.

البـارت 10 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


طيبة القلب والتسامح شيء جميل لكن الطيبون لا يدومون فرفق برقيقين القلب✨


سندس بدأت تبتعد من سالي ياالله كيف بحفظ سر مثل هذا بعدا لو انكشفت ودريوا انني داريه عيدخلوني بهذه الجريمه رجعت فكرت ايش عتفعل ضروري افعل هكذا هذا الصح


عند لجين
لجين مريض ياالله قدنا بالوسط


دق الباب ابو محمد ولجين جاوبته دخل عندها

ابو محمد: في حاجه تشتي تقوليها لي

لجين توترت: ماشي ليش

ابو محمد: متاكده يبنتي

لجين: ايوه متاكده يابه اشتي اسألكم من الشيخ هذا

ابو محمد: يعني تشتي تعرفي سبب مناسبتنا لهم

لجين: ايوه

ابو محمد: الشيخ خالد شيخ كبير معروف باصراره وكل أمر يطلبه يتنفذ بغير اي اعتراض في يوم من الايام وعادو في شبابه فعل حادث مع اقرب صديق له للاسف هذا الحادث سبب في موت صديقه واللي هو اخي سامر طبعا اللي كان يسوق السياره الشيخ خالد عادو كان شباب من هذك اليوم وهو يحسن لنا ولا يقصر معانا لانه بيحمل نفسه موت صاحبه

واول ما عرف اني معي بنت وعادش صغيره قال هذه لابني و فضل انو يختار من عياله مازن لانو أكثر واحد يحبه

لجين قاطعته: ليش مازن بالذات

ابو محمد: لانه الوحيد اللي يخرج عن كلمه ابوه عادو حتى لما كان بالمدرسه ما كان يرضى يعترف ان ابوه شيخ كان كل مره يخرف فحب الشيخ خالد يزوجش مازن عسب تعقليه

لجين: وانا ما ذنبي اتحمله

ابو محمد: ما كملت يابنتي مازن كان كل ما تضيق القاه بالمسجد وعمك سامر كان يحبه و يقول انو انسان حنون ما يبان.. بس والله يابنتي ماعتوافق عليه الا ونا داري

لجين: خير ان شاءالله خير
.
.


عند مازن لا لا ليش بين افكر فيها ياالله كله بسبب عيونها دمعين يمكن يكون صدق هي مغصوبه عليا بس مستحيل كل البنات يتمنين تمنى انهن يتزوجين ابن الشيخ

رجع دعمم ودخل يراسل بنات
البنت: انت وعدتني انك تجي تخطبني هذا الاسبوع

مازن قدو ضابح: شكلي ضيعت البيت وخطبت بنت ثانيه

البنت: ايش قصدك

مازن: شغلي عقلش وعتفهمي

البنت: مالك تغيرت قدك بتجنن

مازن: وانتي متوقعه اتزوج بنت كلمتني وجلست ترسل صورها

البنت اكتبدت: انا فعلت هذا كله عشانك بالاخير تقولي هكذا

مازن: انا خاطب ذلحين عتواصلي وانا خاطب

البنت: الله يلعنك يا.....

مازن رد سبها وحظرها خليني ابسر الباقيات اقلهن

كلهن تقبلين ماعدا ثلاث
.
.


عند سالي
سندس: طيب هو ذا حققتي اللي تشتي وفرقتي بهم وفعلتي سحر لعبدالله ايش عيحصل

سالي: عيتزوجني قد قلت له يستعجل

سندس: عيكون صعب لما تفكي له السحر

سالي: من قال انني عتعالجه

سندس طننت: كيف كيف عيرجع يقتلب السحر على الساحر وتقتلب عيشتش بطلي جنان

سالي متوتره: لو يفتك السحر عيفعل المستحيل عشان يرجع للجين

سندس: بس انتي هكذا تضريه انسان بتقولي انش بتحبيه

سالي بضبح: يااعني مفعل اقتل للجين

سندس افتجعت نكع تلفونها للارض

سالي: مالش

سندس رفعت سريع التلفون من الأرض ووقفت التسجيل اللي كانت تسجل صوت سالي وقالت:ولاشي ولاشي اسمعي انا عتروح امي اليوم تاعبه

سالي استغربت: طيب تشتي السواق يوصلش

سندس: لا لا تسلمي

(طبعا سالي وسندس مش عارفات ان لجين مخطوبه والا كان عيقع لسالي ورقه رحب)
.
.

دخلت ام محمد
ام محمد: لجين ياقلبي

لجين: ها اميِ عيوني ما تشتوا

ام محمد: يابنتي نشتي نفعل لش حفله خطوبه نفرح بها وتعزمي صاحباتش

لجين: يمه عادي مش ضروري

ام محمد: عشان والكل نعزم اهل الخطيب عمتش اتصلت تشتي تبسرش هي وبناتها

لجين: خلاص تمام عادي

ام محمد: كان قومي هيه نسير نشتري لش فستان

لجين: يمه سهل عتلبس من اللي معي خيرات

ام محمد: هيا من الكسل

لجين: خلاص هيه

خرجين

وفي السوق
ام محمد: ما رأيش نشل لش حق والكل العقد قدي من مره

لجين استغربت: ليش او قدو قريب

ام محمد: توقعي كل شي قدلش مخطوبه يابنتي ثلاث سنين

لجين في نفسها يوه مش انا مستعده لشي

روحين

لجين وصلت وابسرت رساله من سندس استغربت تيه البنت صاحبة سالي مشي حتى صاحبتها دخلت المحادثه وتبسر تسجيل صوت عاد هي عتفتحه

ام محمد تصيح للجين وسارت تجاوب


ام محمد جابرتها ونسيت موضوع التسجيل

ام محمد: ايوه يابنتي ما رايش بكره نفعل الحفله

لجين: لو تكون بعد بكره

ام محمد: قصدي لا نجلس نأجل

لجين: خلاص ايش ما تشتوا

ام محمد: حاكي صاحباتش

لجين: مابش داعي عتعزم رناد

ام محمد: تمام


لجين ذكرت انها ولا قد حكت لرناد شي وكل ما تتصل يكون تلفون لجين مغلق لو اصدمها هكذا عتجي تلطمني مابلا اتصلها اتصال خاص
لجين اتصلت لرناد


أحيانا يزيد الاهتمام من طرف واحد والثاني يكون اناني لاخذه أكثر من حقه فينسى الطرف المهتم✨














https://tttttt.me/rewayatyamania/46007











📚 @rewayatyamania  🇾🇪

.

البـارت 11 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


إن أقصى ما أريده ، هو أن أهرب على امتداد طريق ثالث ؛ لا يؤدي اليك ولا لحزني✨


لجين ذكرت انها ولا قد حكت لرناد شي وكل ما تتصل يكون تلفون لجين مغلق لو اصدمها هكذا عتجي تلطمني مابلا اتصلها اتصال خاص
لجين اتصلت لرناد

لجين: الو

رناد: اهلا اهلا بالضايعه مالش ماعتردي مكالماتي ياكلبه

لجين: لو تبسري ما حصل وحكت لها كل شي ماعدا تصرف مازن معها لانها عارفه عتسير تحاكي ام محمد وام محمد عتقول لأبوها
.
.

عند مازن
سمر اخت مازن: بكرره عنسيرر نبسر خطيبتك

مازن بعدم مبالاة: ماافعل

سمر: الله يقلعك مش انت متحمس اوصفها لك

مازن: ما يهمني

سمر عاد عتتكلم

مازن بز نفسه وخرج
.
.

