🦋🔹🦋


روابط قصص وروايات الكاتبات المتألقات اللاتي تم عرض اكثر من قصة لهن في القناة


1. الكـاتبـة ياسـﻣيـن أميــن

2. الكـاتبـة ؏ــبيـر الڪبســي

3. الـكــاتبــة ؏ــائـشــة جــســار

4. الكــاتبــة منــارة اليـمــن

5. الـكـاتبــة مــيـﻣــي عبــدالجلـيــل

6. الكـاتبــة يــاسـﻣــيـن أحـﻣــد

7. الـكــاتبــة أبــرار الحـﻣــادي

8. الكــاتبــة هنــاء عبـدالعـزيــز

9. الكــاتـبــة منــار المخــاوي

10. الكــاتـبـة نـدى الجـرادي

11.الكــاتبــة نـبــراس

12. الكـاتبــة غـديـر عبـدالخـالـق

13. الكـاتبـة راويـة الحـاشـدي

14. الكـاتبـة خـولة السعيــدي

15. الكـاتـبـة رِهــام إبـراهيـم

16. الكــاتبــة تسبيــح السعيــدي




🦋🔹🦋

📚 @rewayatyamania 🇾🇪

💔


بــارتــات يـومنــا الثـلاثــاء 😍👇🏻

.

البـارت رقـم 91 💕

حُب يمحوه العذاب

👌🏻👇🏻 😍
📚 @rewayatyamania  🇾🇪


ايمن بسرها فرح حس انه مالك الدنيا بكلها: هلا والله هلا ايش رأيك

اسيل: في ايش

ايمن: الشقه

اسيل: تجنن ماشاء الله

غرفة النوم لونها ابيض على اسود جدارها ابيض فيه ديكورات ورد اسود السرير حقها شكل دايري والتاج طويل وكله جلد اسود الدولاب يفتتح سحب وفي اضواء التسريحه كلها ادراج معاها كرسي صغير اسود جلد وتولع مع الدولاب

ايمن: تعالوا اوريكم باقي الشقه

اسيل وشكريه مشيين بعده

المطبخ لونه الرخام حقه تفاحي وفيه نقشات مع رمادي والالمنيوم تفاحي ثلاجه رماديه متوسطه حجمها فيها زين حطهن ايمن بلون تفاحي وفرن
السنك حنفياتها تفاحي الدولاب يولع لمس بمجرد مايحس بحركه اضوائه لونها اصفر
دخلهم الحمام العائلي كانت ديكوراته ورخامه بلون الموڤ ومرايه موڤ

جنبه غرفه كلها اسود ديكوراتها فيها مكتب اسود فيه مقلمه صغيره بيضاء كسرت اللون وسوفا متوسطه بيضاء والستاير سود وركن صغير فيه بيانو وجيتار

شكريه: يووه ماهو هذا اللون يا أيمن للمه اخترت اسود

ايمن التفت لاعند اسيل: يمكن ياجده اتزوج واحده فجيعه تفتجع من الظلام قلت اعودها

اسيل ضحكت

رجعوا الى صالة المعيشه كان فيها انتريه برتقالي مع اسود وسجاد في الوسط برتقالي فيها دوائر سود وديكوراتها اوف وايت والتلفزيون فوق ماسه تحتها سماعات كبيره والجدر الثاني مجموعه صور لأيمن من وعاده صغير

اسيل تبسر صوره وتضحك

ايمن مبتسم لها بحب
الغرفه اللي جنبها غرفه صغيره فيها طاوله طعام خشبيه مستطيله فيها سته كراسي مع مكتبه نفس الشكل فيها كاسات وصحون وحاجات وساعه حائط  كبيره خشبيه

اسيل : ما شاء الله تحففه

ايمن بزهم للصاله الخارجيه صغيره فيها جزامه خشبيه وسجاد اخضر شجري واشجار اصطناعيه وكراسي استقبال صغار مع طاولتهن جنبها كان المجلس بيج  وديكوراته بيج غامق  وطاوله سداسيه في  وسطه وحمام ضيوف صغير لون ديكوراته وردي مع مرايته

شكريه بإعجاب:ماشاء الله يابني بالبركه الله يرزقك حقك ذيه مايسموه انتريك مدري فين قد بسرته

حسام بإندفاع: انتريه ياجده في غرفة اسيل

شكريه:ايووه صح

اسيل تبسره ومبتسمه:قلوود

ايمن قرب لاعندها:عجبتك الشقه

اسيل:قوووي

ايمن:الحمدلله بكل ماعندي من طاقه وقوه زينتها

اسيل:حلوو تستحقها يا أيمن

ايمن:اني وانتي اللي نستحقه وقريب بإذن الله نجتمع فيها

اسيل من قلبها:ياارب

وبعدما خرجوا من عنده رجعين لساره

ساره تحاكي شكريه:يمه لو تبسري بنت جيراننا في العماره اللي جنبنا مسكينه مدري من فعل لها سحر اعوذ بالله وبعدا قدلها ثلاث سنين متعذبه لوما الاسبوع الاول دلوها على شيخ سارت عنده ياحجاب الله ماشاء الله فك لها السحر امد اسبوع شاطر قلش

شكريه على طول خطروا ببالها ايمن واسيل:اها وينه هذا يابنتي

ساره:في شارع ال... الشيخ....

شكريه:يووه بعيد

ساره:للمه او عتسيري

شكريه ترقع:ماشي ماشاسير ولا

جلسين يتجابرين اتصلين لفاطمه يسلمين عليها

ساره:قد انا اشتي اوفي يمه

شكريه:مالش عاد انتي ماقد وفيتي شهر

ساره:خلاص كثره وقله سواء وبعدا عمي قال يشتي يرجع عدن قلت اوفي وعادهم هانا

شكريه:سابر الله يعين

ساره:غدوه ان شاء الله

شكريه شهقت:يووه منش صدق زد راعي لابعد غدوه احجزي منقشه وكوافيره

ساره:قد اتصلت لجارتي واحده تنقش قالت عتجي والكوافيره تكوفرني هذك اللي بنسير عندها دائماً

شكريه:سابر ماشتيتي

وجلسين يتجابرين










📚 @rewayatyamania  🇾🇪

.

