البارت رقم 23

-‏ ‌‌فأنــت الــذي أنــرت قلبــي وڪأنڪ نجمــة سقطــت في ڪوڪب مظلــم♥


❥˛ ⁽ ضحايا الحب ₎ ⇣ ֆ

👌🏻👇🏻 😍
📚 @rewayatyamania 🇾🇪


يسرى: جني اكتسر الجوال حقي

يمنى: ناهي صلي على محمد سهل طززز في الجوال سار الشر قد افتجعت قلت إن انتي ادربتي او مدري مالش

يسرى: لو كآن ادربت أحسن ما اكتسر الجوال

علياء : اسكه ماوقع فيه

يسرى: قد الشاشه مكسره

علياء: يوووه قد الشاشه حارقه خلاص ي قلبي ابردي لش من الجوال جي اجلسي عادش مريضه لا عد تقهري نفسش

دخلت يسرى الغرفه وهي مقهوره وبتبكي

يمنى: يسرى بطلي سماجه طز في الجوال اذا تشتي جوالي يفداش

يسرى: مش على الجوال بس عشان علاء كيف بكون اتواصل معه

علياء: شلي جوالي وتجابري معه لمن تشبعي لاتبكي

يمنى : اول مره اعرف انش خبلا وتبكي على جوال

فجأه إتصل علاء لعند علياء ويسرى جالسه بتبكي
علاء: الو

علياء: حيا

علاء: الله يحييش كيف أنتي

علياء: بخيره وانت

علاء : الحمدالله عادش عند يسرى او روحتي

علياء : عادني عندها ماتشتي

علاء : قولي لها انني مريع لها من اول في الواتس وين هي

علياء : هو جوال يسرى اكتسر

علاء: اكتسر وكيف لوما

علياء: نكع عليها ذلحين جننتنا ولارضت تسكت

يسرى جالسه تشوف علياء وتقول لها تسكت وعلياء تعاندها

علاء: للمه مارضت تسكت طز في الجوال

علياء: تخيل يا علاء انها بكت عشان الجوال

علاء: ماهو بكيت هاتي احاكيها

علياء: ها جاوبي

يسرى: قولي له بعدين

علياء:قالت لك بعدين

علاء: قولي لها كلمه وعشر سوا تجاوب الآن

علياء: صيح فوقي جاوبي ها

يسرى: اح منش أنتي بس حق المصايب

علاء: الو

يسرى: ها قلبي

علاء: كيف حالش يا روحي

يسرى: الحمدلله بخيره

علاء: اها بخيره ايوه وصدق الذي بتقوله علياء

يسرى: ماشي لا تصدقهاش

علاء: كيف ما اصدقها أنا داري مامعي جاهله عتبكي على اتفه شي عتشتحطي او ماشي

يسرى: أيوه بس اقتهرت كيف عتتواصل معك

علاء: ابردي لش من الجوال أهم شي لقدش بخيره وإنتي عتتواصلي معي لو أجي ذلحين من وسط السعودية عشانش

يسرى: أنا فدالك

علاء : فداش الكون يلا تشتي حاجه مشغول ذلحين شرجع اتصل لش بعدين لعند علياء

يسرى: سلامتك تمام

علاء: وين هي علياء

يسرى: هيذه ها

علاء: الو علياء

علياء: ها مالك

علاء: لمن قد أنتي في البيت اتصلي لي تمام

علياء: تمام شويه واروح

علاء: يلا تمام مع السلامة

علياء : الله معك

بعد عشر دقائق قد ام علياء بتصيح لها
حوريه: ياعلياء علياء

علياء خرجت : ها يامه هوذا انا هه

حوريه: هيا هوذا قد روحت جي بعدي

علياء: يلا تمام ذلحين عتجي

يسرى: جت امش

علياء: أيوه يلا مافي نفسش

يسرى: سلامتش ي قلبي بس قوى لو إتصل علاء ادي الجوال لعندي

علياء: تمام من عيوني




📚 @rewayatyamania 🇾🇪

البارت رقم 24


«😴💙» ‏- ‏عُمــق حبّــك بقــلبي كــالنجــمّهۂ المُــختــبئهۂ بيــن الغيــُوم ♥✨"ء. ❥˛

⁽ ضحايا الحب ₎ ⇣ ֆ

👌🏻👇🏻 😍
📚 @rewayatyamania 🇾🇪


في بيت علياء
عبدالله : هيا مه مافعلتي يمه ماقالوا لش بيت خالي

حوريه: ما قالوا لي شي خلاص قال خالك العرس بعد أسبوعين

عبدالله: يوه بعد أسبوعين بس استعجلتوا قوي

حوريه: للمه استعجلنا كل شي عندهم ماباقي شي إلا نحجز الصاله والفنان ماعد تشتي

عبدالله: ما اشتي شي خلاص بعدكم

حوريه: الله يحفظك ويتمم لكم على خير اتصل لا أبوك وقول له بكل شي وأنت ابسر اليوم والتاريخ إللي تشتي يوقع فيه العرس عشان نحاكي خالك