عند عبدالله
عبدالله: ها ياقلبي

سالي بغرور: هاا كنت اشتي احاكيك نقرب موعد الزواج

عبدالله: ايوه ياروحي فكره نفعل العقد حقنا الاسبوع الجاي ما رأيش

سالي وفي نفسها ليش عاد الأسبوع الجاي قرب: مش كأننا استعجلنا

عبدالله: ماشيي قوا لا نزيد نتاخر

سالي: خلاص ياقلبي اللي يعجبك


ام عبدالله بغرفتها تبكي

دخل ابو عبدالله ابسرها
ابو عبدالله: اماني ياروحي مالش

ام عبدالله: إبني مش طبيعي

ابو عبدالله: من ناحية ايش

ام عبدالله: ماعد بيسمع كلامي وماعد بيسير الجامع ولا عد يرضى يصلي بالمره وإذا قلت له قوم صلي قام رزوع وكسر

ابو عبدالله: يوو للمه ما حاكيتني من قبل

ام عبدالله: قلبي مش مرتاح سوقه عند شيخ يقرأ عليه مدري وعقله يرجع

ابو عبدالله: وهذا هو الحل

.
.

يوم الحفله
وصل مازن خواته وامه

دخلين وهن متحمسات يبسرين مرة اخوهن

ام مازن: السلام عليكم

ام محمد: وعليكم السلام حيا بكم تفضلوا

جلسين يتجابرين وارتاحين لبعض

سمر بعدم صب ر:يا خاله صفيه وين هي مرة اخي

خواته يبقصينها

جميله بصوت واطي: استحي على وجهش

ام محمد : الان ادخل اصيح لها
دخلت ام محمد

ام محمد: ماشاء الله قمر قمر بنتي

لجين: الله يحفظكم

ام محمد: هيا ادخلي انتي ورناد البنات يشتين يبسرنش

لجين: من هن البنات

ام محمد: خوات مازن خيرات ماشاء الله وباين انهن عسل

لجين: يله الان شدخل هيا يا رناد

رناد مشيت قبالها وحجرت

لجين بهررت لها وخزيت

دخلت لجين وحجرين لها

دخلت جلست بالوسط بالكرسي وهي خازيه

خوات مازن طننين عليها

جميله: ماشاء الله والحلا فيها

سمر: ايوه قدي زياده على اخي لو يبسرها لايتلل

حنان قبصتها: مالش اخي يستاهل الأجمل

حوريه: او ما ملت عينش هذه مسكينه حين وافقت

أسماء: بطلي انتي وهي قد بسرنا كم به بنات يتمنين اخي تمنى

سمر: انننن لغجه

ام مازن: اصهه لا تتصايحين ببيت الناس بعدا ماشاءالله الله يحفظها حاليه قوي

قفزين يتعرفين عليها و اولهن سمر

لجين ارتاحت لهن كان قصدها حين هن بنات شيخ عيجين نافخات عليها وجلست سمر تفضح اخوها وتضحك عليه وخواته يبهررين لها

روحوا الكل


بالسياره عند مازن
سمر: لو تبسر يا مازن على جمال ماشاءالله اول ما دخلت طننا عليها

وكل خواته يمدحنها ويوصفنها

مازن: خلاص اصهه تكون ناقعه وجهها مكياج

فجأة تخرج قباله قاطره ووو...



عتتدور فيك الدنيا عيحصل لك مثل ما حصل فيني عتمسك جوالك ولا عتلاقي اي اتصال او رساله لا تستطيع النوم بالليل عتحلم كل ليله عتفكر في كل لحظه عشناها وتندم وقتها ندمك ماعينفعك✨


























📚 @rewayatyamania  🇾🇪

.

البـارت 12 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


حاولت الابتعاد عنك حاولت ان لا اتعلق بك لكنني كل ما أغمضت عيني ظهرت ملامحك الفاتنه احبكِ يا جميله الجميلات✨



مازن: خلاص اصه تكون ناقعه وجهها مكياج
فجأة تخرج قباله قاطره ووو

مازن لف السكان وحرف السياره على جنب لكن للاسف طحس السكان من يده ودارت السياره وكانوا كأنهم يشوفوا الموت قدامهم

مازن افتجع قوي على اهله ومسك بريك ووقفت السياره على جنب نزلوا كلهم

مازن بخوف: كلكم بخير محد استوجع

خواته جالسات يبكين وامه مصدومه

مازن: شتصل لأبي

ام مازن افتجعت على ابنها: لا يا ابني لو يدري عيصيح فوقك قوي

مازن: كان ماافعل

ام مازن: اطلعين يابناتي السياره هيا الله يحفظكن الحمدلله ما وقع بنا شي قد الله لطف بنا وحفظنا لحد تسير تحاكي ابوكن قدكن داريات

هزين راسهن وطلعين السيارة

مازن بسر جنبه دبه ماء وقف ونزفهن كلهن ونزل يشتري لهن ماء وعصير

مازن: اسف ياخواتي كان عيحصل بكن شي بسببي

حنان: هذا من الله يااخي قدر الله وما شاء فعل

مازن: ونعم بالله


وصلوا البيت وكل منهم دخل غرفته

مازن جالس يفكر ليش كل ما يتكلمين عليها اتعصب مالي جننت لف للحال الثاني وغمض وعيونها في باله استغفر الله العظيم
.
.

عند عبدالله
ابو عبدالله: ما رضي المشكله قلت عتدي شيخ للبيت قام يصيح ويقول قلبتني مجنون

ام عبدالله: وقال لي انو قد استأجر شقه له و لمرته شكله بالاخير ما عيعزمنا عرسه لما كان يقول انو عيتزوج لجين كان يقول انا عتعيش عندكم ماعتفلتكم انا متاكده بولدي شي

ابو عبدالله: انا فكرت اربطه وادي شيخ حتى انا لاحظت عبدالله ماعدوش عبدالله حق زمان
.
.

عند لجين
فتحت رسايل سمر طبعا سمر اجتماعيه على طول طلبت رقم لجين

سمر: لو تبسري ما وقع وحكت لها على الحادث

لجين افتجعت: يوو الله ستر الحمدلله انكم سالمين

جلست تتجابر مع سمر كملت تجابرها دخلت الواتس وبسرت التسجيل اوو ما فتحته نسيت قامت تتدي سماعه
ركبت السماعه وفتحت التسجيل

سمعت التسجيل وعادته عشرين مره منصدمه قوي يوو والفعله يوو ياالله عبدالله الان مسحور وانا اقول ليش مشو طبيعي لازم اكلم اهله لازم الان الان مستحيل ارقد المشكله كان معي رقم امه وحظرني

شابز رقم عمو عبدالله من تلفون ابي اكيد انو مسجل سارت تدور تلفون ابوها

دخل ابوها المجلس يبسرها جالسه تدور شي

ابو محمد: يابنتي مالش ضيعتي حاجه

لجين على طول خبت تلفونها بجيبها: ايوه يابه تلفوني مدري اين طرحته اسكه ادوا لي تلفونكم ارن ليه عسب ادوره

ابو محمد خرج تلفونه من جيبه عسب يرن لتلفون لجين

قاطعته لجين: هاتوا يابه تلفونكم انا شرن له انا وانزل ابسره نازل

ابو محمد مكن بنته

لجين بزت تلفون ابوها وعلى طول نزلت لغرفتها وغلقت جالسه تدور بين الارقام يله كتبت اسم ابو عبدالله ظهر لها على طول خرجت تلفونها وصورت الرقم

خرجت من كل شي وطلعت تمكن ابوها التلفون
نزلت غرفتها وعلى طول رسلت التسجيل لابو عبدالله وكتبت تحته كلام بسرت ما رد اتصلت يارب يرد يارب يرد ولو الوقت متأخر كانت الساعه ٢ ونص الليل
.
.

عند سالي
اخير عبدالله عيكون من نصيبي وتحاول تتناسى موضوع السحر بس كيف عتعيش معه وهو مسحور عيجلس هكذا طول عمره بس لو اعالجه و اسوقه عند شيخ عيطير من يدي انا داريه هو بعد بعد لجين ولو يعرف اني فعلت له سحر عيقتلني فانا في الحالتين متضرره خليني ساكته
.
.