البـارت رقـم 92 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


في اليوم الثاني
كان الوفاء حق ساره في بيتها وجابت مولده تغني لها وكان في كثير نساء ووزعت كيكه وبيبسي وبن بالحليب وكعك انواع

البنات العزبات خلوهن في غرفه لوحدهن كانين بنات عم وعمات ايمن موجودات واسيل عندهن لابسه لبس بني فرو بلوزه كم وكم لا وتنوره كلوش قصيره لافوق الركبه واكسسوارات ذهبيه ناعمه وشعرها ذيل حصان مرتفع مكياجها كان سمبل كحل ومسكره وحددت حواجبها وقلوس خفيف وشكلها كيوت

البنات ماسألنها حتى ايش اسمها بس عرفين من اميمه انها بنت خالتها

البنات يتشاورين يسألنها عن حبيبة ايمن كلفين لمى بالمهمه

لمى: انتي ياقمر ممكن سؤال ولو سوء ادب

اسيل:اتفضلي

لمئ: في بنت عندكم كدا دلووعه وهم معاهم فلوس

اسيل مافهمتها: مافهمت سؤالش

لمئ: بنت من عندكم دلوعه ومايعه وكذا

اسيل: مابش عندنا بنات مايعات

لمى: ياختي دلوعه كلامه بدلع وكذا

قاطعتهن سحر تدخلت في الموضوع: بنت من اقاربك دلوعه

اسيل تضحك:والله مش داريه على من تتحاكين اومن تقصدين

سحر: ياارب صبرني اللي كدا تجلس تلاحق ايمن

اسيل عرفت انهن يقصدنها حبت تستفزهن:مدري بس احنا في العائله مابش دلوعات

سحر تشاور مريم: معقوله ايمن يكذب انها من اهل امه

مريم: اسكتي بس ياخبر اليوم بفلوس بكره ببلاش

سحر ولمى يحاولين معاها



دخلت ولاء كانت في الغرفه الثانيه هي الوحيده اللي تعرف اسيل وانها حبيبة ايمن
بسرتهن قامت تسأل مريم تشاورها: ايش معاهن فوق الهبلاء هذي

مريم: نشتي نعرف منه من هي حبيبة ايمن وهي هبلاء صدق

ولاء ضحكت: ههه هي ذي نفسه حبيبته ياهبل

مريم شهقت لما التفتين كلهن لاعندها: كداابه

ولاء تأشر لها تسكت

مريم:يالمى تعالي

لمى قربت لاعندها

مريم شاورت لمى

لمى انصدمت:بالله

ولاء:والله واذا مش مصدقه لي اسأليها اسمها ايش بتقول لك اسيل هي نفسه حبيبة الاخ ايمن

لمى منصدمه رجعت لاعند اسيل: يابنت من هي اسيل تعرفيها

اسيل بضحكه دلع:ايوه هي انا ليش

لمى صاحت لا إرادي:بربك

اسيل:لايكون انا اللي تدوري عليها من اول

البنات مصدومات لمى ماعد جاوبت قلبت عيونها ومشت

قاطعتهن منى دخلت:ايسو فينش

اسيل:هوذا انا

منى:اخطي دفي غداء لأيمن قلش ماقد تغدى سريع

اسيل فرحت:طيب
خرجت تدفي لأيمن غداء

ايمن اتصل لمنى:فين الاكل حقي

منى:انزل المطبخ لاتهرم قلبي ادخل وغلق وكل سكته (كانت راكنه ان اسيل دفته)

ايمن نزل دخل المطبخ سريع قبل مايبسرنه النساء
بسر اسيل تدفي الاكل شكلها تجنن

ايمن انصدم من جمالها يشتي يخرج

اسيل التفتت بسرته هربت سريع لاوراء باب المطبخ

ايمن مصدوم من جمالها يستغفر ربه خرج طلع شقته وكل شويه يبسرها في باله

اسيل مستحيه تعرق متوتره وكل شويه تبسر لبسها تلطم نفسها




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 93 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


بعد مرور فترة
حسن كل شويه يشتي يزوج ايمن واحده من بنات عمته

ايمن واسيل يسيروا عند الشيوخ ماخلوا شيخ ماساروا عنده والكل يقول السحر ماعيفتك


بعد مرور سنتين
يوم حفل تخرج اسيل
ماسكه البوكيه تمشي بخطوات واثقه الكل عينه عليها زي التخرج لونه بيج على احمر مرتب شكلها

خالد وفاطمه دموعهم تنزل من الفرحه شافوا بنتهم خريجه

ايمن مبتسم لها اشترى لها فل طويل وبوكيه ورد وهدايا كثيره بالون هيليوم علبه بشكل قلب نصها علب صغير نوتيلا ونصها فراوله وهدايا كثيره غيرهن

الكل فارح فيها

شكريه وعبدالكريم اشتروا لها ذهب

امها وابوها اشتروا لها ذهب

كانوا بازيين اخوها الصغير غسان عمره سنه ونص

ايمن سار لاعند اسيل قبل ماتتكرم مبتسم لها بحب زادت ملامحه جمال: الف مبروك ياروحي مكنها البوكيه

اسيل بحياء: الله يبارك فيك وعقبى لك السنه الثانيه يارب واشوف احلى خريج

ايمن مبتسم لها: احبك

اسيل استحت ومشت

ايمن واقف مكانه

اسيل وقفت ورجعت عنده بخطوات هادئه: وانا والكل بقوه

ايمن ابتسم قوي لها

اسيل مشت
انزفت واتكرمت ونزلت تصوروا كلهم بحضور خالاتها واخوالها وعماتها وعمها

شكريه على يسارها اسيل وعلى يمينها ايمن

صح مرت سنتين وما افتك السحر بس امل ايمن واسيل بالله كبير وداريين ان اللي بيختاره الله لهم هو الخير دائما يدعو يترجوا في كل وقت في كل صلاه في كل سجده وجالسين يحبوا بعض