عبدالله: تمام إن شاء الله

علياء دخلت وهم بيتجابروا : هيا على إيش بتخططوا

حوريه : ولا شي بس عرس اخوش عبدالله بعد أسبوعين

علياء: عرس من من

عبدالله: عرسي عرس من يعني

علياء : كيف عرسك وايحين وقع هذآ كله وأنا مش داريه

حوريه: عاد هو إلا اليوم سرت لعند خالش وحاكيته

علياء: اها يلا الله يتمم لهم على خير

حوريه: آمين يارب

عبدالله : يلا تشتي شي يمه

حوريه : سلامتك

عبدالله: شطلع شويه أطرح رأسي

حوريه: تمام

طلع غرفته وبيغير ملابسه فجأه سمع رساله بعد رساله رساله بعد رساله عبدالله اوووف من هذا اللي بيرسل عيعلق بجوالي
فتح الجوال وبه 50 رساله من معشوقتي
عبدالله فتح الرسال وكلهن أحبك
عبدالله رد عليها
خير مالش يا مجنونه علقتي بالجوال حقي

رغد: أسفه بس أحبك

عبدالله: هههههه وأنا أموت فيش

رغد: صدق الذي سمعته

عبدالله : إيش سمعتي

رغد : أنه

عبدالله :إيش

رغد: سير أسأل خالتي وهي تقول لك

عبدالله: ماشي اشتي تحاكيني انتي إيش به

رغد: خالتي جت اليوم لعندنا وقالت تشتي تزوجك

عبدالله: صدق وايحين وقع هذا وأنا مش داري

رغد : قلت لك اليوم

عبدالله: ماهووو هذا ماقد اشتيش أتزوج ولا قد اشتي يجي لهم هم ودحس بسير احاكي امي

رغد مستغربه : عبدالله منك صدق يعني قد أنا هم ودحس بالنسبه لك

عبدالله: انتي روحي وقلبي يا رغد بين امزح معش انا فدا للهرمه حقي

رغد: هههه الله يهديك قد فجعتي

عبدالله: الله يجمع بيننا على خير

رغد: آمين يارب


عند علياء شلت جوالها وبتتصل لعلاء
علياء: الو

علاء: ها ياختي كيف أنتي

علياء: الحمدالله وأنت

علاء: بخير كيف قد هي يسرى

علياء: الحمدلله تحسنت

علاء: قد روحتي

علياء: أيوه مافي نفسك

علاء: أنا قد حولت لش زلط الآن سيري شليها من الكريمي وسيري اشتري ليسرى جوال

علياء: ماهو اشتري لها جوال

علاء: أيوه واليوم

علياء: بس ياخي عيقولو ماهو السبب إللي خلاني ادي لها جوال

علاء: اشتري لها نفس حقها وترجع الغلاف حقها الأول فيه وخلاص كأنه الأول

علياء: خلاص حاضر بس ضروري اليوم لو خليه لبكره ما رأيك




📚 @rewayatyamania 🇾🇪

البارت رقم 25


🎶♥
حديــــُثك،الـــشيَ الوحـــيّد الـــذَي أودِ كثـــرَته،دائـــــمِاً... ♥️💭|ءء


🎶 『↝ ضحايا الحب ↜ 』🎶


👌🏻👇🏻 😍
📚 @rewayatyamania 🇾🇪


ماشي اشتريه اليوم ماقدرش ابسرها زعلانه لبكره

علياء: خلاص من عيوني

علاء: تسلم عيونش ياختي

علياء: آمين يارب الله يخليكم لبعض

علاء: يارب ويخليش لي

علياء جلست لوحدها وبتفكر يووه لعد تسير يسرى تحاكي امها إن جوالها اكتسر بتصل لها لعند يمنى واقول لها تسكت

يمنى: الو

علياء: أيوه وين يسرى

يمنى: ليش

علياء:هاتيها اشتي احاكيها

يمنى:تمام هيذه معش

يسرى:ها علياء مافي نفسش

علياء : اسمعي لا تحاكي أحد أن جوالش اكتسر

يسرى: يوووه للمه

علياء : هكذا هوذا نص ساعه واجي لعندش تمام

يسرى: تمام

أسامه بيتصل لعلياء والخط مشغول
جلس يدق لمن كملت تحاكي يسرى وجاوبت
اسامه: الو

علياء: حيا بروحي

أسامه :الله يحييش ي قلبي وين انتي غاطسه هذه اليومتين

علياء: موجوده قدك داري والله مشغوله قوي وذلحين مع أخي عرس بعد اسبوعين وخليها على ربك