عند لجين جاوبها
لجين بتوتر: الو يا عم عبدالله انا لجين

ابو عبدالله استغرب: ها يا بنتي

لجين حكت له: افتحوا الواتس ضروري رسلت لكم الدليل

ابو عبدالله كان شاك بالموضوع ما كان متأكد حاكى ام عبدالله واتفقوا انهم بكره عينهوا الموضوع


لقد قاموا بفعلتهم يا حبيب القلب قاموا بتفريق حبنا العظيم بدون رحمه تبا لأناس مثلهم تبا لناس تحمل حقد تجاه حبنا البريء تبا لناس تتخيل انها سوف تحصل على هذا الحب✨




















📚 @rewayatyamania  🇾🇪

.

البـارت 13 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


يا قلب لا تميل على من تركك بدون ان يلتفت خسارة على العمر والوقت اللي ضيعت معاك ومع حبك المزيف✨



لجين حكت له: افتحوا الواتس ضروري رسلت لكم الدليل

ابو عبدالله كان شاك بالموضوع ما كان متأكد حاكى ام عبدالله واتفقوا انهم بكره عينهوا الموضوع


 الصبح
ابو عبدالله سار غرفة عبدالله الساعه خمس الصبح على اساس يخدره ويربطه دخل غرفته وما لقيه سار يدوره في البيت ما لقيه

ام عبدالله: ربطته اتصل للشيخ

ابو عبدالله: مدري اينو خارج ما حصلته

ام عبدالله: امانه عليك

ابو عبدالله: والله وين سار هذا


نرجع الاحداث الساعه ٣ الفجر بالضبط
عبدالله عيطلع يحاكي ابوه وامه على العقد الاسبوع الجاي عادو عيدق الباب الا ويسمع

ابو عبدالله: خلاص الساعه خمس الصبح عيكون راقد عتدخل اخدره واربطه وادي شيخ

ام وعبدالله: ايوه ابنى مش طبيعي وزادت لجين أكدت

عبدالله خرج من البيت هذك السع واتصل يقوم سالي

عبدالله: بيقولوا اني مجنون وعيدوا من يقرأ عليا

سالي توترت وافتجعت: لا تصدقهم اخرج سير شقتنا اللي قد اشتريتها ماقدهم داريين بقعتها

نسي عبدالله ما يقول لها ان لجين قالت لهم انو مش طبيعي



نرجع على ما كنا
ابو عبدالله: عتتصل واسأل عبدالرحمن اكيد انو داري

ام عبدالله وقدي بتبكي: اقطب هيه

ابو عبدالله اتصل لعبد الرحمن
ابو عبدالله: السلام عليكم

عبد الرحمن: وعليكم السلام

ابو عبدالله: كنت اشتي اسألك عبدالله ابني عندك والا قال لك اين خرج

عبد الرحمن استغرب: ياعم عبدالله قطع علاقتنا قبل أسبوع

ابو عبدالله حكى له كل شي

عبد الرحمن افتجع على صاحبه

ابو عبدالله: انا عتسير عند عيال الكلاب ابو سالي واتفاهم معاهم


سار ابو عبدالله قسم الشرطه وكلمهم اضطروا كلهم يسيروا بيت ابو سالي لأن الدليل حتى موجود

سندس كانت سايره عند سالي تزيد تنصحها الا وبسرت الشرطه سايره لقبال بيت سالي تراجعت وارتجفت ورجعت البيت وهي تردد انا فعلت الصح وهي تدمع زاعله

ابو عبدالله يدق الباب وهو يرزوع يا جمال(ابو سالي)

جمال سمع الرزوعه على طول قام يبسر

جمال فتح وابو عبدالله قبال وجهه

ابو عبدالله سحب جمال من ياقته وقد يبدا يضربه

لكن الشرطه مسكته ليش ساكت يا جمال ^

الشرطي: سالي جمال نحتاج شهادتها لجريمه وتعاملت مع السحر وهذا شي مخالف ديني وعقوبته شديده

جمال طنن انصدم: اكيد انتم غلطانين مابش عندنا هذا الخبر

الشرطي: صيح للبنت او عنتقحم احنا لازم ناخذ شهادتها

وصلت سندس البيت والشرطه واقفين اشاروا الناس لعندها

الشرطي: سندس جابر انتي رهن الاعتقال

سندس سلمت نفسها وفي نفسها يارب تتغير يا سالي مثل ما ضحيت عشانش وبزوها للقسم
وسالي نفس الشي
.
.


عند عبدالله
جالس لوحده يصيح من وجع رأسه عيخرج يشتري له اكل يمكن سبب وجع رأسه

فجااه اغمى عليه وهو خارج جنب سيارته ابسره واحد من الجيران حمله لسيارته يسعفه
.
.


عند لجين
بسرت خمسين رساله دخلت تبسر الرسايل من رقم غريب

مازن : لجين لجين كاتب اربعين مره والباقي كاتب انا مازن

لجين استغربت: ؟

مازن بسر الرساله: ساعه تردي

لجين: ما تشتي 🙄

مازن: لا تقلبي عيون 😑

لجين: يعني ٥٠ رساله تضبحني والا ماهو

مازن تذكر: لا بس اخرجي انا خارج مريع لش نسير نغير لش الدبله انا وامي وتختاري اللي تعجبش لانهم قالوا انها مشي عليش

لجين: ضروري يعني

مازن: اتخارجي انزلي قد لي ملطوع ساعه وعاد احنا عنمر نبز امي

لجين: طيب ريع

مازن اتصل لجين تغلق اتصل عشرين مره ماله ملغج

مازن: اخيرا مالش عاد بتفعلي حركات

لجين خزيت: ها

مازن عجبه صوتها بغير شعور: صوتش حالي

لجين خزيت وقد عتغلق

مازن: قد عمي وعمتي داريين انزلي

لجين: تمام وغلقت

ولبست ونزلت

نزلت ومازن انصدم
مازن: وو



قَبلَ أن تَرحَل
رَجَاء عد ثَانية فَقَط لِكي تَنزَع رُمحكَ من قَلبي
فاناَ لا زلت ُ أتَنفَسك✨


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 14 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


أتألم كثير عند تذكر لحظاتنا الجميله لا استطيع غير تذكر اللحظات الجميله اما السيئه كنت امحيها في وقتها ✨



نزلت ومازن انصدم
مازن: ووو للمه انتي فاتشه

لجين فتحت الباب عتطلع ورا: لأني فاتشه

مازن: اطلعي قدام مش انا سواقكم

لجين: عيب وخاله

مازن: امي ما يعجبها تطلع قدام

لجين طلعت قدام جنبه

مازن وهو يسوق: ايوه ليش يعني فاتشه يا اخت وانتي ياسعم معتبره انش مخطوبه

لجين: انا فاتشه من بيت ابي وابي عادي عنده بتحسسني اني ممكيجه والا فاعله شي على غساله وجهي

مازن: الا والشفايف هولا بتجلسي تقحصيهن عسب يحمرين مدري يوردين صح

لجين: مااشيي هن هكذا

جلس يعاندها طول الطريق


وصل بيت خالته يطرق لامه نزلت سمر طبعا سمر اصغر من لجين وقدي مبرقعه

مازن نزل الزجاح: ويني امي

سمر: قالت انها تاعبه اجي انا بدلها

مازن: وما اختارتت الا انتي

سمر ضحكت: وانا مالي

مازن: طيب اطلعي ياروحي امزح

لجين استغربت طلع محترم اي حين ما يشتي


وصلوا عند صاحب الذهب وجالسه تختار هي وسمر وهو يختار معاهن ويدي رأيه فجاه رن تلفونه وشاف المتصل وتوتر
.
.


