البارت رقم 87


‏واني أنسى كرهي عند خوفي عليكِ 🖤.


✘ضحايا الحب 💔'♩❋ء .
.

👌🏻👇🏻 😍
📚 @rewayatyamania 🇾🇪


طلعت حوريه تداعي عبدالله من غرفته
وعلاء خرج من المجلس وبيسال امه إيش تشتي يمنى على أساس ماسمعهاش

علاء: امه مالش مابه

حوريه: مالي شي بس بنت وهبيه مريضه
قالت لي أقول لعبدالله يشلهم المستشفى

علاء: اها طيب ودخل المجلس وهو قلق وبنفس اللحظه كآن يحاول يمثل على نفسه انه مش مهتم  بهذا الشي
علاء بيحاكي نفسه: ياربي يعلم الله ايش فيها اشتي اطمن عليها
فجاه حالفه الصمت وضرب راسه بيده علاء بس يكفي يكفي تفكر فيها انت كرهتها ليش مهتم بتفاصيلها بعد اللي سوته فيك ليش عادك تخاف عليها يكفي ياعلاء يكفي

حوريه في غرفه عبدالله جالسه تحاكيه
حوريه : عبدالله بنت خالتك وهبيه مريضه قالت تجي تشل بنتها للمستشفى

عبد الله: انا ماناش فاضي والله انني ضابح من روحي خليها تستأجر تاكس

حوريه: مايسبرش يابني

عبدالله: افهمي يامه بين اقول لش مش انا فاضي وقد انا شابع دنيا

حوريه: للمه مالك

عبدالله : مالي شي

حوريه ذكرت اللي قال لها علاء عن رغد وحست انه تصايح معها

حوريه: طيب وين هي مرتك

عبدالله : ما بحد هيه

حوريه: يوه وين هي

عبدالله: في بيت اهلها

حوريه مسكت على صدرها وشهقت ماهو في بيت اهلها للمه

عبدالله: الله معها خليها تجلس هانك

حوريه: ناهي حاكيني ماوقع بينكم

عبدالله : طلقتها

حوريه بغير تصديق انت ما بتقول ي عبدالله منك صدق او بتتخيبل معي

عبدالله: الله يحفظش يمه خلي لي حالي
مش أنا فاضي للخيبله ذلحين

حوريه : ناهي وماهو هذا الكلام ي عبدالله وماوقع بينكم تحاكى

عبدالله: مش وقت ذلحين سيري لعند خالتي وهبيه قولي لها مابحد انا او مريض او ايش تعذري وخليها تستأجر لهم تاكس ماقدرت أسير اي بقعه

حوريه تنهدت وخرجت من غرفه عبدالله حسبي الله ونعم الوكيل كل واحد بيتصرف على مايشتي وكانني جدر عندهم

علاء سمع امه بتجابر نفسها وخرج يبسر مالها
علاء: مالش يمه بتصيحي

حوريه: مالي شي بس بسبب أخوك هذا تصايح هو ومرته وقد هي في بيتهم وانا ولا لي علم وذلحين ماقول لخالتك وهبيه والله أنه خزاء قال هو مش فاضي يشلهن

علاء: طزز لا تحرقي دمش ولا شي يسدوا موضوع بين رجال ومرته مالنا دخل

حوريه: خيره الله عتسير احاكي حوريه تستاجر لهم تاكس وتشلها هيه المستشفى
.

https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البارت رقم 88


ٴ‌『😴🌸ء』⇣ لم يكن سيء ابداً هو فقط اراد أخباري بطريقته انني لا اعني لهُ شيئاً." ٴ
.
.
『 ضحايا الحب 』💔☹

👌🏻👇🏻 😍
📚 @rewayatyamania 🇾🇪



علاء: مع مع لا تسيريش ولا شي اطلعي ادي المفتاح من عند عبدالله وانا عتشلهم

حوريه: تمام قد كنت خازيه من وهبيه الله يرضى عليك

علاء: امين يارب وطلعت تدي له المفتاح


في بيت يسرى
وهبيه: يسرى قومي البسي العبايه هيا نشلش المستشفى

يسرى: ماشتيش أسير مابش فيني شي

حوريه: قومي قالت مافيها شي ابسري كيف قد انتي

يمنى: هاتي يمه وأنا عتلبسها

حوريه: فيسع هيا

علاء وقف باب بيتهم وبيضرب بوري عشان يخرجوا
يمنى بسرت من الطاقه  وداعت امها : امه هوذا عبدالله جاء هيا

