البـارت رقـم 48

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في بيت فاروق ..

هاجر دخلت هي و اخت زوجها..

رحاب استغلت وضع انشغال وجدان بأتصال زوجها ومراسلته خارج الديوان وبتكلم آية..

رحاب: اقلش شي يا آية وماتزعليش افضل حل ان انتي رجعتي ماكنت اشتي اقلش هكذا وانتي عندنا خفت تهربي وتسيري مكان ثاني

آية ساكته

رحاب: عتكملي دراستش!

آية: ايوه شادخل معهد لوما اقرر ما شادرس في الجامعه..
.

خارج عند الصاله اللي جنب الديوان ..

هاجر شافت وجدان: حيا بكن

وجدان ابتسمت: الله يحييش

عمة آية: كم قدلكن تتعارفين ؟

وجدان: انا ماقدلي خيرات عادني تزوجت

هاجر: وهذك اللي معش اختش

وجدان: اخت زوجي

هاجر: اها او عينكم عليها جايين تخطبوا !

وجدان باستغراب: من نخطب؟

هاجر: آية

وجدان: انا مابش معي اخوه الحمدلله وبلال قدو زوجي

عمة آية ضحكت: ناهي من قال بلال قلك قدو زوجي

وجدان حست باستخفافهن والتحقيق اللي بيحصل: جينا لان احنا فقدنا لها

هاجر: ماشبعتوش منها وهي عندكم ماجننتكم

وجدان: اهل زوجي بيمدحوها مخلقه ومحترمة وطيبه وانا ابسرتها هكذا

آية ورحاب بسمعين كلام خارج قامت آية

وجدان ..! ادخلي

هاجر: وجدان واحنا ماهو ننقلع ؟؟

وجدان دخلت وبتكلم رحاب على اسلوبهن..

آية واقفه سانده يدها للباب شافتهن بنظرات

هاجر قربت وبعدت يد آية من الباب : خلينا نتعرف عليهن ونرحب بهن

حيا بكن

رحاب بتتفرجها بدون رد بعد ماشافت أسلوبها..

هاجر جالسه قدامهن في الجهه المقابله لهن واخت زوجها جلست جنبها

رحاب بصوت واطي بتكلم آية: طنشي بس خليهن ع راحتهن يجلسين واحنا نتكلم هكذا.

آية: تمام

هاجر: كيف لو ما جت آية عندكم !

رحاب: اسأليها وهي عتجاوبش ليش بتسأليني؟

هاجر: ياسعم ماعرفتيش طبعها

رحاب: قد جيت اليوم اتعرف على طبعها

عمة آية: ياسعم تشتي تقلي لنا ان انتي ماتعرفيها ؟؟

وجدان منصدمه فيهن

رحاب: ايش عيفرق معش الان لو جاوبت ؟

هاجر: قلنا نسألش نشتي نوصل لموضوع مهم

رحاب: اسألي مباشرة على الموضوع المهم مابش داعي للفه هذه كلها؟

عمة آية: ماشاءالله واللسان شكلها ماصاحبتهن الا وهن ساعها

هاجر راعي خلينا نفهم : اشتي ادرى كيف لوما جت ووين طرحت اداتها ضيعت ذهب وفلوس

رحاب بأسلوب قصف عشان تفهم على نفسها هاجر: ليش او هو الذهب حقش؟؟

هاجر: مش هو حقي بس يعلم الله من اين ادته واين شلته يحق لي اقلق وافهم مابتفعل بس الله يسامحها بتأمن الغريب اكثر من اللي ربتها ساع امها

آية: محد ساع امي الله يرحمها.

رحاب: انا مالي دخل بمشاكلكم العائليه سدوا

هاجر: ياسعم تشتي تقلي لي مش انتي داريه بشي ! هيا شلت ذهب حين جت عندكم وهربت وقالت لنا ضاع كيف الخبر هذا

رحاب: وكيف دريتي انها جت عندنا ! ماجت

عمة آية شافت وجدان: يوه يوه اخت زوجش بتكذبش هيا بتبسري ؟

رحاب بتشاور آية: تشتي ننزل غرفتش؟ او اتصل لبلال

آية: مع خليش هنا ولاتجاوبيها طنشي

رحاب ضحكت: كسرت راسي قلك اطنش

هاجر: ليش عاد المشاوره عتخلنا نشك فيكن

وجدان جالسه تتفرج رحاب وآية ومنصدمه في خالتها وعمتها كيف هن !

رحاب مطنشتها وبتكلم آية: كيف ابوش معش اهم شي

آية: تغير قوي الحمدلله اول مره احسه هكذا أب يدافع عليا

رحاب: حالي وانتي وريه انش مهتمه فيه وبتسمعي الكلام وانش عاقله لو استفزتش قباله لاتجاوبيها احترام له

آية: تمام.. اي حين عتطلع النتايج ؟

 رحاب ضحكت: الله والهمه اول مره اشوفش هكذا كنت اتحايل عليش محايله واضحك عليش عشان تدرسي

هاجر قامت وهي واخت زوجها وبصوت عالي: ماقد بسرت قلة حياء هكذا مشاوره وسط بيتي

آية: مش هو بيتش ومحد عزمش تطلعي .. طلعتي وسكت قلت اوقع محترمه واديتي لنفسش الهدار بهذه المواضيع..

هاجر: حسابي معش بعدين عند ابوش عادحنا على ليله مش انتي داريه مافعلتي تمام بعيني

عمة آية: والله ان الواحد يفتجع من السرق اللي داخل البيت أكثر من خارج..

خرجين من الديوان

آية اقتهرت يتكلمين عليها هكذا

وجدان: يو كيف متحملتهن هولا !

رحاب: لاعد ترادديها طنشي احسن شي ابسري كيف طنشتي وانقلعين.

آية: انا عادي مافي حسي منهن بس العفو منكن انتين لو ازعجنكن

رحاب: عادي ماعليش مننا اهم شي انتي اوقعي قويه واتحملي ولاتفلتي ابوش وبيتش مره ثانية

.
.

بعد المغرب فوق السياره..

رحاب: يووه يا بلال لو تبسر كيف بيتهم وكيف آية ولبسها

وجدان: بيتهم مادخله من لبسها

رحاب ضحكت: ناهي هو داري اصلا كيف جت كانت حالتها حاله جلس يمكنها من الشارع واصل

بلال: ليش مالبيتهم؟

وجدان: مرتاحين قوووي كيف قبلت تعيش في هذك الغرفه حقكم











.








📚 @rewayatyamania 🇾🇪

البـارت رقـم 49

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


وجدان: مرتاحين قوووي كيف قبلت تعيش في هذك الغرفه حقكم

بلال: تحصل

وجدان : طبيعي ردة فعلك مابسرتش اللي ابسرناه

رحاب: هم هكذا الرجال مش مهولين مثلنا

بلال: انا لما شفت ابوها ولبسه وسيارته وبيتهم من خارج عرفت انها كانت مرتاحه وكنت استفزها عشان ترجع بس كانت بفترة مشاكلها مافكرت صح.

رحاب: الله يعينها صدق على هذك الأسره خالتها وعمتها اعوذ بالله منهن ادين لي الضيق وهي ساعتين كيف متحملتهن

بلال ساكت..

وجدان: مالك ضابح؟

بلال: ولا شي بس مالي دخل من كلامكن والحش (الغيبه) حق النسوان بعد كل تفرطه

رحاب: الله من اي حين ! اكبر فضولي شفته في حياتي بيقول هكذا

وجدان ضحكت: حالي خليه بس هكذا

بلال ابتسم لها ورجع يسوق وداخله فضول اكثر بس مايشتي يرجع يستفز غيرتها بيحاول يحافظ على زواجهم من المشاكل هذه.
.
.

بيت فاروق..

آية دخلت غرفتها متكاسله تصلي جالسه تفكر في دهشة وجدان ورحاب وفرحة انهن شافين عكس اللي فكرين انها من الشارع ومسكينه والكلام اللي كانت تسمعه من بلال حست انها باتوصل له فكره عنها غير اللي فكر فيها. .

ماكملت تفكر مع نفسها الا ودق باب غرفتها. .

فاروق : آية...؟؟

هاجر فتحت الباب ودخلت

فاروق ضابح شويه: اديتي للبنت الزلط؟

هاجر لفتت له

آية: ايوه

فاروق: اين الطقم حق خالتش  اللول (اللؤلؤ )؟

آية: بعدت السلس من فوقها والخاتم والاسوره ( قصدك هذا) حقها ؟

هاجر : ماشي طبعا هذا رخيص فضه تقليد مش اصل اين الطقم حقي مالقيته في غرفتي

آية: وانا مادراني ياسعم بين ارفع غرفتش انا !

هاجر شافت زوجها: تشتي تتهم الشغاله بتسمع!!

فاروق شاف مرته: اهدأي ذلحين خليني اتكلم

آية: مابش كلام ما اعرفش وبس

فاروق شاف مرته: بتسمعي قالت مابش !

هاجر بنظرة لزوجها ونظره لآية طيب واذا اديته !! ؟؟

فاروق: عيوقع كلام ثاني لأن ماقد فهمت قصه الذهب سوا ولا شفته وضاع وذلحين يضيع طقم من وسط البيت!
.
.

في بيت بلال

وجدان سبقت شقتها

بلال جالس مع اخته : مافعل بها ابوها؟

رحاب: ولاشي بالعكس لو تبسر كيف هي قويه مستغربه كيف هربت معها لسان بترد عليهن كلمه بكلمه

بلال ضحك: عتقلي لي ؟ انا عارف كانت واصل لقانه

رحاب: وشغاله ولبسها واو الصدق لو كنت معنا عتنصدم

بلال: ذلحين مادخلني من هذا كله قلي لي كلمتش ماقالوا لها ماسالوها ماحصل ؟

رحاب: ولاشي قالت رجعت بوجه جديد وماتسكت لحد وابوها متعاطف معها

بلال: يا خوفي قوتها هذه ترجع تكسرها الله يعوضها بس
.
.


