البـارت 19 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


شروق: خاطر  مالك رد😳

خاطر: استهدوا بالله لاتخافيش يمه صفاء تعرضت لحادث طلقه رصاصه وهي الان بالمستشفى

الام بحزن: ااااااه يابنتي ااااااه قدنا حسيت بشىء اااااه ياصفاااء وجلست تبكي

شروق تحاول تكون قويه: يمه الحمدلله ماصار لها شي يعني هي تمام هيا نسير لعندها .😢

خاطر: يمه خلش  قويه هي الان تحتاج تبسرنا اقوياء

شروق مسكت على راسها وهي تبكي: ياالله ياقهري عليش يا صفاء من قد يتعدى لش ااااه .


جت علياء من المدرسه تبكي وتشهق .
علياء: يممممه 😭😭😭 .

الام: تعالي تعالي مالش

سقطت  علياء في حضن امها تبكي .
الام: مالش ياعلياء ان شاء الله ماصار لها شي قوي .

علياء رفعت راسها وكلها دموع

علياء: يمه اكيد  يعني خلينا نروح لعندها يله .
الام: طيب طيب انتي بس اهدائي ومسحت على راسها تهدأها

في المشفى
علي  يجري مع الاطباء الى غرفه العمليات

وقف الطبيب ((لاخلص انت هدي بالك وان شاء الله تقوم بسرعه

علي: لا لييش شدخل معها

الطبيب: لا يااخي زوجتك في ايادي امينه لاتعيقنا عن شغلنا .. من فضلك .

علي جلس يده على راسه  ويأكل في نفسه ووبداخله غضضضضب لايوصف ...


امااا شروق ...
في داخلها محطمه نفسيا وتتظاهر بالقوة عشان امها واختها لايضعفوش

وصلوا للمشفى .. حصلوا علي ..

خاطر وهو ينهف: علي ايش حصل ايش قالوا ؟؟؟

علي ماجاوبه واشر بأصبعه لغرفه  العمليات ... وخاطر فهم . .

.
.

شروق وامها وعلياء وخاطر وعلي وشهاب ينتظروا على احر من الجمر ... انتهاء العمليه .

خرج الطبيب من الغرفه !!!! وعلى وجهه الأسى

الام: شروق قوميني رجولي ماعد يحملوني

شروق: لاتقولي كذا يمه الان شيبشرنا انها بخير تفاءلي ..

خاطر: هاه يادكتور بشر لاتقول انها

الدكتور: لالالا الحمد لله عايشه عايشه ... بسس

علي: ايش اييش

الدكتور: بنتكم عندها شلل نصفي وماشتقدر تتكلم ... بسبب الرجه براسها .

الام: ااااااه يابنتي اااااااه ماتستحقي كل ذا اااااااه ياالله وجلست تبكي وتتحسر

وعلي صار على وجهه علامة الحزن والانكسار ...
علي:اقدر ابسرها

خاطر: اااااه بس اعرف منو ذا لأشرب من دمه

شروق حست بغصه بقلبها وجلست تبكي بحرقه بصوت منخفض

حس عليها شهاب التفت لها ... ودمعت عينه .
شهاب في نفسه: والله ماتستحقي ذا كله ياشروق

الطبيب: حاليا مااقدر اخليكم تبسروها لانها في الانعاش

الام: ياعلي يا ابني شاخلي صفاء عندنا

علي بمقاطعه: لااا لا ياعمه اعذريني مااقدر هي الان تحتاجني وانا السبب في هذا .

خاطر: اش دخلك انت السبب؟؟ .

علي: صفاء في الايام الاخيرة كان بنفسها تفضفض وتتحاكى لاحد بس ماكنت افضى لها ومشغول
.
.

بعد ساعه ......😧😧

علياء: يمه اشتي ابسر صفاء

الدكتور: الان فيكم تبسروها بس مش كلكم

الام: دخلوني لبنتي اشتي ابسرهاا .

علي: طيب ياعمه مايصير الا الي يسرش هيا دخلنا .... شروق وين شروق ؟؟ .

شروق خرجت من المشفى وجلست بجانبه على الكراسي تبكي
شروق في نفسها وهي تبكي: ااه يااختي اااه ليتني محلش وانتي محلي ياالله كون بعونها يارب
بس اشتي اعرف من هذا ابن الحرام اللي فعل بش هكذا

فجأة رن جوال شروق ..

شروق بعصبيه: اش يشتي مني ذا الحقيررر

بدون ان تنظر الى هاتفها من المتصل رمت الجوال بقوة ع الارض حتى انكسر ... وانفجرت بالبكاء على الارض .

جاء شهاب مسرع اليها

شهاب: قومي من الارض يابنت الناس .. واخذ يمسك بيدها وجلسها على الكرسي

شهاب: لا تخلي الناس تركز عليش كذا خلش قويه

شروق: تعبتت تعبت مله خلاص اشتي موووت .

شهاب: خلي املش بالله يابنت استهدي بالله .. اهلش يدوروا عليش وانتي هنا قومي اوديش عندهم ..

شروق: لااا خلني هنا وروح مااتحمل اشوف امي تبكي خلاص نفسيتي























📚 @rewayatyamania 🇾🇪

البـارت 20 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


جلست شروق على كرسي حديقه المشفى ورأسها بالجدار... شارده التفكير ... ودموعها على الخد تسيل .

شهاب في نفسه: ااااووه وانا شدخلني اكل همها اخر همي ام ستارة .. يلا عندالله ما يضيع .

شروق بدأت تعطس .
شروق: ياالله بررد شاتصل بخاطر .. اوووه جوالي كسرته

ثواني واذا بشهاب يقول لها .
شهاب وعيونه في الارض: هذا رقم خاطر اتصلي عليه .. يروحش

شروق: شكرا

((الووو خاطر اين شتطولوا ياخي تعبت اشتي ارجع))

خاطر {{امش شاتجلس الليله هانا بخلي شهاب يوصلش انتي وعلياء قد ابي بالبيت عطيني شهاب اكلمه}}

شروق: خذ خاطر يشتيك

شهاب: تمام تمام يله مع السلامه .

شهاب: اظنش عارفه اني بروحكم يله داعي لاختش اروحكم الان

شروق: طيب

علياء بدموع: يمه اشتي اجلس معش اليوم

الام: لايابنتي انتي سيري للبيت انتي واختش وانا ان شاء الله مابتصحي من النوم الا وانا بالبيت

علياء: طيب يمه .

شروق: اوووه نسيت اي غرف هم .

بينما هي تمشي حست بخووف انها تمشي لوحدها

خاطر: هيا ياعلياء انتي وشروق شايسير بكم شهاب للبيت

علياء: طيب اين شروق



شهاب: افففف اش التأخير ذا ؟؟؟ شدخل اجيبهم بنفسي


شروق: ياالله فين اسير انا !! وين الغرفه استغفففر الله حتى رقم الغرفه نسيته .. ءءياعم فين باب الخروج

. ((يابنتي انتي الان بقسم التشريح ارجعي للوراء روحي لليمين تلاقيه))

شروق: يااامنعاااه قدنا بقسم التشريح

شروق بينما هي تمشي اذا بيد تمسكها من كتفها من الوراء
شروق بفزع: يوووه خاااطر الحقنيي

غطا فمها بيده اصصه فضحتينا انا شهاب

شروق: وليش فجعتني كنت بتتكلم

شهاب: ايش دخلش لهانا امشي يلا ..

علياء بحزن ركبت السيارة وحطت رأسها على كتف شروق

وصلوا البيت

شهاب: هيا وصلنا ف امانه


ركضت شروق وعلياء الى ابوهن باكيات

الاب: ماعليش حبيباتي الله ينتقم من اللي فعلها
.
.

اماااا شيماء فقد اصبحت كالمجنونه .. طول الوقت تصيح وتقول ماسوويت شيء

ام شيماء: يابو شيماء بنتك شكلها كانت بالبلكونه وشافت الحادث وجاتها رهبه

ابو شيماء: والله شكله الظاهر كلامش صح .. البنت فجعانه طول الوقت يمكن شافت اللي فعلها ..
.
.

اماني تتصل بعلي تطمن على صفاء وعلي ما يرد على الاتصال .

اماني: يمه شكله مشغول اكيد بجنب صفاء وجواله مايستقبل الان ان شاءالله تقوم بالسلامه😧


صفاء فتحت عيونها

الام: بنتي صفاء الحمدلله ع السلامه

علي: اخيرا فتحتي مسك يدها وقال:صفاء من فعل بش كذا .

