اهلا بكم متابعينا اينما كنتم...

حابين نعرف متابعينا من اي مكان بتابعونا اذا كنتوا من اليمن اخبرونا من اي محافظة واذا من خارج اليمن من اي دولة وماجنسيتكم... مرحبا بالجميع في العين وفوق الراس🙆‍♀🙆‍♂
---------
- اليمن

عمرررران
-----------
- السعوديه♥️🚶🏻‍♀.
-----------
- اليمن صنعاء😊
-----------
- البـيضا۽
-----------
- اليمن♡ذمريكا
-----------
- انا بنت
من صنعاء
-----------
- اليمن /الضالع
-----------
- عمرررران
-----------
- السعودية🇸🇦
-----------
- آيـمـي آلخآشـه : آليـمـن / صـنعآء
-----------
- اليمن #ارض البراكين_ غور_ لهب
-----------
- اليمن _ الحديدة
-----------
- من مأرب .... جنسيتي يمنيه مأربيه
-----------
- اليمن ❤حجه❤
-----------
- #شبل_عمران
-----------
- من قطر ❤️😊
-----------
- وصااااب
-----------
- /start
-----------
- 🔴
-----------
- عمران مقيم في ألمانيا
-----------
- سوريا
حلب
-----------
- اليمن/تعز😍
-----------
- اليمن... الحديدة😍
-----------
- اليمن /صنعاء العشق😍😍😍
-----------
- آلّيِمٌن / صنعاء💙💙
-----------
- 🇾🇪اليمن/أب
-----------
- من , اليمن , مححافطهۃة , اب
-----------
- liks
-----------
- من الصومال والجنسية يمنية
-----------
- من اليمن ريمه😊
-----------
- 🇾🇪اليمن إب
-----------
- انا من تعز وساكنه في صنعاء
-----------
- من عمران 😁
^^^^^^^
34 تعليق

غيرنا التعليقات بحيث ما تظهر اسماءكم عشان تعلقوا براحتكم.. ارجو التفاعل

💔


بــارتــات يـومنــا الخميــس 😍👇🏻

.

البـارت رقـم 41 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


عند اسيل
كانت تتذكر اهتمام ايمن فيها بالفتره الاخيره وتتذكر نظراته لها ابتسمت لا إرادي

فاطمه فتحت باب الغرفه وشافت اسيل ممده وسارحه ومبتسمه

فاطمه: الله الله على ايسو قدي بتفكر وتسرح وحركات

اسيل التفتت لاعند امها : ههههه كنتي خليتني اكمل

فاطمه بمزح: ماقد معانا من قد اشغل تفكيرش

اسيل اتمددت اكثر وبمزح: انا افكر ايش عدا اسمي عيالي في المستقبل

فاطمه بهررت وبضحكه: حرام ان اللي يستحوا ماتوا

اسيل: اول خليه يجي

فاطمه: لا ومراعيه له

اسيل ضحكت اكثر

فاطمه:ناهي ناهي قومي كلي يله

اسيل:طيب بس نورا اين هي

فاطمه:سارت تمسي عند خالتش ساره

اسيل على طول جاء ايمن ببالها وسرحت

فاطمه:حسبنا الله ورجعت قومي قومي بس

اسيل: حاضر ياماما صدق عتسافروا تتعالجوا وتدوا لنا بيبي

فاطمه:ايوه ان شاء الله قولي ياارب

اسيل من قلبها:يارب ارزقنا بيبي
وخرجت تتغداء


عند ساره
جالسه تفكر من تزوج سامي ازوجه هذك بنت ال..بس مشي عاقله قوي ادور خطابه تبسر لي واحده


عند سامي
كان ممدد في غرفته ويفكر من عتختار له ساره وسمع ابوه يصيح خرج مالك يابه بسر عبدالكريم يتصل ويصيح ورجع خرج طلع في شقته هو واحلام وماسمع شي وماعرف ان انوار تطلقت

عبدالكريم: والله ماترجع له رجعه جاي يقول لي قد تطلقت خلاص ذكرها ذلحين......
مابش احد يطلق وهو يضحك كلهم متعصبين خلاص....
بعدما غلق.

شكريه:مالك مابه قد صوتك في الشارع الثاني

عبدالكريم:قلش يشتوا يرجعوا انوار

شكريه شهقت:يوه مابش خلاص قد طلقها رجعت نفسه

عبدالكريم: قلش هو غضب سهل كانه ضابح وسار ووقع في المحكمه قلت لهم مابش احد يطلق وهو يضحك بعدا احنا سدينا معه بالحلا ووافق وسار بنفسه بالمحكمه يطلق ومابش شي رجعه ماهي راجعه

ساره اتصلت لأروى تستشيرها واروى دلتها على واحده مطلقه بس عاقله ومؤدبه وكبيره شويه

ساره: خلاص تمام يا أروى غطوه انا وانتي نفحط نبسرها بس ماعد شسأل عليها قد انتي اخبر

اروى:لا والله اركني عليا كلهم يشكروها

ساره:خلاص شخطى احاكي سامي مع السلامه

وقفلت اتصلت لسامي:ها بشري

ساره:لقينا لك واحده يشكروها مطلقه ماقلت اسير غطوه ابسرها

سامي:ايوه تمام وافتحوا لهم موضوع

ساره:خلاص تمام مع السلامه

سامي قفل وتذكر انوار على طول:سامحيني والله ماكنت اشتي اضيعش من يدي كنت ولا زلت ابسرش حياتي بكلها بس مانفعل انتي ذلحين مع زوجش مفتهنه مرتاحة نفسي ابزش منه بس حرام خليش في حياتش الله يسعدش (ماكن داري انها تطلقت)







📚 @rewayatyamania 🇾🇪

.

