😈


بارتـات يومنـا الجمعـة👆🏻😍

.

.

البـارت 51 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪



العــصر..!!!!
في المـستشفى.!!!
تكلم محمد بعدما خرج كرار: ذلحين ما نقل لبيت الـ.......  عشان مها

تيم: اتصل لهم وقول مابش نصيب

محمد برفعة حاجب: بس ماقد كلمنا حتى مها

تيم: من دون شي قول مابش نصيب وبس

محمد بتنهيده: تمام وبيني وبينك ما ارتحت لهم

تيم: ........

محمد: مها ومرتك عيجين ذلحين

تيم لف له بحده: مع من وليش عيجين

محمد: مها من اول ما دريت عملت مناحه ملان الحارة وقالت عتجي بس امي ماعاد خلتها

تيم: من عيديهن

محمد: مها عتجي بالسيارة..

لفوا للي فتح الباب وتيم ابتسم برفعة حاجب: سبحان الله اللي قدامي صدق والا كذب

محمد: تأكد بنفسك

تقدم من تيم وجلس بطرف السرير وحضنه وهمس: الف الحمدلله على سلامتك ي غالي

تيم ابتسم وحط يده على ظهره: الله يسلمك استاذ رضا... من قلك

بعد منه واتكلم: اول ما وصلت من الجامعة قالت لي مها

تيم ركز بعيونه واتكلم: فيك حاجه

ضحك بتوتر وشتت نظره: ولاشي ما فيني

تيم: والصدق

رضا عض شفته واتكلم: قصة طويلة برجع احكيها لك

محمد: احمممم عاد انا هانا واخوكم ضروري ادخل بينكم

ضحكوا ورد رضا: اكيدد انت الاصل وكبيرنا...!!!

.
.

بطارود المستشفى خاطيات تيماء ومها
مها: قلدش الله ماغير كسر ودقه في راسه

تيماء: والله قد عتبسريه وتتأكدي بنفسش

مها: يوووه كيف بيدق قلبي بخوف


وصلين لاقدام الغرفة في نفس الوقت اللي وصل كرار

رفعت نظرها باستغراب وكرار بسرها بصدمه مها نزلت نظرها بسرعه ومسكت يد تيماء

كرار نزل نظره واعطاهن ظهره

تيماء استغربت ولف لمها

مها همست: دقي الباب لاحد عنده بسرعه

تيماء دقت الباب وفتح محمد: ادخلين

مها سحبت تيماء معاها ودخلين

رضا وقف: انا استأذن

تيم: الله معاك

رضا خرج ومحمد خطي لاعند كرار

تقدمت مها منه وحضنته وبكت: مدري ماكان عيوقع فيني لو وقع فيك شي

تيم ببسمه: سلم الله ليش بتبكي ذلحين

رفعت نفسها ومسحت دموعها: على واحد اهبل

ضحكت تيماء اللي جلست على الكنبة

تيم بقهر: ضحكتي العواذل علينا

تيماء بصدمه: والله

مها بضحكه: على اساس ماهي دارية

تيماء: كيف بتحس نفسك الان

تيم: الحمدلله

وبعد نص ساعة مجبارة تكلمت مها: تيماء في اي شهر انتي

تيماء: اممم اعتقد عتدخل الخامس ليش

مها قامت بفرحه: تعالي نعمل كشافة ونبسر جنس الجنين.. بنت او ولد

تيماء بفرحه: طيب هيااا

تيم بحده: مكااانكن

لفين له باستغراب واتكلمت تيماء: ليييش

تيم: مابش كشافة واياش تفعليها فاهمه

مها باستغراب: ليش مافيها

تيم: هكذا... وذلحين روحين

مها: على الاقل نفحص تيماء ونطمن عليها لاقدرالله وفيها شي

تيم بحده: مهااااا قلت روحييين.. وماعدبش داعي تجين لاهانا

تيماء اعطتهم ظهرها وخرجت من الغرفة وهي شبه عتبكي

مها بسرت تيم بقهر وخرجت بعد تيماء

تيم زفر بقوة وهو يمسح وجهه

دقايق ودخل كيان ومختار وكرار ومحمد.....!!!

.
.


وصلين الفيلا وتيماء خطيت جناحها بدون ما تبسر اللي قدامها دخلت وطبقت الباب وخطيت للغرفةة بعدت البرقع وجلست بوسط الكنبة وهي تربع ارجلها وهمست بقهر: انسان مررريض ليه مرض الغرور والتكبر متعجرف مقصده ان الكل خدم عنده.. امتلين عيونها دموع وكملت... اصلا قال ما يشتيه ولا يشتي عيااال مني.. عشان اراعي منه يهتم به او يهتم ايش عيكون.. غطت وجهها وبكت وهي تقول... على الاقل يمثل قدام اخته انه مهتم فيني وفيةةة...

سمعت صوت وصول رسائل لتلفونها اللي كان مطروح فوق التسريحه مسحت دموعها وقامت شلته بسرتهن من تيم وقريت بسخرية... اكيد ذلحين بتبكي... 2.. دارررري بش بكاية وام دمعةة... 3 خلاص لاتزعلي بكرة واخطي افحصي.... 4... ووووينش ما تردي

عضت شفتها واتكلمت بسخرية على اساس حس بالذنب يعني وقرر يهتم... رجمت تلفونها وخطيت تشل لها لداه عشان تشل دش وترقد بعد التعب حق اليوم وبنفسها ماعاد عتسير عنده للمستشفى ابدا...!!!
.
.


عند تيمم...!!
خرجوا كلهم من عنده بأمر من الدكتور وجلس لوحده شل تلفونه يبسر اذا ردت.. مابش شي... اتصل لرقمها اكثر من مرة كان يرن بدون رد.. تنهد بقهر وهو يتذكر نظراتها له لوما مارضي يخليها تكشف...!!!

.
.


بعد العشاء...!!!
كملت تصلي وغيرت لداتها وخطيت اتصلت للشغالات يطلعين لها عشاء لانها ما عتنزل...  شلت تلفونها وبسرت مكالمات تيم وابتسمت بسخريةةة...!!!

.
.


عند تيم..!!!
رفع نظره للي دخل واتكلم: اخيرا سكت كمل...ليش جيت

كرار بضيق: ابسر خلينا الليلة اصحاب تمام لانو انا اللي عتناوب معاااك

تيم بقهر: ومن قال اشتيك تجي عندي وين محمد كيان مختار

خطي جلس على الكرسي واتكلم برفعة حاجب: للاسف ماحد تبرع لك الا اناااا

تيم: مستغني عن تبرعك تفضل

وقف كرار واشر لرجل تيم بغرور

تيم...




📚 @rewayatyamania  🇾🇪

.

البـارت 52 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


وقف كرار واشر لرجل تيم بغرور

تيم بقهر: والله لو تلمسها مره ثانيه لا انكع لك حتى وانا مكسر

كرار بتهديد: اذا تسكت وتعيرني سكوتك الدكتور شوية ويجي

تنهد بقهر ولف بنظره عنه وكرار خطي جلس وخرج تلفونه يتسلى بهةةة...!!!

.
.


بيت كيان..!!!
دخل للبيت وبسر الصالة طافيه توجه لاغرفة بشرى فتح الباب وبسرها نوم

رفع ساعته وهمس: نوم من ذلحين...وتين كانت تراعي لانص الليل اهم شي تتأكد اني روحت تنهد بقوة ودخل للغرفة وغلقها خطي غير لداته وبنفسه اكيد بشرى ما عتفلته غدوة تحقيقات وين كان.....!!!
.
.


اليوم الرابع لتيـم في المستشفى..!!!
دخلت امه ومها ومحمد ورضا وكله امل يبسر تيماء بينهم تنهد بقهر لعدم جيتها لاعنده من ذاك اليوم

وبعد الزيارة ووقت خروجهم تكلم تيم: محمد لوسمحت تدي تيماء لاعندي

ام تيم: قد قلت لها تجي اليوم بس قالت تاعبه شوية

محمد: ابشر عتروحهن واديها

مها: ناقصني حاجات للجامعه واشتي اخطى مكتبة اشلهن

رضا: تعالي معي لاني والكل ناقصني حاجات

مها بابتسامه: الحمدلله.. تمام

خرجوا كلهم وتيم تمدد وهمس: انا اليوم عتخرج من هانا يعني عتخرج....!!!

