قصة عينيكِ كسرت كبريائي للكاتبة: أميرة اليمن

ملخص القصة 🥀

اسم القصة : عينيكِ كسرت كبريائي

اسم الكاتبة ✍🏻 : أميرة اليمن

أبطال القصة: إياد وأسيل

عدد البارتات : 54

مدة العرض ⏰ : 6 أيـام

وقت العرض: المساء

#عرض_أول_وحصري_لقناة_روايات_يمنية



📚 @rewayatyamania 🇾🇪

#عينيك_كسرت_كبريائي

البارت الآۆلْ

👌🏻👇🏻 😍
📚 @rewayatyamania 🇾🇪

ابو اياد :اسمع يا عبدالله انا لي صابر ڵـڱ كثير بس لاهانا وبس ادي الزلط انا بحاجتها

ابو هاشم: يا اخ محمد اصبر عليا انت عارف كيف الحاله

ابو اياد: معك مهله ليومين والا فضيت بيتي وسير ابسر ڵـڱ بيت ودبر لي زلطي

ابو هاشم: خير خير



في محافظتي محافظة ذمار الحبيبه
تحديدا في بيت شعبي صغير مكون من غرفتين ومطبخ ومجلس وحمام
تسكن فِيَھ بطلتنا اسيل 😍

اسيل: يمه ما عليش ادخلي انا عتسبر الغداء

ام هاشم: مع مع انتي سيري ذاكري قدش ثالث ثانوي تعب عليش

اسيل: ولا تعب ولا شي قد الًيَوُمًِ عطله خليني اسبر انا

ايمان: خليها يمه عشان لاتزوجت عتجلسي تدلعيها هكذا

اسيل: اللهم لاحسد

ام هاشم: وين هاشم

ايمان: نووم عيقول فرصه الًيَوُمًِ عطله

الكل: ههههههههههههههههه



تعريف لعائلة بطلتنا 👇

الاب عبدالله مسكين فقير بياع شبس وبطاط بعد ما كان في عز

الام حسناء كملت الثانويه وذلحين ربة بيت

البنت الكبيره اسيل ١٨سنه ثالث ثانوي

البنت الوسطى ايمان ١٦سنه اول ثانوي

الابن الاخير هاشم ١١ سنه خامس ابتدائي




ام اياد: هيا ما قلك

ابو اياد: قال اصبر عليه اصبر عليه وقدهيه ست مية الف

ام اياد: يمكن مابش معاهم

ابو اياد: وانا ما افعله لٱ مابش معه يدي زلطي والا يخرج من بيتي يبسر ڵـهٍ بيت

ام اياد: خير خير

اياد دخل للبيت :السلام عليكم

ام وابو اياد: وعليكم السلام

ابو اياد: وانت ماني عارف كيف افعل بك عتجنني يا ولد

اياد: مابه ليش

ابو اياد: قلي ايحين عتتزوج اللي ساعك قد عيزوجوا عيالهم وانت جالس عزب

اياد قام: اول اكمل ادرس وانا ذلحين ما بين افكر بالزواج وتحمل المسؤوليه اشتي اعيش شبابي وطلع لاغرفته

ابو اياد: هيا ابسرتي ايش على ولد قلش اعيش شبابي
من بين احاكي مالش مطننه

ام اياد: عِندي الحل لدفع الايجار ولولدك

ابو اياد: ماهو الحل قولي

ام اياد: مع عبدالله المستأجر عندك بنت سبحان اللي خلقها حااااليه قووي

ابو اياد: ايوه ما افعلها اسير اخطبها لي

ام اياد: اسمع للفلسفه ايش رأيك نزوج اياد بها

ابو اياد: كيفه مافهمت ايش حلش

ام اياد: قول لعبدالله يزوج بنته ببنك بالزلط اللي عنده وانت عتوفي الباقي حق الشرط وانحلت الامور

ابو اياد: فكرره قسم بالله هيا عتسير لاعنده الليله

ام اياد: لٱ اول عتسير انا ورغد غدوه عصر وانت سير العشي

ابو اياد: يله ټمـٱمـ




تعريف لعائلة بطلنا اياد
الاب محمد معه عماره مأجرها ومحلات وغني ماله شي

الام فاديه ربة بيت

البُـنًتٍ الكبيره هند متزوجه معاها بنت

الولد الاوسط بطلنا اياد ٢٤سنه بيدرس خامس سنه طب مغرور لابعد حد

البُـنًتٍ الاخيره رغد ١٨ سنه ثالث ثانوي




يوم ٱڅڑ بعد العصر

بيت اسيل

ايمان: من في الباب








يتبع……










بقلمي،✍
الــيــ أميرة ــمــن



📚 @rewayatyamania 🇾🇪

عيـنيــكِ كـسـرت كبـريـائي


البارت الثاني


👌🏻👇🏻 😍
📚 @rewayatyamania 🇾🇪

ايمان: من في الباب

ام اياد: انا ام اياد

ايمان فتحت: حياش الله يا ام اياد اتفضلي

ام اياد: زاد فضلش امش موجوده

ايمان: ايوه موجوده

رغد: كيف حالش يا ايمان

ايمان: الْحٍمَدٍ للـّہ وانتي كيفيش

رغد: ټمـٱمـ

ايمان: اتفضلين المجلس امد ما اداعي امي


ام اياد: ابسري ما انظف بيتهم وكيف شم البخور

رغد: ايوه نظاف ياسين عليهن

ام اياد: ما احنا ما نبخر الا لٱ حد عيجي عندنا

رغد: صدقش يمه



ام هاشم: حيا الله من جانا نور البيت

ام اياد: مْنـۈۋۈر باهله كيف حالش ياختي

ام هاشم: لله الحمد


اسيل دخلت بالعصير :السلام عليكم

الكل: وعليكم السلام

ام اياد بــ انبهار :حيا باسيل تعالي اجلسي جنبي

اسيل بخجل: تسلمي يا خاله وخطيت جلست جنبها


بعد المجباره البنات في غرفة اسيل والامهات في المجلس

جاء المغرب وام اياد روحت



في غرفة ابو هاشم

ام هاشم: تخيل من جاء الًيَوُمًِ عندنا

ابو هاشم: من

ام هاشم: ام اياد وبنتها

ابو هاشم: حتى انا الًيَوُمًِ اتصل لي ابو هاشم قال بايجي يسمر عندنا الليله يشتي يجابرني