البـارت رقـم 42 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


وفي اليوم الثاني كانوا مجتمعين في بيت عبدالكريم

فاطمه وساره واروى سارين يبسرين البنت اللي عيخطبوها لسامي وشكريه ماكانت داريه قالين لها يكملين كسوة منى

ووصلين وتسالمين وكان في خواتها وخالاتها وامها
وبعدما تسالمين دخلت واحده تسلم ووصلت لاعند ساره والثنتين بنفس الوقت حييا

ساره: كيف انتي ماعد بسرناش

اسماء بفرحه: قدنا فاقده لش انا اللي ماعد بسرتش

ساره: مانفعل عرس منى قرب وجاء فجأه وكودنا نلحق الكسوه

قاطعتهن فاطمه:ذلحين ماهو تتعارفين والا كيف

اسماء:ايوه ساره صاحبتي من ايام المدرسه وانتي من انتي

فاطمه:حيابكم انا اختها وتذكرت ها حييا بش انتي ام رؤى

اسماء:الله يحفظش ايوه عرفتيني انتي جيتي بعرسي مع سوسو وعاد انتي عزبه

فاطمه: حيا بش حيا ايوه عرفتش وجت عندش امي وساره بولادش برؤى

اسماء:اييوه مسرع الايام تمر والتفتت لاعند ساره كم بين رؤى وايمن ابنش

ساره: سنه ونص هوذك جيت ازورش وابني عمره سنه ونص

ام سعاد :ايوه احنا نعرف سوسو من زمان قدنا اشببها لكن قلت ماشي ساره ماهي حامل

ساره: قدني بالسادس والتفتت لاعند اسماء ذلحين انتي ماتقربي لسعاد(اللي عيخطبوها لسامي)

اسماء:خالتها اخت امها

ام سعاد:حيا بكم فوق العين والرأس

ساره:لش الحياه

فاطمه:يعني طلعنا نتعارف

اسماء:بسرتي واروى وانتي ماتقربي لهن

اروى:المز حق ساره اخي

ضحكين كلهن

اروى وانتين والتفتت لاعند ساره واسماء كم قد لكن ماتلتقينش

ساره واسماء:شهرين يمكن

اروى:هههه مله اني احسب خمس سنين على صياحكن ذا

ساره واسماء ضحكين

وجلسين يهدرين ويتجابرين وتعرفين على سعاد عاقله ومؤدبه وحاليه

ساره قربت تشاور فاطمه: مارأيش نقول لهم ذلحين ان احنا نشتيها

فاطمه:مع راعي شويه نزيد نقول لسامي

ساره:خلاص تمام وانا اقول نقول لهم ذلحين نختصر الوقت

فاطمه:سهل ماعيطير قد له مدري كم مزوج ياصابر سنه باقي لك شهر

ساره:يله خيرة الله


في بيت عبدالكريم
اسيل كانت في الغرفه وصاحباتها يحاكنها من ايمن وياريته يقرب لهن ويتحيلين له جالسه وحدها والباقيين في الغرفة الثانيه يبسروا التلفزيون

اميمه تحاكي نورا: مالها اسيل جالسه لوحدها بالغرفه

نورا: مدري اصه خليني اسمع الحلقه

ايمن في نفسه: روح يا أيمن اعترف لها بحبك فرصه مابتتكرر وتردد شويه ورجع فكر انه فرصه يكلمها لوحدها سار لاعندها للغرفه اسيل بسرته وسكتت
ايمن:اسيل ممكن شويه اكلمك

اسيل:تفضل

ايمن:اسيل احم كنت اشتي...

قاطعته اسيل بضحكه:عتتحاكى

ايمن: اذا الموضوع ماعجبكش لاتزعلي مني ولاتتتضايقي

اسيل كانت تحس قلبها يدق مدري ليش:طيب ها ماشزعل

ايمن:احلفي ماتزعلي وكمان ماتكلمي احد

اسيل:يله افف

ايمن: اسيل شوفي اني صح كنت اكرهك واغار منك ودائما علاقتي معك مشاكل ولا كأن احنا اقارب اولا قبل كل شي وغمض عينه اني آسف

قاطعته اسيل: عادي سهل كلنا نغل... قاطعها ايمن بسرعه: اني احبك

اسيل التفتت له وانصدمت: ايش

ايمن: متل ما سمعتي اني احبك

اسيل بعدم استيعاب: عادي سامحتك واعتبرك مثل اخي

ايمن:اني احبك مش بس كأخت كحبيبه كمان ومش لازم تبادليني اني بس حبيت اعلمك بالاول اني احبك

اسيل ساكته وتبسر لاعنده بصدمه

ايمن كمل: واني اطلب منك الان ان تفكري في كلامي واتمنى انك تبادليني نفس الشعور اني بنتظر لك لما تجي وترديها لي وادا مارديتيها عادي بيكون حبي لك من طرف وخرج من الغرفه

اسيل كانت مصدومه ومش مستوعبه شي:ياريتني في حلم وشاقوم منه وجلست مغمصه عينها ومش قادره تستوعب كلامه

ايمن بعدما خرج من عندها تنهد براحه: اووف اها واعترفت له دحين بترده والا بجلس طول عمري معلق
وقام يتصل لعبدالله يكلمه

جاوب عبدالله:ها ابشر مافع...

قاطعه ايمن بفرحه:كلمته اعترفت له

عبدالله بحماس :ايش قلت لها وايش قالت لك

ايمن:اعترفت له وخرجت ماخليت له فرصه تتكلم او ترد

عبدالله:يا اهبل ليش كنت عتسمع منها

ايمن:خفت ترفض خرجت سريع

وجلسوا يتحاكوا ويخططوا وايمن يخطط انه اذا هي جت واعترفت له عيخطبها








📚 @rewayatyamania 🇾🇪

.