.
.


بغرفة تيم....!!.
نطت بفرحه وهي ترقص بعدما كلمتها عمتها بالتلفون وقالت تيم طلبها.
تكلمت بضحكه: وفي الاخير طلبش يا تيماء يعني التجاهل نفع معه لبست بسرعه واتغطت ونزلت لانازل وخطيت مع محمد للمستشفى..!!!

@rewayatyamania المصدر الأول للروايات

وصلها محمد للباب ورحله وهي دقت مرتين ودخلت: سلام...!!

لف لها بسرعه ورد برفعه حاجب: وعليكم السلام..!!

بعدت البرقع واتقدمت منه واتكلمت بغرور: قالوا طلبتني خير

تيم بقهر: على اساس زوجش والمفروض اكثر حدا يهتم فيني انتي

تيماء لوت فمها وردت: امممم الان وقعت زوجي يعني

تيم بحده: وييينش اربع ايام كلهن بيجين الا انتي حتى رقيه جت مرتين لاهانا

تيماء بقهر: مشتيش اجييي وبعدين مالي داعي بوجود اهلك واصحابك صح انا ولاشي

تيم بعصبيه: تيمااااا

تنهدت بقهر: اسمع خلي العصبية على جنب تمام وخلني اجلس معاك شوية وارحلي بهدوء

تيم بنص عين: ومن قال عتريحي لش

تيماء: كان ما رأيك امسي هانا

تيم؛ امممم اذا ما خرجت اليوم.. الليلة انتي اللي عتناوبي عندي

تيماء: تخررج اليووم مسرع ماحد عيرضى

تيم بزهق: الا وبالغصب عتخرج

تنهدت بقلة حيلة وفتحت السلة اللي ادتها معاها وخرجت بسكويتات بين صحن ومدتهن له: تفضل

شلهن باستغراب: ليش هولا

صبت اثنين اقلاص حليب شاهي واتكلمت بقهر: نتصور بهن سلفي وكذا... نأكلهن ليش يعني

تيم بقهر: والله لو كنت بخير ماحد كان عيفكش من يدي

قربت الكرسي ومدت له القلص واتكلمت بضحكه: الحمدلله ههههههههه

رشف من الحليب وهو شبه فارح لانها غيرت من نفسيته شوية ونسته جو الاكتئاب....!!!

.
.


بعد الظهر....!!!
دخل محمد وهو معصب: الدكتور وافق تخرج بس على ضمانتك انت

تيم: عادي المهم اخرج يلا قوموا... تيماء لمي ادواتي

خطيت لمت حاجات تيم اللي كانين بالغرفةةة

دخل ممرض ومكن تيم عكازه وخرج

ساعده محمد لوما قام وحط العكازة بيده وخطي بصعوبة ومحمد جنبه وتيماء خلفهم...!!!

@rewayatyamania المصدر الأول للروايات

وصلوا للفيلا ونزلوا كلهم وخطيوا لاداخل

مها نطت بفرحه: تييييم

فزت ام تيم ورقيه واتقدمين منهم

ام تيم: كيف لوماخرج وليش ما قلتوا لنا

محمد: والله هو ماخرج بقول الدكاترة فعل قضية في المستشفى لوما سمحوا له يخرج على ضمانته

تيم بتعب: مش وقت الهدار خطيني اجلس

ام تيم: عتطلع جناحك

تيم تذكر الدرج: مع عتجلس بالمجلس

خطي بمساعدة محمد وجلسه ببقعة في المجلس والكل تحمد له بالسلامة وخرج

حطت ادواته جنبه واتكلمت: عتخطى ادي لك الغداء

تيم: مابش داعي قولي للشغالة تديه

تيماء بقهر: وليش الشغالةةة

تيم ببرود: نفذي وبس وعلى فكرة مابش داعي تجي لاعندي

تيماء بحده: احسسسن على اساس عاجبه عليك او ماهو

تيم بعصبية: وطييي صوووتش واخررجي من عندي يلااا

تيماء بسرته بحقد. ساعه يطلبها وساعه يطردها بسرت رجله وضربتها بقهر وهو صاح بألم: ااااااه تيماااااا

تيماء بغصة: تستاااهل لانك واحد....  سكتت واعطته ظهرها وخرجت من المجلس بسرعه

تيم حط يده على رجله بألم وهمس: تقوي.. بس والله مردوده...!!!

.
.


بيت كيان...!!!
كان مع بشرى بيتغدوا...!!!

بشرى بدلع: كيانوووو

كيان لف لها بمعنى ماهو

بشرى: امس رسلت لي صاحبتي صورة فستان عاده نززززل يجنن يجنن واشتي اشله ادي لي زلط عشان اخرج انا وهي

كيان: ما بتلاحظيش ان طلعاتش كثرين مع طلباتش خلال اسبوع اكثر من عشرين فستان معشش

بشرى بقهر: عادددي مش انا مررتك حبييتك المفروض تدي لي كل شي

كيان بنفسه مرتي صح.. بس حبيبتي...




📚 @rewayatyamania  🇾🇪

.

البـارت 53 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


بشرى بقهر: عادددي مش انا مررتك حبييتك المفروض تدي لي كل شي

كيان بنفسه مرتي صح.. بس حبيبتي تنهد ورد: ذلحين مابش لوما استلم راتبي وابشري

بشرى قامت بزعل: انت هكذا واصل ولا بتدي لي شي لكن لو هي وتين لاتدي لها بسرعه... دخلت غرفتها وطبقت الباب

كيان بقهر: على فكرة وتين عمرها ماقد طلبتني شييي ولو طلبت وقلت لها مابش ما تتكلم

بشرى من الغرفة بصوت عالي: جبرررك بهاااا خلها تنفعككك

حط الملعقة من يده وقام غسل وخطي خرج من البيت وهو مقهور طلع سيارته وما حس بنفسه واقف الا باب بيتهم نزل من السيارة.. دخل للبيت وداعى: ياااهو يا اهل البيت

ردت امه من غرفته اللي ببيتهم واللي وتين جالسه فيها: هانا تعال

دخل للغرفة وانصدم من منظر وتين.. متمدده على السرير وفوقها ثنتين بطانيات ووجها شاحب والخرقة على جبينها وهي مغمضه عيونها وبتمتم بكلام غير مفهوم.. تقدم بفزع وجلس بطرف السرير وهو يحط يده على خدها: امااه مالها وتين

ام كيان بحزن: تاعبة من امس العشي

كيان بهلع: وليش ما اتصلتي لي
 
ام كيان: مارضيت تخليني

كيان بخوف: وتين.. وتييين بتسمعيني فتحي عيووونش وتيين

فتحت عيونها بتعب وبسرته قدامها ساع الخيال ابتسمت بتعب وغمضت عيونها وهي تهمس: كيان

كيان وهو يرفع شعرها: عيونه ايش اللي بيوجعش ليش ما اتصلتي لي

وتين.........

لف لامه ويده على جبين وتين: حامية قوي ادي عبايتها عشان اسعفها

وقفت امه وشلت العباية ولبستها بمساعده كيان..

شلها بحضنه واتكلمت امه: راعي البس واجي معاك

كيان وهو خاطي: مابش داعي عترجع اطمنش...

حطها بالخلف وركب مكان السواق وساق بسرعه متجه لاقرب مستشفى...!!!

.
.

قرب العصر..!!!
وقف بسيارته قدام فيلا تيم بعدما عرفوا انه خرج وهو متردد يدخل او مع لف لصوت مختار: مالك.. هيا نزلنا

تنهد ونزل مع مختار بسر الحراس واستغرب واتصل لمحمد يخرج لهم

ثواني وخرج وهو بيرحب بهم ودخلهم للمجلس عند تيم اللي تفاجأ ان كرار دخل للبيت بس خلى نفسه عادي وسأل: وين كيان

مختار: مدري ماقد بسرناه من لما روحنا من عندك

كرار ساكت بهدوء وهو بيبتسر المجلس هذا  اكثر مكان كانوا يجلسوا فيه وهو وكيان وعلي وتيم خاصة وقت الامتحانات وبعد شوية بدأوا رجال الحارة والاهل يجوا للمجلس يتحمدوا لتيم بالسلامةةة....!!!

