😈


بارتـات يومنـا الثـلاثـاء👆🏻😍

#انتظرونا مساء اليوم

ومع آخر بارتات رواية

أكاسير الشيطان


📚 @rewayatyamania 🇾🇪

.

البـارت 91 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


تيم بسر غرفتها مفتوحة والشنطه مابحد..عرف انها هي اللي طبقت الباب هكذا وقف وخطي لاغرفتة حرك المقبض وبسره مغلق دق الباب: تيمااااا

تيماء بحده: خيرر ماقد معانا

رفع حاجبه باستغراب ولوى فمه ورد: ماقد معانا...افتحي ليييش مغلقةةة

تيماء بنفس حدتها: لو سمحت ارتزع عندك لوما اغسل وابدل وارتاح شويةة

تيم بقهر: طيب وانا اشتي اخذ دش واغير لداتي معي عمل بالشركةة

تيماء ببرود: ما خصني ومن فضلك لاتزعجني اكثر.. شلت لداتها وخطيت للحمام المرفق بالغرفةة

دق الباب وهمس بقهر: تيماااا.......يا حجةةة... اووووف

خلل شعره باصابيعه وزفر بضيق
وهو يجلس على الكنبة ويرتزح لاعرضها..



بعـــد ساعةةة وتيم مازال جالس مكانةةة وتيماء بالغرفةةة.. شل تلفونه وبسره محمد رد بسرعة: ارررحب

محمد بحده: وووين انت

تيم: انا.... جايي ذلحييين قدك في الشركة

محمد: اقبل اقبل لا اجي اسحبك.. معانا عمل خيرااات سرررريع

تيم: يلا دقايق وانا عندك... قفل الخط ووجه نظرة للغرفة وزفر بضيق وقف وخطي خرج من الجناح ونزل متوجه لا جناح رضا دق الباب ودخل وبسر رضا خارج من غرفتةة: صباااحك

ابتسم له رضا ورد: يا صباح الورد.. ما اداك لا جناحي تيه الساع لاتقول جيت تصبح عليا

تيم بقهر: فاضي لك اجي ابسرك... خطي واتعداه ودخل لاغرفته... اشتي لداة من حقك

لف له رضا برفعة حاجب: لداة من حقي.. ليش وحقك

تيم فتح الدولاب وبيبسر بدله مناسبه يلبسها واتكلم: يااخي ما علييك من حقي انا طلبت وانت لبي وبس

رضا شل شنطته ورد بضحكه: ما قلت وانا.. الدولاب لك البس اللي تحب... انا خاطي الجامعةةة

تيم وهو بيقلب بالملابس: الله معااااك

خرج رضا وتيم فتح الدرج الاوسط وبسر بدله رسمية لون رصاصي وشكلها عادها جديد خرجها بسرعه وحطها على السرير وخطي شل منشفة رضا ودخل عمل دش سريع وغير لداته بسرعه وخرج من الجناح وخطي بخطوات متسارعةةة لان محمد احرق تلفونه اتصالات.. ركب سيارته واتوجه للشركةة....!!

@rewayatyamania المصدر الأول للروايات


عنــد تيماء
وقفت في الطاقة اول ماسمعت صوت سيارة وبسرته رضا خارج بسيارته ومعه مها.. خاطيين الجامعةةة..

دقايق وسمعت صوت سيارة وفزت بسرعه وهمست بقهر لوما بسرته تيم خارجي بسيارته اللكزس: من وين غير لداته مستحيل يخطى الشركة بالثوب والعسيب.... يلا طز المهم تأخر لانو بيحمل بسرعةةة

تحجبت بسرعه وخرجت من الجناح متجهه لا نازل تصتبح وتسلم على عمتها ورقيةة...!!!

.
.


بيـــت كيــــان...!!!
زفرت بضيق من الرقم الغريب اللي اتصل لها خيرات وهذه المره قررت ترد فتحت الخط وسكتت ثواني وسمعت صوت انثاوي: وووتين

وتين باستغراب: من معــي

ردت بقهر: ماعاد عررفتي صووتي معش غادة بنت عمش وصديقتش

وتين ببرود: اها... هلا فيش

غادة: كيف انتي وكيف زوجش كيف حالش مرتاحةة

وتين بنبرة عادية: تمام الحمدلله وزوجي مابش منه اثنين الله لا يحرمني منه

غادة: الحمدلله... طيب معقووول تقاطعيني هذه المدة كلها وهنا عليش

وتين: زي ما انا هنت عليش انتي وابوش وامش.. مابش فيها شي

غادة بتودد: وتين... انتي عارفة ان عرسي قريب قووي.. وماقد شليت الا حاجات بسيطه وصراحةة انا ضايعةةة وحدي

وتين برفعة حاجب: والمطلوب

غادة: تجي مع العصر نخرج السوق نكمل باقي الحاجات.. انا فدددالش  لا ترفضي انتي عارفة مالي الا انتي

وتين: انا مش فاضيةةة عادي سيري انتي وامش

غادة بنبرة بكاء: وتين طلبتش.. تجي معي.. وحتى عرسي احضريةةة.. ما لي حد الا انتي احنا اصحاب من الطفولةةة وتربينا مع بعض لا نخليش حاجه تفرق بيننا بسهولةةة...

وتين: .......

غادة: انا اسفةةة سامحيني لو زعلتش وجرحتش بقصد او بدون قصد... بس صدقيني اني احبش واتمنى لش الخير...

وتين تنهدت بهدوء وردت: تمام عتبسر لو كيان عيسمح لي

غادةبفرحه: ما انحرم منش طيب بعد العصر واحنا خارجات

وتين: ان شاءالله

غادة: يلا مع السلامه امي بتداعيني

وتين: الله معش....!!!

.
.


بــعد الظهـر... بالشركةةة..!!!!
رفع نظره لكيان اللي دخل وبيده ملفات..

زفر بضيق وحط راسه على المكتبة واشر لكيان بيده: لو سمحت انقلع انت وملفاتك مش فاضي لك ولهن

وقف قدامه ورجم الملفات للمكتب وجلس على الكنبة بتعب وهو يفك اول اثنين ازرار من شميزه ويتكلم بقهر: يا ساااتر يا الله.. محمد اخوك اليوم شغلنا شغلنا.. ولا تقول بيتعامل مع يهود

تيم وهو على وضعيته: اخ ي كيان قد انا مقطقط ومكسر من صبح ررربي وانا فوق الملفات هذولا
شل الجاك الماء وشرب من راسه ورجعه مكانه واتمدد على الكنبةةة وهو يغمض عيونه

دخل مختار وهو ما يقل حاله عنهم بسرهم وغنى بضحكه وهو يتقدم منهم: ...




📚 @rewayatyamania  🇾🇪

.

