بارت 44


في بيت أحمد 🏬....


أحمد : جالس فالديوان مراعي لهم ..

محمد : دخل جلس في طرف الديوان وجنبه مهند ...


سلا : دخلت في يدها قهوه لأبوها ☕ مكنته .. وجلست جنبه ..

أحمد : شلها ☕وحطها فوق الماسه ..


ناديه : قلبها بيحرق ❤ ذلحين هيا ماهو خبركم ...

مهند : بإبتسامه عريضه 😁 نشتي نخطب لمحمد ..


غاده : فرحت 😀 صدددق .. وليش خازي هكذا والله ان قد حسيت إن الموضوع يخصك ..


أحمد : ابسره بهنجامه 🤨 وليش عادك بتدخل وساطه مابش معك فم أو كيف ..

ناديه : مالك عليه يا احمد سعم ماتعرفش محمد كيفهو الولد خازي منك .. ذلحين نبسر له والله ان قبالي بنت .... وبنت .... بنات ساع القمارى وبناس ناس واسر محترمه ...


محمد : جالس طرف الديوان .. ماسك اللحاف بيده بقوه 🤛🏻 دقات قلبه متسارعه وبيتنفس بسرعه خايف من رده فعلهم 😰 لما يعرفوا من ...


سلا : ابتسمت 🙂 مع مع ياخاله قد قبالنا واحده مايشتيها محمد الإ هي ...

غاده : ابسرت محمد 👀 ييييه مالك مطنن منهي معك فالجامعه ..


أحمد : بنت من هي اول ..

مهند : البنت مننا وفينا ومؤدبه ومخلقه مابش فيها أي عيب ...

ناديه : يعني اكيد من اهلنا صح ..


محمد : جمع قواه وتماسك ورفع رآسه 🤨 وبهنجمه ... لا مش من اهلنا ولا من الجامعه شوفوا من الأخير بدل مانطولها ونعرضها أنا بينحب😍 رهف وما أشتيها الإ هي ...


ناديه : 😨 اتفاجاءت مممممن ..

غاده : فرحت 🙂 لانها تحبها .. بس سكتت ماعد صديت تتكلم


أحمد : عصب 😡 وبصوت عالي رهف من يارهف والله لو قدهي أخر بنت فالدنيا ماتستضيها ماعاد الإ أخلي الأهل كلهم يضحكوا عليا مديتش واحده من نفس طبقتنا ..


مهند : سنب معصب 😠 بس هذا اسمه ظلم عاداتكم هذه قد عفا عنها الزمن قد الناس كلهم بيتزوجوا عادي أنا ظلمتوني وعتزوجوني ع ماتشتوا بس تزيدوا حتى محمد هذا قدهو ظلم ..


ناديه : بتصيح 😠 وبتأشر لسلا 👈🏻 هي ذلحين الهانم هذه دخلتها راسه اكيد ..


محمد : بيحاول يمسك نفسه واعصابه للأخير ... محد دخل أحد في راسي أنا بينحبها وإشتيها من زمان ❤ وماشتزوج الإ بها حتى لو كانت بنت شحات فالشوارع ..


أحمد : شل القهوه ☕ ورجمها .. وبيصيح 😡 ومن حق من عتتزوج بها يا ابن ابوك ومن اصلا عيرضى يزوجك بها بغير أهلك من عيرضى أصلا يسير يخطبها لك والله مانزل عادات اسرتنا واكسرها لو تموت قبالي ...


سلا : بتتفرجهم سكته وبتبكي 😭 .. زاعله ع محمد ورهف وفي نفس الوقت قد بتهم نفسها وريان ... ماعد قدرت تسكت ... يابابا حرام عليكم عتدخلوا النار تفرقوا بين قلبين 💞 علشان عادات وكلام اهبل والبنت مابش فيها شي يتعيب لاهي ولا أهلها ...


غاده : مسنبه جنب محمد ماسكه له ..بتطبطب عليه 👋🏻 اهداء ..


ناديه : 😡 ماهووو ماهوووو قد عتدخلي ابوش جهنم علشان الاخت رهف وبعدا من قلش انش عتساوي اسرتنا باسرتهم .. يعني من الاخير الناس مقامات يابطله والله لو جمالها من هانا للصبح ..


سلا : بتبكي 😭 مادخلكم انتوا قد زوجتوا بناتكم بالأسر العريقه حقكم خلونا احنا نعيش حياتنا ع مانشتي ..

أحمد : لطمها 👋🏻 في وجها ... عادش عتتليقني ع خالتش وعليا ..

سلا : حملت تحضن امها وتبكي 😭...


مهند : يعني ماااهو من الأخير ماعتزوجوش محمد برهف ..

أحمد : قد وجهه محمر وحواجبه معقده 😡 أيووه مااابش وهذا الموضوع ماعد اشتيش أسمعه يشتي يتزوج البنات ع قفى من يشيل ...


مهند : بتحدي 😠 وانا اعتبروا خطوبتي مفسوخه وماشتزوجش بسمر ومشنا بيعه وشروه تستفيدوا مني في علاقاتكم وعملكم ..


أحمد : هزره من الفنيله 👕 ورجمه ... عتتحدوني والله وطلع لك ما اليوم صووت ياريان ..


محمد : صااااح 😡 وخفع الجدر بيده 👊🏻 وعااد صوتي عيعلى وعيعلي اذا ما زوجتونيش بها ومشنا مستعد أضيع حياتي ومستقبلي علشان عادات وتقاليد بس والبنت مابش فيها عيب ..


أحمد : مسكه وبيدلهفه .. أخررررج 😡 اخررج خرجه نفسك لاعدك عتكسر كلمتي وتتزوج بها ..


محمد : تشارغت عيونه بالدموع 😢 وشخرج لكم من البيت بكله وافلته لكم لو ماخطبتوهاش لي ..


أحمد : بيدلهفه😡 .. يللله عادهو أحسن ووريني رجالتك اذا عيقبلوك بغير اهلك وزلطهم ...


غاده : بتمسكه وتبكي 😭.. مع يا أحمد قووى اذكر الله لاتسخاش ع ابنك ..

مهند : بيصيح له .. راعي لي وانا شاجي معك يا أخي ..

ناديه : وأنا قد بينقل ماله مقلوب من امس وإنه حين دري انهم يشتوا يخطبوها 💍...


أحمد : زد دهف ريان من كتفه 👋🏻 يله بعده الله يفتح عليكم ..

محمد : خرج وصرع الباب 🚪 ومهند لحقه ...وخرجوا ..

غاده : بتلحقهم للحوش وهي بتبكي 😭 ترجعهم ..


سلا : حملت لغرفتها بتبكي 😭 ..

ناديه : مسكت أحمد جلسته وبتهداءه ... ابرد لك منهم عيرجعوا خليهم يدكموا راسهم ..


......... ........ .........


في بيت حسين 🏡...


هيفاء : في غرفتها .. بتسمع👂🏻 صياح .. خرجت بتسمعوا صياح من بيت جيراننا ولا بيتهيألي ..


رهف :ممدده فوق حضن ابوها بتتف

رج التلفزيون 📺 قاامت افتجعت 😨 .. صياح مه ..


هيفاء : مدري بينسمع اصوات العيال بيصيحوا وأحمد وسمعت باب الحوش حقهم اصترع قووي ..


رهف : فجعتوني اقووم اتصل لسلا ان شاء الله مابش شي .. مسكت تلفونها 📱 ودخلت غرفتها بتتصل لسلا مابتردش اتصلت لمحمد جالس مغلق زاد قلقها 😥 ...




مسكين يامحمد 💔 كسروا قلبك .. بس كيف عتكون رده فعلك هل عتحارب وتاخذ البنت الي بتحب ولا العادات عتكون اقوى منك ...



🌹meme_abdalgaleel


@qesasanani

بارت 45


العشي 🌚..

في بيت حسين 🏡...

رهف : قربت العشاء 🥘🍲 وارتزحت .. قلقه ع محمد تلفونه جالس مغلق وغرفته ظلام ماقد سرجهاش وتشتي تعرف ماحصل..

هيفاء : هيا وانتي عتقربي ..

رهف : اشرت بيدها ماشي 👋🏻 شابعه ..

حسين : بصوت تاعب ....قوى بنتي افعلي لش لجعين ..


رهف : شابعه يابابا والله مشتي لما يدخل ريان وشرجع اتعشى معه ..

حسين : قومي إتصلي له إبسري أينهو ماله ماقد روحش ..

هيفاء : هو سار يذاكر عند صاحبه ومغلق تلفونه قد اتصلت أخته لما شبعت ..


ماجد : طالع جالس هو ورنا سامرين بيبسروا التلفزيون ..رن تلفونه 📱..


رنا : ابسرته 👀من بيتصل ...

ماجد : 😯 اوووه هذا يوسف ابن عمي .. جاووبه ألووو ..


يوسف : بصوت ضابح مخنوق 😤 مساء الخير يا ابن عمي ..

ماجد : بيبسر رنا ووجهه بيتقلب 😧 مساك الله بالخير والعافيه ..


يوسف : بضبح 😤 يشتي يبرد قلبه ..والله مانا داري ما اقلك ما اتصلت الإ أعاتبك وأقلك الله المستعان عليك ليش تعشمني وتوعد وانت مالك كلمه والله انه عيب عليك يا اخي قد اشترينا وجهزنا حاجه الخطبه مدام داري بنفسك ان مالك رأي ماكنش عتتسيمخ مشو بحق ماتريجلت وفعلت نفسك أسد وحددت موعد الخطوبه وانت لابتهش ولا بتنش وفالأخير ماخطى الإ قول البنت ...


ماجد : فار دمه 😡 وتقلبت ملامحه وعصب ... وصااح ومن قلك مشنا رجال هي الحجه عند أبي هم الي بيدلعوها ولا المفروض قدحنا موافقين ماعد لها راي أحنا أخبر بمصلحتها ..وذلحين عليا الحرام لأربيها لك واكسر عضامها واخليها تقل موافقه وترضى ورجلها فوق رقبتها ...


يوسف : بقزازه 😠 لا لا لا لا لا توافق ولاعاد أشتيها والي مايشتينيش ما اشتيش من قلك اني شرضى ع نفسي اوذك اختك عندك وتتزوج بمن تشتي أنا اتصلت اعاتبك وبس ..


ماجد : بيحس نار داخله 🔥 والكلام حرق دمه غلق الاتصال ورجم التلفون ونزل من بدايه الدرج بيصيح يااااابنت 😡 يارررهف أين أنتي جي كذا ..


بيسمعوا 👂🏻صياحه وهم داخل بيتعشوا ..


هيفاء : 😨 فتحت فمها وعيونها .. يوووه ماقد له هذا المجنون بيصيح مايشتي ..


رهف : إفتجعت 😰 وثلجت اطرافها . مدري ماقد معه ..

حسين : سنب يشتي يقوم يبسر ماله ..

ماجد : فتح الباب ودخل وعيونه مبهرره والشرر عيخرج من داخلهن 😡 بتسسسسمعي ولا ماشي بينداعيش ...

رهف : حملت 🏃🏽‍♀تخبت وراء أبوها ...

هيفاء : قربت لجنبه ..مااالك ماقد به بتصيح ..


رنا : لحقته🏃🏽‍♀ ومسنبه باب الباب بتتفرج مستمتعه 😌 ..


ماجد : مسك رهف من شعرها هزرها من وراء أبوها ... وبصوت عالي من بينداعي أنا ...

رهف : بتمسك شعرها وتصيح 😭 وتبكي .. اي اي وجعتني بتوووجعني ..


حسين : صاح😠 وبيهزره فلت بنتي ..

ماجد : مسك رهف ودهفها للارض وبيزبطها ويضربها ..😡 ماشافلتهاش لما تتربى وتتعلم كيف تكسر كلمتي وتبدع بي هكذا بين الناس ..