ام هاشم: اح خير

ابو هاشم: ما قالوا لش ما يشتوا

ام هاشم: ماشي بس مجباره عُاَدّيَےّ





الساعة ٢.٠٠ بعد العشاء
بيت ابو هاشم
ابوهاشم: يا حيا الله من جانا اهلا وسهلا

ابو اياد: الله يحييك

ابو هاشم: ماتشتوا تشربوا

اخو ابو اياد: ولا حاجه اسلم جيناك في موضوع ڱڵـه خير يا ابو هاشم

ابو هاشم: خير

ابو اياد: ما عنلف ولاندور جينا طالبين راغبين يد بنتكم المصونه لابننا المصون

ابو هاشم انصدم ما توقع جوا يخطبوا

اخو ابو اياد: هيا مالك سكت

ابو هاشم: حياكم الله ونسبكم غـِْاليّے بس نسأل البُـنًتٍ ونرد لكم نابي.

ابو هاشم: طيب بس كنت اشتي اقلك لْـۆ وافقت وكان به نصيب الايجار اللي فوقك حق البيت اخصمه من حق المهر والباقي حق الشرط انا شا اديه

ابو هاشم صدمه ثانيه بيحاكي نفسه: ذلحين بيخيرني يا ازوج بنتي يا اخرج من البيت اح من الدنيا بس

اخو ابو اياد: هيا ما قلت

ابو هاشم: حياكم الله بس ماقلت اين تشتي

ابو اياد: البُـنًتٍ الكبيره ما اسمها

ابو هاشم: قصدك اسيل

ابو اياد: ايوه ايوه قالوا اسيل

ابو هاشم: خير ان شاءالله




الساعه ١٠.٣٠ في الليل

ايمان : اسيل قووومي انتي هيا انا تاااعبه

اسيل: انتي اللي تقوومي

ايمان: هيا هو تعبي الجاك ماء بسرعه هيا انا عاطشه

اسيل: امري الى الله طيب


خاطيه للمطبخ بس وقفت تسمع


ام هاشم: هيا مه ما يشتوا مـڼـڱ

ابو هاشم: اح خليها علـّۓ الله

ام هاشم: ماهو

ابو هاشم: طلبوا يد اسيل لابنهم مقابل الدين اللي فوووقي وعاد عيدوا الباقي

ام هاشم: وانت ما قلت

ابو هاشم: ما قلت قلت نسأل البُـنًتٍ بس قد احنا مخيرين يا نزوج يا نخرج من البيت

ام هاشم: وين نخرج وين نسير وانت عارف كم الايجارات

ابو هاشم: خير بس والله ما اغصب بنتي خليها علـّۓ رأيها

ام هاشم: عند الله كل خير



اسيل مصدوووومه يعني ماهو تتزوووج والا تكون السبب في تشرد اهلها خطيت للغرفه بسرررعه شلت البطانيه ورقدت

ايمان: صرفوووا مالش وين الماء

اسيل ساااكته حسها مش معاها

ايمان: ماااالش اف ارقد ليـّۓ اخرج

اسيل: اح يا اسيل يعني انتي مخيره يا تتزوجي بهذا اللي ما تعرفيه وتستري اهلش يا ترفضي وتبهذلي باهلش وتشرديهم في الشوارع
نامت بعد التفكير الطووويل




الصباح الساعة الثامنة

ام اسيل:







يتبع……







بقلمي،✍
الــيــ أميرة ــمــن

📚 @rewayatyamania 🇾🇪

عيـنيــكِ كـسـرت كبـريـائي


الــبــ الثالث ــارت

👌🏻👇🏻 😍
📚 @rewayatyamania 🇾🇪

ام هاشم:اسيل كملي اصتبحي وجي لاغرفتي

اسيل: حاااضر



اسيل: ادخل

ام هاشم: ادخلي ادخلي

اسيل: ما تشتوا يمه

ام هاشم: انتي داريه امس جوا ناس وطلبوا يدش

اسيل مثلت الصدمة :جوا يخطبوني انا

ام هاشم: ايوه

اسيل بكذب: من هم

ام هاشم: اياد ولد الحاج محمد اللي احنا مستأجرين عندهم

اسيل: ما رأيكم انتوا

ام هاشم: اللي تشتي انتي

اسيل بتردد: خلاص يمه انا انا هو

ام هاشم: انتي ايش

اسيل :موافقه عليه بس اهم شي ادرس

ام هاشم فرحت :مبروك يا بنتي مبروك

اسيل: الله يبارك يمه





بعد العصر

بيت ابو اياد

ابو اياد : الله يحييك خير بشر… الله يقدم مافيه الخير… .. مبروك لنا ولكم… خلاص ان شاءالله عنجي الليله لاعندك نتفق علـّۓ كل شي… يله الله معاك

رغد: ماهوه يابه وافقت

ابو هاشم: ايووه وافقوا وعنسير الليله ندفع

ام هاشم ورغد: حجرررين

اياد: من اللي عيخطب

ابو هاشم: انت

اياد بصدمة: انااااااا

ام هاشم: ايووه انت او عنراعي لوما نمووت وماقد زوجناك

رغد: حرام يا اياد انهيه بنت جنان قمر سبحان الخالق شعرها اشقر وعيونها شقر تقول خارجيه

اياد: وانا قد قلت لكم ما اشتيش يعني ما اشتيش

ابو اياد: واحنا قد ادينا للناس كلمه وعتتزوج يعني عتتزوج

اياد: وانا ما عتتزوجش وبعدين ماجيتوا تختاروا لي الا بنت بياع الشبس ما اشتيها

ام هاشم: ولا ابوها بياع شبس ما فيها مش هي بنت
اياد: ما اشتيش مشو بالغصب

ابو اياد: اسمع يا اياد قسم بالله ثاني وثالثه لوما تتزوج وبالبنت اللي اختارتها امك لانت ابني ولا اعرفك وانا متبري مـڼـڱ من الًيَوُمًِ ليوم الدين وقد سمعتها كلمه

