.

البـيـت الکـبـيــر 🏠

البارت 117

👌🏻👇🏻 😍
📚 @rewayatyamania 🇾🇪


ايه : يارب

الاء خازيه وساكته.

ام مجد : هيا شادخل ارفع مكاني والديوان حقي ..

ايه : جي معي استاذني لي من امي وراشيها تخليني اصبغ

الاء : ياررررب زوجها وارتاح من المشارعه لها

ايه : انتي اخلطي الصبغه ونقلهم قد خلطناها عتحرم.

الاء : يله فكررره هيا سريع نطلع لايبسرونا يدوروا لنا عمل


في غرفه ايه..
الاء خلطت الصبغه : هيا نسير نستاذن

ايه فتحت شعرها ولابسه المشمع حول رقبتها وبتمشي مع الاء لغرفه امها : امااه

امها : اعوذ بالله من الشيطان مالش هكذا !!!

ايه بتحك شعرها خايفه من ردة فعل امها

امها : او مقمله ؟

الاء قرررحت تضحكك وماسكه صحن الصبغه

ايه ضربتها في كتفها : تكلمي هيااا

الام : مالكن ماهووو ماحصلها

الاء وهي بتضحكك : ياعمه اشترينا صبغه لايه

الام : ليش ! ومن سمح لها تصبغ

ايه : عادني جيت استاذن

الام : ممنوع مابش ماعدلااا كما قد تزوجتي افعلي ماشتيتي

الاء راشتها ومابش اي فايده... ضبحين ورجعين لغرفة ايه

ايه زاااعله : قلت لش ماصدقتيني ومن رايي ماعد تفتحي معهم الموضوع الثاني

الاء : الموضوع الثاني عينجح عتبسري

ايه : اين نجي بهذه الصبغه كلها حرام

الاء بتضحكك: ثلاث صبغات

ايه : اضحكي لش اضحكي

الاء: جي ننزل نصبغ لجده قد شعرهم ابيض

ايه لفت شعرها ولبست الطرحه ونزلت معها : هيا

الاء نزلت لعند جدتها وهي بالمسبحه بتستغفر وتسبح

ايه جلست جنب جدتها وبتبعد لها الطرحه : جده

جدتها دهفتها : مالش ؟

ايه : نصبغ لش

جدتها : مشتيش حنا ولا شي عنتم الخزان غسال خلين لي حالي

الاء : ساع الحنا بس هذا يسير بسررعه هو لون ساع الدهان

جدتها فتحت الطرحه: ها يله ها اصبغين لي

جهزنها وبداين يصبغين لها..

جدتهن شافت ريحته غريبه : يوو اعوذ بالله لاعد اصلع مشتيش سيرين من قبالي.. لفت شعرها

ام مجد نزلت وسمعتهن وبتضحك ع الجده : جين اصبغين لي انا عتفعلين اجر بدل ماسير كوافير بس تعرفين مش تلعبين ؟

الاء : ايوووه انا اعرف

ام مجد : هيا اطلعين معي .. طلعين غرفتها.. وبدات الاء تصبغ لمرت عمها وايه بتجابرها ان امها صيحت..

ام مجد : احمدين الله قد على ايامكن تغير كل شي احنا ماكنا نعرف تفرطه ولا خرجه الا بعد ماتزوجنا

الاء : انتوا زيدتوا البعسسه والا مافيها شي هو هذك الشعر نفسه بس تغيير لون

ام مجد : انتي لحالش يا الاء تمي بس

مجد طلع مسرع ودخل لاعند امه والشميز في يده والبنطلون : كيف هذا مناسب له ؟ شافهن واستغرب ضحك : ماهو هذا ! شامبو

الاء وايه ضحكككككين عليه

ام مجد ضحككت وبتسكتهن : بس وانتين مادراه وهو

ايه : هذه صبغه

مجد .....


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 118

👌🏻👇🏻 😍
📚 @rewayatyamania 🇾🇪


مجد : طيب ماقلتوا لي ايش رايكن ؟

ايه : حالي قوي

امه : ليش هذه الالوان ماتناسب

الاء: بالعكسسس ياعمه روعه نسقهن الشميز فيه خطوط كحلي نفس البنطلون عيطلع حالي في اللبس

مجد : ذواااقه قلي لهم اللبس على اللبيس..

امه ضحكت

الاء انحرجت

ايه شافتها غمزت..

مجد خرج : يله اسير احلق خاطركم..

امه : الساعه 3 فجر يابني حق كل عيد ضروري تروح الصبح

مجد : رعى الله ايام ماترقدينا ليله العيد ساع الدجاج من 10

امه : بعد ماكبرتوا الله يوصلني لجهالك انت واخوك..
مجد : اميييييين باللي في بالي يارب..

الاء انحرجت بتخلط الصبغه : هيا عمه باقي الصبغه عتخرب

امه : اللي في بالي !!! الله يعينني بس يعلم الله من دخلت نفسه.

ايه بضحككه بتزبج عليها : ماعيخربها او هي حلبه..

مجد ابتسم لها وخرج...

الاء بتفكر في كلامه والالغاز.. تمت صبغت لها بيتجابرين..



ثاني يوم الصبح..
ام الاء دخلت لاعندها : هياا مالش ماقد رقدتي

الاء ممدده بتانتر بالتلفون : لا مابش نوم ..

امها : حق كل عيد هيا قووومي البسي لايجوا اخوالش مش احنا في البيت ع مزاجنا يجوا مابلا نتصل لهم لوما يتموا المسلمين حق سلايفي..

الاء : ليش عمه جميله ( ام مجد ) جهزت ديوان جنب غرفتها صغير..

امها : اهاا قلت لابوش نعيد في البيت قال مع..

الاء : والله انه حالي هنا ساع زمان

امها : ناهي لش.. البسي فيسع هيا اسير ابسر علي واخوش.

الاء تمام .. قامت لبست جلابيه انيقه وفعلت مسكرا خفيفه وروج خفييف..

