بارت 124


بعد يومين ...


الظهر 🌞..


الحج عبدالله : بيتصل لعادل 📱 هيا وين قد أنت مراعي لك ..


عادل : والله إن قدنا فالطريق قد إستأذنت أخر حصتين أروح بس قدك داري بزحمه الطريق ..


الحج عبدالله : يله تمام بس حاول تقطب بينهم لاعد نسير وقد المحامي غلق المكتب حقه ..


عادل : مع إطمن قد إتصلتله 📱 وقال مراعي لنا ..



...... ....... .......


في مدرسه آيه ..

صاحبه آيه : بتتدلع بتوري البنات تلفونها 📱إبسرين ما أشترى لي بابا ...

البنات : بيتفرجنه .. آلله 😄 محلاه وإبسرين آيه وأنتي أيحين عتشتري لش تلفون 📱..


آيه : إنحرجت منهن 🤗 هآه ... أنا أصلا معي بس فالبيت مابينديش المدرسه ...

صاحبه آيه : صدق .. هيا إدي لنا الرقم ..

آيه : إرتبشت 😬 مشنا حافظه له لأنه مابينستخدمش خيرات شرجع أديه لش ..


...... ....... .......


في بيت سمير .


سمير : دخل لعند ساميه للمطبخ .هيا قد جهزتي الغداء 🍛🍲..


ساميه : أيوه ماعد الإ ينضج ع مه مزاوط ماشاسير الإ عصر عندها ..


سمير : مارأيش مشو خزا أشله معي ع طول هكذا من الباب للطاقه نقله جينا نحاكيك نخطب 💍نشتي بنتك لصاحبي ..


ساميه : ضحكت هههه 😂 علسب نوال تذبحني مارأيك اليوم بس يتعرف عليه وبعدا عترجعوا تحاكوه ..


سمير : خلاص انتي اقطبينا وبعدا شبسر أنا وياه كيف عنفعل 😉..


....... ....... ...


في مدرسه آيه ..


الأستاذ : بيوزع الورق📑 حق الإمتحان بيداعي الأسامي والدرجات ..

رؤى : بتتفرج البنات بزنط 🤗 طبعا أكيد أنا أعلى درجه مثل كل مره .


الأستاذ : هبه عادل 30 من 30 .. رؤى 27 ونص ..وبيداعي بقيه البنات ..

هبه : قامت شلت 📄 الورقه حقها ورجعت تجلس فالكرسي..


رؤى : إبسرتها بقهر وضبح 😤 أكيد غشيتي السؤال هذا من الكتاب لأنه محد حله صعب ..


هبه : بكل براءه 😃 مع بسيط اسكه وريني كيف حليتيه أنتي وانا شاوريش كيفه وشلت ورقتها ..


رؤى : هزرت ورقتها 📄من يد هبه .. مشنا مراعيه لش توريني فلتتها وخطيت 🚶🏻‍♀..

....... ........ .......


عند المحامي ..


الحج عبدالله : خلاص اتوكل ع الله أكتب البيت حق صنعاء🏡 القديمه مع المعطاره بإسم يزن والعماره الي فالدايري مع المحلات الي تحتها والأرضيه الي جنبها بإسم رزق وأحلام شكتب لها أرضيه ...


عادل : خلاص هكذا سوى ياحج وبقيه مامعك عيرجع يقتسم بشرع الله بين جهالك بعد عمر طويل إن شاء الله ..


المحامي : اصلا ماشاء الله الباقي خيرات و بعدا هكذا تمام امنت لهم سكن مع مصدر دخل ..


الحج عبدالله : وشازيد أفعلهم حساب فالبنك🏦 والاوراق كلها عتجلس عندك أمانه لاحصلي شي ترجع تسلمهن لايد مره ابني حقها وحق يزن وحق رزق وانت شاهد ياعادل ورزق في ذمتك ويزن تتابع حقهم ومالهم لما يكبروا ويستروا يبسروا حقهم ومالهم..


عادل : الله يحفظك ويطول في عمرك لماترجع تمكنهم حقهم بيدك وقدهم رجال ..



🌹meme_ abdalgaleel


@qesasanani

بارت 125

بعد العصر

في بيت حميد ..


نوال : تمت تجهز بقعه حميد وبتبخر الديوان ..


عم حميد : إسلمي يابنتي .. بيمزح معاها .. ذلحين زوج صاحبتش هذا ما أعجبه فيني وقدنا شيبه 👴🏻 ولا شكله يشتي يزوجني وبيختبر أخلاقي ...


نوال : بتضحك عليه 😂 هههه. أين شيبه والله ان عادنتوا شباب ..


تقيه : ع دخلتها لعندهم سمعتهم ... 😄 أيوه أيوه إركزي له يصدق روحه لاتصدقها ولا قدك شيبه قاعف ماعاد الإ رجل والقبر قلك يزوجوه ..


عم حميد : بيحانكها 😜 هيا ماقدش عجوزه الإ أنتي الي كودش بتمكنيني ارجلي ركبي مانا عادنا شباب والشيب الي شعري هو وقار ..


نوال : بتضحك عليهم هههه 😂 محلاكم حين تتحانبوا والله ان عادنتوا شباب الإثنين خلاص لحد يزعل .. وهيا يا امه جو بدلوا وانا امكيجكم اليوم وأسبركم ونوري أبي قدنتوا عجوز أو عادنتوا بنت عشرين ..


عم حميد : بيحانكها 😜 لاتحاوليش خلاص عجوز عجوز ..


....... ....... ........


في ذمار ..


طارق : بيراشى يسرى .. هيا حبيبي😍 قومي نخطى للمستشفى إبسري كيف أنتي تاعبه ..

يسرى : إسهل أنا شفتهن قلتلك لاتقلقش شكلها معدتي إستبردت ..

طارق : أين تفتهني من أمس وانت هكذا كل شويه وانتي بتتغاثي وترجعي 🤑 ..


يسرى : شاقوم افور لي نعنعه وشفتهن هي حاليه للغاثي ..


طارق : والله ماعتقومي الإ تلبسي ونخطى 👫نبسر دكتور ...


...... ..... ......


في بيت عبدالكريم ..


سميره : بتتصل لهناء 📱الووو سلام عليكم ..

هناء : وعليكم السلام ..


سميره : عرفتيني أنا سميره الي تعرفنا فالقاعه ..

هناء : هآه 😬 أيوه ايوه ذكرتش كيف انتي ..

سميره : الحمدلله .. مابتفعلي لومابش معش شي امانه جي عندي إعرفي بيتي 🏡..


هناء : والله ماشقدرش اصلا أختي عندي ..

سميره : هاه 😄 خلاص كان شاجي عندش انا أصلا مدري ليش حبيتش هكذا قلبي ❤ افتتح لش من اول ما ابسرتش ..


هناء : حيا بش ..

سميره : غلقت وبتداعي آيه .. يا آيه هيا بدلي نخلي أخوش محمد يوصلنا لبيت خالتش هناء قبل مايسير عند منير يذاكر له 📚..


آيه : سمعت إسم منير سرجين عيونها وفرحت 😍 مدام وهو عيسير الحاره خلاص شاسير معه بيت سيدي قدنا فاقده لبيتنا ..


سميره : بهررت فوقها 🙄 إخطي البسي شرق نخطى قلك تسير الحاره ..


آيه : خطيت وهي بتنفخ وتحطم😤 خلاص مشتيش شجلس هانا فالبيت ..


سميره : بصياح 😡 مابش جلسه وحدش يله شرق علينا ..



....... ....... ........


في بيت عادل ..


عادل : جالس مع تهاني بيتجابروا .. والله ان الحج مشو معجبلي صورته تاعبه 😔 ..


تهاني : للمه ماخطيته للمستشفى 🏨 قد اسمه كان معاك فوق السياره ..


عادل : والله مارضي قد تراشيته لماقلت بس يله بعد كرهن زد رضي يخليني أروحه من عند المحامي للبيت 🏡 قال تعب عليا المشوار ..


تهاني : ذلحين كتب ليزن ورزق ..

عادل : أيووه غر قد بينهم رزق حين يكبر ماعيقل ليش ماهو كتب له من بين اخوته ..

تهاني : شوعه لما يكبر ويدرى ان مشو ابنهم ..

هبه : ع خرجتها من الغرفه في يدها الكتاب تسال امها سؤال 📙 سمعت اخر جمله شوعه لمايكبر ويدرى انه مشو ابنهم .. إستغربت 😳 وسالتهم منهو الي مشو ابنهم ..


عادل وتهاني اتباسروا 👀 ..


تهاني : إرتبشت 😰 وافتجعت لاهي سمعت كل الكلام . ماسمعتي ..

هبه : كنتوا بتقلوا شوعه لما يدرى انه مشو ابنهم ..


عادل : لفت وانهم بيدوى حلقه فالتلفزيون 📺 هآه هذا كنا بنتحاكى ع الحلقه الي فالتلفزيون . ذلحين ماعلينا من الحلقات جي وريني كيف دروسش وكيف بتحلي ..


تهاني : اتنهدت 😌 ان عادل خارج الموضوع ..



@qesasanani

بارت 126


في بيت الحج عبدالله ..


رجاء : مالك ياحج اليوم ما تخزن ولاخرجت بينبسر القات جنبك ..


الحج عبدالله : شكله تاعب 😔.. ماقدرت مدري مالي زابل ..


رجاء : طيب ماتشتي افعلك ..

الحج عبدالله : إسلمي ما اشتي الإ سلامتش وينهم الجهال ..

رجاء : داخل عند احلام بتذاكرلهم📚 وأحمدخرج يذاكر مع اصحابه الله يعينه شهاده هذه السنه ..


الحج عبدالله : الله يوفقه ويهدي أخوه قدوذا الصغير عيتم قبله ومحمد ماقد تمش المدرسه 🏫 .


رجاء : ماله شي هذه السنه من بعد الحادث 🚘 بيقلي أحمد حين بيسير يبسر أمه انه بتشكره وبيذاكر 📚 ..


الحج عبدالله : تذكري 🤔 لما سيرنا ذمار وبنقل لمعاذ وأحمد نزوجهم قال أحمد ان قباله واحده مراعي لها تكبر امد مايتم قرايته تذكري ..


رجاء : آها 🙂 أيووه بس اوذك رجع قال هو بيضحك علينا ..


الحج عبدالله : لمايجي العشي🌚 خليه يدخل لعندي اجابره لابه قباله أحد صدق نحجزها له امد مايتم جامعته ..

رجاء : مارأئيك ياحج أول يحاكي أمه وأبوه والله لاتفعلها لنا سميره في عين الشمس 🌞 عتقل عنخطب لآبنها .


الحج عبدالله : محد له دخل منهم في هذا الولد الولد ولدي ...


...... ....... ......

في بيت حميد .


داخل عند النسوان ..

نوال : بتتحيلا لبنت نوال 👶🏻 يووو ياربي محلاها ماشاء الله كبرت.


سميره : عقبال مانفرح بش وبعيالش 😄 ..

نوال : تغيرت ملامح وشها 😥 ذكرت عيالها ..سكتت ..

تقيه : حست أنها اقتهرت😥 وذكرت العيال 👶🏻👶🏻 حبيت تغير الموظوع .. ماقلتليليش كيف امش مالها ماتجي معش ..

ساميه : الصدق ماقلتلهمش لأنه سمير قال عيديني وعيجلس هانا عند عمي حميد ..

نوال : فلتتهم وقامت سارت غرفتها فتحت التلفون 📱 القديم تبسر صوره عيالها 👶🏻👶🏻وبتجابر نفسها يعلم الله كيف أنتوا وكيف قد شكلكم تغيرتوا ذلحين قدنتوا صف سادس ...

....... ....... ......


في الديوان ..


سمير : سامحوني ياعم حميد قدنا مزعج اومه 😌 ماغير والله اني بينبسر فيكم أبي الله يرحمه وبينفقد جلستكم ومجابرتكم ..


