.

البـيـت الکـبـيــر 🏠

البارت 278

👌🏻👇🏻 😍
📚 @rewayatyamania 🇾🇪


اكرم : تطمن خلاص كان في امل الان طارت من يدي مره ثانيه..

مجد : عتتزوج ومرتك ؟

اكرم بيدور لهم تاريخ مناسب : ابرد لك الان اهتم بنفسك وبس


بيت عم ياسمين..
مرت عمها : قال عمش مابش عندنا مطلقات عيزوجش ببكيل

ياسمين : مابتزوج حد بكيل معه 3 نسوان وانا قانعه الحياه كلها ياخليتوني صدقه عندكم واكسبوا اجر فيني اما شاموت نفسي وافتهن منكم كلكم..

مرت عمها : اعقلي من الجنان مايسبر هذا الكلام. .

ياسمين سرحت وبدأت تفكر وتخطط انها تهرب بس فين وكيف اخوالها ومايشتوا مشاكل مع اعمامها... تذكرت كلام اكرم .....!! قامت توضت وصلت استخاره وجلست تدعي الله يسخرلها الطريق اللي تخلص فيه من همومها...


بيت عمار...
عمار : هيا ابسري كيف قلبتي فرحتنا نكد

ايه : غصب عني كيف تفلتني وتسافر

عمار : هيا سعم اننا اول واخر واحد قد نص الناس مهاجره تدور رزقها..

ايه ماسكه يدها بيده : وايش عتشتغل هانك !

عمار : مع مكتب سفريات وسياحه.

ايه : ومازن ؟

عمار : هو محافظه وانا بمحافظه وبعد وساطات ويهياااااه والتعب وجايه تقلي لي ماشي.. اوعدش والله سنه بس اللي نتخاررررج

ايه : وعمتي ماقالوا

عمار : ماقد بفتح الموضوع معهم الان لابعد عرس عامر جهزي نفسش نسير هانك بعد اسبوع

ايه : ايوه كلمتني اختك اسير اعاونهم بس مستغربه كيف حددتوا قبل شهرين العرس والغوا كل شي كيف لهم عمتي وافقوا

عمار : حين معهم موت

ايه : اها خير ان شاءالله خلاص شلني بكره ابسر لو يشتوا معاونه

عمار : بس انتبهي لنفسش وابني والا ياويلششش

ايه بزعل : واي حين عتسافر

عمار : ياهمتاااه للسفر من قال لي احاكيش


بيت عماد..
ام الاء قفلت التلفون : خلاص حددنا الخميس الخطبه

علي: باقي لكم شي نخرج السوق !

الاء : انا اشتي اسير ادي الفساتين حقي اللي حجزتها

امها : خلينا نشلها لخطيبه علي وانتي...

الاء ماخلتها تكمل : ماعه قد دخلين نفسي

علي: السوق ملان ابسري شي ثاني

الاء بمحانكه : ابسروا انتوا شي ثاني هذا طلبته طلب وغاليات على خطيبتك

علي : غاليات ع خطيبتي حسستيني ان انتي عتتزوجي مدري م... خاف يكمل الجمله يجرحها سكت

الاء فهمت : شاتزوج انسان مكمل نفسه معتمد ع نفسه صح ع قده بس يسوى الف مرتاح

امها شافت لعلي : ماهو هذا الكلام !! ياقهر قلبي ابني الرجال اللي مفروض يكون حاسب حساب لكلامه وتفكيره يكلم اخته هكذا

علي : مش قصدي شي انا بين اعلق على تفكيرها هي كيف تقل غاليات عليها

الاء : مايهمنيش قصدك ولا اثر فيني وانت الله يعينك ع تفكيرك حاول بدل ماتنقص من شخص توقع مثله..






📚 @rewayatyamania 🇾🇪

.

البـيـت الکـبـيــر 🏠

البارت 279

👌🏻👇🏻 😍
📚 @rewayatyamania 🇾🇪


بيت عمها..
دخلت مرت عمها وماسكه وشها : جاااوبي عمش وقلي له حاضر تم بعدك اووووبهي تقلي له الي قلتي لي اول .. ماتعرفييييش كيف قد هو اخس من ابليس الله يخارجني منه وينتقمه ويخارجش ...

ياسمين خاااافت بعد ماسمعت مرت عمها بتدعي عليه لهذه الدرجه !! خرجت لاعنده..

عمها جالس وملامح الشر والغضب في وشه ماسك لحيته بيمرر أصابعه عليها وكأنه بيهدئ نفسه من الغضب بنبررره شديدة من كثر ماتعود القسوه والظلم : ارتزعي هناك

ياسمين جلست ومتمنيه اللحظه هذك الطايره اللي بتلف في السماء تقصف البيت هذا المبني على توارث الدماء والثار وترتاح من اللعنه اللي خلتها تكون بنت اخوه وتحت وصايته

عمها : ايش قلتي على الزواج !! انا الان مش سائل عن موافقتش ولا جاي اراشيش.. مابش عندنا بنات يتشرطين ويختارين او قلبتي نفسش من الشارررع!!
ياسمين بدات من داخلها تفوووور حست الظلم اللي حصلها من اول حياتها للان داخلها زي البركان وهي قدام وشه.. وكان ثارها معه هووو مش مع القبايل اللي تقاتل معها.. هو السبب في حرمانها من ابوها وحبيبها وتيتم حبيبها وطلاقها وفلذات اكبادها اللي تتمنى تحضنهم وتمسك شعر راسهم بيدها. .. كانت متماااسكه مثل الجبل بس داخلها ابليس بيفكرررر..

عمها :الخميس الجاي نقرا الفاتحه ونعقد وتتوكلي معه.

ياسمين وطت راسها وخرجت

عمها : فهم انها موافقه بخزا.

ياسمين : منصدمه من نفسها ماعد في بكاء ولا خوف من شي وكانها ماعد تفرق معها شي ... قررت تكون انانيه من جيز انانيه العالم هذا.. بررت لنفسها انها تستحق وانه حبها الاول وانه... وقفت عن تفكيرها ومسكت تلفونها ورسلت له.. ممكن نتكلم ورمز كان قديم بينهم يعرفها به...


بيت اكرم

لمياء شافته دخل الغرفه : اكرم اشتي احاكيك

اكرم : خير

لمياء : شفت ايه قد خرجت بيت لحالها وانا !! بين احس نفسي مقيده هنا

اكرم : ايش نفعل بالبيت اذا غرفه ومش قادرين نتفاهم

لمياء : المفروض تفرررح اني جلست معك وماسرت مفروض ترضيني باي طريقه.. بس انت مش مقدر قيمة اللي معك مفروض تحمد الله اني وافقت بك وقد شفت كيف انرفضت من بنت خالك..






📚 @rewayatyamania 🇾🇪

.