هيفاء : بتهزوره من فوقها تبعده وبتبكي 😭.. حرام عليك رزي اختك ارحم ابوك ..

حسين : بداءت دقات قلبه تزيد ❤ ويضيق نفسه ويحس بخنقه ماعد قدر يمسك نفسه لطم ماجد في وجهه 👋🏻 شكلي ماقدرت أربيك وانت جاهل شاربيك ذلحين ..


رهف : مرجومه في الارض بتبكي 😭 وقد الدم بيخرج من فمها ..

رنا : خفعت وشها 😱 لما لطموه ..

ماجد : اقتلب مجنون وجن جنونه 😡 عتضربوني وتلاطموا بسبب هذه هيا والله لأدعسها وعتتزوج بيوسف غصب عنها وعنكم وزبطها ..

رهف : بتصيح وتبكي 😭 ...


حسين : يشتي يمسكه يبعده من فوقها بيهزره يبعده ارتجم للأرض ..


هيفاء : صاحت 😱 وحملت تقيمه تبسر مافيه ..


ماجد : خفع رهف وفلت وخرج سحب مرته وطلع .


رهف : حاولت تقوم وقدهي مضروبه والدم بيخرج منها وتبكي 😭 ارتجمت فوق ابوها بتقيمه تفوقه ..


هيفاء : حملت تدي له العلاج تشربه لو عيفتهن ...


رهف : بتهزوره وتخفعه تقيمه ماعد بيردش افتجعت 😭 وبتبكي وحملت تتصل لريان مغلق محمد مغلق مادريتش ماتفعل حملت تلبس البالطو والطرحه وخرجت للشارع تصيح لصاحب البقاله يوقف تكسي 🚖
يسعفوه ..

🌹meme_abdalgaleel

@qesasanani

بارت 46


في الشارع ...

مهند : بيسوق بيلوي هو ومحمد فوق السياره 🚘 ... هيا مه ماعنفعل ..


محمد : نخطى لنا نتعشى في اي مطعم ولا نشتري لنا سندوتشات 🌯 ونبسر أين عنرقد ..

مهند : ضحك هههه 🤣 ومنك صدق يامجنون بتحبها هكذا وعتفلت البيت وتتشرد ..


محمد : تنهد 😔 آآح يامهند بس سألتك بالله عاد معك نفس تضحك والله مانا داري أنا فالأرض ولا في السماء من حين خرجنا ولاداري كيف أقنعهم ولا أنا مفلت لها ..


مهند : إن شاء الله خير وكل شي عيسبر وهم لو إبسروك مصمم فالأخير عيرضخوا ويوافقوا .

محمد : دكمه بيده 🤛🏻 بس الصدق طلعت سمخ ياليد ومنك صدق عتفسخ خطوبتك ..


مهند : إبتسم 😇 يا أخي فكه من مكه سعم اني أشتيها ماشي يا أخي هيا ننثرها وقدحنا هولاك أنت يزوجوك برهف وأنا بالي أشتي ..


محمد : إبسره متفاجاء 😳 بالي تشتي ..

مهند : ضحك هههه 😂 ذلحين نتعشى وأبسر واحد من الخبره هو معه شقه هانا وحده بنسير نذاكر عنده نسير نرقد عنده الليله وعنتجابر طول الليل واحكي لك هي زميلتي فالجامعه بس اول أتصل لأمي طمنهم علينا حرام ذلحين قد عيجننوا ..


محمد : خفع راسه بيده .. يوووه 😱 انا ناسي له مغلق من الصبح وانا قدنا مستغرب مالها رهف ولاقد اتصلت وأكيد قد سلا حاكتها .. خرج تلفونه 📱 وأبسر مكالمات خيرات منها .. لفت لمهند 👀 هيا إبسرت والله ان قد شبعت اتصالات أتصل لأمي وأتصلها ..


.......... ......... ..........

في بيت أحمد 🏬...


أحمد : حانق من غاده وجالس طالع عند ناديه ... بيداعيها ياناديه يييه ..


ناديه : كانت خارج بتحاكي بلقيس فالتلفون 📱 تحكي لها ماحصل .. ابوش بيداعي شدخل أجاوبه وبعدا شرجع اتصلش .. دخلت لعنده بتداعي ..

أحمد : ممدد فوق السرير وفي يده التلفون📱 .. إسكه إنزلي ابسري قد رجعوا العيال ولاعادهم خارج ..

ناديه : معتقدش لكن تمام اوذا شنزل ..


غاده : جالسه في غرفتها رابطه راسها بيوجعها 🤕 وقد عتجنن ع عيالها ..

سلا : جالسه عندها .. قد عيونها 👁 مورمات من كثر البكاء ..

ناديه : دخلت لعندهن .. هيا مه ماقد روحوش ..

سلا : قفت وشها منها حانقه ماتشتيش ترد شلت تلفونها 📱 تلعب به ..

غاده : بكيت 😭 ماشي ولا به منهم خبر وتلفوناتهم مغلقه ...


ناديه : عوجت فمها 😏 وقلبت عيونها .. عيرجعوا كما جلسوا هم تخايلهم ان بتصرفهم هذا عيلووا ذراع أبوهم لكن لايحلموش ..

غاده : وهي بتبكي 😭 بدل ماتزيد تهديه ياناديه عادهو هذا ردش ولاخطبها مافيها بنت توتزن بالذهب عنجلس نبعسس احنا واحنا من قد يقلوا لنا قد جاء رسول الله وحد الناس وكلنا ساع أسنان المشط ومابش فرق بين غني وفقير ولا ابيض وأسود ..

ناديه : جلست في طرف السرير .. من قلش ياروحي الناس مقامات وماعتساويناش بغيرنا ولا الي معانا معاهم ..


سلا : إبسرت تلفون 📱أمها بيرن فوق الكومدينو شلته إبسرت رقم محمد .. لفتت لأمها 👀 هذه خالتي شخرج اجاوبها من خارج شاقلهم اننتوا راقدين تاعبين لاعد تسمعش صوتكم هكذا وشلت التلفون ودخلت غرفتها بسرعه وغلقت ..

محمد : ألووو ..

سلا : بصوت قلق وخايف 😰 وين أنتوا مالكم مغلقين التلفونات قد عنجنن ...

محمد : ضاابح ياسلاتي مقهور 😔 قد بينحس روحي عتخرج وقلبي عيخرج من ضلووعي ..

سلا : بكيت 😭 بعد الشر عليك ان شاء الله كل شي عيسبر ..

محمد : مازد قالوا أبي ..

سلا : جلسوا يصيحوا وقالوا ماعتخطوش قولكم وحنقوا من ماما وذلحين شكلهم بيقلقوا عليكم نزلوا خالتي ناديه يسالوا عليكم لو منكم خبر..


محمد : آها وذلحين أينهم او بتحاكيني من عندهم ..

سلا : مع شليت التلفون 📱وخرجت مابينتش لهم ..

محمد : يله تمام طمني أمي وشرجع اتصلهم بعدا ..

سلا : ماعتروحوش ...

محمد : ماشي عنرقد عند صاحب مهند .. قليلي ماقالت رهف قد حاكيتيها .. مسكينه قد اتصلت لماشبعت وهو مغلق..


سلا : ماشي والله كنت ضابحه ماجاوبتهاش ولاسخيت اقلها قلت عتحاكيها انت أنا راجمه تلفوني من اول ..

محمد : يله تمام شتصلها ذلحين وأنتي هداءي أمي وشتصلهم بعدا لاتقلقوش ..




🌹meme_abdalgaleel


@qesasanani

بارت 47


فوق التاكسي 🚖..

رهف وراء هي وامها وحسين فوقهن ممدد ..

واحد من عيال الحاره : سار معاهن جالس جنب السواق ..

هيفاء : يا ابني قووى اسرع.. ورجعت تبسر حسين وهي بتبكي 😭 قووى امسك نفسك قد عنوصل ..


حسين : بيتنفس بصعوبه وعيونه ذابله وقلبه بيدق ببط ❤...


رهف : بترتعش وتبكي 😭 من كثر الخوف ع أبوها ووجهها عاده ملان دم من الضرب ماعد ركزت تمسح شي .. تلفونها في يدها رن ابسرت رقم محمد 📱 فتحت ع طول ماعد همها أحد ..

محمد : طلع فوق السياره امد مامهند يحاسب المطعم ... مساء العسل ..

رهف : ببكاء وصيااح 😭 بابا تاعبين قووي وانا وماما وحدنا اسعفناهم ريان تلفونه مغلق ..


محمد : نكز 😨 ايييش طيب اهداءي اين انتوا في اي مستشفى ..

رهف : بتبكي 😭 عادحنا في الطريق للمستشفى الي فعلوا فيه العمليه ...

محمد : يله تمام لا تفتجعيش الان شاجي وريان اينهو ..

رهف : بنتصله وتلفونه 📱 مغلق سار عند صاحبه يذاكر ..


محمد : خلاص تمام انا شاحاول اتواصل مع صاحبه رقمه عندي والان شلحقكم ..

رهف : وهي عتقرح بكاء 😭 قووى محمد بسرعه بسررعه بابا تاعبين قوووي ..


هيفاء : سمعتها بتقل محمد بس ماعد اهتمت ولا ركزت تسال من شي الوضع الي هن فيه محد يحسد عليه 😭😭😭..


محمد : بيصيح لمهند .. يستعجله ... بسررعه هيا وبيحاول يتصل لريان جالس مغلق اتصل لصاحبه رد ..

صاحب ريان : اهلا بالعزي ..

محمد : ريان عاده عندك ..

صاحبه : أيووه ..تشتيه ادعيه ..

محمد : ايوه بسرعه قووى ابوه تاعب قوي ..

ريان : رد عليه .. ماااهو مابه مابيقل ..

محمد : مش وقت الهدار عمي حسين تاعبين قووى اسعفتهم رهف وخاله وحدهن للمستشفى قدنا فالطريق لعندهم بيتصلوا لك مغلق الحق للمستشفى🏥 بسرعه ..

ريان : ماعد دري كيف يلبس الجاكت ولاكيف يحمل ...

صاحبه : شل دواير سيارته وبيلحقه يوصله ...


......... ......... ........

في بيت حسين 🏡..


ماجد : فالغرفه معصب 😡 وبيتحلف لايربي رهف وقع له ملطام بسببها ...

رنا : دخلت لعنده .. ياماجد خليني انزل ابسر كيف قد عمي حين تعبوا ..

ماجد : صاااح 😡 لو تنزلي لأكسر رجلش ولو ازيد أبسر أحد من العيال ينزل عندهم لا اشلش بيت أهلش أخرجي من قبال وشي وغلقي الباب ..


رنا : غلقت الباب 🚪 وخرجت ..



.......... .......... ..........


في المستشفى 🏥..

رهف : حملت دخلت بتصييح يييه. جوو شلوا المريض معانا من فووق السياره ..

ابن جيرانهم : دخل بيسحب نقاله مع الممرض يدخلوه ..


هيفاء : ماسكه ليده وبتخطى معاهم وتبكي 😭


الممرض : سحبه ودخلوه ع طول لداخل والدكاتره بيحملوا يبسروه ..

رهف : تشتي تدخل تبسر مابيفعلوا ...

الممرض : خرجها وغلق الباب 🚪..


هيفاء : بتبكي 😭 وترفع يدها للسماء 🤲🏻 ياااارب سألتك بكل أسمائك الحسني وصفاتك العلى تحفظه لنا وتقيمه بالسلامه ...



رهف : واقفه عند الباب 🚪 قد وجهها كله دموع 😭 مختلط باثار الدم الناشف الي في وجهها والدكمات بتحاول تبسر شي من زجاج الباب ..


