رياح الغضب

البارت 89

👌🏻👇🏻 😍
📚 @rewayatyamania 🇾🇪

رجع هيثم من عند تزيين السيارات وكلهم محوشين جنب باب الحوش
هيثم مالهم هنا كلهم واقفين جنب الباب يعلم الله ما وقع

هاشم ابسره وهو بيشوف صليهم

هيثم ماحصل مالكم مجتمعين

صالح ولا شي يا ابني سير ادي البنات يلا واوبه علي نفسك دلى

هيثم باستغراب والله ان به شي صورهم ما تطمن كأنهم خرجوا من قبر
يلا تمام الان خاطركم شغل السيارة وطلع هاشم معه

هاشم مالك مبلود

هيثم ولا شي بس بين ابسركم كأنكم طلعتوا من قبر اوشاهكم مصفرة

هاشم ضحك يلا ناهي اخطى شلني للقاعه على طريقك ارجع هذه وابسر الماء والضيافة

هيثم ماهي هذه وليش اديتوها والله ما افلتك الا لما تشرح لي كل شي

هاشم ضبح وحكة له كل شي

.............................

عند الكوافيرة ما شاء الله محلاكن يا بناتي صلاة علي النبي

غاده ابسرت نفسها في المرايه قمررررر

ودعاء وانا شمممممس مه

الكوافيرة ضحكت انتين خوات

هديل ايوه كلنا خوات بتبسري الشبه

علياء كيف احنا حاليات صح وضحكت وابسرت نفسها وهي لابسه الفستان السكري تجنن هي وهديل وعاملات شعرهن حتى الحجه فاطمه اتصلحت وسبرت لها مصر طالعي ونازلي وقصه حاليه قوي

هديل ما ذلحين يا جده افعلي عرس من جديد انتي وجدو احمد عيبسركم تجننوا

علياء ضحكت جدو احمد حالي قوي وجدتي فطومة الله يحفظكم

دعاء اتصلي لعلاء من عيجي لنا

غاده عيجي هيثم قد زين السيارة وقال عيجي اتصل نتجهز قدو في الطريق

هديل دق قلبها واتذكرت ذيك الموقف في عرس سارة عمتها ونفخت لقفها

........................................

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

رياح الغضب

البارت 90

👌🏻👇🏻 😍
📚 @rewayatyamania 🇾🇪

ايمن خلاص ادينا كل شي ما عدبه الا العرس والزفة تعبت ايحين نخلص

علاء مالك قلي انا وحدي مابش معي احد يعاوني وانت ما شاء الله كلهم جنبك

ايمن ما نسخى عليك هيثم ووجدي وهاشم ورامي ذيه الحالي معانا

رامي ناهي لكم اليوم عتوقع لكم مفاجئة العصر انتظروني

ايمن ماهي قل

رامي ماشي مش الان وكيف عتوقع مفاجأة

علاء الله يستر يعلم الله ما تشتي تفعل

ايمن باقي شي الفنان من عيسير يديه

رامي ما عليك انا شا اسير بدري واديه معي

..............................

هيثم اتصل هيا قد انا جنب الباب بسرعه اخرجين قد تميتين

غاده ايوه يلا اصبر نلبس البالطو

دعاء هيثم حرق يشتي كل شي بسرعه يوه غبني علي من عتتزوجه

فاطمه والله انو قمري يارب يوقع لواحده من هذولا القمارى

غاده يوه ي يا جده محد قلكم قد خطبناها لهيثم بس الخطوبه الرسمي اليوم

هديل وعلياء اتباسرين هديل وطت راسها وخزيت كانت داريه وما اتكلمت

هديل يلا قبل ما يطفح فوقنا نخرج له بس كيف افعل وانا فوقي جبل

علياء وانا والكل يلا دلى نخرج وشبحتهن فاطمه العرائس وهديل وعلياء

هديل يوه يا جده لا تتعبوا بس انا شا اتحمل فستاني يلا

دعاء والله اني مفتجعه ومصرده قد يدي باردات من ذلحين

غاده اسكتي بس وانا والكل وعست يدها كل واحده ابرد من الثانيه

...........................................



