البارت رقم 82
↯ اشعـر بخيبـه گبيره...گـ شمعـه احرقت نفسها لتضيء غرفـه رجـل أعمـى.... .
.
➻❥ ضحايا الحب ➻❥
👌🏻👇🏻 😍
📚 @rewayatyamania 🇾🇪
حوريه: انا فدالك ياولدي سير اشتري لنا مصروف
علاء: عيوني لش وماعد تشتي
حوريه: ولا شي
علاء : يلا خاطرش
حوريه: إنتبه لنفسك
علاء: حاضر
وخرج من الباب وجالس في الدرج حق بيتهم بيربط البوتي حقه (عزكم الله) .
وكان سرحان بموضوع أخته
رفع عيونه ويسرى خارجيه من بيتهم هي التفتت لعند بيتهم وبسرته وهو نزل راسه على أساس مابسرهاش تنهد وقام
يسرى جالسه تبسره وماقدرت ترفع عيونها منه
طلع علاء فوق سيارته ومشي
وكان يبسرها في المرايه
وفي نفسه أسف ي يسرى والله لو حبي كآن طاغي عليا ما ارجع لش خلاص كرهي لش تعدا الحدود وماباقي لش آثار في حياتي غير الذكريات أحبك حد الوجع حد الموت حد الهلاك 💔☹ وفحط بالكفرات حق السياره ومشي
يسرى بتشوف سيارته وقلبها متوجع
وفي نفسها عارفه ي علاء أنني خنتك وكذبت عليك بس كم أتمنى إنك تعطيني فرصه أعدل بها اغلاطي وآلله أنني أحبك بس أنا استاهل بسبب غبائي خسرتك
علياء نزلت تساعد امها
حوريه : ومالش ماتدعي مرت اخوش تنزل بعد عملها
علياء: ابردي لش هي مع زوجها مايصلحش ادعيها هي عتنزل من نفسها
حوريه التفتت لعند علياء وبسرت رأسها : وماهو هذا اللي في راسش
علياء : ماهو شي ماهو
حوريه: ايحين ضربتي راسش
علياء: بس طحست من الدرج أمس العشي
حوريه: وليش ماتقوميني لو كآن وقع بش شي
علياء: ماوقع شي هوذا أنا قدامش بخيره
حوريه: كوني انتبهي لنفسش
علياء: حاضر
نزلت رغد ووجهها مقلوب
حوريه: حيا وين أنتي لذلحين ماتنزلي تفعلي غداء
رغد: هوذا أنا موجوده وعاد هو بدري مابه شي
حوريه: وين هو بدري ابسري كم الساعة
رغد: خلاص ماعليش مني المهم تعرفي غداء
علياء: تحاكي سوا
رغد: أنتي مالش دخل اختصي بحالش وبس
علياء ذكرت كلام علاء وطنشتها وطلعت غرفتها
يسرى لها أسبوع ماتسير الجامعه وكان معها اليوم دوره في الجامعة من بعد الظهر للعصر سارت الجامعة وهي ضابحه ماتشتيش تسير
دخلت الجامعة وكل الشباب والبنات بيبسروا لعندها
يسرى مستغربه مالهم
خطيت من جنب بنات وجلست في طاوله قربهن
واحده من البنات يووووه هي هذه يسرى إللي قالوا أنها كانت تطلع مع شباب
الثانية : أيوه هي بسرتي كيف كانت تغير عبايتها في الجامعة أكيد أنها كانت تسوي أكبر من هكذا
الثالثه: الصراحه انا مارتحت لها من لمن دخلت الجامعة وحسيت انها بنت مش مربايه
📚 @rewayatyamania 🇾🇪
↯ اشعـر بخيبـه گبيره...گـ شمعـه احرقت نفسها لتضيء غرفـه رجـل أعمـى.... .
.
➻❥ ضحايا الحب ➻❥
👌🏻👇🏻 😍
📚 @rewayatyamania 🇾🇪
حوريه: انا فدالك ياولدي سير اشتري لنا مصروف
علاء: عيوني لش وماعد تشتي
حوريه: ولا شي
علاء : يلا خاطرش
حوريه: إنتبه لنفسك
علاء: حاضر
وخرج من الباب وجالس في الدرج حق بيتهم بيربط البوتي حقه (عزكم الله) .
وكان سرحان بموضوع أخته
رفع عيونه ويسرى خارجيه من بيتهم هي التفتت لعند بيتهم وبسرته وهو نزل راسه على أساس مابسرهاش تنهد وقام
يسرى جالسه تبسره وماقدرت ترفع عيونها منه
طلع علاء فوق سيارته ومشي
وكان يبسرها في المرايه
وفي نفسه أسف ي يسرى والله لو حبي كآن طاغي عليا ما ارجع لش خلاص كرهي لش تعدا الحدود وماباقي لش آثار في حياتي غير الذكريات أحبك حد الوجع حد الموت حد الهلاك 💔☹ وفحط بالكفرات حق السياره ومشي
يسرى بتشوف سيارته وقلبها متوجع
وفي نفسها عارفه ي علاء أنني خنتك وكذبت عليك بس كم أتمنى إنك تعطيني فرصه أعدل بها اغلاطي وآلله أنني أحبك بس أنا استاهل بسبب غبائي خسرتك
علياء نزلت تساعد امها
حوريه : ومالش ماتدعي مرت اخوش تنزل بعد عملها
علياء: ابردي لش هي مع زوجها مايصلحش ادعيها هي عتنزل من نفسها
حوريه التفتت لعند علياء وبسرت رأسها : وماهو هذا اللي في راسش
علياء : ماهو شي ماهو
حوريه: ايحين ضربتي راسش
علياء: بس طحست من الدرج أمس العشي
حوريه: وليش ماتقوميني لو كآن وقع بش شي
علياء: ماوقع شي هوذا أنا قدامش بخيره
حوريه: كوني انتبهي لنفسش
علياء: حاضر
نزلت رغد ووجهها مقلوب
حوريه: حيا وين أنتي لذلحين ماتنزلي تفعلي غداء
رغد: هوذا أنا موجوده وعاد هو بدري مابه شي
حوريه: وين هو بدري ابسري كم الساعة
رغد: خلاص ماعليش مني المهم تعرفي غداء
علياء: تحاكي سوا
رغد: أنتي مالش دخل اختصي بحالش وبس
علياء ذكرت كلام علاء وطنشتها وطلعت غرفتها
يسرى لها أسبوع ماتسير الجامعه وكان معها اليوم دوره في الجامعة من بعد الظهر للعصر سارت الجامعة وهي ضابحه ماتشتيش تسير
دخلت الجامعة وكل الشباب والبنات بيبسروا لعندها
يسرى مستغربه مالهم
خطيت من جنب بنات وجلست في طاوله قربهن
واحده من البنات يووووه هي هذه يسرى إللي قالوا أنها كانت تطلع مع شباب
الثانية : أيوه هي بسرتي كيف كانت تغير عبايتها في الجامعة أكيد أنها كانت تسوي أكبر من هكذا
الثالثه: الصراحه انا مارتحت لها من لمن دخلت الجامعة وحسيت انها بنت مش مربايه
📚 @rewayatyamania 🇾🇪
👍2
البارت رقم 83
يعجـز اللسـان عـن الحديث ويصيب كفـي الشـلل.. لا أفكـار تترتب ولا عقـل يساعـد في تنظيم تلگ الأفكـار.. حـروف تتناثر هنا وهنـاگ وضوضـاء داخلية لا تنتهـي...💔➻❥ ┇..﹊ ﴾
.
.
.
ضحايا الحب ﴿ 😔↯
.
