📜قصیدة: [ علي عالي ]

🎤أداء الملا قحطان البدیري
🎤 الملا محمد بوجباره
🖊الشاعر عبدالأمیر الفتلاوي
🖊الشاعر علي عسیلي العاملي
🌠 عید الغدیر
ـــــــــــــــــــــ☀️☀️ـــــــــــــــــــــ

علي عالي اعله کل عالي
علي یموکّل امن الرب
علي ما نصّبك منصوب
لکن بالنص امنصّب
ـــــــــــــــــــــ☀️☀️ـــــــــــــــــــــ

لِغَدیرَكَ یا عَذبَ المَنهلِ
سَأحُجُّ و أرشُفُ کأسَ الوَلي
فَـ فؤاديَّ یَصحو إن یَثمَلِ
بِتَخَیُّلِ وجهِ أمیري علي

لكَ تاجُ ضیاءٍ لَفَّ العُلیٰ
فَسَناهُ بَهاءُ مِن ربِّ المَلا

یا عليُّ اللهُ ارتَضاکا
فَالثُریّا صارَت ثَراکا
إنني مَولايَ أحتاجُ
عینَ طه حتّی أراکا

أتُریٰ بِالأحداقِ
یا حُلمَ المُشتاقِ
یا نقشَ العَرشُ و یا
وجهَ اللهِ الباقي
ـــــــــــــــــــــ☀️☀️ـــــــــــــــــــــ

علي بساق العرش نورك
علي یالعلّمت جبریل
اسمك نزل بالتوراة
و ازبور و صحف و انجیل
ـــــــــــــــــــــ☀️☀️ـــــــــــــــــــــ

بِكَ ذِکرُ تعالیٰ عَزَّ و جَل
و لَدَیكَ تَهَاوَتْ اُعْلُ هُبَل
هُوَ عیدُكَ لمّا الدینُ اکتَمَل
فَسِواكَ تُریٰ مَن خَیرُ العَمَل

و کَفاكَ کِتابٌ في بَلِّغِ
فَـ لِکَعبِ عُلاكَ لا لم یُبلَغِ

مَا اتَّبَعتُ زَیداً و عَمرا
بَل وصیّاً قَدْ قَدَّ عَمرا
أنتَ مَن في السِلمِ و الحَربِ
قَدْ بَذَلتَ النَفسَ و العُمرا

لكَ خُذ روحي قُبلَه
لِیَدٍ حَمَت القِبلَه
بِغَدیرٍ لَم یُعرَفْ
مَن قَد آمَنَ قَبلَه
ـــــــــــــــــــــ☀️☀️ـــــــــــــــــــــ

یا کوکب خبر مُسنَد
الك تحت العرش مَسنَد
لولاك انفنی الإسلام
لا عابد و لا مَعبَد
ـــــــــــــــــــــ☀️☀️ـــــــــــــــــــــ

بِدِمائي عَینٌ، لامٌ و یاء
مِئةً معَ عشرٍ قد اُحصیا
فإذا ادعوكَ لِضَیقٍ بیا
لِيَ تَحضَرُ قبلَ تَلَفُظِ یا

فأراكَ أنیسي في وحشتي
و دلیلي سبیلي بل یا عُدّتي

حیدرٌ للمختارِ غَوثُ
صارِمٌ، دِرعٌ، رُمحٌ، لَیثُ
كَفُكَ الخَشناءُ في الطَعنِ
نَفسُها للمَلهوفِ غَیثُ

لِیَدي أنتَ الماسِك
تطأءُ الدربَ الشائِك
قَرُبَ العَبدُ النَائي
بِكَ في دَهرٍ حالك
ـــــــــــــــــــــ☀️☀️ـــــــــــــــــــــ

گرب بسم النبي الهادي
و بسمك و هو یتوسل
یسر بالسِر عِذت موسی
ناصر کل نبي و مُرسل






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10667

📜قصیدة: [ جروحي لطمية ]

