👁👁

عيـنيــكِ كـسـرت كبـريـائي


البــ الخامس والعشرون ــارت


👌🏻👇🏻 😍
📚 @rewayatyamania 🇾🇪

بعد مرور شهر علـى موت ساجد

في بيت اياد
8.00 بعد العشاء

ام اياد: كم باقي للامتحانات يا بنات

رغد: باقي اسبوعين

اسيل: السبت الثاني

رغد: وعاد نختبر يوم ويوم نعطل

ابو اياد: الله يسهل لَـگِنْ

اسيل و رغد: امييييين

ام اياد: مدري وين اياد

ابو اياد: وينو يمكن بغرفته

اسيل: ماشي نزل اول عتقوم ابسر اين هو



خطيت لٱ حوش البيت او نقول الفله لان بيتهم فله بالفعل

ابسرت اياد مرتكي عرض شجرة ويداته علـى راسه وبيتبسر للارض وشكله مهموم

اسيل حطت الجاكت فوق اكتافه عشان كان برد وجلست جنبه:احممم مااااا بتسووووي هانا

اياد: حر لٱ تدخلي

اسيل وتذكرت كيف سماح هزأتها يوم درت انها كانت بتتركه وتطلب الطلاق وقالت لـٍهآ ما تستسلم ابدا قطع سرحانها صووت اياد

اياد: منننن بين احاااااااكي

اسيل: هاه

اياد: ايش هاه

اسيل: ماكنت بتقول

اياد: قلت قوومي ادخلي اشتي اجلس لوووحدي

اسيل: طيب بس يا اياد لآزٍمٍ تعرف ان صاحبك مش مرتاح بقبره لانك بتفعل بنفسك هكذا ڱڵـه قدر ومكتوووب وكلنا عنمووت اياد الله وصانا بالصبر علـّى قضائه وحكمة وانت بتفعل خلاف الشي لآزٍمٍ تتقبل انو ماااات وما بين اقول انساه لٱ ذكرياته بتظل معك وكون زوره لٱ قبره واقرا قران لروحه هكذا صديقك بيرتاح
قامت خطيت لٱ داخل البيت

اياد تنهد وجالس يبسرها وهي خاطيه
اياد: اااااح ما بيرحيني الا كلامها احسه دواء لي شد الكوت اللي لبسته اسيل علـى نفسه وقام طلع للبيت



اياد: مساء الخير
الكل: مساك الله بالخير والعافيه

ام اياد: وين كنت يا ولدي

اياد: كنت ..ااااااااتسوووووو... في الحوش

ابو اياد: ابسر كيف قد انت بتعطس قدك مزكوم

ام اياد: لَيــِْش تخرج بين البرد

اياد: مااافيني شي يله تصبحوا علـّى خير

الكل: وانت من اهله


طلع للغرفه وبيحس ببرد شديد
دخل وابسر اسيل ماسكه كتاب اللغه العربيه وبتذاكر
طنشها لان كبريائه يمنعه يحاكيها
دخل بين سريره وادفى وهو بيحس ببرد وقدوه مزكوم

اسيل كملت تذاكر وقامت عشان تنام بس لاحظت حركة اياد تحت البطانيه

قربت لٱ عنده وابسرته بيرتعش من البرد

اسيل: اياد مااالك

اياد: مااااعليش مِڼـّي

اسيل: باااارد

قامت شلت بطانيه من الدولاب ودفت اياد فوق اللي هو دافي بها

اسيل: ابسرت ڱڵـه لانك جالس في حوش البيت في هذا البرد

اياد:……..

اسيل حطت يدها علـّى جبينه :اوووه قد انت حاااامي
قامت نزلت للمطبخ شلت مااء ورقعه ورجعت للغرفه
دخلت الرقعه بين الماء وحطتها بجبهة اياد

اياد:يححححح بعدها من جبهته مااااهو هذا

اسيل: خليني اسبر ڵـڱ بتبسر كيف انت حااامي

اياد: كم مَـرّھٌ اقلش مااا تدخلي مني

اسيل: عارفه بس انت زوووجي ولازم اهتم بك شلت الرقعه وبللتها بالماء وحطتها على جبهته

اياد سار يبعدها بس اسيل مسكت يده

اسيل: اياد لاتعاند خليها عشان الحراره تخف
اسيل شلت علاج حق الحمى
وخطيت عند اياد
اسيل: اياد

اياد: ههمم
اسيل: قوم شويه عشان تشرب العلاج

اياد: مشتيش

اسيل: عشان حرارتك تخف
حطت يدها خلف ظهره وقومته بصعوبه

اياد تاااعب مش قادر يتحرك بالمره

اسيل شربته العلاج ورجعته مكانه ورجعت تعمل ڵـهٍ خافض للحراره

اياد من تعبه نام

اسيل حطت راسها على السرير ونامت الساعه 11.00




الساعه 3.39 منتصف الليل
اياد حرارته مرتفعه وبيون من تعبه
اسيل سمعته لانها قريب منه قامت وابسرت اياد بيعرق ويرتعش من البرد
اسيل: اياد اياد

اياد:اااه

اسيل قامت: عتقول لعمي يجي عشان يسعفك وجت تخطى بس

اياد مسكها من يدها بتعب
اياد: لاتقووولي ڵـهٍ انا بخير مافيني شي

اسيل: كيف مافيك شي ابسر كيف قد انت

اياد: اسيل نااامي وماعليش

اسيل بعدت يدها من يده وشلت الماء وجلست بجنبه وجلست تبرد ڵـهٍ عشان تخف حرارته

اياد: مشتي منش حاجه قووومي ارقدي

اسيل طنشته وجالسه تحط الخافض علـى جبهته

اياد استسلم لـٍهآ وحس انو حرارته انخفضت ونام بتعب

اسيل عيونها ملان نووم بس ماقدرت تترك اياد بهذه الحاله وترقد
سمعت الاذان غيرت لاياد الخافض وقامت توضت وصلت ورجعت عند ااياد

حوالي الساعه 4.48 فجر
حراره اياد خفت

اسيل من تعبها حطت راسها علـى السرير ونامت







الساعه 7.26 الصباح
اياد قام وهو حاسس براحه
علـّى طول بسر للكنبه وما بحديه اسيل
ظن انها قد راحت المدرسه بس التفت للجهه الثانيه وابسرها حاطه راسها فوق السرير ونايمه وشكلها تاعبه
اياد: لَيــِش رقدت هانا بعدين استوعب واتذكر انو كان مريض وهي سهرت عشانه طول الليل
ابتسم علـى شكلها وشعرها مغطي لوجهها ابسر ساعته

اياد: اسيل اسيل اسيييل

اسيل نوم ولا بحسها

اياد مد يده وبيحركها: اسيل قوومي تأخرتى علـّى مدرستش

اسيل: ههمم

اياد: اسيييل

اسيل قااامت وفركت عيونها بيدها:ماا ااهو

اياد:.......




📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ السادس والعشرون ــارت

👌🏻👇🏻 😍
📚 @rewayatyamania 🇾🇪

اسيل قااامت وفركت عيونها بيدها:ماا ااهو

اياد: عتتأخري علـّۓ مدرستش

اسيل: كيف انَت قدك بخير

اياد: ايوووه بخير
/ما تنازل يشكرها علـّى تعبها /

اسيل: الْحٍمَدٍ للـّہ

قامت خرجت لاياد اداه وحطتهن فوق السرير

اسيل: قم تروش وغير اداتك وعتقدر تخطى الجامعه والا لٱ

اياد: ايوووه عتخطى الجامعه

اسيل: طيب انتبه تجلس في الشمس وخطيت ادت ڵـهٍ جاكت ثقيل

اسيل: البس هذا عشان لاتبرد

شلت شنطتها وخرجت من الغرفه

اياد تنهد وقام شل منشفته ودخل يتروش ..غير اداته ولبس اللي جهزتهن ڵـهٍ اسيل شل ملازمه وخطي يفتح الباب يخرج تذكر حاجه وحط الملازم
وخطي شل الجاكت اللي قالت ڵـهٍ اسيل يلبسه لبسه وخطي


اياد: صباح الخير يمه
ام اياد: صبحك الله بالخير والعافيه تعال اصتبح هيا
اياد: ماشتيش ذلحين عتصتبح في الجامعه خاطرش ودعواتش يا غاليه

