وامس بالصدفه اجيت شل شاهي للضيوف وقفت عند باب غرفه ورده وسمعت مقصوفة الرقبه

شروق: من قمر

شادي: ومن غيرها واحزري ايش تقول

هناء: ايش

شادي: نعم ماتذل نفسها وانها شافته امس وانه لو طلق والا لا انها مابتتزوجه وبتخليه يندم ومن ذا الكلام والمسكين ذا اخو تركي اقصد صاحبه اسمه زياد يحب زوجة تركي اللي اصلا ما انزفت عليه وزياد عاشقنها ويشتيها بس مش داري كيف هل تركي بيطلق والا لا وهنا المشكله لو طلق تركي بتكون فرحة لزياد وذه الحماره قمر بترفض لذلك اشتي امسك عليها شي وكأني شفتها تدخل امبيت واقلها لو رفضت بكشفها خليها تتعلم ما تضيع الحب من يدها قال بترفض قال اصلا انا عارف بقصتهم من زمان ومن وعاد ام محمد حيه

شروق بصدمه: وماعندك مشكله ؟

شادي بابتسامه: لا ليش مشكله مادام حبهم طاهر وتركي مايعيبه شي

هناء: والله مصدومه طيب ايش بتسوي

شادي: بقول عادي مابحكي وبسكت ع اساس مش مهتم بس بعدين بهددها اذا رفضت تركي اني بكلم ابوها وهيه مسكين بترضى انا مااستغلها انا لازم اجمعهم يكفي كل مره عداوه مع بعض

شروق: هههههههه شادي تصدق والله مصدومه اول مره شوفك تتكلم من عقلك

شادي وهو يجلس: والله اتكلم من لقفي كيف اتكلم من عقلي

هناء: يعني انته خلاص ما بتحكي لعمي

شادي: لا ليش احكي كم مره قلت مابحكي

هناء: مله عادني مش مستوعبه

شادي: عمرش مااستوعبتي بس اشتي ذا تركي يطلق ههههههه اول مره اقول اشتي فلان يطلق المهم اشتيه يطلق عشان ذا زياد مستحي يكلم تركي

هناء بضحكه: هههههههههههههه يعني الآن في احد يقول لحد طلق مرتك بتزوجها يااخي تعيش وتشوف

شروق: ههههههه وبعدين ذا زياد ايش خلاه يحب زهرة ع علمي شفتها في موته اقصد في خبر بشير لما قالوا مات كذب

شادي: مش مهم المهم انه حبها وهيه مش متكبره بعض الظن اثم يا شروق

شروق وهيه تحط رجل ع رجل: لا والله خشمها في امسقف وهيه تمشي كأنها ماخلقت الا هيه

شادي: انهشين في لحمها تفداكن ذنوبها

شروق بصدمه: وانته تدافع عنها

شادي: والله اتقين الله ابنت مادبه وشهدت مع زياد وعادل ضد ابوها ووقفت ضد اخوها وابوها وامها ووقفت مع قريتنا ودافعت عن الحق وانتين مكانكن خبث

قام وخرج وهناء وشروق بلعين ريقهن



الحاضر

قمر: طيب كل ذا الوقت تكلمتين ذي الكلمتين

هناء: قال مابيحكي لعمي خلاص انسي اللي سمعتيه منه وكأنه ماتكلم معش

قمر: طيب هاه شلي بنتش الكلبه

هناء سحبت بنتها من حضن قمر

ورده: شفتين فيديو العقد

هناء وشروق: لا

ورده وسارة: تعالين

ورده: شوفين محلاه امحريووو فديته

الكل: ههههههههههه
.
.


علاوي*

اجت امي وسهر وبشير

سلم عليه بشير وامي وسهر دخلين عند قبله من اليوم وقبله مافتحت عيونها ابدا ماعاد اتحمل اللي شوفه يااارب عونك بقلبي سألت الدكتور وقال (تودع الحياه) ايش من تودع الحياه طيب وسعادتي تودع معها وضحكتي معها وكل شي تروح معها اذا راحت


قلت لبشير وقال: قوي قلبك يا علاوي ايش ذا انته مش ضعيف

قلت بقهر : الا ضعيف عند اللي احبهم ضعيييف جدددااا يا بشير


بشير تنهد بألم: يااخي ودع امرك لله ربك كريم يااخي طيب واذا ربي بلاك مابتصبر والا ايش ،،، اصبر الانبياء دي قدهم انبياء ربي بلاهم بمصايب اختبرهم في عيالهم وصحتهم وصبروا ع قضاء الله وحمدوه وشكروه وربي بيجبر قلبك بعيالك وصحتك يكفي انك عشت معها بباقي ايامها


ابتسم لي وانا قمت...


https://tttttt.me/rewayatyamania/50722




📚 @rewayatyamania  🇾🇪

❤️

بارتات يومنـا الثلاثـاء👆🏻😍

.

٨ قصص وروايات مكتملة للكاتبة عائشة جسار هنا👈🏻😍👉🏻

.

٦ قصص وروايات مكتملة للكاتبة ياسمين أحمد 👈🏻😍👉🏻

.

البـارت 111 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قلت بقهر: الا ضعيف عند اللي احبهم ضعيييف جدددااا يا بشير


بشير تنهد بألم: يااخي ودع امرك لله ربك كريم يااخي طيب واذا ربي بلاك مابتصبر والا ايش ،،، اصبر الانبياء دي قدهم انبياء ربي بلاهم بمصايب اختبرهم في عيالهم وصحتهم وصبروا ع قضاء الله وحمدوه وشكروه وربي بيجبر قلبك بعيالك وصحتك يكفي انك عشت معها بباقي ايامها


ابتسم لي وانا قمت لاني مش طايق اسمع كلمه خرجت من امشفى ورحت لي السوق مش عشان شي عشاان ارتاح نفسياً مع اني عارف ما برتاح بس كذا... حمدت الله ع كل شي وفي اي شي حمدته سرآ
.
.