البـارت 92 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


دخل مختار وهو ما يقل حاله عنهم بسرهم وغنى بضحكه وهو يتقدم منهم: مهـوم مو مرتاح.. عايش وكلـي جراح.... واذكرك كل يوووم...... وانسى العمر لو رااااح........

جلس مقابل كيان وواتكلم بتعب: اخ والكررررف اللي اكترفنا اليوم.. ما اصتبح محمد اخوك يا تيم

تيم رفع نفسه وهو يرفع يداته لافوق وينزلهن ورد بقهر: مادراني يمكن قريييح

كيان ضحك بهدوء واتكلم: شكله متقالع مع المدام وجاء يطرح ضبحةة فوقنا احنا

مختار: هههههههههه لي منعك يا تيم لو هذا الخبر سدوا بينهم

تيم ابتسم على جنب ورد: مهابيل... الشغل متراكم علينا خيرات والرجال ضبح من كثر استهتارنا

كيان بقهر: قولك

تيم وقف وشل تلفونه ومفاتيحه وهو يتكلم: يلا قوموا روحنا نتغدى ونصلي ونرتاح شويةة والعصر نرجع نكمل باقي العمل

كيان ومختار وقفوا وخطيوا خلف تيم واول ما فتح الباب بسروا محمد قدامهم وشكله كأن جايي لاعندهم

تكلم برفعة حاجب: اهوه الاصحاب ليش مجتمعين هانا ليش مش كل واحد في مكتبةةة

تيم ابتسم بسذاجه ورد: ولاشي.. بس قلنا نروح نصلي ونتغدى ونرتاح شوية للعصر ورجعنا نتم العمل

محمد بحده: مابش روحةة اليوم معانا عمل لا فوق روسنا

كيان: تمام بس ضروري نصلي وا....

قاطعه بأيجاز: على فكره به هانا غرفة للصلاة اخطوا صلوا فيها والغداء اطلبوا سفري وبلا كثرة كلام كل واحد يخطى مكتبةة.. اعطاهم ظهره وخطي راجع لامكتبةة

مختار بقهر: اووووف... مالاخووك اليوم

كيان عض شفته بقهر: ضروري نجلس نكع للعشي

تيم بنفسه تيماء بالبيت وضروري ما اروح تكلم برفعة حاجب: انا عتروح عتروح ما دخلني

مختار بقهر: واحنا.. والا لأنك صاحب الشركةة عتزنط

تيم بضحكه: ما عليكم روحوا وعليااا

كيان بفرحة: هذا العشم فيك

تيم: انت وين حطيت سيارتك بحوش الشركة او خارج

كيان: بحوش الفلة ليش

تيم بقهر: لانو لو طرحتها خارج كنا عنروح بها

مختار: كان بأيش عنروح

تيم بتفكير: مابه حل الا نروح مواصلات وسياراتنا يجلسين هانا عشان محمد يظن ان كل واحد بمكتبه

كيان بضحكه: خطييير،... طيب يلا بسرعةة خرجنا

تيم غلق مكتبه وخطي لاعند السكرتير واتكلم بنبرة تهديد: اسمع اذا جاء حدا لاعندي او محمد اخي لا تدخلهم للمكتب قول المهندس تيم مشغول قوي ونبهني ما اسمح لاي شخص يدخل لاعنده

السكرتير: تمام على طول

خطي تيم مع مختار وكيان وخرجوا من الشركة بشكل سريع وبدون ماحد يبسرهم  .. وقفوا في الشارع العام ومختار وقف تاكس.. وخطيوا به...!!


.
.


دخــل للجنـاح واتوجه للغرفةة بسرها جالسة على الكنبة ونظرها للشاشة وبتبسر مسلسل كرتوني بقناة سبيستون

ابتسم واتوجه لاعندها وهو يقول: سلااااام

لفت له ورجعت نظرها للشاشة وردت ببرود: وعليكم السلام

جلس جنبها واتكلم بضحكة ونظره لها: واحده مزوجة وعن قريب عتقع ام وللآن بتتبسر سبيستون

تيماء ونظرها للشاشة: انا حرةةة ابسر اللي يعجبني

تيم ببسمه: ما قلت شي.. اعملي اللي تحبي اهم شي عندي تكوني مرتاحةة

لفت له بنظرات سخرية وبسرت البدله اللي لابس لها واتكلمت برفعة حاجب: من وين اديت هذه البدلةةة

بسر نفسه بشكل سريع ووجه نظره لها وبرفعة حاجب: ادى الله... مقصدش لا قفلتي الغرفة ما عتلقى ما البس يعني

وجهت نظرها للشاشة وردت ببرود: اه ايوه صح نسيت انك غني وعتخطى تشلها من اقرب ماركت

وقف وهو يرد: مش لهذا الحد يعني.... يلا انا عتتوضى واصلي وانتي اتصلي للشغالة تطلع غداء لاهانا لي ولش

تيماء ببرود: شتغدى نازل

تيم وهو خاطي: لا عنتغدى هانا ولحالنا... دخل للحمام وتيماء زفرت بضيق..!!!

.
.


بيــت كيـــان...!!!
تكلمت وتين بعدما بدأوا يتغدوا وهي تترقب ردة فعله: غادة اتصلت لي اليوم

رفع نظره لها ورد باستغراب: مش على اساس حظرتي ارقامهم

وتين: ايوة بس اتصلت لي برقم جديد

كيان: اها... كلمتيها

وتين: ايوة

كيان: سابر

وتين: طلبت مني حاجه وقلت استأذنك اول شي

كيان بترقب: ما طلبت منش

وتين بتوتر: اخرج معاها للسوق تكمل باقي كسوتها لان العرس قرب

كيان: وانتي ودش تسيري معاها

وتين عضت شفتها: مدري...انت مارأيك اسير

كيان بهدوء: مابش مانع دام قد اتصلت لش وطلبت تخرجي معاها كوني افضل منها

وتين: يعني اخطى معاها

كيان اشر براسه واتكلم: ايوة اذا ودش

وتين: طيب برسلها واقولها تجي لا هانا تشلني

كيان ابتسم: شلي الزلط اللي بين الدرج معش وشلي اللي يعجبش تمام

وتين: لاااا.... عادي مااشتي حاجه معي لداة جدد

كيان بحده: قلت شليها وما عليش

وتين بابتسامه: الله لايحرمني منككك ي قلب

كيان ضحك بخفة ورد: ولا منش يارررب...

.
.


دخل للغرفة بعدما توضى وبسر تيماء جالسة بمكانها ما تحركت تكلم وهو بيفرش السجاده: قلتي لهم يطلعوا لنا غداء

تيماء...




📚 @rewayatyamania  🇾🇪

.