صفاء دمعت عيونها ... وحركت راسها يمين وشمال

علي ادرك انها تلمح ماتقدر تتكلم .

حاولت تحرك اصابعها لكن ماقدرت .. جلست تبسر لعلي بعيون مكسورة .. وخاطر مجروح .. .

الام: يابنتي شتتحسني وترجعي احسن من قبل ومسحت على شعرها ..
.
.

رجع شهاب على البيت حزين دخل غرفته وجلس يبسر لرقم شروق

دخلت ريحانه بحزن : شهاب صفاء مالها بخيره؟

شهاب: البنت بها شلل نصفي وماعد تنطق💔

ريحانه: اخخخخخ والله قطعت قلبي عادها عروس ببدايه شبابها .. الله يكون بعونها ءءءء وشروق كيفها 😢

شهاب: اااه ااه لاتبسريها بس .

ريحانه: ايش .

شهاب: ءءاقصد حالتها تقطع القلب روحي عندها بكرة منها شتواسيها...

ريحانه: اكيد شسير لعندها
.

في المشفى
دخل الطبيب على غرفة صفاء بين علي ونبيله
الطبيب: اين الزوج

علي: انا خير

الطبيب: زوجتك حامل

علي بصدمه وبنفس الوقت بفرح: ايش تقول

جاء علي وامسك بيد صفاء: صفاء حياتي شتتعافي بسرعه وتصيري امم اممم انتي حامل

الام: مبروك يا قلبي

صفاء وزاد الامل عندها بالتعافي .. وبدأت عيونها تظهر عليها علامة الفرح

علي: ايووة افرحي كذا اشتيك
.
.

في بيت شهاب..
شهاب ماجاه نوم .. ذهب للصاله وطلع من جيبه جوال شروق وحاول يصلح فيه

شهاب: من الي كانت شروق تسبه؟؟ .

ريحانه قامت .
ريحانه بعيون نعسانه: شهاب؟موبتفعل ذي الساعه

شهاب: ولا شي ارجعي نامي.. وخبى الجوال

ريحانه: موذا اللي تخبيه

شهاب: ريحااانه روووحي نااامي
.
.

في بيت شيماء..
قامت شيماء في الليل دخلت المطبخ .. عيونها في كل انحاء المطبخ بتدور على سكين

شيماء بخوف وهي تشهق: ماسويت شيء ماسويت شيء

سمعت امها خربشه في المطبخ
الام: من في المطبخ ذي الساعه ... ااااه اكيد شيماء شيمااااء... وقامت تجري للمطبخ بخووف













https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 21 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


الام: شيماء بنتي عند الله وعندش بعدي السكين بعيد

شيماء: لا ماسويت شي بعدووا بعدووا

الاب سمع اصوات وقام مفزوع يجري للمطبخ

الاب: اش في😨😨 يوووو شيماء استهدي بالله يابنت مالش .. يامجنونه اعقلي

شيماءتهددهم لايقربوا منها وهي تقرب السكين لرقبتها ..

الام ودموعها تسيل: شيماء شتروحي للنار كذا انتحار يابنتي ... تعالي ولاتخليني امووت حسرة عليش

الاب خرج من المطبخ عشان يدخل له من الطاقه تبع المطبخ
مسكك الاب شيماء.....

شيماء بصراخ: لاااااااااااا بعددد بعددد ااااااآه .
ودوخت شيماء
.
.

شروق تبكي على وسادتها بحرقه على ماحصل مع صفاء
شروق: ااااه بس اشتي اعرف من فعل بش كذا ..... اين جوالي مله ....
اوووووووه نسيت اني كسرته ههههف .
.
.

((في اليوم التالي))
جاءت الام الى بيتها

علياء وهي محتضنه امها: ااه يمه كنها سنه بعيد عنش

شروق: كيف صفاء يمه .

الام: معي خبر حلو لكم صفاء حامل

شروق: وصفاء فرحت والا لا .

الام: كيف مافرحت وعيونها يدمعين من الفرح .. الله يشفيها .. نااهي غايبين اليوم ليش؟؟

علياء: يمه ماعيضر اغيب يوم شوفتك واني اتطمن ع اختي اهم والا اروح المدرسه

الام: صفاء جنبها احنا علي وشنحطها بعيوننا لاتقلقوا

خاطر: يلا انا بروح الشغل تحتاجوا شي .

شروق: خاطر ادي لي دقيقه اتصل اطمن ريحانه

خاطر: نااهي عتجي لعندك جري بس انتظري ثواني

ددق الباب وخاطر رايح يفتح الباب فتح الباب !!!! وهو مش ملاحظ من ع الباب قال (( نااهي ريحانه شتجي ماشاءالله انتي وهي السبابه والوسطىىىىىىءء : استغررب وتلبك في الكلام...
شروق: من ع الباب .... اااه حيا بروحي ريحانه ...

وريحانه عيونها بخاطر .. مستغربه منه!!!!!

شروق: خااطر وييه خاطر .

خاطر : ءءء هاه

شروق بضحك: مالك صنم شتوقف البنت عند الباب

خاطر: هههااه تفضلوا العفو___وخرج من البيت

شروق: ههههههه كنتي ع لسان خاطر قلت له اشتي اتصل بش قلي نااهي عتبسريها جتك قبل لاتتصلي ههههههه .. ماشاء الله 😉 .

ريحانه😏: اش ذي الغمزة يابنت ناااهي انتي ياساااحرة😉😉😉

شروق: ساحرة😕 !!! اش قصدككك

ريحانه: ننااااهي بطيئه فهم لكنش هيا ابسري جبت لك جوالك

شروق: اااه تسلمي فديتك صلحتيه

ريحانه: لا ياحبي مش انا اللي صلحتوو😉

شروق: لاتقولي شهاااب

ريحانه رفعت حواجبها: يب يب شهوب .

شروق: ريحاانه بلا زبجك ذا !!..

ريحانه: والله مااكذب ... بعدين استغربتي ليش عادي ... يقلك هذا رد على اللي سويتيه في الريف لمن حصلتي الكرت تبعو

شروق: اهااا يله جزاه الله الف خير .. الا اقلك صفاء حامل .. وقريبا شاتتعافى

ريحانه: اااامييين يارببب ... شروق اقلك الصراحه

شروق: !! اي صراحه

ريحانه: اعرف انه مش وقت الكلام ذا بس ماتلاحظي شهاب تغير في تصرفاته ؟؟

شروق: وانا شعرفني به ماناش اخته ومااعرفه من زمان؟؟ ___((وفي قلبها ايووه تغير كثيرررر))

ريحانه: مدري بس احسه يتغير لما يشوف

شروق: 😶 ايششش وانا شدخلني ....ءءءء يلا يلا سكري ع ذا الموضوع

الا قولي لي عرفتي من ذا اللي مسمي نفسه شيمي قلتي لي؟؟

ريحانه: لاوالله ماعد فهمت شي .. انتي ذلحين عادو يضايقك؟؟

شروق: خلاص من يوم ماكسرت الجوال ولا اي تهديد
.
.

بعد اسبوع
صفاء خرجت من المشفى للبيت

علي: اماني انا شطلع .. انتبهوا ع صفاء

اماني: ولايهمك شاخليها بعيوني انت سير لشغلك ولا تهم

صفاء تحاول تحرك رجولها وتساعد نفسها

اماني: ايووه وهذا الشوربه اللي تحبيهااا

صفاء تحاول تقلها مااشتي وتحرك راسها يمين وشمال

اماني: والله مافهمت عليك.. شوفي لو ماعتلتزمي بصحتك شاتتأخري بالتعافي

صفاء تحاول تقولها حركي رجولي لعل وعسى وتقدر تمرن نفسها وتمشي ...
.
.

شروق: اوووووف يمه علاماتي مش حلوة هذي السنه يعووووه

الام: نااااهي ذي اخر سنه لش حاولي تجتهدي

شروق: يممممه والله احاووول بس احس اني متأخرة في كل شي 😣😣... وخاصههه الانجليزي .. مفحططططه فيه انا😖

الام: خلي ريحانه تفهمش ناهي قدها بلبل ماشاء الله في اللغه ذي

شروق: ريحانه معها اخوها الاجنبي ذاا 😒





















📚 @rewayatyamania 🇾🇪

البـارت 22 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


شهاب: خاطر كيف شغلك هانا تحس انه تمام...

