.

البـيـت الکـبـيــر 🏠

البارت 316

👌🏻👇🏻 😍
📚 @rewayatyamania 🇾🇪


الاء شافته بيوزع نظرات وابتسامات بقصته : ماهناااا مع لاتخرب برستيجي

علي مبتسم وهم بيتصوروا وبيتكلم وهو مبتسم : اي برستيج صدقتي روحش ع غيري هو الا رنج ياسعم ماعرفش غبني عليه مجد .. عينصدم بيفور افتر..

الاء :ضحكككت..

طلعت الجده وتصورت مع عيالها ونجوى والاء


خارج فوق السياره قدام الصاله

اكرم : البدله حقك ضخمممه

مجد : الاء اختارتها مع الفستان ..

اكرم : الله يسعدكم يارب

مجد : واياااكم .. ها ماقلت لي مرتاح

اكرم : اعتقد من عيوني ع تدرى

مجد : ماهذا اكيددددد مبين عليك رجعت اكرم حق زماااان اول ماشبيت وحبيت وو

اكرم : والله رجعت روحي لي

مجد بيشوف للبوابه : هيا مالهم تأخروااا دخلوا يسلموني الحريوه والا بيتفرطوا

اكرم ضحكك : انزل اشغلهم

مجد صدق فتح الباب ونزل

اكرم بيداعي : ياااي مادكوم بين اضحك

مجد بيمشي..

وعمه مسعد وابوه خرجوا

ابوه مسكه ورجعوا للصاله : ياعقي والديك

مجد خاف: خيررر

ابوه : امانه دعممتني وبنقلك نتزوج سوا

مجد ضحك : الله يهديكم قلت مدري مابه


دخلوا للصاله..

ووقف بدايه الممر مع ابوه..

الاء واقفه وابوها بيرد لها الطرحه وبتتفرجه اناقته وسامته وابتسامته وحبه لها اللي بيلمع في عيونه اكثر من لمعة الزينه اللي حولها ..

كانت نظراتهم لحالها بتوصف مشاعر الحب والمعاناه والانتظار والفراق والحب والشوق...

واخيرااا بدأت خطواتهم لبعض تجمع مصيرهم..

كانت زفتهم زفة مشاعر عاشوها مع بعض بعد صعوبات..

ماحلا فرحتهم بعد يأس انهم يكونوا لبعض..

محلا كل المستحيلات لما تكون سهله

والفروقات اللي بتنهي سعاده تتلاشى..

تتوحد القلوب والمشاعر والانفس مع بعضها..

وصلت له..

فتش لها طرحتها بعد ماقري الفاتحه وهو ماسك راسها كان يقراها بخشووووع وحمد وشكر لله انه وصل لها وحب حياته ملكه...


بعد مامشيوا عماد وأخوه

مشيوا في الممر بدأت حياتهم وطريقهم الواحد من هذه اللحظه..

كانت ابتساماتهم لبعض بخوف وتوتر وكان مشاعرهم مراقبه من الكل..

مجد كان ماسك يدها بقووه ويتمنى ان المسافه ماتخلص حاسس بشعور غريب وهو معها


بعد ماوصلوا للكوشه..

جلسوا حسوا ان نظراتهم لبعض مراقبه قدام كثيررر كانت ابتسامات توتر وانذهال وسعاده متبادله بخزا قليل منها ،

الجده شافتهم غير يوم النقش : مالهم اليوم صرف الله بالشياطين اعوذ بالله من كل عين..

ام ايه ضحككت : هذك اليوم جنن لانه مابش حد بس اليوم ابسروا كيف هو يرحم

الجده : عيس فيه يستاهل خليه الله يرزمه بعقله.

بدأوا يتصوروا وشويه راح الخوف والتوتر ونسيوا الناس حولهم واندمجوا مع بعض بيتكلموا ويضحكواا






📚 @rewayatyamania 🇾🇪

.

البـيـت الکـبـيــر 🏠

البارت 317

👌🏻👇🏻 😍
📚 @rewayatyamania 🇾🇪


ام ايه ضحككت : هذك اليوم جنن لانه مابش حد بس اليوم ابسروا كيف هو يرحم

الجده : عيس فيه يستاهل خليه الله يرزمه بعقله.

بدأوا يتصوروا وشويه راح الخوف والتوتر ونسيوا الناس حولهم واندمجوا مع بعض بيتكلموا ويضحكواا

وصلوا للترته..

الاء : ذلحين مايوصلني للي فوق خلينا نقطع الطبقه الاخيره بس

مجد ضحك : اتحملش !!

