البـارت 16 🍃


ضيـــاع 💔


👌🏻👇🏻 😍
📚 @rewayatyamania 🇾🇪


عادل رجع من المدرسة بعدما كمل الامتحانات وسار للمحل يشتغل ورتب الملابس

سمير: صاحب المحل مبسوط من عملك قال يشتي يأخذك عنده في المحل الكبير تشتغل معه الصباح والعصر ايش رأيك

عادل: تمام حاضر قد خلصت الامتحانات

حس عادل بفرحه وأنه خلاص بدأ عمله يستقر على الاقل لما يخلص الدراسة ويعتمد على نفسه

سمير: تمام يلا سير استلم عملك هناك ( وخليني ارتاح لوحدي ) قالها في نفسه

عادل : الان سار لا عند مدير عمله واستلم شغله الجديد

فايزة رن التلفون حقها: يا لله كيف اعمل الان أكيد يشتي أسير لا عنده عجبه الخبر: الو ايوه يا سمير كيف أنت

سمير: الحمد لله تعالي هيا منتظرك

فايزة : اليوم ما بقدر مش كل يوم زوجي عيدرى بعدين مصيبة

سمير: ناهي قلك مصيبة تعالي اليوم وبعدين يحلها الحلال

فايزة: مش اليوم معي عمل في البيت

سمير: قفل السماعة هكذا ما عد تشتي تجي لا عندي والله لا اوريش من سمير بيننا

فايزة: قفلت السماعة وسارت تصبن الثياب يوه والله إني تعبت كل يوم سيرة لا عند هذا الجني وكل يوم اكذب على صالح

صالح رجع للبيت وشافها تغسل الملابس: وين عادل ما بشوفه هذه الأيام إلا قليل

فايزة: مدري يمكن بيلعب مع أصحابه ورن التلفون برسالة من سمير شافتها وارتبكت

صالح: مالش قلب وجهك لما شفتي التلفون

فايزة: رسالة من الذي بيدوهن الشركة

صالح سكت وسمع رسالة ثانية وحس إن به شي تخبيه



.........................................................


عنود: كلهن معاهن طفل آلا انا يوه والله إن قد انا خاورة محلاهم

أحلام: خالد حبيبي تعال جنب ماما لا تلعب في الشارع

هاني: عنود متي بتفرحينا بولد والا بنت

عنود: لوما يريد الله وفكرت في نفسها ما أسوي قد سرت عند الدكاترة كلهم يمكن من ذمة الحبوب الذي كنت بشربهن أيام العرس لو يعرف احمد لا يذبحني الله يستر

خديجة: عنود يا عنود زوجك جاء مراعي خارج قال تتجهزي

عنود كانت شاردة الذهن

هاني: عنود وين سرتي أمي بتداعي لش

عنود: ها ماهو

أحلام: احمد خارج مراعي لش

عنود: يلا الان البس وأسير خاطركم

خديجة: كني جي لا عندنا لا تغيبي

عنود: يلا حاضر مع السلامة سلمي على أبي لما يرجع ما شفته

خديجة: في أمان الله انتبهي لنفسك

عنود: حاضر وحبت أمها وسارت

خديجة : يعلم الله مالها هذه البنت حزن في وجهها خير لما تجي مرة ثانية شرجع اكلمها

هاني : يلا وإحنا كمان عنسير تشتي شي يا أمي

خديجة : مشتي ألا عافيتك الله معك يا ابني ولا تكون تغيب

هاني وأحلام: خاطرش

.......................................


سعاد: حسام انا شاسير بيتنا قد لي من أمي وأخي خيرات ما شفتهم

حسام: تمام تشتي أوصلك

سعاد: يلا قدو توصيلة وتشوفهم أنت والكل

حسام: اتجهزي ويلا

سارت سعاد تلبس وتلبس بنتها وساروا بيتهم

هاشم: يا امي مالكم عليا بتعاملوني بقسوة

تقية : تشتي تتزوج ببنت الجيران ما عجبك فيها سيرتها مش حالية أبسرها كيف بس بتمشي في الشارع

هاشم: لا تصدقوا الكلام الفاضي محد قد سمع عنها شي بعدين حرام نظلم بنات الناس من دون معرفة

تقية: انا ما عجبتني من مرة الله يرضى عليك خلينا منها وما عليك الا ابسر لك بنت أحسن منها بألف مرة

دق الباب

تقية: يعلم الله من هذا قوم افتح الباب يا هاشم

هاشم: من

حسام: افتح انا حسام

هاشم : أهلا وسهلا حيا لله من جاء أخيرا ذكرتونا

سعاد: كيف حالك يا أخي ولا عد تسال عن أختك الدراسة غيبتك

هاشم: ماشي والله بس الامتحانات ما تخلي واحد يستوعب من حلوه والان خلاص كملت وبامتياز

سعاد: ألف ألف مبروك

حسام: ماشاء الله ألف مبروك

تقية: كيف حالكم وين بنتك غدير

سمعت غدير وحملت لا عند جدتها وحضنتها

علي: سمع الهدار نازل ونزل من به من بتكلمي وشافهم حيا الله من جاء

حسام وسعاد سلموا على أبوها: وين الغيبة ولا كأن انا اهل خلاص وهي

حسام: والله يا عم مشاغل والبيت بعيد وأزمة بترول خليها على الله

هاشم اشر لاخته تلحقه

سعاد شافته وسارت بعده

هاشم: قوا اقنعي أمي تخطب لي بنت سالم ال........

سعاد: جالس تتواصل أنت وهي

هاشم: اص لا يسمعوا ما أسوي ماقدرت ابعد عنها

سعاد: خير اصبر شوية وعنبسر يلا جي نسير عندهم لا يقولوا مدري مابه وساروا



















📚 @rewayatyamania 🇾🇪

البـارت 17 🍃


ضيـــاع 💔


👌🏻👇🏻 😍
📚 @rewayatyamania 🇾🇪


صالح رجع من العمل مالقي احد في البيت وغيداء ووليد يبكوا

صالح: مالكم وين أمكم

وليد: سارت وانا قمت من النوم ما بحد

صالح: يعلم الله وين بتسيير هذه يلا تعالوا معي نطلع وشلهم معه ونيمهم جنبه جلس يفكر وين بتسير لازم اعرف كل يوم ومعاها معذري وسمع الباب يفتح الساعة خمس ونص بعد العصر

صالح نزل: وين كنتي

فايزة: ها سرت بيت الجيران معاهم حفلة خطوبة ما اجلس افعل وحدي في البيت

صالح سكت: يلا ناهي قلت لش تتكلمي مرة ثانية وحس بوخز في صدره من الألم

عادل رجع وقدو تاعب دخل وكانوا جالسين في الصالة

صالح: وين كنت يا ابني مالك ما بين أشوفك

عادل: مع صاحبي سامي بنلعب في الشارع

صالح: يلا سير كل لك أي شي واطلع غرفتك

عادل: حاضر وطلع غرفته وغلق الباب وشل كيس من تحت الدولاب وحط فلوسه تعبه وشقاه فيها
وجلس يفكر هنا ما ينفع اخبيها لازم أشلها مكان امن محد يعرف مامعي بس كيف أسوي عاد انا صغير وما بش معي بطاقة افعل حساب في أي مكان وجلس يفكر لو اشتري صندوق خالتي عتبسره وتهرمني أفتحه ولو عند سامي مابش أمان صح أنه ساعدني خيرات بس ما قد جربتهم والمبلغ كبير سنة ونص وانا يشتغل واتعب جلس يفكر ورجع الفلوس تحت الدولاب ورقد من التعب

صالح: فايزة انتبهي للعيال هم في عقد رقبتك وانتبهي لعادل ما بش احد معه الا احنا امه ماتت حرام تظلميه

فايزة: ناهي مالك ذلحين ارقد بتبسرني بين اضربه والا بين المسه عادو صغير

صالح: الله يعين وضغط على صدره ورقد


...........................................


في الصباح
هديل سارت تلعب في الحوش مدريهه ولعبتها معاها

هدى: طلعيني معش

هديل بتضحك: اينه مابش بقعه

هدى: هنا يعني في حضنها وهي فوق المدريهه

هديل: رحمتها وطلعتها وجلست تهز لما أدربت هدى

هديل بكت وسارت لا عند أمها ماما هدى أدربت

زينب: يوه من اينه

هديل: من فوق المدريهه قد بين اقلها لا تطلع وهي بتعاند ما اسوي لها وقلبت يدها لتحت

زينب سارت الحوش وقد الدم بينزل من هدى من نخرتها: الله اكبر عليش من قلش تطلعي يا بقرة

هدي بتبسر هديل وتبكي

زينب: أنتِ دربتيها يا ............

هديل: والله اني هي ما بتمسك سوى أصلا هي خبلاء

زينب شلتها وغسلت لهدى وهديل رجعت تلعب

هديل شافت دمه ( قطة ) حالية بيضاء كلها وملان شعر شلتها وجلست تلعب معاها وجلست تدور بها وترجمها والدمة تدوخ من كثرة الدوران وتتصروع وكرها تتوازن وتنيمها جنبها والقطة يعجبها ترقد جنب هديل ( الدم يحب خانقة )


.........................................