ابن جيرانهم : خرج يحاسب التاكسي 🚖..


محمد : وصل بيدورهم هو ومهند ...ابسرهن حمل لعندهن .. هااه خاله هيا مه كيفهم. .


هيفاء : جلست فوق الكرسي ودموعها مثل المطر 😭 مدري مدري ماناش دارييه تاااعب تاااعب قووي أينهو ريان أين جاء أبني ...


محمد : اهداوء قووى ماعيقع شي ريان قدهو فالطريق انا سبقته ..


مهند : واقف مبلود 😳 أول مره يبسر موقف مرض هكذا واحساس انك ممكن تخسر شخص عزيز ..

رهف : إبسرت محمد .. حملت لعنده وهي بتبكي 😭 قوووى محمد ابسرهم حاكي الدكتور قلهم مافي بابا خرجوني ..

محمد : ابسر وجهها انصدم 😱 حس ان في شي حصل عجم مادري مايقل .. خاف عليها .. طيب اجلسي هانا وانا شابسر وخطي وعقله مشتت بيفكر ايش حصل وماله وشها هكذا ..

رهف : جلست جنب أمها وحضنتها بتبكي 😭...


مهند : مسك ابن الجيران ولحقوا محمد لعند الدكتور ...


ريان : وصل بيدورهم إبسرهن حمل لعندهن بيصيح ومفتجع 😢 أين أبي مالهم وإبسر وجه رهف . ماااهو. مابه مالش هكذا مال ابي ..

رهف : بتبكي 😭 مش ووقت اول سير أبسر بابا مالهم ..

ريان : خطي 🚶🏻‍♂طريق الغرفه ع جيه محمد ووراه مهند وابن الجيران ..

محمد : مسكه وعيونه كلها دموع 😢 حضنه وبكي ... عظم الله أجرنا كلنا ياررريان ..


ريان : دهفه وبيبكي 😭 مااااشي لاتقلش هكذا وبيصيح بيحمل يشتي يدخل ..

مهند وابن الجيران : مسكوه .. ريااان اذكر الله حق الله ...

محمد : بيخطى طريق هيفاء ورهف وقد عيونه كلها دمووع وقف قدامهن الله يرحمهم ياخاله عمي حسين ماتوا وقرح بالبكاء 😭 .

رهف : أول ما أبسرت شكله حست ع طول أن أبوها حصله شي صااااحت وبتبكي 😭 كذذذاب أنت كذاااب بابا بخير وبتحمل طريق الغرفه ..


هيفاء : صااحت وبتلطوم وجهها وتبكي 😭 قتتلت أبووك ياماجد ... مااات أبووك ياماااااجد وارتجمت فالقاع بتصيح وتبكي ..


رهف: حملت دخلت للغرفه 😭 بتهزور الغطاء من فوق أبوها .. وتقي

مه ... بابا قووموا لاتفلتونيييش وحدي شااااموت شاااموت ودوخت ..


الممرضات : مسكنها وحاولين يفوقنها وبيفعلين لها ابر مهدئه 💉..



ريان : بيبكي منهار 😭مسك تلفونه واتصل لعمه خالد يقله ...


محمد : زاد قهره وحرقت قلبه 💔 موت حسين ع وجهه رهف الي كله حوارق ع حالتها الي هي فيها ع موقف ابوه تجمعت عليه من كل ناحيه . جلس في الأرض فوق البلاط وغطى وجهه وبيبكي 😭...




ااااااااح ياقهرري عليك ياارهف وياويلي ع كل ابن عاصي قهر أهله ...😭....


🌹meme_abdalgaleel


@qesasanani

بارت 48

ثاني يووم ..

في بيت حسين 🏡..

البيت ملان نسوان واهل حسين ..


رهف : مريضه في غرفتها والمغذيه في يدها 🤒 وحرارتها مرتفعه بتبكي منهاره ...

سلا : جالسه جنب راسها بتهداءها ..


رنا : دخلت لعندها وفي يدها صحن غداء 🍱.. هيا رهف قومي كل لش اي شي ماقد اكلتي شي من أمس ..

رهف : صااحت وبتبكي 😭 مشتييييش أكل أشتي بابا ..

سميه : شلت الأكل🍱 من يد رنا .. خلاص اديه عنحاول معاها إحنا ..

سلا : بتحضنها وتبكي معاها 😭 ياارهف قووى هكذا عتموتي نفسش علشان خاطري لجع بس معش علاج ..

رهف : مشتتتتيش مشتتتيش خلوني أموووت 😭...

سلا : اشرت لسميه بيدها 👋🏻 تبعد الأكل لما تهداء ...


تلفون رهف بيرن 📱...

سلا : بتبسر وانه محمد . جاوبت . ألووو

محمد : فالحوش عادهم كملوا يغدوا الرجال بعد المقبار ..هذه سلا .. وينهي رهف ليش ماترد قد شجنن ماقد سمعت صوتها كيف قدهي ..


سلا : ابسرتها 😔 جالسه تااعبه بتبكي ولاقد رضيت تاكل شي ..

محمد : تنهد بزعل 😔 طيب اسكه مكنيها التلفون احاكيها حتى كلمتين قد شجنن والله ..


سلا : إبسرت لعند سميه 👀 طيب لحضه راعي ابسرها لو عتقدر تحاكيش .. وبتمكن رهف التلفون جاوبي صاحبتنا تشتي تحاكيش ..

رهف : بتبكي 😭 مشي داريه انه محمد ... مشتيش أحاكي احد وبتصيح قووى قوووى خلووني في حالي وغطت وشها ..


سلا : وطت لجنب راسها بتشاورها 👂🏻 جاووبي محمد حرام قد عيجنن عليش وانا شاخرج سميه .ومكنتها التلفون ..


رهف : شلت التلفون ودخلته تحت البطانيه جاوبت وهي بتتفاهق من البكاء😭 وصوتها تاعب وحزين . الوووو ..


سلا : دعت سميه .. لو تجي نسير نبسرهن لو يشتين نقرب معاهن للنسوان وشلتها وخرجت ..


محمد : سمع صوتها مات قهر 💔 .. وتشارغت عيونه بالدموع 😢 حاول يمسك نفسه ... هييا مه يارررهف ماسددينا تقعي قوويه الله يرحمهم افتهنوا من التعب ..


رهف : فلتوووني فلتووني ليش يخلوني وحدي 😭 اشتي أموت أشتي أسير عندهم ..


محمد : مخنوق وزاعل عليها 😔 تسسيري عندهم وتفلتيني لمن عتسخى تفلتيني وحدي قووى حبيبي علشان خاطري خليش قوويه من عيساند خاله هيفاء وقومي كلي اي شي علشان خاطري أنتي مريضه ...

رهف : وصوتها بيتقطع من البكاء 😭 مششتيش شااابعه مابش نفس ماقدرت اكل شي ..

محمد : قووى حبيبي علشان خاطري ولا قسما بالله لادخل بين النسوان وماعد يهمني أحد أكلش بالغصب ..

رهف : خلااص لابعدا مشتيش ذلحين ..

محمد : تمام ..وخلي تلفونش 📱 جنبش قووى وكن جاوبيني لاتجننيش عليش ..


رهف : طيب وغلقت ..


... ..... ....... ........

في الحوش ..

يوسف : بيرفع الأكل ومعه الرجال إبسر ريان بيرفع معاهم ...خطي لعنده شل الصحون من يده 🍽 ادخل بدل لك واحنا عنكمل الرفاع شرق تخطى القاعه عيجوا الناس يعزوا قد ماجد دخل يلبس ...

ريان : وجهه 😔كله قهر وحزن وقلبه مكسور 💔 بيحاول يكون قوي.. طيب تمام ...

مهند : قرب لعند محمد .. ماعتفعل عتجي ندخل للبيت نبدل ونسير القاعه ولاكيف ..

محمد : قدهو ماعنفعل ندخل ذلحين نبدل وللعشي ونبسر كيف نخلي سلا تخرج لنا لده في شنطه 🎒 ..

مهند : طيب وابي كيف اكيد انهم فالبيت ذلحين ..

محمد : اتصل لسلا تجي بساعتها للبيت تبسر لنا كيف ولاهم هاناك تحارس لنا مشتيش أبسرهم مشنا ناقص قدنا مقهور من الله 😔...


ريان : بيصيح من الباب 🚪 يشتي يدخل .. يييه الله الله طريق .. يارهف .. يا امه .

سلا : سمعت صوته 👂🏻بيداعي جالها الفرج تشتي تتطمن عليه ماقد ابسرته مشغول مع الرجال من وقت الموت ولاقد قدر يجاوبها ... خطيت لعند الباب ..


سميه : دعتها ... ييييه سلا جي كذا ابن عمي يشتي يدخل ..

سلا : نفخت ضبحت منها 😤 طييب تمام ودخلت عند رهف ..


سميه : بتبسر له الطريق ... ادخل خلاص مابش احد ..

ريان : أسكه ابسري لي الطريق اشتي أبسر امي ورهف ..


سميه : عمتي فالديوان والنسوان عندهم ملان معتقدرش تدخل ورهف في غرفتها..

ريان : تمام وبيخطى 🚶🏻‍♂لعند غرفه رهف يشتي يدخل ..

سميه : من وراه .. وقفته هااه هاه راعي عندها بنت جيرانكم ..

ريان : تاعب وطافح من روحه 😔 ابسرها من قصدش سلا ولا واحده ثانيه ..

سميه : أيووه سلا ..

ريان : إسهل ماسلا هي بتفتش لي انا اعرفها ودخل 🚶🏻‍♂..

سميه : وقفت فالباب بهررت عيونها بتتفرج 😳..


سلا : أول ما ابسرته وقفت 🚶🏼‍♀وبلهفه كيف قد انت طمني وعظم الله اجرك ..

ريان : إبسرها وأبسر رهف ونزلت دموعه بكي 😭 ماعد قدر يمسك نفسه وحضن رهف ..

رهف : بتبكي 😭 بابا فلتونا يارياان ماجد قتلهم يارريان ..


سلا : بتبكي من بكاهم 😭 قوووى انا فدالكم بس هييا مه لاتحرقوهم ..

ريان : حاول يمسك نفسه وبيمسح دموعه ..

سلا : تغديت ولا اديلك ..

ريان : والله ماله طريق انتي اوبهي لرهف بس تاكل علشان العلاج انا شخطى البس شرق ع القاعه ..

رهف : وماجد أينهو .. سألتك بالله لاتخليه يشل عزاء بابا ...

ريان : اشر لها تهداء .. مش وقت هذا الكلام خلينا ن

كمل الموت وبعدا اسهل ووقف وخرج ..


سميه : دخلت ع طول وبتبسر سلا باستغراب 😏 ومش عاجب لها ..


سلا : حست بها ولفتت لها بسرعه 👀 لاتتفرجنيش هكذا بربع عين احنا تربينا جمعه وبينفتش له وبيتنا وبيتهم واحد ...


سميه : دعممتها وخرجت وسارت تعاونهن ولقيت رنا وقدهي بتحطم ماشاء الله ع جيرانكم حالي هكذا بتتفاتشوا ..

رنا : فالمطبخ بتغسول .. ماهو من قصدش ..

سميه : سلا دخل ريان وهي جالسه وعادي بتجابره ..

رنا : عوجت فمها 😏 هاااه ايووه عادي هم هكذا تربوا كلهم جمعه ..


سميه : تبرقطت 😠 وخرجت ..


كمل اليوم وكان اليوم كله عزاء ودموع وقهر ..


🌹meme_abdalgaleel

https://tttttt.me/qesasanani/1240

@qesasanani

@qesasanani

بارت 49


ثاني يووم ...

وقت العصر فالصاله ...