📚 @rewayatyamania 🇾🇪

رياح الغضب

البارت 91

👌🏻👇🏻 😍
📚 @rewayatyamania 🇾🇪

الكل سار الخيمة الرجال مخزنين كملوا يتغدوا
دام الله السرور الف مبروك يا عرسان

ايمن وعلاء سروركم دايم

مخزنين الا ايمن وعلاء ما خزنوا وهيثم ما يعجبه مشو حق قات

رامي والكل وجدي وخالد ابن هاشم جالسين في الباب يستقبلوا المعازيم
حيا الله من جاء اهلا وسهلا اتفضلوا وبيقسموا الماء

وجدي اجلس والله ان انا تاعب وجلسوا وبقية المعازيم يدخلوا ويسلموا

رامي قبل ما يبدأ الفنان يغني ومحد يسمع شاور ابوه يلا اباه

عبدالجليل ابسره وبدأ في الكلام

يا اخ صالح انا اشتي اكلمك في موضوع وامام الحضور جينا طالبين راغبين نطلب بنتكم لابني رامي

صالح حياك الله واحنا قبلنا والكل هنا وبارك وجاء الشيخ وعقدوا للكل طبعا العقد كان يوم الزفاف هكذا سلفهم

وصل هيثم بعدما وصل النسوان القاعة

هيثم نبع وانا مازد فعلت اشتي اتزوج اسهل العرس
ضحكوا رجال من المعازيم يلا على بركة الله من يشتي يتزوج يقرب

صالح وانا اشتي اطلب بنتك لابني هيثم يا اخ علي طبعا هديل وقد اتفقنا من قبل

علي وانا موافق على بركة الله

خالد حس بشي في قلبه لما سمع اسم بنته هديل وما احد قله

علي انتبه له من وطايته وقال طبعا ابوها الأول والذي تعب من اجلها وجلست طفولتها كلها عنده من اخي الكريم خالد ياريت يوافق هو أولا

...........................................

في القاعة
دخلين العروسات غرفه العرائس من الباب الثاني

القاعة ملان نسوان والمحاجر بتدي

الدي جي خارج في مكان لحاله من يحب العروسة يسمعنا زغاريد يلا

الكل لوووووووووووووووو

وبدأ بالغناء والعزف الى الساعة 5

الدي جي يلا نستعد لزفه العروسة غاده

غاده خرجت من الغرفة هي الاوله

الدي جي زفها يلا احلي زغاريد كله علشانش يا غاده علاء يهني لش يا غاده والبنات واحد واحد غاده احلى واحدة اثنين ...اثنين هما احلى عروسين
علياء وهديل لبسين ابيض وعملين تاج صغير

واحده من المعازيم تقرب لهم قوي ان شاء الله اخطب علياء لابني ما شاء الله على حلا فيها

جاءت زفه دعاء وزفها هي والكل والبنات حجرين ورقصين وهيصين الى الساعة 9 الليل

..............................


📚 @rewayatyamania 🇾🇪

رياح الغضب

البارت 92

👌🏻👇🏻 😍
📚 @rewayatyamania 🇾🇪

في الشارع زفة ايمن وعلاء
المغني بيعزف غناء حالي بالأرج الى الساعة 10 رقصوا وابترعوا برع من حق صنعاء القديمة

وجدي وهاشم لبسوا ايمن وعلاء فل كبير

هيثم قال شعر لأخوة بمناسبه الزفاف اخذ المايك وانشد وطبعا الموسيقي معه ( الشعر حكمه بالمعاني والابيات
ولا كل من يكتب شعر صار شاعر
بعض العرب في الشعر قله سلامات
وبعض العرب كله قصيد ومشاعر
سبحان ربا ابدعك ثم سواك
يا بدر يا لي تكتمل في نصوفك (ايمن وعلاء )
ناجاك حرفي بالغلاء ثم ناجاك
قلبي واحساسي على شان القاك
في زفافك انت واخاك فرحه تعم الحي والديار )

هيثم هذا طبعا مش من تأليفي بس كبته واحد والله ما انا داري من هو الا الأخير انا من راسي مدري كيف طلع ههههههه

الكل ضحك وصفر وغنوا وكلهم قالوا بصوت واحد الله الله يا هيثم يهناك

وبعدين الكل صاح حقك يا ايمن حقك ,حقك يا علاء حقك وحجروا بالأرج

...............................

هاشم ووجدي ساروا مع خالد وعلي يدوا العرايس من القاعة وصلوهن للبيت كل واحده الى بيتها علشان ابائهن واخوتهن يشوفوهن

الطريق ملان الشارع والعيال بيصيحوا العروسة جت العروسة جت

دخلت دعاء لا بيتهم وغاده أيضا

حجرين النسوان هناك المستقبلات لللللللللللللللووووو

دخل علي يبسر بنته دعاء واتصور هو وياها واخوها علاء الكل فارح علاء حبها في جبينها ودعاء شافت علاء واتحيلت له ملان قلبها الف مبروك يا اخي
علاء وانتي الف مبروك

في بيت ايمن نفس الشي تصوروا وأيمن ابسر غاده وسلم عليها وكل واحد بارك للثاني

صالح ابسر بنته واتصوروا كلهم
صالح يلا يا بنتي جوا المخرجين

غاده نزلت بطونها

علي يلا يا بنتي جوا المخرجين في امان الله اوبهي لنفسش

دعاء خافت وحست انها تشتي تدوخ من كثر القلق سمعت الطريقة حق السيارة وهوكه خارج

..................................