رغد: ابااه مش هكذا

ابو اياد: قد سمع ايش قلت وانت افعل اللي براسك يا اياد تشتيني اموووت وماقد ابسرت احفادي
شل مفاتيح سيارته وخرج

واياد طلع لاغرفته

ام هاشم: الله يحلها

رغد: ما عليش يمه والله لْـۆ يبسر اسيل لٱ يحبها وانتي تبسري






في غرفة اياد

اياد: الوووو

مصطفى: حياااك يا شيخ

اياد: مصطفى اسمعني ما اقلك

مصطفى: مابه ماقد فعلت من مصيبه

اياد: اسمع يا لغجه ابي وامي ساروا خطبوا لي

مصطفى: الف الف مبروووك خير ما فعلوا

اياد: اسمعني والله ما اشتيها انَت عارف مشتيش اتزوج ذلحين اشتي اعيش بحريه مشتيش اتقيد

مصطفى: ياخي من اللي ضحك عليك وقال ان الزواجه سجن للناس هي حياة مشتركه هادئه ابسرني متزوج وولدي في الطريق وبين ادرس وافعل كل شي

اياد: اف يا مصطفى تخيل انا اياد ساروا يخطبوا لي بنت بياع شبس وبطاط

مصطفى: وبنت بياع الشبس مش هي بنت او ماهو والا ناقصها عين والا يد

اياد: مستحيل تخيل ان انا اناسب هذا بياع الشبس

مصطفى: ياخي مِِـتــ ؟؟! ـى بتبطل غرورك هذا غرورك هذا اللي بيدمرك

اياد: المشكله ان الكل عارف ان انا مغرور وابي سار خطب ليـ استغفرالله بس

مصطفى: انَت اخبر

اياد: ابي قال عيتبرى مِڼـّي وماعاد انا ابنه ولا اعرفه لْـۆ مارضيت بالعرس

مصطفى: يا مجنون سير قل لابوك انك موافق عتخسره وتخسر اهلك لاجل غرورك

اياد: اف هذا رأيك

مصطفى: ايوووه اهم شي رضى الوالدين وانت سهل مع الوقت بتحبها

اياد: بعدك ڱڵـه ولا زعل الوالد يله خاطرك

مصطفى: مع السلامة واوبه تتهور




يتبع……



بقلمي،✍
الــيــ أميرة ــمــن


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

عيـنيــكِ كـسـرت كبـريـائي


الــبــ الرابع ــارت

👌🏻👇🏻 😍
📚 @rewayatyamania 🇾🇪

بعد مرور شهر
واليوم خطوبة
اسيل & اياد


مصطفى: اين عتلبس الثوب البني او الابيض

اياد: اين ودك

مصطفى: الابيض احسن

اياد: ټمـٱمـ هاته

مصطفى بيلبس اياد الكوت وبيغني

… اسمع يا عزب من عندي هذا القول وافهم قصدي وانوي للزواجة بعدي عقبى للعزب عقبى ڵـه عقبى للعزب عقبى ڵـه ..

اياد: اص يا مصطفى انت داري مشي هذهالزواجه تخيل انا اخطب بنت الــ. اف استغفرالله بس

مصطفى: ياخي بطل تفكر هكذا وافرح الًيَوُمًِ فرحه ڵـڱ

اياد: بحاول

مصطفى: وهذا الشال سبرناه باقي العطر وين هو شله وعطر اياد

بعد ما لبس جزمته نزل مع مصطفى
يسلم على امه

ام اياد وخالاته وعماته: ولللللللللليييي

ام اياد: الف الف مبروك يا قَلبـ♡ــيے

اياد: يبارك فيش يا غاليه

مصطفى: هيا الكل مراعي خارج

اياد: هيا




بيت اسيل
ايمان: بتسمعين قررريح

سماح: ايوه شكلهم وصلوا وين اسيل تعالي تشاقري خطيبش عشان تعرفيه

اسيل رجمتها بالمخده: اص يا كلبه

ايمان: لاتخزيش يا قَلبـ♡ــيے تعالي بس يمكن يطلع شوعه وما يستاهلش يا شقراء العرب

سماح: تعالي يا صاحبة الغمازات

اسيل: شلووكن من بنات

ايمان: سماح ابسري ابسري تقولي اينهو اللي بالكوت البني والا الاسود

سماح: لحظة مدري بصراحه الاثنين حاليين

ايمان: ابسري هو اللي لابس كوت بني لان الكل بيسلم عليه

سماح: الله حرام انو قمر

اسيل قامت تبسره

سماح: هذه اللي خازيه قبل شويه

اسيل: اص قولين اينهو

ايمان: هذك الجنتل

سماح: حالي ساعش

ايمان: الصراحه مناسبين لبعضكم البعض

اسيل بتحاكي نفسها الله اعلم كيف بتكون حياتي يارب توفيقك


ام هاشم: ما بتفعلين في الطيقان

البنات افتجعين وبعدين من الطاقه

ايمان: قلنا نبسر كيف تعيس الحظ

سماح: قولي سعيد الحظ وين بيلاقي زي اسيل

اسيل حضنتها :يوووه انا فدالش يا صديقتي الغاليه

ام هاشم: هيا لاعد حد يبسركن لاعاد تتبسرينش

ايمان: حاااضر




في مجلس الرجال
طبعا الًيَوُمًِ حفلة الرجال بس

مصطفى: اياد يا منعاه ابتسم شوويه

اياد: ايش اسوي ڵـڱ ارقص مثلا

مصطفى: اضحك شويه بس تفعل خير

اياد: اسكت عاد حتى زد قال ابي ما بلا اخزن وانا ما بين اخزنش ما بلا يفرضوا اوامرهم

مصطفى: ضروري تخزن الًيَوُمًِ خطوبتك يا خبير

اياد: اف ايحين عيجزع الوقت

مصطفى: اح قرحت قَلبـ♡ــيے

اياد: والله انو انتوا اللي قرحتوا قَلبـ♡ــيے





يوم خطوبه اسيل حفلة النسوان
كانت جميله بمعنى الكلمه فستان احمر مع تسريحه هادئه طلعت قمه بشعرها الاشقر الطويل وعيونها

