.

البـارت 9 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


امل: لا مش انا مرتبكه ولا شي هو بيتهأ لش.

ندى: تمام ي عزوز والله لا اعرف والا اعرف
حاضر...


شافتهم ملاك وذكرت انها لما نزلت من سياره
اخوها شافتهم مع عز وقالت في نفسها.
انا ضروري اعرف من هي هذيك الذي جت مع
عزوزي ضروري اعرف كان معي من اول ندى بتحرق قلبي فيه والان جت لنا هذي الزفته'بتقصدد امل'

حاضر وسارت جلست بجنب ندى.

:كيف انِت ياحب.

ندى بتكرهها: بخير وانِت

ملاك بتعاند ندى: بخير دام قلبي بخير

ندى داري انها بتغيظها بس ولا همها وحبت
تغيظها: هههه واذا قلبش مش هو بخير.

ملاك: وانِت ما دراك

ندى: اه م شفتي عزوز اليوم كيف تعبان
ووصلنااا انا وبنت خالي امولتي وقال انه
عيسير يستأذن وبيرجع البيت.

ملاك جن جنونها هي صح بنفس المستوى
الدراسي مع عز بس م بتشوفه كل قسم لحاله

قامتتت من عندهم....

حينما ينطقون اسمك اشعر بالغيره لا إرادي لأنهم لا يملكون الحق بمشاركتي بك٬ انَت العز
لقلبي٬ وانا الذي يحق لها بنداء اسمك كيفهما
اشاء.. أسماء
الواقدي


ندى بعد م مشيت ملاك فطستتتت من
الضحكككككك


وامل ولا هي فاهمه شي
امل: يييههههه الله يزكينا عقولنا بس مالش
بتضحكي سعما المجانين.

ندى: ي هبله هذي تقرب لعز ابن عمي وهي
زعم تغار مني والان عاد خليتها تغار منش
اكثرررر ورجعت لنوبه الضحك حقها.

امل لا شعورياً: يخخخ والله م فيها ذره حلا

ندى: المشكله انه اهلها من وعادها صغيره
بيقولوا انها لعز والبنت بحسها اني باخده عليها مش هي دراية اني وعز مثل الاخوه

امل: يوه غبني ع عزوز عاده احلى من هذي
الشوعه

ندى غمزت: يا هووو يا عالم تعالوا اسمعوا الذي
بتدلعه من اول مشواررر وفحطتتت لفصلها...

امل: انا اوريششش ي خادمه.

ــــــــــــــــــــــــ.


كيان صيح له الدكتور يحيى:
بالله ي كيان امسك الدفتر ومكنه ياسمين زميله
وتين.

كيان: بس من هي هذي ياسمين ما اعرفهاش

دكتور يحيى: سهل سير قسم علم النفس
وعتلاقيهم قدام باي معي مشوار.

كيان: انا لله وانا ما دخلني ومشى شافهم بيتحاكين بحكم انهن كاشفات عرف وتين بس ما بين
تقدم نحوهم: من هي منكم ياسمين مكنها الدفتر
هذا من عند الدكتور يحيى ومشى.

وتين: حركات هذا الذي مسوي نفسه هيبه
ودكتتور وهو كأنه طالب.

ياسمين: اصه تعاالي شاقولك القصه

وتين: وفي قصه في الموضوع! تعالي ي حبيبي
'اجلسي واحكي لي'

ياسمين: تذكري لما قلت لك معي كم كتابه اشتي
الدكتور العربي يدقق الاملاء اللغوي فيهم

وتين: ايوه وهذاك اليوم قلت لك راعي لي

ياسمين: لا تقاطعيششش

وتين: ناهي كملي

ياسمين: المهم بعدين ما لقيت الدكتور شافني يحيى وعرف اني اكتب طبعا سببك من ذاك
اليوم وقالي هاتي لي وانا اصحح لك لغويا
الان رجعه فهمتي دكتوره وتين

وتين: هاااا يله اشوفك اذا بيعطيك رأيه.

فعلاً فتحوا الدفتررر لاقو انه كاتب كلمات غزل
باسم ياسمين. ك.. ياسمينتي تخجل كل ورد
العالم امام جمالك.٬ ياسمينتي إبتسامه من ثغرك
تذوب الطيرر من السماء فمابالك بناء شخصيا..أسماء الواقدي

وتين: الله والله انك محظوظه بكتاباته وانا كم لي اخلي دفاتري عنده ولا عمري شفت كلمه زياده...
وانِت ما شاء الله وغمزت

ياسمين إرتبكت: ي بنت وانِت حسستيني اول
مره تقرأي كلام كاتب عادي مثله مثل اي كاتب...

وتين: ع غيري ي عادي تمام باي ومشت لانه
علي سوى لها رنه

وصلت حواله لجوال ياسمين
تم إيداع بأسمك بملغ مائه الف ريال...

والرساله الثانيه من امها كان محتواها ' اهلاً
ياسميني كيف حالك روحي استلمي الفلوس
واعطي اخوك عشرين الف فقط والباقي لك
وللجامعة حقك انتبهي ع نفسك٬امك'

اخدت نفس وقالت هذا طبع امي والمشكله انها
تعطي فلوسها لابنها الذي ما يستاهل قرش واحد
.
.


علي: وتنه

وتين: انطق اسمي مثل الخلق

علي: طيب ليش جاء لعندك كيان اول.

وتين: وانت ما عرفك والا ليكون مسوي لي
مراقب

علي: لا والله اولا مش من هيبتي اني اراقب
بنت.

وتين: اعتقد اني بنت عمك مش اي بنت يا
باش مهندس

علي: ولو المهم انِت سمعتك طيبه عن الكل ما
اشتيش احد يجي يقولي شوف بنت عمك

وتين عصبت: وانت مالك دخل طيب وواثق
الخطوه يمشي ملكا طالما اني واثقه من نفسي
مستحيل اشرح لك وقول لاصحابك من راقب
الناس مات هما ً لذلك انا الكل في الجامعه يعرفني
سواء دكاتره ام طلاب وقلبت وجهها

علي وصل وقف السياره : طيب خلاص لا
تعصبي اصلا انا مستحيل ارضى عليك بكلمه واتحدى احد يقول عليك حرف

وتين: طيب سلام ونزلت

ملاك وافقه منتظره اخوها وقدها بتموت من
الخوف ع عزوز...

فجاه شافت عز يخرج من بوابه العيال ومتجه
لنحو امل وندى .

مازن اخو ملاك: هيييي يا بنت هياا اطلعي معي
مشوار

ملاك طلعت وهي قد الدموع في عيونهااااا




📚 @rewayatyamania  🇾🇪

.

البـارت 10 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


نعرفكــم على ياسمين وعائلتها...
امها وابوها منفصلين من زمان

ابوها عمله في عدن يسافر عند عياله كل جمعه
فقط ومطمئن على ياسمين لانه اخونها في البيت
وهم ولا شي...


حازم٬ الاخ الكبير عمره 26 سنه خريج محاسبه
ايضا يشتغل مع ابوه بس كل ثلاث ايام ينزل عند
مرته معه بنت عمرها سبع سنين وولد عمره
ثلاث سنين.

زوجه حازم٬ مرام طيوبه ودايما تسأل عن
احوال ياسمين وتجلس تخلي عيالها عندها.


والاخ الثاني حذيفه٬ خريج ثانوي فقط يكره شي
اسمه دراسه والاهم عنده في اليوم انه يخزن هو واصحابه يعني يموت ع شي اسمه
فلووووسسس ولا همه من الدنيا شي.


واخر وحده ووحيدتهم ياسمين الذي لم تعش يوما
في حياتها الا واذرفت دمعه على حظها العاثر الذي
تمشي في دروب الحياه ولكن بمفردها وكانها
مقطوعه من شجره رغم سندها ...

ياسمين٬ إنسانه جدا متواضعه رغم إهمال الكل
الا انها تحب عائلتهم موت وما ترضى عليهم ابدا
تدرس علم نفس مع وتين وصديقتها منذ مستوى
اول وقريبات عن بعض لدرجه انه الكل بيقولوا
عليهم خوات عمرها 22 سنه ....اكتفي

ــــــــــــــــــــــــــــ


ندى اول ما شافت ملاك معصبه ضحكت من
قلبها

عزوز: مامعانا للضحك.

امل: شكلها ذكرت نكته

عزوز فرح حين اول مره امل ترد عليه وقام
يتحاكى صنعاني: صدق هيا اسكه سمعينا

ندى: اهو من متى بنتحاكى صنعاني.

عزوز لفت ل امل: احم من اليوم وصاعدا

امل انحرجت: ذلحينه ي ندى ع مه كنتي
بتضحكي.

ندى: عزوزي

عزوز: ها ما معانا للدلع سريع

ندى: تشتي الصدق عملت لك نكبه 'مشكلة' اليوم.

عزوز: قدهي مهرتك المصايب هيا اتحاكي
ماهي!

امل: اليوم جت ملاك تسأل عليك قلت لها انك مريض

عزوز: صدق يا هبله ذلحينه عتسير تشكي
لامها وقدش تعرفي دلعها الزايد.

امل تفاعلت مع عصبيته: للمه وانت ما دخلك بها

ندى: اهوو نسيت انها محجوزه لك شكلها غارت
عليك من امل صح

عزوز سكت....

امل انصدمت وحست ان كل احلامها تبخرت....


مهله ماذا يحدث هل حقًا لم يعد لي ألحق بألتفكير
به أم إنني بألغُت بحبه حتى ظننت انه ملكي فقط
ولكن لك الله ياقلبي..
-أسماء الواقدي


نزلت امل والدموع تذرف من عيناها بلا شعور.

ندى حينما راتها ظنت انها انزعجت من كلامها

عزوز امسك بيد ندى قالها: ندى انتبهي لامل

ندى: امركم عجيب هي تبكي ولحد الان ما عرفت ايش سبب بكائها وانت تقول انتبهي
وغادرت سيارته.

