#المدبر

لَلَګأّتّبِهِ: جِمَيِّلَهِ أّحٌمَدِ

(1)

👌🏻👇🏻 😍
📚 @rewayatyamania 🇾🇪

كان حسن جالس في باب الجامع وهو بيبكي جزع من جنبه رجال عجوز وابسره بيبكي رجع جلس جنبه وساله

العجوز: ليش بتبكي ياولدي سبحان الله من كثر التدين فيك من كثر خشية الله

حسن: لا ياعم منو قلك اني بين ابكي من هذا السبب مشو هذا اللي بين ابكي على سبه

العجوز:كان ليش بتبكي ياولدي

حسن:حظي ياعم كل ماشفت بنيه حاليه الحق بعدها لاما اوصل باب بيتها مره القاها متزوجه ومره القاها مخطوبه ومره ابوها يقولي عادي صغيره ومره يقلوا لي اشتي مليون مهرها واخر مره وآه ياعم من اخر مره لقيتها ولو تبسر مااحسنها جمال وكمال وادب وخطفت امانه وضحكت لي وشكلها موافقه لحقتها لا باب بيتها وقلبي قد تعلق بها وبضحكتها انت قد سمعت اغنية عبد الحليم حافظ لما قال وضحكت لنا..... انا وهوه

العجوز:ولاعمري سمعت هذا المغني

حسن: فايش بتسمع من اغاني ياعم عبد الحليم اغانيه عاطفيه مثلي انا انسان عاطفي قوي

العجوز:اسمع اغاني من التراث ياولدي قد انا عجوز وماشي لي في ذي بتتحاكا فيها المهم تم لنا الحكى وبعدا

حسن:آه ياعم لحقتها وانا بين اقول خلاص لقيت البنت اللي بين ادور عليها ولما وصلنا البيت وياليت ماوصلنا

العجوز:ايش وقع ياولدي قد شوقتني اعرف ايش وقع ابسروك اخوتها قفاها وفعلولك لبجه عمياء ايش

حسن:ياريت انهم كسروا عظامي احسن من ذي وقع

العجوز:قلي ايش اللي وقع وخلصني

حسن: انا اللي دخلت البيت وقلت لهم اشتي اطلب يد بنتكم دخل رجال ثاني وهو يشتي يخطبها

العجوز: تشتي تقل لي انهم وافقوا على الرجال الثاني ورفضوك انت

حسن:ايش بتقل ياعم مش بس رفضوني الا رفضوني ورفضوا اهلي وشق منهم بزني بارجلي وشق بايداتي ودربوني للشارع لاما فتحت فمي وقلت البنت مابا تصبح الا لي

العجوز:ليش ياولدي سووا فيك هكذا

حسن:طلع الرجال مغترب في امريكا امريكا خلتهم يرفضوني من دون رحمه آه آه

العجوز:ولاعليك ياولدي الله رحمك برحمته انك لقيتني انا باكون منقذك من ورطتك ورحمة الله واسعه

حسن:كيف تستر تساعدني وانا واحد مدبر في الحب

العجوز:قل لي اول انت دامك تشتي تتزوج شي معك زلط شي معك حرفه والابس مكنتني مدبر في الحب وجيبك مدبر مثلك

حسن:والله ياعم ان معي حرفه مربحه قوي انا مكنيكي اصلح سيارات بس على سب حياتي ماشي مستقره كل ماحصلت زايد ناقص اضيعهن وانا بين ادور لي المره اللي بين احلم بها وانا مستعد اضيع حياتي على سبها مش بس الزلط اللي في جيبي

العجوز:الله رحمك برحمته انك لقيتني انا معي سبع بنات كلهن مثل القمر في ليلة تمامه والشعر مثل الليل سبحانه وجل ملكه



📚 @rewayatyamania 🇾🇪

المدبر

(2)

👌🏻👇🏻 😍
📚 @rewayatyamania 🇾🇪

حسن:والله ان ربي اداك لي من عنده وقد زوجت احد من بناتك السبع

العجوز:ايوه ياولدي قد زوجت خمس بنات ومن حسن حظك باقي ثنتين لو تاخرت شويه ان احد جاء خطبهن وزوجته انا ياولدي رجال صالح لا اتمنى زلط ولا شي اللي يهمني اشتري رجال واستر على بنتي

حسن وقد قام يرقص من فرحته مشو مصدق ان حلمه اتحقق ولقي له عروسه
حسن:قل لي ياعم من تشبه بنتك ماتشبهكش

العجوز:اعوذ بالله ايش تشبهني هي طلعت مثل امها حاليه قوي جمال سبحان الله العظيم

حسن:الحمدلله بس قل لي ياعم وامها من تشبه

العجوز: ايش من تشبه ... تشبه الملكه بلقيس

حسن:من جدك ياعم تشبه الملكه بلقيس ولو ان انا مااعرف كيف شكلها لكن قد الله تعالى ذكرها في القران يله ياعم يله قوم اشتي ابسر هذه البنيه واملي عيني منها ومن جمالها الفاتن قد قلت لك ياعم ان انا انسان عاطفي وقد قلبي بيحب بنتك من قبل مايبسرها

العجوز:اصبر اصبر مالك مستعجل تبسرها ماعد بتخزا ولاشي ولا بتحترم الرجال اللي واقف قبالك

حسن:استغفرالله العظيم ياعم انت الخير والبركه بس قد انا مستعجل ضاعت مني سنين وانا بين ادور على البنيه الذي في راسي وذلحين لقيتها واشتي ابسرها واتزوجها