👌🏻👇🏻 😍
📚 @rewayatyamania 🇾🇪
آيه جت لعندهن : هاااي
البنات: هاياات أهلين
آيه : كيف حالكن
البنات: تمام وإنتي كيفك
آيه: تمام الحمدالله ايش مسويات
البنات : هي هذه يسرى صح إللي حاكيتينا عليها
آيه: التفتت اوووه ايحين جاءت
البنات : عادها جاءت ذلحين
آيه : قربت شويه لجنبها
ابردين منها وانتبهين تقربين منها لان اللي مثل هولاء البنات الضايعات يخاف الواحد منهن هن حق شباب وعلى فكره سمعت إن كآن صورها مع ولد وكان يهددها بعدين خلت وآحد من اللي تحبهم يساعدها ولو ماسعادها كانت سمعة أهلها في القاع
واحده : يوووه الله يقلعها بنت اهلها يوثقوا فيها وهيه تخونهم
يسرى ضبحت قوي وقامت من بقعتها وخرجت
آيه: يلا بستأذن نلتقي بعدين
وسارت بعد يسرى
آيه: يسرى يسرى
يسرى: نعم ماتشتي
آيه: كيف انتي وين الغيبه أسبوع غايبه
يسرى: مالش دخل مني
آيه: اوووه مسكينه صح ماقدرنا نأخذ منك شي بس أخذنا منش سمعتش ابسري كيف سمعتش في لسان إللي يسوا واللي مايسوا
يسرى: الله يلعنش أنتي واحده تافهه وصدقيني الأيام بتدور ويوقع بش مثل ماوقع فيني
آيه : انا مش غبيه مثلش اوثق في اي شخص بسرعه
يسرى: ايوه خلاص انا غبيه وبعدين ماتهميني لا أنتي ولا غيرش يعني كلامك يدخل من إذن ويخرج من الثانيه
آيه : وربي إني رحمتش
يسرى: طنشتها وخطيت من عندها
الشباب وكل وآحد بيتليقف عليها
الاول : يييه ي قمر واحنا ايحين دورنا
الثاني: عادك مطول خليها تخلص الاولين يمكن لازم نسوي حجز
الشباب: ههههههههههههههه هذه ساع الزبالة ما أحد يرضى يبسر لعندها إلا الذي غايته منها شي فقده و يأخذ اللي يشتي منها ويرجمها
زهير جاء لعندهم : سلام
الشباب : وعليكم السلام
زهير: مالكم بتتضحكوا
واحد منهم : ولا شي بس على يسرى
زهير: ومالها
واحد منهم: قال لك إن هي كانت كل يوم مع وآحد ومدري مابينهم
زهير: طيب بسرتوا بعيونكم
قالوا : لا
زهير: خلاص مالكم حق تتهموا البنت ومابسرتوا شي لان كل وآحد معه اخت ومثل ماقذفت بنت الناس اتنحط أختك في هذا الموقف ولو مالها ذنب
الشباب كل وآحد بسر لعند الثاني وسكت
علاء رجع البيت بعد ما اشترى المصروف وكانت رغد لابسه تنوره قصيره وفنيله لفوق كتفها ورافعه شعرها لفوق ومسويه ربطه
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
يعجـز اللسـان عـن الحديث ويصيب كفـي الشـلل.. لا أفكـار تترتب ولا عقـل يساعـد في تنظيم تلگ الأفكـار.. حـروف تتناثر هنا وهنـاگ وضوضـاء داخلية لا تنتهـي...💔➻❥ ┇..﹊ ﴾
.
.
.
ضحايا الحب ﴿ 😔↯
.
👌🏻👇🏻 😍
📚 @rewayatyamania 🇾🇪
آيه جت لعندهن : هاااي
البنات: هاياات أهلين
آيه : كيف حالكن
البنات: تمام وإنتي كيفك
آيه: تمام الحمدالله ايش مسويات
البنات : هي هذه يسرى صح إللي حاكيتينا عليها
آيه: التفتت اوووه ايحين جاءت
البنات : عادها جاءت ذلحين
آيه : قربت شويه لجنبها
ابردين منها وانتبهين تقربين منها لان اللي مثل هولاء البنات الضايعات يخاف الواحد منهن هن حق شباب وعلى فكره سمعت إن كآن صورها مع ولد وكان يهددها بعدين خلت وآحد من اللي تحبهم يساعدها ولو ماسعادها كانت سمعة أهلها في القاع
واحده : يوووه الله يقلعها بنت اهلها يوثقوا فيها وهيه تخونهم
يسرى ضبحت قوي وقامت من بقعتها وخرجت
آيه: يلا بستأذن نلتقي بعدين
وسارت بعد يسرى
آيه: يسرى يسرى
يسرى: نعم ماتشتي
آيه: كيف انتي وين الغيبه أسبوع غايبه
يسرى: مالش دخل مني
آيه: اوووه مسكينه صح ماقدرنا نأخذ منك شي بس أخذنا منش سمعتش ابسري كيف سمعتش في لسان إللي يسوا واللي مايسوا
يسرى: الله يلعنش أنتي واحده تافهه وصدقيني الأيام بتدور ويوقع بش مثل ماوقع فيني
آيه : انا مش غبيه مثلش اوثق في اي شخص بسرعه
يسرى: ايوه خلاص انا غبيه وبعدين ماتهميني لا أنتي ولا غيرش يعني كلامك يدخل من إذن ويخرج من الثانيه
آيه : وربي إني رحمتش
يسرى: طنشتها وخطيت من عندها
الشباب وكل وآحد بيتليقف عليها
الاول : يييه ي قمر واحنا ايحين دورنا
الثاني: عادك مطول خليها تخلص الاولين يمكن لازم نسوي حجز
الشباب: ههههههههههههههه هذه ساع الزبالة ما أحد يرضى يبسر لعندها إلا الذي غايته منها شي فقده و يأخذ اللي يشتي منها ويرجمها
زهير جاء لعندهم : سلام
الشباب : وعليكم السلام
زهير: مالكم بتتضحكوا
واحد منهم : ولا شي بس على يسرى
زهير: ومالها
واحد منهم: قال لك إن هي كانت كل يوم مع وآحد ومدري مابينهم
زهير: طيب بسرتوا بعيونكم
قالوا : لا
زهير: خلاص مالكم حق تتهموا البنت ومابسرتوا شي لان كل وآحد معه اخت ومثل ماقذفت بنت الناس اتنحط أختك في هذا الموقف ولو مالها ذنب
الشباب كل وآحد بسر لعند الثاني وسكت
علاء رجع البيت بعد ما اشترى المصروف وكانت رغد لابسه تنوره قصيره وفنيله لفوق كتفها ورافعه شعرها لفوق ومسويه ربطه
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
👍1
البارت رقم 84
لا أجـد حروفـاً دقيقـة تصـِف ما أعانيـه,لايمُكننـي وصـف مايخـوض داخلـي,ثقيـل جـداً "😕💔 ...➻❥ ┇..﹊ ﴾ .
.
.
ضحايا الحب ﴿ 😔↯
👌🏻👇🏻 😍
📚 @rewayatyamania 🇾🇪
علاء: قوى يمه خليش بعيده
وطلع لاعند عبدالله بيدق له الباب
وخرج عبدالله من غرفته : خير هيا ماتشتي مش كفايه اللي سويته
علاء: أول شي بخصوص علياء أنا الغلطان مش هيه وماعد بتفعل شي وأنا بكفلها ثاني شي لاتتقوى على أختك ولف مرتك أنا ساكت لها أول وانت بتضرب علياء وهي بتتضحك وتتليقف عليا كنت قادر أكسر لقفها بس احترام لك والا مابسمح لمره تتطاول عليا
ولو انت صدق رجال ماتضرب أختك قدام مرتك وتخليها تتفرح فيها ولو صدق منك بتخاف على أختك وعلى سمعتها أنك بتمسك يدها وتفهمها صح حتى لو ضربتها لوحدها مش تهين أختك اللي من لحمك ودمك قدام بنت الناس
عبدالله: هذه مش بنت ناس وهذه مرتي
علاء: ناهي خلاص عرفنا أنها مرتك مابننكرك بس لو انت بتجلس تهين أختي قدامها
مابسكت لك ولا بسمح لك
عبدالله: أسكت أحسن لك وبعدين هي اختي افعل بها ما اشتي
علاء: وأنا إيش قلت لك أختك طيب ماقلنا شي بس اللي فعلته معها قدام مرتك غلط أفهم
عبدالله: ذلحين خلاص ماتشتي
علاء: باقي شي يا اما أنك تقول لمرتك تتستر وتلبس سوا أو خرجت انت وهي في بيت لحالكم
عبدالله: ليش مالها
علاء: هذا الشي أسأل مرتك ولمن صيحت فوقها تتستر قامت ترد وتقول مافعلتش جريمه
عبدالله: طيب طيب بشوف
يسرى روحت وهي قد بتنفجر مش قادره تستحمل كلام الناس
دخلت غرفتها وانتذقت فوق السرير ونامت كأنها رمت كل اوجاعها على سريرها وتخلصت منها بغمضة عينها ( أحياناً لا نستطيع ان نهرب من واقعنا الموجع الا لعالم أحلامنا من خلال النوم
فهل الاستسلام للنوم نعمه تخفف عنا متاعب واقعنا!!
