⭐️🍃⭐️

بارتات يومنا الاحد 👇🏻👇🏻

البارت رقم 41

يخونك من تعودت منهم الصدق . ويصدقك من يمتهنون الكذب ويتركك من تعتقد أنهم سيظلوا بجانبك . وتحب من كنت تكرههم . وتكره أشد من أحببت .
ولا تفكر إلا في نيل ما لن تستطيع أن تجده فى أحلامك🔐

.🖤
↜ ضحايا الحب .


👌🏻👇🏻 😍
📚 @rewayatyamania 🇾🇪


يسرى: ههههههههههه ليش أدور مثله قد معي احلا منه روحي لش بس

يمنى: تصدقي انش واحده نذله للأسف صح انش أختي بس تفوووو عليش وخرجت من الغرفه يمنى وسكرت الباب بقوه

يسرى بصوت عالي: يييه إذا عاجبش عادي شليه لش ماعد يهمني

اليوم الثاني خرجت حوريه لبيت وهبيه
وهبيه : حيا حيا أدخلي

حوريه: الله يحييش تسلمي
دخلين وجالسات وادت لهن القهوه وجالسات

حوريه: صلي على محمد ي وهبيه

وهبيه: اللهم صل على محمد خير

وهبيه أصلا قد هي داريه غر محرجه من حوريه قوي

حوريه: والله يا اختي ان أبني يشتي يتزوج بنتش بس انقهر من رد ابنش يحيى وأنا جيت ذلحين واتقدم واطلب يدها مره ثانيه وأنتم تعرفونا من زمان

وهبيه: والله ماقول لش الا كل خير ي حوريه وانتي وعيالش هانا فوق راسي باحذيتش

حوريه: ياسين عليش

وهبيه: بس وآلله ماهو مني وإنني غاثيه قوي وماعتلقاش أحسن من علاء لبنتي
بس يحيى الله يهديه والله انه راكب الموضوع في رأسه وحلف انها ماتدخل له

حوريه: خيره الله دام ومابش نصيب الله يسخر لهم

وهبيه: امين يارب لا يدخل في قلبش

حوريه: ماشي وآلله للمه يدخل في نفسي كل وآحد ما ياخذ إلا نصيبه

في بيت علياء
نزلت رغد من غرفتها طبعا لها أسبوعين في الغرفه لا تخرج ولا تدخل

وعلياء قد هي ضابحها منها كل شي بتفعل هيه وتزيد تخدمها

نزلت وفي يدها الجوال وبتجابر امها

أماني : بتسمعي مابين اقول لش عادش حريوه لا تفعلي ولا شي اجلسي شهر شهرين وارجع انزلي معهن

رغد: حاضر يمه هو أكيد عادني حريوه وماشغعل شي
بتتحاكى بصوت عالي عشان تسمعها علياء
وعلياء قد بتجنن منها

روحت حوريه من بيت وهبيه وهي مقهوره على علاء

علياء: هيا مه ماقالوا لش

حوريه: مابش نصيب هاتي التلفون احاكي اخوش

علياء: كيف مابش نصيب

حوريه: مابش نصيب وخلاص مش هم موافقين

علياء: خيره الله أيوه وذلحين كيفه مع مرت ابنش

حوريه: هيا مابه




📚 @rewayatyamania 🇾🇪

البارت رقم 42

ـ ، 🎧 ♥". ! ﹎‏" ‏"لم يكلفك الله بإتباع حياة العادات والتقاليد وإنما أمرك بعبادته وإختيار الحياة التي تناسبك وفق حدوده فضع هذا المفهوم في عقلك.."🔐🌸 ✨🥀🖤

↜ ضحايا الحب .