عزوز يا ربي ذلحينه انا ما اعمل ملاك هذي الادميه
اكرهها من قلبي والله لو تبكي قدامي دم ما اشلها

....

ملاك دخلت للبيت ع طول تبكي: اهييييييييييي
يمههههه

امها خافت: مالها قلبي.

ملاك: شوفي ابن اختك لا بيهتم فيني ولا شي
وعاد ندى الزفت جالسه تعاندني فيه.

امها: ياعمري مالك منهم وعزوز حقك حقك لا
تخاافي انِت محجوزه له من وعادكم اطفال

ملاك ولا اقتنعت بكلام امها٬ قلبها بيأكلها للان
طلعت غرفتهااا


خلــوني اعرفكم على ملاك
" تدرس اخر سنه مثل عز عمرها ۱۸
بنت فيها دلع العالم كله عشانها وحيدة امها
ومعلقين البنت من وهي صغيره انه عزوز لها
والبنت حبته من طفولتها لذلك كانت تغار من
علاقه ندى بعز والان جت لها امل بالذات لما
شافتها حلوه وفيها ملامح صنعانيه جن جنونها"


ملاك دخلت غرفتهاا اللي كل اثاثهااا ورديه وعلى
طول اخذذت تلفونها ..
دقت على....
.
.


مرام جالسه تكلم زوجها.

حازم: كيف انِت وكيفهم عيالي.

مرام: بخيرين وانت كيفك وكيف عمي.

حازم: اْلحمدلله تمام يسلم عليكم.

مرام: الله يسلمكم متى بتجي

حازم: إن شاءالله بكره نازل

مرام: توصل بالسلامه.. حازم

حازم: ها!

مرام: اتصلت لاختك ياسمين

حازم ذكر انه مقصررر مع اخته لذلك صمت.

مرام: حرام عليكم صح اني ازورها بس انتم مقصرين معه بشكل كبير اتقوا الله فيها قول لعمي يكون يطمن عليها والله اني اقهررر بدلها.

حازم: بنزل بكره وبكلمها ولا يهمك.

مرام: لا الان تتصل لهااا وتشوف م اخباررهااا
وقامت تعاتبه ع اخته

قاطعتها بنتها رنيم: ماما بروح عند عمه ياسمين

مرام: طيب ياعمري شلي ريان اخوك معك

رنيم: حاضر ماما

مرام: ها حازم معي

حازم: معك كملي

خليهم يكملوا كلامهم

ونروح لياسمين سمعت دق ع باب غرفتها: مييينن!

انا رنيم واخي ي عمه ندخل

ياسمين: تفضلي ياقلب.

فتحوا الباب وجلسوا ع السرير

ياسمين افتقدت لهم كيثر .
تعالوا لعندي حضنتهم تحبهم موت بس انشغلت
عنهم ذي الاسابيع سبب الجامعه

رنيم: عمه ياسمين ليه ما تجي عندي انا وماما ليه
دايما في غرفتك!

ياسمين: ياقلبي انا اذاكر

رنيم: طيب وانا كمان اذاكر بس مش واصل

ياسمين: ...





📚 @rewayatyamania  🇾🇪

.

البـارت 11 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


رنيم: عمه ياسمين ليه ما تجي عندي انا وماما ليه
دايما في غرفتك!

ياسمين: ياقلبي انا اذاكر

رنيم: طيب وانا كمان اذاكر بس مش واصل

ياسمين: لانه انِت عادك صف ثاني وسهل اما انا
اخر سنه جامعه ضروري الاجتهاد فيها.

رنيم: طيب خلاص ايش رايك نكون نلعب
بعد المغرب على الاقل ناخد راحه من الدراسه

ياسمين: هههه طيب ياعمري
كيفه رياني واخدته في حضنها سبحان الله نسخه من ابوه
وجلست تلعب معاهم


نرجع لمرام
مرام: ها سمعت ايش قلت

حازم: إن شاءالله اوامر ثاني.

مرام: سلامتك ياعمري انتبه على نفسك

حازم: عيوني حبيبي يله في امان الله.

مرام: بحفظ الرحمن.
وراحت عند ياسمين.

مرام: ادخل!

ياسمين: حياك تفضلي.

مرام: وين انِت يا بنت لذي الدرجه مستوى
رابع صعب

ياسمين: لا والله بس كثير بما انها اخر سنه

مرام: ولو انِت قدها وقدود وان شاءالله الاوله.

ياسمين: تشتي وتين تجي تقلتني هذا مركزها.

مرام: لا في القاعه ضروري يوقع تنافس اما
خارجها زميلات وصاحبات.

ياسمين: كالعاده هي الاوله وانا الاوله مكرر

مرام: اهم شي شخبارك وليه ما تجي عندي حتى
عيالي قدهم يحبوك اكثررر مني.

ياسمين: انا فدالهم

رنيم: خلاص يا ماما انا اتفقت مع عمه انه نكون
نلعب.

مرام: يا سلام وانا معاكم.

ياسمين: مدري شوفي اذا المديره رنيم بتوافق.

رنيم: اكيد اكيد

مرام: عيون امها انا.

ـــــــــــــــــــــــــ

عز عصب لما شاف هاتفه يرن بأسم مــلاك:
خييييررر

ملاك: من اين عيجي الخير وانت مطلع لي
روحي فيك

عز: ايش ايش اصلا اين اشوفك انا عسب تطلع
روحي هذي من صدق.

ملاك: ذلحينه من هي هذي الذي تخطى مع ندى
وكمان معك.

عزوز عرف انها غارت: هذيك امل وانِت
ماعليك وايش الذي مضايقك فيها.

ملاك ببكاء شديد: حرام عليك ي عزوز توجع
لي قلبي والله حرام للمه بتفعل فيني هكذا وانا احبك

عزوز: للمه ما فعلت !

ملاك: ابعد عن ندى وامل والله يا عزوز لاكلم
امي.

عزوز: كلميها اصلا ولا ضارب لمشاعرك
كرت

ملاك عصبت من إستهتاره لمشاعرها: حاضر
يا عزوز خلي فبالك انك لي وماعتكون الا لي
وصلت...وسكرت الخط.

عزوز مالها هذي بتتخيبل انا لله
الله يسامحك يابه انت الذي خيرتها لي من
واحنا جهال
بمعنى انه ابوه حجز ملاك لعز من وهم
صغاار وهذا اكبر غلططط في مجتمعناااا'...


ام عز: يا رهام سيري ادعي اخوش من الغرفه
مدري ماله اليوم من حين رجع من المدرسه
وهو في غرفه امد ما اجهز العشااء

رهام تطمن امها: ما بش شي يمه ما بلا حين وهو
اخر سنه اكيد يذاكر..

سارت رهام لغرفه اخوها دخلت وشافته شبه
نايم
كان متمدد ع سريره مربع يداته الثنتين ع وجهه
وبيفكر ب ...

رهام: عزوزي

عز: هااا

رهام قربت لجنبه: مالك يااخي

عزوز ابعد يده وجلس قدام اخته: مالي ولاشي

رهام: تخبي علييييا وانا صندوق اسرارك.

عزوز: متضايق من ملاك

رهام والكل تكرههاا: ومكانها بعدك بعدك في
المدرسه.

عزوز: تخيلي يا رهامي قبل قليل تتصل لي
وتهدد زعم عتكلم امها اني اشل معي ندى وبنت
عمتها..

رهام: حسبنا الله عليها تصدق شرجع اتصل لها
وارويها العين الحمراء.

عزوز: لا تتصلي لها ولاشي عترجع تشتكي
علينا عند عم ابي

رهام: ناهي طز خليها عنشوف ما عتعمل.

ــــــــــــــــــــــــــــــ


نعرفكــم على عائله عز الدين..

ابوه رجل صاحب محل 'ذهب في احدى اسواق
الحديده. عمره في الاربعينات إنسان مثقف
يحب عياله وحريص على تعليمهم لدرجه انه
يشتي عز يدرس جامعه في الخارج...


جواهر 'امه' إنسانه إجتماعيه عمرها في
الثلاثينات ملامحها لم تحوي بأنها ام كونها أنيقه
وتهتم بأناقتها صديقه عيالها دايما وتحب لما
يستشيروها في حياتهم ربه بيت بكل ماتعنيه
الكلمه..


الابن الاكبر 'عز الدين'
سبق وعرفتكم عليه

البنت 'رهام' بنوته اخذتت الرزانه من ابوها والاناقه من امها
تدرس بصف ثاني ثانوي اصغر من عز بسنه
تدرس بمدرسه حكومي لها مكانه في الدوله رغم
رفض ابوها الا انها اقنعته عمرها 17 سنه
صديقه ندى قوي

بهاء الدين'اخر العنقود'
العشق حقهم عمره خمس سنين كل من يشوفه
يموت فيه..

ــــــــــــــــــــــ


يوم خميس إجازه لطلابنا...
كيان رجع من عمله الذي بدا يساعد ابوه

ام كيان: قوه يا ولدي

كيان: يقويك ياغاليه

ام كيان: جاوع اقرب لك العشاء.

كيان: ماشي تسلمي قد تعشيت مع ابي

ام كيان: بالعافيه

كيان: يمه وين امل!

ام كيان: والله ي ولدي لها من امس من حين
رجعت المدرسه وهي ضابحه قوي وساعه تبكي
وساعه تذاكر.

كيان استغرب: سهل يمه عتكون خايفه من قرب
اختباراتها النصفيه حين هي اول مره تدرس
هنا.

ام كيان: الله يوفقكم يارب

كيان: يله يمه عتسير اشوف دلوعتكم..