ام رحمه من الله لنهرب من الواقع الكئيب الذي نعيشه)
زهير إتصل على علاء
علاء: الو
زهير: ها كيف حالك
زهير: الحمدلله وأنت كيف حالك
علاء: الحمدلله
زهير: وين أنت
علاء: في البيت ليش
زهير: اشتي احاكيك وين نلتقي
علاء: نص ساعه وبتصل لك وأقول لك وين نلتقي
عبدالله نزل للديمه لاعند رغد وبسرها
عبدالله: وليش ماتلبسي ساع الناس
رغد: مافيها شي هوذا أنا في الديمه مابحد
عبدالله: واخي علاء وين هو يعني
رغد: في غرفته ماعيأكلنيش
عبدالله"سريع اطلعي غيري ملابسش
رغد: طيب أكمل عملي
عبدالله: بصوت عالي قلت بسرعه اطلعي غيري ملابسش
📚 @rewayatyamania 🇾🇪
لا أجـد حروفـاً دقيقـة تصـِف ما أعانيـه,لايمُكننـي وصـف مايخـوض داخلـي,ثقيـل جـداً "😕💔 ...➻❥ ┇..﹊ ﴾ .
.
.
ضحايا الحب ﴿ 😔↯
👌🏻👇🏻 😍
📚 @rewayatyamania 🇾🇪
علاء: قوى يمه خليش بعيده
وطلع لاعند عبدالله بيدق له الباب
وخرج عبدالله من غرفته : خير هيا ماتشتي مش كفايه اللي سويته
علاء: أول شي بخصوص علياء أنا الغلطان مش هيه وماعد بتفعل شي وأنا بكفلها ثاني شي لاتتقوى على أختك ولف مرتك أنا ساكت لها أول وانت بتضرب علياء وهي بتتضحك وتتليقف عليا كنت قادر أكسر لقفها بس احترام لك والا مابسمح لمره تتطاول عليا
ولو انت صدق رجال ماتضرب أختك قدام مرتك وتخليها تتفرح فيها ولو صدق منك بتخاف على أختك وعلى سمعتها أنك بتمسك يدها وتفهمها صح حتى لو ضربتها لوحدها مش تهين أختك اللي من لحمك ودمك قدام بنت الناس
عبدالله: هذه مش بنت ناس وهذه مرتي
علاء: ناهي خلاص عرفنا أنها مرتك مابننكرك بس لو انت بتجلس تهين أختي قدامها
مابسكت لك ولا بسمح لك
عبدالله: أسكت أحسن لك وبعدين هي اختي افعل بها ما اشتي
علاء: وأنا إيش قلت لك أختك طيب ماقلنا شي بس اللي فعلته معها قدام مرتك غلط أفهم
عبدالله: ذلحين خلاص ماتشتي
علاء: باقي شي يا اما أنك تقول لمرتك تتستر وتلبس سوا أو خرجت انت وهي في بيت لحالكم
عبدالله: ليش مالها
علاء: هذا الشي أسأل مرتك ولمن صيحت فوقها تتستر قامت ترد وتقول مافعلتش جريمه
عبدالله: طيب طيب بشوف
يسرى روحت وهي قد بتنفجر مش قادره تستحمل كلام الناس
دخلت غرفتها وانتذقت فوق السرير ونامت كأنها رمت كل اوجاعها على سريرها وتخلصت منها بغمضة عينها ( أحياناً لا نستطيع ان نهرب من واقعنا الموجع الا لعالم أحلامنا من خلال النوم
فهل الاستسلام للنوم نعمه تخفف عنا متاعب واقعنا!!
ام رحمه من الله لنهرب من الواقع الكئيب الذي نعيشه)
زهير إتصل على علاء
علاء: الو
زهير: ها كيف حالك
زهير: الحمدلله وأنت كيف حالك
علاء: الحمدلله
زهير: وين أنت
علاء: في البيت ليش
زهير: اشتي احاكيك وين نلتقي
علاء: نص ساعه وبتصل لك وأقول لك وين نلتقي
عبدالله نزل للديمه لاعند رغد وبسرها
عبدالله: وليش ماتلبسي ساع الناس
رغد: مافيها شي هوذا أنا في الديمه مابحد
عبدالله: واخي علاء وين هو يعني
رغد: في غرفته ماعيأكلنيش
عبدالله"سريع اطلعي غيري ملابسش
رغد: طيب أكمل عملي
عبدالله: بصوت عالي قلت بسرعه اطلعي غيري ملابسش
📚 @rewayatyamania 🇾🇪
👍1
روايات يمنية📚🇾🇪
Photo
البارت رقم 85
الوصل وصلك و الخيانه صنع يمناك
و ِحنا على الثنتين .. نقدر و نصّبر! .
. .
. ₉₁₁✘ضحايا الحب 💔'♩❋ء
.
👌🏻👇🏻 😍
📚 @rewayatyamania 🇾🇪
رغد رجمت الملعقه للارض بقوه
اووووف مابش راحه في هذا البيت غر كل وآحد بيمشي كلامه على مايشتي وطلعت غرفتها تغير ملابسها
وعبدالله طلع بعدها
عبدالله: لآخر مره اسمعش ترفعي صوتش فوقي المره الثانيه ماتلومي الا نفسش
رغد: للمه مالوم الا نفسي ماعتفعل بي وبعدين اشتي أعرف للمه بتهددني
عبدالله: مابين اهددش اسكتي أحسن لش
رغد: ماعتسكتش أنا مش علياء اخليك ترفع صوتك واجلس ساكته لا تحطني في مقام أختك لأنك لو رفعت صوتك او يدك عليها قدك داري أنها كانت من يد واحد ليد واحد
عبدالله رفع يده ورغد غطت على وجهها افتجعت كآن عيلطمها
عبدالله: والله لو أزيد اسمعش بس تتحاكي على علياء لا اكسر لقفش وارجمش في بيت اهلش ساع الكلبه
رغد: من قال أنني عاد بجلس هنا بعد مارفعت يدك كنت تشتي تلطمني
عبدالله : الله معش والباب يوسع جمل ولعلمش لو تخرجي من باب الباب أنتي طالق
رغد شلت التلفون واتصلت لأبوها بعد ماكملت تتصل لبست العبايه
وعبدالله بيتبسرها سكته
عبدالله: براحتش الله معش ودام قد حلفت وعتخرجي تحملي
ونزل من عندها
في بيت يسرى كانت راقده بعد مارجعت من الجامعة دخلت لعندها امها بتقومها
وهبيه: يسرى يسرى
يسرى نوم ولا بتسمع أحد
وهبيه طرحت يدها فوق جبهتها وحست حراراه قويه
وهبيه: يوووه ي ساتر كيف قد هي محميه قووي يسرى مالش جاوبي عليا مالش
يسرى كانت تون ونين بس
وهبيه: يمنى يمنى
يمنى : مالش بتصيحي
وهبيه : اختش حاميه قووي ادي لها حق الحمى وكمادات
يمنى: للمه مالها
وهبيه: مدري سيري فيسع
يمنى : تمام
علاء خرج من البيت وسار يبسر زهير تلاقى معه في كافيه
علاء: حياك الله كيف حالك
زهير: الحمدلله وانت كيف حالك
علاء: تمام الحمدلله مالك مافي نفسك
زهير: كنت اشتي احاكيك عن يسرى
علاء بغير شعور: يسرى مالها
زهير: مالك اهدأ مافيها شي
علاء تماسك وحاول يغير ردة فعله : ليش أهدأ أصلا ماتهمني وما اشتي أسمع شي عنها
زهير: كيف ماتهمك وهذا الذي فعلته الآن ماهو
علاء: ماهو شي غلق الموضوع
زهير: زهير مابغلقش الموضوع ولازم تعرف أن سمعة يسرى في الجامعه في الأرض وكل اللي يسوا واللي مايسوا يتكلم عنها
.
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
الوصل وصلك و الخيانه صنع يمناك
و ِحنا على الثنتين .. نقدر و نصّبر! .
. .
. ₉₁₁✘ضحايا الحب 💔'♩❋ء
.
