.


بارتـات يومنـا الثلاثـاء 👆🏻😍

.

البـارت 18 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


كانت تبكي بالغرفه بس وهي مش مصدقه عندما دخل: مالبنتي الحلوه ؟! او بتبكي عشان زوجها المصلحي ؟!

سكتت

نجيب: عادك بتشوفي حقيقته مع الوقت عاد احنا الا بدأنا

كيان: اكيد اجبرته

نجيب ضحك بمسخره: اجبره ؟؟ ليش او هو ابني
المهم قومي البسي لبس حلو كذا ، سمراء اتصلت لكوافير بيجي للبيت ، افرحي مع بنت عمك لا تكونيش ضعيفه كذا وتخلي واحد مثل ذا يستغلك
ضححك وخرج وهي خلاص بتنفجر: ..



المساء كان لبس بدله سوداء ويشوف نفسه بالمرايا: الزوجه الثالثه ي نزار مش مشكله

خرج وما حصلهن واضح يبكين بالغرفه جلس يشوف لغرفتهن شوي وخرج

وبيكلم فارس: لحد يدخل او يخرج

فارس: تمام

طلع سيارته ووصل امام الاوتيل ، كان بحراسه مشدده ضحك وفي نفسه * كم ما شددت ي نجيب ، راس صدام عيطير اليوم *


دخل وهو واقف مع ماجد عقدوا على البنت وبيشوف الناس وعينه على صدام منتظره يخرج

جلسوا على العشاء وهو ماشال عينه واخيرا وقف وطلع

نزار وقف ونجيب مسك يده: على فين

نزار: الحمام

فك يده وهو مشي وعينه عليه دخل الحمام

ودخل الحمام اللي جنب وهم يسمعوا بالجهاز
فتح الشباك وطلع يده كأشاره

كان في واحد لابس اسود من فوق نزل له المسدس

صدام بيغسل يده بيخرج وهو بيشوف له من فوق وفي نفسه * سلم لي على راسك *

ضربه الرصاصه بكاتم صوت ورجم المسدس من الشباك وهم سحبوه وتحرك شبيهه بحيث يفقدهم انتباههم

خرج وفي حد بينادي على الشرطه وكلهم تجمعوا

الشرطي: تسلل لفوق المبنى وبعدين هرب حاولنا نلحقه بس ماقدرنا

نجيب بعصبيه: ككككيف ككككيف كيف دخل كيف اقنعوني

الشرطي: مادخل هو كان بالمبنى فوق

نجيب اقترب فتح وكانت شبابيك الحمام ضيقه: تشتي تقنعني ان اكس دخل من هنا

الشرطي: مانعرفش كيف عمل بس هذا اللي وضح لنا

نجيب بنزفره: انتوا بتجننوني صح ؟؟؟؟؟!!! عدونا دخل لبيننا وقتل صديقنا وانتوا في غفله ؟؟؛ كلكم ولاحد قدر يفعل شي شرطه وحرررس وليش استأجرتكم

نزار واقف جنبه

ماجد: ي عم انا قلت لك اكس مش سهل بيوصلنا بيوصلنا

نجيب فك شميزه من فوق بقوه: ادوا لي اكس ذا ميت او حي والله ل اسلخ جلده عن عظمه !!

كانت هي جالسه معهن ومازالت مقهوره

سمراء جلست جنبها: الحسد الذي بقلبش خرب الحفله عند الرجال

كيان بقهر: وما وقع ؟؟! نزار كنسل الحفله

سمراء: لا ي قلبي ، اكس قتل شريك عمي داخل الحفله

التفتت لها بسرعه: كيف قدر ؟! كيف دخل الحفله بكل التشديدات ذيك

سمراء: ما اعرف ، ع العموم هم بيروحوا الان عمي مقهور وضابح بيدخل نزار مع ماجد يلبس اختي الدبله

وقفت بنرفزه: انا بكون بغرفتي

طلعت وسمراء ابتسمت: كل مره كانت تقهرنا وهذي اول مره نقهرها وباين مقهوره قوي


دخلت غرفتها بضبح وغلقت: معقوله معقوله بذي السهوله ، ليش ماقال لي طيب ، كيف بليله وضحاها يتزوج

مسكت صدرها: ياربي انكتمت بموت مش قادره اتنفس


كانت متتظره ببلكونه غرفتها مازالت متأمله انه كذب عندما نزل مع ابوها وماجد انقهرت قوي
ورجعت فوق السرير وبدون سيطره الدموع تتساقط ...

.........


دخل هو مجرد ما شافته ابتسمت وصل جنبها وعيونه تدور كيان ما حصلها سمراء واقفه جنبهم وماجد يشوف له بحقد

لبسها بدون اي كلمه وبيطلع مسكت يده بسرعه: ما بتقول شي ؟؟!

شاف لها

رقيه: اي كلمه احتفظ بها تكون لها ذكرى

نزار ضحك: ...

رقيه: قول اي شي

نزار: لو كان في بالي اي كلمه اني قلتها

خرج وماجد غلق الباب بعده وجلست هي بابتسامه

وقف خارج وبيشوف لغرفه كيان
رجع على جنب وبعد الجاكت وتركه على سيارته ومنتظر البيت يهدأ ويدخل عندها

وصلت الساعه 12 كانت هي نامت وهي تبكي
فعلا تسلل ودخل لبلكونة غرفتها دق ونقزت وشافت له

وفتحت بزعل: ايش جابك ؟؟!

مسك يدها: كيان انا

قاطعته: تزوجت ؟؟؟! عقدت وتزوجت بذي السرعه

غطى فمها بيده: لا ترفعي صوتك اهدأي

ماقدرت تتحمل ودموعها نزلت وهو يشوف لها
مسح خديها: اجبرت والله من ابوك اجبرني وانا وافقت بس لا تقلقي ما بتزوجها بطلقها مجرد ما اشوف لي صرفه مع ابوك

شافت له: اضحك علي

ضمها بسرعه: والله العظيم اجبرت

بعدته بضبح: نزار !! انت عارف ان اكس دخل وسط كل الحرس وقتل وخرج وهو محاصر وانت ماقدرت تقل لابي لا ؟؟!


كيان: ماقدرت تقول ل ابي حتى لا ؟؟؟!

كان يشوف لها بصمت

كيان: ماتوقعت تكون جبان ابدا
وين ذاك الانسان

مسكت بشميزه: وين الانسان ذاك بادر العين الذي ما يهزه شي ولا جثه بدون راس امامه
ايش حصل لك ايش

ردت ظهرها: الا لو انت بتضحك علي ؟! هو فعلا انا ساذجه ، كيف توقعت حد معقد مثلك وتزوجني عشان ورث ابوه يحبني !!

التفتت تكمل كلامها وقد خرج والشباك مفتوح وبقهر: طيب ي نزار


كان بالسياره يتذكر كلامها مقهور وصل البيت فتح ودخل

وفارس وقفه: نزار





















📚 @rewayatyamania  🇾🇪

.

البـارت 19 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


كان بالسياره يتذكر كلامها مقهور وصل البيت فتح ودخل

وفارس وقفه: نزار

التفت له

فارس: بس ماعاد حصلت فرصه اقل لك قبل امس جاءت واحده بعد ماخرجت وكأنها انتظرتك تخرج ، تكلمت مع البنات

نزار بغرابه: ماعرفت من هي

فارس هز راسه بالنفي

نزار تذكر * قالت اسمها يسرى *
فتح ودخل بسرعه: سههههى

سمعت الصوت من الغرفه وقلبها دق بخوف

جمانه: ايش قد فعلتي انتي كمان

سهى بخوف: يمه ماعاد قدرت اوقف والله ماعملت شي

لمياء: اخرجي جاوبي احسن ما يكسر باب الغرفه

فتحت وخرجت اقترب منها وبدأت ترجف

نزار: يسرى جاءت ؟؟؟!!!