عم حميد : لاتقلش هكذا يا ابني حياك الله في اي وقت وأنا والله يشرفني ان يقع لي ولد ساعك بدل عيالي الله يرحمهم 😔 .


سمير : بإستغراب 😳 هآه كان معاكم عيال !!!!.. انا اتخايلي ان ربي مارزقكم الا بالبنت بس ..


عم حميد : أيووه الله يرحمهم😔 قتلوهم في البلاد ثار وماثار ..


قاطعهم صوت تلفون سمير بيرن 📱..

طبعا قد سمير وعبدالصمد اتفقوا انهم يفعلوا هذه الحركه علشان يجي عبدالصمد بيت حميد ويتعرف عليه 😉..

سمير : جاوب التلفون 📱 اهلا وسهلا كيف انت ..

عبدالصمد : هيا يالوك كيف الوضع عندك 😉 ..

سمير : يوووه😱 انت عند البيت حقي ليش ايحين جيت من الحديده انا مخزن خارج ليش ماتتصلي لو شي اني جلست اراعي لك ..


عبدالصمد : يالغجه هيا اقطب قلي هيا جي عندنا هههه 😂 ..

سمير : اوووه هيا مدام راجعي غطوه الصبح خلاص شاقوم اروح ذلحين مدام وقد جيت وبيتفرج للعم حميد 👀..


عم حميد : فهم من كلامه ان به أحد عيروح علشانه ... يا ابني عادنت وصلت بدل ماتروح خلي صاحبك يجي يخزن عندنا ..


سمير : غطى السماعه حق التلفون بيده 📱 مشو خزا منكم عادي ..

عم حميد : عادي ياولدي فوق عيني وراسي 😇..


سمير : ابتسم ان خطتهم نجحت 😊 هاه خلاص اسمعني جي لعندي نتباسر هانا انا في شارع ال*** وبيشرح له ياسعم البيت ..


عبدالصمد : بيضحك عليه هههه 😂هيا ناهي كلها 10 دقايق وانا عندك منه صدق مهنجم بيشرح لي اهم شي انها تطلع قمر ع وصفك وتستاهل الخطط هذه هههه ماشي لا ازغفك وسط البحر لسمك القرش يزرطك هههه 🐋..


سمير : مامن هذه الناحيه إطمن ع ضمانتي ...


تقولوا🤔 بعد كل هذه السنين أخيرا عبدالصمد ونوال عيجتمعوا ولا عم حميد عيخبي عليه إن نوال عنده ....

🌹meme_abdalgaleel


@qesasanani

بارت 127


في بيت هناء ..


سميره : بتتفرج بيتهم 🏡 وتعصور يدها ..يوووه ماشاء الله ع حلا وفراش ونظام ..


آيه : بتحاكيها دلا وتأشر لها .. اووص يا امه لاتسمعكم وأحنا بيتنا حق حده يجنن بس هي مرتبه في الفراش حقها ذوقها حالي مش ساعكم .


سميره : أمانه لأسألها منين اشترت فراشها وسبرته واخلي أبوش يسير يشتري لنا من عندهم ..



هناء : مالها بنتش أو بتدحس ..

سميره : إبتسمت 🙂 أيوووه قالت قدهي ضابحه هي كانت تشتي تجلس فالبيت بس أنا مارضيتش أخليها تجلس وحدها ..


هناء : آها .. قومي ياحبيبي عند بنتي وبنت أخي صح هن أصغر منش بس عتتوالهي معاهن وبتدعي الشغاله تشلها عندهن ...


آيه : بتدكم أمها اووف منكم 😤 تشلوني عند جواهل ..


الشغاله : جت شلتها ودخلتها عند رؤى وبنت خالتها.


آيه : بتتفرج غرفه رؤى 🙄 فتحت عيونها اللله كل هذه اللعب حقش ..


رؤى : ابسرتها من شق نخرها 😏 قلي ماشاء الله ..

آيه : بضبح 😤 ناهي سعم عنحسدش معي لعب أكثر من حقش بس قدنا كبيره اديتهن لبنت جيراننا ولا كنت شاوريش لما تجي عندنا ..


بنت خاله رؤى : في يدها التلفون 📱 بتدعيها رؤى رؤى جي ابسري هذه الصوره ..

رؤى :😃 الله محلاها راعي ادي تلفوني 📱 ترسليها لي ..


آيه : بتحاكي نفسها ..🤔 قدهن كلهن بتلفونات وانا مابش معي والله لأجننهم يشتروا لي ..


....... ...... .......

في بيت عادل ..


معاذ : روح من المعهد قدهو تاعب طرح كتبه 📚 فوق التلفزيون ودخل جلس جنبهم ..


عادل : كيف لك اليوم مادخلتش كتبك 📚 غرفتك مشي عادتك ..

تهاني : بتسكب له شاهي ☕ وادت له بسكوت 🍪 هآه روحي كل ..


معاذ : مابلا قدنا تاعب وزد ضابح شويه قال لي صاحب إنه حتى لو دبرنا المنحه وراجعت لها عادنا أشتي زلط خيرات حق مصاريفي الي بيدوا مصروف للمنحه يله يكفي مصروف الدراسه وانا أدبر حاجتي الشخصيه والكتب 📚 خاصه اني اشتي ادرس هندسه مستلزماتها خيرات 📐📏..


عادل : مسكه من كتفه.. وهو مبتسم 🙂 ولاتهم شي ماعليك شي وعاد راسي موجود ماشي عنسير نندع الأرضيه الي في شبام مانفعل بها اهم شي قرايتك عندي انت واختك ..


معاذ : قرب يحبه في رآسه 😘 إسلموا لي يارب ..


هبه : وأنا لما أكمل اقرى عتخلوني أسافر ساع معاذ واوقع دكتوره😄..


تهاني : بتحانكها .. ماشي .. أنتي ماعنخليش تفلتينا عنزوجش ع طول بعد ماتكملي ثالث ثانوي 😜..


هبه : بتخفع بأيديها أرجلها بضبح 😤 ماعه ماعليا يابابا إشهدوا عليهم يشتوا يزوجوني مادخلش ..


عادل : بيضحك عليها 😂 ويتحيلا لها .. أيووه عنزوجش بمحمد ابن عمش عبدالكريم ولا بذيك الحارس حق المدرسه الدب ..


هبه : بتصيح بزعل 😔 مدخلش والله لا اوقع دكتوره ..


معاذ : بيضحك هههه 😂 ابردي لش منهم انا شاخليش تقري أنا ذلحين هيا قومي أشلش تجعلي ..


هبه : هانا ضبح السوبر ماركت مابيبعش جعاله 🍫🍭🍬 حاليه ساع حق عمي منصور ..

معاذ : آها .. كان خلاص وفرتي عيس أخبي زلطي وغمز لها 😉.


هبه : سنبت 🚶🏻‍♀.. مع مع الإ نسير قدهو مامعانا الإ الحاصل ..


عادل وتهاني : اتحيلوا لها 🤗..


........ ........ ......


في ذمار ....


ع رواحتهم من المستشفى فوق السياره 🚘..


طارق : بيتفرجها بإبتسامه 😊 هاه معدتش مستبرده وتشتي تمكنيها نعنعه تشتي تطفحي بنتي ..


يسرى : مبتسمه بخزا 😊 ومدراك إنها عتقع بنت يمكن يجي ولد ..


طارق : ماشي عتجي بنت قلبي ❤ حاسس ونسميها نوال. .


يسرى : هيا ادي ادي تلفونك 📱 نتصلها نبشرها أني واحمه ..



@qesasanani

بارت 128


في بيت حميد ...


عم حميد : بيجابر سمير كيف قتلوا 🔫عياله في البلاد وانهم غدروا بهم لأن أخو حميد قتل واحد بالغلط ومابش معه عيال جو قتلوا عياله ..



سمير : منسجم معه .. أيووه 😳 بس مادخل عيالكم ليش مايقتلوه هو ..


عم حميد : هو قدكان محبوس حكموا عليه الحق العام بس لأنه كلهم شهدوا إن القتل كان بالغلط لما كان بينظف المسدس 🔫 خرجت رصاصه وقتلت صاحبه وقد ادينا الديه والكل ..



سمير : آها .. يعني شلوا الديه والكل وحبسوا أخوكم وزد جو يقتلوا عيالكم ماهم هذولاء من ناس أيحين عتكمل الثارات هذه في بلادنا 😔 ضاعوا ثلاثه وهو قتل بالغلط لو احد غيركم كان عيشل ثار جهاله منهم وانحنا في قتل وبحر من الدم...


عم حميد : ولو تبسر كيف كنا أهل وأصحاب وإبنهم المقتول ما يأكل الإ عندنا صاحب أخي قووي لكن مانقل الإ خيره الله 😔 ..


سمير : تلفونه رن 📱 بيبسره .. هذا صاحبي اكيد وصل اوذا شخرج أبسره وادخله لامعرفش البيت ..


....... ...... ......

داخل عند النسوان ..


نوال : بتجاوب تلفونها نسيت وجود ساميه من فرحتها😃 كذاب قل والله .. يعني شاقع عمه ماقالت لكم الدكتوره في شهر كم قدهي ..



طارق : قالت الدكتوره عادهي شهر ونص 😃 ايذاها راعي حاكيها ..


نوال : حيا حيا بالقمر حقنا ألف مبروووك ياروحي والله اني فرحت لكم من قلبي ❤..

يسرى : الله يبارك فيش .. انتي اول واحده قلنا لها نفرحش ..

نوال : يووه تسلمي لي يا أحلى بنت عم ومره اخ فالدنيا ..


ساميه : بتسمعها سكته ومستغربه كيف عتقع عمه وكيف احلى مره أخ من بتحاكي 😳

تقيه : بتحاول تبهرر لها 🙄 تركز وهي ولا فهمت رجعت تجابر ساميه تغالطها هذا ابن عمها الله يحفظه هم اخوه فالرضاعه ..


..... ..... ......

في ذمار ...


مره يونس : بتحاكي صاحبتها في التلفون 📱 .. والله إني ضابحه قووي عندها امانه عمه من حق جهنم ..


صاحبتها : أهم شي بتفعلي مثل ماقلتلش دعممي العمل واجلسي تعذري بالوحام ..


مره يونس : أنا قدنا إشتي أخرج بيت وحدي بس مشنا داريه كيف أفعل وزوجي معلق باأمه ..


صاحبتها : أنتي داريه ياخبلاء اجلسي اداحسي انتي وياها وافعلي مشاكل بس كن رجعيها الغلطانه وتريحمي قبال زوجش لما تخليه هو يضبح منها 😤..


مره يونس : تمام إن شاء الله ماعليش الإ أخليه يتعلق بي قووي ويكن يدافع عني ويضبح من امه ويخرجني بيت وحدي ..


صاحبتها : أيووه هكذا عيس وبعدا ماشاء الله مشهم قله بيت شيوخ يقدروا يخرجوش وحدش والكل ..



@qesasanani

بارت 129


في بيت حميد ..


تقيه : غمزت لها 😉 وبتأشر لها صلا ساميه .. هآه هذا ابن عمش الي اتصل ..


نوال : قحصت شفايفها ركزت انها تحاكت بدون ماتنتبه من الفرحه قدام ساميه 👄 هآه . أيوووه قال مرته واحمه واتصلوا يبشروني 😬..


تقيه : لفتت لساميه .. يووه ماشاء الله عليه هذا ابن عمها مع انها غر أخته فالرضاعه لوتبسري كيف يحبها قوي ويعاملها الإ تقلي أخته الصدقيه 😁..


ساميه : الله يخليهم لبعض يارب 😃..

نوال : أمين يارب ويخلي لش كل من تحبي ..