خاطر: ايووه حمدلله بس ليش شكله ماعجبك الشغل هانا ...هاااه😉..

شهاب: تشتي الصدق هذي الايام ما احس في وظايف .. شاغرة .. يا اخي مدري ليش حظي مدبر😂

خاطر: وايش عتشتغل ؟؟

شهاب: مقاول😁

خاطر: حلوووو انت بس اصبر
.
.

شروق في البيت.. تدور في ثيابها .
شروق: اوووووف يمه مابش معي ثياب سوا.. كلهن قدام .

الام: واش فيها.. البسي منهم مش لازم تبذري

شروق: لااا يمه الي بيشوفني عيقول ماعندي غيرهن ومااعرف البس 😦

الام: ناااهي في ناس غيرش يتمنوا بس يكون معهم مش مقطعه ثياب حتى وهن قدام اهم شي يلبسوا انتي فالحه لي بس في الموضه😒

شروق: صح والله الله يديم النعمه .. اسفه ماكنتش مقدرة ...

اتصلت سميرة بشروق ...

سميرة: ((ايوة جهزتي بعد المغرب شانلتقي ))

شروق: { اوووف اووف لالالا انا المغرب شاسير بيتنا ماشيخلوني اجلس لبعد المغرب }

سميرة: اووووه المغرب عتجي العروسه وتبدا الزفه وانتي شتسيري بأولها؟،؟

شروق بضبح: تعرفي خاطر اخي مايحب طلعات بعد المغرب هيا اهجعي والاماعد بجي

سميرة: برررراحتشش باي

شروق: باي ....... جد والله ليش مااجلس لنهايه السمرة مع البنات😕

دايما اول المغادرين😟... الله يهديك ياخاطرر شاتنكد زوجتك الله يعين اللي بتاخذك😂

شهاب في نفسه: اااه افكر ارجع للسويد .. بس بنفس الوقت مااشتي اترك بلدي 😧😧اووووه انا محتاااار ...ريحااانه يا بنت

ريحانه: هااااه مالك جيت جيت ....هاه موبك؟؟

شهاب: اين ابي

ريحانه: خرج

شهاب بضبح: هففففف😧😧 طيب هيا اذلفي من قدامي.

ريحانه: نااهي لاتداعي علي مررة ثانيه مادامك ماتعرف تتكلم سوا😒

شهاب مسك ع راسه: والله مانش بمزاجي لاتخليني اطلع اللي بي فيشش___واستلقى ع ظهره .. وغمض عيونه

ريحانه بأستغراب: مالك ؟؟ شكلك مش طبيعي

قربت لعنده ريحانه ... ومسكت جبهته ...

ريحانه: اووووه والله انك حااامي مسخنن..

شهاب: ماشي بي حاجه بس تعبان.. ضربة شمس..
.
.

شيماء بعد الاسبوع اللي مر في البيت صارت مجنونه .. اكثر من مرة تحاول تقتل نفسها .

ام شيماء: 😧خلاص البنت جنت الله لايسامح من كان السبب .
.
.

شروق: يمه ادعي لي اخر اختبار لي بكرة .. اشتي اسير لعند ريحانه اليوم تفهمني شوي .

الام: الله يوفقش يابنتي خلي خاطر يوصلش ابوك مش بالبيت
.
.

شهاب بسعله: ريحاانه يابنت قومي افتحي الباب .. ريحاانه يووو وينش؟؟. ... افففف شحب صوتي ..وفتح الباب

شروق: ريحانه بالبيت

شهاب: ايوة ايوة تفضلي

ريحانه: حيييا حيا ...

شهاب يبرقق: وينش لما اداعي عليش ..

ريحانه: ءء والله ماسمعت كنت بالسطح

شروق: ريحانه اشتيك تفهميني بعض قواعد حاسه اني بفشل بامتحان بكرة😖😖😖

ريحانه: خلاص انتي اجلسي بغرفتي ولاعليش خل اسير افعل لنا نسكافيه😉 واجيك ..

شروق: الله الله 😉 هيا هيا خليها برغوة تمام ....ههههههه

ريحانه: هههه ناهي اطلبي وتأمري كم معي شروق انا 😉

شروق جالسه بالغرفة ع السرير تحاول تطلع وتكتب الاشياء اللي مش فاهمتها..

دخل شهاب غرفة ريحانه بدون ما يلاحظ ان شروق بالغرفه فتح الدولاب يخربش فيه يدور على بانادول ..... دخلت ريحانه الغرفة !!!!

شهاب استغرب .. 😕وعلى وجهه علامه الاستغراب .. .
شروق التفت نحو الدولاب: ريحانه شووفييءءء😨

شهاب التفت نحو ريحانه .

شروق غطت وجهها بالكتاب واستحت

شهاب: العفو احسب محد بالغرفه

ريحانه: ءءالعفو منش يا شروق .. كنت بين اذاكر انا وانتي بالصاله .. وماعطيت شهاب خبر اءءسف

شهاب خرج من الغرفه ..

شروق: 😡😡😡والله اني كنت احسبه انتي .

ريحانه: هههههههههه😂 يلا حصل خير مسكين حتى هو تعبان اليوم مش مركز سوا


شهاب يداعي لأمه ..
شهاب: يمه وين البانادول امانه راسي شينفجر ...

الام: ماشي شر عليك الان اجيبه لك

شروق: ااااه كم انا شاااكرة لش ماشفعل لو ماجيت لعندك .. كنت برسبب خاصة في ذي ماده الجن 😒😅😅😅

ريحانه: ههههههه احمدي ربش كان شهاب بالصياح يذاكر لي ماكنت سد انا وهو ..

شروق: اه صح مابه تعبان اخوش !! .

ريحانه: 😉اااااها .

شروق😑: خلاص ماشسأل تعرفي ذي الحركات ماتعجبني ..

ريحانه: لالا امزح معش ياشوعه ... مابلا حمى بس















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 23 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


بعد مرور شهر
صفاء في البيت ع السرير تقلب عيونها .. بضبحح..وتبسر لعلي

علي: والله فاهم عليش .. طفشي وانتي كذا الله يقومش بالسلامه .. ياروحي ..😀صح يلا نطلع مشورا انا وانتي .. لازم تغيري جو الغرفه😊 .. ثواني اجيب الكرسي ونطلع ..
.
.

شروق في البيت منتظرة على احرر من الجمر

علياء: ماالش خلاص هدي هدي ان شاء الله ناجحه 😁 والله انا لو كنت مكانش ماشتعب روحي 😌 .

شروق: اسكتي اسكتي هذي ثانويه مش اعدادي لو رسبت شعيد السنه من جديد😢 ... يارررب بس
. 😲😲يعوو فتح فتحح الموقع وخلص النت 😲

يوووووووه يمه شسير اشتري كرت .

الام: هدي يابنت لاتجيبي خبرش بذي العجله .. انتبهي ع نفسش لا تروحي البقاله البعيده .

شروق: طيب طيب.. ولبست عبايتها وطلعت للبقاله بسرعه.. ياعم ياعم اديلي كرت ب250بسرعه


في طريق رجعتها للبيت .. شافت سيارة وقفت عند بيتهم وطلعوا منها ناس .

شروق: يوو من عيجينا ومن ذولا

شاافت ولد وسيم طلع من الكرسي الامامي ... باين في العشرين من عمره جلست تبسره .

شروق: يووو ذا حسام والله انو حسام ابن خالتي .. خالتي وبناتها جووا 😀😀😀

حسام: يلا ماله ياعمر دخل معك ذي الشنطه .

((عمر اخوه عمره 14)) ...

عمر: نااهي ان حمال جنابك يعني😒

شروق: حيييا بكم 😁..

عمر: ومن انتي؟ ..

شروق: الله يسامحك ..نسيت شروق هههه

عمر: للاااا ههههه الا انتي ياجنيه .. ههههه . .


سماح وصفيه بنات حميدة خالة شروق .

صفيه: ههههههههه كم لنا منكم قد احنا فاااقدين لكم ياخاله

الام: ههههههههه نورتوا والله .

الخاله حميده: وين صفاء وشروق ماشفت غير علياء ..ههههه

الام: حبه حبه بالأول ارتاحوا

شروق: حييييييياا 😄😄😄 نور بيتناااا بوجودكمم ..احم احم سمحمح 😉 قدش اطول مني كيفش يازرافه ههههههه .

سماح😏: بخيرره تمام يالقزمه ياشوعه ههههه .