قمر*

وع طول طلعنا من بيت عمي رياض اني وسارة وخرجنا ع بيتنا الحمدلله ما بيكشفني شادي يووووه ايش عرف والله مقهوره من نفسي

التفت ع ساره اللي تكلمني وتقول: امي وسهر وبشير وعلاوي وابوي والكل الامه في امشفى وين بنروح احنا

قلت بخوف: شي قالوا شي عن قبله

سارة: لا والله يابوش

مشينا ومشينا خطوه وراء وخطوه قدام وطرنا زي الطائر امزح امزح هههههه تحمست معليش وصلنا البيت واني فتحته ودخلنا كان كل البيت مبعثر تنهدنا اني وسارة وخلسنا عباياتنا ورفعناه عظمه عظمه اقصد قربوع قربوع لما خلصنا وكنست اني امغرف وسارة امصاله وامطبخ


بعد ساعه جلسنا ع قلصين قهوة و سارة تتصل بسهر

اني قلت واني ابعد القلص من شفتي: ردوا

سارة تعيني وهيه ساكته

اني: ردوا هاه ردوا

سارة اشرت براسها بلا

اني: والآن ردوا

ساره حطت امتليفون وقالت: لااااا ماردوووا وبعدين معش

اني سكت وشليت امقهوة ونشفت منها وقلت: والآن

سارة ع طول خرعتني بمعلقه ذي كنا نحرك بها امقهوه

اني قمت وقلت: يووووووووه منش خلاص ما بتكلم....


قاطعني صوت سارة وهيه تقول: ايوووه سهرر .... احنا بالبيت ...... وصحتها ..... لاحول ربي يشفيها......

ع طول سارة بكت اني قربت منها وقلت: هاه ايش حصل

اخذت امتليفون من يد سارة وحطيته ع اذني وقلت: سهر

سهر بصوت رايح من امبكى: هاه قموره

قلت: كيفها قبله
.
.


تركي*

ايش القصه من امس ولا حس ببيت عمي نايف مش من عوايدهم

بعد كم دقيقه شفت قمر وسارة ع مااعتقد دخلين البيت
قلت: شكله في شي ذي الايام ماتعرف جارك حي والا ميت

اتصلت ع بشير ورد: ياهلا من معي

ههههه من معي ياحيوان قلت: تركي

قال: هاه ياهلا بك وسهلا والله مافضيت ازورك وانته عارف بظروفنا

قلت له: حياك وابقاك طيب مالكم حد حصله شي ولا علاوي من امس مش موجود ولا انته ولا حد في شي كلموني والله رقبتي لكم واذا محتاجين مساعده والا شي ماتستحوا مني بخدمكم انتوا طول حياتكم ماقصرتوا معي ولا مع امي و....


قاطعني وهو يتنهد ويقول: ماتقصر والله فديت البطن اللي جابتك رجال ابن رجال بس والله ياتركي تعرف قدك زوجة علاوي الثانيه تعبانه بالخبيث

الثانية؟ والخبيث؟

قلت باستغراب: الثانيه

قال: ايوه ايوه لما كنت مريض تزوج بالثانيه ومريضه الآن دعواتك

قلت: الله يشفيها طيب لو محتاجين شي كلمني والا والله بزعل


ضحك وقال: طيب ان شاءالله قدني بروح الآن وبشوفك ماشفتك من زمان

قلت: ان شاءالله مستنيك


بعد ما غلقت جلست وقلت: ثانيه ياعلاوي هههههههه سبحانه استغفرت اني اضحك والحرمه بين الحياة والموت
.
.


زياد*

ع طول خرجت من الصباح شفت عادل جاي ومعه غنمه ضحكت وهو عصب عليه وقال: ع طول ضحك مالك والا مربوش وانا مش عارف

قلت وانا امشي جنبه: صباحك

عادل: صباح النور

قلت: وتركي زرته

عادل: لا ليش وش به

قلت: طيب ما تكلمتوا هو بيطلق والا لا

عادل التفت عليه بغضب وقال: زياااد بطل جنان بطل ايش بطل اييش قلت

سكت منه وقلت بعد صمت: مله احبها

قال: زياد ياخوك بطل والله حتى ولو تحبها بتظل بنت عمه وزوجته وانته مالك دخل فيها لو قد طلقها وخلاص انته تجي تطلبها اما كذا لا لااسمعك تقوله ثاني مره

تنهدت بتعب وقلت: مله ليش عادي لو هو ما يشتيها يطلقها

عادل: زياد ياخوي اقلك البنت متزوجه ومن تركي يااخي اتق الله مش تركي زي اخوك والبنت زوجته طيب انته ايش خلاك تحبها

قلت: من الله يا عادل من الله حبيتها وبعدين انا معك بكل كلمه هيه زوجة اخوي وصاحبي وصديق عمري وانا ما غلطت ولا شي انا بس حبيتها وهو اصلا تركي ما يشتيها


عادل: الله يعين ولو هيه من نصيبك بتجيك ولو بعد حين

قلت: ان شاءالله من نصيبي


التفت عليه وابتسم وقال: ان شاءالله
.
.