تقيه : هيا علي علي الصوت حق التلفزيون 📺 قد الساعه خمس عيدوا الحلقه ذلحين نبسر هذك المجرمه مافعلت بمره ابنها ولفتت لساميه لوتبسري يابنتي ع قصه وبتحكي لها الأحداث ..



....... ....... ........

خارج عند باب الحوش 🚪..


عبدالصمد : نزل من فوق السياره 🚘...

سمير : مسنب مراعي عند الباب 🚪 وطارح يده عرض الجدر .


عبدالصمد : قرب لجنبه وبيضحك ههه 😂 منك صدق خرجت لي للباب ياسعم تاشرلي البيت ...


سمير : مد يده 👋🏻 يسلم عليه هيا اقرب كذا نسلم عليك ياسعم عادنا غر إبسرتك ...


عبدالصمد : بيسلم عليه وهو بيضحك 😘 للمه ياسعم منين عيبسرنا ..


سمير : افرض يبسرنا من طاقه الديوان ولاشي نفعل احتياطنا .. مسكه من كتفه وبيدخلوا 👬..


عم حميد : كان موطي راسه بيقطف القات 🌿 ...


عبدالصمد : دخل هو وسمير .. السلام عليكم ..

عم حميد : رفع رآسه .. وعليكم ال... ماكملهاش ..😳 انصدم وتسمر مكانه ..

عبدالصمد : أول ما أبسره ابتسم 😃 هذا عمي حميد وقرب بيسلم 😘 عليه ويحضنه كيف أنتوا ياعم حميد ما اخباركم كيف الدنيا .


عم حميد : مصدوم😳 مشو مصدق ان الي قدامه عبدالصمد وفي نفس الوقت حس أن أخيرا لقيوه اختلطت مشاعر الصدمه بالفرح ... كيف أنت ياولدي ما أخبارك ..


سمير : بيحك رآسه مبتسم 😊 طلعتوا معرفه .. وداخل نفسه .. حميت هذه الخطط 😬..


عبدالصمد : الحمدلله أنا بينشتغل مع سمير في شركته فالحديده 🌊 وانتوا كيف انتوا وكيف أمي تقيه ..


عم حميد : ماحبش يبين له انه عارف بشي .. ويشتي يعرف هو قد تزوج او لا🤔 ... ذلحين قلي كيف ذمار واهلها كيف ابوك وعمك قد سدوا وأنت مازد فعلت زد تزوجت ببنت عمك ..



عبدالصمد : والله ماقلكم الإ خير أهل ذمار والله ماعد لي علم با أخبارهم تعبت من مشاكلهم ورحلتي عمي مارضيش يزوجني ببنته ...


عم حميد : آها .. يعني قد تزوجت بواحده ثانيه ..

عبدالصمد : ماشي والله عادنا بغير زواجه ..

عم حميد : تنهد بفرحه 😃 وفي نفسه الحمدلله يعني عادهو بيحب نوال وماسخيش عليها ..


سمير : هيا عم حميد مدام طلعتوا معرفه مارائك نزوجه ع يدك و نطلب له يد بنتكم المصون 💍..


عم حميد : اتفاجاء 😳 هآه بنتي ... اسهل اسهل خلينا نأجل هذا الموظوع ذلحين معي موظوع أنا وعبدالصمد قبل مانزوجه . ..


سمير : اصترع 😅..


عبدالصمد : خير موظوع مه ياعم حميد ..

عم حميد : ذلحين خلينا نخزن ونجلس شويه وبعدا معانا الليل بطوله انت الليله ظيفي مدام وانت جيت من الحديده 🌊..


عبدالصمد : حاضر من عيني شجلس عندكم نتجابر وبعدا شرجع عند سمير أرقد معانا ورق📑 نراجعهن ..


عم حميد : الله المستعان .. حرام ماتدي خطوه وماترقد الليله الإ عندي 😃..


سمير : دكمه بيده .. وشاوره دلا .. هيا أحمد الله شكله عيشبحك بيده واسنانه ويزوجك ببنته 😂..


عبدالصمد : ضحك عليه 😂 .. ذلحين ماشاء الله قد معاكم بنت فالجامعه عيس انكم زيد اديتوا جهال بعد العيال الله يرحمهم ..


عم حميد : بيهز له رآسه بإبتسامه ☺ عنتجابر عنتجابر ...



🌹meme_abdalgaleel


@qesasanani

بارت 130



العشي 🌚..

في بيت عبدالكريم ...

سامرين في المجلس ..

سميره : طارحه ايديها فوق فوق👋🏻 يوووه لوتبسر ع فراش معاهم ولا ع عمر وحلا أنا اشتي تشتري لي ساع فراشهم ما احنا ناقصين عليهم كلنا تجار ..


عبدالكريم : القلم في يده 📝 والورق بيحسب .. مشو مركز معاها.


سميره : بضبح 😤هزته .. يييه من بينحاكي ..


عبدالكريم : ابسرها ..بعصبيه 😡 ماهو ماهو من الدحس خليني احسب سوى اشتري لش فرش ساع حقها ..


آيه : وأنا إشتي تلفون 📱 إبسرتوا بنتها الي في صف سادس معاها تلفون وصاحباتي كلهن معاهن مابلا أنا بيضحكين عليا ..


عبدالكريم : إهي إهيييه سارين عندها يوم رجعين يتشرطين قد جلستكن في البيت 🏡 أخرج ..


محمد : لفتله بقزازه 😠 مابش تلفون ماقدهوش عليش ماقد تفعلي به ...


آيه : بلقانه فوقه😏 .. انت مادخلك مشو عليك أنا بينحاكي أبي انت إدخل من نفسك وبس تخايلك إني شابطل قرايتي لو قد معي تلفون وارسب ساعك ..


محمد : خفعها بالقاروره حق الماء 🍾 في رآسها عتتعلمي الأدب ولا اقوم أربيش ..


آيه : بكيت 😭هيا ابسروه اشهدوا عليه والله لأظربه وشلت القاروره تشتي تخفعه ..


سميره : مسكتها من يدها وبتصيح 😡بس انت وياها عنهجع وبعدا مادخلك هي حره تشتي تلفون ..


محمد : أيووه مايكفيش قد كودها بتتدلع وتتخيبل فالمدرسه زيد ادولها تلفون 📱 وانا مدخلني سعمنهي بنتي ..


عبدالكريم : بضبح 😤 قدنا في غرفتي احسب لي 📝 جيت اجلس عندكم . لفلف ورقه وقام ..



......... ........ ........



في بيت الحج عبدالله ..



أحلام : تمت تعشي العيال وبتداعيهم يارزق يايزن يله رقده 😴 شرق عليكم ..


رزق : بيصيح لها قوى خلينا زيد شويه نسمر مع أبي ..

يزن : أيووه ياماما خلونا نسمر مع سيدي 👴🏻..


أحلام : دخلت لعندهم مبتسمه 🙂 بتتحاموا بعمي هآه تشتوا تهربوا من الرقده ..


الحج عبدالله : ماسك يزن ع يمنيه ورزق ع شماله .. خليهم زيد شويه وانا شاخليهم أنا يقوموا يرقدوا 😴..


أحلام : خلاص حاضر بعدكم ..

رجاء : اقوم اقرب لك العشاء ياحج 🍛..


الحج عبدالله : مع اسلمي ..شابع مابش نفس ..


أحلام : ماينفعش هكذا ياعم بتجلسوا بغير اكل وصورتكم هذه اليومين مشي معجبه لي مابلا غطوه اخطوا المستشفى 🏨 أنتوا وأحمد ..


الحج عبدالله : إن شاء الله .. قد أحمد جاء من المذاكره 📖 أو عادوهو ..


أحلام : عادهو وصل دخل غرفته بيبدل 👕👖..


الحج عبدالله : خلاص تمام قليله يتم ويجاوبني ..



...... ....... ......


في بيت حميد ..



عم حميد : خفع عبدالصمد في فخذه .. حيا الله بعبدالصمد 😃 نورت البيت ..


عبدالصمد : جالس محرج منه ☺ بيحس به شي في وجه عم حميد ... النور نوركم ياعم ..


عم حميد : هيا قوم إبعد القات أمد ما اقلهم يقربوا لنا العشاء 🍛 ونرجع نتجابر ...


عبدالصمد : بيتحاكى وهو مرتبك 😅 مدري مالي بينحس في عيونكم كلام بس مشنا داري ماهو ..



عم حميد : ضحك هههه 😂 كلشي في وقته حلو . هيا قوم أمد ما ادخل بساعتي اقلهم يجهزوا العشاء .🍛 و دخل قال لتقيه . هيا جهزين لنا عشاء معي ضيف ولا أبسر احد يدخل صليا ....




@qesasanani

بارت 131


في ذمار ....


صالح : جالس بيتعشى 🍛 ..


خيريه : جالسه جنب رآسه بتهذي .. ولاحتى يزد يقل معي خاله ولا يتعذرني يخرجني معاهم خرج ابنك هو ومرته من عصر عادهم روحوا ذلحين شكلهم تعشوا خارج والكل 🍱 ماعد بش فيه حياء يدخل مرته مطعم ولايزد يستحي ويديلنا معه عشاء ...


صالح : إسكه بسش هدار إكسرتي رآسي إبنك وإبنك ومرته إسكه يوم قليلي يونس فعل ولاترك مع مابلا طارق ذيه المسكين حانب في حلقش ...


خيريه : عوجت فمها 😏منيحين هذا الحب كله نزل وهي بتحطم إبسرت قدامها طارق ويسرى داخليين .. قامت هيا هاه إجلس أنت وابنك وبنت أخوك أسير أمتد لي خاطرك ولفتت ليسرى وارفعي العشاء حق عمش وخطيت 🚶🏻‍♀..


طارق : دخل وماسك يد يسرى 👫 مساء الخير كيف انتوا ..

يسرى : كيف أنتوا ياعم ..

صالح : الحمدلله .. هيا بسم الله اقربوا اتعشوا ..


طارق : يهنأبالعافيه قد سبقناكم شليت يسرى لعند الدكتوره كانت تاعبه وتعشينا خارج 🍱

صالح : مالش يابنتي مابيوجعش ..

طارق : إبتسم 😊 هوذا جينا نقلكم مالها قالت الدكتوره انهي واحمه وان شاء الله لافي بطنها ولد عنسميه صالح مثلكم ..


صالح : فرح 😃الف مبروك ياعيالي وبيجابر نفسه ع قولتك ياتقيه طارق العاصي قدوذا عيسمي ابنه بإسمي وإبنش الطايع ماخرجت من فمه قال ترجع مرته تختار الإسم الي يعجبها إسم صالح قديم ...


..... ..... ....


خارج في المطبخ ..

خيريه : دخلت تدي لها ماء قبل ماتخطى ترقد ..

مره يونس : دخلت المطبخ وابسرت عمتها قدامها فتحت الثلاجه وشلت قاروره ماء وسكبت شويه فالارض وارتجمت سعم طحست وبتصيح يايووونس ييييه وتبكي 😭...

خيريه :بتبسرها مستغربه 😳 يوووه مالش ارتجمتي فالقاع هيا قوومي من الخباله عتستبردي وانتي واحمه ..


يونس : حمل يبسر مالها 🏃🏻 دخل وهي بتبكي 😭 مرجومه فالقع وامه مسنبه بتتفرجها وفي يدها الماء ..
قرب بيقيمها مالش كيف ادربتي وانتوا للمه يا أمه ما تشبحوها مسنبين بتتفرجوها سكته .


مره يونس : بتقلد انها بتتوجع آح ياظهري وتبكي 😭 كيف تشتي يشبحوني وهم بالعاني سكبوا ماء للقاع وانا وطيت امسحه وهم دهفوني قالواعيس يخرج الجاهل ماقد يشتوش جهال فالبيت عنعجز بهم ..


خيريه : خفعت وشها .يوووه 😱 ياكذابه أيحين فعلت هكذا .