محمد : جالس جنب ريان بيحاكيه بصوت واطي .. هيا مه قدرت تفهم ماحصل وليش ضرب رهف ..

ريان : تنهد بحرقه 😔 ماقد قدرت احاكي أمي سواء قدوذاك إبسرت كيف البيت والنسوان بس تقريبا الي فهمته انه ع موضوع يوسف وكسرت كلمه وتليقن ع أبي الله يرحمهم ووقعت مشكله كبيره ..


محمد : تنهد ... آآح بس 😔 هذا مجرم كيف سخى على ابوه وأخته كم قهره ذلحين إن عمي حسين ماتوا بسببه ..

ريان : والله مافي حسه إبسره كيفهو مخزن وبيجابر طبيعي يا أخي ماكلف خاطره من أمس حتى يبسر أمي ولا يطمن ع رهف هذا حجر مشو بشر ..

وهم بيتجابروا أحمد دخل الصاله بيسلم ..

مهند : ابسره ..كان جالس قدام محمد خفعه🌿 بعودي قات..

محمد : لفت له 👀 مالك ..

مهند : أشر له بعيونه 👀 يبسر أبوه ..


محمد : قام وقف يخرج علشان لايتكلم معه ويتصايحوا بين الناس ..

أحمد : مسكه من يده 🤝🏻 وبصوت واطي بيحاكيه اااها بندور عيالي وهم هانا ..

محمد : أجرنا وأجركم عظيم ..


أحمد : مش وقت الهدار بين الناس كما العشي لي كلام معك ومع أخوك ..


محمد : أنا عن نفسي ماناش مروح الإ بعد ماتوافقوا ..

أحمد : مش وقت الكلام هانا .. والعشي رواحه انت وأخوك لنا كلام ..ورن تلفونه📱 جاوبه ألووو...


محمد : خرج من الصاله وشل تلفونه يتصل لرهف يطمن عليها 📱...

توفيق : هييا اين انت قد جيت اخزن عندك اليوم مابحد انت فالبيت ...


أحمد : يووه والخزوه .. أنا جيت أعزي مات جارنا هذك الي وريتك بيتهم عرض الجدر ...يله بساعتي أسلم عليهم واروح اطلع خلي الحارس يفتح لك يدخلك الديوان بساعتي وأجي ..

توفيق : آها عظم الله اجركم .. خلاص شاجي لعندك فين الصاله قدهو نعزيهم والكل وعنروح جمعه ..


أحمد : شرح له القاعه ودخل يسلم ع أهل المووت ..

خالد : بيدعي يوسف يخرج يدي له قاروره ماء من المطبخ يشتي بارده ثلج 🍾..


يوسف : خرج وبيفتح الثلاجه شل الماء وع خرجته سمع محمد ..

محمد : كان واقف عند الزاويه ومقفي بيحاكي رهف 📱 يااارهف قووى حبيبي ماينفعش هكذا تشتي تموتي عليا ماهو كيف تجلسي بدون أكل محد قدر يصملش ..

رهف : بتحاكيه وتبكي 😭 مقدرتش اللقمه تنزل وفمي حبوب ..

محمد : بزعل 😔 فيني ولافيش مافي نفسش طيب ماتشتي اخورش ..

رهف : ولاشي أسلم .. أمانتك بس لاتخلي ماجد يعزي لبابا ..

محمد : ماعينفعش هكذا يارهف مابلا تبداع بين الناس بس .. اسمعيني شتصل للسواق يشتري لش أكل 🍱 ويديه وياويلش بس لو ماتاكلي والله لأزعل منش ..

رهف : تمام شاحاول ..

محمد : ربي يخليش لي ولايحرمني منش يا احلى ملاك فالدنيا .. يله انتبهي لنفسش .. قفل التلفون 📱 ولفت ..

يوسف : واقف وراه بيتفرجه 👀...

محمد : إبسره وإنصدم
😱 أيحين جيت ..

يوسف : بعصبيه 😡 ونظرات حقد وكره من اول ماقلت يارهف ياحبيبي ... وجمز يده بعصبيه 🤛🏻 حسابك معي بعدين يا استاذ محمد موت ولا كنت شعرف أربيك ياخساره ثقه ريان فيك وعمي الله يرحمهم وفاتحين لك بيتهم وانت بتضحك ع بنتهم ...


محمد : تكلم بثقه .. يييه اعصاابك اهداء مش أنا الي ألعب ع أحد وريان داري وانا شاري البنت واهلهم داررين وشخطبها بس جاء موت عمي مشنا الي اتهدد ..

يوسف : حس من كلامه إنه فعلا واثق من نفسه ومالي يده اقتهر 😔 يعني إيش قصدك ..

محمد : بهنجمه 🤨 يعني قصدي واضح ورهف تقريبا خطيبتي من زمان وحط يده ع كتفه وهذا سبب رفضها لك ولو تشتي تدخل تحاكي ريان يله ندخل جمعه علشان يسكتك ويقلك خطيبها يطمن عليها براحته ..


يوسف : ضبح😤 منه وفلته وخطي ...



......... .......... .........

في بيت🏡 ياسمين ..


ياسمين : بتتفرج الحالات حق الوتس شافت خلفيه عزاء في بروفايل محمد استغربت 😳 يووه من مات ..


صاحبتها : كانت عندها ... ماالش من مات ..


ياسمين : مدري من مات ع محمد بينبسر الحاله حقه .


صاحبتها : ليش ماترسلي له تساليه ..

ياسمين : بتحكي لها كيف صيح لما أتصلت لأمها.. وانها محرجه ماعد تشتيش ترسله ..

صاحبتها : مخطوبه بزميلهن فالدفعه .. انتي داريه شتصل لخطيبي💍 أكيد الشباب قدهم عارفين وعنساله .. اتصلت وعرفت منه انه ابو ريان ..


ياسمين : يووه مسكين 😱 مارائيش ارسله أعزيه ابسرتي كيف وقف معي والله انه مسكين قوي بس مابش معي رقمه ..

صاحبتها : أيووه صح ضروري واجب ورقمه أسهل اعرف واحده في دفعته شاخليها تدوره لنا ...



🌹meme_abdalgaleel


@qesasanani

بارت 50

العشي 🌚..

في بيت أحمد 🏬...


أحمد : بيسأل ناديه .... ماقد روحتش غاده وسلا ..

ناديه : ماشي قالين عيجلسين يسمرين شويه ..


أحمد : إتصلتي لبناتش يجين يعزين ..

ناديه : الصدق ماشي ..قدوذا سيرت أنا كفايه ..

أحمد : مع مايسبرش قدهم جيران لازم يجين ..

ناديه : إبسرته بإستغراب 😳 لييش او قد غيرت رائيك ..

أحمد : بهنجمه 🤨 كل شي في بابه هم جيران وحسين ماقدا
ابسرنا منه الإ كل خير ومن أهله بس أنه اناسبهم ماشي أنتي داريه مابنتزوج الإ مننا فينا ماشاخليش أحد من الأسره يتحاكى عليا ...


ناديه : بتقشر له تفاح 🍎 الي صدمني صدق مهند محمد ونعرفه بس مامهند امانه انه فاجائني قوي ..


أحمد : شل التفاحه 🍎 من يدها ... هوو هذا الي بينهمه لايسير صدق يجنن ويفعلي نثره مع توفيق ويخرب عليا كل شي لوتبسري كيف سبر موضوعي مع البنك بس حين حاكاه ..

ناديه : طيب والحل كييفه ماعتفعل ..

أحمد : اليوم طبعا مدعممين لي فالصاله بس حاكيت محمد قلتله يروحوا اشتيهم وكما جاء شاقله اني شافكر فالموضوع وذلحين مش وقت نفاتح أهلها فالموضوع عادهم بعد موت ع الأقل نصبر تيه السنه عاد قلوبهم موجوعه ..

ناديه : إبتسمت 🙂 أيووه والله انها فكره حاليه نهجع من جنانهم ونسكتهم وانا شجلس فوق راس أم سمر وشويه وشافاتح هيفاء ومايدرى محمد الا وقد عيخطبوها 💍...


........ ........ ...........

في بيت 🏬 توفيق ...

فوق العشاء 🍛🍲..

سميره : يوووه 😱 مسااكين كيف مات ..


توفيق : قالوا هو فيه مرض القلب ❤ من زمان ..


سمر : مسكينه رهف 😔 والله اني زعلت عليها ..

سميره : هيا نشتي نرجع نسير نعزي ..

سمر : ايووه وانا شاجي معاكن ..

سميره : أيووه وشازيد أتصل لخالتش والكل تجي ..

توفيق : حط الشاهي ☕ من يده بضبح 😤 ولفت لها ... ماتسير اختش تفعل الناس معاهم مووت وانتي فارحه تبسر البنت ..


سميره : استغربت من تصرفه 😨 يوووه مالك من عيتحاكى من خطبه هو بس تجي معي تعزي ..


توفيق : فلت العشاء وقام .. شدخل ارقد قيميني الصبح بحين معي عمل وخطي 🚶🏻‍♂..


سمر : لفتت لامها 😒 مااالهم بابا ..

سميره : حركت يدها مستغربه ☹ علمي علمش يعلم الله ماقلبه ..


........ ......... ..........

في بيت حسين 🏡..


رنا : دخلت لعند هيفاء وعندها الاهل والجيران بيسمرين عندهم .. وطت لجنبها .. بتشاورها 👂🏻يا أمه جاوبوا ماجد يشتي يبسركم ..

هيفاء : تحت عيونها حارق ومقهوره تاعبه 😔 لا إشتي إبسره ولايبسرني سيري قليله الله يحرق قلبه مثل ماحرق قلبي💔 ..


رنا : مع يا أمه قووى لاتدعوش عليه ..


غاده : مسكت يدها🤝🏻 قد حكت لها هيفاء وشكت لها ماحصل .. اسهل يا اختي قومي ابسريه ..

هيفاء : بكيت 😭 ماقدرش قلبي مشتيش أبسر له صوره ..

رنا : خرجت تقله مارضيوش ..

ماجد : بقلبه وجه ونخيط 😠 وحرك يده بلامبالاه 👋🏻
هيا ويرجعوا يقلوا هو عاصي سعمني قتلت أبي أنا هو كمل عمرهم لاهانا فلت وطلع ...


رهف : بتدعي سلا .. بتاشر لها بيدها تجي 👋🏻..

سلا : قربت جنبها ... هاه روحي مالش ماتشتي ..

رهف : إتصلي لريان ابسريه لما يجي لهم للعشاء لو عياكل اديله من الي اشترى لي محمد🍱 ..


سلا : حاضر .. لاتهميش قد محمد بيوبه له وريان ماشاء الله عليه متماسك ..


رهف : تنهدت ..آآح بس ياسلا بيحاول يبين أنه قوى وداخله مكسور 💔..


سلا : الله يصبركم يارب .. وخرجت تتصله ..

سميه : طبعا قد عيونها🙄 مفتحه عليهن ومضايقها وجود سلا .. قامت ع طول بسرعه للمطبخ تجهز العشاء ..


ريان : جاء للعشاء🍱 بيداعي لانهم بيسمروا الشباب في بيت الجيران ..

سميه : سمعته حملت تجاوبه لحضه الا وبتغروفه تخرجه له ...


رنا : جت تشله منها اديه لاتتعبيش نفسش اوذا شاخرجه ..

سميه : مع اسهل قدش تاعبه اوذا شامكنه وضعت الطرحه حقها وخرجته ..


ريان : شله منها .. تسلمي ..

سميه : سنبت فالباب 🚪 بصوت مدلع .. قووى رياان اتعشى لاتقهرنيش عليش يكفي قهرنا ع عمي ..


ريان : فتح عيوونه 😳 اقهررش ... وهز راسه تمام وفلت وخطي ..