ام اياد: الله يوووفقك ويحفظك

اياد باسها براسها وخطي جامعته


بعد الظهر البنات روحين من المدرسه وكل واحده اتجهت لغرفتها



بغرفة اسيل
اسيل: اااف دفتري عند رغد اخطى اشله

اسيل قبل ما تدق الباب راعت تسمع من بتكلم رغد

رغد: هههههههه حاااضر من العيوووون…… ان شاءالله يا قَلبـ♡ــيے

اسيل دقت الباب ودخلت

رغد غلقت الخط بسرعه: اسيل

اسيل: مااالش تقوووول ابسرتي قدامش جني

رغد تغالط: احم مااشي ادخلي

اسيل: من كنتي تحاكي وليش قفلتي الخط

رغد بخوف انها سمعتها: من وايش سمعتي

اسيل: حاضر من العيون

رغد: هاه هذه صاحبتي قالت تشتي دفتري غدوه عشان تنقل

اسيل: اها وعلى سيرة الدفتر هاتي دفتري

رغد: في شنطتي شليه

اسيل شلت دفترها وخطيت غرفتها

رغد تنفست براحه واطمنت ان اسيل ما سمعتها. اتصلت تعتذر من اللي كانت تكلمهم


2.12 بعد الظهر
اياد روح البيت دخل غرفته بتعب
بعد الجاكت من فوقه لانه ثقيل واتمدد فوووق السرير بتعب

اسيل دخلت للغرفه بدوون ما تنتبه لوجوده شلت شنطتها وبتدور فيها
اسيل: ااااف ياررربي وين جاء هذا وووقته يضيع ذلحين اااف

اياد: مااااهو

اسيل قامت بخوف: اياد

اياد: مع خياله

اسيل: مِِـتــ ؟؟! ـى جيت ما انتبهت ڵـڱ

اياد: قبل شويه واصلا ايش دخلش مِِـتــ ؟؟! ـى جيت

اسيل: لٱ مجرد سؤال تغديت

اياد: شي ما يخصش

اسيل: طيب براحتك وخطيت تخرج

اياد: هاه هاه راعي وين عتسيري

اسيل: اذاكر مع رغد

اياد: ما بتلاحظي انش بتجلسي بغرفة رغد اكثر من غرفتش

اسيل: عادي بين اذاكر معاها ايش اجلس اسوي هانا

اياد: طيب طلعي لي غداء ماقد تغديت

اسيل تقلده: شي ما يخصني

اياد: اسيييييل

اسيل: طيب حاضر

نزلت للمطبخ دفت لاياد الاكل وطلعته

شلت الماسه وحطتها جنب السرير وحطت الاكل عليها
اسيل: تفضل تغدى بالهناء والشفاء
شلت شنطتها وخرجت

اياد ابتسم تلقائيا: بالهناء والشفاء بسم الله وبدأ يأكل

اسيل فتحت غرفة رغد بدفاااشه: انااااااا جييييييت

رغد طفت تلفونها بسررررعه :حيااااش

اسيل ولاحظت عليها :يله مذاااكره

رغد: طيب



يتبع……


بقلمي،✍
الـيـ أميرة ـمـن


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ السابع والعشرون ــارت

👌🏻👇🏻 😍
📚 @rewayatyamania 🇾🇪

بعد مرور ثلاثة ايام

في بيت مصطفى

فارس: اح كم قد انا مشتااق لساااجد

مصطفى: الله يرحمه كان يحلي بجلستنا يا قهري عليه

اياد: الدنيا هذه ما تشل الا الغاليين ساجد كان صديقي من طفولتنا ما تخيلت بيوم اني افقده

فارس: اللي مفرحني انهم مسكوا اللي قتلوه وذلحين هم بالسجن

اياد: اخ بس لْـۆ انا اقدر اقتل اللي قتله

مصطفى: واشرررب من دمه واشفي غليلي

فارس: قد اخذ جزاه سجن مؤبد

اياد: هذا قليل المفروض اعدام

مصطفى: والمؤبد نفس الاعدام

فارس: الله يرحمه وذلحين جوا نذاكر

اياد: فارس ايش اسم اللي بتدور عليه

فارس: عبدالله م

قاطعهم رنة تلفون اياد

اياد: لحظة بس هذا الوالد بيتصل لي
قام جااوب ابوه ورجع لاعندهم

مصطفى: ما يشتي مـڼـڱ ابوك

اياد: سأل وين انا وووووو وبس

فارس: اها

اياد: يله هاتوا نذاكر


بيت ابو اياد
محد موجود الا اسيل ورغد الكل خارج البيت

اسيل طالعه غرفتها بس جذبتها ضحكة رغد خطيت ووقفت باب غرفة رغد

رغد: يا قلبي
… والله احبك واموووت فْيَگ… . واعشقك… بس خلاص خجلتني هههههه يا عمررري

اسيل فتحت الباب بعصبيه

رغد غلقت الخط بسرعه وبخوف:اسييييل

اسيل خطيت وضربتها كف علـّى خدها باقوى قووووتها

رغد مسكت علـّى خدها بألم: انا تضربيني يا اسيل

اسيل: واكسر رااااسش ياااارغد قووولي من كنتي بتكلمي هااااه

رغد: ماااادخلش ومره ثانيه عتقص لش يدش فاااهمه

اسيل: ررررررغدددد من كنتي بتكلمي والا قسم بالله لٱ اقوووووول لاياد

رغد: هذه حياااتي وانا حره بها

اسيل مسكتها من بلوزتها: بتحاااكي عياااال صح هاه صح

رغد بعدت يدات اسيل‏​منـِْها:ايووووه بين احاااكي واااحد وبين احبه وهوه بيحبني ايش دخلش انتي

اسيل بغضب وقهر: رغد لٱ لا مستحيل رغد تكلمي ولد ما تعرررفيه وتحبيه من متى

رغد: ما دخلش فاااهمه

اسيل: ما توقعتش بنت صااايعه لهذا الحد اهلش وثقوا فيش واعطوش تلفووون تقووومي تخووني ثقتهم فيش وتكلمي ولد يا رغد.

رغد: واااثقه فِيَھ وهوه يحبني

اسيل: ررررغددد ڱڵـه كذب مابش ولد يحب بنت تررراسله ابدا انتي ذلحين في نظره بنت مااايعه حق عيال

رغد: رجاء لٱ تتدخلي

اسيل: قسم بالله يا رغد لوما تقطعي علاقتش به لٱ اقووول لاياد بكل حااجه

رغد بخوووف: والله لْـۆ تقووولي ڵـهٍ ياااويلش ما تشوووفي خير واصلا هو عيخطبني بعد ثالث ثانوي
اسيل: انا حذرتش يا رغد خرجت وطبقت الباب بقوووه

اياد طالع الدرج : اسيل لَيــِش اصواتكن ملان الحارة

اسيل بخووف انو سمع : هاه انا ومن ماهو

اياد: انتي ورغد لَيــِش

اسيل: هاه لٱ بس رغد الكلبه شلت دفتري ونسيته عند صاحبتها وانا بحاجته

اياد: اهاه طيب وين امي

اسيل: عند الجيران

اياد دخل للغرفه وخلا بابها مفتوح ع اساس تدخل اسيل بس اسيل خطيت وجلست في الدرج وحطت يداتها علـّى راسها وبتفكر برغد وكيف عتسوي معاها

عند رغد
بتبسر نفسها في المرايه وابسرت مكان الكف اللي ضربتها اسيل
رغد: انما وريتش يا اسيل انا تضربيني وتهدديني بحبي قسم بالله لاوريش نجووم الظهر

اياد استغرب عدم دخول اسيل ابسر من الباب وهي في الدرج وشكلها مهمومه منع نفسه انو يخطى يسألها ايش فيها ورجع للغرفه وقبل ما يجلس سمع رنه تلفون اسيل

اياد: اسيييل يا اسييييل

اسيل حسها مش معاها وما سمعته

قطع الاتصال ورجع اتصل من جديد

اياد شل تلفونها وابسر تاج راسي يتصل بك جاوب
اياد: الووو

ايمان بتبكي: اسييييل وين انَتي لَيــِش ما بتجاااوبي تعالي امي تاااعبه نقلناها للمستشفى