البـارت رقـم 43 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


وبالمغرب روحين ساره وفاطمه ودخلين للغرفه لاعند سامي

فاطمه:سرنا وبسرناها

ساره:توكل على الله يا أخي

فاطمه:الصدق باين انها عاقله ورزينه

ساره:وبعدا مميزين ومحترمين

فاطمه:وطلعت خالتها صاحبة ساره من زمان

ساره:وو...
بسرت سامي سارح ولا عليه من كلامهن:سامي مالك مابه احنا نحاكيك

سامي:ولا شي احس خلاص ماعد اشتي

ساره شهقت: يوه مالك بنت الناس مشي لعبه

فاطمه:تخيلي لوكنا حاكيناهم

ساره:يووه والخزى اين كنا عندي وجوهنا منهن

فاطمه: سامي ركز وينك

سامي بهمس: بعد انوار ماعد اشتي احد

ساره وفاطمه سكتين وزعلين عليه
وجلسين يبسرين لاعنده وهو ساكت وكل واحده تفكر في وضعه

قاطع سكوتهم صوت فاطمه شهقت وبفرحه : يا سامي ندي لك انوار

ساره صاحت اقوى بحماس:ايووه صح ذكرتيني

سامي بحزن:امانه تشتين تخربين حياة البنت هي وزوجها

فاطمه وساره صاحين في نفس الوقت: قد تطلقت

سامي ماركز على كلامهن:ماهو

فاطمه:تطلقت انوار

ساره بعدها: قصدها انوار تطلقت

سامي التفت لهن بصدمه وفرحه ويحس الدنيا مش واسعته:ماهو ماهو بتخرطين صح

فاطمه بفرحه:مالك والله مابنخرط

ساره تتقفز وتحجر:الله يتمم

سامي ضحك بقوه ضحكته من سنوات طويله ماعد خرجها

فاطمه:يسس عنحاكي ابي ويطرحوا كلام وهي تفكر امد ماتتم عده وزوجناكم

سامي كانت تترد في باله كلمه زوجناكم كان يحس انه اول مره يتزوج ويفكر عتوافق او لا عاد هي تحبه او لا

فاطمه: سامي فين قدك لاتهم خليها عليا انا شاحاكي ابي

سامي: ان شاء الله يارب توافق

ساره: الله يتمم لك على خير ياارب

سامي من قلبه: آمين

ساره خرجت تتصل لعمتها ام انوار

ام انوار: حيا حيا بروحي

ساره: لش الحياه والنجاه

ام انوار: كيف انتوا كيف شكريه كيف حالكم

ساره: بخيرين كلنا ونسلم عليش وانتي كيف حالش وكيف انوار وبيان والعقربه(تقصد اخت انوار الكبيره)

ام انوار بضحكه: بخيرات كلهن والعقربه حانقه من زوجها

ساره: تشتي الصدق ولاتزعلي مني تستاهل

ام انوار: ولا شزعل ولا شي تستاهل اكثر صح اني بنتي وانا امها واحبها لكن خلاص شبعتني دنيا

ساره: حسبنا الله تذكري حين جاء سامي يتقدم لانوار اول مره وسارت لاعند عمي تصيح وتقول يابه ماعيقولوا عليك الناس تزوج الصغيره قبلي وانا اكبر منها وبعدا تقدم لها سامي مره ثانيه وسارت لاعند عمي تقول مع يابه لاترضاها على بنتك لاعند طبينه وزد ماعيقولوا عليك الناس تزوج بنتك لاعند واحد مزوج

ام انوار بحزن: عادنا اتذكر هذك اليوم بعيني لما جاء سامي يتقدم لانوار المره الثانيه وجت من بيت زوجها تصيح فوق عمش مادخلها انا ماقد بسرت اخت تخرب على اختها الا هي

ساره تنهدت: سهل ربش كريم ابسري كيف عيفعل بها وكيف علاقتها بأنوار

ام انوار: والله انتي داريه بانوار ماتحب المشاكل تسكت وهذك تتليقف وكلما تجي تدور لها مشاكل مع انوار

ساره: الله عيفرح انوار عتبسري راعي بس

ام انوار مافهمت: يارب




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 44 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


عند اسيل
كانت تفكر بكلام ايمن وعقلها مربوش من التفكير: ذلحين هو يحبني كيف هكذا بيوم وليله وجلست تفكر: حتى لو حبيتك يا أيمن ماشا اعترف سريع وضحكت على نفسها

قاطع تفكيرها حسام:ايسو جي نتعشي قربوا هيا

اسيل:يله تمام

وقربوا للعشاء
ايمن يبسرها ويبتسم لها واسيل مستحيه بقوه
وكانوا كل العائله متجمعين بياكلوا

ايمن بسر اسيل تبسر لاعنده قام يفعل لها حركات ويقشع حواجبه ويخرج لسانه

اسيل لاإرادي ضحكت

وايمن ماقدر يمسك نفسه ضحك بعدها

العائله كلها التفتت لاعندهم ومستغربين

عبدالكريم:مالكم مامعانا

ايمن واسيل يضحكوا ازيد

فاطمه تبسر لاعندهم:ييه وقت عشاء اصه تعشوا

ايمن سكت:تمام

عبدالكريم:مالك انت وهي تضحكوا

ايمن يبرر لهم : اني ذكرت موقف بيني اني وصاحبي واسيل مدري

اسيل بهررت عيونها (تدبست)

عبدالكريم التفت لاعندها وانتي مالش

اسيل تبسر لاعند ايمن وساكته واستوعبت ان جدها بيسألها:انا اليوم حسام كان يرقص وانا ذكرت شكله وضحكت

حسام بهرر:ياكذابه انا والله م..