سهى بخوف: ااا نننن ااااا

نزار بصيح: انطقي عادك تتهجي او كييف

كانت تحاول تتكلم وهي خايفه لاحظ هذا وسحب نفس عميق وقال بهدوء: تكلمي لا تخافي مابفعل شي

كانين هن غلقين الباب ويسمعين حوارهم من خلفه

سهى: ايوه جاءت دورت امك وقلنا ماتت وجلست تبكي قوي وبعدين مشت

نزار: وليش ماكلمتيني

سهى: كنت بكلمك بس انت

قاطعها: ليش ما كلمتيني ذيك الحظه ؟؟!

سهى: ماكنت موجود وتأخرت ذاك اليوم قوي

نزار تذكر انه كان عند كيان وسكت.


دخل غرفته وغلق " ايش تشتي ؟؟؟! ايش رجعها بعد خمس سنين ؟؟؟!!!"


سحبت هيي نفس عميق : اووووف الحمد لله
دخلت: سأل عن يسرى ، لو تاخر شوي اني مت خوف ، من كثر ما قد بين اخاف منه حسيت نفسي فعلت شي غلط وانا مافعلت

مها تبكي بس ما تتكلم

لمياء: والله انه دفعنا ثمن الدلال عند ابي بالدقيقة

........


تمدد على السرير * ماقدرت تقل لابي لا ** هو فعلا انا ساذجه كيف توقعت واحد معقد يحبني *

مسح شعره: اوف انا من كيان او من يسرى او من نجيب او من المخابرات مادريت ماافعل
وهو بيفكر سمع صوت على الباب خرج
وفتح بقوه: ممممن

كانت واحد يبين عمره بالاربعين ومعه طفله صغيره
..: انت نزار ؟!

استغرب وقال بغرابه: من ؟!

....: انا جار زوجتك يسرى!

اقترب بانفعال ومسكه برقبته للجدار وبعنف: فين هي وماتشتي

البنت شافته وخافت ورجعت للجدار والدموع ملوا عيونها

الرجل يتكلم بصعوبه: ماتت ماتتت

نزار بعنف: كيف ماتت وعادها جاءت قبل يومين

الرجال يحاول يفك يده: والله ماتت والله انتحرت

فك يده وعقد حواجبه وبصدمه: ايش !

الرجال: كان عندها اكتئاب حاد وماعاد قدرت تتحمل فانتحرت وتركت لك رساله والطفله هذي

التفت للبنت اللي قبضت شميز الرجل بخوف: البنت؟!

الرجال: هذي بنتك عمرها خمس سنين اسمها قدر

نزار بنبره حاده: ايييش بنتي؟! مافيش معي بنات

البنت خافت اكثر ومسكت بشميز الرجال

نزار: شفتوني ساذج او كيف

الرجال: كل شي بالظرف

فتحه بسرعه
كان يحتوي على شهاده ميلادها وتحاليل اوراق حصل رسالتها * مرحبا ،، نزار ... اعلم انه من الخطأ الشنيع ان تحب المرأة رجلا وهي في حضره رجلا اخر ،، لقد ارتكبت اكبر خطأ يمكن ان يرتكبه الانسان، لكني ي نزار ندمت بعد هروبي من عندك اشد الندم ، يوجد في هذا الظرف تحاليل الابوه وتقدر تتأكد بنفسك ، لما كانت امك عايشه ماحرمت قدر من شي بس اختفت فجأة وكانت البنت متعلقه بها قوي طبيعي جدتها ، ولما جيت اسال عليها كنت ناويه اشوفها واشكرها على كل شي، لما حبستني تحت بالبيت هي ساعدتني اهرب لانه كانت عارفه اني حامل بحفيدتها الاوله ، ولما هربت من عندك ندمت على علاقتي بحبيب اخر وندمت عليك وعضيت يدي من الندم لكن ذنب مثل هذا ما يغتفر ،، هي اهتمت بي وبالطفله من لما خلقت ، جيت قبل ايام كما ذكرت استسمح منها واترك لها قدر لاني ماعاد قدرت اتجاوز سواد ايامي ، لكن عرفت انها توفت ، وماقدرت اواجهك واسلم لك بنتك بنفسي اعرف ردة فعلك وانك بتنكرها، والان انا رحلت والبنت ذي ماعاد معها لا ام ولا جده، ماعاد في غيرك ،ان اخترت تكون اب لها فهذا شانك وان اخترت تتركها لانها بنتي  فبتكون صنعت كارثه اخرى *

قرأها واعصابه اشتدت بقهر وشاف للبنت اللي خافت جدا من نظراته وتخبت وراء الرجل
ومسك بيدها وسحب يدها غصب: خلاص عملت الذي عليك

سحبها لداخل وغلق وهي تشوف له والدموع ملوا عيونها، ترك يدها وهي جريت وتخبت تحت الكنب

كان يشوف لها وحاول يمسك اعصابه واقترب منها وهي ضامه ارجلها وايديها وتشوف له بخوف وعيون مليانه دموع ...

رفع يده بيتركها على شعرها وهي نقزت بخوف وغمضت عيونها

نزار تنهد ومسك ايدها: اوقفي اوقفي

وقفت بدموع

نزار: الان انتي بنتي ؟؟!

هزت راسها بلا خوف منه

ابتسم هو وضمها بدون كلام وفي نفسه " مابكون نسخه من ابي ، مابعاقبك باخطاء امك ، طالما انتي بنتي فبكون اب غصب عني*

كانت تبكي بصمت بحضنه وايدها للارض كانت خايفه قوي

ارتفع هو واخذها لصدره: ندخل ننام

فتح غرفته وتركها على السرير: اكلتي

هزت راسها بمعنى ايوه

دفاها: نامي ولا تخافي مني ولا تخافي من شي طيب



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 20 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


دفاها: نامي ولا تخافي مني ولا تخافي من شي طيب

تغطت هي كلها ونامت وهو ماقدر ينام

مرت ساعتين التفت لها

وهي تشهق وهي نايمه

كان يشوف لها: الله اعلم مامريتي به قبل ما تجيني ، كم قد بكيتي

شاف امامه: مشكله ثانيه فوق مشاكلي ، بعد خمس سنين تظهر لي بنت لا اعرفها ولا تعرفني ، طفله ما تفهم شي ماتعرف انا عدو او صديق ، كيان اللي كسرت راسي عشان عقدت على رقيه لو تعرف ان عندي بنت ايش بتقول؟؟

.....


كان يتحرك في المجلس حقه سارح راجع: كيف دخل ككككيف كيف ، لو نقل واحد من الحضور كلهم تفتشوا حتى انا كيف عيدخل مسدس ولو نقل من السطح مثل ماقالوا كيف عيقدر ينزل او هو سبيدرمان

ماجد: ي عم الشخص ذا يخوف

مسعود: طالما قدر لصدام وسط ذي الاجراءات كلها مش بعيده بكره رؤوسنا تطير

نجيب: ضروري ينمسك بأي طريقه ضروري يوصل ليدي واسلخ جلده سلخ كم بيجلس متخفي مصيره بيكون ب ايدينا

............


رقيه بغرفتها وتشوف للدبله وتبتسم: شغف عقلي حبيته قوي وقلبي تعلق به فوق ما يقدر الانسان يتحمل ، قابله اكون الثانيه او الثالثه او حتى الرابعه قابله اكون اشوفه حتى بالشهر مره

سمراء دخلت وابتسمت: ماريا بغرفتها حتى ماعاد تعشت ولا اكلت جالسه تبكي بس

رقيه مبتسمه

سمراء: اقتهرت قوي وشكلها تأكدت انه ماحبهاش اصلا

رقيه: يحبها او مايحبها المهم اني صار لي نصيب من حياته

سمراء ضحكت: الله الله

............


اليوم الثاني
سمع صوت خواته بالمطبخ وقام نقز حسب نفسه في حلم الا لما التفتت وشافها بتشوف من الشباك وكأنها تشتي تطلع

وقف ووصل جنبها: قدر ؟؟

نقزت والتفتت له

نزار ابتسم: ايش بتشوفي

ردت بخوف: انا انا

نزار بنفس الابتسامه: من سماك قدر

شافت له: جدتي قالت لي انتي قدرك يشبه ابوك هو تربى بعيد عن ابوه وانتي كذلك

مجرد ماذكرت اسمه امه حس بألم وعلى طول ضمها بقوه: يعني سمتك جدتك

تهز راسها في حضنه: ايوه

فكها ووقف ومد يدها: تعالي نشوف عماتك ايش طبخين واعرفك عليهن !