اياد: الووووه مالها امش

ايمان: عفوا من انت

اياد: اياد

ايمان بكت: قوول لاسيل تجي امي تاااعبه ودوها المستشفى

اسيل دخلت للغرفه

اياد: طيب عتقول لـٍهآ مع السلامه

اسيل ما انتبهت ان تلفونها بيد اياد

اياد: اسيل اتصلوا قااالوا امش تاااعبه وودوها المستشفى

اسيل بخوووف: تاااعبه مافيها من اتصل

اياد: اتصلت اختش لتلفونش
وقالت سيري

اسيل بكت وخطيت تلبس بسرعه
اسيل: وين امي ذلحين

اياد: في المستشفى قالت

اسيل: طيب تقدر توصلني

اياد بلا مبالاه: مااشي مشغووول عتخرج ذلحين

اسيل انقهرت منه شلت شنطتها وخرجت وهي بتبكي وخايفه علـى امها


يتبع……




بقلمي،✍
الــيــ أميرة ــمــن


https://tttttt.me/rewayatyamania/24447

📚 @rewayatyamania 🇾🇪

روابط ومستندات لقصص وروايات مكتملة تجدونها هنا
😍👇🏻
@archiveRY

👁👁

بــارتـات يومنـا الاثنيـن 👇🏻😍

👁👁

عيـنيــكِ كـسـرت كبـريـائي


البــ الثامن والعشرون ــارت


👌🏻👇🏻 😍
📚 @rewayatyamania 🇾🇪

وصلت لٱ بيتهم فتحت لـٍهآ سماح

اسيل: وووين امي مااافيها ايش وقع بها

سماح: هدي هي تعبت ونلقناها للمستشفى

ايمان خطيت حضنت اسيل وبكت: امي تاااعبه يا اسيل مدري ايش فيها

اسيل بكت وحضنت ايمان : ايش وقع فيها قولي لي

ايمان: فقدت وعيها وهي بتصلي وذلحين ابي وواحده من الجيران اسعفوها

سماح: بس،انتي وهي فجعتين هاشم اهدين ان شاءالله ما فيها حاجه

اسيل بعدت من حضن ايمان: ان شاء الله اشتي اسير هناك

ايمان: مدري اين المستشفى

اسيل: عتتصل لابي

سماح: تلفووونه هانا ما شله معه

اسيل جلست وحسها مع امها



بعد سَـآعــهْْ روح ابو اسيل وامها

اسيل: اماااه ايش وقع فيش وبكيت

ايمان: كيف قد انتي يمه

سماح: الْحٍمَدٍ للـّہ علـّى سلامتش يا خاله

ام هاشم: الله يحفظكن هو تعب بسيط لٱ تفتجعين

اسيل حضنتها وبكيت :كيف لٱ نفتجع من لنا في هذه الدنيا غيرش يمه

ام هاشم: مسحت علـّى ظهر بنتها واتذكرت مرضها وبكت

ابو هاشم: الْحٍمَدٍ للـّہ علـّۓ كل حال

سماح: الْحٍمَدٍ للـّہ ع سلامتش يا خاله انا عتروح خااطركم

اسيل: اجلسي عادوه بحين

سماح: قد الساعه5.24 بعد العصر
ماعاد باقي عتجي غدوه انا وامي ان شاءالله

ايمان: الله معش يا قلبي

الساعه 8.00 العشي
ام اياد: اياد وين مرتك

اياد: سارت بيتهم امها تاعبه

ام اياد: يوووه مالها

اياد: مدري اسعفوها للمستشفى

رغد قلبت عيونها ورجعت فوق التلفون

ابو اياد: اسعفوها وانت ما حتى سرت تبسر لاهم يشتوا حاجه والا شي يا حمي والله تربيتي فيك مِِـتـى عتوقع رجال قووول لي

رغد: ما ماتتش قالوا مريضه بس ما يسير يفعل لهم

ام اياد: انا عتطلع البس واخطى انا وياك بيت عمك نبسر عمتك

اياد: طيب




اسيل: هاااشم ابسر من في الباب

هاشم: حاااضر

ام اياد: مساء الخير

الكل: مساء النور والعافيه

اسيل استغربت وجود اياد بس طنشته لانو ما رضي يوديها للمستشفى ولا اكترث لـٍهآ

اياد خطي سلم علـّى عمته

اياد: الحمدلله علـّى سلامتش

ام هاشم: الله يسلمك يا ولدي لَيــِْش تتعب نفسك

اياد: ولا تعب ولا شي
خطي وجلس جنب اسيل وابسرها سرحانه

اسيل ما انتبهت انو جلس جنبها

اياد مد ايديه امام وجهها وبيحركهن: ووووو لاوين وصلتي

اسيل انتبهت ڵـهٍ:هاه ايحين جلست هاانا

اياد: عاام الفين وخمسه

اسيل: هاه حالي

اياد ويشتي يعرف بايش كانت تفكر:وين كنتي ساارحه بمن بتفكري

اسيل: خصوصيات

اياد: اها خصوصيات

اسيل: ايوووه
وقامت جلست جنب امها

اياد انقهر من حركتها

اسيل: امه تشتي حاجه والا شي

ام هاشم: سلامتش يا غاليه اخطي عند زوجش لاتخليه لوحده

اسيل: لٱ خليني عندش ما عيوقع فِيه

اياد سمعها :احم اسيل تعالي جنبي اشتي اجابرش

اسيل: حاااضر قامت وجلست جنب اياد


ام اياد: وين ابو هاشم

ايمان: معه عمل خارج

ام اياد: الله يسهل ڵـهٍ

ام هاشم: امين.



اياد: ليش جلستي جنب امش

اسيل: عاااادي امي

اياد: عُاَدي طيب قومي البسي عشان نروح

اسيل: ومن قال اني عتروح

اياد مدري ليش خاف انها ما عد عترجع معه ابدا: ايش قصدش ما عتروحيش


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ التاسع والعشرون ــارت

👌🏻👇🏻 😍
📚 @rewayatyamania 🇾🇪

اياد مدري ليش خاف انها ما عد عترجع معه ابدا: ايش قصدش ما عتروحيش

اسيل: عترقد الليله في بيتنا لان امي تاعبه

اياد ارتاح: اها ومن من استأذنتي

اسيل: قذا بين اقول ڵـڱ يعني بين اشل اذنك

اياد: طيب

اسيل: خذ راحتك في غرفتك لان ما بحدني

اياد: اي والله صدق لان وجودش وعدمه سواء

اسيل ابتسمت ڵـهٍ وقامت خطيت غرفتها القديمه هي وايمان

اياد: يله هيا امه

ام اياد: يله تصبحوا علـّى خير نخليش تنامي لانش تاعبه

ام هاشم: حياكم الله وتسلموا

اياد: تصبحوا علـّى خير

الكل: وانت من اهله

ام اياد: اسيل عتروح

اياد: لٱ قالت عتجلس الليله بيتهم

ام اياد: ټمـٱمـ يله خاطركم

ام هاشم: الله معاكم



الصباح 7.30
اسيل: ايمان ايش عنفعل الغداء

ايمان: يووه سيري ادرسي ماعليش من الغداء

اسيل: امي مريضه مش ضروري اسير

ايمان: قد امي بخير سيري ادرسي وما عليش قد عتعطل انا

اسيل: مع عتجلس

ايمان: طيب ايش ما ودش



اسيل: صباح الخير يمه

ام هاشم: صباح النور والعافية

ايمان: امه ابسري اسيل قالت ما عتسيرش المدرسه

ام هاشم: لَيــِْش

اسيل: ماعليش منـِْها يمه قلت اعطل اجلس عندش

ام هاشم: ماعليش سيري مدرستش قد انا بخير وروحي بيت زوجش وجي عِندي عصرـ

اسيل: طرده محترمه هاه

ام هاشم: ههههههههههههه ايوووه

اسيل: الله لايحرمني من هذه الضحكة يله عتقوم البس واخطى

ايمان: ايش تلبسي الزي حقش وشنطتش في بيت زوجش

اسيل: سهل عتلبس بالطو من حقش وعتشل دفتر وقلم من حقش وشنطتي الصغيره لان قديه مراجعه قد عنختبر

ايمان: ټمـٱمـ جي هيا



اياد قام بحين عشان معه محاضرة الساعه8:00
بعد البطانيه من فووقه وجلس يتبسر بقعة اسيل
اياد: شووووعه لان ما بحديه اف مالك يا اياد قد بتفقدها خلها تولي احسن
.. بس والله اني فقدتها
غير اداته وشل ملازمه وقرر يخطى الًيَوُمًِ رجل للجامعه