رغد: امه لْـۆ بس ابنش يبسر القمر اللي خطب ماعاد يفتح لقفه

ام اياد: عيحبها ان شاء الله

رغد: ماهو الله يصبرها عليه

ام اياد: الله يهديه




تسريع للاحداث
الًيَوُمًِ زفاف
اسيل& اياد

اياد: اخ يا مصطفى مش حاسس بفرح مشتيش هذا العرس

مصطفى: ياخي حسستني انك بنت وغصبوها اهلها

اياد: برايك ماناش مغصوب

مصطفى: عسى ان تكرهو شيئا وهو خير لكم

اياد: تخيل ما عيقولوا زملائي في الجامعه تزوج ببنت بياع شبس كيف عتكون نظرتهم لي

مصطفى: من المفروض تكسر لقف كل من يقول هكذا وما تسمح لاحد يتكلم عن عرضك وحرمك

اياد: ما يشرفنيش تكوني حرمي

مصطفى: قديه اسيل زوجة اياد محمد الــ…. غصبا عنك

اياد: وهذا اللي قاهرني

مصطفى: قم هيا غير اداتك و اوقع رجال

اياد: اح امري الى الله




في الصاله
نزلت اسيل بفستانها الابيض
اللي لٱ يختلف عن بياض جسمها وتسريحتها كانت جميله بمعنى الكلمه






الساعة ١٢.٠٠
زفوا اسيل لابيت عريسها اياد
بين توديع امها ودموع اختها وصديقتها سماح


اياد استقبل عروسته للباب مسك بيدها وخطي معاها للمجلس

ام اياد: افتش لعروستك يا اياد

اياد مرتبك جدا قري الفاتحه والدعاء
وفتش لكي يبسر قدامه ملاك صغير جميل انبهر بها بس كابر وجلس لان اهم صفاته الغرور

الكل حجر لهم وصوت الزفه ملان البيت
واسيل قد عتموت من خجلها




في غرفة اسيل واياد
اياد:….




يتبع……



بقلمي✍
♥الـيـ أميرة ـمـن♥




📚 @rewayatyamania 🇾🇪

عيـنيــكِ كـسـرت كبـريـائي


الــبــ الخامس ــارت


👌🏻👇🏻 😍
📚 @rewayatyamania 🇾🇪

اياد: انا عتخرج شويه وانتي شلي راحتش وغيري لبسش

اسيل اكتفت بهز راسها

قامت بعدت التسريحه ومسحت مكياجها وغيرت لبسها وجلست بطرف السرير

بعد نص ساعة
اياد رجع وابسرها بطرف السرير تجاهلها ونام في الطرف الثاني اسيل مستغربه ماله حطت راسها فوق المخده والف سؤال يدور براسها
معقول ما يشتيها معقول مغصوب عليها بس ايش اوهو بنت يغصبوه واخيرا غلبها النوم واستسلمت ڵـهٍ


بعد مرور ثلاثه ايام من العرس
واياد مطنش لوجود اسيل

واسيل ما بتصدى تحاكيه بالمره



الكل جالسين في المجلس

ابو اياد: كيف انتوا يا عيالي بخير مالكم شي

اياد: بخير الله يحفظك

ابو اياد: وانتي يا بنتي او اياد بيزعلش

اسيل سكتت بالاول خليه يعبرني ويكترث لوجودي

اياد خاف تتحاكى: الله المستعان يابه اسيل قَلبـ♡ــيے وروحي ما اسخاني ازعلها

ابو اياد: الله يصلحكم

ام اياد: امين يا الله ويرزقهم الذريه الصالحه

اياد قام: اسيلي هيا نطلع

اسيل مستغربه منه: طيب

مسك بيدها وخطيوا للغرفه

اياد فك ليدها
اياد بيتحاكى من بين اسنانه: اسمعي ما اقلش وافهمي سواء ذلحين انتي مستغربه انا ليش مطنش لش وليش مابين احاكيش ومدري ماهو

اسيل ساكته تسمع ما عيقل

اياد :انا بصراحة ما يشرفني ان انتي تكوني زوجه ليـّۓ

اسيل صددددمة هذا بيهين كرامتها غمضت عيونها بقوووه

اياد يكمل: لٱ تعتبريني زوجش ومدري ماهو يا بنت الفقر انا اياد محمد الــ…. ما يناسبني ان بنت بياع الشبس تكون ام لعيالي انتي هانا حسب رغبة الوالد بس فاااهمه
… مااااااالش ساااكته

اسيل بقوه مصطنعه: ايش اقوووول

اياد: الله واخيرا طلع لش صوت اسمعي هاه انا احذرش تشتكي بي عند احد يا ويلش انا وياش قدام احنا سمن علـّۓ عسل احلا زوجين مفهوم

اسيل بصوت واطي: متخلف

اياد: ماااقلتي علي صوتش

اسيل: قلللت الفقر مشو عيب يا ولد الاكابر وعمر الغنى ما رفع مكانة الانسان

اياد: والله وطلعتي عالمه

اسيل: هذه اخلاقي اللي تربيت عليها
وخطيت تخرج بس اياد مسكها من يدها

اسيل بألم: فك ليدي

اياد: انا لما اتكلم معش ما تديري لي ظهرش فاااهمه
اسيل: اظن ان گلآمَگ خلص ما عاد باقي

اياد: سلااامتش اخطي من قبالي

اسيل: فك ليدي عتكسرها

اياد ابسر يدها قدها حمرا فك لـٍهآ ورجع تمدد فوق السرير واسيل خرجت من الغرفه



خرجت لاحوش البيت كان فِيَھ شجر لانوه كبير جلست ☟تٌَحَـتْ☟ واحده
اسيل: اه يا دنيا قسمي منش العذاب فقط ذلحين جت لي هذه المصييه لانا قادره اتركه وارحلي بيت اهلي ولاعد تقدر استحمل وجوده ياربي ما افعل ساااعدني ي الله وجلست تبكي