وهبيه: يلا تمام أنا عتسير وانتي اجلسي في البيت وانتبهي لنفسش

يمنى: حاضر ومسكت يد يسرى عشان تخرجها للسياره

خرجت ووقفت باب السياره تشتي تطلع يسرى وابسرت وانه علاء تلبكت وبتجابر روحها اوووف ياربي ليش تجي انت لو تبسرك يسرى عتوقع بينكم مشاكل وتزيد تمرض اخس

يسرى: مالش افتحي الباب خليني اطلع قد عتدوخ

يمنى: ها طيب يلا اطلعي  ووهبيه خرجت يمنى يلا أدخلي البيت

يمنى: تمام وطمنيني على يسرى

وهبيه: تمام يلا

طبعا يسرى ماركزت انه علاء اللي بيوصلهم
طرحت رأسها على الكرسي وعلاء قدامها حس أنها طرحت راسها وبسرها في المرايه وتنهدت بوجع شغل السياره يخطى ووهبيه وقفته

وهبيه : يووه نسيت الزلط في البيت ريع ياولدي أدخل للبيت فيسع واجي

علاء هز راسه بمعنى تمام

يسرى كانت طاارحه راسها عرض الكرسي ومغمضه عيونها

علاء بعد مانزلت وهبيه التفت بسر يسرى وهي فتحت عيونها وبسرت علاء قدامها افتجعت وبنفس الوقت فزت لمن بسرته

علاء تلبك ورجع على ما كآن
وهمس زر الأمان عشان ماتنزل

يسرى بتحاول تفتح الباب مارضيش بعدين قالت له أفتح الأمان حق السياره

علاء: مابفتحش

يسرى: افتح

علاء: قلت مابفتحش

يسرى: طيب لا تفتحش بس اشتي أعرف ليش جيت تشلني أنت ليش مهتم هكذا وانت تكرهني وأنا واحده رخيصه ليش تتنازل عشان واحده خاينه مثلي ليش

علاء: بصوت عالي  يسرى خلاص خليش ساكته بدون اسئله لأنني مابجاوبش وبعدين أنتي تعبانه مش وقت هذا الكلام

يسرى: لا مابسكت لمن تجاوب على سؤالي اوووه او شكلك ماتشتيش تجاوب على واحده حقيره مثلي صح




📚 @rewayatyamania 🇾🇪

البارت رقم 89


عندما يجرحك أحد اليوم أعلم انك كسرته بالأمس ... ✋💔
.
.
👌🏻👇🏻 😍
📚 @rewayatyamania 🇾🇪


علاء بعصبيه: أنتي اللي سويتيه فيني مش قليل وأنا إللي سويته مش عشانك ولا عشان خاطر عيون واحده باعت نفسها للي يسوا واللي مايسوا وبعدين لا تفكري انني مهتم فيش او باقي مشاعر تجاهش أنا جيت اشلش بس عشان امي و خالتي وهبيه فقط اما أنتي بالنسبه لي ولا شي كأنش سجاره وخلصت

يسرى ضربت بيدها في الكرسي بقوه: خلاص يكفي ي علاء يكفي وتبكي بصوت عالي

علاء بوجع وصوت مخنوق: أنتي يلي يكفي انتي السبب كل مره تخليني اجرحش واجرح نفسي خليش بعيده لاتوجعيني ولا اوجعش


في بيت رغد
امها: مالش مابه خير

رغد: مابه شي خلي لي حالي يمه

أماني امها: كيف اخلي لش حالش تحاكي مابه

رغد: بين اقول مابه شي اشتي اجلس لوحدي قد أنا ضابحه شقرح

أبوها دخل: وللمه ضابحه بتقول لش امش مابه تحاكي للمه عادش بتقولي ولا به شي وقد اتصلت حوريه وبتقول انتي وزوجش متصايحين