أسامه: ولو على الأقل طمنيني عليش

علياء: أسفه والله ماقد فضيت

أسامه : خلاص حصل خير مابتفعلي وكيف حالش

علياء: تمام الحمدلله ولا شي جالسه وأنت

أسامه : جالس في المحل

علياء: الله يسهل لك ي قلبي

اسامه: آمين يارب يلا متواصلين مشغول ذلحين

علياء: الله معك إنتبه لنفسك

اسامه: تمام وكوني طمنيني مش تنسيني

علياء: والله مابين أنساك دقيقه وفي كل ركعه أدعي لك ودعواتي مرافقه لك

أسامه : وهذا يكفيني الله لا يحرمني منش

علياء: آمين يارب ولا منك

أسامه : يلا تشتي شي

علياء:سلامتك

أسامه : الله يسلمش يلا مع السلامة

علياء: في أمان الله

علياء: ياربي ذلحين اشتي اقنع امي تخليني أخرج كيف أفعل
عتتصل لمنال واخليها تجي لي ونخرج سوا
اتصلت علياء لمنال جلست ربع ساعه وقد جت
منال: وين هي امش

علياء: داخل

منال: ادعيها احاكيها تخليش تجي معي

علياء: مع مع لعد تتدخلي حرام ماتخليني اسير معش وإنتي هكذا

منال: للمه

علياء: كيف للمه ابسري وجهش كيف هو ملان مكياج والعطر قارح والصندل الكعب وفاعله مناكير ابردي لش ريعي هانا وشدخل احاكيها

منال : ناهي ناهي اخطي لازم الواحده تدلع مش تخرج ساع القرويات

علياء: الله يزكيش عقلش ودخلت لعند امها
علياء: يمه عتسير مع منال

حوريه: أين تسيرين

علياء: نسير نبسر رهف قالوا مريضه قوووي

حوريه: بعدين واسير أنا معش

علياء: ماشي يمه عتسير بعدين بيت جدها

حوريه: خلاص تمام فيسع

علياء: حاضر من عيوني وخرجت

منال : هيا مه ما قالت لش

علياء: ولا شي خلاص قالت أسير

منال: يلا هيا

علياء: يلا ريعي البس العبايه حقي

منال : تمام

كملت تتجهز علياء وخرجت
وهن في الطريق بيتجابرين
منال
قلبت فمها يمين وشمال
منال: بسالش سؤال


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

💕
💕💕
💕
بارتات يومنا الخميس 👇🏻👇🏻

البارت رقم 26


لا احد يكّره شخص كان يحبہ ، نحن نكرهَ الاستحقار ، الاستغفال، الخذلان ، خيباتَ الأمل ، عدمَ التمسك والاحترام لتلك
العلاقه وكل شيء مشابہ ﻟذﻟک ♡̸*♫ .


. 『 ↝ 💭 ضحايا الحب 🎈↜ 』 .

👌🏻👇🏻 😍
📚 @rewayatyamania 🇾🇪


.
علياء: إيش هو اسألي

منال:يعني مابش معش غير هذه العبايه

علياء: للمه مالها

منال: مالها موضتها قديمه

علياء: الحاصل اهم شي محتشمه

منال: ماشاء الله والله ما أحد يرضى يبسر لعندش

علياء: ومن قال لش اشتي يبسروني أهم شي يبسروش انتي

منال: ايوه

علياء : يلا جي ندخل لعند هذآ المحل نشتري جوال

منال: لمن

علياء: اخطي وبس بدون ما تسألي

منال: تمام يلا

دخلين للمحل وكأن به في المحل ولد حالي وعيونه زرق

منال: علياء ابسري كيف هو يجننن اوووف والعيون معه

علياء: اخطي سكته وبطلي سماجه

منال: إيش من سماجه ابسري كيف هو يووووه جعلي

علياء: جعلش ايش اشتحطي واسكتي خبلا
صاحب المحل حياش إيش تشتي

علياء: هات لي جوال

صاحب المحل: جوال إيش

علياء: ايفون

صاحب المحل: طيب جي ابسري هولاء الجوالات واختاري

علياء : طيب والتفتت وإن منال جالسه تبسر الولد وهو بيبسرها

علياء مسكت بيد منال وهزرتها جي هانا وانتبهي لنظراتش خليش بنت ساع الناس

منال: فلتي يدش ناهي مادخلش مني

علياء: صدق مادخلني منش

منال: أيوه مادخلش فلتيني

علياء: طيب ريعي أكمل اشتري الجوال ورجع سهل عنتفاهم

صاحب المحل : ذلحين تشتي هذا الجوال

علياء: أيوه بكم هو

صاحب المحل : ب.....