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

رياح الغضب

البارت 93

👌🏻👇🏻 😍
📚 @rewayatyamania 🇾🇪

كل واحده شلوها عند زوجها

سلوى بتبكي في بيتها وكريمة بتبكي في بيتها

ريهام تشتي تبكي وبتكابر بس يااماه هوذا انا جنبش

كريمه الله يستر عليها ويوفقها يارب

ريهام هم شلوا بنت واحنا شلينا بنت مالش خلاص بكاء صلي على رسول الله

كريمه عليه افضل الصلاة والسلام

عند سلوى
في امان الله يا بنتي الله معش انتبهي لنفسش
خرجين وهن يشتين يبكين طلعوهن فوق السيارات وهيثم بيصور كل لقطه وصور الموكب حقهم وحق بيت علي عملوا لهن لفه بالسيارة وكل واحده ادوها الى بيت زوجها من جهة ثانيه لان البيوت في شارع واحد

وصلت دعاء الاوله للشارع ودخلت لا بيت صالح المحاجر ملان البيت ترحيب بالعروسة جوا اهل الحاره الذي كانوا في بيت علي لا عندهم يبسروها
وصلت السيارة الثانيه دخلوها بيت علي وشافنها النسوان من بعد الساعة عشر ونص فضي البيت الا من اهله

.................................

دخل ايمن البيت زفوه لا عند مرته
فتش لها وقراء الفاتحة وادي لها حق الفتاشه لا يدها كانت عباره عن سلس ذهب مكتوب فيه حرف A &D مكتوب في الجهة الثانيه I LOVEYOU
ودخلوهم غرفتهم

علاء دخل وفتش لها وقراء الفاتحة طبعا ساروا ايمن وعلاء الاثنين اشتروا نفس السلسلة لهن حرف A ,G مكتوب في الجهة الثانيه I LOVEYOU

غاده جسمها كله بترتعش خوف جالسه ساكته

تصوروا العرسان جلسوا يتجابروا مش ضروري نقلكم ما اتجابروا لان انا مش عارفه والكل ههههههههههه

...............................

https://tttttt.me/rewayatyamania/17981


📚 @rewayatyamania 🇾🇪

🌟🌟🌟

فهرس الروابط والملفات للقصص والروايات كاملة (1)