ايمن رغم محاولات جده بس رفض

اسيل وشهد مبسوطات صداقتهن اصبحت اخوه وحب وتعويض من الله لأسيل لفقدانها صاحبات كثير

شهد كانت صادقه مع اسيل في مشاعرها يحبين بعض كل المدرسه تضرب فيهن المثل بالصداقه
كل واحده اهدت الثانيه هديه حلوه بمناسبة تخرجهن

اسيل اصبح معاها اخ غسان رغم صغر سنه بس متعلق بها بقووه

دائماً هي وايمن كانوا يحزنوا على وضعهم مع بعض بس محد يبين للثاني كل واحد يظهر قوته قبال الثاني كانت تبكي تتألم بس ماتبين وتحاول تعيش بما عيكتبه الله لهم

ايمن رغم وجود كثير بنات حوله معجبات فيه لجماله والكل تتمناه بس مابيبسر في حياته الا اسيل

اسيل كذلك الكل يطمع فيها بس ماتبسر الا ايمن

حسن حلمه يبسر ايمن عريس كان يقوله يتزوج اسيل اهم شي يبسر عيال ايمن بس ايمن كان يكتفي بهز رأسه تمام ماكلم احد بحكايه السحر

انوار وسامي عايشين حياتهم مع بعض يحبوا بعض وكل يوم يزيد حبهم لبعض اكثر

سامي رجع احلام لشقتها بعد مرور وقت طويل مع انه ماكان ناوي بس ابوها تراشاه يرجعها ورجعها فوق مايبسرها ولا يسير عندها







📚 @rewayatyamania 🇾🇪

.

البـارت رقـم 94 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


بعد مرور شهر على هذا الحال

ايمن واسيل مكانهم متعذبين بسبب السحر، ومش راضي يفتك

حسن كان في عدن مرض قووي قالوا يفعلوا له عمليه في الخارج بس اصر انه مايسافر كان يقول لهم الموت لاجاني بيجيني حتى ولو خلف الشمس

اتصلوا لأيمن سافروا كلهم هو وامه وابوه واخوته

ايمن لانه يحب جده كثير مرض عليه وصلوا عدن بعد سفر طويل

ايمن اول ماوصل بسر جده دمعت عينه
كان نحيف تحت عينه هالات سوداء والكل متجمعين عنده

ايمن نزلت دموعه سلموا عليه وجلسوا عنده وشكله تاعب

حسن فرح من فوق تعبه لما بسر ايمن: ممكن تخلوني اني وايمن لوحدنا

الكل خرجوا

حسن: يابني انت عارف قدني تاعب ويمكن اموت اني احس انه...

ايمن قاطعه: لا لاتقول كذا

حسن: يابني اشتيك تكون قوي مش ضعيف كلنا بنموت هذي الحقيقه اصبر بس اشتي منك طلب

ايمن تنزل دموعه: روحي تفداك

حسن: اني كان دائماً حلمي اني اشوفك اب بس يمكن ما ألحق اشتي دحين اشوفك عريس بالبنت اللي تحبه يا أيمن مابغصبك على اي وحده تزوج اللي تحبه طلب مني صغير قبل ما اموت

ايمن دموعه تنزل مع كل كلمه جدها يقولها له تمنى في هذك اللحظه لو انه ماجاش للدنيا هذي اسيل وذلحين هو بين نارين نار جده ونار اسيل

حسن يبكي من بكاء ايمن

ايمن مسح دموعه: خلاص تمام ولا عليك اعرف امور

حسن ابتسم بحزن: الله يحفظك ويحميك يا ابني

ايمن: آمين بكره ارجع صنعاء واشوف اهله

اليوم الثاني
رجع ايمن صنعاء وحده بدون امه وابوه واخوته

اسيل كانت تتصله بس مابسر اتصالاتها

وصل كان ليل رقد قام الصباح اتصل لشكريه

ايمن: ها جده روحي

شكريه بفرحه: حياا كيف انتوا كيف حالها امك كيف حاله جدك

ايمن: تمام كلنا اني امس رجعت صنعاء

شكريه: يووه للمه

ايمن: اشتي اخطب اسيل

شكريه فرحت ابتسمت وسرعان ماتلاشت ابتسامتها لما ذكرت السحر:والسحر

ايمن:احنا دعينا وربي مابايردنا اتصلي لها تجي عندك واني باجي لكم ونروح عند الشيخ

شكريه:خلاص اخطى اتصل لخالتك اقول لها اشتي اسيل وهكذا ونسير

ايمن:يله تمام مع السلامه

شكريه:مع السلامه
وغلقت اتصلت لفاطمه تقول لها انها تشتي اسيل عندها تساعدها في نظافة البيت

وبعد ساعه وصلت اسيل سلمت على جدتها وقامت تشتي تبعد البالطو حقها

شكريه:لا لا خليش ايمن جايي لنا

اسيل استغربت:ايمن في عدن ياجده ومابيجاوب عليا من امس اتصله ما...

قاطعتها شكريه:ياهبلاء ايمن في صنعاء جاء امس قال يشتي يخطبش

اسيل اتفاجأت

شكريه:عنسير نبسر اليوم ماهو الخبر نسير عند الشيخ

اسيل توترت وتدعي

ساروا عند الشيخ بكميه صغيره من التفاؤل
وكان الرد كالعاده مابش فائدة

روحوا اسيل مهدوده مقهوره وايمن مقهور كيف يفعل ايش يقول لجده اللي رباه وحبه

اسيل اتخذت قرارها: ايمن انا شازوجك انا شختار لك بنت

ايمن بتردد: لا لا ان شاءالله بيفتك السحر

اسيل: خلاص لانعلق انفسنا بأمل مفقود خلاص يا ايمن هذا مختاره القدر لنا ماعنقدر نغيره طول عمرنا

ايمن نزلت دموعه بألم بحزن بإنكسار شعور في حياته ماكان يتوقعه يحب ويفقد

اسيل لاحظت دموعه ونزلت دموعها وابتسمت بألم: وعسى ان تكرهوا شيئاً وهو خير لكم خلاص ربنا كريم شوف حياتك وانا اشوف حياتي

ايمن ساكت وبس تنزل دموعه







📚 @rewayatyamania 🇾🇪

.