بيت فاروق

آية: مابش داعي تفعل لك تمثيليه جديده ابسر الكرسي والغرفه كيف مقلوبه ماجت تفتح موضوع هكذا الا و شافت شي

فاروق شاف هاجر: دخلتي غرفتها؟

هاجر: بتقفلها مدري مامعها وبتخاف عليه في الغرفه و اي حين شادخل!

فاروق: طيب يا آية خرجيه لو هنا!

آية ببرود جلست فوق السرير طرحت رجل فوق رجل: الغرفه عندكم فتشوها

فاروق لفت لهاجر: سمعتيها ؟

 هاجر من غباءها بسرعه طلعت فوق الكرسي اللي كان جنب الدولاب والادراج مفتوحه سحبته من مكانه

هيا شفت !

فاروق سارح بيفكر ويربط قصه الذهب و لو معقول اكتشف الطقم مع آية كان مش منتبه لكل هذه الحركات حق هاجر لفت لها: سحب العلبه من يدها وفتح شاف الطقم !!

آية ولا تحركت من مكانها ولا اي تعابير على وجهها مبتسمه

فاروق: مابش معش شي تقوليه!!! ماهو هذا يا آية ؟؟

آية: يعني قدرت تمثل عليك وتصدقها! في دقيقه خرج الطقم ! وسبحان الله الكرسي جاء لوحده للدولاب هذا بالذات وانفتح الباب لها وسوا لها رنه لمكانه عشان تلقطه !!

اي حين عتركز وتشوف الحركات حقها هذه؟

هاجر: ماشاءالله على طول دفاع على نفسها التبرير في طرف فمها

فاروق انتبه لكل اللي قالته آية وفلت الغرفه وخرج

هاجر لحقته وبتكلمه

آية قفلت بعدهم الباب بالمفتاح: والله ماتقدري عليا هذه المره
.
.


ثاني يوم في الصاله

آية خرجت من غرفتها قبل مايخرج ابوها: صباح الخير

فاروق: صباح النور

آية: صدقت من ؟

فاروق: الله يكملش بعقلش بس

آية: كنت اشتي اقلك حاجه

فاروق: خير

آية: لازم اسجل معهد ضبحت من جلسه البيت

فاروق: الموضوع هذا يشتي له نقاش وانا ذلحين متأخر على الدوام

آية: تمام

رجعت غرفتها شافت العامله بعدت اللحاف وبتجمع الاشياء اللي طلبتها منها هاجر

العاملة: والله هي ماما قالت انا اعرف انك مسكينه

آية شافت انها ماعندها طاقه تتعاند معها قررت تهدأ وتفكر ايش تسوي...

هاجر واقفه في الغرفه: قد شفت انا وقاحه انواع بس وقاحتش غير سكت يوم يومين عشره قلت عتفهمي من نفسش مابش فايده

آية للعامله: خرجي لها زبالتها كلها ، عادش معش هنا حاجه ؟؟

هاجر عصبت ومشيت من عندها.




















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 50

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في المكتب..
جالس يفكر في اللي بيحصل خايف يدي لآية موافقه للمعهد ومن ضغوط خالتها ترجع تهرب  وخايف يرفض تهرب من رفضه والضغوط اللي هي فيها في البيت.
.
.

في بيت فاروق في الصالة..

اخت زوجها: عندي فكره

هاجر شافتها: خير؟

 اخت زوجها: قومي البسي نسير لبيت وجدان

هاجر: ومادراني وين البيت؟

اخت زوجها: هي قالت لي بنت من هي واين بيتهم نسير نسأل اهل وجدان

هاجر: ياسعم عيقلوا لش بدون مايسألوش من انتي وماتشتي من بيت زوجها

اخت زوجها: ماعليش شي معي طريقه ضخمه هيا لاتتاخري البسي فيسع
.
.

بيت وجدان..

أمها: ايوه بنتي مزوجه لاعندهم وماشاءالله بنتهم استاذه ومحترمه

هاجر: ان شاءالله لو به نصيب الله يتمم على خير

اخت فاروق: هيا ادي لنا العنوان الله يحفظش نبدي قبل مايقع ظهر وقت مش مناسب

ام وجدان: جلست تشرح لهن البيت..
.
.

بيت رحاب..

رحاب: كملت انظف شاخرج بساعتي للمدرسه وارجع افعل الغداء

امها: على راحتش عتفعله وجدان كفايه لها تعراس

رحاب: خليهم على راحتهم حين بلال اجازه لما تنزل من نفسها تعاون

امها: مابش هذا الغنج عندي

رحاب: بس هم قد شرطوا اهلها بيت لحالها لانتفيضل

امها: ليش احنا الا 4 نتعاون ونجتمع هي الا لقمه

رحاب: طيب خاطرش

امها: الله معش

رحاب خرجت

امها جلست نص ساعه وضبحت طلعت تصحي بلال ومرته يصتبحوا..

بلال بعد ما نزل وجالس يتقهوى معها

دق باب بيتهم

خرج يفتح: شافهن نسوان جلس في الصاله وهن في الديوان..

ام رحاب: والله مالنا علم كان معها ذهب وخرجت يوم ورجعت مالقيته زد انسرقت من وسط الحوش اشياء حقنا

هاجر: ابسري مستحيل حد يدخل بيتكم ويسرق الا ذهب آية جينا نتفاهم نسألكم لو ابسرتوه.

اخت فاروق: اسألي ابنش

وجدان ضبحت وقامت من عندهن خرجت تكلم بلال

بلال معصب: قدها عتسرقني ذلحين!! هيا تمام

اتصل بآية..

بلال: كيف انتي!

آية: الحمدلله

بلال: ارسلي لي رقم ابوش

آية: ليش؟

بلال: بعدا عتعرفي اشتي الرقم الان ، مع السلامه

آية خافت ومستغربه ليس اسلوبه هكذا !! رسلت له الرقم وجالسه تفكر ايش يشتي منه ؟
.
.

في الديوان..

ام رحاب قامت ووقفت: مابتستحيش جايه تسرقيني لاوسط بيتي اشرت بيدها ، يلا  سيري القسم بلغي لو معش شكوى وخرجت من باب الديوان

اخت فاروق: شكلها مصيبه تيه المره لقانه فرص

هاجر: يلا مش احنا خسرانين شي عنجلس بعدهم لو ما نعرف انسرق صدق او ضحكوا على المجنونه هذه
.
.


في مكتب فاروق..

بلال: ممكن ياعم نتحاكى خارج

فاروق: خير ما معك ؟؟

 بلال: ماينفعش نتحاكى هنا

فاروق استغرب من عصبيته وقام خرج معه

بلال: ماهو هذا الخبر !! ليش ماجيت من نفسك تحاكيني راس براس وتقل لي اين الذهب ليش تخلي النسوان يجين يقللين من احترامهن وسط بيتنا ويسرقنا !! هذا جزاتنا عاملنا بنتكم كأنها اختي؟؟

فاروق انصدم: لحظه لحظه ممكن تهدأ افهم ! من هن ومايشتين؟

بلال: جوا البيت حقكم لاعند الوالده اليوم يقلين اين الذهب ويسرقني

فاروق انحرج منه: دقيقه بس اسمح لي اتصل وبعدا نتكلم

بلال بعد من جنبه وجالس يتمشى ضابح ويسمعه.

فاروق: اين انتي؟؟

هاجر بربشه وخوف بتشد على يد اخت فاروق: هااه خرجت مشوار انا واختك امد النواقص حق البيت حقهم تشتي تحاكيها ؟

فاروق: اين سرتي غير السوق؟

هاجر: يووه ماقد لنا الا ساعه من حين ماخرجنا يعني ماقصدك اين سرت

فاروق: كيف دريتي ببيت بلال !؟

هاجر: كيف دريت ؟؟

فاروق عصب: جاوبي من اللف والدوران حقش

هاجر: اي حين بين الف وادور بين اسالك كيف دريت انت

فاروق: يعني سرتي؟

هاجر: ايوه قلبي بيحرق على المسكينه بنتك قلت اسير اسألهم لو ابسروه

فاروق: عنتفاهم في البيت تمام يا هاجر


بلال كان بيسمع كلامه في التلفون وعرف انه ماله دخل

فاروق قفل ومنحرج كيف يكلم بلال..

بلال شافه انتهى من الاتصال وراح: اسمع ياعم لو انت اللي جيت تسأل شاتفهم ومن حقك واللي فعلتوه اليوم واكثر فعلناه اختي وامي جلسين يلومين آية كيف تخرج وتخلي باب غرفتها والحوش مفتوح طبعا السرق واصل يدخلوا لو مالقيوش اي حاجه سرقوا دبه غاز سرقوا البمبه حق الماء يعني مش ذهب بنتكم بس

فاروق: لاتبرر ، انا اصلا الذهب بكله هذا مافهمت ولاصدقت ايش قصته امد اسرقك او اكذبك

بلال: خلاص ماحصل حصل اهم شي واحد ذلحين لايكرر الغلط مره ثانيه بنتكم ماشاءالله احترام وقويه شخصيه وذكيه واللي يغلط في حقها بتدافع على نفسها حاول تتفهمها وتتقرب منها امد تكسبها

فاروق ماحب ان النصيحه تجي من بلال: خير ان شاءالله

بلال استأذن ورجع البيت..















https://tttttt.me/rewayatyamania/39767




📚 @rewayatyamania 🇾🇪

🖤


بـارتـات يومنـا السـبـت👆🏻😍

البـارت رقـم 51

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

فاروق وصل وسأل آية نفس السؤال : كيف انسرق الذهب ؟

آية حكت له نفس التفاصيل اللي قالها له بلال

فاروق: رجع يسألها من اداه لها وكيف وليش هربت

آية ضبحت: اخر مره ازيد اجاوب هذه الاسئله انا ضبحت من العيشه هذه

فاروق: اسكه يابنتي قلي لي مافي نفسش

آية: نفسي اعيش مثل كل البنات اخرج ادخل ادرس يوقع لي صاحبات لما اديهن البيت ماتجلس مرتك تراجمهن بكلام لوما يروحين

فاروق: ولو فعلت لش كل شي نفسش فيه توعديني ماعد تهربي مره ثانيه؟

آية: انا ماهربت عشان ما اديت لي شي كنت ارضى اسير المدرسه بدون حق جعاله وبدون سندوتش ولو اشتريت اكل من مطعم مرتك تدي لي البواقي انا هربت لما انت خرجتني

فاروق: وانتي يا آية الله يهديش ماخليتي لحد حاله.. خلاص ماعلينا من اللي سار ذلحين اشتي ابسر بنتي واحدة ثانيه توعديني

آية دمعت بفرحه: اوعدك

فاروق: خلاص العصر نسير نسجل معهد لغات وسواقه وكل شي تشتيه اليوم كله لش



وصلت هاجر..