العجوز: انك تبسر بنتي هذا من سابع المستحيلات انا بناتي مربيات على الادب والاحترام ولو شي رجال يشوف اظفور واحده منهن لا اخزق عينه واقطع لها اصبعها

حسن:تقطع اصبعها من غير شر عليها عيني اجلها اخزقها بس انا منع ابوك خليني ابسرها

العجوز: قوم يله من عندي ضبحت بي ماعاد بازوجك بنتي

حسن:ليش ياعم انا ماقلت حاجه غلط انا بس اشتي ابسرها اذا اعجبتني خطبتها وعلى سنة الله ورسوله اتزوجها

العجوز:انت استالك انها لعبه مكنتني من اول اشتي ابسرها ايش عادك تشتي تبسر فيها وقد وصفتها لك بنيه سبحان الخالق ايش عادك تشتي ثاني

حسن:ابسرها واطمن واشوف جمال الملكه بلقيس اللي باتملك حياتي

العجوز:استحي على نفسك انته والكلام حق الجهال اللي بتبسرهم في التلفزيون ملكة حياتي انت رجال اللي المفروض تحكمها وتسيرها على ماتشتي ماشو هذا الكلام الاخبل انا قد غيرت رايي فيك ماعد بازوجك بنتي



📚 @rewayatyamania 🇾🇪

المدبر

(3)


👌🏻👇🏻 😍
📚 @rewayatyamania 🇾🇪

حسن:ليه ياعم انا لي منعك انته هكذا مثل اللي حكمت عليا باالاعدام

العجوز: يا ساتر الاعدام لا ياولدي انا ما ارضى لك بهذا الحكم بس انته ضبحت بي ماشي عندك صبر وانا احب ازوج بنتي برجال صبور وانت اذا باتصبر وتوافق تتزوجها من غير ماتبسرها مثل خلق الله ماشي الله يفتح عليك

حسن: من هم خلق الله ياعم هذه الايام قد الواحد بيسير يخطب ويبسرها وهي تبسره والزواج ياعمي رضاء وقبول

العجوز:انا تزوجت من غير ماابسرها والحمدلله انا مرتاح ومعي سبع بنات مثل القمارا واشتي الناس يجربوا مثلي وما باتندم وهم يقولوا اسال مجرب ولا تسال طبيب وانا مجرب

حسن : ولو ان انا ماناش راضي لكن ماشي معي حل ثاني قلي ايش اسمها

العجوز:كبانه

حسن:الله اكبر عليك ياعم ماهو هذا الاسم من الملكه بلقيس لا كبانه ياساتر سترك

العجوز:بنتي هذا هو اسمها عجبك والا لا

حسن:يله انته ادعيها كبانه وانا باسميها ليلى في العقد وانا مجنون ليلى

العجوز:انا ما بااغير اسمها لو تنطبق السماء فوق الارض اسمها اللي سميتها انا وامها ولابااسمح لحد يغيره وبعدا قل لي انته ايش اسمك قد انا اشتي ازوجك بنتي ولا انا عارف اسمك

حسن: اسمي حسن محسن علي ال.......

العجوز:قلت او انت باتقل اسمك قيس وتشتي تسمي بنتي ليلى
العجوز:المهم ايش قلت باتقبل اسمها على ماهو او لا
حسن:سهل ياعم انا عد اكون اداعيها باسم دلع مثل كيكي

العجوز:كيكيو راسك والله لو ادرى انك تدلع بنتي بهذا الاسم والا اي اسم ثاني لا اجي اسحبها من داخل البيت كلام والله اسمها كبانه ايش اللي ماعجبك في اسمها قل لي

حسن:قدو اسم قديم وانا انسان عاطفي واشتي اسم مرتي يكون حالي مثل رنده هبه روعه نسمه

العجوز:انا قد قلت لك اسمها كبانه وما باتبسرهاش عجبك هذا الخبر والا قوم من تجاهي

حسن:طيب ياعم اصبر لما اجي ايش اقدر ابسر منها
العجوز: تقدر تبسر عيونها الزرق وشعرها الطويل يوصل للقاع اسود مثل الليل

حسن:طيب ياعم خلينا نقرا الفاتحه اول على سب اركن ان قدي لي

العجوز: على بركة الله

وقريوا الفاتحه واتوجهوا اصلا البيت بيت العجوز وحسن طاير من الفرح دخل العجوز بيته وبيصيح لمرته هاقد انا هه وجت زوجته وكانت مره طويله وبدينه ووجهها شرس ومابش فيها اي جمال


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

المدبر

(4)

👌🏻👇🏻 😍
📚 @rewayatyamania 🇾🇪

الزوجه:ايش اديت لنا معك كنك جيت تهز ايداتك تكلمت برفعة صوت لما خلت زوجها يرتجف من الفجيعه

الزوج(العجوز) :اصبري اصبري يامره قد معايا اخبار احسن الف مره من اي حاجه ثانيه

الزوجه:خير تكلم ليش ساكت وترتجف مثل السبوله استغفر الله ليش يارب ماديت لي رجال سواء مثل الناس اديت لي رجال اخبل مقدر حتى يزوج بناته

الزوج:اصبري اصبري هوذا قد لقيت خطيب لكبانه

الزوجه:فينو البنيه عمرها خمسه وعشرين واختها ثلاثه وعشرين وانت جالس تتسحبل ماامتشعت في زواجهن

الزوج:انتي تشتي رجال بصفات معينه يكونوا خبلان مثلي ويكون معاهم وظيفه ويكونوا يسمعوا الكلام وهو صعب عليا القى ناس بهذه المواصفات حقش خصوصا وبناتنا سبحان الخالق ايش خلق