.
.


بالمستشفى
فتحت عيونها بتعب وبسرت كيان واقف فوقها وبنظره لعلاج في يده همست: كيان

لف لها بسرعه وهو يبتسم: الحمدلله واخيرا قمتي

وتين: ليش انا هانا..

كيان: مش ذاكره

وتين بتعب: كل اللي اعرفة اني تاعبة من قلك

كيان بقهر: اول واخر مره تتعبي وما تقولي لي يا وتين.. تخيلي لو ما جيت واسعفتش كانت الحمى طلعت لاراسش ومدري ماوقع

وتين: قلت تعب بسيط ويروح

كيان: حتى ولو زكمه تقولي لي فاهمه

وتين: حاضر

كيان بابتسامه: والا اقولش مابش داعي تقولي لي لاني عتروحش البيت واخليش قدام عيوني واصل

وتين: مع روحني بيتكم الله يخليك

كيان: ممنوع كافي جلستي اسبوع خيرات وذلحين عتروحي معي

وتين تذكرت بشرى وانها معاها بنفس البيت وغمضت عيونها بقهر وهي تشتي تهرب منهم ماتشتي تبسرهم مع بعض قلبها يحرقها.. فتحت عيونها وبسرت كيان بعد المحلول من المغذية واتكلم: كملت يلا هيا روحنا

حط يده خلف اكتافها وساعدها تقوم وخطي وهو ماسك لها....!!!

.
.


دخل مع وتين للبيت وهو ماسك لها وبيده علاجها

بشرى كانت بالصالة بسرتهم واتكلمت بعصبية: من وين جيت انت والهانم

كيان واصل مشي لاغرفة وتين ورد: معش عيونش بتبسري او ادي نظارات... فتح غرفة وتين وخطاها للسرير وساعدها تتمدد

بشرى وقفت عند الباب وبحقد: ذلحيين قلت لككك تدي لي فستان مارضيت وقلت مابش زلطط بس وتين اول ما مرضت حملت تسعفها ومدري من وين خرجت لك الزلط

كيان بعصبة: بشرررى غرفتش يلااااا..

بشرى بعناد: ما عتخطااااش ليش توديها للمستشفى اكيد بتكذب عليييك ومش هي مريضةةة ذلحييين تخرجني السوق وتدي لي فستااان جديد

كيان عصب للاخر وبصوت عالي ارعبهن الثنتين: لا تخليني اخرج ضبحي فيييش وتين تاااعبةةةة اخطي غرفتش يلاااا

بشرى بعصبية: ما عتخطاش غرررفتي عتخطى بيت ابي عشان مرة ثانيه ما ترفع صوتك عليااا

كيان بصوت عالي: بالناااقصصص الله معش

بشرى بسرته بصدمه وهي كانت بتظن انه ما عيخليها تخطى لفت وخرجت من الغرفة بسرعه واتصلت لامها وهي بتبكي وتشكي..

كيان لف لوتين اللي هادئه: مرتاحه.. بتتألمي من حاجه

وتين بهمس: لا تسلم

شل تلفونه وبسر رسالة من تيم بيسبه وقله انه في البيت يجي لاعنده رجعه جيبه واتكلم: عتخطى عند تيم خرج من المستشفى اذا تعبتي اتصلتي لي على طول تمام

وتين اشرت براسها

كيان...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 54 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


كيان نزل نفسه وباسها على جبينها ورفع اليرقان عليها وخرج من الغرفة وهو يغلق بابها بهدوء

وتين ابتسمت بفرحه وزادت ابتسامتها وهي تذكر شكل بشرى وصدمتها لوما قال لها الله معش.. ضحكت بهدوء وغمضت عيونها بتعب...!!!

.
.


وصلت بشرى بيتهم وحاليا بتبكي وتشكي وطلعت الف عيب في كيان

بشرى ببكاء: لو تبسري يا ماما كيف مارضي يشتري لي فستان واول ما تعبت وتين خرج الزلط كلها ووداها المستشفى

ام بشرى بقهر: ولايهمش الا اطلع حقش من عيونه

بشرى: قلت عترحلي قال بالنااااقص الله معش اهى اهى اهى... ماحتى لحقني يمنعني ويقول اجلسييي

ام بشرى: خليه يجي والله لا يقع له خبر ماقد وقع... سعما فعل بش هكذا

بشرى: واصل يداعيني وتين واصل يجلس يبسرها ويهتم اكلت والا مع اهى اهى اهى

ام بشرى بلوم: قد قلت لش من اول ما كلمتنا خالته مالش للطبان بس جزعتي قووولش.. ومكنتيني حالي وهيبه وشخصيه وانا اشتيه.. ابسري مافادش هذا كله وهو يحبه مرته الاوله

بشرى بكت بقهر: ماما... انتي معي والا ضدددي

ام بشرى: معش معش يا قلبي انتي ارتاحي الان وبس...!!!

.
.


صباح ثاني يوم..!!!
قامت وتين ومابسرت كيان جنبها استغربت وين سار من ذلحين... نزلت من السرير وخطيت للحمام تغسل وتغير لداتها بعد مده خرجت من الغرفة متجهه للمطبخ تعمل لها اي شي تأكله.. لفت لصوت الباب اللي انفتح ودخل منه كيان وبيده اكياس ابتسم اول ما بسرها: صباحش

وتين بنفس الابتسامه: صباح النور

خطي وجلس على الكنبة واتكلم: تعالي اصتبحي يلا رقدتي امس بدون عشاء

خطيت جلست مقابل له وردت: ليش شليت سفري قد كنت عتسبر ذلحين

كيان: لا تسبري ولا شي... عادش تاعبه لوما تفتهني بعدين سهل

ابتسمت وهو بدأ يخرج الصبوح ومد لها التميز: يلا اكلي وعوضي اللي خسرتي بمرضش ..!!!

.
.


بمجلس الفيلا
دخلت الشغاله والصبوح بيدها وحطته على الماسه ولفت تخرج

تيم: لحظه... تيماء وينها ماقد نزلتش

الشغاله: ماما تيماء فوق من امس مافي ينزل

اشر لها تخرج وخطيت همس بقهر: اول تطردها وترجع تسأل وينها..

رفع نظره لهند اللي دخلت واتكلمت: تيييم ي قلبي الف الحمدلله على سلامتك ما تصدقش مقدار خوووفي عليييك.. امس ماقدرت ادخل من الرجال اللي عندك والا كنت عتطير وادخل اطمن عليييك

تيم اكل وبسرها بنص عين: متأكده مابش لش يد بالموضوع

هند مثلت الغباء: اي موضوع او انا اللي صدمتك

رشف البن ورد: يمكن مرسله حدا

هند توترت: تيييم ما بتقول شكلك مسخننن او الضربه اللي براسك مأثرة علييك

تيم ببرود: امممم يمكن ههههههههه

هند: المهم تطمنت عليك يلا خاطرك

تيم تابعها لوما خرجت وهمس بقهر: معذر من يوم وتطيحي بين يدي ست هند ام الصبياااان معذر من يوووم...!

@rewayatyamania المصدر الأول للروايات


اما عند تيماء..!!
لبست روب بيت وغطت شعرها ونزلت واتوجهت للمطبخ: هاتي صبوح لي

قدمت لها الشغالة صبوح وجلست تصتبح بهدوء وهي مقهورة من تيم للآن

دخلت رقية واتكلمت لوما بسرت تيماء: تيماااا وينش من امس مختفيه

ابتسمت تيماء وردت: كنت تاعبة شوية وماقدرت انزل

جلست رقيه جنبها واتكلمت: لابس استغربت لوما خرجوا الرجال مانزلتي تبسري تيم ما يحتاج

تيماء: رقدت وما انتبهت...وبعدين عمتي ومحمد موجودين واكيد ما عيقصروا

رقية: ماهذا اكيد بس الرجال يحتاج مرته اكثر.. كملي اصتبحي وقومي لاعنده

تيماء بقهر: حاضر

كانت تأكل بأقل من مهلها عشان رقية تخرج وهي تطلع جناحها على طول بس رقيه كانت جالسة وبحضنها سامي ابنها وبتأكله وبعد شوية وقفت تيماء: الحمدلله

رقيه وقفت: عتخطى اغير لسامي وانتي ادخلي عند تيم مابحد عنده

خرجين من المطبخ الثنتين وهن بيتكلمين تيماء توجهت للمطبخ ببطء.. واول مابسرت رقيه طلعت جناحها لفت بسرعه وطلعت الدرج لاجناحها قبل ماحدا يبسرها

تيم لف للباب اول ما ميز صوتها بتكلم رقية ومنتظر لوما تدخل..سمع دعس بيبعد عن المجلس بعدين اختفاء تنهد بقهر وشل تلفونه وضغط رقمها...!!!