الاء شافته وبعدت من جنبه شويه: ياووويلك قوااا امانه بس تبداع

مجد قرب منها : تعالي مالش

الاء: مااااع

الجده شافته : هيا طار الخزا مالها بتهرب

ام ايه بتضحكك على تعليقات الجده

ايه : مجد خلاص معانده انت وهي اقطعوها يالغج اقطبوا

الاء مسكت يده وبدأوا يقطعوها..

مجد بعد ما اكلها واكلته : زيدي قطعه

الاء : اكلته

مجد : شربيني ببسي

الاء: ناولته الفاين

مجد : زيدي

الاء ضحككككت : بس الله يسامحني بس من قال لي اقنعك تدخل

مجد : طيب مانفعل ذلحين نتبسرها بكلها وناكل لجع واحد جاووووع

ايه وبنات خالتها وياسمين بيضحكين

ايه : ارقصوا

مجد : على الدقه الاولى او الثانيه..

الاء بتضحكك من احراجها قدام البنات قربت تشاوره : بس هباله هيا مه مش اتفقنا عليها لوما اتصلت وقلت لك كيف نرقصها

مجد فجأه مسك يدها وعينه في عينها : داررري بس عاجبتني ضحكتشششش ؟

الاء حاولت ترجع شويه..

ومجد يراقصها ع الموسيقى...

كان الكل بيعيش معهم لحظات حبهم لبعض وفرحتهم

مجد : من حبيبي

الاء : انا

مجد : من اميرتي

الاء : ضحكككت

مجد : من هي سعادتي

الاء محرررجه وبتضحك :انت سعادتي

مجد : تقولي من اكثر واحد فارح وبيحب الثاني !! يعلم الله من بس حاسس انه انا .. مستحيل حد في العالم فارح بالفرحه اللي انا فيهها

الاء : يووو منك بس والله وانا بين احبك وفارحه ومزقرعه بك من قلبي


مجد مسك يدها خلاص اسكتي بس لأني احتمال اوقع مجنون رسمي..

تمت الاغنيه..

الجده بتستغفرررر وتسبح : يعوو ماعادو من رقص هذا متحاجفين

ام الاء بتضحك ع عمتها

ام مجد : ماعليكم احنا نرحم لارقصنا ولابسرنا كنا نتفرط لامغرب ونروح..

بيسمعوا اصوات..

الجده ضحكت وذلحين قومين نروح يكفيهم : اعوووذ بالله قد بين اوسوس من كثر الفرحه اللي احنا فيها لايقع ضرب الطايره لافوقنا .

ام مجد : يووو اعوذ بالله يمه ع قد والفال والحكى.. يو الله يسامحكم

رجعو يتصوروا ويتجابروا ...

الناس روحت كلها ماعد بقي الا هم..

ايه منعسه فوق الماسه

والجده راقده ..

مجد : بيمشي يروح وحاسس روحه عندها ..


في البيت..

ابو مجد : له الحمد والشكر ابني احسن من اخترت وسامحني لوما رفضت .




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 318

👌🏻👇🏻 😍
📚 @rewayatyamania 🇾🇪


مجد ساااكت..

ابوه : بس رفضي طلع وساوس واوهام وعمك مابش منه ومن قلبه ولا مثل بنتي الاء

تنتبه لهم ولها وربي يسعدك ويرضى عليك دنيا واخره


يوم الربوع سمرة مجد..

كلهم في البيت الكبير..

الا الاء مع بنات خالتها وخالها جالس قلبها بيفحررر وكل شويه تجنن ايه : صوري لي الزفه من الطاقه..

سجلي لي اسمع. .

امها : اطرحي التلفون عيخرب النقشششش قري قد عتسيري وتشوفي كله في الفيديوهات

الاء ضحكت : عشان عادات وتقاليد انحرم من عرس ابن عمي..

امها قلدت لها بلهجه عربيه : قدو ابن عمي مش إبن عمي


مرت الدقايق بسرعه عد تنازززلي...

بأحداث مستعجله وروتينيه ..

كان الغداء والمقيل والان وقت الزفه ..


عند الكل مر الاسبوع بسرعه الا مجد حس اللحظات اللي فاصله بين لقائه بها كانها سنه..

وصلت الاء البيت الكبير وحاسه انها في بيتهم الثاني مكان مش غريب عليها اعز مكان لقلبها وبعد ماحبت مجد فيه تمنت تعيش معه فيه للابد..

دخلت بين اهلها وناسها وجدتها ومرت عمها وعمتها. .

كل الوجوه احب الوجوه لقلبها...