عنود: يارب أشتي ولد قد فعلت كل ما بوسعي كيف اعمل قالت الدكتورة في أمل بس أنت لازم تعمل كشف

احمد: ما بتخرفي انا أسير اعمل كشف ليش ناقص شي انا رجال وادي بدلك عشر

عنود : عشر عشروا راسك ما بتقل سير معي لا عند الدكتورة وافهم سوى منها قوي خلي هذه الخبالة

احمد: ما اشتي أسير وعنش ما حملتي

عنود: يعني ماهو تشتي اجلس هكذا من دون ولد

احمد: كنت بين اقلش من زمان وانت تقولي مش وقت خلينا نرتاح الان ارتاحي

عنود عملتها مشكلة: والله ما اجلس لك في بيت ليش بتصيح أتكلم بهدوء احنا نتناقش

احمد: وانا ما عندي نقاش في هذا النوع خلاص ارتحتي خليني ارقد والا انقلعي الغرفة الثانية

عنود: انا تقلي هكذا والله ما اجلس واتصلت لأبوها

سعيد : تلفونه بيرن يا الله سترك مالها عنود الو كيف حالش يا بنتي

عنود: جي شلني من هنا الان مشتي اجلس عنده وقدي بتبكي

سعيد: خير مالكم صلوا على النبي مش وقت الدنيا ليل بكرة اجي لش من بدري

عنود: ماشي الان يلا مراعية ما قد وقعت 12 والله ما اجلس له في بيت ولو اسير وحدي استأجر سيارتي ممحوقة ما بش بترول

سعيد: انا لله وانا ليه راجعون يلا راعي لما أوصل

خديجة : مالها بنتي ما قد فعل بها هذا المجنون

سعيد: علمي علمك أنتِ تعرفي بنتك لا قد طلع لها الجني في رأسها ما تعرف احد

خديجة: تربيتك لمن عتقع

سعيد بسرها بشق عين وسار لا يعمل مشاكل هو والكل


دق باب البيت عند احمد

سعيد: مالكم يا ابني خير

عنود: يلا جاهزة لما نسير البيت عنتكلم وخرجت وما جابت فرصة لأحمد يتكلم

فوق السيارة ولا أتكلمت بشي عنود وكان أبوها يشوفها بس قال لما تهدأ للصبح بعدين خير

..................................................


صالح كان يحس بألم في صدره كلم نفسه يمكن من التعب لا خارج مرتاح ولا داخل مرتاح خيرة الله

فايزة: راقدة وفجأة ضوى تلفونها برسالة في أخر الليل

صالح: شاف التلفون مضوي قام سحب نفسه بهدوء وشاف الرسالة من سمير نص الرسالة ( بكرة جي لا عندي أشتي أشوفك ضروري )

صالح...













https://tttttt.me/joinchat/AAAAAEIz_KDfjDgo7Gaxwg





📚 @rewayatyamania 🇾🇪

البـارت 18 🍃


ضيـــاع 💔


👌🏻👇🏻 😍
📚 @rewayatyamania 🇾🇪


صالح: شاف التلفون مضوي قام سحب نفسه بهدوء وشاف الرسالة من سمير نص الرسالة ( بكرة جي لا عندي أشتي أشوفك ضروري )

صالح استغرب من هو هذا وليش كاتبة ضي عيوني بكرة نشوف وما قدر ينام للصبح

فايزة: خرجت بعدما صلت الفجر تسوي الصبوح

صالح ساكت: يلا أسير العمل خاطرش اليوم ما برجع آلا الليل يمكن عشر معي عمل خيرات

فايزة: ناهي قدك هذاك مع السلامة

صالح: تمام ولا بحسها مني عنبسر مع السلامة

خرج وجلس في المقهى الذي جنب البيت بس من داخل

فايزة شافت الرسالة وفرحت خرجت من البيت وطرحت عيالها عند الجيران: شوية وارجع ناهي بس اسير انفع نفسي زوجي مشغول

جارتها: لا تقلقي سيري هم عند العيال يلعبوا

فايزة: سارت لا عند سمير دقت باب المحل لما اتصلت له ان هي عتجي الان

سمير قام وفتح الباب وجلس يشوفها: مالش من ذلحين بدري

فايزة: ارجع يعني ماتشتي ادخل

سمير: ماشي يلا عادو أحلى الان ودخلت


.........................................


سعيد: مالش يا بنتي ما حصل ما سرت العمل من ذمتك

عنود حكت لأبوها ما قال احمد

خديجة: هذا وقح أبسر ما بيقل

سعيد: والله ما راحت له يطرد بنتي انا من يقلوا له

خديجة: بدل ما يفرح ان هي تشتي منه جاهل خليها يطلقها أحسن له ولنا مش هو حق عشرة

سعيد: مش لهذه الدرجة بس بوريه ما بعمل والله لا أخليه يحرم

عنود: انا ماكنت اشتيه من البداية بس انتوا اصريتوا عليه

سعيد: ماهو وليش ما تتكلمي من بدري

عنود: كنت صغيرة فرحت بالذهب والفساتين

خديجة: ما ينفع الان قد سار ما سار بس ما يهم واحد إلا كلام الناس

سعيد: خلوني أتصرف معه ماشي طز في كلام الناس والذي خلقه خلق غيره

عنود: فرحت ايوه وأخي يطلق مرته

( كارثة لو الكل بيفكر بهذه الطريقة محد بيناسب احد )

سعيد: مالش ماعليش من اخوش ومعه ولد منها ومرتاح إن شاء الله خير لا نسبق الإحداث أسير لا عنده اليوم ونبسر ما عيقول

خديجة: ماهو تسير مالك قله يجي لا هنا ولا خليه شوية يطعم الوحدة مابش معه اين يسير ياكل

عنود: ايوه خليه شوية يعرف قيمتي


...................................



صالح: مذهول من هذا الذي دخلت عنده وسار لا جنب الباب وسال هناك شاف واحد عادو يفتح دكانه

صالح: السلام عليكم

الرجال: وعليكم السلام

صالح: لو سمحت من صاحب هذا المحل

الرجال: ماتشتي منه معك شي

صالح: ما بلا اشتي منه موضوع خاص

الرجال: هو مش مزوج وما بش معه بنات لو تشتي تخطب والا شي أسمه سمير ال...............يبيع ملابس موظف عند واحد صاحب محل كبير في شارع .................

صالح: وقف جنب الباب خلاص انا منتظر له هنا أشتي يفصل لي ملابس

الرجال: اجلس عندي لوما يفتح يمكن راقد الان

صالح : جلس منتظر لما فتح الباب وهجم علية بكل قوته ودخل لا داخل المحل

سمير: من أنت وما تشتي

صالح سكت شاف مرته درات الدنيا في عيونه ما حب يعمل فضيحة لنفسه ويسمع الناس وخاصة معه عيال خرج من الدكان وقلبه وجعه

فايزة انصدمت وما عرفت ايش تقول: صالح راعي يا صالح قوا اصبر

سمير: شافها من هذا

فايزة: هذا زوجي خرب بيتي

الرجال: شافهم لا حول ولا قوة ألا بالله

وانتشر الخبر بس ما احد عرف من هو وبيت من ومن هذه المرة

...........................................

هديل بتجلس وحدها هي ودميتها ولما تجي أحلام عندهم بتلعب مع خالد وهدى

زينب: أحلام أو قدش حامل

أحلام: ايوه قد انا تاعبه شوية

زينب: الله يتمم لش على خير مسرع يا بنتي خالد عادو صغير

أحلام: ما أسوي قدر الله

حسين: ماشاء الله يا بنتي خالد شبهك قوي يا هديل هاه هذه 200 سيروا اجعلوا كلكم

هديل فرحت شلت الفلوس وسارت جري للبقالة

محمد لحق بعدها

هديل قطعت الرصده الاولة وما شافت السيارة في الرصده الثانية آلا ومسك صاحب السيارة بكل قوته بس للآسف صدمها

محمد: جلس يبكي هديل يا هديل والدم مليان الرصده

كان به واحدة بتتفرج من طاقة بيتهم يوه يا ساتر البنت صدموها انزل ابسر شلت ستارتها ونزلت السيارات واقفات


محمد حمل للبيت وقدو مصفر

حسين: مالك ما به وين هديل

محمد بيبكي بحرقة وقال صدموها

زينب خافت وأحلام حمل الاب للشارع حافي وشاف بنته ممددة على الرصده

شلها صاحب السيارة وحسين للمستشفى دخلوها غرفة العمليات بسرعة كان الدم مليان الزنة حق أبوها كانت تفتح عيونها وتغمض وترجع تدوخ وهي معه فوق السيارة

الرجال الذي صدمها: هي كانت بتسرع ما شافت الطريق وانا كنت ماشي طبيعي ما شفتها الا وقفزت

حسين: خيرة الله انا داري وفاهم إن بنتي المخطيه وانت مابش عليك شي



















📚 @rewayatyamania 🇾🇪

البـارت 19 🍃


ضيـــاع 💔


👌🏻👇🏻 😍
📚 @rewayatyamania 🇾🇪


صالح: يلا من هنا ما عد بش معش شي عندي انقلعي ولا حتى معش عيال وانت طالق وورقتك عتوصلك يلا مقلع

فايزة: بتبكي صالح قوي اسمعني

صالح: ما اسمع قلي لي اسمع انك وس........... جاب لها كلام ما يخرج ولا أشوفك تهوبي هنا يلا مقلع وغلق الباب ودخل

عادل قام وسمع كل شي بكي بحرقة على أبوه

وليد وغيداء بكوا بس مش عارفين ماعملت أمهم

صالح مسك صدره وجلس على الأرض

عادل: أباه مالك

صالح: ولا شي يا ابني الان يرتاح ( ومنين عتجي الراحة بعد هذا العمل يا الله ساعدني )

عادل مش مرتاح للوضع وقرر يقول لأبوه بكل شي بس كيف يقله بيرجع يصيح فوقه ويطلعه من شغله وكرها لقي

صالح: احنا عنخرج من هذا البيت ونسافر والا نبسر لنا بيت ثاني غير هذه الحارة خلاص كرهت هذا البيت

عادل: بس وين عنسير

صالح: عنبسر لنا بيت أينما كان كله إيجار هنا والا هنا يلا سير العب لا تقلق عليا والا جلست عند إخوتك

عادل جلس يقلق يشتي يسير عمله كيف يفعل: انا شخرج شوية وارجع

صالح: يلا سير مشتي أحملك فوق طاقتك

عادل في نفسه قدنا متحمل وخلاص بس ما عملت خالتي لوما طردها يعلم الله

...........................................