🎤أداء الملا قحطان البدیري
🖊الشاعر السيد معتز الحسيني
• إصدار «من یدري؟» • محرم ١٤٤٤ هـ.
ــــــــــــــــــــــــــــــ

رافگت الدمع یحسین
حچیت اجروحي لطمیه
خاصمت الخرابه اسنین
الخذت منك ابنیه
أطب لمجلسك مخنوگ
و أطلع کلّي حنیه
و أحس چذب الحچي ابلیاك
و انت احچایه صدگیه
ــــــــــــــــــــ

حزین و محرم جاي
أگلك و الدمع هامل
و أذکر ظهرك المکسور
و أخجل من أبوفاضل

سودني العشگ ویاك
من عدهه وصرت عاقل
سافرت اشکثر و امتاع
غیر التربه ما شایل

من شفت العگل یحسین
بمحرم ناسك اتذبها
عرفت الیذبح العباس
یرد لزینب ایسبها

و حگ الداست اعله العوز
و فتحتلك مواکبها
اشگد بیها حزن و جروح
بس أیامك انحبها

آنه البیه أمي اتگود
أمس لو رحنه مشایه
و هسه من اعتني مشاي
أجیك و ولدي ویایه

لزمت اقرایتك للیوم
مثل ما ألزم الرایه
کبرني الحچي بطاریك
من اولایه لولایه

ما دامك تعیش اویاي
هاي النعمه تکفیني
ما ماشي بطمع ویاك
راید دمعه تنطیني

کون اشما یمر عاشور
نار الخیمه تچویني
کیفك و انت أبوي اتصیر
الیا مجلس تودیني






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11741

📜قصیدة: [ لا وطن إلا الحسين ]

🎤أداء الملا قحطان البدیري
🖊الشاعر: واثق العيساوي
📆 ليلة ١ محرم ١٤٤٤ هـ.
ــــــــــــــــــــــــــــــ

المستهل:

لا زمن إلّا محرم
لا وطن إلّا الحسین
عندي تسوه الدنیا کلها
خطوه بین الحرمین
کربلاء انتماء
و البقاء للعزاء
١/ــــــــــــــــــــ

گلب العاشگ و اشیهوه
و الدنیا ابغیره اشتسوه
حتی الدمعه اویاه حلوه
و حبیت ادموعي و أحزاني
یا لایمني اسمع ردي
غیر حسین آنه اشعندي
ابهالعالم لو اظل وحدي
وحده حسین ایصیر أوطاني
کل ساعه اتمر بأیامي
ما أذکر بیها الضامي
تکبر و اتزید آلامي
مکسور و ضایع تلگاني

لو ردتني و ضیعتني
بکربلا تلگاني دوم
طیر عطشان لدمعته
اهناك یم حسین أحوم
جنحي طار بالسماء
و البقاء للعزاء
٢/ــــــــــــــــــــ

بین الحرمین اعیوني
تسرح بیك و یلگوني
یحسین اتزید اظنوني
و اسأل کل خطوه اعله أسرارك
قطعة امن الجنة ألگاها
الله اختار و خلاها
یاهو الیعرف معناها
گاع و تنزف لسه بثارك
أتنفس بیها جروحك
و تتعلگ روحي بروحك
یتعب فکري و میلوحك
دمك خالط دم أنصارك

أمشي و أتخیل اطفوفك
و انشغل بیك و اضیع
و أسمع ابکل خطوة صرخة
صوت عبدالله الرضیع
و أبقه أنوح عالبکاء
و البقاء للعزاء
٣/ــــــــــــــــــــ

مادام حسین بروحي
یتکفل کل اجروحي
هو الیستاهل نوحي
یاهو الیسوه اجریله ادموعي
أنعه و مایسکت صوتي
و بمجلس راید موتي
و تلتف رایه بتابوتي
و آثار اللطمه اعله اضلوعي
لو گبري ایضمني اترابه
ارد أسمع ونه ابابه
آه یحسین ویمصابه
و للقاسم نذروها اشموعي