تركي*

طلعت من امبيت جلست برع ع حجر كبيره قليل متعود اجلس عليها ظليت ملتفت ع بيت عمي نايف جلست اشوف وانا ساكت (هل قمر بتظل تحبني زي اول ام ان المشاكل و زواجي نقص من حبها لي)



📚 @rewayatyamania  🇾🇪

.

البـارت 112 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قمر*

قلت: لا حبيبتي والله عندش امغداء انا امس عندي

سارة وهيه حاطه يدها عند خصرها: لا والله يا قلبي امس عندي انا

لحظه ؟ (😹💔) امس تغدينا عند عمي رياض


جلست وانا ماسكه ضحكتي وقلت: امس تغدينا عند عمي رياض وكان اميوم عندي يعني ماليششش دخل عندش اليوم

سكتت قليل تستوعب وقالت: طيب وانتي ايش بتسوي بتجلسي تلعبي بتليفونش وانا الاطم داخل امخدم

قلت بابتسامه: ايوووووووه

قالت بقهر: والله مايجوز وبعدين عمي رؤوف بيجي الآن وبيعاركش لو بسرش جالسه

قلت: طيب طيب انتي نجحي امغدا وانا بصفي امديوان

دخلت وهيه تقلي: والله لو ما صفيتي لقوم لطمش لما اخرح ذي في قلبي في قلبش



انا اول ما دخلت تمديت ع الارض وفتحت الوتس وجلست اراسل لورده وضبحت رجعت دخلت ع رقم سماء وراسلتها قليل قالت نعم عند بيت عم زوجها وانهم ناس ونعم فيهم ومن ذا الكلام قمت خرجت من عندها ودخلت جروب جلست ارد ع الرسائل وضبحت لما مرت نص ساعه غلقت النت وقمت دخلت امديوان و ربطت املثمه ع خصري ولفيت شعري ورفعت جلابيتي لعند ركبتي وكنست امديوان وبعدين رحت جبت بالدي ماء وغسيل و بديت اشطفه وامسحه وحطيت اغاني ع تليفوني وانا بديت شغل الشعوذه هههههه واتلفف مع ذاك امكنسه اللي فيها شعر عندنا يقولوا لها موب ع العموم تلفلفت معها بالديوان كلها وارقص لما جعني راسي اخر شي بعد ما صفيته شغلت امروحه لما جف ورحت جبت سود وحميته ع اشوله جنب سارة اللي تسحق شتني وبعدين شليته في مجمره وسويت بخور ودخلت اديوان وع اساس مشعوذه واقول: هووووووو ايه الجن اذهبي اذهبي واحضري لي اممممم ايوه احضري سارة بشعرها


ساره من امخدم: ياكلبه قولي بسم الله لا يجين صدق


اني : هههخخ

قمت حطيتها ع الارض وقمت العب بشعري الله لا يوريكم شكلي وكذا بصدفه رفعت راسي


*صدمه* لا لا مصيبه

كنت ببكي والله عيوني دمعين يووووه ايش سوي اني ع طول شليت نفسي وهربت


جلست بالمخدم

سارة التفتت عليه وقالت: مالش؟

قلت بخوف: شافني واني اتهابل

سارة بضحكه: من رؤوف

اني ببكى: لااا تركي

ساره ضحكت لما سقطت بالقاع: ههههههههههههههه وين شافش هههههههههههه لا تقولي لي هههه نسيتي الستاير مفتوحه هههههههههههههخخخ


اني كنت ببكي الاااا بكيت يوووه كيف نسيتها مفتوحه والحمار ذاك ليش برع بيته في الشمس يوووه منه بيدخل يا هبلا المفروض تشوفي الستاير يوووه ايش من مصيبه لمصيبه
.
.


تركي*

مااخفي عليكم كلمة ضحكتني ولا شي انا لو بالبيت والله لضحك لما اودع الحياة من الصدمه ههههههههههه كنت مااشتي احرجها وادخل بس هيه رفعت راسها لما قمت انا وشافتني وانا ابتسم ع طول هربت انا دخلت والضحكه ماوقفت مني ع حركات معها هههه هبلا وكمان ع اساس ساحره والدخان ومدري ايش وشعرها اللي نكشته لو احد شافها بيجنن هههههههه صبرك يارب عاد انا اشتي اتزوجها لو كل يوم بتكون تسوي كذا انا بنتحر


*(استوووب: اني كل يوم شوف اختي تسوي زي قمر وماانتحرت والامور سابره تركي يزيد بها 😹💔)*


تركي وهو يجلس: عاادل تعال

عادل: مله اقلك امغنم مع زياد وانا اساعده

تركي: طيب روحها لايش راعي الآن طيب لحظه كم الساعه كم 10 ونص ايش من ضبح يله ماليش دخل روحها وتعال عندي انته وزياد امبيت فاضي وانا ضبحان لوحدي


عادل: طيب طيب حاضر الآن نص ساعه وانا عندك

تركي: خمس دقائق وانته عندي

غلقت الخط وامتديت ياالله تعب وين الراحه ووين انا كل يوم ع نفس الروتين لازم اغير وابدا من بكر بكون اروح اشوف عمارتي اللي ورثتها من ابوي واشوف كل املاكي وابدأ بتأجير العماره اووو لا لا ابدا ابيعها ايوه ببيعها وابيع ارضي وابيع كل شي وابني لي محل ملابس كبير واشتغل فيه اااااخ طيب مادريت ايش اسوي لازم اسوي محل عطور والا لا لا محل ذهب ايوه محل ذهب لا لا لا لا لا تركي سوي محل عطور ايوه محل عطور اوووف مدريت ايش خلاص بسأل الاخوه زياد وعادل يساعدوني لو مافيش خراج باجر العماره واريح راسي واذري ارضي واتزوج قمري😌
.
.