رغد : متصايحين بس قد طلقني

أماني: ماهو طلقش ابن حوريه والله لا اسمع بهم امه لا اله الا الله

رغد بدات  تبكي وتنزل دموعها

أبوها بصوت عالي: اصه واحترمي وجودي هنا قالت تسمع بهم أنتي عقلي بنتش وهذا بين الرجال وعتبسر مابه وللمه طلقها

أماني جلست ساكته وقد هي ضابحه منه ليش يسكتها


في بيت علاء
حوريه طلعت لعند عبدالله تشتي تعرف ماوقع بينهم

حوريه: عبدالله أنا امك للمه ماتحاكيني مابينكم ليش بتخليني احس ان مالي قيمه عندك

عبدالله : مش هذا يمه الله يحفظش بس أول كنت ضابح

حوريه: وذلحين قدك مرتاح شويه يلا قول لي

عبدالله: هو بس يمه المره اللي ماتسمع كلام زوجها وترفع صوتها فوقه ماتستاهل زوج يعني ماافعل بها لوما احاكيها وتنبع من فوق كلمتي

حوريه: للمه مافعلت

عبدالله: بين احاكيها تلبس سوا وترجم الملعقه للقاع وتقلب وجهها فوقي قدش داريه بحف النسوان

حوريه: تمام وليش ماتفهمها بدون ماتدخل الطلاق

عبدالله : ليش هي أدت لي فرصه

حوريه: فرصه في إيش

عبدالله: عاد إحنا تصايحنا قالت شلني بيت أهلي قلت لها لو تخرجي من باب الباب أنتي طالق ورغم هذا عاندت واتصلت لابوها وقبل ما تخرج حذرتها ماسمعتش

حوريه: اح بس من بنات هذه الأيام لا يحترمين لا كبير ولا صغير خلاص خير أنا شاحاكي خالك وافهمه كل شي

عبدالله: افعلي مااشتيتي اما رغد ماعد اشتيهاش دام ومابش لي كلمه عندها خليها تجلس في بيت امها


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البارت رقم 90

كنت احبك ولكن ارتخى هالحُب.
.

👌🏻👇🏻 😍
📚 @rewayatyamania 🇾🇪


في بيت رغد
أماني : أيوة أنتي مقعيه كم قد علمتش وقلت لش افعلي

رغد: مازيد افعل يمه قد كنت أفعل كل شي كنتي تقوليه لي لمن خليته يطلقني

أماني : ماهووو يعني طلقش بسببي قصدش اومه

رغد: ماشي مش بسببش هو بسببي أنا ماكنت أفعل سوا وبعض الاحيان كنت ادعمم كلامش

أماني : ايوه هو هذا السبب الذي مايسمع عاقله عاقله الشيطان

رغد: اوووف يمه خلاص بس قد أنا ضابحه من نفسي يكفي

أماني : هه هوذا سكتنا ريحي نفسش وخرجت من عندها


في المستشفى
وهبيه: خلاص ياولدي لو معك عمل سير بعد عملك

علاء: الله المستعان ي خاله كيف شاافلتش لوحدش هنا واسير

وهبيه: سهل مايوقع بنا شي الله يحفظك

علاء: مع مع هوذا أنا معكم

وهبيه: براحتك الله يصلح بالك

علاء: امين يارب

خرج الدكتور
ووهبيه قامت من فوق الكرسي: دكتور طمني كيف هي بنتي مالها

الدكتور: هي فيها من قبل حمى التيفود صح

وهبيه: ايوه وقد مرضت من قبل بس هذه المره قوي

الدكتور : أيوه هذه المره قويه لأنها ما كانت تشرب العلاج لهذا السبب

وهبيه: خيره الله ذلحين مانفعل وكيف هي

الدكتور : الان تمام بخيره بس خلوها ترتاح وتستقر حرارتها

وهبيه: عادي أدخل ابسرها

الدكتور : تفضلي

دخلت وهبيه والدكتور مسك علاء

الدكتور: أنت زوج المريضه

علاء: تلبك وماعد عرف مايقول اممممم  لالا مش زوجها  ابن جيرانهم

الدكتور : العفو بس حسيت أنك تقرب لها

علاء: لا ليش أصلا إحنا عائلتنا قريبه قوي كآن إحنا أهل

الدكتور: هو بس كنت اشتي اقول لك حمى التيفود مش سهل وبعض الأوقات يكون سببها وفاة ولازم تنتبه لصحتها