الزوجه:ايش او تشتي تتضحك على بناتي والله لا افعلك قتله عميا

الزوج:لاحول ولاقوه منو اللي تضحك على بناتش والا عليش

الزوجه:ايش قلت بناتش ماعادهن بناتك او مه

الزوج:الا بناتي وقد انتي بتبسري زوجت خمس بنات رغم الصور الخليقه ذي ربي ادالهن استغفر الله بس باقي هولا الثنتين كبانه غدوه وان شاء الله تروح بيت زوجها ومايبقى الا ريحانه

الزوجه: وفينو الحريو كان انت مسكته لايهرب لوماتعقد له

الزوج:الرجال قدو مجنون على البنيه لما قلت له ان عيونها زرق وشعرها طويل ويشتي يشوفها سيري لاعند اختها ادي التركيبه الشعر الطويل والعدسات الزرق على سب كبانه تلبسهن قدام خطيبها وقلي لبناتش لايسيروا ازواجهن يروهن لامايسهل الله على ذوليه الثنتين وبعدا يفتشين والله يستر بعدا مايفتشين

الزوجه:الله يستر او تشتي تقل ان بناتي فيهن عيب

الزوج:لا بس خايف على ازواجهن المساكين اللي متخيلين لهن ملكات سبا انا مفجوع لاتوقع فيهم جلطه والايجوا يقطعوا رقبتي




📚 @rewayatyamania 🇾🇪

المدبر

(5)

👌🏻👇🏻 😍
📚 @rewayatyamania 🇾🇪

الزوجه: يقطعوا لي رقبتي قع رجال وبطل الخباله تفتجع وانا قفاك كان قل والله لو احد يلمس شعره من راسك لا اوديه خلف الذين امنوا

الزوج:انا داري اني موزي لاجبل بس هذا الجبل قد هدني وساقط شعر راسي ماعدشي شعر ذي بايلمسوهن بس الله يستر ويسامحني على هولاء الشباب اللي بين اورطهم في هذه الزواجات

رجعت مرته ضربته ومسكته برقبته وقد نفذ صبرها
الزوجه:ايش قلت تورطهم في الزواجه قل تورط بناتك في الزواجه من هولا الناس الخبل ذي بتدي لهن

الزوج:اتحمدي الله انهم خبل لو ماهم خبل مايرضوا يتزوجوا بناتش

كان حسن مروح بيته وهو طاير من الفرح بيحلم بزوجته الجميله اللي باتزين حياته مشيت من جنبه بنت غايه في الجمال طرحت الطرحه فوق راسها ووجهها مفتوش وضحكت له وهو مشي من جنبها ولاعبرها وبيكلم نفسه لوما لقيت اليوم هذا الشيبه ان انا لحقت بعدها ادور فين بيتهم بس الحمدلله الي ادالي ذيه الرجال لاعندي وصل لابيته واتمدد في بقعته وراح في نوم عميق وهو يحلم بملكة سبا الجميله

وفي بيت العجوز اتصلت الزوجه واسمها سعيده لبنتها سعده وهي كانت اخر واحده اتزوجت من بنات العجوز

سعيده:الو كيف انتي يابنتي اسمعي من غير طوال الكلام اختش بايجي لها حريو غدوه ونشتي تدي لها الحاجات اللي عندش على سب اختش تتزوج

سعده:بس ياامه اشتري لها ثانيات زوجي يحب شعري الطويل انتي داريه انه لاذلحين ولاخليته يبسر وجهي لما تتزوج كبانه وريحانه مامعه الا يبسر شعري الطويل وعيوني الزرق

سعيده:اسمعي شراء ما بشتريش مش انا مجنونه باظل اشتري لاقفايا وبعدا صلحي مثل خواتش قلي له انش قصيتي شعرش وبعدا قريب وتفتشي وجهش ويعرف كل شي احسن لش قدمي له من ذلحين


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

المدبر
(6)

👌🏻👇🏻 😍
📚 @rewayatyamania 🇾🇪

سعده:وايش اقله من عيوني ليه ماعادهنش زرق

سعيده: قلي له من كثر مابين اظل في المطبخ و قراش البصل دمعين عيونش لاما سارت الزرقه انتي مره او دابه انتي المفروض تعرفي كيف تحاكي زوجش وتقنعيه بطريقتش خواتش قد لكل واحده متزوجه اربع وخمس وست وسبع وعشر سنين وبيدبرين انفسهن من غير التركيبه والعيون الزرق وانتي قعي مثل امش خايفه من زوجش خليه هو اللي يخاف منش مش انتي

جاء اليوم الثاني وجاء حسن لابيت عمه العجوز وهو جاهز ومستعد للزواج وادا معه الشيخ والشهود ودخلت الحريوه وهي لابسه اللثمه في وجهها وكفوف في يداتها وشعرها الطويل بيستحب وراها مثل الليل الاسود
فرحة حسن كانت ماتنوصف وهو بيبسر شعرها وعيونها الزرق وقدهو مثل المسحور ووافق على شروط عمه كلها وحتى المؤخر مع انه كبير الذي شرطه عمه وهو يقول في نفسه سهل مهما كان حجم الموخر مايهمني اصلا انا مابااطلقهاش لو قد انا مجنون وهي تفتن هكذا صح انها بدينه شويه بس سهل اهم شي عيونها الزرق بايخلني انسى انها بدينه

كانت امها بتحجر لبنتها طول الطريق وهي بتحذرها لاترجع تفتش وجهها لما تتزوج اختها وصلت العروسه بيت زوجها فتح لها حسن الباب وكان يشتي يشيلها بس كانت ثقيله قوي وادرب هو وياها للقاع وكان ياشر لها بيده كنت بين احلم بهذه اللحظه بس ماحسبتش حساب الوزن