.
.


غلقت باب غرفتها وبعدت شيلتها وهي تجلس على السرير بتعب فزت على صوت تلفونها بسرته تيم وصمتته ثواني وعاد الاتصال وبالمره الثالثة ردت بحده: خييير

تيم برفعة حاجب: الخير في وجهش وينش عن التلفون ماتردي

تيماء: تلفوني في يدي ورديت ودك شي

تيم بعصبية: تيمااااا

تيماء خافت بس اظهرت العكس: اتصلت تصيح او كيييف

تيم من بين اسنانه: نزلي لداه اشتي ابدل ويا ويلش تتأخري

تيماء: تمام... رفعت التلفون وبسرته غلق في وجهها عضت شفتها بقهر وقامت جهزت له ملابس واتصلت للخدامه تجي توديهن له...!!!

.
.

دخلت الشغالة وبيدها ملابس تيم اللي تفاجأ وعض شفته بقهر لانها ما نزلت



📚 @rewayatyamania  🇾🇪

.

البـارت 55 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


دخلت الشغالة وبيدها ملابس تيم اللي تفاجأ وعض شفته بقهر لانها ما نزلت

خرجت الشغالة ودخل كيان: سلام كيف الحال

تيم بقهر: تعال ساعدني اغير لداتي هيا

كيان بنص عين: على الاقل رد السلام.. واطلب بذوووق

تيم بنرفزة: مشش راااايق لكككك اقطب

كيان تقدم منه واتكلم بقهر: على اساس قلت اطمن عليه قبل ما اخطى الشركة طلع مثل الاسد

تيم بسخرية: شكل جلدك بيحكك اسكه غلق لقفك شوية

ضحك كيان ومد له ملابسه...!!!

.
.


غلقت الدرج وهي تتاكد ان السيدي بينه وخطيت شلت تلفونها واتصلت ثواني ورد: الو

هند بعصبيه: عمااار يا زفتتت.. تيم شاكك ان لي يد بالموضوع

عمار: يعني على اساس مابش

هند بحده: تيييم عرف وانا متأكده بس مراعي يمسككك دليل.. ياويلك انت واللي معاااك تتكلموا بكلمةةةعني والله لا ادفنكم تحت الارض السابعه

عمار: لاتخافي تيم عيدفنا قبلششش بعد اللي عملنااااه فيه

هند: يا اغبياااء انا قلت اتخصلوااا منةةةةة من مررره ليش خليتوووه عااايش

عمار بقهر: على اساس يتقلب ويموت بس طلع بسبع ارواااح

هند لفت للباب لوما سمعت صوت غلقت الخط وفتحت الباب بسرعه وبسرت تيماء قدامها اللي شهقت بصدمه

هند بعصبية وصدمه: ما بتفعلييي هانا

تيماء رجعت للخلف وهي خايفه: كنت خاطيه وو...

قاطعتها هند وهي تتقدم منها: وقفتي تتسمعي قووولي ما سمعتي يا كلبةةةة ما سمعتتتي

لفت تيماء وهربت بسرعه وهند وراها بسرت باب المجلس ودخلت بسرعه وحملت لاعند تيم ومسكته بقوة وهي تجلس جنبه وخايفه

تيم انصدم من طريقة دخولها المفاجئة وثواني وبسر هند دخلت وراها واتكلمت بحده: علمممم مرتك مره ثانية ما تسمع النااااس وهذا تحذذير لها

تيم بحده: اخر مرره تلحقيها هكذا وهذا تحذيررر لش وذلحييين يلا من هانا

هند بسرته بقهر وخرجت وهي خايفة تكون تيماء سمعت ووقفت جنب الباب تسمع

تيم لف لتيماء اللي ماسكه كتفه بيداتها الثنتين واتكلم برفعة حاجب: يعني لوما لاحقتش ما كنتي جيتي لاهانا

تيماء فكت له وقامت بسرعه عشان تخطى

مد يده ومسكها بسرعه وهو يرجعها مكانها: ووووين ماقد شرحتي لي ما بتفعلي عند بابها انا مش حذرتش لاعاد تتسمعي على حدا

تيماء بهمس: لو تعرف ايش سمعت يمكن تنصدم

تيم بنفس الهمس: ماهو

وقفت تيماء وخطيت لاباب المجلس تتأكد لو حدا خارج

هند سمعت خطواتها وهربت بسرعه متجهه لاجناحها

تيماء تأكدت ان ماحد وغلقت الباب ورجعت لاعند تيم واتكلمت وهي تجلس: نزلت على اساس اخطى المطبخ اشل لي اي حاجه بارده بس شدني الفضول وخطيت لا جنب جناحها وسمعتها بتكلم واحد

تيم بترقب: من هو

تيماء: مدري.....!.!


تيم بخيبة: بالله عليييش

تيماء بهمس: سمعت حاجه خطيرررة تخصكك

تيم: تخصني ماهي

تيماء بتوتر: اول قولي انت عملت الحادث عادي او  وقع بسبب حاجه

تيم: ومادخلش

تيماء وقفت وبقهر: اصلا الحجه عندددي جيت احاكيك... لفت تخرج..

تيم: عارضتني سيارة وواحد ملثم اطلق الرصاص على كفرات السيارة

لفت بسرعه وجلست وهي تتكلم: بالضبط... هند بتكلم واحد وقالت تيم شاكك فيني... ياويلكم يدرا بشي.... انا قلت لكم تخلصوا منه مش تخلوه عايييش

تيم بصدمه: ما توقعت توصل فيها لا هانا يعني لها يد بالموضوع

تيماء: بالضبط... ولازم تكشفها باقرب وقت قبل ما تفعل شي اكبر واعظم

تيم بتفكير: لازم الاقي دليل واكيد الدليل عند عمار

تيماء وقفت: ايوة وانتبه لنفسك اكثر..

تيم بحده: وين عتسيري

تيماء: جناحي وين يعني

تيم: ماصدقت تجي علاسب تريحي لش ارتزعي هانا

تيماء تكتفت وبقهر: مش على اساس انقلع من عندك وماعاد تشتي تبسر وجهي فما له داعي اجي عندك.. اعطته ظهرها وخرجت

تيم من بين اسنانه: سيري ادي لي غدااا و..

قاطعته بدون ما تلف: تمام عتقول للشغالة تديه

تيم بصوت عالي: خلي الشغالة تديه والله لا اطعفره ملان المجلسس...

لفت وقديه عند الباب: كان من يديه

تيم برفعة حاجب: انتتتي وفوق هذا تتغدي معي.. يلا بسرعه

تيماء بسرته بنص عين وخرجت وصلت للمطبخ وضحكت بفرحه كلمت الشغاله: جهزي غداء لي ولتيم بسرعةةة..!!!

.
.

خرج من الشركه وهو تاعب بقوة طلع السيارة وشل تلفونه اللي رن ورد: حيا كرار

كرار: حياك وينك

كيان: مروح البيت ليش

كرار بتوتر: كيان... انت عارف مازد فعل تيم باللي قال

كيان باستغراب: ماقال

كرار بقهر: عن اختةةة

كيان: اها... مدري والله وقع الحادث ومدري ماوزد وقع

كرار: ممكن تحاول تسأله وتبسر ما فعلوا

كيان: ابشر الان ارسل له

كرار: لايدري اني سألتككك

كيان: لاتهممم

كرار: ورد لي خبر.... مع السلامةةة

غلق الخط ورسل لاعند تيم... تيم ماعاد فعلت من الموضوع حق كريمتكم وافقتوا نجي نخزن.... ثواني ورد... لا مابش نصيب


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 56 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


غلق الخط ورسل لاعند تيم... تيم ماعاد فعلت من الموضوع حق كريمتكم وافقتوا نجي نخزن.... ثواني ورد... لا مابش نصيب

ابتسم كيان ورسل لكرار.. كان يشتي يلعب باعصابه شوية بس رحمه ورسل... تطمن مابش نصيب رفضوهم...