البـارت 93 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


دخل للغرفة بعدما توضى وبسر تيماء جالسة بمكانها ما تحركت تكلم وهو بيفرش السجاده: قلتي لهم يطلعوا لنا غداء

تيماء ونظرها للشاشة: تشتي غداء اطلب لنفسك انا مش سكرتيرة عندك

عض شفته وهو بيحاول يصبر نفسه وخطي للتلفون الارضي واتصل: طلعوا غداء لا جناحي ما عتنزلش....غلق الخط.. وخطي للسجاده وبدأ يصلي

تيماء لفت لا ورا وبسرته بيصلي ووطت الصوت لاخر شي

وبعد عدة دقايق سلم من صلاته ورفع نظره للشغاله اللي دقت باب الجناح ودخلت بالغداء وحطته في الصالة وخرجت

قام وطوى السجاده وحطها بطرف السرير وخطي طفى الشاشة ولف لتيماء اللي تكلمت بحده: ليش طفيتها

تقدم منها واتكلم بابتسامه: وقت غداء يلا قومي نتغدى

تكتفت وصدت عنه بقهر

جلس قدامها وحط يداته على ارجلها: تيووووم

بسرته بنظرات استغراب وهو بدوره ابتسم لها بحب واتكلم: يلا قومي

تيماء بقهر: الف مره اقول مشتيش غداء

مسك يداتها ووقف ووقفها معه وخطاها بالغصب معه: وانا قلت ما عتتغدى الا انا وانتي... جلسها على الكنبه وجلس جنبها ومد يداته وسحب الماسه لا قدامهم مسك الملعقة ومدها لها: يلا سمي واكلي

تيماء برفعة حاجب: هي طبيعه عندك كل شي بالغصب او ماهو

ضحك ونظراته لها: اظنش اكثر واحده عرفتي اطباعي.. انا عنيد ومغرور.. ومرات سخيف وساذج.. ومرات عصبي وشديد.. ومرات بارد ولا مبالي... بس لي طبع ما اغيرع لو على قطع راسي
بسرته بمعنى كمل ماهو

حط الملعقة من يده ومسك يدها بين يداته وبابتسامه: اني لا ملكت حاجه وحبيتها يستحيل اني اتخلى عنها خاصة لا استقرت وسط كياني واصبح صعب انتزاعها منه... رفع يدها لا شفاته وباسها..

تيماء سحبت يدها بسرعه ووجهت نظرها للأكل

ابتسم من حركتها واتنهد وهو يشل الملعقة وبدأ يأكل اول لجع بس لف لصوتها وهي بتتكلم ونظرها للقاع: فيني من الطبايع كثيرة..واهمها عزة النفس والكرامةةة....كبريائي ما اتنازل عنه...واهم طبع فيني ما اقدر اسامح بسهولة كل من بث سهامه وصابها بقلبي بكلامه او بافعاله...اخذت نفس ووجهت نظرها له وبسرته بيبسرها بنظرات ماقدرت تفسرهن كملت بعدما ابتسمت بغصة: انا اذا سكت على كلامك وتجريحك لي فذالك يدل على حسن تربيتي..لان امي مره قالت لي لو تزوجتي ي تيماء...وسمعتي سب من زوجش لا تردي او تغلطي عليةةة..خليش هادئه وبنت اصل...اصبري لعله يتغير واذا ما نفع انسحبي بهدوء من حياته لان مابها خير لش.... المهم لا ترفعي صوتش على صوته

فتح فمه يتكلم بس رفعت يدها امامه بمعنى اسكت واتكلمت: انا واحده بلاش رماها ابوها عليك وواحده ما يشرفك تكون ام عيالك و....

قاطعها وهو يحط يده على فمها والثانيه حول اكتافها ويلمها لاصدره بهدوء: كــل كلمة وكل حرف قلت لش من اول ما ارتبطتي بي قبل ما كان يجرحش كان يجرحني قبلش...كل كلمها زعلتش بها حرقت انا منها الف مره

حطت يدها على يده اللي بفمها عشان تبعدها...بس هو اشر براسه بمعنى لا..: ما كملت كلامي معش... قدري وضعي قبل قدري اني كنت واحد عايش حياتي بهدوء بين عملي وبيتي واصحابي واهلي وما ادرى الا وانا بوسط السجن متهم بقتل اعز اصحابي... قدري اني كنت واحد محكوم عليه اعدام لولا فضل الله ورحمته وعفوا بأخر لحظةةة

حياتي تغيرت تغيرت بالكامل بعد خروجي من السجن اصبح كل همي الثأر لاصحابي ولي...ابتسم بقهر وكمل...تغيرت ماعدت تيم الاولي اصبحت واحد شراني وعصبي واخلاقه زفت..بس قدري واعرفي انا بأيش مريت....انا ما كان ودي ارتبط وحياتي ملخبطه هكذذا ما كان ودي ارتبط قبل ما اخذ بحقي صاحبي وحقي....صح انصدمت من طلب ابوش وما قدرت ارده بين الرجال.. لان تخطيطاتي كان تخصني انا وماحد يتأذى معي...

بس زواجي منش قلب كل شي صرت اخاف عليش لا تتأذي بسببي او يقع بش خاصة بعد تهديداتهم بالصريح انهم عيلووا ذراعي بش انتي عيكسروا ظهري بش ي تيماء....

تنهد بعمق من الضيق اللي حس به نزل راسه وباسها على جبينها ورفع يداته ومسح دموعها اللي نزلين وابتسم بغصة: لو تدري ان دموعش تسبب لي هوايل وتسبب لي الضيق....عشاني لاتبكي ولا تنزل دموعش

رفعت يداتها ومسحت وجهها بعشوائيه ووجهت نظرها للأكل

شل ملعقتها ومكنها من جديد وبابتسامه: خلي كل شي على جنب والايام كفيلة تصلح اللي تخرب

شلت الملعقة من يده واخذت نفس بقوة وبدأت تأكل بهدوء وتيم معاها...بعدما كل واحد تكلم باللي بقلبه واعترف......

.
.



ثانـــي يوم قبل الظهر...!!!
دخل للجناح بعجلةةة واتوجه للغرفه فتح الباب وبسرها على السرير واللاب حقه بحضنها وبتتبسر بينه تقدم منها واتكلم بقهر: تيماااااا

رفعت نظرها له ورجعت نظرها للاب وردت: ماهو

وقف قدامها وبحده: مش اتصلت قبل ساعةةة وقلت تجهزي عنخرج

تيماء ببرود: ...



https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 94 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


وقف قدامها وبحده: مش اتصلت قبل ساعةةة وقلت تجهزي عنخرج

تيماء ببرود: وانا مش قلت لك ما عتخرجش معاك ولا  تحلـم

عض شفته بقهر واتكلم: لا والله عتخرجي وقومي البسي العباية يلاااا

ما ردت عليه ومركزة بنظرها للابتوب

تنرفز وشل اللاب من يدها وغلقه وهي شهقت بفجعه: مالكككك

تيم بقهر: لوما اتكلم معش ابسري لاعندي وردي سعما الناس ويلا قومي البسي

تيماء بقهر: قلت ما عتجي ولا اشتي اخرج بالغصب يعني

حط اللابتوب على السرير وجلس بطرفه واتكلم بطولة بال: مش انتي عارفة كم ترجيت محمد يسمح لي اخرج من الشركةة خاصة بعد اللي عملته امس مع الشباب وتجي تقولي لي ما عتجيش..