يوسف : اليوم حانق ماروحش مع الشباب خرج من الصاله ع طول بيتهم مقهور بعد الي سمعه ...


🌹meme_abdalgaleel


https://tttttt.me/joinchat/AAAAAERja9LRzSkmuZYIRw


@qesasanani

بارت 51


اليوم أخر يووم فالعزاء ...


مهند : سامرين مع الشباب في بيت الجيران ... هييا مه عتجي نروح اليوم ولا كيف ..


محمد : حرك يده مددري والله ماادي لك علم .. أصلا كيف لوما أبي غيروا رائيهم وقالوا نراعي فتره بعد الموت وبعدا عيحاكوهم ..

مهند : قدوذاك سمعتهم لما حاكونا👂🏻 أنا حسيت إن خرجتنا من البيت واني شفسخ أثرت عليهم ماالك اصلا مصلحتهم مع عمي توفيق بينفعهم قووي فالعمل ..

محمد : ولو مشنا مقتنع و قلبي ❤ مش مطمن لهم بس روح انت وأنا عادنا اليوم شجلس مع ريان اوانسه ..


ريان : إبسر يوسف جالس بيلعب بالتلفون 📱 ... هييا ماله إبن عمي مطنن فوق التلفون ولا قد فتح فمه اليوم ..


يوسف : لفت له بنظرات ضبح 🤥 قدوذاك نسبك معاك طول اليوم وبيجابرك يكفي ..

ريان : إستغرب ورفع حواجبه 🤨 نسب مه ..

يوسف : بمطه صووت .. محمد .. هييا مه هو قال اننتوا داررين .. ولا بيتعذر بس ..


ريان : حس ان به شي قاام جلس جنبه وعرف منه الي حصل ... هز رآاااسه ويشتي يقطف معه الخبر ...
.. آاااااها اولا محمد حاطط كلمه من زمان بس محد فتح هذا الموضوع لما يكملوا دراستهم .. واحنا مش مبينين شي وياريت يا اخي تنسى انك سمعت شي انا حاسس بك بس فالأخير هذا نصيب والله يخليك لو لعمك معزه في قلبك ماعد تذكر هذا الموضوع يكفي المشكله الي حصلت لما اتصلت لماجد وبسببها خسرنا أبي ..


يوسف : عصر وجهه 😏 ومشنا فاررح بها ولا به أزيد أذكره ومدام ماتشتينش انا مشتيهاش اخس ..


ريان : طبطب عليه في كتفه بيده 👋🏻 تسلم بارك الله فيك . وقام رجع بقعته ..

محمد : قرب جنبه بيساله مالهم ..


يوسف : إبسرهم بيتجابروا ضبح 😤 وقام لبس كوته ورحله ...



......... ........ ........


في بيت حسين 🏡..

سميه : بتتراشى أمها تزيد تخليها تجلس ماقد تشتيش تروح ..


رهف : تحت عيونها حارق وفمها حبوب وكارهه الدنيا ويله بتاكل اللقمه بالعافيه 😔 بعد ماتجلس سلا فوق راسها ومحمد .. حاطه راسها ع كتف أمها .. ماما اليوم كلهم عيروحوا ويفضى علينا البيت وماعد بحدهم بابا عندنا ماعدبش معي أحد فالدنيا بعدهم .


هيفاء : مقهوره ومكسوره من داخلها .. بتحاول تبين إنها قوويه علشان رهف .. باستها😘 في راسها ونزلت دموعها 😭 .. وانا وريان أين جينا ..


غاده : مسكت يدها 🤝🏻 ليش بتقلي هكذا ياارهف وإحنا أين عنسير عندش يوميه لما تضبحي مننا وتقلي روحوا بيتكم .. وكيف مابش معش أحد وسلا مااهو تشتيها تسمعش وتزعل وابتسمت لها 🙂 وقربت لجنبها ووطت صوتها ومحمد هيا مه والله لوتبسري ماارحمه قد سلا أكيد حكت لش ..


رهف : افتتحت عيونها 😨وحست جسمها كله دخن اول ماذكرت لها أسم محمد وحست أنها عارفه حمرت خدودها واحرجت .. بعدت من فوق أمها وخرجت ع طول من الديوان ..


هيفاء : لفتت لها 👀 .. ماقلتي لها لما هربت هكذا ..

غاده : موضوع طويل مش وقته ذلحين عترجعي تعرفيه ..


هيفاء : شبحتها بيدها بتسحبها جنبها تجلسها 🤝🏻 والله انش عتقليه قووى لاعاد تقرحيش قلبي فوق ماهو مقروح 💔..

غاده : جلست جنبها .. بتحاكيها دلا .. يا اختي موضوع والله ماقدهو وقته احاكيش ولايسبر بس مانفعلش .. إسمعيني شدي لش الخلاصه قلي خاله خطيبه مهند اعجبتها رهف وقالت احاكيكم يشتوها ومحمد دري اقتلب مجنون وقال والله مامخلوق يشلها غيره ووقعت غاره في بيتنا وحنق لأبوه من البيت ليله الموت حق حسين الله يرحمه وبعدا من هنيه لاهنيه دريت من سلا انه يشتيها وهي كانت الواسطه بينهم من الأخير ورهف راضيه ...


هيفاء : اول مره من يوم الموت ترتسم إبتسامه خفيفه 🙂 ع وجهها .. وابنش هذا النزغه كان يمكني ادعيله يشتي واحده وبيسالني لوعيرضوا به ووعدته اني شتوسط له وانه بيجس نبضي ..


غاده : تصدقي والله اني فرحت من قلبي لما دريت منين شلقى ساع رهف وبعدا هي بنتي اتربت ع يدي بس ولا بينوا لنا شي هذولاء النزغاات ..


هيفاء : تنهدت .. اااح ريت والله وحسين عايش والله انه كان بيجابرني ويقلي لومشو عيب لايسير يخطب 💍محمد هو لرهف من كثر مابيحبه ريت والله وهو سمع هذا الخبر ..


غاده : الحمدلله طمنتي قلبي ❤ وكما تميتي الوجل وخف الوجع عنرجع نتحاكى سواء ذلحين مارائيش انبي ع الناس أقلهم ان مشنتوا موافقين ..


هيفاء : زد اصبري لش شويه ونبيهم ...


🌹meme_abdalgaleel


@qesasanani

بارت 52


بعد شهرين من الموت ...


في بيت خالد 🏡..


مرته : هييا مارائيك ياخالد لو أحاكي يوسف ابسرت بنت أمس عند بيت جيراننا عجبتني قووي ساع القمر لو نبسرها له ..


خالد : اوذك ابنش عندش سدي أنتي وياه بس أنا لوتشتوا رائي يكمل قرايته وقدهي خطبه💍 وعرس مره واحده انا رضيت بس وفتحت المجال علشان بنت عمه لايشلوها ..

مرته : بضبح 😤 جعل شلوها الجن ان شاء الله 👿 حرقت قلب إبني وانا اشتي اخطب له حناك فيها تدرى ان محناش فارحين فيها ..


خالد : يسدوا لكن قدوذا بيننبي عليش مابش خطبه الا بعد ماتكمل مره اخي الوجل .. وفلتها وقام ..


مرته : حمله حمله طريق التلفون 📱 تتصل لسميه عادهي في بيت عمها علشان بس توصلها خبر تحانك رهف ..


........ ......... ........

في بيت حسين 🏡..


سميه : كانت بتقرب الغداء 🍱🍲 بتساعد رهف ..


رهف : ابسرت 👀 فارس فالدرج بتدعيه .. فاارس جي ياحبيبي
اتغداء معانا ..

فارس : مفتجع 😰 مع ماما عيضربوني قالوا مع انزل عندكم ..


رهف : مسكته .. وبتدخله ماعتصيحش قلها هي عمه رهف دخلتني أتغداء ..


ريان : بيحاكي هيفاء .. يا أمه دواير السياره 🚘 حق أبي الله يرحمهم أينهم أدوهن لي أسير عند صاحبي اذاكر المواد الي ما امتحنتهنش فالموت .. عيعيدوا الامتحانات الإسبوع الثاني ..


هيفاء : تنهدت اااح ااااح عادهن ع حطه يده الله يرحمه في الدرج حق الجزامه ..

سميه : بتحاول تلفت انتباه ريان طول هذه الفتره كلها قربت له شوربه 🍵 حطتها تحته .. هيا اطعمها وقلي رائيك يا ابن عمي قدنا حميش وزد فعلت بسبوسه والكل لما نتم الغداء شاطعمك ..

ريان : مع خلاص قدنا شابع و إبسر رهف وابتسم 🙃 يووه بسبوسه يارهف خورتني ..

سميه : فررحت 😃صددق تعجبك اقوم اديلك ذلحين تحلي .. وادت له ..

ريان : أول ما إبسر شكلها 🥧 ..قزز 😖 ماهو هذا سألتش بالله هذه بسبوسه ولاكدم امانه خلي سلا تعلمش وفلت وخطي شل دواير السياره وصيح لهيفاء مع السلامه ..


سميه : اصترعت كسفها 😰 دخلت للغرفه ابسرت مكالمات من امها اتصلت لها وتجابرين ..



.......... ......... ...........


في بيت أحمد 🏬...


محمد : بيتجابر مع سلا بيطمن كيف قد هي لانه ماعد ابسرهاش ومن صوتها في المكالمات مش عاجب له ... مارائيش ياسلا لو تحاولي تخرجيها من المود الي هي فيه ..


سلا : مفعل والله ان قد بينفعل جهدي وأحاول اشغلها وانسيها قدنا طول اليوم معاها والعشي بتجلس معاها الغوريلا هههه .


محمد: ضحك هههه 🤣 أمرش الي الله قد بتسميها الغوريلا ماانا قد بينسميها الرازم ماعد قدرت احاكي رهف ساع الناس من تحت راسها ..

سلا : أصلا لوتبسر كيف بتزعج ريان قوي قدهو مخنوق منها بتجلس تستعرض قدامه وتلفت انتباهه خبلاء شكلها معجبه به ...


محمد : أنتي داريه حاكي رهف اليوم أسجلكن في معهد قدهو منها تخرج تغير جو وتنشغل وترحلها الرازم بيتهم ...


سلا : فرحت 😃 صدق قل والله عتسجلنا ..

محمد : شعفل راسها😁 أيووه ياقليله الولف بس لو مارضيتش رهف مابش معهد..


سلا : بتتنبع فارحه 😄 مالك الا توافق ع ضمانتي ...



🌹meme_abdalgaleel


@qesasanani

بارت 53


العشي
في بيت توفيق 🏬...


سميره : بتحاكي اختها فالتلفون 📱 لكن يا اختي خزا نحاكيهم وهم بعد مووت ..


أختها : مفعل والله ان قد ابني جنني وزيغ عقلي قلي ابسروا بدلها ماعيجلس يراعي وانا الصدق دخلت نفسي قوي واشتيها وبعدا قدوذا للموت شهرين هو غر عنطرح كلمه ويردونا خبر يهجع الولد وبعدا اسهل عناخر الخطوبه شويه أهم شي يضمن .


سميره : خلاص تمام ولو انه خزا لكن شاقوم أتصل لغاده ذلحين واحاكيها وغلقت...


سمر : بضبح 😤 عتتصلوا لماما غاده ..

سميره : أيوه نحاكيها تحاكيهم قدوذا بتبسري خالتش جننها ابنها ..


سمر : امانه وبدون مايحسوا جابروهم اسالوهم لو مهند فيه شي بينحسه كانه ضابح و لو اتصل بيتحاكى من شق نخره 😤 امانه بينحس كانه مغصوب عليا غصب ..

سميره : هييا ناهي لش من الدحس والبعسسه من عيغصبه مابلا انتي حساسه بس .. خليني اتصلها شرق ..