هديل في المستشفى

خرج الدكتور من غرفة العمليات

حسين شافه: خير يا دكتور كيف البنت

الدكتور: بخير الحمد لله بس العملية كانت صعبة شوية لان الجرح عميق قوي اخذ جزء كبير من الورك واضطرينا نعمل لها ترقيع واخذ جلد من الجهة الاخرى

حسين: ماهو يعني أتشوهت البنت

الدكتور: مش قوي بس الجرح ما بيكون سطحي لانه غاير قوي واكيد بيكون فيه علامة ظاهرة صعب تروح مع مرور الزمن

حسين رضي بالقدر وسكت

الرجال الذي صدمها: خيرة الله وأي شي تشتوا انا جاهز ودفع مصاريف المستشفى كامل شلها في خاص

حسين: كثر خيرك لا تكلف نفسك أكثر
.
.


بعد مرور عدة أيام في المستشفى

كانت هديل تشوف الممرضة وهي تضرب لها ابر وتدوخ من الخوف


وعندما مر وقت طويل أتحسنت هديل وخرجت من المستشفى

زينب: كيف قدي بنتي

حسين: الحمد لله أحسن شوية دخليها الغرفة ترتاح وانا أشوف الرجال الذي صدمها ( أسمه جلال)

جلال منتظر خارج شاف حسين

حسين: ألف شكر وقفت معانا كثير والله انك كفو

جلال : هذا شي بسيط انا بحس بالذنب البنت صغيرة ما ذنبها وجاب لها كل أصناف الحلويات الشكلاتة

حسين: لا تتعب نفسك والله هذا كثير

جلال: مابش شي البنت مثل بنتي

حسين: كثر الله خيرك

جلال : يلا في أمان الله متواصلين وبكون أجي أزورها كل يوم

حسين: البيت بيتك متي تشتي ودخل البيت

محمد: كم معاها شكلاتة وفواكه وانا أشتي أكل معاها يا سعم أني بتآكل خلوه لنا انا وهدى

زينب: هذا حق هديل هي تاعبه

هديل شافته وضحكت: كل مشتي انا شابعة ورجعت ترقد ما بتحس بنفسها ابدا من التخدير
كان يزوروها بيت عمها وبيت الجيران وكل افراد الأسرة

................................................


عادل زعلان على أبوه ما قدر يقله إن هو بيشتغل ولا قدر يعطيه فلوسه جلس حائر سمع في المحل الذي بيشتغل فيه حديثهم عن سمير صاحب المحل الذي كان بيشتغل عنده من قبل والذي حصل وما فهم ان هي خالته مرة أبوه حس بشي غريب في الأمر ورجع قال في نفسه الحمد لله إني خرجت من عنده قبل ما يطردني صاحب المحل


صالح جلس يفكر كيف يعمل في عياله وهو يشتي يسير العمل حز بوخز في صدره بقوة ودوار وجلس في الدرج شوية خطي شوية وما قدر يواصل حس نفسه دوخ وغاب عن الوعي

جاره: سلامات مالك صالح جلس يلمس نبضه ما عد بش نبض لا حول ولا قوة إلا بالله العلي العظيم

اتصل بالشرطة والإسعاف أخذوه للثلاجة اللي إن يتم استلامه من أهله

عادل رجع من العمل وما لقيش أبوه اخوته يبكوا

وليد: بابا شلوه

عادل باستغراب: وين شلوه

وليد: السيارة وي وي

(فهم عادل) خرج من البيت وسار لا عند الجيران دق عليهم

جاره: أنت ابن صالح الله يرحمه مدري ماله خرج ولقيناه هنا في الدرج جنب الباب مرجوم

عادل فتح عيونه: مصدوم ماهو ما بتقول أبي مات

جاره: عظم الله لكم الأجر سير استلم جثته من المستشفى وادفنه

عادل صغير لم يتجاوز الثامنة من عمره

رحمه جارهم وسار معه واستلموا الجثة وقبروه

عادل جلس مطنن كيف يعمل وأين يسير وأين هي خالته


















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 20 🍃


ضيـــاع 💔


👌🏻👇🏻 😍
📚 @rewayatyamania 🇾🇪


احمد : تعبت وحدي واكل من المطاعم أسير لا عند مرتي أبسر لا عترجع وبعدين تبسر خراجها

سعيد: عنود زوجك هنا تعالي سلمي عليه

عنود: يارب كيف أسوي لو رفضت أكيد احمد ما عيرجع لي وأكيد بيتزوج ثانية ومش بعيد يخليني معلقة
كيف حالك

احمد: الحمد لله انا فكرت في الكلام الذي قلتي خلاص نسير للدكتورة ونشوف ايش بتعمل وكل شي بأمر الله في الأول والأخير

عنود فرحت وسارت تحط ثيابها في الشنطة وطلعت مع زوجها الى بيتهم

احمد: جهزي نفسك من بكرة نسير للدكتورة بروح بيتنا أبي تاعب شوية

عنود: تمام إن شاء الله تمام يلا سير تشتي أجي معك قد لي منهم خيرات

احمد: يلا مراعي لش نازل

عنود: لبست وراحوا لبيت عمها

زينب: حيا بمرة ابني ولا عاد شفناش

عنود: مشاغل يا عمة ما أسوي

زينب في نفسها الذي يسمع يقل يا رحمتاه العيال ملان البيت: ما عندك حجة

احمد: كيف حالكم يا باه

حسين: الحمد لله شوية برد وكيف أنت وزوجتك

احمد: الحمد لله

اتغدوا عندهم لليل وساروا

...........................................


فايزة سمعت بالخبر إن زوجها مات وقررت ترجع للبيت تشل عيالها وتستأجر بيت ثاني بعيد من الحارة وخاصة بعدما سمير اتنكر لها

سمير: ماتشتي أتزوج بش ليش علشان تخونيني مع واحد ثاني وأعيد نفس ما عملتي بزوجك انا مجنون

فايزة: يعني ماهو خلاص ما ذلحين انا خاينة وين الكلام المعسول الذي كنت بتقل لي

سمير: نزوة اعتبريها تسلية أتسليت وخلاص يكفي خسرت عملي وطردني صاحب المحل سمعتي سمعوا بها الى آخر المدينة وانت محد دري من أنت يلا قومي انقلعي من عندي

فايزة: يوه وتسخي عليا ترجمني وين أسير بعدما طلقني زوجي وحرمني من عيالي

سمير: ما لي دخل لا تجلسي ترفسي وغلق السماعة

سارت للحارة
من اسأل أسكه أبسر صاحب البقاله هذا لو سمحت بيت صالح ال........... وين هو

صاحب البقاله: الله يرحمه مات قبل أسبوع سيري اسألي جيرانهم البيت الذي هناك بس من أنتِ

فايزة: انا واحدة تقرب له يوه يا الله مات يمكن بسببي يارب ما عملت بنفسي الان وينهم عيالي وين عادل كيف أوصل لهم ودقت باب بيت جارتهم

جارتهم: والله ما ادي لش علم مساكين العيال مدري من شلهم عنده

فايزة: يعوه يا باه ما ابسرتي ولا تعرفي من هو

جارتهم : مدري قالوا ابنه شل اخوته ورحله من البيت

فايزة: خيرة الله يلا خاطرش

جارتهم: من أنتِ

فايزة : سكتت وراحت لها كيف افعل الان وين أسير جلست تسال الجيران كلهم ما بش فايدة

...............................................