يونس : بعصبيه وصياح 😡 ليش عاد عتكذبوا يا امه اوذا الماء في يدكم وبعدا هذه الحركات افعلوها ع أبي ولا قدنسيتوا اني داري بحركاتكم .. شبح مرته وبيخطوا👫 ..

مره يونس : بتقلد حركات ووجع آي آح للمه بتفعل بي هكذا أمك وتبكي 😭..

خيريه : واقفه بتتفرجهم مصدومه 😳 من تصرف ابنها ومرته ..


...... ..... ......

في بيت الحج عبدالله ..


أحمد : هاه سيد دعيتوني 😃..


الحج عبدالله : بإبتسامه 🙂 وبياشر له بيده 👋🏻 هيا جي جنبي هيه نتجابر ..

أحمد : جلس جنبه ..

الحج عبدالله : ذلحين ماشاء الله قدك رجال وهذه السنه اخر سنه لك فالمدرسه 😃 مارايك لونخطب لك فالعطله ونرجع نزوجك بعد الجامعه ..


أحمد : ارتبش 😅 هآه .. اصلا ياسيد ماقدهوش وقت هذا الموظوع كما تميت قرايتي خطبت💍 وإتزوجت ..

الحج عبدالله : وأنا ماقلتش قد عنزوجك.. أنت قلت قبالك بنت ذلحين نحاكي أهلها نحجزها لك..


أحمد : ضحك بخزا ☺ عادهي صغيره ياحج عادهي فالمدرسه شاكمل الجامعه وهي عتمتحن ثالث ثانوي ..


الحج عبدالله : ابتسم له 😄 حالي هكذا خيرته هيا ذلحين منهي أنا الصدق إشتي أفاتح لك فيها وأطرح كلمه عند الناس لايقع بي شي ولا شي ماشركنش ع أبوك ولا أمك يزوجوك ...


أحمد : بعد الشر عليكم الله يديلكم طوله العمر ..


الحج عبدالله : هيا قلي منهي 😍..

أحمد : وطى رآسه وخزي ☺ هبه بنت عمي عادل ..


الحج عبدالله : ضحك هههه 😂 وانا بينقل مالك يامعرص كودك بتجعل لها وتجلس توبهه لها ومايعجبكش لو أحد زعلها .. ذلحين قلتلي هيا مدام وهو هكذا ماعليك شي شطرح كلمه عند عمك عادل وهو اكيد ماعيرفضش ..


أحمد : لكن أمي ماعترضاش ولا أبي 😔..

الحج عبدالله : مشوو قولهم القول قولي وبعدا انت ابني اوذك محمد يزوجوه بمن يشتوا ..


🌹meme_abdalgaleel


@qesasanani

بارت 132


في بيت حميد ..


عم حميد : قرب لهم العشاء 🍛🍲 هيا كل ياولدي للمه بتخزا ..


عبدالصمد : اسلموا قدنا بينكل 🙂..


عم حميد : بيتفرجه بإبتسامه 😊ذلحين قال سمير أزوجك ببنتي اومه ..

عبدالصمد : خزي منه ☺ هآه هو مجنون هكذا بيربش كوده بيدحس يشتي يزوجني ..

عم حميد : وانت للمه ماتتزوج ولا مشنت حمل مسؤليه بعد مافلت نوال بنت عمك وهربت ومشنت داري حيه ولا ميته...


عبدالصمد : 😳 انصدم من كلامه وحنبت اللجع في فمه .. اشترغ وبيسعل اح اح ..


عم حميد : خفعه في ظهره بيده 👋🏻 واسكب له ماء .. هآه اشرب اشرب لاتطفح علينا بعد كرهن لقيناك ..


عبدالصمد : بدهشه 😳 مادراكم ..


عم حميد : بيتفرجه ومفتح عيونه 🙄 ذلحين عتقلي ليش فلتها ليش مارجعتش تدورها للفندق ..


عبدالصمد : وطى رآسه بيتذكر نوال ونزلت دموعه 😭 والله اني وقفت لها تاكسي 🚖 وقلتلها تجهز اللده نخرج من الفندق لانه اكيد رجال عمي عيلحقونا ليه بس ماقدرتش اسير العشي لاعندها لانه جلست اهرب منهم وواحد منهم ضرب عليا بالمسدس بس الحمدلله جرحت بس جرح في رجلي ودخلت اتخبيت في شارع ظلمي وراعيت للصبح كنت راكن راكن انها عتراعي لي فالفندق🏚 سيرت ادورها وماعدبحدهي قالوا لي إنها حاسبت وخرجت.. وأنا من يومه وأنا بيندور عليها في كل شارع قد اتشحططت لما قلت بس واشتغلت كلشي من حمال لاعامل في بوفيه امسح الماسات بعد الناس وأغسل الصحون 🍽 لماهربت الحديده بعد ماطارق ابن عمي رسلي انهم عيقتلوني واشتغلت بياع ايسكريم في الحديده وبيحكي له مازد حصل معه وانه جالس بدون زواج ماقدرش يحب غيرها بس سمير وعامر بيدحسوه لان مشهم داريين بشي ...


عم حميد : مسكه من كتفه 👋🏻 وهي يا ابني والكل قد تشحططت بعدك لماقالت بس وقد حصل بها كذا وكذا بيحكي له ...


عبدالصمد : غطى عيونه بيده وبكي 😭 يعني نوال بخيره اللهم لك الحمدو الله لا سامحش ياعمه خيريه ولا ألحقش خير إحنا في سبتها ربي لارحمها ..ومسح دموعه بسرعه بيده .. بس مادراكم ياعم بهذا كله وانهو وقع بها هكذا أنتوا داريين أينهي قوى أنا فدال رجلكم قلوا لي أينهي والله مايغمض لي جفن الليله الإ وانا عندها .. وقرب يشتي يبوسه في رجله 😘 ..


عم حميد : بعد وشه بيده 👋🏻 الله المستعان يا ولدي قوم اجلس بنت عمك في الحفظ والصون لكن ماهذه المره والله ماعاد تشمها ولا أقلك أينهي الإ كما اديت ابوك وجيت تخطبها💍 وتشلها من عند اهلها الي هي عندهم ...


عبدالصمد : كيف أخطب مرتي 💍 ياعم حميد وبعدا كيف أدي أبي وانتوا داريين انهم بيلحقونا يشتوا يقتلونا 🔫 ذلحين قوى أنا فدالكم قلوا لي أينهي ومنهم اهلها وأنا شاسير احاكيهم وأشرح لهم ماحصل معي ..



عم حميد : البنت الي يشتي يخطبها 💍 لك سمير هي بنتي نوال ياعبدالصمد الي لقيتها فالشارع وهي تحرق القلب 💔 والي صدمتها السياره لما ابسرت طارق وهربت منه والي دوخت وماتت رعب لما إبسرت أبوك قدامها والي كل يوم بتموت قهر وحرقه ع نفسها وعليك ..


عبدالصمد : تنهد بفرحه ولمعت عيونه 😃 يعني نوال هي بنتكم وانا وياها تحت سقف واحد سالتكم بالله ياعم حميد لما دعيتوها والله ان قد روحي وقلبي ❤ وحسي عيخرجين عليها أبسرها زيد يوم في حياتي واموت بعدها..


عم حميد : بيهز رآسه ماشي .. أولا هي مشي داريه انك هاناك .. وثانيا معاهم اخ وعم ضروري يعرفوا بالموظوع قبل ما اتصرف أو أفعل أي شي ...


عبدالصمد : بس اخوها وعمها عيقتلونا الإثنين لأنهم مش فاهمين الي حصل ...


عم حميد : إطمن قدهم فاهمين كلشي وطارق وعمك كودهم هانا عند نوال 😃 وماعاد حارق قلب أبوك الإ انت بيدورك يشتي يطمن عليك ..


عبدالصمد : فرح 😃 صدق .. طيب مدام دريوا ليش نوال مارجعتش عندهم ..

عم حميد : لأن عمك صالح مشو داري بشي وبيحكي له كل الي حصل من أوله ..


وخرج تلفونه 📱بيتصل للشيخ قناف ...



توقعاتكم ... ايش عتكون رده فعل الشيخ قناف ونوال وطارق لما يعرفوا بوجود عبدالصمد 🤔.


@qesasanani

بارت 133



في بيت عادل ...


تهاني : هيا إبسرت من كثر ماكودك بتجعل لها 🍫🍭🍡 وتشتري لها من هذه القلافد مازد رضيتش تتعشى رقدت بغير عشاء ..


معاذ : قدهي شابعه أكلت كيكه وعصير وشبس 🍘🍹 ..


عادل : قلي كيف قدك في اللغه ..


معاذ : الحمدلله بينحس انه استفدت خيرات قوي زياده ع المدرسه 🏫..


عادل : الله يوفقك وتسبر لك المنحه يا ابني شاسير الخميس وأبسر كيف ..


وهم بيتجابروا رن تلفون عادل 📱..


عادل : أهلا وسهلا بالحج حقنا كيف أنت 😄..


الحج عبدالله : اهلا بإبني القاطع ولاعد زد جيت ..


عادل : ماسخاني ياحج وانت داري بس والله اني انشغلت هذه اليومتين امتحانات فالمدرسه 🏫 وزيد بينلاحق بعد منحه معاذ ..


الحج عبدالله : الله يسهلها له ويوفقه يارب .. ذلحين إسمعني مارائيك ترجع تمر لعندي هذه اليومين معي موظوع إشتي أرجع أجابرك فيه ..



عادل : من عيني قدنا بينقل للخميس وعنجي كلنا بس لو الموظوع مهم شاجي غطوه ...


الحج عبدالله : مع مشو لهذه الدرجه إسهل كما الخميس نتلتقي إن شاء الله ...


...... ....... .......


في ذمار

في بيت الشيخ قناف ..


الشيخ قناف : بيجاوب تلفونه 📱حيا الله بالحج حميد ...


عم حميد : الله يحيييك ياشيخ كيف انت وكيف أحوالك ..


الشيخ قناف : الحمدلله كلنا في نعمه وبنتي كيفهي والله مازد قدرت اطلع أبسرها قلها تسامحني ..


عم حميد : قدك عتطلع الصبح ان شاء الله وتبسرها ..

الشيخ قناف : استغرب 😳 أطلع الصبح ..خير مابه او نوال فيها شي ..


عم حميد : مع مع إطمن والله إنهي بخيره بس معي موظوع مهم قووي ومايتأجلش مراعي لك الصبح🌝 ان شاء الله انت وطارق ...



الشيخ قناف : ان شاء الله .. غلق التلفون وهو مطنن 🤔 بيفكر مايشتي منهم ..


...... ..... .....



في بيت حميد ..

عم حميد : غلق معه 📱ذلحين أزيد اتصل لطارق ..


عبدالصمد : هكذا عيقلقوا عيقلوا يعلم الله مابه ..

عم حميد : لو كنت اقل لأبوك ذلحين ما اظمنش رده فعله قبال أمك واهلك ومشتيش احد يدرى ولاخبر يوصل لعمك صالح ..


عبدالصمد : آها .. كان قلتوا لي .. وابتسم ☺ هيا عم حميد قوى ادعوا نوال خلوني أبسرها والله أن قلبي ❤ بيفور فور أخيرا لقيتها وبيني وبينها جدر وماناش قادر أبسرها .


عم حميد : ضحك عليه ههههه 😂 قد صبرت 11 سنه ماعاد عتقدرش تصبر ليله خرج تلفونه واتصل لطارق يقله يطلع الصبح مع عمه ..


...... ....... .......


تقيه : يعلم الله🤔 من هو هذا الي عند أبوش اول مره أساله ويقلي رجال ماتعرفيش ...


نوال : مدري وبعدا قد جو شلوا لهم بطانيات والكل شكله عيرقد😴 عندنا ..


تقيه : إبردي .. كما رحله عندرى منهو ...



....... ...... .......


في بيت سمير ..