دخلت ايه : كيف اللبس حالي ؟ شافتها صاحت .. مجنوووونه تتمكيجي ؟ اعمامش عيتليقنوا

الاء : ليش باين ؟

ايه : مش قوي خفيف بس الروج واضح

الاء : هااا انا فعلته وشمسحه ويرجع شكلي طبيعي

ايه ضحكككت : ساع مافعلت .. هيا سريع بس الصدق جلابيتش ضخممممه بكم شليتيها ؟؟

الاء : خمسه وثلاثين الف

ايه صاحت : يوووو يامجنوووونه

الاء استغربت : مالش ؟؟؟

ايه : جلابيتي بثلاثه يامجنونه شكلي شاستلفها منش لما يجي يسلم عليا

الاء ضحككت : ولاتغلى عليش ..يعني بابا اقنعوا عمو ؟؟؟

ايه : طبعااا بركاتش ياشيخه بس قالوا اقرب العصير واخرج ياسعم النظره الشرعيه

الاء:حلا ولا مابش

ايه : ايوه قد جنني جنان ارسل صورتي ولارضيت يجي احسن.

الاء : قمررر

نجوى دخلت مبتسمه : مجابره مجابره وااااصل مامعكن ؟؟

ايه : سلمت عليها وعايدتها

عمتها : وحريوه مقمبعه قريب ان شاءالله .

الاء :سلمت وعايدتها

نجوى حضنتها وعايدتها : وانتي حريوه مقمبعه ان شاءالله افرح بش انتي واكرم.

الاء : اول اكرم قد تم وانا مش مفكره خالص بالزواج الان.






📚 @rewayatyamania 🇾🇪

.

البـيـت الکـبـيــر 🏠

البارت 119

👌🏻👇🏻 😍
📚 @rewayatyamania 🇾🇪


الاء : اول اكرم قد تم وانا مش مفكره خالص بالزواج الان.

عمتها : مايجي بعد سنه الا غيرتي رايش

الاء بتتعذر باسلوب: عاد قدامي سنين اتم احلامي.

نجوى ماعجبها ردها : الله يعينش..خرجت

ايه كركررررت ضحكت ..

الاء بتضحكك وتسكتها : اص لاتسمع يا هبلا.

ايه : اخرجي قد جلطتيها..

الاء : وانتي بيقسموا سعم انني عسب

ايه : هيا ياعسب شكلش متحمسه للعسب الدنيا حراف

الاء : اهم شي حق كرت قد قرح النت عليا ..

ايه : شاحول لش.. بس ليش قرحتيه من بتجابري؟

الاء بخزا وابتسامه : مجد تصدقي ورا شخصيته المتعجرفه هذه اشياء حاليه قوووي مخبيها

ايه : مش مخبيها بس عادش بتكتشفيه او هو تغير معش بس والا ماهو ..

الاء : مالش عليه هو ماله ولافيه شي محد تقرب من شخصيته الحقيقيه تعاملتوا معه من شخصيته الظاهره مع الكل اللي هي ردود فعل بس.

ام ايه : اخرررجي يين ادورش خالش قد عيرحله بيسال عليش

الاء :مسررع جو

ام ايه : الساعه 10 يامسرع انتي وياها.

خرجين..
ايه طلعت سريع تسلم على خالها..

الاء شافت مجد ومنذهله من شياكته متغيرر ووسيم وحالق ومغير شكله والعطر بينفح..

مجد بيتفرررجها كانت متغيره عن اي وقت شافها فيه اناقة لبسها وفخامته وملامحها الرقيقه .. دخلت لجنب الجده وسلمت عليها وجلست. .

دخل مازن واكرم وعمها ابو مازن سلموا على الجده.. والعم سلم على الاء وباس راسها : سلم على بنت عمك

مازن قرب مد يده وسلم على الاء : من العايدين كل عام وانتي بخير.

الاء سلمت عليه : وانت بصحه وسلامه.

اكرم يشتي يسلم..قاطعه مجد مد يده ومبتسم لاوشها : كل عام وانتي بخير..

الاء شافته وماسكه الضحكه ومنحرجه وموقفها لايحسد عليه مدت يدها بسرعه وسحبتها تصلح الحجاب : وانت بخير..

اكرم مراعي يبعد مجد..

مجد بيغالط بالمجابره عشان لايسلم عليها اكرم : هيا كيف العيد عندنا حالي صح ! انتوا وعيد الدجاج في الغربه.

اكرم بيداهف مجد ومجد مثل الصبه صنم ماتحرك..
رجع من مكانه يعايدها :من العايدين وكل عام وانتي بخير.

الاء بتلتفت تبعد من قدام مجد ومجد يحوزها : وانت من اهله..

ضحكووووا كلهممممم ..

عمها : صورتش نووووم

مجد جلس معلق يضحك

الاء انحرجت : شلوووك يامجد هذا ربشني ..وانت بخير وعافيه يا أكرم. . وخرجت طلعت لاعند امها..

اكرم بيضحك ع مجد : هو هذا الجدر واقف

جلسوا يضحكوا عليها

الاء طلعت وبتصلح الحجاب شمت يدها عطر مجد ذكرت وانحرجت وضحكت ع موقفها مع اكرم..

على نزله ايه شافتها بتضحك : صرفوا مالش جننتي

الاء : يووو لو تشوووفي ايش حصل ..

ايه معاجله : مش وووقت بعدا خالي قد عيخطى اسير ادي العصير واجي لش...






📚 @rewayatyamania 🇾🇪

.

البـيـت الکـبـيــر 🏠

البارت 120

👌🏻👇🏻 😍
📚 @rewayatyamania 🇾🇪


كان البيت ملان ناس رايحين جايين..

الظهر الساعه1

الجده : عشر نسوان في البيت وماقد بش غداء

ايه : الان ندخل بساعتنا المطبخ

عماد : ما رأيكم نخرج نتغدى خارج ؟

ابو مجد : مع يا اخي غداء البيت احسن.