بعد مرور اسبوع
بدون كلام بين اين من اسيل واياد وكل واحد يتجنب الثاني


الصباح الساعه٨.٠٠

اياد قام تروووش وغير اداته وشل ملازمه عشان يخطى الجامعه


اياد: صباااحكم نووور

الكل: صبحك الله بالخير والعافيه

اياد: وين الصبوح

ام اياد: ټمـٱمـ عتقوم ابسره قد مرتك بتصلحه

ام اياد: زوجش يشتي الصبوح

اسيل: كل شي جااهز شلي معي هذا

ام اياد: ټمـٱمـ هاتي

ام اياد :تفضل اصتبح

اياد: تسلم الايادي

ام اياد: تسلم يد اللي سبرت

اسيل: الله يسلمش

الكل بيصتبح

اياد: وين رغد

ام اياد: قد خطيت المدرسه

اياد: اها

ام اياد: قالت تشتي تشل مرتك معاها لان الفصل الثاني بدأ بس قلت مش وقت تزيد اسبوع لان عادها عروسه

اياد: طيب مش وقت هذا المجبر عنتحاكى بوقت ثاني وانا من عيقرر تدرس والا لٱ وشل مفتاح سيارته وخرج

اسيل بتحاكي نفسها: يا الله لاعاد يمنعني من دراستي حلم حياتي اللي كافحت لوما وصلت لثالث ثانوي




في الجامعه

اياد :… ..



يتبع……




بقلمي،✍
الــيــ أميرة ــمــن


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

عيـنيــكِ كـسـرت كبـريـائي


الـبــ السادس ــارت

👌🏻👇🏻 😍
📚 @rewayatyamania 🇾🇪

اياد: قلك تشتي تدرس ماعاد الا ادرسها انا

مصطفى: انت داري ان البُـنًتٍ قبل ما تتزوج كانت بتدرس وابوها قد قلك قالوا البُـنًتٍ تكمل دراستها

اياد: وانا ما عتقريها ابدا تحلم بس

مصطفى: وين اياد اللي كان يقول ما عيتزوج الا بنت متعلمه ودارسه

اياد: كنت اقصد بنت غيرها مش بنت الفقر هذه

مصطفى بعصبيه: ياخي بطل هذه الكلمه قصدك لاقدك غني والله ادالكم تذل الناس مابلا تواضع لان التواضع زينة المرء وفلته وخطي

اياد مسح على وجهه وشل كتبه ودخل للمحاضره





في مكان ثاني
واول مره نذكره

الجد: ماعاد فعلت يا ولدي

فارس: والله يا جد ان قد سألت كثير بس ماحد يعرفهم

الجد: اح يا قهري عليه يعلم الله كيف حالته ٢٠سنه ما عاد ابسرته مدري عايش ميت جاوع شابع

فارس: ان شاءالله يكون في عز يا جد ولا عليك انا ما يئست عاد بدور واسأل عليهم لوما الاقيهم

الجد: راكن عليك يا ولدي

فارس: ولا يهمك





بعد الظهر

في غرفة اسيل

اسيل: رررغدد ما اخذتوا وكم قدهن دروووس

رغد: عادهو ثاني اسبوع ندرس قد البنات كلهن بيسألني وين مرة اخوش ما عاد عتدرس

اسيل: وانتي ما قلتي

رغد: قلت الا اكيد عتدرس وزيد جامعة

اسيل ضحكت بــ استهزاء

رغد: بعدين قالين نيالها شكل زوجها يحبها قوووي




اياد سمع الكلام ڱڵـه
بعدين دخل للغرفة

اياد: سلاااام

رغد واسيل: وعليكم السلام

اياد: ما بتفعل عندنا رغوووده

رغد: جيت اوري اسيل ايش قد اخذنا
واقلها مِِـتــ ؟؟! ـى بتدرس قد الكل بيسأل عليها لانها ذكيه قوووي

اياد: اها خليها عادها عروووسه

اسيل ابتسمت مجامله لرغد

رغد: يله بااااي اخليكم براحتكم

اسيل: راعي عتنزل معش للمطبخ

اياد: راعي اشتيش بموضوع

رغد: ابسري ما يشتي زوجش خاطركم

اسيل: ماااهو

اياد: تشتي تدرسي

اسيل: اكيد عتدرس

اياد: واذا قلت مابش دراسه

اسيل: اظن ان أإأبـْيے قال لكم ان انا اشتي ادرس لَيــش ما رفضت

اياد بــ استهزاء: لْـۆ كان الامر في يدي كنت ما تزوجتش ولا دخلتي حياتي

اسيل: هذا يدل انك

اياد: ايش كملي

اسيل: ولا شي ودراستي ما بتركها

اياد: وانا قلت مابش دراسه فااهمه

اسيل: انا باقي لي نصف ثالث ثانوي واخلص ثانويه ما بتركها عشانك ويضيع تعبي

اياد: الله طلع لش لسان يا بنت الفقر

اسيل: بنت فقر وراضيه بما كتب الله وهذه بنت الفقر كانت في بيت ابوها تدرس وانت وقدك ولد عز جايي تمنعني بس مش انا اللي تتخلى عن طموحاتها انا عتدرس ولاعليك من دفاتري وملازمي ومصروفي ابي عيديه يا ولد الغناء
وخرجت من الغرفه

اياد لحقها للصاله مسك بيدها بقوووه ووجهها صليه
اياد: ماقصدش بالذي قلتي

اسيل: زي ما سمعت دراسه ما بتركها ابدا
وكل تكاليف مدرستي عيدفعها ابي عزووتي مش مراعيه ڵـڱ

اياد بعصبيه: ابووش ماعاد يدخل منش لانو انا ولي امرش فااهمه ولْـۆ تقوليها مَـرّھٌ ثانيه انتي اخبر بنفسش

اسيل: ما عتفعل هاه عتطلقني طلقني هوذا انا قداامك

اياد فك ليدها :كنتي عترفضي اول ما طلبوش لي

اسيل: لوكنت عارفه ان انَت مريض نفسي كنت ما وافقت ولولا اهلي اولا ما كنت عندك

اياد: باااين

اسيل: اسمعني والله ما اترك دارستي رضيت والا لٱ
ونزلت بسرعه

اياد رجع للغرفه
اياد: اف والبنت العنيده شكلها مش سهله شكلي عتستسلم لها وادرسها
مالك يا اياد خليها تكمل ثالث ثانوي بس