....... ........ ........

في بيت أحمد 🏬...


غاده : في غرفتها وأحمد عندها رن تلفونها📱 جاووبت . اهلا وسهلا .


سميره : مساء النور ..كيف انتي ..

غاده : مساش الله بالخير كيف انتي وكيف سمر ..

سميره : الحمدلله تسلم عليش . شغلتش صح محد يتصل هذه الساع بس مفعل والله ان قد اختي جننها أبنها وكسر راسها قلت اقلك ولو خزا لوتحاكي هيفاء ع رهف ولو حتى بس يردونا نابي وماقد عنخطبش ..


غاده : احرجت منها 😅 مادريتش كيف تبداء معاها .. اممم والله ما اقلش الا خير يا اختي بس البنت مابترضاش عادهي رفضت ابن عمها والكل قبل مايموت ابوها وأنا قبل يومين كنت عندهم والكل وجت واحده ابسرتها فالموت عجبتها تحاكيهم تشتيها قالوا لها ماقدعيزوجوهاش ولا قدبتوافق ع احد ..


سميره : إكتبست 😰 يووه لكن مارائيش نجرب يمكن انه نصيبها ..


غاده : إبسري والله ان قد حطيت لها خبر بس علشان ابري ذمتي لكم شازد احاكيها غطوه بس قدوذا بينقلش دوروا له احسن حرام تراعوا عالفاضي ..


سميره : بزعل 😔 ان شاء الله تترخشش ويفتتح قلبها وترضي..


بعد ماغلقت غاده ..

أحمد : ممدد فوق السرير وفي يده الرموت بيقلب التلفزيون 📺 هذا بيت توفيق صح ..

غاده : أيووه اتصلت علشان موضوع رهف الي قلتلك حق ابن اختها ..

أحمد : بهنجمه 🤨 وأنتي ماعليش قدبتقكعي و بتمنعي من عندش ..


غاده : باستغراب يوووه 😨 كيفه امنع من نفسي اصلا هي مشي راضيه وبعدا قدهي خطيبه ابنك كيف نزيد نحاكيهم ونتوسط لناس ..


أحمد : بسخريه 😏 هه خطيبه من او صدقتي انتي والكل انا غر هجعت الولد يرجع البيت ولايسير الثاني يجنن ويفسخ خطوبته ويحرم لي عملي .


غاده : خفعت وشها 😱 بغيير جنان والله لويدرى محمد لايخرف ويزيغ حسه ويجنن وبعدا انا قد طرحت خبر لهيفاء والكل بعد ماقلت تمام علشان لايخطبوهاش لأحد ..


أحمد : ضبح😤 ورجم الريموت من يده .. ومادخلش بتتصرفي من راسش أنا قلتلش تحاكيها ولاقدهو شورش من راسش لكن عيس بيني وبينش ترجع تصترع منش لما تخطبي لابنش وتقاطعش ونهجع منهم وفلت وخرج طلع عند ناديه ..


........ ....... ........


في بيت حسين 🏡...


رهف : بتحاكي ريان ... مارائيك ذلحين أسجل ولا مع ..


هيفاء : ايووه قلتلش سجلي بكم تخرجي من الحبسه وجلسه البيت والتفكير ..


ريان : أيووه عييس تشغلي نفسش وقدهو تتقوى لغتش قبل الجامعه بس ابسرين وقت مناسب .


رهف : أيووه قالت سلا نسير عصر ..

سميه : جي نسجل أنا وانتي ماعيسبر الا تسيري بسلا هذه ..


ريان : أبسرها بهنجمه 🤨 انتي شويه وعتروحي بيتكم لخطبه اخوش قدوذا قلتي عيخطبوا له بس سلا هي معاها ع طول ..


سميه : بكيت 😭 يعني قدك بتطردني تشتي اروح ..


هيفاء : بهررت فوقه 🙄 يووه مع يابنتي مشو هذا قصده بس قصده هن والفات مايقرين الا جمعه ..


وعادها بتحاكيها وقد الباب بيرزع بقوه 🚪..


ريان : يووه من بيرزع وقام يفتح الباب 🚪..


ماجد : دهفه بيده ... وبصياح 😡 من خرج بسياره أبي ..

ريان : اخذ نفس ومسك نفسه ... أنا لييش ..

ماجد : وبأمر من خرجت ياشاطر 😡 يله الان ادي الدواير ماعدبش سياره ..


هيفاء : سنبت .. مااهو ماعدبش سياره🚘 ماعيديش ماتشتي منها ...


ماجد : كما قدهي سيارته وحده هو حر يفعل بها مايشتي بس هذه قدهي سياره 🚗 الكل وكل شي يخص ابي حقنا كلنا لما نقسم مايحق له يشل شي ..


هيفاء : بكيت 😭 يووه عيقسمك ربي من نصك الي بدل ماتقل لو لكم مالي ومامعي يا اخوتي تشتي تقاسمهم لكن عيوريني فيك ربي ...



ماجد :😡 ومن قال اني شاقاسمهم انا الكبير والوصي عليهم وكل شي عيكون يوصل لايدي معاش ابي وقد نبيت ع المستاجرين وصرفتكم شاكن اديها لكم ..



ريان : بعصبيه 😡 وصي ع نفسك ومرتك وعيالك انا وامي واختي مالكش دخل بنا وابعد عننا يكفي ماتوا ابي بسببك ..


ماجد : لطمه 👋🏻 عتتليقن عليا ياقليل الادب ..بس انت عتبسر حسابك وخرج وصرع الباب 🚪.

رهف : بتتفرجهم وتبكي 😭 واطرحت ع ركبها فالأرض لمن فلتونا يابابا لمن جوو ابسروا ماجد ماقد بيفعل بنا..



🌹meme_abdalgaleel

بارت 54


طبعا عدت الأيام واليوم أخر يوم لهيفاء في الوجل ..



رهف : رغم انها بتسير المعهد بس حزينه وقلبها مكسور 💔 ع فراق أبوها ومابيخلصوش من جنان ماجد كل يوم بيدور له اي بعسيسه ومشاكل.. .. مروحه هي وسلا من المعهد بيخطين 👭..


سلا : بتسحبها ..سلا سلا امانه جي نشتري لنا أيسكريم 🍦 من هذا المحل شكله حالي ..

رهف : تمام بس انا مشتيش مابش نفس اشتري لش وحدش 😔..


سلا : بتبهرر فوقها 🙄 بغير خباله يا اشترينا جمعه ولا مشتيش ..

رهف : ناهي يله تمام .. ادخلي إشتري لنا وشاراعي لش هانا فالباب ماقدرت ادخل ..


سلا : تمام .. ودخلت ..

رهف : مراعيه فالباب🚪 حق المحل من خارج ومصتويه للشارع خطي ولد صغير بيبع ميداليات حروف ومكتوب فيه شعر ..

الولد : معلق الميداليات في يده تشتي ميداليات وبيوريها ..

رهف : بتتفرجهن .. معك حرف M و Rوريني ...

الولد : أيووه وبيوريها عجبنها إشترت حرف الM مكتوب فيها ( أشعل شموع الحبّ وأرسل لك أشواق، وأكتب على العنوان لعيونك أنا مشتاق)...

وحرف الR مكتوب فيها ( غريق أنا في بحر عينيك وما تعلّمت الرّحيل إلاّ إليك.


سلا : خرجت بتمكنها الايسكريم 🍦 هاه امسكي ..

رهف : شلته🍦 وبيخطين وبتوريها الميداليات كيفهن ..اشتريت من ولد فالشارع لي ولمحمد انا شاشل لي حرف الMوهو R.

سلا : خفعتها والله ياشووعه ليش ماتشتري لي انا وريان ..


رهف : ابتسمت 😊 والله ما انتبهت .. وبتمكنها حرف R مكني محمد لما تروحي وغطوه نروح من هانا وندور الولد نشتري لش ...


........ ........ ..........

العشي 🌚...

في بيت ياسمين ..

ياسمين : بتحاكي وليد فالتلفون 📱 طبعا بتحاكيه وتحاول تسايره وقارفه 🤮 منه علشان تخلص من مشاكله لما يقتنع ..


وليد : ذلحين عنبداء الدوام الإسبوع الجاي ولا ماقلتي يامندوبتنا ...

ياسمين : أيووه إن شاء الله هذا الإسبوع أنا شاسير أبسر الجدول ..

وليد : خلاص تمام ورسليه لي وتس بس هاه قدوذا بيننبيش من ذلحين محمد مالش دخل به لا من باب ولا من طريق ولا أبسرش يوم واقفه معه لأنه الصدق ماناش طايق له ..

ياسمين : اختنقت وضبحت 😤 طيب تمام ..وطننت 🤔 بتحاكي نفسها .. والله ان قدنا مراعيه للدوام مراعاه أبسرك يامحمد عمري ماحسيت هذا الشعور الي بينحسه معك مع واحد غيرك ولا حسيت أني أشتي اشوفه ووحشني ..


وليد : بيداعيها .. ييييه من بينحاكي أين انتي ..


ياسمين : 😅 هااه معك معك أيووه .. وكملوا يتجابروا ...



إييييش ياياسمين معقووله تكوني حبيتي محمد ❤ ولا بس الموقف الي سواه معش أثر فيش ....



🌹meme_abdalgaleel


@qesasanani

بارت 55


في بيت حسين 🏡...

هيفاء : سامره مع رهف وريان ...

ريان : تنهد 😔 يا الله مسرع الأيام بتمر ماناش مصدق ان أبي قدلهم 4 أشهر من حين ماتوا ..


رهف : تشارغت عيونها بالدموع 😢 الله يرحمهم ياارب ساروا وفلتونا للعذاب هذا ..


هيفاء : ابسرتها بتحاول تخفف عنها .. وجع وانا واخوش جنبش هيا من هذا الكلام الي يزعل وبعدا من اليوم ماعد أشتيش أبسر فوقش أسود خلاص كنتي تتعذري لي لما أكمل الوجل قدوذا اليوم كملت ..


رهف : هزت راسها ماشي ياماما مشتيش ..

ريان : حط يده ع راسها وباسها 😘 الإ ياقلب أخوش عتبعديه علشاني صح وبعدا هيا مه ماسدينا نشتي نبطل زعل و نفرح شويه ..


رهف : ومنين عاد عيجي الفرح بعدهم وبكيت 😭..


ريان : مسكها بيهديها .. رهف قووى روحي علشان خاطري لاتقهريناش زياده و ابتسم يحاول يمازحها يخفف عنها😜... وبعدا بكره موعد النتايج حقكم خلي الدموع لبكره قد عتبكي من مره ياراسبه ..


رهف : كان جنبها قاروره ماء 🍾 خفعته مشنا راسبه بطل تفووال ..

ريان : ضحك هههه 😜 خلاص عتنجحي دهفه ..

هيفاء : بتصيح فووقه .. ريان بس امانه من محانكه اختك خليها في حالها الله يوفقش يابنتي لاتصدقيه انتي عتبسري كم عتدي ..

ريان : خلاص هيا قووموا أعشيكم خارج ونغير جو قدلنا خيرات محبوسين فالبيت ...


رهف : قامت تلبس هي وهيفاء ..

الباب دقدق ..🚪..


ريان : فتح الباب بضبح 😤 مااالك ..


ماجد : دهفه بيده 👋🏻 مشو عليك أين أمي .. ودخل بيداعي يا أمه يييه ..

هيفاء : خرجت من غرفتها وهي بتلبس البالطوه بضبح 😤
مااقد معك مشكله جديده ..


ماجد : ابسرها بالبالطوه 😳 إستغرب أين عتسيروا هذا الساع ..


ريان : واقف وراه ومرتزح عرض الجدر .. مششو عليك ..


ماجد: لفت له ببهراره 🙄 تشتي أدبك صح ..