خرج وهن بالمطبخ وهي ماسكه يده: الاكل جاهز

التفتت جمانه وشافتها ووقفت بدهشه

لمياء التفتت لجمانه وهي واقفه بدهشه ورجعت تشوف فين بتشوف وصدمت من البنت

سهى: ايوه الاكل جاهز

نزار يشوف لهن وهن يشوفين بغرابه

سهى التفتت بسبب صمتهن: مالكن ال****
سكتت

جمانه: من ذي ؟؟؟!!!

نزار ببرود: بنتي

سهى تركت الصحون من يدها: بنتك

لمياء تركت الخبز من يدها: بننن تك ؟؟؟!!!!!

جمانه: كيف بنتك

نزار ابتسم من غرابتهن : كيف بنتي ؟؟!! بنتي انا ووو ***
وقف اسمها في حلقه

جمانه بدهشه: من امها

قدر: امي يسرى

الامر زاد صدمتهن اكثر وهن يشوفين له

التفت لها وملامحها ذابله وشاف لهن: انا خارج باكل خارج، لو تشتين ارجع لكن تلفوناتكن اشتي اجي وهي بتضحك

كانين مصدومات

جلس على ركبتيه: تشتي شي قبل ما اخرج ؟؟!

سكتت هي ومازالت صورته امس وهو يصيح في راسها

نزار مسك ايديها وقبلهن: انا طالع تمام

خرج وهي تشوف بعده مجرد ماخرج اقتربين بسرعه

سهى: انتي بنت نزار صدق

لمياء: ذلحين امش يسرى ؟؟!

جمانه تبعدهن: بس بس خوفتين البنت يوووه
مسكت يدها: تعالي اكلي

سهى: ذلحين لو ضحكناها ولعبناها واهتمينا بها ، نزار عيرجع لنا الجوالات صدق

لمياء ضحكت

جمانه اخذتها حضنها: الان امك فين

البنت سكتت

لمياء: فين امك وايش اسمك

ردت بغصه: ماتتت

جمانه ضمتها بسرعه وغمضت عيونها: اوف خلاص احنا معك تمام


خرج هو وهو يفكر بها * يعني ماكان حلم انا معي بنت صدق ، ويسرى ماتت ، كأن انا في  خيال ؟؟؟!!! ايش بيحصل ؟؟!*

شاف رساله من نجيب * تعال اتغدي بالبيت منتظرينك*

غلق بنرفزه: عقبال ما اتغدي في عزاك


كانوا كلهم تحت على طاوله الغداء وفي كرسي فاضي بجهته اليسرى اشر لرقيه تجلس بالكرسي اللي بعده

وبيشوف لسمراء: غطي شعرك وتعالي

شافت له بتعجب: ليش

نجيب: زوج اختك بيجي يتغدي قدوه منا وفينا

كيان شافت له: زوج اختها او زوج بنتك ؟؟!

نجيب: واحد ذكي مثله اخذ الثنتين

وهم يتكلموا دخل وبيده مفاتيح سيارته: سلام

ماجد شافه ورد وجهه

نجيب: ابن الحلال عن ذكره يبان وهذا هو وصل
اشر له للكرسي اللي جنبه هو ورقيه: تعال جنب زوجتك * محاوله منه ينرفز كيان *

شافت له ومتأمله يرفض ويجلس جنبها بس سحب الكرسي وجلس وقفت هي: عن اذنكم شابعه

نجيب ضحك ونزار يشوف لها بصمت

طلعت وهو يشوف بعدها

نجيب يشوف له: حاول معها تطلق

نزار ساكت وسرحان

رقيه دكمته بيده

نجيب: فين عقلك

نزار نقز: ولاشي ولاشي كمل ايش كنت تقول

نجيب: اشتيك تترك ماريا

نزار بهدوءء: تتركني هي الخبر كله عندك ي عم

ماجد: تتركك تتركها بالنهايه هي بتكون لي

نزار رد وجهه بغيره وسكت




















📚 @rewayatyamania  🇾🇪

.

البـارت 21 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


ماجد: تتركك تتركها بالنهايه هي بتكون لي

نزار رد وجهه بغيره وسكت

رقيه تشوف لنزار باعجاب وساكته

طلعت هي بضبح وغلقت بقهر: ويجلس جنبها ولا كأني موجوده !!! ايش عاد اشتي ادله اكثر من هذا ، لا ويقل ابي بيجبره هذا شكل واحد مجبور
جلست بغصه: بس ايش اعمل لو انا احبه ، انا غبيه غبببببيه



دخلت جمانه ومعها البنت عند مها اللي ماطلعت وجالسه تبكي بس

جمانه: مها شوفي ايش معي

التفتت لها: من ذي

جمانه بحماس: بنت يسرى ونزار تصدقي

رفعت حواجبها: بنت نزار ؟؟!

جمانه: تعدلت موجته من لما جاءت حتى قال بيرجع لنا التلفونات

مها بحزن: تتوقعي ثامر الذي قال له ؟؟!

جمانه جلست جنبها: مها لو ثامر مستحيل مستحيل بيجي يكلم نزار اكيد عرف من غيره ، نزار غامض محد يقدر يعرف عنه شي ، ماتنلام لمياء لما قالت عليه اكس هههههههه

مها ضحكت ومالها نفس: ههههههههه غامض صح بس مش لدرجه يكون اكس

البنت تشوف لهن بصمت

..........


كان بالسياره امام البيت لا نزل ولا مشي
سمع صوت على زجاج السياره وفتح الباب وجلس جنبه: مالاخي ماسمعت له اليوم صوت

نزار ابتسم: ورطتني مع البنت ي ثامر

ثامر: من بنت الدبلوماسي !؟ احمد ربك كنت بواحده الان معك ثنتين وثلاثه مليون وورث ابوك

نزار ضحك: ماكنت اشتي ذي الاغراءت كنت اشتي ورث ابي وخلاص

ثامر ضحك ورجع شاف له بجديه: الان قلت لي البنت خارج اليمن

نزار رد وجهه: ايوه

ثامر: طيب اشتي اسافر واتزوجها مارأيك

نزار شاف له: لذي الدرجه تحبها

ثامر: والله يا نزار احبها من كل قلبي ، لكن مدريش ليش تماطل

شاف له شوي ورجع قال: انزل انزل بسير مشوار اخرج

ثامر بغرابه: طيب


نزل وركب سيارته ومشي ونزار جالس مكانه ويتذكر قبل خمس سنين***

كان شاد بيد يسرى: يعني الكلام صح بينك علاقه انتي وهو ؟!

يسرى بخوف: نزار فكني

رجمها للارض: انا الذي عطيتك ثقتي

يسرى: احبه ايوه والحب مش عيب مش عيب ووالله مابش بيني وبينه اي علاقه غير الرسائل

ضربها كف: الا عيب وانتي في بيتي عيب

*
يتذكر انه سحبها من شعرها لغرفه وغلقها ورجع اليوم الثاني وقد اختفت

رجع غرفته مقهور وهو يصطنع القوه امام امه غلق الباب وجلس اسفل السرير ودموعه خانته * يارب انك تجبر قلبي، يارب عوضني بواحده تنسيني جرح يسرى وعذاب يسرى*

اسيقظ من افكاره وجاءت هي في باله * كيان *
حرك السياره لامام بيتهم ووقف *محد جبر قلبي غيرش والمسافه بيننا قريبه بعيده*

صف السياره بعيد ولبس وتسللل
طلع بسرعه لغرفتها بالدور الثاني بيدق الشباك لمح ابوها

رجع على جنب ويسمع كلامهم

نجيب: مافيش معش خيار ثاني ، لو كان يحبك كان تزوج رقيه ؟؟! حتى انه جلس اليوم جنبها ولا فتح نقاش ولا كلمه

كانت ساكته

نجيب: مدري ليش حبيتيه والا ليش متمسكه به هكذا

طلع وغلق وهو دق الشباك وهي قفلت باب غرفتها وفتحت له دخل وهي تبكي: انا

ضربت في صدره: انت ايش ؟؟! انت ايش ي عديم الاحساس والمشاعر

بدون كلام ضمها: ....