👌🏻👇🏻 😍
📚 @rewayatyamania 🇾🇪


علياء: قد لها أسبوعين في الغرفه ولا قد خرجت يعني أجلس اخدمها أنا

حوريه: سهل يابنتي ابردي لش عاد هي حريوه

علياء: ماشبرد لي ولا شي تخطى بعد عملها وبس

ورغد بتتسمعها وطلعت لعند عبدالله

حوريه: هيا هاتي التلفون اتصلي لعلاء

علياء : ها هوذا بيتصل

حوريه : علاء حيا

علاء: الله يحييش يمه كيف انتي

حوريه: الحمدلله بخيره الله يدي لك العافيه

علاء: الله يعافيش هيا مه مافعلتي

حوريه: والله يابني ماقول لك إلا كل خير بس ماوافقوش

علاء اكتبد ماعد اقدر يقول شي سكر الخط واتصل ليسرى ومارضت تجاوب عليه بسرت المكالمه وطنشت
رسل لها رساله في الواتس
الله المستعان يايسرى أنا قد تقدمت لش مرتين وانتي ماقدرتي تفعلي شي عشاني وعشان حبنا أنا قد اغتربت وضحيت بحياتي وسعادتي وشبابي عشانش وإنتي ماتنازلتي تحاكي امش او اخوش انش موافقه بس سهل والله لا ترجع تتمني علاء يوم من الأيام


رغد دخلت غرفتها وهي ضابحه
رغد: ايش هذآ هذه ماعد هي عيشه

عبدالله: خير مالش مابه

رغد: هذه أختك قد بتعيرني حن قد خدمتني أسبوعين حين أنا حريوه

عبدالله: سهل مابه شي وانتي ساعديها

رغد: أنا عادني حريوه ماشفعل شي

فجأه دق جوال عبدالله
عبدالله: الو

المتصله: الو

عبدالله: من معي مابين أسمعش
الو

رغد: افتح المكرفون عشان تسمع
فتح المكرفون وبيجاوب

المتصله: انت عبدالله إبن فلان الفلاني

عبدالله : ايوه انا من أنتي

المتصله: مش مهم تعرف من أنا بس بقول لك شي واعتبرها نصيحه او خوف على سمعتكم وعليكم

عبدالله :خير مابه

المتصله: مابه شي بس أفتح جوال أختك وبتعرف كل شي

عبدالله: إيش فيها أختي ومن انتي

المتصله: أختك كل يوم مع...... وقطع الخط

عبدالله: ماهووو
الو الو
علياء ياعلياء علياء




📚 @rewayatyamania 🇾🇪

البارت رقم 43
.

مؤلمة تلك الدمعة التي تسقط وأنت صامت تسقط من شدة القهر والألم والإحتياج.💔✨ ـ .
.


↜ ضحايا الحب


👌🏻👇🏻 😍
📚 @rewayatyamania 🇾🇪



يسرى في المحاضره جالسه بتقرا الرسائل حق علاء
ودخل دكتور جديد عليهم
الدكتور يلا اشتي اتعرف على الكل انت إيش أسمك

زهير: أنا زهير فلان الفلاني

الدكتور: أجلس وانت إيش اسمك

محمد : محمد فلان الفلاني

الدكتور: أنتي ايش اسمش

آية: آية فلان الفلاني

الدكتور: وإنتي إيش أسمك

ويسرى جالسه تلعب بالجوال أنتي إيش اسمك

إيه : كلبه جاوبي الدكتور

يسرى: ها إيش

الدكتور: إيش أسمك

يسرى: أنا يسرى فلان الفلاني

زهير التفت لعندها ها يسرى مستحيل انها هي أكيد ملخبط يمكن واحده ثانيه


في بيت علياء
عبدالله بيصيح ملان البيت : ياعلياء ونزل لعندها

حوريه: يوه هذا صوت اخوش عبدالله

علياء: أيوه بس للمه بيصيح هكذا

حوريه: والله مالي علم اسكه قومي ابسري ماله

علياء قامت تشتي تجاوب وهو دخل لها مسك بشعرها هاتي تلفونش وين هو تلفونش

علياء افتجعت ماهو تلفوني للمه ماتفعل به

عبدالله: هاتي تلفونش قبل ما اقبرش بارضش هاتي

علياء: ماشديش فيه صور صاحباتي

عبدالله : أنا اشتي تلفونش لو فيه حتى صور الجن سريع هاتيه

علياء: ماشي ماشديش عيب صور البنات في التلفون

عبدالله سحب من يدها التلفون ورجمه ليد رغد جي جنبها وخليها تحذف صور صاحبتها وتدي التلفون