علاء : طيب وايش نفعل ذلحين

الدكتور : ولا شي لازم تنتبه لصحتها وتشرب العلاج وتبتعد عن الضغوطات النفسيه

علاء: خير إن شاء الله أنا بحاكي امها او اختها

الدكتور : تمام ماحبيت احاكي امها قلت عشان ماتجلس قلقه او تخاف على بنتها

علاء: أحسن شي أنك فعلت هكذا يعطيك العافية

الدكتور : الله يعافيك


في بيت علاء سار ابو رغد لعند عبدالله
حوريه: حيا باخي حيا

أبو رغد : لا حيا ولا قوى وين هو عبدالله

حوريه: طالع في غرفته

ابو رغد : ابعدي من عندي خليني أطلع ابسر للمه طلق بنتي

حوريه: اطلع بس قوى دلى بالتفاهم يا أخي




📚 @rewayatyamania 🇾🇪

البارت رقم 91

إنتهت علاقة حب جميلة بينهم
فسألوه
هـل أنت من تركتها ام لا ؟
ف إبتسم وأجاب؛ الحب هو من تركنا
ولكنه وعدنا بأنه سيعود
ولكن!! ليجمع كل منآ بشخص آخر .
.

👌🏻👇🏻 😍
📚 @rewayatyamania 🇾🇪


أبو رغد : اشتي أعرف ايش وقع بينكم لمن وصل للطلاق

عبدالله : لمن المره ماتسمع كلام زوجها وترفع صوتها فوقه ماتستاهل يعني ماافعل بها لوما احاكيها وتفتح لقفها سبع اشبار هيا ما رايك ياخال يرضيك هذا الشي اذا هو يرضيك انا الصدق مايرضينش

أبو رغد: دام وهو هذا الخبر خليها عند امها لمن تتادب . .


بنوقف هنا و نمشي الأحداث شويه  بعد مرور شهر
في بيت حوريه
هيا مه يابني ايحين تشتي نزوجك قد الزياره حقك عتنتهي

علاء: سهل يمه ايحين ماتشتي زوجيني

حوريه: الله يرضى عليك أن شاء الله عتخلي أبوك يحاكي عمك ايحين العرس

علاء: إن شاء الله ماعذر من خير

علياء جالسه بتلعب بالتلفون ووصلتها رساله من رقم غريب

ملاحظه( طبعا علياء قد معها تلفون لأنها وعدت اخوتها أنها مابتسوي شي ولاعد بتغلط نفس المره الاوله )

علياء : رقم من هو هذآ

صاحب الرقم: السلام عليكم

علياء: من معي

صاحب الرقم : أسامه ممكن نتحاكا شويه

علياء بدون أي نقاش فعلت له حظر وبتجابر نفسها اوووف ماافعل ذلحين هذا كل يوم يجي يدخل لي برقم قد أنا ضابحه منه


في بيت يسرى
يمنى مسكت التلفون حقها وبتتصل لعلاء
يمنى: السلام عليكم

علاء : وعليكم السلام من معي

يمنى: أنا يمنى اخت يسرى

علاء: اها حياش الله خير مافي نفسش

يمنى: سمعت خبر أنك خطبت قبل أسبوعين

علاء: أيوه خطبت ليش

يمنى: الف مبروك بس ياعلاء والله إن يسرى بدونك جسد بلا روح

علاء: تتحمل نتيجة غلطها وأنا ابتعدت لمصلحتها ومصلحتي

يمنى: كيف لمصلحتها اسكه فهمني والبنت من يوم الخطبه ماجفت لها عين

علاء: مش هي بس كلنا بس إيش نسوي هذا نصيب من الله وكل وآحد ما يأخذ الا نصيبه وأنا قد سويت عشانها المستحيل بس الآن خلاص ولا بسوي عشانها شي وإذا كنا رجعنا لبعض ماكنت بوثق فيها ابد وبيكون حبنا بس شك لأن أنا شفت وعرفت كل شي كانت تسويه فصعب أرجع ثقتي من جديد وأنا حبيت من قلبي وانكسر القلب اللي كآن يحبها فصعب يرجع مثل ما كآن