طلعت الشقه حقها كان لها فتره كبيره ماعد طلعت فوق من بعد مارجعوا من السفر تغيرت كانت حديثه وبسيطه انيقه...

دخلت الديوان والنسوان طلعين معها..

سمعت المحاجر...

واخيرا مجد وصل وشافها قدام عينه اخيرا الاء حلاله مرته حبيبته اللي عاشوا احلى لحظات خصام وعداء وبعدها اقوى حب...


الصباح بيت عماد..

حاسين بفرااغ كبير راحت الشقاوه والضحكه والدلع حق البيت.. كان يومهم ممل ..

امها حست بفراغ كبير بعد ماكانت فيه الاء وجو الفرح والعرس واللمه : عماد ايحين عنسافر ..

عماد ضحك : مسرررع شكلش ماصدقتي تخلصي منها

مرته بكيت : بالعكس ماقدرت اجلس في البيت وهي مش فيه

عماد : الله يسعدها ويستر عليها دنيا واخره مانفعل سنة الحياه .. نتعب ونربي ونكبر ويجي لها جاهززه

مرته : مارايك نرجع البيت الكبير ننزح

عماد بيصلح الشال ويتعطر عشان يروح يبارك لهم : ضحك ماذلحين عترجعي هانك..

مرته : الله يسعدها دنيا واخره..


البيت الكبير..

الاء بعفويتها اللي يعرفوها ماتغيرت انها مرت ابنهم ..وكأنها الاء اللي يعرفوها زمان نزلت لاعند جدتها هي ومجد يتصبحوا معهم..

الجده : واحد يجلس يمين جنبي وواحد يسار

ماهو الجنان في القاعه بدعتوا بنا قبال الناس

مجد ضحك : هاا صدقت وقامت من جنبي

الاء بتحانكه وحاضنه جدتها : ايوووه اجلس هانك..

وصل ابوها واخوها وجلسوا معهم يصتبحوا


بيت نجوى..

ياسمين شافت عمتها مريضه فعلت لها الليمون والشاهي والصبوح ودخلت لاعندها : سلامتكم فعلت لكم شاهي دافي

نجوى : تسلمي .







📚 @rewayatyamania 🇾🇪

.

البـيـت الکـبـيــر 🏠

البارت 319

👌🏻👇🏻 😍
📚 @rewayatyamania 🇾🇪


نجوى : تسلمي والله اننا تاااعبه شكلي استبردت

ياسمين : قد قيمت اكرم يسير يدي لكم علاج

نجوى: بارك الله فيش

ياسمين : ناولتها قلص الشاهي

نجوى : حست بطيبتها والفرق بينها وبين لمياء


بيت ام عمار..

مرت عامر بتتضابح هي وياه : ناهي وانا مادخلني افعل الصبوح مالي دخل الا منك زوجي انت اما هي تقوم من نفسها

مرت اخوك تخرج تفتهن وانا مع مايسبرش والله ماجلس الا اخرج انا والا هي تسير بيت عمار..

ام عمار كانت جنب الباب جايه تقيمهم صبوح سمعتها
واقتهررررت رجعت عرفتها وجلست تبكي..

شافتهم ماخرجوا ولا شي لبست البالطو واتصلت لبنتها تجي تشلها بيت عمار..


بيت ايه..

ايه بعد مافلتت البيت اسبوع وصلت تقشع وتنظف من الغبار والرجال كانوا يجتمعوا عند ابوها في بيتها..

سمعت الباب وقفت وراه وفتحت : من ؟

عمتها واخت عمار دخلين

ايه : اهلا وسهلااا ادخلوا

ام عمار حاسه بقهر كيف كانت عليهم.. : صباح الخير يابنتي

ايه : صباح الورد والعافيه ادخلوا.. قفلت الباب

ام عمار : لوحدش

ايه : ايوه ابي ساروا الصبح

ام عمار: وكيف تفتحي هكذا مانتي داريه من مابلا اوبهي لنفسش

اخت عمار: يوو بتقشعي لحالش يامرت اخي .. ثقيل عليش تعب

ايه : والله اننا هالكه من العرس بس مافعل ماقدرت اجلس وهو هكذا

اخت زوجها بعدت البالطو وقامت تعاونها .

ايه : اصتبحتوا

ام عمار جالسه فوق المدكى ماسكه دموعها : مع جيت عندش اصتبح واوانسش ماسخيت اخليش لحالش

ايه : حيا بكم الان ادخل افعل صبوح وانتوا اجلسوا براحتكم ومدوا رجلكم افتهنوا.