رغد: تمام ها افتحي التلفون

علياء : تمام هاتي

عبدالله: لا تمكنيهاش خليها تحذفهن في يدش

رغد: تمام

علياء حذفت صور صاحبتها تشتي تدخل الواتس تحذف رقم أسامه ورغد هزرت التلفون من يدها

رغد: عبدالله قال لش تمسحي صور صاحباتش مش تحذفي المحادثات من الواتس

علياء بسرت لعند رغد وهي مكبوده ظنت ان رغد ماعتتحاكى

حوريه: يووه مالك يابني صلي على محمد أذكر الله

عبدالله: لا إله إلا الله محمد الرسول الله خلينا نبسر ماهو الخبر يمه الله يحفظش

حوريه: ناهي دلى فجعت اختك

عبدالله :فجعتها ماهو حرام إن عادني شكسر عظامها خليني ابسر تلفونها اول حاجه
هاتي التلفون وسحبه من يد رغد

علياء جلست في الزوه ماسكه على راسها وبتبكي
وعبدالله بيفتش التلفون
علياء: وجعلنا من بين ايديهم سدا ومن خلفهم سدا فاغشيناهم فهم لا يبصرون يارب يا الله يارب كن معي يا أرحم الرحمين ياالله استر عليا يارب

عبدالله : من هوذا اللي مكتوب اسمه وتيني
أول ماسمعت اسمه مسكت على قلبها وبكيت قوووي


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 44

🎧 ♥". ! ﹎ ‏أنا الذي ماتت أغصاني وجف ينبوعي أنا الذي تحولت جنات عشقي مقابراً لدموعي💔✨
.
.
↜ ضحايا الحب .
.

👌🏻👇🏻 😍
📚 @rewayatyamania 🇾🇪



عبدالله: من بين احاكي أنا قلت لش رقم من هذا

علياء ساكته ولا قدرت تتحاكى ولا تقول شي بتتسمعه سكته

عبدالله فتحت المحادثه وقرا كل شي بين علياء واسامه


في السعوديه
علاء مقهور جالس يبكي وماتوقع إن ألحب بيوصله لهذا الحد

أبو علاء جاء لعنده هيا مالك ما تخرج تشتغل

علاء: مريض وماقدرت اشتي أخرج اغير جو في اليمن ولو حتى شهر

أبو علاء: يابني عادك دخلت مسرع قدك تشتي تسافر

علاء"والله أنني ضيق يابه خليني اخرج الله يحفظك

أبو علاء: خيره الله خلاص أفعل الذي تشتي والذي يريحك

علاء : الله يحفظك ويطول في عمرك

أبو علاء : آمين يارب

في الجامعة
دخلت يسرى دوره المياه وغيرت عبايتها ولبست عبايه مزخرفه وخرجت

ايه : الله الله ياحركاتش إيش هذا الدلع إيش العبايه هذه

يسرى: تسلمي ي قلبي اكيد حاليه دامها منش

ايه: الحاليه انتي ي قلبي

يسرى: تسلمي على هذه العبايه تجنننن

ايه :تستاهلي ي قلبي يلا عتخرجي

يسرى: ايوه هيا وين البنات نروح كلنا بسيارتي ونسير نتمشى شويه

إيه :قد خرجين مريعات لنا خارج

يسرى:يلا هيا
خرجت يسرى وكل الشباب منصدمين من هذه البنت وكل واحد بيسال الثاني

طبعا كانت يسرى تجي للجامعه بعبايه عادي بس ايه علمتها تكون تدي عبايتها في الشنطه وتغيرها في الجامعه

وآحد من الجامعه هذه ايه والذي جنبها أكيد يسرى لانهن مايمشين الا مع بعض

الثاني :لالا ما أتوقع يسرى من يوم ما جاءت للجامعه ماشفتها هكذا

الثالث :وآلله انها يسرى

زهير: ياشباب مادخلنا يلا نرح لنا


في بيت علياء
عبدالله : ماهو هذآ ياعلياء ايش هذا الكلام من هو هذا يابنت الكلب ولطمها ملطام لمن رجم بها للارض وبتبكي

حوريه: خلاص ي عبدالله الله يحفظك بس قد كفيت ووفيت بس يابني

عبدالله: والله لا اذبحها والله لا اكسر عظامها والله لا ادفنها تجي تبهذل بنا في يوم وليله تجي تشوه بسمعتنا بنت اليهودي