يمنى: بس ي علاء

علاء: آسف والله ماقدرش أكسر قلب بنت عمي لأن باقي للعرس بس قليل

يمنى: طيب الله يتمم لك على خير

علاء: آمين يارب واياش تأمري بشي ثاني

يمنى : سلامتك

علاء: الله يسلمش مع السلامة
وغلق وقلبه بيوجعه صعب إنني أقول ما عاد احبش يا يسرى وبنفس الوقت صعب أنني أرجع احبش 💔😞

حيره عندما تريد الشخص ولا تريده عندما تتمناه ولكن قواعد الحب تمنعك من الرجوع إليه
أياكم الخيانه فالخيانه لا تغفر
إياكم والكذب فالكذب لا ينسى




📚 @rewayatyamania 🇾🇪

البارت رقم 92

لا عاد ترجع لي انتهى كل ما صار
واللي مضى خلّه مع الوقت ذكرى.
.

👌🏻👇🏻 😍
📚 @rewayatyamania 🇾🇪


في الشارع عند علاء وزهير
جالسين في  الحاره  وبيتجابروا مع بعض
زهير : أيوه وماعتفعل ذلحين

علاء: مدري والله بس امي قالت نفعل عرس إيش عاد باقي عيحاكوا عمي ورجع نتزوج

زهير طرح يده على كتف علاء : أسمع إذا انت حق زواجه تزوج اذا مش حق زواجه وقلبك عاده متعلق بيسرى حرام عليك لا تظلم بنت الناس وتعلقها فيك فكر صح

علاء: أنا خطبت بإرادتي وما احد جبرني ودام أنا يلي اخترتها مستحيل اقصر معها و بدي لها  كل حقوق الزوجه وإن شاء الله ما اقصر معاها في حاجه

زهير: أيوه هذآ علاء اللي أعرفه بس اشتي تجاوبني بصدق عادك تحب يسرى

علاء : اح اح ي زهير طرحت يدك على الجرح وآلله أنني كرهتها وبنفس الوقت والله أنني أحبها تلخبطت مشاعري ماعد دريت أيش اللي أحس فيه

زهير: طيب وليش مارجعتوا لبعض وتزوجتها يمكن ترجع علاقتكم زي أول

علاء: بسألك سؤال انت اذا كسرت كأس تقدر ترجعه مثل ما كآن

زهير: لا بس بحاول

علاء: إذا حاولت ترجع الكاس مثل ماكان بتجرح يدك وأنا قد انجرحت كثير وماعد اشتيش أرجع واجرح نفسي بنفسي خليها هي بعيده وأنا بعيد لان أنا عارف بيرجع حب كذب وشك ومابش ثقه وإلا ماقلت

زهير: في هذه النقطه أنا معك

علاء: خلاص أنا قد بتزوج وهي الله يسترها ويدي لها ابن حلال أحسن مني مع أنني كنت أتمنى تكون لي بس يمكن النصيب ماكتب لنا


عند أسامه
منال لو سمحتي روحي تطمني على علياء وكلميني عنها

منال: ليش عادك تحبها

أسامه : لا بس اشتي اتطمن عليها

منال: على ما أعتقد رقمها عندك تقدر تسير تحاكيها وتطمن عليها واذا تشتي ترجع لها عادي أرجع مافي مشكله عندي

أسامه : لا ما اشتي أسأل عنها ولا اتطمن عليها خلاص

منال: أحسن

غلق أسامه تلفونه  بعد ما حاكى منال  ورسل لعلياء من رقمه الجديد
أسامه : سلام علياء ممكن شوي لو سمحتي لا تحظريني

علياء : ماحظرته جالسه تشوف رسايله وهو يراسلها

أسامه : علياء أنا اسف ممكن تسامحيني عادي لا ترجعي لي لا تحبيني بس أنا آسف حتى لو خنتيني حتى لو كنتي تكذبي عليا والله احبش