زعلت منه كبانه وقالت له
كبانه:تشتي تقول ان انا سمينه خلاص انا زاعله منك قوي لاتحاول انك تقرب لاعندي

حسن:انا اسف كنت اشتي اقل انه انا لازم اكون اقوى من ذلحين على سب اقدر اشيل غزاله مثلش

كبانه:لا قد انا زعلانه منك قوي لوتقل ايش ماتقل ماتبررش لي غلطتك عندي

حسن:انتي غزال اهيف وانا احبش وبيلمس شعرها وهو بيقل كل هذا شعر ياربي مااحلاه وذلحين بعدي هذه اللثمه اشتي ابسر جمالش اللي فتني جمال الملكه بلقيس
كان بيتكلم وهو طاير من الفرح نقز من الاحلام حقه لما صيحت فوقه بااعلى صوتها

كبانه:ومنو قلك ان انا بابعدها من فوق وجهي والله لا ابي يجي يذبحك ويذبحني

حسن:الله اكبر عليش وعليا وعلى ابوش وبعدا ايش دخل ابوش بيننا يامره انا الان زوجش ومن حقي اني اشوفش



📚 @rewayatyamania 🇾🇪

المِدبِر
(7)

👌🏻👇🏻 😍
📚 @rewayatyamania 🇾🇪

كبانه:ابي قال اني ماافتش وجهي ولاتبسر مني شعره واحده لماتتزوج اختي ريحانه

حسن:واحنا مالنا ومال ريحانه افرضي محد جاء يخطبها

كبانه:ماباتقدر حتى تلمحني لوما اختي تتزوج هذا سلف عايلتنا كل خواتي هكذا مااحد من ازواجهن قد ابسر صورتهن لامانتزوج كلنا اختي الكبيره قدلها متزوجه عشر سنين ومعاها خمسه جهال ولاقد بسرها زوجها لاذلحين

حسن:حكايه والله غريبه وايش دخل خواتش في زواجتش انتي واختش والله انه كلام غريب لو انتي شوعه كان يمكن يفتجعوا لا ابسرش شوعه واحذر الناس لاحد يتزوج من اختش بس انتي حاليه قالها وقد بدأ الخوف في صوته

كبانه:طبعا ً انا وخواتي حاليات بس ايش تقل لابي اشحر بس لاجمال عيوني وشعري وبتغمض وتفتح بدلع

حسن:انا لازم اتصرف لازم ادور واحد
يتزوج بريحانه على سب ابعد عذر ابوش وتبعدي هذه اللثمه من وجهش والله ان انا محظوظ ان بس باقي معش اخت واحده لو كانين كثير كان ان قد قرح قلبي


وبعدا قرب منها شويه وهو بيدلعها ويلعب بشعرها وقال لها لو تبعدي هذه اللثمه منو بايقل لابوش ماغير انا وانتي في البيت

كبانه:الله الله انت عارف ان طاعة الله من طاعة الوالدين وانا لايمكن اخالف امر ابي لو يوقع ايش ماوقع

سلم حسن امره لله وهو بيفكر انه بايشوفها الصبح لما يفطروا

دخلت كبانه الحمام(بكرامة القارئ) تتحمم وكانت فرصه لحسن انه يشوفها وكان يشتي يفتح باب الحمام بس كانت مقفلته

قال في نفسه
حسن: لازم القى طريقه ابسرها فيها ضروري والله اني خايف تطلع بشعه قوي وجالسه تضحك عليا رجع سار يدور في الدروج على مفتاح احتياطي للحمام ولقيه وهو بيرقص وسار لاعند باب الحمام وفتحه وكانت اول حاجه ابسرها شعرها الطويل مرجوم في القاعه صيح باعلى صوته وغشي من الفجيعه وبعدما فتح عيونه لقي عمه جالس قباله وهو ممدد في بقعته

العجوز: ايش اللي حصل ايش وقع فيك ياولدي

حسن:ويني مرتي ويني كبانه

العجوز:سعليك كبانه في البيت جت لاعندي قالت انك فتحت باب الحمام وغشيت وقد انا ياولدي غاثي منك قوي انك ضحكت عليا وصلحت هكذا


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

المِدبر
(8)

👌🏻👇🏻 😍
📚 @rewayatyamania 🇾🇪

حسن:ايش صلحت ياعم قلها هي ايش صلحت كيف كان شعرها في القاع وهي مش عنده كيف

العجوز: هذه البنيه المجنونه قصت شعرها

حسن:الله اكبر عليها ومنو قلها تقصه وانا المجنون به ياحظي المدبر

العجوز: ولاعليك الا اتروح البيت واكسر لها راسها واحلق اللي بقي من شعرها واخليها صلعه

حسن:لا لا الله يرضى عليك ايش تحلق لها انا اشتيه يطول مثل اول وانت تقلي صلعه بس ياعم ذلحين قدي مرتي خليها تفتش وجهها على سب ابسرها ليش مكانها مغطيه وجهها ولابسه الكفوف في يداتها

العجوز:هذه تقاليد في عايلتنا ارضى بها والا ايش ماتشتي اما احنا مابانغير تقاليدنا

حسن:وايش الحل ذلحين ايش ذنبي انا

العجوز:الحل انك تساعدني نلقى عريس لريحانه وبعدا كل واحد حر في مرته

حسن:امري الى الله طيب باساعدك
بس فين هي مرتي ليش شليتها بيتك

العجوز: انت عملت غلطه شنيعه وانا ذلحين بين اعاقبك واخلي بنتي عندي لما تبطل حركات الجهال