وسار لعند علياء وبيضربها ويلاطمها
عليا الحرام لو أزيد ابسرش ترسلي له حرف لا اذبحش أقسم بالله هوذا حلفت لش واتحداش تفكي الحظر او تتواصلي معه من أي بقعه

حوريه: رغد قوى خليه يطلع الغرفه ابسري ماقد فعل يهدأ وارجع عنتفاهم

رغد: حاضر ياعمه
رغد: عبدالله جي الغرفه اطلع وأنا شفعل لك قلص ليمون عشان تهدا
رجم التلفون لوجه علياء وطلع
امسكي تلفون بنتش وخليها تفعل ماتشتي وانتي ساكته وهذا كله بسببش أنتي تدلعتي لها
واديتي لها جوال ذلحين تحملي ماجاش




📚 @rewayatyamania 🇾🇪

البارت رقم 45

ـ ، 🎧 ♥". ! " رساله من علياء لمتابعين قصتها
كُل وجع النِساء وجعي". - أسعدوني بكلمة .
.
↜ ضحايا الحب .
.

👌🏻👇🏻 😍
📚 @rewayatyamania 🇾🇪


. . علياء قامت غرفتها وهي بتبكي دخلت الغرفه وغلقت الباب وانتذقت لفوق السرير تشبه غصن شجره انكسر من شدده ميلانه صوت ونين بكائها تعالى كأنها طفله يتيمه تبحث على ملجأ يحتويها
شهقاتها تمزق احشاءها
صوت ونينها يحرق اجفانها
غمضت عيونها بهدوء وبصوت عالي أه يالله يارب كون معي ومسكت على قلبها وبتصيح بصوووت عالي وكأن قلبها يتقطع من الوجع

حوريه : علياء افتحي جاوبي عليا قوووى ياعلياء

وعلياء بتبكي وماتسمع أحد كانت تلطم نفسها وتمشع شعرها يارب خذ روحي خلاص مش قادره أتحمل


في بيت يسرى
وهبيه: وين هي اختش لذلحين يايمنى

يمنى: وأنا ما دراني انتي دلعتيها قوي واديتي لها سياره وخليتيها على أتم راحه وتفعل اللي برأسها وابنش الحالي مدري وين بيسير ولا هو داري وين امه وخواته

وهبيه: خلاص انتي الثانيه لاعد تحرقي دمي وقومي اتصلي لاختش وابسري وين هيه

يمنى: هذا التلفون وهذا رقم بنتش اتصلي لي لها أنتي أنا مادخلني منها


في بيت علياء
في غرفه عبدالله دخلت رغد وفي يدها عصير ليمون

رغد: حبيبي عبدالله أمسك العصير واشربه وهدي أعصابك

عبدالله: ابعدي من قبالي قبل ما أفعل بش اخس منها

رغد نزلين من عيونها دموع التماسيح وتبكي: أنا إيش سويت فيك انا بين أحاول اهديك ما اقدرش ابسرك هكذا ولأنني بين افتجع عليك عتفعل بي اخس منها

عبدالله مطنش لها وبيحاول يهدي أعصابه

رغد: أنا الغلطانه مش هو انت لو بين اسكت أنه أحسن

عبدالله : خلاص ي قلبي والله ماقصدي بس ضابح وما اشتي أحد عندي

رغد: أنا ببقى معك لو كنت كيف ماكنت بوقف واساندك وجعك وجعي ي روحي
وضمته وعلى أساس تبكي

عبدالله: مسح دموع رغد خلاص لا تبكي ي عمري ما أتحمل أشوف دموعش

رغد: والله بين ابكي عليك ماقد شفتك معصب لهذه الدرجه ومقهوره على علياء مدري كيف صدقت لهذا اللي تحبه ويعلم الله هو صدق يحبها أو يضحك عليها قدك داري بشباب هذا الأيام وعلياء بين ابسرها ساع أختي والذي يضرها يضرني والله

عبدالله: وآلله بكلامش ارتحت قوي حسيت ان معي كتف صدق والذي يضر اهلي يضرها وشفت دموعش كيف على علياء الله يديمش لنا ي روحي

رغد: آمين ياروحها بس ي قلبي ليش زد خليت التلفون عندها هذآ أكبر غلط إذا قد لعب بعقلها وقد هي مهلوسه به أكيد عترجع تجابره بما أنني أكبر منها أشوف أنك تأخذ عليها التلفون أحسن وأفضل وماعد تدي لهاش عشان ماتغلط مره ثانيه ويكون درس لها للأبد وبعدين عاد هي مراهقه ليش تدوا لها تلفون ..
.