رغد خطيت المدرسه بدون لاتسأل او تدرى ان اسيل نوم ببيتهم لانها زاعله منها

اسيل: يله خااطركم ادعوا لي يمه

ام هاشم: الله معش انتبهي لنفسش

خرجت اسيل وخطيت بدون لاتبسر وراها

اياد ابسرها خرجت من بيتهم خطي بسرعه عشان يلقاها

اسيل بتخطى بسرعه لانها حاسه ان به احد وراها

اياد: اااشش وووووو

اسيل خافت وخطيت بسرعه

اياد وصل لاعندها ومسك بيدها

اسيل بخوووف منه: من انتَ فك لي

اياد: اسيل ماااالش

اسيل ابسرت انو اياد وارتاحت مسكت علـى قلبها: اااف مـڼـڱ فجعتني قلت مدري من انت

اياد فك لـٍهآ :قد بين اقول لش راعي

اسيل: ايحين قلت انت قلت اااشش وووووو

اياد: ههههههه طيب خلاص وين سايره

اسيل: وووين اكيد المدرسه

اياد: اها

اسيل: وانت وين عتسير من ذلحين

اياد: معي محاضرة الساعه 8.00

اسيل استغربت انو جاوبها وماقال لها ما دخلش : اها

اياد: طيب عنجلس في الطريق اخطي هيا

اسيل خطيت معه: لَيــِْش بتخطى سفر وين سيارتك

اياد: الجامعه قريبه مننا وبعدين قلت اتريض في المشي

اسيل: تمام

اياد: احم لَيــِش ماروحتي للبيت تشلي زيش المدرسي

اسيل: اصلا ما كنت عتدرسش بس امي قالت اسير وبعدين جيت

اياد: وليش ما عتدرسيش

اسيل: قلت لان امي تاعبه

اياد: طيب بس قد بيفعلوا لكم مراجعه

اسيل: ايووه يله مع السلامة وصلت المدرسه

اياد: الله معش

اسيل: يله كمل اتريض هههههه

اياد: ههههههه حاااضر



يتبع……







بقلمي،✍
الـيـ أميرة ـمـن


📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الثلاثون ــارت

👌🏻👇🏻 😍
📚 @rewayatyamania 🇾🇪

اسيل دخلت المدرسه مستغربه من تصرف اياد واول مَـرّھٌ ما يجرحها بكلامه لٱ وزد خطي معاها في الشارع
ابسرت رغد مع صاحبتها رغد ابسرتها وقلبت لـٍهآ عيونها

اسيل طنشتها وخطيت لاعند سماح وباقي صاحباتها



بعد الظهر
اسيل روحت البيت

دخلت للمطبخ: سلام عليكم

ام اياد: وعليكم افضل السلام

اسيل: كيف حالش يمه

ام اياد: الْحٍمَدٍ للـّہ مِِـتــ ؟؟! ـى روحتي ووين رغد

اسيل: ذلحين ورغد ماقد روحتش

ام اياد: يووه ما روحتش معش مالكن

اسيل بكذب: اااه هوه جلست تجابر صاحبتها وانا قلت عتخطى ذلحين قد عتروح و
قاطعهن صوت رغد: السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ

ام اياد: وعليكم السلام

اسيل طنشتها وطلعت غرفتها

ام اياد حست ان بينهن حاجه: ماالش انتي ومرة اخوش يا رغد

رغد: ولا حاجه بس متزاعلات ما عليش عنتصالح يله عتطلع غرفتي وداعوني وقت الغداء



اسيل بعد ما صلت لبست روب شبابي احمر مع شيله حمرا وارتمت فوووق السرير بتعب
اسيل الله اعلم ليش اياد اليوم عاملني بطيبة يمكن بدأ يتغير راعي يا اسيل لا تحكميش من اولها خلينا نبسر غمضت عيونها ونامت على طووول



1:30 اياد رجع البيت

اياد: يااااا اهل البيت ياااااايه

ام اياد: هاه ادخل مالك بتصيح

اياد: ما بلا قلت وين انتوا

ام اياد: مووجودين اين عنسير

اياد: امه اسيل روحت او ماااشي

ام اياد بنزاغه: ماشي ما روحتش

اياد بعصبيه ما يعرف ايش سببها: لييش ما روووحت او عتجلس بيت ابوها وخطي يخرج عشان يخطى لابيت عمه

ام اياد: هاه راااعي وين عتسير

اياد: اسير اروحها

ام اياد: قد مرررتك طالع روووحت ظهر مالك قلبت قز

اياد: اها كان لَيــِش تقوولي ان ماقد روحت

ام اياد: ههههه قلت ابسر ما عتفعل شكلك تحبها الله يسعدكم يا بني
اطلع وداعيها تتغدى هيا

اياد جلست بذانه شكلك تحبها شكلك تحبها شكلك تحبها.
طلع غرفته
ابسر اسيل نووم فوووق السرير وشكلها رۈۋ‏عـِھّ باللون الاحمر
اياد مستحيل احبها لٱ لٱ مستحيل
شكلك تحبها اااااف احنا وهذه الكلمه
اقومها تتغدى والا لٱ لْـۆ اقومها عتقول ان انا بين اهتم بها ومدري ماااهو غير اداته ونزل بدون لٱ يقومها



ابو اياد: وووين مرررتك للمه ما نزلت تتغدى

اياد بكذب: هاه قاااالت ما تشتي شااابعه

ام اياد: عاد قالت قدها جاااوعه

اياد: مدري قالت هكذا

رغد بتأكل سكته



الساعه 4.00 بعد العصر

اسيل قامت من النوم ومستغربه كم نامت وكيف نامت اسيل ابسرت ساعتها وشهقت نامت كل هذا الوقت وليش ما قوموها تتغدى
قامت وابسرت شنطة اياد
اسيل: اياد روح لَيــِْش ماقوووومني
اااف والله ان انا جاااوعه واشتي اخطى عند امي
نزلت وابسرت عمتها في المجلس
اسيل: السلام عليكم

ام اياد: وعليكم السلام ايحين قمتي

اسيل: قبل شويه

ام اياد: لَيــِْش مانزلتي تتغدي قال اياد انش قلتي شابعة او انتي تاعبة والا شي

اسيل اياد يا اياد لَيــِْس بتسوي معي هكذا وتكذب على اهلك

ام اياد: اسيل مااالش من بين احاكي

اسيل: هاه ايوه ايوه كنت شابعه

ام اياد: قد عزلت لش غداء دفيه واتغدي

اسيل: مشتيش شابعه عتقوم اخطى ابسر امي
طلعت غرفتها شلت تلفونها واتصلت

اياد: الووووو

اسيل: عتسير عند امي لٱ تقول ما قلت ڵـڱ

اياد: هاه هاه لحظة ليش بتحاكيني هكذا اصغر عيالش انا

اسيل بقهر: ماااشي اكبرررهم

اياد: اسييييل

اسيل: انا مقاطعه قدوه شرق عتخطى عند امي

اياد: مااابش خرجة لاعند امش اجلسي في البيت

اسيل: امي تاااعبه وماقد ابسرتها من صباح الصبح عتسير ابسرها وبعدين ارجع

اياد: ما بتسمعيش انا ايش بين اقول

اسيل: اسير اتغدى لاعاد معاهم غداء لانني كنت شاااابعه وغلقت الخط

اياد....