عند ابو عبدالله بالقسم

الشرطي يشرح له: سندس ال.. اعترفت انها فعلت كل هذا بس سالي جمال مش راضية تقوم بشهادتها ساكته ولا رضيت تقول كلمه واذا اصرينا عليها تقول اشتي اكلم سندس

ابو عبدالله: خلوها تكلمها مدري وان احنا نتخارج

الشرطي: قد خليناها


عند سندس
سالي: انتي غبيه

سندس: انا مااشتي اخون ثقتش وبنفس الوقت نصحتش مليون مره انو اللي تفعليه غلط كبير

سالي ببكاء: طيب انا اللي فعلت كل هذا مش انتي كنتي تقولي انو انا

سندس: ما اقدر اخون صاحبتي ان شاءالله انش تتعلمي من تضحيتي

سالي: ..💔 سندس لوسمحتي فكري

سندس: يا اخ رجعوني ماعد اشتي اكلمها

سالي ببكاء وصياح: سندددس
.
.

جاء اتصال لابو عبدالله
ابو عبدالله بسر رقم عبدالله جاوب على طول: الو عبدالله وين انت

الغريب: ابنك في مستشفى ال...

ابو عبدالله افتجع: الان الان

خرج من القسم مسرع للمستشفى
وصل دخل وسأل

الممرضه: الحمدلله على سلامته كان مصدع دوخ مابش شي لا تخافوا

ابو عبدالله اتصل للشيخ: الساعه كم نجي

الشيخ: بعد أذان العصر

ابو عبدالله: تمام
.
.

عند مازن
اتصل الرقم

لجين بسرت الاتصال باسم عدنان: مالك ما تجاوب

مازن: واحد من خبرتي أذوه دعممي

لجين استغربت وجالسه توريه
لجين: كيفي هذه

مازن: حاليه شليها

لجين: خلاص يله قدي هي

مازن: اختاري لو به  بدله ذهب عجبتش لو تشتي تغيري حقش او جنب حقش عادي

لجين خزيت: لا لا سهل

مازن: اكيد لانها من ذوقي ضخمه البدله ماعتلقيها هانا

لجين في راسها بتقول والله حتى ما فتحت الشنطه ولا بسرت شي اكتفت انها تبتسم

مازن: عجبش العطر حق cinema

لجين: الصدق ماقد فتحت الشنطه

مازن استغرب وسكت
بدل الدبله ووفى شويه فوقها

مازن: اليوم الغداء على حسابي معزومين عندي

سمر ضحكت: انا فدالك الله يحفظك، كوني اخرجي معانا كل يوم وضحكت

لجين خزيت: ضروري

مازن: انا عزمت وانتهى الموضوع وتعالي به محل هانا يبيع براقع ما رأيش تلبسي

لجين: يا مازن

مازن: لوسمحتي انا بين اقول هكذا لانش حاليه كل من مشي بسر لش

لجين سكتت وهي طيبه على طول يحن قلبها: طيب

مازن انصدم مالي بين اجنن ياالله احفظ لي عقلي اتصل الرقم نفسه

مازن: يا لجين اسبقي وقولي لسمر تسبق.. مكنها مفتاح السياره بس مش ترجعي تفحطي عليا شكلش تستري تسوقي

لجين ضحكت وتذكرت قبل ٣ سنين يوم قالت لابوها علمني السواقه وقال لها خلي زوجش يرجع يعلمش: ما استرش اسوق ارجع علمني وخطيت

مازن طنن بين احس انها بتسحبني لها يوو قلبي بيميل لها

اتصل لرقم عدنان
مازن: خير يا سعاد ما تشتي

سعاد بتصنع الرقه: مالك يا روحي معصب

مازن: اكرهش اقطعي علاقتنا وغلق وحظرها



مهما بلغت قيمتك فترتها محدوده وتنتهي صلاحيتها، انا من احتويتك وانت من تركتني✨

























📚 @rewayatyamania  🇾🇪

.

البـارت 15 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


تمكنت بعد صراع ومعركه طويله ان اهزم الافكار الموجعه، التي سببت لي ألم برأسي وضيق بصدري✨



مازن: اكرهش اقطعي علاقتنا وغلق وحظرها
وسار للسياره ودخل وسمع صوت ضحكة لجين ابتسم

مازن: ايوه وين تشتين تتغدين

سمر: بذوقك انت

مازن: وانتي يا لجين

لجين: اللي يعجبك عادي

مازن: طبعا بذوقي انا ذواق ولبس النظاره الشمسيه


وقف عند محل البوالط نزلت سمر ولجين اشترت برقع وحجاب اسود

طلعين السياره

مازن طلع زجاج السياره معكسه

مازن: ما رأيش ترجعي ورا وتلبسيهن

لجين: من اليوم

مازن: ايوه

لجين رجعت ورا ما توقعت يبسرها بالمرايه

مازن بسر شعرها وهي تلفه ونعومته طنن

صلحت لجين البرقع وطلعت قدام

حرك السياره وتوجهوا للمطعم
.
.


عند ابو عبدالله

عبدالله تاعب مش مركز مع ابوه ما ركز على الطريق

ابو عبدالله نزل عبدالله ودخلوا عند الشيخ

الشيخ بسرهم ودخلهم وقرأ قران بصوته خشوع وصوت يخلي قلبك يرتاح وهمك ينتهي

عبدالله يصيح ما تحمل داخ وطفشوه بماء
.
.

وهم بالمطعم
لجين: ذلحين كيف آكل وانا هكذا

سمر ومازن ضحكوا

مازن بضحك: افتشي ياروحي

لجين خزيت وفتشت

مازن ما انتبه على كلامه: المهم لما يجي النادل رجعتيها لوجهش على طول

لجين: تمام

مازن: طلبت سمك والتوابع حقه عادي عندش

لجين تحب السمك: عادي


قدموا الاكل ولجين متعوده ابوها او امها يخرج لها السمك من الشوك

مازن بسرها كودي تخرج قام يخرج لها ويدي لها لقدامها

خزيت لجين وشلت وهي ساكته

مازن: كلي كلي ابسري سع من انتي

لجين بتاكل وقدي خازيه حين بيدي لها

سمر: حركاات اللي بيدلعوا خطيبتهم

مازن: ايوه ايوه
.
.


مرت ثلاث ايام وعبدالله رجع لوعيه

ابو عبدالله حكى له كل اللي حصل وان صاحبة سالي اللي فعلت له السحر

عبدالله: ولجين

ابو عبدالله نزل رأسه: خلاص يابني البنت مخطوبه وانت خاطب

عبدالله: طيب قد جرحتها ولا فعلت شي غلط

ابو عبدالله: قد اذيتها بما فيها الكفايه كل واحد بطريقه مابش نصيب ياابني لا تعترض

عبدالله نزلت دمعه حارقه اااح

عبدالله: وامي كيف هي

ابو عبدالله: غثيتها خيرات بس معك عذرك
.
.

عند سالي
سالي يارب عبدالله يتقبل الوضع اللي احنا فيه
شاجرب حظي واتصل له

سالي تمثل الخوف: كيفك عبودي

عبدالله بدون نفس: تمام

سالي: لا تنسى بكره العقد عنعقد حبنا

عبدالله استغرب: ليش حبينا بعض

سالي بكذب: حبينا حب كبير

عبدالله شك: اها

سالي: تصبح على خير

عبدالله: باي

كيف قدرت احب بعد لجين وما حبيت الا سالي
قام يسير عند امه

عبدالله: يمه يانظر عيني انا اسف

ام عبدالله بتبكي: مشو ذنبك يا حبيب قلبي جلست تحببه
.
.

عند لجين
ام محمد: خلاص اتفقنا قدي بكره قد لنا نجهز يومين

لجين: يمه متاكده الفستان سابر كنت اشتي لو مغطى الأكمام

ام محمد: لما تعقدوا يعني قدكم حلال لبعض يابنتي وحنا ما نفعل العقد الا والعرس بعده اقل شي شهر او اقل

لجين: يوو مسرع

ام محمد: هكذا سنة الحياه
.
.