نسير لعند امل...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 12 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


نسير لعند امل...
قرأت كتابه من حق وتين..
'هناك اوقات نحب اشخاص فجاه لم يكن ببالنا بأننا سوف نوقع بحبهم ابدا بدا ولكن سبحان من
يقذف الحب بقلوبنا دون شعور

وتين. اه ي وتين تكتبي وكأنك تكتبي مشاعرنا... أسماء الواقدي

ذلحينه للمه انا زعلت لوما عرفت أن عزوز
خاطب للمه هو بس الذي احس بشعور تجاااهه
ونظرت لسقف غرفتها ونزلت دمعه على خدها
الناعم

دق دق دق
امل مسحت دموعها وشربت من الكأس الماء...
تفففضل

كيان: كيفها حبيبة اخوها.

امل: بخير ي سندي.

كيان دخل وجلس بجانبها ثم نظر لعيناهااا.

امل حاولت تشتت نظرها ولكن حزنها لم يخفى على اخوهااا.

كيان: مالها املي من زعلها والله لا اقلب الدنيا
عليك انِت بس اتحاكي.

امل اضعفهااا قلبها امام كلمات اخوهااا فارتمت
لحضن اخوهااا وبكيت.

اخوها مسح على راسها: خرجي كل مابقلبك انا
والكل اخوك واختك.

امل: مدري مالي بين احس ان ضيق العالم
اجتمع بقلبي.

كيان: بسم الله عليك طيب من ايش متضايقه
اختباراتك قربت!

امل: ايوه من الاسبوع الثاني.

كيان: سهل انِت اقوى منها صح وعتجي الاوله
سعما كل مره.

امل مسحت بقايا دموعها: إن شاءالله..


عندك نعمه الاخ امانه عليك حافظي عليه لانه
بيكون سندك عزوتك حبيبك ابوك كلهم اخوك
مجرد بس ما تجي تفضفضي له بيكون احن
عليك من امك مجرد ما تجي معصبه له من شي
بيقلب الدنيا على شان تهدأ عصبيتك مجرد ما
تحزني او تذبل روحك بتلاقيه اول من يطبطب
عليك مجرد ما تزعلي بسسس بيجي يمازحك كله
عشان يشوف ضحكتك لما يغار عليك لما يشد
عليك بدل ما تزعلي افرحيييي عندك ظهر عندك
رجـال بكل معنى الكلمه صدقيني في غيرك
تتمنى تنطق كلمه اخ في غيرك تتمنى لو عندها
اخ يأمر ويعصب عليها بس للأسف لم ترزق
بنعمه الاخ .٬ الاخ كالجبل ما ينهد الا اذا مات

لذلك تمردي براحتك طالما عندك جبل ما بيهزك
ريح الدنيا يا عيوني لا تشوهي سمعه اخوك بأنفتاحك واسمعي كلام اخوك لانك بتشوفي
دمعه في يوم زفافك ولو بيده ما يزوجك لانه مجرد
ما تخرجي من بيت ابوك يحزن الاخ اخته
حاااااافظووووا على النعمه الذي بين ايديكمممم
ــــــــــــــــــــــــ أسماء الواقدي



خرجت ياسمين من غرفتها للمطبخ عشان
تسوي لها شي يحمسها للمذاكره وهي تمشي
فجاه سمعت اصوات عيال اخوها باااااااابااااااااا
وجروا لحضن ابوهمممم...

ياسمين التفت شافت اخوها حازم انصدمت لها
مده من اخوها شهر شهرين دمعت عيونهاااا...


حازم استقبل عياله بإحتضان وشاف اخته
ياسمين وهي تمشي من جنبه ودخلت لغرفتها على
طول حزن لما شاف وجهها الشاحب...
.
.

نروح لوتين..
كانت جالسه مع امها وابوها.

ابوها: ما اخبار بنتي مع جامعتها.

وتين: تمامم وكلنا نسلم عليك.

ابوها: الله يرضى عليك وترفعي راسي

وتين: راسكم مرفوع دايما ياغالي


امها: ذلحينه ي بنتي عمتك 'ام علي' اتصلت نجي
عندها وبنفس الوقت ام عمر تقولي اطلع معاهم
عزومه الاهل.

وتين: والله يا امي ما اقول لك الا كل خير بس
اسمعي انا بتصل لعمتي واقولها تجي هي
عندنا ونطلع بيت خالتي ام ندى.

امها: ايوه انا فدالك ياعمري روحي اتصلي لها..

ابوها: ماشي نتغدة وبعده تسير تفعل الذي
تشتيه.

امها: صح هيا
.
.


نروح لعائله الدكتور احمد
ندى: يمه ذلحينه ما هي مناسبه عزومتك هذي.

امها: عيب كم لها عمتك من حين جت من
صنعاء ولا سوينا لها جلسه نعرفهم عليها

ندى: كان عتخليها بعد اختباراتنا النصفيه مش
قبلها.

امها: وهو الا يوم وبعده كم مختمين المواد.

ندى: طيب عزمتي خالتي جواهر

امها: اكيد اختي اولهم وقلت لها تعزم اخت
زوجها معاها 'اختها من الرضاعه'

ندى: ام ملاك!

امها: ايوه.

ندى: لااااااا اعزمي اهل الحديده كلهم الا ام ذيك
المغروره.

امها: مالش يابنتي

ندى: يمه تحرق دمي بدلعهاا

امها: وانِت م عليك منها طول ما هي في بيتك
باتحترميها

ندى: ناهي..

ــــــــــــــــــــ


ياسمين بوسط مذاكرتها فتحت دفترها وجلست
تقرأ كلمات الدكتور يحيى واظن انها حفظت
حروفه من كثر ما تقراهم واخدت قلمها وكتبت
تحت خطه..

حينما تظن بأنني سوف اتجاهلك عيناك
ُفي النظر إليهما لا إرادي.٬
الرماديتين فقلبي يسر.. أسماء
الواقدي
دق دق

ياسمين: من!

حازم: انا اخوك

ياسمين اخدت دفترها الثمين وخبته تحت
مخدتها: تفضل.

حازم توجه نحو كنبتها الذي امام سريرها
وجلس: كيفها اختي!

ياسمين: اْلحمدلله

حازم: وين انِت اجي واسافر وانِت في غرفتك حتى مرام ماتشوفك.

ياسمين في قلبها داخل يلومني وانا اللي محد يعرف اخباري: معليش اصلاً اختباراتي قربت واحنا فأخر سنه لذلك مضغوطين..

حازم: متى تخرجك؟

ياسمين: بعد الاختبارات النهائيه

حازم: طيب ع العموم الله يوفقك ويسعدك
تحتاجي مصاريف!

ياسمين: لا شكرا

قام حازم ومكنها كيس احمر كبير وقال لها...




📚 @rewayatyamania  🇾🇪

.

البـارت 13 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


قام حازم ومكنها كيس احمر كبير وقالها هذا من
ابي ويوصلك السلام.

ياسمين: الله يسلمه قول له شكرا الله يحفظه

حازم: يله انا استأذنك بروح العمل وان شاءالله
اذا اتصل ابي لاتلفون الارضي بخليه يكلمك.

ياسمين: تمام.

حازم: الله معك وخرج.

ياسمين جالها الشجن تشتي تشوف ايش جاب لها
ابوها فتحت الكيس
وشهقتتت..
.
.


رهام: يمه بتكلمي من

امها: اتصل على عمتك مزنه'ام الدكتور يحيى'

رهام: ليش

امها: خالتك ام ندى حرجتني قالك نجي بكره
عندهم

رهام: ولو انه عندنا اختبارات من بعد غدوه لكن
يمه مغرب واحنا في الببت

امها: اكيد قومي اتصلي بعمتك صفيه'ام يحيى
وهاتي السماعه

رهام: حاضر


نعرفكم على عائله الدكتور يحيى..

صفيه.. امرأة عمرها بالاربعينات كبيرة السن عمراً اما جسداً فهي لازالت إنسانه ذات شخصيه بارزه لديها ابن واحد فقط وهو "الدكتور يحيى"

"زوجهااا مات قبل سنه في حادث"



يحيى جاء من عمله وباس راس امه: كيفها
الغاليه.

امه: بخير يا ولدي وانَت

يحيى: تمام ها امه معك مشوار اليوم 'متعود دايما'
يودي امه اي مكان بحكم انها تمل وحدها في
البيت.

امه: قلت لك يا ابني خليني ادور لك عروسه
تجي تحيي البيت وتوانسني'تجلس معاها'
لك مش وقته

يحيى: هههه قريب يمه ولايهمك خلي وظيفتي
تتثبت وابشري اجي لعندك واخليك تخطبي لي.


رن الثابت وكان بجانب يحيى٬
رد يحيى: هااا

رهام: احم عفوا شكلي غلطانه

يحيى عرفها على طول: يا هبله ما تشتي

رهام: اقسم بالله نفسي اعلمك فن التعامل مع
الاخرين يااخي اتعلم الذوق

يحيى: طيب باخد عندك كورسات يا بنت الخال

رهام: اوف زعل ولد العمه المهم شخبارك

يحيى: تماااام وانِت كيفها الدراسه

رهام: تماااااممم

يحيى: اي خدمات

رهام: اعوذ بالله بيموت لو كثر بالهدره هات
عمتي.

يحيى نرفزها: وقتي ثمين ما اضيعه مع اطفال
واعطى امه السماعة

رهام: خف علينا يا جدي

العمه مزنه: حيا بنت الغالي حيا بعمري

رهام: لك الحياة يا اجمل عمه كيف انتي

العمه مزنه: بخير ياقلب عمتك وانِت

رهام: تمام عمه اسمعي خالتي اتصلت تشتينا
نجي عندها اليوم بنمر ناخدك وبنمشي تمام لا
تقولي لا انا فدالك.

العمه مزنه: طيب ياعمري كله ولا زعلك

رهام: حبيبيي يله اشوفك العصر

العمه مزنه: إن شاءالله

طبقت السماعه

يحيى: ها امي اليوم طلعت لها خرجه

امه: ايوه اخت مرة خالك عامله عزومه
وعزمتني.. بس مرة خالك بتمر لي ع الطريق.