شروق😌: ددوم وانتي ياصفيه اوووه قدش مخطوبه😉...

صفيه: يعووو منتي ثرثارة ههههه وين صفاء توأم روحييي

شروق بعيون حزينه: 😁صفاء ببيت زوجها

صفيه: نااهي اعرف انها ببيت زوجها بس اسال ماعتجي اليوم . ههه والا احنا شنروح لها نسوي مفاجأة لها😀

علياء تحاول تغير الموضوع: هههههههه نااهي يلاا خلونا نطلع السطح بعد الظهر .. اليوم شانسوي جمعه لنا 😉 وعنجيب الحلاااا طبعا انا سويته ..

صفيه: ياسلاام علياء قدها مرره😌

علياء: هههههه نااهي اعرف ليش تلمحي 😂


خاطر: حيا بعموري ... ماشاء الله كبرت كبرت

عمر: ياسعم لاتداعيني بعموري😂

حسام: هههههه الولد صدق انه قد كبر .. وانت ياخاطر اخر اخبار كيف الوالد

خاطر: والله تمااام بخير
.

في الجهه الاخرى الخاله حميده والام يتحدثون..

الخاله: ماشاء الله بناتك كبروا واحلووا الله يخليهم لش .. وصفاء اش اخبارها ..شي حامل والا شي

الام بتنهد: ااااه الله يكون بعونها .. ايوة حامل بس تعرضت لحادث خلاها مشلوله شلل نصفي

الخاله😨: ياالله متى حصل ذا!!!! .

الام: اااه بس ...شقولش لكن
.
.

شهاب: يمه انا قررت اشتغل برا اليمن ..

الام: ليش .. يابني  اجلس لك هانا اطلب الله مش بالسهل تحصل شغل .
.
.

في بيت شروق ...
علياء: ايوة كيف اخباركم .. اففف نااهي ذي الايام طفش بطفش

صفيه وتأشر ع خاتمها: نااااهي قريب عتشوفوا احلى عروس😉 ..

شروق: ههههه 😌 .. ادور ع مستقبلي احسن لي من زواجههه ... اااااه نسيتتتتتت😨😨😨

فين الكرررت اللي شريته .. هههه حصلته .

سماح: يله يله افتحي الموقع .. نبسر كم نسبتك

شروق: لاااااا محد شتبسره اولا غيرييي .

سماح: 😣اااااه كذا انتي تحمسيني يا شوووعه .

شروق: 😅معليش انا كل ماتطلع نسبتي لازم ابسرها لوحدي اولا

صفيه بضحك: نااهي عشان لو النسبه خيبه ماتفضحش بنفسهااا .

شروق: لاا وعتشوفي اني نسبه عاليههه ااااه قلبي يرجفف

شروق راحت للمطبخ تبسر

شروق: يله يلهه بسرعه يا منعاااه النت زفتتت😖 هاااه طلعت ... ءءء ايوة ايوة خلني ابسر الانجليزي ءءءءءاااااه
. يسسسسسسسس حمدلله .

دخل حسام المطبخ
حسام: 😕 مومعش كذا مبهرره .

شروق غطت وجهها وادارت ظهرها ...

شروق: ءءءءولاشي .

حسام بضحك: ههههههه قدش تتحجبي مني الله يازمان كنت امسكش من شعرش هههههه

واخذ له عصير من الثلاجه وطلع من المطبخ  يضحك..

شروق في نفسها: 😒نااهي انا اللي كنت اضربك يا شوعه.. ....ءءء خليني اتصل بريحانه ..اخبرهااا😄

اووووه مابها ماترد 😕😕 ....طيب بعدين برجع .

شروق دخلت على امها والبنات ... بوجه حزين تمثل عليهن

سماح: ءءخير نجحتي

الام: حبيبتي قولي نجحتي

الخاله حميده بثقه: هههههه طززز بالدراسه مالش الا زوجك مستقبلك

شروق: يووووه ياخاله كنت  اشتي افزعكم شوي هههه ناااهي نجحت حمدلله ..
















https://tttttt.me/rewayatyamania/39618




📚 @rewayatyamania 🇾🇪

🥀


بـارتـات يومنـا الاربـعــاء👆🏻😍

#انتظرونا مساء اليوم

ومع آخر بارتات قصــة

طــال انتظــاري


📚 @rewayatyamania 🇾🇪

🍃 اللهم إني أعوذبك من شر كل جبار عنيد ، وشيطان مريد ، ومن شر قضاء السوء ، ومن شر كل دابة انت اخذ بناصيتها 🍃

البـارت 24 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


علياء: يمه اشتي اطلع للسوق بنروح انا وسحر

سماح: وانااا كمان اشتي اروح السوق اسمحي لي يمه

علياء: حلووو يلا شروق اقطبي اعرفش تشتي السوق 😉

شروق: اووه فديتها اللي تعرفني بس اليوم مالي نفس اطلع .

صفيه: هههه نااهي اليوم كنتي عتطيري من الفرحه بنجاحش هههياا اقطبي .

شروق: والله مالي نفس .... وطلعت لغرفتها

الام: خلاص انتوا روحوا شكلها تعبانه

علياء: طيب
.

حسام جالس بالصاله هو وعمر وخاطر

خاطر: حسام ههههه عادك تلعب كرة والله انك بلاعقلل هههه

عمر: هههه ابسره ابسره مسوي نفسه رياضي .ههههه

حسام: ههههههههه والله 😌 اتحدى احد منكم يغلبني بالكرة ههه

خاطر بضحك: ههه لا يسمعك شهاب يطيرك قلك احسن واحد

حسام: منو ذا شهاب ؟

خاطر: هذا واحد صاحبي من زمان ماشاء الله موهوب في الكرة .. وفي رياضات كثيره
.
.

شروق جالسه بغرفتها
شروق: اوووف مدري مابي اليوم .. خليني ابسر للشارع
ااااه محلى الجو .. جعل عيوني ماتفارقش ياصنعاء ♡
شافت شروق مره منقبه تمشي وتتلفت وباين عليها الخوف .. ووقفت بجانب الشجرة .

شروق: مالها ذي وكأن احد ملاحقها خليني ابسر مابها .

شروق: يمه اشتي اسير للبقاله الان شرجع ..تمام

الام: طيب هي جيبي لي معك .. واحده خميرة سريعه من البقاله

شروق: طيب طيب.. لبست عبايتها وطلعت بسرعه .

شروق في نفسها: مابها ذي المره ..

شروق: مالش يااخت كذا ..تحتاجي شي

مسكتها المرة مبرققه فيها وصارت تقلها ... شيحصل دم دم دممم

شروق: يوووه مجنونه انتي مالش ... اين دم ذا فكي لي مالش مسكتيني كذا

فتحت لها المرة ذي وصاارت تصيح وتجري في الشارع شيحصل ددددم دددم .

شروق: والله شكلها مجنونه !! .
.
.

في بيت شهاب ..

شهاب: يمه قدنا ضابح مابش شغل سوا هانا خليني اسافر ..

الام بغضب: خلاص براحتكك .. سوي اللي يريحك

طلع شهاب من البيت ضابح ورزع الباب وراه..

ريحانه: يمه ليش عصبتي عليه

الام: هيا اذلفي من قدامي انتي .. دامه مابش احترام لامه خلاص ماعيسمع كلامها

شهاب وهو ماشي شارد يفكر ويتمتم في نفسه .((ليش عصبت امي مش اول مرة اسافر فيها... وقطع الشارع

شهاب في غفله ... يداعي عليه ... صاحب الباص ويزمر له

صاحب الباص بحده: ماللك ناوي تندعس اليوم

شهاب: ءءءالعفو ياخي ماانتبهت حقك على راسي

شهاب😨: يووو الله ستر
.
.

شروق: ههاه رجعتوا كيف السوق

سماح: فااااتش والله يجنن شفنا مسرحيه ورقص دانس بالصدفهه بالمول وااوووو .

صفيه: ايوة انا وعلياء رحنا للاسواق القديمه واشتريت ستارتين

شروق😳: يووو كل ذا وانا مش معكن ههههههه خلاص المرة الجايه شاسير .

سماح بمزح: لا لا لتجيش يمكن انتي نحس😂😂 امزح امزح

شروق: والله مابش احلى من البيت هدوء بدون اصواتكن 😂😂 ...