عند ابو مازن
ابو مازن: والله يااختي الموضوع عاد كان بيننا انا والرجال وكنت مشغول اخر فتره ماعد حاكيتش

سميره عمة مازن: احنا اتفقنا من زمان ان ولدك لبنتي ايش حصل

ابو مازن: عنشوف

سميره: ماعتشوف قد عقد ابنك بكره او البنت هو اللي اختارها

ابو مازن بكذب: ماشي امه اختارت له

سميره: خيرة الله نلتقي بكره ونبسرها

غلقت سميره وسارت لجنب بنتها
سميره: امل اطرحي التلفون

امل بنتها: يمه بين اراسل اسماء اخت مازن

سميره هزرت التلفون: لاعد تراسليها مادام ما قالت لش ان مازن خاطب وبكره قدو حقه العقد وعادهم عزمونا

امل طننت لا لا حب الطفوله كذب: ماشي يمه لوشي ان اسماء عتقولي

سميره: احتمال تكوني مرته الثانيه

امل ببكاء: ما اشتيش احد تشاركني به

سميره بضبح: اصه يكون اخي هو اللي اختار لابنه عشان هكذا مستحيل يغير رأيه وانتي داريه كيفو صارم بقراراته فيعني مابش مجال للجدال الان ركزي معي نشتي تكوني الثانيه

امل ببكاء: لكن

سميره: لا لكن ولا ابسري كيف حالتنا انتي لو تدي حفيد له عيكون له نصيب بالورث العظيم حقه

امل: يمه ما كفيش انو بيدي لش

سميره: ما كفيني انا ارمله وانتي يتيمه اب

امل بكره: تخيلي يمه ان اسماء واصل تقولي انتي مرة اخي مرة اخي

سميره: وعتكوني مرة اخوها لا تديش المجال لهذه اللي اختاروها وانا متاكده انش اجمل منها واحنا نعرف ان مازن يميل للجميلات لا تخافي يا بنتي الجميله

امل هزت رأسها ومقهوره




لايفوز بمعارك الحياة الأقوى أو الأسرع ولكن إن عاجلاً أو آجلاً الذي يفوز هو من يعتقد أنه يستطيع✨


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


كان الخوف بالنسبه لي حبك واصبح الان الخوف هو فقدانك✨



عند مازن
جهز الزنه والعسيب والمسدس الكولك
الله يجعلها خير عليا ويارب ما اظلمها ولا تظلمني ويارب تعوضني وانا اعوضها
.
.

عند لجين
بسرت رساله من مازن

مازن: جاهزه لبكره 😎

لجين خزيت وكتبت: ان شاء الله يكون عقد خير وعقد لا يظلم ولا اظلم وعقد يعوضني ويعوضك

مازن: امين

لجين: تصبح على خير

مازن: وانتي من اهل الخير

لجين جلست مطننه وبدات تتذكر كيف كانت هي وعبدالله وتبكي
.
.

عند عبدالله
ام عبدالله جهزت له كل شي

عبدالله: يمه احس اني مش مستعد وناسي حتى ان انا حبيت

ام عبدالله: ابسر ياابني انا مش مرتاحه لهذي سالي بس قد حقكم العقد بكره ما ينفع فجاه تفسخ اخاف ترجع تندم ولازم انك ترتبط عشان تنسى لجين

عبدالله: الحب الاول عمره ما ينتسى

ام عبدالله: داريه ياابني بس ما نفعل هذا حال الدنيا عتنسى مع التغيرات الجديده اللي عتحصل في حياتك

عبدالله: ان شاء الله خير

ام عبدالله: اشتي اطلب طلب ياابني

عبدالله: انتي اؤمري بس

ام عبدالله برجاء: مابش داعي تنقل

عبدالله استغرب: اين عتنقل

ام عبدالله: انت اشتريت شقه ومصرر انك تعيش انت ومرتك انا اشتيك تجلس هانا ابسر سع منو البيت كبير بز لك الشقه اللي فوق


عبدالله سار بعالم ثاني ونرجع لقبل ٣ سنوات
عبدالله: المهم هذه شقتي انا ولجين

ام عبدالله: خلاص ولا يهمك

ابو عبدالله: اخترت احسن واحده في الديكور

عبدالله ضحك: ايوه طبيعي احلا شقه لاحلا لجين

حسام: وانا مالي دخل

ابو عبدالله: انت عادك على مشوار طويل عريض

عبد الله: قدك مالك دخل قلتها بنفسك
وضحكوا


نرجع للحاضر
ام عبدالله: عبدالله وين انت عبدالله

عبدالله: ها ها ما قلتوا

ام عبدالله: عتجلس عندنا

عبدالله: ايوه بس شابز لي الشقه اللي تحت

ام عبدالله: ما تشتي اللي فوق متاكد

عبدالله: متأكد
.
.

عند سالي
ام سالي: مشخلع قوي خزا تلبسيه

سالي: يمه مالكم عادي وانتي قد عيكون حلالي ماعيوقع شي

ام سالي: مفتوح قوي من جميع الجوانب

سالي: عادي يمه

ام سالي بضبح: انتي اخبر
وخرجت من الغرفه

لا مشخلع ولا كان نفسي سندس تكون جنبي بس هي جنت على نفسها ما ازيد افعل

.
.

يوم العقد
عند لجين قامت وهي مورمه بكت لما شبعت تذكرت عبدالله


عند مازن قام وهو ضابح تذكر حبه ل تمار


عند عبدالله قام وعيونه حمر ساهر ودموعه الحارقه تحرق قلبه وتذكر ايامه الحلوه مع لجين


عند سالي قامت وهي فارحه مش قادره تنام بفرحتها ان عبدالله عيكون لها


عند امل قامت وهي معزمه انها عتكون شريكه مازن بحياته عاجلا او اجلا



ام لجين: هيا يابنتي يوو مالش مورمه

لجين: حين رقدت خيرات

ام لجين: سهل الحالي حالي حتى لو قام من النوم

لجين ضحكت وتذكرت مازن حين كان يردد الجمله هذه وكملت بعدها: والشوعه شوعه حتى لو تحمم كل يوم

ضحكين وقامت تلبس عاسب تسير عند الكوافير


عند الكوافير
لجين: افعلي لي مكياج هادئ

الكوافير: انتي ماشاءالله جميله ما يحتاج ازيدك مكياج

صلحتها وطلعت لجين قمر قمر

لجين وهي تبسر نفسها كيف وقعت يمه

ام لجين تقرأ المعوذات من الحاسدين: ماشاءالله يابنتي قمر قمر

لجين: بس الروج الاحمر قارح قوي

ام لجين: مابش فيه شي اخطي نبسر لو به شي ناقص
.
.


عند سالي
عملت لها الكوافير مكياج ثقيل و رموش وعدسات
بسرت نفسها مزه مزه وخرجت من الكوافير متوجهه للبيت


عند لجين
جهزوا كل شي والاهل بيجوا


مازن لابس وحركات وصل امه واخواته وقال عيريع خارج قدام الباب لما يقولوا له يدخل


دخلين يدورين ويني دخلت لجين وهن يحجرين لها ومطننات على جمالها

ام مازن بسرتها وحبتها: ماشاءالله الله يحفظش يابنتي

سلمين عليها

سمر: يعني قريبا عتكوني عندنا

وفارحات خواته الا اسماء

اسماء: شكلها دلوعه عتقول تشتي بيت لوحدها وابي عيغير رايه فيها


لجين كانت بتجابرها واحده من النسوان ما سمعت

جميله اخت مازن: عيب يا اسماء

اسماء قلبت عيون

دخلت العمه سميره وبنتها تأخرين كانين عند الكوافير

بسرين لجين وطننين

امل سارت تسلم وقدي عتقرح وواضح من وجهها

امل: انا بنت عمة مازن حبيبته من الطفوله

لجين انصدمت مالها هذه: سابر

خزيين خوات مازن

جميله الاخت الكبيره لمازن بهررت لها وبصوت خافت: امل احترامي نفسش والا روحتي

قامت امل سارت تجلس جنب امها وتشكي لها

سمر: لا تصدقيها يا لجين والله انو مازن مشو داري اين هي مابلا هي مش طبيعيه

اسماء: بطلي سخافه انتي جاهله

جميله بسرت لهن: قري انتي وهي

لجين وحست بغيره: سهل تقول اللي تشتي



مهما بلغ اهتمامك بالكلام لا ترواغ انا اريد انا اراه بالأفعال و بالواقع✨






















📚 @rewayatyamania  🇾🇪

.