بعد ساعتين

علاوي*

روحت من امسوق شفت ابوي وامي وسهر مروحين وبشير وين


قلت: يبه وين بشير

قال: مدري خرج اول

دقيت ع رقمه ورد: الو

قلت: وينك

بشير: مع عمي رؤوف

سمعت رؤوف يقول: عمك هاه طيبب

قلت: وين كان رؤوف من اول

بشير بضحكه: اقلك والا اخليها مفاجأة

قلت: قول

رؤوف: خلاص بشير

بشير: الاخ اقصد العم خطب ومن تحداك

قلت بضبح: من

قال: ريما خالتي هههههههه ياخي بموت

قلت بصدمه وانا اعين ابوي اللي عاقد حواجبه: كذاااب طيب كيف طيب جدي وافق اقصد قد رفضوا يعني كيف

بشير: الصدق عمي سلمان هو راح تكلم معهم وجدي وافق وخالتي مدري والله هيه موافقه مدري جدي

قلت بسرعه: ...




📚 @rewayatyamania  🇾🇪

.

البـارت 113 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


بشير: الصدق عمي سلمان هو راح تكلم معهم وجدي وافق وخالتي مدري والله هيه موافقه مدري جدي

قلت بسرعه: ان شاءالله مابيصير الا ما كتب الله لنا طيب بكلم امي واتصلك انته الان وين


بشير: والله عند بيت تركي والآن شايف عادل وزياد جايين باتجاهنا يله باي

وغلق

وانا التفت ع امي و قلت لها بكل شي وهيه قالت: غريبه وليش مايتصلوا بي

ابوي: خير ان شاءالله طيب انا ايش ليش ما كلمني رؤوف

سهر: ورؤوف وش يشتي منها والله لو مكانه لو ذبحوني ما بتزوج واحده رفضتني وكم ٧ مرااات ٧ مررررات يا علاوي لو هو حمار ليش يخطبها والله انها ما تسو.....

قاطعتها امي وهيه معصبه وتقول: نصيببب يا سهر نصيبك لو وسط البحر بيوصل لك وبعدين انتي ايش خلاش تتكلمي ع خالتش


قلت انا: كلام سهر صدق ما تستاهل ريما تتزوج رؤوف اللي نزل كرامته وخطبها عدده مرات

ابوي: وانتوا ما لكم دخل وانتي يا سهر معي لش كلام في امبيت


سهر*

اول ما سمعت ان ريما وافقت ع رؤوف لااا ذي صدمه بنت امها وابوها صدمه كبيرره يوووه عادني كنت بزوجه واحده من امقريه حلوه وطيبه احلى من خالتي ريما وتسوا ريما وجذورها انا صح احب ريما واعتبرها بمثابة اخت وصديقه بس مش لدرجه ترفض عمي رؤوف اللي كل بنت تتمنى منه نظره واحده وهيه رفضته كثير وتعب وهو يتردد عليهم


بس بعد الحديث مع الاسره الكريمه اخر كلمه سمعتها من بوي وهو يقول: وانتوا ما لكم دخل وانتي يا سهر معي لش كلام في امبيت


ع طول طلعت لي قشعريره عارفه انا عااارفه والله ايش بيتكلم (شهاااب) هذا كلامه يا انا اوافق يا ارفض يوووووه ماعرفت ايش اسوي مامعي غير افكر من هنا للبيت

شليت عدي ابني ومشيت وراء امي...
.
.

ورده*

بعد ما اتصلت بقمر وقالت لي ان قبله تاعبه كلمت امي قالت بتروح تزورها وفله قالت بتروح مع امي اما رهف قالت: ماليش دخل اني ولا قد اجت عندي اني مارحوشي عند وحده ما تجيش عندي بلا بلا بلا

تقول حد قال انها نفاس والا بتسوي عزومه ولا حاجه ذيييي مريضه ع فراش الموت ورهف تتهابل يله الله يسامحها

اني بعد ما دخلت غرفتي اتصلت بـ بشير كلمته قال انه مع رؤوف وتركي وقلت له: عمي رؤوف معك طيب هو وين كان مختفي ذي اليومين

بشير: حبيبي الآن انا مشغول بعديييييين كلمش

قلت: طيب طيب براحتك

وغلقت الخط بعد ثواني رسل لي (ماتزعلي مني والله معي شباب بعدين بفضى وبشرح لش كل شي طيب حبي❤)


ولا اهتميت ع اساس زعلت واني كل الدنيا ماتسعني من الفرحه رؤوف خطب الآن بتقولوا من اين عرفت ههه قمر قالت لي ان سهر كلمتها وقالت لها بس الشي الغريب والسؤال اللي محير امة لا اله الا الله (خطب من ) بعد ماخرجت قلت: يمه عمي رؤوف خطب

امي: خطب ؟

هناء: رؤوف ؟

فله: لو كان قبله مش مريضه بحجر طيب بشري خطب من

شروق وهيه جالسه تأكل عيالها بطاط: بالله خطب ؟

قلت واني اجلس: خطب بس مدريشي من

امي: من قال لش

هناء: من اين عرفتي

انا: قمر كلمتني وقالت لي نعم سهر تقول انه خطب بس ان الخط انقطع وعادها مافهمتها القصه و الآن كلمت بشير قال ان رؤوف معه ،، اما من خطب فاكيد ماشي غيرها ذي ريما