مرت عدة سنوات
هديل: كانت تساعد أمها دائما تنظف البيت وتطبخ وتسوي حلويات وكل شي كاملة ومشحوطة تحب تجلس في البيت لوحدها تتفرج التلفزيون والا تذاكر عندما يأتي رمضان ويقرب العيد تعمل كل شي تنظف وتقشع البيت لوحدها وتعمل كعك العيد وتجلس ساهره الى ما بعد الفجر وأمها تنام وإخوتها وهي تعمل السحور وتقرا قران لما يسبح علشان ما تقوم أمها وتتعب تحب أمها خيرات

هدى عكسها نوم وخرجه مع أمها

زينب: يلا انا بخرج أتفرط وانت انتبهي للبيت يا هديل

هدى: انا شخرج عند بنات عمي ما اجلس افعل هنا

مرضت هديل قوي ما بتقدر تقوم محد جنبها تقوم هي للمطبخ تحاول تخفض حرارتها وترجع ترقد

زينب: مالش راقدة

هديل: انا مريضة حمى

زينب: اشربي أسبرين وهي عتسير انا شاسير عند اختش ولدت اليوم وانت انتبهي على البيت وأبوش وأختش

هديل: حاضر كانت لما تسمع أغاني عن الأم يجي لها شجن وتبكي وتدمع دموعها قريبة قوي ماهو هذا الضبح كل يوم نفسه مابش تغيير

حسين: جهزتي الغداء أو ماشي كما امش عتجلس في بيت اختش لآخر الولاد والا نسير بيت عمش

هديل: ناهي انا شاجهزة انا اقدر ما اشتي أسير بيت عمي واتذكرت يوما ساروا عندهم أسبوع كيف جلست مرت عمها تهرمها وتصيح فوقها وجلست تبكي

حسين: يلا ها عادو أحسن لنا وسار اشترى كل شي واعتمد على بنته صح عاد هي صغيرة بس تتحمل مسؤولية

هديل: يلا غداء وقربته

محمد: طعيم هيا كني سوي من هذا

هديل: ناهي وانت تساعدني

محمد: ما اقدر خلي هدى هي بنت

هديل رجعت تضحك






















📚 @rewayatyamania 🇾🇪

البـارت 21 🍃


ضيـــاع 💔


👌🏻👇🏻 😍
📚 @rewayatyamania 🇾🇪


عنود: الحمد لله قالت الدكتورة بإذن الله بيحصل حمل لو استعملنا هذا العلاج انا وانت يارب يدي نتيجة

احمد: آمين عنود ايش رأيك نرجع بيتنا بدل الإيجارات من بيت لا بيت

عنود: ناهي موافقة بس مابش غرف خيرات هي آلا واحدة معك هناك

احمد: أسهل لما توحمي احد يراعيش ما تجلسي تشقي ولا سمح الله تسقطي

عنود فكرت والله صدق خواته يعملين كل شي وانا أتعذر بالوحام

احمد: أسير لا عند أبي واقله وقدي فرصه لان أمي ما بحد في البيت ابي عيفرح ننتبه للبيت


حسين: تمام البيت بيتكم في أي وقت


رجعوا البيت بس انقلبت حياتهم رأس على عقب مشاكل كل يوم ويصيح فوق هديل على كل شي

احمد: هديل تعالي ليش ما نظفتي غرفتي مرتي حامل

عنود تشوف ما بيعمل أخوها باخته وهي تفرح


حسين كان يسير مع اخوه علي وصاحبه يخزنوا جمعه ما كان همه في بيته أتغير نهائيا


...............................................


زينب: الان يا بنتي قدك ماشاء الله خليني أسير أبسر بيتي وعمري قالت هديل احمد رجع البيت وبيجلس يضربها وأبوش ولا له علم

أحلام: من يوم ما دخلت عنود بيتنا أتغيرت أحوالنا

زينب: ايوه حتى أبوش مدري ماله أتغير جالس عند أصحابه ليل نهار يا يجي يأكل ويخرج يلا خاطرش انتبهي عى نفسك وكلي سوى وعمتك الله يهديها طلعت بنتها لها

أحلام: خيرة الله يا أمي ما نسوي كني اتصلي بي

زينب: ناهي شاكون أجي والكل يلا مع السلامة

أحلام: في أمان الله

خديجة: يوه مسرع وين عتسيري أمانة اجلسي عند بنتش قدوا تبسريها انا ما شلجس هنا خيرات يلا أسير بيتي وابسر عمري انا والكل وقدي عتوفي يوم الخميس زيدي اجلسي هذه اليومتين

زينب: عندكم العافية أسير أبسر عيالي وارجع ولا عليش



هديل: حملت تفتح الباب لامها وحضنتها قد انا فاقدة لكم

زينب: حيا ببنتي وين هدى وحملت لا عندها محلا بيت الإنسان لو هو كيف ماهو

حسين: تميتي الولاد

زينب: بنتك خلاص مالها شي وبعدين عمتها عندها وقدي أشكل قدي عتوفي

عنود: حيا يا عمة كيف حالش وكيف أحلام

زينب : تسلم عليكم كلكم والف مبروك للحمل

عنود: الله يبارك فيكم

.......................................................


تقية اتصلت لزينب: الو كيف حالش وكيف العيال اشتي اكلمك اليوم خطوبة ابني هاشم

زينب: الف مبروك إن شاء الله تمام بنت من

تقية: بنت ال........ قد علي كلم حسين واتفقوا يسيروا جمعه

زينب: الله يجعل في ذلك الخير

هديل: انا اشتي اسير معاكم

زينب: هي الا خطوبة خليش في البيت مع اختك

هديل سكتت وفكرت في نفسها قدو سجن هذا عمل وشقا ومابش خرجه

زينب: يوه على عمر معي لو خليتكم مدة طويلة وما رجعت كيف بيكون البيت هكذا يا هديل يلا نظفي البيت انت وعنود وهدى

عنود: انا حامل مش انا حق تعب وشقت شاسير عند أمي اليوم مع السلامة

زينب: هذا الذي معي منها أسير بيتنا أجي من بيتنا يارب صبرني كنا مرتاحين

حسين: مالش أنتِ والهرم ابردي معش بنات

زينب: الحمد لله مدري كيف بتعمل بحياتها هذه

احمد: عتهجعونا كل يوم دحس وفحس

زينب: كيف بتعلي صوتك فوق أمك استحي على نفسك

احمد شل مرته وخرج


................................


سامي: عادل تعال الغداء جاهز

عادل: الان دعى غيداء ووليد وطلعوا

ام سامي: لا تكن تخزا انا مثل أمك وسامي أخوك

عادل: والله إنكم اعز أهلي بس ثقلنا عليكم من يوم ما مات أبي ومحد قبلنا إلا انتوا وجماليكم على راسي

أم سامي: أنت وإخوتك مليتوا عليا البيت كنت عايشه انا وسامي لوحدنا حتى غيداء مااحلاها بتداعيني ماما

عادل شاف لاخوته الذي كبروا بسرعة وعانى كثير لما خرج من شقة أبوه الذي كانوا مستأجرين لها اخته غيداء عمرها الان ست سنوات وليد عمره عشر وعادل أصبح شاب في ست عشر سنة هو وسامي تقريبا بنفس العمر

سامي: يلا عنسير العمل ونرجع نذاكر

أم سامي : الله معاكم جلست تفكر الحمد لله أتحسنت حالتنا بعدما دخل سامي يشتغل مع عادل ودخلوا حياتنا وشافت غيداء وابتسمت وقع لي بنت من عند ارحم الراحمين سبحان الله المعوض


سامي: أشتي أكلمك في موضوع مهم

عادل: ماهو

سامي: أنت عارف انك أخي قبل ما تكون صديقي

عادل: هذا أكيد وانت أخي قبل كل شي

سامي: أشتي تعمل لك حساب في البنك محد يضمن عمره قد انا اشتغل لا تكون تتحمل كل شي أنت ومعك أخوه يشتوا منك مصاريف خيرات

عادل: ولا عليك من هذا انا وانت واحد لا تشغل بالك ماهو معي هو معك وقد عملت حسابي لكل شي لا تقلق

وهم في طريقهم للعمل عادل شاف مرة أبوه ماشية في الشارع ومعاها جاهل

سامي: مالك وقفت فجأة

عادل: ولا شي يلا نسير العمل تأخرنا وما كلمه بأمر خالته أبدا


























📚 @rewayatyamania 🇾🇪

البـارت 22 🍃


ضيـــاع 💔


👌🏻👇🏻 😍
📚 @rewayatyamania 🇾🇪


فايزة تذكرت سمير لما طردها من عنده سارت تكلمه أنها حامل منه

سمير: ايش دخلني أتصرفي والا نزليه قومي انقلعي من عندي ولا أشوفك هنا مرة ثانية وغلق باب المحل وسار ولا كلمها اينه

فايزة: بتطردني انا والله ما راحت لك وشافت في الأرض حجرة كبيرة ورجمته في رأسه

سمير دوخ على الأرض في الشارع والتموا الناس عليهم احد الأشخاص عس نبض سمير أسعفوه للمستشفى على طول بس فارق الحياة وفايزة أخذوها للقسم وحققوا معاها وحبسوها عشر سنوات وولدت في الحبس

وطلعت من السجن تدور على عادل محد عارف وين هو: يارب أشتي عيالي قدنا فاقدة لهم أشتي أشوفهم ولو من بعيد

عادل جلس يفكر بخالته ياالله كيف افعل لو تلقانا ومن هذا الولد الذي معاها لازم اعرف القصة ما بسكت بس من بعيد لا بعيد ايوه ذكرت سمير المعلم أسير لا عنده بكرة وأشوف ما اخباره
.
.

يوم الجمعة
سار عادل للمحل الذي كان بيشتغل فيه وكان مقفل سار لصاحب البقاله الذي كان قدام المحل

عادل : لو سمحت فين صاحب المحل واشر عليه

صاحب البقاله : مدري اليوم ما فتح عبدالله يفتح بعدين وغالبا ما بيفتح الجمعة

عادل : من عبدا لله اقصد سمير

صاحب المحل : يهي قد مات زمان معه قصة استغفر الله العظيم

جلس عادل وحكى له كل شي ومن هي بعدما عرفوا اهل الحارة فيما بعد ومن هو زوجها

عادل اتغير وجهه وسار وهو متألم على أبوه وعلى نفسه واخوته: يعني ذالك الولد من... استغفر الله العظيم لا حول ولا قوة إلا بالله

..................................