حسن: خلاص ياعم حلاوتي بس خلي كبانه ترجع

العجوز:ابدا. ًانت ماسمعت الكلام وهي قصت شعرها هذا عقابكم الاثنين وخرج وهو ضابح

رجع حسن يبكي وهو بيضرب راسه
حسن:انا عارف ان انا مدبر حتى لما لقيت المره اللي اشتي ضيعتها من يدي ذلحين لازم احاول اقنع عمي يرجعها
عرفت بادور لريحانه عريس على سب ارتاح وهم يرضوا عليا ويرجعوا مرتي

وخطرت في باله فكره اتذكر صاحبه محسن وان عادو عزب بس محسن يرفض فكرة الزواج لما يكمل دراسته ويكون مستقبله شل التلفون واتصل لصاحبه محسن

حسن:وهو بيبكي يامحسن الحقني الحق صاحبك انا في ورطه ومحد باينقذني الا انت

محسن:ايش من ورطه مكانك بتلاحق لك بنات الناس وتدور البنت اللي في راسك


https://tttttt.me/rewayatyamania/18379


📚 @rewayatyamania 🇾🇪

📚

بارتات يومنا الجمعة 👇🏻👇🏻

المِدبر

(9)

👌🏻👇🏻 😍
📚 @rewayatyamania 🇾🇪

حسن:لقيتها يامحسن بس به مشكله صغيره ومحد بايساعدني غيرك انا لي منعك تعال ذلحين اشتي احاكيك

محسن:ولاعليك ياصاحبي كلها نص ساعه وانا عندك

بعد نص ساعه
وصل محسن وفتح له حسن هو طارح ايداته فوق راسه وبيصيح من حظه النحس

محسن:ايش الحكايه طمني كما انا عارف بك انسان متهور ماتعرف تتصرف مثل خلق الله

حسن:لقيت البنيه اللي كنت ادور عليها وعلى جمالها وكمال وادب ما شاء الله

محسن:طيب فين المشكله سير اخطبها ولا اشتيك اجي معك انا مستعد مع ان مانا عارف ايش معك من الزواجه ووجع الراس

حسن: وجع الراي موجود عندي بزواجه او من غيرها

محسن:كان ليش اتصلت لي ايش الخبر انت عارف ان انا مشغول ومش فاضي مثلك

حسن:بالمختصر المفيد قد انا تزوجت بس باقي مشكله صغيره

محسن:الف مبروك تزوجت ولا عزمتني على عرسك الله المستعان عليك

حسن:قد اتصلت لك بس تلفونك مقفل وكل شي حصل بسرعه تزوجت امس والحريوه سارت بيتهم حنقه اليوم


محسن: ليش ايش حصل لاما زعلت منك

حسن:انا مازعلتش الحريوه انا زعلت ابوها

محسن:وايش دخل ابوها انا اشتيك تحكي لي كل شي من البدايه

حاكى حسن صاحبه بكل حاجه وانه يشتيه يسير معه ويخطب ريحانه على سب يقدر يبسر مرته ويعيش مثل الناس

محسن:والله انها قصه عجيبه ياحسن ياخي انا حاسس انها مامره وانت اتورطت فيها وان به مقلب وانته شربته

حسن:كيف وقد انا ابسرت عيونها الزرق بعيوني هاذولا وشعرها الطويل ومسكته بايدي لاما قصته الخبلا اه اه

محسن:العيون به عدسات وانا ذلحين اقدر اسوي لي زرق والا خضر والشعر به تركيبات صدقني ان الذي شفته في الحمام تركيبه ومشو لاشعرها ولا حاجه ولاما عرف ابوها انك ابسرته قال لك انها قصته

حسن:لاتفجعني يامحسن انت تشتي توقع فيني صدمه عصبيه اتوكل بعدها انت عارف اني كتبت على نفسي موخر مليون ريال تشتي تقول لي انها مش حاليه واني مابقدر اخلص منها والله لا اموت انت عارف كيف انا انسان عاطفي قوي

محسن:هيا مكني عاطفي عاطفي ماباتوديك في ستين داهيه الا العاطفيه حقك انساها ياخي وتعال رويني بيت عمك ونحاول نوصل لحل لهذه الحكايه المعقده

وصل حسن ومحسن بيت عمه ودقوا الباب ودخلوا وكان عنده ضيف جالس بيبكي

حسن:منو هذا ياعم

عمه:هاذا زوج بنتي سعده

جلس حسن جنب صهيره وقال له
حسن:مالك ياصاحبنا ليش بتبكي

العم:مالك منه هو بطنه بتوجعه يله ياسعيد تروح وان شاء الله باتفتهن مرتك يله مابتبسر الضيوف اللي جوا اتوكل

خرج سعيد وهو بيقول لعمه
سعيد:والله لا اخرب الدنيا فوق راسك انت وبنتك لو ادري انكم ضحكتوا عليا

جلس العم جنب حسن

العجوز :ايش الاخبار يابطل منو هذا اوهو جاء يخطب ريحانه

محسن:لاياعم ان جيت اراجعك تخلي المره ترجع بيت زوجها قدو خزا من الناس ماقدلها بيت زوجها الايوم وانت شليتها اليوم الثاني


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

المِدبر

(10)

👌🏻👇🏻 😍
📚 @rewayatyamania 🇾🇪

العجوز: انا قد قلت لحسن بشروطي ورضي بها وهذه تقاليدنا مايغيرها شي ابدا ًالا اذا اشتيك تساعد صاحبك عاد معانا بنيه واحده تزوج بها وحل المشكله ايش قلت