يتبع……





بقلمي،✍
الـيـ أميرة ـمـن


https://tttttt.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الحادي والثلاثون ــارت

👌🏻👇🏻 😍
📚 @rewayatyamania 🇾🇪

اياد تذكر انو ما قومها تتغدى
ابسر قد غلقت الخط تنهد ورجع عند اصحابه



اسيل لبست البالطو والبرقع وشلت شنطتها وخطيت
ابسرت غرفة رغد خطيت لاعندها

رغد: اتفضل

اسيل: سلام

رغد حرفت وجهها: وعليكم السلام

اسيل دخلت وجلست فوق السرير ورغد فوق كرسي التسريحه

اسيل: كيف حااالش

رغد: ماااادخلش

اسيل اياد الثاني: رغد إذا كان علـى الكف اللي ضربتش فهذا لمصلحتش صدقيني يا رغد هو بس بيلعب عليش والله ما بيحبش والايام بتثبت لش رغد كوووني واقعيه وحافظي علـّى نفسش وعلى شرفش اتمنى انها كانت بس مراسله لانو لْـۆ حصل وقد خرجتي معه او رسلتي صورتش فهذه فضيحه لاهلش تخيلي موقف اخوووش لْـۆ يدرى رغد قدش بنت عاقله انتبهي علـّى نفسش وعلى ثقة اهلش اللي هم واثقين فيش لْـۆ هو بيحبش يجي لش من الباب زي الناس
وقامت خرجت وغلقت الباب

رغد اثر فيها كلام اسيل وبدأت تفكر بجد وقررت




اسيل فتحت الباب الا واياد قدامها
اسيل مقهوره من تصرفه مشيت
بس اياد مسك بيدها

اياد: ووووينننن

اسيل: اظن ان قد گلّمّتگُ

اياد: بس ما قلت تسيري او لٱ

اسيل: اياد ما عتجيش تمنعني من امي

اياد: لساااانش بيطووووول يا بنت الــ

اسيل: اااااص ماااااا اسمححح ڵـڱ تتكلم عن اهلي فااااهم

اياد: خووووفتيني يمااااه

اسيل هزرت يدها من يده: اياد انت زودتها لاهانا ووووبس
ورجعت دخلت للفله

ام اياد: اسيل لَيــِش ما قد رحتي عند امش

اسيل ما جااوبتها وطلعت الدرج بسرعه قبل ما تبسر عمتها دموووعها




اياد: اااف مـڼـڱ يا اياد ضروري تجرحها ضروري تزعلها اااخ مـڼـڱ لمتى بتظل هكذا وانت تذوووب في عيونها
خطي وطلع للغرفة

دخل وابسر اسيل بتلم ملابسها بين شنطتها وتبكي جلس فووق الكنبه وبيقلب تلفونه بدوون لايكترث لـٍهآ

اسيل لمت كل حاجه تخصها وخرجت من الغرفه

ام اياد: يوووه اسيل وين عتسيري

اسيل تبكي: بيت ابي انا تعبت من ولدكم خطيت حبت راس عمتها وواصلت مشيها

ام اياد: اسيل لحظة اسيل مابه قولي لي اسيل

اسيل خرجت من البيت ولان عمارة ابو اياد اللي هم مستأجرينها قريبه وصلت بسرعه

رغد خرجت من غرفتها بسرعه: امااااه مااالهاا اسيل وووين سااااارت

ام اياد: عتعرفي كل شي من اياد

دخلت ام اياد لاغرفة اياد ابسرته فووق التلفون ولا بذهنه

ام اياد طبقت الباب بيدها بقووووووه
لوما وقع التلفون من يد اياد

اياد: اماااه مالكم

ام اياد: ذلحين تقووووول ليـّۓ اسيل لَيــِْش رررراااحت لـٍهآ ايش فعلت بها

اياد شل تلفونه من القاع: عُاَدّي تصايحنا زي اي زوووجين

رغد: زوووجين اياد لٱ تعتقد ان انا مش ملاحظة كيف علاقتك باسيل وهي متحمله ڵـڱ

اياد طنشها

ام اياد: لَيــِْش ماااالهم

رغد: خطيت مَـرّھٌ من جنب غرفتهم وسمعت ابنش المحترم بيعايرها بشغل ابووووها وانها بنت فقر بس اسيل ما اشتكت لاحد حتى اهلها ظنيين انها عايشه ومرتاااحه

ام اياد بصدمة: صدددق اللي قالت

اياد:…….

ام اياد بعصبيه: صددددق اللي قاااالت رغددد

اياد قام: ايووووووه ڱڵـه صددق و
قاطعه كف من امه انطبع علـى خده

رغد شهقت بصدمه امها اللي عمرها ما رفعت يدها عليهم ضربت اياد اليوم

اياد مسك علـى خده بقهر

ام اياد: مش لٱ ابوك غني والله ادى ڵـهٍ نزنط ونتكبر علـّى الناس الرزق بيد الله مش بيد احد انا ما ربيتكم علـّى هذا فاااااهم يا ايااااااد

اياد شل تلفووونه ومفاتيح سيارته وخرج بدوووون ولا كلمه



وصلت اسيل لٱ بيتهم فتح لـٍهآ هاشم
اسيل: سلام كيف البطل

هاشم: بخير

اسيل دخلت للمجلس وابسرت ايمان بتبكي

اسيل تركت شنطتها وحملت لاعندها: ايمان مااالش بتبكي وين امي

ايمان حضنتها وبتبكي: امي اسعفوووها امي تااااعبه يا اسيل تااااااعبه

اسيل: امي مااالها امي ايمان تحاااكي

ايمان: مدري مدري يا اسيل ماني عارفه ما وقع بها
دخل ابو اسيل

ابوهاشم: السلام عليكم

ايمان و اسيل: وعليكم السلام

ابو هاشم: اسيل لَيــِش هذة الشنطة

اسيل: وين امي مااالها

ابو هاشم: اول جاوبيني

اسيل بكت: جيت ما عاد اشتيش اياد يا ابه ماعاد اشتيه قررت اتركه

ايمان: اسيل ماهي هذه الحكايه

اسيل: ابه مال امي

ابو هاشم: امش…… ..



يتبع……



بقلمي،✍
الـيـ أميرة ـمـن




📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الثاني والثلاثون ــارت

👌🏻👇🏻 😍
📚 @rewayatyamania 🇾🇪

ابو هاشم: امش تاااعبه
ومسح علـّى وجهه بقهر

اسيل: ابااااه قول ماهو مرض امي لاتخبي علينا قد احنا كبار وواعيات

ايمان: امي ايش مرضها لَيــِش بتجلس تفقد وعيها

ابو هاشم بكى: امكن مريضه بالسرررررطااااان بالسررررطاااان

اسيل مسكت ع فمها بصدمه امها مريضه بالخبيث

ايمان نااحت وبكككككت بقووووه واسيل شاااركتها البكى وهاشم بكى معاهن

ابو هاشم ماقدر يبسر عياله بهذه الحاله قام دخل غرررفته وبكى لوووحده






عند فارس
فارس: كيف حاالك يا جد

الجد: الْحٍمَدٍ للـّہ بخير حن ابسرتك يا ولد الغالي

فارس: الله يحفظك يا تاج راسي

الجد: مازد فعلت

فارس: لحد الان ولاحاجه بس ان شاءالله القاه لٱ تقلق

الجد: ان شاءالله ان شاءالله




اياد خرج من البيت وبيسوورق بعصبيه
لوى في شوارع ذمار لاوقت المغرب وخطي جامع صلى وخطي يستأجر فندق ينام فِيَھ لانه مقهور من امه





بيت ابو اسيل
بعد العشاء
اسيل:ابه اشتي ابسر امي

ايمان: وانا

هاشم: وانا

ابوهاشم: ټمـٱمـ غدوووه

اسيل: طيب

ابو هاشم: ما قلتي ليـّۓ لَيــِْش حنقتي

اسيل: ابه حاجه بيني وبينه وماعاد عترجع ڵـهٍ ابدا وقامت من فوق السفره

ايمان: ابه شكلها صممت قالت ماعاد عترجع

ابو هاشم: خير عنحلها ذلحين قووموا ناااموا



عند اسيل غطت نفسها بالبطانيه وجاالسه تبكي علـّى امها وتتخيل كيف عتكون حياتها بدووونها





