البـارت 39 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


نزلت وشافت امينة في الدرج وشكلها مهمومة .
بتول قربت منها : مالكم يا عمة .. تاعبين او غاثيين

امينة شافتها بزعل : اولا الف مبروك عليكم قدرتوا تكشفوا قتلة امكم وابوكم .. الحمد لله فرحت لكم من قلبي

بتول بهدوء : الله يبارك فيكم .. بس ليش هكذا شكلكم زعلانين؟

امينة نزلت راسها : محمد مدري ماله ضابح وحزين وقال لي بكرة عننقل بيتنا الجديد ... شافقدكم قوووي والله اتعودت عليش وعلى كريمة

بتول حبت راسها : ولا لكم الا ما يرضيكم .. وخلوا محمد عليا

امينة شافتها وعيونها بتقول : ريت وتسبر حياتكم مع بعض

بتول ربتت على كتفها : الآن وقت صلاة المغرب والليل نتكلم


راحين يصلين وقرب عشاء بس محمد ما رضي يتعشى ..

كملت تاكل وطلعت وهي متوترة دقت على غرفة محمد بتردد ..

محمد بصوت واطي : اتفضلي

دخلت بتول واتقدمت منه وهو ممدد على السرير وملتفت للجهة الثانية ..

قالت بهدوء وتوتر : ممكن نتكلم شوية

محمد انتبه انه صوت بتول بس بقي على وضعيته: مش وقت .. تاعب

قامت بسرعة واتوجهت للباب وفتحته

فز من مكانه : هه بتول تعالي .. ايش كنتي تشتي؟

بتول لفت له بتوتر : ولا شي خلاص

محمد قام من سريره وتوجه لعندها وهي رجعت لورا بارتباك ... ثبت نظره عليها ... : تعالي كلميني ..

بتول بعدت عنه : بس كنت اشتي اتطمن عليك .. حسيتك اليوم زعلت مش عارفة ليش

محمد عقد حواجبه : لا لا ما زعلت ولا شي ... بالعكس فرحت لكم قوي ... انكم اكتشفتوا القاتل واللي حاول يسرق الشركة ..

بتول بغصة : الحمد لله على كل حال ..

محمد : مالش كأنش مش فارحة؟

بتول : مشاعر مختلطة ... فرحت ان القضية انحلت لكن انقهرت لما عرفت الخيانة وحسيت بطعنة في الظهر ..

محمد بحزن : اكيد كرهتي الناس كلهم وما عاد توثقي بحد

بتول شافته بتردد : الا ياسر ... وانت

محمد ابتسم لا شعوريا ورجع مسح الإبتسامة : وواثقة؟!

بتول ركزت عيونها بعيونه وابتسمت ابتسامة عريضة : كل الثقة

محمد دق قلبه بقوة واتوتر ومش عارف كيف يرد .. ابتسم : انتي زوجتي .. صح؟

بتول هزت راسها باستغراب

محمد : والعقد اللي عقدناه صحيح مية بالمية .. صح

بتول انحرجت وقربت من الباب : صح

محمد قرب منها قويييي : احبش والله احبش قوي

بتول ارتبكت وما قدرت تتحرك لأنه امامها .. غمضت عيونها بقوة

محمد باسها على راسها وبعد منها بفرحة ...

بتول فتحت عيونها ووجهها احمر احمر اححححمر طماطة وقلبها عيوقف 😅

محمد بنفس فرحته : اتجهزي هذا الأسبوع نروح بيتنا

بتول لفتت له واخذت نفس عميق خرجت من الغرفة ..

وفي نفسها : يوه يا ربي .. كيف حصل هذا .. كيف بروح بيته اكيد بتكون غرفتنا واحدة ... اكيد يا هبلا ايش هذا السؤال

...

محمد شاف خجلها وارتباكها واتأكد انها تحمل له مشاعر ... جلس مشخر نص ساعة وهو بيذكرها 😁


اليوم التالي ..

نزل ياسر بالبدلة الرسمية وجلس على المائدة ...

نزلت بعده بتول وهي بالبالطو والطرحة
شافته بإبتسامة : صبااااح الخييير

ياسر بادلها الإبتسامة : صباااح النور والعااااافية والسرووور ...

بتول بفرحة : ربي ما يحرمني من شوفتك هكذا ... سعيد وقوي .. يعني ياسر الذي اعرفه

نزل محمد بالبجامة وشافهم برفعة حاجب : ايش في ... مالكم لابسين من صباح الله انت وهي

شرغ ياسر في الأكل وسعل : مالك عادك بالبجامة يا اخضع ... اليوم نرجع نداوم في الشركة ودعينا كل الموظفين يرجعوا

محمد شاف لهم الأثنين وجلس ياكل : ايوة وانا اخر من يعلم يعني!!!!

بتول وهي بتشوف للأكل : طيب كمل اكل والبس والحق

محمد بكسل : شابسر

ياسر سكت شوية وبعدين ذكر وضربه في كتفه : ماهو الذي سمعته يا استاذ محمد؟

محمد بضبح : وانا ما دراني انت الذي سمعت والا انا؟

ياسر بهنجمة : قلك عتنقل انت وحرمك المصون بعد اسبوع!

محمد شاف بتول وابتسم : ايوة او عندك مانع الله لا قال

ياسر : مااااشي .. عاد السنة ما كملت وبعدا قد عرسي بعد العيد مباشرة

محمد ضحك : وانا ما دخلني ... اشتي اسير بيتي ابسره... اشتي أأثث البيت واجلس استقر فيه انا وامي ومرتي

ياسر مثل الزعل : وتخلوني هنا وحدي وتفلتيني يا بتووول

بتول لفت لمحمد بخجل : عاد باقي شهر لما تكمل السنة ... ورمضان قده بعد اسبوع .. نرمض هنا ونعيد ونعرس

محمد شاف ياسر لافت لبتول غمز لها : من العيون .. امر مديرتنا فوق راسنا😉

بتول حمرت وهربت عيونها من نظراته : تسلم

محمد لفت لياسر ورد له الضربة حق اول : ايوة ومن متى حددت العرس وخطبت وكملت ... وانا دائما اخر من يعلم

بتول عقدت حواجبها : صح يا ياسر ماقد خطبت اصلا .. مسرع قدك محدد لعرسك ..

ياسر ابتسم وعدل الكرفته ورفع حواجبه : قد كلمت عمي امس واستغليت الفرصة ..

بتول : ...











https://tttttt.me/joinchat/AAAAAEIz_KDfjDgo7Gaxwg









📚 @rewayatyamania 🇾🇪

البـارت 40 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول عقدت حواجبها : صح يا ياسر ماقد خطبت اصلا .. مسرع قدك محدد لعرسك ..

ياسر ابتسم وعدل الكرفته ورفع حواجبه : قد كلمت عمي امس واستغليت الفرصة ..

بتول : الله يقلعك .. الناس وين وانت وين ... كان خليت الموضوع شوية لما تهدأ الأمور .. عاد اخوها محبوس وشوية عيعدموه

ياسر بضبح : قد اتبرأ منه .. وهي تبرت من اخوها ... وزد انا قلت اخطبها منه عشان يتأكد ان نيتنا حسنة وما حملنا على عمنا في قلبنا... وبعدين وافق وهو مبتسم وهو اللي قال العرس بعد العيد

بتول باستغراب : هكذا من غير ما ياخذ رأي عصماء

ياسر ابتسم بثقة : ما عترفضنيييش عصماء .. اصلا اين تلقى مثلي .. في اخلاقي ووسامتي وحلاوتي وادبي ووو....

محمد بصياح : خلاااااص .. طلعت لي الغاثي ... انا اشهد انها ودفت المسكينة... وين عتلقى مثل لغاجتك وكراهتك وسماجتك

ياسر وبتول قرحوا ضحكة ....

ياسر شاف ساعته وفز من مكانه : يلللله هيااااا اتأخرنا

بتول قامت بعده ولبست البرقع بسرعة وطلعت السيارة جنب ياسر ..

ياسر مسك السكان وعقد حواجبه : قومي يا بتول سوقي انتي ... قد نسيت السواقة لي منها ثلاث سنين تقريبا


نزلوا وبدلوا اماكنهم وياسر بيتأمل لبتول وهي بتسوق ويتذكر كيف يفعل ... خرجوا من الحوش واتنهد ياسر بصوت مسموع ...

بتول بحزن : كم لك من الخرجة ياياسر .. كم قد لك ما عاد شفت الشارع او الشركة

ياسر بغصة : من يوووم الحادث

بتول : الله ينتقم اللي كان السبب ...


دقائق ووصلوا للشركة واتفاجؤوا بالموظفين كلهم منتظرين عند الباب ..
وقفوا امام الشركة وبدأ المبرع يبرع وبدأوا يزفوا ياسر ساع الحريو 😍

اتقدموا على واحد واحد يسلموا عليه بحرارة وحتى ادوا زفاف يزفه .. وناس من الشارع اتجمعوا يبسروا الزفة ...


وصل محمد وهو مستغرب ودخل من بين الزحمة وبسرهم بيبترعوا حول ياسر وبتول واقفة بعيد وهي محرجة من كثر الرجال ...

قرب منها وهمس لها : اطلعي طالع ...

بتول بهمس : ما بتبسر كيف الدرج ملان رجال

محمد شافهم كثير وعصب .. مسك يدها وهي سحبتها بدون شعور .. محمد بسرها بعصبية ورجع مسك يدها وشد عليها ومن بين اسنانه : تعالي معي وشاخليهم يفسحوا لش وتطلعي ...


سكتت ومشت بعده وهو بيبعدهم من طريقها وطلعها لفوق وشافت موظفات وتركت يده وسارت لعندهن وسلمت عليهن ورحبين بها
.