محسن:انا مشتيش زواجه ذلحين ياعم ان اشتي اكمل دراستي ولاشي معي بيت وحدي عاد انا عند امي وابي

العجوز:مش مهم ابوك وامك الخير والبركه والدراسه تمها وانت متزوج وبعدا لو تبسر جمال بنتي لاترضى على طول

محسن:والله ياعم ان قدك احرجتني وماعد دريت ماااقل

العجوز:ولاتقل شي انا باقل للبنيه تقدم لنا القهوه وانت فكر براحتك
قام العجوز يقول لبنته تدي لهم قهوه وتتجهز وتلبس الباروكه والعدسات

وحسن جالس يتراشا محسن يوافق

محسن:خلينا نبسر كيف عتوقع قصتك اول قبل مااورط نفسي

حسن:گيف تورط نفسك هذا زواج يجي لك بلاش مانت خسران شي

محسن:طيب واذا ماطلعتش البنت اللي في نفسي كيف باخلص منها والموخر اللي قال ابوها كبير

حسن:ايش عرفك انه بايطلب منك موخر كبير مثلي
محسن:صدقني انها باتدخل ريحانه مثل مادخلت اختها لاعندك لابسه التركيبه والعدسات الزرق


جلسوا شويه ودخَلت ريحانه هي وابوها وهي لابسه نفس التركيبه والعدسات الزرق

اتفاجأ حسن لما ابسر نفس الشعر والعيون وبعدين قال سهل هن خوات واكيد يتشابهين قربت لهم القهوه وخرجت

العجوز:هيا ايش رايك ياولدي ندي الشيخ ونعقد لكم او مه

محسن:بَِّس أّنِأّ مَأّبِشٍ مَعٌيِّ مَهِر

العجوز:سهل مش ضروري مادام مابش معك زلط ما بااطلب الا موخر قليل

محسن : طيب اول اشاور اهلي وبعدا نرد لكم خبر وذلحين اسمح لنا يله ياحسن

خرجوا الاثنين ولقيوا سعيد جالس عند الباب ماروحش

حسن:ايش المشكله اللي بيتكلم عليها عمي

سعيد:المشكله ان عمي كذب عليا ان مرتي شعرها طويل وعيونها زرق وطلع هذا كله كذب امس روحت البيت ولقيت عيونها قدن سود ولما سالتها قالت من كثر البكاء من البصل وشعرها قالت انها قصته ولما صيحت فوقها جت حنقه ولما جيت ارجعها واشكي لعمي منها طردني قدكم ابسرتوا كل شي

محسن:قد قلت لك ياحسن انها لعبه منهم وذلحين الحل بسيط كل من تزوجت من هذا البيت لبست التركيبه والعدسات ومثلت نفس التمثيليه ذلحين تعالوا معي نسير لابيت كل واحده اتزوجت من هذا البيت ونسال زوجها اذا قال نفس الكلام اعرفوا انهم كذابين وضحكوا عليكم

ساروا الثلاثه لابيت اول واحده اتزوجت وقابلوا زوجها وكان معه ثلاثه جهال وشكلهم عادي مابش فيهم اي شي يدل على الجمال مثل امهم وقال لهم زوج البنت نفس الخبر وضرب حسن راسه

حسن: وايش الحل ذلحين ايش اعمل والموخر اللي فرضه ابوها كبير ومااقدر اطلقها آهِ آهِ



📚 @rewayatyamania 🇾🇪

المِدبر

(11)

👌🏻👇🏻 😍
📚 @rewayatyamania 🇾🇪

محسن:سهل اتحمل ياصاحبي انت لازم توافق وترضى بالذي كتبه لك الله وانا ان شاء الله بااساعدك انت عارف ان معي صاحبي بيشتغل حارس المدرسه اللي بين اعلم فيها محو الاميه وصاحبي هذا قال انه يشتي يتزوج كيف ماكانت تكون بس المهم ترضى به وبنت هذا العجوز انسب واحده له هيا نسير لاعنده نقله

حسن:الله يستر لو يوافق يتزوجها وبعدا تفتش قدامه وزوجتي تفتش لي وهن عيفات امانه لايوقع فيني سكته قلبيه

محسن:سلم امرك لله والا دبر لك مليون موخر وطلقها

حسن:مليون لو يبيعوني ما ادي حتى مية ريال منين بادي مليون

محسن:كان لازم تفكر في هذا الشي قبل ماتودف

وصلوا لاعند صالح صاحب محسن وفتح لهم الباب ودخلوا وكلم محسن صاحبه بالقصه من اولها لا اخرها وافق صالح

صالح:انا قد قلت لك اني اشتي بنيه مؤدبه اما الجمال مش مهم عندي الجمال جمال الروح مش جمال الوجه

خرجوا كلهم وصالح معاهم سايرين يخطبوا ريحانه وحسن حضنه وقال له
حسن:مانا داري كيف اشكرك انت عارف انك بزواجك من ريحانه باتحل مشاكل كثير

وصلو الثلاثه بيت العجوز وقالوا له ان صالح يشتي يتزوج بريحانه

صالح:شوف ياعم انا مايهمني اذا كانت حاليه لكنه رافض ان عمه يكتب عليه الموخر الكبير لانه يشتي زوجته تكون مودبه ومطيعه اما اذا كتب على نفسه هذا الموخر فهي باتكن تشطح عليه لانه مابايقدر يطلقها وهكذا مبايقدر يوجهها للطريق الصحيح