گالو حسین الیحضرك
للگبر لمن تفوت
و لأن مشتاق أرد أشوفه
الخاطره اشگد ردت أموت
و التهیت باللقاء
و البقاء للعزاء
٤/ــــــــــــــــــــ

کلمن خلصت سالفته
وین الضدك عاقبته
یحسین و ظلیت انت
تکبر و ایزغرون اگبالك
و الحاول یهدم گبرك
خاب و ظل شامخ نحرك
عجزوا ما منعوا ذکرك
یا مِلّه التخفیها افضالك
و اشگد رادوا یمحونك
یومیه أکبر یلگونك
ماگدروا لا و عیونك
و احنه انعیش و نحیه ابجالك

باقیه الدنیا ابوجودك
یا أصل کل الوجود
انت بس انت التجسد
للبشر معنی الخلود
یالتفیض کبریاء
و البقاء للعزاء
٥/ــــــــــــــــــــ

انت الأول و الآخر
انت الساند و الناصر
و اللي ایعوفك ظل حایر
و اتضیع بدونك أعماله
یا سر الباري الأعظم
یالرویت الدین ابدم
احنه اویاك و مانهتم
و الظل بدربك هنیاله
باچر موعدنا المحشر
و ایبین یاهو الیخسر
و ننصب بالجنه المنبر
و الدمعه اگبالك هماله

انت بالدنیا سندنا
و بیك محلاهه الحیاة
و خیمتك باچر تلمنا
بالحشر و انت النجاة
من یصیر هالنداء
و البقاء للعزاء






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11751

📜قصیدة: [ فلتبك البواكي ]

🎤أداء الملا قحطان البدیري
🖊الشاعر ميرزا عادل أشكناني
• إصدار «من یدري؟» محرم ١٤٤٤ هـ.
ــــــــــــــــــــــــــــــ

عَمَّتي ما أقرَح الجَفْنَ سِوَاكِ..
بالبُكا عَلَّمْتِ وَرْقَاءَ الأرَاكِ..

كيفَ لا تُبدي لكِ العينُ اِحْمرارْ
و احمرارُ الأفْقِ عن جَفنَيْكِ حاكِـي..

هكذا كانت نِداءاتُ السَّماءْ
فعلى زينبَ فلتَبْكِ البَوَاكِـي..
ــــــــــ

آنه اللّي سَد نوحي هالفضه..
ابلحظة فرَح گلبي ما حِظَه..

آنا المُهَيِّجْ حزْن الطفوف
علِيِّ اِبِنْ موسى الرِّضه..

هوَّنت عمَّتنه اِللّي يجي
او أنسَتنه كِل هَمنه اللّي مُظه..

[ أوْرَثَـتْـنا الكربَ و البَلاءْ ]
كرْب اْو بله لهالسَّه ما انگظه..


الخلّت علينه أيّامنه طول العمُر سُود
عمَّتنه زينب..
دمعة رسول الله إلى الحجةّ الموعود
عمّتنه زينب..
ما لا يُرىٰ و ما يُرى صَب دمْع لعيون
لحسين جدّنه
لاچن البچّه احسين و اهوَه ابنفسه ايْجُود
عمّتنه زينب.. !

ـــــــــــــــــــــــــــــــــــــــــــــــــــــ

شيعَتي أوْصِيكُمُ بالنَّوحِ ما إِنْ ..
عذْبَ ماءٍ ذُقتُمُ يومًا , ولكِن ..

فلْيَكُنْ نوْحًا لهُ تُدمَى القُلُوب
لقطيعِ النَّحْرِ مرضُوضِ الجَناجِنْ(1)

فضمانُ الفَوْزِ في هذا النُّوَاحْ
و أنا في الحشْر عندِ اللهِ ضامِن..