👌🏻👇🏻 😍
📚 @rewayatyamania 🇾🇪
رغد رجمت الملعقه للارض بقوه
اووووف مابش راحه في هذا البيت غر كل وآحد بيمشي كلامه على مايشتي وطلعت غرفتها تغير ملابسها
وعبدالله طلع بعدها
عبدالله: لآخر مره اسمعش ترفعي صوتش فوقي المره الثانيه ماتلومي الا نفسش
رغد: للمه مالوم الا نفسي ماعتفعل بي وبعدين اشتي أعرف للمه بتهددني
عبدالله: مابين اهددش اسكتي أحسن لش
رغد: ماعتسكتش أنا مش علياء اخليك ترفع صوتك واجلس ساكته لا تحطني في مقام أختك لأنك لو رفعت صوتك او يدك عليها قدك داري أنها كانت من يد واحد ليد واحد
عبدالله رفع يده ورغد غطت على وجهها افتجعت كآن عيلطمها
عبدالله: والله لو أزيد اسمعش بس تتحاكي على علياء لا اكسر لقفش وارجمش في بيت اهلش ساع الكلبه
رغد: من قال أنني عاد بجلس هنا بعد مارفعت يدك كنت تشتي تلطمني
عبدالله : الله معش والباب يوسع جمل ولعلمش لو تخرجي من باب الباب أنتي طالق
رغد شلت التلفون واتصلت لأبوها بعد ماكملت تتصل لبست العبايه
وعبدالله بيتبسرها سكته
عبدالله: براحتش الله معش ودام قد حلفت وعتخرجي تحملي
ونزل من عندها
في بيت يسرى كانت راقده بعد مارجعت من الجامعة دخلت لعندها امها بتقومها
وهبيه: يسرى يسرى
يسرى نوم ولا بتسمع أحد
وهبيه طرحت يدها فوق جبهتها وحست حراراه قويه
وهبيه: يوووه ي ساتر كيف قد هي محميه قووي يسرى مالش جاوبي عليا مالش
يسرى كانت تون ونين بس
وهبيه: يمنى يمنى
يمنى : مالش بتصيحي
وهبيه : اختش حاميه قووي ادي لها حق الحمى وكمادات
يمنى: للمه مالها
وهبيه: مدري سيري فيسع
يمنى : تمام
علاء خرج من البيت وسار يبسر زهير تلاقى معه في كافيه
علاء: حياك الله كيف حالك
زهير: الحمدلله وانت كيف حالك
علاء: تمام الحمدلله مالك مافي نفسك
زهير: كنت اشتي احاكيك عن يسرى
علاء بغير شعور: يسرى مالها
زهير: مالك اهدأ مافيها شي
علاء تماسك وحاول يغير ردة فعله : ليش أهدأ أصلا ماتهمني وما اشتي أسمع شي عنها
زهير: كيف ماتهمك وهذا الذي فعلته الآن ماهو
علاء: ماهو شي غلق الموضوع
زهير: زهير مابغلقش الموضوع ولازم تعرف أن سمعة يسرى في الجامعه في الأرض وكل اللي يسوا واللي مايسوا يتكلم عنها
.
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
👍2
روايات يمنية📚🇾🇪 via @like
15/رمضان ♥ ✨
اللهم اغفر لنا تقصيرنا وتقبل منا ما مضى وبارك لنا فيما بقى ووفقنا لما فيه كل خيرٍ وصلاح ولا تجعل رمضان يرحل إلا ونحن فيه من الفائزين ❤
اللهم اغفر لنا تقصيرنا وتقبل منا ما مضى وبارك لنا فيما بقى ووفقنا لما فيه كل خيرٍ وصلاح ولا تجعل رمضان يرحل إلا ونحن فيه من الفائزين ❤
روايات يمنية📚🇾🇪
Photo
البارت رقم 86
✗ ضحايا الحب ☹💔 .
.
.
- - خائف, ‹ مــن مواجــهة, ‹ الحياة, ‹ مرهـــق, ‹ مــن, ‹ الحب وفشــل عندما يتتالى, ‹ .
👌🏻👇🏻 😍
📚 @rewayatyamania 🇾🇪
علاء : كيف وليش مابه
زهير: صاحبة يسرى اخت عمار فضحتها وطلعت لها سمعه في
الجامعة واليوم الصغير والكبير بيتكلم عنها
علاء: طيب وأنا إيش اسوي ايش دخلني فيها ليش تجي تحاكيني أنا ماعبش بيني وبينها أي علاقه وكل شي بيننا إنتهى
زهير: كل شي بينكم إنتهى بس البنت محتاجه أحد يوقف معها حرام عليك لا تفلتها أنا مش قادر اسوي شي لان الجامعة كلها يعرفوها ويعرفوني لو ادافع عنها عيقولوا مدري مابيني وبينها
علاء: خير بكره وبقول لك ما نفعل
زهير: طيب
علاء: يلا خاطرك بروح
زهير: الله معك
في بيت يسرى
وهبيه : يييوه يا الله ابسري كيف قد هي حمراء من الحمى مانفعل لها
يمنى: والله مالي علم مانفعل وأخي مابحد هو قدش داريه إن هو في الحديده مع اصحابه
وهبيه: مابش معانا الا خالتش حوريه سيري حاكيها تخلي ابنها يشلنا
يمنى ذكرت باللي وقع بين يسرى وعلاء مع مع يمه نبسر تاكس ونسير إحنا
وهبيه: مش وقت ذلحين سيري ابسري خالتش حوريه فيسع
يمنى: تمام
في بيت علاء
أبو رغد جاء وشلها من البيت بدون ماتحاكي أحد انه حرم وطلق
بعد ماسارت رغد جاءت يمنى وبتدق الباب وعلاء وصل
يمنى تلبكت
علاء ابعدي وأنا شفتح لش
يمنى: أدعي لي خالتي حوريه فيسع
علاء: طيب دقيقه ودخل يدعيها
حوريه تأخرت شويه ويمنى عند الباب متوتره هيا وينش ي خاله حوريه وين أنتي جاوبيني
حوريه خرجت تجاوبها وعلاء كآن هو في المجلس
حوريه: حيا يمنى مافي نفسش
يمنى:خاله حوريه يسرى مريضه قووي خلي عبدالله يجي يشلها المستشفى انا فدالش
حوريه: مالش اهدأي طيب وفهميني مالها
يمنى: مدري بس حرارتها مرتفعه قوي ساع المره الاوله
حوريه: تمام سيري جهزيها وأنا شطلع أدعي عبدالله
📚 @rewayatyamania 🇾🇪
✗ ضحايا الحب ☹💔 .
.
.
- - خائف, ‹ مــن مواجــهة, ‹ الحياة, ‹ مرهـــق, ‹ مــن, ‹ الحب وفشــل عندما يتتالى, ‹ .
👌🏻👇🏻 😍
📚 @rewayatyamania 🇾🇪
علاء : كيف وليش مابه
زهير: صاحبة يسرى اخت عمار فضحتها وطلعت لها سمعه في
الجامعة واليوم الصغير والكبير بيتكلم عنها
علاء: طيب وأنا إيش اسوي ايش دخلني فيها ليش تجي تحاكيني أنا ماعبش بيني وبينها أي علاقه وكل شي بيننا إنتهى
زهير: كل شي بينكم إنتهى بس البنت محتاجه أحد يوقف معها حرام عليك لا تفلتها أنا مش قادر اسوي شي لان الجامعة كلها يعرفوها ويعرفوني لو ادافع عنها عيقولوا مدري مابيني وبينها
علاء: خير بكره وبقول لك ما نفعل
زهير: طيب
علاء: يلا خاطرك بروح
زهير: الله معك
في بيت يسرى
وهبيه : يييوه يا الله ابسري كيف قد هي حمراء من الحمى مانفعل لها
يمنى: والله مالي علم مانفعل وأخي مابحد هو قدش داريه إن هو في الحديده مع اصحابه
وهبيه: مابش معانا الا خالتش حوريه سيري حاكيها تخلي ابنها يشلنا
يمنى ذكرت باللي وقع بين يسرى وعلاء مع مع يمه نبسر تاكس ونسير إحنا
وهبيه: مش وقت ذلحين سيري ابسري خالتش حوريه فيسع
يمنى: تمام
في بيت علاء
أبو رغد جاء وشلها من البيت بدون ماتحاكي أحد انه حرم وطلق
بعد ماسارت رغد جاءت يمنى وبتدق الباب وعلاء وصل
يمنى تلبكت
علاء ابعدي وأنا شفتح لش
يمنى: أدعي لي خالتي حوريه فيسع
علاء: طيب دقيقه ودخل يدعيها
حوريه تأخرت شويه ويمنى عند الباب متوتره هيا وينش ي خاله حوريه وين أنتي جاوبيني
حوريه خرجت تجاوبها وعلاء كآن هو في المجلس
حوريه: حيا يمنى مافي نفسش
يمنى:خاله حوريه يسرى مريضه قووي خلي عبدالله يجي يشلها المستشفى انا فدالش
حوريه: مالش اهدأي طيب وفهميني مالها
يمنى: مدري بس حرارتها مرتفعه قوي ساع المره الاوله
حوريه: تمام سيري جهزيها وأنا شطلع أدعي عبدالله
📚 @rewayatyamania 🇾🇪
👍1
البارت رقم 87
واني أنسى كرهي عند خوفي عليكِ 🖤.
✘ضحايا الحب 💔'♩❋ء .
.