البـارت 17 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


والأهم كل ما اكتبه من كلام او خواطر، هل هو حقيقي ينغرز بصدري ام انني امزح✨



لجين وحست بغيره: سهل تقول اللي تشتي
"في نفسها طز اللي يسمعني اني ميته فيه"


عند سميره
سميره: دعممي يابنتي انا متاكده إن اخي عيزوجش مازن احمدي الله الثانيه تكون مدلعه اهم شي ذلحين هدفنا هو الورث ركزي معي

امل: تمام


سمر: ماعليش يا لجين اصلا هي تحسد

لجين بحزن عليها: شكلهم كانوا يحبوا بعض ومابش نصيب

سمر ضحكت: هههه من قلش يا هبلا تيه مهووسه باخي ومازن والله ماهو داري ويني

لجين استغربت: صدق

سمر: والله دعممي لش منها
.
.


عند سالي
سالي فاعله مكياج كامل متكامل

ام عبدالله ساكته ضابحه

ميس اخت عبدالله الصغيره: يمه مرة اخي شوعه ابسري

ام عبدالله: ما بها شي عيب يابنت

ميس: تقولي ولا غطست داخل طحين

ام عبدالله تشتي تضحك: ميس عيب للقانه

ميس: كان نفسي لجين طيبه تيه تبسرني من طرف عينها وبتقلب عيون مدري على ايش

ام عبدالله: ميس بس

ميس سارت: يوف الله يعين اخي بسرت لعند سالي وخرجت لسانها

سالي بعدم صبر: يا عمه اي حين عيدخل عبودي

ام عبدالله بدون نفس: عادو وقت للمه مستعجله اكثر منه

سالي خزيت من ردها وانا ناقصني امه أستغفر الله العظيم اشتي انهي اليوم


مر الوقت
دخل ابو لجين وتغطين النسوان

ابو لجين: وقعي يابنتي

لجين وهي ترتجف وتسمع والنسوان يحجرين
وقعت ونزلت دمعه لفوق الكشف

طبعا النسوان بسرين وقصدهن دموع الفرح حجرين

ودخل مازن وهن يحجرين خزي

مازن باحراج مشو داري كيف يفعل تذكر ايش قالت له امه وصل حب (باس) لجين برأسها

لجين ارتجفت ما توقعت هذك السع ومازن مربوش

ام مازن حست بولدها: اجلسوا اجلسوا يا نظر عيوني


جلسوا والترتتين قدامهم، واحده ادوها اهل لجين وواحده اداها مازن طبقين ماسك بيده البوكي ورد احمر الشوكولاته حوله بعد ركز انو ما مكنها مكنها ولجين خازيه

طبعا هذا كله ومازن خازي مش قادر يبسر لوجهها فيه الفضول وبعدها أخيرا لف صليها ويبسر ملاك منزل رأسه

مازن بغير شعور: ارفعي راسش

لجين محمره رفعت رأسها شويه

ابتسم مازن: خلاص انتي ذلحين مرة مازن ما تنزلي راسش ابدا

لجين خازيه موت وللحظه بسرت لعنده وكأن هي تشوف عبدالله جلست مطننه تحاول توهم نفسها انو هذا عبدالله

استغرب مازن لانها تبسره بنظرات ضايعه

مازن: لجين لجين

لجين بعالم ثاني

مازن: لجينو

لجين صحصحت: اءه هاا مازن

مازن خرج من جيبه صندوق احمر من حق الذهب خرج سلسل ذهب وتعليقته ذهب باسمها وقال

مازن: تسمحي لي البسش

لجين خزيت ولفت رفعت شعرها وهو لبسها والنسوان حجرين طبعا ماعد بقي غير اهل مازن خواته وعماته واهل لجين اللي هم امها بس  وخرج خاتم من الألماس لبسها فوق الدبله

كل النسوان طننين

سميره بحسد: بسرتي لو شي انش مكانها

امل وقد الدموع ينزلين وبحسد: ايوه الله لا هناها

سميره: سهل يابنتي انتي بنت عمته عيكون يدي لش اضعاف اللي بيدي لها

مازن بصوت خافت: سامحيني على هذك اليوم اول يوم بسرتش فيه بس كنت ضايق

لجين: الله يسامحك

وقطعوا الترته وزعوا للكل
.
.


عند سالي
عبدالله دخل وبسرها بعدم مبالاه وابتسامه مزيفه

سالي: حيا

عبدالله ابتسم وجلس على طول


قطعوا الكيكه والكل فارح ويبارك الا عبدالله مقهور وبعالم ثاني

سالي مسكت يده: اخيرا

عبدالله مالها هذه بعد يده: ايوه

عبدالله باستهزاء: كنتي عارفه ان سندس فعلت لي سحر وما تكلمتي

سالي توترت: انا ما دريت الا بالاخير وكنت اشتي نحل الموضوع دلا دلا لانها بالاخير صاحبتي

عبدالله بشك: المهم ما شاركتي

سالي افتجعت او هو داري: لااااا

عبدالله فتح التسجيل اللي بتلفون ابوه
ويقول التسجيل

سندس: ايوه الان افعل له سحر واخليه يكره اهله ويكره كل اللي بحياته يستاهل اصلا هو دايما يكسفني وانا كنت احبه (طبعا كله كذب بس عشان تتهم نفسها)

وتحت الرساله انا سالي رسلت التسجيل من تلفونها

عبد الله: يعني ما رسلتي الا وكنتي داريه

سالي: خلاص عبدالله كملنا

عبدالله: مدري يمكن ما كملنا

سالي افتجعت وبان بوجهها

عبد الله: مالش قدش بتعرقي عيسيح اللوحه الفنيه اللي بوجهش

قاطعتهم ام عبدالله: عبدالله



قد تفتقد اشخاص ليس لأنك لم تحافظ عليهم بل لأنك حافظت عليهم اكثر مما يستحقوا✨


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 18 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


كن صادق مع نفسك لتصدق مع الآخرين كن واثق بنفسك لتحذر من الآخرين✨



قاطعتهم ام عبدالله: عبدالله هيا يا إبني الوقت قدو متأخر

عبدالله بز نفسه بدون حتى ما يبسر صورتها: يله الان


بالسياره
عبدالله: يمه مش انا مرتاح لتيه سالي

ام عبدالله: وانا والكل والله

عبدالله: اشتي انهي هذه المهزله

ام عبدالله: لكن

عبدالله: لا لكن ولا اشتي تختاري لي واحده انتي ينفسش مش واحده تختارني

ام عبدالله: تمام نبسر ماعيقول ابوك
.
.

عند أهل سندس
ام سندس بصياح: سامر سامر

ابو سندس: ماهو مالش

ام سندس: ابسر ما لقيت بتلفون سندس

ابو سندس: اسكه افتحيه

ام سندس فتحته و...
.
.