دخل عمر(( هيا يابنات شرايكن نطلع ناكل بمطعم ))

شروق: يالطيف عموري قدك رجال وشاتعزمنا ههههه

عمر: هيا اجلسي مانتي

الام: ناااهي اليوم كله طلعات ونزلات .. مالكم .
انتوا روحوا وانا شجلس ابوكم مايحب اكل برا ..


في السيارة..

حسام: اي مطعم ياعمر .. شنسير ؟

عمر: لحظه خاطر .. يتصل ..((ايوة___تمام تمام )) .. خاطر يقلكم بالمطعم اللي بالمنتزه ..

حسام: طيب .

شروق: ليش خاطر موجود هناك ..

حسام: ايوة .. قال شيسير يكلم صاحبه ذا مدري ويش اسمه .

شروق: شهااب

حسام التفت لها بحده ومو دراك انتي؟؟

شروق باستغراب: ومالك مبهرر انت ؟؟ دايما يروح معه






















📚 @rewayatyamania 🇾🇪

البـارت 25 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


وصلوا للمطعم ..

خاطر: هههه جيتووا هيا اجلسوا هنا حجزنا لكم هذي الطاوله .

علياء: الله 😍 المنظر يجنن من ذا المكان .

شروق تلفت بعيونها ؟؟ اينه شهاب

خاطر جالس هو وشهاب بالطاولة اللي وراء طاولتهم ..

حسام: يله هذي القائمه قدامكم هيا اختارين ماتشتين
حسام لاحظ على شروق تتفرج ع طاولة شهاب .. .

حسام: ووو شرقرق .. اين سارحه هيا اطلبي عيجي النادل

شروق: هاه ولاشيء ءء طيب اشتي شاورما((طبعا شروق منقبه))

حسام غير مكان جلوسه بالطاوله وجلس مقابل شروق

شروق في نفسها: يوو مويشتي ذا .


خاطر: مالك اليوم مش طبيعي

شهاب: يااخي والله ماعد انا عارف مو افعل اشتي اسافر وحاسس امي ماتشتيني اسافر 😕

خاطر: عاد لك من يوم جيت من السويد 4اشهر من حقها تمنعك وهذا لانها تحبك وماتشتي تفارقك ..


شروق لاحظت على شهاب يتكلم وبه هم .
شروق في نفسها: مو معه يتكلم مع خاطر شكله ضابح

حسام مش عاجبه الوضع وطول الوقت يتأفف .
حسام : يله مشينا خاااطر يله عتجي .

خاطر: نااهي انتوا روحوا وانا شجلس مع شهاب بعدين شلاقيكم

شروق في نفسها: اففف .

شهاب كان جالس ومش ملاحظ من ذولا اللي مع خاطر بالطاولة الثانيه .... سمع صوت شروق .. تتكلم .. .
شهاب: اهااا ذي جالسه هنا بس من ذا اللي معها؟؟

شروق: نااهي ع الاقل ياخاطر اشتي اتمشي شوي بالمنتزة انا والبنات نص ساعه وشنرجع

خاطر: طيب لاتبعدوا

حسام يهمس لخاطر: لالا عيتمشين بالليل اهجع بنات ذولا .

سماح بضحك: هياا مشينا يا بنات السكوت علامه الرضى هههه

خاطر: لالالا هيا ارجعوا الدنيا ليل مش صبح

شروق: خااطر اوه مالك؟؟ قدك وافقت

خاطر: هيا ارجعي للسيارة وقت ثاني تأخر الوقتت . . .والا اقلكم لحظة اجي معكم شهاب اوصلك معي .

شهاب: طيب هيا مشينا

شروق بطفش: اااه بسسس ااه .. خاطر خاطر .

خاطر: ماهو؟

شروق: اسأل شهاب اخته ريحانه بكره شتكون في البيت والا عندها خرجه؟؟

خاطر: لمو انا اسأله عن اخته اساليه انتي

شروق: ءءشهاب

شهاب التفت لها: ؟؟؟

شروق: ريحانه بكرة تخرج مكان ولا شي

شهاب: اساليها ما معك رقمها؟؟

شروق: لاا اتصلت بس ماتردد

شهاب: هههه طيب تنوري بيتنا

شروق ماانتبهت: هههههههه اءءيش ؟كيف .

جاء حسام وقاطع الكلام هيا يا بنت مشيناا ومسكها من يدها وسحبها .. وبهرر في شهاب

شروق بحده: ماالكك😠 .. فكك يدي مالك بك جلافه كذاااا

حسام بأستفزاز: هيا لكن مانعرفكم انتوا يالبنات ماتصدقوا تتكلموا مع شباب

لم ينتبه احد ع هذا الموقف غير شهاب ؟؟وقف مستغرب

شروق فتحت يدها من حسام ومشت بحده وغضب نحو السيارة

شروق في نفسها: ماااله دخللل افف والله انو ماتغير مكانه حشري في اي مكان ..هففف
.
.

شهاب رجع للبيت وفي نفسه يروح يتأسف لأمه

شهاب: ريحانه اين امي الان .. بغرفتها؟؟

ريحانه بغضب: اين انت تأخررت امي تعبانه واتصل عليك مايستقبل جوالك

شهاب راح بسرعه لغرفة امه وجدها نائمه قرب لها واخذ بيدها

شهاب بصوت منخفض: والله ماعد اسافر وبصبر يمه ورضاش عني

الام حست عليه ومسحت على راسه ..

الام: الله يرضى عليك يابني
.
.

شروق في البيت .. جالسه ع الواتس .. .
شروق: يوووه منش ياريحانه مالش ماتستلمي رسايلي؟؟ او خلص رصيدك .
.
.

في بيت صفاء...
صفاء تتلقى العلاجات وعندها امل في الشفاء

صفاء تحاول بكل جهدها تحرك اصباعها: ياارب ياارب اعطيني القوة ارجع اوقف ع رجلي والله تعبت 😧
.
.

في الجهه الاخرى علي وامه يتكلموا

ام علي: يابني كم عتصبر عليها يمكن ماتقوم وتجلس كذا وانت لازم تعيش حياتك وتشوف عيالك

علي: بس يمه انا شكون اب قريبا😁 ..وصفاء شتتعافى ان شاءالله

الام: يابني انت ..

علي بمقاطعه: لالا يمه لوقصدك اتزوج لالا مااقدر صفاء هي الاولى والاخيره .

. ((ملاحظه 😉مني ''' ياهيك الرجال😎يابلاش😌)) .

الام: ان شاء الله تقوم قبل لا يقرب وقت ولادتها .. لان لو ماقامت بولاده طبيعيه باتضطر عمليه قيصريه ..

علي: ان شاءالله شتقوم ..
.
.

في الصباح
شروق نازله من غرفتها
شروق: يمه اليوم العصر اشتي اروح لعند ريحانه ازورها 😊 بتروح معي سماح

الام: طيب ابوش وخاطر عندهم شغل من الظهر من عيوصلكم؟

شروق: اووه .

سماح: حسام اخي موجود اخليه يوصلنا😀

شروق بحده: لاااا .

سماح: بأستغراب ايش ليش؟😕

شروق: اءءقصدي ليش مانسير مشي😅

الام: لااا ماشي امان هذي الايام وبيتهم بعيد شوي .. خلوا حسام يوصلكم والا اجلسين





















📚 @rewayatyamania 🇾🇪

البـارت 26 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


شروق في نفسها: يعووو عشان ينكد علي اوووف

سماح: اخيرررا عتعرفيني على صديقتك ذي 😉

شروق: ههههه ايوة شتحبيها من اول لقاء😁 .

سماح: حسام حسام اليوم العصر شتوصلنا انا وشروق لبيت صاحبتها 😆 ... .

حسام: باشوف لو مزاجي رايق شوصلكم😏

سماح: اوهااا خف علينا يا معلم .

شروق: سماااح سمااح .. تعالي ابسري هذا .

سماح: هاه مو بك ..ااه تجنن ذي الستاره عتسيري بها😍

شروق: لاااا اشتيها هدية لها😁
.
.

شهاب: يمه انا طالع تشتي حاجه والا شي .

الام:الله معك ياروحي .

طلع شهاب للشارع يتمشي .. وشاف ملعب كرة سله .
شهاب: ااه يا زمن والله اني تحيف في ذي اللعبه خلني اسيرافعلي شوط هههه .