👌🏻👇🏻 😍
📚 @rewayatyamania 🇾🇪
طلعت حوريه تداعي عبدالله من غرفته
وعلاء خرج من المجلس وبيسال امه إيش تشتي يمنى على أساس ماسمعهاش
علاء: امه مالش مابه
حوريه: مالي شي بس بنت وهبيه مريضه
قالت لي أقول لعبدالله يشلهم المستشفى
علاء: اها طيب ودخل المجلس وهو قلق وبنفس اللحظه كآن يحاول يمثل على نفسه انه مش مهتم بهذا الشي
علاء بيحاكي نفسه: ياربي يعلم الله ايش فيها اشتي اطمن عليها
فجاه حالفه الصمت وضرب راسه بيده علاء بس يكفي يكفي تفكر فيها انت كرهتها ليش مهتم بتفاصيلها بعد اللي سوته فيك ليش عادك تخاف عليها يكفي ياعلاء يكفي
حوريه في غرفه عبدالله جالسه تحاكيه
حوريه : عبدالله بنت خالتك وهبيه مريضه قالت تجي تشل بنتها للمستشفى
عبد الله: انا ماناش فاضي والله انني ضابح من روحي خليها تستأجر تاكس
حوريه: مايسبرش يابني
عبدالله: افهمي يامه بين اقول لش مش انا فاضي وقد انا شابع دنيا
حوريه: للمه مالك
عبدالله : مالي شي
حوريه ذكرت اللي قال لها علاء عن رغد وحست انه تصايح معها
حوريه: طيب وين هي مرتك
عبدالله : ما بحد هيه
حوريه: يوه وين هي
عبدالله: في بيت اهلها
حوريه مسكت على صدرها وشهقت ماهو في بيت اهلها للمه
عبدالله: الله معها خليها تجلس هانك
حوريه: ناهي حاكيني ماوقع بينكم
عبدالله : طلقتها
حوريه بغير تصديق انت ما بتقول ي عبدالله منك صدق او بتتخيبل معي
عبدالله: الله يحفظش يمه خلي لي حالي
مش أنا فاضي للخيبله ذلحين
حوريه : ناهي وماهو هذا الكلام ي عبدالله وماوقع بينكم تحاكى
عبدالله: مش وقت ذلحين سيري لعند خالتي وهبيه قولي لها مابحد انا او مريض او ايش تعذري وخليها تستأجر لهم تاكس ماقدرت أسير اي بقعه
حوريه تنهدت وخرجت من غرفه عبدالله حسبي الله ونعم الوكيل كل واحد بيتصرف على مايشتي وكانني جدر عندهم
علاء سمع امه بتجابر نفسها وخرج يبسر مالها
علاء: مالش يمه بتصيحي
حوريه: مالي شي بس بسبب أخوك هذا تصايح هو ومرته وقد هي في بيتهم وانا ولا لي علم وذلحين ماقول لخالتك وهبيه والله أنه خزاء قال هو مش فاضي يشلهن
علاء: طزز لا تحرقي دمش ولا شي يسدوا موضوع بين رجال ومرته مالنا دخل
حوريه: خيره الله عتسير احاكي حوريه تستاجر لهم تاكس وتشلها هيه المستشفى
.
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
واني أنسى كرهي عند خوفي عليكِ 🖤.
✘ضحايا الحب 💔'♩❋ء .
.
👌🏻👇🏻 😍
📚 @rewayatyamania 🇾🇪
طلعت حوريه تداعي عبدالله من غرفته
وعلاء خرج من المجلس وبيسال امه إيش تشتي يمنى على أساس ماسمعهاش
علاء: امه مالش مابه
حوريه: مالي شي بس بنت وهبيه مريضه
قالت لي أقول لعبدالله يشلهم المستشفى
علاء: اها طيب ودخل المجلس وهو قلق وبنفس اللحظه كآن يحاول يمثل على نفسه انه مش مهتم بهذا الشي
علاء بيحاكي نفسه: ياربي يعلم الله ايش فيها اشتي اطمن عليها
فجاه حالفه الصمت وضرب راسه بيده علاء بس يكفي يكفي تفكر فيها انت كرهتها ليش مهتم بتفاصيلها بعد اللي سوته فيك ليش عادك تخاف عليها يكفي ياعلاء يكفي
حوريه في غرفه عبدالله جالسه تحاكيه
حوريه : عبدالله بنت خالتك وهبيه مريضه قالت تجي تشل بنتها للمستشفى
عبد الله: انا ماناش فاضي والله انني ضابح من روحي خليها تستأجر تاكس
حوريه: مايسبرش يابني
عبدالله: افهمي يامه بين اقول لش مش انا فاضي وقد انا شابع دنيا
حوريه: للمه مالك
عبدالله : مالي شي
حوريه ذكرت اللي قال لها علاء عن رغد وحست انه تصايح معها
حوريه: طيب وين هي مرتك
عبدالله : ما بحد هيه
حوريه: يوه وين هي
عبدالله: في بيت اهلها
حوريه مسكت على صدرها وشهقت ماهو في بيت اهلها للمه
عبدالله: الله معها خليها تجلس هانك
حوريه: ناهي حاكيني ماوقع بينكم
عبدالله : طلقتها
حوريه بغير تصديق انت ما بتقول ي عبدالله منك صدق او بتتخيبل معي
عبدالله: الله يحفظش يمه خلي لي حالي
مش أنا فاضي للخيبله ذلحين
حوريه : ناهي وماهو هذا الكلام ي عبدالله وماوقع بينكم تحاكى
عبدالله: مش وقت ذلحين سيري لعند خالتي وهبيه قولي لها مابحد انا او مريض او ايش تعذري وخليها تستأجر لهم تاكس ماقدرت أسير اي بقعه
حوريه تنهدت وخرجت من غرفه عبدالله حسبي الله ونعم الوكيل كل واحد بيتصرف على مايشتي وكانني جدر عندهم
علاء سمع امه بتجابر نفسها وخرج يبسر مالها
علاء: مالش يمه بتصيحي
حوريه: مالي شي بس بسبب أخوك هذا تصايح هو ومرته وقد هي في بيتهم وانا ولا لي علم وذلحين ماقول لخالتك وهبيه والله أنه خزاء قال هو مش فاضي يشلهن
علاء: طزز لا تحرقي دمش ولا شي يسدوا موضوع بين رجال ومرته مالنا دخل
حوريه: خيره الله عتسير احاكي حوريه تستاجر لهم تاكس وتشلها هيه المستشفى
.
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
👍1
البارت رقم 88
ٴ『😴🌸ء』⇣ لم يكن سيء ابداً هو فقط اراد أخباري بطريقته انني لا اعني لهُ شيئاً." ٴ
.
.
『 ضحايا الحب 』💔☹
👌🏻👇🏻 😍
📚 @rewayatyamania 🇾🇪
علاء: مع مع لا تسيريش ولا شي اطلعي ادي المفتاح من عند عبدالله وانا عتشلهم
حوريه: تمام قد كنت خازيه من وهبيه الله يرضى عليك
علاء: امين يارب وطلعت تدي له المفتاح
في بيت يسرى
وهبيه: يسرى قومي البسي العبايه هيا نشلش المستشفى
يسرى: ماشتيش أسير مابش فيني شي
حوريه: قومي قالت مافيها شي ابسري كيف قد انتي
يمنى: هاتي يمه وأنا عتلبسها
حوريه: فيسع هيا
علاء وقف باب بيتهم وبيضرب بوري عشان يخرجوا
يمنى بسرت من الطاقه وداعت امها : امه هوذا عبدالله جاء هيا
وهبيه: يلا تمام أنا عتسير وانتي اجلسي في البيت وانتبهي لنفسش
يمنى: حاضر ومسكت يد يسرى عشان تخرجها للسياره
خرجت ووقفت باب السياره تشتي تطلع يسرى وابسرت وانه علاء تلبكت وبتجابر روحها اوووف ياربي ليش تجي انت لو تبسرك يسرى عتوقع بينكم مشاكل وتزيد تمرض اخس
يسرى: مالش افتحي الباب خليني اطلع قد عتدوخ
يمنى: ها طيب يلا اطلعي ووهبيه خرجت يمنى يلا أدخلي البيت
يمنى: تمام وطمنيني على يسرى
وهبيه: تمام يلا
طبعا يسرى ماركزت انه علاء اللي بيوصلهم
طرحت رأسها على الكرسي وعلاء قدامها حس أنها طرحت راسها وبسرها في المرايه وتنهدت بوجع شغل السياره يخطى ووهبيه وقفته
وهبيه : يووه نسيت الزلط في البيت ريع ياولدي أدخل للبيت فيسع واجي
علاء هز راسه بمعنى تمام
يسرى كانت طاارحه راسها عرض الكرسي ومغمضه عيونها
علاء بعد مانزلت وهبيه التفت بسر يسرى وهي فتحت عيونها وبسرت علاء قدامها افتجعت وبنفس الوقت فزت لمن بسرته
علاء تلبك ورجع على ما كآن
وهمس زر الأمان عشان ماتنزل
يسرى بتحاول تفتح الباب مارضيش بعدين قالت له أفتح الأمان حق السياره
علاء: مابفتحش
يسرى: افتح
علاء: قلت مابفتحش
يسرى: طيب لا تفتحش بس اشتي أعرف ليش جيت تشلني أنت ليش مهتم هكذا وانت تكرهني وأنا واحده رخيصه ليش تتنازل عشان واحده خاينه مثلي ليش
علاء: بصوت عالي يسرى خلاص خليش ساكته بدون اسئله لأنني مابجاوبش وبعدين أنتي تعبانه مش وقت هذا الكلام
يسرى: لا مابسكت لمن تجاوب على سؤالي اوووه او شكلك ماتشتيش تجاوب على واحده حقيره مثلي صح
📚 @rewayatyamania 🇾🇪
ٴ『😴🌸ء』⇣ لم يكن سيء ابداً هو فقط اراد أخباري بطريقته انني لا اعني لهُ شيئاً." ٴ
.