البـارت رقـم 95 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


في اليوم الثاني
ساره تفكر من تزوج ايمن حزينه على وضعه هو واسيل مقهوره عليهم

اروى كانت عندها ويتحاكين

ساره قررت تستشيرها:برأيش من نختار عروسه لأيمن (قد عرفت بخصوص أسيل وأيمن وعرفت بالسحر كانت متضايقه اصلاً من طريقه حبهم وتصيح فوق أيمن ليش مايخطب أسيل فرجع كلمها)

اروى:بنت اختك اسيل ماش..

قاطعتها ساره بحزن:مابش نصيب

ارور:عندي لك اقتراح شفتي بنت صاحبتك ذيك اللي كنا بنخطب اخته زوجه ثانيه لأخوكي سامي

ساره تحاول تتذكر شهقت: هاه رؤى بنت اسماء

اروى: بالضبط

ساره: فكره خلاص نستشير ايمن

بعد استشارة ايمن تردد بس اسيل مصره انه يتزوج وقالت له بكذب: اتزوج واذا لاقال الله مات جدك اتزوج انا وانت نفك السحر براحتنا
هذا الشي خفف من تفكير ايمن اللي تعبه
وافق على رؤى


الاسبوع الثاني
رجعوا صنعاء كلهم سارين فاطمه وساره ومنى يشترين مستلزمات الخطبه

ايمن حتى ماكان متحمس ولا رضى يجي معاهن كان مريض منهك نفسياً في شقته يشرب دخان بكثره يحس انه عيخفف من تعبه

اسيل منهاره في غرفتها

شهد تحاول تتصل لها مارضت تجاوب غلقت تلفونها وبس تتذكر ايامها مع ايمن تمر عليها بكل تفاصيلها من طفولتهم وكيف كان يكرهها ويحقد عليها وكيف اعترف لها بحبه وكيف كان جنبها في كل امورها عسرها ويسرها كيف كان لما يبسرها حزينه يحسسها بحبه وقربه واهتمامه فيها يحاول يفعل اللي يرضيها تذكرت لما مره زعلها انتظر لما يوم خرجوا امها وابوها جاء الليل كلف اصحابه حطوا سماعات كبيره قبال بيتهم ووقف قبال الشباك حق غرفتها ارسل لها رساله:انتظريني عند شباك غرفتك في الساعه 7 وفتح لها الاغنيه المفضله عندها وبدأ يغني لها هو واصحابه وجت تبسره جلست تتشاقره وتضحك عليه وسامحته كانت الذكريات الي ضحكتها في يوم رجعت بكتها وبحرقه

جهزوا كل شي بعدما كلموا البنت ووافقت كانت فارحه كانت دائماً معجبه بأيمن واهلها فارحين فيه


ايمن مقرر انه مايحضر الخطبه اساساً لولا اصرار فاطمه وساره: وعيب ماعيقولوا عليك وعلينا
قالين له يدخل نظره شرعيه مارضى رفض


جاء يوم الخطبه
الرجال في المجلس مخزنين ايمن يبسرهم سكته ولا قال كلمه لادرجه ان عبدالكريم استحى ورجع هو يتكلم بداله

اسيل كابرت ولبست وفعلت لها مكياج وسارت رغم ان حزنها وإرهاقها باين

كملوا قروا الفاتحه

ساره اتصلت لأيمن يدخل يسلم على عمته ام رؤى
ومارضى الا بعدما صيحت فاطمه وتوعدته انها عتزعل منه دخل سلم عليها سريع بدون اي كلمه

كانوا فارحين به:ادخلك لاعند خطيبتك يا ابني تبسرها

ايمن بإستعجال:لا مش ضروري
ومشى

فاطمه وشكريه وساره استحين من حركته

اسماء فسرتها انه مستحي
اسماء:ياساره ابسري احنا عندنا البنت ماتتواصل بخطيبها لكن لو ايمن يشتي يتواصل معاها ولا يهمه

ساره استحت مادريت ايش تقول لأنها متأكده ان ايمن عيكسفها وماعيتواصل برؤى

فاطمه تداركت الوضع:خليهم مادام العقد والعرس قريب يفقدوا بعض

اسماء:الا والله انش صادقه غير قولت لايضايقوا

شكريه تشاور ساره: قدهم شاريين لنا شراء

انوار حضرت بس كانت مقهوره على اسيل جلست جنبها مابعدت من عندها

دخلت خطيبة ايمن المجلس وهن كلهن يحجرين

اسيل بدون إرادتها نزلت دموعها تمنت لو انها مكانها في هذه اللحظه

انوار لاحظت عليها مسحتهن سريع قبل ما احد يبسرهن ومسكت يدها وخرجتها

اسماء وخواتها مستغربات مالهن خرجين وماقد سلمين على رؤى



ايمن روح شرب دخان كثير مع انه مايشرب طول حياته بس يحس ان الدخان يخفف عنه تعبه استغرب ليش انا مش زي اي واحد يخطب اكون فرحان واروح اشتري لها حاجات ليش انا بس اللي ماتزوجت حبيبتي دموعه تنزل لا إرادي يحاول يقوي نفسه بس ضعف امام حبه لأسيل غلبه النعاس ورقد بتعب وهو يتمنى انه ماعد يقوم من النومه

فاطمه وساره اشترين لها بوكيه ورد كبير وسلس ذهب بحرفها بالانجليزي وكذبين انه من ايمن

رؤى فارحه من قلبها

اسيل رغم محاولتها انها تخلي نفسها قويه ماقدرت جلست خارج هي وانوار مارضت تدخل او بالاصح ما كان لها قدره تستحمل الموقف حب ثلاث سنين حي بصدق بشغف بإهتمام في يوم واحد سار كله اكثر كسر انكسرت فيه في حياتها دعت ولأول مره من داخل قلبها على اللي فعلوا لهم السحر

اسماء خرجت لاعندهن:حياابكم حيا ادخلين مالكن خرجتين او تحتاجين شي لاتستحين قد احنا اهل قد عتبزوا بنتنا ونبز ابنكم

انوار ترقع: ...