يحيى: ها عزوز بيوصلهم هذا الولد كم لي منه

امه: عمري عزوز مشغول عشانه اخر سنه

يحيى: ها يله يا الغاليه بروح ارتاح


يحيى
'ذلحينه انا كيف اقول لياسمين اني معجب بها
وكيف اقنع امي اني اشتيهاااا ياااااارب مااااا
بقلببييييييي يااااااللللههه٬.
واخد دفتره الخاص وكتب٬.


'تظهرين امامي كلما شرد الذهن وكأنك كالطيف الخفيفُ تسري يومي منُذ أن اتذكر طيفِك...أسماء الواقدي
.
.


نعود لياسمين ونشوف ليه تفاجأت من هدية
ابوهاا!

ياسمين مجرد بس شافت ايش في الكيس
انصدمت لانه اول مره في حياتهااا ابوها يجيب لها

فستاااان طويل بلونها المفضل الكحلي مع
إكسسوراته و حبه عطر نسائي وجزمه كعب باللون الاسود 'بكرامه القارى'


ياسمين: لا لا انا مش مصدقههه مستحيل ابي يجيب لي
هديه لا وايششش اشياء انوثيه٬ كيف وليش
ومتى وما عرفه بذي الاشياء ودخلت بدوامه
افكاااااار وما خرجت منها الا لما سمعت جوالهااا
بيرن..
.
.


احس كأنه نسينااااا بطله روايتناااااا

وتين: اوف نسيت الاهم٬
واتصلت على ياسمين

ياسمين: ها

وتين: بنت ماهو ها جاوبي سواء

ياسمين: ايوه معك ها

وتين: المهم قومي البسي وتعالي

ياسمين: تمام اساسا طفشانه واشتي اقولك شي

وتين: يله قومي اتجهزي والبسي تمام لانه
عاملين عزومه في بيت خاله طالع

ياسمين: لا احراج

وتين: ولاشي تعالي بسسس ما عليك بعرفك
عليهم كلهم طيوبات

ياسمين: طيب بقوم
اشوف الزفت اخي اذا صاحي يوصلني

وتين: تمام سريععع

ياسمين: باي

ــــــــــــــــــــ


ام ندى: حيا الله بأختي نورت

ام ملاك: تسلمي بنورك ياقلب

ام ندى شافت ملاك: كيفه بنت اختي

ملاك بدلعها المعتاد: هلا خالتو بخير ياعيوني
وراحت تسلم عليها

ام ندى: والله وكبرت بنت اختي وقدها مره

ام ملاك: حرام عليك ياخالتو عادني صغيره

ندى خرجت من غرفتها على اخر كلمه: اهه مين
الصغيره

ملاك: حيا ببنت خالتي وحشتيني

ندى: عارفه بس انا ما وحشتيني

ملاك اكتسفت: عادي اهم شي وحشت خالتو

ام ندى: انا فدالك

ندى قامت للغرفه تشوف امل

امل: يا خجفه خرجتي ونستيني

ندى: مالها روحي خرجت اشوف السامجه ملاك

امل: كريههه٬

ندى: يله شوي وبتجي رهام ووتيني وصاحبتها
بدخل اغير

امل: سريععع امد ما اسوي ليدي مناكير

ملاك: خالتو بدخل عند ندوش

ام ندى: روحي ياقلب

ملاك...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 14 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


ملاك: خالتو بدخل عند ندوش

ام ندى: روحي ياقلب

ملاك شافت باب غرفه ندى مفتوح نص وامامها
امل متربعة ع السرير وجالسه تمنكر اظافرها
وحاطه السمااعه في أذونها ومنسجمه مع الاغنيه وشعرها الطويل مفتوح كان شكلهااااا جنااااااان

ملاك استغلت الوضوع وخطرت فكره في راسهاااا

ــــــــــــــــــــــــ


ياسمين راحت لعند اخوها عشان يوصلها

دقت الباب اكثر من دقه مافيش اي رد فتحت الباب
ودخلت الغرفه حست الغرفه باااارده والانوار
طافيه والولد متدفي تحت البطانبه وبساااابع نومه
٬ اول شي طفت المكيف شغلت الانوار بعدت
البطانيه واخدت الدبه الشملان من جنبه
ووصصااااحت: حذيييييفة

حذيفه قام اول ما شاف بيدها صحصح على طول
لانه عارف اخته

حذيفه: ياسمين اتعوذي من ابليس لا اقولك الان

ياسمين: قوووووم هيا وصلني ما بش وقت

حذيقه: ياسمين مقلع اشتي انام

ياسمين: هيا انا فدالك يااخي انا اختك

حذيفه: صدق اثبتي

ياسمين جت له شي: حذيفه نص ساعه بقوم
اتجهز اذا ما شغلت السياره والله لااسوقها اناااا
وخرجتتتت

حذيفه بصوت عالي: اتحداك والله لا اقص رجلك
اعوذ بالله محد يرتاح ببيته

ــــــــــــــــــــــــــــ


الساعه الثالثه عصرا
ام وتين: يا بنتي كلمتي مرة عمك ام علي

وتين: اكيد كلمتها

ام وتين: طيب يابنتي اطلعي شوفي ام كيان اذا
محتاجه شي

وتين: طيب الان.


خرجت وتين من باب شقتهم وشافت عمتها
قدامها سلمت عليها

طلعت الدرج وجالسه تشعر كلمات الشاعر
شريان الديحاني ومنسجمه معها..
"أحبك حيل صدقني تعال اقرأك واعتقني ع شان
تمر واتملك ..

كيان كان واقف قدام بابهم بعدين سمع صوت
بنت قال في نفسه ما هي الا ندى لانه م فيش غيرها تزعجهم بصوتها٬.

اجاء كيان يتخبى خلف الدرجه عشان يفجع ندى بسسسس طلعت قدامه وتيييين

وتين٬.
لازالت منسجمه وتكمل كلماتهااا
واعيشك حلم واتخيل واطفى الدمع٬.فجاااااه٬.

كيان يجي لها من وراء ويغطيييي ع فمهاااا.

وتين فتحت عيونهااا وصرخت 'يمممممممممممممممه'

كيان على طول فلتها او بالاصح انصدمممم ٬...
للأسف في احد سمععع وتين

تتوقعووووا ميييييننن٬.

ــــــــــــــــــــــــــــــــ


ام يحيى: يمه عتخرج

يحيى: ايوه يمه معي مشوار

امه: تمام واذا تاخرت اجزع لي

الدكتور يحيى: عيوني يمه عز منتظرش خارج

امه: يله هو ذانا جاهزه

يحيى خرج يسلم على الاهل

عز: حيا الله بيحيى

يحيى: الله يحييك ويبقيك

رهام: كيف انت ياغايب

يحيى: انا موجود عند امي ما به الا انِت ما عاد
تشرفي بيتنا

رهام: اعمال ياولد العمه

يحيى فطسسس ضحككك على نبرة الكبرياء بصوت رهام: الله يقطع ابليسكك انِت بس ما معك
الا كتبك قالت اعمال

عز: يله ياغالي اسمح لنا

يحيى: الله معاكم

دخل يحيى ياخد بعض من ملتزماته وبيخرج٬.

ــــــــــــــــــــ


نرجع لملاك٬.
شافت امل تتمنكر دخلت يدها من الباب ألتقطت
لها صوره
ومشيت..

خرجت ندى من الاستحمام ووقفت امام المرايه
ندى: كيفني

امل: حاليه قوي عتحصلي عريس

ندى: يخ مش وقت عاد قدامي نظره مستقبليه

امل: ناهي لش عنبسر اين عتسيري

ندى: عنبسر المهم محد جاء

امل: ماشي ما شفت ولاحد

ندى خلصت من طرح بعض من مستحضرات
التجميل لتزيد جمالاً من ملامحها

امل: اهييي ما هو هذا كله بوجهك

ندى: شكلي مزه صح

امل: عاد لو تبسرش امي يا ويلك

ندى: انا فدالها سهل عسل على قلبي

ــــــــــــــــــــــ


ياسمين تجهزت خرجت على طول تنتظر اخوهااا
في السياره..

دقااائق وجاء حذيفه

ياسيمن: ايش ذه كله

حذيفه: زعم ما في الا البنات بس لهم الاناقه

ياسمين: اكيد احنا الانوثه تنبع مننا

حذييفه وهو بيمشي في امان الله رن هاتفه مد يده عشان ياخد تلفونه وعاد الا فتح السبيكر الا
فجاه م بيسمععع الا وياسمين بتصيححححح
انتبهههههههههه وصدممم يحييييى


يحيى طبعا عارفين للمه هو سارح جالس بيفكر
كيف يقنع امه بياسمين فجاه ما يشوف الا سياره
صدمه سيارته لوما فقد عقله٬.

ياسيمن بتبكيييي: ما فعلت يا حذيفه

حذيفه: اصه ما بش شي صلي ع النبي ونزل اخد
يحيى وحطه في المرتبه الذي وراء وجنب
سياره يحيى وقفلها وشل اغراضه ومشى لأقرب
مستشفى

ـــــــــــــــــ


كيان اول ما شاف وتين دخل شقتهم مباشرة
عنددد وتييين

علي كان واقف تحت ولما سمع صوت وتين
على طول فز قلبه وطلععع٬.

علي بخوف: مالك

وتين ألتفت وما شافت كيان ارتاحت بنفس الوقت
كانت خايفه يكون علي شافها: اااا ولاشي

علي بغموض: طيب مالك مرتبكه

وتين تضيع الموضوع: ها لا ولاشي بس كاني
شفت صرصور

علي: ها يله انتبهي ثاني مره

ونزل لعند عمه ابو وتين

وتين: اوف الحمدلله ومشيت دقت الباب





📚 @rewayatyamania  🇾🇪

.