العجوز:خلاص خليني اسير اشاور البنيه وامها دخل العجوز على بنته ومرته ولقيهن بيتسمعين من وراء الباب وقدن عارفات بكل حاجه قالها رجع سالها مدام قدش داريه بكل شي ايش رايش انتي اللي دبرتي الحكايه من اولها لا اخرها

الزوجه:انت داري وافق وخلينا نخلص من هذه الحكايه البنيه قدي كبيره وبعدا هاقد ثنتين بنات رجعين لنا واحنا ماصدقنا زوجناهن ومدام مايهمه الجمال عادو احسن



📚 @rewayatyamania 🇾🇪

المِدبر

(12)


👌🏻👇🏻 😍
📚 @rewayatyamania 🇾🇪

الزوج:خلاص خليها تدخل وتلبس العدسات والتركيبه مدري وهم بس يشتوا يضحكوا علينا ويدوروا احنا بنكذب او لا

دخلت ريحانه وقدمت القهوه واتطمن حسن وهو بيشوفها ان شعرها مكانه طويل

حسن:في نفسه لو هن كذب كانت بعدتهن وقدم عارفين ان صالح مايهمه الجمال

جاء الشيخ وعقد لهم
العجوز:الان ياولدي انا باجمع بناتي السبع وازواجهن ونتغداء سواء وبعدا كل واحد يشل مرته ولا ازيد ابسر لاحد صوره

اجتمعوا الرجال السبعه وجلسوا يتبسروا للباب الذي باتدخل منه البنات السبع اول شي دخلت الام الاوله وكانت بشعه وسمينه واسنانها كبار وقدن مسودات
ضرب حسن راسه وقال
حسن:والله مافيها اثر للجمال على الله ان بناتها مايشبهينهاش ايش قلت ياعم الملكه بلقيس هذه ملكة الموت

فبدأ الشرار يتطاير من عيونها وسارت لاعند حسن ومسكته من رقبته افتجع منها وخرجين عيونه من الفجيعه جاء العجوز وفكه منها
العجوز:حفظش الله يامره الرجال مافيه الا ضربه منش وقدو ميت

حسن:وقدو مرجوم في القاع عادك بتقل حفظش الله قل قلعش الله جت عمته اصليه

الزوجه:والله ماراحت لك ومسكت يده وعصرتها لما كانت باتكتسر

حسن:الرحمه الرحمه

العجوز:ذلحين عرفت ياولدي ليه بين اقل حفظها الله قلها فلتيني حفظش الله على سب تفلت يدك والا باتكسرها


حسن:فلتي ايدي ياعمه الله يحفظش لنا ويطول في عمرش ويزيد من امثالش

وفي هذه اللحظه دخلين البنات السبع وكانين السبع صورهن مثل امهن كان الواحد طرح سبع مرايات والعمه واقفه امامهن

حسن:وهو بيصيح جعلي وجع لكفي انا اللي قلت يزيد من امثالها اول مره تستجيب لي يارب استغفرالله العظيم ليش يارب زيدت من امثالها سبع مرات آه ياراسي ومسك راسه واغمي عليه اما ازواج البنات الباقي فتقبلوا الامر الواقع وقالوا لاحول ولاقوه الا بالله المصيبه عمت علينا كلنا مامعانا الا الحاصل

العجوز:خلاص ماعد بش غداء عاد انا قلت باغديكم يله من هانا كل واحد على بيته ويشل مرته معه وكان محسن جالس خارج ماقد روحش منتظر لحسن رجع دخل بز حسن لافوق السياره وكبانه لحقتهم لما وصلوا البيت دخل محسن حسن ومدده فوق سريره وخرج وهو يقول في نفسه
محسن:الله يكون في عونك ياحسن مكنتني عاطفي عاطفي واخرتها وقعت دراما مبكيه وحزينه فتح حسن عيونه ولقي كبانه جالسه جنبه

كبانه:الحمدلله على السلامه

حسن:الله لاسلمش من انتي قد فجعتيني يوم ابسرتش

كبانه:ايش من انا خزاء البلاء انا مرتك كبانه اللي حفيت وانت تلاحق تتزوجها

حسن: الله يرضى عليش رجعي اللثمه رجعيها غطي وجهش انا حفيت قفاء الملكه بلقيس اللي قال لي ابوش وانه طلع لاجمال ولا حتى ابتسامه كنت احلم بسندريلا وانه ادالي الله شعشبونه المجنونه

كبانه:انت بتجرحني بس اما ذلحين خلاص ماعدشي فايده مامعك الا الحاصل قد انا مرتك وغصب عنك باتتحمل وعسى ان تكرهوا شيئا وهو خيرا لكم




📚 @rewayatyamania 🇾🇪

المِدبر
(13)

👌🏻👇🏻 😍
📚 @rewayatyamania 🇾🇪

حسن: من اين الخير انا لي منعش قومي من قدامي ذلحين وخلي اللثمه مكانها فوقش لاتزيدي تبعديها ولا انا باقلش تبعديها وياريت اني ماتمنيت ابسرش كان جلست لي احلم احسن لي

في الصباح صحي حسن وابسر مرته قد جهزت له الصبوح ومبتسمه له

كبانه:صباح الخير نوم الهناء والعافيه

حسن:الا نوم وجع القلب والمرض ماعد اشتي صبوح قد استدت نفسي لما ابسرت اسنانش انا قلت لش تخلي اللثمه فوقش هاقد باخلي البيت لش اشبعي به واخلي الصبوح لش اتسممي ان شاء الله ارجع وقد طفحتي ورحتي لش عند ربش