تيماء ببرود: وانا ما قلت لك جي خرجني

تيم: تيماء انا فداااالش لا تأخرينا على الموعد

عقدت حواجبها باستغراب: اي موعد

وقف وخطي شل عبايتها وحطها قدامها واتكلم: لوما نخرج عتعرفي ذلحين قومي يلا.....

@rewayatyamania المصدر الأول للروايات

لبيك لبى روووحك يا كليييي.... تدلل وروووحي لكككك مرهووونةةةة تدلل وروحي لككك مرهونةةةة...... لف لها وهو بيتاميل براسه بيغني ويحرك يداته بابتسامه: تبغىىى عيووووني خذها ي خلييي... تفداك روووح العااااشق وعيونه
تصحى وتصحى الدنيا لعيووونك تضحك وكل العالم يضحككك لكككك لليلي طووويل بدووونك وبدوونك ما اعيش حتى لحظه واحلف لككك

بسرته بنظرات سخرية وبتحاول تمسك ضحكتها بالغصب... معقووول هذا تيم.. تيم العصبي والمجنون واللي كان مغرور بشكل فظيييع ولا يعبر احد... بيسوق جنبها ويغني وكأنه ملك الدنياااا

تيم ونظره لها: انتتتت القمر ماغيره وضح لي.. ولا القمر بوصوفه يشبه لكككك ولا القمر بوصوفةةة يشبهك لكككك

وقف بالسيارة قدام العيادة ومازال بيغني بس بصوت واطي

رفعت نظرها تبسر وين وقف وعقدت حواجبها باستغراب لوما قرت اسم العيادة وليش هي لفت له بقهر

طفى السيارة ولف لها بابتسامة: يلا نزلنا

تيماء: ليش جينا لا هانا

تيم باستغراب: ليش جينا لا هانا؟  ..... بالعادة ليش يجين الحوامل لاهانا

تيماء ببرود: يطمنين على الجنين وصحته وصحتهن

تيم ابتسم: بالضبط انا حجزت موعد مع الدكتورة عشان تعاينش وتطمني على صحتش وصحة الجنين... وبحماس... ونكشف عن جنس الجنين و...

قاطعته بحده: روحني البيت وذلحين

انعفست ملامح وجهه ورد باستغراب: اروحـــــش

تيماء بنفس الحده: ايوةةة وذلحين لو سمحت

اخذ نفس بعمق واتكلم: لازم نعمل كشافات وفحوصات و...

تيماء بصوت باين فية الغصة: كنت قد طلبت منكككك قبل وقت افحص مع اختك وابسر جنس الجنين وانا طايرة فرحةةة بس وقتها انت كسرت فرحتي.. وهويت بي لا سابع قااااع.... واليوم جايي تقول لي حجزت لش موووعد بأي صفةةة اصلا... ومن وين ظهر الاهتمام هذا بيوم وليلةةة وانت اصلا مش عارف بأي شهر انا حتىىى

بسرها بنظرات اسى وابتسم بخفة ورد: اسبــوع ودخلي في الشهر التاســـع صـــح

انقهرت منه كيف عرف ولفت عنه ووجهت نظرها للشارع من خلف الزجاج

عض شفته بندم: انا وضحت لش اسبابي

لفت له وضحكت بقهر ودموعها بعيونها: يوم قلت لك انا حامل قلبت الدنيا وكنت تشتيني انزلةةة بالغصب ووقتها وديتني بيت ابي عشان ليش احمل وانت ماتشتي عياااال خاصة منيييي... وذلحين اديتني للعيادةةة على اساس تطمن على صحته.. هع غريبةةة والله

مسح وجهه بقهر ورزح ظهر للمقعد وهو يرفع نظره لافوق ويتكلم: ما كنت اشتي لاني كنت خايف يتيتموا قبل لا يجوا للدنيا ما كنت اشتي يعيشوا بدون اب... انا كان همي الثأر ويا قاتل او مقتول... وكنت اشتي اذا مت مابش حدا يعيش الفقد بسببي

وجه نظره لها وابتسم بقهر: اخوتي يشلوا لهم سنةةة زعل وحزن وامي بظل في قلبها.. انتي ازعلي شهرين ثلاثة وبعدين عتتزوجي عادي... بس ابني او بنتي عيظلوا طوول عمرهم يتمنوا اب لهم عيظلوا طول الوقت يحسوا بالفقد والجرح لان مابش معاهم سند واب رزح لظهورهم.... فاهمه ليش ما كنت اشتي عيال

حطت يداتها على وجهها وبكت بقهر: مشتي ادخل رووحني من هانا ما عتدخلش ولا اشتي افحص رووحني روووحني

رفع نفسه وحط يده على كتفها وبرجاء: تيماء.... هذا مهم عشان صحتش وصحته

رفعت نظرها له وبحده: زيما جلست طول الاشهر الاولة بغير فحص عاادي عتكمل باقي الايام مافيها شي.... انت روووحني رووحني والله ما ادخل والله

شد على يداته وهو بيبسر بكاها الهستيري شغل سيارته ولف بها بسرعه وهو يخطى مبتعد عن العيادة....

.
.


بيـــت ابو غادة...!!
تكلمت بفرحة وهي بتوري امها الفستان: وشليت هذا ووتين عجبها وشلت واحد مثله

ام غادة: قالت عتجي العرس

غادة بقهر: ...




📚 @rewayatyamania  🇾🇪

.

البـارت 95 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


بيـــت ابو غادة...!!
تكلمت بفرحة وهي بتوري امها الفستان: وشليت هذا ووتين عجبها وشلت واحد مثله

ام غادة: قالت عتجي العرس

غادة بقهر: قالت عتبسر لاهي عتجي يوم الحناء او الزفة

ام غادة: قلت لابوش انش خرجتي امس معاها

غادة بهلع: وما قال

ام غادة: سكت وما تحاكى كأنه راضي

غادة زفرت براحة: يوة قد خفت لا يصيح من اخر موقف حصل بينهم

ام غادة: انا حاسه ابوش نادم على اللي فعله معاها.... في الاخير هي بنت اخوه ويتيمه مالها الا هو

غادة بحزن: بصراحةةة احنا غلطنا معاها وانا محملة نفسي السبب

امها وقفت واتكلمت وهي تخطى: الله يسد ويصلح بينهم.. انتي اهتمي بنفسش وبس باقي لعرسش اسبوع ابسري ماعاد ناقصش
خرجت من الغرفة وغادة تنهدت بفرحةةة....