يا ابْنَ شَبيِبَ إذا تنتحِب..
مُسعْدِ امِّي الزهره تنحِسِبْ..

و الدمعه لو علَى الـ خَدْ جِرَت
بالمحشر اتجينه ابلا ذَنِبْ..

جدِّي الحُسين إذا تندبْه
تسبيحِ إلك نَدْبَك ينكِتِبْ..

إسلِب وَقَارَك من تذْكِره
ابحرِّ الشمس عاري اْو منسِلِبْ..


إن چَان رايد بالقيامه الجنَّه تضْمِن
إبچِي لحْسين..
إن چان ويَّانه تريد ابْعَدَن تسِكِن
إبچِي لحْسين..
چِلمه أخيره اْو تختصر كل هالمضامين
و اسمعها منّي
[ يا ابْنَ شبيبِ إنْ كُنْتَ باكيًا لشَيْءٍ ]
إبچِي لحْسين..

ــــــــــــــــ
(1) الجناجن : عظام الصدر وقيل رؤوس الأضلاع , و في ذلك قول اللعين أسيد بن مالك عندما دخل على ابن زياد طالبًا الجائرة متفاخرًا بقوله ( نحن رضضنا الصدرَ بعد الظهرِ ** في كل يعبوبٍ شديد الأسْر ) فقال من أنتم ؟! , فقال : نحن الذي وطأنا بخيولنا ظهر الحسين حتى طحنّا *جناجنَ* صدره !


ميرزا عادل أشكناني
الكويت
ذي القعدة 1443 هـ.




• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11753

📜قصیدة: [ أربع أنهار ]

🎤أداء الملا قحطان البدیري
🖊الشاعر: واثق العيساوي
📆 ليلة ٤ محرم ١٤٤٤ هـ.
ــــــــــــــــــــــــــــــ

المستهل:

ربیتکم دمعه و نذر و أطلبکم ارباي
أربع أنهار اتوزعوا لو گطعوا الماي
یالبیکم أحلامي.. مایبقه أي ضامي
لو گطعوا الماي
۱/ــــــــــــــــــــ

الأخو موقف، گلب و ایرف
عله اخوانه صُفه
ضوه اعیوني، توعدوني
و تشرفوني ابصِفه
عهد منکم، مناحرکم
نهر یجرن وفه
النهر لو شح، ابمواقف صح
العطش راح او طفه

بالشده اخوکم لو وگع عینه عالإخوان
العطشان لو شاف إخوته مایبقه عطشان
بالمنحر الدامي.. مایبقه أي ضامي
لو گطعوا الماي
۲/ــــــــــــــــــــ

ردت کلمة، لأبو الیمه
تروحوله فده
اذا باچر، بقه حایر
و عذاب الطف بده
العطش جمرة، و یبس ثغره
تصیروله نده
الدمه الیجري، نهر یسري
عله اعناد العده

أربع انحور امن الدمه تنزف للأطهار
امن المشرعه لحد الخیم یعني أربع أنهار
ابدم الوفه الحامي.. ما یبقه أي ضامي
لو گطعوا الماي
۳/ــــــــــــــــــــ

عله زینب، أون و أنحب
و أوصیکم ردت
خیام اتحن، یتامه اتون
اشیظل بیها الإخت
یهالکافل، یبو فاضل
وضع یرهب شفت
یضربوها، یچتفوها
عفه اگبالك صحت

چن نار أشوفن للسمه تاکل بالخیام
و الخیل هجمت عالحرم سحگت عالأیتام
أمنتك أیتامي.. مایبقه أي ضامي
لو گطعوا الماي
٤/ــــــــــــــــــــ

الضعن یحدي، و أظل وحدي
کسیرة ابلا جنح
مشو ولدي، و دمع خدي
کسر گلبي الصبح
و علیلتهم، و أنا و همهم
جرح یبچي لجرح
یعوفوني، و یذبحوني
اشیصبره المنذبح