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

🌹🌹🌹
🌹🌹
🌹

بارتات يومنا الاثنين 👇🏻👇🏻

البارت رقم 46

. حاجات عظيمه تنتهي بشكل تافه، عموماً البقاء لله !😴 ...

ـــــﮩﮩ\/ﮩ\/ضحايا الحبﮩﮩ\/ﮩﮩ💔 .


👌🏻👇🏻 😍
📚 @rewayatyamania 🇾🇪


عبدالله: والله أنه صدق كآن لازم اشل التلفون منها وازيد أكسر عظامها

رغد: لا تكسر عظامها ولا شي أنا نصحتك وانت حر

عبدالله : كلامش صح بنزل اشل التلفون منها

رغد: أيوه يلا أنزل

عبدالله: المهم ياقلبي الموضوع هذا بيننا اي شي يوقع في هذا البيت ما احد يدرى به كأنه بير تمام

رغد: حاضر وهذا أكيد مستحيل اتحاكى

عبدالله: أنا داري وواثق فيش بس قلت أزيد انبهش

رغد: عيوني لك
.
.

في بيت يسرى
روحت متأخر وصلت البيت على طول دخلت غرفتها تغير العبايه ويمنى بسرتها ولحقت بعدها بدأ الشك في يمنى وبدأت تحس ان أختها بتسير في الطريق الغلط

يمنى: ماشاء الله عبايه مفتوحه ومخصره ومزخرفه من وين هذه العبايه من اداها لش

يسرى طرحت يدها على خصرها أنتي مالش ماتشتي بعدي بعدي

يمنى: كيف ما اشتي بعدش بعدش أنا ساكته لذلحين أقسم بالله لو تزيدي فيها لا أحاكي أمي البنت مامعها الا سمعتها وإنتي قد بتدخلي يدش زياده وبين ابسرش بتتهوري قوي من لمن دخلتي الجامعه

يسرى: انتي آخر شخص يتكلم او نسيتي ماضيش نسيتي ماوقع معش من قبل وسترت عليش أنا اقسم بالله لو اسمعش تتحاكي لا اتحاكى بكل شي وإنتي اخبر بروحش

يمنى: ياقمر أنا غلطت وعدلت غلطي مارجعت أسوي نفس الغلط ومابين أكذب على أهلي وماخنت اي شخص بحياتي
وإنتي عارفه مش أنا ساع بعض الناس كل النذاله فيهم

يسرى: أنا نذاله أنا تافهه مالش دخل اذلفي من قبالي
يمنى: سابر افعلي اللي براسش وآلله انش عترجع تبكي دم وبيننا الأيام وخرجت

وهبيه: هيا مه رجعت اختش

يمنى: أيوه في غرفتها سيري لعندها

يسرى سمعت صوت أمها دخلت الحمام( عزكم الله )
بسرعه غسلت وجهها وخرجت

وهبيه: يسرى وين كنتي لذلحين يابنتي
يسرى حبت رأس امها : والله انني كنت مع البنات يمه معانا إختبارات قدش داريه بالجامعة

وهبيه: ماهو هذا جامعه جامعه مذاكره مذاكره ابسري كم الساعه من باقي في الجامعه لذلحين أنتي بس ما أتوقع به أحد غيرش

يسرى: الا به والله بس خلاص يمه مالش إلا الذي يطيب خاطرش واسفه
وعتكون ولا عليش عتكون أرجع بحين

وهبيه: قدش أخبر عقلش براسش ماعد انتي جاهله عشان اجي أقول لش ماتفعلي أو اعلمش قدش مره مسبعه مربعه وداريه ماهو الصح والغلط

يسرى: حاضر يمه ولا عليش


في بيت عبدالله
رغد جالسه في غرفتها بتجاوب التلفون يوووه يمه أنتي داريه ماوقع




📚 @rewayatyamania 🇾🇪

البارت رقم 47

كما تدين تدان عداله من رب العالمين ، فمن خدعته او جرحته اليوم فـ غداً انت بنفس المكان ، ومن اذيته اليوم سيسلط الله عليك من يؤذيك غداً