عند لجين
طبعا روحوا كلهم

لجين: يمه خلاص المساعده عتجي بكره وتكمل بقيه العمل لا تتعبي نفسش

ام لجين: يله كملت يابنتي ماشاءالله ام مازن حبوبه اول ما دريت ان زوجها تزوج عليها غثيت

لجين: ايوه والله بعدا مرته الثانيه فيها كبر يدي الطاوي

ام لجين: ايوه بتسلم عليا بطرف يدها

لجين: ايوه وكل خواته حبوبات ماعدا اسماء نظراتها كأنها تقولي و الله ما راحت لش

ام لجين: اسماء الكبيره

لجين: مع جميله الكبيره اسماء بعد جميله

ام لجين: ماشاءالله كم هن الخوات

لجين: اول شي جميله بعدا اسماء بعدا حنان بعدا حوريه بعدا سمر

ام لجين: ماشاءالله غير اللي من المرة الثانيه

لجين: اعتقد معه ثنتين خوات واخ بسرتهن توأم

ام لجين: ما شاءالله

لجين جلست تتجابر مع امها
.
.


عند اهل سندس
ابو سندس: ليش فعلت بنتي هكذا

ام سندس تبكي بحرقه

ابو سندس: الان اسير اسلمه للشرطه

ام سندس: ماعبش وقت الان بكره احسن

ابو سندس: كنت داري ان بنتي مستحيل تكون هكذا

ام سندس تبكي: ايوه مش انا داريه للمه دافعت على بنت هكذا

ابو سندس: انتي عارفه انهن صاحبات من زمان

ام سندس: خيرة الله.. الله ينصرنا
.
.

عند سالي
سالي: يمه ما رأيش اقدم زواجي بعد اسبوع

ام سالي: مالش انتي مسرع اقل شي شهر

سالي: ما احبش اطول العقد

ام سالي: طيب احنا ماعنطوله بس مش بعد اسبوع

سالي بكذب: عبودي طلب مني اقدمه ومااقدر ارفضه

ام سالي: افعلوا اللي تشتوا
.
.

"الصبح"
ابو سندس ما رقد طول الليل سلم للشرطه التسجيل وساروا عند الساحره (والعياذ بالله)

اعترفت انها مكنت هذه البنت لما وروها صورتها

الشرطه دقوا باب اهل سالي

الشرطي: سالي جمال رهن الاعتقال لتعاملها مع السحر والشهادة الكاذبه والتي تعتبر افتراء على سندس سامر

ابو جمال: مستحيل اكيد في غلط

الشرطي: لا غلط ولا الان قلها تجي والا عنضطر نتدخل احنا

سالي استغربت من اللي عيجي ذلحين خرجت تبسر

ابو سالي  بسرها: البسي البالطو وجي

سالي ما ركزت ان به شرطه سارت تلبس البالطو والحجاب وخرجت والشرطه على طول قبضوا عليها

سالي بصياح: فلتوني انا ما فعلت شي

الشرطي: عنبسر بالمركز

ابو سالي بسرها ونزل رأسه وحتى ما لحق بعدهم لأنو متأكد انها فعلت الفعله


نرجع لقبل اسبوع
سندس: طيب اذا حققتي اللي تشتي وفرقتي بهم وفعلتي سحر لعبدالله ايش عيحصل

سالي: عيتزوجني قد قلت له يستعجل

سندس: عيكون صعب لما تفكي له السحر

سالي: من قال انني عتعالجه

ابو سالي كان داخل يكلمها بالغلط سمع كلامهن ماعد قدر يواصل

ابو سالي: ماعد اقدر اواصل هي عتنكشف عتنكشف خليها تتحمل غلطها الكبير


نرجع للواقع
دخل ابو سالي وغلق الباب

ام سالي: ويني سالي ما به ما حصل

ابو سالي حكى لها

ام سالي: بس

ابو سالي: لا بس ولا جدتي من قلها تفعل هكذا ضرت نفسها وغيرها



لا استطيع اخراجك من حياتي او من قلبي لأنني لم اكن مستعد لهذه اللحظه الأليمه✨























📚 @rewayatyamania  🇾🇪

.

البـارت 19 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


حيث الحياة مفتاح وقلبي أبواب متفرّفة لا أريد لسواك أن يعثر عليِ✨



ابو سالي: لا بس ولا جدتي من قلها تفعل هكذا ضرت نفسها وغيرها

ام سالي: الله يهديها يمكن تعقل بس هي بنتنا بالاخير

ابو سالي: ما ينفع يا مرة الان اذا دافعنا وحاولنا يعني بنظلم بنت بريئه عتضيع شبابها بالسجن

ام سالي: خيرة الله
.
.


في المركز
سالي تبكي بصياح منهاره لان حتى محد واقف معاها

جاء اتصال لابو عبدالله

ابو عبدالله: الو

الشرطي:معك الشرطي محمد من المركز ال """ تعال ضروري

ابو عبدالله غلق الخط اكيد ان له حاجه مهمه


وصل ابو عبدالله

الشرطي بسره وقال له كل اللي حصل

وبعد محاولات كثيره اعترفت سندس انها سالي سبب هذا كله

ابو عبدالله: ليش يابنتي ساكته من اول

سندس: ياعم هي بالاخير صاحبتي

ابو عبدالله: ولو انتي هكذا بتساعديها تضر ناس

سندس حكت له ان سالي اللي فرقتهم

ابو عبدالله: اصلا هم هكذا او هكذا مابش نصيب بينهم

سندس استغربت: ما قصدكم يا عم

ابو عبدالله: اصلا لجين مخطوبه من زمان

سندس انصدمت مشو بحق محاولات سالي
سندس: خيرة الله


روحوا وصل الخبر لعبدالله

عبدالله: اصلا انا مش مرتاح لها من الاول

ابو عبدالله: الحمدالله ان احنا عرفنا قبل الزواج

عبدالله: الان اسير أطلقها بالمحكمه ولا عتريع ثانيه

ام عبدالله: دام عتتطلقها بزوجك بنت

عبدالله قاطعها: يمه لا تستعجلي اشتي ارتاح شويه نفسيا الموضوع كان متعب بالنسبه لي

ام عبدالله: خلاص تمام متى ما انت جاهز قول لي

عبدالله: حاضر

وفي نفسه اوهم نفسي ان لجين عترجع لي والاصل كل شي طار بس سهل عتريع للاخير
شاجرب حظي واكلم لجين اتصل على رقم لجين من رقمه الجديد رقمها اللي مستحيل ينساه


عند لجين رن تلفونها

لجين بسرت تلفونها يرن توقعت مازن دخل برقمه الجديد اللي قال عليه جاوبت

لجين: الوو

عبدالله: لجين

لجين انصدمت من الصوت لحظه صمت
لجين: عب د الله

عبدالله: لجين سامحيني انا آسف

لجين ساكته يسمع صوت أنفاسها

عبدالله: انا متأكد انش كنتي مش داريه بموضوع الخطوبه وانش ما لعبتي بقلبي سامحيني لا تاخذي بخاطرش عليا

لجين:عبدالله مهما مر الزمان تبقى لي اغلى انسان انت كنت تجربه جميله حسيت بالحب معاك ومستحيل انساك

صح انا احنا مش لبعض بس هذا نصيب والنصيب اقوى مننا قدرنا هكذا صح يوجع بس الله ما ينساش احد عتجي بإذن الله اللي عتعوضك يمكن سالي خير لك مني

عبدالله قاطعها: طلقتها

لجين انصدمت: ليش

عبدالله: سالي اللي فعلت لي السحر وفرقتنا

لجين: موضوع فرقتنا هذا احنا كنا عنفترق غصب عننا بسبب النصيب لكن بسببها هذا ما تقدر تهدم حاجه بسيطه

عبدالله: المهم الله يوفقش يارب ويهنيش اشتي اختم قصتنا بقصه جميله

لجين: وانت الله يوفقك يارب والله يمهل ولا يهمل

عبدالله: مشتيش اطول عشان انا داري ماعنكمل خاطرش مع السلامه

لجين: الله معك


وغلقوا الاثنين وبدأت الدموع تتساقط من أعينهم دموع حارق وقلوب عاشت لكن لا تنبض قلوب تريد ان تنهي يومها بسلام فقط
.
.