عالباب عیني ابلا فکر بس احسب أیام
آنه و علیلتهم جفن مایقبل اینام
گلتلها بس نامي.. مایبقه أي ضامي
لو گطعوا الماي
۵/ــــــــــــــــــــ

و اجه الناعي، وصل گاعي
صحت ها یا بشر
بعید الشر، ابخیالي أعثر
أگوم و انکسر
عمت عیني، عله احسیني
بخبر ردت استقر
عظیم أجرچ، یگلي ابنچ
گطع نحره الشمر

و زینب مشت متیسره و یحدوها الأرجاس
ذباح أخوها اویه الضعن من بعد عباس
و اندارت أیامي.. مایبقه أي ضامي
لو گطعوا الماي






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11757

📜قصیدة: [ مات عليك ]

🎤أداء الملا قحطان البدیري
🖊الشاعر: عبدالله القرمزي
📆 ليلة ۵ محرم ١٤٤٤ هـ.
ــــــــــــــــــــــــــــــ

المستهل:

هذا سلامُ الوالهین
مِن فوقِ قصرِ الظالمین
سلامُ مشتاقٌ إلیك
سلامُ مَن ماتَ علیك
مِن مسلمٍ إلی الحسین
۱/ــــــــــــــــــــ

وجَّهتُ وجهي مِن علی قصرِ الإمارة
لِکربلا أحْرَمتُ إحرامَ الزیارة
أبْني إلیكَ مِن دَمي أعلیٰ منارة
مُستشهداً و الحرُ تکفیهِ الإشارة

مِن قبلِ أنْ أرمَیٰ شهید
هذا سلامي مِن بعید
حَذاري مِن غدرِ الزمان
لیسَ إلی القومِ أمان
مِن مسلمٍ إلی الحسین
۲/ــــــــــــــــــــ

مَن مُرسلٌ مِنّي إلی حِلوِ الشمائل
رسالةً تُخبِرُ عن غدرِ القبائل
عُد یا حبیبَ المصطفی عُد بالمحامل
یا سیدي عُد لا أمانَ للرسائل

عکسَ الّذي کانت تُفید
هذا أنا صِرتُ وحید
یا لیتني بینَ یدیك
أبُثُّ شکوايَ إلیك
مِن مسلمٍ إلی الحسین
۳/ــــــــــــــــــــ

لكَ السّلامُ یا عطیشاً بالفراتِ
مِن مسلمٍ علی ضیاعِ الأمنیاتِ
قَد نِلتُ أقصیٰ ما رجوتُ في حیاتي
مِثلكَ أقضي بالشفاهِ الذابلاتِ

فداكَ مَولايَ الدِماء
سَبِقتکم إلی السماء
خانوكَ بُغضاً لأبیك
لأنَّهم رأوهُ فیك
مِن مسلمٍ إلی الحسین
٤/ــــــــــــــــــــ

لكَ السّلامُ مِن مسافاتٍ بعیدة
یا سیدي إمسَح علی رأسِ حمیدة
فخري بِأنْ مُتُّ مِن أجلِ العقیدة
و غایةُ الروحِ بِأنْ تمضي شهیدة

و الشُهداء السُعداء
مضوا إلی الدینِ فداء
لکن علیكَ غُصّتي
مَن موصِلٌ رسالتي
مِن مسلمٍ إلی الحسین
۵/ــــــــــــــــــــ

لكَ السّلامُ یا غریبَ الغاضریة
خوفي علیكَ مِن خیولِ الأعوجیة
خوفي بِأنْ تُسبی النساءِ الفاطمیة
خوفي تریٰ رأسُكَ بالطشتِ رقیة

لكَ السّلامُ یا غریب
مِنّي علی الشیبِ الخضیب
و الرأسُ مِن فوقِ الرماح
موعِدنا عندَ الصباح
مِن مسلمٍ إلی الحسین






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11759

📜قصیدة: [ بجيتني ]