شافها محمد ولوح لها بيده ونزل


انتهت الزفة والضجة واتوجه كل واحد لمكتبه ..


بدأ ياسر يراجع أعمال الشركة مع بتول ويتأكدوا من سلامة كل شي ..

ياسر : رمضان باقي له اسبوع ...

بتول بانهماك : ايوة ..

ياسر : طيب مش معش سفرية تاريخها بكرة ... شوفي اللابتوب

بتول شهقت : ايوة ... بكرة .. كيف اسوي؟

ياسر بضبح : لازم تسافري بكرة

بتول بارتباك اخذت تلفونها : شاأجل السفرية ما قد حجزت حتى التذكرة

دقت الرقم واتصلت

ثواني ورد : ايوة ... معك شركة الإستيراد والتصدير ... ايوة صح بس نحتاج نأجل السفرية لبعد شهرين ... بس التذاكر ما انحجزت والظروف مش ملائمة .... طيب تذكرتين ... بكرة العصر .. قبل هكذا مستحيل ..

قفلت التلفون بضبح : لازم اسافر يعني لازم

ياسر بترقب : والتذاكر! !"

بتول بقلة حيلة : قالوا بيحجزوا لنا تذكرتين ... يعني قلت لهم ثنتين لي ولك

ياسر شافها بنظرات : ايوة ومن يبقى في الشركة ... لازم واحد مننا ما يترك الشركة

بتول اتكتفت : يعني .. ايش نفعل

ياسر ببرود : بسيطة .. انا ابقى هنا وانتي تسافري مع محمد

بتول بعصبية : بس ما ينفعش هكذا .. نسيت ان حضرة السكرتيرة مش موجودة

ياسر برفعة حاجب : وايش لازمة السكرتيرة قلت سافري انتي ومحمد يعني زوجش .. وهي ثلاثة ايام وتروحي

بتول باستسلام : ما معي غير هذا الحل

ياسر ربت على كتفها : يله سيري كلمي محمد وروحي البيت اتجهزي .... بكرة معكم سفر طويل الى مصر

بتول خرجت من عنده واتوجهت لمكتب محمد ودقت ..

محمد : اتفضل

بتول دخلت ووقفت امامه : انت فاضي لمدة اربعة ايام؟

محمد شافها باستغراب : لا ... معي اعمال للبيت حقي اشتي اتمها ضروري

بتول بهم : انت قلت كملت البيت .. وبقي الأثاث بس

محمد بتلقائية : طيب والأثاث يحتاج دوار وعمل وهرم ..

بتول بتفرك ايديها : طيب .. ضروري تفضي نفسك .. اجل الأثاث لبعدين

محمد بإهتمام : طيب ايش حصل؟

بتول تنهدت : معانا سفرية مهمة بكرة لمصر .. قد حجزت تذكرتين بس قال ياسر ما يقدر يجي ...

محمد فتح عيونه: بكككرة

بتول بتوتر : ايوة بكرة .. اصلا نسيت الموضوع بسبب اللي حصل ..

محمد بتفكير : كم عنبقى هناك

بتول : ثلاثة ايام

محمد : طيب تمام .. عشانش بس

بتول اتنفست براحة : طيب يله نروح نجهز امورنا

محمد لفت للأوراق اللي بين ايديه : ...














https://tttttt.me/rewayatyamania/44300







📚 @rewayatyamania 🇾🇪

🥀


بارتـات يومنـا الخميــس 👆🏻😍

البـارت 41 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول اتنفست براحة : طيب يله نروح نجهز امورنا

محمد لفت للأوراق اللي بين ايديه : طيب اكمل اللي بين يدي .. ساعة وانا في البيت

بتول جلست على الكنبة بتعب : طيب بنتظرك لما تخلص ونروح جمعة


رجع يخلص عمله وكل دقيقة يرفع نظره لها بحب وهي بتشتغل على تلفونها وتجري بعض الإتصالات

انتهى من عمله ولف اوراقه وتوجه لعندها وهي منهمكة في الإتصالات ..

وقف فوقها وابتسم ..

بتول : طييب تمام .. اكييد .. في امان الله مع السلامة ..

قفلت التلفون وقامت بسرعة ولفت لورا ودقت فيه ... ارتبكت وبعدت بسرعة : مالك واقف .. كملت عملك

محمد ابتسم لها : ايوة كملت

بتول غمضت عيونها بإحراج وقفت : يله تأخرنا ..

لحقها وركبوا السيارة وتوجهوا للبيت ..


اليوم التالي قبل العصر ..

محمد وبتول لابسين اداتهم ومجهزين اغراضهم واوراقهم وحاليا بيودعوا اللي في البيت

بتول حضنت ياسر : يله خاطرك .. انتبه على نفسك .. لا تجهد نفسك في الشغل ...

ياسر ضحك : سعم اني جاهل .. انتبهي انتي على نفسش وانتبهي تضيعي الصفقة .. انتي عارفة اهميتها بالنسبة للشركة

بتول ابتسمت : لا توصي حريص ..

اتقدم منه محمد بعد ما ودع امه : خاطرك .. تحتاج شي من مصر ..

ياسر : ايوة ادي معك هرم

محمد ضحك : من العيون .. ادي لك خوفو بكله

ياسر ضحك : لا خوفو ولا خفرع .. انتبه لبتول هي امانة عندك .. حضنه وهمس في اذنه : اعتبره اسبوع عسل

محمد ابتسم له بخبث : لا توصي حريص ..


راحوا للسيارة ووصلهم ياسر للمطار وبقي لحد ما اقلعت الطيارة ..

بتول عند الطاقة وبتتفرج بإنسجام ..

محمد متمسك في الكرسي وخايف من الطيارة لانه اول مرة يطلعها .. اول ما اقلعت سووووم وجا له غاثي ...😅

مسك على راسه وغمض عيونه بقوة ..

لفتت له بتول واتأملت له بخوف : مالك .. محمد .. انت بخير

محمد هز راسه بلا وهو مغمض ..

اخذت جريدة من امامها وهوته : اهدأ واتنفس .. هذا شي طبيعي ... شوية ويبعد الغاثي

محمد بعد دقايق بعد منه الغاثي والسومه بس جلس يمثل عليها انه تاعب .. عجبه اهتمامها ..

بتول باستغراب : عادك مدوخ!!!

محمد مسك يدها بقوة وبكذب: ايوة .. تاااعب

بتول توترت : يا ربي ايش اسوي .. حاولت تسحب يدها منه بهدوء بس هو ماااسك لها بقوة ...

محمد شافها بعين واحدة وهي متوترة ونظرها ليد محمد اللي ماسة له ... ورجع غمض عينه ..

شوية وفتح عيونه ولفت لها : خلاص الحمد لله بعد الغاثي

اتنفست براحة : الحمد لله .. شافت ليدها وحاولت تبعدها منه بدون ما يحس ..

لمحته وهو بيشوف لها بإبتسامة خبث ورجعت سحبت يدها بقوة ..

ضحك عليها ورجع يكلمها بريحمة : طيب امسكيني ... خايف يرجع الغاثي ..

بتول بتفرك ايديها ولفتت للطاقة بتوتر وفي نفسها : هذا وعاد احنا في الطيارة ما وصلنا .. كيف بيسوي واحنا لحالنا في بلاد ثانية .. الله يقلعك يا ياسر والورطة .. ايش كان عيحصل لو سافرت معي انت

محمد شافها متوترة وخايفة تركها لحالها ورجع راسه لورا وغمض في محاولة للنوم

..

وصلت الطائرة للمطار ونزلوا اخذوا اغراضهم وتوجهوا للي منتظرين لهم في المطار ...

......: السلام عليك ... ازيك يا أستازة بتول

بتول : الحمد لله بخير

مصطفى اشر بيده للمرة اللي واقفة وراه : ودي المدام رؤى .. مراتي

تقدمت منها وسلمت عليها : اتشرفنا بمعرفتك يا استازة

بتول ابتسمت من تحت البرقع : لنا الشرف

التفت مصطفى لمحمد وسلم عليه بإبتسامة مجاملة : عامل ايه .. اهلين وسهلين نورتونا والنبي

محمد ابتسم له بمجاملة ايضا : النور نوركم ..

مصطفى : ما تعرفناش عالأخ بلا مواخذة

بتول برسمية : هذا الأستاذ محمد المسؤول المالي للشركة

محمد انقهر وواصل كلامها : وطبعا انا زوجها

مصطفى ابتسم له : ااااااه اااااه .. اهلين والله شرفتنا ..


رؤى : اتفضلوا للسيارة دي ... جهزناها ليكم ... وطبعا الفندق من افخم الفنادق في البلد ... حجزنا لكم جناح انما ايييه .. توووحفة

بتول بامتنان : تسلموا .. الله يبارك فيكم ..

توجه محمد مع بتول للسيارة المخصصة لهم وطلع محمد في مكان السواق وهي جنبه بعد ما طلعوا الأغراض في الخانة

تحركت سيارة مصطفى وهم تحركوا بعدها لحد ما وصلوا للفندق نزلوا من السيارة ووقفوا امام فندق ضخم وراقي ...

جاء عامل الفندق واخذ الأغراض ودخلها للفندق ...


مصطفى نزل معهم لعند الحجز اللي في الفندق .وكلم الموظف : نحنا اللي حجزنا الجناح رقم 14 ..

الموظف بيبحث في الدفتر اللي امامه : الحجز بإسم مين

مصطفى : بإسم الأستازة بتول ..