1 🌟 روآيــة إرآدة قـ♥ـلَب

2 🌟 قــصـة الـوعــد

3 🌟 قــصـةّ آلَدنيا دوارة

4 🌟 قــصـة النصيب

5 🌟 قــصـةّ آلقــنآعة گنز لآ يفــنى

6 🌟 قــصـةّ قـدري آلعذآب

7 🌟 رواية الحــمـل الثـقــيل

8 🌟 روآيــة انتـي لـي

9 🌟 روآيــة ضحـٱيٱ ٱلقَدر

10 🌟 روآيــة حےــكــايــتي

11 🌟 قـصـةّ كـن خآئنا تكن اجمل

12 🌟 روآية يكرهه نصفي ونصفي فيه هايم

13 🌟 روآيــة ؏ــلى حـيڼ غفـلَـہ

14 🌟 قــصـةّ ظـلَمـ أب وقسوة زمـن

15 🌟 روٌآية حُب تحت آلـقصف

16 🌟روآية حب في صنعاء القديمة

17 🌟 قـصـة حـُب وحـرب

18 🌟 روآيــة عودة الماضي

19 🌟 روآية سنلتقي ولو بعد حـرب

20 🌟 قـصة وجـوه زٱئفـة

21 🌟 رواية مابين الحب والحرب عقلي جُن بـك

22 🌟 قصة حـب انتقـٱم

23 🌟 روآية أقدارنا بين الحب والغربة

24 🌟 روآية الحب والفراق

25 🌟 قصة في مجال نعيش

26 🌟 رواية حكايتي معك

27 🌟 قصة الحب المدفون

28 🌟 قصة شكوك سامة

29 🌟 رواية حبي لها رغم الظروف القاسية

30 🌟 قصة دمعة حنين

31 🌟 قصة نصيبي وحلمي

32 🌟 قصة نبضة قلب فقط

33 🌟 رواية الانكسار مايجبره ندم

34 🌟 قصة حُب في زمن الحرب

35 🌟 رواية احلى صدفة وصلتني للهلاك

36 🌟 قصة اول لقاء مايشبه حالنا الحين

37 🌟 رواية للمدينة حب آخر

38 🌟 قصة الحب المنتهي بزلة

39 🌟 قصة الحب ام المال

40 🌟 رواية كوني لي

41 🌟 رواية ذئاب لا تعرف الحب

42 🌟 قصة قيود الماضي

43 🌟 رواية ذكريات قاتلة

44 🌟 قصة لقد وقعت بالحب

45 🌟 رواية وجع الماضي اسعدني

46 🌟 رواية بيت جدي

47 🌟 قصة الحب شيء والزواج شيء آخر

48 🌟 رواية أجمل حلم عانده النصيب

49 🌟 قصة بين ضواحي صنعاء

50 🌟 رواية أنا لستُ أنت

51 🌟 قصة ومضات ماضي

52 🌟 رواية من ٲجلك سأتغير

🌟🌟🌟


📚 @rewayatyamania 🇾🇪

#انتظرونا الليل ومع آخر بارتات الرواية #رياح_الغضب

رياح الغضب

البارت 94

👌🏻👇🏻 😍
📚 @rewayatyamania 🇾🇪

اليوم الثاني
جوا اهل العروس يزوروهن عادات وتقاليد
وهن سارين بيت اهلهن بعد 3 أيام

دعاء كيف البيت بدوني

علاء ما جابش قد افتهنا منش

غاده ضحكت وانا شا اسير بيتنا الان سلام يا قلبي يعلم الله ما عيقلوا لي اهلي ورجعت تضحك

علاء اسير اوصلها وارجع لش

هديل بتبسرهم سكته وتضحك

دعاء ايوه صح الف مبروك يا قلبي الخطوبه بس اكيد عنفعل لش حفله

هديل ان شاء الله اهم شي كيف الزواجه حاليه قدو باين بوجهك المورد

دعاء خزيت الحمدلله جي اوريش ما ادالي

سلوى وانا اجي ابسر

دعاء انتوا الأصل يا ماما كم انا فاقده لكم قوي

سلوى ايوه ياسعم مدري كم لها وين عتسيروا شهر العسل

دعاء بكره السفر قال ايمن نسير الحديدة او عدن

هديل نفسي اسير عدن من حين وقعت الوحدة واحنا ما سرنا ولا ابسرناها

دعاء ياريت ونسير كلنا

سلوى انتوا الان عرسان اسهل عنرجع نسير يلا جي وريني ما ادالش ايمن بس وين هو

دعاء سار للبقالة وعيرجع بيكلم صاحبه

...................................

علاء دق الباب

هيثم من
وغمز لغاده اص ابسر ما عيفعل

انا علاء افتح

هيثم اهلا وسهلا بالحريو مالك جيت وحدك وين غاده

علاء غاده قالت ما عتجي عندكم خلاص اتزوجت ما عدبه يكفي لها منكم 23 سنه وهي عندكم

هيثم ماهو ماتشتيناش خلاص خليها لك اما احنا قد معانا دعاء وهديل

غاده سمعت بخ ايوه ايوه ماتشتي اختك شلوك الجن

هيثم فجعتيني وين كنتي مخبايه يا دبه

غاده بين اسمع اخي الذي بيحبني ايوه ماتشتي الا هديل تمام الله يوصلني لوما ابسرك عريس لا ابعد من الباب جالس جنب الباب بيهدروا ساع العجائز

................................



📚 @rewayatyamania 🇾🇪

رياح الغضب

البارت 95

👌🏻👇🏻 😍
📚 @rewayatyamania 🇾🇪

بعد مرور سنه
هيثم يلا بسرعه اليوم معي لكم احلى حفله بمناسبه استلامي ثاني قضيه لي
وكسبتها بس معي شرط اقطبوا لي عرسي

ايمن الف مبروك مستعجل على عرسك خليه مع رامي او لوما تولد اختك هي الان في الشهر التاسع

هيثم وهو في بطنها احسن لها بدل البزاء

دعاء والله صدق حتي انا مشتي يجي العرس وانا بين ابزي باقي لولادي سته اشهر

صالح يلا تمام اقطبوا وهكذا من عرس لا عرس خلونا نأخذ نفس

كريمه يا الله حلها وباقي ريهام الله يعينني بس

هيثم انا حقي العرس ما شفعله مثلكم وجنان وغزى شدي كله من المطعم وطباخين وعرسي في قاعة ضخمه وانتين ارتاحين

ايمن ليش ما انت على راسك ر يشه طباخين وقاعه اهي اهي

ريهام خلاص وانا معك لو هو هكذا وبتدكمه خلي رامي تعملوه سوى انا فدالك قوي

هيثم ضحك ما عليا هو حر بنفسه

ريهام والله انك حقود شلوك الجن وانا والله ما افعل لك حاجه وعتبسر

ايمن لا تبسرني ناهي داري انك تعبت في عرسي والله لا اقضيك

..............................