شغل سيارته واتحرك للبيت
جنب سيارته ودخل

وقف في الصالة وشم بابتسامه واتوجه للمطبخ: يعني فعلتي غداء

لفت وتين بسرعه وردت: سلام

كيان: وعليكم السلام..

وتين: يلا ادخل شل دش وغير لداتك امد ما اقرب الغداء

كيان: كيف قدش ذلحين وليش تسبري وانتي تاعبه

وتين لفت تتم عملها: انا الحمدلله بخير.. ويلا اخطى امد ما قرب

كيان خطي: طيب.. وتسلم يداتش....!!!

.
.


دخلت للمجلس والشغالة خلفها: تعالي اطرحيه هانا..قربت الماسه والشغالة حطته فوقها وخرجت

تيماء بسرت بقعته عالية: اوووه ما عيطلعه لاعندك

تيم بقهر: مقصدش عتأكل هانا..ساعديني انزل
تقدمت منه ووقفت جنبه

تيم بحده: عتصوري او كيف دني شوية

نزلت نفسها وهو حط يده حول رقبتها مسكته وهو وقف وجلس بالقاع بمساعدتها وهو يمد رجله المكسورة

جلست جنبه ومكنته الملعقه: يلا اكل

بدأوا يتغدوا الاثنين بدون كلام بينهم

وبعد مده طرحت الملعقة من يدها وهمست الحمدلله

تيم باستغراب: قد هذا غداش يعني

تيماء: ايوة...كان

تيم بحده: اكلي سعما النااااس يلا

تيماء: شبعت الحمدلله

تيم: شبعتي من اللجعين حقش على الاقل تغذي سعما الناس عشان اللي ببطنش

تيماء استغربت انه ذكره واهتم فيه وردت: قد بين اكل ايش ما خورت لاتهم

تيم عض شفته بقهر وسأل: بنفسش حاجه معينه

تيماء كانت عتقول شبس بالشطه لها متخوره له خيرات بس ردت بقهر وهي تتذكر انها مره طلبته وما ادا لها: تسلم ولا بنفسي شي...وقفت واتكلمت...ثواني والشغاله عتجي تنظف..خطيت وخرجت من المجلس

تيم حط الملعقة من يده واتنهد بقهر وهو يتذكر لوما طلبته بروست وما ادا لها رفع نظره للي دخل وبسر امه واتكلم: اماه

ام تيم: امي وروحي

تيم: ذلحين لوما واحده توحم وتطلب حاجه ضروري يدوها لها

ام تيم وهي تجلس: ايوة اكيد والحامل تشتهي حاجات خيرات وما يسبرش يخليهن واحد بنفسها

تيم سكت وهو بيسأل نفسه.. تيماء ولاقد طلبتني شي الا ذاك اليوم وما اديت لها شي لف لسؤال امه... كيف انت ذلحين

تيم: الحمدلله تمام

دخلت الشغالة ونظفت المجلس وامه خرجت شل تلفونه ورسل لتيماء... بنفسش حاجه قولتي عشان اديها لش...!!

@rewayatyamania المصدر الأول للروايات

بغرفة تيم...!!!
كملت تصلي وغيرت لداتها وخطيت تشل تلفونها تتصل تتطمن على امها وخواتها وبسرت رسالة تيم وابتسمت بقهر ثواني ووصلت رسالة ثانيةة... قولي هيا لاتخلي حاجه بنفسش...!!!

طرحت تلفونها جنبها واتكلمت بقهر: انسان مريض فيه مرض انفصام شخصيةة.. يوم يقول جي ويقول انقلعي وريحي لش.. ويوم يقول.. وين ما تجي ويوم يقول لاعاد توريني صورتش...... كملت بقهر ودموعها بعيونها.. ماعاد دريت به ولاعاد فهمته.. يوم يقول نزليه وما اشتيه واليوم.. اكلي واتغذي عشان اللي ببطنش واحد متناقض.. نزلين دموعها وهمست.. او يمكن واحد يحب خطيبته الاوله ويشتي ترجع له وانا خارج حياته مسحت دموعها بسرعه وشلت تلفونها الي رن باسمه وردت بغصة: الووو

تيم عقد حواجبه ورد: مالش

تيماء ببحه: ولاشي... تشتي حاجه

تيم عرف انها بكت واتكلم: انتي بنفسش حاجه معينه اديها لش

تيماء بغصة: البروست اللي طلبته قبل شهرين

تيم عض شفته بقهر ورد: ابشري ثواني وهو عندش.. حاجه ثانيه

تيماء بنفسها فرصة وجت من ذهب: وشبس بالشطه وشكلاته بريك امممم.. وعنب و قصب السكر ووو خلاص بس عتديهن

تيم بابتسامه: اكيد ماعدبش حاجه

تيماء: مع تسلم

تيم: مع السلامةةة..

غلقت الخط واتنهدت بابتسامه: ما احلاه لاوقع طيب هكذا... بس انا داريه شوية ويرجع لطبعه الكريه..
.
.


دخل رضا للبيت وداعى: مهاااااا مهاااا... ماااا يا معاااا

مها نزلت الدرج وردت بقهر: ايش معاااا هذه ي اخي العزيز

رضا ببسمه: هذا اسم الدلععع يا رووحي.. شلي هاه..

شلت الاكياس من يده: امانه انه دلععع عندككك وهذولا لمن

رضا: يييي مش لش طلعيهن لاعند زوجة تيم

مها بابتسامه: لاتقولي ان تيم اللي قلك تديهن

رضا: كان ما رأيش شليتهن من نفسي.. وديهن لها

مها: حاضر.

رضا خرج ومها طلعت لا جناح تيم...!!!




📚 @rewayatyamania  🇾🇪

.

البـارت 57 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


دخل للمجلس وجلس جنب تيم اللي همس له: شليت اللي قلت

رضا بنفس الهمس: ايووة ومكنت مها توصلهن

تيم: تسلم

رضا: الله يسلمك

تيم لف له وهمس: تشتي تقولي حاجه وانت متردد

ابتسم بتوتر ورد: ايوة بس مش ذلحين لوما يخرجوا الرجال من عندك

تيم: الرجال بيتجابروا محد منتبه حاكيني

رضا قرب من تيم اكثر وهمس: اشتي اخطب

تيم ابتسم وضحك: اها كان هو هذا الخبر

رضا بقهر: لاتضحك ابسر كيف بسروا لاعندنا

تيم: احم تمام... ببالك بنت معينه

رضا توتر ورد: بصراحه ايوة وانا احبها وهي....

تيم بنص عين: تحبني

ضحك بتوتر اعظم: يعني

تيم: بنت من

رضا: بنت الحج احمد الـ......

تيم بسره بصدمه وهمس: غادة

رضا نزل راسه ورد: ايوة... ليش استغربت

تيم منصدم وبيفكر بكيان وكلام رضا انه يحبها وهي تحبه ماقدر يجمع افكاره: كلمت امك

رضا بقهر: هو هذا اللي محيرني مارضيت قلك عتزوجني واحده من بنات صاحباتها

تيم: متأكد لو نطلبها عتوافق

رضاء ببسمه: اكيد

تيم بهدوء: خلي الموضوع عليا

رضا باسه على راسه بفرحه وسط استغراب محمد اللي بيبسرهم من اول..!!

.
.