كيان تبكي بس: ....

كان ماسكها بدون كلام

كيان بعتب ودموع: ليش تعمل كذا ليش لك مئة شخصيه احيانا اقول هذا الانسان مئة بالمئة يحبني واحيانا ماعرفك

فك لها ويشوف لها ومسك خديها: لا تبكي لا تبكي والله ماقصدي انزل دمعه واحده من عيونك، انا مجبر ليتنا اقدر اشرح لك

مسكت ايده ونزلتها من وجهها وبقهر: لوما تطلق رقيه تعال المس خدودي اما الان فانا عليك حرام

فكت ايده ورجعت فوق السرير وهو بيشوف لها
تمددت وبدموع: اطلع من عندي !!

وقف امامها: بس ي ماريا**

قاطعته وهي مغطيه وجهها: خلاص ماعادت كيان

اقترب لجنبها وبعد البطانيه من وجهها: بس انا احبك والله

مسكته بصدره ورجعته وراء: قلت الذي عندي لطلقت رقيه يصير خير

وقف وهي رجعت غطت وجهها وهو خرج سمعت الصوت وفتحت والشباك مفتوح وبتشوف بقهر: نزار

رجعت ع المخده: كيف تخليت عني

........


ماجد دخل على عمه: للان ماقدرنا نعرف كيف دخل ولا كيف قتل صدام ولا لقينا له ثغره ، كما انه بكره مسعود طالع يوقع على اتفاقيه في مطعم وطلب مني اكلمك وهو قلق قوي

نجيب وقف: معقوله ي ماجد واحد واحد وماقدرتوا له ؟؟؟! ولا قدرتوا تعرفوا عنه شي ؟؟؟!! وقد دخل لبيننا وقتل وهذا مش الاول ي ماجد هذا رقم ٦٢

ماجد: ي عم الشخص ذا اخطر مما كنا نظن

نجيب رد وجهه: قل لمسعود يوقع ع الاتفاقيه في بيته وانا اشوف اكس ذا كيف بيوصل له !!!

ماجد: تمام
وبتردد: ي عم بالنسبه لماريا و *

قاطعه: ...



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 22 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


نجيب رد وجهه: قل لمسعود يوقع ع الاتفاقيه في بيته وانا اشوف اكس ذا كيف بيوصل له !!!

ماجد: تمام
وبتردد: ي عم بالنسبه لماريا و *

قاطعه: انت عارف انه عادها مقهوره شوي ماتوقعت عيتخلى عنها هذا بسهوله

ماجد: اخاف ي عم لو بيضحك علينا ؟! او بيتواصل معها ويقل انه بيحبها ولهذا متمسكه به

نجيب هز راسه بالنفي: لا ، كيف يتواصل معها وماريا فاقده الذاكره وماتقدر تستخدم الجوال ، وكما انه مابتخرجش كيف بيتواصل معها ، واذا جاء بيجلس معنا طول الوقت ، واليوم جلس جنب رقيه ،، لا تقلق ماريا امرها سهل نقرب نزار هذا من رقيه والغيره تعمل العجايب وهي بتكرهه غصب

ماجد: مش مرتاح له

نجيب: طبيعي واحد جشع حق فلوس لكن ما يخوفش ،، احنا لطلعنا اكس كل شي عيسبر بعدها

ماجد: ...

...........


وصل هو البيت ومتضايق من كلام كيان ودخل وصل عند الباب تذكر بنته كان نسي وابتسم تلقائيا

فتح بهدوء وهي مع عمتها بالصاله وكانت مبتسم

التفتين له بسرعه

وهو شاف لها: كيف بنتي

سكتت

سهى شافت له: من الصباح وهي تضحك

نزار ابتسم: ايش قصدش ؟!

جمانه: احححم الجوالات ي اخي والله طفشنا

شاف لقدر: امكنهن جوالاتهن او لا

كانين يشوفين لها

هي هزت راسها: ايوه يا نزار

لما ذكرت اسمه تغيرت ملامحه وجلس على رجل وثني رجل: نزار !!

جمانه بحركه سريعه: ابوك ي قدر قصدك بابا صح

هزت راسها بالنفي لجمانه: لا هو قال ماعنده بنات للرجال وانه يكذب وبعدين هو مسكه برقبته وكان بيضربه هذا مش ابي ، جدتي كانت تقول ان ابي طيب وما ياذي احد !! وبعدين لو كان طيب ليش ياخذ جوالاتكن

حس بشعور مؤلم داخله وسكت

وهن خايفات يغير رأيه بموضوع الجوالات

دخل الغرفه وخرج والتلفونات معه وشاف لهن: عند وعدي

سهى بتاخذه وهو رفع يده: بس ياويلكن اعرف ان معكن حركات كذا او كذا

مكنهن وشاف لبنته اللي تشوف له بخوف ومد يده: تجي تنامي عندي

مسكت يد جمانه: لا بنام معها

رفع عيونه لجمانه وهي بتشوف له
وسحب يده: انتبهي لها

جمانه: لا تقلق


دخل غرفته وغلق * جدتي كانت تقل انه ابي طيب ** انت مش ابي *
مسح شعره: لهذه الدرجه اصبحت قاسي ، حتى بنتي شعرت بقسوتي

جلس على السرير بتعب: والا كيان الذي رفضت حتى تلمس يدي وانا قد وقعت في فخاخها وقلت لها بكره تروحي وتاخذي جزء مني

غمض عيونه: بس معها حق ، من حقها تغار
لكن كيف افعل مع بنت عمها الذي ابتليت بها !!!

..........


دخلين ومها بالغرفه

لمياء بابتسامه: نزار رجع جوالاتنا

جمانه طلعت فوق السرير وقدر جلست جنبها وتركت راسها على صدرها وسالتها* الان امي ما بترجعش ابدا *

مسكت شعرها: بتلقيها بالجنه

مها تحاور لمياء: رجعهن لكن صدق

سهى: بنته صرعته اليوم قالت انت مش ابي جدتي قالت ابي طيب

لمياء: لو تشوفي كيف تغير لونه شكل الكلام اثر به

سهى: على الله يحس

مها مسكت جوال لمياء: اسكه خليني افتح حسابي ابسر ماحصل من ثامر

لمياء: خبلااااا افرضي عرف والله بيقتلني انا وانتي

مها برجاء: لو سمحتي

لمياء: اووووف
مكنتها

مها فتحت وفي رسائل كثير من ثامر * وينك ،، كيفك
واخر رساله كانت * قررت اسافر للدوله الذي انتي بها بخلي ابن عمي يقل لي وين هي اذا رفضتي *

رفعت عيونها للمياء: شكله قال له يحدد موقعي ونزار طلعني وشكله مايعرف للان من انا

لمياء: وكيف بيطلع موقعك نزار

سهى: يمكن معه اصحاب محترفين مش بعيده

مها شافت للمياء: شكل شكوكك في محلها اخونا مش شخص عادي ولا الحارس كمان ؟

مها: يا ترى ايش كان يعرف ابي عن نزار ، وليش اشترط علينا هذا الشرط

لمياء: انتي مضطره تقولي له انك مها لا يزيد يتعمق مع نزار بالموضوع اكثر

مها ارسلت له * وكيف بيدري ابن عمك وين انا *

ثامر كان فاتح ورد * يعرف يطلع مواقع وانا ارسلت له موقعك وقال انك خارج البلاد*

لمياء شافت له: مثل ما توقعنا

مها بتردد وقلق وتوتر ارسلت له* لا عاد تكلمه اي شي عني *

ثامر بغرابه: ليش لا تكونوا تعرفوا بعض

سهى: قلي له قلي انك مها لو كذا بيتصايح مع نزار عشانك ويكبر الموضوع اكثر

مها: خايفه ي بنات خايفه

لمياء: قولي وغلقي وخلاص

مها بعد ترردد: اكيد اعرفه انا اخته

......