ام عمار تمت تصتبح وبكيت : ساااامحيني يابنتي لو غثيتش والا قهرتش يوم

والله مالقيت ساعش وانش طيبه وحنجه عليا مثل بنتي

ايه : يو الله يهديكم مابش شي .. تقبلت كل شي منكم ساع عمار..انتوا امي

ام عمار رفعت الصحن معها وحضنتها..

اتصل عمار وجابرنه وفررح ان امه حن قلبها لمرته....

بعد ثلاثه شهور

بيت اهل لمياء..

لمياء بدأت مشاكلها مع مرت اخوها واصل ومحانبه...

سافروا ابوها وامها يتعالجوا وراحت معهم وطولت فترة علاجهم واخذوا استراحه بعيد عن الحرب تقدم لها اخو صاحب ابوها مرتاح ووضعه المادي والاجتماعي كويس وافقت تنخطب ..وبعد مده عقدوا كانت مرتاحه لدلعه لها وحست

انها بتعيش سعيدة معه...


اما ايه كانت شهرها الاخير وعمتها تروح وتجي عندها...

وسادس يوم ماولدت والكل عندها مجتمعين جدتها واعمامها وابوها والاء ونسوان عمها ..

تفاجأت بعمار دخل سكته للغرفه وهي بترقد النونو..

ايه شافته وبكيت ..







📚 @rewayatyamania 🇾🇪

.

البـيـت الکـبـيــر 🏠

البارت 320

👌🏻👇🏻 😍
📚 @rewayatyamania 🇾🇪


ايه شافته وبكيت ..

عمار قرب منهم وحضنها هي والنونو : وحشتيني

ايه بتمسح دموعها: الله يسامحك بس ليش ماقلت لي

عمار : توقع مفاجأه احلى وبعدا شكلش ارتحتي وانا مابحد

ايه ضحكت : والله ماخليك ترجع قلك ارتحت

عمار حضن ابنه بخوف وابتسم له وبيجابره : سامحني انت وامك بعدت عنكم وكان لازم اكون موجود بس مانفعل..!

النونو بكي خاف عليه ورجعه لاعندها: تجابروا وعدت الدقايق بدون مايحسوا ع بعض..


بيت اكرم..

ياسمين : بكره اشتي اروح افرح ل ايه خزا ماقد سرت..

اكرم : سهل هي داريه انش تاعبه مع الوحام ..

رن تلفونها ردت : الو

بنتها : ماما وحشتيني

ياسمين : يارووح امش كيف انتي .. كيف اخوش عرفتي رقمي من ادا لش

بنتها : بابا

ياسمين : ادي اكلم اخوش

طليقها : السلام عليكم

ياسمين شافت اكرم وبصوت واطي: ابو الجهال

اكرم اساليه مايشتي قرب جنبها بيسمع

طليقها شاف ساكته : الو

ياسمين : خير

طليقها بصوت منكسررر : تشتي العيال ! جي لهم

ياسمين مستغرررربه : اجي لهم !

طليقها : انا بدون راتب وصاحب البيت خرجنا الشارع ولاقدرت ادبر غير اللي يسد جوعهم انا الان عند صاحب جي شليهم

ياسمين طرحت التلفون و بكيت على عيالها حست بغصصصصه كيف قدرت تصدقه وتفلتهم له ومش عارفه كيف كانوا عايشين جاوعين او شابعين تاعبين او بخير...

اكرم كان بيكلمه وشل العنوان وقفل ..شافها بتبكي : انتي اجلسي وانا اسير اديهم ايحين اسير

ياسمين : لاااا مابقدرش اراعي ذلحين نسير.. يعلم الله هم جاوعين

اكرم : كان قومي البسي

وصلوا للحاره اللي وصف لهم عنوانها واتصل اكرم..

خرجوا من الباب شافت حالتهم كيف متغيررره وهي عايشه مرتاحه وبكككيت اقتهرت وحست انها ظلمتهم مثل مانظلمت جلست توعد نفسها لاتعوضهم وتعيشهم احلى عيشه..


في الباب اكرم سلم عليه ودخل في جيبه ظرف : اي حين ماسلموا راتبك اتصل بي وردها..

طليق ياسمين يشتي يخرجه

اكرم ماسك يده: يارجال الله المستعان

طليقها : قل لها العيال امانه في ذمتها زي ماخرجتهم من عندي بقهر وضعف تحافظ عليهم

اكرم : ولايهمك عندها وعندك واحدي وبيكونوا يجوا ويسيروا ومابش شي ..والله يكتب اجرك حين فرحتها بجهالها..

طليقها : حاسس الله عاقبني لاني حرمتها منهم.