اكرم : اي والله احسن.

الجده : شل جهالك واخرج لو في نفسك

مجد : وانا معزوم مع عمي.

عماد : هيا

ايه : وانا

عماد : اللي عيخطى يجهز سريع لانه عنسير زحممممه

الاء فرررحت راحت تلبس.

ايه : طلعت تتجهز.

مجد سار يكلم امه تخرج معهم ..

امه : مع انا شاسير بيتنا قدهم فوق الغداء

ابو مجد : شل امك والحقهم

عماد : خلاص شل سياره الاء واسبق بها وعنتواصل في الطريق نحدد المطعم

مجد : يلله تمام

نجوى : وانا شارقد لي بعد الغداء بغير نوم من امس


في المطعم..
جلسوا الشباب في طاوله وعماد ومرته في طاوله.. ايه : هيا الرجال مراعي ساعه ماعتطلبوا؟

علي : راعي نبسر مامعهم

الاء طلبت وجبتها

مجد : خليه نفرين مثلها..

ايه : وانا مشاوي

علي : اثنين مشاوي انقذتيني

مجد شاف الاء وبيتليقن عليها : وانتوا من اهله

الاء ضحكت..

علي : مالكم ضحكونا معكم

الاء : بيعايد اكرم نسيت ورديت وانت من اهله

ايه : من ربشش جعله الخير

مجد : ياسين عليا

الاء : قدو اخبر بروحه جلس يحانب اكرم وانا حسي عند النوم ..

ايه ضحكت..

بدأوا ياكلوا كلهم من صحون بعض..

مجد يقرب لقدامها الاكل ويقسم كل شي بينهم..

الاء فتحت الببسي..

مجد هزره وشرب وناولها الببسي حقه

علي :  جحفه للجهال عناكل من الجنان

مجد : مالك من جغر الطبيعه

علي : مدري النوم يا اخي ..

مجد  شاف الاء ويشوف علي: امانه هذا العيد مزقرع زقرعه بوجودكم معانا قلك نوم

علي : احنا تعودنا يوم العيد نوم

مجد : هنا مابش الخبر هذا نتم نتغدى ونفحط الحديقه مارأيكم.

الاء وايه : ايوه ايوه..

علي : وماله نسير الحديقه غمز لمجد وانا اقول الوسامه هذه ليش ناوي ترقم..

مجد مسك دقنته : يا الف سبحان الله انا هكذا !!

علي : على غيري

الاء:ليش ايش قد شفت عليه سعم انه مثل بعض الناس

علي : ياهمتاه لمشارعتش اسكتي بحجر الله

مجد : مالك عليها..

الاء : هو هكذا واصل

ايه : اخوه اخوه

مجد: بس لكم هدار كلوا سكته شارقم عشر انتوا الا اهجعوا..

الاء ضبحت منه سكبت الشطه كلها لصحنه

علي : هيا من السفاط البايخ هذاا.

مجد فرح بغيرتها : ازيد اطلبه واحده ثانيه.

غرفها بالدجاج واكل

ايه بتشاورها ويضحكين

مجد بهرر لهن : بس هدار عمي قد عيخطى تموا سريع

الاء : شبعت الحمدلله

ايه : وانا

عماد بيتكلم في التلفون : امانه والله ضخم قلهم موافق متى السفر؟




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـيـت الکـبـيــر 🏠

البارت 121

👌🏻👇🏻 😍
📚 @rewayatyamania 🇾🇪


زوجه عماد : من اتصل ؟

عماد : صاحبي قال اتصلوا له وقالوا اجهز نفسي يشتوا قائم بأعمال سفير..

مرته : الحمدلله

الاء سمعتهم : يووو ايحين ؟

عماد : بيرتبوا ويتواصلوا معي هذا الشهر.

مجد : ياعم بغير مزح هذا الساع

علي : احلى خبر سمعته

مجد : اهجع انت يا ادور ( بسبب السماعات اللي بيلبسها )

ايه زعلت وسكتت..

اكرم : الله يوفقكم ياخال

عماد : يله انا شسبق للبيت

زوجته : شلني بيتنا ع طريقك

الاء : انا ماشاجيش عنسير الحديقه

عماد فتح جيبه يناولها فلوس

الاء : تسلموا معي.. ومشيت

ايه لحقت بعدها

مجد تغيرررت ملامحه ونزل بعدهن..

اكرم  نزل بعدهم شافهم ساااكتين ضابحين: مالكم قلبتوها نكد

الاء بتدمع ..

مجد شافها وساااكت ضابح

اكرم : ليش الزعل افرحي احمدي الله واحد يخرج يفتهن ماتشتي من هنا

مجد : اسكه ياعم خليك في حالك من الفلسفه هذا الساع

ايه : عنجلس واقفين افتحوا السياره

مجد شاف الاء لانها سيارتها ناولها المفتاح : تشتي تسوقي

ايه : انا عند الله وعندك مع...

الاء هزت راسها : لا

مجد فتح السياره وطلع فتح لهم امان الابواب..

اكرم : وين علي ؟  مجد : يمكن ماعيجيش نسبق وهو يتصل بنا

اكرم : ليش عاد الملاحقه قد احنا سوا

مجد :هي جنب اذنه ماعنراعيش في الشارع

اكرم : ناهي دلا اعصابك مالكم اعوذ بالله كلكم قلبتوا فجاه ..

ايه بتهديها : لاتبكيششش اقنعي عمي تجلسي

مجد بيشوفها في المرايه وبيسوق بضبح

الاء سااااكته وضابحه

اكرم : ياي دلااا عاد السياره صلحت

مجد : ناهي علمني السواقه مارايك اوقف قد اسمنا هنا في السبعين..

اكرم : لاحول ولاقوة الا بالله..

هدووووء السيارررره وصلوا نزلوا..

الاء سبقتهم وقطعت تذاكر..