دخل للملعب وجلس يلعب معهم ويتحداهم .. كان حسام يلعب معهم .. حسام عرفه بس شهاب ماعرفه

حسام بتكبر وبضحك بنفس الوقت: هي انت يامايكل تعال اتحديك انا حرام ماتفوز علي 😎

شهاب بضحك:ههه بنشوف

صاروا يلعبوا وكان شهاب يسجل هدف كل مرة ورا مرة ... وحسام يصد ويسجل اهداف كمان .. حس حسام بالغضب ولكمه بكوع يده على وجه شهاب ..

شهاب: اااااخ وخرج من انفه دم وحط يده ع نص وجهه .

حسام يتظاهر بأنه خطأ غير مقصود: ااخ العفوو ياصاحبي مش بالقصد .

شهاب: اااخ ولا عليك عادي عادي _وابتسم له .

جوا الاولاد لشهاب يطمنوا عليه
.
.

شروق: سماح بعد شوي عنسير اين حسام مش بالبيت؟

سماح: اكيد يلعب بالملعب اللي بالصاله الرياضيه شوي وعيجي

شروق: ااه صبري ع الله .

الام: هيا ادي هذا الكيس لخالتك حنان (ام ريحانه) .

سماح: هههاه وذا حسام جاء.

حسام: هيا اينكن عتسيرين .. والا .

سماح: يله جينا .

وصلوا للبيت .

سماح: ماشاء الله بيتهم من الخارج حلووو😍 يووو فيه شجرة ليمون ..

شروق: هههه هيا دخلنا .

ريحانه: ياحياا بشروقتي كم لي منششش

شروق: هذي سماح بنت خالتي اعرفش عليها سماح هذي ريحانه اللي قلت عنها 😀

سماح: تشرفت .

ريحانه: الشرف ليا هيا ادخلوا نور البيت😁

وبدأت جلسة البنات يتكلمين وياكلين الحلا .. والضحكات تملأ البيت ....


بعد ساعه
دخل شهاب للبيت وتوجه للمطبخ وهو ماسك على راسه ونص خده صار لونه احمر من قوة الضربه .. اخذ ثلج من الثلاجه .. وفي طريقه الى غرفته .. سمع ضحكات البنات .. وصوت شروق وقف لبرهه بجانب الغرفه .

شهاب: اهاا صح قالت عتجي .. لعندها .

شروق: يله شفناش وقضينا وقت ولا احلى خليني البس عبايتي الان سرنا شوي وعيأذن المغرب ...يله سمحمح ..

فتحت الباب .. وكان شهاب واقف ارتبك الاثنان

شروق غطت وجهها بالنقاب بسرعه شهاب اكمل طريقه الى غرفته

شروق: اووه مالوجهه به كدمه واحمر ..😯 ريحانه ..

ريحانه: ؟؟

شروق: ابسري اخوش مع من اتضارب وجهه احمر .

ريحانه: اوووه😯 والله ماعدتها له امي لو شافته ..

شروق: هيا ف امان الله وماعليه شرر

حسام يتصل على سماح: اينكن يله انا جنب البيت ..

خرجين وصلين ع البيت مع اذان المغرب ..
.
.

ريحانه: اووو مالك كذا مع من تضاربت هذه المرة؟؟؟

شهاب: لامضرابه ولا شي هذا صاحبي بالغلط جات الكرة بوجهي ااء مدري يده .. .

ريحانه: اوو اوو كسر يده امين شف وجهك موذا قلت لي غلط مدري خطأ .. باين من قوة اللطمه انه قاااصدك ..

شهاب: هيا مله خلصينا عتسمعينا محاضرة الان

ريحانه: هاه وذا فوق خوفي عليك .

شهاب: ناهي ياقلب اخوش انتي ماارضى على زعلش

ريحانه: اش عتقول لامي الان .. !!!!

شهاب: انا بدبرهاا بس انتي لاتقولي لها شي.
.
.

في البيت شروق تفكر بشهاب

شروق: ماله وجهه كذا شكله مشكلجي وصاحب مشاكل

علياء: شروق بكرة الاحد صح

شروق على ماهيي سارحه تفكر بشهاب وتتمتم ..((طيب وجهه احمر زي اللي انضرب بقووة))

علياء باستغراب: شرقرق ومنوو ذا اللي
مضروب؟؟؟

شروق: هاه ءءء ولا شي بس كنت سارحه
.
.

شروق تهادر نفسها فوق فراشها: اف مدري مالي ضاق صدري لما شفت شهاب بهذي الحاله .. اووووه شروق مالش اصحي مو دخلكككك ... امممم خليني اراسل ريحانه ..يمكن اءءء يله يله بسس .
💜 رساله من شروق = شروق هاااااي رورو😆

💛رساله من ريحانه= حياا حياا عادش حيه اؤءءء قصد صاحيه😆.
. 💜ايوهه

💛😛ههههه

💜كيف اخوك ؟!

💛تمام قال ان صاحبه بالغلط دكمه على وجهه والله اعلم ان هو صادق والاااا

💜اها . .
.
.

في الصبح ...
صفاء صحت من النوم وكعادتها مكتئبة انها ماعتقدر تمشي ع رجولها.. بدون شعور او احسااااس نطقتت

صفاء: اااه نمت كثيررر 😦ااه وجلست حوالي دقيقتين تحاول تستوعب انها نطقت والفرحه بعيونهااا
صفا بعنااء: ءءءععمممممههه ععللييي

علي جاء بسرعه ومندهششش شاف صفاء ع السرير ...

علي في نفسه: لاا مش هي ماتكلمت .

صفاء: ععععلي حبيبي 😀

علي: اءءء صفاء حياتي... وجلس يمسك يدهاا وعيونه تتكلم بدل فمه

علي: يممممه ااااء اماانيي

























📚 @rewayatyamania 🇾🇪

البـارت 27 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


اماني: مااهو جيتك جيتك هههف اش في رعبتني ياخي ماله صوتك ماشاءالله .. عليه

علي يأشر على صفاء

صفاء بعناء: ءءااااممماني

اماني بفرح: عيون اماني مش مصدقه انش نطقتي

صفاء: خخخببريي امممي

علي: ولا يهمككك .. الان اسير اتصل
.
.

في بيت شروق شروق تقلب الصور وتشوف صور صفاء بعرسها
شروق بحزن: اااه ياصفاء متى عتتعافي بس اااه ياوجع قلبي عليش


حسام كان ماشي بالممر يمشي هو وعمر ويتمازحوا بالمشي عمر بالغلط دهف حسام دخل غرفة شروق ورزع الباب .. وسقط ع الارض شروق فزت؟

شروق مغطيه وجهها وبغضب: هيا مالكم ماتشوفوا

حسام: ااااااه رجليييي جعلك مغص ياعمررااااخ

عمر: اااخ هيا لكن يابوعضلات

حسام بمزح: وانتي ياعسل ماشتساعدينا

شروق بحده ومغطيه وجهها: مااعندنااش زي اول ياااخ وبعدين انا كبرت وتحجبت

عمر: ههههههه حسام وعادك موجوع وتتكلم والله انك بلا احساس هيا قمم اسفففين شرقرق

شروق في نفسها: يووه على واحد هووو
.
.

في بيت شهاب..
جات سحر تداعي لشهاب للعشاء

سحر: شهاب قم تعشي

شهاب متغطي باللحاف: لالا اشتي انام خفيف تعشوا انتوا

سحر: هيا لاتقمش في الليل تصحيني اطبخ لك

شهاب: لالا نامي اءقصدي ماعصحيش

.
.


في بيت شيماء...
ابو شيماء جالس ويده على راسه .. وهامم

الام: والله يابو شيماء اتاكد من نفسك يمكن حطيته بمكان ثاني وماعد ذكرت

ابو شيماء بغضب: ايين ع يسير يعني وانتي وبنتك المجنونه ذي مالكم اي حس يمكن دخل شي سارق وانتي سارحه من بيت لابيت

الام: هيا اهجع لك بدل ما تشوف علاج لبنتك جالس تعاتب عليها وعلي؟واحنا مو درانا .!! انت اخبر وين حطيته

الاب: ياامرره لاتفززي عصبي الان هيا اذلفي من قدامي ..

قامت الام بعصبيه ..شيماءسمعت ماحصل .. وجلست ترتعش وتمسك شعرها وكلها خووف

الام قدام شيماء: حسبي الله ع من اخذه الله لايعطيه عافيه
.
.

في الصبح..
شروق يمه تحتاجي شي انا طالعه للثانويه ...علياء هيا اقطبي بسرعه عنتأخرر

الام: ف امانه

سماح: الله معك يابنت

الخاله: يانبيله محد جاء وتقدم لشروق؟؟

الام: لاوالله اصلا مش مفكرين بزواجه لها بذا السن .