الموظف لفت لبتول ومحمد : لو سمحتوا هوياتكم






















📚 @rewayatyamania 🇾🇪

البـارت 42 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


الموظف لفت لبتول ومحمد : لو سمحتوا هوياتكم

مكنوه الهويات وجواز السفر .. اتأكد منهم وناولهم المفتاح : نتمنى لكم قضاء اوقات سعيدة

مصطفى ابتسم لهم : يعني انا استأزن اكيد تعبانين من السفر .. وبالنسبة للشغل هنبدأه من بكرة ان شاء الله .. وعنوان الشركة بتاعتنا اهوه عالكرت اللي معاكي

بتول بمجاملة : تسلموا .. شكرا


طلعوا للجناح وبعدهم العامل اللي دخل الأغراض للجناح وخرج .. محمد قفل بعده وارتزح للباب وهو بيتأمل التصميم الفخم للفندق .. وباين عليه غالي .. من الديكور والأثاث وكل شي ..

* الجناح كان عبارة عن غرفة نوم كبيرة وجنبها صالة مفروشة كنب وفيها حمام*

دخلت بتول للغرفة ومعاها الأغراض وبعدت البرقع وحطت الشنطة وجلست بتعب على الكنبة الطويلة اللي في غرفة النوم

دخل محمد بعدها وخلس الجاكت وعلقه في الشماعة وفتح شنطته واخذ منشفته وملابس ولفت لبتول : قده وقت اذان العشاء .. شاسير اتحمم واتوضى واصلي

بتول رفعت نفسها من الكنبة : طيب وانا بعدك

ابتسم لها ودخل الحمام اخذ دوش وخرج وبيده منشفة صغيرة بينشف بها شعره ..: هيا بتول كملت

دخلت بتول للحمام بدون اي كلمة

شافها بضبح : ما عبرتني ولا كأني موجود ... يارب صبرني على خجلها الزايد هذا ... ابتسم : بس حلو


فرش السجادة في الصالة وبدأ يصلي .. كمل المغرب والسنة ورجع لفوق الكنبة وفتح المصحف ...


خرجت بتول من الحمام وهي بروب الصلاة ودخلت الغرفة ..

كمل يقرأ ورجع كمل صلاته وبدل ملابسه ودخل للغرفة ..

اندهش من شكلها .. واقفة امام المراية بتنشف شعرها بالسشوار وشعرها واصل لعند ركبتها ...

شافته في المراية وارتبكت بس ما حبت تبين ..

واصلت تنشف شعرها وهو جلس على الكنبة الطويلة وعينه عليها ..

حست بخجل من نظراته طفت السشوار واخذت المشط بسرعة وبتمشطه بصعوبة حينه طويل

محمد قام بهدوء واخذ المشط منها ومسك شعرها ومشطه : ما شاء الله شعرش طويل وناعم ..

بتول اتصنمت مكانها وقالت بصعوبة : تسلم .. بس عادي انا بمشطه

محمد ابتسم : لا خليني انا عاجب لي ..
حس بتوترها وخجلها : حاولي تتواضعي وتعبرينا شوية

بتول شافته باستغراب : ليش ايش قلت؟

محمد : لا بس حسيتش مش مرتاحة

بتول نزلت راسها : لا مش هكذا .. بس تاعبة شوية من السفر

كمل مشط شعرها ولفه وحط عليه المساكة ..

بتول قامت : شكرا تعبتك ..

محمد مسكها من يدها ومشاها معه وجلسها على الكنبة وجلس جنبها

مسك دقنها ورفع وجهها لعنده وشاف في عيونها : اتطمني ولا تخافي .. صدقيني ما بعمل حاجة الا برضاش ..

بتول فهمت قصده وابتسمت بالخفيف

محمد ترك وجهها وارتكى للكنبة : كم مرات جيتي مصر؟

بتول تنهدت بحزن : جيت مرتين مع ابي وامي وياسر وهذه المرة الثالثة

محمد بحزن : رحمة الله تغشاهم

بتول : وانت كيف حسيت مصر .. عجبتك؟

محمد : بصراحة جوها حلو والمباني ضخمة بس حسيت الناس فيها كثيرين مجاملة .. يعني مجاملات كذابة

بتول ابتسمت : حسيتك ما ارتحت لمصطفى بس ما ينفعش تعم الناس كلهم .. هي عادة علاقات العمل بتكون بهذا الشكل .. لا تفكر انهم حجزوا لنا هذا الفندق وهذك السيارة عشان سواد عيوننا هم اصحاب الشركات بيتخذوا هذه الأساليب عشان يكسبوا الطرف الثاني ويحولوا مجرى الصفقات والتعاقدات لصالحهم ...

محمد : يعني باختصار يضحكوا على عقل الطرف الثاني

بتول : بالضبط بس لازم يكون الواحد عررف بأساليبهم عشان ما يخرج بأقل من ما كان يشتي

محمد بإعجاب : على من يضحكوا .. على من .. هذه بتول مش حي الله

بتول ضحكت : اكيييد

مسك خدودها : ربي ما يحرمني هذه الضحكة ... ضحكتش حلللوة وتغسل القلب

بتول نزلت عيونها : دايما كان يقل لي هكذا

محمد بغيرة ترك خدودها : من هو؟

بتول لاحظت غيرته : واحد احبه واموت فيه

محمد شافها بنظرااات: يعنييي

بتول ابتسمت: ابي الله يرحمه كان دايما يقول هكذا ..

محمد اتنفس براحة : قولي هكذا من البداية

بتول بتغير الموضوع : انت ما قد حكيت لي عن حياتك او عن ابوك المرحوم

محمد تنهد : ابييي الله يرحمه كان كل وقته عمل وشغل عشان يوفر لنا لقمة العيش انا وامي ... وفي يوم من الأيام حصلت له أزمة قلبية .. اسعفناه لأقرب مستشفى لكن للأسف ما قبلوه لأن ما كان معانا حق العملية .. اخذناه للمستشفى الثاني والثالث بس نفس الخبر .. ولأنها ازمة ما كان لازم يتحرك كثير ولازم يتصرفوا بسرعة .. مات ابي الله يرحمه وما حد قبل يسعفه .. وما كان معه اخوة بس معه اخت واحدة .. دعينا زوجها وقام بواجب العزاء والدفن ورجعت انا وامي للبيت وما معانا احد ...

كان فراااغ كببيبر ما احد قدر يمليه .. اضطريت اشتغل انا بدل ابي وعمري عشر سنين عشان اصرف على نفسي وعلى امي


بتول نزلت دموعها واتأثرت لانها حست بشعور فقدان الأب شافت له :...





















📚 @rewayatyamania 🇾🇪

البـارت 43 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول نزلت دموعها واتأثرت لانها حست بشعور فقدان الأب شافت له : لعنة الله على الطمع والطماعين

محمد رفع يده ومسح دموعها : امرهم الى الله ..

بتول بحزن : بالفعل فراغ الأب ما يمليه احد ... وفراغ الأم ألمه مررر لابعد حد

محمد زعل عليها وضمها لصدره : وعد اكون لش الأب والأم والزوج وكل شي تحتاجيه

بتول نزلت دموعها وشدت عليه : ربي ما يحرمني منك ..

محمد ابتسم من بين حزنه : ولا يحرمني منش يا حياتي كلها

بتول قامت من حضنه ومسحت دموعها وشافته بإبتسامة : جاوع؟

محمد رفع حواجبه : قوي ..

بتول راحت لعند التلفون : طيب باطلب اكل .. ايش تشتي

محمد : امممم... فاصوليا ناشفة

بتول ضحكت : سعم ان احنا في الشيباني .. اقول لك .. معاهم بيتزا حلوة .. باطلبها بالجبن لاني ما اركن على الحاجات اللي فيهن لحم ..

محمد بيأس : مع اني كنت خاور فاصوليا لكن خيرة الله .. بعدش

طلبت العشاء وجاء بعد دقايق ..

حطته بتول على الماسة وكان عبارة عن بيتزا وكأسين عصير فيمتو بالحليب : يله استاذ محمد

محمد خرج من الغرفة وقال بضبح : اعتقد تقدري تداعيني محمد .. هكذا حاف لان الرجال ومرته ما بينهم هذه الأشياء

بتول ابتسمت : طيب من العيون

محمد تكتف : طيب قولي يا محمد تعال اتعشى

بتول بإحراج : يا محمد تعال اتعشى ان شاء الله يعجبك

محمد ضحك : ايوة هكذا يعجبني ..

جلسوا يتعشوا وهم جاوعين وتاعبين ..

كملت بتول واخذت التلفون واتصلت لياسر ..


ياسر : يا هلا يا هلا ..

بتول ابتسمت : حياااك .. كيف الحال .. كيف البيت من غيري

ياسر : الله البيت يجنن من غيرش انتي ومحمد امانة انه قوة

بتول بثقة : والصدق الصدق

ياسر ضحك : والله البيت ظلام من دونكم .. حتى ما احد خور يتعشى ..

بتول تشتي تردها له : اما احنا تعشينا عشاء ضخخخم ..

ياسر بزعل : ادي محمد اشتي احاكيه اسندفه

بتول ناولت محمد التلفون : خذ ياسر يشتي يكلمك

محمد اخذ التلفون ومغط اللقمة بسرعة وشرب عصير : ايوة ايوة

ياسر : عامل ايه يا محمد .. كويس ..