الصباح الساعة الثامنة

اسيل: يله قدنا جاهزه خطينا

ايمان: ايوه هيا ابي نزل يستأجر تاكسي مع هاشم





في المستشفى
دخلوا الكل لاغرفة ام اسيل
اسيل حملت حضنت امها وبكت وشاركتها ايمان

ام هاشم تبكي وتحضن بناتها

اسيل: امااااه لٱ تفلتينا انا فداااالش

ايمان: احنا ولاشي بدووونش

ام هاشم: انا معاكن ما بفلتكن يا بناتي

بعدين من حضنها وحضنت هاشم
وجلسوا يبكوا




بيت ابو اياد
ام اياد: ابسر دلع ولدك الزايد ما روح للبيت

ابو اياد: كنت بين اقول عيروح ونخطى بيت عمه نرجع مرته

رغد نزلت من الدرج بتسعى

ام اياد: ماالش اخطي دلا

رغد: امه ابه

ابو اياد: ماااهو

رغد جلست: ام اسيل مررريضه نقلوها المستشفى

ام اياد: يوووه لَيــِش

ابو اياد: من قلش وليش نقلوها المستشفى

رغد: ايمان عامله حالاتها دعاء لامها ودخلت سألتها وقالت لي

ام اياد: ماااقالت

رغد: امها مريضه بالسرطان

ابو اياد: لٱ اله الا الله

ام اياد: يوووه قهري عليش يا ام هاشم

رغد: وذلحين في المستشفى

ام اياد: قووم ودينا لاعندهم يا ابو ااياد هيا

ابو اياد: ټمـٱمـ هيا

رغد: عتطلع البس بسرعه



في المستشفى الكل جالس عند ام هاشم

ام اياد: الله يعافيش ويخليش لعيالش

ام هاشم: امين

اسيل جالسه امام الطاقه وبتبكي لحالة امها

رغد خطيت وحطت يدها بكتف اسيل

اسيل التفت لـٍهآ ورجعت تبسر الطاقه

رغد: اسيل عارفه بوضعش بس انتي الكبيره لآزٍمٍ تكوني قووويه عشان اخوتش بيبسروش هكذا وينهاروا

اسيل: صعب صعب امي مريضه ومش باي مرض مرض قاااتل يا رغد

رغد مسكتها من يدها :تعالي،ننزل احسن

اسيل نزلت معاها لاحوش المستشفى



رغد: اسيل ادعي لـٍهآ بس

اسيل: ليت الروح تهدى ماكنت ببخل عليها بروحي

رغد حبت تخرجها من جوها: احم اسيل انا تركت اللي كنت احاكيه والحمدلله ما خرجت معه ولا رسلت ڵـهٍ صورتي واصلا ما يعرف الا اسمي

اسيل فرحت: خير ما فعلتي لانو كان غلط

رغد: مشكووووره لانش ما كلمتي اياد صراحه انتي اخت وصديقه وكل شي لي يا اسيل

اسيل تذكرت اياد ونزلت راسها بقهر

رغد: اسيل ايش بينكم انتي واياد.
امس بعد ما خرجتي امي ضربت اياد كف بوجهه

اسيل: ضررربته ليش

رغد: لانو قلت لـٍهآ انو بيستصغر قدرش وتصدقي لٱ ذلحين ماقد روحش للبيت

اسيل سكتت وزعلت ان امه ضربته




عند اياد جالس بغرفته في الفندق
ويتذكر اسيل وكيف ضربته امه عشانها

اياد: حاسس بتأنيب الضمير علـّى معاملتي اللي كنت اعاملها ايش بتسوي ذلحين وكيف حالها شالها من تفكيره وقام خرج من الفندق




عند اسيل بعد ما روحوا للبيت

سماح جت عندهم بعد ما عرفت
سماح: صدددق قلتي ماعاد عترجعيش

اسيل: ايووووه

سماح: طيب لَيــش

اسيل: اظن انتي اكثر واحده تعرفي لَيــِش

سماح: طيب براحتش بس لٱ تتسرعي

اسيل: اصلا كان لآزٍمٍ افعل هكذا من اول يا سماح انا غلطانه لاني جلست معه






بعد مرور ثلاث ايام



يتبع……









بقلمي،✍
الـيـ أميرة ـمـن



📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الثالث والثلاثون ــارت

👌🏻👇🏻 😍
📚 @rewayatyamania 🇾🇪

بعد مرور ثلاثة ايام
واياد ما روحش البيت ابدا وكل ما يتصلوا ڵـهٍ ما يجاااوب عليهم ومطنش للكل وحاسس نفسه ضايع بدون اسيل بس يكابر انها ما تعني ڵـهٍ شي





الصباح الساعة 7.00
ابو هاشم جاه اتصال وخرج من البيت بسرعه بدووون لٱ يصتبح او يقول لعياله



في المستشفى
ابو هاشم وصل
وابسر الدكاتره بغرفة ام اسيل خطي بسرعه
ابو هاشم: مااابه يا دكتور ما حصل

الدكتور: انت زوج المريضة

ابو هاشم: ايوووه

الدكتور: عظم الله اجرك مرتك انتقلت إلى رحمة الله
ابو هاشم: عظم الله اجري مااااتت كيف مااااتت جلس في الارض بانهيار

الدكتور شله لٱ فوق الكرسي
الدكتور: استهدي بالله ما يسبرش

ابو هاشم: كيف فلتتني كيف وهي معي في السراء والضراء وجلس يبكي
ذلحين كيف عتقووول لعيالي كيف
خرج تلفونه واتصل




عند اياد
بالرغم انو ما بيرد علـّى حد بس جاااوب علـّى اللي اتصله
اياد: الووووووه…… .مااااهو.… ..متــى…… .وين انت…… طيب عتسير لهن ذلحين… ..حاضر ولا يهمك

اياد: ماااااتت ام اسيل مااااتت ياربي كيف عتقوووول لاسيل انا لله وانا اليه راجعوان
شل مفاتيح سيارته وخرج لابيت عمه




بيت ابو اسيل

اسيل: ايمان عارفه وين سار ابي ما حتى اصتبح

ايمان: مدري دخلت للغرفه وما بحدووووه

سماح دخلت: صباااح الخير

الكل: صباااح النور

سماح: ماااالكن

اسيل: ابي مدري وين سار كنا علـّى اساس نسير عند امي

سماح: يمكن وقع معه عمل

ايمان: تعالين نجلس في المجلس لوما يجي

الباب بيدق
ايمان: هااااشم ابسر من في الباب

هاشم: حااااضر



هاشم فتح الباب

اياد: صباح النور كيف حالك يا بطل

هاشم: الْحٍمَدٍ للـّہ

اياد: اسيل داخل

هاشم: ايوووه

اياد: ادعيها

هاشم: بس هي قالت ماعاد تشتيك

اياد: لمن قالت

هاشم: قالت لابي

اسيل خرجت لاعندهم: هاشم من دق ال سكتت لما ابسرت اياد

اياد حس انه مشتتااااق لـٍهآ كثير جلس يتبسرها

اسيل: مااااتشتي

اياد انتبه: البسين هيا واخطين معي ضروري

اسيل: واااثق من نفسك من انت حتى نخطى معك

اياد: زوووجش ومش وووقت قولي لاختش تلبس نخطى للمستشفى

ايمان خرجت لاعندهم: اياد حيا الله من جاء

اياد: الله يحييش

سماح تغطت وخرجت

ايمان: مااابحدووه ابي

اياد: عارررف وذلحين هيا اخطين معي للمستشفى

ايمان: يوووه لَيــِش امي فيها شي

اياد بكذب: لٱ ان شاءالله ما فيها شي بس عمي اتصل وقال اجي اشلكم للمستشفى

ايمان: طيب عتدخل البس بسرررعه

اسيل: ايمااااان مااااعنسيرش معه فاااهمه

اياد لهذه الدرجه كرهتني

ايمان: اسيل قد ابي اتصل ڵـهٍ يمكن امي فيها حاااجه

اياد: اسيل لٱ تعاندي وهيا البسي بسرعه

سماح: اسيل هيا قد جاء

اياد مسك بيد هاشم: يله مرراعي لَـگِنْ نازل انا والنسب
ونزل مع هاشم


البنات ركبين خلف واياد بيسوق وهاشم جنبه

وصلوا للمستشفى والكل نزل

اياد قفل السياره وخطي معاهن

اسيل بهمس لاياد: اظن ماااابش دااااعي تجي معانا

اياد: الا ضروري

اسيل: اظن انو ما يناسبك تخطى مع بنات الفقر قووولتك

اياد لْـۆ تدري ايش عملت بي هذه بنت الفقر طنشها وخطي معها



اسيل ابسرت ابوها جالس فوق الكراسي وشكله بيبكي حملت لاعنده
اسيل: ابه مااالك لَيــش جاااالس هانا

ايمان: ووووين امي

ابو هاشم: استهدين بالله يا بناااتي

سماح: عم عبدالله لَيــِش انت هكذا وين خالتي حسناء

اسيل: ابه حاااكني وين امي

ابو هاشم: امش ارتاحت من هذه الدنيا ومن مشاااغلها

ايمان: يعني مااااهو

ابو هاشم: امكن انتقلت الى رحمة الله ماااتت وغطى ع وجهه وبكى



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الرابع والثلاثون ــارت

👌🏻👇🏻 😍
📚 @rewayatyamania 🇾🇪

اسيل ابسرت ابوها جالس فوق الكراسي وشكله بيبكي حملت لاعنده
اسيل: ابه مااالك لَيــش جاااالس هانا