ضحايا الحب

👌🏻👇🏻 😍
📚 @rewayatyamania 🇾🇪


أماني: خير هيا ماقد به

رغد: لو تبسري تخيلي عبدالله مسك جوال علياء وفيه أرقام شباب وبتحاكيهم وتراسلهم

أماني : امانه أمانه منش صدق

رغد: والله

أماني : يوووه كنت ابسرها مسكينه طلعت من تحت لتحت

رغد: أيوه

أماني : وعبدالله مافعل بها

رغد: ضربها وفعل بها كل شي

أماني : تستاهل أنتي داريه اكسبي زوجش في هذه المواقف وحسسيه إن اي شي يوقع في البيت يضايقش وإن أنتي معه في كل شي خليه كره في يدش

رغد: ههههههه لا توصي حريص قد فعلتهن كلهن

أماني: أيوه خليش مره حاذقه

رغد: حاضر المهم يمه لا تتحاكوش لان عبدالله قال لي ما احاكيش أحد غر أنتي أمي ومستحيل اخبي شي عنش

أماني : ولا عليش ما عتتحاكى ولا شي

رغد: يلا خاطرش شنزل لعندهم شويه

أماني : آلله معش

عبدالله عند امه: وين التلفون حقها

حوريه: مخبى عندي ماتشتي منه

عبدالله : قومي إديه وخلي الكلبه تجي لعندي

حوريه: تمام ياولدي المهم إهدأ عشان تقدر تتفاهم معها هكذا بتفجعها وماعد تقدر تتحاكى ولا تقول شي

عبدالله: خلاص تمام قومي ادعيها


علاء جهز أغراضه على أساس يسافر اليوم الثاني مريع لمن ابوه ياشر له من الكفيل ويخرج اليمن

علاء: عتخرج بنفسي واشوف إيش فيها تغيرت عليا يسرى مش هي الذي حبيتها من وأنا صغير أكيد في سبب خلاها تتغير وأنا عتعرف لو أدفع حياتي أنا مش قادر أتحمل الغربه ووجعها وازيد أتحمل يسرى وتغيرها ( الحب ذاك الشعور الذي يأتي كل ثانيه ليؤذيك خوف إن تفقد حبيبك)

طلعت حوريه تدعي علياء من الغرفه وكرها فتحت لها الباب
حوريه: مالش كم قد دقيت الباب للمه مابتفتحي

علياء: اشتي أجلس لوحدي ارتاح

حوريه: الله يريح قلبش ي بنتي بس ماقد سخيت احاكيش قد اخوش عبدالله كفى ووفى بس اللي فعلتيه غلط وأكبر غلط ي بنتي

علياء: بس يمه

حوريه: لا بس ولا شي الذي فعلتيه حتى تبرير ماينفع تبرري لان هذا الشي عيب وقدش داريه بعاداتنا وتقاليدنا مش إحنا في تركيا أنتي في اليمن وقدش داريه كيف هم ولو يمسكوا شي على البنت والله ما احد يزيد يبسر لوجهها ليخلوا سمعتها تحت الجزمات في اليمن يابنتي ما أحد يسلم من لسان الناس عندهم السمعه والشرف قبل الدين وإنتي انتبهي يابنتي غلطتي المره الاوله لا تغلطي مره ثانيه والله لو كانت أم غيري ماعتجي تحاكيش مثلي بس قد بسرت الذي جاش من اخوش ماعد سخيت فيش

علياء نزلت لعند رجل امها وبتبكي : أسفه يمه والله ما أنا داريه ماقول لش سامحيني أنا فدا لرجلش

حوريه: الله يسامحش ياولدي




https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 48


هـذه ليـست ملامحـي
أنا بريـىء يا الله مـن كـل هـذا الحـزن !

↜ ضحايا الحب .