علياء: طيب هاته
علياء مسكت الشنطه تشتي تخرج الفلوس التفتت ومنال بتحاكي الولد وبتمكنه رقمها
علياء انصدمت وماعد عرفت إيش تسوي

منال:شافتها قالت للولد خلاص خلاص روح برجع اكلمك بالجوال

علياء: منال إيش هذآ إللي شفته

منال: إيش هو

علياء: أنا سمعت كل شي كيف تكلميه بالجوال يعني اديتي له رقمش

منال: أيوه اديته انتي مالش دخل حياتي وأنا حره فيها

علياء: أنتي بعتي شرفش وكرامتش عشان ولد ماتعرفيه بس شفتيه حلو أنتي معش عقل تفكير أو لأ

منال: ايوه معي عقل وعارفه كل شي

علياء : تفووووو عليش وعلى صداقتش وغبني على اهلش الذي ادوا لش ثقه ماتستاهليها
تفلت علياء لوجه منال وحاسبت صاحب المحل حق الجوال وشلته وطلعت وهي معصبه بقوووه

منال: بسيطه ياعلياء وعد لخليش تندمي على اليوم هذا واخليش تعرفي من هي منال عشان تتفلي لوجهها وتسوي معها هكذا

وصلت علياء للبيت وهي ضابحه

حوريه: علياء هيا مه كيف هي رهف

علياء : مالها شي بخيره

حوريه: ماقالوا مالها

علياء : مريضه

حوريه: طيب مافيها جي حاكيني مالش

علياء دخلت عرفتها ارتجمت فوق السرير وهي بتبكي ( ‏ﺇﺳﺄﻟﻮﻧﻲ ﻋﻦ ﺧﻴﺒﺔ ﺳﻨﻮﺁﺕ ... ﻭﺳﺄﺣﺪﺛﻜﻢ ﻋﻦ ﺇﺣﺪﻯ ﺻﺪﻳﻘﺗﻲ ﺍﻟﺘﻲ ﺧﺂﺏ ﺑﻬﺂ ﻇﻨﻲ ﻛﺜﻴﺮﺍً ~\\)



📚 @rewayatyamania 🇾🇪

البارت رقم 27


رساله من علياء لكل من يقرأ .
.
«😴💙» لا أعرفكم جميعًا ولاأنتم تعرفونني، ولكني أريد بشدة أن أخبركم أن لاتقتربوا من قلب أحد ولا تربطوا سعادتكم بأحد
ولا تحبوا وتعلقوا بكم أحد ان لم تكن قلوبكم صادقة، لاتخونوا العهود .. كونوا أوفياء فوجع الخذلان لا يشفى .
.

. . . 『 ↝ 💭 ضحايا الحب 🎈↜ 』


👌🏻👇🏻 😍
📚 @rewayatyamania 🇾🇪


ارتجمت علياء فوق السرير وهي بتبكي ليش يا منال تفعلي بي هكذا ليش أنا يلي ما استاهل صداقتش أو أنتي يلي ماتستاهلي خليتني اتفل بوجهش قدام الكل لأن أنا ماتحملت اشوفش بهذاك المنظر كيف قدرت اسوي كذا كيف الله يأخذني أنا ما استاهل يكون عندي صديقه
فجأه دق جوالها وهي تبكي

علياء: اوووف لا يكون هي اللي تتصل ما اشتي احاكيها ابسرت الإسم مكتوب سندي في الحياه مسحت دموعها و جاوبت

علاء: الو كيف حالش

علياء: تمام وانت كيفك

علاء: تمام إيش سويتي شريتي الجوال

علياء: أيوه

علاء: طيب مال صوتش

علياء: ماله شي بس زكمه لأ تشغل بالك

علاء: تمام المهم إنتبهي لنفسش

علياء: حاضر

علاء: يلا افتحي الواتس ورسلي لي صوره الجوال ابسر كيف هو

علياء : تمام من عيوني

علاء: تسلم عيونش مع السلامة

علياء: في أمان الله

غلقت الخط وتنفست بعمق لأ توجعي نفسك على شان ناس ماتستاهل أنتي اقوى من كذا ياعلياء وإنتي ماسويتي غلط هي الغلطانه خليها تتحمل غلطها

فتحت الواتس ورسلت الصوره لعلاء وقال لها تشل ليسرى الجوال ليسرى اليوم
دخلت الحمام عزكم الله و غسلت وجهها ونزلت لعند امها

علياء: امه عتسير لعند يسرى بسرعه وارجع

حوريه: هيا ماهو ماقد معانا للخرجات عاد أنتي رجعتي

علياء: أيوه بس أسير اتطمن عليها وارجع بسرعة

حوريه :فيسع قد عياذن مغرب

علياء:حاضر ولا عليش

خرجت علياء وابسرت منال داخليه بيتهم بسرت لعندها بنظرات وجع منال بسرت علياء رزعت الباب لوجهها