قاطعه عبدالكريم:اخص عليك الله المستعان نهايتك ترقص عند البنات

اسيل وايمن يحاولوا يمسكوا ضحكتهم

حسام: حرام مارقصت اسأل من تشتي

اميمه: ايوه صح (والتفتت لاعند اسيل) اي حين رقص ياكذابه

ايمن بإندفاع: رقص عندي اني واسيل وكان شكله يضحك(ويضحك بقوه واسيل معه)

عبدالكريم عارف ان اسيل وايمن مايسدوا مع بعض صدقهم دام قدهم الاثنين يتحاكوا

عبدالكريم التفت لاعند ساره: ربي ابنش

ساره مطننه

اسيل تضحك بقوه

حسام قام بقهر: شاوريكم الاثنين (ويأشر لاعند اسيل وايمن)

كملوا تعشوا

دخلت اسيل تغسل يدها في المطبخ

وايمن بعدها: هههه

اسيل بإندفاع: انت بدأت دبستني وانا دبست حسام

ايمن يضحك من قلبه

اسيل مبتسمه وتبسر لاعنده

ايمن التفت لها وانحطت عينه بعينها وجلس يبسرها

اسيل سارحه وتتفرجه سكته

شكريه دخلت المطبخ ماركزت عليهم
ايمن واسيل التفتوا لاعندها

شكريه: مابتفعلوا

ايمن واسيل كل واحد يقول حاجه

شكريه سكتت وخرجت ابتسمت كانت دائماً تتمنى تبسر احفادها متأخيين وبالذات اسيل وايمن من لما انولدت اسيل وهي تقول لفاطمه انها حق ايمن


بعد العشاء
فاطمه: يابه تعال معي اشتي احاكيك موضوع لو سمحت

زبير: وانا اشتي تحاكيني

ساره اشرت له يسكت وسكت

فاطمه وعبدالكريم دخلوا غرفه فاضيه

فاطمه: يابه انا شدي لك الخلاصه ماقدرت الف وادور

عبدالكريم: تحاكي يا قلبي ولا عليش مابه

فاطمه بتوتر: سامي يشتي يتزوج انوار

عبدالكريم ساكت

فاطمه كملت: هو قال لنا ندور له مره انت داري بالبلوه اللي معه واحنا ندور له لقينا له جينا نحاكيه قال نبسرها بسرناها وجينا نقول له مواصف..

قاطعها عبدالكريم بأبتسامه: الله يتمم على خير ابشري الان اتصل لعمش

فاطمه فرحت: صدق يابه

عبدالكريم: الله المستعان قد كذبت عليش

فاطمه: ماشي الله يحفظك

عبدالكريم: خلاص اخطى الان احاكيه

فاطمه: راعي اقول لك حاجه انت داري بعمي يحب الكبيره حقه ويسمع كلامها وهي حساده هي اللي فركشت زواجة انوار وسامي والله اني هي بالمرتين اللي تقدم سامي لأنوار هي اللي تفركشها انت صيح فوق عمي قله ماعليك منها العقربه الكبيره خلي الرد لانوار ترد هي بنفسها فركشتها لان كانين صاحبات هي واحلام ولا زالين

عبدالكريم انصدم من بنت اخوه: يوه به اخت تفعل لاختها هكذا انا ماشتصل اتصال انا شنزل للبلاد وابزه هو وانوار للديوان لوحدنا واحاكيهم جمعه واصيح فوقه وابسر رد انوار

فاطمه فرحت: فكره وباست ابوها فوق راسه
اخطى ابشر سامي واحاكي امي ماقد حاكيناها

عبدالكريم:المهم البلوه لاتدرى (يقصد احلام)

فاطمه:ولا عتدرى انت داري قد تطلقت طلقتين

عبدالكريم:ايوه باقي لها واحده ياتحترم نفسها يامقلع يطلقها وتجلس بين شقتها هي وحمد وصرفتها لاعندها مابش شي








📚 @rewayatyamania 🇾🇪

.

البـارت رقـم 45 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


فاطمه: الله يختار مافيه الخير يله يابه وخرجنا عيقولوا مدري ايش معانا

عبدالكريم ضحك:يله تمام

خرجوا عبدالكريم مسك سامي على جنب

عبدالكريم:غدوه يا ابني ننزل انا وانت البلاد

سامي بعدم إستيعاب:ليش

عبدالكريم:نتقدم لانوار انا وانت

سامي عرف ان فاطمه كلمت ابوه:وليش ماتتصل لهم ولا قدي خطبه رسمي توكلنا

عبدالكريم:شتصل لاعمامك كلهم وننزل ونسير نحاكي عمك ونصيح فوقه لايسمع كلام احد وعندخل انوار للمجلس ونحاكيها انا واعمامك

سامي بفرحه:تمام خلاص نتوكل

عبدالكريم:المهم حقك البلوه لاتدرى

سامي:ولا عتدرى ولا شي على اساس عننزل نبيع اراضي

عبدالكريم:يله الله يتمم على خير

سامي كلم فاطمه بكل شي وفرحت له وسارت تحاكي ساره وكانت منى عندهن كلمتها

منى سارت تتصل لبيان تبشرها وتأمنها انها ماتحاكي انوار


عند انوار
كانت سارحه وتبسر لاعند اختها الكبيره وهي تتفرج التلفاز

جت بيان لاجنبها بهمس: مالش تتبسري لاعندها

انوار:من هي

بيان:اصه وطي صوتش لاتسمعنا

انوار:للمه مالش ايش فيه (بيان قد كلمتها منى ان سامي عيجي يتقدم لانوار كانت فارحه لاختها وماتشتي تحاكيها تشتي تخليها مفاجأة)

بيان بأبتسامه وفرحه : عتدري

انوار بدون اهتمام: سابر طز فيش عنش لاحاكيتيني
بيان: عتدري غطوه المهم هذي (وتأشر لاعند اختهن الكبيره لاتدرى)

انوار:تدرى والا ماتدرى طز ماعد يهمني قد خربت حياتي ماذلحين ايش عاد معي

بيان تبسرها وهي مبتسمه: ربش كريم بيعوض

انوار: والنعم بالله وسكتت


عند ايمن واسيل
كانوا يتأسفوا لحسام وحسام زاعل منهم ومش راضي يسامحهم

حسام في الوسط واسيل في جهه وايمن في جهه

ايمن: مله خلاص احنا نمزح مافيش حاجه والمسامح كريم وبعدين محد قتلك علشان تزعل

حسام بقهر:تهزأت من سببكم

اسيل:هيا ياحسامو خلي قلبك كبير سامح

حسام التفت لاعندهم: وانتوا كيف لكم متصاحبين هكذا ماقد معانا.

ايمن يبسر لاعند اسيل وغمز لها

اسيل قلبت عيونها

حسام بإستغراب اكثر:امانه مامعاكم

ايمن:بعدين باكلمك في البيت

اسيل:انا شخطى عند خاله
وخرجت

حسام التفت لايمن:مابه ياولد

ايمن:احبها...