هيفاء : صااحت يييييه 😠 عتهجعوني ماتشتي نزلت ..


ماجد : في يده ورقه 📃 اشتي توقعوا لي الوكاله هذه ..


ريان : شل الورقه 📃 من يده بيقراها ...

ماجد : صااح 😠 عادهو عيقراء ويراجع بعدي مشو عليك ياشاطر انت وقع سكته ..


رهف : سمعت صوته خارج جلست في غرفتها ماقدرت للمشاكل معه شلت تلفونها 📱 ورسلت لمحمد (عجبتك الميداليه انا شليت لي حرف الM واديت لك الR علشان كل واحد يخلي عنده حرف الثاني ).


كملوا مصياحه خارج وبعد ماوصلوا لنتيجه هيفاء وقعت وخلت ريان ورهف يوقعوا علشان ممتلكاتهم وحاجاتهم لازم أحد يمسكها بعد ما ماجد وعد أمه انه يكن يشل نصيبه بس ويدي الباقي لعندها كل شهر ..



........ .......... .........

في بيت توفيق🏬 ..


توفيق : جالس بيحسب ويشتغل ويفكر 🤔 كل هذه الفلوس الي معه وبيتعب فيها في الأخير كلها عتتقسم بين أخوته وهو يتعب ويشقى وهم يشلوا كل شي جاهز .. حط الورق من يده ونزل لعند سميره ..


سميره : بتتفرج التلفزيون 📺 هي وسمر ..


توفيق : نزل جلس جنبهن وهو مطنن 🤔..

سمر : بابا مالكم مطننين ..

توفيق : حاطط يده ع خده 🤔 هااه ولا شي قوومي اديلي شاهي ☕ ثقيل .


سميره : حطت الريموت من يدها شااهي ثقيل ☕ هذا الساع عيسهرك ...

توفيق : عادي أنا اشتي أسهر أصلا معي موضوع شاغلني فالعمل أشتي اليوم ألقى حل ..


🌹meme_abdalgaleel


@qesasanani

بارت 56


ثاني يوم الصبح ☀..

رهف : قامت فجر تصلي. وماعد قدرت ترقد قلبها❤ ع نار اليوم النتايج جالسه تتقلب تعبت مسكت تلفونها وبتتصل لمحمد 📱...


محمد : سمع رنتها فاعل لها رنه مخصصه (الله يديم الضحكة
ونبقى بحب ولهفة
ولا يحرمني شوفة وجهك
من اصحى ومن اغفى
ويهنينا بحبنا
ويبعد عنا الفرقه
يا توأم روحي اللي يشبهني
ياحب قلبي وعشقة ) ... مد يده سحب التلفون وهو نوم رد عليها كمل باقي الأغنيه وهلا هلا😍
هلا باللي وفا
وبقلبي اكتفى
هلا بتالي الصبر
هلا بحب العمر
احبك😍 وبجنون
وعندي تسوى كون
بعد قلبي هلا ومية هلا..


رهف : إبتسمت وردت عليه 😊 احبك بالسكوت
وانا بحبك اموت
احبك وانا اصيح
وعلى وجهي اطيح
بعد قلبي وهلا
هلا ومية هلا
هلا ومية هلا...


محمد : فتح عيونه صباحوو حب ياكل الحب ❤ ...

رهف : حموودي .. هييا قووم ماعد قدرت أرقد ..


محمد : ضحك 🤣 هههه فجااعه خلي سلا المبورده تعلمش راقده مشخره ولافي حسها وانتي بتقلقي وانتي داريه انش شاطره اهدائي وارقدي ..


رهف : بدلع😊 .. مفتتتجعه لو ادي مجموع قليل كيف ادخل هندسه ..


محمد : جلس وارتزح عرض السرير ...يكفي قد دخلتي قلبي ❤ احلى من ميه هندسه ..


رهف : بتتمشى في غرفتها ضحكت😊 محمد امانه هيا قووم ابسر لو قد نزلوهن ماشصداش انا أبسرها ولو أنا راسبه لاتقليش ...


محمد : هههه من قد عينزلهن من بعد الفجر يامجنونه عاد الناس راقدين .. ماقد قام الا اصحاب الكباب والبرعي ههههه

رهف : يوووه خوورتني ..


محمد : ابتسم 🙂 صددق من عيووني ياعيووني أسير اشتري لش هيا سيري قيمي ريان ولا خلاص شتصله انا ونسير نصتبح في صنعاء القديمه ونديلكم ..


رهف : ماااعه شلووني معاكم نفسي أسير صنعاء القديمه ...


محمد : قلد حركتها المالوفه هي وسلا ضغط ع اسنانه 😬 اييي خخخخ ع طووول عادحنا بنشارعش تتلثمي عاد شاطلعش باب اليمن قوومي ارقدي قوومي ..



رهف : ضحكت هههه 😂 وبتحانكه يمكن يعجبني شيبه من حقهم واحبه بدلك ..


محمد : طنن 🤔 رهووف ممكن يجي يوم وتحبي غيري ..


رهف : لا طبعا لو أموت .. بس انتوا الرجال عيونكم زايغه ولاعاد بس تطلع مثل أبوك وتتزوج عليا..


محمد : مسك الميداليه الي ادت له وتنهد أحبش❤ وحدش ولاممكن في يوم افكر أكون لغيرش واعتبريه وعد مني طول عمري ...


رهف : وأنا عمري ماشاحب غيرك😍 .. وذلحين بغير مغاواه اشتي صبووح ..


محمد : من عيووني اقوم أبدل واقيم ريان ونسير ...


........ ......... ........


طلعت النتايج وسلا ادت 72 ورهف 92.5 ...



الله يخليكم لبعض ولايفرق بينكم وتكونوا نصيب بعض وتجمعكم الأقدار من يشتي يجتمعوا يقل أمييين 😜..


🌹meme_abdalgaleel


@qesasanani

بارت 57


في العصر ....


في بيت حسين 🏡...


هيفاء : فارحه برهف ونتيجتها .. ذلحين ماتشتي روح قلبي أشتري لها هديه نجاحها ...


ريان : هديتها عندي 🙂 تؤمر بس حقنا الذكيه وبيصافدها ويلعب بشعرها 92 هاااه .. زدتي عليا ..


رهف : فعلت حركتها المعتاده 😬وندشت شعرها بيدها .. قصدك 29 ونص يعني 93 ..


ريان : ضحك 🤣 ولعب بيده في وشها 👋🏻 ناهي ناهي لاتصدقيش روحش قووي وتزنطي ..ذلحين يله تخوري ماتشتي من هديه 🎁 ..


رهف : إشتي تشلني بس أزور بابا أقلهم إني نجحت وشدخل هندسه مثل ماوعدتهم ...


هيفاء : تنهدت😔 ... الله يرحمه ياارب كم كان عيفرح بش ..


ريان : طنن شوويه .. تمام بس عتوعديني انش ماعتبكيش أنا ماقد رضيتش أشلش من يوم الموت لأنش بتبكي واصل ..


رهف : قربت لجنبه .. بتتراشاه والله ما ابكي أسير بس أفرحهم ..


ريان : خلاص حاضر من عيوني الصبح نسير جمعه .. وهو بيحاكيها وصلته رساله من سلا ( ريااني اين انت عنجي أنا وماما ذلحين لعندكم لو انت فالبيت أخرج أجلس فالباب أبسرك ) .. قام خرج وجلس عند الباب وفتح اغاني بيتسمع كانه جالس ..


غاده : وصلت هي وسلا إبسرته بتسلم عليه ..🙂 كيف انت ياريان ومبروك ع رهف ..


ريان : سنب وإبتسم 🙂 الحمدلله كيف انتوا ولفت لسلا .. كيف انتي ومبروك ..

غاده : ضحكت ههه 😄 ماهي صدق تستاهل المبروك والله انحنا ماتوقعنا تنجح ع بورده قلبها ..


ريان : ضحك هههه 😂 شكلها غشت ياخاله مدام ادت72 ..


سلا : ابسرته ببهراره 🙄 هيا هيا ندخل لو تجلسوا تجابروه عيمكنها لقانه .. ودخلت ..


غاده : دخلت وفي يدها تورته 🎂 بتداعي .. هيفاء .. رهف ..


رهف : قامت تبسرها .. هاه خاله وبتسلم عليها ..


غاده : بتبوسها وتحضنها فارحه 😘 مبررررروك ياروح قلبي وبتمكنها التورته 🎂..


هيفاء : يووه ماهو هذا مابلا بالشغله ياغاده ..


غاده : والله ماهو انا إنه محمد ومهند ساروا اشتروها ومشنا داريه قالوا نحتفل بالبنات وابسرت سلا ورهف 👀 هيا سيرين ادين صحون وسكين ..


سلا : بتمزح😇 .. بتهز اكتافها .. ماعه ماعه اشتي تفعلوا لي شمعه اطفيها ..


رهف : خفعتها في راسها 😁 اخطي هاه من الهباله سعمنش جاهله تشتي عيد ميلاد .. وسحبتها للمطبخ يدين صحون🍽 ..


هيفاء : تسلمي ياغاده والله ان ربي عوضني بش وصدق انش اعز من اختي ..

غاده : الله يديمها اخوه ومحبه ياارب ويجعلنا هكذا طول العمر .. وربي يجمع بين العيال ع خير ..


هيفاء : ان شاء الله بس قووى ناجل الموضوع ع الأقل تكمل السنه بعد موت حسين وعلشان بيت عمها والكل قدش داريه ..


غاده : ان شاء الله .. وبتحاكي نفسها ... والله لأحاول اقنعك يا أحمد وشاوقف مع محمد لما ترضى ولا اكسر قلب ابني ...


رهف وسلا فالمطبخ فارحات 😃 بيصورين التورته ويتصورين ويفعلين حركات بايديهن وقلوب ❤..


سلا : يووه قد شنسى فتحت شنطتها وخرجت منها سلس ذهب مكتوب love داخل قلب ❤ هذه اداها الحب وغمزت لها 😉 .. هديه نجاحش ..


رهف : بتبسرها يووه تجنن 😃 بس ليش ذهب هذا المجنون مااشاقل لماما من اينه ..


سلا : كالمعتاد .. سلا وضحكت 😂هههه ..

رهف : بس مش ذهب ماما عيصيحوا ..


سلا : ماتدخليش وسحبتها من يدها شدخل اوريهم انا ودخلت .. خاله هيفاء إبسروا ما اديت لرهوفي هديه نجاحها ..

رهف : شلت الصحون 🍽 ولحقتها ..


هيفاء :😱 بتبسره يووه يابنتي لييش تكلفي ع نفسش ..


غاده : بتبسرها مستغربه 😳
يووه أيحين اشتريتيه يانزغه. .


سلا : ضحكت هههه 😂 قدلي من اول السنه بينجمع مصروفي لأني داريه انها عننجح بمجموع عالي ...


رهف : شلت تلفونها ورسلت لمحمد ..( تسلم لي ياكل دنيتي السلس يجنن ليش تتعب نفسك غالي )..


محمد : رد عليها ( مايغلى عليش لو بيدي لا أديلش الكون هذا كله بس توعديني ماتبعديه البسيه ع طول علشان تذكريني طول اليوم 😍 ) ..


رهف : (ليش احد يقدر ينسى روحه .. أحببببك ❤ ) ..


محمد : رد عليها 😳 لا لا مش مصددق هههه اخيرا قلتيها يووه والحلا لو عاد اسمعها صووت )

رهف : ردت عليه ( 😊 يله باي اجلس مع ماما وخاله غاده ) ..


محمد : ههههه طييب حاضر اهربي كما جلستي مصيرش لعندي واسمعها منش طول العمر 😉) ...