البـيـت الکـبـيــر 🏠

البارت 280

👌🏻👇🏻 😍
📚 @rewayatyamania 🇾🇪


اكرم : ايششش !! احلى حاجه فيش تعرفي ماهي؟

لمياء : لاتتفلسف ولا انا داريه انك مقتنع باللي قلته وبتحاول تغالط

اكرم : ان انتي مصدقه نفسش قوووي .. واصلي بس
خرج وقفل الباب

لمياء تبررررقطت وقررت تحنق عشان يعرف قدرها وقيمتها..

اكرم جلس في الحوش يشرب سجاره وفتح النت كعادته يتصفح صفحتها من بعد وكأنه بيعرف يقرا افكارها ونفسيتها من خلال المنشور.. لقي رساله منها.. ع طول بدون ماينتظر لحظه اتصل لها..

ياسمين كنسلت الاتصال ورسلت له : عادك منتظر خبر مني؟؟

اكرم : ايوه اكيد بس..

ياسمين حست انها بينكسر كبريائها : بس ايش على فكره انا ماقد وافقت بس سؤال ؟!!

اكرم : لا لا وافقي يا ياسمين ليش بنضيع عمرنا قلي لي ايش خايفه منه

ياسمين : ليش قلت بس كمل كلامك

اكرم : بس كيف اجي لاعند اعمامش ..حبش في كفه وانني ابتسم امام شخص حرمني ابي في كفه ثانيه

ياسمين حست كانه حاسس بها ونفس الوقت ماتشتي تبين له ضعفها : ومن قال تجي عند اعمامي ابدا مارضاها لك ولاشي..

اكرم : اذا هكذا انا جاي بكره لو تشتي بس.... نسيت اقلش عظم الله لكم الاجر عادني عرفت

ياسمين :الحمدلله ع كل حال.. اكرم

اكرم حسسس نفسه يجاوبها كلمات كثيره ع اسمه اللي دعتها به بس رد: نعم

ياسمين : تقدر تخطب وتعقد ونتزوج في يوم..

اكرم : تعرفي انه حلمي هذا الشي وتساليني لو اقدر نعم اقدر ليش لا..

ياسمين : طيب اللحظه اللي اقلك فيها تجي لاعند خالي وادي لك عنوانه تجي نفس اللحظه ولو مشغول

اكرم  كانه فهمها لانه عارف انها مغصوبه من جلستها بيت عمها... : تمام

ياسمين : اي تفاصيل تشتي تعرفها بعدا الان ماترسل ولا تتصل ابدا...


بعد اربع ايام ( يوم الربوع )
بيت عماد..
الاء تمت قفلتها : وهذه شنطة الخطبه جاهزه ...

علي فارح : اهم شي البنت كيف هي متحمس اشوفها

الاء ضحكت : اللي عينه طويله ماعد يعجبه العجب

علي شعفل شعرها : وررررجعت.. قد عتسافري وتتزوجي وتفلتينا وجالسه بتدوري هدار

الاء حست انها اخر ايام يكونوا فيها واصل مع بعض بشقاوتهم وصياحهم وحبهم لبعض وخوفه عليها كان صديق اوقات واوقات محارش... حضنته : يارب نرجع اليمن كلنا.

علي رجع يمسح ع شعرها : غبني على مجد الله يعينه بس

الاء ضحكت : مودفين اللي عيشلونا انا وانت.


البيت الكبير..
نجوى : ذلحين أبداوا بالرناج ماكودكم

ام مجد : ايوه يجهز شقته اول

ام ايه : اين مرت ابنش ياعيبتش عليها كوني اديها معش شكلش بتشتغليها قرعه

نجوى ذكرت قهرها ع ابنها انه ماشافته يوم مرتاح بكيت

امها : يووو مالش

ام ايه : بين امزح معش مالش




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـيـت الکـبـيــر 🏠

البارت 281

👌🏻👇🏻 😍
📚 @rewayatyamania 🇾🇪


نجوى وهي بتبكي : كم كان نفسي ابني يزيد يتعوض مع مره ساع الناس وهذه جننته في روحه والان حانقه..

ام ايه : الله يعينها مدري كيف بعضهن تيه الأيام لاعد بيصبرين ولاشي

ام مجد : صبرنا ع كله ماحد عيقع اخس من اخوش ولا قد سمعتوا لي خبر

الجده : عيجبرني براسكن كلكن.


بيت عمها..
وصلوا لهم ضيوف من البلاد والبيت ملان رجال نسوان جهال.. قامت بعد الغداء لبست سكته وخرجت مع نسوان الجيران اللي بيجين وراحت بيت خالها...

خالها.. : ليش ماقلتي لي انهم شلوش غصب والله

ياسمين مسكت يده وحبتها : قووووا ياخال هولا مايتفاهموا الا برصاص وتعبت قتل اي شي عندهم قتل قوااا حلفتك بالله انك تساعدني يشتوا يزوجوني بابنه الكبير مجنون ومعه 3 نسوان ومايكلمهن الا بضرب وتعبت انا تعبت ...بكيت..

خالها : ايش في نفسش يابنتي والله مايعسوش لو يسير راسي

ياسمين : ياسين عليك انكر اني جيت لاعندك

خالها : ولو جوا كيف

ياسمين : في واحد متقدم لي من فتره وابن ناس ومحترم وانا موافقه عليه يجي ويتقدم ويعقد ..

خالها : من هو وابن من وكيف

ياسمين جلست تفهمه وتكلمه انها صاحبه بنت خاله ....ووو

بعد ما اقتنع من وصفها لخباثة عمها وموقف اكرم وانه متمسك بها رغم الثار واللي حصل ووو


يوم الخميس
اتصل هذك الساع بعده ناس يعرفهم وهم اتصلوا لناس يعرفوا اكرم في هذك المنطقه.. انها ترسل موافقتها ل الاء


بيت عمها..
محد لاحظ غيابها الربوع مع الزحمه في البيت والبنات. .

الخميس..
عمها : فين ياسمين الشيخ يشتي يسال عن موافقتها

مرته كانت مخبيه الموضوع خوف منه : مادري فين هي البنات ملان بندور

زوجها بعصبيه وصوته ملان البيت :كيف يعني !! مالقيتوها جاهله تضيع او ايش

مرته بخوووف : الا ابسرها طالع..

زوجها : والا اطلع لاوسط النسوان ادورها بنفسي ايش قد معكن بتخبيها..

مرته طلعت بسرعه : لا لا ياعيباه تمام الان


في بيت خالها..
خالها : ماناش داري ايش بين اسوي لكن انتي ثيب ويحق لش تختاري من تتزوجيه وتتحملي المسؤوليه ..

ياسمين : تسلم ياخال انا مقتنعه والله برضايا..

خالها :طيب ارجع لاعندهم داخل..

ياسمين وقفت ورا الباب وهي بتبكي من الفرحه ..كانت فرحتها ناقصه مكسوره انها تزوجته بهذه الطريقه...