الخاله: نااهي زوجيها وأامني عليها شوفي صفيه ماشاءالله زواجها قرب واصلا مرجعها في الاخير لعند زوجها اش عتنفعها الدراسسه؟؟

.
.

شروق ع المراوح تعبااانه هي وعلياء

علياء: خلينا نوقف نشتري عصير والا مي اي شيي بمووت حرررر😥😥

شروق: هيا مشينا قدناا امطر من الحرر.. هذا كشك صغير اكيد فيه ايس كريم او شي نشربه


شهاب يمشي بالشارع بسيارته مع خاطر ..

خاطر :هاه اش قلت عتسافر والا بطلت

شهااب: شكلي بطلت ياخي بصبر والله كريم

بروح الان اجيب ريحانه من المعهد نااهي اليوم زنت ع راسي اجيبها بالسيارة .. اءء خاطر امر على خواتكك اجيبهم بطريقنا

خاطر: يووو وين بيتنا وبيتكم عنأخرك

شهاب: حررام مااجيب اختي الا لو وافقتت😌

خاطر: يارجال لاتحلف خلاص خلاص عنمر لهن


علياء: هاه ذا شهاب بسيارته و معه خاطر سيري نقلهم يوصلوناا

شروق ببهرره: ناااهي قدنا كل يوم نسير للبيت لوحدنا كذا ..

شهاب: شااف علياء وزمر لها ..

علياء بضحك: هااه ابسري قرا افكاري ابن اللذينَ ههههه

شروق: موذا من صدق يزمر لنا اووه ذا خاطر معه اكيد قله كذا هييا سرنا

خاطر: اهلللا بالطفشانات يووو شكلكن عتموتين حررر شغل المكيف يااشهاب هههههه

شهاب يشوف لشروق من مرايه السيارة: هههه نااهي اليوم حرر بزياده يلا نجيب ريحانه الان .
.
.

في بيت شروق
حسام جالس عند الباب شاف شهاب جاء ع البيت ونزلت من سيارته شروق ....

فجأة تحول من هادئ الى عصبي ساعة ماشاف شروق نزلت من سيارته ..😡😡

بهرر لشروق بعيونه ودخل البيت

شروق لاحظت انه تتغير ملامحه لما يشوف شهاب ...!!!!

خاطر: ياارجال انتبه ع نفسك لايجيك كل يوم بكس😂 من بعض ناس هذي الايام محد يصاحب حد الا بمصلحه ...هيا ف امانه

شهاب: هههه طيب

شروق في نفسها مو معه ذا يبهرر .

ريحانه: 😀👋سلام اشوفكم

علياء: ف امانه

شروق: سلام

دخلين البيت !!!؟؟ والام ترحب بهن وعيونهاا فرححح

شروق: يمه مالك كذا فارحه 😀 فرحينا معش

الام: نااهي شفرحكم كلكم صفاء بدأت تتعافى وقدرت تنطق .. 😁

شروق: حمدلله يااااارب اوووه قدوو كاان عندي احساااس الف حمد وشكر لك ياارب عقبال ماتمشي وتتعافى كااامل
.
.

في بيت شيماء...
شيماء تبسر لنفسها بالمرايه وتاره تضحك وتراه تبكي .. وظلت تردد كلمه انا ماسويت شي ..

ام شيماء بحسره: مالش يابنتي قد مامعي الا انتي 💔 وقدك نص مجنونه ااااه بس 😧

ابو شيماء: هيا قومي يامره ادي لي غداء ناااهي خلاص البنت جنت جنت ماعينفع معها شي

شيماء مسكت المخده وصارت تحضنها وناامت .
.
.

شروق: مو معه ذا مسوي لي فيها رامبو عيبهرر ع اي حد 😑 .. والله انو ماينطاق















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 28 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


الاب زاهر: احلى خبر هيا نسير لعندها

علياء: اكيييد
.
.

صفاء في البيت فرحانه منتظرة اهلها يجووا ...طبعا ماتتكلم زي اول في صعوبة شوي

شروق: اااااه كم فرحت لش يا روحي عسى اياامش كلهااا فررح

صفاء: امممااااه شكون اممم

الام: اايوة شتكوني احلى ام انتي وبناتش وااولاددش ..

علي نزلت من عينه دمعه فرح ..

علياء: اءؤاؤا شفتكك😉

علي مسحها بسرعه: نااهي مانمت سوا اليوم

علياء: ااااااااء

علي بضحك: ناااهي ماناش حجر ههههه

علياء: هههه يارب دوم تكونوا سعداء


رجعوا ع البيت ....



بعد مرور يومين ...
وكان موعد رحيل الخاله وابناؤها قد حاان

سماح: الله بفقد لصنعاء ولكم خيرررراات

صفيه: نااهي إب احلى واحلى 😌

سماح: مش مصدقه اليوم اخر يوم لنا هانا والله احلى جلسه واجاازة قضيتهااا مع بنات خالتي .

مرت من جنبهن علياء .... وهن يجهزين الشنط . .

علياء: ماااهة ماهو عتسافروا عاد نحنا ماابسرناكم سع الناس

سماح: والله عنفقد لكم يله اليوم .

صفيه: يله اين هي شرقرق .. مش عتودعنا؟؟

حسام: يله لكنكم .

شروق: هااه لحظه لحظه انتظروا اتغدوا بعدين الله ييسر لكم

الخاله: نااهي يابنتي من فجر ربي بكرنا وانتي تشتينا للظهر نصبر هههههه

الام: الله معكم

شروق: درب السلامه

رجعوا ع إب .....الخاله وبناتها واولادها

.
.

شهاب حصل شغل وبدا بشغله بجد واهتمام

ريحانه: ماشاءالله يمه ابسري ابنش عريس عريس

الام: نااهي وحقك حقك يا شهاب الله يزوجك ببنت احلامك

شهاب: ههههه شفتونا مأنق قلتوا عريس ههههههه

.
.

علي: ااااه كم انا فااارح خيرااات .

صفاء بابتسامه: حتى اأانا متفاجئئه


شروق كانت جدددا فاارحه لان اختهااا تعافت وبنفس الوقت .. جاء وقت النتائج .. .

علياء: ااااااااه ياحظك يا شروق بترتاااحي من هم الدراسه .. واليوم عتستلمي شهادة تخرجك😍

شروق: واخيرررا ياربيي

خاطر: ان شاءالله الفرحة فرحتين بإذن الله

شروق: امييييين اءءء بس اي فرحة ثانيه؟؟

خاطر: ناااهي بقلكم بس مش ذلحين هيا خلصينا اوصلك الثانويه مابلا الان شتلاقيهاا مزحووومه نااس

شروق: نااهي تعالوا اشتي ابسركم في الحفله اللي عيسووها اليوم .. لااازم😣 طيبببب

الام: طيب طيب مايحصل الا اللي يسرش هيا استعجليي ف امانه

شروق: هيا جهزت .. يلا مشيناا

وصلت الثانويه ...
طبعا الثانويه مسويه حفل للخريجات والمتخرجين ... وكانت مزينه .

سميره: يااحياا بالخريجه اش دا الحلااا اليوم .

شروق: ناااهي مابه شي شويه ميك أب .

سميره😶: وعتفتحي وجهكككك لمن تستلمي الشهاده

شروق: لا طبعاا .

سميره: طيب ليش مأنتكه كذا وانتي بالنقاب .

شروق: عااادي احب اشوف نفسي جميله بأحلى اوقاتي واللحظات لانها ماعتتكرر


مدير الثانويه يداعي بأسماء المتفوقين

الحااصل على المركز الاول ..قسم العلمي ((فهد قاسم))

الحاصله على المركز الاول ..قسم ادبي ((شروق زاهر))

صعدت بكل فخر واخذت الشهادة ورأت اسرتها من بين الحضور .

((فعلاااااا بعض اللحظااات لاتوصف))


سميرة: مبروك يا حياتي الف الف مبرروك .

شروق:😌الان انا في اول خطوات حلمي ...

سميره: ايشو حلمك ماقلتي؟

شروق: مصممه ثياب سهره وكوافيره 😄اعرف هذا مشو بالحلم الصعب لكن انا عندي مواهب في ذي الشغلات

سميره: ناااهي عتسرحيني بعرسي🙈

شروق: هههه ان شاءالله .
.
.