البـارت 15 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


ام كيان: حيا الله من جاء

وتين استحت: الله يحييك ياخاله كيفك

ام كيان: بخير ياعمري وانِت

وتين: اْلحمدلله يا خاله قالك ماما ايش عاد تحتاجوا

ام كيان: يوه انا فدالش نحتاج شوفتك ياقلبي

وتين: الله يحفظكم يله ياخاله انا بطلع اشوف خاله ام ندى

ام كيان: طيب ياعمري

ــــــــــــــــــ


ام ندى بتستقبل ضيوفها: حيا الله من نور بيتي

ام يحيى: يحييك ياقلبي

ام عز: حيا بأخِتي ونور عيوني

ام ندى: هلا حبيبي

ام عز: يااختي سيري سلمي على عز جنني يشتي
يسلم عليك

ام ندى: انا فداله عيون خالته

ــــــــــــــــــــ


عز كان جالس في مجلس خالته شويه الا وبتوصل له رساله عبر الواتس شافها
الا وهي من ملاك انصدم لما شاف انها صورت وانصدم اكثرررر لومااا شااااف صوووورره
أمل طبعا هو ما عرفهااا لانه بحكم انها كانت
منزله راسهااا وتتمنكررر كتبت ملاك تحت
الصوره: هذي السنه بتحبهااا صح هيااا والله
لوما تبطل الهباله وترجع عز حقي لا انشررر
صورتهااا !!؟

طبعاااا عززز جن جنووووونه لانه متوقععع من
ملاك اعظممم من هذا كله

كان عززز الدين بيدور حول المجلسس سعما
الذي بيعتمررر بيفكررر كيف يحذف صورة
امل من جوال ملاك وكيف يحذر امل منهاااا

ــــــــــــــــــــــ


حذيفه بأعلى صوته: إسعاااااااف.

خرجوا رجال الطوارى بسرير وساعدوا حذيفه
بأخد يحيى

ياسمين بصوت باكي: حذيفه عيموت

حذيفه من كثر خوفه حضنها: ماشي ماعيموتش
يااختي أهدأي و قولي يارب

ياسمين: ياااااارب


مرت نصف ساعه فجاه خرج الدكتور

حذيفه: طمني يا دكتور كيفه المريض

الدكتور: سرررريع هات لي دم للمريض فصيله
O موجب

ياسمين: نفسس فصيله دمي

الدكتور: تمام انزلي وخليهم يسحبوا منك قربه دم
.
.


ام ندى دخلت للمجلس: حيا حيا بولد اخِت عاش
من شافك.

عز توجه لها وباس راسها: الله يحييك ويطول
بعمرك ياقلب

ام ندى: كيفك

عز: بخير دامك بخير ياغاليه

ام ندى: وينه عز الذي كان واصل عندي

عز كان جالس مقابل لخالته باس يدها: انا اسف
انا عارف اني مقصر معك بس موضوع ملاك
شاغل بالي

عز يحب خالته وكل اسراره عندها ودايما توقف
معه

ام ندى: ولاعليك طالما انت ما تشتيها والله ما
تاخدها وما تاخد الا الذي يحبها قلبك ولايهمك

عز: اه يا خاله اه بس المشكله ما اشتي ابي
يغضب مني

ام ندى: ابوك بكلمه انا وبقنعه وخليني اقوم اضيفك

ــــــــــــــــــــــــ


وتين اتصلت لأمل عشان تفتح لها الباب

امل راحت وطبعا مش عارفه انه عز في المجلسس

وتين: ساعه عشان تفتحي

امل: هلا قلبي ادخلي

وتين: هلا عمري ياسمين صاحبتي اجت!

امل: مدري ادخلي وشوفي

دخلت وتين على طول لغرفه ندى

وامل جت تقفل الباب الا وتحس بيد تغطي
على فمهااا وتسحبها لداخل اتسعت فتحه عينها من الصدمه ما توقعت انها تشوففف عزززز
ابدااااًا...
.
.


نروح لبيت حازم اخو ياسمين..
مرام سوت كيك وشاهي لزوجها وقدمت له
تفضل.

حازم: يخلي لي اليد يااارب

مرام: ويخليك لي

حازم: امين مرام بقولك بشي.

مرام وجهت نظرها له بمعنى تكلم.

حازم: قبل ما انزل كلمني ابي بأنه واحد من
اصدقائه قاله يشتي يخطب لابنه من عندنا

مرام: والله ما اقولك الا كل خير

حازم: يعني انِت كيف تشوفي ردة فعل ياسمين
بتوافق

مرام: ما اعتقد خلوها تتخرج بعدين سهل حاليا
هي مهتمه بدراستها

حازم: قد قلت لأبي لوما بعد العيد عيجي وهي
قد تمت دراستها وتخرجت نسألها اذا وافقت نرد
لهم خبر

مرام: الله يوفقها

حازم: امين والله اني بين احب ياسمين قوي بس
هي مدري مالها احسها من كثر اهمالنا ماعاد
بتحبنا ابدا

مرام: ماشي بتتخيل بس بالنهايه انتوا اخوتها
وسندها
.
.


نرجع لعز الدين
امل اول ما شافت عز انصدمت وبنفس اللحظه
خافت يجي احد ويشوفهممم ..

عز لحد الان ويده مغطي على فمها: ولاكلمه انِت فقط اسمعيني قبل دقائق صورتك ملاك النذله
ورسلت صورتش لعندي وطالما قد صورتش
عندي اخاف عليش منها تروح تنشرها لذلك
ابعدي عنها هذي الفتره فقططط وخلي في بالك
بأني احبش مثل ما انِت بتحبيني عتقولي ما دراك
عتقول لش اني اشوف الحب بعينك كل صباح
لذلك بحاول اني انزعهااا من حياتي وعد مني ما
عتكون الا لششش وما عتكوني الا لييييييي
وفلتهااا وسار لتجاه الطاقه وقال لهااا روحي
قبل ما تجي خااالتي

امل ما عاد عرفت كيف تفعل كانت عيونها تنزف
دوم بس مش قادرة تستوعب كميه الكلام الذي
قاله عز الدين او بالاصح كانها صنمت في
بقعتها ما خلاها تستوعب انها في حاله اللاوعي
لوما جاء لها عز وقال لها: شكلش تشتي ملاك تجي الان
وتقتلش من غيرتها الزايده صححح وصرخ في
وجهاااا انقللللللعييييي

خرجت امل من المجلس
وجرت الى اقرب مكان قدامها ودخلت المطبخ
صادفت قدامها ندى كانت بتجهزز الضياافه
وقرحت بكاااااااء

https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


ام يحيى: كيف انِت يا ام كيان

ام كيان: بخير ياقلب وانت كيفها صحتك

ام يحيى: الحمدلله بعافيه وستر

ام كيان: الله يديمها

ام يحيى بتتلتفت لعند ام عز وبتقول لها: مدري
مالي احس بقلق

ام عز: صلي ع النبي ما بش شي

ام يحيى: عليه افضل الصلاه والسلام
.
.


نرجع لحازم وزوجته
حازم: ياروحي ياسمين وحذيفه ما رجعوش!

مرام: لا

حازم: قال لي بيوصل ياسمين وبيجي على طول
وينه!!

مرام: اتصله

حازم :جواله مغلق وياسمين مشغول

مرام: اقلقتني عليهم والله حاول مره ثانيه

حازم حاااااول لماااا مسك الخطط
وجاوبه بصوت شايل هم الدنيا: الو

حازم: ها حذيفه وينك

حذيفة: في المستشفى

حازم على طول قام من مكانه: ها ليش ما وقع انت بخير ياسمين بخيرررر

حذيفة بصوت مرعوب: احنا بخير بس الذي
صدمته يعلم الله كيف حالته

حازم: لا تخاف إن شاءالله ما عيحصل شي ايش
اسم المستشفى

حذيفة: مستشفى الاقصى وقفل السماعه وراح
يشوف ياسمين اخته

ــــــــــــــــــــــ


عز نزل من العماره شافه ابو ندى وهو بيفتح سيارته: عز الدين

عز لما نزل كان ضاااابح ومعصب لذلك ما شاف اي شي حوله :اهلا خالي 'زوج خالته'

ابو ندى: وين انت يا ابني ماعاد احد يشوفك

عز راح له وباس راسه وسلم على اللي كانوا جنبه
كيان وعلي وابو وتين: والله ياخالي دراسه وعمل

ابو ندى: الله يوفقك.كيفه ابوك

عز: الحمدالله في خير وعافيه

ابو ندى: سلم عليه

عز: الله يسلمك يله ياخال استأذنك

ابو ندى: الله معك

عز حس بضيييق بصدره وما في قدامه الا يحيى
قال بيروح عنه يفضفض له لعلى يرتااااح
ويخرج من عنده بحل اخد جواله ودق عليه...
يرن يرن يرن....
.
.


ندى افتجعت لما شافت امل تبكي: مالك

امل ولا كلمه دموعهاا بس الداله على قهرها

ندى: امل بتتكلمي والا اخرج اسالهممم

امل بصوت باكي: لا اصلا الذي برع مش
عارفين بشي

ندى: طيب اتكلمي نفذ صبري

امل: لقيت عز وقالك انه ملاك صورتني

ندى بعصبيه: بنت اللذينااا خليني اقوم لها

امل مسكتها: لا قوا يا ندى لا تعملي شي عز
قال عيتصرف

ندى: حاضر انا بتفاهم مع عزوز انِت قومي
امسحي دموعك وخلينا نخرج

امل: تمام

ــــــــــــــــــــ


ام وتين شافت بنتها قلقانه على صاحبتها ياسمين:
يا بنتي مالها صاحبتك تأخرت

وتين: مدري يمه جالسه ادق عليها مشغول
وقلقانه عليها

امها: اهدي مافي شي وإن شاءالله ما يحصل لها
شي

ام كيان بحكم انها كانت جنبها حاولت تهديها:
حاولي تتصلي عليها ياقلبي

وتين: تمام
.
.