ابو اياد: هيا غداء وين اياد يا اسيل

اسيل: في الغرفة

ام اياد: اطلعي داعيه

اسيل: رغد سيري

رغد: والله من طلع زووجش

اسيل قامت: طيب




دخلت وابسرته بيزرر الشميز امام التسريحه وشكله سارح
التفت لها

اسيل: غداء هيا

اياد خطي لاعندها: طيب هيا

اسيل: ههههههههههههه

اياد: مااالش بتضحكي

اسيل تقدمت لاعنده فككت ازرار شميزه وعدلتهن بعد ما كانين ملخبطات
اسيل: هكذا ټمـٱمـ ههههههه ذكرتني بهاشم دائما ما يقدر يسبر شميزه

اياد واول مَـرّھٌ يبتسم لـٍهآ :ماهو او انا جاهل

اسيل خرجت من الغرفه :مااااااشي هيا انزل
اياد نزل وراها






يتبع……








بقلمي،✍
الــيــ أميرة ــمــن



📚 @rewayatyamania 🇾🇪

عيـنيــكِ كـسـرت كبـريـائي


البــ السابع ــارت


👌🏻👇🏻 😍
📚 @rewayatyamania 🇾🇪

يوم الجمعه
الساعة ٣.٠٠عصر

اسيل: من بيودينا السوق

رغد: مدري جي نقل لاياد

اسيل: مع مع خليه يله حن قد وافق ادرس

رغد: مدري ماله مع انه كان بيقول ما عيتزوج الا متعلمه

اسيل; لْـۆ تعرفي ما عِنـدي وكيف بيفعل بي

رغد: ماالش سكتي

اسيل: ولاشي

رغد: قوومي قولي ڵـهٍ يسوقنا للسوق هيا

اسيل: اناااااا

رغد: ايوه انتي مرته ما عيسخى يردش

اسيل: طيب عتحاول

رغد: قومي هيا شرررق



اسيل طلعت للغرفه وابسرته فوق اللابتوب
اسيل دخلت وسنبت قدامه
اسيل : ياربي الله يشلش يا رغد ايش هذه الورطه

اياد: ماااالش

اسيل: قلت يعني هو رغد

اياد: مااالش عجمى او ماهو

اسيل: لٱ بس قالت رغد عتودينا السوق عشان نشل حاجات المدرسه

اياد ابسرها بــ استهزاء: انا اسوقش السوق احلمي بس يا قمر

اسيل: لَيــِش ومافيها لو وديتني عيب او حرام

اياد: لاعيب ولا حرام بس انا اخطى في السوق معش مستحيل

اسيل بمكابره;:وانا ما يشرفني انك توديني ولا انا اخطى معك

اياد: احسسسسن

اسيل خرجت من الغرفه لاعند رغد ودموعها بطرف عيونها بيستنقص قدرها هكذا ولا مِِـتــ ؟؟! ـى عتصبر

رغد: هيا ما قلش

اسيل تخلي نفسها عُاَدّيَےّ:قال مشغووول ما عيقدر

رغد: اف ما هذا الحظ

اسيل: لَيــِش انتي كل مستلزماتش معش ماعد باقي

رغد: لش انتي

اسيل: ماعليش عتدبر نفسي عتشل غدوه انا وياش من المكتبه تمام

رغد: ټمـٱمـ ولا يهمش

اسيل: هاتي نذاكر الدروس اللي اخذناهن

رغد كملت رسلت الرساله وابسرت لاعند اسيل :ايوه هاتي شنطتي


عند اياد كان خارجي من البيت وقف وخرج تلفونه وابسر رساله من رغووووده

… .يخ كيف انَـَت كريه هذا وعادها عندك نص شهر عادك حريو تزعلها هكذا هي قالت لي انك مٍشًغوٍلً بس ابسرت القهر بعيونها اسيل هي اللي محتاجه مستلزمات انا قد شليت انا وابي بطل غرور يا مغرور







بيت ابو اسيل ٧.٢٥مساء

ايمان: قسم بالله لٱ اقوم اقتلك ماهو هذا قد انت خامس ليش ما بتفهم ساع الناس

هاشم: ماعاد اشتيش تذاكري لي ادوا لي اسيل اشتي اسيل

ايمان: مانا عاجبه عليك سير عند اسيل

ام هاشم: هيا ماهو ما بلا طولي بالش عادوه جاهل يشتي من يداريه

ايمان: ضبح بي وانا معي مذاكره
وانتي مٍشًغوٍلًهُ لْـۆ شي لاتذاكري ڵـهٍ

هاشم: يمه ذاكري

ام هاشم: المشكله عتقوم اقطع بطاط لابوك ايمان انا فدالش ذاكري ڵـهٍ بهداوه

ايمان: حاااضر تعااااال هانا

هاشم: يخ كيف اسيل وكيف انتي

ايمان: ماااالي ما مليت عينك

ام هاشم من المطبخ: ايماااان ذاكري لاخوش سكته

ايمان: طيب حاضر
جي ابسر ذلحين كيف تفرق بين الجمله الاسميه والفعليه وافهم سواء











بيت ابو اياد

دخل للغرفه وابسر ما بحديه
حط الشنطه مع الدفاتر وباقي حاجات فوق الماسة اللي بالغرفه وغير اداته ورقد لانو تاعب من المذاكره



رغد: اسيل ايش هذه المسأله والله ما فمهت

اسيل: اين

رغد: حق الكيمياء معادله

اسيل: يووه شلوش بسيطه

رغد: اين بسيطه هيا فهميني

اسيل: طيب بس قد فيني نوم اشتي ارقد

رغد: فمهيني وبعدين ارقدي

اسيل: امري الى الله تعالي يا بقره

رغد: اهيه عتزنط ذلحين اياد الثاني

اسيل: لَيـش ماله اياد

رغد: مغرور متكبر ماقد لاحظتي

اسيل : الا لاحظت انو اكبر مغرور شايف نفسه;:ايوه بس مش كثير

رغد: الا المهم ما علينا جي اشرحي لي

اسيل: ههههههه طيب هاتي الدفتر







دخلت للغرفه بتعب ابسرته نوووم
فوق السرير ;غريبه يوميه فوق الكنبه بس شكله تعب وعيقل الكنبه لي هذا المغرور خطيت تشل البطانيه وابسرت شنطه استغربت فتحتها وابسرت دفاتر واقلام وملازم ;معقوووله اداهن لي هذا المغرور تنازل بس انا اوريك يا اياد ردتهن بقعتهن ورقدت فوق الكنبه