ايه بتكلم مجد بعد ماجنب السياره: لاعد ننكد عليها حاول تخلي نفسك عادي ننسيها

مجد عينه ع اكرم لحق بعدها يحاسب : ناهي تمام ولو قد انكسرت نفسي والله

ايه : سهل ماعيحصل شي هي الا عتسافر

جنب بوابه الحديقه مراعيه لهم...

اكرم : مبووونه حاسبت هي شكل العسب دسم

ايه : ايوووه قد عمي سفير خلينا نستغلها

مجد : ياريت وتصرعيه عين يرجع عمي البيت وتتحلبط السفره

الاء ضحكت..

مجد ضحك :  هيا عندخل والا عتبيعي التذاكر

الاء وزعتها لهم ودخلوا

ايه بتجابرها : عمار قال عيجي بكره الصبح يسلم عليا

الاء : حالي ..

ايه : قوا لاتغثيش مافيها شي قد النت بيجمعنا صوت وصوره ولا شافارقش يوم

مجد خرج التلفون يجاوب : شكل الراتب عيقرح للنت

الاء شافته بنظرات ابتسامه وزعل

مجد جاوب علي وسأله فين مكانهم..

اكرم : هيا وين اللي معهن عسب عليهن التذاكر






📚 @rewayatyamania 🇾🇪

.

البـيـت الکـبـيــر 🏠

البارت 122

👌🏻👇🏻 😍
📚 @rewayatyamania 🇾🇪


اكرم : هيا وين اللي معهن عسب عليهن التذاكر

مجد : اعسبهن انت ياجلده

اكرم : على طووول من العيووون.

مجد : جيبه دسسسسم مبون

اكرم ضحك : اعوذ بالله من بعض الناس

ايه : هيا اقطبوا زحممممه

اكرم : سار يقطع التذاكر.

مجد : شاف اثنين بيتفرجوهن سار وقف جنب الاء ..

علي وصل لابس السماعه وبيانتر بالتلفون ويضحك

مجد : انت اجلس العب لك بالتلفون يا فرغه.

علي مابيسمع

الاء ضحكت دكمته : جاووب

مجد : خليه بيرقم الحديقه بيفعل جرد للمزز

الاء : ليش وينهن المزز ؟؟

مجد شافها  واشر صليها : هذه

الاء بهررت وشافت علي ومجد

مجد ضحك : والله انه في علم الله.

علي بيتلفت ..

مجد اشر له ع واحده : هذك صح ؟

ضحكين ايه والاء عليهم..

علي : مالك

مجد : مالك انت حد يهاوز ومعه عايله

علي ضحك : نزززغه كيف دريت

الاء : يخ ما اسمجك لو صدق

علي : لاتصدقي له شكله ناوي هو ... مارايك يروحين لهن واحنا ننبسط

ايه : على بياعين

مجد : هو مش انا

اكرم وصل بالتذاكر : هيا اين نطلع ؟؟

ايه : هذذذك

مجد : ماعتسومينش؟

الاء: لا كم قد طلعتها  عاد هذه مش ساع اللي في الخارج قوي يسومين بواحد

مجد : مقلع يقلع الخارج. .

اكرم : قد عتتحانبوا وقتكم

علي : هيا وقفت اللعبه اقطبوا..

مجد جلس مراقب فين عيطلعين عشان يكون قريب منها.. جلست جنب علي وايه ومجد جنب علي واكرم جنبه

انبسطوا ولعبوا وتجابروا وتعشوا خارج... روحوا البيت.. الكل كان نوم من بدري..

مجد على دخلتها راعى كلهم طلعوا : اشحني التلفون اكلمش

الاء شافته ودخلت غرفتها وغلقت

مجد طلع الدرج ببطء وهو ضااايق من الخبر...

الاء دخلت وفتحت النت وجلست تجابره.

ايه دخلت : الاءء

الاء : اعوذ بالله منش نكزتيني مالش مابه

ايه : اشل الجلابيه لبكره اطلعي رتبي معي الديوان

الاء : امانه انقلعي نفسيتي زفت مابلا اجغص لش الديوان

ايه : مع مع خلاص اين هي طيب

الاء :افتحي الدولاب قد جهزتها وجهزت لش طرحه حاليه

ايه حضنتها وحبتها : تصبحي ع خير

الاء : وانتي من اهله

مجد بيرسلها مابترد : شكلش نوووم يااي الوو

الاء : ها كانت ايه عندي

مجد : قلي لها تسير تنقلع مش وقتها..

مجد : الاء...

الاء : هاا

مجد : عتفلتيني ؟؟







📚 @rewayatyamania 🇾🇪

.

البـيـت الکـبـيــر 🏠

البارت 123

👌🏻👇🏻 😍
📚 @rewayatyamania 🇾🇪


مجد : عتفلتيني

الاء سكتت شافتها وحست بخنقه

مجد : وتسخي؟

الاء : من قلك اني شافلتك من قال شسافر يسيروا هم

مجد : وعيرضووا ؟ لاتفرحيني وتدي لي امل ويرجع كلام

الاء : والله لو عليا ماسير وشاحاول اضغط عليهم بس لو صمموا فمابش بيدي شي

مجد : ليش الدنيا هكذا عكس بتمشي كل ماتقدمنا خطوه تردنا عشرين خطوه...

الاء رسلت له قلب 💔

مجد : الاء مش كلام وقضاي وقت ولانش قبالي حبيتش لا.. انتي دخلتي قلبي بدون تفكير واستئذان .. انتي غيرتيني وغيرتي اشياء خيرات للافضل من حين ماعرفتش وعرفت روحش الإيجابيه حبيت كل حاجه حولي حتى لو شوعه حبيتها لانش جنبي

الاء : انا عارفه

مجد : انتي سامجه .. مغروره هههههه يعني مابش معش رد الا انا عارفه ع الاقل قلي لي احبك

الاء : ياسامج ماشقل عارفه الا لاني حبيتك

مجد : حبيتك فعل ماضي قلي احبك يعني مازلتي

الاء : انت داري يالغجه ان احنا بدون نوم

مجد : ولا عترقدي لوما تقنعيهم مابش سفر

الاء : لاتذكر الموضوع بين احس نفسي ضاااايعه وميته وانا حيه

مجد : طيب انتي كنتي متعوده السفر ليش الان عتضيقي

الاء : لاني تعودت العيشه بينكم عشنا الايام هذه احلى من ايام الطفوله

مجد : وانا !!