نروح نشوف اخبار المستشفى
خرج الدكتور وخلع الكمامه من انفه واول ما
شافه حذيفه قااام: ها دكتور بشر

الدكتور: الحمدلله المريض حالته مستقره وشوي
وبيصحى من البنج

حذيفه: طيب يا دكتور ايش طلع فيه

الدكتور لمح نظره الخوف بعيون حذيفه: لا
تخاف ضربه خفيفه براسه واحمد الله انها ما أثرت عليه ابداً ادخل اطمن عليه بنفسك

حذيفه بنفس عميقق: اللهمممم لك الحمدددد شكراً
دكتور

الدكتور: الشكر لله استأذنك


جلس حذيفه على اقرب كرسي له وحمد لله انه ما
وقع للرجال شي كان خاااايف يحصل له شي
يرجع نادم طول حياته رن جوال في جيبه
خرجه وشاف انه حق يحيى رفعه وقرا
المتصل عزوز فتح الخط وكلمه


عزوز: يحيى وينكك

حذيفه: سلام عليكم

عزوز: وعليكم السلام من معي هذا رقم يحيى

حذيفه: ايوه رقم يحيى بس انت ايش تقرب له

عزوز: احنا اهل وينه يحيى يااخي

حذيفه: اهدأ ولا تقلق يحيى حصل له حادث
بسيط والان هو بخيييررر

عزوز خاف: حادث وين انتوا

حذيفه: مافي شي يااخي قلت لك اهدأ وبرسل لك
عنوان المستشفى برساله سكر الخط ذكر اخته
راح يأخد سوائل لأخته ياسمين تعويض على الدم
الذي سحب من يدها واخد بعض التقارير وجاء
جلس جنبها

حذيفه: ياسمين اشربي

ياسمين: مالي نفس والله

حذيفه: بلا هباله بتدوخي هيا اشربي ومد لها عصير مشكل

ياسمين: طيب هات

خذيفه: اطمني الرجال بخير وما في اي خوف
وهذي التقارير

ياسمين اخدت منه الاوراق عادها الا رفعت الورقه شافت الاسم مباشرةً يحيى علي فاروق ال...

حذيفه تلفونه رن شاف المتصل اخوه حازم قال
لياسمين انا بخرج وانِت خليك هنا

ياسمين في حاله ذهول في البدايه ما كانت تعرف
مين هو الذي في الغرفه والان عرفت انه
الدكتور يحيى

الممرضه: لو سمحتي المريض تبعكم صحى
تقدري تدخلي تشوفيه

دخلت جناحه الخاص والغرفه باااارده شافته جالس والمغديه في يده ووجهه معفوس عشان
قام من البنج وشعره الكثيف مكركب

ياسمين بصوت مرتبك: دكتور يحييى

يحيى ابتسم لا شعورياً لما شافها: ياسميني اهلاً

ياسمين: الحمدلله على السلامه كيف انت !

يحيى بجراءته المعتاده: بخير بشوفتك ما توقعت
اني اشوف الحياه مره ثانيه بوجهك


ياسمين استحت: احم طبعاً...


https://tttttt.me/rewayatyamania/44998





📚 @rewayatyamania  🇾🇪

💜

بارتـات يومنـا الخميـس👆🏻😍

مرحبا..💕

انتظرونا مساء الغد ومع اخر بارتات قصـة

علميني الحُب ياوتين


📚 @rewayatyamania 🇾🇪

#اعتذر عن التأخير ثواني واعرض لكم

.

البـارت 17 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


ياسمين استحت: احم طبعاً الذي صدمك اخي
واعتذر بالنيابه عنه والحمدلله على سلامتك مره
ثانيه جت بتخرج وقفها يحيى بكلامه...

يحيى: قلت لي اخوك الذي صدمني اجل ما
بسامحه الا بك

ياسمين ما فهمت: ها!!! ما فهمت

يحيى غمز له: بعدين بتفهمي الان اخرجي قبل لا يجي اخوك او اي احدد.
.
.


ملاك جالسه قدامهم رجل فوق رجل وبكل
كبرياء تقول لامها: ماما خلينا نرجع البيت
مليت

امها: اخوك شوي وبيجي انتظري شوي.

رهام كانت جالسه جنب وتين تعرفت عليها
وحبتها خيرات
قالت بصوت مسموع لوتين: ياربي على دلع فيها
وعادهم يشتوها لاخي الله ياخذهم

وتين: ههه مالكم انتوا اهل

رهام: بالله شوفي مطلعه لي الضغط بمياعتها

وتين: سهل بكره بتكبر وتتعدل

رهام: ماشي هذي الاصناف ما تتعدل ابدا

ندى تشتي تغير موضوع ملاك عشان امل تهدا
شوي

ندى: بناااات ايش ذي الجلسه الممله خلونا ندخل
غرفتي ناخد راحتنا

وتين: يله رهامو

امل: الله بساعه قدها رهامو

رهام: ههه انا فداالك ي امولي قدش بتغاري

امل: ايوه اغار على وتين

رهام طبعا عرفت امل الذي بيقصدها عز لذلك
حبتها من قلبها

رهام: انِت يا امل المفروض احنا الذي تغار
منك ماشاءالله الكل بيحبك كبير على صغير

ندى: خلاص مله امل ذات من الاحراج....

امل استحت خصوصا انها اخت عز.
.
.


حذيفه خرج عشان اخوه

حازم: ها طمني

حذيفه: الحمدلله اجت سليمه خلينا نروح ناخذ
عشاء قد بين احس ياسمين جاوع

حازم :تمام وياسمين وينه

حذيفه: خليتها قلت لو اجوا اهل الولد تكون
جنبهم...


خرجت ياسمين من الغرفه ع وجه عز وهو
يسأل الممرضه اين غرفه يحيى

مشيت وجلست تنتظر اخوانها


في احدى الكراسي...
فتحت جوالها شافت مكالمات عديده من وتين
دقت عليها عشان تغير شوي من نفسيتها

ــــــــــــــــــــــــ

ندى: ذلحينه بعد الجلسه ذي اختباااااراات

وتين: مساكين

رهام: الله متى بكون جامعيه مثلك يا وتين

وتين: قريب ياقلبي

امل: انبسطت معاكم نعيد الجلسه بعد الاختبارات
إن شاءالله

رهام: اكيد إن شاءالله

ــــــــــــــــــــــــــــ


وتين: وينك ي بنت

ياسمين: اه يا وتين سوينا حادث

وتين: ايششش!

ياسمين: وطلع الدكتور يحيى اللي صدمه اخي.

وتين: ياربي وايش جرى له

ياسمين: الحمدلله ما حصل له شي جت الضربه
سليمه

وتين: الحمدلله يارب اه ذكرت امه عرفتني
عليها ندى اليوم وكانت عندنا

ياسمين: شكلها مش عارفه

وتين: ياعمري عليها الله يكون في عونها

ياسمين: امين

وتين: اسمعي الان بجي لك

ياسمين: لا اساسا ذلحين بروح البيت

وتين: ما دخلك مش هو عليك شاجي الان
.
.


عز الدين وهو في وسط الشارع ذكر عمته ام
يحيى لف السياره على بيت خالته ..
اولاً اتصل لأمه.

ام عز شافت جوالها يرن والمتصل ابنها
عز: يمه

امه: ها ابني وينك نشتي نرجع البيت

عز: يمه مش وقت البيت اسمعي يحيى فعل
حادث بسيط

امه: ها حادث!

عز: يمه الله يرضى عليش اهدأي ما بش حاجه
هو بخيررر الان انا في مسافه الطريق اتجهزي
انِت وعمتي ورهام .

امه: طيب ياقلببي انتبه على نفسك

ــــــــــــــــــــــــــــ


لبست وتين وأستأذنت من امها
وعملت رسالة لعلي علشان يوصلها هي عارفه انه جالس تحت لذلك لبست سريع ونزلت


ام ملاك جاء لها ابنها ومشيت

ام عز وام يحيى ورهام ندى راحت مع خالتها ونزلوا مباشرة


وتين خرجت كان علي جالس جنب كيان ما عرفت كيف تناديه

شافت ندى قدامها

وتين: ندى كلمي كيان يقول لعلي يجي

ندى: معقده الامور ليش ها
فندى صيحت لعلي
ندى: يا علي كلممم وتين

علي استحى من كيان.

وكيان كان معصب من ندى بياكلهاااا...

وتين: اسده انا فدالك يا ندى يله تعالي معي

ندى: لا خلاص امشوا انتم وانا بروح مع عز

وتين مسكت بيدها وطلعتها جنبها في السياره:
امشي بسسس

وتين: علي حرك للمستشفى سريع

ـــــــــــــــــــــــــــ

ام عز قالت لأم يحيى انهم رايحين يزوروا صديق عز في المستشفى.


نزلوا دخلوا الغرفه شافوا يحيى صاحي وكان
واقف قدام الطاقه

شاف الباب انفتح وعلى طول راح يسلم ع امه
وباس راسها قال لها انا بخير لا تقلقي.

ام يحيى استغربت شويه قالت خير وينه صديق
عز .

يحيى جالس في الكنبه الذي توجد على يسار
السرير.

يحيى هو انا صديق عز

امه: يحيى فهمني ايش به وما وقع

يحيى حاول يغطي على موضووعه: اهدئي ما فيش شي هو غير اصدمت سيارتي فقط

امه: ابوها تجي عشر سيارات بدالها اهم شي
انت ما وقع فيك شي ونزلت دمعها.

يحيي مسح دموعها: جعلي مكسر ولا انزل
لعيونك دمعه يمه هو ذانا قدامش بخير والله ما
وقع فيني شي.

امه: الحمدلله اللهم لك الحمد.