محمد : اه والله كويس أوي .. خصوصا حين ارتاح من صورتك

ياسر ضحك : انت بالأول اتكلم عدل عشان تبأى تتفلسف يا نظر

محمد : انا شكلي هجيب معايا هرم احطه فوء دماغك وأفركشهولك

ياسر : الله أكبر عليك على وجهك على اللي يكلمك على الساعة اللي شفتك فيها ... ادي لي اختي احاكيها زي الخلق

محمد ضحك : متزعلش يا اخويا .. هجيب لك نهر النيل باتنين جنيه

ياسر قفل بوجهه وهو قرح ضحكة وشاف بتول وهي بتضحك وغمز لها : خلي لي هذه الضحكة

بتول انحرجت : خلاص قوم نام اكيد قدك تاعب

محمد : وانتي هيا قومي نامي

بتول : اسبقني .. انا عاد معي عمل

محمد قام : براحتش ..

شافته دخل واخذت المصحف وجلست تقرأ وردها ...

كملت وحبت المصحف وقامت .. فتحت باب الغرفة بهدوء وشافت محمد نايم على الكنبة .. تنهدت وقربت منه وجلست تتبسر وجهه ... ابتسمت وهي بتتذكر كلامه وحركاته ..
تركته وراحت اتمددت على السرير ونامت ..


قبل الفجر ..

قام محمد كعادته ووزع نظره على الغرفة وما شاف بتول : معقول ما دخلت تنام في الغرفة.

اتأمل للسرير وفوقه ملاية واستغرب .. اخذ سجادته وخرج .. شافها على سجادتها ورافعة ايديها بتدعي ودموعها على خدودها ...
حتى انها ما انتبهت على وجوده ..

بتول في نفسها : يااارب .. يا كريم يا عظيم .. لك الحمد يا الله على كل حال .. اعطيتني ما أعطيت واخذت ما هو لك .. يااارب لا تجعلني اندم على تعلقي بمحمد .. لا تكسر قلبي به .. فقدت حنان الأب وحنان الأم .. وحملت الهم وتجرعت الخيانة بمرارتها ... فيااا رب ... ارحمني وارحم قلبي ... وإلا فخذ روحي من جسدي ... خذني الى جوارك يااارب .. لم اعد ارغب في شيء في هذه الدنيا ..


نكزت على غلقة باب الحمام وفتحت عيونها ... شافت الباب وعرفت انه محمد قام وخافت لا يكون شاف دموعها ... مسحتهن ومسكت المسبحة وبدأت تستغفر


خرج من الحمام وفرش سجادته جنبها وجلس عليها ومسك مسبحته وبدأ يستغفر معاها بصوت مسموع .. لمحته ورفعت صوتها بالإسغفار .. ووقتها حلت سكينة وروحانية عجيبة عليهم .. كل واحد منهم لأول مرة يحس بهذا الإحساس


قاطعهم أذان الفجر.

محمد لفت لها : ما رأيش نصلي جماعة

بتول ابتسمت : طيب

كملوا يصلوا ورجعوا يسبحوا بصوت مسموع .. والروحانية كانت عظيييمة في هذك الوقت .. ارتباط بالله بشكل وثيق .. والتقوا الإثنين في هذا الموعد المقدس مع الله ..


قام محمد ولفت لبتول بإبتسامة : قومي البسي

بتول باستغراب : ليش

محمد : ما اجمل من الخرجة هذا الوقت مع روح الروح .. خلينا نروح لعند النيل

بتول ابتسمت بفرحة ووقفت : ثواني واجهز

محمد كمان راح يبدل ملابسه وشافها جهزت قرب منها ومسك يدها بحب ونزلوا للسيارة ..















https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 44 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


طلع محمد يسوق وبتول جنبه .. الجو في بداااااية الشروق والشوارع فاضية تقريبا ..

نزلوا على جسر فوق النهر ووقفوا جنب بعض ونظرهم للنهر مع السماء .. الجو خياااال 😍

بتول بهمس : اسمك زي اسم ابي .. وروحك مثله وطيبتك تشبهه

محمد حط يده حول ظهرها بهدوء : الله يقدرني اني اعوضش عن كل شيء

حطت راسها على صدره والغصة خانقتها : بين اسمع قلبك ... بوضوح .. قال لي بكل شي

مسك يدها وحطها على قلبه : اول من دق لها قلبي انتي

بتول انحرجت وسكتت ...

شوية قالت بهدوء : محمد

محمد ابتسم : عيونه.

بتول بعدت من حضنه : اشتي اكلمك بموضوع بس .. خايفة من ردة فعلك

محمد عقد حواجبه : يعني سر جديد من اسرارش

بتول نزلت راسها : ايوة بس يمكن يكون صعب عليك مثل ماهو صعب عليا ..

محمد : تكلمي وانا اسمعش

بتول : بعد ما مات ابي وامي بشهر ... عاصم جاء للبيت وانا وحدي .. بدأت تبكي : طلب مني اتزوجه واقبل به .. انا رفضت وقتها لأني كنت حزينة .. بعدها هددني اذا ما قبلت انه عياخذ اللي يشتيه بالغصب ...

محمد حمر وجهه : وبعدها .. ايش عمل الخسيس

بتول : رفضته وحاولت اهرب منه بس مسكني بقوة وصحت بأعلى صوت .. وبعدها .. ضربني على راسي بقوة لما فقدت وعيي ..

محمد العرق بيتصبب منه وهو في قمة غضبه : بتووول اتكلمي ايش حصل

بتول انفجرت بكاء : مش عارفه .. قمت وانا فوق سريري وخالة كريمة جنبي ... قالت انه شافها وهرب بس كان يجلس بعدها يهددني لو اكلم اي حد

محمد حاول يهدئ نفسه : يعني ما حصل شي

بتول مسكت راسها وتنهدت : مش متأكدة

محمد رفع يده ومسح دموعها : لا تخافي .. انا جنبش وما احد عيتعرض لش ولو بكلمة ... بس هذك التافه لابد ما يعدم وتنتهي القصة ..

اخذت صحة الماء وغسلت وجهها : انا كلمتك بهذا الشي لأنه بقي غصة في حلقي ... وعشان تعرف ليش انا من البداية كنت اتحاشاك واخاف منك ... الحادثة اثرت عليا بقوة

محمد اتنهد بقهر : اشكرش يا بتول انش وثقتي فيني وكلمتيني بهذا الموضوع .. واي شي في قلبش كلميني به بدون تردد ...

بتول شافت لتحت : آسفه اني نكدت عليك

مسك وجهها ورفعه له : انسي كل شي ... يله عازمش على مطعم .. قدش جاوعة .. صح

بتول حضنته بقوة : أحبــــــــكـــ

محمد اتصنم مكانه وابتسم بقوة ..

بعدت من حضنه وانحرجت من نفسها وسبقته بسرعة للسيارة ..

اتنفس بفرحة ولحقها وركب السيارة ... شغلها واتحرك .. ولفت لبتول اللي باين عليها الإحراج وبتشوف للشباك .

محمد بإبتسامة عريضة : اخيييرا قلتيها .. اخيرا اعترفتي

بتول لفت له وابتسمت من تحت البرقع ورجعت لفتت للجهة الثانية

محمد وصل للمطعم ولفت لها : على فكرة .. العرس الأول ما حسيت به ..اعتبري يوم عرس ياسر يوم عرسنا .. اتفقنا؟!

بتول بإحراج وفرحة : اتفقنا


نزلوا للمطعم وطلبوا فطور خفيف وقهوة عربية ...

محمد : الساعة كم الٳجتماع ؟

بتول شافت ساعتها : بعد ساعتين .. يعني الساعة عشر

محمد : اوه عاده بحين ما توقعت.. صدق من قال .. قومة البحين تنصرك دنيا ودييييين

بتول : احسن شي واحد ينظم وقته ويقوم بحين

محمد بجدية : وبالنسبة للصفقة .. كم لازم تكون نسبة الٲرباح لهم ولنا

بتول : لازم ما تتعدى نسبتهم 35% وٳلا نترك الصفقة اسلم لنا

محمد : بس مش قليلة!!!؟

بتول : لا مش قليلة ابدا ... احسبها انت .. تكلفة النقل على تكلفة البضائع والتراخيص ... هم فقط يستلموا البضاعة ويوزعوها على التجار ...

محمد بتفكير : بالفعل ... بس ما ٲعتقد يقبلوا هكذا

بتول : عيقبلوا..وما معهم الا هكذا والا فٳحنا في غنى عن الصفقة كلها

محمد بتٲييد : صح .. نرجع فاضين ولا نرجع بخسارة

.......

في الٳجتماع ..

جلست بتول على رٲس الطاولة وعلى يمينها محمد ... مقابلها على الراس الثاني للطاولة مدير الشركة اللي حتتم معاهم الصفقة واسمه قيس ... وعلى يمينه مصطفى وعلى يساره رؤى زوجة مصطفى


فتح محمد اللابتوب وكذلك مصطفى .. وبدٲوا الٳجتماع بالبنود اللازمة للصفقة والٳتفاق على كيفية النقل وكمية البضائع .. واتفقوا على كل شي ..

قيس : ودلوقتي بعد ما اترتبت امورنا جه وقت النسبة المئوية لٲرباحنا وارباحكو

بتول بثقة : ارباحكم تكون 15 %

لمحها محمد باستغراب ورجع يشوف اللابتوب

قيس بٳبتسامة مجاملة : لٲ لٲ كده مش حنتفق ... ارباحنا ما تقلش عن 50% .. والا ايه .. ابوكي المرحوم كان ارحم منك يا استازة

بتول بمجاملة : هذا شغل يا استاذ قيس .. ولا تنسى ان اتفاقنا على اساس ان النقل والترخيص يكون علينا وهكذا بيكون نسبة ارباحنا قليلة ..

قيس بدٲ يقلق ..






