الاء : وانت الاهم في الموضوع والبيت كله..

مجد : ليششششششش ليش جايه تقلي لي هذا الكلام ذلحين تشتي تجننيني انا داري

الاء : ان شاء الله تتكنسل السفره ومايفرق بيننا شي.

مجد : مشواري معش يا الاء طووويل وصعب معرفش عتكوني لي او لا بس شاقااتل عليش ومابفلتش لحد غيري.

الاء نعست والتلفون في يدها.. مجد رسل رسل.. اتصل .. مابترد نوم


ثاني يوم الصبح...
ايه نزلت سريع لاعندها : قوووومي عادش راقده قدهم في الطريق كيف انا كيف الطرحه مش موضعه صح.. كيف ادخل قلي لي كيف امشي ما اقول ...مربوووشه ماعد اشتيش ادخل فيني خوووف احس شابكي او شافلت قبالهم...

الاء فتحت عينها وبتتفرجها وهي نوم.. : حاليه.. ورجعت ترقد..

ايه : الاااااء قوووومي من اللغاجه.

الاء قامت فتحت تلفونها وبتقرا رسالته وسارررحه...

ايه هزرت التلفون : مش وووقته

الاء : امانه ادي لاتعسي ولاتقري شي

ايه ناولتها : طيب هيا صلحي لي في وشي اي شي

جنب الغرفه بيصيح عشان تسمعه : هيااا جاوووعين عتصبحونا

ايه : جحفه لش ولمجد وقته ذلحين

الاء لبست : اخرج اجاوب

ايه هزرتها : مش وقت انا عند الله وعندش بنقلش قدو في الطريق

الاء : طيب مالش وشش هكذا مصفر يفجع

ايه :خايفه قلي لي مافعل ابي ومازن عيبسروني وعيعلقوا ع كل شي

الاء وقفت قدام التسريحه فتحت شنطتها :
اولا اجلسي



https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 124

👌🏻👇🏻 😍
📚 @rewayatyamania 🇾🇪


ايه جلست : يووو لا تفعلي لي مكياج والله لايقطعوني

الاء : اصلا قمر بدون بس امشط رموشش بالمسكرا.. وافعل روج خفيف ؟

ايه : لا لا خليه يشوفني ع حقيقتي..

الاء ضحكككت : طيب يلا خليش هكذا طبيعيه احلى
ماشاء الله

ايه : طيب ايش اقول ادخل سكته

الاء : عمي قال لابي تدخل تطرح العصير وتخرج قلي السلام عليكم واخرجي

ايه : وهو يوقف ويرد السلام ساع المدرسه.. ضحكككين

ام ايه جت تدق الباب.. : اسرررعي خطيبش قدو في الحاره وانتين بتضحكين.. خرجين الثلاث من الغرفه..

مجد واقف شاف ايه بثياب الاء : صباح الخيررر مالكن تبادلتين

ايه ردت : صباح النور وطلعت..

امها : ادخلي اطرحي العصير وانزلي ابوش بيصيح قال مابلا يبسرش بس ومابش كلام ولا شي

ايه متووتره : ناهي انا داريه

امها : فعلتي في وشش شي

ايه : ولاشي

امها : كان مالش بتلمعي

ايه : والله ولا شي هااا.. مسحت بفاين وشها

امها ضحكت : سبحان الله من الفرحه ..

ايه: مابلا من الايمان بعد رمضان.

ابو ايه خرج : انزل يامازن ابسر طريق قدو في الباب ادخلين المكان...

ايه وامها دخلين

الاء طلعت سررريع لاعند ايه ..

عمها ادخلي داخل سريع

الاء : عنقدر نتشاقره من هنا نبسره

مرت عمها : بس اوووبهي ياويلش يلمحش عمش لايبهذل بنا

الاء : تمام...

ايه خااايفه بتتنفس بسرعه..

الاء بتسمع اصواتهم( الله ...الله ): طلعوا طلعوووا

ايه : اسكه ابسره سوا

الاء : سعم ماتعرفيه

مرت عمها : اص اسكتين

عمار طالع لابس الزنه والجنبيه والشال ومعطررر في يده ورد وكيس هديه...

الاء : يستررر يستررر والذوق

مرت عمها : اشششش


دخلوا الديوان..
ايه : ماعد شدخل ماعه ماعه...

امها هيا جي للمطبخ..

الاء بتصلح لها الطرحه : بيني الدبله والمحبس لما تطرحي العصير

ايه : ماعيبسر شي قال من الخزا ماعيبسرني

امها جهزت العصير : هيا جي شلي العصير اخوش بيداعي

ايه : قلوا له يراعي اتخبى قفاه

الاء : هيا بس خباله ادخلي

ايه مسكت صحن العصير واخذت نفس وشافت الاء...

الاء ضحكككككت

ايه ككككركرت

ام ايه بتصيح وتلاعنها : عيب عليش اصصص لاتدخلي تضحكي لاموتش ابوش عيجنن هيا عيب ادخلي

ايه طيب هيا بسم الله  جلست تمشي ببطء لاتطعفر العصير وبخوف تدخل وبتحس نفسها اول ماتشوفه عتضحككك.. وبتواله نفسها وهي بتمشي... بديت من الديوان ومستحيه ماقدرت ترفع راسها تشوف فين تطرح الصحن

ابوها :  ايه ادخلي..

عمار كان منزل راسه رفع عيونه لمحها ونزل نظره

ابوه شاف عمار مستحي قام يشله منها..

ايه كانت واقفه مقابل عمار  ومستتتحيه ..