خالها واقف ورا الباب : واكرم ومازن والشيخ وابو مجد شهود.. يا ياسمين تقبلي ب اكرم زوج لش على سنة الله ورسوله...الخ

ياسمين وغصه في حلقها : نعم

اكرم ابتسم وحس الدموع ملان عينه اول ماسمع صوتها..

مازن بيشاور عمه : ماهو هذا في ساعه ابسر نفسي بين اعقد له هو بخير والا فيه شي







📚 @rewayatyamania 🇾🇪

.

البـيـت الکـبـيــر 🏠

البارت 282

👌🏻👇🏻 😍
📚 @rewayatyamania 🇾🇪


ابو مجد : اصبر نروح عنتفاهم معه ماقال لي الا فوق السياره ..

الشيخ كمل العقد وبارك لهم..

مازن مطنن في اكرم : اللي صادمني انه ممشخر اكثر من يوم عرسه.

ابو مجد ضحككك : شكلها بتوقع الفرحه في الثانيه.

مازن : ضحككك على عمه

اكرم لفت لهم وشاف خالها واشر له يكلمه ..

خالها كان مربوش خوفه عليها كانت الشخص الوحيد اللي باقي له من اخته بعد ماقهر قلبه ع ابن اخته واخته اللي ماتت قهر من اعمام ياسمين خرج عن العادات والتقاليد وبيتصرف لمصلحتها ..

دعا اكرم لخارج : ذلحين كيف عتشلها !

اكرم : طبعا انا ياعم مش خايف من شي لا هي زواجه سر ولا حاجه بس ظروفها اللي فيها موت امها واخوها مش سهل لذلك تجي معي وبعدا متى ماقررت عنرجع نفعل حفله صغيره لاهلي

خالها : البنت هذه امانه في رقبتك يا اكرم لاتستغل اني اديتها لك بهذه السهوله بس لانك الشخص الكفؤ وان شاءالله تقدرها وتعوضها

اكرم اشر له في عيونه : بعيوني الثنتين يا عم لو عليا انها كانت زوجتي الاولى والاخيره ولكن الحمدلله على كل حال

خالها هز راسه تمام : يله شدخل ادعيها تكلمها وتقرروا..

ياسمين كانت منحرجه ومتوتره وخايفه يوصلوا اعمامها ويلقوا اكرم...

خالها دخل : ياسمين

ياسمين : ها ياخال

خالها : اخرجي جاوبي زوجش

ياسمين نفسها تقله : قصدك حبيبي حلمي اللي تمنيته اللي وصلت له بعد انكسار...

خالها لاحظها مرتبشه :تعالي

ياسمين مشيت بعده..

خالها وصل للصاله ابتسم لاكرم ودخل الديوان عندهم.

اكرم جلس متأمل في ملامح وشها اللي فقد تفاصيله وبراءة نظرات عيونها حس لو بيقول كلام مابيكفيه الوقت لذلك تجنب كل الكلام اللي بيقلب عليهم مشاعرهم والوقت مش مناسب الان : جاهزه تجي معي الان

ياسمين نزلت راسها باحراج ومتوتره شابكه ايداتها في بعض هزت راسها  بايوه

اكرم مقدر موقفها : طيب ادخلي البسي البالطو امد ما اخلي خالي وابن عمي يسيروا لهم ونمشي.

ياسمين : طيب


في الديوان

اكرم شاور مازن : شل خالي وانصرفوا

مازن : الله المستعان ليش الطرد هكذا

اكرم : بجلس معهم شويه

مازن ضحك تمام : ياعم

ابو مجد : ماهو

مازن : ل ايش مراعين تموا يعقدوا احنا نخطى لنا

ابو مجد : هيا اخطى واكرم

مازن : ماعلينا منه نسبق احنا

ابو مجد : ماشخطى الا به افهم ماهو الجنان هذا

مازن : سهل الان هنا مايسبرش لحد يسمع يتم يبسرها وعيجي لاعندنا
ووقف بصوت مرتفع احرج عمه :هيا عم ..


بيت اهلها ..
لمياء جالسه مع بنت خالها :  هذه المره والله ما ارجع الا ببدله ذهب يتربى ويدرا كيف يعاملني ويقدرني..سكت له خيرات






📚 @rewayatyamania 🇾🇪

.

البـيـت الکـبـيــر 🏠

البارت 283

👌🏻👇🏻 😍
📚 @rewayatyamania 🇾🇪


لمياء جالسه مع بنت خالها :  هذه المره والله ما ارجع الا ببدله ذهب يتربى ويدرا كيف يعاملني ويقدرني..سكت له خيرات

بنت خالها : ايوه سوا المره اللي تفرض قدرها يحترمها زوجها

لمياء : يعني اواصل الحنقه حتى ما اتصل بين اقل اتصل له ؟

بنت خالها : لا لا خليه يفقدش هو

لمياء : تمام كما هو زناط شايف نفسه وانا ازيد منه ..


البيت الكبير..
جالسات فاتحات الزفه وبيمسحين الشقه ..

وصل ابو مجد سمع الزفه جنن فكر انه عارفات وماقالين له شاف اخته نجوى :  هكذااا خليتيني مهزززله العب غداء وعشاء مع ابنش قدام الناس

نجوى افتجعت : خير مالك يا اخي ماوقع مافعل اكرم

ابو مجد : قد انتين معرسات وزفه وجنان وانا ادرى في الطريق

نجوى : وانا مادخلني جيت الا اعاونهن

ابو مجد : ومالش ماتكلميني قبلها وتقلي لي انتي وابنش

نجوى : مانقلك ماله اكرم مادخله في العرس

ام مجد مصدومه مش فاهمه ماله بتاشر له يهدأ

ابو مجد : واي حين خطبتي له ..

نجوى بتتلفت لهن وهن مصدومات مثلها : يو الله يستر عليك يا اخي اسكه ادين له ماء يمكن السكر مرتفع

ام مجد خافت فكرته جنن : يوووو بسم الله عليك مالك

زوجها لفت لها بعصبيه : ابعدي انتي مالش دخل

الجده قامت لاعنده :صلي ع النبي مالك

ابو مجد : ابسر نفسي في الطريق يقلي هيا نعقد وتقلوا لي مالك

مرته : يووو عقدت لابني ؟

ابو مجد ضببببح ويصيح : مالكن ابتلدتين دامكن خايفات هكذا ليش خبيتين عليا

امه بصياح : عتتكلم من الجنان مالك وماحصل من اللي عقدتوا له

ابو مجد : اكرم


فوق السياره..
اكرم حب يخرجها من جو الخوف والفرحه اللي خالفت أحلامهم .. الحلم اللي تمنوه مع بعض موكب كبير وزفه .. فتح لها الزفه ومعليها للاخير

ياسمين ضحكت ومسحت دموعها  نفسها تسأله اشياء كثيره بس مش وقته لانها مش عارفه ايش تقول وب ايش تبدأ..

اكرم نقص صوت المسجله : اليوم بس عادني حسيت هذه الفرحه تعرفي ايش هي

ياسمين : ايش

اكرم : انش لي ..