👌🏻👇🏻 😍
📚 @rewayatyamania 🇾🇪


في بيت علياء كملت تحاكي أمها ومسحت دموعها ونزلت لعند أخوها وراسها لتحت ونظراتها مارفعتها بتشوف للأرض

عبدالله : اجلسي هانا

علياء بتشوفه بخوف

عبدالله: بين اقول لش أجلسي مالش بتتبسريني

علياء: طيب وجلست

عبدالله: كانت نظراته حاده قووي
قبل كل شي أول مره وآخر مره تفعلي هذه الحركات حركات بنات السوق يمكن كنتي طايشه ماذلحين قدش عاقله وهذا الخباله مابش منها ومن اليوم تلفون ماعبش تلفون تخرجي لوحدش مابش خرجه تقولي اسير عند صاحبتي مابش تشتي تخرجي امي عندش او حاكي رغد كلامي مفهوم صح

علياء بدون شعور نزلين دموعها : طيب

عبدالله: لو أعرف او ادرى ان عاد أنتي بتحاكي هذآ ابن وسكت
أقسم بالله يا علياء انني لا اخلي دماتش غماتش وإنتي أخبر خليه يوصلني خبر حتى انش رسلتي له رساله تمام

علياء حركت رأسها بمعنى تمام

عبدالله : التلفون فيه صورش صح

علياء: أيوه

عبدالله مسك التلفون وكسره قدام عيونها

علياء بتتبسره وقلبها بيتكسر بدال التلفون لان كل ذكرياتها فيه

عبدالله: التلفون وكسرناه تزيدي تفعلي شي من ورى ظهري صدقيني بكسر ظهرش أنتي
يلا قومي غرفتش

علياء قامت ورغد دخلت علياء كان في عيونها دموع ورغد بسرتها ومسكت يدها وبدأ التمثيل حقها قدام عبدالله
ضمت علياء رغد
ونزلين دموعها

رغد: خلاص ي عمري لاعد تبكي وتوجعي قلبش اللي يوقع وقع وإنتي تعلمتي من غلطش وكلنا بنغلط وما أحد معصوم عن الغلط و إذا احتجتي شي حاكيني واعتبريني اختش

علياء مسكت يد رغد وبعدتها وقربت لجنبها تسلمي وهذه الحركات مابش داعي لها
وطلعت




📚 @rewayatyamania 🇾🇪

البارت رقم 49

ٲقسئ ٲنواع الخيانه
خيانه حبيب وصديق
واقسى ٲنواع الغدر
غدر قريب وصديق

↜ ضحايا الحب .
.

👌🏻👇🏻 😍
📚 @rewayatyamania 🇾🇪


رغد : علياء ليش هكذا جي مالش عليا

عبدالله: ما قالت لش

رغد: مسحت دموعها ولا شي بس موضوع بين بنات عادي الله يهديها

عبدالله : طيب قولي لي إيش قالت لش

رغد: يعني لأن أنا أخاف عليها غلطانه أصلا إللي يفعل خير هذا الأيام كل الناس توقف ضده يعني قلت لها بوقف معها وتعتبرني أختها اذا احتاجتني
قالت لي أنتي مالك دخل مني ولا أنا بحاجتك يعني أنا في إيش غلطت فهمني

عبدالله : اوف من هذه البنت شكلها ماعتترباش وتشتي تربيه تتعلم كيف تتحاكى مع أكبر منها

رغد: لالا هي بتتعود عليا مع الأيام ومتاكده بترجع تحبني

علياء طلعت غرفتها وهي بتحمل (بتجري )دموعها تسبق خطواتها وشهقاتها تلحق أنفاسها دخلت الغرفه وسكرت على نفسها وجلست على ركبها في الأرض وبتبكي أخ ياربي أسامه ما أقدر أتحمل حياتي بدونك وربي أحبه ياالله
اخخخخ قلبي ليش كذا ماتوقعت بيجي اليوم اللي انحط بهذا الموقف قدام اهلي ماتوقعت أنه بيجي يوم والكل يوقف ضدي ويمنعوني منك