حسين: قد البيت صغير علينا ما رأيك أسير اسأل في البنك لو يقرضونا نعمر دور ثاني وأسددها من مرتبي

زينب: تمام ناهي اسأل وشوف ما عيردوا لك خبر

محمد: سمع بالخبر فرح انا أشتي لي غرفة

هديل: اصبر أول يتحقق قدو عيتشرط

محمد: ناهي اسكتي أنتِ

حسين :ضحك محمد تعال أشتي أكلمك

محمد: ماهو يا باه

حسين: به عمل في مستشفة ممرض اخلي صاحبي يعمل لك الأجراءت قدو تنفعك للمستقبل

محمد: موافق وانا أشتي أكون مثلك دكتور

حسين : خلاص من بكرة أبسر واكلم الدكتور احمد....... وأشوف ما عيقل

زينب : ماشاء الله الله يوفقك يا ابني ويهدي احمد عملت مشاكل وخرجوا يستأجروا وهكذا

حسين: ابردي لش إنسان ما يسمع كلام مش هو آدمي سبله مرته

حسين: زينب وين حاجاتي من هنا قلت لش ما تكني تمسكي شي من حاجاتي

زينب: مالك صل علي النبي ودور سوى كل يوم ونفس الموال

حسين: انا ململوا راسك قومي انقلعي من قبال وجهي

زينب: مابه لهذا كله ها

حسين: مد يده ولطمها بتفتحي فمك فوقي من يقلوا لش

زينب: طرحت يدها في وجهها وسارت المطبخ بتبكي سكتة

هديل شافت أبوها وخافت منه ليش اتغير هكذا مش أبوها الذي تعرفه

.....................................


احمد: قدش تولدي يلا جاي وشلها بسرعة المستشفى

خديجة: مبروك ما جالكم بنت مثل القمر

احمد: الله يبارك فيش ياعمه اشتري حاجات لنا

خديجة: ناهي الله يرضى عليك

احمد سار لا عند امه يبشرها

زينب: ألف مبروك من عند مرتك

احمد: أمها

زينب: يلا ناهي وين هي ذلحين في المستشفى والا في بيتكم

احمد: في بيتنا بس مالكم يا أمي حصل شي

زينب: مابش شي قدو من حق أبوك الجنان كل يوم

احمد: أبي اتغير قد بين ألاحظ هذا الشي قدو عصبي قوي

زينب: خيرة الله يا ابني

احمد: خلي هديل تسير عند مرتي توبه لها

زينب: أختك بتدرس ما تقدر تسوي للوالدة شي خلي عمتك تجلس عندها ما عيوقع بها

احمد: بتدرس البنات ما يفعلين بالدراسة شوية واتزوجت وفلتت كل شي

هديل خافت على دراستها لا يخلوها تفلتها

زينب: هيا ناهي سير بعد عملك رحلك وسلم على مرتك

احمد: مع السلامة

هديل: اماه لا يسير يكلم أبي ويمنعني من الدراسة

زينب: أبوش عادو معه عقل يلا سيري ذاكري


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 23 🍃


ضيـــاع 💔


👌🏻👇🏻 😍
📚 @rewayatyamania 🇾🇪


بدأ يعمر حسين الدور الثاني وكانت زينب تتعب تقوم من بدري تعمل صبوح للشقاه وتسوي الغداء لهم وهديل تساعدها بعدما ترجع من المدرسة


جلسوا على هذا الحال لمدة ستة أشهر وهن في تعب وأخيرا كملوا يعمروا

هدى: درجاتي زفت هذه السنة من ذمة العمارة عنطير لو صبروا لبعد الامتحانات

هديل: مالش خلاص تشتي مشاكل يا سعم انش بتجي من الأوائل كل سنة ما بتفتحي الكتب الا قبل الامتحان بيوم

هدى: ناهي يا طحطوحه

هديل: بتبسري أمي كيف تعبت وزيد مشاكل مع أبي قد البيت شوع ما عادو مثل زمان هدوء وضحك وحلا

محمد: من يوم ما دخلت العتيدة هذه ( يقصد عنود) زادت المشاكل وأمي تعبت اص لا يسمع أبي تقوم القيامة

حسين: يلا من بكرة نطلع طالع ونأجر نازل

زينب: ماهو مستأجر ومعك بنات وسط البيت

حسين: بيتي وانا حر من اين شآسدد قيمة العمارة قلي لي

زينب: من المعاش قلت

حسين: أي معاش هذا ومن اينه عتأكلي أنتِ وعيالش

زينب: افعل ما تشتي خلي لي حالي

هديل ومحمد وهدى شافوا بعض وسكتوا

محمد: انا يشتغل شدي قيمة الصرفة لكن مستأجر وسط البيت والله مش حالي

حسين: خلاص ناهي يلا بعدكم (حسين يحب محمد قوي وهو يده اليمنى في كل شي )الله يرضى عليك يا ابني

.....................................


مرت الأيام وبدأت المشاكل تكبر بين زينب وحسين

صحيت هديل من نومها على صراخهم وشافت أمها تبكي وحطت يدها على انفها وسمعت كانه مكسور

زينب: كتمت ألمها في قلبها وسكتت ودخلت الحمام تغسل وجهها

هديل: خافت على أمها قوي وكرهت أبوها ليش بيعمل هكذا بأمها اتصلت بأحلام وحكت لها

أحلام: مدري مالهم كل يوم مشاكل أمي بتحكي لي أبي اتغير قوي يمكن بيهم بس ما توصل للضرب والاهانة ما نشتي ندخل

هديل: حتى ما بيدي لنا حق مصروف للمدرسة ولا حق دفاتر أمي بتدي لنا من عندها بتخيط ليل نهار به حاجة مخبايه مش احنا عارفين ماهي

أحلام: سيري أبسري أمي ما تشتي يلا وانا شاجي العصر تمام

هديل: تمام يلا مع السلامة

محمد: رجع من العمل تاعب وشاف امة بتنزف من انفها قوي عمل لها فحصوصات كسر في غضروف الأنف

هديل خافت يوه كسر بكله الان ما عتفعل

محمد: ولا شي ما يتجبر بس الحمد لله كانه رجع لمكانه لما أمي ضغطت عليه يلا نتغدى معي عمل العصر

هديل: تمام الان بجهزه

..............................................


علي: به في بالي واحدة من بيت ال......... هو صاحبي معه اخت مرملة طيبة قوي تشتي تتزوج بها وعندها يعني ما بتخسر شي معاها بيت

حسين: خليني أفكر مش وقت الان صح اني قد تعبت مع زينب كل يوم مشاكل وصياح وهدار بس شبسر

علي: يمكن ترتاح من هرمها

حسين: مابش فلوس الان من اينه أدي لها مهر

علي: سهلة ورقة تعهد لما يوقع لك عتدي لها عسرة وبعدين قد قلت لآخوها وقال عادي ما بش مشكلة

حسين: ماهو قد قررت أنت كل شي مالك مستعجل

علي: خير البر عاجله أتوكل على الله

حسين: يلا خاطرك أفكر وارد لك خبر

علي: في أمان الله ياعريس ههههههههه



تقية: هيا مه ما قال

علي: ولا شي قال عيفكر

تقية: انا شفتها والله ان هي طيبة قوي أطيب من زينب

علي: ابسرتي بنى لها الطابق الثاني تحمد الله

تقية: وإحنا نشتي نعمر مثلهم على الأقل نتفسح بس من غير مشاكل مثلهم

علي: ولا كأنش طبينتها مش سلايف

...................................


زينب: انا قررت خلاص ما اشتي استمر معك نتخارج وكل واحد يروح لحاله وعيالك مخيرين

حسين: هكذا خلاص هانت عليش العشرة

زينب: (قالت لها تقية بالخبر بس ما ظهرت له علشان كرامتها في نفسها انا والا أنت ) انا تعبت خلاص من يوم ما طلع هذا البيت زادت المشاكل انا قررت

حسين فلتها وسار الغرفة الثانية يرقد

زينب: جلست تبكي بصمت وتتذكر أيامهم كيف كانت وكيف أصبحت

هديل: قامت الصباح تسوي الصبوح مابش شي سارت المدرسة بغير صبوح دوخت في المدرسة كانت ضعيفة قوي أخذوها للمستوصف حق المدرسة

المدرسة: وين حقش السندوتش وانا أسير أدي من الصف

هديل: انا بطلع الان الصف شكرا أستاذة

الأستاذة شافتها ورحمتها يمكن مابش معاها وقالت هكذا وبس عزيزة نفس

رجعت هديل للبيت وكانت تاعبه قوي و جاوعة شافت أمها في المطبخ بتبكي سكتة وما بينت لها طلعت تغير ملابسها ونزلت تساعد أمها ونسيت التعب والجوع يلا شوية ونتغدى

زينب: يلا الغداء جاهز داعي اخوتك


هديل: يلا تمام واتغدوا وسارت تذاكر هديل


حسين اتغدى خارج واتصل لعلي إنه موافق

بعد شهر أتزوج وسار عند مرته الثانية














https://tttttt.me/rewayatyamania/40085




📚 @rewayatyamania 🇾🇪

💔


بـارتـات يومنـا الأربـعــاء👆🏻😍

#انتظرونا مساء الغد

ومع آخر بارتات قصـة

ضيــاع


📚 @rewayatyamania 🇾🇪

البـارت 24 🍃


ضيـــاع 💔


👌🏻👇🏻 😍
📚 @rewayatyamania 🇾🇪


عادل شاف اخوته بيهم لا تدرى مرة أبوه وتعرف مكانهم قرر يترك بيت سامي بس كيف يقل لسامي وأمه وخاصة إن اخته بدأت تكبر ولازم تتغطى من سامي وقرر إنه يكلم غيدا ووليد بالحقيقة بس ما بيقلهم عن أمهم وايش عملت وليش تركتهم