علياء احتواها الصمت وانشراد الافكار احتواها الوجع والدموع لا تتحدث ولكن قلبها يتحدث على حديث بدلاً من لسانها قلبها توجع  كثير وهو الذي له الحق إن يتحدث يجرح يعاتب ولكن الصمت يمنعها  فعلا ستفجر العالم المليء من الاوجاع بداخلها أم ستكتم وتتوجع  أضعاف اوجاعها وتنهي الحديث بالحظر


‏
https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 93


أذاِ رجعتُ بجنً وان تركتكٍ بشقى لأقدر انِه اتركك ولأ قدر انه أبقى 💔🎻
.
ضحايا الحب
.

👌🏻👇🏻 😍
📚 @rewayatyamania 🇾🇪


اسامه: علياء لو سمحتي والله أنني احبش وحبيت صاحبتش  وتعرفت عليها بس عشان اقهرش
لأن أنتي خنتيني

علياء بصدمه ودار في راسها الف سؤال صاحبتي من هذه إللي حبها عشان يقهرني من هي صاحبتي اللي خانتني وراحت معه بدون ماتفكر في مشاعر صاحبتها من من
وبدأت تكتب وتذكرت أنها وعدت اخوتها ماتزيد تحاكيه

علياء: انا أسفه ي علاء بس لازم أعرف كل شي ولازم أعرف من هي صاحبتي اللي خانتني
علياء ردت عليه مع أنها كانت متردده

أنا ماخنتك ولا فكرت يوم أنني اخونك كآن حبي لك عظيم ومش بسهوله أنني أحبك سنين واجي اخونك في يوم وليله انت وجعتني قوي ي أسامه ولو تنطبق سبع سموات ما أرجع لك أنا خلاص كرهتك كرهتك لأنك كذبت عليا اكثر من مره حصلت لي مشاكل مع اهلي بسببك وتشتي أرجع لك لا والف لا أنا عانيت كثير وتوجعت كثير وكله عشانك وعشان حبك وياليت كنت تستاهل جازيتني بالوجع والدموع

خلاص أبتعد عني انا مرتاحه بدونك وبين أحاول استعيد نفسي وأرجع علياء حق أول إللي مايهمها أحد اول شي برجع ثقه أهلي هذا اهم شي وبعدين بعيش حياتي بدون ما اربطها بحياه اي شي لأن ماعد في شخص يستاهل الحب ولا التضحيه وما عاد في حب صادق كله كذب في كذب

أسامه : علياء طيب اسمعيني لو سمحتي

علياء: إيش أسمع تشتي أسمع كذبك الجديد أو اسمعك وانت تغلط عليا وتهينني قدام الحب حقك أو تشتي أسمع تبريرك وكذبك لمن كذبت عليا انت وصاحبك وتقول لي فيك حادث تشتي ارجع لك واسامحك بهذه السهولة يعني أنا ماعندي قلب ما أحس تقصد أنني خلاص مر شهر ونسيت كل شي لا إللي سويته فيني ماينتسي ولا بنساه لمن أموت ولا تتوقع أنني بسامحك والله ما اسامحك من اليوم الى يوم الدين

أسامه : علياء لو سمحتي الله يخليش لا تكوني قاسيه على الأقل سامحيني لا ترجعي لي

علياء: ايش اسامحك إيش يعني انبك ضميرك لمن رجعت تشتي  اسامحك أو بتخاف على نفسك من دعوة المظلوم

أسامه : ايوه انبني ضميري وبنفس الوقت أنا ندمان

علياء: حلو خليك كذا ندمان لمن تموت وماعد تهمني ولا لك مكان في حياتي أنا اكرهك تفهم وياليت أنك مت وربي اخذ روحك  ولا سويت فيني كل اللي سويته

اسامه: علياء بس يكفي وربي كلامش يوجع

علياء: يعني توجعت بس من هذا الشي طيب وإنا كل الوجع اللي فعلت لي كيف تحملته وانت من كلمتين قاسيه ما قدرت تتحملها مع انه كلام عادي مافيه شي

أسامه : طيب تقدري تسامحيني

علياء:أول قول لي من هي صاحبتي إللي حبيتها عشان تقهرني

أسامه : مابش داعي تعرفي .
.