بغرفة تيم....!!
كانت بتأكل الشبس بعدما اكلت البروست وهي بتكلم وتين بالتلفون: وذلحين حانقة

وتين: ايوة

تيماء بفرحه: فرصتش يا بنت اتفردي بكيان

وتين: كيان انسان عادل ما بيفرقش بيني وبينها... بس افعالها بترفع ضغطي.. خاصة لوما تكلمه بدلع

تيماء: وانتي تدلعي ساعها ياهبلا.. فتحي عيوونش ولا تخلي كيان لها

وتين: ليت وما تزوج كنت عايشة ومرتاحه

تيماء بقهر: كنا كلنا مرتاحات لكن يلا قدرنا اممم عادش بتحاكي غادة

وتين بقهر: مع قطعت علاقتي بهم كلهم.. اصلا هم سبب اللي انا فيه

تيماء: الله كريم وعيرد حقش المهم انتبهي لبيتش ولا تخلي المجال لهذك العقربة تشل كيان منش بصراحه مش متطمنه لها

وتين: لو تبسري كيف حياتنا هادئه لان مابحديه... وحتى كيان تغيرت معاملته من جهتي شكله حس بالذنب

تيماء: او حبش

وتين: ما اعتقدش ما الحب

تيماء: ليش ايش ناقصش

وتين: مدري بس مااحس انه يحبني مدري كيف هكذا احيان مدري كيف احسه

تيماء بضحكه: مدري ما اقولش

وتين وتيماء: ههههههههههههه..!!

@rewayatyamania المصدر الأول للروايات

العشي..!! بيت ابو تيم...!!
دخل كيان للمجلس وبسر تيم لوحده: مساء الخير

تيم: مساء النور ليش تأخرت

كيان جلس جنبه ورد: والله عاد كنت في الشركة لوما انت اتصلت خير مابه

تيم بتردد: ولاشي... الا قلت تجلس عندي زهقت.

كيان بنص عين: بالله عليككك

تيم: ايوة... اي حين عتشل الجبس هذا

كيان: اعقققل عادك الا اسبوع للحادث

تيم: كان ماهو كم باقي وابعده

كيان: مدري ما حدد الدكتور.. لوما نسير عودة عنسأله

تجابروا شوية وبعدين كيان روح

دقايق ودخلت تيماء وبيدها صحن بينه عشاء حطته على الماسه واتكلمت بابتسامه: يلا قوم تعشى

تيم: الحمدلله ذكرتيني في الاخير

جلست وردت باستغراب: العصر عندك رجال وكنت عتدخل اول بس قالوا صاحبك عندك

تيم: طلعي الاكل هانا

تيماء بتفكير: لحظه بوريك.. نزلت العشاء من الماسه وحطت فوقها مدكى وقربتهن من تيم: هكذا سابر يلا سمي واكل

تيم بدأ يأكل واتكلم بهدوء: تيماء

رفعت نظرها له: ايش

تيم: الحاجات اللي انتي عارفة لها مشتيش حدا يعرفها حتى الحادث ماحد عارف الا انتي واصحابي

تيماء: حاضر واصلا من عتكلم.. بس ما عتعمل

تيم بتفكير: اول اتباخر وبعدين ابدأ عملييي

تيماء بهمس: الله يستر...!!!

.
.


بعد ثلاثة ايام..
فوق سيارة كيان مروحين بعدما خطيوا للمستشفى وقف بسيارته بحوش الفيلا
وتيم نزل وخطي بالعكازة واتكلم: كيان بالجلسة اللي هانا اشتيك بموضوع

خطي كيان خلفه وجلسوا مقابل بعض: خير ماهو موضوعك

اخذ نفس عميق واتكلم: عادك بتفكر بغادة 

كيان باستغراب: ليش بتسأل

تيم: جاوب.. عادها ببالك

كيان بقهر: احيانا فقط اذكر واحس بغيظ وحقد تجاهها هي وابوها ليش

تيم بترقب: في واحد يشتي يخطبها

كيان بحده: من هو... وانت مادخلككك

تيم: رضا اخي كلمني قبل ايام انه يشتيها له

كيان بصدمه: رضاااا... رضا اخوووك ماغيرةةةة

تيم: ايوةة

كيان بقهر: ومن وين يعرفها وايش ضمنه انها توافق يمكن تفعل دراما ساع يوم انا

تيم بتوتر: اممم قال هو يحبها ومتأكد من موافقتها

كيان فز بعصبيه: ايووووا ذلحين اتضح لي كل شييي الهانم غادة رفضتني لانها عايشة قصة غراااام مع اخوووك المحترم وطاحت براااسي انا ووتين

تيم وقف بصعوبة واتكلم: كيان انسى وطز فيها قدك مزوج.. وزد ثنتين

كيان بعصبيه: انسىىى اللي فعلوووا بي هكذذا ببساطه

تيم بحده: تزوجت وماقد تميت الشهر وانتقمت وشليت حقككك ماعاد تشتي

كيان مسكه من ثوبه ومن بين اسنانه: ....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 58 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


كيان مسكه من ثوبه ومن بين اسنانه: ما انتقمت من حدااا انا انتقمت من نفسسسي بس ذلحيين انت عتبسر الانتقام على اصوله وارجع له بنت اخوه وماقد تمت الثلاثة الاشهر فك له وخطي

تيم بصوت عالي: كياااان لا تتهور واعقل لا تعمل حاجه غلطط عتوديك بستيين داااهيه.... كيااااان.... انتبه ترووح البيت وانت هكذا بعدين عتندم

طبق باب الفيلا الصغير بقوة وطلع سيارته واتجه لابيته وعروقه باينات من عصبيته..!!!

.
.


وتين كانت بترتب الصالة وهي مروقة ع الاخر لفت لفتحة الباب وبسرت كيان اللي كل معالم العصبية والحقد على وجهه

وتين بخوف: كيان خير مالك

طبق الباب بقوة واتقدم منها وشدها من شعرها وهو يقرب وجهه لوجهها ومن بين  اسنانه: كنننتي عااارفة من بتحببب ولا قلتتتي لي... كنتي عارفة ويوم سألتش قلتتتي مدري

وتين عرفت انه بيتكلم عن غاده حطت يداتها فوق يداته بألم: اااااه كيان فك وجعتني... مش انا عارفه وما كذبببت عليييك صدددقني

هزها بقوة وبصوت عالي: الا دااارية ولعبتي معاها ونفذتين خطتكن القذرررة هي تتزوووج باللي تحبببب وانتي تتزوجيني رجال كامل مكمل وما ينقصه شي من اللي عتررفضه قلتي فرصةةة وجت من ذهب

وتين بوجع: مابتقول و....

شد شعرها اكثر واتكلم: بنت عمش المحترمه خلتص عترتبط باللي كانت عتقتل نفسها عشانه على قولتش اذا ما كااان كذب.... وانا انضحككك عليا واستغفلتتت والسلااام ولا كأنه وقععع شي

وتين بكت بألم: انا ضحيةةة مثلك مابيدي شييي ما افععععل انا

فك شعرها وبصوت عالي: تلمي لداتش وتنقلعييي من بيتي وذلحييين يلااااا

حطت يداتها على راسها بألم وبصدمه وين تسير عمها ماعاد عيستقبلها بعد اخر موقف بينهم
اعطاها ظهره وهو يتهرب من نظراته وبحده: يلااااا بسرعه وعلى فكرررة... انتـــي طالــــــق

شهقت بصدمه اكبر وهي تحط يدها على فمها ودموعها بعيونها وهزت راسها بعشوائيه

كيان بدون ما يلتفت: باااركي لغادة على العرس وسلمي لي على عمش

وتين واقفه مكانها بصدمه ومش مصدقة اللي سمعت

شل تلفونه اللي رن ورد بابتسامه وهو يقوي نفسه ويلف لوتين: هلا قلبي وروووحي هلا حبيبتي

بشرى باستغراب: هلا قلبي كيفك

كيان زاح نظره عن عيون وتين اللي حس قلبه انخلع من منظرهن: مشتاااق لش يا قلب وروح كيااان

بشرى بفرحه: وانا اتصلت اعتذر لك واقول لك تجي تشلني

كيان: جايي اشلش من دون شي لان العيشة بدونش لا تطاق

بشرى: عتجهز لوما تجي

كيان: ثواني وانا عندش حبيبي سلمي على عمي وعمتي...غلق الخط ولف عن وتين واتكلم وهو خاطي: عترجع مع بشرى ومشتيش ابسرش هانا..غلق الباب ونزل الدرج وهو يشد شعره بقوة

طلع سيارته وطبق الباب بقوة وهو يرتزح للمقعد ويمسح وجهه بقهر رفع نفسه وضرب الدركسون بقوة: ما فعلتتتت يا كيييان ما فعلتتتت...كيف طلقتهااا كيف نطقت هذك الكلمةةة كيييف شغل السيارة واتوجه لابيت بشرى وعيون وتين ملان دموع قدام عيونه...!!!