غاده اخي اتصل قال نسير معاهم يحتفلوا بمناسبه نجاحه في ثاني قضيه له

علاء تمام ويحين نسال ابي وامي وخواتي وبعدين اسهل

غاده بكره ان شاء الله من الصبح عيسيروا كلهم وادي بناء

هديل هي وأخيرا نخرج نسير دوره اتصل لعلياء

سلوى وين تسيروا

علاء عنسير وادي بناء مع هيثم وأهله

علي انا مشتي اسير سيروا انتوا

سلوي هيا ناهي جي معانا غير جوا ما يوقع حالي الا لوما احنا كلنا

علي لا بكره يحلها الحلال بأذن الله

هديل علياء عتجي معانا عنسير وادي بناء

عليا ء مع من

هديل كلنا مع بيت عمي صالح هيثم عيشلنا

علياء اهي اهي من ايحين قد بتهتمي بهيثم

هديل هيا ناهي مش وقت عتجي

علياء احاكي ابي وامي وابسر ما عيقلوا

وجدي بيسمع ماهو ما قد به معاكن

هديل غلقت قالت نسير وادي بناء

وجدي وانا نفسي اسير ما زد خرجنا

خالد سيروا تمام بكره جمعه نسير كلنا

ليلى تمام نجهز الاكل ونسير

اتصلت علياء وكلمتها تمام موافقين

....................................

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

رياح الغضب

البارت 96

👌🏻👇🏻 😍
📚 @rewayatyamania 🇾🇪

اليوم الثاني قاموا الثلاث العائلات من الصباح بدري
شغلوا السيارات وكل واحد شل عائلته وخطيوا

هيثم ابسر هديل يف مالها ما تجي معانا كان نفسي ابسرها ونزبج كلنا

كانت رحله ممتعه ابسروا الشلال واتغدوا ولعبوا كلهم والبنات كانين يتجابرين ويضحكين

هيثم شل الكرة ورجمها قدام هديل هيا شوتي

وجدي شوتيها صليا يلا بسرعه

هديل ابسرت هيثم وابسرت اخوها والله لا احانكك سعما ترجمها لا عندي
طيرتها لا عند ايمن وعلاء وقد بتضحك عليهم جالسين مبلمين

ايمن ارع والركضة امانه اصابت الهدف بنجاح

علاء هههههه ههههههه تربيه وجدي بيلعب معاها كره من زمان

هديل فلتتهم وسارت ترسم منظر الطبيعة والشلال والخضرة جلست وحدها تحت الشجرة

هيثم ابسرها وهي منهمكة في الرسم سار لا عندها دلا وأتخبى وراء الشجرة

ابسر الورقة الله محلا رسمش امانه انش عبقريه ضروري ادخلها معهد رسم لوما نتزوج وافعل لها مفاجأة وسار لا عند اخوته وهو مبتسم وخلاها تكمل الرسم

استمتعوا كلهم بالمناظر الخلابة والجو الحالي واتوجهوا للسيارات قبل اذان المغرب

غاده ودعاء وعلياء وهديل اتفقين يكونين مع بعض مع امهاتهن السيارة كلها نسوان بس من السواق يا ترى
..........................................

ايمن اهي والسرعة معك والله انك مجنون

علي الله يستر بس كانو غاوي ما رضي يعقل
صالح ابسر كيف بيسبق السيارات ويسبقنا

علاء وانت لا تسرع يا ................ تتوقعوا من بيسوق السيارة هذه والسيارة حق البنات

عند البنات
سلوى والله لو ما تسوق سوى انو بالي وبالك اليوم هذا

كريمه الله يستر مجنون انتبه بين اقلك

غاده ودعاء تشتي نولد فوق السيارة خيرة الله عليك دلا

وفجأه عشق بريك وووو وووو
.................................



📚 @rewayatyamania 🇾🇪

رياح الغضب

البارت 97

👌🏻👇🏻 😍
📚 @rewayatyamania 🇾🇪

صالح يا ابني لا تفعل مثله والله انو مجنون يعلم الله وين قدهم

علاء لا تخاف عليه انا اعرفه ما شاء الله عليه سواق محترف

ايمن باقي نص ساعه ونوصل

علي والله اني تاعب ما جيت معاكم الا علاسب البنات

صالح ما نسوي يشتوا يغيروا جوا مارايكم نخرج نشتري قات ونكمل التخزينه العشي ما طعمت قات بين البرد

علي والله صدق

خالد انا معي عمل ضروري اسير اكمله وانتوا براحتكم اجلسوا وخزنوا

علاء يلا وصلنا الان انزل اشتري لكم قات وارجع بسرعه

خالد ولا لهم اثر يعلم الله مالهم

علاء وايمن نزلوا وابسروا حادث فظيع في الطريق
ايمن اف اف على حادث جي نسير نبسره بسرعه ونرجع يعلم الله من هم

...................................