ثامر وقف وهو ماسك تلفونه : اخته ؟؟؟؟؟!!!! اخته من من انننتتي

مها بتوتر: ثامر انا والله احبك احبك قوي بس انت ما كنت تدانينا فجيت بهذي الطريقه عشان اكلمك بس

رد بعصبيه: طيب من انتي من انتي منهن ؟؟؟!

مها: ماعاد اقدر اكلمك نزار اخذ تلفوني واوعدك ماعاد بتشوفني في حياتك

غلقت وهو بيكتب: من اننننتي انطقي تكككلمي

شاف انها غلقت وبضبح: حسبي الله عليش لعبتي باعصابي

مها كانت تبكي

لمياء: ودفتي بنفسك

سهى: انتي خبلا من حين بدأتي تكلميه

لمياء: ايش بيفعل ذلحين بيعدي الموضوع او عيجلس يلاحق






https://tttttt.me/rewayatyamania/46742















📚 @rewayatyamania  🇾🇪

.


بارتـات يومنـا الاربعـاء 👆🏻😍

.

البـارت 23 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


المغرب سمع صوتها دخل المطبخ وهي مع جمانه فتح الثلاجه اخذ حليب وبيشوف لها: اشربي حليب عشان تطولي سريع

ردت بهدوء: ما احبش الحليب

شاف لها وسرح ورجع شاف للحليب

قاطعت سرحانه: انت كمان ما تحبه صح

انتبه لها: كيف عرفتي

قدر: جدتي كانت تقل لي انتي مثل ابوك هو كان يكره الحليب ويكره التفاح

شاف لها وهي بتكمل: انت تشبه ابي بكل شي بس مش طيب مثله

جمان تطبخ وتسمع كلامهم وهي رجعت جنبها

تنهد من كلامها وبيخرج وصل امام الباب التفت لها وهي جنب جمانه سحبت الطحين واستكب كله عليها

جمانه: يوووووه ايش عملتي

ابتسم هو وبيكلم نفسه " معقوله ؟! ان هذه بنتي ؟! ليش يمه خبيتي علي هذا الشي ، كيف توقعتي اني بكون مثل ابي واني بعاملها بقسوه بسبب امها ؟! خمس سنين تربت وانا مااعرفش خالص ان عندي بنت *

شاف لها مره ثانيه وطلع سيارته بيسوق.

وهو نزل شاف ماريا تحت وابتسم اخذ جواله وارسل له * تعال البيت *

شاف الرساله وترك التلفون

وقف عند اشاره وفي طفل يبيع ماء ترك له قاروره الماء بالسياره بدون كلام

نزار حاسبه واخذ القاروره وفي تحتها جهاز اسود صغير

طرحه في اذنه: ايش في

....: نزار نحنا ماعاد نقدر نلتقي مثل قبل لانه لو يشوفنا احد بيبدوا يركزوا عليك ، لكن اسمع اليوم مسعود بيوقع على اتفاقيه مخدرات كبيره ، كان المفروض انه يوقعها في اوتيل بس بيوقعها في بيته كاجراء احترازي ، الحضوور بيكونوا محدودين جدا وما بيدخلوا الا ببطائق صفراء حاول تحصل على البطاقه من عمك

نزار: طيب انا الان بروح بيته واشوف

....: كون حذر واسمع ايش بقول لك

...........


كانت بتشوف من الشباك عندما شافته وبخوف: ثاااامر يمه ثامر عند الباب

لمياء وصلت جنبها: بيتكلم مع فارس

ثامر: نزار موجود؟؟!

فارس: خرج الان

ثامر رفع عينه للغرفه اللي بيشوفين منها بدون ما يشوفهن

لمياء بقلق: بيشوف لهنا

مها: شكله حس انه نشوف

لمياء: ايش في راسه

............


ابو ماريا بيشوف لها كل شوي عندما دق الباب بيقل للشغاله: افتحي للنسييب

وكان يقطع نظراته لماريا اللي شافت للباب على طول مجرد ما تكلم

فتحت ودخل نزار: سلام

ابو ماريا: تعال تعال اجلس

كانت تشوف له وردت وجهها بزعل ونزار يشوف لها وجلس

نجيب: رقيه مريضه معها ضرس العقل بيوجعها طول الليل اشتيك تاخذها اليوم العياده

ماجد دخل وشاف نزار ورد وجهه وشاف لعمه ومكنه ثلاث بطاقات: ارسلهن واحد بيشتغل تبع مسعود

نجيب مكن ماجد واحده: امسك
وذي لي

شاف لنزار: تشتي تحضر ؟!

ماريا تشوف له

نزار: لا ،،، انا باخذ رقيه العياده

مجرد ماقال رفعت حواجبها بضبح وقامت

ونجيب ابتسم
ومكنه: اسمع خذها لو حصلت وقت ارجع تعال

نزار: تمام

ماجد: بهذه البطاقات بنقدر نضمن ان اكس ما بيكون موجود

نجيب بصوت رافع: ررررقيه

خرجت شافت نزار وابتسمت

نزار: البسي بنتظرك بالسياره

رقيه: تمام

ماريا دخلت الغرفه وبضبح: قال لا باخذ رقيه ،، قلق عليها ؟؟؟؟؟؟!!!!

وقفت امام الشباك شافته وهو داخل للسياره شوي وخرجت رقيه وطلعت جنبه غلقت الستاير بقهر: فعلا طماااااع جشع كذااااب


اخذها هو وبيسوق وهي بتشوف له قاطع صمتها: تعرفي اني منصدم بعمرش تبيني صغيره قوي وباول عمرك

رقيه ابتسمت: امي كانت تقول ان ما يكبر المرأة الا الزواج ، عندما تسلم عمرها وقلبها لشخص ، فان كان يستحق عاشت طول عمرها شابه وان كان غير ذلك تشيب قبل اوانها

نزار وقف: طيب رقيه انتظريني هنا بروح احجز بالعياده وارجع ندخل

شافت له: طيب

نزار: واذا تأخرت لا تتصلي لحد تسأليه عني انتي انتظري وبس

ردت بابتسامه: تمام

خرج واخذ تاكس لمكان قريب من بيت مسعود
كان في سيارة سوداء تنتظره دخل فيها لبس اسود وجاكت اسود طويل ولبس تلبيسه وجهه رجل عجوز وشعر ابيض وددخل ايده جيوبه ووصل والحرس هناك وقفوه وخرج الكرت

شاف له واحد بغرابه: بس من انت ؟!






















📚 @rewayatyamania  🇾🇪

.

البـارت 24 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


شاف له واحد بغرابه: بس من انت ؟!

رد بصوت غليظ: طالما معي الكرت يعني مدعوو انا واحد من اصحاب الصفقه

اخذ الكرت وقطعه وقال له ادخل

دخل الحوش كبير وهم كانوا بالبدروم تحت الحرس اغلبهم يتمركزوا بالمدخل رجع وراء البيت كان قريب من الحوش وشاف الشبابيك من عند قدمه، رفع البنطلون شوي من رجله اليسرى والمسدس ملصق بها وشاف لتحت بيدوره شاف عمه وابتسم: بيجي دورك بيجي

وشافه جنب عمه ، بيكلم نفسه: القنص بدون القناصه حقي صعب قوي بس مش مستحيل
ركز على راسه بتمعن وضرب الرصاصه وطلع الحوش بسرعه بس كان السور من خارج اطول من داخل والمسافه بعيده سمع صوتهم بيدوروا مكان الرصاصه وشاف لتحت: مافيش عندي خيار ثاني ضروي اقفز

وفعلا قفز وارتجم على الارض وايديه من فوق انجرحوا ورجله انضربت مسك رجله ووقف باتجاه السياره طلع وبدا يسوق ورقيه منتظره هناك ولا جاء

كانت مللت وتعبت

ترك السياره السوداء امام واحد وبعد اللبس الذي فوقه وشاف له: حجزت بالعياده

هز راسه: ايوه

نزار: خلاص خذ السياره

نزل وهو طلع بعد ملابسه اللي كانت عليه كانت تقطعت من عند ايديه وظهره ولبس ملابسه الاوله ووصل عند رقيه ودخل: قالو الدخول حسب الحضور وجلست انتظر دورنا هناك والان قلت له ادي زوجتي وارجع

رقيه: اووووف تعبت انتظار

ابتسم لها ودخل معها العياده

..........