مازن بيشوفها ..






📚 @rewayatyamania 🇾🇪

.

البـيـت الکـبـيــر 🏠

البارت 125

👌🏻👇🏻 😍
📚 @rewayatyamania 🇾🇪


مازن بيشوفها ..

عمار قدر يسرق نظره لها وهي بتشوفه ابتسم لها..

ابوها شل الصحن منها..

عمار : من العايدين وكل عام وانتي بخير

ايه  سكتت خمس ثواني : وانت بخير.. وخرجت

ابوها تفضل اشرب..

عمار شرب العصير وجابرهم شويه واستاذنهم.. على خرجته من الديوان ...اخو مجد الصغير فتح الباب وهي واقفه بتتشاقر.. عمار شافها ابتسم ع نزلته بعدهم ...

الاء : يهي والوساااامه هياااا نسير نبسر مدالش

امها راعين ينزلوا من التبداع يكفي بسركن هنا واقفات

ايه جريت للديوان.. بتفتح الكيس

امها : راعي لابوش يجي

الاء : سهل عيجي ويبسروهن

ايه فتحت الكرت حق الورد : كل عام وانتي اجمل الورود في حياتي وعقبال العيد الجاي وانتي عيديتي خبته لاحد يقراه.. وفتحت الكيس فيه علبه شكلاته مغلفه وخاتم انيق وعسبها في ظرف..

الاء : حركاااات الخاتم حبيت حروفكم ..

امها : ماشاءالله ..

ابوها ومازن طلعوا وبيتفرجوا.. ابوها : الله يتمم لكم ع خير ماشاءالله مخلق الولد

مازن : ادي لنا نطعم..

ايه : ماعه ولاحد يعسها

الاء شافت وتذكرت مجد وكلامه الوصول لش صعب بس شاحاول.. فلتتهم ونزلت لاعنده..

عند جدتها..
مجد شاف الاء دخلت :  وانا ياجده ايحين شاسير اسلم ع خطيبتي ؟

جدته : لما يكتب لك الله النصيب..

مجد : نصيبي قبالي بس ماقدرنا نوصل له

جدته : انتوا شباب تيه اليومتين تشتوا كله فيسع اتعب اشقى جمع

مجد : ولو ماوافقوا بي

جدته : عدمين..! ندور لك غيرها

مجد : ماشتيها الا هي

جدته : شادعي لك وانت اقطب واشتحط وجمع

الاء بتسمعهم سكته

مجد : اللي يشتي شي عيوووصل له اهم شي الطرف الثاني مايتغير ويصبر

الاء : اذا هي بتحبك وانت شاريها صدق عتوصل لها..
مجد ضحك : خلاص ياجده دعوتكم استجابت نصها باقي النص زيدوا يامنعاه ..

جدته : اين جت ايه مافعلت ابسرها ماقال ..

مجد : قزز وافتجع فحط ابسرتوا كيف خرج مهري

الاء بتضحك : حرام عليك لاتسمعك عتفضحك

مجد : يووو صدق خلاص انا افحط لي احسن.. ذلحين مانصتبح

جدته : اي صبوح قدي10 وين انتوا من اول راعي قد بيفعلين الغداء امك وعمتك

الاء : اسير اعاونهم

مجد : مابش داعي خلاص اجلسي اوبهي لجده

الاء بتبهرر له

جدته : وانتوا بين ابسركم عاقلين الله يرزم عقولكم ماعد بش محانبه.

مجد : خلاص قد بنشتغل مع بعض عقلنا



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

🏠


بـارتـات يـومنــا الثـلاثــاء 😍👆🏻

🍃 مجـمـوعــة قـنـواتـنـا الـمتميـزة 🥀

.

البـيـت الکـبـيــر 🏠

البارت 126

👌🏻👇🏻 😍
📚 @rewayatyamania 🇾🇪


مجد : خلاص قد بنشتغل مع بعض عقلنا

الاء شافت ابوها دخل ذكرت السفر وسكتت ..

الجده : مازد فعلت

عماد : تتم الاجازه حق العيد ونتم المعامله ونحجز

الاء : احجزوا لكم

مجد بيشوفها..

الجده : الاء عتجلس عندي

عماد : ماينفعش يعلم الله كم عنجلس وسفرنا بر قدو لازم تجي معنا ماعتقدر تجي لحالها

الاء : بر ماشتيش بين اتعب من السفر

عماد تنهد : مش وقت يا الاء الدحس لاوقت السفر وعنرقدش لما نوصل

مجد ضبح شل نفسه وخرج

الاء شافته خرج ضابح دخلت غرفتها رسلت له : مالك ؟

مجد : تجي سيرة السفر واكره نفسي

الاء : مش داريه كيف اقنعهم تعبت

مجد : مانكذبش ع نفسنا عمي مصمم وصعب ترفضي ويرضوا بس لو سافرتي ماشفلتش ولا يوم ششغلش بالنت ليل نهار

الاء : قد كنا مابنسد كيف لوما الاثنين حبينا بعض

مجد : انا ماكنت احانبش الا لاني بدات اعجب بش بس اعاقه في التعبير..

الاء ضحكككت : هذك الرزع كله اعجاب ... كنت اكرررهك

مجد : والان ؟؟

الاء: انت داري

مجد : ماهو !

الاء : اني ماكرهكش

مجد : يعني تحبيني..؟

الاء : بس هباله قدك داري

مجد : اتاكد

الاء : ايوووه اتاكد

مجد : احبش

الاء : شلوك

مجد : يشلوني معكم

الاء : وين خرجت

مجد : مدري من الضبح خرجت بين الوي ساع المجنون مش داري وين ساير

الاء : هذا وماقد سافرنا

مجد : شاحاول اخلي سفرش همه لي واغير من وضعي ونفسي بس تتوقعي عمي عيوافق

الاء :مدري

مجد : وانتي

الاء: شافكر لو مالقيت واحد احسن منك شاضطر اقبل بك.