ياسمين شافته فارح ومتحمس ماحبت تكسفه بس مضطره : ممكن اطلب منك طلب وماترفضه لي

اكرم : اؤمري انتي قلك ارفضه ماعد بش حاجه في الدنيا تنرفض وانتي معي

ياسمين : لو ع الكلام والحب العالم الله وحده كم شاقول بس طلبي ممكن يزعلك شويه

اكرم : والله مازعل منش قولي مافي نفسش

ياسمين : اول شي فين عنروح

اكرم : بين اقل ادور فندق امد

ياسمين :لا
قوا مشتيش حد يلقاني اعمامي الان اكيد قالبين الدنيا عليا وكيف شفعل يا اكرم.

اكرم تنهد : لاتقلقي ماعيفكروا بي خالص وبعدا انا زوجش من ايش خايفه !



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـيـت الکـبـيــر 🏠

البارت 284

👌🏻👇🏻 😍
📚 @rewayatyamania 🇾🇪


قوا مشتيش حد يلقاني اعمامي الان اكيد قالبين الدنيا عليا وكيف شفعل يا اكرم.

اكرم تنهد : لاتقلقي ماعيفكروا بي خالص ..

ياسمين :  عتقدر تلقى شقه الان ؟

اكرم : ايوه وليش لا بس اصبري اتصل .. اتصل لواحد صاحبه يسأله لو باقي معه شقه فاضيه من العمارة اللي مأجرها وقال له يراعي يرد له خبر ..

اكرم بعد ماقفل: طبعا ماعيلحقوا الان يجهزوها فلذلك نروح فندق امد اليوم.

ياسمين : طيب عادنا ماطلبت الطلب

اكرم : يله اطلبي مافي نفسش

ياسمين : ممكن ماتقل لحد غير اهلك ان احنا تزوجنا ولا لحد اخاف يوصل لهم الخبر.

اكرم : هذا الطلب !!

ياسمين : لا ...تشتي تتكلم قاطعهم اتصال لتلفونه... شاف رقم امه توتر ومارد اكيد وصلها الخبر


في البيت الكبير ..
نجوى : مابيرد !! يا اخي منك صدق ! اقسم بالله ماعلم

اخوها : هذا مجنون او بيجنن ماله خرف اكرم ماعرفته هكذا عاقل. .

نجوى بتبكي : حسبها وامرها لله مرته جننت ابني

ابو مجد : ليش بينهم مشاكل

نجوى : واصل من حين تزوجها

ابو مجد جلس : كان رجال ماهكذا ماعتبي عليه الا ليش طرحنا امام الامر الواقع.

مرته شافته بنص عين وقلبت وشها..

نجوى : كان من خطب

اخوها : عقد قلك خطب

نجوى: بنت من

اخوها : فرقت معش بنت من قد تزوج


فوق السياره بيسوق زي المجنون عمها وابنه بكيل : تهررررب ! مكلف وماقدرنا عليها وسافرت من البلاد مع من !!!

بكيل : قسما لاشرب من دمها واذا ماربطتها وحبستها في البيت ..

عمها : حاااضر بعيني لاما مسحت بها البلاد هي واخوالها.


في المكتب..
مجد : والله انه عقد عليها اليوم

الاء : يووو ع فرحه انا فيها  الله يسعدهم ولا كلمتني

مجد : طبعا ماقال لي اكرم تصدقي مادريت الا من مازن البيت مقلوب حريقه وهو مابيجاوب حد

الاء : الله يستر بس الان بدخل اكلمها.

مجد : طيب يا اكلمها مراعيه لش في النت صح
هذا اذا زد شافت له صوره.

الاء ضحكت.


في السياره ..
اكرم قفل تلفونه : ايش طلبش الهواء اللي بين اتنفسه

ياسمين مشاعر فرحه وخوف : انا عارفه انك زوجي بس خايفه عليك منهم

اكرم : لاتخافي ماقد عنتكلم مؤقتا لما نشوف كيف نحل الموضوع هذا

ياسمين : طيب الفندق ماعيعرفوا باسمي

اكرم : لا وعمش عادو عيلوي بيت اخوالش..

ياسمين : يارب مايفعل لهم شي كما هو مجنون وانا شكلي ..

اكرم مسك يدها : اوص قوا لاتكملي شي خليها ع الله سهل لنا كل شي عيسهل الباقي.. الان تعالي نسير فندق امد اليوم.

ياسمين : طيب خليني فيه وسير عند مرتك عادي امد ماتتفهم

اكرم : حانقه بيت اهلها وحتى لو موجوده ماشفلتش لوحدش بغير جنان ؟






📚 @rewayatyamania 🇾🇪

.

البـيـت الکـبـيــر 🏠

البارت 285

👌🏻👇🏻 😍
📚 @rewayatyamania 🇾🇪


جنبوا جنب افخم فندق ونزل معها

حجز لهم جناح وطلب العشاء


في البيت الكبير..
نجوى اتصلت له : واخيرا جاوبت مالك فين انت

اكرم : انا برجع اكلمكم بكل شي تطمنوا

نجوى : لاحول ولاقوة الا بالله يا اكرم كيف تفعل هكذا بدون ماتحاكيني

اكرم : خلوني مره واحده اقرر قرار لنفسي واتحمل مسؤوليته

نجوى: الله يسعدك ويسهل لك

اكرم : ايوه هكذا امي نور عيني الله يحفظكم لي يارب

اكرم قفل وبيدورها دخل شافها بتصلي في الغرفه  دخل توضا وخرج الصاله يصلي..

ياسمين كانت بتشوفه من الغرفه وبتتأمله قدامها بيصلي مش عارفه تفهم شعورها وهي معه ..

ياسمين استغربت ركعتين وسلم :اكرم شكلك مربوش عيد الصلاه ركعت 2 بس

اكرم جاء لباب الغرفه مبتسم : هذه ركعتين لله حمد وشكر  والان اسير اصلي..

ياسمين ابتسمت له وهزت راسها  بحاضر.

جلست تتفرج نفسها في المرايه ولبسها حست بززززعل اول مره يشوفها فيها اكرم وهي بجلبيه باليه سوداء وحاطه الطرحه ع شعرها ووشها مرهق ... ذكرت عمها ويعلم الله ايش بيحصل وهي مش عارفه..

اكرم كمل يصلي وجلس في الكرسي اللي مقابل لها. :هيا نتعشى

ياسمين : شابعه

اكرم هز راسه ب لا وهو بيتأمل عيونها ب ابتسامه وحب

ياسمين ابتسمت وجلست تلعب باظافرها من التوتر

اكرم : جالسه انتي والطبيعه هذه لما تتوتري !! تذكري ايام التسميع

ياسمين لفتت له وضحكت..

اكرم : حتى ضحكتش ماتغيرت. ..

ياسمين : بتعشى لو بس اتطمن ع الاقل ايش بيحصل في بيت عمي

اكرم : وكيف ؟؟

ياسمين : مدري اشتي اتصل لهم اقل لمرت عمي انني سافرت خارج اليمن.