🌹meme_abdalgaleel



@qesasanani

بارت 58


بعد إسبوع تقريبا ...


في بيت أحمد 🏬...

محمد : بيدقدق باب الغرفه 🚪 ياااسلا هييا شرق عليا ماشي شافلتش واخطى ..


سلا : فتحت الباب 🚪 وهي بتلبس البرقع .. نااهي من الجنان والهرم حقك الي يسمعك يقل شاسير اداوم مشو غر شاجي أبسر الجامعه لو عتعجبني أسجل ...



مهند : كان بيصتبح .🌯 مشنا داري ماطلع لش تسيري تبسري جامعته قد بينقلش والله ان جامعتي احلي جي سجلي معي .. وبعدا كنتي عترتاحي لش هذه السنه ..

سلا : اصلا اشتي مع رهف ..ورهف ماعتسجل الا مع ريان في نفس الجامعه ..


مهند : وهو بياكل .. اللجع في فمه ... أحسن سكهتيني من الشغله هههه ..


سلا : 😬 خخخخخ ..

محمد : يله بسرعه شسبقش للسياره 🚘...


....... ........ ..........


في بيت خالد 🏡...


سميه : بتقرب الصبوح ..

يوسف : جالس مطنن 🤔 فوق الكنبه فالصاله ..


سميه : إبسرته مطنن 🤔 قربت لجنبه .. هيا مالك مطنن من الصبح .. وماسيرتش جامعتك ..


يوسف : تنهد😔 والله مانا مصدق ان رهف تكون لواحد ثاني الصدق ماقدرتش اتقبل انا طول عمري وانا مراعي ايحين اخطبها ولما اتقدم لها 💍 ترفض والي قاهرني اكثر ليش عمي مايقلوا لي انها مخطوبه وماجد عشمني بها ..


سميه : إستغربت 😳 مخطووبه مه .. أيحين انخطبت وقربت بتعس جبهته مالك يا اخي سلامات او محمي..


يوسف : بعد يدها ... بطلي ثقاله دم من الصبح سعم اننا مريض .. أيووه قالوا مخطوبه وان بينهم كلام انها لمحمد ابن جيرانهم بس ليش ماجد عشمني ومايقنعني من البدايه ...


سميه : فتحت عيوونها 😳 اخوو سلا قصدك .. وانا بينقل مالهن صاحبات قووي هكذاك وحتى امها وكان البيت بيتهن ..


يووسف : قام من فوق الكنبه .. الصدق والله ان قلبي بيفور 😡 وماعذر ما اسال ماجد ليش يفعل بي هكذا مع اني ماعد اشتيها لو يدوها لي بلاش بس ليش يلعب بي ويخليني اتعشم وجهزت شنطه الخطوبه وفتح الباب 🚪 وخرج ...



......... ......... .........


في الجامعه 🏫...


سلا : فارحه 😄 بتتفرج يمين وشمال وعاجب لها انها عتكون مع ريان في نفس الجامعه يعني عتكون تبسره كل يوم ..


البنات : ابسرنها مع محمد مستغربات من هذه شكلها كانها جديده وبتتعرف ع الجامعه ..

ياسمين : بتتفرجها 🙁 وتاكل في نفسها .. بتسال صاحبتها يعلم الله من هذه الي معه شكلها عادها خريجه من حق الثانويه ..


صاحبتها : فعلت بيدها مدرري .. علمي علمش جي نسير نسلم عليها ونسأله ..


ياسمين : ماصديتش من وليدد ...😅 هاااه مع مع سيري انتي انا ماعد اشتيش احاكيه من الموقف الي حصل مع أمي ..


البنت : سارت لعند بتصبح عليه وتسال من هذه عرفت انها اخته ..

محمد : شليها معش شوويه امانه جننتني من اول اساله وقدهي تتعرف عليكن ..


سلا : خطيت معاها وبتتعرف عليهن ..


ياسمين ؛ فرحت 😁 هاااه يعني انتي اخته .. وعتسجلي عندنا ..


سلا : بعفويه 😄 ايووه عنسجل انا ورهف بس مش نفس القسم حقكم رهف تشتي هندسه ..


صاحبه ياسمين : من رهف اختش ..

سلا : مع هي بنت جيراننا بس اعظم من خووات وخطيبه محمد 😄 لو تعرفين رياان هي اخته ..


ياسمين : تغيرت ملامحها واكتبدت 😨 ليش محمد خطب ..


سلا : إبتسمت 🙂 هاااه مع بس ان شاء الله عيخطبها اصلا هو بيحبها قووي وهي والكل وقد حاكى ابي امانه ادعين لهم ..




ماااااافعلتي ياسلا ... مالقيتي الا تتكلمي قبال ياسميين 😱 الله يهديش بببببس ..


🌹meme_abdalgaleel


@qesasanani

بارت 59



بعد العصر ..

في بيت حسين 🏡..

رهف : دخلت المطبخ هي وسلا بيفعلين كيك 🍞..

سلا : بتخلط الدقيق وتضحك 🤣 ههههه مااالها بتتمطط هكذا ...


رهف : قربت بتبسرها وتخلطها بالملعقه وتضحك 🤣 والله انها بالمقدار ..

سلا : سكبتها للصحن .. خلينا ندخلها الفرن واحنا وحضنا .. وجلست جنب الفرن مراعيه لها بتغني وتترقوص ..

رهف : بتفور شاهي حليب ☕ ..سلااا تقلي عنجلس سديات هكذا طول عمرنا .. ولا عترجع كل واحده تتغير ..


سلا : بترفع حواجبها وتحانكها 😜 ايووه شتغير واكون مره اخ واخت زوج شريره وضحكت ههههه ..


رهف : بترفع الدقيق تدخله الدولاب شلت شويه وطعفرته لافوقها وضحكت هههه 🤣 وانا شاكون شريره اخس منش ..


سلا : بتضحك هههه 🤣 ابسرت قاروه ماء فوق الدولاب شلتها ونزفت رهف ..

جلسين يضحكين ويمزحين ..
...... ....... .......

طااالع في شقه ماجد ...

ماااجد : بعد ماخرج يوسف من عنده فااار دمه 😡 وماعاد قدر يمسك نفسه بيصيح ررررنا يييييه ..


رنا : فوق السرير ممدده جنب فراس بيرقد ..سمعته نبعت ع طول تجاوبه ماالك بتصيح ..

ماااجد : قد عيونه كلها شرر وحواجبه معقدده .. 😡 مابين رهف ومحمد انتي داررريه ..


رنا : اررتبشت وبتقحص اظافيرها .😰. هاااه مااهو مابينهم مااقصدك ..


ماااجد : رفع صوووته 😡 وصاااح دااريه ولا ماشي يووسف قال سمعها بتحاكيه وقله ان ريان داري وامي وانها في حكم خطيبته .. والخبر عندهم من زمان انتي قد سمعتي شي من هذا الخبر ولا مع ..


رنا : فرحت داخلها انه عتقع مشكله لرهف ... .. ناااهي اهداء اذكر الله مشو كل شي بالصياح ماناش داريه من موضوع خطبه انا قد اكثر من مره حسيت ان به شي بينهم وكنت لما اسالها تدعمم والسلام هذاك الي وراء البيت يمكن بتجابره منه بس ماصديتش اقلك قلت لاتقل بينفعلك مشاكل انت واختك ..


مااجد : دهفها بيده 👋🏻 من قدامه ونزل بسرعه بيصيح من الدرج بقووه رررررهف 😡 رررررهف ... ونزل بيرزوع باب البيت🚪 بقووه ويركضه برجله ..


رهف وسلا اتباسرين وخرجين بسرعه من المطبخ ..

سلا : دخلت بسرعه غرفه رهف تتخبى لانها بشعرها ..

رهف : حملت بسرعه لعند امها .. ياماما ماااجد بيصيح ويرزوع الباب 🚪قووي..

هيفاء : فتحت الباب 🚪 ومسنبه ..بصووت مهنجم مااالك عتكسر الباب ..

ماجد : دعممها ودخل بيصيح 😡 ويدور .. رررهف أين انتي ودخل للمكان ..

رهف : افتجعت منه😰 وحملت تتخبى وراء امها ومسكتها .. ياماما قووى قلوا له ...

هييفاء : حوزت عليها بيدها ..بتصيح مااالك 😠 ماتشتي من بنتي ...

مااجد : مسك رهف من شعرها وبيهزرها بيسحبها .. ويصيح 😡إشتي أربيها قليله التربيه هذه ولطمها 👋🏻 في وشها بتحبي اومه بتجابري عيال خلق الله لكن الحجه مشي عندش الحجه عند الفالت اخوش الي بيدخله بيته ويوثق فيه ...

رهف : بتصيح وتبكي 😭 اااااي بتوووجعني فلتني ...

هيفاء : بتدهفه وتبعده منها وتحوزها .. ماااهو من بتحاكي مابه ..


ماجد :بقلبه وجه 😡 بنتش المحترمه بتجابر محمد وتحبه هذا عديم الشرف مالقي الا اختي يلعب عليها لكن والله لا اربيه واكسر راسه ..

هيفاء : دهفته .. وبتصيح 😠 مششو عليك محمد قدهو خطيبها💍 وانا راضيه وابوك كان يشتيه انت غر اوقع ربعه وتعلم الرجوله والاخلاق منه ..

سلا : بتسمع الصياح والجنان غلقت الباب عليها 🚪 وبسرعه
شلت تلفونها وبتتصل 📱 لرياان .. رياان اين انت جي بسرعه انا عندكم ماجد نزل بيضرب رهف ويتصايح مع خاله ..

ريان : غلق التلفون📱 وحمل بسرعه كان مخزن عند ابن جيرانهم فالشارع الثاني ...

ماجد : ضحك بسخريه
خخخخ أين رجووله هذه واخلاق الي اتعلمها منه وهو بيلعب ببنات الناس والله لاشرب من دمه 😡 هذا الواطي واربيه ..

رهف : بتبكي😭 ومخبايه وراء امها .. صاحت أيوه رجال وأرجل منك من وقف جنبنا غيره وانت فارح وبيتهيأ لك ان الرجوله برفعه صوتك ومده يدك ع اختك وامك مايكفيش انك قتلت أبووك ياعاصي .

ماجد : اقتلب مجنون 😡 ماعد قدر يمسك نفسه ولا كيف يضربها شاف قدامه شاحن التلفون وبيخفعها بالسلك ..

رهف : دموعها مثل المطر بتبكي 😭 رزيت له اضربني اضربني يا اخي ياسندي ياظهري ...

هيفاء : بتبكي وتصيح 😭 وتحاول تبعده من فوقها ..

ماجد : رجم الشاحن وابسر تلفونها قدامه فوق التلفزيون شله 📱 وبيخفعه في الارض ويكسره من اليوم ماعدبش تلفونات ومابش خرجه من البيت لما تتربي وعاد اخوش الفالت شاربيه معش ومحمد هذا حسابه معي ..وخرج ورصع الباب 🚪 ..

رنا : كانت واقفه في الدرج بتتسمع 👂🏻 ابسرته حملت مسكته اهداء ياروحي لاتمرض وابرد منها تستاهل قليله ادب تتربى ...

هيفاء : وطت بتحضن رهف وتبكي 😭 وتتبسر الضرب .. وتدعى عليه .. الله ينتقم منك ويحرق قلبك ويقهرك ..

سلا : فتحت الباب بعد ماخرج وحملت لعندها وقدها مضروبه وجسمها قدهو معلم من سلك الشاحن بكيت 😭 وحملت للمطبخ تدي لها ثلج تدخل وقد المطبخ كله ظلام الكيكه حرقت و البوتقاز 🎛 كله شاهي والغاز بيسرب ...

حسبي الله فيك يامااجد انت ورنا ...😔..
🌹meme_abdalgaleel