📚 @rewayatyamania 🇾🇪

البـارت 45 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


قيس بدٲ يقلق .. كان مفكر نفسه بيقدر يضحك على بتول بسهولة لٲنها صغيرة وما عندها خبرة رجع ابتسم : ده ابوكي المرحوم كان حنييين اوي وقلبه طيب اد الدنيا .. الله يرحمه .. دا انا زعلت اوي على خبر موته .. طب ما تقولي هخفض نسبتنا عشانك لـ 45% اكيد كده حنتفق

بتول بسياسة : المرحوم ابي كان يذكركم دائما بالخير ... كان يقول شركات مصر وخصوصا شركتكم ناجحة جدا والذي يتعامل معاهم ما يندم .. وعشانكم حرفع النسبة لـ 20%

قيس دق على الماسة : لٲ مش حنقبل .. 45% آخر كلام ومش حنتراجع

بتول وقفت : متٲسفة جدا يا ٲستاذ .. هكذا بنخرج بخسارة ما تتحملها شركتنا

محمد سعم بيهدئ بتول : خلاص يا مديرة .. نرفعها لـ23% عشان ما تنتهي الصفقة وتخسر الشركتين

بتول بتمثيل : ما ينفعش يا استاذ محمد افهمني ..

محمد شاف لعند قيس : خلاص هذه المرة عشاني.. وعشان الشركة

قيس بيفور غضب بس يحاول يهدئ نفسه : انا موافق على النسبة اللي فرضها الٲستاز محمد ... بس مع دفع رسوم تراخيص ميناء مصر .. يعني تكون عليكم

بتول بسخرية : وايش بيكون عملكم بعدها .. تصفقوا للسفينة لما توصل

قيس قام بغضب ودق على الطاولة : مصطفى ... المدام بتول مش عايزة تتفاهم .. اتكلم لي مع شركة تانية اعرف اتفاهم معاها

بتول قامت بهدوء : اذا لقيتوا شركة تتعامل معاكم بهذه النسبة ارجعوا افعلوا لي رنة


خرجت من صالة الٳجتماع بدون ما توقف لمناداة رؤى ..

لحقتها رؤى بسرعة : مدام بتول اتمنى تسمعيني شوية ..

بتول لفتت لها بدون ما تتكلم ..

رؤى بمجاملة : يا حببتي ما ينفعش كده .. انتي لسه صغيرة ومش عارفة الشركات بتتفاهم ازاي ... لازم تاخدي وتدي يا قمرة .. يعني لو توافقي على النسبة اللي جابها الٲستاز قيس مش احسن ..

بتول : لا مش احسن

رؤى ضحكت وبتتكلم كٲنها بتكلم طفلة : انتي حلوة اوي ... وخلاص عشان عينيك الحلوين انا هحاول اخلي الاستاذ ينزل النسبة لــ 40 % .. ااااه اي رٲيك اااه

بتول ابتسمت بمجاملة : تسلمي لي يا حلوة ... بس كلامي قلته واذا حتتفقوا ممكن ارفع النسبة الى 30% اقصى حد ... وطبعا بدون رسوم الميناء

مشت بتول ومحمد بعدها بدون ما يسمعوا منها رد ...

.........

في مكتب قيس

مصطفى بانفعال : ليه كده يا باشا ... ٳنت كده ضيعت الصفقة كلها .. وطبعا انت عارف ان النسبة اللي حطيتها مش معقولة

قيس بغرور : هي لسة مش عارفة حاجة... وهي مضطرة تعمل الٳتفاق معانا ومش هترجع بلدها غير لما ناخد اللي احنا عايزينه

رجعت رؤى لعندهم بخيبة : ما قبلتش حتى 40% ... قالت 30% اقصى حد وطبعا مش هيشمل رسوم الميناء ..

مصطفى بضبح : دي راسها يابس ٲوي

قيس بخبث : انا هوريها مين هو قيس ... دي طلعت عارفة تشتغل ازاي

مصطفى بترقب : انت هتعمل ايه

قيس بٳبتسامة : ٳنت استنى وبس


..

محمد باستغراب : مش كنا ناوين نتفق على 35% ... قد عرضوا 40% كان ممكن نتفاوض ونوصلها للحد الٲقصى

بتول : ما عجبوني

محمد بشبه عصبية : مش هكذا التعامل .. يعجبوش او ما يعجبوش ... هذه تجارة مش صحبة.

بتول بهدوء : خلينا نوصل الفندق وبفهمك

محمد سكت بغيظ وواصل سواقة ...


بعد دقائق وصلوا للفندق وبدلوا ملابسهم وجلسوا على الكنب ..

محمد بقلة صبر : يله وصلنا ..

بتول اخذت نفس : هم مستقلين بشركتنا من زمان .. وقد نصبوا على ٲبي في صفقات واتفاقات سابقة بطرق ملتوية ... ولما شافوني انا كانوا ناوين يقشطونا قشط.. على ٲساس ان انا صغيرة وما عندي تجربة زي ما قالت رؤى

محمد : شوفي كيف انتي آخذة الموضوع بشكل شخصي .. استفزوش بكلامهم وانتي عتضيعي اهم خطوة للشركة

بتول بهدو۽ : ابدا ... انا شخصيا ما عندي حقد عليهم ... بس هذه اساليب الشركات .. بيحاولوا ياخذوا اكبر قدر من الربح وما همهم مصالح الطرف الآخر .. وبٲسلوبهم هذا ما عنقدر نتفق معاهم ولو تم الٳتفاق لابد ما نندم في الٲخير

محمد بسخرية : مش انتي الا كريمة .. حتى ما قبلتي تتفقي على الحد الٲقصى

بتول حطت رجل على رجل : وهذا هو الٲساس .. هذه الٲموال لها ناس احق بها من هذه الشركات اللي همها الربح وبسسس حتى على حساب المواطن .. انا بعد ما عرفت اساليبهم اللي اتخذوها مع ٲبي بحثت عن معلومات الشركة ورٲي الناس فيها ..

محمد : وايش استفدتي؟!

بتول : عرفت انهم شركة محتكرة وتختلق الٲزمات الٳقتصادية وكل همها جمع اكبر قدر من الٲرباح ...

محمد : هكذا الشركات دائما وهي تجارة مش جمالة والتجارة هي بالمال

بتول ابتسمت : لا هنا يٲتي دور الكرم .. واهم شيء الذكاء في الكرم .. يعني بدل ما تتكيرم على شركة .. اعطي كرمك للمستهلكين انفسهم حاول تسهل لهم الوصول للسلعة .. وبهذه الطريقة تكسب ثقتهم ودعمهم لك ..

محمد ابتسم برفعة حاجب: وهذا الذي يسموه ذكاء في الكرم

بتول : ...











https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 46 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


محمد ابتسم برفعة حاجب: وهذا الذي يسموه ذكاء في الكرم

بتول : حتى من الجانب الٲخلاقي والٳنساني .. عندي اني ادفع هذه الٲموال للمحتاجين لها والمستحقين ولا اني ادي نصها عشان اتجمل في شركة نصابة ومحتكرة او اكسب صفقة معينة

محمد اقتنع بكلامها وقال بحسرة : يعني سفرتنا هذه بدون فايدة .. عنرجع بخفي حنين

بتول بٳبتسامة : مش انت قلت نرجع فاضين ولا نرجع بخسارة

محمد اتنهد : خيرة الله .. بس تشتي الصدق .. كان قد شاخنق هذا قيس التافه .. ..وبمسخرة : ابوكي المرحوم .. يا مدام بتول .. كان ابوكي حنين ...
سعم انه جايي يفقس معارف

بتول ببرود : هذا اسلوب من ٲساليبهم اللي بيكسببوا به الٲمور لصالحهم .. على اساس يحرجوك بمجاملاتهم .. وبالفعل ما نصبوا على ابي الا بهذه المعارف

محمد بقرف : تافه وساااامج

بتول ابتسمت من غيرته : بس ذكي

محمد بضبح : ايش من ذكي .. والله انه اغبى واحد ما انا عارف كيف طلعوه مدير شركة .. لو بدل راسه تنجرة انها اخرج

بتول ضحكت ومسكت فمها

محمد قام بضيق : وليش الضحكة يعني ..

بتول شافته بٳبتسامة خبث : وليش متضايق؟

محمد : مدرررررري ..

بتول وففت وقربت منه : محمد .. انا حبيت غيرتك .. وهذا دليل واضح على حبك لي وانا احترمك واحترم غيرتك .. بل ان الذي ما يغار على محارمه ما اعتبره رجال ... بس

محمد بضيق : بس ايش يا بتول .. انا ما اقدر اتحمل الرجال اللي بيكلموش وخصوصا لما يجاملوا او يتسيمجوا

بتول : وانا ايضا اتضايق منهم واكرههم .. بس هكذا ظروف عملي ولازم اتعامل مع الكل تافهين او غيرهم مضطرة .. لذلك حاول تتعود .. عشاني

محمد اتنهد : صح انها صعبة عليا بس يشهد الله انش اصيلة ومحترمة .. وما بتتركي مجال لٲحد يقل ادبه او يتمادى معش وهذا اللي بيطمني ..

بتول ابتسمت بتعب : اي شي ممكن نضحي به ٳلا اخلاقنا ومبادئنا

محمد ابتسم لها بحب : وهذا اكثر شي حبيته فيش

بتول ابتسمت بٳحراج ونزلت راسها ... فيما قاطعها اتصال ..

ابتسمت لما شافته من ياسر .. فتحت الخط : يا اهليييين ومرحبا بياسر

ياسر بدون نفس: صباح الخير

بتول : قده ظهر يا استاذ

ياسر بضبح : بتول انتي ايش قصدش انش بتفعلي ... تشتي تدمري كل ما بناه ابي وتعبنا فيه كلنا

بتول اختفت ابتسامتها : مالك يا ياسر .. ايش حصل؟!