اكرم : ممممكن بس عيدرى عمش

ياسمين : يدرى بعدا اي شي المهم اشوف ايش اللي حصل

اكرم : طيب كيف عتتصلي من تلفونش ؟

ياسمين : بالواتس اسال بنت عمي كيف الوضع

اكرم : تمام لاتخافي من شي وانتي معي وخليها بكره افضل

ياسمين هزت راسها : طيب.

اكرم : وحشتيني

ياسمين ابتسمت و دمعت..

اكرم  مالش ؟؟ دموع فرح او خوف او وحشتيني..

ياسمين بككككيت : احبك وخايفه من كل شي خايفه عليك اكثر من نفسي يكفي كل اللي انت فيه بسببي...

اكرم كان حاسس بقهر عليها
دمع من دموعها وفرحته بها ومن كسرة نفسها (( لاتدمع عيناكي يا زهرتي

تعالي نحتضن المناديل

نغازل الهموم لعلها تخجل نكتب لحظة لقائنا على لوح امنيات ليالي القدر  تعالي نلحن القصائد التي خبأناها لهذا اليوم معا  أدفني جذور الآه من قلب يتيم سأسهر اليوم مع قمري تحت النجوم نراقب
كيف تلمع حين تنعكس على ارض الوجع.. و لنقطع اخر اوتار الفراق ولنعزف وتين الحياه




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

🏠


بـارتـات يـومنــا الاربـعــاء 😍👆🏻

.

البـيـت الکـبـيــر 🏠

البارت 286

👌🏻👇🏻 😍
📚 @rewayatyamania 🇾🇪


ياسمين جلست تكلمه كل اللي حصل مع عمها وكيف لما قررت توافق وماتدي له فرصه يجهز نفسه..
كيف هربت واقنعت خالها ولما اتصلت له

أكرم كان مش مررركز في الكلام بقدر ما بيتأمل الملامح اللي اشتاق لها من زمااان

ياسمين لاحظت نظراته مندمج معها بس ماعلق ع شي سكتت

اكرم : انا حاسس بش وكل اللي مريتي به وماعد يهمنا شي الان حاولي تنسي اللي حصل كله انسيه خلاص ولاتخافي اتطمني وانتي معي.. تعرفي اليوم حاسس كأني الا بدأت اعيش.. الفرحه اللي فرحتها اليوم  حسستني اني كنت ميت انسان عايش بلا قلب ولا مشاعر مش مصدق يا ياسمين ان احنا مع بعض كم تمنيت اللحظه هذه ..

ياسمين : ايوه

اكرم ملاحظ بتقاتل النوم تكلمه وعيونها بتتغمض .. وبسبب القلق حق عمها تفز فجأه من نومها
وتشوفه جالس في الكنبه اللي قدامها .. مفكره انها بتحلم تدعيه يجاوبها تبتسم وترجع ترقد

اكرم بيتأملها ويتذكر كلامها في المعاناه اللي عانتها من امس بدون نوم وخوف وتفكير كيف تهرب من بيت عمها وعقدها بابن عمها وكيف وصلت.. تنهد وحمد الله وشكره.



ثاني يوم الصباح..
عماد : صباح الفرحه واحد خطب وواحده عرسها بعد اسبوعين..

ام الاء : خلصت من علي ذلحين اهم الاء..

عماد : قد انتوا جاهزين

الاء: مع باقي لي اخرج اليوم وبكره

عماد : بكره اين عنسير المطار الساعه 9 الليل

الاء : طيب شخرج من الصبح


في البيت الكبير..
مجد قام الصبح وهن فاتحات الزفه شافته امه وحجرت..

مجد ضحك : امانه انني خاور افلت الدوام واجلس اعاونكم  ما بين احس نفسي عريس الا هنا.

نجوى : اين دوام اسكه سير ابسر لي المخسوف هذا وين هو ولا عد ابسرته

مجد ضحك : تمام

نجوى : قل له يجي لاعندي اشتيه.

مجد : حاضر...خاطركم

امه : ما قال لك صاحب الغرفه

مجد : الاسبوع الجاي عتجهز

امه : ان شاء الله.

ام ايه : نشتي نقطب نتم العمل هنا عاد احنا عنسير نعاون بيت اخي عماد لوما يجوا

نجوى : ماكودكن تتمين البيت هذا ... وهانك عيعاوننها خواتها والشغالات ماشاءالله


ياسمين نكزت وجلست تتفرج السقف والمكان شافته راقد فوق الكنبه اللي قدامها وتذكرت صباح مختلف عن الأيام اللي قبلها ، صباح ذكرها بأيام زمان اللي تعودت تشوفه كل يوم. .ابتسمت

شافته راقد ماحبت تزعجه فتحت تلفونها ورسلت رساله لبنت عمها ماردت.. دخلت تغسل وشها وخرجت...

اكرم نكز من اتصال لتلفونه وشافها مش فوق السرير خاف قام راح يدور لو في الصاله..

ياسمين فتحت باب الحمام لاوشه ونكزت : خوفتني

اكرم : قمت مابحد انتي خفت عليش ، صباح النور اللي في وشش وصباح احلى ابتسامه وعيون..






📚 @rewayatyamania 🇾🇪

.

البـيـت الکـبـيــر 🏠

البارت 287

👌🏻👇🏻 😍
📚 @rewayatyamania 🇾🇪


ياسمين استحت خرجت وقفلت الباب : شكلي نكزتك صح !

اكرم : لا وصل لي اتصال من اللغجه مجد لاراحت له عرسه بعد اسابيع انا شاوريه كيف الخبر

ياسمين ضحكت ..

اكرم حاول يتهرب من ابتسامتها ونظراتها : طيب ياروحي اطلبي لنا صبوح امد ماغسل وشي

ياسمين كانت ماسكه تلفونها بتشوف لو ردت بنت عمها : ايش اطلب

اكرم شافها : نسيتي

ياسمين : لا وبطلب سندوتش كباب واحد زي زمان ونقسمه بيننا

اكرم ضحككك : الله ع ايااام الحراف ..اطلبي بس خليني اعوضش ع الجعجعه حق زمان

ياسمين بابتسامه ونص عين : جعجعه ! كانت احلى جعجعه واجلس عليه طول اليوم

اكرم : يله اطلبي انتي من امس بدون أكل وراجع لش

رفعت السماعه تطلب وهي بتشوف بنت عمها بتطبع رد.. قفلت وبتقرا..

اكرم خرج : ها حبيبي طلبتي! او اتصل لهم

ياسمين لفتت له : اكرم فعلوا حادث وماتوا

اكرم بصدمه : من هم ؟

ياسمين : عمي وابنه

اكرم حس برااااحه : عظم الله لش الاجر

ياسمين بكيت ذكرت كل الظلم واللي عانوه هي واهلها وابوها قبل مايموت بسببه وغطرسته وظلمه لهم : له الحمد والشكرررر صدق عمي بس يسسير له خلاص عايش يكسب ذنوب.. مش قادره اذكر له شي حالي والله ولا شي هو سبب كل اللي انا فيه حرمني اخي وامي وابي وجهالي وانت كل شي كاسر نفسي في الدنيا هذه بسببه..