🎤أداء الملا قحطان البدیري
🖊الشاعر: واثق العيساوي
📆 ليلة ٧ محرم ١٤٤٤ هـ
ــــــــــــــــــــــــــــــ

المستهل:

بموقف صعب نادیتني
مکسور أرد خلیتني
من گتلي مارد للخیم
من شفتك بعینك سهم.. بچیتني
۱/ــــــــــــــــــــ

من صحت إدرکني أخي
الخویه اشکثر تانیتها
لکن لمن وصلت إلي
سیف بنحر حسیتها
برکضتي چم سهم و رمح
ضربوني و اتعدیتها
ایطعنوني و أعثر و أنجرح
بس اوصل اتمنیتها

شفتك بعیني و حایر
یا خویه بیك اشصایر
راسك ابعامود انهشم
من شفتك بعینك سهم.. بچیتني
۲/ــــــــــــــــــــ

نادیتني بذاك الوضع
بس نبرتك چتّاله
و یمك نصبت أول عزه
و اعیوني دم همّاله
اشحاله الیظل الوحده
و ایموت أخوه اگباله
لا و الأخوه مثلك وفي
گلي اشیظل ابحاله

الدنیا سوده ابعیني
عباس بس حاچیني
جفنك امن النظره انحرم
من شفتك بعینك سهم.. بچیتني
۳/ــــــــــــــــــــ

شنهو انت و بذاك الوضع
موقفك هم وافیته
کلما خذت راسك إلي
ماتقبل و دنیته
و استغربت من حالتك
وشنهو الذي سویته
حاسبها من وحدي أظل
راسي بحضنمن ریته

و اتگلي رد و عوفني
خاف العقیلة اتشوفني
کل هذا و اتهم بالحرم
من شفتك بعینك سهم.. بچیتني
٤/ــــــــــــــــــــ

ردیت بس ردت صگر
مکسور منه اجناحه
ردیت غرگان ابحر
و الروج باگ اصیاحه
چم سالفه ابراسي انحچت
و الگلب سکته انیاحه
و من شافني محني الظهر
ظل مبتسم ذباحه

أعثر و أگوم بحیرتي
دیرة غرب مو دیرتي
و الدنیا من بعدك عدم
من شفتك بعینك سهم.. بچیتني
۵/ــــــــــــــــــــ

زینب شفتها امحیّره
ابذاك العطش و الهیمه
سألتني بس ما جاوبت
من قرت وجهي و ظیمه
جریت عامود الخیم
او طاحت علینه الخیمه
صاحت بعد میرد إلي
راعي الفضل و الشیمه

مگطوعه ادیه خلیتها
و بیدي الدمه راویتها
یا خویه أحس ظهري انجسم
من شفتك بعینك سهم.. بچیتني





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11761

📜قصیدة: [ الزاهد الأعلم ]

🎤أداء الملا قحطان البدیري
🖋الشاعر: واثق العیساوي
📆لیلة ۲۵ محرم الحرام ۱٤۳۹ هـ.
🏴استشهاد الإمام علي السجاد(ع)
ــــــــــــــــــــ
المستهل:

گلب السما اتفطّر
من إرتقی المنبر
گال آنه ابن حیدر
و الزهرا أمي
ابن الصفا او زمزم
الزاهد الأعلم
امن اسم العلي الأعظم
للیجهل إسمي
۱/ــــــــــــــــــــ

شاء الـ إله او راد
و الباري حکمه أکبر
بقصر الظلم و الجور
أول نعي او منبر
ابخطبة علي السجاد
صوت العدل یظهر
تاج الظلم و الجور
من صرخته اتکسر

طبع الظلم میدوم
من ینطق المظلوم
او للطاغي لابد یوم
یاخذ جزائه
او هذا علي السجاد
یفضح الظالم راد
من إرتقی الأعواد
ذل کبریائه
۲/ــــــــــــــــــــ