.
『 ضحايا الحب 』💔☹
👌🏻👇🏻 😍
📚 @rewayatyamania 🇾🇪
علاء: مع مع لا تسيريش ولا شي اطلعي ادي المفتاح من عند عبدالله وانا عتشلهم
حوريه: تمام قد كنت خازيه من وهبيه الله يرضى عليك
علاء: امين يارب وطلعت تدي له المفتاح
في بيت يسرى
وهبيه: يسرى قومي البسي العبايه هيا نشلش المستشفى
يسرى: ماشتيش أسير مابش فيني شي
حوريه: قومي قالت مافيها شي ابسري كيف قد انتي
يمنى: هاتي يمه وأنا عتلبسها
حوريه: فيسع هيا
علاء وقف باب بيتهم وبيضرب بوري عشان يخرجوا
يمنى بسرت من الطاقه وداعت امها : امه هوذا عبدالله جاء هيا
وهبيه: يلا تمام أنا عتسير وانتي اجلسي في البيت وانتبهي لنفسش
يمنى: حاضر ومسكت يد يسرى عشان تخرجها للسياره
خرجت ووقفت باب السياره تشتي تطلع يسرى وابسرت وانه علاء تلبكت وبتجابر روحها اوووف ياربي ليش تجي انت لو تبسرك يسرى عتوقع بينكم مشاكل وتزيد تمرض اخس
يسرى: مالش افتحي الباب خليني اطلع قد عتدوخ
يمنى: ها طيب يلا اطلعي ووهبيه خرجت يمنى يلا أدخلي البيت
يمنى: تمام وطمنيني على يسرى
وهبيه: تمام يلا
طبعا يسرى ماركزت انه علاء اللي بيوصلهم
طرحت رأسها على الكرسي وعلاء قدامها حس أنها طرحت راسها وبسرها في المرايه وتنهدت بوجع شغل السياره يخطى ووهبيه وقفته
وهبيه : يووه نسيت الزلط في البيت ريع ياولدي أدخل للبيت فيسع واجي
علاء هز راسه بمعنى تمام
يسرى كانت طاارحه راسها عرض الكرسي ومغمضه عيونها
علاء بعد مانزلت وهبيه التفت بسر يسرى وهي فتحت عيونها وبسرت علاء قدامها افتجعت وبنفس الوقت فزت لمن بسرته
علاء تلبك ورجع على ما كآن
وهمس زر الأمان عشان ماتنزل
يسرى بتحاول تفتح الباب مارضيش بعدين قالت له أفتح الأمان حق السياره
علاء: مابفتحش
يسرى: افتح
علاء: قلت مابفتحش
يسرى: طيب لا تفتحش بس اشتي أعرف ليش جيت تشلني أنت ليش مهتم هكذا وانت تكرهني وأنا واحده رخيصه ليش تتنازل عشان واحده خاينه مثلي ليش
علاء: بصوت عالي يسرى خلاص خليش ساكته بدون اسئله لأنني مابجاوبش وبعدين أنتي تعبانه مش وقت هذا الكلام
يسرى: لا مابسكت لمن تجاوب على سؤالي اوووه او شكلك ماتشتيش تجاوب على واحده حقيره مثلي صح
📚 @rewayatyamania 🇾🇪
البارت رقم 89
عندما يجرحك أحد اليوم أعلم انك كسرته بالأمس ... ✋💔
.
.
👌🏻👇🏻 😍
📚 @rewayatyamania 🇾🇪
علاء بعصبيه: أنتي اللي سويتيه فيني مش قليل وأنا إللي سويته مش عشانك ولا عشان خاطر عيون واحده باعت نفسها للي يسوا واللي مايسوا وبعدين لا تفكري انني مهتم فيش او باقي مشاعر تجاهش أنا جيت اشلش بس عشان امي و خالتي وهبيه فقط اما أنتي بالنسبه لي ولا شي كأنش سجاره وخلصت
يسرى ضربت بيدها في الكرسي بقوه: خلاص يكفي ي علاء يكفي وتبكي بصوت عالي
علاء بوجع وصوت مخنوق: أنتي يلي يكفي انتي السبب كل مره تخليني اجرحش واجرح نفسي خليش بعيده لاتوجعيني ولا اوجعش
في بيت رغد
امها: مالش مابه خير
رغد: مابه شي خلي لي حالي يمه
أماني امها: كيف اخلي لش حالش تحاكي مابه
رغد: بين اقول مابه شي اشتي اجلس لوحدي قد أنا ضابحه شقرح
أبوها دخل: وللمه ضابحه بتقول لش امش مابه تحاكي للمه عادش بتقولي ولا به شي وقد اتصلت حوريه وبتقول انتي وزوجش متصايحين
رغد : متصايحين بس قد طلقني
أماني: ماهو طلقش ابن حوريه والله لا اسمع بهم امه لا اله الا الله
رغد بدات تبكي وتنزل دموعها
أبوها بصوت عالي: اصه واحترمي وجودي هنا قالت تسمع بهم أنتي عقلي بنتش وهذا بين الرجال وعتبسر مابه وللمه طلقها
أماني جلست ساكته وقد هي ضابحه منه ليش يسكتها
في بيت علاء
حوريه طلعت لعند عبدالله تشتي تعرف ماوقع بينهم
حوريه: عبدالله أنا امك للمه ماتحاكيني مابينكم ليش بتخليني احس ان مالي قيمه عندك
عبدالله : مش هذا يمه الله يحفظش بس أول كنت ضابح
حوريه: وذلحين قدك مرتاح شويه يلا قول لي
عبدالله: هو بس يمه المره اللي ماتسمع كلام زوجها وترفع صوتها فوقه ماتستاهل زوج يعني ماافعل بها لوما احاكيها وتنبع من فوق كلمتي
حوريه: للمه مافعلت
عبدالله: بين احاكيها تلبس سوا وترجم الملعقه للقاع وتقلب وجهها فوقي قدش داريه بحف النسوان
حوريه: تمام وليش ماتفهمها بدون ماتدخل الطلاق
عبدالله : ليش هي أدت لي فرصه
حوريه: فرصه في إيش
عبدالله: عاد إحنا تصايحنا قالت شلني بيت أهلي قلت لها لو تخرجي من باب الباب أنتي طالق ورغم هذا عاندت واتصلت لابوها وقبل ما تخرج حذرتها ماسمعتش
حوريه: اح بس من بنات هذه الأيام لا يحترمين لا كبير ولا صغير خلاص خير أنا شاحاكي خالك وافهمه كل شي
عبدالله: افعلي مااشتيتي اما رغد ماعد اشتيهاش دام ومابش لي كلمه عندها خليها تجلس في بيت امها
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
عندما يجرحك أحد اليوم أعلم انك كسرته بالأمس ... ✋💔
.
.