هاجر بتحاول تعيد تصرفاتها السابقه وتفرض قوتها عليه عشان يخاف منها ويرجع يسمعها في كل شي تقوله :  عتصدقها ؟؟ اذا ضيعت ذهب قلك توعده تتغير ماكفاك اللي قد وقع بك بسببها ؟؟

فاروق معصب: وانتي مادخلش؟؟ انا كم مره قلت لش لاتتدخليش واخر مره اعيدها واقلش لاتتدخليش

هاجر بتدافع..

فاروق سكتها: ولا كلمه زياده حاجه تخصش انتي وجهالش تكلمي بها شي يخصها تكلمني هي.

اخته قربت منهم : يا اخي ما..

فاروق قاطعها: وانتي رجاء يا اختي محد له دخل انا وياها نتفاهم ونسد.

آية مبتسمه بتتفرجهن

هاجر بتكلم نفسها ونظرات حقد لهم: ياسعم كم عتعيش لها ، سهل عيجي لها يوم والله لاخرج كل البهذله اللي تبهذلت لها بسببها

اخته : انا اسير لي فندق احسن من قلبة الوجه هذه

فاروق: سيري بيتنا مابش حد فيه خلي واحد من جهالش يوصلش والا سرتي عندهم بيت اهل زوجش

آية ماقدرت تمسك نفسها بتضحك من ورا ابوها على موقف عمتها.

عمتها شافتها بتضحك: الله يقلعش (ياخذك ) انتي وهذه الأخلاق .

فاروق لفت لأخته ولآية..!

آية غيرت ملامحها بسرعة لحزن: استغفر الله العظيم،

فاروق : يلا ادخلي غرفتش واتجهزي العصر نخرج
.
.

 بيت بلال ( فوق الغداء )

 ام بلال: ومايفعل لي اعتذار ابوها قد قلت لكم لاتدوا لنا وجع راس هيا ماذلحين استلموا الهدره

وجدان: بس ليش كذبين وسارين لبيتنا يقلين لهم يشتوا العنوان يخطبوا رحاب

ام بلال: و أمش مسكينه على نياتها ، مفروض تتصل تسألني اول

رحاب: قد حصل ذلحين كله وخلاص مابش شي ليش تحلقوها هكذا بلال سد هو وابوها

ام بلال: سرت لهم للبيت؟

 بلال : ماشي شليت رقمه من آية

ام بلال : وللمه عاد رقم آية معاك مراعي حين تهرب مره ثانيه؟

 رحاب بهررت لأمها واشرت بعيونها على وجدان

بلال: اتغدي يا حجه انا فدالش من الدحس حقش

وجدان قامت وقفت: الحمدلله

رحاب: مسرع ؟

 وجدان: شبعت واليوم معي عزومه مع بيتنا  ، شافت لبلال بنظره : لا تتأخر شالبس بسرعة توصلني

ام رحاب: خليه يتغدى براحته ماعيطيروش بيتكم يراعوا لش

وجدان اقتهرت من الأسلوب وطلعت تتجهز بدون ماترد.

رحاب شافت امها: ليش هكذا تتحاكي معها؟

 امها: انتي اسكتي ولا تتحاكي انا داريه مافعل تتعلم كيف تكلم زوجها مش هو سواق عندها

بلال: خير .. خير .. صلين على النبي مابش شي .

قام ورفع الصحن اللي قدامه وصحنه

امه: اجلس تغدى

بلال: ماعد باقي! كملنا الصحون

امه : وليش ترفع انت ! ادعي مرتك

بلال: منشغله وانا مابش معي شي شاساعد رحاب انا.

رحاب بترفع معه وفي المطبخ وحدهم..

رحاب: انت داري ليش بين ادافع على مرتك واصل !

بلال: لانها مسكينه في حالها وهي امي الله يحفظها بس

رحاب: مع والله عشانك انت لأنك أحلى وأعقل أخ،  وثانيا مرتك مسكينه واوقات حساسه شويه ماعليا من هذا كله هي من حقها تعيش معك وحدها بس احترام لك كبرت عقلها وجلست معنا واجبنا انا وانت نعقل أمك تتغير معها وهذه النقطه خليها عليا انا وانت قل لمرتك تتقرب من امي شويه تمدحها شويه تفعلها قلص شاي من نفسها تكسبها وانت داري كيف عتحبها

بلال: انا فدا الاستاذه حقي هنيت له اللي من نصيب اختي عقل و رزانه..

رحاب استحت وضحكت: هيا سير ابسر مرتك.

بلال: ازيد اغسول معش

رحاب: عيكمل الخزان وانت في صحنين اطلع بس.

بلال سحب عنقود عنب من الصحن وطلع الغرفه



















📚 @rewayatyamania 🇾🇪

البـارت رقـم 52

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في الشقه.

وجدان قدام المرايه بتتمكيج بدأت بكريم الأساس ووجهها مبيض

بلال شافها من نظرتها له في المرايه معصبه وحواجبها معقده: يعني شبح وزد يقزز كيف هذا !

وجدان ولا ردت عليه بتكمل خطوات مكياجها

بلال جالس فوق التسريحة وبيتفرجها وياكل عنب: مالش زاعله مني مافعلت! ازعلي من امي

وجدان بتتكحل فتحت فمها لا إراديا ( حركة البنات الشهيره عند وضع الكحل ههه)

 بلال قطف حبات عنب وأكلها بسرعه..

وجدان تفاجأت طرحت القلم من يدها وبتاكلهن وبتضحكك وتشوفه يضحك اكثر ! تضحك

بلال بعد ما سكت مسك راسها ولفه للمرايه: شكلش شبح صدق شوفي  امانه

وجدان شافت نفسها صاحت: يووو والفعله
( الكحل مع الدموع نزل لوجهها والدموع لونهن ابيض بسبب الكريم وأسود

بلال: والله ان انتي تجنني وجميله واحب اتأمل لبشرتش الطبيعيه ولون خدودش لما يورد من نفسه  بدون هذه الألوان كلها بس على راحتش اجلسي لوني وخططي

وجدان استحت من مدحه لها وهدأت شويه من الأسلوب اللي حصل وزعلها

(( الرجوله مش بالقسوة والغضب وفرض احترامها لأهله حتى لو غلطانين عليها . الرجولة احتواء وتفاهم ولين وموده ورحمة ، والدين المعاملة ))

موقفه معها هذا نفعه عشان تهدأ وتستوعب الكلام منه وهي في حالة هدوء عكس ماكانت قبل مزحه معها معصبه ومتنرفزه ولو كان تكلم معها وتعاتبوا بتزداد المشكله ، وهذا التوازن مهم في كل العلاقات.

بلال: أنا عارف ان انتي زعلانه وحقش تزعلي طبعا امي كانت شويه ضابحه من هذا الموضوع وتحصل واحد وهو ضابح يتصرف ويتكلم كلام يزعل

وكبيرة في السن يعني افعلي نفسش ماسمعتي دعممي وانا بين اسمع من ابوش كلام وادعمم ولا مره جيت عصبت فوقش وقلت لش ايش اللي حصل ، لأنه مايهمني كلامه واللي يقوله اذا انا وانتي متفاهمين شاحترمه اكبر مني وبسن والدي الله يرحمه ولأنه ابو الغاليه.

وجدان حبت كلامه واستوعبته وبدلع : بس انا مازعلت منها !

بلال بيمسح الالوان اللي في وجهها بالفاين لفت عينه في عينها: طيب زاعله من من ؟

وجدان: منك

بلال رفع حواجبه بدهشه: انا الله المستعان مافعلت؟

وجدان: يعني مش داري ! مفروض تفهم لنفسك

بلال: ليش شايفتني قوقل ؟؟

وجدان بسخريه: هاها ماتضحكش مني صدق زاعله

بلال: طيب ازعلي وشاسأل قوقل ايش سبب زعل مرتي مني وكيف افهم من نفسي

وجدان: لا تأخرني انت عارف انها عزومه غداء بس ماحبيت اكسفكم لما دعيتوني غداء وقد جهزوا كل شي

بلال: شكرا شاحسبها جماله ذلحين اقطبيني انتي ليش زاعله ؟

وجدان: ليش رقم آية معك وليش بتتواصل معها ؟؟

بلال بأسلوب مزح وظرافه: مابين اتواصلش معها انا الا اتصلت بها بسس يعني اتصال بسرعه الوو آية ادي رقم ابوش وعاد لو سمعتي والله كنت معصب فوقها من الموقف

وجدان بزعل ودلع: ولو بين اغير امسح رقمها ذلحين لو صدق مابش شي بينكم

بلال فتح تلفونه: وهذا رقمها مسحته ارتحتي ذلحين ؟؟

وجدان ابتسمت له بشعور انتصار : ايوه.
.
.


فوق السيارة جنب المعهد

فاروق: انزل معش؟؟

آية: براحتك تشتي تنزل عادي

فاروق: طيب انزل معش تسجلي واحاسب وابسر اي حين عتروحي

آية: تمام

سجلها وراح ابوها ، كان الخوف فيها مثلها مثل أي واحده تداوم مكان مختلط وبنات جداد

بعد الكلاس الاول لها كانت مبسوطه تعرفت على بنات حبوبات عكس اللي تعقدت منهن في المدرسه بدأت تحمد الله وتشكره انها بتتغير للأفضل حياتها منتظره لأبوها وجالسه تفكر بكل اللي سواه لها !! كيف ظلمته لأنه ماكان عارف بكل اللي بتعانيه حست بتأنيب ضمير لأنه هي كمان ماعاتبت وفضحت خالتها سكتت على الظلم وكتمته ، أكثر شي جرحها ومش قادره حتى تعبر لنفسها به هو هذا السبب ...