ساميه : بتضحك 😃 سبحان الله كيف الدنيا صغيره احنا بندور وبنفعل خطط نعرفهم ع بعض وإنهم طلعوا أهل ومعرفه ..


سمير : بيضحك هههه 😂 أيووه وبعدا لو تبسري كيف وقع شكلي ساع الأخبل بينهم هم بيتجابروا في مواظيع خيرات وانا ساع الأطرش في الزفه ..


ساميه : اممم 🤔 تقل عمي حميد عيرضوا يزوجوه بنوال مدام وقد طلعوا معرفه ..


سمير : هز رآسه والله مدي لش علم .... أصلا حسيت أن عيون عم حميد وكلامه واصراره ع رقده عبدالصمد عنده كان وراه شي بس ماهو مدري كما رحله عبدالصمد عندرى مابه ..



@qesasanani

بارت 134



ثاني يوم الصبح 🌞..



الحج عبدالله : بيخطى🚶🏼 وهو تاعب بيستند ع حقه العصيه .. وصل للمحل جلس فوق الكرسي . بيدعي العامل .. إدي لي ماء بسرعه ..


العامل : حمل إداله ماء .. هاه عم عبدالله أشرب🍸 ..


الحج عبدالله : شل الماء 🍸 وشرب .. الحمدلله ..


العامل : ياحج عبدالله بينبسرك هذه الأيام تاعب ليش ماتسير تتعالج ..


الحج عبدالله : للمه او عد معي ولد يسأل ع أبوه ويجي يبسر ما أشتي يله لا ابسرته فالمحل شويه وهو ساع الملقوص عاد عيجي يشلني المستشفى 🏨ابرد لك بس يا ابني الشافي الله ..


العامل : زعل عليه 😔 انا ابنك أنا ياحج قوم وانا اشلك أنا ..

الحج عبدالله : إبتسم له🙂 ومسكه من كتفه .. إسلم اسلم الله يبارك فيك


العامل : ياعم عبدالله إشتي اقلك شي بس مشنا داري كيف أبداء ..


الحج عبدالله : مالك او محتاج زلط 💴 ماتشتي يابني لاتخزاش مني ..


العامل : مع مع والله اسلموا خيركم سابق .. مابلا هذا عمي عبدالكريم قدله فتره بينحسه مدري كيف بيلعب بالحسابات ويشل بضاعه من المخازن ومايقيدهاش في الدفاتر وبضايع مايخليناش ننزلها ونعرضها لما تنتهي ...


الحج عبدالله : حس رآسه لف به 😇 وسوم ..

العامل : مسكه بيده .. مالك ياحج ..


الحج عبدالله : بقهر ورزعل 😔 هآه ولاشي بس ليش بيفعل هكذا مانقلش انه محتاج لزلط💴 مشنا مقصر معه بشي .. يمكن يا ابني انك ماركزتش والبضايع مقيده في الدفاتر ..


العامل : الصدق ياحج بس انا سمعت وماسخيتش اقلكم لاتغثوا .. ابسرتوا كيف اوضاعنا اخر فتره والتجار بيقلوا به بضاعه ساع حقنا بس ارخص جلست اتابع والاحق الموظوع أبسر ماهو وانه طلع به محل جديد فتح بيبيع نفس بضاعتنا ولما بعسست طلع المحل حق عمي عبدالكريم ..



الحج عبدالله : وجهه حمر 😡 وضغطه أرتفع ومسك فوق قلبه ❤ يعني قصدك ابني كان بيسرقني وفتح له محل من ظهري وبداء يصيح ويتنرفز للمه ماقصرت معه للمه ابني يفعل بي هكذا وبيصيح ويخفع الجدر بيده ..


العامل : مسكه وبيحاول يهداءه ويجلسه . اذكر الله ياحج اهداء صل ع النبي انت تاعب ابوها الحق والزلط 💴 اهم شي صحتك ..


الحج عبدالله : بيراجم البضايع المعروضه بعصبيه 😡 يلعن ابوها بضاعه وحق . أنا في ابني الي طعني من ظهري اين عنوان المحل حقه اديه الآن واتصلي لعادل قله يجي ذلحين يفلت كل مافي يده والآن يجيلي ...



العامل : اتصل لعادل وبيقله يجي بسرعه وان الحج عبدالله تاعب .


عادل : طلع بسرعه استأذن من الإداره وساق السياره بسرعه 🚘 وسار يبسره ..



..... ...... .....

في مدرسه آيه ..

صاحبه آيه : إبسرتي هذك الولد الي اسمه هاني الي في صف ثالث ثانوي .


آيه : أينهو معرفش .

صآحبه آيه : هذاك الحالي الي شعره أشقره وابيض

آيه : هآه عرفته .. ماله ..


صاحبه آيه : اوذك انا قلتلش بينحب واحد وأجابره فالتلفون 📱 هو صاحبه وقلي اقلش انه معجب بش ويشتي يتواصل معش قلتله مابش معش تلفون واليوم مكني هذا التلفون 📱 وقال اديه لش منه هديه وتكن تجابريه منه ..


آيه : افتجعت 😰 يوووه مع والله لو يدرى محمد لايقتلني وبعدا انا قلتلش معجبه بمنير ابن جيراننا حق الحاره الأوله ..


صاحبه آيه : حطت التلفون في يدها 📱وبداءت توسوس لها 😈 ابسري ع تلفون ادالش ياخبلاء وبعدا ناهي حبي منير محد عيشبحش وهذا جابريه بس وعيكن يديلش هدايا والحاجات الي مابيرضوش اهلش يدولش ياخبلاء سعما بينفعل ومحد داري كن خبي التلفون وبس وجابريه ومحد داري.



آيه : جلست متردده وبعدا تفكير 🤔 شلت التلفون من يدها 📱..


صاحبه آيه : خلاص في المرواح عنخطى من عندهم وأنتي افعلي ليه باي وابتسمي ☺ يدرى انش موافقه تحاكيه ..


🌹meme_abdalgaleel


@qesasanani

بارت 135



في بيت حميد ..


تقيه : بتدق الباب لعم حميد ✊🏻 ..

عم حميد : مالش .. قد بتجهزتي الغداء ع ماقلتلش 🍛🍲 عيجوا الضيوف بعد شويه ..

تقيه : ناهي ماقد عنطيرش ع الغداء🍛🍚 عاد الصبوح ماقد اهتظمش ذلحين قلي منهو هذا الي عندك ومن الي عيجي مالك مخبي علينا هكذا ..


عم حميد : كما جو الظيوف انتي عتدري بكل شي اهم شي وينهي نوال ..


تقيه : داخل بتشرع فالغداء قبلي 🍛 ..

عم حميد : خلاص لما أدعيها ارجعي خليها تدخل لعندي بس خليها تبدل سوى 👚مش تدخل بلداه المطبخ ..


تقيه : حطت يدها في وشها 😱للمه عتدعيها وللمه تبدل مابتفعل ماهو حقك هذا الجنان صورتك قد بتخرف يارجال ...


عم حميد : ضحك هههه 😂 والله هكذا ياتقيه تسخى عليا قدنا بينخرف هآه ..


باب البيت بيدقدق 🚪..

عم حميد : بهرر فوقها 🙄 هيا دخله داخل هآه .. قدوذا الضيوف جو ..


تقيه : خطيت 🚶🏻‍♀وهي بتحطم ودخلت تشكي لنوال وتقلها ماقال..


عم حميد : دخل لعند عبدالصمد .. قدوذا جو يله ادخل المكان الثاني ولا اسمع لك صوت لما ادعيك 🙊..


عبدالصمد : حس قلبه 💗 بيرجف واطرافه مثلجه مشو مستوعب انه بعد كل هذه السنين عيبسر أبوه ويوضح له الحقيقه ويشرح له 😅 دخل المكان الثاني وفتح الطاقه يشتي يبسرهم بس الطاقه للجهه الثانيه مشي لجهه الباب ...



عم حميد : فتح لهم الباب وبيسلم عليهم 😘 حيا الله بمن جاء ..


الشيخ قناق : الله يحييك .. خير مابه والله مارقدت طول الليل من القلق..


طارق : والله ان قد افتجعت لو نوال فيها شي بس اطمنت لما اتصلتلها 📱وحاكتيها ..


عم حميد : بإبتسامه 🙂 او عنتجابر فالباب هيا إدخلوا إدخلوا ...


طارق : أول راعوا ادخل ابسر نوال وأجي ..

عم حميد : مسكه بيده 👋🏻 مع مش وقت مشي داريه انكم هانا كما تمينا موظوعنا عندعيها ..


طارق والشيخ قناف : اتبساروا 👀 يعلم الله مابه ..ودخلوا ..



عبدالصمد : أول ماسمع صوت أبوه حس صدره بيرجف ونزلت دموعه 😭 لا اراديآ كان نفسه يحمل لعنده يحضنه ويطلب منه يسامحه بس مسك نفسه وجلس مكانه مثل ماقله عم حميد ...



....... ...... .......


في المعطاره ..


عادل : نزل من السياره 🚘 بيحمل بسرعه 🏃🏻 مفتجع ع الحج عبدالله .. هيا اينهو ..


العامل : اوذا داخل والله انه مايعجبك بينحسه تاعب وشابح صدره من اول .


عادل : دخل لعنده ...وملامح القلق والخوف في وجهه 😰 مالك ياحج مابيوجعك انا قلتلك اشلك المستشفى مارضيتش وبيمسكه .. هيا قوم نخطى ..


الحج عبدالله : مسك عادل وحضنه وبكي 😭 وبيخفع صدره .. ابني ابني ياعادل فلذه كبدي ياعادل ... عبدالكريم بيسرقني ياعادل فتح له محل من ظهري كان عيقلي يشتي محل وانا شفتح له ولا يطعني هكذا ..


عادل : طنن من الكلام الي سمعه 😳 معقووله عبدالكريم يفعل هكذا .. ذلحين قوم نخطى اول للمستشفى 🏨 ..


الحج عبدالله : أين مستشفى 🏨 قوم خطيني للمحل حق ابني ابسر فلذه كبدي وهو بيزنط من سرق ابوه ..


عادل : ياحج مشو وقته .. عنبسره بعدا اول نخطى المستشفى 🏨 شكلك تاعب قوووي ...


الحج عبدالله : صاح 😡 عتخطيني ولا اخطى لروحي ..


عادل : مسكه بيده . خلاص شاخطيك هيا 👬 وطلعه فوق السياره 🚘...


........ ....... ......

في محل عبدالكريم ..


عبدالكريم : جالس فوق المكتب حقه طارح رجل ع رجل وبيشرب شاهي ☕..


العامل حقه : ياعم عبدالكريم .. قد اتصلوا من البيت قالوا بيتصلوا لكم مابتجاوبوش عيخرجوا يبسروا محل الاثاث الي قالوا لكن ..


عبدالكريم : نفخ 😤 اووف الاوضاع زفت بيندور كيف ادبر زلط البضاعه الي شليت وهي تشتي تفرش بيتها ..



عادل : وصل العنوان وبيجنب السياره 🚘..

الحج عبدالله : نزل وبيطلع درج المحل بيتفرج سعمنهو من خارج وكم بضاعه فيه ويده فوق صدره 👋🏻.


عادل : حمل مسكه وبيهداءه .. دلا دلا ياحج ع روحك كلشي عيحتل ..


الحج عبدالله : دخل المحل وخطواته بترجف وبيمسك بقوه ع العصيه حقه ..إبسر قدامه عبدالكريم فوق المكتب .. ماقدرش يتمالك اعصابه فلت ع طول وارتجم للقاع 😔.


عبدالكريم : ابسره قدامه انصدم 😳 ..


عادل : مسك الحج عبدالله وبيصيح يقيمه ... يييه حج عبدالله يييه ولفت لعبدالكريم بعصبيه 😡مش وقت الطنان جي بزه معي نسعفه للمستشفى بسرعه ..