علي مالهم هذولا مازد رجعوا

صالح مدري قد انا قلق عليهم

خالد اسير ابسرهم وادور

صالح اجلس شويه وعيجوا لا تختلفوا في الطريق

خالد كان انزل اشتري ماء نزل واشترى ماء ورجع

وجدي والله قد انا قلق على هيثم والبنات

صالح ايمن سواقته حاليه مشو مثل هيثم ( هيا عرفتوا من السواقين )

علاء يا ايمن جي جي من هنا والله انو مصيبه جي ساعدني بسرعه اشتي اسير ادي الشنطة حق الإسعافات الأولية لوما تجي السيارة ( طبعا لان علاء دكتور ما صبر لوما تجي سيارة الإسعاف )

.........................................

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

رياح الغضب

البارت 98

👌🏻👇🏻 😍
📚 @rewayatyamania 🇾🇪

خوفناكم شويه صح
علاء سار لا عند سيارته شل شنطة الإسعافات

صالح ما به خير الله يجعله خير

علاء ما بلا وقع حادث في الطريق العام والان اسير اسعفهم لوما تجي سيارة الإسعاف

خالد شا اجي معك وجلس فوق السيارة وجدي وصالح وعلي وجدي ما سار علاسب لو يشتوا أي شي اعمومه

علاء فعلهم ما يلزم وجت الإسعاف واخذتهم رجعوا لا فوق السيارة

صالح هيا مه ماحصل

علاء هذا واحد كان مهري قوي خرج عن الخط وكان به متر ( موتوسيكل )
خاطي وهذاك صاحب السيارة اعترضه قلب به للجهة الثانيه

علي الله يستر ويعلم الله وين هيثم البنات والله اني قلق اتصل لهم

صالح قد اتاخرنا يلا امشي

.................................

والان ننتقل الي هيثم جنانه
هيثم يلا نزله وصلنا كل واحده قدي مصفرة مثل الليمه ابسرين الحادث بس ما وقفوا

دعاء اعوذ بالله ختامه مسك

ليلى هولا الذي بيسرعو ا وما يبسروا خلق الله

كريمه والله صدق كم بنبسر حوادث من هذا النوع ما عيجي لهم والسرعة كأنهم بيطيروا مجانين

سلوى كن اوبه يا ابني السرعة خطر قد خليت قلبي بين ارجلي

هيثم ضحك امانه انكم خوافين

غاده ايوه قد انا شولد فوق السيارة قلك خوافين شلوك الله يعينش يا هديل عيطلع روحش

هديل ضحكت

هيثم انا لا عند مرتي ما شا اسخاش عليها وابسرها

غاده ايوه ما احنا محلل مه ما هديل الحنج حقك سبحان الله على الرغم ان الحروف متشابهة بس الطباع ثانيه واحد مهري وواحدة هادئة ورومنسيه

هيثم وعاد شا اسمي ابني بحرف الهاء وابسر صلى هديل وخزيت

اذن عشاء ولا قد رجعوا الرجال

كريمه وليلى وسلوى يوه مالهم اتاخروا قد الوقت متأخر

..................................

وصلت سيارة الرجال
صالح الحمدلله على السلامه

علي الله يسلمكم بين ابسر سيارة هيثم في الباب

علاء ايوه يمكن انهم في بيت عمي صالح

دخلوا كلهم بيت صالح

صالح الله الله ودخلهم الديوان

ايمن مالك بتسرع خوفتنا عليكم

هيثم بتسمي هذك سرعه هي الا 100

ايمن والله انك مجنون احد يسوق ومعه واحمات بسرعه 100

ايمن والله لو يوقع بمرتي شي لا اجي اموتك

علاء وانا والكل ما انا قدي في التاسع عادو ما قد كمل الجملة الا ومرته بتصيح

اماه غيروا عليا مدري مالي احقاوي بتوجعني قوي وسفال بطني

كريمه يوه يا بنتي او قدش عتولدي مسرع

ليلى امتدي سعليش

سلوى اسير ابسر ما نفعل لها

غاده ماشي شلوني المستشفى مشتي اولد هنا

دعاء يوه قد انا شولد معش اسير المكان الثاني

.........................