ياسر بعصبية : كيف تخربي الٳتفاقية مع الشركة المصرية .. اتصل لي الاستاذ قيس وكلمني بكل شي .. احنا رحنا نتفق والا نتكارح .. اعقلي يا بتووول وتمي الاتفاق معه

بتول اتنفست عشان تهدئ نفسها : اسمعني يا ياسر هم متعنتين ويشتوا ينصبوا علينا .. يشتوا نسبة 50% من الٲرباح وبيا شاهدين اشهدوا نزلوها لـ 40% ...

ياسر قاطعها : قاااال انه نزل الى 23%

بتول رفعت صوتها : هذا كذااااب .. قال 23% وتكون علينا ضرائب مصر فوقها .. يعني خسارة يا ياسر خسارة ...وبعدين انا اخر كلام قلت لهم 30% بس بدون الضرائب حق الميناء

ياسر بعصبية : بتول اسمعيني اخر كلام ... اتفقي مع قيس على الشروط اللي حطها هو وبدون نقاش .. شوعة منه الرجال كان صاحب ابي

بتول بعصبية : لا يا ياسر هذا محتكر وطماع وبيستخف بنا وبعقولنا ... هذه الصفقة ما عتتم الا بشروطنا احنا وهذا اخر كلام عندي

ياسر بعصبية كبيرة وصوت عالي : بتول بطلي الجنان واتفقي والا لا ترجعي اليمن

بتول حبست عصبيتها وقفلت التلفون في وجهه

محمد بيراقبها من اول .. واول مرة يحسها تعصب بهذه الطريقة : بتول اهدٲي وصلي على رسول الله ... ليش ما فهمتيه الموضوع من اوله

بتول غمضت عيونها بقوة : صلوات الله عليه وعلى اله ...

بعد صمت قصير : انا فهمته وانت سمعت كل شي بس هذا التافه قيس قد عباه بقوة ... مدري ايش كلمه .. وياسر بنفس منطق ابي خايف على مشاعرهم

محمد بهدوء : ايش عتعملي الآن؟

بتول بتفكير : لازم ٲٲدب قيس هذا وافعل له ملطام بين عيونه

محمد بخوف : ايش عتفعلي؟

بتول ضحكت : اتطمن ما شاسير اتضارب انا وياه ... بس شاخليه يلف حول نفسه عشر مرات

محمد ضحك: الله يستر

.....

اليوم التالي في العصر ..

عند قيس ..

قيس بغرور : روح يا مصطفى اعمل اللازم عشان الصفقة دي

مصطفى : بس هي لسة ما تراجعتش عن قرارها.. يعني انت هتقبل بالنسبة اللي هي حطتها

قيس بسخرية : هي اللي هتيجي وتترجاني اعمل الٳتفاق وعلى شروطي

مصطفى باستغراب : اما انتوا حاجة غريبة

قاطعه اتصال من ياسر.. ابتسم بخبث وفتح الخط : يا اهليييين بالباش مهندس ياسر ..

ياسر : اهلين وسهلين.

قيس مثل الحنق: انا كده هزعل منك ... دا انا اشتقت ليك وعايز اشوفك ... ما جيتش ليه ...

ياسر بٳحراج : كل شي الا زعلك يا استاذ قيس .. وبالنسبة للموضوع...























📚 @rewayatyamania 🇾🇪

البـارت 47 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


قيس مثل الحنق: انا كده هزعل منك ... دا انا اشتقت ليك وعايز اشوفك ... ما جيتش ليه ...

ياسر بٳحراج : كل شي الا زعلك يا استاذ قيس .. وبالنسبة للموضوع انا فهمت اختي تعمل الصفقة معك مثل ما تشتوا ... واذا عندت ما تخاف انا بجي مصر واعمل الصفقة بنفسي لما ترجع اختي لليمن

قيس ابتسم بخبث : حلو كده.. مش عايزين تتغير علاقاتنا الحلوة دي .. بس اوعك تكون بتضغط على اختك احنا همنا رضاك ورضاها .. هي صح شكلها صغيرة ومش اد العمل ده بس بصراحة هي ست ظريفة وحتتفاهم اكيد

ياسر بٳمتنان : عقلك كبير يا استاذ ولا لك الا ما يرضيك

غلق الخط ولفت لمصطفى اللي قاعد يسمع ومبتسم بفرحة : جبتها يا باشا

قيس بغرور : روح احجز للمدام وجوزها احسن طيارة لليمن بعد بكرة الصبح ... وقلهم انك حجزت .. لازم يستعجلوا عشان ما عندناش وقت

مصطفى : على راسي ..

.....

محمد بابتسامة : هكذا حلوووو ... يستاهل التافه قيس

بتول بابتسامة فيها هم : بس الله يهديه ياسر ... مصدق لقيس قوي

محمد : ما عليش منه ... اهم شي هذا المخطط يتنفذ وعيقتنع من نفسه

بتول اتنهدت : ربك كريييم

لفتت لتلفونها اللي رن بٳسم مصطفى .. اخذته وفتحت السبيكر : ايوة نعم

مصطفى : اهلييين استازة بتول ... انتي كنتي منورة لينا مصر .. هنزعل اوي لما ترجعي

بتول بدون نفس : والمعنى

مصطفى : خفي علينا شوية ... دا انا حجزت لك مع احسن طيارة لبعد بكرة ... انتي ارتاحي اليوم .. وبكرة ان شاء الله هنعقد الصفقة

بتول ابتسمت على جنب : ما كانش في داعي تشغل نفسك انا خلاص حجزت طيارة بكرة العصر .. مستعجلة معي اشغال كثيرة في بلادي

مصطفى انصدم : على راحتك .. بس ما كانش ينفع تحجزي بغير ما تقولي لينا .... واصلا احنا لسا ما كملناش شغلنا معاكي

بتول بثقة : بس انا كملت شغلي معاكم

مصطفى بعد التلفون بصدمة وغلقه واتصل على طول لقيس وكلمه بكلام بتول ..

قيس بثقة : خليها تروح على كيفها .. المهم احنا ضامنين الصفقة مع الشركة وهيجي ياسر اذا ما جتش هي ..

.........


بتول بٳبتسامة : يله محمد نروح السوق اشتي اشتري هدايا وحاجات

محمد شاف ساعته : يله هيا ... وانا ايضا معي حاجات اشتي اشتريهن

.....

قاموا لبسوا بسرعة وتوجهوا للسوق والمولات ...

اشترت بتول هدايا لكريمة وامينة وياسر .. وكمان محمد اشترى لامه هدية ولٲيمن صاحبه وحاجات له ..

وقفت بتول عند محل مجوهرات وطننت

لفت لها محمد : مالش ..

بتول بتفكير : لو كان ياسر مش متصايح معي كان بيطلب خاتم لخطيبته .. قد حفلة خطوبتهم بعد وصولنا بيوم ..

محمد بحزن على حالها : طيب ادخلي ... تعالي نختار

دخلوا المحل و لفتها خاتم الماس رقيق وجميل .. اخذته وجربته على يدها وكان مناسب عليها : اممم حلو عجبني.. انيييق

محمد سٲل صاحب المحل : بكم هذا؟

البياع : دا يا باشا هيكون بـ500 دولار

بتول همست لمحمد : للٲسف ما ينفعش مقاسها اكبر من مقاسي شوية ..

سمعها صاحب المحل : طيب يا مدام عندنا تشكيلات رهيبة ومقاسات كتيرة .. شوفي ده .. حلو ومقاسه اكبر شوية...

بتول شافته وكٲنها بتقارن بين اللي في يدها وبينه : تشكيلة هذا اجمل بس خيرة الله .. اعطيني الٲكبر ..بكم

البياع : ده بـ450$

ناولته بتول الفلوس واخذت الخاتم وحطت الٲول ...

محمد خرج معاها : باقي اشتري هدية لياسر

بتول بتعب : خلاص يكفي هديتي مننا الٳثنين ..

محمد ابتسم : قدش تاعبه صح

بتول نفخت في الهواء : ايوة تعبت

محمد : خلاص ادخلي السيارة وانا عاد معي حاجات اشتريهن وارجع للسيارة

بتول بتعب : طيب تعال معي نحط الٲغراض في الخانة

محمد : امممرش

اتوجهوا للسيارة وحط الٲغراض فيها ودخلت بتول وجلست على الكرسي ورزحت راسها بتعب ..

غلق السيارة ورجع للسوق ...

نص ساعة رجع ومعاه اغراض ودخلهن السيارة ورجعوا الفندق على اذان المغرب

اتوضوا وصلوا وطلبوا عشاء ...

جلست بتول على الكنبة وفتحت اللابتوب وبدٲت تشتغل

محمد قرب منها وحط يده على اللابتوب بابتسامة : مش قلتي هذا اللابتوب خارب

بتول وعينها على اللابتوب : بيعلق احيانا ويطلع لي روحي .. مش عارفة يمكن نظامه قديم ..

محمد غلقه وبعده من فوقها

بتول شافته باستغراب : واذا هو خارب لازم اكمل عملي ..

محمد مسك يدها وقومها .. واخذ كرتون وناولها ..: هذا لش

شافت الكرتون ورجعت شافت لمحمد باستغراب ومسكت الكرتون وجلست على الكنبة وفتحته ...