أم سامي: غيداء جي يا بنتي ساعديني مدري مالي اليوم تاعبه

غيداء: حاضر يا ماما

( رب أخ لم تلده أمك)

سامي: كلما بيشوف غيداء بتكبر أمام عينه يحبها أكثر بس هي مش عارفة إنه مش أخوها

عادل: سامي تعال أشتي أكلمك في موضوع

سامي: ماهو خير

عادل : والله مش عارف كيف إبدأ بس ياريت تفهمني وتسمعني لما اخلص كلامي

سامي: أكيد أتفضل

عادل: أنت ونعم الأخ والصديق ووقفت معي بأشد أزماتي وكمان سكنتني في بيتك وأمك أم لي

سامي حس إن فيه شي عادل يشتي يقوله: خير

عادل: خير أشتي أكلمك بصراحة خالتي مرة أبي شفتها في الشارع صدفة وسالت ليش اختفت وما بخبي عليك طلقها أبي محد عارف السبب ( ما اقله ايش حصل منها لا يصغر في نظره وينعكس على اخوته ) والان خايف لو جت مرة ثانية ودورت علينا ولقيتنا وانا لا يمكن أتخلى عن أخوتي وبتعرف كيف كان معاملتها لي لذلك انا مضطر أغادركم وانت وأمي سامية في عيني والبيت بيتكم بس محد يعرف أين انا لو احد سال علينا

سامي: بس بتعرف إن أمي أتعلقت بغيداء ووليد هي ربتهم لما وصلوا لهذا السن ودراستهم كيف بتعمل بها

عادل مسح على وجهه مايشتي يبين إنه تأثر من كلام سامي وحس بحزن عميق وما يشتي ينسى أفضال اخوه سامي عليه: سامي عندي حل بدل ما نتفرق نشتري لنا بيت خاص بنا انا وانت وإحنا الحمد لله الله فتحها علينا بدل بيوت الإيجار ما رأيك

سامي: أفكر واكلم أمي ونرجع نقرر

سامية: سمعت كل شيء انا موافقة انا كنت حاسة إن به شي لذلك دخلت عليكم بعد كلامكم الأخير

سامي: خلاص من بكرة ندور على بيت

عادل: إن شاء الله


لقيوا بيت بسعر مناسب وتركوا بيتهم القديم والحارة ومحد عرف الى اين ساروا وكملت غيداء دراستها الإعدادية ونقلت ملفها للمدرسة الذي جنبهم وكذلك وليد أكمل ثاني ثانوي

.............................................


هديل: زعلت على أمها بعد هذه العشرة الطويلة يتركها أبوها ويتزوج واحدة أخرى ولقد عانت الكثير إلى إن وصل إلى مستواه المادي والمعنوي

زينب: هديل يلا تعالي ساعديني أشتي انزل نازل ما اشتي اجلس في الدور الثاني بحس بضيق فيه

هديل: بس تحت كتمه وقد أتعودنا هنا على الأقل الغرف وسيعة ونشوف الشمس

هدى: ايوه يا أمي خلينا هنا ما اشتي انزل

زينب: ماشي يلا قد نزلت بعض الحاجات

محمد: أبي يشتي يأجر البيت والمستأجر عيجي بعد أسبوع يحط عفشه

هديل: يأجر نازل مش احنا ننزل بعدين لازم يكون له مدخل لحاله مش معانا

محمد: هذا الصح بكلم أبي ونشوف ايش يقول ايوه يا أمي لازم احنا ما ننزل بشوف أبي وبعدها نقرر يلا جين معي نطلع الذي نزلته أمي

هدى: هيا ماهو قرروا نزل طلع يوف ماهي هذه العيشة

زينب شافتهم وسكتت

هديل جلست تفكر في أمها وكيف ممكن تساعدها قررت تشتغل اي شي اخلص فقط الامتحانات وبعدها خير

زينب بدأت تتاقلم على حياتها الجديدة بدون حسين حتى انها نسيت مشاعرها وكل همها تعيش ما تبقى من حياتها من دونه رفضت ان تكون معه ويكون معاها ضرتها ( طبينتها ) وقررت الانفصال عنه نهائيا وتعيش حياتها من اجل ابنائها ونزلت دموعها لما تذكرت ايامها مع حسين وكيف كانوا عايشين بسلام وما هو سبب تغيره المفاجئ

............................................


عادل: البيت الجديد مريح وكبير ومعه حوش واسعه

وليد: ايوه احسن من البيت الاول

سامي: بكرة نشتي نشتري ادوات المطبخ وكمان ستائر وشوية اثاث مستلزمات مطبخ

عادل: ان شاء الله

سامية: انا شاسير انا ووليد وغيداء وانتوا سيروا العمل لا تقلقوا

سامي: تمام لان المدير ما يعجبه الغياب بدون عذر

عادل: شاف سامي وشاف غيداء ما عرف كيف يعمل وكيف يفهم اخته ان سامي مش اخوها ولازم تتغطى منه لانها اصبحت بالغة

سامي: عادل وين سرت

عادل: ها موجود يلا تصبحوا على خير

سامية حست ان به شي بس عادل ما حب يتكلم امام الجميع طلعت بعده بعدما سامي راح غرفته

عادل: خير يا خالة

سامية: شوف يا ابني احنا الان اسرة واحدة ياريت تفتح لي قلبك وتقول ايش شاغلك يمكن اساعدك

عادل فكره وراسه في الارض ورجع قرر انه يكلمها وحكى لها كل ما بيدور في راسه

سامية: خير يا ابني وعندك حق وانا بطلب منك اختك لابني سامي وهكذا ما نفترق ونعيش مع بعض

عادل: ان شاء الله خير اكلم اختي ونشوف ما رأيها المشكلة انها مفكرة انه اخوها امهليني بعض الوقت حتى ادبر الموضوع واشرح لها بهدوء

سامية: تمام يلا تصبح على خير

عادل: وانت من اهل الخير يا خالة




















📚 @rewayatyamania 🇾🇪

البـارت 25 🍃


ضيـــاع 💔


👌🏻👇🏻 😍
📚 @rewayatyamania 🇾🇪


هديل سارت المدرسة ورجعت تاعبة ساعدت امها في اعمال المطبخ وقررت تخرج العصر تدور على عمل
شافت اعلان عن حاجتهم الى مندوب مبيعات في محل كبير للاقمشة دخلت المحل

هديل: السلام عليكم ممكن اقابل مدير المحل او نائبه انا شفت هذا الاعلان

شخص في المحل: اتفضلي واخذها للادارة من هنا

دخلت هديل وقابلت صاحب المحل

صاحب المحل: اتفضلي وشافها من طالع لا نازل بعين وقحه

هديل: انا جاية اقدم لعمل عندكم وهذا ملفي

صاحب المحل: ما يحتاج ملف واعتبري نفسك موظفه هنا عمل لها شوية اختبارات كيفية التسويق وحس انها ذكية وبتفهم بسرعه

هديل: الف شكر استاذ كيف استلم عملي

صاحب المحل: الشخص الذي جابك لي اساليه وهو بيشرح لك كل شي

هديل: تمام الف شكر وغادرت

صاحب المحل: هكذا بنات مش مثل حقي الذي عندي مثل البومة

هديل سارت الى عند الشخص وكلمته ايش قال المدير

سامي: تمام اختي هذا عملك سلمها شغلها وسار

هديل: حست ان العمل متعب لان الملابس خيرات ومحتاجة تصنيف وترتيب حسب ترتيبها في الملفات وجهاز الحاسوب

.............................................


عادل على الحاسوب بيشوف عمله راح للقسم الذي فيه هديل: لو سمحتي ممكن تارشفي هذه الملفات

هديل شافت عادل وخزيت من وسامتة المفرطة وعيونة العسلية وشعرة الاملس ووطت وجهها: تمام خليه هنا اكمل بس الذي في يدي

عادل حس بخجلها وغادر الى مكتبه وجلس على الكرسي يشوفها من بعيد

سامي: عادل ووووو وين سارح مالك

عادل: هاه ولا شي قلي من هذه العاملة اول مرة اشوفها هنا

سامي: جاءت من قبل ثلاث ساعات العصر وطلبت تشتغل والمدير وظفها على طول

عادل: هاه بس استلمت اصعب عمل في المحل التسويق الالكتروني

سامي: يمكن معاها خبرة الايام عد تبين ان كانت شاطرة ام مثل سابقيها هربين

عادل: يلا نشوف انت عرفت من هي

سامي: عادل مالك مهتم بها هكذا هيا ماهو يا عم وغمز له

عادل: ها ولا شي ( وكلم نفسه ليش قلبي دق اول ما شفتها ) يلا اشوف شغلي احسن لي وفتح اللابتوب الذي امامه شاف رسالة من الشبكة المراسلات الالكترونية للمحل ماشاء لله مسرع فهمت العمل وابتسم ورد ان الملف وصل

هديل شافته ورجعت لعملها

.........................................