عنده النصر مو سیف
صار النصر کلمه
او بعض الکلام اسلاح
للیگدر ایفهمه
نقمه اعلی بعض الناس
و اعلی البعض رحمه
جیش الضوه ابمعناه
تطّشر الظلمه

رغم الأسر و الگید
و امچتفین الإید
لکن ذل ایزید
و ابقصره حایر
وینه الیعاند وین
گال آنه ابن احسین
او صب دمعته اعلی العین
بس گلبه صابر
۳/ــــــــــــــــــــ

درب السبي و أخطار
و اعیوننه اتشوفه
زینب اویاهه أیتام
بالحسره مچتوفه
ما خایف اعلی الروح
بس عالحرم خوفه
کعبة أمانه أیتام
من ترجف اتطوفه

أول نصر مچتوف
و امگیّدینه بخوف
یَمه الیتامه اتطوف
او عمته الغریبه
صبر او حزن و ادموع
صوت الجرح مسموع
حسره التکسر اضلوع
هاي المصیبه
٤/ــــــــــــــــــــ

یمشي الجبل مچتوف
من یعقل الحاله
ويه التعلگ أرگاب
للظالم أحباله
للحق صنع دستور
من منهج أقواله
شاء القدر بالطف
ما حانت آجاله

بالعلّه و الآلام
من هجموا الظلام
شاهد حریق أخیام
فوگ الیتامه
یوگع یرد ایگوم
و ابعلّته مهموم
فوگه المنایه اتحوم
هاي الظلامه
۵/ــــــــــــــــــــ

یا قائد الأیتام
او رکض السبي الثائر
بین النصر و الـ آه
کل عمرك امسافر
فوگ الجرح و الضیم
تتحدی و اتکابر
فاز الیتبعك دوم
و الحاربك خاسر

بعیونك چم آه
و الطف فلا تنساه
عمرك خلص واللّه
دمعه بعیونك
ساهر تگضّي اللیل
تذکر جیوش او خیل
او دمعك نزل چن سیل
تکبر ظنونك


• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11119

📜قصیدة: [ أحزاني ماتنساني ]

🎤أداء الملا قحطان البدیري
🖊الشاعر كرار حسين الكربلائي
📆 محرم ١٤٤١ هـ.
ــــــــــــــــــــ
المستهل:

آنه الإمام السجاد
و أحزاني ماتنساني
۱/ــــــــــــــــــــ

أحزاني من زغري ربیت اویاها
لا هیه تنساني و لا أنساها
قصة مصابي بکربلا تلگاها

عذبني دهري یا ناس
و بکربلا اشراواني
۲/ــــــــــــــــــــ

لا لا تلوموني اعله دمع اعیوني
خلوني أموت امن الحزن خلوني
یا ناس من السوط سوده امتوني

من أجلي مخلوق النوح
ماتنطفي نیراني
۳/ــــــــــــــــــــ

تتجاره عبراتي لقتیل العبره
بعیوني شاهدت الشمر حز نحره
و أنظر عشر خیّاله تسحگ صدره

سیف الگطع نحر حسین
لدرب السبي وداني
٤/ــــــــــــــــــــ

بخیامي و اخیامي عَلي حرگوها
و بالخیل کل أیتامنه سحگوها
و اگبالي عمتي زینب ایضربوها

و اتذکرت نار الباب
من وجروا صیواني
٥/ــــــــــــــــــــ

هدّمت حیلي علّتي المخفیه
بس آني و النسوان لاذت بیّه
و الهاشمیه أصبحت مسبیه

أمي البتول و یا حیف
بیده الشمر جرّاني
٦/ــــــــــــــــــــ

و لا واحد امن أهل الغیاره یمّي
امن السلسله یا خلگ ینزف دمي
آنه الهظمني الشمر من سب أمي

شتّم علي و الزهراء
و أجري الدمع خلّاني
٧/ــــــــــــــــــــ

آنه عله افراش الأجل صحت بصوت
اخذ العمر أهلاً و سهلاً یا موت
أبچي اعله أبویه حته و آني بتابوت