اكرم مسك يدها يواسيها : وليش البكاء !! ارحمي روحش كم جهدش ايش ع ينفع من الدموع هذه

ياسمين : غصب عني مقهووووره يا اكرم.

اكرم : ياروحي انتي مؤمنه او ماشي كل شي قدر من الله طيب ليش بتبكي مات .. خلاص افتهنتي من هم كبيرررر له الحمد ربي انتقم لي ولش ولغيرنا.

ياسمين : بكيت لاني مالقيت شي خير منه اتذكره واترحم عليه ..

اكرم : موته بحد ذاته راحه لش صدقيني امش واخوش وابي وكل اللي ماتوا اجلهم سبحان الله ..ادعي لهم واترحمي عليهم وافتهنوا واختصروا التعب والشقا في هذه الدنيا.. جهالش ويرجعوا لش الحياه تشتي صبر.. وانتي معش الله و انا مانكفيش

ياسمين ابتسمت ومسحت دموعها

اكرم مسح دموعها : لو ازيد اشوفش بتبكي صدقيني لاعاقبش ..اخر مره لش


دق الباب

اكرم لفت للباب وشافها : يله غسلي وشش وتعالي نصتبح..


بيتها..
ايه : يعني متى سفرك ؟

عمار : تقريبا بعد عرس عامر

ايه بزززعل طرحت الخبز

عمار : صبووح
من الغنج هيا قدني بين اشقى صبح وليل واي حين بتشوفيني وذلحين مافرقت خلينا نختصر الضبح هذا اروح اجمع قرشين وارجع افعل لي مشروع

ايه بحززن : الله يسهل لك يارب

عمار قسم الخبز وغرف جبن واكلها هيا اسرعي اصتبحي اشلش ع طريقي




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 288

👌🏻👇🏻 😍
📚 @rewayatyamania 🇾🇪


ايه : قمت الصبح لقيت رساله من اكرم ابن عمتي قال حول باسمي زلط

عمار : زلط مه وليش !! قلتي له او حكيتي لعمتش ان احنا محتاجين

ايه ضحكككت : اصبر افهم اول .. قلك قصه طوويله المهم انه يشتيتي اخرج السوق اتكسى لمرته..

عمار :.هااا ومالها ماتخرج

ايه : مدري ادي لي تلفونك اتصل له افهم مابش معي رصيد

عمار ناولها التلفون..

ايه : صباح الخير اكرم كيف انت عادنا ابسرت رسالتك

اكرم بيتكلم بألغاز لاتفهم : ايوه عتقدري؟

ايه : ايوه شاقدر لاني بين اخرج هذه اليومتين السوق مع اخت زوجي نكسي سليفتي

اكرم : خلاص ابسري كل اللي شلوه واشتري مثله ع ذوقش واطلبي من مجد كم ماتشتي..

ايه : طيب

اكرم قفل ورسل لها : حاولي اليوم تشتري الملابس المهمه مابش معها شي تلبسه...

ايه : من هي ؟

اكرم :ياسمين

ايه : مش فاهمه شي

اكرم ذكر انه ماعد بش شي تخاف منه:  والا اقلش الان شاديها لاعندش تخرج معش

ايه مصدوومه بتتفرج عمار : طيب

ياسمين لما كان بيتصل فكرته بيكلم مرته حست بتأنيب ضمير ولمن بيراسلها حست شويه غيره غصب عنها بس من حبها له وحسد مرته كيف بيعاملها.

مش عارفه انها مش مرته.

اكرم : الان اتصلت ل ايه تعرفيها  طبعا.. عتخرجي معها السوق شلي كل اللي تحتاجيه كله تكسي كسوه عروسه كامله ذهب بثياب اللي عيشتروه لعروستهم لش مثله وازيد المهم ياروحي شاوصلش لاعندها

ياسمين : طيب بس كيف عتقل لاهلك و...

اكرم : انتي ماعليش من هذا كله الان اعتبريني ابوش اخوش صديقش سندش بعدين باتفاهم انا وانتي كما قد انتي عندي في بيتي زوجتي تجي معززه مكرمه بيتنا عند امي.

ياسمين ابتسمت له بنظرات حب : و..

اكرم : ومرتي برضو تشتي تجلس حياها الله مش عاجبها الله معها ( حاول مايبين لها باي شي بينهم حفاظا لمشاعر لمياء لايظلمها).

ياسمين : طيب الان بالبس .


في البيت الكبير..
اكرم وصل منحرج مش داري كيف بيستلموه كلهم...

نجوى : اخيرا ابسرتك وين انت ومالك

اكرم : مالي

نجوى اول مره تشوفه هكذا ضحكته من القلب ومبسوط : هكذا تفعل يا ابني الله المستعان

اكرم حبها فوق راسها وحضنها : هيا قالوا نبع الحنان مش نبع الفجاع

نجوى : عاد الناس يتحاكوا مش سكته ومن هي وكيف هي وو

اكرم : الاولى كانت ع يدكم وهذه ع يدي ونبسر من احسن

نجوى : وبنت من..

اكرم بيغالط ادا لقب خالها مؤقتا

نجوى : واي حين العرس مرتك داريه

اكرم : قد هي عندي من امس ومرتي لو هي في البيت ان هي دريت

نجوى تعبت جلست : انا مادخلني سدوا

اكرم : تمام اهم شي مابش مانع عندكم اجهز لها مكان امد  ماكمل التشطيب الشقه اللي طالع ؟؟






📚 @rewayatyamania 🇾🇪

.

البـيـت الکـبـيــر 🏠

البارت 289

👌🏻👇🏻 😍
📚 @rewayatyamania 🇾🇪


اكرم : تمام اهم شي مابش مانع عندكم اجهز لها مكان امد  ماكمل التشطيب الشقه اللي طالع ؟؟ غرفه جنب غرفتكم

نجوى : بتستاذن لي ومرتك عترضى وهذه كيف لها ماتشرطت ماعتفعل بروحك يا ابني ؟
ليش استعجلت مرتك عتعقل مع الايام

اكرم : مايهمني تعقل او لا.. طبعها متعب كم لنا وماقدرنا نتفاهم ولا بظلمها معي تجلس لو تشتي وهي واصل تمكني تشتي تطلق ووو يعني اوثقوا اني مافعلت هكذا الا ومعي حق ومابظلم حد..

امه : الله يسخر لك كل خير ويدحنك كل بلا يارب.

اكرم : الان شابسر الغرفه هذك ل ايش محتاجينها ؟

امه : ولاشي ماعجبتنيش تجلس فاضيه بين اخليها للكواي والصلاه شلها

اكرم : تمام .. اين جاء مازن..