علياء غمضت عيونها ودخلت بيت يسرى دقت الباب جاوبتها وهبيه

علياء:كيف حالش ياخاله

وهبيه: بخيره حياش الله مافي نفسش

علياء: سلامتش بس جيت اتطمن على يسرى

وهبيه: ريعي ابسر لش الطريق ليكون يحيى في الحجره

علياء : تمام
بسرت لها الطريق ودخلت

منال في بيتهم دخلت وهي ضابحه قد عتنفجر أنا اوريش ياعلياء أقسم بالله لا تندمي والأيام بيننا اخر شي بنت زباله تتفل لوجهي بسيطه


في بيت علياء
حوريه: عبدالله هيا مه حاكيت خالك

عبدالله: أيوه وقد بنستاجر أنا وهو وحاكيت ابي والكل بس يمكن قال مايقدر يحضر العرس معه عمل

حوريه: خيره الله الله لا سامحها الغربه اديتكم وابوكم مغترب كبرتكم وابوكم مغترب وعتزوجكم وهو مغترب

عبدالله: خيره الله يمه هي هكذا الدنيا

حوريه: الله يحفظه ويحفظ اخوك علاء ويرجعهم لنا بالسلامه


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 28

ٴ°🌸🐼🎷‹‹ - بداخلنا وجع لا يعلم به احد
ولا يؤلم احد الا انفسنا 💔"
‏

ٴ✶✵↝ ضحايا الحب ↜✵✶



👌🏻👇🏻 😍
📚 @rewayatyamania 🇾🇪


في بيت يسرى
علياء: امسكي هذآ جوالش

يسرى بصدمه جوالي مه مالش

علياء : كيف مالي هذا اداه علاء قال امكنش

يسرى: ماشي ماشتيش لا تصدقي له

علياء: قووى امسكي أنا ضابحه من روحي ماعد قدرت عليش أنتي وعلاء

يسرى: يووه مالش

علياء: ولا شي بس رأسي بيوجعني

يسرى: سلامتش طيب هاتي جوالش إتصل لعلاء

علياء:ها امسكي وحاكيه أنتي وتفاهمي معه

يسرى: تمام

دخلت يمنى وبسرت الجوال ومسكت على فمها يوووه جوال من هذآ

يسرى: اصه لش لاصي يلصي بطونش اسكتي

علياء:حق يسرى اسكتي لا أحد يسمعش

يمنى: ومن اداه لها لا يكون علاء

علياء: أيوه ليش وبه غيره

يمنى: الله يزكينا عقولنا

علاء اتصل وجاوبته يسرى
الو علاء كيف حالك ي قلبي

علاء: الحمدلله وإنتي كيفش ي عيوني

يسرى: بخيره الحمدلله

علاء:وصلش الجوال أو لا

يسرى: أيوه بس ماعتشلش

علاء: ماهو ماهو وللمه ماتشليش

يسرى: هكذا ماينفع وبعدين أهلي عيقولوا من الذي أداه لي

علاء: شليه بغير لغاجه هوذا حاكيت علياء تشتري نفس حقش الاول خبيه وافعلي لهذا الغلاف حقش وخلاص

يسرى: ماشي ماشي ماينفعش

علاء: ماهو اللي ماينفع أنا إيش بين أقول

يسرى: طيب حاضر لعد تصيحش

علاء: طيب احبش

يسرى: وأنا والكل

علاء: أنتي إيش

يسرى: عندي علياء ويمنى

علاء: اها طيب خلاص تشتي حاجه ثاني

يسرى: سلامتك

علاء: انتبهي لنفسش

يسرى: حاضر وأنت والكل
وغلقت الجوال

يمنى: قبلتيه يامجنونه لو تعرف أمي عتوقع مشكله

يسرى: إيش أفعل صيح فوقي

يمنى: طزز أنا مادخلني

علياء: يلا خاطركن

يسرى: في أمان الله تسلمي ياعلياء تعبش الهرم حقي

علياء :مابه شي ي قلبي

يسرى مسكت الجوال وابتسمت
أنا فدالك ياعلاء الله لا يحرمني منك

روحت علياء بيتهم ودخلت غرفتها جلست تبكي لمن رقدت

أسامه جلس يرسل لها ويتصل من مغرب للساعه 10 وهي راقده ولا عاد تشتي شي رمت وجعها كله فوق سريرها
قامت وفتحت جوالها وقد به مكالمات خيرات وابسرت الواتس قد رسل لمن شبع
اتصلت عليه ومارضيش يجاوبها
جلست تكرر المكالمه لمن جاوب