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 96 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


انوار ترقع: مابلا بتتحسس من المداعه

اسماء: يووه جعلي مكسر عليش انا شاخلي اختي اللي تمدع تخرج من الديوان الله المستعان عليكن ليش ماتحاكني

انوار حلفت سريع: والله ماتخرج خليها

اسماء صاحت: يوه يابه عليا وهبت حلفت الله يسامحش والله زعلت منش

انوار قامت حبتها: ولاتزعلي ولا شي هوذا احنا اهل واقارب والبيت بيتنا عادي ولا جلسنا هانا مابش شي

اسماء: حيا بكن فوق عيني وراسي
جلست تجابرهن شويه وسارت

اسيل تحاكي انوار: اخلاقيين ياخاله الله يعوضه ايمن

انوار: آمين يا اسيل اقول لش حاجه وماتحاكي احد اني قلت لش

اسيل: قولي

انوار اخذت نفس: قبل كثير سنوات قبل مايخطب امش ابوش وعاد انا صغيره صف تاسع حبيت واحد وهو حبني طبعا حبنا زمان لارسايل ولا اتصالات ولا هدايا ولاشي بس نظرات وهكذا

اسيل فاتحه عيونها للأخير

انوار كملت: وجلسنا هكذا ودخلنا جامعه هو في صنعاء وانا في البلاد حقنا نفس التخصص انا اصغر منه بكثير بس بسرته دخل هذك التخصص دخلت نفس تخصصه من حبي له

وهكذا كانوا يقولوا اهله انوار ل..(ورجعت الاسم من فمها) كان يقولوا اني له وانا افرح وهكذا

بعدا كمل جامعه وجوا يشتوا يخطبوني(نزلت دموعها)

اسيل بسرتها ونزلت دموعها معاها

انوار: اختي ماخلتني اتزوجه

اسيل: منيره

انوار: ايوه يا أسيل سارت تحش عند ابي لا ومدري ايش وهو من الاقارب

قاطعتها اسيل: هو من اقاربش

انوار: ايوه وابوه زوجه واحده غيري وتزوج ومكانه يحبني كملت جامعه وجاء تقدم لي رغم انه مزوج

وسارت منيره تصيح عند ابي يابه ماشي انت مدري من وانوار يتمنوها كثير وتجي تزوجها بواحد مزوج حتى ولو ابن اخوك ومسكت انوار فمها

اسيل شهقت: خالي سامي

انوار بدموع: ايوه

اسيل بكت وبكت: وليش تبكي

انوار: دموع الفرحه جمعني فيه ربي وماكنت متوقعه يا أسيل بعد اكثر من 15سنه واتطلقت وخلاص نسيت سامي ماكان في ولاذرة امل وتزوجنا

اسيل بكت ومبتسمه بنفس الوقت:تظني عيجمعني الله بأيمن وبكت وجلست تبكي

انوار تبكي معاها: وماظنك بربك الكريم



بعد آذان العشاء
لبسين وجاء لهن حسام كانوا يتراشوهن يتعشين مارضيين

رؤى قامت سلمت عليهن وتوادعهن
قربت سلمت على اسيل: مع السلامه حبيبتي مابسرناش جلستي خارج مره ثانيه تجلسي نتعارف انا وانتي

اسيل تكابر: ان شاء الله حبيبتي المهم اوبهي لأيمن والله انه انسان طيب وخلوق وحنون الله يبارك لش فيه(قالتها بكل الم)

رؤى استحت: ان شاء الله وانتي عقبى لش وابسرش عروسه

اسيل وجعتها الكلمه: يله مع السلامه

توادعين وروحين بزهن حسام

اسيل وصلت حطت نفسها فوق السرير وبدأت تبكي بألم وجلست على هذا الحال

ايمن مقهور وحزين اكثر منها جالس يشرب دخان والسكري مرتفع عنده ومارضي يأكل

شهد زاعله على اسيل وكل شويه تتصل لها تتطمن عليها

شكريه سارت الخطبه بالغصب وجلست تنتقد رؤى

حسام كان زاعل على اخوه قوي ومقهور عليه

ساره تحاول تخلي ايمن يرجع طبيعي






📚 @rewayatyamania 🇾🇪

.

البـارت رقـم 97 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


يوم الجمعة
اجتمعوا كلهم في بيت عبدالكريم وحاكى احلام تنزل عندهم

اسيل كانت في الغرفه تمشط شعرها

احلام دخلت لاعندها: ايوه قولتي لي قد عيزوجوا ايمن

اسيل في نفسها(ما أظن انها داريه ان احنا نحب بعض):ايوه

احلام:صدق سرتي الخطبه

اسيل:ايوه سرت ليش ايش فيها

احلام بإستفزاز: يعني هذا حبيبش تسيري خطبته

اسيل انصدمت مادراها: من حبيبي

احلام: يووه لاتدعي الغباء حبيبش ايمن

اسيل: من قال من اي حين

احلام بضحكه مستفزه: من زمان لاتتغابي ياحاليه
انا بس مستغربه من ابوش هذا اللي ماعنده شرف

اسيل استفزتها الكلمه هذي وبعصبيه: انتي اللي ماعندش شرف واحترمي نفسش وحطي في لقفش عسل لما تتحاكي على ابي

احلام: احط في لقفش شنابل تبطلي لقافه

اسيل خرجت كل قهرها بصياح: انا شاوريش يامربايه يامحترمه عتبسري

الكل سمعهن تجمعوا للغرفه حتى ايمن دخل معاهم

اسيل تصيح واحلام تصيح وتسب فاطمه وخالد وساره وكلهم

ساره بصياح: احترمي نفسش مابنذكرش لاتذكرينا مادخلش مننا خليش محترمه وبنت ناس

احلام تتليقف وتصيح بأطول صوتها

حسام يسكتهن:اص خلاص صوت خالي سامي في الدرج

ساره صيحت وسكتت

واحلام تصيح وتسب بس وتسب اسيل

دخل سامي سمعها: ييه مابه

اسيل بكت كانت ضيقه من قصتها هي وايمن وبكت

سامي:مالش حبيبتي مابه من غثاش (والتفت لاعند احلام وساره):وانتين مال اصواتكن ملان البيت

سكتين ماعدا احلام:خواتك مدين يدهن عليا ويسبني وبكت بكذب

الكل شهق

فاطمه:من

ايمن قام بصياح:ياايه اني هنا عادني لاتخليني دحين اكسرك واوريلك كيف الكذب

سامي مستغرب ويسمعهم

شكريه:الكذابه هذ...