📚 @rewayatyamania 🇾🇪

رياح الغضب

البارت 99

👌🏻👇🏻 😍
📚 @rewayatyamania 🇾🇪

غاده وين هو علاء بسرعه يشلني لا المستشفى ما قدرت

سلوى سارت تدعيه بسرعه شغل السيارة وشل مرتك المستشفى

علاء يله الان ابسرت فعلتك مرتي تولد ما قد لها الا أسبوع في الشهر التاسع

ايمن ناهي يلا بسرعه شغل السيارة

هيثم اجي معاكم بالسيارة الثانيه قد اليوم يومنا مشاوير يلا

سارين النسوان وجلسين البنات كلهن عند عمهن صالح وعلي وخالد

صالح قدو يوم ما شاء الله من روحه

علي خيرة الله اهم شي تقوم بالسلامة

خالد انا خاطركم بس ارجعوا طمنونا وداعى مرته وبنته

علياء يلا حاضر الان هديل ارجعي اتصلي بي تمام
هديل ناهي ولا يهمش

ليلى خاطركم ولو محتاجين شي اتصلتوا تلفوني مفتوح

دعاء الله معاكم تمام الله يعينني باقي انا والله افتجعت

ليلى عيسهل الله لش اهم شي لا تتعبي نفسش خيرات يلا مع السلامه

دعاء وهديل في امان الله هديل جت لها فكره ماما ليلى

ليلى استوت صليها عيون ماما وحست بغصة في قلبها كم لها ما قد سمعتها منها

هديل ما رايكم تخلوا علياء تمسي عندي اليوم

ليلى ابسرت صلي علياء يلا ناهي اذا تشتي

علياء فرحت ايوه لو سمحتوا

ليلى تمام يلا مع السلامه ... الكل في امان الله

....................................

خالد وين هديل اقصد علياء

ليلى خليها عند اختها يلا خطينا وصلوا البيت وكل واحد سار يرقد من التعب

في المستشفى
الممرضة مابش معانا سرور فاضيه شلوها مستشفى ثاني

علاء ماهو ما بتقلي انا دكتور واعرف المستشفى

الممرضة عفوا يا دكتور بس به في الغرف الخاصة وعتكلفكم كثير

علاء مش مهم يلا بسرعه وشلوها غرفه الولادة
علاء يارب يا رب

ايمن صل علي النبي اهدأ ما عيوقع شي


بعد ساعه ونص خرجت الدكتورة

علاء هيا مه كيف زوجتي

الدكتورة الف مبروك يتربى في عزكم ولد مثل القمر

علاء الحمدلله وين زوجتي والنونو

الممرضة في الغرفة الثانيه وكلهم ساروا لا عندها الف مبروك

...................................

https://tttttt.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

رياح الغضب

البارت 100

👌🏻👇🏻 😍
📚 @rewayatyamania 🇾🇪

عملوا لها ولاد يمني سجاف وعلقوا الزينة وكبروا في اذن المولود

وجين النسوان عندهم كل يوم لمده 30 يوم واخر يوم عملوا لها زفه الولاد والوفاء قسموا ضيافة حاليه

علاء سمى ابنه عمر

وجاء موعد الزفاف حق هيثم وهديل
عملوا عرس مثل ايمن وعلاء واحتفلوا كلهم وكان عرسه مع اخته ريهام ورامي

دخلت العروسة عند زوجها

رامي نورتي بيتش يا عروسه

ريهام منور بوجودك معي في حياتي

رامي أخيرا اجتمعنا الله يجعلش زوجة الدنيا والأخرة

رامي بدأ يحكي لها قصه حياته وريهام مثله وحبوا بعض حب قوي

........................

هديل وقعت قمر دخلت عند هيثم شافت السرير حلو بنفس اللون الذي يعجبها
بنفسجي حلو والستائر

هيثم ما شاء الله والقمر الذي معي منين بتخبي هذا الجمال بكله

هديل خزيت ياسعم ما تعرفني

هيثم الا بس يعجبني اتغزل بش يا زوجتي يا روحي انتي

هديل ضحكت وقالت له معي لك مفاجأة راعي وغمض لا تفتح

هيثم فرح يعلم الله ما سوت له

هديل لحظه والله لو تتشقر ما اديها

هيثم هه ما شفتحش وغمض قوي

شلت الذي في يدها وورته هيا ما ذلحين افتح

هيثم بهررررر قوي لوما قد عيونه عيخرجين من محجرهن

....................................



