روايات يمنية📚🇾🇪

قصـة ظـلم الأخـوة للكـاتبـة: ريهـام الكميـم

.

البـارت 10 ``

ظـلـم الأخــوة 💔

👌🏻👇🏻 😍
📚 @rewayatyamania 🇾🇪

*إلـى كــل كتــوم ارهقته الدنيـا ومازال راضـيٱ ملأ اللــه قلبًـــــــــکْ فرحـــا بقــدر ما تألــــــمت ولـــــــم يشعــــــــر بــــکْ احدٱ 💔⚜️*

فؤاد: كنت اتمنى انني لو كبرت بين امي وابي واعرفهم سوا لكن ماذلحين طز في ستين داهيه الحمدلله لانهم ماتوا

حمدي: اي والله احمد ربك انك ما شفتهم

ماجد: خلاص قفلوا الموضوع ذلحين ماقلك النسب

حمدي: ارع قذا معانا نسب

فؤاد: ارع ياابي اررررع ههههههاي

ماجد: انا قلت ماقلك ذلحين يا ارررع

حمدي: قال عيجي غطوه بعد العصر عشان حفلة الرجال وبعد غطوه عيجين النسوان عشان حفلة النسوان

فؤاد: مش ملاحظين ان هاجر مابحد هي في البيت

حمدي: ايووه صح؟

ماجد: ابردوا لكم منها ذلحين هي طالع في غرفتها تفعل نفسها تاعبه وحانقه طز من حنق على غير امه سلي

حمدي: ليش تحنق ماقد معاها للحنوقه

ماجد: حن قلت لها مابش لها غرفة نوم

خالد: طز وانت خليها تشتري ي سعم احنا اللي عندفع

حمدي: ايوه صح طز يدفع محمد

ماجد: بس انا خايف تزود الزنط وبعدين تمكنا اشتي دراسه اشتي واشتي

خالد: هذاك الساع لنا خبر لكن ماذلحين سهل خليها تشتري من زلط محمد

ماجد: شافكر بالموضوع اذا زد قالوه

فؤاد: ايووه تستاهل تجلس بدون غرفه واحنا نجلس بغرف ضخمه عشان نعوض حق السنين الماضيه ونخليها تحس باللي كنتوا تحسوه

حمدي: اي والله انو صدقك

*ضـــــــــــــــــــــــــــــــــــــــــــائع*
*في دنيا لا افهمها *🖇️💔

.
.

في بيت عبد الحميد

مراد: يييه ي رباااب

رباب: ماهو ماقد به

مراد: ليش اليوم ماتسيري لعند هاجر .

رباب: ما أسير أفعل عندها ؟!

مراد: سيري اجلسي معاها واسأليها قد بتدرسي

رباب: مالك بتخرف مابتدرسش ولا واخوتها مابيخلوها تسير اي مكان

مراد: إلا والله أنني شفتها الساعه سبع ونص وهي لابسه زي مدرسي

رباب: ههههه شكلك قد بتحلمها في كل مكان

مراد: ي رباب والله أنني شفتها ومش هو خيال والله

رباب: غرييبه والله يمكن قد هي بتدرس الظاهر حن اتقالعوا من سبب دراستها محمد زاد عليهم ودرسها غصبا عنهم

مراد: ي اختي سيري لعندها واسأليها

رباب: اممم تمام ابسر امي ماعتقل

مراد: لالالا لا تقلي لها انا اليوم سمعتها بتقول عتسير عند صاحبتها تجابر وانتي سيري لما تخرج

رباب: تمام تمام ي داحووس اوووف

مراد: سهل يلاه انا اخوش الكبير

رباب: تمام ي اخي الكبير

مراد: ايوه انا فدا لاختي الصغيره
.
.

بعد العصر في بيت هاجر

رباب: سلام عليكم

هاجر: حيا وعليكم السلام

رباب: كيف انتي

هاجر: الحمد لله وانتي كيف حالش

رباب: الحمد لله تمام

هاجر: مالش ادخلي أو عتجلسي في الباب

رباب: مع اسلمي بس انا جيت أسألش سؤال واروح

هاجر: ههه جيتي عشان سؤال بس

رباب: هههه ايوه

هاجر: تفضلي اسألي

رباب: قد بتدرسي

هاجر: هااا لا من قال لش

رباب: لا بس شفتش الصبح من الطاقه وانتي لابسه زي مدرسي

هاجر: هااه هذك هي بنت خالي جت تدي لي دفتر قديم كنت بحاجته

رباب: اهاا قد استغربت مش معقول أن هو انتي بس قتلني الفضول و جيت أسألش

هاجر: هههه لا مش هو انا ياريت وهو أنا صدق

رباب: الله يعينش

هاجر: امين يارب العالمين

رباب: امين يلاه مع السلامه

هاجر: ادخلي اجلسي عندي شويه قبل ما يجوا اخوتي

رباب: ما اقدرش امي مابحد هي في البيت

هاجر: هااا براحتش الله معش

رياب: ومعش الله يعينش مره ثانيه

هاجر: هههه امين امين تسلمي

رباب: الله يسلمش باااي

هاجر: مع السلامة

وعلى دخلتها سمعت دقة الباب

هاجر: من

رباب: انا انا

هاجر: هههه مالش رجعتي

رباب: ااااا ولاشي بس رجعت اقلش انتبهي على نفسش وارحلي

هاجر: ههههههه ي قلبي تمام ولايهمش وانتي انتبهي لنفسش

رباب: اوكي يلاه باي

هاجر: باي
.
.

في بيت عبدالله

احمد: امااه

خلود: ماااهو

احمد: احم بسم الله الرحمن الرحيم

خلود: مالك بتحطم ماهو ماتشتي

احمد: انا انا اشتي ماشي انا نفسي والا خلاص أنسي الموضوع

خلود: ماهو ما تشتي اتحاكى

رؤيه: انا دريت مايشتي

احمد بهرر لها بعيونه تسكت

خلود: مايشتي

رؤيه: ههه غير بين امزح

خلود: ههههه الله يشفيكم

احمد: ههههه خلاص بس انا كنت بين اضحك معش يمااه

خلود شكت بس مابينت: اهااا سابر

احمد: ايوه مابه معانا من عشاء

رؤى: صلِ على النبي عاد احنا ماقد هضمنا الغداء سوا

احمد: اللهم صلِ على محمد ماهو قد الساعه خمس ي مجنونه

رؤى: ههههه والله ما مجنون إلا أنت

احمد: ماهو من المجنون

رؤى: انت

احمد: انا

رؤى: ايوه انت

احمد: اها هيا دوري من ينقذش من المجنون
وبدأ يلحقها

https://tttttt.me/rewayatyamania/46636

📚 @rewayatyamania 🇾🇪