قاطعتهم اسيل بصياح وبكى:ياكذابه انتي اللي سبيتينا و تدعي على جدتي وعلى خالي سامي..

دخل عبدالكريم:مالكم مابه

النساء كل واحده تصيح

ايمن صاح فوقهن:اسكتين مله

افتجعين وسكتين

انوار تضحك

سامي:مالش تضحكي

انوار تضحك بس ماقدرت تسكت

عبدالكريم:مابه مامعاكن

الكل تبرر لنفسها

ايمن صاح:واحده تتكلم

انوار ضحكت ازيد

سامي مبتسم لضحكتها بحب

ايمن:عقاب لك تتكلمي انتي يله

انوار تشرح له وهي تضحك:احنا كنا جالسات عادي وماسمعنا الا صياحهن دخلنا نفرع واحلام تسبنا وتدعي علينا

سامي التفت:وانتين مالكن ايش حصل

جلسين يبررين وكل واحده ترد الحق على الثانيه

سامي صيح فوق احلام:لاتكون تدخلي بخواتي ريحي لش

احلام افتجعت:خلاص ناهي انا آسفه

سامي يصيح ويتوعد

ايمن صيح فوقهن كلهن ماعدا اسيل




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 98 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


ومشت الايام واسيل وايمن منهارين وكل واحد منهم تاعب اكثر من الثاني

لما جاء عقد ايمن
كان الرجال ملان المجلس

اسيل كابرت كثير وهذه المره ماعد قدرت تعذرت لفاطمه ان شهد عتجي عندها وماسارت العقد جلست تبكي ومقهوره

ايمن نحف قوي وشكله مكبود وماحتى يتحاكى سوا مع اخوة رؤى

اصحابه يحاولوا يرقعوا له ويتحاكوا بداله هم

عقدوا له ووقع ووقعت رؤى وهي فارحه والنساء بيحجرين لها وفارحات لها

جاء اخو رؤى الكبير: الف مبروك يا ايمن ذلحين عتدخل عندها

ايمن من الصباح يقول لاصحابه انه مايشتي يبسرها: ا..

قاطعه سريع بصياح عبدالله: ايوه ايوه عيدخل(وقبص ايمن)

اللي في المجلس استغربوا ماله صاح هكذا

وايمن قده مبهرر لعبدالله التفت لاعنده وبصوت واطي: باوريلك ياشوز

اخو رؤى بسرهم يتشاوروا

عبدالله دعس ايمن برجله: اخوها جنبك

ايمن التفت لاعند اخو رؤى ابتسم بمجامله

عبدالله وتركي وزبير يضحكوا لاخو رؤى بتصنع: ههه

اخو رؤى مسك يد ايمن ودخله للصاله كانين النساء كلهن هاناك لابسات وملثمات ورؤى فوق كرسي و جنبها كرسي لايمن

اخو رؤى اشر لأيمن يجلس

ايمن حزين وموطي راسه ذكر في هذه اللحظه اسيل كيف بنى احلامه معاها وانهم عيتزوجوا وايش عيسموا عيالهم اثثوا الشقه على ذوقهم وكل هذه الاحلام انهدت في لحظات
جلس ماحتى بسرها

النساء يحجرين فاطمه تصورهم فيديو

اخو رؤى: هيذه بنتنا يا أيمن انتبه لها حطها بعينك هي امانه عندك

وانتي يارؤى اوبهي له ارحميه وقدري ظروفه

النساء حجرين

اخو رؤى خرج من عندهن

ايمن جالس مكانه ماتحرك

قربت فاطمه لاعنده تشاوره: افتش لها

ايمن بسر فاطمه: ماعه تفتش لنفسه على ما أظن معه يدات

فاطمه قبصته: اص لاتكسر نفسها من ذلحين افتش لها لاتعمل لنا فضيحه لو سمحت يا ايمن

ايمن معاند ولاتحرك

فاطمه زعلت: والله لا اوريك ياوسخ اتقي الله البنت ماذنبها

ايمن اخذ نفس والتفت لاعند رؤى

فاطمه فرحت في نفسها(داريه ايمن يسمع كلامي)


ورجعت تصورهم

ايمن فتش لها

اسماء صاحت ورجعت الطرحه: راعي ابدأ اقرا الفاتحه

ايمن تأفف

ساره استحت

ايمن قرأ الفاتحه وفتش لها

النساء يصيحن ويحجرين

ساره تأشر له يبوسها

ايمن بضبح باسها فوق راسها ولاقال لها كلمه حتى مابارك لها

اسماء قربت لاعند ساره: ابنش يستحي قوي حتى يوم الخطبه

ساره ترقع له: ايوه خزوي من وعاده صغير

اسماء قربت لاعندهم: اخطوا معي للغرفه هذك اجلسوا وحدكم تعارفوا

ايمن قشع حواجبه: ا..

قاطعته فاطمه سريع: يله يله جوا
مسكته بيده بهررت له قربت تشاوره: عيب ماشجلس اشاورك على كل شي اخطى سكته قبالي حاكيها وجابرها اسألك بالله لاكسرت نفسها

ايمن: تمام

دخلوهم الغرفه

رؤى كانت لابسه فستان طويل ومنفوش قوي لونه وردي وفاعله مكياج وتسريحه اوفر مناسبها وشكلها حاليه

جلسوا ساكتين

ايمن ماحتى رفع عينه يبسرها

رؤى حبت تكسر السكوت: الف مبروك

ايمن سكت شويه وجاوب: الله يبارك

رؤى:مالك ساكت لاتستحي مابش احد

ايمن التفت لها بإستغراب بسرها سرح

رؤى:عجبتك

ايمن اخذ نفس:لا






📚 @rewayatyamania 🇾🇪

.