ماجد بيكلم الحرس: مممماااات ممممات كيف كككيف دخل

الحارس: والله كل الذي دخلو ببطائق

ماجد: ايوه اكس كان معه بطاقه صح ؟؟! كل الذي معهم البطائق حضروا **
ورجع تذكر: نزار !!!!

عمه وصل جنبه بالسياره: اطلع يا ماجد

طلع: ايش قالوا كيف دخل

ماجد: لو نقل دخل من السور مستحيل ، السور بعيد من خارج اكيد دخل من الحضور والحضور ي عم كل اللي معهم بطاقات جاءوا الا نزار

نجيب عقد حواجبه: نزار ؟؟!

ماجد: تذكر ي عم لما ارسلنا حد يخوف ماريا كيف مسكه باحترافيه ؟!

نجيب: بس نزار ماله بهذا الشغل واحنا بحثنا عنه وهو بيقاتل وراء ورث ابوه والفلوس لانه عاش فقير لو كان اكس كنا شكينا وبعدين نزار مع رقيه بالعياده

ماجد: طيب واذا رحنا وضرس رقيه مثل ماهو وهو معه عذر ؟!

نجيب: بقتله ذيك الساعه!!!!!



وصل البيت  بضبح: ررررقيه

ماجد: رررقيه

وهم دخلوا من الباب

نزار: ايش في

رقيه بفمها كان عطب وماتقدر تتكلم

نزار: قلعنا لها ضرس العقل وما تقدر تتكلم ايش في

ماجد بحالة صدمه

نجيب شاف لماجد ورجع شاف له: وين كنت طول الوقت

نزار: حجزنا وانتظرنا كانت زحمه

ماجد اقترب منه: انت ما حضرت معنا صح ، وين الكرت الاصفر حقك ؟!

نزار: الكرت الاصفر ، هههااااه انا رجمته وانا مع رقيه بالطريق حتى اسألوها قلت اني ما بحضرش
*ويذكر عندما رجمه لشريكه*

وشافوا هم لرقيه اللي هزت راسها بمعنى ايوه

نجيب بصياح: تعرف انه اكس اخذه ودخل به الاجتماع وقتل مسعود

نزار بدهشه: قتل مسعود كيف دخل

ماريا سمعت الصياح ونزلت: اكس قتل مسعود

ماجد: ابن ال *** مدري كيف دخل ولا كيف هرب بس اكيد غامر وقفز من السور وهو مرتفع

نجيب شاف لرقيه: ادخلي ارتاحي

ماجد وقد عيجنن: ككككيف ككيف مارد جاسوسك ي عمي الذي بالمخابرات متى يقل لنا من اكس

نجيب جلس بتعب: الجبان بينكشف لا تقلق

ماريا شافت لنزار: جبان وقد دخل بينكم وقتل طيب الذي ما يقدر ينطق بكلمه ايش يسمى ؟

نزار رفع لها عيونه وهي طلعت غرفتها
شاف لهم: انا استاذن بروح

نجيب اشر له بيده يخرج وهو متضايق

..........


الفجر
كانت نايمه عندما استيقظت على لمس خفيف في وجهها نقزت لما فتحت عيونها وشافته: اعوذ بالله

نزار : مالش هذا انا

كيان: ومن بيكون غيرك من بيتسلق غيرك

نزار: ليش الشباك كان مفتوح

كيان بضبح: نسيته
والتفتت له: لما شفتك طالع مع رقيه رديت الستاره ونسيت الشباك

ابتسم لها: كأنه كنتي تبكي

كيان بقهر: منك ، من غيرك يبكيني عتشيب بي قبل اواني

نزار تذكر كلام رقيه وضحك وضمها تلقائيا: والله اني احبك وانك شاغله تفكيري

كيان: ايوه نزار يقدر يجي اخر الليل بس ما يقدر يقول لابي لا ، ليش اخذت رقيه معها اخ!

مسك خديها وبيشوف لها: لو ما اخذت رقيه كان ابوك عيشك ، انا جالس اماطل ي كيان

ردت بضبح: تماطل وانت تجلس جنبها وتخرجها وانا ولا كأن لي وجود

نزار: انتي كيان يعني كياني

مسك يدها لفوق قلبه: انتي هنا ، غصب عني

شاافت له: قلت ان الجليد بيذوب لي ذاب لغيري

نزار: قلت لش ذاك اليوم لا تكوني قريبه وبعدين تتركيني وقلتي انا معك واصل اوفي بوعودك

سكتت وهي تشوف له ورجعت قالت: حيرت قلبي وعقلي ماعرفت من اختار بينهم

نزار بهدوء: اختاريني !!

بعد الجاكت وكان لابس فنيله سوداء تحت

كيان لمحت الخدوش على يده: ايش ذا

نزاز  بتوتر: ...



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 25 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


بعد نزار الجاكت وكان لابس فنيله سوداء تحت

كيان لمحت الخدوش على يده: ايش ذا

نزاز  بتوتر: ولاشي

كيان: ذاك اليوم لوما تصاوب اكس كان على يدك شاش واليوم سمعت ابي مع ماجد انه شاكين ان اكس قفز من سور الحوش وقالوا اكيد بيتضرر من القفزه والان اشوف على يديك خدوش

شافت في عيونه: لا تكون !!

مسكها بيده من اكتافها ومددها على السرير في محاوله منه يتوهها: لا تكونيش تتوهمي ...

مسكت خده وتشوف له: نزار انا بالعه نار وساكته لكن مااقدرش ابقى معك ابدا لو اعرف انك مجرم ، ادري ان فكره تكون انت اكس بعيده قوي بس مابقدر اكون معك بعدها ابدا

كان يشوف لها بحب ومتجاهل كلامها: ...

ماريا: تفهم
ابتسم لها: انتي تامري

....... 


جمانه كانت تلعب مع بنت نزار وجوال سهى بيدق شافت له واقتربت من مها: رقم غريب ؟؟!

ردت بهدوء: من

كان ثامر: من منكن كانت تراسلني

شافت لمها بقلق: ايش تقول انت ايش من **

قاطعها: اشتي اعرف من كانت تراسلني والا بكلم نزار واتفاهم معه ونروح الاثنين بداهيه

مها بتوتر تأشر بيدها من

سهى ردت عليه: مها

غلقت وهي بتشوف لها: مها ايش

سهى: هذا ثامر

مجرد ماذكرت اسمه وقفت

سهى تكمل: سألني من كانت تراسله وهدد بنزار وقلت له

مها بانفعال: اووووف اوووف ليش تقولي له


غلق هو وجلس: مها ؟؟؟!!!
بيشوف للتلفون : مش مستوعب ان البنت الذي حبيتها تطلع مها ، وانا اقول ما لنزار قلب وجهه لما تكلمت عنها ، انا اهبل وصلتها ليده بس ما توقعت ابدا ابدا تكون هي !!!



قدر بتسال جمانه: الرجال الذي يشبه ابي  متى بيجي

جمانه التفتت لها: ههههه يشبه ابوك

هزت راسها: ايوه

جمانه: مانعرفش شكله اليوم بيتأخر ليش تسألي عليه ؟ اشتقتي له

قدر: شوي بس

جمانه ضحكت: ههههه شوي ؟

قدر: ايوه بس شوي

..........


الساعه اربعه الفجر كان هو بيلبس الجاكت يطلع بيوقف وهي مسكت يده: انا خبلا صح ؟! رغم كل شي الا اني جالسه اغامر بقلبي في سبيلك !!

مااقدر اكف عن حبك ولا اقدر اتجاهلك ، بتفعل ضجيج داخلي مجرد ما اشوفك احاول ابتعد وابقى عاجزه رغم ان الغيره يا نزار بتاكلني من داخل بتموتني وانا اشوفك معها اشتيك تكون لي بس ملكي انا بس واباهي بحبك لكن احيانا تجيني ساعات شك انك تحبني

شاف لها وفك يدها بالخفيف: انا مثل الاسير عندك وتقلي شكوك

ماريا بقهر: انا بين اغامر بقلبي في سبيلك

التفت امامه: لو انتي بتغامري بقلبك انا بين اغامر بحياتي بسبيلك

خرج وهي تشوف بعده وقبضت المخده بقوه: بتجي مثل السارق لحظات وتهرب وكأنك بتعمل جريمه وتقلي حب وغيره ؟ انا الغبيه الوحيده هنا والمضحيه والمغامره ..