يتبع……



بقلمي✍
الـيـ أميرة ــمـن


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

عيـنيــكِ كـسـرت كبـريـائي


البــ الثامن ــارت


👌🏻👇🏻 😍
📚 @rewayatyamania 🇾🇪

الصباح ٧.١١

اياد قام وكان مرتاح بنومته لان ڵـهٍ كثير من النوم فوق السرير ابسر اسيل نوم قدامه فوق الكنبه وشكلها مش مرتاحه ابسر ساعته :مال هذه ماقد قامت ناسيه ان معاها مدرسه

نزل من فوق السرير وجلس علـى ارجله وبيقومها اياد وانا ما دخلي اقومها بس عتتأخر وما فيها لْـۆ قومتها إذا هي بتقومني احيانا ابسر شعرها الاشقر مغطي وجهها مد يده ورفعه وبيصحيها :اسيل اسيل يايه اسيل

اسيل اقتلبت للحال الثاني بعصبيه وغطت راسها بالبطانيه

اياد: اهيه عادها تشتي ترقد انا اوريش قام شل الجاك وحول بين القلص ورجع لاعند اسيل

اياد: اسيل اسيييييل مابش فايده بعد البطانيه وصب الماء لٱ وجهها

اسيل قامت بخوووووف ونزلت من فوق الكنبه: يماااااه مااااابه مااااااهوه ايشوووووو

اياد: ههههههههههههههههههههه ههههههههههه

اسيل: لَيــِْش تمليني ماء يا كريه

اياد: عشان تقومي عتتأخري عن المدرسه

اسيل: يووووه المدرسه كم الساعه ابسرت ساعتها يوووه ما عتقووول رغد شلت اداتها وخطيت للحمام بسررعه

اياد جلس فووق الكنبه وبيتذكر كيف فعلت ويضحك سمع رنة تلفونه شله ورد وعادوه بيضحك

مصطفى: يا سلااام هيا ضحكنا معاك

اياد: ههههههههههههه خصوصيات ههههههه

مصطفى: والله غريبه اياد يضحك من صباح الصبح اعرف تجي للجامعه قالب قز

اياد: ذلحين قلي للمه اتصلت

مصطفى: بس قلت ملزمتك عِنـدي لا تدورهاش

اياد: ياااسااارق

مصطفى: حق صاحبي حلالي

اياد: اين حلالك جايي لـٍهآ ذلحين رفع راسه لما دخلت اسيل شلت حجابها وبتسبره

مصطفى: ووووينك

اياد: معااك

مصطفى: مِِـتــ ؟؟! ـى عتخطى الجامعه

اياد: الساعة ثمان ونص وبيبسر اسيل لبست احذيتها وقد عتخرج

اياد: مصطفى احاكيك بعدين مع السلامة


اسيل فتحت باب الغرفه تخرج

اياد: رااااعي

اسيل التفتت ڵـهٍ :ماهو

اياد خطي لا قدامها: وووين سايره هكذا

اسيل: المدرسه

اياد: طيب وين البرقع

اسيل: برقع بس انا متحجبه

اياد: انتي متحجبه

اسيل استغربت انو ما يعرف: ايوووه

اياد: طيب من الًيَوُمًِ ما تخرجي من البيت الا بالبرقع
اسيل: ما اقدر انا محجبه

اياد بعصبيه وصوت عالي : قلت تتغطي ما بتسمعيش انتي ذلحين زوووجتي عرررضي مابش خرجه بدون ما تغطي وجهش فاااهمه

اسيل: بس انا كاشفه طول عمري

اياد بعصبيه اكثر :ما بتسمعيش قلت من الًيَوُمًِ تتغطي ما يعحبنيش احد من اهلي يكوون بدوون غطى فااااهمه

اسيل: طيب مابش معي برقع

اياد: شلي الًيَوُمًِ من حق رغد وبعدين ارجعي اشتري

اسيل: طيب اوامر ثانيه

اياد: ولا شي ورجع لافوق الكنبه
واتذكر حاجه
اياد: اسيييييل

اسيل وقد كانت في الدرج رجعت للغرفه
اسيل: ممماااعاددد باااقي

اياد: تعالي

اسيل خطيت لاداخل :ماهو

اياد: عتسيري المدرسه هكذا

اسيل: عاد عتشل برقع من رغد

اياد: قصدي لَيــِْش ما شليتي شنطتش واشر للي اشترى لـٍهآ امس

اسيل تتغابى: هولا حقي

اياد: لٱ حقي كان برايش حق من

اسيل: شكرا عتشل انا ورغد الًيَوُمًِ بعد المدرسه

اياد: وهذولا انا لمن شليتهن

اسيل: من الي قلك تشتري دام وانت مش متنازل تخطى مع بنت الفقر لَيــِش تشتري لبنت الفقر

اياد سكت مادرى ما يقول هو لَيــِْش شل لها

اسيل خطيت تخرج

اياد: شلي شنطتش بتسمعي ما بين اقول

اسيل: ما اشتيها دام انَـت اللي شليتها

اياد بعصبيه: شليها او لما قدش مرتي عتبذري بالزلط علـى كيفش احلمي بشنطة زيها وانتي عند ابوش

اسيل انجرحت ابتسمت له بقهر وخرجت

اياد جلس فوق السرير : اف والبنت العنيده شل شنطتها ونزل
ابسر الكل بيصتبح
اياد بنزاغه: اسيل نسَيتي شنطتش فوووق شليها