📚 @rewayatyamania 🇾🇪

البارت رقم 94

انهلكت من الفتره اللي مريت فيها وماعدت،الف مره فيها توجعت من كثر التفكير السهر انهلكت كثير.. .💔☹

.
ضحايا الحب


👌🏻👇🏻 😍
📚 @rewayatyamania 🇾🇪


أسامه : صاحبتش منال

علياء سكتت شويه وحالفها الصمت بعدين تحاكت : ها ها منك صدق منال ي أسامه

أسامه : أيوه منال

علياء: يعني الآن مش خيانه حبيب قد هي خيانه حبيب وصاحب ذلحين إيش اتحمل
وجع خيانتك او خيانتها ليش هكذا تفعل بي ي اسامه ليش لأنني حبيتك من كل قلبي لأنني شفتك الدنيا ومافيها والله لو طلبت حياتي كآن اديتها لك

أسامه : انا داري

علياء: دام وانت داري كم أحبك ليش ماجيت تستفسر مني ليش ماتسمعني لمن كنت أحاول احاكيك ليش حكمت عليا بالخيانه بدون أي ذنب

أسامه : انا آسف

علياء: انت آسف يعني هذه الكلمه ممكن أنها تخليني أرتاح وانسى كل الوجع والهموم كلمه آسف ماتسوي شي ولا ممكن أنسى اللي فعلته فيني

اسامه: طيب ما افعل

علياء: لا تفعل شي يكفي أنك صدقت الانسانه إللي ماتمنت لي الخير طول حياتها يكفي أنك تركتني ورحت مع الانسانه إللي فعلت المستحيل عشان تدمرني وتخرب حياتي ولا هانا ويكفي ودام منال معك سير اسألها وخليها تتحاكى بكل شي وبتعرف إذا أنا خاينه او لا سلام
وسوت له حظر

أسامه رجم تلفونه : اووووف اوووووف يلعنها عيشه إيش أسوي أنا ومن أصدق ذلحين
لازم احاكي منال واعرف منها كل شي


في بيت يسرى
جالسه لوحدها فجأه دخلت لعندها يمنى جلست جنبها ومسكت يدها

يسرى: خير مالش

يمنى: انتي يلي مالش طول الوقت سرحانه وماتتكلمي

يسرى: إيش تشتيني أفعل مثلا
بعد ماخطب علاء وأختار غيري ظلمت الحياه في عيوني

يمنى: يسرى لا تزعلي هذا نصيبكم

يسرى: نصيب إيش انا مابرضاش بنصيب علاء يحبني أنا وبس ومستحيل يختار بنت غيري

يمنى: خلينا واقعيين شويه ي يسرى وفكري معي وكلامي

يسرى: ماهو

يمنى: علاء صح مستحيل يختار غيرش بس هذا قبل صح

يسرى: كيف يعني

يمنى: يعني علاء ما أختار غيرش إلا بعد ما اخترتي غيره وهو ماخانش أنتي يلي خنتيه لو كآن اكتفيتي بحب علاء انه الان معش والدبله اللي في يده دبلتش

يسرى بوجع نزلين دموعها : طيب ي يمنى انا غلطت وكل الناس تغلط

يمنى: صح كل الناس تغلط ي قلبي بس مش كل الناس تسامح وتنسى

يسرى: بس علاء قلبه طيب ليش ماسامحني

يمنى: تأكدي إن الشخص اللي مايسامح هو الشخص إللي انجرح بقووه وصعب يتقبل أي إعتذار او سماح فيكتفي بالوجع والبعد




📚 @rewayatyamania 🇾🇪

البارت رقم 95

لهيت من اللي يصير حولي م انتبهت يمكن كتمت بداخلي كثير اشياء وم بُحت يمكن اسامح عن مليون زله واعدي ويمكن و يمكن ويمكن بس اﻻكيد أني توجعت.💔
.
ضحايا الحب