قاطعه حسام بشهقه:ماهو ماهو عيد ماسمعتك

ايمن ضحك على حركات اخوه:والله حبيتها واعترفت وماقد ردتني

حسام:الله الله ايمن اللي شايف نفسه يحب ومن اسيل اللي يكرهها

ايمن:اسكت فضحتنا

حسام: الله عتتزوجوا ياا سلام ابسر اختي والله لو تفعل بها شي او تزعلها ياويلك مني ويلاه

ايمن:توصيني على قلبي

حسام صاح:هات يابي هات وقمنا نحب منك صدق

ايمن:ها ايش تحسبني اتهابل

حسام:ضروري تحاكي جدتي عتفرح من قلبها

ايمن: لما الاخت ايسو تتكرم وتبادلني الشعور نفسه

حسام: انا شجلس سنتين منكر مش مصدق لكم

ايمن ضحك عليه



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 46 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


في اليوم الثاني
عبدالكريم اتصل لاخوته كلهم واتصل لابو انوار يقوله انهم عيجوا عنده على الغداء وسافروا

وبعد الغداء
ابو انوار: حياكم الله يا أخوتي سامحونا على التقصير

عبدالكريم: مابش تقصير ولا شي تسلموا بس احنا جينا نشتيك في موضوع ضروري

بيان كانت تتسمعهم من خلف الباب وهي تتصل لمنى وتسمعها معاها

دخلوا المجلس
واحد من الاعمام: داعي انوار نشتيها

ابو انوار استغرب وسار داعاها

انوار سلمت عليهم وجلست

عبدالكريم: انوار يابنتي غلقي باب المجلس مانشتيش احد يسمع

انوار: حاضر(وقامت غلقت)

بيان: افف غلقوا الباب

منى: شلوهم الجن قد الفضول عيقتلني

بيان: نفس الشعور يابنت العم


في المجلس
عبدالكريم:اسمعوني (وبيأشر لاعند انوار وابوها) :
انوار انا شاجي لش بدون لف ودوران احنا طالبين يدش لابني سامي والقرار هذه المره بيدش انتي

عم انوار:ايوه بحجر الله ياحمد (ابو انوار ) لاتخلي الكبيره تخرب الموضوع

انوار كانت مصدومه من كلامهم وفي نفسها: سامي فعلاً تقدم لي

عبدالكريم كمل:القرار لش انتي واخي اختش الكبيره مالها دخل

عم انوار:يعني القرار لش انتي وابوش

حمد التفت لاعند انوار :اسمعي يابنتي واسمعوا يا اخوتي اولا انا اشتي انوار تسامحني انا اديت لكن الحريه يابناتي لكن منعتش من زواجتش بسامي مش علشان شي انتي داريه ان منيره(الاخت الكبيره) اكثر واحده كنت احبها بينكن وكلمتها عندي مسموعه انا غلطان المفروض كنت افكر بعقلي..


قاطعه عبدالكريم:سهل كلنا نغلط مابش شي ذلحين احنا جينا صلح غلطتك...

قاطعه حمد:هذه الساعه المباركه وانا موافق باقي انوار القرار لها

عبدالكريم: ها يا أنوار ماقلتي القرار لش ولا تهمي ماحد عيغصبش بشي

انوار استحت وتبسر لاتحت وهي خازيه

عمها بمزح:ييه هيا ذلحين ردينا قديه عتستحي ان كيدكن عظيم

ابوها:يييه راعوا عادها اتطلقت وماقد تمت العده مايسبرش

عبدالكريم:اوووه نسينا والله يله سهل تفكر علاميد اول ماتتم نعقد لهم

عمها:خلاص هذا الموضوع بيننا ها منيره لاتدرى حاكي امش ونبهيها لاتحاكي منيره علشان هي عتحاكي احلام وبعدا عيوقع خبر ثاني خلي الموضوع بيننا وانا شاحاكي ام سامي وانبيها ومايدروا الا يوم العقد

وجلسوا يخزنوا

انوار خرجت لاعند امها وهي مصدومه ومش مصدقه تحس انها في حلم: اماه اشتي احاكيش

امها قامت: خير ماقالوا لش اعمامش

انوار:جي احاكيش خارج

بيان بغمزه:ها بسرتي كيف المفاجأة اللي قلت لش

انوار ابتسمت: من عيني عملش بعدين

بيان ضحكت

انوار خرجت هي وامها

منيره تحاكي بيان مامعاهن هولا الثنتين

بيان تقلب عيونها بإستفزاز: سررر خطير مالش دخل فيه

منيره: ههه المطلقه هذي معاها اسرار

بيان استفزتها كلمت مطلقه وبعصبيه: حتى انتي مطلقه

منيره: تطلقت وجاء لي الثاني على طول اما الاخت العقيمه هذي من عيجي لها

بيان: سا.. وتذكرت كلام منى انها ماتحاكي احد: مادخلش يجي من جاء ولاتتكلمي عليها هي اشرف منش على الاقل محترمه لها صيت بين الناس
منيره:عنخلي الاحترام ينفعها المطلقه المعنسه هههه يعني تطلقت وعنست

بيان بقهر:وانتي بالطريق


عند انوار حاكت امها
امها بفرحه:لك الحمد ولك الشكر ماقلتي

انوار استحت:افكر وابسر وتتم عدتي حرام ذلحين نتحاكى في الموضوع

امها حضنتها: الله يتمم لش على خير ويسعدش يارب

انوار: امين المهم انتبهي من منيره


عبدالكريم اتصل لسامي يقل له انهم كلموها (كان مع عيال عمه)

ابن عمه:هيا ها قدو بيشخر

سامي ضحك:عادي ماقد وافقت

ابن عمه:الله يسعدك ياجني

سامي ضحك عليه
سامي كان يحس ان الدنيا مش واسعه له من الفرحه اتصل لخواته يبشرهن

ساره وفاطمه حاكين شكريه بكل شي اتوقعين انها تصيح بس فرحت وفارحه لسامي وانوار:عتوقع فرحتنا ثنتين بمنى وبسامي وانوار

ساره من قلبها:يارب تممها

فاطمه:اصه نبزوكم البنت في عدتها جحفه لكم

منى ترقص وفارحه







📚 @rewayatyamania 🇾🇪

.