نجوى : مرت خالك في الحوش اسالها

اكرم خرج للحوش : اين مازن

حوشين له نسوان خاله : مالك خرفت من يفعل هكذا

اكرم ضحك : هيا مالكم عليا باركوا لي .. اين جاء مازن

مرت عمه : مدري هذه الايام واصل مع نسبه بيعاملوا يسافروا.

اكرم : الله يعينهم.. جلس سارررح يتذكر اللي حصل كله في يوم وابتسامتها وحس انه مشتاق لها اتصل لها..

ياسمين : الو

اكرم : وحشتيني هيا تميتين

ياسمين ضحككت: بتمزح عاد احنا الا خرجنا

اكرم : طيب وانا ما افعل ذلحين .. حاسس ان ماعد في شي معي غيرش انتي

ياسمين ضحكت وبصوت واطي: لاتحرجني مابقدرش ارد عليك ذلحين

اكرم : الله يصبرني لما تتمي.. ذكرتيني اسير الان اشوف لنا غرفه.. مش عاجباني جلستنا بفندق.

ياسمين : طيب .


فوق السياره ضابح بيسوق بعد ماتصايح مع صاحب الدعوات... دخل يرسلها يسألها كم يطبع.. ولا بترد

رجع يتذكر ان لقاءهم هذه المره غيرررر عن كل مره بيتخيل ملامحها وكيف بتكون بالفستان الابيض ذكر لما شاف شعرها مشعفل وضحكك.. اللي جنبه موقف في الاشاره بيشوفه ومستغرب واللي جنب السواق :بيضحكوا ع موقف مجد مبتسم بدون سبب

مجد خرج راسه من الطاقه : مانفعل يا اخي جننت

اللي جنبه : سهل عند الكل هكذا مش انت وحدك الشعب قرحت فيوزاته

مجد ضحكككك ... فتحت الاشاره ومشيوا


في السوق..
ايه بتكلمها بصوت واطي : يووو ولاحد قال لي

ياسمين : ماتكلمنا لحد ولافعلنا شي هو عقد ومشينا

ايه : يعني ذلحين قدش حقنا

ياسمين : ضحكت

اخت عمار : هيا ندخل هذا المحل

ايه : مالحقتي تتكسي ولا شي

ياسمين : ماشي والله قلت لش وقع الموضوع مفاجئ

ايه : طيب مارأيش هذه عيطلع روعه فوقش يجنن  وقده موضه من الخصر ذيل

ياسمين : بين اقل اشل المهم وهولا عادي بعدا لاني عادنا بالاسود ع امي

ايه : الله يرحمهم وانتي عروسه وبعد حب وووو تلبسي له اسود ليش تزيدي تغميهم للقبر البسي وافتهني




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـيـت الکـبـيــر 🏠

البارت 290

👌🏻👇🏻 😍
📚 @rewayatyamania 🇾🇪


ايه : الله يرحمهم وانتي عروسه وبعد حب وووو تلبسي له اسود ليش تزيدي تغميهم للقبر البسي وافتهني وادعي لهم وعيشي حياتش الحزن والالوان ماعترجعهم..

ياسمين : صدقتي بس من داخل مابش نفس

ايه : سهل من داخلش الله كفيل بجبر القلوب مش بالوان الثياب

ياسمين : ساكته.

ايه : خلاص ع هكذا ششتري انا ع ذوقي. .. مالبستي امس

ياسمين سكتت ماعد وضحت لها ان زواجتهم هربه ووو

ايه التهت بالموديلات : ما رأيش هذا لو في ابيض روووعه عيوقع

ياسمين : ع ذوقش


اكرم اتصل لمجد..
مجد : هيا ناهي لك يا اكرم مالك بتزاحم حانب بروحي لبيج كل بقعه وانت حانب بروحك

اكرم ضحككك : شكلك حاااسد انني سبقتك

مجد : مابلا يا اخي برقطني صاحب الدعوات .. ذلحين ماتشتي انت

اكرم : هو لو سالت هكذا قبل ماتتقارح انك فهمت

مجد : مافعل ياخي بدل ماتعاوني قلت قدك تشتي منفعه

اكرم ضحكك : ايوه اشتي بس منفعه بسيطه اسالك بس

مجد : والله انك مهيص للاااااخر هنننننيت لعينك ماقد بسرتك يوم من حين تزوجت تضحك هكذا ..

اكرم : الله يديمها نعمه.. ذلحين يالغجه قل لي عد القى غرف جاهزه حاليه

مجد : ايوه عد اكتب لك في رساله عنوان محل ضخم بس يشتي له جيب دسم

اكرم. : تمام.


بيت اهل لمياء..
امها ( مرت عمها اللي ربتها ) : ذلحين اشتي ادرى ليش حانقه منه

لمياء : اصلا مافي حسه مني بين احس انني مش مهمه عنده ازعل والا اهدده ولا في حسه

امها : ياخبلا ومن قال لش تهددي عادو عيعاند عشان هكذا ولا في حسه

لمياء : الا زمانكم عن زماننا يفرق

امها : مادخل هذا الحكا في زماننا وزمانكم.. الرجال له طبيعته واخس شي عنده تعانديه يعاند اعظم

لمياء : خلاص محد احسن من حد .. هو الخسران مفروض يوقع اعقل ويداريني ويدلعني مش يقتلب جاهل ويزيد يعاند

امها : ناهي ماهو السبب

لمياء : في كل شي والصدق مدري ماحبيته ماتقبلته لذلك بينرفزني اي تصرف منه

امها : يمكن ماقد فهمتي طباعه لوما بتتحسسي منه

لمياء : زناط وشايف نفسه وجاء عندي

امها : يابنتي مابش رجال يزنط ع مرته.. وانتي والكل زنطش ع صاحباتش زمان مايسبر ذلحين معه.. لاتخليني اندم ان احنا دلعناش لدرجه عتخليش تضري نفسش وتخربي حياتش

لمياء : طز في غيره مليون ياسعم مابلا هو

امها بضبح : لمياء تكلمي.. في شي بسرتيه منه مش سوااا مخليش بايعه لهذه الدرجه

لمياء جالسه تقلب السؤال في راسها وتكلم نفسها الصدق ماشافت هزت راسها : لا

امها : لاحول ولاقوة الا بالله ..

لمياء : يعني احسه يتأمر يتفلسف واي شي اقله مايعجبه ومابيحبنيش مش هو داري انه يحمد الله رضيت بواحد عادي مثله







📚 @rewayatyamania 🇾🇪

.

البـيـت الکـبـيــر 🏠

البارت 291

👌🏻👇🏻 😍
📚 @rewayatyamania 🇾🇪


امها : انتبهههي يا بنتي تغضبي الله حين نعم عليش تغتري ع غيرش سوا زوجش او غيره.. الدنيا مش دايمه لحد ..الحمد لله وحده لا لش ولا له وكله من فضل الله مش من حد. .