علياء: الو

اسامه: هلا

علياء: كيف حالك ي قلبي

أسامه :مالي شي ماتشتي

علياء:يوووه كيف ما اشتي
اتصلت احاكيك

أسامه : وأنا مش فاضي لش اشتي ارقد خاطرش وغلق الخط في وجهها

علياء نزلين دموعها ورجمت جوالها لفوق السرير
اوووووف اوووووف منك يا أسامه حتى انت ماتقدر تسمعني ولا تفهمني كم جهدي أنا


في بيت يسرى
وهبيه: يحيى غطوه عيبدأوا التسجيل في الجامعة عتشل أختك معك تسجل

يحيى: والله أنا مش فاضي لها وأصحابي بيسيروا معي و أنتي قلتي اول ماتسجل عتشتري لها سياره




📚 @rewayatyamania 🇾🇪

البارت رقم 29

ٴ°🌸🐼🎷‹‹ - صديقي ‏لا يمكنني الحرص على شيء، انت لم تحرص عليه معي .
ٴ
✶✵↝ ضحايا الحب ↜✵✶

👌🏻👇🏻 😍
📚 @rewayatyamania 🇾🇪


.
يحيى: والله أنا مش فاضي لها وأصحابي بيسيروا معي و أنتي قلتي اول ماتسجل عتشتري لها سياره أنا مابكون اشلها معي ما اشتي أحد يعرف انها أختي في الجامعة

وهبيه: خيره آلله خلاص كآن سير انت وهي اشتروا لها سياره

يحيى: تمام غطوه الصباح وارجع تسير الجامعة لوحدها تقدر تسوق وكل شي ماعد باقي

وهبيه: ماعد باقي شي الله يهديك ياولدي


مر الوقت لنص الليل الساعه 2:30 ويحيى بيجابر في الجوال وامه بتسمع سكته ودخلت غرفتها ترقد

اليوم الثاني الصباح الساعه 7 قاموا كلهم لانه تسجيل
وهبيه قومت يحيى وبتحاكيه

يحيى امس الساعه 2 ونص سمعتك بتجابر في الجوال من الذي بتحاكي لهذاك الوقت

يحيى: على حسب علمي أنا مش جاهل عشان تساليني قد شنبي ملان وجهي وعارف إيش بين اسوي

وهبيه: بس أنا امك ومن حقي اسألك

يحيى: أمي على عيني ورأسي بس أشياء تخصني مالش دخل فيها

وهبيه: يحاكوا امهم هكذا يايحيى

يحيى: اوووف ابعدي مش أنا فاضي لش اخري من قبال وجهي

وهبيه انقهرت من أبنها : اح الله يهديك ي ولدي ويصلح بالك


في غرفه يسرى بتحاكى علاء
علاء: ذلحين وين عتسيري

يسرى: عتسير ذلحين مع يحيى أشتري لي سياره لأن أمي قد وعدتني

علاء: هرع هرع وعيكون مع الحب حقي سياره

يسرى: أيوه كآن ما رايك

علاء: أنا فدالش المهم تكوني تنتبهي لنفسش وتنتبهي للطريق ومابش داعي للف ودوران بالسياره من الجامعة للبيت ومن البيت للجامعه

يسرى : حاضر أنت تأمر أمر

علاء:مايامر عليك عدو

يسرى: يلا ي قلبي شاغلق عتجي أمي تقومني ذلحين

علاء: الله معش ي روحي لمن تروحي اتصلي لي وصوري لي السياره

يسرى: حاضر من عيوني

علاء: تسلم عيونش ي قلبي

وهبيه دخلت لعند يسرى وقد قامت
ايحين قمتي وإنتي

يسرى: عاد أنا قمت ذلحين

وهبيه : يلا قومي عشان تسيري مع اخوش

يسرى: حاضر ذلحين ها


في بيت علياء كلهم راقدين مابش إلا هيه للساعه 7 وهي ساهره منتظره أسامه يرد عليها طول الليل وهي تبكي بسبب منال وكمان بسبب أسامه إللي ماسمعها ولا فهم إيش فيها .
. (نصيحه لمآ تزعل ، او تضعف ، او تتضايق
عمرك لا تفضفض لمخلوق ، لا تفضفض للبشر
لٲن ما يحس بالوجع غير
راعيه ،
اللي يخطى معك او يتركك الله معه
ولا يزعل بدون سبب يرضي نفسه
كون انت کون لنفسك
ڪون ذاتك ، لا تربط سعادتك ومشاعرك بأحد البشر متقلبين ما أحد يدوم لا أحد
لانه لمآ تغيب او تزعل
ساعتين او يوم او يومين
يقولوا عليك ناكر العشره
مجتمع مليآن انانيه ونفاق
اعطي نفسك عهد انك تكون
اناني تحب نفسك وذاتك
غيره ما احد يستاهل من حبك حبه
غيره رافقته السلامه



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

البارت رقم 30

- ‏إرتقيــت بنفسـي ڪثيــراً حيـث لا حسـرة علـى مغـادر ولا أسفـاً علــى راحــل ولا حـزنـاً علـى ڪـاذب ولا تفڪيــراً بمنـافـق فالتغـافـل مــريــح جــدا..⚜✨".
.
.
. ➺ ضحايا الحب ‏﴿⁾⇣✿┊❥
.