فتحت عيونها بصدمة : وااااو .. لابتوب جدييد

محمد كتف يديه وابتسم : هذا احدث لابتوب في السوق ... وانا شانسخ لش كل البرامج اللي في اللابتوب القديم

بتول شافته وعيونها لمعت .. بعدت اللابتوب من فوقها ووقفت حضنته : شكرا شكرا يا محمد ... تسلم يدك اكرمك الله

محمد ابتسم وشد على حضنها : ...















https://tttttt.me/joinchat/AAAAAEIz_KDfjDgo7Gaxwg








📚 @rewayatyamania 🇾🇪

البـارت 48 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


بتول شافته وعيونها لمعت .. بعدت اللابتوب من فوقها ووقفت حضنته : شكرا شكرا يا محمد ... تسلم يدك اكرمك الله

محمد ابتسم وشد على حضنها : مش هو من قدرش .. هو الا لابتوب ما يغلى عليش

بتول بعدت من حضنه بسرعة : ما يهمني قيمة الهدية او ايش هي.. المهم انك عرفت بالحاجة اللي تتعبني ... واهتميت بي

محمد ابتسم : اهتم بتفاصيلش لٲني احـــــبـــش .. كم معي بتول انا؟

بتول استحت وحمرت ونزلت راسها

محمد مسك كتفها وشد عليه : شدي حيلش يا بتول .. انا جنبش ومعش دائما .. انا عارف انش زعلانة على ياسر ... بس والله انه يحبش بقوة وما وقف على رجليه الا عشانش

بتول اتنهدت بعمق : انت اللي عملته لي ما اقدر اكافيك عليه ... وقوفك جنبي وجنب ياسر ودعمك لنا .. خرجت ياسر من حالة الٳكتئاب اللي مر بها بعد ما كنت يائسة

محمد مسك يدها وحبها : اقل لش كيف تكافيني؟!

بتول شافت لعيونه بتساؤل

محمد : اشتيش تبتسمي دائما ولا تزعلي وتهمي شي ... وكلميني بكل شي يزعلش مني او من غيري

بتول ابتسمت تلقائيا : من عيوني

محمد ابتسم بحب : تسلم لي عيونش وضحكتش ...

.....

تركها لما شافها انحرجت وحمرت ومسك اللابتوب القديم : روحي نامي وارتاحي بكرة معانا يوم طويييل ... انا شانسخ لش كل اللي في اللابتوب القديم للجديد

بتول : خلي اللابتوب لبكرة وروح ارتاح وانا اكمل شوية اعمال وارجع انام

محمد بجدية : روحي نامي بدون نقاش

بتول ضربت تحية عسكرية : امرك سيدي ...

ضحك : ايوة هكذا تعجبيني

ابتسمت بقلة حيلة ودخلت الغرفة وفرشت لها فوق الكنبة ورقدت عشان يرتاح محمد فوق السرير لان له ليلتين ينام فوق الكنبة 😅..
.
.

كمل ينسخ على اللابتوب وقفله وشد ايديه وقرح اصابعه بتعب ... وقام دخل الغرفة وقرب من الكنبة يشتي ينام وما شافها من الظلام .. شاف خيال فوق الكنبة وعقد حواجبه واتلمس بيده .. وعرف انها على الكنبة ... ابتسم وباسها على جبينها وراح نام فوق السرير...

بتول كانت ما قد نامت لما شافته دخل الغرفة لما حست انه قرب مثلت انها نايمة ... وشدت على الملاية ... حسته قرب من جبينها وباسها ودخخخخخنت من الحياء ..

...


وقبل الفجر كعادتهم الراقية في الشوق الى لقاء الله قبل ظهور نور الفجر ...

ادوا الٳستغفار بعد ما كل منهم ادا مناجاته الخاصة مع الله .. وكل منهم يحتضن الآخر في دعائه ....


انتهوا من الصلاة والتسبيح وبدٲ الضوء يظهر بشكل خفيف ..

محمد : هيا نخرج

بتول ابتسمت : هيا ..

قاموا غيروا ملابسهم وخرجوا بالسيارة ولفوا كل الٲماكن الجميلة في وقت ما الناس ماقد ازدحموا ..

محمد شاف ساعته : الساعة 7:30 هيا عنتٲخر على الموعد ..

بتول اخذت نفس : توكلنا على الله

رجعوا للفندق وفطروا واخذوا مستلزماتهم وتوجهوا لموعدهم مع الحاج محمود ...

وصلوا لشركة الحاج محمود واستقبلتهم السكرتيرة ودخلتهم لعنده ..

قام الحاج محمود وسلم على محمد بٳحترام وحيا بتول وجلسهم على الكراسي : اتفضلوا نورتوا الشركة

محمد : بنوركم ...

الحاج محمود بجدية : انا احب ادخل في الموضوع دغري ... جبتوا اوراقكم ووثائقكم

بتول ناولته الٲوراق : اكيد يا حاج ومستعدين للٳتفاق على الصفقة ..


اخذ الٲوراق وبدٲ يقلبهن ويتفحصهن وبحزم : انا عارف ان اول حاجة تهمكم هي النسبة المئوية .. وانا لما اقول كلمة ما اتراجعش عنها ...

بتول برسمية : المصدر له 70 % والمستورد له 30 %

الحاج محمود : دي عادلة بس مش مضمونة .. انا ٲحب نبدٲ نطلع الضرائب والمستلزمات من البداية والربح بعدها يتقسم 40% للمستورد و60 % للمصدر

بتول بتفكير : فكرة ممتازة ونسب معقولة او كيف يا محمد؟

محمد بتٲييد : صح كلام الحاج مضبوط وبما ان الاتفاق عيشمل استيراد وتصدير من الطرفين فلا يوجد ظلم والكلمة لش يا بتول

الحاج محمود دق بعصاته في الٲرض بحزم : اسكت يا ولد انت وياها .. قولوا يا استاز ويا استازة مش كده محمد وبتول حاف .. ما ينفعش كده يا ولاد

محمد ابتسم بٳحراج : هي زوجتي يا حاج .. ما تخاف احنا مؤدبين

الحاج : متقول كده من الاول يا واد ... اصل انا بقرف من الموظفين اليومين دول اللي ما عندهمش احترام ورسمية بين الراجل والست ... اما دي عالم غريبة

بتول : طيب يا حاج احنا موافقين على الشروط ومستعدين لٳتمام الصفقة ...

الحاج اخذ اوراقه واتموا اجراءات الصفقة ووقعوا واتفقوا على كل شي

محمد ابتسم بفرحة : الحمد لله رب العالمين ... الله يوفق ويبارك للجميع


الحاج محمود : ربنا يبارك لينا وليكم ... ومش عايز اي لف ودوران او مشاكل من جهتكم

بتول : اتطمن يا حاج احنا اول اهتماماتنا مصلحة المستهلك والمواطنين واقتصاد البلاد العربية... ومثل ما تعرف ان احنا رفضنا التعامل مع قيس بسبب طمعه وجشعه

الحاج محمود : ...

























📚 @rewayatyamania 🇾🇪

البـارت 49 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


الحاج محمود : ربنا يبارك لينا وليكم ... ومش عايز اي لف ودوران او مشاكل من جهتكم

بتول : اتطمن يا حاج احنا اول اهتماماتنا مصلحة المستهلك والمواطنين واقتصاد البلاد العربية... ومثل ما تعرف ان احنا رفضنا التعامل مع قيس بسبب طمعه وجشعه

الحاج محمود : طيب يا بنت اطلعي برا معايا كلمتين انا وجوزك

بتول وقفت باستغراب من طريقته وشافت محمد اللي بيشوفها بنفس النظرات

الحاج محمود بحزم : يله اطلعي حتفضلي واقفة

اخذت اوراقها بسرعة وخرجت وهي مبتسمة ..


رجع شاف لمحمد بابتسامة : ما تخافش هي مش هتزعل مني .. انا بس كنت حابب اقول لك انك راجل جدع ولازم تاخد بالك من مراتك .. دي الاعمال اللي بتعملها هايلة اوي وما يتحملهاش غير راجل .. يعني لازم تساعدها وتفضل جنبها

محمد ابتسم : ما توصي حريص .. هي ماشاء الله حاملة الشركة على اكتافها من لما اتوفى ابوها .. وادارتها من اروع ما يكون .. ولما جاء يديرها اخوها اللي هو رجال .. وقع في اول خطٲ وهو التٲثر بالمجاملات

الحاج محمود بابتسامة : انت جدع وذكي وهتقدر تساعدها ... اعتبرها نصيحة اب .. متفرطش فيها

محمد قام وحبه في راسه باحترام : تسلم يا حاج وبارك الله فيكم وما قصرتوا .. ونصيحتكم في عيني وفوق راسي

الحاج محمود : يله اطلع برا بعد مراتك بلا مطرود

محمد ابتسم : امركم

خرج لعندها وهو مبتسم : يله نرجع الفندق عشان نلحق الطيارة

بتول قامت معه ونزلوا للسيارة ..

بتول لفتت لمحمد : بصراحة الحمد لله ارتحت بالتعامل مع الحاج محمود ..

محمد : بالفعل وانا كمان حبيته وحسيته مش من حق المجاملات الكذابة واللف والدوران .. احسن شي فيه انه دغري

بتول ضحكت : دغري قوي ..

محمد ضحك: قال لي انش ما عتزعلي منه .. بس رجع طردني انا بعدش هههههه

بتول : ايش كان يشتي منك؟

محمد ابتسم لما ذكر كلامه : وصاني فيش قال اوقف جنبش واساندش

بتول بارتياح : الحمد لله الذي عوضنا بدل قيس بالحاج محمود .. ياخي ارتاح ضميري

.....

بعد ساعات ..
.
في المطار ..

بتول ومحمد جالسين منتظرين لموعد اقلاع طائرتهم

محمد مسك يدها بحنية: مالش مهمومة وضابحة .. مش قلنا نوكل امورنا لله ...

بتول اتنهدت : ونعم بالله ... على الله يتفهم ياسر .. اول مرة يكلمني بهذه الطريقة وتوصل به انه يقول لا ترجعي اليمن ..