👌🏻👇🏻 😍
📚 @rewayatyamania 🇾🇪


.
يسرى: علاء حبني حب ماحبه بشر بس انا للأسف ما استاهل جازيته بالخيانه والوجع

يمنى: دام وإنتي عارفه إنش غلطانه خلاص لا تلومي علاء ليش تركش وأختار غيرش

يسرى: بس ليته عطاني فرصه

يمنى: أنتي لو عرفتي إن علاء يحب غيرش وسامحتيه ورجع لش بترجع ثقتش فيه وحبش له زي اول

يسرى نزلت راسها ومسكت يدها بقوه : لا مستحيل اوثق فيه مره ثانية

يمنى: اهااا عرفتي قصدي صح

يسرى هزت رأسها بمعنى أيوه

يمنى مسحت دموع يسرى : طيب خلاص أنسي كل شي أنسي كل أيام الوجع والنكد وابداي حياتش الجديده وخليش صادقه مع نفسش قبل كل شي لأن علاء عرسه قريب

يسرى مسكت على قلبها: اخخخخخ قلبي بيوجعني
يسرى : طيب بس اشتي أسمع

يمنى ضمت أختها وبكت معها : ليت وجعش فيني ولا فيش
ومسحت دموعها

يسرى بتبكي بصوت عالي : لو سمحتي اشتي أسمع صوته لا آخر مره قبل ما يتزوج

يمنى: يسرى قلت لش خلاص انسي كل شي وانسى علاء وابدي حياتش الجديده

يسرى: لو سمحتي عشاني الله يخليش


عند علياء
جلست في غرفته وبتبكي خلاص يكفي وجع تعبت ما اقدر أتحمل أكثر من كذا ما اقدر ي ربي (أنثى تحملت وجع أكبر من عمرها تحملت الألم تحملت الهموم في صغر سنها ورغم هذآ تبقى صلبه لا تنحني ولا تميل مهما جعجعتها الحياه لا تريد شفقه من أحد ولا تريد أن تستند على أحد مكتفيه بنفسها في فرحها واوجاعها كم أنتي عظيمه وقويه أيتها الفتاه💔✨)

أسامه جالس يرسل ويتصل لمنال ماترد: اووووف وهذه وين هي ذلحين اشتي أعرف كل شي اليوم


يمنى شلت التلفون واتصلت لعلاء
علاء: هلا

يمنى : أسفه ازعجتك اليوم بس ممكن طلب

علاء: تفضلي

يمنى: علاء يسرى نفسيتها تعبانه ممكن تحاكيها هذه المره بس واعتبرها اخر مره في حياتك

علاء: بس ماشتيش اجرحها ولا تجرحني

يمنى: لو سمحت

علاء: طيب هاتيها

يمنى: امسكي حاكيه براحتش انا عتخرج

يسرى: طيب
مسكت الجوال ويدها ترجف : الو

علاء: هلا

يسرى: كيف حالك

علاء: الحمدلله وإنتي

يسرى: الحمدلله والف مبروك الله يهنيك ويصبر قلبي

علاء حس بغصه بلع ريقه بصعوبه : الله يبارك فيش وعقبالش

يسرى: إن شاء الله عقبالي بالكفن

علاء: الله يطول عمرش ويهنيش شبابش عادش صغيره على الموت

يسرى : تسلم

علاء: آلله يسلمش

يسرى: أيوه وايحين عرسك

علاء: تقريبا خلال هذا الشهر او ثلاثه أسابيع

يسرى: وليش بهذه السرعه

علاء: أصلا ماعنفعلش عرس لان خال خطيبتي مات قبل أسبوع

يسرى: اها الله يرحمهه ويتمم لكم على خير

علاء: آمين يارب

يسرى: اتصلت لك عشان تسامحني

علاء: حصل خير الله يسعدش مابه شي


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#انتظرونا غدا الليل

ومع آخر بارتات الرواية

#ضحايا_الحب

📚 @rewayatyamania 🇾🇪

16| رمضان ♥ ✨

اللهم إكفنا شر
فواجع الأقدار ولا تؤذينا في من نحب
ولا يمسّهم وجع فيمسنا ضعفه ♥

🍃

بارتات يومنا الثلاثاء والٲخيرة 👇🏻👇🏻