جثت بوسط الصالة وهي منهاره وهمست بضعف: كلمني الصبح وهو بيضحك قبل ما يخرج...كان حنون معي لدرجه حسيت انه نسي كل شي علقني به فوق مانا متعلقةة...غطت وجهها وبكت بنحيب وهي مصدومه ومش عارفه وين تسير فزت بسرعه وهي تتذكر كلامه مع بشرى وانه عيديها دخلت غرفتها وفتحت شنطتها ولمت ملابسها وكل ادواتها لا بينها غلقتها وخطيت لبست العبايه ودموعها ما وقفين

سحبت الشنطه ووقفت بالباب بسرت الغرفة نظره اخيرة غلقتها وخرجت من البيت ووقفت في الشارع وهي محتارة وووين تسير مستحيل تخطى عند عمها وتذل نفسها له بعد الىي فعله معاها خاصة وهي مطلقه مسحت دموعها من تحت البرقع وردت الخنه على عيونها وخطيت بدون وجهه...!!!

.
.

دخل مع بشرى البيت وحس ببرودة قوية وهو يبسره خالي من حس وتين

بشرى: حبيبي مالك واقف

كيان لف لها واتكلم: تاعب عتدخل ارقد ومااشتي غداء لاتقوميني ولا تدخلي لاعندي.. خطي بدون ما ينتظر جوابها ودخل غرفته مع وتين بسر الطيقان مفتحات والستاير بيطاريين والغرفة فاضية من حاجه تخص وتين فتح الدواليب وبسرهن فاضيات الا من لداته

لف للتسريحه ومابسر ادواتها خلس الكوت وخطي ارتمى على السرير وهو بيحااارب شعووور الندم اللي داخلةةة..!!!

.
.


وقت الغداء..!!.
كلهم كانوا على الطاولة حتى تيم وتيماء
وهند كل شوية تبسر تيماء بنظرات تهديد وتيماء تبسرها برفعة حاجب وبرود

رضا اشر لتيم بعيونه
تيم فهم عليه واتكلم: احممم..ي جماعه

الكل لف له وهو كمل: معي موضوع حابب تسمعوه

محمد: خير

تيم لف لرضاء: كل خير،...رضا قرر يخطب

مها نطت بفرحه: اماااانه

هند بعصبية: تخطببب مش قلنا غلق على هذه السيرةة

ام تيم: بنت من هي

تيم وهو بيبسر هند بتحدي: بنت احمد الـ...... 

هند وقفت وبصدمه وعصبية: ...




📚 @rewayatyamania  🇾🇪

.

البـارت 59 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


هند بعصبية: تخطببب مش قلنا غلق على هذه السيرةة

ام تيم: بنت من هي

تيم وهو بيبسر هند بتحدي: بنت احمد الـ......

هند وقفت وبصدمه وعصبية: يحلممم والله ماخطب بهااا

رضا بقهر: اشتيهاااا مالش ومالها

محمد: هو اللي عيتزوج والا انتي هو حرر بحياااته

هند: ماحد له دخللل بولدي ولاتدخل لا انت ولا تيم

تيم بصووت عالي: لا شددخل وغصبآ عنششش وعن ابايب ابووووش احنا اخوووته الكبااار ولنا حق ندخل وانتي اللي تسكتي

تيماء بسرت رقية ببرود وكأنها  تعودت على صياح تيم وهند وعندها عادي..

هند بحده: الولد ولدددي وانا اللي اقرر من يتزوووج مش انت فاااهم

محمد بعصبية: الولددد رجااال وهو حر بحيااته وهو وحده اللي يحدد شريكة حياااته ولاحد يتدخل به

تيم: والليلةة عنسير نطلب يدها من الحج احمد ونحدد العرررس

هند لفت لرضا وبحده: بتسمممع ما بيقووول عتلحققق بعدهم عتخخخطي قولهم

رضا ببرود: انتي امي على عيني وراسي بس انا اشتيها ومستحيل اتزوج بغيرها سواء رضيتي او مع في الاخير هي حياتي... لف لتيم واتكلم... من عيخطى معانا

تيم: اتا ما عتقدر عيجي محمد وعتكلم مختار

محمد: خلاص بعد العشاء عنخطى

هند خطيت بقهر وهي بتسب وتلعن

رضا جلس وهو زاعل ومقهور

محمد حط يده على كتفه: دامك تشتي البنت توووكل وامك عترضى مع الايام....!!

@rewayatyamania المصدر الأول للروايات

الساعةة ٥:٠٠ العصر..!!!
دخل للمجلس بعدما تأكد من تيم ان ماعد حد عنده: سلام

تيم ونظره على وجهه المتهجم: وعليكم السلام

جلس على الموكيت بزهق وهو تمدد ويحط يده على عيونه والثانية تحت راسه

تيم باستغراب: عملت مصيبة صح تحاكى ماهي

كيان بصوت مخنوق: طلقت وتين

تيم بصدمه وبنفس الوقت كرار اللي كان داخلي: طلقتتتتت

تيم لف لكرار

وكيان رد: ايوة

جلس كرار واتكلم بصدمه: ليش.. يعني ايش وقع.. كيف

تيم بقهر: غبببي والله العظيييم ابسر حالتكككك انت بتنتقم من نفسككك لاغيرر والله ما بتنتقم من حدا الا لروووحك يا اهبل

كرار: مااستفدت ذلحين... ولاشييي مابلا تعذب نفسككك على الفاااضي

كيان مارد عليهم وهو جالس على وضعه

تيم بعصبية: مالك ما ترد... انت وافعالكك اللي تسووود الوجه اول شي تزوجت الثانية وقلنا يلاااا وذلحين طلقتها ماعاد بااااقي

كرار بترقب: يلا ابرد... على الاقل تتزوج واحد احسن منك و..

ما كمل كلامه الا وكيان فوقه وهو يلكمه على وجهه: ماحد عيتزووجها غيررري انا فاااهم وتيين حقيييي.. خلقت ليييي اناااا... لي انا يا نذذذل

كرار كتف يدات كيان وحاول يهديه: تمام اهدأ ذلحين.. ودامك تشتيها ليش طلقتها لييييش

فك نفسه وصيح بجنون: لاني غبببي دررريت لاني واحد اهبل انقلب كل شي ضددده وانتقم من نفسةةة

كرار حضنه بقوة وهمس: هونها وعتهووون محنه وتعدييي

شد عليه وهو يتذكر صدمة ونظرات التوسل بعيون وتين همس بحرقة: عذبتها زعلتها وحرقت لها قلبها 

تيم عض شفته بقهر وهو يرجع بجسده لاعرض المسند وماعاد تكلم تقديرا لوضع كيان

كرار بعده منه وابتسم: عتردها لعصمتك ومع الوقت عتسامحك

كيان بقهر: اكيد عتردها بس ما اعتقدش تسامحني...!!!

.
.


بعد مرور عدة اياااام...!!!!
واليوم حفلة خطوبة غادة طبعا امس كانت الخطوبة وخزنوا الرجال بيت ابوغادة.. بس اليوم حفلة النسوان

دخلت للمجلس قبل ما يخطين الخطوبة بطلب من تيم واتقدمت منه: ماودك

تيم بهدوء: تعالي اجلسييي

تيماء جلست جنبه واتكلمت بقهر: عيخطين علياااا وانت تقول اجلسي

تيم بقهر: ما عيطيرنش... اشتيش توصلي رسالة لوتين من كيان

تيماء بحده: ماعاد يتشتي منها... خلاص طلقها يتنهى بحقه بشرىىى يخليها بحالها

تيم تنهد بقهر: وانتي ما علييش واصلا انا غلطان لاني كلمتش انه طلقها

تيماء: ماهي رسالته هذه

تيم: قولي لها تفتح تلفونها يشتي يكلمها

تيماء بحده: ما يستحي على نفسه كيف يكلمها وقد طلقها

تيم بقلة صبر: عادددي ما فيهااا وبعدين قد رجعهااا لاعصمته ياقمر

تيماء بفرحه: امااانه رجعهااا

تيم: ثاني يوم ما طلقها المهم قولي لها تفتح تلفونها يشتي يكلمها

تيماء وقفت: طيب... مع السلامه...!!