في بيت عادل
عادل: غيداء تعالي لا عندي

غيداء: دخلت غرفت اخوها وجلست ماهو يا اخي

عادل: شوفي انا اشتي اكلمك بكل صراحة وبتعرفي اني اخوش من اب فقط وكمان بخاف عليش وبحبك اكثر من اي شخص اخر

غيداء: اكيد انت اخي الغالي ووليد وسامي مامعي الا انتوا

عادل: ابي الله يرحمه خلف ثلاثة فقط انا وانتِ ووليد

غيداء: ماهو وسامي نسيته

عادل: سامي مش اخونا سامي ابن الخالة سامية انا ما قلت لك للان لان ما حصل مناسبة اقلك يمكن وليد سال بس انتِ ما سالتي وحبيتي خالتي سامية كأمك

غيداء شافته: ماهو كيفه

عادل شرح لها كل شي من يوم ما ولدت الى يوم ما انتقلوا عند سامي وهي كان عمرها سنة ونص

غيداء: يعني سامي مش اخي

عادل: ايوه بس به شي لازم تعرفيه

غيداء: ماهو

عادل: امممم سامي طلب يدك مني وانا قلت لما اكلمك واشوف ايش بتقولي بعدما تعرفي الحقيقة والاهم من هذا كله لازم تتحجبي منه لانه ما يصح يشوفك هكذا

غيداء: عادل كيف ارتبط بشخص بحس انه اخي عمري ما فكرت فيه كزوج لي

عادل شاف اخته مصدومة من الامر شوفي فكري في الموضوع بروية ما بغصب عليش اي شي وبعدها قرري الانسب والا لازم تتحجبي من سامي وما تشوفيه نهائيا

غيداء سكتت وسارت غرفتها بتفكر ونزلت دموعها ومحتارة كيف تعمل هي بتحب سامي كاخ مش كزوج

.................................................


زينب: مدري مالي بحس بتعب قوي مدري ما بيطلع لي هنا تحت الابط

هديل: يمكن ورمة صغير مثلما بيطلع لي بوجهي

زينب: بس بتوجع قوي

هديل: مدري ما فكرت بالموضوع ايش هو

زينب: سارت ترقد وبتفكر بمحمد تزوجه بعدما قال لها ان به واحدة يشتيها معه في العمل ورقدت

هديل: من التعب ما قدرت ترقد شافت هدى نايمة في سبات عميق فتحت اللابتوب حقها وجلست تشتغل الاعمال المتبقية حق اليوم

عادل: ما رقد بيفكر باخته كيف بيكون مصيرها وكيف بتعمل لو ما وافقت وخاصة ان البيت شراكة بين سامي وهو فتح اللابتوب وصلت رسالتين من هديل بملفات انجزت ماشاء الله على هذه البنت نشيطة اول مرة اشوف مثلها

تم شاف الملفات رسل لها تم الاستلام وشاف الملفات الاخرى وصلت ايضا وعمل لها تم شاف الساعه تجاوزت الواحده بعد منتصف الليل اوف بكرة معانا عمل كثير انتظر شوية لو فيه ملفات ايضا مافيش يمكن سكرت ونامت سكر اللابتوب ونام هو ايضا





















📚 @rewayatyamania 🇾🇪

البـارت 26 🍃


ضيـــاع 💔


👌🏻👇🏻 😍
📚 @rewayatyamania 🇾🇪


احمد: قد انا فاقد لامي شاسير ابسرها تجي معي

عنود: ماشي بتشوف اشتي اكمل شغل البيت وبنتك هذه الهرمة تشتي صبر عنيده

احمد: مثل امها على من عتجي

عنود: وعليك سبحان الله الشبل من ذاك الاسد يعلم الله كيف بيكون ابنك هذا الذي عيجي

احمد: ان شاء الله ذلحين يجي وبعدين اسهل خاطرش

عنود: مع السلامة

احمد سار لا عند امه لقي احلام هناك: ماشاء الله ولا عد شفناش وين الغيبة من بعدما سرتي القاهرة ولا قلتي معش اخ

احلام: ما افعل كلها مشاغل الدنيا قدك بتبسر

زينب: الحمدلله انك جيت اشتي اسير لا عند الدكتور ابسر ما هي الذي في تحت يدي بتوجعني قوي

احمد: يلا ناهي البسي وانا اشلش ولا كأن به دكتور في البيت

زينب: ناهي الان عتشلني والا اسير انا واحلام اخوك مراعي هناك

احمد: يلا تمام وين هديل وهدى

زينب: في غرفتهن ماتشتي تقل ان هديل بتشتغل لا يقوم يخرف ويصيح


ساروا للمستشفى وعملت فحوصات اللازمة

محمد: دكتور ماهي نتائج الفحوصات

الدكتور: ما بتظهر الا بعد اسبوعين اشتباه انه ورم ونشتي نحدد هل هو حميد ام خبيث

احمد: ماهو ما بتقول

محمد: اهدأ هذا عملهم يلا نسير ولا تكلم امي بشي لما نبسر ايش النتيجة وساروا البيت

......................................................


عادل سار العمل وكله حيوية ونشاط بعدما شاف العمل انجز امس: صباح الخير

عامل النظافة: ما شاء الله اليوم وجهك منور وسعيد صباح الورد والياسمين

عادل: مافيش احد والا ايش الكل نايم وشاف لكرسي هديل

عامل النظافة: انت جيت بدري اليوم

عادل: ايوه صح الساعه لسي 8 الصباح يلا اسير اشوف عملي جيب لي شاي من فضلك

عامل النظافة: حالا

سامي: اليوم نزلتنا الشغل بدري مالك

عادل: ما نمت الا خمس ساعات وصحيت اصلي قلي ايش اسمها الجديدة واشر للكرسي

سامي: ما اعرفش لسى ما كلمت احد بعد حالها

عادل بيفكر وهذا الذي يعجبني بس لسى ما اختبرتها وفكر في شي بس مش الان

سامي: وصلت واشر بعيونه

عادل شافها وعمل نفسه مشغول

هديل دخلت سكتة لمكان عملها وفتحت اللابتوب وجلست تشتغل والتهت بعملها

دخلت واحدة بتشتغل معاها بالمحل اتعرفت عليها امس

سارة: يا قمر صباح الورد كيف انتِ

هديل: صباح الفل كيفك

سارة: الحمدلله

عادل سمع اسمها ابتسم بس حس ان فيه نبرة حزن

............................................


احمد: سار البيت بعدما وصل امه وما قلها بالخبر بس تالم بصدق على امه وقال لابوه بالخبر

حسين: ما بتقل امك ما فيها

احمد: الدكتور الى الان ما قد ادى لنا خبر بس يارب تكون سلبية مش ايجابية

حسين: الله يستر وحس انه ظلمها معه خيرات

مرته سمعت ما قال لاحمد وحست ان حسين عادو بيحب مرته الاولة بس زعلت عليها

حسين مسكينة والله ان قد كافحت معي وصبرت وانا كنت بقهرها كلم نفسه

مرته: مالك سرحان او به شي شاغلك

حسين شافها وسكت: ماشي ما بلا العيال قد انا فاقد لهم شاسير بكرة اشوفهم تجي معي

مرتة: تمام عادي عيالك هم عيالي انا عندي عيال والكل من الاول وحاسة بك

حسين: يلا بكرة ان شاء الله نزورهم شتصل لمحمد اقلة ان احنا جايين واتصل لمحمد وقله

.....................................


هديل رجعت من العمل تاعبة

محمد: انتبهي لا يعرف ابي انش بتشتغلي في محل بيهد الدنيا

هديل: ليش هو عيجي يزورنا

محمد: ايوة واحمد والكل بس الصباح بسرعه وهيمشوا

هديل: تمام بستاذن لمدة ساعه وارجع

محمد: يلا ناهي بس حاولي تجي بسرعه هم ما عيجوا الا الساعه 11 قبل الظهر

هديل: تمام ان شاء الله اكون هنا قبل 11

محمد: يلا تمام واذا تاخرتي شاقلهم انش عند احلام بتصرف تمام

هديل: تمام المهم اتفق مع هدى وامي الله يستر والمدير يوافق اني استاذن ساعه

محمد: ياسعم اني شركة عالمية هي الا ملابس يعني حاولي تتعذري بأي شي

هديل: ان شاء الله خير

زنيب: مالكم بتهدروا سكتة

محمد: ابي عيجي يزرونا بكرة الظهر هو ومرته

زينب: ماهو للمه من اي حين حن قلبه عليكم وزيد مرته عيديها معه ايش المناسبة

محمد وهديل سكتوا

















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 27 🍃


ضيـــاع 💔


👌🏻👇🏻 😍
📚 @rewayatyamania 🇾🇪


جاء الصباح حاولت هديل تلبس بسرعه علشان تروح بدري تكمل عملها بسرعه وترجع وتكلم المدير ان معاها ظرف طارئ في البيت

عادل وصل قبل هديل العمل لقيها واقفة في الباب الحارس ما فتح عادو راقد دق الباب وهو يشوفها وهي مدنية راسها

الحارس: بدري مالكم اليوم

عادل: مالك انت يا كسول المفروض تصحى انت من بدري وتدعي عامل النظافة ينجز عمله قبل وصول الموظفين المول كبير يشتي جهد

هديل دخلت فتحت اللابتوب واشتغلت بسرعه فائقه وتشوف الساعه

عادل لا حظها متوترة وتشوف الساعه مالها اليوم مش طبيعية شاف عنده في اللابتوب رسايل وارد اجاب بتم

هديل كملت وسارت لا عند المدير تستاذن قلها تمام وسارت

عادل استغرب مالها اليوم قام من مكانه وقال لسامي انه معه مشوار مهم لو سال عليه المدير يقلة بأي شي وراجع

سامي: تمام بس مالك اليوم ما قلت لي انك معك مشوار مهم

عادل: بعدين بكلمك يلا سلام سار ورا هديل شافها ركبت باص وما انتبهت انوا وراها وركب نفس الباص وراها

هديل رن تلفونها: ايوه يامحمد الان جايه

عادل: مستغرب ماهو وبتعمل شريفة وبنت ناس

.........................................