فوق السيارة

أبوها  : كيف كان الدرس

آية بكيت...!!

ابوها :مالش خير؟ في حد غثاش !!

آية : أنا غاثيه ونادمه على الذي سويته واحرجتك قبال الناس لما هربت من البيت بس مش انت داري اللي حصل كيف أثر فيني

ابوها اتأثر معها : طيب يا آية انا ما انحرجت من الناس ولافي حسي من حد هذا تفكير النسوان وخالتش !

انا كنت خايف بنتي وين هي ! بيت ناس؟؟

الفضيحه لش انتي مش لي الناس اللي عتتكلم عليش ولو بكره تزوجتي وحد ذكر قصه هروبش ماعيخلوا لش حالش هذا اذا تزوجتي مفكرة اللي حصل سهل !! تعرفي والله لو حد ثاني انه قتلش بس انا سامحتش لاني شفت في نيه تتغيري وتعقلي






















📚 @rewayatyamania 🇾🇪

البـارت رقـم 53

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية: لأنك اتغيرت انا تغيرت ، بدأت تتفهمني وتهتم بي وتعرف سبب كل المشاكل ، أخيرا شفت بعينك أسلوبها من زمان وهي هكذا بس انت كنت مفكر انه انا المشكلجيه وقليلة الأدب ولساني طويل ومعانده اوهمتك هكذا وصدقتها بس الآن شفتك بدأت تحترمني وتوقفها عند حدها

ابوها: الله يهدي النفوس بينكن ، هي ام عيالي وانتي بنتي والان ماعليش منها انشغلي بدراستش والجامعه و كل واحده في حالها

آية: تمام

ابوها : وكل ماشفتش تغيرتي صدق كل ما دعمتش اكثر ووقفت معش أكثر.

آية: تمام عتبسر
.
.

فوق السياره ..

بلال وسام وصاحبهم ..

صاحبهم: مالكم هكذا ساع الطباين !!

بلال ضحك: الله يقلعك والتشبيه

سام: هذا وهو الفصيح حقنا

بلال: هنا تشبيهات ولقانه وفي شغله لباقه وجنتل

صاحبهم: خلاص بس لغاجه ماذلحين سمعت أصواتكم

بلال: اي حين عتخطب انت

صاحبهم: عتدفع حق خطبه وتخطب لي انا موافق

سام: ابسر لك هنديه تزيد تأثث لك بيتك على الطريق

صاحبهم استأذنهم معه مكالمه شغل..

بلال شاف سام: ايوه كيفك ولاعد ابسرنا منك رساله ولا اتصال

سام: اسال نفسك

بلال: ليش يا بلال سام مارسل ولا اتصل

سام: الله عاد زبجك من حق التسعينات

بلال بجديه وبصوت واطي لايسمعهم صاحبهم: اسمع يا سام لاتخلي موضوع قد احتل وخلصنا منه يغير علاقتنا ببعض

سام: هو انت اللي قلبت وزعلت عشان بنت ماتوقعتك تفعل هذا كله وتقلب فوقي

بلال: ماعيفيد شي ذلحين المشارعه و من السبب خلاص شي حصل ماعيفيد الان العتاب بشي كل واحد له سببه ونظرته الخاصه في الموضوع وانا احترم موقفك

صاحبهم رجع على اخر كلمتين: ايش من موقف؟؟

سام : حق السياره وانت مادخلك طباين وبيسدين بيناتهن البين

ضحكوا ورجعت علاقتهم مثل قبل بعد عتاب خفيف ونفوس طيبه.
.
.

جالسه مع امها..

وجدان : هو طيب قوي ومحترمني ومتفهم الله يحفظه بس امه واصل ترجم كلام واحسها مش طايقه لي

امها بضبح: ليش مافعلت ؟

وجدان : حين مابين اداولهن في الطبخ ولو اكلنا وحدنا ضايقت وتجلس تدعي بلال ياكل من جنبي وبعدا هو يستحي ويقلي هيا ننزل

امها منرفزه: قد شرطنا قلنا لهم بيت وحدش هذا من اولها هكذا بعدا كيف عيفعلوا ؟؟

وجدان: مدري ما مضبحني في البيت الا تصرفاتها

امها: وانتي لاترضيش اطبخي لش وله واذا يشتي يسير ينزل وحده.

وجدان: تمام

امها: و اجلسي في شقتش وماعد تنزليش

وجدان: حاضر

امها: افرضي كلمتش من ذلحين مش بعدا يقولوا تغيرت

وجدان: هي اخته طيبه بس امه

امها: اسمعي اللي اقلش وقلي حاضر بتسمعيني

وجدان: تمام

امها: وبعدا يفتحو فمهم وعنوريهم كيف الرد.

 (( من وقت ما الواحده تبدأ تخرج شكاوي بيتها البسيطه ، تبدأ المشاكل بس الذكيه اللي تعرف تحافظ على أسرار بيتها وتتصرف من نفسها وبأسلوبها و بذوق وأحترام وإذا فعلا في شي زايد عن حده توقفه وتسوي له حد من البدايه مش على أبسط الأمور. ))
.
.

ثاني يوم وقت الظهر..

أم رحاب جالسه وبتقطع الفاصوليا (اللوبيا) وصلها اتصال وبتتكلم في التلفون.

بلال وصل من العمل دخل: السلام عليكم

شافها مشغوله بتتكلم يشتي يمشي..

مسكت سماعه التلفون غطتها: ها لحظه جي

بلال رجع وجلس بيأشر لها بيده: ايش؟

امه بتكمل كلامها في التلفون: مسرع قد جت تشتكي لكم ؟

بلال عقد حواجبه ؟؟! وبهمس: من ؟؟

امه سمعته بالسماعه الكلام..

بلال مسك التلفون وبيسمع..؟؟

ام وجدان: ماعتشتكي من اولها هكذا الا وهي مضايقه وانا قلت اكلمش احسن احنا شرطنا بيت لحالها وقلتوا مع قلنا سهل ذلحين بنتي تجلس وحدها

ام بلال سحبت السماعه وسمعت بقيه الكلام: يعني ايش اللي مضايق لها مننا؟

بلال ضبح وجالس سارح ماتوقعها من وجدان !!

ام وجدان: كيف ما مضايق لها تشتي تطبخ على راحتها تاكل على راحتها تدلع زوجها.

ام بلال: وليش ماحاكت زوجها جت تحاكيش كانت عتتفاهم معه

ام وجدان: ذلحين مابش شي يا اختي كل واحد وحده اريح

ام بلال: يسدوا زوجها عندها تحاكيه وهم أخبر احنا ماعلينا.

ام وجدان خلصت كلامها وقفلت.

امه: هيا ابسرت مرتك  هذا وماقد بتفعل معنا مهره.

بلال: تمام خير

امه: ماهو خير ؟ مش باين انه خير اذا من اولها هكذا

بلال: ما افعل !!؟؟


(( اللهم صل على سيدنا محمد وعلى آله الطيبين الطاهرين))❤❤


















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت رقـم 54

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت فاروق..

آية: خرجت من غرفتها ودخلت المطبخ

العامله بتجهز الغداء: الان اجهز اكلش واجيبه للغرفه

آية: لا جيت اقلش شاكل معهم

العامله: تمام خذي هذا الرز معش

آية: ادعي ست الهانم تعاونش صاحبه البيت هي

العامله: تمام

آية دخلت وجلست معهم في الصاله مراعيه للغداء

عمتها: معجزه كيف لش خرجتي قد بنقول ان فيش حاله نفسيه

آية: هي الحاله النفسيه تجي لواحد معه ضيوف هكذا بس لازم اتعود على الوضع شكلكم مطولين

هاجر: يو على قلة حياء هكذا تتكلمي مع عمتش

فاروق خرج: خيررر ماقد معنا؟

اخته: غثتني بنتك والله ماتوقعتها تطردني هكذا

فاروق شاف آية: ماقلتي لها؟

آية: قالت كيف لي خرجت او قد فيني حاله نفسيه.... الخ الكلام كله

فاروق: بس ماينفعش تتكلمي هكذا وانتي يا اختي الله يهديش قد انتي ام وجده عتجلسين تدورين هدار واصل

هاجر: هيا قومي قربي معها ( العامله)

آية شافت اختها اللي اصغر منها 10 سنوات: اسمعي كلام امش قومي قربي

فاروق شاف مرته: قومي انتي قربي عيب استحي معش ضيوف

اخته: الله المستعان قدني ضيفه يا اخي

هاجر شافت آية:  قد كنتي في غرفتش ساكهين اللقانه حقش

آية: وهذه صالتي والأكل اكلي واكل اين ماشتي والله يحفظه ابي عايشه بعزه مش حد ثاني.

هاجر: بتبسر بنتك؟

 فاروق: ولا عد شادخل اللي يبدأ الاول يتحمل اللي يديه لفوق راسه

هاجر جالسه تتوعدها بحركات تهديد بيدها

آية ضحكككت بصوت : كان زمان الحركات هذه تخوفني ذلحين اتحدى بس

هاجر عصبت مشيت .

فاروق استغرب: من بتكلمي

آية شافت اخوها ( كان بيلعب بلستيشن ) واشرت : لعبته

فاروق ضحك: هاااه

هاجر وصلت وشافتها بتبرر شي ثاني نظرات عصبيه

آية ابتسمت لها ابتسامه عريضه...
.
.

بعد الغداء..

آية خرجت الحوش وجالسه بتهتم بالشجر وبتسمع صياح جهال خارج جنب البيت وكأنه اخوها اللي بيبكي ويقول حاضر والله شادي لكم ذلحين !!!.

فتح الباب ودخل وهو بيمسح دموعه

آية: مالك؟ حد ضربك؟

اخوها بنرفزه: وانتي مادخلش ..ومشي

آية طنشته وجالسه في الحوش.