.
.


بالجامعةةة
جلس بالكلاس بعدما اخذ محاضرتين وحط ملازمه جنبه وشل تلفونه واتصل لرقم محمد ثواني ورد: حياااك

رضا: ابقاك كيفك

محمد: تمام.. انت في الجامعةة

رضاء: ايوةةة... محمد

محمد: ياعيونةةة امر

رضا بقهر: قبل اخطى الجامعةة خطيت للسجن و......  سكت

محمد بهدوء وترقب: وبسرت امك

اخذ نفس بعمق ورد: رفضت تبسرني ورفضت تلاقي اي احد يزورها

محمد باستغراب: اوووه ليش

رضا بهم: مادراني جلست ساعة اتراشاهم بس قالوا هي اللي رافضة تبسرني

محمد بعد صمت: انا عتتصل للضابط وابسر كيف واطمن على احوالها

رضا: اتمنىىى  ... اشتي ابسرها قبل ما اعرس

محمد: ولا يهمك ان شاء الله خير لا تقلق

رضا: استودعتك الله

محمد: في امان الله يا حيدي  ...

غلق الخط منه وبسر عدة مكالمات من ابو علي اتصل له على طول

ثواني ورد: ارحب يا ابوعلي

ابوعلي: سلام الله عليكم

محمد: وعليكم السلام كيفكم

ابوعلي: نحمدالله... كنت اشتي احاكيك بموضوع لو انت فاضي

محمد: حياك تفضل

ابو علي: الليلة ان شاء الله احنا عندكم بالهجر نبي على قبيلتكم اللقاء بعد العشاء

محمد: حياااك انت وقبيلتك فوق العين والراس... ابشر ولا يهمك الكل يحضر

ابوعلي: النابي معاك وذلحين استأذنك

محمد: الله معاك مع السلامةةة....

.
.


وقف معاها قدام مطعم ولف لها بابتسامه خفيفة: اعتقد ان دخول المطعم ما عترفضيةةة والكل

تنهدت بقوة ولفت له ببرود: لا عادي

نزل وهي نزلت وراه قفل السيارة وخطي لا قدامها مسك بيدها وخطي معاها للمطعم....!!

@rewayatyamania المصدر الأول للروايات

بعــــد العشـــاء....!!!
دخل لاغرفتةةة بعجلةةة وتيماء فزت ووقفت قدامه: مابه ماهذه الاصوات

شل سلاحه وحطه على كتفةةة ولف لها سار يتكلم

بس قاطعته بخوف وهي تمسكه من كوته: ليش شليت السلاح وين عتسير ما عتفعل

حط يداته فوق يداتها وابتسم يطمنها: لا تخافي ما عتفعل حاجةةة..

تيماء: وهولا الناس كلهم ليش جوا

تيم: هذا ابو علي وقبيلته جوا يهجروا بسبب تهمتي بقتل ابنهم وعشان تتصافى النفوس...باسها بجبينها وخرج من الجناح بسرعةةة

تنفست براحةةة وخطيت طفت الضوء حق الغرفةة وخطيت للطاقة ورفعت طرف الستار عشان تبسر...

.
.

خرج رضا من جناحه بيحمل وسلاحه على كتفةةة

وقفت مها قدامه وبهلع: مالكم مابه وين عتسير بالسلاح انت وتيم

بسر خالته ورقية بيبسرنه بخوف واتكلم: لا تخافين مابش شي.....ابو علي جاء يهجر واحنا لزوم نتسلح

ام تيم: ليش ماحد قال لي

رضا خطي يخرج: يمكن محمد نسي سهل عادي يلا...

خطيت مها تطلع لاعند تيماء وهي متحمسةة بقوةة
فتحت الباب وتيماء لفت بفجعه

مها وهي ما بتبسر شي من الظلام: تيماء وينش

تيماء: انا هانا غلقي الباب وجي

غلقت الباب وخطيت جلست جنبها: ما بتفعلي

تيماء ونظرها للشارع: بين ابسر ااااص

بسرت معاها واتكلمت بفرحة: ماشاءالله كم ناس

تيماء: ههههههه قد الشارع ملان ماعاد وسعهم

مها بحماس: ابسري كم اثوار خيراااات

تيماء: تقووولي عيذبحوا او مع

مها: مدري بس الاكيد انهم عيعفوا

تيماء: احسسسن شووعة الذبح

مها بحقد: كلةةة بسبب عمار...حتى انداء قتلها انا مش عارفة في اي زمن احنا

لفت لها بصدمة كبيرة: قتل انداء

مها: ايوة قتلها

تيماء: كيف...يعني ما هربت زي ما قالت هند

مها بقهر: الله يشلها...ما هربت عمار اللي هو زوجها قتلها لانها عرفت انو قاتل علي

تيماء بتردد: وتيم كيف عمل يوم عرف انها ماتت

مها: يومها ما روحش للبيت بس زعل واقتهر في الاخير اللي قتل صاحبه وخطـ.... سكتت ونظرها لتيماء

تيماء: كملي عادي عارفة انو كان خاطب لها

مها: الله يرحمها

تيماء بترقب: اسألش وتوعديني تجاوبيني بصدق

مها: اكيد

تيماء: تيم خطبها عن حب

مها: اللي خطبها له امـي وهو وافق وبعدين بسرها واعجبته بس اعتقد ما وصلت انه يحبها لان فترة الخطوبة صغيرة

سكتت تيماء بحيرة ورجعت نظرها للشارع واتكلمت: ...

https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 96 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


سكتت تيماء بحيرة ورجعت نظرها للشارع واتكلمت: ابسري هذك تيم وجنبه كيان ومحمد ورضا..ومن عاد الباقي تعرفيهم

مها بتوتر وغصة: كرار صاحبه وهذك مختار اظن

ما لاحظت تيماء على توترها لان نظرها للشارع...!!

.
.


وبــعد نص ساعةةة
دخل للجناح واتوجه للغرفة واستغرب من الظلام ولع الضوء والبنات لفين له بخوف

مها: اوووف خوووفتنا

تيم برفعة حاجب ونظره لهن: ما بتفعلين عندكن

وقفت مها وخطيت قبل لا يعصب: ولا شي كنا بنبسر.. وذلحين تصبح على خير.. غلقت الباب وخرجت من الجناح

وجه نظرة لتيماء اللي قامت بصعوبةةة وخطيت لاقدامه

بسرت بنظرات عيونه التاعبةةة قربت منه بتردد واضح وحضنته وهي تقول: الف الحمدلله اللي خلاني ابسر هذا اليوم اللي الكل جاء يطلب العفو والسماح منك

ابتسم بتعب ولف يداته حول اكتافها وشدها له وهمس: يستاهل الحمـد...!!