نزلت هديل من الباص ودخلت بيتهم بسرعه قبل ما يجي ابوها

عادل: وين دخلت هذه جنن سال واحد ماشي في الشارع لو سمحت بيت من هذا

حسين: ماتشتي يا ابني هذا بيتي حسين ال............

عادل: بيتك وشاف معه مرته عفوا ياعم بس قالوا لي ان به بيت للايجار هنا قلت اسال

حسين: هو مأجر وبناتي ومرتي في الدور الثاني

عادل: هاه يلا خير مع السلامة يمكن ظلمت البنت يا الله كيف اسوي هذه البنت شدتني قوي فكر بشي بس لحتى يتاكد ورجع العمل

سامي: وين سرت كمان هديل خرجت قال المدير ان امها مريضة واستاذنت من اجلها

عادل: ما بتقول مريضة وانا شكيت فيها بس لازم اتاكد بيكلم نفسه

سامي: سير لا عند المدير قال يشتيك

عادل: مايشتي هذا قد رجعت ما باقي

المدير: عادل معانا صفقة كبيرة اليوم لازم نستعد لها جهز كل شي

عادل: اتنهد تمام وخرج يوف والله خفت لا يسال وين سرت

........................................


دخل حسين البيت
حسين: هديل يا هديل وين انتِ

هديل: حيا بكم اتفضلوا

مرته: كيف حالش يا بنتي

هديل: الحمدلله كيف حالكم

هدى: كيف حالكم

حسين: جاء احمد والا ماشي

هديل: ايوه عند امي طالع

احمد: حيا الله من جاء كيف احوالكم اطلعوا امي طالع

حسين: طلع المرة انا منتظر هنا

احمد: خالة اطلعوا

خالته طلعت وشافت زينب: السلام عليكم كيف حالكم

زينب: الحمدلله اهلا وسهلا احمد سير قل لهديل تدي عصير وتجي

احمد: حاضر الان اجلسوا

جلست تتكلم زينب مع خالة العيال لمدة نصف ساعه

زينب: شكرا حيا بش وسلمي على عيالش

خالة العيال: يوصل في امان الله نزلت لا عند حسين هيا

حسين: يلا في امان الله يا عيال تشتوا شي
العيال في امان وحيا بكم

هديل: ليش جت يعني

زينب: يمكن تشتي تشوف البيت تطمن على نفسها ومستقبلها

هديل: اي مستقبل عادو في علم الغيب قد الساعه 12 ازيد اسير والا خلاص ادعمم اليوم

زينب: خلاص ابردي يا بنتي دعممي قدو شرق وجي معي نسبر الغداء انا تاعبة

.....................................


عادل رجع للبيت
عادل: غيداء تعالي

غيداء: تمام لحظة اكمل الذي في يدي

عادل: تمام امد ما اغير ملابسي واصلي

غيداء: يلا ناهي ونجزت عملها عارفة عيسال ايش ردي يوف والله ما انا عارفة ايش اقله ما بشوف سامي كزوج بعدين عاد انا صغيرة سارت لا عند عادل وكلمته هكذا

عادل: خلاص يا اختي اللي يريحك ما بغصبك على شي ما تشتي بس ما يشوفك نهائيا الا محجبة صح قدو اخ بس ولو تمام

غيداء: خلاص تمام واتنفست بارتياح

سامي وعادل حكي له ما قالت اختة وسامي قرر مايشوفها الا كاخته من هذا اليوم

سامية: باذن الله خير يا ابني انا ما كنت اشتي اكلمك بهذا الموضوع بس قلت لما تقرر غيداء بنفسها وباذن الله بيكون نصيبك احسن لانها تربت معانا وبتشوفك مثل اخوها

سامي: خلاص وانا ما قلت... بعتبرها اخت لي يلا نتغدى ونرجع العمل لاني اليوم اشتي اكمل بسرعه المدير معه اجتماع بكرة

عادل: ايوه قد كلمني يلا غداء في نفسه مدري هديل عتجي اليوم ام لا العصر





















📚 @rewayatyamania 🇾🇪

البـارت 28 🍃


ضيـــاع 💔


👌🏻👇🏻 😍
📚 @rewayatyamania 🇾🇪


الكل منشغل في المكتب بس عادل مشغول بالكرسي الفاضي وكل شوية يشوف الباب واخيرا ظهرت ابتسم ونور وجهه

هديل: بعتذر تاخرت المواصلات زحمة بالكاد وصلت

سارة: يلا اليوم زحمة صدق كيف والدتك على الله تكون بخير

هديل: والله تاعبة وبكره نتائج الفحوصات والله قلقة عليها قوي وقلبي مقبوض امس جاء ابي وزارها هو وخالتي

سارة: خالتك يمكن مسكينة محد يحب طبينته ولو كانت ماكانت

هديل: الله اعلم ما في القلوب يلا اشتغل عملي واسير البيت اشوف ما نعمل بكرة

سارة: ارجعي طمنيني امانة

هديل: باذن الله تعالي

سامي شاف سارة وهديل بيتكلموا ولما راحت سال سارة مالهديل حزينة هكذا

سارة: حكت له كل شيء مسكينة هذه البنت متحملة كل شي ودراستها الجامعية وماشاء الله عليها متفوقة

سامي شاف عادل يشوف هديل وعرف انه ميال لها

غادروا المكتب وكل واحد سار بيته

..............................................


زينب: بدأ المرض يشتد عليها وما بتقدر تقوم الا وهي بتدوخ شوية وترجع تنام

محمد: اتصل لاحمد نتائح الفحوصات سلبية ورم خبيث

احمد: متاكد والعمل

محمد: قال الدكتور ضروري عمليه باسرع وقت استئصال الورم

احمد: اعمل لها فحوصات وشوف ايش بيقلك الدكتور

محمد: تمام

زوجة محمد علياء: لا تقلق باذن الله خير انت خليك قوي وشوف ايش بيقلك الدكتور

محمد: على الله

هديل: مالكم ايش فيه

محمد: حكى لها

هديل: حطت يدها علي فمها وبكت

محمد وعلياء اص خلاص اهدي خليها على الله

هدى شافتهم خافت وسكتت: اي حين العملية

محمد: لما يقرر لنا الدكتور

هديل: ان شاء الله يارب اشفي امي ما معانا الا هي بالدنيا


....................................


عادل جلس يفكر في هديل كأنها نصفه الاخر اتعذبت كثير ومكافحة وتصبر قرر يتقدم لها فاتح ام سامي بالموضوع

سامية: نسير نتعرف بهم ونزور امها كانها زيارة عادية واشوف كيف البنت قدو من مرة

عادل: تمام بكرة خميس اجازة باخذك لا عندهم الصباح

سامية: ان شاء الله بس لازم تتصل لهم او تكلم هديل

عادل: بس ماعندي رقم تلفونها حتى صديقتها سارة ما عندي

سامي: معي رقم تلفون زوج سارة بكلمه يقل لسارة ان امي بتروح تزورهم بكرة لا تقلق

عادل: منيه معك رقم زوجها امانة انك خطير ما بتفوت شي

سامي: لا بس مرة جاء للعمل يشتي يستاذن لها بعدين اتكلمنا في عدة امور وجاب لي رقمه عادي بتعرفني اجتماعي ما بخلي شي الا وادخل راسي فيه

عادل ضحك: ما تيه الا بعرفك من زمان من لما رجمت الكرة فوق راسي ورجعت تقلي قلد صوته وهو صغير عادل تعال العب معانا

سامي ضحك: والله انك مقلد فظيع وعادك ذاكر

عادل: انسى؟ عمري مانسيت تلك الايام ووجعها يلا خلينا من الهم وذكر خالته يعلم الله ايش حصل لها بعد كل هذه السنين

........................................


هديل جلست تبكي طول الليل على امها وكيف بيكون مصيرهن هي واختها لو لا قدرالله توفت امها يارب ارحمنا برحمتك ونامت من التعب
.
.

في الصباح الباكر
استيقظت هديل صلت فجر ودخلت المطبخ وشافت تلفونها مضوي مسكت التلفون وشافت رسالة من سارة تقول انهم بيزوروها اليوم هي وام عادل وسامي

ردت عليها اهلا وسهلا تنوروا

قطبت شغل البيت بسرعه قبل ما تجي الساعه عشر وجهزت مكان الضيوف وعملت عصير وشاهي حليب وبعض الكعك

عادل: يلا عننتاخر على الناس

سامي ضحك: يلا والا كأنك عريس هي الا زيارة مريض وتعارف

عادل: عندي المواعيد مواعيد مضبوطة
سامي: يلا ناهي يا مضبوط وغيداء بتخليها هنا

عادل: معاها وليد بيرجع من المدرسة من بيفتح له لما يجي

سامي: يلا تمام


طلعوا فوق السيارة وساروا لا عند سارة واخذوها معاهم عادل قدو يعرف البيت من قبل

سامي: ايش عرفك ببيتهم

عادل: سكت وابتسم



























📚 @rewayatyamania 🇾🇪