هذآ حال علياء دموع وحسره ووجع وسهر


في السعوديه
علاء بيتصل لابوه

علاء هيا مه يابه اشرت لي اشتي أسافر

أبو علاء : يابني اصبر الكفيل مارضيش قال بعد أسبوع وارجع تسافر

علاء: وللمه بعد أسبوع

أبو علاء :قال معانا عمل بعد اسبوع لمن يشوف عامل يمسك مكانك

علاء: يامنعاه يابه قد أنا ضيق اشتي أسافر

أبو علاء : ابشر أسبوع بس ورجع الله يسهل لك

علاء: أسبوع أسبوع بعدك عنزيد نصبر لوما الله يحلها

أبو علاء : الله يكون في عونك

علاء : آمين يارب


في بيت أماني أم رغد
أماني عندها اختها وبتجابرها

أختها : هيا ما رايش قلت اخطب لمحمد أبني

أماني : ماشاء آلله ومن عتخطبي له

أختها : في عرس رغد أعجبتني علياء ما رايش فيها

أماني قلبت وجهها يمن ويسار من علياء

اختها: أيوه

أماني : إهجعي بس ماعد لقيتي غيرها

اختها: أيوه ماشاء الله قمريه وحاليه

أماني : ومايفعل لش الحلا ومابش أخلاق

اختها: كيفه مابش اخلاق

أماني : عتحاكيش بس لا تسيري تحاكي احد


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 50

ـ ، 🎧 ♥". ! ‏خيانة الصديق تكون أقوى من خيانة حبيب لأنه سندك وحماية ظهرك، فعندما تأتيك الخيانة من صديق تكون مؤلمة جداً ✨🥀🖤

↜ ضحايا الحب .
.


👌🏻👇🏻 😍
📚 @rewayatyamania 🇾🇪


اختها: خير ماهو تحاكي

أماني : انتي داريه إن بنت حوريه قالت رغد مسكو جوالها وهي بتحاكي شباب

اختها : يوووه منش صدق شباب شباب

أماني : أقسم بالله لا واحد ولا إثنين قالت رغد شباب

اختها: يوووه بين ابسرها مسكينه كنت أقول أنها بنت عاقله وعجبتني قوي وعاد أنا بين اقول لش اخطبها

أماني : ابردي لش البنات ملان ماعد لقيتي الا هيه

اختها: والله انه صدق الحمدلله أنني جيت احاكيش

أماني : احمدي الله وإلا كآن قد ودفتي .


في بيت منال
طبعا علياء كانت توثق في منال قوي مره علياء جوالها كآن خربان وكانت تتواصل مع أسامه من جوال منال ورقم أسامه كانت تخليها عندها في الجوال لأنها توثق فيها وما فكرت أن منال ممكن تسوي فيها شي


في بيت يسرى
يمنى جالسه بتفكر أنا لازم اتقرب من يسرى واخليها توثق فيني وتحاكيني بكل شي في رأسها
عشان أقدر اوقفها اما هكذا ماقدرش الصدق مابترضاش تتفاهم معي


في الجامعة
زهير : حياك وين انت كم لي مريع تتصل لي

علاء: وين انت ياكلب وليش ماتتصل لك أسبوع لا بتحاكيني ولا شي

زهير: والله أن تلفوني كآن خربان وعاد أنا دخلت صنعاء واشتريت لي

علاء: المهم كيف حالك والله لك وحشه

زهير: أنا فدالك مايوحشك غالي

علاء: وكيف هي صنعاء والدنيا

زهير: والله إن الدنيا سابره

وصلت يسرى وصاحبتها الجامعة وصوتهن وضحكتهن ملان الجامعه

علاء: وين انت

زهير: في الجامعة

علاء: ماشاء الله وايحين سجلت

زهير: والله عادني سجلت أمس

علاء: يلا الله يوفقك تحتاج شي

زهير: سلامتك أنا فدالك

علاء : آلله يسلمك من كل شر

زهير: أيوه بسالك سؤال

علاء: خير ما تشتي


في بيت علياء
رغد في المطبخ ياخاله حوريه

حوريه: ها مافي نفسش

رغد : وين هي علياء تجي تساعدني

حوريه"طالع في غرفتها تاعبه خليها في حالها وانا عتساعدش

رغد: طزز في العمل شطلع ابسرها

حوريه: تمام

رغد طلعت لعند علياء وبسرتها فوق السرير ومغطيه وجهها بالوساده

رغد: هيا قومي أفعل لي عمل لو أنتي قمر وبنت ناس انش بتشتغلي وتفعلي لش عمل بدل ماكنتي تجابري طول الليل

علياء ضبحت أنتي ماتشتي اخرجي من غرفتي ومالش دخل مني وآخر مره أزيد ابسر تدخلي غرفتي
اخرجي

رغد خرجت وهي ضابحه تخرجيني من غرفتش هيا من عيوني يا علياء





📚 @rewayatyamania 🇾🇪