البـارت رقـم 99 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


ايمن اخذ نفس:لا

رؤى استغربت التفتت لاعنده:ا..

ايمن سريع ذكر كلام فاطمه وبإندفاع:ايوه اكيد قمر

رؤى استحت:شكرا لك

ايمن يبسرها طبيعي: من الان وبما انك زوجتي باكلمك بحاجات لازم تتقبليها

رؤى حاطه عينها بعينه:تفضل

ايمن:شوفي اولا الوجبات والاكل تنوعي لي مش كل يوم نفس الحاجه اشتي اجي البيت الاقي الاكل جاهز سواء صبوح او غداء او عشاء طبعاً بالنسبه للغداء اني اتغدي على ثلاثه اربعه في العصر لبسي اول ما أحط حاجه في سلة الغسيل لو ايش مامعك اجي اليوم التاني وهي مغسله النظافه اني عندي هوس في النظافه يعني ما أشتي الاقي وسخه والا سامان(صحون) في المطبخ وصلني ووديني وخرجات ودخلات مايعجبني فاهمه بتروحي مكان روحتي مش تأكلي قلبي وديني وروحني اعملي كل واجباتك في البيت ومابا حاسبك روحي حتى خلف البحر لو تشتي اما البيت وسخان والاكل كركبه والملابس وسخانين لا طبعاً اني فيني سكر سوي لي اكل مناسب وبس

رؤى بإبتسامه وهي تبسر لأيمن:عيوني الثنتين

ايمن مسك يدها:شوفي يارؤى اني باكون محترم ومتفاهم معك باعطيكي حقوقك كل اللي تشتيه بس البدايه خلينا نتفاهم علشان ماتحصل مشاكل بعد الزواج وكدا وما أشتي تزعلي وتتحسسي اني احب واحده تمام اخذ نفس اعشقها قريبتي حبينا بعض تقريبا لأربع سنين و..

قاطعته رؤى:ماتت

ايمن:لا بعيد الشر المهم الظروف منعتنا من الزواج اني طول عمري باجلس احبه اذا انتي موافقه تعيشي معي على هذا الاساس تمام اذا مش موافقه تكلمي من الان اني عن نفسي ماكنت مستعد للزواج...


ولا اعرفك ولا اح..(رجع الكلمه من لقفه)

رؤى عاجبها جماله وفي نفسها عتحبني غصب شاوريك: عادي عتتقبلني

ايمن استغرب منها: المهم زعلات كل فتره وشكاوي وهو مايحبني وهو مايجي البيت ما أشتيش كلمتك من الان وانتي اخبر

رؤى ساكته وتجابره طبيعي

ايمن صح انه مايحبها ولا يشتيها بس كسرت بخاطره واتخيل اخته في مكانها باسها فوق راسها: واذا قصرت بأي حق من حقوقك عاقبيني

رؤى ناسيه الدنيا كلها فارحه: ماشسخى عليك قول لي ليش نحفت من خطبتنا

ايمن: ليش شفتيني اصلاً

رؤى استحت: يعني ورتني عمه ساره بالصور

ايمن: اهاه عادي بس كذا اني انحف واسمن بين كل فتره وفتره

جلسوا يتحاكوا ايمن ماعجبته ولا حبها بس احترمها كزوجه

رؤى فارحه وتتخيل حياتها هي وايمن

اسيل مكسوره تاعبه حالتها حاله تحت عينها الهالات السوداء وجهها وانفها حمرين من كثر البكاء عيونها مورمات

ايمن خرج من عند رؤى تذكر اسيل سار اشترى لها حاجات بوكيه ورد وبوكس شوكلاته وعشاء بيتزا وحلويات ووصل للفيلا حقهم
اتصل لها

اسيل ماكانت تشتي تجاوب تحاكي نفسها(ضروري اجاوب اكيد انه ماعيتصلي الا وهو ضيق
عدلت صوتها وكأنه طبيعي جاوبت): الوو

ايمن نسى كل احزانه بمجرد سماعه صوتها: كيف الحلوه حقي

اسيل تحاول تنسى كل شي حصل وتحاكيه طبيعي: تمام وانت اخبارك الف مبروك

ايمن: اسيل لوو تسمحي نسيني هذا الموضوع مش تذكريني فيه

اسيل: خلاص تمام ولا تزعل

ايمن: فينه غساني

اسيل: غسانك وبسامك عندي جننوني جنان

ايمن: اخص عليهم اني باوري لهم خلاص نزلي واحد منهم لاتحت

اسيل شهقت: ليش انت تحت

ايمن بضحكه: ايوه

اسيل: طيب باي
وغلقت وتصيح: غسان بسام ايمن نازل انزلوا عنده

فرحوا ونزلوا لاعنده

بسام انتبه لغسان لايتكحول(يسقط) امسكه سواء
طلعت سريع للطيرمانه تبسر ايمن بسرته بس بعيد شويه جلست مبتسمه متناسيه كل اللي حولها

ايمن مكنهم الحاجات: بسام تعال

بسام سار لاعنده

ايمن: بوس خاله اسيل وانتبه له انت الرجال حق البيت تمام

بسام: تمام

غسان مش فاهم مابيقولوا يقلد بسام: تمم

ايمن ضحك عليه: يله باي ياتمم

اسيل تبسرهم بسرت ايمن طلع السياره وفحط والعيال معاهم اكياس كثير نزلت سريع من الطيرمانه للبيت جلست مراعيه لهم وصلوا مكنوها الاكياس

اسيل بإستغراب: ايش هذا

بسام: من ايمن الازرق

اسيل ضحكت: لا يسمعك اسكت
فتحت الحاجات وهي مبتسمه رسلت لأيمن رساله: شكرا وماكان في داعي تكلف على نفسك
فتحت البيتزا

غسان و بسام صاحوا: بيتزا بيتزا

اسيل: اصه اسكتوا اذا ماتأدبتوا ماشاطعمكم

سكتوا

اسيل قربت الاكل فوق طاولة الاكل وجلست تأكل هي وغسان وبسام

وتتراسل هي وايمن نسوا شويه واقعهم وعاشوا









📚 @rewayatyamania 🇾🇪

.