اكرم مش قادر يتحمل يشوف ضعفه قدامه بسبب ظروفه : الله يهديك ياخي هي محلقه ع الكل ومشي.

شلهم المطعم والحديقه والسوق وروحوا البيت..

نجوى كانت متضايقه اول اسبوع بعدها تعودت عليهم وحست البيت حياه بجهال ياسمين...


البيت الكبير..

الجده بتسمع صوت التلفزيون ومجابرتهم وضحكهم خرجت من غرفتها وهم في الصاله بيتعشوا وبيتفرجوا




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 321

👌🏻👇🏻 😍
📚 @rewayatyamania 🇾🇪


البيت الكبير..

الجده بتسمع صوت التلفزيون ومجابرتهم وضحكهم خرجت من غرفتها وهم في الصاله بيتعشوا وبيتفرجوا : مابتفعلوا هنا

مجد : جوا معنا نسمر

جدته : مفلتين الشقه وجيتوا تكسروا راسي هنا

الاء: يووو ياجده قلنا نوانسكم

جدتها : جلست جنبهم شافت التلفزيون فلم رعب : لاحول ولاقوة الا بالله قلت عنزوجكم تعقلوا مابش فايده

مجد : حد يشل مدلوزه ساع هذه ويعقل...

جدته : بتعشي زوجش اندومي عتشتحطي

مجد : ابسرتوا ع جعجعه

الاء شافته : ياخراط قلت لك ادفي لك عشاء قلت مع خاور وخرجت تشتري

جدتهم : اسكه ادي ملعقه نطعم.

الاء بتسافطها : جددده عتبطلوا دحسس حين معي عمه طيبه وانتوا عتعلموا مجد عليا

جدتها ضحككت : خسف بعدوش انتي وياه .. والله اني بين انسى ان انتوا مزوجين ..

بس والله ان في الشربه هذه طعم ياسلام

ضحكوا الاء ومجد

مجد : هو الحراف ياجده خلانا نفعلها شربه جعجعت ببنتكم

الاء بنظرات شقاوه وابتسامه وجدتها وسطهم : يامجعجعني يامدلعني..

جدتها : ولاعد حيا ولا شي بتغازله قبالي

كانت حاسه انهم عوضوها عن بقيه عيالها جلستهم واصل عندها..


بيت عمار..

عمار بيكلمها : امي صدق كيف تغيرت وبتدلعش او لانش والده ؟

ايه : ماشي الله يحفظهم تغيروا والحمدلله بس مستغربه كيف لهم

عمار: انتي اللي خليتيهم يتغيروا لاخلاقش وطيبتش الله لايحرمني منكم.

ايه : عادك عترجع قل ماشي قواا

عمار تنهد: والله يا ايه اهم شي سددت الديون الان معي مبلغ صغنن قلت افعل به مشروع ومش داري مافعل لازم قبل ماتقرح الزلط لاعد عمل ولارواتب

ايه : انا معي لك احسن مشروووع مارأيك افعل كيك ومعجنات وطلبيات وماشاءالله عليهن طلب خيرات

عمار : بس تعب عليش

ايه : سهل اول شي عنتعب وبعدا لما نبدأ الربح ادي مره تعاوني

عمار: والله فكره حاليه تمي الاربعين حقش وبعدا سهل ..


البيت الكبير..

ابو مازن بيكلم ابنه وفارح انه قرر امه تخطب له ويرجع اليمن يتزوج هو وعلي بعد شهرين..

مرته : امانه معي له مره ماشاءالله عيني عليها من عرس الاء اسير احاكيهم

زوجها : سيري وقلي لهم انه العرس بعد شهرين

ياسمين واقفه تشوف الغرفه اللي صلحها لعيالها مش عارفه كيف تشكره.

اكرم واقف: كيف هي حاليه ؟

ياسمين والدموع في عيونها هزت راسها لا : انت اللي محلي حياتي انت ، يكفي طيبه قلبك وتعاملك مع جهالي انت عوضي في الدنيا هذه..

اكرم تأثر بكلامها وماحب يبين لها انه فعل شي : هيا ناهي لش من حين وحمتي وقدش حساسه ..

شاف جهالها داخل الغرفه بيشبروا السرير اين اكبر..

ضحك عليهم : ها يابابا حاليه







📚 @rewayatyamania 🇾🇪

.

البـيـت الکـبـيــر 🏠

البارت 322

👌🏻👇🏻 😍
📚 @rewayatyamania 🇾🇪


ضحك عليهم : ها يابابا حاليه

بنتها : ايوه حاليه قوووي اما حقه شوووعه

ابنها : انا جنب الطاقه وانتي مابش معش شي


نجوى في الصاله جالسه تتفرجهم وتتعجب من الدنيا كيف هي حقد وقتل وثار وفيها طيبه وكرم وتسامح. .