شهاب: هههف اليوم زحمممه طريق المدارس يوو

ريحانه: يوووه نسيت اليوم عتتخرج شروق

شهاب: وايش بعده مابتدخل جامعه؟؟

ريحانه: مدري والله ليش تسال؟

شهاب: ولاشي بس كذا .
شهاب في نفسه الله يوفقها ..

ريحانه: ااه وكمان اشتيك توصلني لبيت شروق اليوم عزمونا لعندهم الغداء بس امي مشغوله وقالت اروح انا وسحر
.
.

في بيت شروق
الاهل فعلوا نفسهم خلاص الحفله مرت وماعد ادوش اي اهتمام ..☺

شروق تسير للبيت: الحمدلله خلصت الثانويه الان بركز اهتمامي ع الاشياء اللي احبهاا خلصت من وجع الراسسسس😂💜
.
.

صفاء في البيت تتعاطى الادويه وكلهاا امل وانتظار للفرج بدون كلل او ملل

علي: كيف روحي اليوم؟☺

صفاء: علي حرك يدي يمين وشمال يعني تدريب هههههه

علي بضحك: اهااا صفاء طلعت مهتمه بالرياضه وايش تحبي افعل لش يوغا او زومبا😌

صفاء: ههههه ياسعم اشتي اتعافى وعسى ولعل بالتمارين اتحرك😄

علي: حاااضررر

صفاء بحزن تبسر لعلي ..وتقول في نفسها ..((علي مش مقصر معي بشي وانا يمكن مااتعافى وهو لازم يعيش حياته مش لازم يلازم مشلوله ))..
.
.

في بيت شروق وصلت البيت بالظهر وشم البيت عطور وشم الاكلاات الشهيه ..

شروق في نفسها يمكن عيحتفلوا بي 😀

الام: علياء لااااتخبري شروق بشي وقولي ان ابوك مسوي عزومه وعازم اصحابه تمام

علياء: تمااام . .





















📚 @rewayatyamania 🇾🇪

البـارت 29 🍁


طــال انتـظــاري 🥀

👌🏻👇🏻 😍
📚 @rewayatyamania 🇾🇪


ريحانه وسحر وشهاب في طريقهم للبيت شروق..

ريحانه: ريع دقيقه انزل اشتري حاجه لهاا ..

شهاب منتظر لسحر وريحانه لفت انتباهه رجل يبيع ساعااات حلوووه.. نزل يبسرهن ابسر وحده مميزه .

شهاب: بكم هذي ياعم ..

البائع: ب1500

شهاب: اووه غاليه بس شاخذها وغلفها لي وزينها

طلع للسيارة وجلس يطنن في الساعه.. ريحانه وسحر يقرعين ع الزجاج تبع السيارة .

ريحانه: يووو وين سارح انت .

شهاب: اؤؤه العفو ماكنت مركز هيا مشينا تأخرنا
.
.

شروق بابتسامه: علياء علياء مو بتفعلوا؟

علياء لاحظت شروق فارحه

علياء بكل برودة اعصاب: ولاشي ابي عزم اصحابه اليوم غداء سيري امي تداعي عليش ساعديها .

شروق😑: بسس كذا يعني عشان اصحابه اليوم😑

علياء وتكتم ضحكتها: هيا سيري عاونيها

شروق بأكتئاب وتأفف: هيا جايه

شروق في نفسها: 😣محد معبرني واليوم من احلى ايامي 😒

خااطر: ياحيااا بشهاب اتفضلوا اتفضلوا

علياء ع طوول مسكت في ريحانه واختها وفهمتهم الخطه ..

سحر: ههههههه شكلكم قصفتوا جبهتها😂

علياء: اصه لاعد تفضحيناش سيري ع حسب الخطه ههههه

دقيقه والام تتصل بصحبات شروق .

الام: شروق سيري غرفتش ورتبيها سوا ناهي اليوم عيجونا ضيوف .. والاهل .

شروق: تماام ..

شروق ترتب غرفتها وهي طافشه وضابحه ..

شروق في نفسها: يعني خلاص حضروا حفل تخرجي وبس💔 ... هيا نااهي من انا عشان يفعلوا لي كذا😒 الله يسامحش يامخيلتي سرتي بي وبعدين نكبتيني .
.
.

ريحانه تساعد في تجهيز البيت ..هي وعلياء وسحر

الام: اوووه لازم نخرجها من البيت عشان الوقت

علياء باستغراب: يمه في الظهر؟؟؟؟

الام: نااهي خاطر عيدبرها

خاطر: انا شسير بها لمكان وانتوا عجلووا في سع

خاطر يداعي على شروق: يااشرروق يابنت

شروق: مااهو جيتك؟؟

خاطر: هيا اقطبي انا ضابح واشتي اتمشي عتجي؟؟ وعنتغدى بأي مكان

شروق: اءءءيوة قدناا طااافشه ملاان دقيقه واجيك

طلعوا .. واتغدوا بمطعم

شروق: ااااه والله انك نسمت عليا شوي الله يحفظك الااا!!!قلي اش هي الفرحه الثانيه؟

خاطر: ههه مشو وقته الان ابردي لش ولاتفكري فيهاا

شروق: يله ايششش من هي؟؟؟😶

خاطر: ياسعم الفرحه الثانيه لاتفكري فيهاا فهمتيييي

شهاب في نفسه مدري ماهو الشي الذي بيجذبني لشروق وليش انا مهتم فيها؟؟؟

خرج شهاب من البيت رايح للبقاله وسقطت الساعه بغلافها منه في المجلس وماانتبه
.
.

الام: يله جت جت طفوا البيت .

دخلت شروق البيت ..

شروق: يوووو يامنعاه طفت الكهرباء الان 😖

فجأة ولعت الانوار وسقطت اوراق الزينه والازهار فوق شروق واشتغلت اغاني التخرج ... وكانت متفاجئه ومصدومه جددددا

شروق وقبل ماتبدا بالكلام دخلين صحباتها ويهنينها ..

شروق ببهجه: يووووه والله انكم صدمتوني

الاب: وايش يعني ننسى احلى يوم لش 😏

سارت شروق نحو ابوها وعانقته بشده .
شروق: انتوا فرحتي ومالي حياة بدونكم الله يخليكم لي ... بسسسس اااممم

الام: ماهو؟

شروق: كيف دبرتوا كذا بسرعه او خرجتي مع خاطر جزء من الخطه؟؟

ريحانه: ايوه شهاب اقترح ذا وقال لخاطر

شروق: اهااا والله وطلع منك 😏

الام: ماهو؟

شروق: اءءءاتكلم عن خاطر😅

سميرة: واوو ياشرقرق الان خلصتي من حياة البنت الثانويه .. عقبا لعلياء

علياء: نااهي انا شاتمتع بكل لحظه مش نفسيه زي شروق😂

شروق: عنقلهم .

خلصت الحفله ورجع كل واحد لبيته

شروق وهي تبسر لخاطر: في حاجه وحدة اشتي اعرفها ومتحمسه لها☺

خاطر: نااهي خلاص لعد اشوقكم زياده هيا اسمعوا.. انا اشتي اتزوج ..😆

علياء: ماشاءالله ومن سعيدة الحظ؟؟

شروق لبرهه حست انه يلمح لريحانه: اءءءيوة من هي😶

خاطر: بنت صاحب الشغل تبعي الرجل اللي اخذ بيدي وساعدني😁 يمه اشتيك تروحي تخطبيها لي🙈 ..اسمها تهاني

الام😏: وعاارف الاسم كمان طيب ياخاطر ان شاءالله مالك الا اللي يرضيك

خاطر: الله يخليش لنا يمه ويحفظك انتي وابي

شروق: وحقك يا خطور حقك

خاطر بضحك: خطور في شكلك انطقي سع الناس
.
.

في بيت صفاء

علي: ووووووالاان جاء العشاء لسلطانتي ..

صفاء: علي

علي: عيون علي .

صفاء: اءءء شف انا لو جلست هكذا عتتحملني طول عمرك😔

علي: انطقي خير يامرةانتي عتتعافي وتولدي وتجيبي لي ابو بكر

صفاء: احاكيك صدق شف انت مش مضطر تلازمني روح شف حياتك😔

علي: شوفي الاكل عيبرد يلا قولي ااااااااء

صفا وهي تبكي: ياااااعلي اتكلم معك بجد😢

علي: وانا اقلك الصدق ماشخليش لو تموتي الحقش فاهمه

ورزع بالملعقه وخرج من الغرفة بغضب

















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