@qesasanani

بارت 136



في ذمار ...


خيريه : جالسه بتقطع تفاح 🍎 لصالح ... ذلحين مامع إبنك مابيشبعش طلعه صنعاء من اول قد كنت اقل أظاهر لاشي معه مره هاناك وقدهو مزوج لكن ذلحين قدوذا تزوج ماعد معه من السربت دربت ...



صالح : بضبح 😤 أوووف منش من اللغاجه قلنا لش معه عمل هو وصاحبه واليوم هو طلع هو وعمه يشتي عمه قناف يتعاين قال ظهره بيوجعه .. وبعدا بدل الدحس حقش هذا قومي افعلي لش مهره ولا دهره ...


خيريه : زعلت منه 😔 يعني عادهي جزاتي حين جيت اديت تفاح وحنقت وقامت ....


...... ....... .......


في المدرسه حق آيه 🏫..



في المرواح ...

آيه وصاحبتها بيخطين 👭..


صاحبه آيه : هيا جي نخطي من عندهم اوذك هاني بيتفرجش 👀..


آيه : بفجيعه 😰 يوووه مع مع والله لايظربني محمد خلاص شلي حقه التلفون وبس ماعاد أشتيش تلفون 📱...


صاحبه آيه : بتهزرها بيدها ..👋🏻هيا بطلي خباله وبعدا مشو غير تلفون هو عيديلش هدايا وكل الي في نفسش ...



آيه : طنتت شويه 🤔 خلاص يله أخطي لكن مانسيرش لاعندهم نفعله باي من بعيد ...


صاحبه آيه : ناهي تمام .. اشري له بس وابتسمي 😊 ولما تروحي اوذك رقمه مسجل فالتلفون ارجعي افعلي له رنه بس وهو عيتصلش قد التلفون فيه رصيد والكل ...


خطين من جنبهم وآيه أشرت له باي 👋🏻 وابتسمت 😊..


هاني : ضحك لها 😃 وفعلها باي 👋🏻 ولفت لاصحابه .. قلتلكم شاجيبها يعني شاجيبها يرجع محمد اخوها يوريني رجالته ..


صاحب آيه : بس اهم شي إنتبه من محمد لو يلاحظ عليكم شي فالمدرسه 🏫...



....... ....... ......


فوق السياره 🚘..


عادل : بيسوق بسرعه مفتجع ع الحج عبدالله 😰 هيا مه بيتحرك ...


عبدالكريم : جالس وراء والحج عبدالله ممدد فالكرسي . ايوه اسرع بس عادهو بيتنفس بيبسر ابوه وزاعل 😔 هذا كله بسببي ..


عادل : بيصيح فوقه 😡 حرام عليك تفعل به هكذا هو بأيش نقص عليك وفي الأخير تطعنه هكذا من ظهره ..


عبدالكريم : بقهر ع أبوه 😰 مش وقت ذلحين هذه المجابره .. اسرع بسرعه نسعفه اول ..


وصلوا المستشفى 🏨..


حضنوه بسرعه وبيدخلوه ..

عبدالكريم : بيصيح ..ييييه معانا إسعاف ..


الممرض : بياشر لهم من هانا من هانا 👋🏻 وحمل يساعدهم يدخلوه ..



الدكتور : ابسره .. ع طول هذا يطلع العنايه نفعله الفحوصات والحاجات الازمه بسرعه ...


عادل : يادكتور ماهو طمني مافيه ...


عبدالكريم : جالس فوق الكرسي مطنن 🤔..


الدكتور : بيساله ..هذا تعرض لصدمه او زعل قووي ..


عادل : أيووووه ..


الدكتور : التشخيص الأولي أعراض جلطه في القلب ❤ ان شاء الله خير .. انت سير شوف الحسابات واحنا عنفعل اللازم ...



عادل : بحرقه عليه 😔 الله يشفيك ياحج عبدالله ونزل الحسابات ..



🌹meme_abdalgaleel


@qesasanani

بارت 137




في بيت حميد ...


في الديوان ...


عم حميد : اهلا وسهلا ياشيخ ..


الشيخ قناف : بهنجمه .. هيا ياحميد مابه قلقتنا😅 ...


طارق : أيووه ياعم حميد هيا قلنا مابه حتى ماخليتناش نبسر نوال ...


عم حميد : صلوا ع النبي أول ..


طارق والشيخ قناف : اللهم صل وسلم عليه ..


عم حميد : ذلحين مارائيكم.. به واحد جاء لعندي قلي إنهو لقي عبدالصمد ويشتي يجي لعندكم ..


الشيخ قناف : بلم .. افتتحت عيونه وابتسم 🙂... ابني بخير . إحلف قل والله عبدالصمد حي وبلهفه... قلي ماقلك أمانه كيفهو.. ما اخباره .. مابيفعل .. يووووه ياريت من يزيد يبسرك بسره واحده ياعبدالصمد ويحضنك ولا مات بعدها يموت ..



عبدالصمد : في المكان الثاني .. سمع كلام أبوه تشارغت عيونه 😢 وماقدرش يمسك نفسه خرج ع طول ودخل للديوان بعد الشرعليكم يا أبه من الموت ووطى ع ركب ابوه يحبهن 😘 ...

طارق : إبسره وإبتسم 🙂..

الشيخ قناف : مسكه ورفعه.. جلس يتفرج وشه ويمسكه بأيديه وهو بيبكي 😭 فقدددتك يا إبني فقدتك وحضنه وبيبوسه 😘..



عبدالصمد : بيحضنه ويبكي 😭 سامحوني ياأبه سامحوني ..


عم حميد : بيبسرهم ومبتسم 🙂 ماجاء بك انا قلتلك تجلس داخل لما أدعيك ...


طارق : ضحك ههههه 😂 يعني هو انتوا الرجال الي لقي عبدالصمد ..


الشيخ قناف : جلس وجلس عبدالصمد جنبه وماسك يده 👋🏻 وبيتفرجه ..


عم حميد : والله لوتبسر كيف لقيته وبيحكي لهم ...


طارق : آها ... يعني نوال ماقدهيش داريه إنهو هانا ..


عبدالصمد : ماشي ياطارق من امس بينتراشاهم يخلوني أبسرها مارضيووش...


عم حميد : ابسر الشيخ قناف 👀البنت قدهي بنتي اوماقلت ياشيخ ..


الشيخ قناف : أكيد بنتك ومحد يقدر يقل كلمه ..

عم حميد : عبدالصمد يشتي يبسر نوال 👀وأنا قلت له ماعيبسرها الإبعد ما احاكيكم وأحاكيها ولو البنت راضيه ماشديها الا بخطبه💍 وعرس وماعتخرج من بيتي الإ حريوه 👰🏻 ساع كل البنات مابيخرجين من بيوت أهاليهن او ماقلت ياشيخ ....


عبدالصمد : إبتسم وفرح 😄 وفي نفسه ايوه ياريت نفسي اعوضها وتتعرس مثل كل البنات ...


الشيخ قناف : أيوووه ... مابلا هذا الكلام الي يقلوا به الناس بس قبل هذا كله إشتي عبدالصمد يحكي لي ماحصل وكيف هرب هو وبنت عمه واشتي افهم منه كلشي بالتفصيل الممل ...


...... ...... ......


في المستشفى🏨 ...



عادل : إتصل لتهاني 📱 يقلها انه فالمستشفى وان الحج عبدالله تاعب واول مايوصل معاذ من المعهد تخليه يجي لعنده وتتصل لاحلام ورجاء تقلهن وتطمنهن عليه ولو يشتين معاذ يسير يديهن ...



@qesasanani

بارت 138



في بيت الحج عبدالله ..


رجاء : بتجاوب التلفون 📱 وتصيح ... 😱يوووه أيحين. أنا راكنه إن عادهو فالمحل ..


أحلام : سمعتها بتصيح إفتجعت 😰 حملت لعندها مالش بتصيحي مابه ...


رجاء : غلقت التلفون وبتبكي 😭 تهاني إتصلت قالت الحج تاعب عادل إسعفه للمستشفى 🏨..


أحلام : بخوف وقلق 😰قدبينبسرهم اخر فتره شكلهم تاعب ذلحين قومي نستأجر ونخطى انت داريه في اي مستشفى ...


رجاء : قالت تهاني عتجي لنا بتاكسي 🚖 هي ومعاذ هي عتجلس هانا عند الجهال وأحنا نخطى للمستشفى ...


أحلام : يله عيس بدل مانقلق عليهم عيروحوا وهي قبالهم ... اوذا شخطى البس بساعتي ...


...... ........ .........


في بيت حميد ...


عبدالصمد : جالس متكي بيد وطارح يده 👋🏻 الثانيه فوق فخذه ... طيب انا شحكي لكم كل القصه ....


عم حميد : إحكي ياولدي ولو ان قد عندنا خلفيه عن الي حصل بس انت أكيد عندك تفاصيل ..


طارق : بيتفرجه هو الشيخ قناف 👀 مراعيين يتحاكى ...


عبدالصمد : تنهد بحرررقه 😔 ..

طبعا كلكم دارييين مثل ماكان كل الناس في قريتنا داريين إن جدي خطب لي نوال من يوم ماولدت ومن يومها وانا ونوال كبرنا ع هذا الإساس وتعلقنا وحبينا بعض ❤..


بعد موت جدي حصلت الخلافات بين أبي وعمي ع موظوع المشيخه وكان عمي صالح يشتي يقع الشيخ بعد جدي لأنه الكبير بس أهل القريه رفضوا واختاروا أبي لحسن اخلاقه وعلمه وعلاقته الجيده بكل الناس بعكس عمي كان شايف نفسه وبيشل الي يشتي بالغصب ...

طبعا عمي وقتها صاح بين الناس وقالهم أنا من اليوم متبري من قناف ولاعادهو اخي ولا اعرفه والكلام الي بيننا ع بنتي وإبنه انتهي واي شخص يشتي بنتي فالقريه من اليوم يجي من الباب 🚪..


أنا طبعا ماعاد قدرت اتمالك نفسي اول ماسمعت هذا الكلام حملت بسرعه🏃🏻 لابيت عمي صالح ودعيت نوال وواقف عند الباب وقلتلها عمي قال من اليوم ماعدنتيش لي واي شخص يشتي يخطبش يجي لش من الباب 🚪 ...


نوال : بكيت 😭 لما سمعت وقالت لي والله لو يكون اخر يوم في عمري ما اتزوج بواحد غيرك ..


عبدالصمد : وانا قلتلها وانا والله لو ادفع روحي ثمن حبش ❤ يانوال ماتكوني لغيري وشاحاول بدل المره مليون مع عمي وادخل وساطات لما يوافق ...


مر الأسبوع الأول والقبايل والشيوخ بيحاولوا يسدوا بين أبي وعمي وكلكم داريين إن عمي معاند ولا احترم أحد ..

عدت اول سنه بعد المصياحه وانا ونوال بنتواصل بدون محد يدرى وبنحاول نعرف كيف نحلها مع عمي وكان يتقدم لها عرسان هذك الفتره وهي ترفض ..

لما يوم دخلت عمتي خيريه 📱 ع نوال وهي بتحاكيني فالتلفون ..

نوال : افتجعت منها لوتقل لعمي وجلست تبكي وتتراشاها 😭 .

عمتي خيريه : ابتسمت لها 🙂 وحضنتها قالت لها لاتفتجعيش انتي بنتي وبعدا كلنا داريين انه خطيبش ومن اليوم انا شاكن اعاونش ونخلي ابوش يوافق ..


نوال : طبعا استغربت منها 🤔 وقالت لي كيف لها خالتي وقعت طيبه وانتوا داريين كيف تكرهها وتكرهك ياطارق وع معامله كانت تعاملكم وقالت لي مشي مرتاحه لها . وانا قلتلها لاتفتجهيش وطمنتها وقلت لها يمكن انها تشتي تزوجنا 💍 تقل تفتهن منش ويارب تقدر تساعدنا ..