📚 @rewayatyamania  🇾🇪

.

البـارت 18 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


وتين وصلت على طول دخلت المستشفى وسألت
السكرتارية على الاسم وجريت ...

علي بيكلم ندى: هي ثاني مره كذا تحرجيني قدام الولد وتناديني يا ويلك.

ندى: اولا معي اسم ثانيا اي ولد! امم تقصد
كيان عادي واحد من عائلتي.

علي: قلتيها بعظمه لسانك واحد من عائلتك اجل
لما اوقع ان شاءالله واحد منهم بعدها يحق لك
تناديني ..

ندى بكبرياء: ايش اللي واحد منهم الله لا قال

علي ابتسم: قريب إن شاءالله ومشى

ندى عصبت: استغفر الله يا ربي هذا بيطلع لي
الضغط ومشيت ...

وتين حضنت ياسمين..
وجلست جنبها شوي وخرجوا كل اللي في
الغرفة..

رهام وامها و عز ويحيى وامه.

قام حذيفة اول ما شاف يحيى

حذيفة: للمه قمت زيد ارتاح اليوم

يحيى عشان يدرج الوضع: مابش داعي يا اخي
وشكراً على مساعدتك والله اني محرج منك.

حذيفة وياسمين شوي مستغربين من كلامه

ام يحيى: من هو هذا يا ولدي.

يحيى: هذا كان ماشي من جنبي وساعدني وما
قصر معي

ام يحيى: تسلم يا ابني الله يحفظ من رباك

تدخلت وتين ونطقت: الحمدلله ع سلامتك دكتور يحيى.

يحيى: الله يسلمك وتين ما بتفعلي في المستشفى

وتين: جيت اطمن على ياسمين

يحيى حب يوضح العلاقه بينهم: يماه هولا طالباتي.

امه: ها الله يوفقكم يا بناتي

حذيفه: هيا انا شاوصلكم.

عز اخد امه واخته.

وعلي اخد ندى ووتين

وحذيفه كان قدامه يحيى.
وراه ياسمين وام يحيى.

يحيى: والله ما كان في داعي تتعب نفسك.

حذيفة: ما بش شي الله المستعان.

ام يحيى: هذا اخوش يا بنتي

ياسمين: ايوه هذا اخي

ام يحيى: ها انِت اللي كان مريع لش وتين.

ياسمين: ايوه ياخالة.

ام يحيى: ماشاءالله عليش يا بنتي ادب واخلاق
الله يرضى عليك

ياسمين: تسلموا الله يحفظكم

يحيى كان يسمع حديث امه مع ياسمين
ومبسوووووط.

يحيى: ايوه ادخل يمين اول عماره قدامك هي
بيتنا

واصلوا

ام يحيى: عتنزلي عندي اضيفك حتى كاسة ماء

ياسمين: تسلمي الله يسعدش ياخاله مره ثانية

ام يحيى: وعد

ياسمين: إن شاءالله

يحيى تبادل رقمه مع حذيفه عشان يكونوا على
تواصل....

ــــــــــــــــــــــــــــــــ


عز وصل غرفته فتح الواتس شاف واحد رسله
بصوره يجي ويشوف والا وهي صورة امل
كانت واقفه جنب عز جنب بوابة المدرسه.

تذكر انه هذاك اليوم كان جالس بيقنعهم يوصلهم
لما تاخر عليهم كيان ...

المشكله انه كاتب له المجهول تحت الصوره.
والله لوما تبعد عن حبيبتي انك عترحم على
"نفسك "

جن جنونه كان يتخيل انه في احد يحبها خرج
من غرفته على طول لعند اخته.

بصوت خفيف رهام عادش صاحية


رهام كانت قدها بتجهز نفسها من الغد اول
اختبار: ايوه وفتحت له غرفتها.

عز: اسمعي معش رقم امل.

رهام: للمه

عز: ما دخلك هاتي لي رقمها وبس

رهام: والله ما اديه وبعد من متى اخي ياخذ ارقام
بنات الناس مش عيب.

عز: لا حول ولاقوة الا بالله اسمعي الحكايه كلها انه به واحد رسلي بصورتها

رهام: هااا صورتها!!

عز: ايوه بس مدري من هو ابن الكلب اللي
صورنا واحنا قدام باب المدرسه بس والله
لااطلعه

رهام: ذلحينه اهدأ وحاول بطريقتك تعرفه.

عز تذكر لما ملاك رسلت له صورة امل.
عز: ما بش غيرها بنت اللذينا

رهام: مالك يا عز صلِ على رسول الله مش معقول
تجي ملاك ترسل صوره بنت الناس لاي احد

عز: هذي خبيثه والله واللي خلقني اذا طلع لها
يد في الوضوع لا امسح بكرامتها الارض

رهام: ما بش بيدي شي اقوله وامل والله ما بها
سخى لهذا كله

عز: تصبحي على خير وخرج...

ــــــــــــــــــــــــــــ


يحيى: صباح الخير يا احلى ام في الدنيا

امه: صباح النور ياعيوني
للمه قمت كنت بجي واجيب لك فطورك لغرفتك.

يحيى: لا الدلع هذا كله لي
وجلس ياكل في طاوله طعامهم

امه: انت تاعب يا ولدي

يحيى: انا فدالش يمه قدني بخير
وشاسير اكمل تدريس

امه: مع ارتاح اقل شي هذا الاسبوع

يحيى: لا ياغاليه انتي دارية ادرس طلاب مستوى رابع ويحتاجوني ذي الفتره اكثر

امه: رغم اني كنت اشتيك ترتاح بس ما افعل اعمل اللي يريحك

يحيى: يله يمه استأذنك قام وباس راسها

امه: استودعتك الله انتبه على نفسك

يحيى: ان شاءالله..


ام يحيى خرج ابنها وجلست مطننة قليل.
"ذلحينه لمتى عيجلس ابني شباب وانا للمه ما ازوجه بدل ما اريع لوما يفكر وقده عيكمل عمره وانا متتظره له يختار

ايوه صح ذكرت ياسمين ياعمري على هذيك
البنت قمر انا فداله وفيها تواضع يارب تكون شابه

على اكلم يحيى وتكون من نصيبه ايوه شتصل
لام عز على ميد تتصل لاختها تسالها عليها هم
قالوا انها صاحبة وتين"



يحيى وهو بيسوق سيارته ذكر انه اخذ رقمم
حذيفه قام واتصل به




📚 @rewayatyamania  🇾🇪

.

البـارت 19 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


يحيى وهو بيسوق سيارته ذكر انه اخذ رقمم
حذيفه قام واتصل به

حذيفة كان بيفطر مع اخوه حازم.

حازم: الله كم لي ما افطر معك يا كسل وانت
واصل نوم

حذيفة: طيب قلدك الله نقوم بدري ما نفعل

حازم: ع العموم اسمعني به واحد صاحب ابي
كلمه يشتي ياسمين لابنه ما رأيك.

حذيفه: وكيف ابنه هذا والا من جاء قلتم ايوه!

حازم: مالك يا ايوه صل على النبي مستحيل ابي
يرجم بنته لمن جاء

حذيفة: من الاخير الرأي رأي ياسمين صح احنا
اخوتها ما بنسال عليها ولا بنشوف ماينقصها
بس لهذا الشي حرام

حازم تنهد: اه بس من جد والله الحياه هذي
والشغل خلونا نمهل اختنا والله ما ازوجها الا لوما
تقولي موافقه

حذيفة شاف شاشه هاتفه تضوي بأسم يحيى
حذيفه: حيا حيا بالدكتور

يحيى: الله يحييك ناديني يحيى بلا دكتور قدني
غاثي منها من الطلاب.

حذيفة قام من جنب اخوه: ههههه يااخي احمد الله احنا لا بنسمع لا دكتور ولا حتى بنشري

يحيى: هههههه سابر المهم ما اخباركم

حذيفة: بخيرين وانتم

يحيى: الحمدالله فاضي!

حذيفة: اكيد معك الفاضيشن دوميشن بمعنى
فاضي دوما

يحيى: هههه طيب معي محاضره بعد ساعتين
خلينا نلتقي في الكورنيش

حذيفة: طيب الان...


وهذا اول لقاء بينهم بعد الحادث تتوقعوا حذيفة
بيرتاح مع يحيى
.
.


نستعجل بالاحداث شوي
طبعا ندى ورهام وامل وملاك خلصوا اختباراتهم النصفيه


عز كان عند صاحبه وروح البيت ضاااابح لانه
الفتره هذي جالسين بيخططوا لحفل تخرجهم
الثانوي.

ام يحيى سألت على ياسمين وقالت لهم وتين انها
عادها شباب ولا مخطوبه ولا شي.


واساسا وتين من زمان مركزه على اهتمام يحيى
لياسمين وتحسهممممم لايقين لبعضضض


كيان كالعادة محافظ على عاداته حق صنعاء
وشوي مشدد على امل

علي كلم امه انه يشتي تتوقعوا مين.....مبهم
ملاك الشيطان الاخرس لازالت تلعب بمشاعر
عز ....

ــــــــــــــــــــــــــــــــ


ندى نزلت عند امل عشان يذاكروا شوي.

ندى: شفتي اليوم ملاك كيف كانت بتخطى من
جنبك كانها بتاكلك.

امل: اعوذ بالله كم اكره هذي البنت يا ساتر

ندى: يا عيني على اللي تغار

امل: اصه يا شوعه

ندى بضحكه: يااارب ارزقنا بحب مثل كذا
يارب

فجاه دخل كيان بسخريه: حب مثل من !

ندى: اعوذ بالله طيب الواحد يقول احم مش
يدخل سعما الصاروخ

كيان: لما اسألك ردي قد السؤال

ندى حاولت تغير تلعب بأعصابه: امممم مثل
حبي القديم بس للأسف مات وقامت تبكي بمزح.