@rewayatyamania المصدر الأول للروايات

يــــوم الخميــــس...!

بدايةةة عرس رضــا وغـادة

بعـد العصــر بغرفةةة تيـــم
حط التلفون على اذنه ونظره لتيماء اللي جالسه قدام التسريحه بتمشط شعرها.. ابتسم اول ماجاه صوته: ارحب يا حيدي

تيم: هلافييك حياااك كيف انت

كرار: الحمدلله نسأل عنك

تيم: تمام التمام.... كرار اسمعني

كرار: هاه

تيم: اعزم على اهلك واقاربك وكل من تعرف وقلهم غدوة التخزينه في بيتنا

كرار باستغراب: ليش نعزم هو عرس كل واحد عيجي من نفسةةة

تيم بابتسامة: ومن قال انو لأجل العرس

كرار بترقب: كان بمناسبة ايش؟

تيم بضحكة: بمناسبةةة خطوبـة صديـقي الغالـــي باختــي المصـون

لفت له تيماء بصدمه 

وكرار تكلم بعدم تصديق: تيم من جدك بتتكلم

تيم: لا من خالــــي.... بين اتكلم عربي على ما اعتقد

كرار ساكت ومش مستوعب للآن

تيم ضحك واتكلم: لوما يرجععع لك حسك كلمني المهم لا تنسى ما تنبي الناس خااااطررك اغلى نسب

غلق الخط ولف لتيماء اللي بتبسره باستغراب

تيم بضحكة ورفعة حاجب: ماهو

تيماء: خطوبةةة من على من بتتكلم

تنهد براحه ورد: خطوبة مها وكرار

تيماء باستغراب: بس اللي اعرفة ان الرجال اللي يخطب مش البنت انت هكذا خطبت لاختك انت ما يصلح

ضحك بقوووة ورد بقهر: اصلا كرار يحب مها من وهي صغيرة وانا عارف وقبل سنتين خطبها وتمت الخطوبةةة وبسبب مشكلة وقعت بيني وبينه فسختها

تيماء: اها....

تيم: ايووةة ولاني نادم حبيت افاجئه هو ومها  بيوم واحد

تكتفت تيماء وبقهر: اها وانا بين اقول للمه خرجنا السوق انا ومها عشان نتسوق والقضية فيها خطوبةةة

ابتسم لها ورد: المهم شليتي اللي ودش

تيماء ببرود: شي ما يخصك

عض شفته واتكلم: طيب... تعالي معي نكلم مها

تيماء: في ايش

وقف قدامها ومسكها من يدها عشان توقف: عن خطوبتها مش سابر تجلس على عماها

خطيت معه وبسؤال: ومحمد اخوك عارف

تيم: اكيد محمد ورضا على علم...!!

.
.



يــــوم زفاف رضــا وغادة

العصــر
دخل للغرفة عشان يشلها للعرس بعدما زفوا رضا للصالة تكلم بابتسامه وهو بيبسرها بتصلح لها مسكرة: والله مالها داعي رموش عيونش كثاف وزد مكحلات وملونات من دون شي...يعني جمال طبيعي

غطت المسكرة وحطتها على التسريحةة ولفت له وبرفعة حاجب: عفوا بس في احد اخذ رأيك

تقدم منها ومازال مبتسم حط اصابيع يده على ذقنها وحط جبينه على جبينها وغمض عيونه واتكلم بهمـس: لــك في صـدري بــلاد مـــن حب وشغـف عاصـمتها انــــتي

وصل توترها لـ الف من اعترافه الغير مباشر بحبه لها رفعت يداتها ودهفته من صدره بهدوء ولفت تخطى

بس مسكها من معصمها بسرعةة ولفها له تكلم وعيونه بعيونها: طمّني أيسّركِ بأن أيسري امتلأ بكِ وحدكِ..

نزلت عيونها بسرعة وردت بتوتر: بس انـت....

قاطعها وهو يحضنها من اكتافها ويهمس باذنها: يا رِقّة القدر في مُرّ الدّهر..

رفع وجهها له وبسر الدموع متجمعات فيهن حط يده على خدها ومسح عليه ببطء وهمس بعـشق: لا تَحزني فالحُزن في عينيكِ من أعدائي.

تضاربت مشاعرها بقوة ومالقت نفسها الا تحط راسها على صــدره وتشد عليه من كوته

مسح على راسها بيده والثانية لامها بها تكلم بنـدم: سـامحـــــيني

غمضت عيونها بقوة رافضةة تسمع اي كلمةةة ثانيةةة

بعدت من صدره وخطيت شلت عبايتها ولبستها وخطيت لاقدام التسريحه تسبر برقعها

تيم بيتابعها بنظراته النادمةة على يوم جرحها فيه او مد يده عليها متحسر بقوة بس لازم تعرف انه مر بظروف صعبةة حولته لانسان من حجر وبالرغم من هذا كلةةة حبها واستحلت كيانه انتبه عليها توقف قدامه وتتكلم: جاهزة هيا

تنهد واتكلم وهو بيبسر ملامحها تاعبه: تيماء شكلش تاعبةةة لو تبطلي سيرت العرس وترتاحي

تيماء: ما فيني شي

تيم: طيب بس لو حسيتي ولو بتعب بسيط اتصلتي لي

اشرت براسها بمعنى تمام وخطيت معه وخرجوا من الغرفةةة...!!




📚 @rewayatyamania  🇾🇪

.

البـارت 97 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


بيـــت كيــــان..!!!
وقف بباب الغرفة واتركى عليه ونظره عليها وهي بتدخل حاجات لا شنطتها بعجلة: ما قلتش اخر الاخبار

وتين وهي بتبسر ساعتها تأخرت على غادة قوي: مش وقت اخر الاخبار لوما يتم العرس

كيان بابتسامه: بس هذا مهم

وتين: اللي هو

كيان ببرود: سمعت ان بشرى خطبـت وعرسها قريب وبواحد مرتاح غني قووي

حطت شنطتها ولفت له وبقهر: وانت ما دراك او زاعل عليها

رفع نفسه واتقدم منها وقف قدامها واتكلم: بالله هذا كلامش

زاحت بنظرها عنه وكيان كمل: اذا ما عرفتي كيان لاحد الان

لفت له وبترقب: ومعرفتك بخطوبتها ايش يفسره له

كيان: امس بالمقيل سمعت الخبر بالصدفةةة ووالله ما بذهني ولا اثر فيني الله يسترها مالي ومالها احنا انتهينا من زمان

ابتسمت بتوتر وخجل من تفكيرها رفعت نفسها وباسته على خده كأعتذار وهمست: اسفةةة

شدها لاحضنةة وباسها على شعرها واتكلم بابتسامه: أنتي وطــني وموطـــني ... انتي أرضــي التي لا تُحــــتــل أبدآ لغــــيري..