📚 @rewayatyamania 🇾🇪

رياح الغضب

البارت 101ما قبل الأخير

👌🏻👇🏻 😍
📚 @rewayatyamania 🇾🇪

بيت علي
يوم الجمعة عيجوا يخطبوا علياء

دعاء ما شاء الله مسرع البنات كبيرن

سلوى هكذا الدنيا كم لها ام يوسف تشتي تخطبها من يوم ما ابسرتها في عرسكم
بس قلت لها عادي صغيره وابنها ما شاء الله بيشتغل في المطار هو طيار كوده من بلاد لا بلاد

دعاء يا سلام والله انو حالي قوي كل يوم في بلد نفسي اسافر

سلوى بس عتبعد عننا قوي

دعاء هو ذا انا شدي لكم حفيد بعد شهر

سلوى الله يقومش بالسلامه يارب ويفرحش

..........................

هديل ما ذلحين افتح

هيثم ابسرها بقوه الله هذا انا ما شاء الله امانه انش موهبه فذه كيف تقدري تنسقي الألوان ما شاء الله شا اعلقها في الصالة والا في غرفه النوم مع مع في الصالة علشان الكل يبسر مرتي ما عملت لي وحبها قوي

ايمن وانا اشتي مثلها يلا ارسميني

هديل ضحكت تمام بس بشرط تسير تدي دعاء وابي وامي وبيت بابا خالد كلهم وارسمكم جماعيه وارسمك صوره لك مثل هيثم

ايمن وانا موافق سار يدعيهم ورسمتهم كلهم صوره جماعيه وكل واحد شل صوره

وايمن شل صورته وعلقها جنب هيثم بيحسد

هيثم والله انك حساد وحطيتها جنب صورتي يوف سير في الجهة المقابلة علشان اجلس ابهرر لك وتفتجع هههههههههه

الكل ضحكوا

.......................................

https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

رياح الغضب

البارت 102والاخير النهاية

👌🏻👇🏻 😍
📚 @rewayatyamania 🇾🇪

ولدت دعاء وجابت بنت سمتها لميس

وعلياء اتزوجت وسافرت مع زوجها يوسف المانيا

هديل وحمت وقدي في الشهر التاسع وبعد شهر ولدت وجابت هشام

هيثم باقي شي ما قد شفتيه عملتها لش مفاجأة
هديل ايش هي

هيثم تعالي بعدي سارت معه للغرفة حقهم غمضي

هديل هاه وسهل لو اتشاقر

هيثم قلك اسهل ماشي يا قمر والا اقلش جي لا عندي وغطى وجهها بيده والله لو تبسري يا ويلش ما بين اضغط قوي

هديل ضحكت ناهي والله ما بين ابسر بسرعه قد عيوني بتوجعني

هيثم ناهي يلا افتحي ووراها معامله المعهد وقريتهن

هديل يا روحي انت والله امنية حياتي ادخل معهد تسلم يا زوجي العزيز

هيثم يا زوجي العزيز بس جي اطبعي لي قبله هنا

هشام قام وبيبكي هديل ضحكت شا اطبع قبله هنا واشرت لوش هشام وانت شلها منه وضحكت

هيثم ابسرها وقال والله ما راحت لش وضحكوا

..............................

ايمن جلس يلاعب لميس ويمشط لها شعرها بابا انا اهبك (احبك ) ايمن وانا احبش قوي يا روحي انت وماما

وعلاء بيعلم ابنه عمر كيف يوقع طبيب

هديل بترسم ابنها هشام

صالح وكريمة يتجابروا ويضحكوا على عيالهم


بيت علي نفس الشي وخالد الكل فارح ومبسوط بعيال عيالهم وجدي دخل كليه التجارة وخالد ابن هاشم اتزوج قبل شهر وعايش هو وهاله مبسوطين

( الحياه تعطينا الكثير بالمحبة والاحترام فيما بيننا ومساعده الاخرين مهما كانوا الاب يحب أولاده والام تحن على اطفالها وهكذا الحياة بين مد وجزر)

وفي الأخير استودعكم الله الذي لا تضيع ودائعه
واشكر قناه روايات يمنيه على اهتمامهم بنشر روايات المبدعين والمبتدئين واشكر إدارة القناه الذي ساعدني ان انشر روايتي هذه ((( قناة روايات يمنيه ))))
المميزة التي نالت اعجاب الكثيرين والمتابعين لهذه القناة الأكثر من رائعة
ومني خالص التحايا والتقدير لكل من قرأ روايتي هذه واتمنى ان تنال اول رواياتي هذه اعجابكم ولكم جزيل الشكر الكاتبة المبتدئة ( هناء عبدالعزيز علي ) انني لا احلل حذف اسمي من الرواية او تغييره والمعذرة علي التقصير
والى اللقاء في رواية قادمه بإذن الله في امان الله وحفظه


#انتهت


https://tttttt.me/rewayatyamania/17981



📚 @rewayatyamania 🇾🇪