داخل البيت..

هاجر جالسه في الصاله شافته رجع: ماتشتي ؟

 ابنها بيمشي بسرعه لاتركز عليه: ولاشي دخلت اشرب.

امه رجعت تجابر اخت فاروق: كنت بين اقل لو آية تقالعت معه كنت خرجت قلعت راسها قدني ضايقه منها ريت والله ومن يجي يتزوجها تنقلع من عندي

اخت زوجها: الله يعينش ويعين اللي عيشلها.
.
.


بيت بلال..

وجدان بترتب غرفتها

بلال دخل: اشتي اتكلم معش شويه وبعدا تمي عملش

وجدان: اتكلم وانا بين اشتغل

بلال: لا

وجدان: خلاص ماشتكلمش

بلال: وجدان مابين امزحش الموضوع جدي

وجدان : دايما تعاند مافيها لو تكلمت وانا بين رتب بين اسمعك

بلال: ايش سرتي تكلمي امش ؟

وجدان حست بنغزه في قلبها من الخوف طرحت الوسادة من يدها: ايش اللي حصل؟

بلال: انا جيت اسألش انتي ايش اللي حصل؟

وجدان: ولاشي بنتجابر كيف انا مرتاحه قلت لها ايوه الله يحفظه

بلال:طيب و ايش الكلام الثاني ؟

وجدان: لاتتكلم معي مثل المحققين قل لي ماوقع وانا اجاوب

بلال: هو انا بين اسال لاني مش فاهم ايش شكيتي لامش عشان تتصل تطرح شروط وأوامر ومدري ايش ماللطبخ ؟ من قد اجبرش تنزلي تطبخي؟

وجدان: انت مابتسمع الكلام اللي بيحصل وانت مابحد كله كلام يجرح وينقص من قيمتي..

بلال: لأني مابين اسمع تسيري تسمعي امش وتشغلي بالها وتخليها تحس ان احنا بنعذبش وانتي مرتاحه قمتي من النوم وشويه وتنزلي تتغدي والأكل جاهز...!

وجدان: طيب خلاص مابش داعي ذلحين للمشاكل
امك غاثيه عليك وامي غاثيه عليا

بلال: وانا غاثي من مرتي ولاهمني حد منهن لانه هذا يخصنا

وجدان: بس هباله مابش داعي تكبر الموضوع

بلال: بالنسبه لش شي عادي بس انا ما احب اللي حصل انتي لو سرت شكيت لامي واتصلت لامش عتزعلي او لا

وجدان بروقان: خلاص قلنا.

بلال شافها مستمرة بالتنظيف: خير ورجع نزل

امه: قل لمرتك تنزل تطبخ

بلال بيتكلم في التلفون شاف امه: انا شاتغدى خارج..

ايوه على طول بس متى !

حلو خلي يوم للفيزياء ويوم للرياضيات لا لا هذه الماده بالذات سجلني طالب عندك مش مدرس.. خلاص اليوم انا جاي ، ايش !! سيرة ذاتيه ؟ ضحك بصوت مرتفع ، ياولد مصدق نفسك قوي هذا وانت الا مشارك 30% بس لو كنت المدير انك ماعد عتعرفنيش
 اضحك الله يسعدك يلا ، مع السلامه.

طلع السياره واخذ نفس عميق تنهد من اللي حصل في البيت ومشي.



(( أستغفر الله الذي لا إله الا هو الحي القيوم و أتوب إليه))❤❤



























📚 @rewayatyamania 🇾🇪

البـارت رقـم 55

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بيت بلال..

وجدان نزلت بهدوء وبأسلوب: كنت اشتي احاكيكم في موضوع

عمتها بقلبة وجه: أمش قد تحاكت

وجدان: اا هو موضوع ثاني

عمتها: خير

وجدان: جاء لرحاب خطيب  ما شروطكم

ام زوجها: مابش معنا شروط لاهو ولد سوا الله يسد ويصلح

وجدان: خلاص تمام ، هو سوا شاحاكي بلال اليوم وانتي كلميها ، هو أصغر اخوته ومعه 7 خوات اصغر منه وبيتهم كبير طابقين

ام زوجها: كلهم في بيت واحد ؟

 وجدان: ايوه

ام زوجها: بس هي موظفة ومدرسه صعب عليها تداول وماعيرضوش

وجدان تمالكت اعصابها: طيب ماعدوش ضروري تشتغل وتدرس اولا ماشاءالله الوضع والصرفه مالها شي في البيت بلال مش مقصر وزوجها ماله شي حالتهم مثلكم

ام زوجها بقزازه ( مكشره وجهها): مثلكم  ياسعم انتو كيف عايشين!

 
وجدان: ماقارنت بيننا وبينكم قارنت بينكم وبين الخطيب

ام زوجها: مع بنتي ماعتفلت شغلها

وجدان: طيب واذا وافقوا تشتغل

ام زوجها: ما ارتحت للزواجه الصدق

وجدان: هيا ابسرتي ياعمه !! كيف لوما قدي رحاب ماارتحتيش وانا وافقت على شروطكم ورضيت وتزوجت وجلست فس البيت والان وصلنا للمشاكل اللي كانت السبب الرئيسي ان انا انفصل وحدي

ام زوجها: بس هذه مش مشاكل كل البنات بيفعلين هكذا

وجدان بهدوء وذوق: اشتي اقلش حاجه انتي وامي زمانكم غير زماننا و ازواجنا غير اباءنا قد الحياه ابسط شويه من قبل في تفاهم الاثنين لذلك انا اخر مره احاكي امي بشي و ياريت انتي مره ثانيه تشوفي تصرف مايعجبش فيني لاتقلبيش وجهش بين اتحسس ومااعرفش اتصرف كلميني وقلي لي .
.
.

بعد العصر في المعهد واقفين خارج

بلال: وليش بتجي طيب؟

 صاحبه : يعني المعهد معهدي والطالبات هنا ننقي ونخطب براحتنا

بلال ضربه على كتفه بيضحك: كنت تقلي اراعي

لفت شافها نازله من سياره أبوها

صاحبه: ياولد استحي على نفسك عادهن طالبات مدارس قسما بالله بين اضحك وانت اللي عادك تزوجت بتتفرج

بلال سمعه استفزه: مالك يا جني ماكنت بين اعاكس انا شبهت بواحده أعرفها

صاحبه: ما على هكذا كلهن يتشابهين نجلس نتبسر نتذكر هذه قد ابسرتها من قبل او مع

بلال ضحك على لقانته (ضحكته مميزه تعرفها من بين الكل .)

وهي طالعه الدرج لفتت له وضحكت من ضحكته

صاحبه بيصفق بيده الثنتين ببطء: لا حول ولاقوة الا بالله ، ب أيش غسلت اسنانك كرست او سنسوداين

بلال بيضحك على ضحكتها وعيونه بيشوفها لما دخلت لفت له : اهجع يا زباج اموت واعرف كيف انت في عملك ارجع اعزمني

صاحبه بجديه: بلال من صدق اكلمك والله انا كنت امزح وعيب الحركات هذه.

بلال: موت بظنك والله ما ابرر لك عشان تبطل تتسرع في حكمك عليا بدون ماتفهم

صاحبه: ما افهم! ماشفهم حسن ظنك الا لو هي المدام

بلال ضحك: حتى انت !!! خيرة الله . هيا شاسبقك وانت راعي نقي رز .

صاحبه لحق بعده ودخل المعهد.
.
.

في بيت بلال ..

وجدان : يعني اتصرف براحتي واطبخ اللي اعرفه !

ام بلال : ايوه افعلي ما اشتيتي

وجدان : تمام

رحاب: وانا شادخل اعاونش

وجدان: مع مابش شي هو بسرعه

رحاب بضحكه: لايكون اندومي

وجدان ضحككت: يو ماشي مش اندومي بس الصدق يعجبني اطبخ لوحدي واركز في الأكل المجابره تلهيني

رحاب: وفرتي يا مرة اخي انا اسير اعطف الملابس

وجدان فتحت صفحه اكل من اليوتيوب وبدأت تطبق الوصفه
.
.


بيت فاروق

فاروق: خرج الحوش يتفقد الزرع والطاقه مفتوحه حق المطبخ وبيسمعهن

هاجر: انا شاكه في الولد ابنهم لو سرقها او بنتهم ماارتحت لهم

اخت زوجها: ولارضيتي تريحي لش من الذهب يا اختي ضاع ولو موجود ماعتفعلي به قد ابوها واقف معها

هاجر: انتي داريه قررت قرار اسير لواحده مره قالوا تبسر لو الشخص مسحور وتفعله حرز

اخت زوجها: يو عتسحريه؟

هاجر: مش سحر بس حرز من كيد بنته

اخت زوجها: وافعلي للبنت اهم ما اخي مابش فيه شي هو بيسمع منها وتتمسكن له

فاروق منصدم وداخل نفسه بيقول: يا الله على الجهل وقلة عقل النسوان هذه مايدرى واحد يطلقها او عيتحمل بظلم غباءها

هاجر: صدق ارجعها ساع اول مثل الدمه وهو يبعد السحر اللي فيه احسه ماعدوش طايق لي وواصل في مشاكل متأكدة فعلت له عمل بنته

اخت زوجها: اعوذ بالله ارجعي افتحي قران وبخري البيت حين تجلس معنا

فاروق دخل لاعندهن ومرته بتخبز



(( لئن شكرتم لأزيدنكم)) الحمدلله والشكر لله❤

















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت رقـم 56

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


فاروق دخل لاعندهن ومرته بتخبز: انتي داريه لولا خوف من الله واني بين اسبق عقوبته فيكن لاحشيكن الثنتين وسط التنور هذه والنار !!

ماهو هذا الكلام !