رفعت راسها من صدره وبابتسامه: انت النعمة اللي شجلس اشكر الله عليها طول عمـــــري

كيان ضحك بخفة وهمس: احبــش يا هبـــلا وربي احبش...!!

@rewayatyamania المصدر الأول للروايات

الساعةةةة 5 العصر
بـصالة العـــرس..!!
مدت لها صحة ماء وجلست جنبها: تيماء بين احسش تاعبةةة

غلقت الصحة بعدما شربت وردت وهي فعلا تحس بتعب: عادي من لما دخلت التاسع وانا احس فيه ياوتين

وتين: انتي عارفة كيان نبهني اجلس جنبش ولا افتلش

تيماء باستغراب: ليش

وتين بابتسامه: تيم تحراه ونبهه اجلس معش ولا افتلش ثانية خااايف عليش

ابتسمت تيماء وهي بتتذكر كلامه ورفعت نظرها للكوشة واتكلمت: تصافيتي مع غادة

وتين وجهت نظرها لغادة اللي فارحه: قبل عرسها بكثير واصلا نسيت امرها ماعاد يهمني اهم شي كياااني معي

تيماء بضحكة: اها.. طيب وعمش

وتين ببرود: عادي بسرته امس وانا ببيته وسلمت عليه في الاخير يظل بمقام ابي

تيماء ويدها على بطنها: افضل.... ااااااااه

لفت وتين بخوف: مالش

تيماء بوجع: مدررري اااااه وجع قوي اقوى من اي مررره ااااااااي

وتين بتوتر: ما نفعل اداعي عمتش

تيماء بألم: مع ساعديني اخرج لا غرفةة مابش داعي تخوفيهن

مسكتها وتين وخطيت معاها متجهات للغرفة

بسرين مها قدامهن: وين عتسيرين

تيماء ابتسمت بتعب: للغرفة ارتاح شوية ونتجابر براحتنا

مها ونظرها لملامح تيماء: متأكده مش تاعبة

تيماء: ههههه مع انتي اخطي تميلحي عند ام كرار بس عشان تنقل لودها حلاش اليوم

ضربتها بخفة على كتفها لوما سمعت ضحكة وتين وخطيت بقهر وخزا

تيماء: بسرعةة اخطي تعبت

جلست معاها بغرفة تابعة للصالة وشلت تلفونها واتصلت وهي بتبسرها عضيه لشفتها بقوة منع لصراخها تكلمت اول ما رد: كيييان ووووينك......كلم تيم وقلة مرته تاعبةةة قوووي...........  لا لا بس، شكلها عتولد.............. لا تتأخر بسرعةةة

غلقت الخط وخطيت جلست جنب تيماء اللي بدأت تبكي من المها..خرجت مناديل مبللة ومسحت مكياجها بسرعه ومكياج تيماء

دقايق ورن تلفونها برقم كيان ردت بسرعه: جيتوا

كيان: من اي باب يدخل سريع هيا قبل ما يدخل لابين النسوان هذا المجنون

وتين: من الباب الغربي يخطى على طول
غلقت الخط وخطيت لبست العباية بسرعه واتغطت ولبست تيماء

خطيت للباب الىي اندق وفتحت وبسرت تيم قدامها تكلم بلهفه وخوف: وينها

وتين بعدت من الباب: داخل ادخل

خطي بسرعه ولمها من اكتافها وبتوتر: بتتوجعي قوي بأيش بتحسي

تيماء بقهر ووجع فظيـع: ااااااه بأيش بين احس زي كل واحده عتولد ااااا مش وقت اسئلتك خرجني من هانا

حملها بين يداته ووقف: اخطي قدامي لاحد يجي

خطيت وتين امامه وتيم خلفها بيخطى بسرعةةة
خرجوا للشارع وكيان كان مراعي بالسيارة

فتحت وتين الباب الخلفي وتيم طلع تيماء وركب جنبها: سرريع اركبي جنب زوجش

خطيت وتين ركبت قدام وكيان تحرك على طول للمستشفى..!!!

.
.


وبــعد ساعـة ونـــص انتظـــار
خرجت الدكتورة واتقدم تيم بلهفة وتوتر: هاه دكتورة كيف حالتها هي بخير ليش كانت تصيح هكذا و...

قاطعته الدكتورة بابتسامه: لاتخاف مرتك الحمدلله بخير وجابت بنوووتة مثل القمر شبيهه لها

لف لكيان بفرحه وعدم تصديق

تقدم كيان منه وحضنه بقوةةة: الف للف ترليوون مبروووك تتربى بعزززك يا حيدي

شد عليه وفرحته مش واسعه له: الله يبارك فيييك وعقبى لكككك

كيان بضحكه وهو بيتذكر كلام وتين وقت ما دخلت تيماء للولاده: ان شاء الله قررريب جدا

بعد منه وضحك بفرحةة: لاتقووول

كيان بفرحه ونظره لوتين اللي دخلت لاعند تيماء: اليوم عرفتتت

تيم: الف مبروووك ي غااالي الله يتتم فرحتكم

كيان: يااارب

لفوا للمرضة اللي خرجت وبيدها بنت تيم تقدموا منها بسرعة...




📚 @rewayatyamania  🇾🇪

.

البـارت 98 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


لفوا للمرضة اللي خرجت وبيدها بنت تيم تقدموا منها بسرعه واتكلم تيم بفرحه: بنتي

الممرضة: ايوة بس عنشلها ثواني ونردها.. خطيت من قدامهم بدون ما يبسروها حتى

خطي تيم يلحقها ومسكه كيان: قالت عترجعها انت ادخل لاعند زوجتك

تنهد بفرحه وخطي دق باب الغرفة ثواني وخرجت وتين واتكلمت: الف الف مبرووك تتربى بعزك ودلالك الله يهنيكم

وتيم ونظره للارض: الله يبارك فيش ويتمم فرحتكم بخير يارب

خرجت وتيم دخل ووقع نظرها عليها وهي على السرير وجهت نظرها له بملامح تاعبة ابتسم واتقدم منها وقف امامها وانحنى بجسمه وباسها على جبينها بعمـق رفع راسه ومازال منحني تكلم بابتسامه وهو يخلل اصابيع يده بين شعرها: الف الحمدلله على سلامتش نـظر عــيني وقلبــــي وسلامة بنتنا

تيماء بلهفه: وينها بسرتها كيفها

تيم: شوية ويدنها على ما قالين واكحل عيوني ببسرتها... ابتسم وكمل.. يا الله كم اتمنى انها جت تشبهش بكل تفاصيلش

ابتسمت بتعب وتيم رفع نفسه اول ما انفتح الباب ودخلت الممرضة وبيدها بنتهم

لف لتيماء وعيونه يشعين فرح اشرت براسها وهي مبتسمه

خطي شلها من حضن الممرضة وهو يسمي بالله...