مجد : بعيني يااا الاء ياويلشششش تكوني لحد غيري ... وقف مراسلتها ودخل محل بيتفرج الخواتم لقي محبس فضه انيق خرج اللي في جيبه وشله وبقيت فوقه لصاحب المحل الف..

الاء شافت مارد ذكرت ايه طلعت بسرعه : هااا قلي لي ماقال لش

ايه في غرفتها بتراسله : اسكتي فاررح مزقرع قال عجبته

الاء ضحكت : يعني قدر يلمحش

ايه : قال ايوه انا ماشفته الا نظره بس مربوشه مش ذاكره وهو حفظ وشي وتفاصيله...

الاء ضحككت : انتي تجنني وهو ماشاءالله وسيم الله يوفقكم

ايه : ويوفقش انتي ومجد يارب.

الاء بتنهيده وحزن : يارب.






📚 @rewayatyamania 🇾🇪

.

البـيـت الکـبـيــر 🏠

البارت 127

👌🏻👇🏻 😍
📚 @rewayatyamania 🇾🇪


رغم اني حاسه ان الموضوع مابيتم زيه زي اللي قبله

ايه : ناهي لش الان عتفتي بعلم الغيب

الاء : المهم كلميني ايش قال عمار

ايه ضحكت وجلست تجابرها : ماتوقعت يحفظ ملامحي بثواني هكذا وقال كان نفسه يتامل ساعه خاف ع روحه يلقى كف من مازن او ابي

الاء شافت خاتمها: بس ذواق قووي.. دايما اشتري خواتم بس نفسي اجرب شعور  انه خطيبي يهدي لي

ايه : هو عتجربيه في كل الاحوال مره بحياتش ولاعد عيزيد يدي غيررره

الاء : ليش ياهبلا هذك انتي يسعم مايدوا الا في الخطوبه بس

ايه : لاننننش ذوق صعب ارضاءه وطموحش كلها من ابو تفليسه جيوب

الاء ضحككت

ايه : اين عتسيري اليوم

الاء : بيت جدي

ايه : يله خاطرش وانا اسير اتجهز كمان

الاء دخلت الغرفه وبتجهز ملابس وصلت رساله (( افتحي الطاقه )). الاء طرحت الحجاب فوق راسها وفتحتها وهو واقف.. مجد : وين عسبي

الاء بهنجمه : قل لروحك

مجد : ارتزح لزاويه الطاقه وطارح يده فوق الجمبيه ، قلت لروحي وروحي بتقل اقل لروحي..

الاء كانت بتصلح حجابها ضحكت بخزا ورجعت تهنجم : بس لغاجه فيس تو فيس

مجد : واحلى فيس اللي مهنجم هذا

الاء : بعدا يامجنون ليش حركات الغرباء واقف من الطاقه بس خباله ادخل

مجد : ماقدرش اقلش قبال جده احبش

الاء بهررت وشافته باحراج : مجنووون ع الاخر

مجد اكد لها بحواجبه : قووووي بش

الاء : ذلحين هات اللي تشتي تديه وخلصني اغلق عنخررج

مجد : فين

الاء: بيت جدو

مجد: وتفلتيني !

الاء : مع شاشلك تتفرط معنا

مجد ضحككك وبانت غمازته ..

الاء سرررحت في الضحكه وغمازته
.
مجد شافها قلب الموضوع مزح ويقلدها بهنجمتها : يووف مالش عجبتش الغمازه سماجه احراجات ومسك وشه

الاء تنرفزت من تقليده لها وضحكت مسكت الستاره : هيا يابايخ خلي عسبك وخرطك لك

مجد دهف الستاره : والله وتقفلي في وشي ياعيباااه

الاء : مالك خرفت ادخل نتجابر في الصاله جنب جده مالك ساع السرق هكذا

مجد : والله لاتكلم مش بعدا تندمي

الاء: ادخل وابسر

مجد : وانا والله لادخل بس عتندمي لو تخلفي بوعدش

الاء خلت الطاقه مفتوحه ومشيت قدامه وخرجت للصاله

مجد جررري ودخل ع طول وجلس..

الاء شافته ضحكت..

الجده : اعوذ بالله من الشيطان مالكم حوشتوا او به شي

مجد : ايوه ياجده قلبي بيدق

جدته : هو عمل الشقاره ( السجاره)

الاء ضحكت وبتتشفى فيه : تستاااهل الصرعه

مجد : من ايحين بين اشرربها هم الشباب مانا تعرفيني ياجده  انا احب الهبلا هذه

الا بهررت لفتت له..

الجده : شافته ومافهمت من يقصد



https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

.

البـيـت الکـبـيــر 🏠

البارت 128

👌🏻👇🏻 😍
📚 @rewayatyamania 🇾🇪


الجده : شافته

مجد خرج الكيس : احب هذه

الجده :مامعك

مجد رجمه ل الاء: خلوها تفتحه وتوريكم

الاء تفاجأت بالرجمه لحقت الكيس للهواء ومسكته

الجده مابتشوف سوا : مابيحب هذا !!

الاء بهرررت له وردت : بيحب واحده ادا صورتها في الكيس

الجده : ياقليل الحيا عتستحي ع نفسك وليش شليته منها وليش ماتنصحها تخيل لو هن صور اختك

مجد شافها ولا سكتت نازله فيه تهزيء بيضحكك ويشوف الاء ويتوعدها..

الاء بتضحك حانكته ومشيت... رجعت الغرفه

جدته : من بين احاكي ؟

مجد : والله انها بتخرط لاتصدقوا لها

جدته : على غيري سعم مش انا داريه.. فاهمه وساكته

مجد : يوو مافاهمين ؟ إنها صوره بنت

جدته : داريه من بتحب

مجد ضحك : بين احبش انتي ياحجه

جدته : وانا جده الاء

مجد انصدم وجلس يسعل ويضحكك : جدتنا كلنا

جدته : بطل تمكنوا ابوها مداحسه.. ودور لك مهره
وانا شدي جهدي

مجد بيغالطها : ماهو ياجده مابتقولوا

جدته : على غيري الملعنه هذه داري نفسك فيها وقلبك عيخرج

مجد ضحككك : يامنعاه ياجده لاحد يدرى

جدته : قد قلت لك وانت اخبر..