البـارت رقـم 100 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


وتتراسل هي وايمن نسوا واقعهم شويه وعاشوا بعالم ثاني

بدأين يتكسين ويحجزين كوافير لعرس ايمن

اسيل تكابر معاهن وتحجز وتشتري لها فساتين
قررت ماتسير الا يوم الابيض بس اشترت لها فستان منفووش طويل لونه سماوي فااتح

فاطمه: يووه ماهو هذا يا أسيل

اسيل في نفسها(شاوقع ساع العروسه): ماهو ياماما

فاطمه: مالش هذا الفستان لحفلة عقد اووفر مايناسبش

اسيل: ماعجبني الا هو

فاطمه: يابنتي انتي انيقه وكيوت مالش سرتي تختاري هذا بكله عينكعش شكله اثقل منش

اسيل: سهل ياماما مابش معانا اقارب احضر اعراسهم ومابه الا ايمن خليني اتهنى

فاطمه: براحتش الله يهديش بس عتسيري تتنقشي معانا

اسيل: مع مايعجبني النقش

فاطمه: سابر الله يهديش بس

اسيل: انا شخرج مع صاحبتي احجز لي اشتي ميكب ارتست مبدعه

فاطمه: تمام سيري الله يفتح عليش

اسيل تحاكي نفسها شلبس فستان منفوش وافعل كوافير ومكياج اوفر واكسسوارات فخمه وشوز كعب عالي شاوقع ساع رؤى

سارت العصر تحجز لها ميكب ارتست هي وصاحبتها واشترت لها كعب عالي وعطور وحاجات وقلبها يحرق بس تكابر

ايمن يتصل لها وهي تكنسل تحس ان علاقتهم لازم تنتهي

ايمن تعب قوي وارتفع له السكر قووي وصيح الدكتور فوقه انه ينتبه لنفسه

اسيل تتمنى لو انها في حلم وعتقوم منه وتلاقي الدنيا بخير وتلاقي نفسها صغيره وتتضارب هي وايمن وماتطيقه اتمنت لو انها ماحبت ولا دخلت للحب جلست تدعي لكل شخص يحب انه يكون في نصيب له

فتحت الفيسبوك لقت كلمه(اللهم لاتهبنا لمن لانهوى ولاتهب مانهوى لسوانا) حست ان الكلمات هذي تعنيها تعبت من البكاء تمنت تموت وخلاص او تفقد الذاكره وتنسى كل شي تغيرت حياتها ماتوقعت يحصل معاها هذا وتحضر عرس ايمن بواحده غيرها

اسيل:انتي داريه ياشهد انا شانهي علاقتي بأيمن

شهد شهقت:ماهو مابتقولي

اسيل:انا خلاص شانهي علاقتي بأيمن تفهمي او مع

شهد بصدمه:وليش يامجنونه

اسيل:مامجنونه الا انتي اصلا انا اكون ظلمت نفسي وظلمت مرته خلاص خليني هكذا لوحدي وربي اللي بزه مني عيعوضني بأحسن منه

شهد:اسيل عتنهي حب السنين هذا كله عشان ايمن مجبور يتزوج

اسيل:ياشهد اسألش سؤال انتي راضيه تتزوجي واحد يحب واحده غيرش

شهد:لا طبعا

اسيل:راضيه يراسلها ويتصل لها

شهد تبرر:يعني لو انا وهو...

قاطعتها اسيل:شهد خليش واقعيه

شهد:الصدق ماشرضى شاخليه يطلقني

اسيل:خلاص اسكتي انا ماشنسى ايمن ولا معناها اني الغي تواصلي به ان انا انسى حبه يمكن شجلس طول حياتي احبه بس شابطل اتواصل معه علشان لا يبتليني الله بواحد يحب واحده غيري

شهد بحزن على علاقتهم:الله يختار لش مافيه الخير


في الليل
بيت احمد
ساره طلعت لاعند ايمن لاشقته دقت الباب وفتح لها ودخلت

ساره: ايمن يا ابني اسمعني ابسر رؤى مالها دخل في انك تحب واحده غيرها شوف صح ان اسيل بنت اختي واني احبها ساع واحد زيكم بس تبقى رؤى مظلومه يعني انا ماشاقلك لاتحب اسيل الحب من عند الله بس اللي شاقوله لك ان انت تتقي الله في رؤى

ايمن: انا متقي ربي فيبه قلت له صرفتك حقوقك كله بتوصل لك وخلاص مابظلمه بحاجه

ساره: خيرة الله قصدي اتصل لها اتطمن عليها مامعاها تفرح الا هذه الفتره خرجها في مطعم يعني انت اخبر

ايمن بعدم اقتناع: ان شاء الله خير <ثم اني احببتكي حبا
لم يحبك كمثله احد احببتك حبا جعلني لا ارى سواك في الكون احببتك حبا جعلني اشعر انك اصبحتي شيء ما بداخلي شيء يخصني اذا غبتي عني لفتره قصيره اشعر اني فقدت ذاك الشيء الذي بداخلي
فلتعلمي ان كلماتك الصغيره تلك ابتساماتك وضحكتك تعمقت بداخلي بقوه بل واستوطنت به>
بقلمي


اسيل مضطربة بين انها خلاص تنهي علاقتها بأيمن لانه اصبح شي مايخصها او انها تواصل معه وتظلم نفسها وتظلم زوجته

اتخذت قرارها الاخير انها تقطع علاقتها بأيمن صح ان القرار كان جدا صعب عليها بس جاهدت نفسها انها تخلي حبه في قلبها وبس وتخليه يبسر حياته الجديده مع شريكته الجديده

قامت بتعب لادولابها خرجت الفستان اللي عتلبسه في عرسه كانت تبكي تقلب الفستان تتأمله ودموعها تنزل بألم جهزت حاجاتها حق يوم العرس وتفكر كيف لما تبسره ينزف هو وواحده غيرها ويقطعوا التورته ويتصوروا كيف عتمسك نفسها كيف عترقص وتكون طبيعيه زي باقي البنات كيف عتفعل هذك اليوم




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