يعني لو كنتي فقيرة كنتي عتحبيه وتحترميه !! انا ماربيتش هكذا ليش تفكيرش مختلف بطلي تصدقي لخبيراتش والنت وابسري روحش بس.

لمياء بدأت تقتنع بكلام امها بس بيستفزها انه انغر منها ماقدرت تكسر غروره بدلعها وجمالها ووو  شافته انغر عليها اكثر.. لذلك مصررره انه يجي لها ويعتذر ووو....


في السوق .

ايه كانت تختار احسن شي لياسمين وتشوف اخت زوجها تاخذ مثله وعدة انواع والوان للعروسه.. تحسست منهم شافتهم بيشتروا لسليفتها كسوه من افخم واحسن الاشياء وذهب بس بضعف مهر ايه ومش مهتمين بوضعهم ابدا تذكرت سفره ووضعهم وززززعلت..

اخت عمار : طيب مادام عتلفين احنا عنخطى ونرجع العصر نخرج سوا..

ايه فكرتها بتتهرب منها لاتروح معهم البيت : طيب

ياسمين : وانتي تعب عليش وحامل تعالي نرتاح شويه وتشربي عصير او ماء

ايه : قدو وقت غداء.. مارأيش نسير نتغدى

ياسمين : تمام مابش معي شي انا وانتي

ايه : لحظه شاحاكي عمار


بيت اهل عمار..
اخته راحت لاعند الام : يو لو تبسروا ايه جننت

امها : ليش

بنتها : ايش ماشلينا للحريوه بتشتري

امها : بغير جناااان مالها ماقد تمت سنه .. قد عتبدأ الجنان والله لاجننها سوا واعرس لهم عرس خرافي واخليها تخرف

بنتها : من اين له زلط ؟

امها : عادو جاء يتريحم انه عيسافر وانه تسلف واثث.. الله لاوفقه لو بيكذب عليا.

بنتها : مارايكم تخرجوا العصر وتبسروا.. بتتعذر انه لخطيبه ابن خالها تتخايل ان احنا هبل عادو الا تزوج قلك خطب.. قلبتني جاهله تخرط عليا.

امها : خليني العصر شاسير مع الحريوه انا ومعها وان ماخليتها تكسيني معها .. اوريها الفقعسه والمطابنه ..

اختها : انصدمت فيها عادني الا صدقتكم كنت اقل ترحم طلعنا احنا نرحم.


بعد ماتغدين وتجابرين رجعين خلصين راحين وبدأين بالعطور وادوات التجميل..
ايه اتصلت لاخت عمار : هيا جين قلت له عنشتري لحريوتين قال عيخفض

اخت عمار : اي محل انتين احنا في وسط السوق

ايه بتوصف لها ..

اخت عمار : اطلبي 3 من كل شي ..

ايه تمام هو عيجهز شنطه كامله مكياج عطور وقلافد ..

اخت عمار : قلي له 3

ايه استغربت لمن معقول لاخت زوجها : تمام

ياسمين شلت الاكياس من يد ايه : انتي داريه شتصل ب اكرم لانه قد القلافد خيرات وانتي واحمه..

ايه : تمام عنخرج وقدو مغرب وماعد بش أشياء تقريبا كل شي شليناه

ياسمين : ايوه الحمدلله.







📚 @rewayatyamania 🇾🇪

.

البـيـت الکـبـيــر 🏠

البارت 292

👌🏻👇🏻 😍
📚 @rewayatyamania 🇾🇪


ياسمين : ايوه الحمدلله.

ايه : بقية الاشياء سهل عتخرجي مع الاء..

ياسمين كانت بتراسل اكرم : تمام

رد عليها حلو انا قريب منكن خمس دقايق وانا عندكن.

دخلت عمتها واخت عمار ..

ايه جلست تنقي هي وياسمين عطور حاليه

صاحب المحل بيقلهن سعر العطر

عمتها جاوبته : مع مع ادي ارخص ماهو هذا الجنان ششتري محل

ايه بتكلم عمتها بصوت واطي : هذا لها مش للحريوه

عمتها لفتت للي جنب ايه : من هي تيه ياسعم

ياسمين استغربت

ايه : هذه ياعمه مرت ابن خالي..

الرجال : ذلحين ماقلتي معنا زباين ..

ايه شافت ياسمين : عجبش شليه

ياسمين خرجت فلوس وزي المتردده منحرجه من عمة ايه حين قالت لا ...

عمة ايه بتشاور بنتها : ابسري والتمثيل قد زلطها عندها امد نصدق.

ياسمين خرجت الفلوس وجاوبت اكرم : ايوه لف يسار المحل في الركن وادخل لاعندي شل الاكياس امد.

العمه : زيد ادي واحد..

الرجال يله الحساب ع ال 3 بيكون...ادا المبلغ

عمتها : خلي 2 حسابهن لحالهن وواحد لحاله

ايه بتتفرجهم سكته

الرجال لفهن كلهن في ا كياس ..

ايه ناولته المبلغ حق شخص واحد. وشلتهن..

العمه كانت ملتهيه ببنتها بيتكلمين..

الرجال وهولا حقك ياعمه

عمه ايه : هيا حاسبي

ياسمين شلت الاكياس منها وراحت لاعند اكرم

ايه قد حاسبت : يله خاطركم ابن خالي جاء مع السلامه.

عمتها عصبت جلست تدعي عليها...

صاحب المحل رفض يرجع الاشياء.. وحاسبين على الشنطتين هن.


فوق السياره..
ايه : اطرحني في البيت اول

اكرم : بيتش؟ او البيت الكبير

ايه : بيتي

اكرم :طيب.

ياسمين : تسلمي يا ايه وسامحيني تعبتش كثير

اكرم : هي اختي سهل لاتعبت لاخوها

ايه : اكيد الله يسعدكم يارب.

بعد ماوصلها راحوا طريق بيتهم ونزلوا.

ياسمين خايفه ومتردده..

اكرم : ادخلي مالش

ياسمين : مش عارفه ما اقلهم و

اكرم : منهم ؟ اولا مابش حد في البيت ثانيا من الصبح العمال عيجوا يكملو الطرحه اللي فوق يعني اسبوع عشره ايام وقدها جاهزه شقتش لاتقلقي

ياسمين : طيب هات الاكياس اشل معك

اكرم : ادخلي بس

ياسمين دخلت وحست بخوف كانها عتشوف مرته الانسانه اللي هي جت مكانها واللي ياسمين شلت زوجها..

اكرم فتح لها باب الغرفه : وهذه غرفتش ياقمر ادخليها ونوريها

ياسمين : فظيعه ذوقها انيق قووووي

اكرم : تليق بصاحبتها

ياسمين ابتسمت له

اكرم جلس فوق السرير وطرح الاكياس بيفتحهن .. وريني ماشليتي يله ..

ياسمين انا اسير اصلي وانت اتفرجهن براحتك..

اكرم فتح الباب ووراها الحمام.. ورجع الغرفه. .

بدأ يرتب لها العطور فوق التسريحه..




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