بعد اسابيع..

لمياء تزوجت ومبسوطه ان البيت فخممم وشغاله ومعها سواق بس كانت تحاول تقنع نفسها انها مرتااحه لانها الثانيه ولان اهتمام زوجها قوووي بجهاله اكثر منها حست انها وصلت للمظاهر بس مانفعتهاا زي شخص يشاركها تفاصيل ايامها..

تمنت انه يكون ببعض صفات اكرم اللي حبتها فيه ، حست انها تسرعت بحكمها عليه وانها ظلمته بعد ماشافت غيره ..


البيت الكبير فوق الغداء

ابو مجد : اي حين نقسم الورث..

كلهم لفتوا لاعنده..

اخوه مسعد : ليش ؟ محنا مرتاحين هنا وعشنا عمر..

ابو مجد : اشتي اسافر اغير جو واتعالج فوقي ديون..

امه عارفه انه بيتعذر وزعلت : البيت هذا لم شمل الكل وماعيبتاعش

مجد والاء بيتفرجوا لبعض..

ابو مجد : واذا مابعناه احنا عيبيعوه جهالنا..

امه : يدي الله العافيه هم يسدوا وانت لانت تشتي تتعالج شادي..

مجد جاوب : انا شاسفركم وافعلكم ماشتيتوا بس لاتبيعو البيت وتفرقونا ..

الاء خايفه من عمها تعلق بحرف ساكته.

ابو مجد سكت : يجي عماد ونجتمع كلنا ونسد.

امه : خلوني اموت وانا راكنه عليكم ان البيت هذا عيجلس يجمعكم ويجمع جهالكم واحفادكم والا لو ابتاع عتتفارقوا وكل واحد عيلتهي بروحه..

مجد بيشاور الاء : والله مايبتاع لو أشقى ليل ونهار وادفع لابي سهمه هذا البيت اللي جمع احلى ايام عمرنا مع بعض..

الاء لفتت له وبصوت واطي بتشاوره : ايوه بس اهجع لاعد تدور معهم هدار.. ماذلحين لو حنقوا منك بيقلبوا فوقي والكل واضبح انهم زاعلين مني ومافعلت شي

مجد : انا فدالها اللي بتضبح



بعد سنه من الأحداث هذه..

الاء وايه بيشكين لبعض..

الاء : محد يصدق المدعمم الوحيد اللي ماكان في حسه من شي مازن ولو تشوفي كيف بيغنجها ويدلعها

ايه : حلا يطلع واحد منهم رومانسي ما عمار خلاص قدو مايسلى الا مع ابنه شويه ولا معه قرشين

الاء: هي الايام هذه بين احس الكل قدو ضابح حتى مجد اجابر اجابر وهو في وادددي..

ايه: هذا واحنا له الحمد مرتاحين مانقول للي الدنيا تغيرت عليهم

الاء : الله يعوضهم.


في غرفتهم..

الاء : مجد

مجد : ماهو

الاء : انت ناسي تاريخ مهم

مجد : ايش من تاريخ او حامل ؟

الاء : ماشي

مجد : يوم مارجعتوا وعرفتش فيه

الاء: قرربت

مجد : يوم ماخطبتش

الاء قامت جلست: يوووو منك نسسسسيت عيد زواجنا







📚 @rewayatyamania 🇾🇪

.