👌🏻👇🏻 😍
📚 @rewayatyamania 🇾🇪
علاء بعصبيه: أنتي اللي سويتيه فيني مش قليل وأنا إللي سويته مش عشانك ولا عشان خاطر عيون واحده باعت نفسها للي يسوا واللي مايسوا وبعدين لا تفكري انني مهتم فيش او باقي مشاعر تجاهش أنا جيت اشلش بس عشان امي و خالتي وهبيه فقط اما أنتي بالنسبه لي ولا شي كأنش سجاره وخلصت
يسرى ضربت بيدها في الكرسي بقوه: خلاص يكفي ي علاء يكفي وتبكي بصوت عالي
علاء بوجع وصوت مخنوق: أنتي يلي يكفي انتي السبب كل مره تخليني اجرحش واجرح نفسي خليش بعيده لاتوجعيني ولا اوجعش
في بيت رغد
امها: مالش مابه خير
رغد: مابه شي خلي لي حالي يمه
أماني امها: كيف اخلي لش حالش تحاكي مابه
رغد: بين اقول مابه شي اشتي اجلس لوحدي قد أنا ضابحه شقرح
أبوها دخل: وللمه ضابحه بتقول لش امش مابه تحاكي للمه عادش بتقولي ولا به شي وقد اتصلت حوريه وبتقول انتي وزوجش متصايحين
رغد : متصايحين بس قد طلقني
أماني: ماهو طلقش ابن حوريه والله لا اسمع بهم امه لا اله الا الله
رغد بدات تبكي وتنزل دموعها
أبوها بصوت عالي: اصه واحترمي وجودي هنا قالت تسمع بهم أنتي عقلي بنتش وهذا بين الرجال وعتبسر مابه وللمه طلقها
أماني جلست ساكته وقد هي ضابحه منه ليش يسكتها
في بيت علاء
حوريه طلعت لعند عبدالله تشتي تعرف ماوقع بينهم
حوريه: عبدالله أنا امك للمه ماتحاكيني مابينكم ليش بتخليني احس ان مالي قيمه عندك
عبدالله : مش هذا يمه الله يحفظش بس أول كنت ضابح
حوريه: وذلحين قدك مرتاح شويه يلا قول لي
عبدالله: هو بس يمه المره اللي ماتسمع كلام زوجها وترفع صوتها فوقه ماتستاهل زوج يعني ماافعل بها لوما احاكيها وتنبع من فوق كلمتي
حوريه: للمه مافعلت
عبدالله: بين احاكيها تلبس سوا وترجم الملعقه للقاع وتقلب وجهها فوقي قدش داريه بحف النسوان
حوريه: تمام وليش ماتفهمها بدون ماتدخل الطلاق
عبدالله : ليش هي أدت لي فرصه
حوريه: فرصه في إيش
عبدالله: عاد إحنا تصايحنا قالت شلني بيت أهلي قلت لها لو تخرجي من باب الباب أنتي طالق ورغم هذا عاندت واتصلت لابوها وقبل ما تخرج حذرتها ماسمعتش
حوريه: اح بس من بنات هذه الأيام لا يحترمين لا كبير ولا صغير خلاص خير أنا شاحاكي خالك وافهمه كل شي
عبدالله: افعلي مااشتيتي اما رغد ماعد اشتيهاش دام ومابش لي كلمه عندها خليها تجلس في بيت امها
https://tttttt.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪
👍1
البارت رقم 90
كنت احبك ولكن ارتخى هالحُب.
.
👌🏻👇🏻 😍
📚 @rewayatyamania 🇾🇪
في بيت رغد
أماني : أيوة أنتي مقعيه كم قد علمتش وقلت لش افعلي
رغد: مازيد افعل يمه قد كنت أفعل كل شي كنتي تقوليه لي لمن خليته يطلقني
أماني : ماهووو يعني طلقش بسببي قصدش اومه
رغد: ماشي مش بسببش هو بسببي أنا ماكنت أفعل سوا وبعض الاحيان كنت ادعمم كلامش
أماني : ايوه هو هذا السبب الذي مايسمع عاقله عاقله الشيطان
رغد: اوووف يمه خلاص بس قد أنا ضابحه من نفسي يكفي
أماني : هه هوذا سكتنا ريحي نفسش وخرجت من عندها
في المستشفى
وهبيه: خلاص ياولدي لو معك عمل سير بعد عملك
علاء: الله المستعان ي خاله كيف شاافلتش لوحدش هنا واسير
وهبيه: سهل مايوقع بنا شي الله يحفظك
علاء: مع مع هوذا أنا معكم
وهبيه: براحتك الله يصلح بالك
علاء: امين يارب
خرج الدكتور
ووهبيه قامت من فوق الكرسي: دكتور طمني كيف هي بنتي مالها
الدكتور: هي فيها من قبل حمى التيفود صح
وهبيه: ايوه وقد مرضت من قبل بس هذه المره قوي
الدكتور : أيوه هذه المره قويه لأنها ما كانت تشرب العلاج لهذا السبب
وهبيه: خيره الله ذلحين مانفعل وكيف هي
الدكتور : الان تمام بخيره بس خلوها ترتاح وتستقر حرارتها
وهبيه: عادي أدخل ابسرها
الدكتور : تفضلي
دخلت وهبيه والدكتور مسك علاء
الدكتور: أنت زوج المريضه
علاء: تلبك وماعد عرف مايقول اممممم لالا مش زوجها ابن جيرانهم
الدكتور : العفو بس حسيت أنك تقرب لها
علاء: لا ليش أصلا إحنا عائلتنا قريبه قوي كآن إحنا أهل
الدكتور: هو بس كنت اشتي اقول لك حمى التيفود مش سهل وبعض الأوقات يكون سببها وفاة ولازم تنتبه لصحتها
علاء : طيب وايش نفعل ذلحين
الدكتور : ولا شي لازم تنتبه لصحتها وتشرب العلاج وتبتعد عن الضغوطات النفسيه
علاء: خير إن شاء الله أنا بحاكي امها او اختها
الدكتور : تمام ماحبيت احاكي امها قلت عشان ماتجلس قلقه او تخاف على بنتها
علاء: أحسن شي أنك فعلت هكذا يعطيك العافية
الدكتور : الله يعافيك
في بيت علاء سار ابو رغد لعند عبدالله
حوريه: حيا باخي حيا
أبو رغد : لا حيا ولا قوى وين هو عبدالله
حوريه: طالع في غرفته
ابو رغد : ابعدي من عندي خليني أطلع ابسر للمه طلق بنتي
حوريه: اطلع بس قوى دلى بالتفاهم يا أخي
📚 @rewayatyamania 🇾🇪
كنت احبك ولكن ارتخى هالحُب.
.
👌🏻👇🏻 😍
📚 @rewayatyamania 🇾🇪
في بيت رغد
أماني : أيوة أنتي مقعيه كم قد علمتش وقلت لش افعلي
رغد: مازيد افعل يمه قد كنت أفعل كل شي كنتي تقوليه لي لمن خليته يطلقني
أماني : ماهووو يعني طلقش بسببي قصدش اومه
رغد: ماشي مش بسببش هو بسببي أنا ماكنت أفعل سوا وبعض الاحيان كنت ادعمم كلامش
أماني : ايوه هو هذا السبب الذي مايسمع عاقله عاقله الشيطان
رغد: اوووف يمه خلاص بس قد أنا ضابحه من نفسي يكفي
أماني : هه هوذا سكتنا ريحي نفسش وخرجت من عندها
في المستشفى
وهبيه: خلاص ياولدي لو معك عمل سير بعد عملك
علاء: الله المستعان ي خاله كيف شاافلتش لوحدش هنا واسير
وهبيه: سهل مايوقع بنا شي الله يحفظك
علاء: مع مع هوذا أنا معكم
وهبيه: براحتك الله يصلح بالك
علاء: امين يارب
خرج الدكتور
ووهبيه قامت من فوق الكرسي: دكتور طمني كيف هي بنتي مالها
الدكتور: هي فيها من قبل حمى التيفود صح
وهبيه: ايوه وقد مرضت من قبل بس هذه المره قوي
الدكتور : أيوه هذه المره قويه لأنها ما كانت تشرب العلاج لهذا السبب
وهبيه: خيره الله ذلحين مانفعل وكيف هي
الدكتور : الان تمام بخيره بس خلوها ترتاح وتستقر حرارتها
وهبيه: عادي أدخل ابسرها
الدكتور : تفضلي
دخلت وهبيه والدكتور مسك علاء
الدكتور: أنت زوج المريضه
علاء: تلبك وماعد عرف مايقول اممممم لالا مش زوجها ابن جيرانهم
الدكتور : العفو بس حسيت أنك تقرب لها
علاء: لا ليش أصلا إحنا عائلتنا قريبه قوي كآن إحنا أهل
الدكتور: هو بس كنت اشتي اقول لك حمى التيفود مش سهل وبعض الأوقات يكون سببها وفاة ولازم تنتبه لصحتها
علاء : طيب وايش نفعل ذلحين
الدكتور : ولا شي لازم تنتبه لصحتها وتشرب العلاج وتبتعد عن الضغوطات النفسيه
علاء: خير إن شاء الله أنا بحاكي امها او اختها
الدكتور : تمام ماحبيت احاكي امها قلت عشان ماتجلس قلقه او تخاف على بنتها
علاء: أحسن شي أنك فعلت هكذا يعطيك العافية
الدكتور : الله يعافيك
في بيت علاء سار ابو رغد لعند عبدالله
حوريه: حيا باخي حيا
أبو رغد : لا حيا ولا قوى وين هو عبدالله
حوريه: طالع في غرفته
ابو رغد : ابعدي من عندي خليني أطلع ابسر للمه طلق بنتي
حوريه: اطلع بس قوى دلى بالتفاهم يا أخي
📚 @rewayatyamania 🇾🇪
👍1🔥1
روايات يمنية📚🇾🇪
Photo
البارت رقم 91
إنتهت علاقة حب جميلة بينهم
فسألوه
هـل أنت من تركتها ام لا ؟
ف إبتسم وأجاب؛ الحب هو من تركنا
ولكنه وعدنا بأنه سيعود
ولكن!! ليجمع كل منآ بشخص آخر .