ايمان: ووووين امي

ابو هاشم: استهدين بالله يا بناااتي

سماح: عم عبدالله لَيــِش انت هكذا وين خالتي حسناء

اسيل: ابه حاااكني وين امي

ابو هاشم: امش ارتاحت من هذه الدنيا ومن مشاااغلها

ايمان: يعني مااااهو

ابو هاشم: امكن انتقلت الى رحمة الله ماااتت وغطى ع وجهه وبكى

اسيل :هههههههه امي مااتت كذب كذب والله انو كذب امي مااااااعتمووووومتش امي مااااااعتفلتتي
اياد خطي يمسكها يهديها
اياد: اسيل هدي وقولي انا لله وانا اليه راجعون

اسيل تضرب اياد بصدره: قوووول انو كذب امي ماااعمتمووووتش يا اياااااد هي قاااالت لي ما بتفلتني لَيــِش ماااتت ليييييش ل. ي. ش
فقدت وعيها وهي بحضن اياد

ايمان جالسته تبكي بهستيريه وسماح بتهديها

هاشم حاضن لابوه وبيبكوا

اياد: ااااسييييل اااسيييييل بيضربها بخفه بوجهها
اسيل قووومي ابسرها فقدت الوعي حضنها وبما انو دكتور دخلها اقرب غرفه

جت الدكتوره بسرتها وعملت لـٍهآ مغذيه ومهدئ

اياد جالس بجنبها وماسك ليدها


دخلت ايمان وسماح
سماح: ايش فيها اسيل يا اياد

اياد: من الصدمه فقدت وعيها

ايمان بتبكي: امي تركتنا وراحت لـٍهآ ماعاد عنبسرش امي ماعاد عنبسرها

اسيل قامت علـى صوووت ايمان
تذكرت كل اللي حصل

اياد: اسيل

اسيل فكت المغذيه من يدها بقوووه لوما خرج الدم من يدها

اياد: اسييييل

اسيل: اشتي امي قووووولوا لهم يدوا لي اااااااامي اااااامي مااااا ماااااتتش

اياد حضنها لاصدره: اسيل لاتفعلي بررروحش هكذا امش عتتعذب اذكري الله

اسيل: اشتي ابسر ااااامي امي مااااااامتتش
اياد وديني لاعند امي اشتي ابسرها
اياد سندها وخطاها معه لاعند امها





دخلت اسيل وايمان وسماح واياد

اسيل ابسرت امها مغطايه بشاش ابيض فكت لاياد وخطيت بصعوووبه

ايمان ماقدرت تتحرك وبتبكي وحاطه راسها بصدر سماح

اسيل بعدت الغطى من وجه امها
اسيل: اماااااه قوووومي هيااااا انا اسيل اسيل بنتش اماااااه دائما كنتي تقولي اسيل بنتي ما تكذب قووومي واثبتي لهم ان انا ما اكذبش اماااااااه حضنتها وبكت بقوووووه

اياد تأثر ونزلين دموعه
خطي يشل اسيل
اياد: اسيل تعاااالي هيا

اسيل: فكني خليني اجلس عند ااااامي مشتيش احد

اياد شلها معه بالغصب
وخرجوا من الغرفه
ايمان باست امها براسها وغطتها وخرجت



روح الكل فوق سيارة اياد
والحاره كلها علمت بموت ام هاشم والكل زعل لانها كانت طيبه مع الكل


بعد ما دفنوا ام اسيل

الكل جالس يبكي
ورغد تحاول تهدي اسيل وام اياد



عند مصطﻔﮯ صديق اياد
مصطفى: الوووووو واخيرا جاااوبت يا شيخ….. ماااهو… .اي حين… ..طيب طيب… ..عتجي انا وفارس

فارس: من هذا

مصطفى: اياد

فارس: ماله

مصطفى: اااه قال ام زوجته ماتت

فارس: انا لله وانا اليه راجعون

مصطفى: بعد العصر نخطى نعزيهم

فارس: بيت من هم

مصطفى: بيت عبدالله احمد الــــ……

فارس نزل عليه الاسم زي الصاعقه

عبدالله احمد الــ……

مصطفى: وووووو ماااالك

فارس: بيت من قلللت

مصطفى: مااالك عبدالله احمد الــ……

فارس مسك مصطفى: مصطﻔﮯ هذا ابي والله انوووو ابي الشخص اللي لي ادوره سنين

مصطفى بصدمه: ابوووووك متأكد

فارس: احد يغلط باسم ابوه وبلقبه

مصطفى: انت اسمك فارس الــــ..

فارس: قصه طوووويله برجع احكيها ڵـڱ
ذلحين من اللي مات قلت

مصطفى: مرررة ابوووك اللي ماااتت

فارس ونسي انها عمة اياد: طيب قم نسير نعزي واقول لابي

مصطفى: نسير بعد العصر....فارس

فارس: ايش

مصطفى: من رأيي هذا السر يجلس بيني وبينك لابعد الموت

فارس: للليييش

مصطفى: ذلحين عاد امهم ماتت مصدوومين لْـۆ تظهر انت وتقول انك ولدهم عتكون صدمه ثااانيه لهم ويمكن ما يتقبلوا

فارس: ابي ما يتقبلني

مصطفى: اقصد خواتك واخوك عتكووون لهم صدمه لانوه اكيد ابوهم ما حكى لهم عنك

فارس: طيب نصبر لابعد الموت بس لآزٍمٍ اكون جنب ابي

مصطفى: عنسير نعزي بس خليك جنبه من بعيد لٱ بعيد ټمـٱمـ حتى اياد لٱ تقول ڵـهٍ ټمـٱمـ

فارس: طيب



يتبع……



بقلمي،✍
الـيـ أميرة ـمـن




📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ الخامس والثلاثون ــارت


👌🏻👇🏻 😍
📚 @rewayatyamania 🇾🇪

طلعت للدرجان والبيت ظلمي
سرت اسأل الجيران وين سارت امي

يا والده يا والده يا تاج فوق راسي
يا ضوء عيني حين اسير واجي

يا والده يا والده لاتغضبي عليا
ادعي وكل خير عيجي صليا

لاغيبش يمه سَـآعــهْْ ولا يووم
ان غاب صوووتش ما يجي لي النوم

يا والده يا والده يا روح داخل الروح
ويا سبايا في المكان مطروح

يا والده ريتش قريب جاره
نشكي عليش القلب ما جرى ڵـهٍ

يا والده يا والده يمه قد انتي امي
ولا عصيتش فالحليب سمي

قَلبـ♡ــيے مسررج ماقدوووش ظلمي

بكت بقوووووه ماقدرت تكمل الاغنيه
اسيل: ماااعدوش مسرررج طفي بعدددددش يمه
اياد جالس وراها من اول ما غنت ومتأثر بصوتها واحساسها وهي بغررفتها لوحدها
خطي جلس جنبها وحضنها

اسيل ابسرت انو اياد وبعدت من حضنه
اسيل مسحت دمووعها: ايش بتسوووي هانا

اياد: اسيل

اسيل: مشتيش ابسررررك اخرررج من عِنـدي من اللي سمح ڵـڱ تدخل

اياد: لاتنسي انا زووجش

اسيل: لٱ غلطااان مش انت زوجي ولا عمرك بتكون زوووجي
ههههههههههههه مش انا بنت الفقر مش انا اللي ما تناااسبك مش انا اللي مش من مستواااك مش ان

اياد حط يده ع فمها: ااااااش لاعاد تذكريني بالمااااضي انا ذلحين غيررررر عن اول يا اسيل

اسيل بعدت يده بقوووه: انت شااافق عليا لان امي مااتت وبتقول ارحمها

اياد: اسيل انتي زوجتي وواجبي اوقف معش بمحنتش زي ما وقفتي معي بموووت صاااحبي انتي اكثر واااحد هداني واكثر واحده وقفت معي وانتي اللي خليتني اتجاوز مصيبتي