البـيـت الکـبـيــر 🏠

البارت 323

👌🏻👇🏻 😍
📚 @rewayatyamania 🇾🇪


الاء قامت جلست: يوووو منك نسسسسيت عيد زواجنا

مجد بسفاط دهف وشها : وليششش عيد وقد احنا مع بعض وليش تدوري هدار ساااعه وفيني نوم

الاء بتضحك : طيب يا اهبل يوم مهم تزوجنا فيه

مجد : اهم يوم ولحظه وسنه وشهر ودقيقه هي وانتي معي ولو عليا لانعيد يوميه

الاء : يوو جبرني بك ياروحي طيب لاتحاولش هذا اليوم برضو مهم

مجد: خلاص نفعل عزومه للاهل كلهم ونفاجئهم بلبس العرس

الاء ضحكت : وليش الاهل كلهم

مجد : امد يذكروا حين جوا

الاء ضحكت : مجد بس زبج امانه هيا

مجد ضحكك : مافعل من ذلحين انا طيب !
لايومه له حلات

الاء : اخسسس كنت مفكره انك مدري ماعتفعل

مجد : قد انتي معي يعني ليش عاد الجنان

الاء ضحكككت : كلامك مابش فيه شي غلط بس ماقتنعت

مجد بيفكررر يسافروا الحديده : ان شاءالله اعرفي عرس

الاء : اسسسسمه عيد زواج


جاء يوم عيد زواجهم..
والبيت الكبيرر ملان اكثر من قبل.. الشباب ونسوانهم .. كانت لمتهم كل جمعه ومناسبه بتنسيهم الوضع اللي هم فيه.. جلستهم مع الجده وابائهم وامهاتهم بتهون عليهم الكبر والضيق والوحده بالذات في الايام الصعبه اللي بيعيشوها في حرب .. صادف عيد زواجهم يوم الجمعه والبيت ملان..

مجد رسل لها رساله :قد انتي جاهزه ؟

الاء : ايوه جي شل الشنطه.

جدتها : انتبهوا لنفسكم هانك وبطلوا جنان في الطريق وسوق سوا

امه : قوا يا مجد انتبه

ابوه : وسلم على عمك

الاء لفتت له : عمي هانك ؟

مجد بهرر لابوه : تمام يوصل.. شاف الاء عمي انا صاحب ابي مادخلش انتي.. سلموا عليهم كلهم ومشيوا..

الاء خرجت من الباب شافت سياره: من هذا

مجد : هذا واحد عيشلنا للحديده هو

الاء : ها عادو احسن وليش جننتهم يقلقوا ان انت عتسوق..

مجد : يووو كم فيش لغاجه لاتربشيني اطلعي سكته

الاء طلعت : بسم الله الرحمن الرحيم مبين من اولها الاعصاب هااادئه

مجد جلس جنبها ومشيوا...


البيت الكبير..
ايه : ليش كم عيجلسوا

ام مجد بتضحك : شهر

الجده : بدل شهر العسل

مرت مازن بتلاعب ابن ايه : خليه عندنا وسيري

ايه : صددق؟

مرت اخوها بتلاعبه : ياريت محلاااه تسير ماما وتجلس عندي

ايه : قلي لمازن يرحله من زوجي سفريات مابش قد رجع يلمح له مشروع جديد

مرت اخوها : مع خلاص اقتنع قلت له وظيفتي(مدرسه) وعمله مع اكرم ومجد كفايه صرفه والبيت قد احنا هنا مابش ايجار ولاشي..


ف الطريق. .

الاء نكزت من النوم : مجدد قدو عشي اين عنسير بنسافر من عصر!!

مجد : ضيع الطريق السواق

الاء بخوف : يووو وفين احنااا كيف عنفعل

مجد مسك يدها وبيسكتها : اووص ماعنفعل يطلع الضوء ونبسر..



https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 324

👌🏻👇🏻 😍
📚 @rewayatyamania 🇾🇪


الاء : الله يسامحك قرح اليوم في الطريق

مجد بيشوف الساعه : خلاص ربع ساعه وننزل نتعشى مطعم..

الاء بتتفرج اللافتات مش احنا في الحديده ضحكت كنت تقل لي هكذا..

وصلوا الفندق وثاني يوم خرجوا بالشنط

الاء : ليش هذا ضخم والله

مجد : نغيره ماعجبنيش

الاء : بعدك..

وصلوا المطار..

الاء ضحككت من الفرحه ضربته في يده : ليش ماتقلي ان احنا مسافرين طيب فين ؟

مجد بيهز كتفه : لا

الاء : جالسه تهزور جيوبه تدور

مجد بهرر: مش قدام الناس


فوق الطايره..

الاء: رايحين عند ابي؟

مجد : ممكن تخرجي لنا كتاب والا روايه حلوه ونقراها بهدوء وتعلمي معي الصبر لان انتي عتتعبي مع مجنون مثلي.


بيت عماد..

كان علي وزوجته منسجمين مع بعض.. قدرت تغيره للأحسن بطل المعاكسه واصبح مش مهتم كثير بالبنات ..

زوجته كانت عاقله وطيوبه وتحب عماد اكثر من ام علي بطبعه المرح والعفوي والطيبه.


اما لمياء تقبلت وضع حياتها رغم انها مش مرتاحه معه بس كانت بتنسى ضبحها بخرجاتها وصاحباتها وبنتها.


بيت نجوى..

اكرم بيتحيلا لابنه ويقسم ملامحه لمن طلع الشبه اكثر

ياسمين : ياريته يشبهك بالحب والطيبه وبس

اكرم كان يحاول قد مايقدر يتعامل مع عيال ياسمين بأحسن طبع عشان لاتتحسس منه .