.........


رجع البيت دخل وهو اذن فجر في وجهه جمانه
شافت له بغرابه

نزار: قدر عندك صح

شافت له بابتسامه: قالت اشتاقت لك قليل بس

ضحك: قالت كذا

جمانه: ايوه

نزار: لحظه انتظري

دخل غرفته وخرج ومكنها المفاتيح: كل واحده منكن ترجع غرفتها

شافت له بعدم تصديق: صدددق

نزار: ايوه وكوني خلي بنتي معش انتبهي لها بغيابي

جمانه: افا عادك عتوصيني قديه بنت اخي

سمعت صوته هي وخرجت وبابتسامه: نزار

شاف لها ومد ايده وهي راحت له اخذها حضنه: نزار نزار مش انا اب

جمانه تشوف لهم

نزار شاف لجمانه: خلاص باخذها عندي

دخل غرفتهم وهي دخلت عند الباب وبصياح: قوووومين صلين

محد ردت

جمانه بصياح: نزار ادى لنا مفاتيح غرفنا

قامين بسرعه: ايييش

جمانه بتحرك المفاتيح: والله اداهن

مها بغرابه: كيف لوما

سهى: شكله قد عيموت

جمانه: بعيد الشر انطقي خير خبلا

لمياء: لا يكون فيه شي صدق

جمانه: لا والله كان مبتسم ومروق وسأل على قدر وبعدين اداهن

مها: تصدقوا ان علاقتنا تقاربت من بعض واحنا جالسات سوا

جمانه: فعلا كانت كل واحده مننا في جهه

لمياء: يمكن ابي وصى نجلس مع نزار عشان يغيرنا

سهى وقفت: الان بتخلين الظالم هذا بطل

اخذت المفتاح من يد جمانه بابتسامه: واخيرا برجع غرفتي

.......


ترك هو قدر على السرير: والان ايش تشتي بنتي

شافت له: قصه

نزار ضحك: قصه ؟! انا عمري ما حكيت قصص

شافت له: جدتي كانت تحكي لي قصص وتقل انه كانت تحكي لك كمان

تذكر امه وابتسم وفي نفسه" الله يرحمك ": طالما الجده قد فضحت بوالدها اذا الاب لازم يحكي قصه

تمدد وتركت راسها على صدره وبدأ يحكي لها شوي وحس انها نامت: اكممل

ماشاف منها رد ابتسم: مثل ابوك تنامي بنص القصه

رجعها جنبه وشاف لها: ياالله هي مشاعر الابوه بتجي دفعه واحده ؟! احس اني احبها بطريقه ما حبيت بها حد من قبل ! وهذا الحب متراكم داخلي كأني اعرفها من وهي جنين في بطن امها !


















📚 @rewayatyamania  🇾🇪

.

البـارت 26 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


اليوم الثاني
وهو خارج وقفه فارس: امس جاء ثامر

نزار شاف له بتعجب: ليش

فارس: دورعليك وقال ان تلفونك كان مغلق

نزار خرج تلفونه وشاف له: صح نسيت اشحنه وطفي ورجع شاف له: كان في شي مهم

فارس: لا قال مافيش حاجه مهمة

نزار طلع السياره وترك تلفونه يشحن وهو يفكر: اروح له اشوف ايش يشتي ونغير جو شوي

شاف جواله الثاني بيرن اخذه: ايوه

....: نزار الصفقه اللي تاجلت بسبب موت مسعود وصدام بتتوقع بكره في بيت عمك

نزار: بكره ؟؟

.....: نزار صفي فؤاد قبل ما يوقع

نزار: طيب وطالما هي في بيت عمي فالامر سهل لاني حافظ كل ثغراته

.....:طبعا مش صعبه طالما بتتسلل لبنتهم

نزار ضحك: هههههه زوجتي زوجتي مشي غريبه

.....: المهم انتبه ي نزار لانه بيكونو عاملين كل الاجراءت

ابتسم: طيب ولايهمكم راسه في الثلاجه

غلق وهو يفكر * مش صعب طالما تتسلل لبنتهم *
ضحك: ماريا ،، خليتيني مجنون !

.........


نجيب: وخلوني اشوف اكس ذا كيف بيدخل لوسط بيتي

ماجد: المهم فؤاد يوقع الصفقه قبل ما تتهرب دوله ثانيه بس لو اكس ظهر ي عم كل شي بيخرب

نجيب: خلي جواسيس المخابرات يقولوا لاكس ان العمليه في بيتي ولو عنده شجاعه جاء

ماجد: لو قدرنا نقتله ماوصلنا ذي المواصيل

نجيب: الجاسوس حقي قال ان قد دخل لقلبهم بالكثير اسبوع وعرفنا اكس هذا

ماجد: لو يسرع ي عم خايف يصفينا بالاسبوع ذا

ابتسم له: لا تقلق ي ماجد مابيقدر يعمل شي

ماجد: ونزار ذا متى يطلق

شاف له: رقيه عادها مريضه ؟!

ماجد: ايوه

نجيب ضحك: بتصل لنزار يجي يشوفها وانا متاكد ان ماريا ذي المره ما بتتحمل

مسك تلفونه وارسل له * زوجتك الثانيه مريضه ما بتجي تزورها *


نزار بالسياره سمع صوت الرساله وفتحها وقف السياره * يشتي يعمل لي مشاكل معها ، الغيره ما بتحرقها بس بتحرقني معها *

شاف امامه * مابش فايده من التجاهل ضروري اسير بحاول اعرف فين بيوقعوا الورق ، عمي مشو سهل اكيد عيوقعهن بمكان وسط البيت عشان يضمن محاصرتي لو دخلت ، ماريا بدأت تشك بي اتفه غلطه عتتأكد !*

بيسوق ويكلم نفسه* اصبحت حافظ البيت ومداخله ومخارجه لو يوقع بالصاله وهذا المتوقع بدخل من غرفه ماريا واخرج من الباب والصاله مطله من فوق بضرب عليه وارجع اخرج من نفس الغرفه واخرج من الحوش عن طريق الشجره اللي جنب غرفتها ، لو بيفعله بالمجلس بيكون اسهل برميه من الشباك واهرب من نفس المكان *

مسك تلفونه وارسل لثامر *قال فارس انك كنت امس تدورني عادنا شفت الاتصالات على العموم القاك المساء مشغول شوي ي ابن العم *

غلق وتوجه لبيت ماريا
وقف السياره ودخل

ماجد فتح الباب وبيشوف له: عتخلي ماري تطلق

نزار ساكت

ماجد: نزار يكفي مماطله ، اليوم بتقل لها انك تكرهها امامنا

شاف له: ولو اقل لها عتوافق ؟!
ضحك: حبيبي بنت عمك مشغوفه بي ما تشوفني زوج بس انا زوج وحبيب

ماجد مسكه من رقبته: نزار تطلق ماريا عشان الفلوس بعطيك ضعفها

مسك يده: الامر بيدها

نزل يده ودخل ونجيب بالصاله: ايش تتكلموا عند الباب

ماجد بضبح: قله يكلم ماريا امامنا انه مايشتيها

نجيب: اصبر ي ماجد هي بتقل هي

نزار جلس: مالها رقيه

نجيب: تاعبه حمى بعد ضرسها اطلع وشوفها

نزار: وين غرفتها

نجيب : عند غرفه ماريا

نزار وقف وطلع ونجيب ارسل لماريا الشغاله * قلي لها زوجش مع رقيه *

دق ودخل سلام

عدلت شكلها على طول وتتكلم بتعب: نزار
غطت وجهها باحراج : ليش محد قال لي انك جاي

نزار: قالوا مريضه فقلت اتطمن عليش

وقفت وهو بيتكلم: اجلسي ارتاحي

وصلت جنبه: انا شفتك وطبت اصلا

كان واقف امامها

رقيه: انا كل مرضي حب

سكت وهي اقتربت الى امامه: عمري ما تخيلت بحب حد هكذا

ماريا فتحت بسرعه وشافتها ووقفت بينهم وشافت لها: بس بس يكفي
يكفي ي هبلا مفكره بيحبك

وقالت بمسخره: شوفي فرق العمر ي متخلفه
وشافت له: انت كذا خاين بالفطره ؟!!