مشي حسن في الشارع ومشيت من جنبه البنيه الحاليه اللي ابسرها قبل مايتزوج كبانه يوم ضحكت له وهو فارح بملكة اليمن اللي بايتزوجها ضحكت له البنت مره ثانيه وسارت

حسن:والله اني بالحق بعدها وادور فين بيتهم مدام قد ضحكت لي وقلبي بيدق مره ثانيه وقد شفتها بنفسي مااحسنها مش مثل الذي معي في البيت

وصل حسن لا بيت البنت وابسرها دخلت رجع دق الباب وفتحت له مره عجوز

حسن:اقدر ادخل يااختي او اقل يامه بس انا مفجوع لاترجعي تقلي ماقد كبرتش في السن

ضحكت المره العجوز بحياء وقالت له
مريم (المره العجوز) :ايش اشتيك اقل وهو صدق عاد انا صغيره والله لو تقل يامه لا اعور عينك

حسن: في نفسه لك الحمد ياالله اول مره يوقف الحظ معي ولا كاني خسرت عيني المهم يااختي شي هانا رجال اقدر احاكيه انا جيت اخطب
ظهرت الفرحه على وجه مريم

مريم:من جدك جيت تخطب اتفضل اخي جالس داخل

دخل حسن وهو معتز بنفسه
حسن:لما رديت لك الكف كفين ياعم ما اكون انا حسن انت والضبعه حقك (وارتجف جسمه) ياساتر حتى جسمي ترتجف لما اذكرها هي وامها


https://tttttt.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

المِدبر

(14)

👌🏻👇🏻 😍
📚 @rewayatyamania 🇾🇪

دخلت مريم لاعند خوها احمد وكان عجوز مثلها وقالت له
مريم:ماباتصدق منو جالس خارج

احمد:منو جالس خارج الرئيس او نايبه
لما قدش فرحه هكذا

مريم:جاء واحد يخطبني ويشتي يقابلك

احمد:والدهشه باينه في وجهه انتي متاكده كل هذه السنين وانتي جالسه عزبه ماحد دورش وبعد هذا العمر يجي احد يخطبش وقد انتي متاكده

مريم:ايوه قد فتحت له الباب وقال انه خاطب

احمد:ذنبه على جنبه وفيني بنتي امل

مريم:هيذا عادي دخلت وجالسه في غرفتها

احمد:مسكينه من يوم ماتت امها وهي تجلس وحدها وانتي عمتها هاقد باتسيري باتبقى وحدها

مريم:المهم اخرج جاوب الرجال وانا با اتصل للماذون يجي على سب العقد

خرج احمد ورحب بحسن

احمد:ياولدي والله ان عادك صغير

حسن:ايش من صغير ياعم قد عمري في بطني بس شكلي يبان صغير

احمد:ياولدي قدك ابسرت البنت الذي تشتي تتزوجها وانت متاكد انك تشتيها

حسن: ايوه قد ابسرتها وخطفت لي قلبي بس قلي او انت معك بنات كثير

احمد:لا انا معي بنت واحده بس وامها متوفيه

حسن:البقيه في حياتك انت وبنتك

وصل الشيخ والشهود وجلسوا

احمد:باسير ادعي الحريوه على سب تدخل القهوه وصل لاعند اخته وهي مشغوله بتواصف نفسها

احمد:الحريو مراعي لش تدي لي قهوه وكانو يداعوها باسمها الشهير لبانه

مريم(لبانه)😅:انت بتبسر كيف انا مشغوله قل لامل تجي تفعلي المكياج

خرج احمد دعاء بنته تساعد عمتها ورجع لاعندهم وقال اعذروني ياجماعه الحريوه مشغوله بتجهز نفسها

حسن:لاعاد تتواصف ولا شي قد اعجبتني مثل ماهي

احمد:سبحان الله في نفسه صحيح الحب اعمى

حسن:اسمع ياعم انا اشتي كل شي يوقع في النور انا رجال متزوج بس مش مرتاح على سب هذا اشتي اتزوج مره ثانيه والشرع حلل لي اربع والا ايش ياشيخ

الشيخ:معك حق ياولدي

احمد:خليني ادخل اقل للجماعه مدري وغيرت رايها
دخل لاعند اخته وبنته بتعمل لها مكياج وقال لها ان خطيبها متزوج

مريم(لبانه):سهل بس اهم شي قله اشتي الموخر حقي مثل حق الاوله لايرجع يضنك مني ويطلقني ويخلي مرته الاوله

احمد:قدي موافقه بس قالت معاها شرط وهو انك تكتب لها موخر مثل مرتك الاوله على سب لاترجع تطلقها

حسن:اطلقها انا مجنون اولا ايش قد بين احلم بها وانا جالس وانا مادفعتش في المره الاوله والموخر مليون

احمد:واحنا بانطلب منك تعدل وتسوي للبانه مثل مرتك الاوله

حسن:سبحان الله لبانه وكبانه تشابه في الاسماء بس فرق شاسع في الصور

عقد لهم الشيخ وخرج

حسن:اتاخرت الحريوه قلها تسرع عاد الحرب باتبدأ لما نوصل البيت عند كبانه المتوحشه

احمد:الان بادعيها مسكينه قد صبرت كثير لما جاء نصيبها ماعد احد كان مصدق انها باتتزوج بعد هذا العمر بس قدك حبيتها ومثل ماقالوا الحب اعمى ماكنت مصدق هذا المثل الا اليوم

حسن:ايش من حب اعمى وادور ليش كم قد عمرها لما قلت ان مانت مصدق تتزوج

احمد:قد قلت لك الحب اعمى قد عمرها في بطنها مثلك عمرها خمسه واربعين سنه



📚 @rewayatyamania 🇾🇪