المهم عدت 6 اشهر وعمتي خيريه بتحاول تقربنا من بعض ولما تطبخ🍛 نوال اي شي تبعدلي قسمي وتدي لنوال زلط تشتري لي هدايا في عيدميلادي وطباعها سابره مع نوال قوي بس قالت لها ماتقلش لأحد ..

المهم في يوم اتصلت لي العشي وقالت لي إسمعني انا داريه ان قدك فاقد لنوال قدلك سنه ونص ماعد ابسرتهاش أنا شخرج انا وياها نسمر عند العرس👰🏻 حق بنت الجيران وع سيرتنا شاخليك تبسرها وتحاكيها ...


الشيخ قناف : بيسمعه مطنن 🤔 أيوووه وبعدا ..


عبدالصمد : انا سيرت ساع ماقالت لي وسنبت بعيد عند الشجره الي قبال بيت العرس 👰🏻 ..

نوال : ع خطيتها للعرس هي وعمتي خيريه 👭 ابسرتني ووقفت من بعيد مبتسمه ..


عمتى خيريه : اشرت لي وقالت لي اجي انا سيرت لعندهن وسلمت عليهن .. قالت لي اسمع جي معانا للبيت ذلحين عمك وطارق ويونس عند العرس تبسرها وتجابرها لحد يبسركم ويقل لعمك ..

عبدالصمد : قلتلها ماشي ياعمه . مايسبرش وبعدا هي عرضي وبنت عمي قبل ماتكون خطيبيتي وحبيبتي وماشرضاش ادخل البيت وعمي مابحد ....

عمتي خيريه : حنقت مني ومسكت نوال وخطيت 👭 هيا ناهي لازد تجملت معك ..

نوال : كانت تخطى وتتفرجني 👀..

عمتي خيريه : خرجت تلفونها وبتتصل 📱 بس بعدت عن نوال وهي بتتحاكى ..

بعدها بدقايق بس ما حسيت الا بخفعه في رآسي🤕 ومادريت بنفسي الإ وانا في الديوان في بيت عمي ...

عمتي خيريه : قالت لنوال اسكه ادخلي للديوان اديلي الدواير حقي 🔑 حق الدولاب نسيتهن ..

نوال : دخلت للديوان وابسرتني قبالها وكانت بشعرها وعادها ملبسه ومصلحه بعد العرس 👱🏻‍♀ صاحت يووه مابتفعل هانا ..

انا كنت ماسك رآسي من الوجع 🤕. بينقلها اوووص راعي افهمش ماقدكملتش الكلمه الإ وقد يونس قدام وشنا الإثنين وبيصيح 😡 يا خاين العشره تشتي تخون عمك ومسك نوال بيمشعها

من شعرها يافاجره تدخليه عندش واحنا مابحد وعادش هكذا مصلحه وبيصيح شقتلكم وحمل يدخل يدي المسدس 🔫 ..


عمتي خيريه : حملت بسرعه ادت البالطوه حق نوال وبتقلنا اهربوا بسرعه قبل مايقتلكم 🔫 سيروا لابيت اهلي القديم فاضي وانا شافهمه واهديه قبل مايقتلكم ولاتقع لنا فضيحه وراعوا لي شاجي لعندكم ..

انا ماعد ركزتش في شي حملت مسكت نوال وهربنا 👫 قبل مايقتلنا وسيرنا بيت اهل عمتي خيريه والباب مفتوح دخلنا ومراعيين لها تجي ...

الشيخ قناف : بيسمع الكلام وهو مطنن 🤔 ايووه وبعدا ماحصل ..


........ ...... ........


في بيت عبدالكريم ..


سميره : بتداعي آيه هيا جي عاونيني مالش مغلقه ع روحش الباب🚪 من حين جيتي ..


آيه : بصوت واطي يله مع السلامه 📱 شاغلق ذلحين ياهاني أمي بتداعيني ...



🌹meme_abdalgaleel


@qesasanani

بارت 139



في المستشفى🏨 ...



عادل : جالس فوق الكرسي جنب عبدالكريم .. ولامعبر له ..


عبدالكريم : رن تلفونه 📱 بيجاوب سميره ... هآه تغدوا أنا فالمستشفى أبي وقع لهم جلطه وأنا عندهم ..


سميره : يوووه 😱.. كيف لوما تعبوا ..

عبدالكريم : قام من جنب عادل وبيحاكيها وهو بيخطى 🚶🏼 بيحكي لها ماحصل ..


سميره : يعوووو والفعله .. يعني دريوا بالمحل لعد يشلوه مننا ..

عبدالكريم : إسمعيني رسلي إبنش محمد للمحل يشل الزلط 💴الي فالدرج وخبيها عندش ..



الدكتور : خرج من العنايه ..بيحاكي عادل فعلا مثل ماقلتلك حصلت له جلطه وشلل نصفي بس اليوم عيجلس فالعنايه وغطوه عننقله غرفه ثانيه ...


عادل : اقتهر عليه قووي وزعل
ونزلت دموع من عينه 😢 ممكن أبسره يادكتور ..



الدكتور : طيب ادخل بس وحدك ولاتتعبش المريض ..



...... ...... .......


في بيت الحج عبدالله ..


رجاء وأحلام : لابسات ومراعيات خارج عند الباب 🚪 لتهاني ومعاذ ..


أحمد : وصل من المدرسه وفي يده رزق ويزن 👬 إبسرهن استغرب مالكم هانا ..


رجاء : وهي بتبكي 😭جدك تعب وعمك عادل اسعفه للمستشفى 🏨..


أحمد : افتجع عليه 😢 ماوقع بهم هيا قوموا نسير لعندهم ..

رزق : إفتجع ع أبوه وبكي 😭 وبيهزور أحمد ... هيا قووم شلني لعندهم ما اشتيش أبي يموتوا ساع امي وأخي حسين وبيصيح ..


احلام : مسكت رزق وحضنته ..وبتحاكي معاذ ..خالتك تهاني عتجي ذلحين توبه للجهال واحنا نخطى مع معاذ ..


أحمد : يله ادخل بساعتي 👕👖 ابدل من لداه المدرسه واجي معاكم ..



...... ....... ......



في بيت علي ...


علي : روح من العمل حقه تاعب ...


أماني : إبسرته ..يووه جعلي مكسر قدك تاعب ..


علي : والله ان قدنا واني وتاعب 🤒 شمس لكن الحمدلله قد عنكمل البناء حق المشروع بس عادنا إشتي توفيه زلط 💴..


أماني : كم عادنت تشتي وانا شاقل لأبي يزيد يوفوا لك ماعيتحاكوش ...


علي : مع لاتطلبيهمش أنا شرجع اسير أخزن عندهم ونتجابر عادي وأنكع لهم كلمه وهم عيفهموا ..


أماني : انت داري شاقوم اقرب الغداء 🍛🍚 وأتصل لبيتنا وأقلهن شاجي عندهن وأسالهن اين عيخزنوا أبي ماقد كملتش كلامها الإ وقد تلفونها بيرن 📱 سميره بتتصل تقل لها ان الحج عبدالله وقعت له جلطه وهو فالمستشفى . ...


....... ...... .....


في بيت سمير ..


ساميه : هيا مه اقرب الغداء🍟🍲 صاحبك عبدالصمد ماعيجيش يتغداء ولا عيجلس عندهم ...



سمير : خلاص قربي لنا بس . مدري ماله مابيجاوبش التلفون📱 بينتصله من الصبح ولا منه خبر..


ساميه : اشرت له بيدها 👋🏻 يعلم الله ماله .. انت داري نتغدى وأتصل لنوال واطقس منها لاهي داريه بشي ...


@qesasanani

بارت 140


في بيت حميد ...


نوال : بتحاكي تقيه ..مستغربه 🤔كيف لهم أبي حميد ماقد دعوش نقرب لهم الغداء 🍟🍛..


تقيه : طرحت يد فوق يد 👋🏻 علمي علمش يابنتي☹ والله مانا داريه ماقصته هذا الرجال ولا منهو هذا الي جاء عنده امس ولامن جاء اليوم ولا للمه مخبي علينا هكذا ..


نوال : مسكت تقيه من يدها👋🏻 ورفعت حواجبها بإبتسامه ☺ اقلكم جو نبسر من الطاقه السياره حقهم لو إحنا عنعرف منهم ..


تقيه : إبتسمت لها 🙂 والله انش مفكره على الله واحنا نعرفهم ..


نوال : فتحت الطاقه وبتبسر 2 سيارات 🚘🚘 .. واستغربت 😳 يوووووه هذه سياره طارق بس هذه السياره الثانيه يعلم الله حق منهو ..


تقيه : بتمط صوتها ...طارق مه مالش من الدواعه لو طارق هانا إن قد دعاش ودخل لعندنا وللمه ابوش حميد عيخبي علينا ..


نوال : بتهزرها ... هيا جو إبسروا بعينكم 👀 وبتاشر لها بيدها 👆🏻 هيا إبسروا هذه سياره طارق أومع ..


تقيه : طرحت يدها في وشها 😱 يووه والله انهي سياره طارق صدق لكن مالهم مخبيبن هكذا يعلم الله مابه مدام ومدري منهو هذا الي جاء بالسياره الثانيه ..

نوال : إفتجعت 😰 وثلجت أطرافها يوووه يا امه مشو قد أبي دريوا وجو معاهم يشلوني ..


تقيه : مالش من الخباله ... انتي والكلام هذا اخطي اخطي نتغداء وعندرى كم جلسنا ...


........ ....... ........


في المستشفى 🏨..


عادل : داخل فالعنايه عند الحج عبدالله ..بيبسره ممدد فوق السرير والأجهزه فوقه وفمه قدهو أعوج 😏 ماقدرش يمسك نفسه خرج ع طول وهو بيبكي 😭..


ع خرجته من العنايه ع وصله معاذ واحمد ومعاهم رجاء واحلام مسح دموعه وحاول يمسك نفسه قدامهم ...


احمد : حمل لاعنده .. هيا مه ياعم عادل كيفهم جدي ..

عادل : مسكه من كتفه وبيطبطب عليه 👋🏻 وقعت له جلطه ..


عبدالكريم : كان جالس بعيد إبسرهم قام وخطي بسرعه 🚶🏼 لعندهم بيبيهرر فوق رجاء وأحلام ويصيح 🙄 ماجاء بكن ومن قلكن اصلا يله الان تخلين احمد يروحكن مابش جلسه ولابه لجيتكن فايده ..


رجاء : اول يوم تعلي صوتها فوقه وبعصبيه فوقه 😡 ماشاروحش شجلس عند زوجي تشتي تروح روح أنت ..


أحلام : كانت ساكته بتتفرجه سكته 👀..

عبدالكريم : بيصيح 😡 مالش بتتفرجيني او مخطط ..

رجاء : سحبتها من يدها 👋🏻 جي كذا بس هذا شكل مرته قد عدته قله أدب وخطين ..


عادل : واقف بعيد هو والعيال 👬 بيبسرهم .. بيحاكي أحمد اخطي ابسر مال ابوك شكله بيتصايح معاهن مدري ماله وطمنهن لاتقلهن ان قد اشتل ..


أماني : وصلت المستشفى 🏨 هي وزوجها بيتلفتوا يدوروهم ..

عبدالكريم : إبسرها 👀 يهي يهييييه زد كملت وذلحين كلهم عيدروا ماوقع با ابي اخطى أقل لعادل يسكت فمه 🙊 ولا يتحاكى بشي ..


أماني : جلست جنب رجاء واحلام وهي بتبكي 😭 هيا مه ماقالوا كيف أبي ماوقع بهم كيف تعبوا ..


أحلام : مدري ما ابسرنا تهاني الإ بتتصل تقلنا معاذ عيجي لنا ..