هاجر: هيا ماذلحين والله انه مسحور ! كيف دريت وانت راقد

اخته: يا اخي خلينا نبسر لك شيخ شكلك مسحور

فاروق: جهزين نفسكن اشلكن مستشفى مجانين هو لو في خوف من الله ماقلتين هكذا ولابتفكرين هكذا ولا فعلتين في بنتي هكذا بس واصلين يكشف الله كيدكن

اخته: سد انت ومرتك مانا شاسير بيتي جهز الحمدلله

اخوها: احسن سيري يمكن تعقلي شويه هذه جننتش معها كنت اقول غريبه على بنتي بس انتي اللي من لحمي ودمي واختي وبنتي مفروض ساع جهالش

هاجر: ياسعم مافعلنا ببنتك او عذبناها هي هذه آخرة العشره اللي مافيه خير ينكر كل شي

فاروق رفع أصابعه وبتهديد جنب عيوووونها فاصل شعره : والله انها اخر مره لش اسمع شي مايعجبني المره الجايه تسيري بيتكم يدوا لش شيوخ يقروا عليش امد لاتجنني لو جت واحده تربي جهالش

وخرج
.
.

في المعهد...

بلال لحقها قبل ماتدخل الكلاس: مابتفعلي هنا ؟

آية: يعني ايش شاسوي اكيد ادرس! ودخلت

 بلال استغرب كيف رجعت مثل ماعرفها اول مره وكأنه مابش بينهم اي معرفه

صاحبه بيضحك وراه: ياعيني والصرعه

بلال: لاتخليني اخرجها من الصف و اهزأها

صاحبه: اتحداك والله اني اتحداك ولك مني ماتشتي

بلال: طيب

دق الباب حق فصل آية..

واقف في الباب شاف المعلمه: لو سمحتي بس ممكن الطالبه آية ثواني بس

آية انحرجت من الطلاب واللي موجودين انها تعرف واحد وجاي يكلمها: يمكن غلطان ما اعرفه

بلال ضبح من ردها وعنادها: ايوه انا استاذ هنا اليوم اول يوم لي ممكن دقيقه بس

آية: لا اسفه هذا صفي ومابش معي مواد ثانيه مسجله فيها.

بلال رفع حاجبه يشوفها انصدم

آية بينها وبين نفسها ضابحه منه: ما في بيتهم جلس خايف يزعل مرته وهنا مابحد مرته يشتي ياخذ راحته مش هو على مايشتي انا وعدت ابي اتغير وما اسوي شي يحرجه مره ثانيه ويثبت عليا كلام الناس.

بلال خرج..

صاحبه جالس يضحكك: بصراحة والله ماقد شفت هكذا قصف جبهات تشتي لصقه  او صمغ اصمغ جبهتك !!

بلال معصب من أسلوبها ليش هكذا ! وهو كان يشتي يسألها لو تحتاج شي وان المدير صاحبه.

صاحبه: مالك سرحان ! سهل تحصل ما معك الا اللي معك راحت عليك الدبله في يدك يا صاحبي وبتهاوز تحمل الرد

بلال: ناهي مش وقت ذلحين جي ننسق الكلاسات والايام اللي تناسبني

صاحبه بيضحك: هيا جي المكتب ، اطلب لك ليمون مثلج تبرد شويه
.
.

في بيت بلال..

ام بلال دخلت المطبخ وبتشوف ولافي اي طبخه على النار: اين الغداء يا وجدان ؟؟

وجدان: في الفرن ياعمه

ام بلال: مافعلتي ؟

وجدان: بيتزا

ام بلال بضبح: عنتغدى بيتزا ؟

وجدان: ماتعجبش؟

ام بلال: بيتزا لبعد العصر مع شاهي غداء بيتزا الله يهديش بس ما اهنى الاكل الا برز

وجدان انكسفت: طيب شافعلكم

ام بلال بضبح: لاعد تفعليش عناكل الحاصل

وجدان اتصلت لبلال: هيا عتروح طبخت اكله تعجبك قوي

بلال: مافعلتي ؟ انا قد نبيت امي شاتغدى خارج

وجدان: او تغديت؟

بلال: لا

وجدان: هيا روح اتغدى معنا قد طبخت امد اصالحك حين كنت زعلان

بلال: طيب عشان اول مره شاكل من يدش شارجع بس يامنعاه مااشتيش مشاكل مع امي

وجدان: مابش مشاكل ولاشي قد سديت انا وهي ودخلت اطبخ وحدي

بلال: الله يحفظش لي ادي معي شي من الطريق.

وجدان: ماشي سلامتك

بلال خلص المكالمه ورجع المكتب: خلاص بكره ان شاءالله الساعه3 وانا هنا

صاحبه: تمام


بعد ساعه خلصت آية وخرجت واقفه في صاله المعهد مراعيه لابوها

صاحب بلال: عاد انتي سجلتي صح ؟

 آية شافت انه صاحب بلال: وانت مادخلك ؟

صاحب بلال أنحرج قدام السكرتيره وبعض طلاب: انا هنا في الإداره ونشتي الأوراق حق الطلاب عشان نكمل التسجيل

آية انحرجت مشيت لاعند السكرتيره: ها العفو منك فكرتك طالب

صاحب بلال ضحك: طيب حصل خير ، شوفي السكرتيره عبي البيانات عشان نحتاجها للشهاده

آية واقفه جنب السكرتيره: طيب وين الاستماره ؟

صاحب بلال شافها ورجع دخل المكتب خرج ملف من الشنطه وبيقراه.

آية خلصت ناولتها الورقه وخرجت

ابوها فوق السياره : ليش تأخرتي؟

آية: كنت اعبي استماره لاني وقت ما سجلت دفعت بس الفلوس

ابوها : تمام شانزل للبقاله وارجع

آية جالسه تفكر في بلال (( اللي سويته معه عيب او لا بس وهو ليش بمزاجه يكلمني خارج براحته وقدام مرته بيتصرف معي بغرابه وكأنه مايعرفنيش))
.
.

في البيت بعد ماوصل جلس شاف الغداء

بلال: ياسلاااام بيتزا

وجدان: ايوه داريه انها تعجبك

بلال: نفس حق المطاعم

رحاب: ماشاءالله عليها لذيذه قوي

ام بلال جالسه تاكل زبادي

وجدان قطعت لها في الصحن وقربت لها

ام زوجها:...
























📚 @rewayatyamania 🇾🇪

البـارت رقـم 57

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


ام بلال جالسه تاكل زبادي

وجدان قطعت لها في الصحن وقربت لها

ام زوجها: مشتيش هذا الجغيص

رحاب وهي بتاكل تفاجأت من كلام امها تشتي ترد شهقت واشترغت باللقمه..

ام بلال: هيا ادي لاختك تشرب قلنالكم محد يتغدى بيتزا قلتوا مع

وجدان ساكته وبتاكل وتتفرج لبلال

بلال بيلطف الجو: احسن ياحجه خليها لي قسمش والله انها طعيمه شاف مرته: هكذا واصل تفعل لرحاب لو خورت تغدينا على مزاجها
.
.


بعد العصر بيت فاروق..

آية اخذت كتبها وخرجت تذاكر في الحوش فرشت لها مكان وجلست..

بتسمع..!

رجعت تسمع نفس الشي اصوات في الشارع العيال ويضحكوا واخوها يبكي ويقلهم: خلاص تمام حاضر شادي لكم

فتح الباب وهي وراه واقفه

آية دهفها بالباب بسرعه ودخل: دلا وجعتني  مالك؟

 اخوها: ولاشي

آية سحبته من يده : والله لو ماتقلي مالك لادخل اكلم أبي

اخوها دهفها وباظافره بقصها قوي تفلته وهرب

آية لحقته ومسكت يده الثنتين بقوه: والله لو ماتتكلم ما تقدر تدافع على نفسك مابلا حيلك عليا

اخوها بيصيح: قلت لش مادخلش يا متسوله

آية ضغطت اقوى بيدها على يده: احترم نفسك بين اقلك والله لاكسرها لك

هاجر بتسمع صياحهم خرجت  بسرعه نتفت يدها من يد ابنها ولطمت يد آية رجعت مسكتها: مالش على ابني يا حيوانه

آية مسكت يد هاجر بقوه وبعدتها من يدها: مره ثانيه والله لاكسرهالش اتعاملي معي باحترام عشان احترمش

اخوها فلتهن بيتصايحن ودخل بسرعه ورجع خرج..

آية والا اقلش راعي مشيت بسرعه ودخلت غرفه ابوها: مابحد

هاجر لحقتها وصلت وهي في الغرفه : ولش عين تدخلي غرفتي يا سارقه اخرجي خرجت نفسش.

آية : اقلش شي تستاهلي اللي بيوقع بأبنش ربي بيخرج حقي في ابنش

هاجر خافت: مابيقع به ؟؟

آية خرجت الحوش ورجعت مسكت الكتب وبتذاكر

هاجر خرجت بعدها: ماوقع تكلمي

آية طنشتها ولبست السماعات وجالسه تسمع اغاني وتكتب الواجب وتحفظ كلمات

هاجر: بتسمعي لاتقلقيني مابيقع به !!

فاروق وصل من خارج: مالش صوتش للشارع مالش ؟

شاف آية هادئه بتذاكر ولابسه السماعات

هاجر: هو انت دايما مابتجي الا على صوتي وبس

فاروق: قدو واضح اصلا قدي في الشارع وبتذاكر في حالها وصوتش للشارع

هاجر: اسألها كيف ضربت اخوها وهزورته خرجت افرع

آية بعدت السماعه : ايوه ضربته وشاكسر راسه اخي وانا حره

هاجر: الحمدلله هيا بتسمع

فاروق: مافعل؟

آية قامت ومسكت يده: جي غرفتي  اكلمك

هاجر: تكلمي هنا انا امه

آية : انتي امه بس مش فاضيه له واصل في التفاريط والا عندش شله النسوان تجمعيهن عشان تجلسي تخططي خططش فيني وابنش مفلته له في الشوارع ولا انتي داريه ايش بيحصل

ابوها خاف: ماله اخوش ايش حصل

آية: والله ماتكلم قدامها مثل ماهزورتني وتقلي سارقه

ابوها :طيب جي تكلمي في الغرفه.
.
.

بيت بلال..