👌🏻👇🏻 😍
📚 @rewayatyamania 🇾🇪



طبعا بدون أحداث مشوقه مر أسبوع ومنال مابينها وبين علياء شي علياء فهمت أسامه كل اللي وقع معها وأعتذر منها وقال لها انه معها في حزنها قبل فرحها وأنها مستحيل يتركها

الممهم خلال هذآ الاسبوع اهل علياء فعلوا تجهيزات العرس وعقدوا لهم ومن بعدها بدأ العرس وبيتهم ملان رجال ونسوان ورجال من البلاد جوا عشان يحضروا العرس

الصباح فعلوا الخيمه حق عبدالله
ووقت الظهر بدأت الحوشه حق الرجال النسوان ملان المطبخ بيقدمين الغداء
الذي بتجهز الهريش والذي بتحمي المقالي والذي بتقدح المحشي والذي بتخبز والذي بتخرج بنات الصحن من التنور قد انتم دارين كيف العرس وكيف الهدره حقه

المهم كملوا يتغدوا الرجال والنسوان

بعد الغداء بعض النسوان قامين يغسولين وينظفين البيت وبعضهن سارين الكوافير والرجال ساروا يشتروا لهم قات

بعد العصر عند النسوان قد هن ملان جين عشان المشجب حق رغد
تجمعين النسوان وبدأت الزفه
طبعا يوم المشجب بعضهم يدوا منشده وبعضهم يدوا فنانه

بس في المشجب حق رغد أدوا منشده
بنات عمها وخالها كلهن تجهزين ودعين المنشده وبدأت تزف رغد

ياحجاب الله وياسين ياحجاب الله وياسين ياحجاب الصالحين ياعروس
يالمن هذا بكله يالمن يستاهله ياعروس
يارغد هذا من اجلش لجل يسلى خاطرش ياعروس
ياحضور صلوا على النور يصلح الله الامور ياعروس
يصلح الله كل نيه ويديم الله السرور ياعروس فاز من صلى على احمد الشفيع يوم الوصول ياعروس...
لبسوش لثمه بنيه يارغد ياغاليه ياعروس...
والجبين مثل المرايـه زوينوه ورد وشذاب ياعروس
والعيون البابليه والخدود الورديه ياعروس
وعليش الفين ختمه وعليش الفين حجاب ياعروس
وعليش طه ويس تحرسش من كل عين ياعروس.
فاز من صلى على احمد الشفيع يوم الوصول ياعروس..
والسجاف ليه بليه فوق راس الغاليه ياعروس.
والسجاف ليه بليه والختم قرآنيه ياعروس.

كملت الزفه ودخلوا الحريوه فوق الكوشه

وبدأت المنشده تزف اهل الحريوه هذآ من عادات وتقاليد أهل صنعاء أنها تزفهم

النشاده:يحفظك يابه عليا يحفظك يابه عليا يارتح ظهري أنا ياعروس
يحفظش يمه أماني عليا ياسراج في بيتنا ياعروس
يحفظش يمه حوريه عليا
طال عمرش والثنى ياعروس
يحفظش عمه عليا يامثيل امي انا ياعروس
النشاده:واخوتش نجوم علان عاد ابوش مسمي فلان ياعروس

المهم طولت معكم في الزفه والعادات والتقاليد الصنعانيه بس حبيت أنقل عادتنا للي مايعرفوش او مش هم من مواليد اليمن


https://tttttt.me/rewayatyamania/19477


📚 @rewayatyamania 🇾🇪

⭐️⭐️⭐️
⭐️⭐️

بارتات يومنا الجمعة 👇🏻👇🏻

البارت رقم 31

.
. مُتيـــمهۂ بعيونـِڪ و نبـــرةّ صوتـڪ مُتيـــمهۂ بالحڪــي الحــِلــو و ضحڪـتـك♥✨"ء.

➺ ضحايا الحب ‏﴿⁾⇣✿┊ .