رجاء : قوى يا اماني قلي لعلي يفهم من عادل ماحصل بالظبط وكيف لوما إسعفه هو 😔..


أماني : بتاشر له وهو واقف عند عادل يجي ..

علي : كان واقف مع عادل بيفهم منه ماحصل ..

عبدالكريم : حس ان كلهم عيلوموه ذلحين قام شل نفسه ورحله 🚶🏼..


معاذ : بيدكم أحمد بيده 👈🏻 واشر له أبسر ابوك روح ..

أحمد : مدام وقد فعل بسيدي هكذا لاعادهو أبي ولاعاد أعرفه 😔 الله لاسامحه ومسح دموعه 😢..


معاذ : جي ننزل ندي لهم سندوتشات🌯🌮 عادهم كلهم بدون اكل .



........ ........ .......


في بيت الحج عبدالله ..


تهاني : بتسكت رزق وتهديه هو ويزن بيبكوا 😭.. يله قوموا بدلوا ماتشتوا يقل الحج عبدالله الرجال حقه عادهم جهال بيبكوا ..


هبه : بتبكي مقهوره والكل 😭 ياماما يعني عمي عبدالله عيموتوا ورزق يجلس بدون ام واب...


تهاني : هزت رآسها .. بتبهرر فوقها تسكت 🙄.. يله هيا قوموا بدلوا اديلكم غداء والي عيأكل ويسمع الكلام شتصل لمعاذ وأحمد يجوا يشلوه المستشفى 🏨..


رزق : فرح انها عتشلهم وقام يبدل هو ويزن ...



@qesasanani

بارت 141


في بيت حميد ..

داخل فالديوان ...


الشيخ قناف : طارح يده فوق خده 🤔 ايووه يا ابني وبعدا ماحصل بعد ماسيرتوا بيت اهل عمتك خيريه القديم ..


عبدالصمد :بيذكر ماحصل وتنهد 😔 جلسنا مراعيين ساعه ساعتين ولا به لعمتي خبر .. قلت لنوال خلاص قومي شاروحش وعنشرح لعمي الي حصل ماينفعش نجلس وحدنا في هذه البيت والدنيا هانا قفره الغلط غلط ..

نوال : كانت مفتجعه وبتبكي 😭 كيف عيفهموا أبي ماعيقلوا ماعيصدقوناش لمايبسروني روحت انا وانت هذه الساع ويونس يقلهم ..

عبدالصمد : قلتلها يله قوومي والله هو داري بنيتنا مايصلحش نجلس هانا وحدنا وقمت شليتها نروح ..

خرجنا من البيت الا وقدحنا بنسمع اصوات الرجال والدنيا مقلوبه وولد صغير ابسرنا وبيصيح اوذا عبدالصمد هاه كانوا داخل هذا البيت 🏠 انا فهمت ان قد الدنيا مقلوبه وبيدورنا حسيت ان الموظوع كبر مسكت نوال وبنهرب 👫 انا وياها وقفت تاكسي وطلعنا صنعاء واول ماوصلنا والله مابديت الإ خطينا طريق جامع ال*** عقدت عليها وتزوجنا قلت والله ماتجلس معي الا وقد مرتي واسكت اي فم يقل عليها اي كلمه غلط واتصلت لعمتي خيريه أقلها ماحصل قالت لنا اوبهوا ترجعوا قد ابوك وعمك بيدوروكم يونس قلهم انهو لقيك عندها قلت لها انا عقدت عليها وشتصل لعمي وأبي افهمهم ماحصل وانتوا عتشهدوا معانا وعتقلوا لهم الي حصل. .

عمتى خيريه : ضحكت بسخريه 😬 خخخخخخ. ماهو ماهو ماتشتي من يشهد معك انا يله دورت اقلعها من بيتي واخرجها بفضيحه ساع هذه وانتي تشتي اشهد ههههه عنقلهم ..

عبدالصمد : انا وقتها انصدمت 😳 من كلامها .. ماهووو كيف ياعمه ..

خيريه : أنا كنت بينخطط اجمعكم جمعه وادعي عمك يروح للبيت بس لما مارضيتش خليت يونس خفعك بالعصيه من قفاك وشلك للبيت وفعل التمثيليه انه عيقتلكم وانا قلتلكم تهربوا إشتي أخرجكم من البيت بفضيحه ...وذلحين اتزوج بها ولا اشبع بها ماعاد ادخلش اهم شي قلعتها باقي اقلع اخوها نخليه يجي يدور اخته ويقتلها ويقتلك ينظف شرفه ويحبسوه ولا يقتلوه بعدكم .. وغلقت التلفون 📱في وشي ..


طارق : فار دمه وحمرت عيوونه 😡 صاااااح يووونس معقووول بس ليش نوال ماقالت ليش انهو داري والكل وفعل بها هكذا سخي ع أخته ..


عم حميد : لانها كانت مفتجعه عليك تفعل به شي ..


الشيخ قناف : بيدكم يد في يد 👊🏻 هذه شيطان 😈 مشي بشر خططت لهذه الخطه بكلها ولفت لحميد 👀 أنت داري ياحميد انحنا كنا عند العرس واتصلت لاخي صالح بتصيح وتولول ...😡 احمل احمل دور بنتك وابن اخوك مارضيتش تجي معي العرس ولماروحت القاها فالبيت هو وطارق و يونس جاء لعندنا للعرس يرفع السلاح فوقي ويقلي ابنك وسخ شرفنا وانا ابسرتهم بعيني وشقتلهم 🔫 وسمع الناس كلها ..


طارق : وخالتي خيريه كانت تسمع ابي كلام ساع السم وكانت مصره انه نلقاهم وتجلس تزن عليه وتشتي انا الي اقتلهم .

عبدالصمد : ايوووه كانت تشتي تتخلص منك بعد نوال . ..نوال تقتلها وانت يحبسوك ويعدموك ...


الشيخ قناف : ضروري اخي يدرى بهذا كله ويعرف حقيقه مرته .


طارق : مع ياعم هي غاسله دماغهم قووي خلونا نبسر كيف والله مايسمعوا من احد ابي وانا اخبر بهم لو يدروا انهم هانا لايقتلوهم 🔫 حتى لو دريوا بالحقيقه عيقلوا قدام الناس يرفعوا راسهم الناس ماعيصدقوش ان خالتي فعله هكذا ...


عبد الصمد : ابسر عم حميد 👀 ذلحين عتدعوا لي نوال أبسرها . .


طارق : اشر لعم حميد برآسه 😕 ماشي بعد إذنكم أنتوا وعمي قبل ماتدعوها .. انا إشتي ادخل لعندها أحاكيها مشتيش أختي تدخل وتلقاه قبالها يكفيها ماقد اقتهرت وانصدمت في حياتها وتعذبت من بعد موت امي واحنا جهال من معامله خالتي وكرهها لنا لما حصلتلها هذه القصه وكم قد تشحططت وافتجعت لما ابسرتني وابسرتكم مشتيش تدخل تبسر عبدالصمد قدامها 😔..


عم حميد : ولايهمك .. مالك الإ مايطيب خاطرك وانا مافعلت شي ولا حاكيتها الإ لما اتصلت لكم تجوا نبسر كيف . ذلحين اقوم اقلهم يقربوا لنا الغداء ونجلس شويه وابسر انت وعمك كيف عتفعلوا .


الشيخ قناف : بيبسر عبدالصمد 👀 بلهفه وشوق كل السنين هذه مع نظره 😔حزن وزعل عليه إنه ظلمه للحظه وفكر ان كلام خيريه صح مع انه كان واثق في تربيته هو ونوال ...


نوال وتقيه : بيقربين لهم الغداء وبيمكنين عم حميد ...

عم حميد : بيشل الغداء 🍛🍲 من عند نوال .. يابنتي طارق هانا وعمش نكمل نتغداء وشدعيش لعندهم يشتوا يجابروش في موظوع ..

نوال : نكعت طاسه المرق 🍵 من يدها .. افتجعت مابه ابي دريوا ..


عم حميد : ضحك عليها هههه 😂 مالش افتجعتي يابنتي مابلا به خبر حالي ..


ياترى إيش عتكون رده فعلش يانوال 🤔



@qesasanani

بارت 142


بعد العصر ....



في بيت عبدالكريم ..


سميره : يعني ماهو عمي دريوا بكل شي ..ذلحين كيف عتفعل لو يفتهنوا ..

عبدالكريم : مطنن 🤔 انا ذلحين بينهم خواتي ماعيقلين ما ابي قدهم تاعبين وقد إشتلوا يعني ماعاد عيفعلوا شي بس انا مقهور عليهم لأنهم مرضوا بسببي ..


سميره : إبسرته وغمضت عيونها بعنصه 😏لاتقتهر ولا كله مكتوب وهذا نصيبهم وبعدا خواتك مادخلهن هذا تعبك وشقاك مابيفعلين هن غير جالسات في بيوت ازواجهن عاد اماني بتجي تبسره ما امل وينهي فالحديده همها زوجها وعيالها بس وساعه الصدق يشتين حقهن هيا والله محد تعب وشقي الإ انت ..


عبدالكريم : بزعل 😔 بس لو تبسري أبي كيف وقع بهم والله لوهو من الشارع لانرحمه ..


سميره : ولابه شي انت غر قوم ذلحين نخطى للمستشفى 🏨 نبسرهم مشي حاليه يقلوا فلت أبوك وانت ابنه ومابيبسره الإ جاركم ..

عبدالكريم : وجهالش ادعيهم يجوا معانا ..

سميره : محمد قد خرج عند خبرته وآيه انت غر خليها هانا بس ماعتجي تفعل للمستشفى 🏨..


....... ........ .......


في ذمار ....


خيريه : جالسه هي ويسرى ومره يونس ومره الجيران عندهم ...


مره الجيران : ماشاء الله 🙂ياخيريه مسرع قد عتوقعي جده قدوذا نسوان عيالش الثنتين واحمات ..

خيريه : ابسرتها بضبح 😤 هي غر تيه مره ابني ماعليا من يسرى للمه شاقع جدته لا انا ام طارق ولاهو إبني وبعدا يووه والحلا قدنا فارحه وعندي يوم عيد اني شاوقع جده ..


يسرى : حزت في قلبها وزعلت 😔.. قامت خرجت لها من عندهن ..


مره يونس : لفتت لخيريه بريحمه للمه بتقلي تيك مره ابني ياعمه مابش معي إسم ياعيبتش عليا وانا قد بينعتبرش امي وبعدا الي يسمعش يقل انش صدق فارحه اني واحمه مشو كنتي تشتي تخرجيه ورجمتيني للقاع قلت ماتشتيش جهال فالبيت 😔..


مره الجيران : 😱 يوووه ياعيبتش ياخيريه إنا وتسخي في مره ابنش والجاهل ..


خيريه : متفاجأءه من كلامها 😳لاتصدقيش هذه بتكذب ..


مره يونس : بتقلد إنها بتبكي 😭 قدوذا ابسرتي بعينش ياخاله بتقلش تيه كاني نكره وقالت مشو طارق ابنها مع انه والله لوتبسروا كيفهو وكيف مرته بيفعلوا لها مسنبه لنا ع الواحده وبتخليني اقشع الفراش يوميه وانا ممنوعه من الثقيل وتجلس تصيح فوقنا 😔 ..


خيريه : ماعاد اتمالكت نفسها حشرت ايديها وبتصيح 😡 هيا إسمعي يابنت ال*** لاتخايلش إننا شسكت لش مابعدا زيدتي فيها اقسم بالله لاخرجش من البيت عرض واطايرش ساع ماطيرت الاوله قبلش ...


مره يونس: بتبكي 😭 هيا أسلمي
ياعمه وخرجت ..


مره الجيران : ابسرت خيريه و طننت 🤔 يووه والله ان خيريه مشهي بسيطه بس يعلم الله منهي الأوله ماقصدها ..



🌹meme_abdalgaleel

@qesasanani