محمد بهم : كله بسبب الزفت قيس ومصطفى

بتول شافت امامها باحتقار: على سيرتهم

محمد لفت لأمامه وشاف مصطفى ورؤى : ايش جاء بهم؟

قرب مصطفى منهم ووراه رؤى : ايه يا مدام بتول .. كده هتسافري بدون ما تودعينا

بتول بدون نفس : رسلت لك مفتاح سيارتك وقيمة اقامتنا في الفندق ... اي خدمات اخرى

رؤى بخبث: يعني كده هترجعوا وما عملتوش الصفقة .. دا انا والله زعلانة على اخوكي المحترم ... يعني ضروري الموقف المحرج اللي انتي حطيتيه فيه ... وتتعبيه ويجي لحد هنه

بتول : ما تخافي على اخي .. شاتفق انا وياه وما عيتعبش نفسه ويجي عشان يقول لكم ان احنا ما عاد نتعاقد معاكم ... اتصال يكفي

مصطفى بثقة : هنجهز ليه جناح حلو في الفندق .. وهيعجبه اكييد

محمد بابتسامة : طيب براحتك .. ارجع اجلس فيه انت ومرتك ... لان في مفاجأة لكم ... عتعرفوها قريب ..

رؤى ومصطفى شافوا لبعضهم باستغراب ...

مصطفى لفت لمحمد : انت بتقول ايه ..

قاطعهم ميكرفون المطار ينادي برقم طائرتهم

بتول شافتهم بثقة وسخرية : ارجعوا سلموا مننا على الاستااااذ قيس


راحوا من امامهم بدون ماينتظروا منهم رد واتوجهوا للطيارة .. دقائق واقلعت الطيارة ...

بتول شدت على يد محمد : شوف من الطاقة وانت عتنسى الغاثي

محمد غمض عيونه بقوة ولفت ببطء للطاقة وفتح عيونه على شوية شوية واتفاجأ من المنظر اللي تحته ونسي الدوخة والغاثي ..

بتول رجعت راسها لورا وغمضت عيونها بتعب وهي بتفكر في ياسر .. بس حاولت تتناسى وذكرت امينة وابتسمت : اشتقت لها ... يا ترى بتعجبها هديتي ... وخالة كريمة .. كيف حالها ما سألت عنها من لما سافرت ... اكيد بتكون زعلانة مني ... كيف بيكون استقبالها لي؟ اكيد بتجهز لي عصير ليم لما اوصل ..
ابتسمت بحب وغرقت في نومها ..
.
.

بعد فترة .. هبطت الطائرة في مطار صنعاء ..

محمد مسك يدها وبهدوء : بتول .. وصلنا هيا قومي

فتحت عيونها ببطء ورفعت نفسها : ليش ما قومتني من قبل

محمد ضحك : ما سخيت عليش .. هيا بسرعة مش وقت قد الطايرة عتفضى

قامت بتعب ولحقت بعده ونزلوا ينتظروا اغراضهم ..


شاف ساعته : الساعة6:30 قد اذن مغرب

بتول تلفتت حولها ورجعت نظرها بيأس للممر اللي عليه الحقائب : ما حد جاء

محمد بتبرير : يمكن مشغول ... او ..

قاطعته ببرود : مش مهم
















https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 50 ••


لسـت أنــا 🥀

👌🏻👇🏻 😍
📚 @rewayatyamania 🇾🇪


اخذ الحقائب واتوجهوا للشارع ووقف تاكسي ورجعوا للبيت ..

دقت الباب المرة الأولى وما حد جاوب ... دقت مرة ثانية وجاها صوت واحد من الحرس : من؟

محمد بصوت عالي : افتح افتح ..

انفتح الباب ودخلوا .. اخذ الحارس اغراضهم : اتفضلوا

محمد عقد حواجبه : وين سالم ... ليش ما يجي ياخذ الأغراض؟

الحارس بارتباك : داخل بيصلي .. انا بدخلهن مش مشكلة

اتقدمت بتول من باب الفيلا بخطوات ثقيلة ولحقها محمد بسرعة ودخل معاها ... الفيلا شبه فاضية وما حد امامهم ...

اتوجهت للدرج بدون كلام وشافت ياسر في اعلى درجة .. طلعت بدون ما تلتفت له .. اتجاوزته بتجاهل وطلعت لغرفتها ..

غمض عيونه بقهر ولفت لمحمد اللي طلع من الدرج ..

ياسر : الحمد لله على السلامة ..

محمد بابتسامة : الله يسلمك ..

ياسر بحزن : كيفها بتول؟

محمد : شكلها متضايقة .. صح؟

ياسر شاف للجهة الثانية .

محمد بهدوء: تعال معي وانا بفهمك كل شي ..

ياسر بتردد : مش وقت هذا الكلام ... خالة كريمة توفت اليوم الفجر

محمد بصدمة : انت متأكد .. كيف؟ وليش ما خبرتونا؟..

ياسر بحزن : سير سلم على امك هي في انتظارك ..

محمد مشى بقهر : اروح اولا لعند بتول ..

ياسر مسكه من يده : لو سمحت خليها عليا .. روح لعند امك

محمد ببحة : طيب

راح ياسر لعند غرفة بتول ودقها بهدوء وما جاوبت ...

انتظر شوية ودق ... فتحت له وهي بملابس الصلاة .. شافته ووطت راسها : كنت بين اتوضى

ياسر حاول يخفي حزنه وابتسم : ممكن اتفضل ..

تنحت عن الباب بهدوء : تفضل

دخل وجلس على الكرسي وهي جلست على السرير

ياسر بتردد: بتول

بتول قاطعته : ياسر رجاء خلي الموضوع لوقت ثاني باتأخر على الصلاة ..

ياسر بجدية : بخصوص موضوع الصفقة انا ما عاد همني وعلى كل حال انتي اخبر مني وانتي اكثر من طور الشركة وتعب فيها ...

بتول باستعجال : انا بكلمك في وقت ثاني لاني يهمني تكون مقتنع باللي عملته ... بس الآن قد عيأذن عشاء وما قد صليت مغرب

ياسر بغصة : طيب صلي المغرب وانا بنتظرش هنا في موضوع ثاني اشتي اكلمش

بتول بخوف وترقب : ايش في؟

ياسر بيحاول يخفي حزنه : اولا صلي .. لان الموضوع طويل

اتوجهت للسجاد وبدأت تصلي ... وياسر متوتر ومش عارف كيف يدي لها الخبر وبأي طريقة... كريمة تعني الكثير لبتول .. وهي بمقام الأم لها .. ومن صغرها وكريمة هي اللي ربتها وعاشت معاها وخففت عنها لما ماتت امها وفقدت ابوها ...

كملت تصلي ورجعت للكرسي اللي مقابل لياسر : هه كملت .. ايش الموضوع ؟!! اقلقتني !!

ياسر اخذ نفس عميق : انتي مؤمنة بالله يا بتول وعارفة ان كل شي قضاء وقدر ...

بتول نغزها قلبها وقاطعته بصوت راجف : ياسر انا مش متحملة ايش حصل

ياسر بغصة : خالة كريمة توفت اليوم فجر

بتول اتجمدت وعيونها مثبتة على ياسر في امل انه يكون بيمزح او بيكذب ...

شافها بخوف : سمعتيني يا بتول

بتول قامت من فوق الكرسي وجرت لعند الباب ـ متجاهلة لمناداة ياسر لها ـ وفتحته ونزلت بسرعة للغرفة حق كريمة وفتحتها بقوة ودخلتها ووقفت في وسطها ...

جالت بنظرها في الغرفة كلها وهي فااارغة .. داعت بصوت مخنوق : خالة كريمة ... خالة كريمة ... لا تفلتيني ... يكفيني فراق ... يااارب .. يااارب ..

حست الأرض بتلف بها ووقعت على الأرض..

ياسر وصل لعندها وصاح ببكاء بتوووول .. بتوول

حمل راسها وضرب على وجهها بالخفيف : بتول انا فدالش قومي .. اتحملي يا بتول ..

دخل محمد بعجلة للغرفة : ايش حصل .. يااسر. ياسر مالها بتول

ياسر حضنها بقوة : ما تحملت الخبر

محمد اخذها من بين اياديه بخوف وحملها وطلعها للغرفة حقه عشان امه تشوفها. .

وياسر جلس في وسط الغرفة بقلة حيلة


دخل محمد للغرفة بسرعة وطرحها على السرير : اماااه ... امااه تعالي ابسري بتول

امينة جرت بخوف لعندها وبكت : اكيد حين عرفت الخبر

محمد اخذ قلص ماء من جنبه ونزفها .. وما اتحركت ..

اخذ بيده غرفة ماء ورماها بقوة لوجهها وفزت بشهقة ..

امينة مسحت وجهها : سلامتش يا بتول ... انتي بخير؟

بتول رفعت نفسها وشافت انها في غرفة محمد .. قامت واتوجهت للباب بدون رد او صوت

امينة لحقتها : بتول مالش؟ وين عتسيري؟

بتول بغصة : ما قد كملت صلاتي ...

خرجت من الغرفة وامينة لحقتها
بس مسكها محمد من يدها بهدوء: خليها لحالها يمه ..

امينة جلست بيأس وبكت : كريمة غالية علينا كلنا بس هي بالنسبة لبتول مثل الأم .. وكريمة وصتني بها قبل ما تموت ..

محمد مسك عيونه بإرهاق : الله يرحمها ويحسن اليها .. ويصبر بتول ويعصم قلبها


دخلت بتول لغرفتها...













https://tttttt.me/rewayatyamania/44300








📚 @rewayatyamania 🇾🇪

🥀


بارتـات يومنـا الجمعــة 👆🏻😍