امي: اوش يبا منها رعي تاليها من بنت تدلع وقد ياما رفضته لكانه يجي عندي بخطب له احسن منها واحسنين

هناء: لا ريما طيبه ولو وافقت عليه والله حنجلت(فرحت) معها رؤوف الـ** مش حي الله ذا رؤوف

اني ضحكت وقلت: يمكن مش ريما


بذي اللحظه دخل شادي ليث  وقال

شادي: احم احم

فله ورهف تلثمين وسانين املثمه سواء

هناء: اهلا

شادي: ايش تقولين

امي: رع رؤوف خطب

ليث: مبروك من وين خطب

شادي بابتسامه: خطب اخت عمتي شمس

انا وامي وهناء وليث ورهف وفله وشروق: خطب اخت عمتي شمس ؟

شادي وهو يدخل امخزن: ايوه مدريش ايش اسمه المهم امس خطب

امي وهيه تحط يدها ع راسها: وهابوي مانا معي عيال الله يصبرني عليهم مايقولوا امحاجه الا لما قدنا نعرف من غيرهم عاد هذا شادي بااااارررد ولا همه شي


ليث ضحك ودخل واني قلت بضبح: طيب مادام عارف ليش يسكت ولا يقول

امي: خلاص بدوخ منهم عيالي مدري من اين جوا مدري من هم ولا كأني امهم يقولوا عاد معنا ام بنقول لها كذا والا كذا والا هاه يمه رعي حصل كذا وكذا مش يخلوني اعرف من غيرهم عاد ذا امكلب شادي اخس واحد في عيالي

هناء: ابووووي عادش ولا شفتي حاجه يمااه ذا شادي ماشاءالله تبارك الله يعرف المخبى واللي مايعرفه احد وغمزت لي

اني فهمت وامي قالت: ايش عاد كملوا عليه

شروق: وش حولش منهن يماه ماهن يتهابلين

امي قامت قالت: بشوف امرق وانتي يا ورده عيني امكبسه

اني: لا والله يمااه انا حريوه وقد هناء جالسه خليها تقوم

هناء: الله الله الله من الان بدينا

اني: لو مابدينا من الآن متى تبينا نبدأ وابتسمت بخبث


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 114 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


شروق: والله يا ورده صبتيها يله قومي ياهناء ورده حريوه والا ماتسمعيشي

هناء قامت وقالت: خلاص بقوم بنسايرش الان لانش حريوه

اني ابتسمت ونتعت ذهب من فراشها وبستها بقوه وهناء تقلي: دلا دلا ياورده

ورده: جعلي اموت محسن امكلبه ذي محسنها اووووووه محسن شعراتها ذالا امقصار امسينات اوووه امووووح
.
.

سارة *

قمر جلست عند امكبسه واني خرجت امديوان اشوف بشير ورؤوف ماحصلتهم وسمعت صوتهم من عند بيت تركي شفت امستاير مفتوحه وغلقتها وغلقت امطاقه واني مستخبيه شقها شفت عادل وبشير ورؤوف وتركي وواحد كنه ذاك اللي يقولوا عليه زياد مدري مااعرفه اني بس شفته مره بالمشفى لما ذاك مره شافني عادل ههههه يوووه ماانسى ذاك اليوم اللي حسيت الموت اهون عليه وهو بس اللي حصل انه شاف وجهي اما ذي قمر شافها تركي تلعب شعوذه هههههه ياويلي كيف احساسها لو تشوفوها الآن ولا كأنه حصل معها شي جالسه تلعب بتليفونها طبيعي تماتيك نسيت


شفتهم يضحكوا وعادل ماسك بكتف ذا زياد ويقول: والله حلووو طيب ايش رأيك نسوي زواجنا مع بعض انا وانته ورؤوف

لحظه زواج وانا وانته ورؤوف
بجنن متى اتزوج اني يارب خير ذا مايستحي


قمر: ايش تسوي

اني نقزت وقلت: بسم الله بتجيبي لي جلطه

قربت واتشفت معي وقالت: ايش يسووا كلهم

قلت: مدري والله

قالت: تقولي من خطب رؤوف

قلت: خالتي ريما من عاد

قالت: متأكده

قلت: مش متأكده اني داريه انه مستحيل مستتتتحيل يتزوج غيرها

قالت وهيه تعين من امطاقه: والله مش مرتاحه لها ريما ذي صح انها خالتي واخت امي واحترمها واقدرها واعزها بس رؤوف انرفض من جهتها عدة مرات مش حاببه له يرجع يطلبها

قلت: اي والله كلامش صح بس انا اقول يعني الواحد هو ونصيبه يمكن هيه له من اول بس عارضت عارضت لماااا لان قلبها والنصيب يذوب الحجر

التفتت عليه وقالت: طيب طيب خلينا من ذا اموضوع اقلش سمعت عادل يقول لـ بشير ورؤوف بنتزوج بيوم واحد هههه

ضحكت وقلت: عادش عاجبه والله صدق من استحوا ماتوا


التفتنا ع ورانا شفنا ابوي دخل سارة يبست وانا بسرعه نتعتها من اطاقه وع اساس انفل استاير واسانيهن وسارة جالسه تعين ابوي ع اساكت وابوي قال: السلام عليكم ايش تسوين هنا