عند ابو مازن
ابو مازن: يا سميره ماقد اتزوج الاوله مسرع عنزوجه الثانيه وعادني اشتي ابسر ابني

سميره: ومن اي حين بتستشير ابنك بشي

ابو مازن: ناهي عنبسر اهدئي

دخل مازن الديوان عند ابوه وبسر عمته سميره سلم عليها وجلس

العمه سميره: كيف انت ياابني

مازن: الحمدلله بخير وانتوا كيف انتوا وكيف أخباركم

العمه سميره: الحمدلله بنتي امل تسلم عليك

مازن بعدم مبالاه: الله يسلمها

مازن دخل واتس وبسر ان لجين مدعممه له من يوم العقد استغرب مالها شتصل لها

مازن: شتصل لحد عن إذنكم

مازن اتصل للجين ولجين تغلق

بعد ايش جاوبت

مازن: مالش بتغلقي بوجهي من ذاحين

لجين بضبح: حرة

مازن: ييي حرة ماهو اول ما اتصل لش جاوبي يله بغلق واتصل وبشوف تعلمتي والا لا

غلق مازن منه صدق 😂 واتصل ولجين عناد فيه تغلق بوجهه

سمر جت لعند مازن

سمر: مازن هيا غداء ما بتفعل

مازن: تصايحتي مع لجين

سمر: ماشي ليش

مازن: مدري مالها ما ترضى ترد عليا

سمر ذكرت وضحكت

مازن: مالش تضحكي



يفتح صندوقي القديم قلبه لمزيد من دفق حياة تتحول في كل لحظة إلى ماض لن يعود✨


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 20 ☆


خلينـا ننسـى المـاضـي ونعيـش الحـاضر 💞


👌🏻👇🏻 😍
📚 @rewayatyamania  🇾🇪


لا أحد يملك حياة خالية من الحب فالحياة بلا حب ليست حياة أصلاً✨


مازن: مالش تضحكي

سمر: ولاشي الحبوبه بتغار

مازن استغرب: كيف

سمر: يوم العقد امل تخيبلت

مازن: امل من

سمر: امل بنت عمتك سميره

مازن: ايوه مالها

سمر: سلمت على لجين وقالت انا امل حبيبة الطفوله لمازن

مازن ضحك: للمه من قال من رأسها بتمشع

سمر: ايوه ولا خزيت تقول هكذا قدام لجين وياسعم خرط في خرط

مازن: ذلحين لجينو بتغار

سمر ضحكت: شكلها

مازن ضحك الان اتصل لها من جديد

سمر: ذلحين جي تغدى

مازن: عمتي سمر داخل امل جت معاها

سمر: ايوه اكيد جت

مازن: شاسير اتغدى وانتي صيحي لابي وعمتي

مازن دخل لداخل وامل لمحته ما كانت لابسه سواء ولا متغطيه ظهرت عليه بالعاني

مازن نزل عيونه: تلفلفي

امل تمثل الصدمه: يوو ما كنت داريه

مازن خطي وقبل ما يخطى: وبطلي تزعلي حبيبتي

امل اقتهرت حيوان

العمه سميره: مازن ما رأيك تشل لك المرة الثانيه

مازن اشترغ وجالس يسعل

سمر كانت تقرب قربت له الماء وهي كاتمه ضحكتها

ام مازن بضبح: ماقد شل الاوله ليش عيشل الثانيه

سميره: ليش ايش فيها

ام مازن: عادو يعيش اول مع الاوله وتكفيه

سميره: شكلش متحسسه من الموضوع حين خالد شل واحده جنبش

ام مازن ضبحت وقامت

البنات بسرين لعمتهن بكره ويشتين يردين عليها
بس داريات بابوهن قامين كلهن يبسرين امهن

مازن ماعد استحمل: اتمنى انش تكوني تستوعبي اللي بتقوليه وتوزني كلامش وقام يبسر امه

خالد: يا سميره مش هكذا

سميره: ما قلت ولا غلطت ولا

خالد: الا غلطتي انا فدالش هي والكل بتحس

سميره: يعني ماهو اروح

خالد: لا لا البيت بيتش بس لا تكوني تقولي هكذا
خالد قام: عتقوم ابسرها


سميره قلبت عيون: قدي بعد هذا العمر وذكرت تزعل لغاجه

امل خرجت بسرت غرفه الطعام فاضيه ماعدا امها
امل: مابه

سميره: عمتش حنقت

امل دريت على طول ان امها السبب وفضلت السكوت


سمر: يمه ماعليش من عمتي الساحره تيه هي هكذا

جميله: والله ما تستاهل تزعلي عشانها

مازن: يمه هيا عشاني انا لا تزعلي

ابو مازن يبسر من بعيد: خلاص اخرجوا خلونا لوحدنا انا عتراضيها

خرجوا من الغرفه

ابو مازن: ام عيالي العسل

ام مازن بضبح: اخر من قبالي انت كنت ولاشي وانا رضيت بك وانت مابش معك حاجه وتجعجعت معك لهانا ولهناك وعمري ما شكيت منك

ابو مازن: انا

ام مازن: لا تقاطعني خليني اكمل لكن بعد ماقد زلطت وقدك شيخ ومعك كل شي سرت تزوجت السبب لاني ما خلفت لك الا ولد وعاقبك الله وما خلفت من المرة الثانيه الا ولد والباقي بنات البنت لما تولد تجي مع رزقها تبارك لك ابسر حين اديت لك ست بنات كيف تبارك كل شي معانا لكن انت ما حسيت ولا

ابو مازن: انا سألتش راضيه اتزوج قلتي تمام

ام مازن: حتى لو ما سألتني كنت عتفعل اللي براسك

ابو مازن: انا غلطت صح ولنا اسف وكم قد جيت اعتذر بس ذلحين ماعد ينفع قد معي جهال منها انا كنت زمان جاهل كل شي

ام مازن: خلاص حصل خير انتهى الموضوع مابلا علم اختك كيف تتحاكي

ابو مازن حب رأسها: تمام هيا البسي عنخرج

ام مازن: مشتيش

ابو مازن: هيا لوسمحتي وبضحكه عسب نقرح قلوبهم


مازن جالس مريع قبال الباب

ابو مازن بسره: مالك مقشنن هانا

مازن: كيفي امي

ابو مازن: الحمدلله

مازن دخل عند امه يبسرها تبدل
مازن: حركات الشيخ خالد عيخرج

ام مازن: ايوه عنخرج جمعه اوبه لخواتك

مازن: لا توصي حريص انتي بس افتهني لا تجلسي تهمينا

ام مازن: يله تمام عتبسر



أعاني من حاله إسمها التفكير الزايد في أشياء مالها داعي انتم مثلي ولا اتعالج؟✨







https://tttttt.me/rewayatyamania/46007












📚 @rewayatyamania  🇾🇪

💞

بارتـات يومنـا الاربعـاء👆🏻😍

🚫تنبيــــه🚫

اللي يحب ينشر من القناة او ينسخ منها.. ينسخ ماعندنا مشكلة بس بدون حذف معرف القناة والروابط لا تاخذوا جهد غيركم وفي ذمتكم من اليوم ليوم الدين لاني لا احلل ذلك.. والحليم تكفيه الإشارة👌

واعتقد مكتوب في صندوق الوصف وواضح وضوح الشمس

🔥مااحلل من يحذف رابط اومعرف قنواتي ليوم الدين🔥


ومن شاف حد بيسرق ياريت يبلغنا لهنا وشاكرين تعاونكم🌹

@YemRewBot
.

باب الحجز سيقفل بعد عشرة أيام لمن حابب يحجز.. لاني بقفله لفترة عشان نمشي الحاجزين


🚫الحجز فقط حتى لو لم تكن القصص مكتملة بعد