اسيل شلتها منه عشان اهله ما يشكوا وهو مبتسم ابتسامة نصر

رغد: هياااا اسيلي

اسيل ردت البرقع على وجهها :طيب هيا

ام اياد: الله يوفقكن لْـۆ تشلين باص

رغد: هوذا المدرسه في الحاره الثانيه قريب مننا

اسيل: يله خاطركم

الكل ماعدا اياد: الله معاكن



في المدرسه

سماح بتحمل لاعند اسيل
سماح: اسيييييل ياااااااقلببببي
حضنتها بقووووووه

اسيل: فقدتش يا شووووعه

سماح: حتى انا يا عمري ماعاد سمعت حتى حسش لٱ في الواقع ولا المواقع

اسيل: هههههه ذلحين قد عنجلس مع بعض واصل

سماح: هذا اللي مفرحني وبعدين جي لَيــِْش ماعاد فتحتي الواتس

اسيل: ماقد فضيت

رغد: اوهو قدها مزوجه ماعاد بتفضى لاحد

سماح: صدقش يا رغد

اسيل: والله ماهو هكذا شلوكن

رغد: ههههههه طيب انا عتخطى لاعند صاحبتي

سماح: ټمـٱمـ اسيل تعالي تٌَحَـتْ الشجره حقنا هيا واحكي لي عن حياتش مرتاحه او ماشي

اسيل: حااضر


بعد ما جلسين

اسيل: ايش مسوويه

سماح: قد بتبسري من المدرسه للبيت من البيت للمدرسه وانتي كيف انتي كيف حياتش

اسيل وما تخبي شي عن سماح: اح ايش اقول لش وايش اخلي لي

سماح:اسيل مالش قولي لي لٱ تخبي عليا



📚 @rewayatyamania 🇾🇪

عيـنيــكِ كـسـرت كبـريـائي


البــ التاسع ــارت


👌🏻👇🏻 😍
📚 @rewayatyamania 🇾🇪

اسيل وما تخبي شي عن سماح: اح ايش اقول لش وايش اخلي لي

سماح: اسيل مالش قولي لي لٱ تخبي عليا

اسيل: وانا اقدر اخبي عليش اه تذكري يوم قالت امش انا وانتي ولدنا بيوم واحد كم فرحنا

سماح: ووقتها كنا نتضارب من اللي ولدت العشي ومن اللي ولدت الصبح

اسيل: طلعت انا اللي ولدت العشي وانتي الصبح

سماح: وبعدين كنت اقول لش احترميني انا اكبر منش بااثنى عشر ساااعه

اسيل: اح ليت وهذك الايام تعود

سماح: اسيل احكي لي عارفه انش مش مرتاحه

اسيل: انا فدا لصاحبتي اللي تدرى بحالي

سماح: اشكي لي ماوقع فيش حد زعلش عمتش زوجش عمش من

اسيل: سماح الكلام اللي عتقوله لش سر بيني وبينش ياويلش حد يعرف

سماح: حاااضر اصلا من مِِـتــ ؟؟! ـى بنطلع اسرار الثانيه انتي عارفه ان انا وانتي روح واحده باجساد مختلفه يا اسيل

اسيل: حكت لصديقة طفولتها وعمرها وصندوق اسرارها كل شي من يوم دخلت عند اياد لليوم

سماح: ابن الكلب من بيتخايا نفسه بالزلط حقه

اسيل ساكته

سماح: اصلا مشو مقدر للجوهره اللي معه هذا المغفل

اسيل: انا قلت ادي لي لي حل مش تسبي الناس

سماح: اح قرح قلبي يعامل صديقتي هكذا

اسيل: انا صابره بس عشان ابي وامي والله انو عشانهم يا سماح لو انا لنفسي ان قد رحت من عنده وما جلست دقيقه

سماح: الله يصبرش يا روحي

اسيل: اااه

سماح: تقولي بيحب بنت غيرش

اسيل: ما اعتقد لا لا ابدا لوكان بيحب كان عيحاكيها قدامي عشان يقهرني او يجلس يراسلها واصل بين ابسره يفتح النت نادرا

سماح: دام وهو هكذا تمام مشكلته الغرور وانو شايف نفسه

اسيل: يخ والتكبر فيه

سماح: اسيل انتي لآزٍمٍ تخليه يحبش

اسيل: ههههههه مستحيل

سماح: مااابش شي مستحيل

اسيل: بيقول لي بنت فقر عاد عيحبني اف يا سماح

سماح: انتي اول بنت في حياته اكيد عيحبش يا خبلا

اسيل: مستحيل هذك مغرور شايف نفسه

سماح: عتقدري تكسري غروره

اسيل: صعب صعب

سماح: اسيل انتي بنت قمر ابسري ما احلاش شعر اشقر وعيون عسلي وبيضاء وغمازات ورشاقه وكل شي ابسري حتى يداتش حاليات

اسيل: ههههههه شلوش حتى يداتي

سماح: اسيل لٱ تيأسي حاولي تخليه يحبش بتصرفاتش وافعالش حاولي تثبتي ڵـهٍ انش بنت ومش ناقصش شي وان بنت الفقر ع قولته زي بنت الغناء اثبتي ڵـهٍ يا اسيل

اسيل: بحاول

سماح: مش تحاولي عتطبقي اسيل هذه حياتش لاتخسريها وتكوني بنت مطلقه وعادش باول عمرش عارفه مجتمعنا يردوا اللوم علـى البُـنًتٍ والرجال عندهم ما يعيبه شي

اسيل: طيب حاضر

سماح: قولي وعد انش تحاولي تتقربي منه وتفهمي شخصيته وتكسري غروره

اسيل: وووعددد

سماح: تم

قاطعتها الاستاذه
الاستاذه: ماااابتفعلين هانا ليش ما انتين في الطااابور

اسيل وسماح هربين للطابور

الاستاذه بتصيح: طيب يا اسيل انتي وسماح اوريكن


بعد الفسحه

اسيل: رغد تعالي

رغد: ماهو

اسيل: بادليني بشنطتش

رغد: يووه لَيــِش

اسيل: حقش عجبتني

رغد: ابسري شنطتش ٱڅڑ موديل كان نفسي منها ليش ما تشتيها

اسيل: عتبادليني

رغد: طيب اخرج كتبي

اسيل: بسرررعه


بقلمي،✍
الــيــ أميرة ــمــن




https://tttttt.me/rewayatyamania/24447


📚 @rewayatyamania 🇾🇪

👁👁

بــارتـات يومنـا السبـت 👇🏻😍