اني: وعليكم السلام

شفت سارة ساكته مهستها وقالت: عليكم عليكم السلام هههه احنا ننظف صح قمر

قلت: صح صح

ابوي جلس وقال: جوا بشير ورؤوف

سارة: ي

اني قاطعتها: لا ماشفناشي حد

ابوي: يمكن هنا والا هنا طيب اخرجين ودعين لي سهر بيت كلمها


خرجنا اني وسارة وشفنا سهر جالسه واني جريت لها وقلت: سهر بوي يباش

سهر بخوف: ط ط طيب طيب

قامت وقالت لي: اوبهي لـ عدي ليروح يعطل والا شي الآن باجي


يوووه مالها

سارة وهيه تجلس: مالها فازعه تقول بتروح حرب

امي: والله ابوش يبا منها رد ع شهاب ايش ذا البطء لو ما تشتي الولد عيب تتأخر عليه كذا


شهاب؟

انا وساره التفتنا ع بعض بخوف قالت امي: والله لو توافق لها احسن وتتزوج وتسرح لها بجنب رجال ماحد بيدوم لها تتمطط كذا وتبطل ذي امهباله

سارة بهمس: بترفض الهبلا


انا قلت: ترفض والا لا هيه حره وذه حياتها تسوي اللي تشتي

امي: عقلش امناقص وش تسوي ذي تشتي ،، لا بنتي ماحد بيدوم لها اخوانها كلهم بيتزوجوا وانتي بتتزوجي وساره كمان بتتزوج،،ولا واحد بيدوم اما بتحصل لها رجال وتتزوج وتسرح لها بجنبه وابنها يرجع لـ ابوه يوم يومين ويرجعه لها وهذه اذني اقطبيها لو ماضبح ورجعه لها،،،وهيه تعيش حياتها وبتجيب لها عيال والحمدلله شهاب تزوج وطلق ولا معه من مرته الاوله عيال ولا شي وطلق ايش عادها تشتي وشهاب رجال يشد في الظهر ،، خسرانه لو رفضته والله خسرانه
.
.


سهر*

دخلت ع ابوي وانا ارجف قلت: سلام

ابوي: اجلسي

جلست وانا خايفه

قال لي: سهر انتي عارفه ايش اشتي منش وعيب نخلي امعاقبه (الولد) يتوحا لش متى تتكرمي وتردي عليه ،،، يابنتي لو انتي تشتيه هزي براسش بيه والا لا ،

سكت ورجع كمل: واذا ما تشتيه وماشي نصيب بنقله ماعندنا لك حريوه ويسرح يدور غيرش عيب ارباطه هذه صابر وصابر عليش وانتي مارديتي خبر ،،، سهر شهاب رجال والله وسيد الرجال ولا يعيبه شي وابن عمتش ومحترم وانتي تعرفيه وتعرفي عمتش وكل شي ماشي داعي اشرح لش


سكت وعيني دمعت وقال ابوي: طيب عيني

رفعت راسي وقال: سهر عارف انش خايفه ع ابنش بس ابوه خليه يشله واتزوجي انتي وابنش والله وهذه رقبتي خرجيه مني وانا ابوش باجيبه لش من راس ناصر ذاا

ابتسمت وقلت: ماناشي موافقه مشتيشي اتزوج


ابوي سكت قليل وقال: طيب براحتش اهم شي راحتش وهذا بيت ابوش ولا تهمي وشهاب بنقله ماشي نصيب


ابتسمت لابوي وقمت بست راسه وخرجت شفت قمر وساره التفتين عليه وجين جري


دخلت امغرفه ودخلين اخواتي وراي وغلقين وامي اسمعها تقول: ...




📚 @rewayatyamania  🇾🇪

.

البـارت 115 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


دخلت امغرفه ودخلين اخواتي وراي وغلقين وامي اسمعها تقول: يه يه فرين دااااريه بش ياااسهر رفضتي
.
.

قمر*

غلقت امباب وقلت بقهر: رفضتي ياهبلا

سارة: سهر


التفتت علينا وقالت: ايوووه رفضت ويله افتحين الباب واخرجين عيب تغلقين قدام امي يابلا ادب


سارة فتحت وخرجت وغلقت بقوه وسهر نذقت نفسها ع امقعاده وانا جلست جنبها وقلت وانا احط يدي ع كتفها: ليش ؟

التفتت عليه وقالت: كذا

قلت: ذا جواب ياسهر اقلش ليييش ؟

قالت: ماشي نصيب بالقوة يعني والا ايش

قلت: ماتحبيه انتي

قالت: مااحبه

قلت: ليش تكذبي

قالت وهيه تلتفت عليه وتحول يدي من كتفها: مااحبه ياقمر مااحبه

وبكت ؟ يعني تكذب !  هيه تحبه


قلت وانا احضنها: طيب ليش ترفضيه

قالت: كذا مضغوطه والله مخنوقه خنق ما اشتيش اتزوج ولا اشتي امحن نفسي واحرم ابني مني

قلت بحزن: طيب براحتش براحتش
.
.


علاوي *

خرجت الدكتوره بعد ما فحصتها وقالت: مرتك تعبانه جدا اني اسفه بس والله حالتها حرجه للغايه يمكن الله لا يقدر

مشت من عندي وانا دخلت جري غرفه قبله


وشفتها وكان حالتها تسوء اكثر

خرجت واتصلت بابوي

وقلت: الو يابه امنسانه تعبت عليه ايش اسوي ايش رأيك سفرها تعز وعالجها


وقال بفزع: وين تشتي تعز رع لا بحاول اامن لك فلوس وشلها مصر

مصر؟

قلت بحزن: وين يابه وين قدها بتموت والله ماتحيا

قالي: اذكر الله احنا بنسوي اللي علينا واللي كاتبه الله بيصير

قلت: ونعم بالله طيب متى اروح

قال: لا بتروح انته وبشير

قلت: لا لا لا بشير زواجه ذي اميومين والا نسيت ياباه

قال: مانسيتشي بس بناجله مادام معك مرض

قلت: لا يابه صعب سفرها مصر والله صعب طيب شوف انته يعني كيف كيف بسفرها وهيه كذا تعبانه