نجوى نسيت كل الاحقاد القديمه في براءه وضحكه ومرح الاطفال اللي قدامها تعايشت مع طيبه ياسمين وحنيتها عليها اللي كأنها بنت مش زوجه ابن.


ايه وعمار توفقوا بمشروعهم ولقيوا ربح واشتروا شقه صغيره وتغير تعامل عمتها لها حتى سليفتها تغيرت وحبتها لطيبتها.


مازن تغير بدل ماكان انطوائي ولحاله ومش مدخل نفسه في اهله ، زوجته خلته يتقرب من الكل ويتحمل مسؤوليه كل شي معهم..


وبعيددد عنهم كلهم..( جزيرة انطاليا )

جالسين على الشاطئ وبيكتبوا لبعض عبارات حب ووعود أبديه على الرمل

الاء : مجد ماعندي لهم هدايا لما نرجع؟

مجد : ندي لهم نتيجه فحص الحمل حقش ..


الحب الحرب الوحيدة
التي نسلك طريقها بكل شجاعة
نهدي لها الروح وقلب دون خط رجعه
ونجند لأجلها المشاعر
ولا نحسب فيه غنائم
ولا نحصد فيه خسائرنا


#البيت_الكبير
ولدت فيه مشاعرهم ومواقفهم واصعب واحلى ذكرياتهم ( وكل واحد فينا معه مكان ذكريات )

يارب يحقق لكل واحد مايتمناه ويسعد في حياته مع كل احبابه .

لو جلسنا نوصف نهايتهم بالتفصيل مابتخلص الروايه لذلك خلصوها بخيالكم ولو جت افكار ممكن نفعل جزء ثاني لانها الروايه الاغلبيه ماملها حتى النهايه..

اسعدتوني بتعليقاتكم ومتابعتكم يارب يسعدكم دنيا واخره ويحقق لكم كل ماتتمنوه يارب


#انتهت



https://tttttt.me/rewayatyamania/30598


📚 @rewayatyamania 🇾🇪

🏠


بـارتـات يـومنــا الجمعــة والأخيــرة 😍👆🏻

https://tttttt.me/joinchat/AAAAAFGY-CmHlhVy8WdDdg

❣❣❣❣❣❣❣❣❣

🔅للـوصــول للقصـص عـن طريـق اسـم
الكاتب او الكاتبـة

١. له او لهـا اكثـر من قصـة في القنـاة

☺️👇🏻
https://tttttt.me/ArchiveRY2/46

٢. له او لهـا قصـة واحـدة فقـط في القنـاة

☺️👇🏻
https://tttttt.me/ArchiveRY2/45


❣❣❣❣❣❣❣❣❣❣❣❣


🔅للـوصــول للقصـص عـن طريـق اسـم القصـة

☺️👇🏻
https://tttttt.me/ArchiveRY2/48


وهـذا
☺️👇🏻
https://tttttt.me/ArchiveRY2/49


❣❣❣❣❣❣❣❣❣❣❣

مرحباً متابعينا الاحبـاء نـرجـوا مـنـكـم تـقيـيـم الروايـة ومـدى اعـجـابـكـم❤️👍🏻 بـهـا" البيــت الكـبيــر " للـكاتبـة" عبيـر الكبـســي" تفاعلوا بالتصويت لتقديم المزيد🙂🌹 صوتوا بسرعة عشان نعرض اللي بعد💜
anonymous poll

⭐️⭐️⭐️⭐️⭐️ – 576
👍👍👍👍👍👍👍 91%

⭐️⭐️⭐️⭐️ – 35
▫️ 6%

⭐️⭐️ – 15
▫️ 2%

⭐️⭐️⭐️ – 8
▫️ 1%

👥 634 people voted so far.

تعليق الكاتبة عبير الكبسي 👇🏻👇🏻

لكل محبين القراءة أنتم الافضل ، وكل من حب رواياتي اتألق بكم ومعكم ولكم ، شكرا لكل متابع اصغى لأحرفي ونالت إعجابه لكم مني كل الحب وتمنياتي لكم بالسعادة والنعيم ،

عبير الكبسي

#انتظرونا ومع قصة للكاتبة المتألقة دوماً منـارة اليـمــن بعنــوان

صـديقـة مـن سـراب

ابتداءً من مسـاء غد الاثنيـن بإذن الله

وذلك على قنـاتـكم روايـات يمنيـة

https://tttttt.me/joinchat/AAAAAEIz_KDfjDgo7Gaxwg