البـارت رقـم 47 💕

حُب يمحوه العذاب

👌🏻👇🏻 😍
📚 @rewayatyamania 🇾🇪



عند اسيل
كانت تفكر وسارحه ومش داريه كيف هل ايمن يحبها صدق والا ايش كانت تشتي تكلم رغد بس في شي منعها انها ماتتكلم

في اليوم الثاني
ام انوار تحاكي انوار: صليتي

انوار: ايش عصر ايوه

ام انوار: ياهبلا قصدي هاه صح العده

انوار: ايوه لا تستعجلوا حرااام

ام انوار: ردينا سريع

انوار: يمه لاتستعجلي عنتأخر كذا والا كذا انتي داريه معي عده

ام انوار: سهل نفرح سامي شويه ونخرج انا وعماتش نتكسى لش واول ماتتمي العده زوجناش

انوار:خيرة الله بس

ام انوار تنهدت:سهل هو غر حكى بس وبسباس


عند اسيل
كانت تتصل لرغد: ذلحين انا اشتريت لعرس خاله كثير فساتين بس محتاره بين اثنين ليوم الذبال

رغد:طيب اشرحي لي وانا باقلك فين الانسب

اسيل:الاول احمر قصير وفوقه ذيل قصير والكل والثاني فيروزي على اسود ضي..

قاطعتها رغد:مابقدرش افهمك ارسلي لي الصور حقهن واني باقلك

اسيل:سابر شاصورهن وارسل لش
وغلقت الاتصال وتصورهن وتكلم نفسها بصوت مسموع:افف يارب ورغد ياسعم عتختار لي انا محتاره وهي عتزيدها انا داريه بها حق التفاصيل

قاطعها ايمن:في احد بعقله يكلم نفسه

اسيل لبست حجابها:فجعتني

ايمن:جيبي اشوفهن ومسك فساتينها

اسيل استحت قوي لان الاحمر قصير

ايمن بتفكير:لا شوفي ذا ويأشر لاعند الاحمر قصير مره لاتلبسيه ولا يوم اغار اني البسي الاسود وبعدين هو شياكه اكثر

اسيل كانت مستحيه وجهها احمر من كثر الحياء.

ايمن بز نفسه وخرج

اسيل تفكر قاطع تفكيرها صوت رنة تلفونها رساله من رغد:يابنت هيا مله فين الفساتين

اسيل بدون ارادتها:خلاص قررت مش ضروري تبسريهن

رغد:طز فيبك

وجلسين يتكلمين واسيل بدون ارادتها مصدقه لكلام ايمن وماعتلبس الاحمر وتشتي تلبسه بس يردها كلام ايمن ومستغربه على نفسها من متى بتسمع وهي عنيده


في الليل
ام انوار دخلت لاعندها للغرفه: هيا ماقلتي

انوار بحياء :يمه...


ام انوار خرجت قبل ما تسمع بنتها:باركوا وافقت

منيره:من هي وعلى ايش

ام انوار:بنتي انوار وافقت على سامي

بيان فرحت بقوه كأن الفرحه لها

منيره انصدمت:من سامي ومن خبيص

جاوب اخوها:ابن عمنا والعرس قريب

منيره بصياح :ييه ماهو مابتقولوا الولد مزوج وخرجت لاعند ابوها اللي كان وحده في الديوان وبصياح وقهر: يابه...






https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 48 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


صدق عتزوجوا المطلقه ها...

قاطعها ابوها: اتأدبي واحترمي نفسش لاتخليني اضربش على آخر العمر

اخوها الكبير: ولازد اسمعش تقولي على انوار مطلقه يا ام ثنين

بيان بقهر: وشكل الثاني قد عيطير

قاطعهم ابوهم: خلاص بس اصه وانتي والتفت لاعند منيره مادخلش من انوار خربتي زواجتها زمان من سامي وسرنا زوجناها بهذا وتطلقت وعادش ماقد هنيتي مادخلش والله لو ادري انش عتفعلي شي او عتقولي شي ان الوجه من الوجه ابيض

منيره كانت تبسرهم وهي مقهوره ومن كثر العصبيه والقهر رجعت تبكي

بيان بإستفزاز:الله يعنيش على روحش مسكينه ترحمي بدل ماتفرحي لاختش قدش بتفحري الحسد مصيب الهلاك

منيره بزت نفسها ودخلت غرفه وجلست تبكي وتصيح وتسب

ام انوار اتصلت لشكريه: كيف انتوا ك..

قاطعتها شكريه بإندفاع: ماقالت انوار

ام انوار بفرحه:تمام

شكريه على طول حجرت

منى وزبير قاموا لاعندها: مالش يمه بتحجري وبسروها تتصل ومن كلامها عرفوا ان انوار وافقت
زبير التفت لاعند منى ومنى فعلت نفس الحركه ثواني وحملوا الاثنين وبيتهازروا في الدرج من اللي عيبشر سامي الاول /طيب والعده 🌚

منى سبقت زبير

زبير مسكها من رجلها وسحبها نازل: المفروض تستحي ولو هذه الفتره بس انا لي منعش قد عتتزوجي وتنقلعي وحمل سريع

منى حملت بعده وعضته في يده

زبير صاح ومنى استغلت الفرصه وحملت زبير قام بعدها بيمسكها من كتفها ويحاول يهزرها

سامي بيسمع اصواتهم والمضرابه استغرب وشويه ماعد يسمع صوت جلس بقعته

زبير ومنى تعبوا مضاربه

منى: خلاص اسمع يا اخي نخطى سوا وسامي يختار من يحاكيه عنقله نشتي نحاكيك حاجه وهو يختار

زبير:وكيف عندخل من الباب واحنا اثن...