قال: علاوي كلم الدكتور انته وشوف اذا بنقدر نسوي شي

قلت بحزن: طيب طيب ادعوا لها يابه دعواتكم

ابوي: الله يحفظكم ويجبرك بعافيتها يله مع السلامه بعدين باجيك


غلقت وتنهدت بتعب وكأني اخرج نص تعبي بتنهيده طويله بس ما خرج غير 1٪ وكل مره يتضاعف ااااه


فكرت (وين روح مصر معقول نقدر نشلها مصر وهي تعبانه ما تقدر تفتح حتى ماعرفت هل بقدر ام بتموت وتتركني )


مسحت وجهي وبقهر سحبت هو احس جسمي نااار وحرارتي ترتفع مدري شكله من الضغط اللي ذي اليومين


شليت نفسي وخرجت وع طول شفت قدامي حلا وعيالي ناشر ونادر ومايا


قلت بصدمه: حلا؟
.
.

تركي*

بعد ما سلمت ع بشير ورؤوف مشو وانا وزياد جلسنا بالبيت وعادل مدري وين هب
.
.

قمر*

تغدينا كلنا اخواتي وامي ورؤوف وبشير مع ابوي وعلاوي ماجاشي ولا شفنا

خلصنا وشليت امصحون ودخلت امخدم غسلتهن وسارة جت تركد عندي كتلي شاهي واني استلت امقلاصات واطيتها اياهن وهيه صرفت وخرجت وجت سهر جلست عندي وهيه ساكته وامي خرجت مع واحده قالين بيروحين يجيبين حطب لميفاء اني حبيت اقطع سلك السكوت وقلت: سهوره

سهر: هاه يلعن ابوها سهوره

قلت بابتسامه: مالش ضبحانه لو مضايقه قومي بخري البيت واجلسي

قالت: ساااااارة تعالي والا قلش جيبي لي شاهي

سارة من برع: طيب طيب الآن

سهر: اخر من يعبروه في امبيت ذا انا

قلت بضحكه: ههههه لا والله انش الاساس

عينتني بضبح وقالت: انتي كملي مهرتش بفم ساكت

قفيت منها وغسلت امسامان وكملتهن التفت ع دخلة ساره وهيه معها قلصين شاهي شلت سهر واحد وانا كنت بشل بس الحماره جلست وتنشف منه انا ع طول خرجت وجبت لي قلص وجلست معهن

سارة: هههههههه مالش

قلت: مالي مالي

سهر: ههههههههه

سارة: بالعمد والله مااطيتش

قلت: ع العموم ابوي اليوم بيرد ع شهاب

سهر بحزن: الله يكتب اللي فيه خير

سارة: تقولوا ايش بيقول

سهر: ايش بيقول يعني بيقول طز مثلا

سارة: وجع لا لا بيحانق وذي اذني وذا امسكين اذا ماجا وكلمش شخصياً

سهر بصدمه: كيف يكلمني شخصياً

اني: خلاص من عندي بساني امسكين عشان يكون ثليق(حاد)

سهر: تتهابلين

سارة: يمكن يمممكن قلت اذا ما اجا عندنا وطلب يشوفش

سهر: هههههه ع اساس ابوي بيخليه تتهابلي ياسارة

سارة: لا حبيبتي بيجي وبيشحطش وبدون مانحس

اني: بطلي هبل وعيب

سارة: قد سواها من قبل

اني: خلاص

سهر: انسي يا سارة

سارة: لا مش اني اذكركن بس ذا اموووت وقد جاء من السعوديه مستحيل يقبل انش ترفضيه وتهينيه للمره الثانيه وتعبه راح ع الفاضي والله لـ يسوي شي ويشوفش ويكلمش


التفت ع سهر ووجهها تغير لونه وقالت: تقولي ؟

قلت بسرعه: لا لا وين اصلا لو يشتي يكلمها سهل اني بتصل به وبخليه يتكلم اللي عنده وخلاص


سارة: محذقش يا قمر وين تتصلي به واصلا وين رقمه يا حلوه

سهر بخوف: والله لـو اجا كلا هربت بيت اخوالي وقده ابوي قال بيشلنا نغير جو بس شفتوا ايش حصل وما رحنا


سارة: ههههاااااي...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 116 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


سهر بخوف: والله لـو اجا كلا هربت بيت اخوالي وقده ابوي قال بيشلنا نغير جو بس شفتوا ايش حصل وما رحنا


سارة: ههههههااااااي ع محذقه طيب وزواج بشير وين بتروحي وما تحضري اصلا اخوالي كلهم بيجوا وانتي بتحضري مافيش مفر من شششششش

قلت: ساااارة ؟

سهر: طيب يا سارة متأكده ما بيسامح ولا بيسافر لو كلمه ابوي

اني قلت: سهر وش حولش منها خليها تقول ذي باتقول مالش منها طزززز فيها وفي تفكيرها طززز في شهاب وانتي مادام رفضتي لا تفكري في حاجه طيب كله نصيب


سارة: تعلمي ترتبي كلامش بعدين اتري واخرطي والله انه بييسوي فيش العمايل يا سهر وشهاب ونعرفه ما عنده شي اسمه هزيمه ولو يشتيش بيخرجش من حيث انتي

سهر بفزع: والله لـ روح بيت اخوالي وما اجلس ثاني والا بجلس غرفتي ومااخرجشي

سارة: هههههه تبي الصدق والا ابن عمه

قلت: ابن عمه

سهر: الصدق

ساره: انتوا لبعض ولو هربتي لاخر العالم وبعدين انتي ليش ترفضيه ويبان انش تحبيه هاه ليش ،، اقلش اتحملي ماجاش ذا شهاب ونعرفه


بشير بصدمه: ااايييييش ؟



التفتنا كلنا ع الباب وبشير قايم وماسك امكشيده وامثلاجه حقت امشاهي وعاقد حواجبه ومنزل راسه ع ساره وهيه جالسه ومثبت عيونه ع عيون ساره

صدمه؟
صدمه؟
جلطه؟
بشير ؟
.
.