رحاب جالسه مع امها بتتفرج مسلسل

امها: ومالش دخلتي تغسولي انتي وهي مافعلت الا صحن بيتزا

رحاب: سهل نتعاون وكل شي بالرضا مش ضروري يعني نجلس نتحاسب صحن بصحن وطبخه بطبخه قدها عتعيش وسطنا وجيزها من جيزنا

امها : اتحملي مدافعتش عليها انتي بعدا لاتجي تشكي لي.

رحاب : تمام عنسد انا وهي وانتي اهدأي حبوب الضغط يشتي لها هدوء الله يحفظش.

بلال نزل طفى التلفزيون ورحاب منسجمه : اسكبي لي شاهي

رحاب: قوا افتح التلفزيون بسررعه قد عيكمل

امه: مالك من المحانبه

وجدان بتضحك

عمتها: اسكبي لزوجش شاهي يفتح لنا نبسر

وجدان جلست تشتي تسكب له في القلص

رحاب سبقتها في يدها الثلاجه: ادي شاسكب له

بلال: الله حاسس نفسي ملك مرتي واختي بيتضاربين عليا

رحاب: هذا مرض مش هو ملك

بلال قرب يسافطها ويشعفل شعرها: طيب يادكتوره المجانين

رحاب: احمد الله لو ما انا ماوقعت عاقل وشخصيه لطيفه هكذا

وجدان بتضحك عليهم..
.
.

بيت فاروق غرفتها..

آية: كل يوم كل يوم اسمعه يجلس يقلهم فلتوني ويبكي وينضرب وهذك يقل الطمه ويدخل يدي لهم ماء واوقات مدري مايخبي ويخرج

فاروق عصب: انا اوريه والله لابدع به قبالهم

آية: لا حرام قوا والله لايزيدوا يحتقروه ويضربوه خليه لما يدخل البيت وتفاهم معه.

فاروق: وليش ماكسرتي راسه انتي لما دخل

آية: مارضي يتحاكى كان نفسي وقال لي ماحصل معه لاخرج اضربهم كلهم

فاروق شافها: آية !! يابنتي انتي ناسيه ان انتي كبرتي مايسبرش تخرجي تتضاربي مع عيال الحاره

آية: مافيها أخي ادافع عليه

فاروق: يدافع هو على نفسه عمره 12 مش هو جاهل
انتي قلتي عتتغيري .

















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 58

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في الصاله بتتكلم في التلفون.

هاجر: مابلا لانتي سمعتي صوت آية ضربت اخوها ضرب وبتصيح فوقه

أم سام: ها ظنيت صوتش قلت لاقد فعلت شي

هاجر: مع مابلا هي جالسه في الحوش قد ابوها منعها تخرج تتمجنن في الحاره مع اخوها

ام سام: تشتي الصدق ياختي لاتزعليش مني كان به ناس يشتوا آية وسألوا عليها وانا قلت مش هي حق زواجه البنت عادها غاويه بتفعل لأهلها مشاكل ( كانت تشتي تستمر في الكلام وتقول (( حتى انها هربت من البيت عليهم )) رجعت سكتت في هذه الجملة لاتعاتبها هاجر)).

هاجر: الله يسامحش كنتي تخليهم يجوا يشلوها افتهن من جنانها

ام سام: الله يعينش عليها.
.
.

ثاني يوم في المعهد..

آية دخلت وشافته واقف مراعي للطلاب يبدأ الكلاس حقه : السلام عليكم

بلال شافها ومارد

آية بتتفرج له عيرد !!!

بلال شاف طالبه ابتسم لها: اهلا وسهلا تفضلي الصف

آية عصبت وهي واقفه: تعرف امس ليش انكرت اني اعرفك لانك مزاجي هكذا كل يوم بطبع يوم تشتي تتكلم تتكلم ويوم ماتشتي تتكلم تدعمم وكانك ماتعرفنيش

بلال سمعها وكتم ضحكته طنشها ومشي

بعد مارجعت البيت حست نفسها وحيده محد بيحبها حتى ابوها معاملته لها مجامله كانت قرأت جمله في كتاب وذكرت الكلام اللي فيه كيف نحس بالوحده والله بجلاله وعظمته بينادينا الاذان خمس مرات في اليوم عشان نقابله ونشكي له ونتكلم معه بكل شي في نفسنا ، قامت تتوضأ وتصلي
.
.

ثاني يوم الصباح

آية صحيت بسبب صوت تلفونها شافت الاسم جاوبت: الو

رحاب: صباح الخير ؟

آية: صباح النور

رحاب: كنتي نوم؟

آية: ايوه

رحاب: كنتي نشيطة عندنا هذا الوقت وقد قمتي

آية ضحكت

رحاب: فقدت لش مارأيش تجي عندي

آية بتفكر: بس معي معهد

رحاب: بعد المعهد روحي لهنا ، شاراعيلش نتغدى سوا

آية: تمام شاحاكي ابي وانبيش

رحاب: تمام

آية غلقت تلفونها وقامت رتبت سريرها و فتحت الستاير و الطاقه شافت اخوها بيجري في الحوش بتداعيه: بساااام بسام!

فتحت باب غرفتها وخرجت لقيت اختها الصغيره قدامها: عتلعبي معي ؟

 آية: بعدين معي مذاكره ،اين بسام؟

اختها : بيلعب خارج

خالتها واقفه ماسكه خصرها: ماتشتي منه ؟! قلت له لو يتكلم معش لاموته

آية بضبح: استغفر الله على بكاره بكرنا ، حين تسخي تقلي ع ابنش هكذا اعوذ بالله.. دخلت الحمام وقفلت

بسام دخل شاف امه في الصاله يشتي يتخلص منها: جاوع اشتي صبوح

امه: ناهي اتصل لعمتك وارجع افعلك

بسام سكت شويه بيفكر انها بتكون مشغوله لما تتصل واقف مراعي شافها بتتكلم معها ومندمجه دخل بسرعه غرفتها ..

الحمام مقابل للممر اللي غرفه فاروق وهاجر فيها والمطبخ مابين الغرفه والحمام ( يعني لما تدخل للمطبخ اللي في الصاله يفكرها دخلت آية جهة غرف النوم حق الجهال وفاروق).

آية خرجت من الحمام ودخلت المطبخ تفعل لها شاي وصبوح.

بسام خرج بسرعه من جنب المطبخ وللشارع

آية خلصت تسوي لها شاي وسندوتش جبن ودخلت غرفتها
وهي بتمشي مقفيه لغرفتها

هاجر مستغربه مش شايفه ايش ماسكه في يدها هي بتشوفها من وراها وشافتها خارجه للغرفه حقها وقفلت بالمفتاح ( شكت فيها ) قفلت السماعه ومشيت بسرعه للغرفه تتفاقد الذهب حقها مابش شي ضايع تفاقدت الدرج فيه صندوق صغير بتخبي فيه فلوس الجمعيه حق نسوان الحاره عندها ومفتوح والفلوس ملخبطه بتسأل نفسها مالها هكذا انا لفيتها سوا مشيت خطوه ع جنب عشان تجلس تعدها ودعست برجلها الربل حق الفلوس بدأت الشكوك والظنون وتربط مواقف آية كلها بسرعه مسكت الفلوس وبتعدها انصدمت ناااااقصه وكثير ناقصه خمسه وعشرين الف !!

رجمت الصندوق للدرج وراحت غرفه آية فتحت بقوه ومقفل!! معصبه بتصيح الله يقطع يدش

آية في غرفتها لابسه السماعه وجالسه تسمع النطق حق دروس الانجليزي وتكتب الحل انتهت الجمله اللي بتسمعها وسمعت صياح

خافت لايكون وقع باخوها شي بعدت السماعه بسرعه وفتحت الباب: ايش في ! ماله بسام؟

خالتها: يلعنش ماعليش من ابني خلي له حاله بتدوري هدار للولد الان تخرجي زلطي ياسارقه ياللي ماتربيتيش ياشوارعيه






















📚 @rewayatyamania 🇾🇪

البـارت رقـم 59

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


ماتربيتيش يا شوارعيه

آية اخذت نفس عميق ومش عارفه ايش ترد عليها هذك اللحظه

خالتها: مفجوعه ! وعاد انتي راعي بس لابوش يرجع من العمل والله لاخليه يقبرش جنب قبر جدتش مش الا يرجمش هانك

آية شافت أسلوبها مستفز تشتي تغلق الباب

هاجر دهفت الباب ومسكتها بكتفها بقوه: والله لاقطعش قطاع ادي الزلط ذاحينه يلله

آية بعصبيه بعدت يدها بقوه: انا ساكته لان مابش عاقل يقدر يتفاهم معش انا مابين ارد على لعنش لأني محترمه انش زوجه ابي ( مسكت يدات هاجر الثنتين بقوه) انا اقدر اكسر يدش بس عيب انتي اكبر مني ، لاتخليني اعاملش بأسلوب بنت الشوارع قولتش الشارع علمني احلى شي القوة هذه واني ادافع على اللي يضربني داريه ليش بين انكرش لانش حتى جهالش ماربيتيهم وعيربيهم الشارع مثل مابتسميني هكذا

هاجر دهفتها ومسكت شعرها: والله لاقلع عينش والله من يقولوا لش تتكلمي معي هكذا.

آية باظافرها بعدت يد هاجر من شعرها وعلى نفس المسكه دهفتها لخارج وقفلت الباب ..

بسام جالس واقف بين غرفته والغرفه حق ابوه وامه وبيفكر بما انها امه بتتهم آية يزيد يشل فلوس مره ثانيه ومحد يشك فيه

امه شافته بيجري للحوش: جي افعل لك صبوح

بسام: شارجع

امه عصبت واقفه من داخل جنب الباب: جي لهنا ادخل الان

بسام خاف تفتش جيوبه واقف جنب طاقه آية بيشوفها وهي جالسه طارحه راسها بين ارجلها وبتبكي مابتشوف تسلق الجدر ورجم الفلوس اللي في جيبه  من الطاقه بهدوء ونزل

الفلوس نزلت من جانب السرير حق آية ..