👌🏻👇🏻 😍
📚 @rewayatyamania 🇾🇪


.
❥ جلست رغد فوق الكرسي وهي خازيه والنسوان بيتجابرين ويضحكين والفرحه تعمهن

فجأه المنشده تصيح بصوت عالي خلاص يانسوان صلين على محمد
اللهم صلي وسلم على محمد .
.
.
''(بذكر بعض الشخصيات بس هي مش مهمه في الروايه)

بنات عم رغد وبنات خالها وصديقاتها كلهن حولها وبيتجابرين

علياء : قومين ندي لنا مسجله نغني شويه ماهو هذا كله نشيد قد كملت المنشده قومين نرقص ونغني

ريم: والله انه صدق عتسير ادي المسجله أنا

عبير قربت لعند رغد فديت الحريوه حقنا

رغد: ابتسمت فداش ي قلبها

عبير: مالش مطننه اضحكي وبعدين ليش بتلعبي باصابيع ايدش

رغد: ولا شي غر بين أفكر مابيفعل عبدالله

عبير: هههههه قدش فاقده له

رغد: اسكتي ياملقوفه

علياء جت ومسكت بيت رغد يلا جي نرقص كلنا

رغد: مع مع ماقدرت ابردي لش

علياء: كيف ماقدرتي يلا قومي على شاني

رغد: ماشي قوى ياعلياء

البنات كلهن سحبين رغد يلا هي ارقصي بداين يرقصين ويحجرين

المهم قدكم داريين باللغاجه والعرس حق النسوان
كمل أول يوم وكان يوم الثلاثاء يوم المشجب

يوم الأربعاء كآن يوم النقش ماكان بش شي ولا به نسوان كان به بس اهل الحريوه
نقشين الحريوه وتم هذا اليوم على خير


طبعا في بيت عبدالله كان يوم الثلاثاء ركبوا الخيمه وجوا الضيوف اللي من البلاد

والأربعاء كآن معهم سمره زفوا الحريو والبرع والمزمار والرقص الصنعاني وهرع يابي هرع
ماعبش بعد أعراس صنعاء الصدق

المهم نرجع للروايه كثرت الهدره قوي

اليوم آخر يوم في العرس وهو يوم الخميس يوم الدخله
الساعه 7 رغد جالسه راقده وبنات خالها وعمها جين وعادها راقده

عبير: خاله اماني وين هي رغد

أماني : عاد هي راقده ماقد قامت

ريم: يووه كيف راقده جين نسير نقومها يابنات
تجمعين البنات وفعلين خطه يفجعين رغد وهي راقده




📚 @rewayatyamania 🇾🇪

البارت رقم 32


✾- وش ٲڪثر من كلمــه ،،
احبك توصف شعوري تجاهــك 🖤🥀 .


ٴ˛ٰ⁽ , ┇(( ضحايا الحب ))✨🎶🎹


👌🏻👇🏻 😍
📚 @rewayatyamania 🇾🇪


دخلين دلى دلى لغرفه رغد وتجمعين حولها وحجرين كلهن
حجرين يعني ( زغرطين)

رغد قامت وهي مفجوعه وبتبسر لعندهن
رغد مسكت الوساده وخفعتهن الله يقلعكن فجعتني قومين انقلعين من عندي

عبير: ههههههههه قومي قامت قيامتش حريوه راقده عتسير عند الكوافير

رغد: ناهي شويه واسير خليني ارقد لي يومين بغير نوم

ريم: شرق الساعه 9 قومي قد هو وقت

رغد: اعوذ بالله منكن هوذا قمت يلا


في بيت عبدالله
الرجال ملان بيصتبحوا اللي كانوا سامرين في الخيمه

البيت ملان نسوان ورجال وعيال مركبين سماعات وفاتحين الزفه ملان الحاره
أضخم شي تحس بجو العرس لا آخر الحاره

عبدالله قام من النوم دخل الحمام عزكم الله يتحمم

والنسوان كلهن في المطبخ بيفعلين الغداء

كمل يتحمم وخرج من الحمام

عبدالله: يييه يانسوان وينكن جين احجرين لي
كلهن في المطبخ ماسمعنش

عبدالله: طزززز فيكن عتحجر لنفسي  لللللللللللي لللللللللي العيال كلهم بيضحكوا عليه

النسوان :يوووه من الذي بيحجر

حوريه: مدري

خرجين يبسرين وهو بيحجر

حوريه : يوووه هوذا انا هانا للمه بتحجر انت

عبدالله:ما احد ينفع أحد خليني احجر لنفسي كم قد دعيتكن ولا وآحدة جت

حوريه: هههههه الله يحفظك يلا أطلع البس لعد تستبرد

عبدالله:تمام


في بيت رغد
كملت تتجهز وقد هي سايريه عند الكوافير

أماني : ماعد تشتي يابنتي

رغد: ولا شي بس من عيجي معي

أماني : شلي معش واحده من بنات عمش انا ماقدرش اجي معش

عبير: عتسير معها أنا

اماني: خلاص تمام سيري ادي لها في يدها شذاب قبل ماتخرج وانا شدي بيضه

ادت لها الشذاب ومسكته في يدها وفعلت غصن شذاب فوق راسها

طبعا هذا معروف من عادتنا وتقاليدنا يقولوا ان الشذاب حرز
خرجت الحريوه من الباب والقريح والرصاص ملان الشارع

.
.
https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