عادل*

كنت اكلم امي اذا بتكلم ابوي ع اني اشتي اتزوج بذا الشهر وقالت: كلمته وهو راح يكلم عمك نايف

قلت بفرح: بشرش بالخير ومتى بيكلمه

قالت بابتسامه: ان شاءالله اليوم

قلت: ان شاءالله

قمت وبست راسها وخرجت وع طول اتجهت للبلد عند تركي وزياد ع فكر الساعه (4:34) العصر


رحت حصلتهم جالسين وزياد متكي مش مخزن بس كذا متكي ع حجر وتركي يكسر كدر بحجر


قلت: السلام عليكم

جلست وهم ردوا السلام وانا قلت: ايوه رعيان بدوني.

تركي: لا تبانا نستأذن والا ايش

زياد: ياخوك شكلك فرحان ايييش السر

قلت بابتسامه: بقلكم بس مش وقته

التفت ع تركي شفته يفكر ومش معنا قلت: مالك

زياد: وووه يكلموك

تركي: هاه

قلت: مالك

قال: بروح عدن بكره
.
.


زياد*

قلت: وووه يكلموك

تركي: هاه

اشرت له ع عادل التفت لعادل

قال عادل: مالك

تركي وهو يعين الارض: بروح عدن بكره

عدن ؟

التفت ع عادل بحزن وعادل قال: ليش ؟

تركي: امي بشوف قبر امي

التفت ع عادل بمعنى طول اسئله

عادل تنح نح وقال: الله يرحمها طيب وبس

تركي باستغراب: وبس ليش ايش عاد

عادل وهو يعيني: و وو وزوجتك

تركي بابتسامه: مالها

عادل يحاول يكون طبيعي وما يناظرني وقال: بتروحها معك

تركي اتسعت ابتسامته وقلبي نقز وقال: ايوه ايش تشتي اخليها لوحدها بعدين لا معها اب ولا ام ولا اخ اخليها عند من بنظرك

عادل عيني ورجع عين تركي وقال: وبس يعني اقصد

تركي: مالك اليوم؟

عادل: ماشي والله بس قلت يعني زوجتك وبنت عمك يعني كيف تخليها لوحدها

تركي: مابخليها ابدا بتظل ع راسي من فوق وجميلها ما انساه وانها وقفت معي وكمان اشتي اتشكرها واقدم لها هديه من قلبي

هديه؟

عادل: ايش الهديه

تركي التفت عليه وقلبي انخلع من مكانه وقال وهو يرفع حاجب وينزل الثاني بالتوالي ع حركه سريعه خلت رجيلي ييبسين وقال: هدددددددديييه

عادل: مله تمام بس ايش يعني


تركي وهو يلتفت ع عادل: مالك اليوم زيدت بها

التفت عليه تركي وقال: وانته ليش ساكت مش عوايدك في انّ بالموضوع

عادل: انّ لا لا ابدا بس قلت يعني بسألك ع الناس بس


تركي دكى ع الحجر اللي انا عليها وقال: وبسسسس ؟


هنا انا قلبي نقز وبقوة فظيعه

عادل: وبس ليش ايش عاد في

تركي ضحك وقال: متاااكد يا عاادل انه وبس

التفت عليه وقال: زياااااد


وكان نطق اسمي يخوف انا يبست بقعتي بعد ثواني قليله قلت: هاه ايش

حولت من الحجر وانا ابتسم بفزع

قال بضحكه: زياااااد

قلت: مالك

قال وهو يجلس من الحجر اللي متكي عليها: مااااالك مش ع طبيعتك

قالها بصوت واطي ويخوف


قلت بضحكه: ههههه مالي ولا فيه شي بس احس بصداع خفيف

تركي: اهاه

عادل: ههه يه قد قال لي

تركي: شربت دواء

قلت: ايوه ايوه شربت

تركي: احسن


الله يستر من وجهك ياتركي اليوم بروح للانعاش اكيد
.
.

علاوي*

شليت نفسي وخرجت وع طول شفت قدامي حلا وعيالي ناشر ونادر ومايا


قلت بصدمه: حلا؟


قالت وهيه مدنيه: جيت اعمل الواجب وازورها


قلت بحزن: طول عمرش بنت ناس واصيله

رفعت راسها وقالت: وما يقدروني المهم كيفها وكيفك انته

قلت بحزن: كلنا عايشين للآن بس مدري بعدين


جزعت من عندي وهي تقول بهمس: يحبها يحبها يحبها والله



حزنت لاني جرحتها صح مش بيدي والله بس حلا احترمها ع طول رحت وراها وشليت نادر لحضني وقلت: كيفك يابطل

عينته وانه ساكت ومايا وناشر كمان ساكتين


ماحد حضني زي قبل ولا احد قال يباه ولا حتى شفت بعيونهم الفرحه لما يشوفوني...




📚 @rewayatyamania  🇾🇪