مجد : ياجده لو اشتغلت كم ماشتغلت عيجلس به فرق ولذلك الله اعلم

الجده : انت افعل اللي عليك والباقي على الله وعليا لادالي الله عمر

مجد حبها فوق راسها: الله يحفظكم لنا ويامنعاه لاتنكع منكم هدره هنا والا هنا..

الجده : انقلع عادو عيعلمني الصح من الغلط

مجد ضحك وشاف رساله

الاء بعد مافتحت الكيس فرررحت بالخاتم وذكرت كلامها مع ايه طلعت لها بسرعه..

ايه : ما رايش كيف هذا فوقي ماعجبنيش

الاء قاطعتها : ليش فعلتي هكذا والله زعلت منش

ايه باستغراب : مافعلت

الاء : ليش تقلي لمجد اني كلمتش ع الخاتم

ايه : والله ماتحاكيت

الاء : كان خارج لما تكلمنا كيف دري امانه

ايه : الحب سبحان الله

الاء : بس مزززح مني صدق مضايقه

ايه : يووو منش صدددق والله ماتكلمت مالش

الاء : قلدش الله ادي الصدق

ايه : واللللللله ماحاكيته يووو ابسري تلفوني ها عندش

الاء : غريبه انا شابسر كيف ..

ايه : ذلحين كيف لبسي

الاء بضبح منها وشويه شك: شووووعه بس انتي حليتيه فوقش .. وخرجت

ايه ضحكت : الله يزكيها عقلها

مجد رسل لها: مابش شكرا ؟؟

الاء : اول قل لي من قلك تشتري لي؟

مجد : لازم حد يقل لي ؟

الاء : ايه ماكلمتك؟؟

مجد : على ايش ؟؟ مافهم اتصل لها

الاء بعد مافهمت منه صدقتهم : اصلا سبحان الله كنا بنتكلم ع الخاتم اللي ادالها خطيبها وقلت يمكن قالت لك

مجد : ماشي ماقالت لي ياخطيبتي

الاء : ضحككت يلا غلق امي جت عنخرج الان باي







📚 @rewayatyamania 🇾🇪

.

البـيـت الکـبـيــر 🏠

البارت 129

👌🏻👇🏻 😍
📚 @rewayatyamania 🇾🇪


بعد اسبوع بيت عماد ..
امها شافت الاء ماسكه التلفون: عتشتحطي لفلفي..

ايه : ياعمه خلوها انا اعاونكم

ام الاء : اين عمش ادعيه

ايه شافت ملامح الاء حزينه : طيب الان

الاء ردت له : اخيرا شسافر وانا مرتاحه

مجد : لان انتي وعدتيني تدي لي فرصه

الاء : معك فرصه ومعها مهله محدده لذلك دبر نفسك

مجد : ماعليش شي

الاء : يله امي قد جننتني ..

مجد : بشوفش بعد ساعه اتم العمل وارجع لاعند عمي لو يحتاج شي.

الاء : الله معك

مجد : عتوحشيني ياذربه

الاء : وانت يا مستر لقانه

مجد : انقلعي

الاء : اول انت انقلع

مجد : يلا باي

الاء : غلقت وقامت تجهز  مع امها وتلفلف الاثاث

نجوى شافت اخوها لحاله : ليش مانخطب يا اخي قبل ماتسافر دبل وبعدا كما رجعتوا من وقته

عماد : اقلش الصدق ياختي عاد البنت مش مقتنعه الان خالص بخطبه وزواج

نجوى : انا اقنعها مارأيك

عماد : مابش داعي لان قد حاكتني

نجوى : قل انك رافض وبس

عماد : الله يهديش ليش ارفض ابن اختي واعرفه وتربى عندنا وداري اخلاقه ياختي اشياء زي هذه مابش فيها لي كلام .. تقرر البنت

نجوى : ابني ماشاتحاكى الا وانا داريه انه قد الموضوع بيت ومعه وورث عيفعل له مشروع ووظيفه حكوميه وشهاده وبتقل لي تعرف اخلاقه خلاص خليني احاكيها..

ايه واقفه خارج الباب سمعتهم وساكته بتسمع

ابو الاء : انا ماهمني فلوس وكلام فاضي اهم شي مخلق متعلم موظف خلاص وهي تقتنع به اهم شي
نجوى : خلاص انا شاحاكيها وبس

ابو الاء : طيب عشان تقتنعي حاكيها

نجوى : قامت وخرجت

ايه : هربت سريع تحت الدرج شافت المخزن مفتوح والاء داخل

الاء : بترتب الكراتين..

ايه : جي جي احاكيش

نجوى خرجت من عند اخوها شافتها : ايه من بتحاكي

ايه : هاا الاء

نجوى : ادعيها .. ايه لفت ل لاء وبتدعيها...

الاء خرجت : ها  ايه ظهرها لعمتها وبتشوف الاء وتكلمها بهمس بفمها.. الاء مستغربه بحواجبها وتسأل ايش

ايه بهررت لها واشرت تسكت

الاء : ها ياعمه

نجوى : جي ماحاكيش

الاء سارت: خير

نجوى شافت ايه : سيري عاوني مرت عمش وانا والاء عنلفلف هنا

ايه تمام راحت لمرت عمها...

نجوى دخلتها غرفه الشغاله وجلستها : اشتي احاكيش بدون تاثير ابوش وامش وجاوبيني بصدق

الاء خااايفه حست بمغص واطرافها بارررده ومنتظره الموضوع: خير

نجوى: ليش ماوافقتي على اكرم اشتي اجابه صريحه مش تستحي مني .. يعني مستواه ! او مابتحبيه او ايش .؟؟


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