.
.


دخلين مع بعض وخطيين سلمين عليها وكانت تيماء ومها اخر شي مدت يدها لها وهي حاقده عليها من كلام وتين وبدون نفس: مبرووك

غادة بفرحه: الله يبارك تسلمي

بسرتها بقهر وخطيت جلست جنب مها وبهمس: اين ام غاده

مها: اللي لابسه اسود

تيماء: وين وتين ماقد جت

مها: مدري غريب والله المفروض تكون اول واحده
وبعد ساعة وقفت تيماء وسألتها مها: وين

تيماء: لاهانا واجي

خطيت لاخارج المجلس وبسرت ام غادة واتقدمت لاعندها: سلام كيف حالش

ام غادة لفت لها: وعليكم السلام يابنتي الحمدلله

تيماء: كنت اشتي اسألش...


https://tttttt.me/+Ecxq_OzMYh40M2E0


📚 @rewayatyamania  🇾🇪

.

البـارت 60 ♤


أكاسيـر الشيطـان 😈

👌🏻👇🏻 😍
📚 @rewayatyamania  🇾🇪


خطيت لاخارج المجلس وبسرت ام غادة واتقدمت لاعندها: سلام كيف حالش

ام غادة لفت لها: وعليكم السلام يابنتي الحمدلله

تيماء: كنت اشتي اسألش وين وتين مابسرتها دخلت

ام غادة تغيرت صورتها: وتين.. مدري يا بنتي ماعد جت عندنا من لوما تزوجت

تيماء بصدمه: يعني مابحديه عندكمم ذلحين

ام غادة: قلت لش ماعاد بسرناها لنا خيرات.. خطيت

وتيماء واقفه مكانها مصدوومه وين سارت اذا ماجتش بيت عمها فركت جبينها بتوتر فتحت تلفونها اللي كان بيدها ورسلت لتيم... وتين مابحديه بيت عمها... تخيييل معي

ثواني ورد: مش وقت الهباله قلتي لها

تيماء ردت بقهر: بين احاكيك صدددق مابحديه عندهم وقالت عمتها ماقد بسروها من بعد عرسها..

ثواني ورن تلفونها باسم تيم ردته مشغول ورسلت: ما اقدر احاكيك انا بين النسوان كلم صاحبك يبسررر وين البنتتتت مدري او وقع فيها شي... قفلت تلفونها ودخلت للمجلس وهي منصدمه ان مابحد وتين هانا...!!

@rewayatyamania المصدر الأول للروايات

عند تيم بحوش الفلة منتظر لكيان يجي بعدما رسل له وهو متوتر دقايق ودخل كيان مستغرب: خير مالك

تيم وهو متوكي بالعكاز: مرتك

كيان بترقب: مالها

تيم: مابحديه بيت عمها ومرتي اكدت لي

كيان  ضحك بصدمه: بتتكلم من جدك يا تيم قول بغيرها

تيم بحده: مش وقت الضحككك بين احاكيك صدددق مرتك مش بيت عمها ولا دخلته

كيان بصدمه ممزوجه بخوف: تيم لا تجنني وين عتسير اذا ما سارت بيت عمها وين عاشت الايام اللي جزعتتت

تيم: هذا اللي عيجنني

كيان لف وخطي بسرعه مثل المجنون

تيم صيح: كيااان وين عتسيرررر كياااان رااااعي.. كيااااان..!!!
.
.

وصل كيان للشارع اللي فيه بيت عم وتين واتصل لعمها دقايق وبسره خارج لاعنده

حاول يهدي نفسه قبل ما يرتكب فيه جريمة ونزل من السيارة

ابوغادة: خير ماتشتي

كيان بحده: وين وديت وتين

ابوغاده باستغراب: وين وديتها... بتهيبل او كيييف

كيان بعصبية: قلت وين وديتها تحاكىىى لاتعصبننني اكثثثثر

ابوغاده بنفس العصبية: الجنننن... ما كلاممكككك هذا كيف وووين وديتهاااا وين بنت اخييي ما فعلت بها

كيان بسخرية: اهوه ذلحين قدها بنت اخووووك...

ابوغاده: ايش فعلت بها وين هي

كيان بحده: مادخلكككك انت... وقلي معاكم اهل مع وتين خالات او حدااا

ابوغاده: محد انا المتبقي الوحيد من اهلها

كيان بقهر: ونعم بككك... طلع سيارته وشخط بقوة وخطي خارج من الحارة

ابوغاده بسره باستغراب ورجع رحله....!!

@rewayatyamania المصدر الأول للروايات

بعد المغرب...!!!
روح للبيت.. دخل وارتمى على الكنبة بتعب وهو ماخلى بقعه الا ودور وتين فيها وللآن عقله مش مستوعب انها ما سارتش بيت عمها... لف للي فتح الباب ودخل وبسر بشرى اللي تفاجأت من وجوده: كيااان اي حين جيت

رفع يده وبسر ساعته واتكلم بعصبية: خاااارج البيت لاذلحييين لييييش وبأمر منن

بشرى: عادي كنت ببيتنا اجتمعت مع صاحباتي لي منهن خيرات

كيان ضرب الماسه اللي قدامه بقوة وبصوت عالي: المرةةة المحترمةةة لاخرجتتت قبل المغرررب وهي في البييييت

نكزت وهي تغمض عيونها بتوتر: مالك عتحلقها انا في بيتنا

وقف وكل عصبية العالم اجتمعين فوقه: حتىىى لو في بيتكككم ما تجلسيييي لاذلحيييين شوية ويأذن عشااااء يا محترمةةةة... قرب منها ورفع اصابيعه الثنتين... مرتين اللي سارتهن وتين بيتهم مرتين لاغير... والساعه خمس وهي وسططط البيت... وانتي الف مره تسيري وتجي بنفس الوقتتتت

بشرى بحده: وانا ما دخلني من وتين الزفت الك...
قاطعها وهو يضربها كف قوي

شهقت وهي تحط يدها على خدها وتبسره بصدمه: انا تضربني عشانها

كيان بجنون: واكسسسر راسش... وتين لا تذكريهاااا عمرها ماذكرتش ولا جابت سيرتش وانتي واصل وتين وتين.... واخر مره تروحي من الشارع هذا الوقت... يلا ادخلي غرفتش

بشرى بعصبيه: ومن قال عتدخل غرفتككك عتروووح بيتنا واخليهم يشلوا حقييي منك... شلت شنطتها اليد وخرجت من البيت بسرعه... وطبقت الباب خلفها

زفر بقوة وهو بيحاول يهدي نفسةةة.. خطي يتوضى ويصلي قبل يأذن عشاء وكل فكره وين ممكن تكون وتين....!!!

.
.

فيلا ابو تيم..!!!
لفت السجاده بعدما صلت وغيرت لداتها ونزلت لانازل واتفاجأت بيد تسحبها شهقت بخوف واتكلمت بعصبية: مااااالش

هند بحده: تيماااا... احذررررش اذا كنتي سمعتي حاجه من كلامييي وكلمتي تيييم

تيماء مثلت الغباء: اي كلاااام

هند: كلامي يوم كنتي خلففف الباب

تيماء: ما سمعت ولا كلمة وبعدين اذا كنتي تكلمي صاحبتش ليش عتقول لتيم يعني هههههههه

هند بعدم تصديق: اذا كنتي سمعتي ووصلتي لتيييم فاحسبي ايااامش معدودة... فكت لها وخطيت

تيماء تنهدت بقوة واتوجهت للمطبخ شلت عشاء تيم وخطيت للمجلس


https://tttttt.me/rewayatyamania/44785



📚 @rewayatyamania  🇾🇪

😈


بارتـات يومنـا السـبت👆🏻😍