كيان: الله يرزقك عقل

ندى: هيييييي للمه والا ابسرتني مجنونه

كيان: يمكن

ندى بتحاكي امل: قولي لاخوش يحترم نفسه
ومش انا مجنونه
والا قولي له مجنونه بحب حبيبي اللي مات

امل قامت تضحككك: قدشش متأثره من كتابات
وتين صح.

كيان: وما ودفت بكم الا هذي اللي اسمها وتين

ندى: لو سمحت الكاتبة وتين

كيان: تمام واحنا ما عنطلع لها بطاقه.. خاطركم
وخرج ولكن سمع الباب بيدق تتوقعوا مين!!!


امل عملت لوتين رساله تطلع عنها ....
وتين طلعت دقت الباب.

فتح لها كيان على طول لفت وجههاا بتنزل وقفها صوت كيان: تشتي امل

وتين: ايوه بس اذا مش موجوده عادي بنزل

كيان عجبه خجلهاااا: لا هم داخل تفضلي.

وتين خافت مهما كان هي بنت: لا خلاص برجع
لهم بوقت ثاني

كيان فهم قصدها وزاد اعجابه: انتظري بنادي
لش امل

ودخل امل روحي شوفي من على الباب ومشى.

امل خرجت وشافت ان هي وتين: هو انتي ياقلبي اتفضلي.

وتين: يزيد فضلك ندى هنا

امل: اكيييييد

كيان في الديوان كان بيذاكر فجأه جاءت وتين في باله.

مدري للمه كنت ماخد فكره على وتين بس والله
طلعت بنت ناس ومحترمه وما قد سمعت عليها
اي خبر في الحاره رغم انه لي مده ساكن هنا
وكمان كاتبه ابتسممم على الفكره اللي اجت في
باله ان هي تكتب عليه"
.
.


صباح يوم جديد
عز غاب من المدرسه وكان نايم وفجأة قام على
وصول رسالة من الرقم الذي بيأذيه "افتح الواتس"

الا وبيشوف صوره امل وندى وهم تحت شجرة
الساحه حق المدرسه كانوا وقتها يفطروا وكاتب تحت الصوره
"تمنيت للحظه ان اكن ذلك السندوتش التي بيدها من فرط حبي لها"


جن جنون عز وسار على طول غير وحرك سيارته على المدرسه.


ملاك مع الطرف الثاني.
ملاك: ها نفذت

الطرف الثاني: ايوه ياعيوني

ملاك: بلا هباله

الطرف الثاني: مالها قلبي هو ذه احنا غثينا عز
بصوره حبيبة قلبه

ملاك بحقد و عصبيه: جعلك موت حبيبة قلبه مه
انا بس حقه

الطرف الثاني: طيب طيب اهم شي حسابي مثل
كل مره بعد دوامكم اشوفك خلف المدرسه
وهذي المره اعمل حسابي اضعاف لاني تعبت
اقنعه ان هي حبيبتي..

ملاك: ماهو اللي اضعاف شدي لك مثل كل مره
عاد معك عمل

الطرف الثاني: واحلى عمل من احلى ملوك
عيوناااااييييي

ملاك مقلع وقفلت بوجههه

الطرف الثاني تقفلي بوجهي حااااضر يا ملاك...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 20 ♡


علـميني الحُـب يـا وتيـن 💜

👌🏻👇🏻 😍
📚 @rewayatyamania  🇾🇪


ملاك مقلع وقفلت بوجههه

الطرف الثاني تقفلي بوجهي حااااضر يا ملاك
والله هذي المره اذا ما جابت لي مبلغ حالي لا
افضحهاااا.

شاف رساله وصلت له من عز محتواها "قول كم
المبلغ التي يديه لك عسب ترسل صور امل
لعندي وكم تحتاج وانا اعطيك من الف الى
المليون بس بشرط قولي من هو الذي موكلك
عز الدين...."


الطرف الثاني فرح فرحه لا قلبها ولا بعدها
وبالذات لوما قرأ المبلغ وعزم انه اذا ما جابت له
مبلغ حالي لا يقول لعز.

له اكثر من صوره رسلته له ملاك تقوله ارسلها
لعز بس هو ما يرسله الا لوما تكون امل لابسه
بالطو....


بتكلم شوي على اصحاب الفئه اللي مثل كذا.
(انت او انتي ما تخافوا الله لما تصور بنات الناس
وترسلوها للبعض مقابل ايش مقابل فلوس وسخ
دنيا شوي وراحت لانها حررررام اتقوا الله في
يوم لا ريب فيه
وانتي اذكري انك بتتزوجي وبتخلفي بنت وربك
بينتقم لذيك المسكينه اللي صورتيها وارسلتيها
لاي احد مقابل كم الف.

وانت اذكر انك معاك اخت وزوجه بنت والزمن
دوار
والله يحفظنا جميعا

ــــــــــــــــــــــــــــــــ


في شهر ۳ عام ۲۰۲۰
وتم احتراز مدينه الحديدة كباقي المدن خوفًا
عليهم من فايروس كورونا...


يوم الاربعاء
ندى: تقولي يا امل كيف بنعمل مع كورونا
والدراسه.

امل: اتوقع انهم عيمنعوا الدراسه سعما عدن

ندى: يوه يعني بنختبر بعد العيد.

ملاك مشيت من جنبهم: هاي.

امل: وعليكم السلام.

ندى: ههههاي وتم قصف الجبهه بنجاااااح.

ملاك عصبت منهم: خلينا الاخلاق لكم.

ندى: اوف عصبت.

امل: مقلع يقلعها.

ــــــــــــــــــــــــ


نروح نعرف اخر اخبار الدكتور يحيى.

كانوا ع طاوله الطعام يفطروا

امه تشتي تقيس نبض ابنها: يحيى!

يحيى: عيونه.

امه: وصلني اليوم بيت صديقك حذيفة

يحيى استغرب شوي: طيب بس غريبه اول مره
تزوريهم ايش المناسبه!

امه: شاسير اخطب لك بنتهم ياسمين

يحيى منصدم: ها

امه ما ذكرت اسم ياسمين الا وهي حاسه ان ابنها
معجب ويحب ياسمين من كثر ما يوصفها امامها
وعشان امه لا تشك يقولها اخوها يوصف
اخلاقها.٬
.
.


نروح لبيت كيان محاضرته اليوم متاخره

ام كيان سمعت جوالها بيرن واعطاها كيان
الجوال

ام كيان شافت المتصل بنتها امال التي في
صنعاء ردت: هلا ببنتي وعمري

امال: هلا امي وروحي كيف انتوا

امها: بخير ياقلبي انتي كيفك وكيفه زوجش معك

امال من كثر ما قدها فاقده لأمها بكت

امها: يوه جعلي مكسر على بنتي مالش ياروحي
مالش

امال: و و لا لا ششي بس فاقده لكم خيررات

امها: انزلي يا قلبي تعالي غيري لش جو قبل
رمضان


امال: عتبسر محمد "زوجها" ما عيقول

امها: ينزلك وبعدا لاقد معه عمل يرحله

امال: إن شاءالله يمه قد بين افكر انزل قدني فاقده لكم ولابي واخوتي موووت.

كيان شاف امه تكلم اخته وتدمع سار لعندها: يماه
مابه

امه: ها امسك كلم اختك

كيان: الو

امال: هلا كياني

كيان: ياعزوه كيانك كيف انتي يااختي

امال: بخير وفاقده لكم خيييرات

كيان: وانتي والكل هيا ما يجي الاسبوع الجاي الا
وانتي عندنا

امال: إن شاءالله ياقلبي

ــــــــــــــــــــــــــــــ

ً
الساعه ۱۲ تماما
رهام رجعت من المدرسه وجالسه بتخطط هي
وامها على انهم بيعملوا حفله صغيره بمناسبه
تخرج عز من الثانويه

رهام: يمه انتي داريه انه حفل تخرج عز يوم
السبت هذا

امها: صدق وللمه ما كلمني

رهام: هو ذلحينه عيجي وعيقول لنا انا كلمتني
صاحبتي تدرس عندهم.

امها: ها ضروري نفعل له حفل وندي له هدايا

رهام: اكيددد هو ذه جيت لعندش عشان نبدأ
نخطط

امها: سهل نخرج انا وانتي نحجز كل شي في
العصر

رهام: يماه باخد ندى معي قوا

امها: طيب تمام شوفي اللي يناسبك

رهام: بفعل لها رساله وهي لوما توصل من
المدرسه بتشوفها.


عز كان واقف قدام باب مدرسته منتظررر
لندى وامل

شاف صاحب متر مغطي نص وجهه جزع من جنبه ببطء

فجأة شاف رساله محتواهااا
"تشتي تشوف المهزله تعال لبعد الشارع التي
قدامك وشوف وانت ساااااكت لا تنطق حرف
واحد لا تشوف شي ما يعجبك"

عز الدين طبعا عرف من هو
ابن الذين عاده بيهدد حاضر اذا ما وريتكم اليوم.
ما اكون اسمي عز طلع سيارته ومشى للمكان
التي توقف ملاك عشان تعطي الرجال فلوسه...
.
.


وتين وعلي في السياره.
وتين: علي امشي لمدرسه ندى طالما روحنا
اليوم بدري باخذها معي.

علي فرح انه بيشوف ندى: طيب و لف سيارته
تجاه المدرسه لانه كان قريب عليهممم.

وتين شافت ندى وامل مريعات قدام المدرسه

علي وقف قدامهم: انزلي قولي لهم هيا قدهم
عيدوخوا من الشمس

وتين: تمام.. نزلت وتين

ندى رفعت راسها وشافتها قدامها.

امل: حيا بقلبي حيا نورتي مدرستنا وشارع
المدرسه

وتين: امل حبيبي انا فدالش.

ندى: مالش ما بش معك دوام

وتين: ...




📚 @rewayatyamania  🇾🇪