اسيل: طيب انا مش بحاااجتك

اياد: اسيل لآزٍمٍ تكوووني قووويه وتواسي اخوتش وتهديهم ما يسبرش انتي الكبيره عيبسروش وينهاروا اكثر
اسيل مش انتي كنتي تقوووولي كلنا عنموووت وكلنا خلقنا للموووت تذكري انتي قلتي لي كل هذا الكلام
تقدم ‏​‏​منـِْها ومسح دمووووعها وخرج من الغرفة
وخطي مع عمه وابوه يبسروا باقي تجهيزات الموووت

بعد العصر الرجااال بيعزوا ابو اسيل
وابو اسيل واياد واااقفين يستقبلوا الناس المعزيه

فارس وصل مع مصطفى

فااارس لما ابسر اللي واقف جنب اياد مسك بيد مصطﻔﮯ بقوووه

فارس: اين ابي يا مصطﻔى

مصطفى: اللي لابس ثوب اسود جنب اياد خليك طبيعي ټمـٱمـ


وصلوا لاجنبهم
مصطفى سلم علـّى ابو هاشم: عظم الله اجررركم يا عم عبدالله

ابو هاشم: اجورنا واجوركم ان شاءالله

سلم علـّى اياد ووقف جنبه

فارس ابسر ابوه بحب كااان وده يضمه لاصدره ويقووول ڵـهٍ انااااابنك وانت ابي
فارس سلم عليه بيده :عظم الله اجرك بمصيبتك

ابو هاشم حس انه يعرف هذا الولد: اجورنا واجوركم ان شاءالله

فارس فك ليد ابوه سلم علـى اياد

ودخل جلس مع مصطﻔﮯ وحاااسد اياد انو جنب ابوووه




بعد مرور ايام العزاء

بيت ابو اياد
الكل بيتغدى

اياد: اححمم اباااه

ابو اياد: هاه

اياد حك راسه: ما بلا قلت اسير انا وياك ارجع مرررتي

ام اياد: خير ما تفعل

ابو اياد: ان شاءالله ټمـٱمـ قد جزع ايام العزاء ماعبش داعي نزيد نراعي

اياد فررح: الله يحفظك يابه
وقام طلع غرررفته بفرررحه انو عيرد اسيل حبيبته

رغد: سبحاان مقلب الاحوال من حاااال الى حااال

ام اياد: الله يهديه والله انها بنت مابها سخى


يتبع……





بقلمي،✍
الــيــ أميرة ــمــن

https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

👁👁

عيـنيــكِ كـسـرت كبـريـائي


البــ السادس والثلاثون ــارت


👌🏻👇🏻 😍
📚 @rewayatyamania 🇾🇪

اياد دخل غرررفته واتمدد فوووق السرير وحط يده خلف راسه
وبيحاااكي نفسه: ااااح يا اسيييل قلبتي حياااااتي اياد المغرور انذل بسبب حبه لش ايووووه حبيتتتش بس كنت اجبر نفسي علـّى اني مابين احبش يااااليت تسااامحيني ونفتح صفحه جديده ياليييت




بيت ابو اسيل
العشي الساعة الثامنة

اسيل وايمان بغررفتهن

وابوهاشم بغرفته

وهاااشم نووم عنده

ايمان حاطه راسه فووق ارجل اسيل

اسيل تمسح راس ايمان: ااااح فقدت ااامي ليتهاااااا ترررجع نزلين دموووعها بس بسرررعه مسحتهن

ايمان: ليت الزماان يرررجع يا اسيل وازيد ابسر امي يوووم

اسيل: الله يرحمها ويجعل مثواها الجنه

ايمان: امين يارب



ابو هاشم قام يبسر من في الباب

ابو اياد: مساء الخير

ابو هاشم: مساء النور والعافيه حيا الله من جاء

اياد سلم عليه: كيف حااالك ياعم

ابو هاشم: سلم حااالك اتفضلووووا



بعد ما جلسوا
ابوهاشم: لحظه اقول للبنات يسبرين شاهي



ابو هاشم فتح الغرفه وابسر ايمان نوم بحضن اسيل
اسيل: ابه ادخل

ابو هاشم: مااشي معي ضيوف الله يحفظش يا بنتي سبري لنا شاااهي

اسيل: حاااضر



ابو هاشم رجع لاعندهم وجلس جنب ابو اياد

ابو اياد: ابو هاشم اسمعني احنا جينا نرد مرة ابننا واطلبوا ايش ما اشتيتوا
ابوهاشم: حياااكم وانا والله ما لي علم لَيــِش حانقة ومصره انها ما عاد ترجعش ولوما اسألها تقول تصايحت معه ما بنسدش ومدري ماااهو

اياد: ياعم والله ان انا شاااري بنتكم وجيت الًيَوُمًِ اصلح غلطي

ابو اياد: ذلحين قووم حاكيها وابسر ما عتقووول ڵـڱ
ابو هاشم قام: ټمـٱمـ



خطي للمطبخ شل الشاهي من اسيل وقال لـٍهآ تراعي ڵـهٍ بالغرفه عشان يحاكيها



دخل لهم الشاهي واستأذنهم يحاكي اسيل




ابو هاشم دخل لاعند اسيل

اسيل: مااهو يابه

ابوهاشم: طبعا اللي داخل في المجلس اياد وابوه جوا يردوووش

اسيل: طيب

ابوهاشم: زووجش جاء يردش عتررروحي معاهم

اسيل: ابه قد،انا قلت ڵـڱ ماعدرجعش ڵـهٍ ابدا ماعاد اشتيه

ابو هاشم: ادي لي سبب واحد يا اسيل
لَيــِْش ماعد تشتيه

اسيل لْـۆ احكي ڵـڱ ما ابسرته بنتك منه :ابه قووول لهم هكذا وووبس

ابو هاشم خرج ودخل لاعندهم



اياد جالس علـّۓ نااار

ابو اياد: هيااا مه

ابو هاشم جلس: والله حااولت معاها مارضيت قالت ماعد عترجعش ابدا

اياد بصدمه: لللليش ماعاد عترجعش

ابو هاشم: خلوها هذه الفتره اصلا عادها مصدووومه بموت امها

ابو اياد: ټمـٱمـ ان شاءالله نجي مره ثاااانيه

اياد روح مع ابوه بخيبة امل


الصباح الساعة 9.00

فارس: هيا يا مصطفى

مصطفى: يله يله خرج لاعنده

فارس: هيا مشينا

مصطفى: يله انت متأكد عتقدر تواجهه

فارس: منتظر لهذه اللحظة من زماااان يا مصطفى



بيت ابو اسيل
الباب بيدق

ابوهاشم قام يبسر من بيدق الباب

فتح وابسر اصحااب اياد في الباب استغرب بس رحب بهم

ابوهاشم: حيا الله من جانا تفضلوا

مصطفى: يا الله يا الله

ابوهاشم: تفضلوووا مابحد الا انا البنات خارج عند صاحبتهن



بعد ما جلسوا
ابوهاشم: كيف حالكم يا عيالي وليش ما جا معاكم اياد

مصطفى: الصراحه احنا جيناك في موضوع مهم

ابو هاشم: اتفضلوووا

مصطفى: فااارس حاااكيه

ابو هاشم: اقلقتوووني مابه

فارس: انت عبدالله احمد الــ….. صح

ابو هاشم: ايوووه

فارس تنهد: من قريه الــ……..

ابوهاشم بتعجب: ايوووه

فارس: ما معك الا اخت واااحده واسمها ابتسام

ابو هاشم: وانت ما دراااك من انت

فارس: وكنت متزوج حوريه ناصر الــ……

ابو هاشم قام: ايش دراك بهذا ڱڵـه

مصطفى: هدي يا عم عبدالله

ابو هاشم: قووولي من انت يا ولدي

فارس قام : انا ولدك فارس عبدالله احمد الــ…….

ابو هاشم صدددمة وفررحه بنفس الوووقت: وللللدددي

فارس حس ان ابوه ما فرح به :ايوووه ولدك البكر

ابو هاشم حضنه بقوووه وبكي

فارس فرح وحضن ابوه وبكي

ابو هاشم: واخيرررا ابسرررتك قالوا انك مت مدررري ماااهو

فارس: لاتصدقهم انا بخير وجالس ادور عليك

في هذه اللحظة دخلين اسيل وايمان واستغربين من اللي حاضنه ابوهن وبيبكي

اسيل:…….










يتبع……














بقلمي،✍
الــيــ أميرة ــمــن

https://tttttt.me/rewayatyamania/24447


📚 @rewayatyamania 🇾🇪