الممرضة خرجت وتيم فتش الغطاء من وجهها ضحك بفرحه ومش مصدق ان اللي بين يداته بنته باسها على جبينها بهدوء لف لتيماء وبسر عيونها امتلين دموع ونظرها لهم

اخذ نفس بعمق ورفع راسها له وحط اذنها امام فمه وبدأ يكبر بأذنهـا... نزلين دموعه وشدها لاحضنه وحط راسه عليها

بكت تيماء اول ما سمعت شهقاته من بكاه واتكلمت بغصة: تيـــم

لف لها ودموعه بعيونه وابتسامته على وجهه تقدم منها واتكلم بفرحه كبيرة: انتي متخيلةةة ان بنتي بين يدي اول مولود لي يا الله لك الحمد الف مررره

مسحت دموعها واتكلمت وهي ترفع نفسها بتعب: هاتها لاعندي اشتي ابسرها

حطها بين يداتها وجلس بطرف السرير ونظره لتيماء اللي حضنت بنتها بقوة وهي تبوسها

مسح وجهه وباقي دموعه وببسمه: كنت ادعي الله انها تجي تشبه لش بكل شي والحمد لله استجاب

رفعت نظرها له وارجع لبنتها واتكلمت بضحكه: بس انفها وتعقيدة حواجبها مثلك

@rewayatyamania المصدر الأول للروايات

نزل نفسه ومسك يده الصغيرة بين يده وباسها بسرها تحركت بانزعاج وفتحت عيونها وبدأت تبكي تكلم بضحكه وفرحه اول ما لمح عيونها: ابسري عيونها نفس لون عيووونش زيتي

هزتها عشان تهدأ وابتسمت لفرحته: كان نفسي يطلعين نفس عيون ابوها عسلــي

تيم: خلينا نتفق البنات نفس لون عيونش والعيال نفس لون عيوني

تيماء بضحكه: للمعلومية ما عتدي الا اثنين بنت وولد وخيرات

تيم برفعه حاجب: اقل شي عشر بنات وعشرة عيال

تيماء شهقت: ي ظااالم قلبتني ارنبةةة

ضحك وهو يرفع يده اليمين ويلمها من اكتافها لاصدره ويهمس بحب: يا الله كم تيم فاااارح والدنيا مش واسعةة له

رفعت راسها له وتيم كمل بابتسامه ونظره لعيونها: يا الله كم  لو تــدري كم تيـم يحبش انتي وبنتـــش

تشجعت هذه المره وردت ونظرها له: اعتقد ماهو اعظـم من حبــنا لـك

ضحك بخفة لوما فهم اعترافها اللي ادته بصيغة الجمع وشدها لاحضنه بالخفيف عشان بنته اللي بالوسط

تيماء وراسها بصدره ونظرها لبنتها: ما عتسميها

بعد منها ورد بضحكه: تيماء

رفعت نظرها له باستغراب وقبل ما ترد اندق الباب ودخلت ام تيم ورقية ومها

وقف تيم ولف لهن بابتسامه

تقدمت امه من تيماء وهي بتتكلم بفرحه: الف الحمدلله يارررب... معقووول تولدي واحنا اخر من يعلم..سلمت عليةةة وتبعته رقية ومها

شلت ام تيم بنت تيم وهي مبتسمه ودموعها بعيونها: الحمدلله اللي احياني لهذا اليوم

تيم باسها براسه: الله لايحرمني منش

مها شلتها من حضن امها: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 99 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


تقدمت امه من تيماء وهي بتتكلم بفرحه: الف الحمدلله يارررب... معقووول تولدي واحنا اخر من يعلم..سلمت عليةةة وتبعته رقية ومها


شلت ام تيم بنت تيم وهي مبتسمه ودموعها بعيونها: الحمدلله اللي احياني لهذا اليوم


تيم باسها براسه: الله لايحرمني منش


مها شلتها من حضن امها: يارب وهي تشبهني وتشل من حلاتي


تيم برفعة حاجب: واثقة انش حاليةةة


مها ضحكت ورفعت نظرها له: زادت عليكك تيماء نسخ لصق منها


تيم: وهذا اللي اشتي


رقية ببسمه: ما عتسموها


تيم بسر تيماء وضحك: تيماء


تيماء: اهببببل


ام تيم: عتيموا كلكم او كيييف


مها: خلاص عنفكر بأسم انت اخرج رضا ومحمد مراعيين بالباب واصحابك جوا يباركوا لك


تيم بصدمه: من قلهم


رقية: لاحظنا غياب تيماء ووتين واتصلنا لوتين وقالت لنا وكيان كلم اصحابك ورضا حلف لايجي حتى والليلة زفه


خرج تيم وبسرهم كلهم بالطارود تقدم منه محمد بسرعه وحضنه وهو يبارك له بفرحه واصحابه ورضا...

@rewayatyamania المصدر الأول للروايات

وبعد نص ساعةةة رجعوا الشباب مع رضا عدا محمد


دخل تيم واتكلم: خلاص انتين روحين مش حالية تجلسين هانا والبيت ملان عشان العرس


ام تيم: مها ورقية يروحين وانا عتجلس عند تيماء


تيم: ما يسبرس يمه تفلتي البيت وتيماء عتجلس عندها انا وبعدين قد امها وابوها وصالين قد اتصلت لهم


تيماء: ايوة روحي الله يحفظش وامي عتجي عندي عشان رضا لا يزعل


وقفت ام تيم: دام هذا رأيكم انتوا اخبر  انتبه لها ي تيم


تيم: في عيوني


خرجين وتيم خطي جلس بطرف السرير ووجه نظره لبنته اللي نوم جنب تيماء


تيماء بابتسامه: ما عتسميها


تيم بابتسامه: مــلاذ


تيماء: ملاذ...اسم حالي


رفع نظره لها وحط يده على خدها: ملاذ لي ولش...ملاذ تيم وتيماء..ملاذ حبنا وصدفتنا وقدرنا اللي جمعنـــا..!!!





#انتهت


   

شكــــر خاص لكل من دعم وشجع وحمس ولو بكلمةةةة شكـرآ لصديقاتي اللي تحملني طيلة كتابتي لها ورغم تأخري عليهن وانقطاعي احيانآ الا انهن ظليـن الداعم الاساسي والمحفز لأكمــال اي روايةةة اقوم بكتابتها 💚



...اميــــرة اليـــــمن...


https://tttttt.me/rewayatyamania/44785




📚 @rewayatyamania  🇾🇪

😈


بارتـات يومنـا الاربعـاء والأخيـرة👆🏻😍