سمعت صوت رفعت راسها بسرعه شافت الستاره بتتحرك قامت تقفل الطاقه وتغلق الستاره.
.
.

في الصاله..

هاجر واقفه مراعيه لبسام: ادخل اشتي اكلمك

بسام: ايش ؟

هاجر: ابسرت حد دخل غرفتي ؟

بسام خاف فكر السؤال موجه له او ان امه بتشك فيه ولأنه عارف كيف يغالطها عنه اضطر يلفقها لأخته: ايوه آية

هاجر حست بفرحه معها شاهد: اي حين شفتها !

بسام بشويه لعثمه في الكلام: هاه اول حييين  سكت ثانيتين حين قلت لش اول جاوع و اشتي صبوح وانتي في التلفون

هاجر: تمام ارجع قل لابوك لما يروح

بسام وهو بيتنفس بسرعه من الخوف: تمام

هاجر: اتصلت لزوجها وما ادى لها اي اهتمام حس انها بتكذب و مثل كل مره بتدور مشاكل لآية

رجعت تتصل لاخت فاروق و وتشكي لها
.
.

بيت بلال..

رحاب صلحت الصبوح ومراعيين هي وامها

بلال: صباح الخير

امه: صباح الرضا والعافيه لقلبك يا ابني

وجدان بابتسامة بتوزعها بين رحاب وعمتها: صباح الخير

عمتها بدون ماتلفت لها وببرود: صباح النور

رحاب: صباح احلى مرة اخ في الدنيا

بلال شاف مرته بممازحه وغيره : احلى في الدنيا هي قصدها الأخ مش انتي يعني انتي مرته أحلى اخ في الدنيا.

وجدان ضحكككت بصوت: ناهي ياعسل افتهنت مش أحلى وبس

امه تضايقت: كسرتوا راسنا عنصتبح والله لو جهال ماعيفعلوا هكذا

رحاب استغربت من امها !!

وجدان حست بصدمه وانجرحت حست انه متعمده عمتها لها هذا الأسلوب لانها أخر وحده ضحكت وبتمزح

بلال عشان يلطف الجو: هيا ناهي ياحجه عاد انتي عتتحملي ازعاج جهالي في البيت او مع

رحاب كانت بتبهرر لأمها وتسالها بنظرات ايش؟

امه: وقت اكل احترموا النعمه من الضحك والمجابره غيركم يتمنى اللقمه من كثر ما الشياطين معاكم بتنسوا حتى البسمله

وجدان ساكته وبتاكل

بلال بدأ ياكل وبيفكر يدق الحديد وهو حامي ويكلم امه

قاطعت افكاره رحاب: اليوم آية عتجي

وجدان لفتت بسرعه لزوجها تشوف ردة فعله

بلال بياكل ويتذكر موقفها وكيف رد لها الموقف ابتسم وهو سارح في الاكل

ام رحاب: ماتجي تفعل؟ اي حين عنخلص من هذه الأسره ، انتي داريه ان خالتها رجعت تتصل

وجدان بتأشر لبلال بحواجبها وبهمس فمها : ل ي ش ف ا ر ح

بلال فهم وحب يحرجها انه مافهم : فار ! اين هو

وجدان ضحكت ورجعت ذكرت عمتها مسكت الضحكه

ام رحاب شافت بلال: مابيتم ضحككم طالع؟؟

رحاب تشتي تغلق موضوع بلال ووجدان: اي حين اتصلت خالتها

امها: قالت تشتي تعتذر وسألتني اين لقيتوها قلت لها في السوق محل الذهب يعني احنا مالنا دخل بذهبكم هي بنتكم سارت تبايع قالت لو هي بنتي ان قد قتلتها المشكله مش هي بنتي واخاف لو سرقته وحد لاحقها وابسرها دخلت البيت وسرقه وانها تعتذر لنا

رحاب: ماشي ماباعت شي

بلال قاطع اخته معصب: هذه الكذابه لاتصدقي لها اسالي رحاب قرينا في الورقه وصيه مكتوبه بخط وموقعه وبصمه والورقه قديمه ورقم البطاقه

وجدان شافت دفاعه وضبحت...


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 60

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بلال قاطع اخته معصب: هذه الكذابه لاتصدقي لها اسالي رحاب قرينا في الورقه وصيه مكتوبه بخط وموقعه وبصمه والورقه قديمه ورقم البطاقه

وجدان شافت دفاعه وضبحت على آية غارت من تصرفاته وقامت من فوق الصبوح

ام رحاب: مسرع ماقد اكلتيش

وجدان شافت بلال: يكفي هو الا صبوح بيقوم الواحد ومابش نفس.. و طلعت

ام رحاب: وهذه مالها حنقت

رحاب: ماعندها حجه تشبع

بلال بدأ يشتي يتكلم: أنا.. فكر لايتكلم كلام يسوي الفعل وبس ..سكت

امه: انت مالك؟

بلال: شاخرج ذلحين مشوار انا ووجدان وارجع

امه: راعي لي شالبس و اجي وصلني على طريقك .

بلال: هيا تجهزوا

رحاب: انا شاطبخ واراعي لآية عتجي تتغدى

بلال: تمام
.
.

في غرفتها

وجدان شافته دخل ومعصبه : آية آية آية واصل لاتبرر ولا تقلي ولا كلمه ماتعرفوهاش لقيتوها في الشارع ولهذه الدرجه قرحت الاخوه عندك

بلال: لاحول ولاقوة الا بالله العلي العظيم

وجدان: وعاد الضبح لك !

بلال بيغير ملابسه: والله انا ضبحت الصدق وماعد عندي شي اقوله لش في هذا الموضوع قد قلت لش اللي عندي وانتي مشتيتي

وجدان جالسه: طيب تمام

بلال: ذلحين عتخرجي معي او ماشي

وجدان بتغير وبدلع ( بتمثل وتزيد غيرتها عشان تبين له حبها مثل ماسمعت من نصايح القروبات حقها ): سير اخرج وادي آية وشل آية وافرح حين تجي عندكم آية

بلال عصب من أسلوبها وكان ضابح من اللي حصل نازل مع امه ماعرف من يرضي: صح وهذه فكره لان احنا يوميا سوا في المعهد حرام تستأجر وتتعب نفسها بعيني شاوصلها و اردها تسلمي على نصيحتش.

وجدان: يعني بدل ماتعتذر عاد انت بتخرج اللي نفسك فيه

بلال: نفسي في ايش ؟

وجدان: تخرج معها وتوصلها

بلال كمل يزرر شميزه وهو مطنشها تعطر ومشط شعره وخرج ولا رد عليها ابدا

وجدان فكرت لو يروح صدق لآية: فتحت باب غرفتها راعي شاجي معك

بلال: فيسع ( بسرعة)

وجدان لبست وماسكه تلفونها مش منتبهه قدامها من جالس فوق السياره فتحت الباب اللي قدام واستغربت شافت عمتها : يو ياعمه ...

ام بلال قاطعتها ماخلتها تكمل كلامها: ماهو ماقصدش انزل ؟؟

وجدان: مع ماشفتش

ام بلال: ماشاءالله لهذه الدرجة مش باينه.

وجدان طنشت وفتحت باب السياره وجلست خلف بلال
.
.

بيت فاروق..

آية ضبحت وانزعجت منها كل شويه تجي تدق لها الباب شلت الفلوس اللي ادالها ابوها وقررت تخرج بتلبس وتجهز نفسها..

لبست وقفلت الطاقه ورتبت غرفتها و اخذت الكتب وخرجت رجعت خطوه وقفلت غرفتها بالمفتاح وخرجت.

هاجر سمعت وهي بتغلق بالمفتاح خرجت من غرفتها

لحقتها وهي في الحوش وين عتسيري  ؟

آية: سيري دوري ابنش اول من الصبح للان وين هو!

وخرجت وقفلت باب الشارع

شافت بسام مابحد ولا العيال اللي بيلعبوا معه استغربت فكرت بيلعبوا في حاره ثانيه



بعد ساعه واتصال هاجر لفاروق تقل له بنته خرجت بدون اذنه ومن غير موعد المعهد حقها
.
.

وصل البيت..

فاروق بيغير ثيابه: اتصلت لها قالت تشتي تسير السوق وترجع للمعهد ماهربتش ليش بتدوري مشاكل

هاجر: ياسعم ماقد كلمتك ايش حصل

فاروق: ولا قالت لي شي هو انتي بس اللي يعجبش تخلقي المشاكل

هاجر: هيا ابسر راحت تدي الفلوس وتوريه

فاروق بتجاهل بيجاوبها: يعني تشتي تقلي انها اللي سرقت ؟

هاجر غمزت لبسام

بسام: ايوه انا ابسرت آية خرجت من هناك  ( اشر على الممر حق الغرف )

فاروق: ادي الصدق ! والله لو بتكذب لاعاقبك وادي ورقى أمك

هاجر: تمام وانا راضيه

فاروق اتصل بها: اين انتي؟

آية: في السوق

فاروق: مابتفعلي ؟

آية: احتاج اشياء سرت اشتري

فاروق: من اي لش زلط؟

آية شكت لو خالتها كلمه: اللي اديت لي هذك اليوم اشتري بالطو ( عبايه)

فاروق: طيب ارجعي الان البيت

آية: كنت اشتي استاذنك بعد المعهد اسير عند رحاب

فاروق: ماشي تتمي وترجعي لهنا

آية: بس قد جهزت ...

فاروق بمقاطعه: مراعي لش بعد المعهد تروحي البيت مع السلامه وقفل ومعصب منها.
.
.

فوق السيارة..

ام بلال: انا ماشتيش اكل المطاعم نروح نتغدى في البيت

بلال: اشلش تتغدي في البيت ؟

ام بلال: تمام كلنا مابش نفس وانا وحدي

وجدان بتسمع سكته وماتدخلت.

بلال: وجدان مارأيش؟

وجدان ضابحه: براحتكم

بلال: طيب انا شابع ذلحين اشلكم تتغدوا في البيت وانا اسير المعهد

















https://tttttt.me/rewayatyamania/39767




📚 @rewayatyamania 🇾🇪