.
👌🏻👇🏻 😍
📚 @rewayatyamania 🇾🇪
أبو رغد : اشتي أعرف ايش وقع بينكم لمن وصل للطلاق
عبدالله : لمن المره ماتسمع كلام زوجها وترفع صوتها فوقه ماتستاهل يعني ماافعل بها لوما احاكيها وتفتح لقفها سبع اشبار هيا ما رايك ياخال يرضيك هذا الشي اذا هو يرضيك انا الصدق مايرضينش
أبو رغد: دام وهو هذا الخبر خليها عند امها لمن تتادب . .
بنوقف هنا و نمشي الأحداث شويه بعد مرور شهر
في بيت حوريه
هيا مه يابني ايحين تشتي نزوجك قد الزياره حقك عتنتهي
علاء: سهل يمه ايحين ماتشتي زوجيني
حوريه: الله يرضى عليك أن شاء الله عتخلي أبوك يحاكي عمك ايحين العرس
علاء: إن شاء الله ماعذر من خير
علياء جالسه بتلعب بالتلفون ووصلتها رساله من رقم غريب
ملاحظه( طبعا علياء قد معها تلفون لأنها وعدت اخوتها أنها مابتسوي شي ولاعد بتغلط نفس المره الاوله )
علياء : رقم من هو هذآ
صاحب الرقم: السلام عليكم
علياء: من معي
صاحب الرقم : أسامه ممكن نتحاكا شويه
علياء بدون أي نقاش فعلت له حظر وبتجابر نفسها اوووف ماافعل ذلحين هذا كل يوم يجي يدخل لي برقم قد أنا ضابحه منه
في بيت يسرى
يمنى مسكت التلفون حقها وبتتصل لعلاء
يمنى: السلام عليكم
علاء : وعليكم السلام من معي
يمنى: أنا يمنى اخت يسرى
علاء: اها حياش الله خير مافي نفسش
يمنى: سمعت خبر أنك خطبت قبل أسبوعين
علاء: أيوه خطبت ليش
يمنى: الف مبروك بس ياعلاء والله إن يسرى بدونك جسد بلا روح
علاء: تتحمل نتيجة غلطها وأنا ابتعدت لمصلحتها ومصلحتي
يمنى: كيف لمصلحتها اسكه فهمني والبنت من يوم الخطبه ماجفت لها عين
علاء: مش هي بس كلنا بس إيش نسوي هذا نصيب من الله وكل وآحد ما يأخذ الا نصيبه وأنا قد سويت عشانها المستحيل بس الآن خلاص ولا بسوي عشانها شي وإذا كنا رجعنا لبعض ماكنت بوثق فيها ابد وبيكون حبنا بس شك لأن أنا شفت وعرفت كل شي كانت تسويه فصعب أرجع ثقتي من جديد وأنا حبيت من قلبي وانكسر القلب اللي كآن يحبها فصعب يرجع مثل ما كآن
يمنى: بس ي علاء
علاء: آسف والله ماقدرش أكسر قلب بنت عمي لأن باقي للعرس بس قليل
يمنى: طيب الله يتمم لك على خير
علاء: آمين يارب واياش تأمري بشي ثاني
يمنى : سلامتك
علاء: الله يسلمش مع السلامة
وغلق وقلبه بيوجعه صعب إنني أقول ما عاد احبش يا يسرى وبنفس الوقت صعب أنني أرجع احبش 💔😞
حيره عندما تريد الشخص ولا تريده عندما تتمناه ولكن قواعد الحب تمنعك من الرجوع إليه
أياكم الخيانه فالخيانه لا تغفر
إياكم والكذب فالكذب لا ينسى
📚 @rewayatyamania 🇾🇪
إنتهت علاقة حب جميلة بينهم
فسألوه
هـل أنت من تركتها ام لا ؟
ف إبتسم وأجاب؛ الحب هو من تركنا
ولكنه وعدنا بأنه سيعود
ولكن!! ليجمع كل منآ بشخص آخر .
.
👌🏻👇🏻 😍
📚 @rewayatyamania 🇾🇪
أبو رغد : اشتي أعرف ايش وقع بينكم لمن وصل للطلاق
عبدالله : لمن المره ماتسمع كلام زوجها وترفع صوتها فوقه ماتستاهل يعني ماافعل بها لوما احاكيها وتفتح لقفها سبع اشبار هيا ما رايك ياخال يرضيك هذا الشي اذا هو يرضيك انا الصدق مايرضينش
أبو رغد: دام وهو هذا الخبر خليها عند امها لمن تتادب . .
بنوقف هنا و نمشي الأحداث شويه بعد مرور شهر
في بيت حوريه
هيا مه يابني ايحين تشتي نزوجك قد الزياره حقك عتنتهي
علاء: سهل يمه ايحين ماتشتي زوجيني
حوريه: الله يرضى عليك أن شاء الله عتخلي أبوك يحاكي عمك ايحين العرس
علاء: إن شاء الله ماعذر من خير
علياء جالسه بتلعب بالتلفون ووصلتها رساله من رقم غريب
ملاحظه( طبعا علياء قد معها تلفون لأنها وعدت اخوتها أنها مابتسوي شي ولاعد بتغلط نفس المره الاوله )
علياء : رقم من هو هذآ
صاحب الرقم: السلام عليكم
علياء: من معي
صاحب الرقم : أسامه ممكن نتحاكا شويه
علياء بدون أي نقاش فعلت له حظر وبتجابر نفسها اوووف ماافعل ذلحين هذا كل يوم يجي يدخل لي برقم قد أنا ضابحه منه
في بيت يسرى
يمنى مسكت التلفون حقها وبتتصل لعلاء
يمنى: السلام عليكم
علاء : وعليكم السلام من معي
يمنى: أنا يمنى اخت يسرى
علاء: اها حياش الله خير مافي نفسش
يمنى: سمعت خبر أنك خطبت قبل أسبوعين
علاء: أيوه خطبت ليش
يمنى: الف مبروك بس ياعلاء والله إن يسرى بدونك جسد بلا روح
علاء: تتحمل نتيجة غلطها وأنا ابتعدت لمصلحتها ومصلحتي
يمنى: كيف لمصلحتها اسكه فهمني والبنت من يوم الخطبه ماجفت لها عين
علاء: مش هي بس كلنا بس إيش نسوي هذا نصيب من الله وكل وآحد ما يأخذ الا نصيبه وأنا قد سويت عشانها المستحيل بس الآن خلاص ولا بسوي عشانها شي وإذا كنا رجعنا لبعض ماكنت بوثق فيها ابد وبيكون حبنا بس شك لأن أنا شفت وعرفت كل شي كانت تسويه فصعب أرجع ثقتي من جديد وأنا حبيت من قلبي وانكسر القلب اللي كآن يحبها فصعب يرجع مثل ما كآن
يمنى: بس ي علاء
علاء: آسف والله ماقدرش أكسر قلب بنت عمي لأن باقي للعرس بس قليل
يمنى: طيب الله يتمم لك على خير
علاء: آمين يارب واياش تأمري بشي ثاني
يمنى : سلامتك
علاء: الله يسلمش مع السلامة
وغلق وقلبه بيوجعه صعب إنني أقول ما عاد احبش يا يسرى وبنفس الوقت صعب أنني أرجع احبش 💔😞
حيره عندما تريد الشخص ولا تريده عندما تتمناه ولكن قواعد الحب تمنعك من الرجوع إليه
أياكم الخيانه فالخيانه لا تغفر
إياكم والكذب فالكذب لا ينسى
📚 @rewayatyamania 🇾🇪
👍2