اقتربت لعيونه: اعلم الله من خان منكم انت او يسرى

مسك نفسه بقوه

ماريا بضبح: شوف لي ي خاين كنت تمكني حب ومحبه

مسكت صدره بقوه: ايش شعورك وانت صغير كذا

مسك ايدها ونزلهن بقوه: ماريا ايش ما كان الذي بتشعري به لكن افعلي لكلامك حدود البنت ذي زوجتي وانتي عارفه والموضوع ما به خيانه

شافت له بقهر: زوجتك ؟! نزار بتقول زوجتك طيب وانا ؟؟!

كان ساكت

ماريا: انت ما بتحس؟ من ايش مخلوق من ايش

الدموع تجمعوا بعيونها بتخرج تفاجأت بابوها باب الباب مبتسم خرجت

ونزار التفتت له واقترب: لا عاد تحطوني بمواقف بايخه وبنتك المشغوفه بي وانت عارف

نزل تحت ورقيه جلست بقهر: ...



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 27 ☆


مستـوطنـة أيسـري ❤️‍🩹

👌🏻👇🏻 😍
📚 @rewayatyamania  🇾🇪


دخلت غرفتها وغلقت قوي وجلست تبكي * ماقدرت افرط بك ماقدرت اقول انك تلتقيني وتقلي احبك وانك كاذب ماقدرت اقول انا باقيه اخاف عليك !!*

نزل بسرعه ونجيب وقفه: نزار

وقف وصل جنبه وهو مبتسم: بكره الوقت المناسب ماريا بتقبل بالطلاق

شاف له: يعني اجي بكره

ماجد كان تحت بيسمع صياحهم ووقف: بكره ي عم ما ينفعش

نجيب شاف له: بعد بكره انا متأكد ان ماريا بعد هذا بتقبل ووقعوا طلاقكم وتنتهي القصه

نزار: وليش مش بكره ونفتك

نجيب: بكره معي عمل

نزار: تمام

خرج وهم يشوفوا بعده ونجيب مبتسم: تخيل ي ماجد كلهن يحصلين باسبوع فؤاد يوقع على الشحنه ونزار يطلق ماريا وجاسوسنا يقل لنا من هو اكس !!!


روح البيت متنرفز وثامر مع فارس بالحوش دخل ورد السلام

وشاف لثامر: ادخل اتعشى

شاف مزاجه مقلوب: ماشي تسلم اجلس هنا نتكلم شوي

جلس بتعب: ...

فارس: مالك ؟

دخل يده بين خصلات شعره: ايش اللي مالي ي فارس ، الامور كلها فوق ظهري

ثامر: يعني لا اتكلمش ؟؟!

شاف له: لا لا تكلم عادي ماوقفت عليك

ثامر ضحك: ههههه بصراحه ي نزار انا كذا وبدون مقدمات اشتي اخطب اختك مها

التفت له بسرعه

ثامر بتردد: لو ماعندك مانع يعني

نزار وقف: مش وقتك انت ي ثامر عنرجع نتكلم بهذا الموضوع


دخل البيت وهو شاف لفارس: الوقت مش مناسب والموضوع ما اعجبه


فتح بقوه وهو متنرفز وهن يشوفين له بالصاله

قدر جنب جمانه وهمست لها: ليش شكله كذا

جمانه ضحكت: مدري يمكن معه مشاكل


دخل غرفته وغلق

وهي تشوف: ....

...........


الساعه 9 ارسلوا له * بدا الاجتماع ، وكل شي اصبح جاهز حسب ما طلبت ، لا تنسى السماعات عشان تتواصل معنا *

لبس لبسه العادي وطلع بسياره وقف جنب سيارته السوداء طلع فيها لبس اسود ومسك قناصته
ووصل جنب البيت ويكلم نفسه* احتمال ان ماريا بالغرفه احتمال ضعيف اكيد بتكون تحت بمحاوله منه لتشتيتي بيحيط المكان ببنته وبنات اخوه واكيد ما بيكونوا الحضور الا فؤاد وشريكهم *


طلع من الحوش واستند على الشجره وتسلق لغرفه ماريا وفعلا مش موجوه بيكلمهم * غرفه ماريا فاضيه بتوجه لخارج الغرفه واشوفهم من فوق *

فتح الغرفه بحذر شديد بيشوف لتحت الحرس مليان

لمح ماريا بتشوف لحضور ابوها من باب المطبخ وتتكلم مع سمراء: ليش ابي فاعل كل هذي الاجراءات وايش بيفعلوا هذول الناس هنا

سمراء: اكيد شغل وخايفين من اكس


تقنص على فؤاد بس ماريا كانت تشوف لفؤاد
بيكلموه هم: اطلق عليه بسرعه

نزار تذكر خوف ماريا لما الرجال مات امام عيونهم وتوقف

* نزار ليش ساكت اقتله بسرعه واهرب *

كان منتظر ماريا ترد وجهها ونظرها عن فؤاد

وهم يكلموه بالسماعات * نززززززااار اقتله واهرب قبل محد يلمحك *

التفت بالجهه المقابله ولمح حد شافه

ماريا التفتت لسمراء وهو اطلق النار وبيهرب وذاك جري بعده بسرعه

كان بيده خنجر ضربه في ظهره ونزار رجمه من الشباك لنازل وقفز لفوق الشجره وخرج للسياره بسرعه

هم بعده والمخابرات دعمته بثلاث سيارات نفس سيارته بدون لوحات عشان يتوههم

كان يسوق بالغصب والسكين مازالت في ظهره دخل بين بيوت في حاره وهم بيلحقوا السيارات الثانيه

وقف السياره بعد ما تأكد ان محد بيلاحقه وطلع سيارته وبيسوق بالغصب والسكين مازالت فيه
بيكلم نفسه * بنتي ، مش ناقصه تفقد حد جديد بتكون لها صدمه *

كان يسوق والعرق يتصبب منه: استحمل ي نزار ماعادت حياتك ملكك الان معك طفله تعيش من اجلها ،، مااقدرش اتركها وحيدة


وصل امام البيت فك السياره وترك راسه عليها وهو بالكاد يشيل نفسه ووجهه اصبح احمر ومتعرق * ياالله ساعدني *

رفع نفسه بالقوه وفتح الباب ونزل كان الشميز كله دم  فتح باب بيتهم ومستند عليه بالغصب دخل ودق على فارس مجرد مافتح وقع لفوقه مغمى عليه

......


كانت هي مع جمانه: ليش نزار يتأخر

جمانه شافت لها: ليش تقولي له نزار قولي له ي بابا عيفرح قوي

شافت لها بصمت
........


في هذه الاثناء كان بيت ماريا حالة طوارئ

ماريا جلست بترجف وهي بتشوف الصياح والدم

سمراء: مالش

كانت ترجف وحاولت تطلع غرفتها بس منعوها الشرطه كمان كانت ملان البيت

دخلت المطبخ وجلست به: ...

نجيب: انا بجنن بفقد عقلي ، كل البيوت عارف تفاصيلها او ايش ؟!! قلت بفعل الاجتماع بالصاله عشان ما يقدر يتسلل لوسط البيت

كان يشوف للحرس والشرطه وماجد: كيف يدخل لوسط بيتي ويقتل وانتوا وينكم

واحد بيتكلم: لحقناه وفجأة طلعت ثلاث سيارت نفس سيارته ماعاد عرفنا اي واحد هو تفرقنا وضاعين علينا حاولنا نحاصر واحده بس دخل بالزحمه ووصلنا والسياره فاضيه

نجيب فك الشميز بقوه وجلس: اليوم قتل وسط بيتي بكره عيقتلني


مارريا ماسكه راسها وتكلم نفسها* ايش بيحصل معي...








https://tttttt.me/rewayatyamania/46742











📚 @rewayatyamania  🇾🇪