قاطعتهم شكريه بصياح:ماقد حاكيتوه قدلكم اسبوعين

زبير ومنى كل واحد يبرر لنفسه

شكريه:شلوكم الجن وخروا وطلعت زبير يبسر لاعند منى بقهر

منئ بعصبيه: سهل لا لي ولا لكلابي

زبير: شطلع مع امي وطلع

منى: راعي لي انا بعدك

شكريه تدق الباب

فتحت احلام وعوجت لقفها:خير ماقد معانا

شكريه:اشتي...

قاطعتهن منى بصياح وخري بيت اخي عاد هي عتتويقح

احلام جاوبت:خلخلوا عظامش ماهو الا انتي الي تتويقحي

زبير:احم طريق

احلام دخلت غرفه ثانيه وهي مقهوره

شكريه ومنى وزبير دخلوا لاعند سامي

شكريه:سامي ياسامي.

سامي سمع صوتها:حيا بالحنونه

شكريه بفرحه:انت داري ان..

زبير ومنى: ان ان انو

شكريه تصيح: اصه اهجعوا انا شاحاكيه
انت داري ان..

زبير ومنى قاطعوها مره ثانيه: ااااان وااا ااا ووواا

شكريه بإندفاع صاحت قبلهم بحماس:واااافففقققت

سامي ارتبش وحس نفسه في حلم:من هي اللي وافقت

شكريه ومنى وزبير بصياح:انووااارر

سامي حس هذك اللحظه انه في حلم حس الاحساس للي انه ملك الدنيا وللي فيها امتلك انوار اللي كان يحلم فيها من بدايو شبابه [وتملكتها واصبحت لي
حينها هرعت كالطفل الصغير باكيا
احسست ان الايام اللتي مرت بدونها كانت فاصل اظلمت حياتي وتشتت فيه اصبحت حياتي بلا الوان فقط اللون الاسود
وعندما عادت عادت الالوان الى مجاريها تفتحت الحياه بعيني فقط لانك اصبحت لي ]
/كتاباتي








📚 @rewayatyamania 🇾🇪

.

البـارت رقـم 49 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


شكريه رجعت تبكي ومنى بعدها زبير حضنهم كلهم وبمزح: هيا خلاص اتصلها ترفض علشان تبكوا سواء

شكريه ضحكت ودموعها في عينها: انت تعرف حاجه اسمها دموع الفرح

زبير: ايوه بسرتها ذلحين لكن عاد هي ماهي خطبه معاها عده

احلام كانت تتسمع بس مش داريه ايش القصه قتلها الفضول تحاول تسمعهم سواء بس ماقدرت

سامي بفرحه: خلاص سابر الله يعين

شكريه حجرت

زبير ومنى : يمه وانتي على كل حاجه تحجري

دهفتهم ونزلت الدرج وهي تحجر
اتصلت لفاطمه وساره بشرتهن

احلام كانت تحاول انها تعرف ايش في ومالهم بس محد فعل لها فرصه تعرف ومنيره كانت تتصلها بس ماجاوبت


نرجع لليوم الاول
اسيل كانت تتكلم هي وانوار بالتلفون طبعاً انوار تحب اسيل من صغرها وعلاقتهن كأنهن صاحبات

انوار كلمت اسيل ان سامي تقدم وانها مبدئياً موافقه(ماكلمت احد الا بالليل رغم انها كانت موافقه من البدايه)

وبعدما كملين يتكلمين اسيل خرجت بسرت حسام في الغرفه دخلت لاعنده: حسام اشتيك في مهمه

ايمن: حسام

اسيل حكت له ان انوار موافقه:بس منيره اختها عتدرى وتتصل لصاحبتها الست احلام

حسام:تمام ايش المطلوب

اسيل:المطلوب انك تدي تلفون احلام لاعندنا ونفعل للست منيره بلوك

حسام: طيب احلام هي فوق

اسيل: مع هيذك في غرفة جدتي

حسام : خلاص شطلع اركني انا صاحب المهمات الصعبه وطلع دور التلفون ولقاه ونزله لاعند اسيل
فتحوه لانه كان مش مرمز ودخلوا لجهات الاتصال يدوروا رقم منيره وحظروها وفي هذك السع دخلت احلام وبسرتهم وصيحت: تلفوني ماداه عندكم ياسرق يخ من هذا البيت حتى تلفونك ماتأمن عليه
اسيل كانت تبسر ايمن ومبتسمه وايمن يبسرها ويسمعوا البهذله خرجت مره خالهم وتحارش بهم عند فاطمه وساره: بسرتين عيالكن يسرقوا تلفوني

حسام بإندفاع:اصلا كانو مطروح في الغرفه واحنا مش احنا داريين انه حقش فقلنا نبسر حق من هو

احلام بلقافه: ماعتبسروا فيه وكيف عتدروا انه حقي

اسيل: عنبسر صور القرود حقش حمد وخالو سامي وضحكت

حسام ضحك معاها على الخرط حقهم

احلام رجعت تصيح وتحارش بهم

وفاطمه وساره يأشرين لهم بعيونهن

حسام بصوت واطي يكلم اسيل: يوه شكلنا عنتهزأ بقوه

اسيل: اص يا هبل عنفهمهن بعدا كل شي

وحاكوا امهاتهم باللي فعلوا.

عند اسيل كانت تحاكي فاطمه
اسيل: ياماما ليش ماعتنزلين البلاد ونفعل لخاله انوار حفلة خطوبه

فاطمه: مايسبرش عادي في العده حتى الفاتحه ماقروها

اسيل: مايسبرش تخطب وهي في العده

فاطمه: مع مايسبر لاتخطب ولاتعقد

اسيل: طيب وهم ايش ساروا يفعلوا لما ساروا يتقدموا وكيف هي وافقت

فاطمه: مش خطبه رسميه قلت لش حتى الفاتحه ماقروها ولا حجز اللهم انه جدش سار لاعند عمي يعلمه بالاول انهم عيخطبوا انوار فهمتي وقالوا تصلي وترد خبر علشان نسير احنا نشتري الحاجات للخطبه ولعرسهم من ذلحين وتكمل العده وعلى طول نعقد بدون خطبه فهمتي

اسيل: اها

فاطمه: هو بس حين هي من العائله تحاكوا والا المفروص مايتحاكوش للي معاها عده الا لما تتم




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

.

البـارت رقـم 50 💕

حُب يمحوه العذاب

👌🏻👇🏻 😍
📚 @rewayatyamania 🇾🇪


في بيت عبدالكريم
شكريه بتتحاكى هي وسامي
شكريه:هيا نسير انا وانت نشل الذهب

سامي:يمه شويه عاد المرة ماتمت عده

شكريه:كان طز فيك

سامي:ماهو انا فارح اتأخر لو عليا كنت بزيتها امس بملابسها

شكريه ضحكت:واحلام انا اهمها كيف عتفعل

سامي: طبعاً احلام انا شاحاكيها

شكريه: تقول كيف لمنيره ماحاكتها

سامي:ربش اعلم حتى انا مستغرب


في عدن
اتصلت ساره لإحسان
ساره:ماشي ضروري تحضروا عرس منى

إحسان:والله بنفسنا الصراحه اعراسكم يا أهل صنعاء مره حلوه بس المشكله تعب سفر سرحه رجعه وبع..

قاطعتها ساره:سهل انا شاخلي ايمن واحمد يجوا بسياراتهم وانتين اتقاسمين شويه في سيارة ايمن وشويه في سياره احمد

احسان:لا لا تتعبيهم سفر والمسافه بعيده خلاص بنكلم ابي واخوتي وكل واحد بسيارته وان شاء الله يرضوا

ساره:يله خلاص واذا مارضوا حاكيتيني شاحاكي احمد وايمن

احسان:ايوه كيف الحمل معك معيفه والا تمام

ساره:والله تعبت بالاشهر الاولى وذلحين تحسنت الحمدلله على كل حال

إحسان:الحمد لله ربي يسهل لك

جلسين يتجابرين


نرجع لأسيل اللي اتخذت قرارها تجاه ايمن بعد تفكير طويل قررت قرارها انها تبادل ايمن نفس الشعور(اسيل طبيعتها عاطفيه قوي وعتتعب كثير من هذا الطبع)

قرب عرس خالتها وجوا عماتها واعمامها و شويه من اهل بلادهم

احلام درت ان سامي عيتزوج عليها كلمها واتصلت لابوها واخوتها وجوا ياسعم يصيحوا فوق سامي وكلمهم بأسبابه وبقششهم فلوس وسكتوا احلام مقهوره وتفكر كيف تفركش زواجتهم

قررت اسيل انها تكلم ايمن قبل عرس خالتها وبعد مرور اسبوع وكم يوم كان يوم الذهب حق خالتها وسارين كلهن عند الكوافير ماعدا هي
جلست وجاء ايمن كانت خازيه ومش داريه من اين تبدأ

قاطع تفكيرها ايمن: احم اسيل باكلمك ايش قررتي

اسيل فرحت وقررت تستفزه شويه وبأستغباء: في ايش

ايمن: اسييل في الموضوع اللي كلمتك المره الاولى

اسيل تستغبي اكثر: هيا ايمن من السماجه ايش من موضوع

ايمن ضبح: بنت لما كلمتك المره ذيك بعدما سويتي الحادث

اسيل بأستغباء: مدري ما أذكر الصدق

ايمن ابتسم وعرف انها مستقصده انها تتغابى: خلاص اني بخرج ولما تتذكري كلميني وخرج

اسيل اقتهرت قوي وتكلم نفسها:نبزوني(شلوني) الجن كنت شاحاكيه من البدايه قاطع تفكيرها صوت ايمن وهو جنب الباب

اسيل فرحت انه رجع

ايمن:انيي ااا ححح بببب كككك فهمتيها

اسيل ضحكت وترياق:ماشي

ايمن ابتسم لها وضحك:ههههه اني احبك ها فهمتيها ذلحين

اسيل ضحكت:ايوه وانا والكل ااا ححح ببب ككك فهمتها

ايمن فرح من داخل قلبه وابتسم من قوتها حس كأنه من اذنها لا اذنه: فدوووه

اسيل استحت والتفتت للجهه الثانيه

ايمن خرج وكان يحس ان هذي فرحة حياته


جين النسوان من الكوافير وفي العصر بدأ العرس ونزلت منى للزفه كانت لابسه فستان بيج فيه تطريز ذهبي طويل وموديل سمكه وصندل متوسط الكعب ذهبي وتسريحه ملمومه ومكياج ثقيل ذهبي مع بيج

وكانين كلهن عاملات مكياج وتسريحات سمبل

اسيل كان شكلها غير فارحه من قلبها حاسه انها ملكت الدنيا كلها

سامي كان فارح ان حب حياته انوار عندهم ونفسه يبسرها

قامين كلهن يرقصين ومنى في الوسط وهن فاعلات عليها دائره انوار واسيل وفاطمه وساره وبنات عمهن وبنات عماتهن

واسيل مبتسمه بقوه وترقص ومنسجمه مع كلمات الاغنيه كانت دائماً تسمعها وعادي وبعدما حبت تحس ان الاغنيه تمثلها وتتكلم عنها وتتذكر اللي حصل بينها هي وايمن وتبتسم ازيد والبنات يبسرنها ومطننات مالها الصباح كانت واحده والان واحده ثانيه

ومنيره واحلام مقهورات ومبوزات طول العرس

كمل العرس ونظفين البيت

وكملوا ورقدوا كلهم في واسيل تراسل رغد وفاطمه (صاحباتها) ويتكلمين عادي وتشتي تكلمهن انها تحب بس مش في شي من داخلها يمنعها

وصلت لها رساله من رقم غريب استغربت وفتحتها
اسيل:من معي

:جدتش

اسيل استغربت:من والا شفعل بلوك






https://tttttt.me/rewayatyamania/29330


📚 @rewayatyamania 🇾🇪