بلحدي و أنوح اعله حسین
ماتنگضي أحزاني






• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11122

📜قصیدة: [ كل الرزاية ]

🎤أداء الملا قحطان البدیري
🖋الشاعر: کرار حسین الکربلائي
🏴لیلة ۲۲ محرم الحرام ۱٤۳۹ هـ.
ــــــــــــــــــــ
المستهل:

ما سامع الطف ابروایه
حاضر چنت کل الرزایه
چم منحر اگبالي انگطع
و الشاف مو مثل السمع
کل الرزایه
۱/ـــــــــــــــــــ

مجلس و زین العباد ابیته صاعد منبره
هالخطیب الیقره مجلس یوم عاشر حاضره
بده بالأنصار واحد بعد واحد بالسره
دمعه یم مقتل حبیب ابن مظاهر دم جره

هذا الکشف عن زینب الهم
من هوّس اباب المخیّم
شفته غیور او ما خضع
الشاف مو مثل السمع
کل الرزایه
۲/ــــــــــــــــــــ

و استمر یقره المقاتل ابلا روایه و لا سند
ایگول چم أم من محرم ظلّت ابحسرة ولد
عایش اجروح الیتامه الـ منها والدها انفگد
عدنا أم ذبحوا طفلها و لسه تبچي اعلی المهد

هاي الرباب الفاگده اتگول
عبدللّه ما شابع دللول
چم غالي راح او ما رجع
الشاف مو مثل السمع
کل الرزایه
۳/ــــــــــــــــــــ

آه و ابکتر الشریعه راح منه اشلون عم
گطعوا ایساره و یمینه او کسروا ابعینه السهم
العمد لمّن صاب راسه طاح عامود الخیم
او راسه متطشر لگیته فوگ چفّه و العَلَم

یا ناس منهو سامع ابهاي
ایموت ماي لخاطر الماي
گوّه سهم عینه انشلع
الشاف مو مثل السمع
کل الرزایه
٤/ــــــــــــــــــــ

صاح ظل احسین وحده چنت حاضر ذبحته
شمر گاعد فوگ صدره امن الگفه حز رگبته
شفت أبویه اگبالي یرفس و آنه أسمع ونّته
الخیل ماخلت عظم لحسین إلّا او کسرته

مثل الزچیه ضلعه مکسور
او حتّی اصبعه من چفّه مبتور
یا سهم من صدره طلع
الشاف مو مثل السمع
کل الرزایه
۵/ــــــــــــــــــــ

لامته خلاهه بیدها دنّگ و دمعه یصب
صاح شافوا طول زینب و هیه ترکض بالحرب
تبقی تتلفت علیّه ابسوط لمّن تنضرب
طاح گلبي من شفتها طایحه فوگ التُرُب

عمتي شفتها اتگوم و اتطیح
حیکم یا هاشم گامت اتصیح
و اعلی المتن سوط انطبع
الشاف مو مثل السمع
کل الرزایه
٦/ــــــــــــــــــــ

چنت أرید الموت لمّن گیّدوني بالحدید
لیش ماجتني المنیّه ابطبتي لمجلس یزید
یضحك و چانن خواتي امچتفات الإید بید
بالطشت جدام زینب یضرب ابراس الشهید

و اللي نهی الطف او مصابه
ماتت رقیّه بالخرابه
خد طفله جدامي انصفع
الشاف مو مثل السمع
کل الرزایه


• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11117

📜قصیدة: [ مطرود الزمان ]

🎤أداء الملا قحطان البدیري
🖊الشاعر المرحوم عبود غفلة
📆 استشهاد الإمام حسن المجتبى(ع) -
صفر ١٤٤٣ هـ.
ــــــــــــــــــــــــــــــ

مال دارك یبومحمد وفد مطرود الزمان
إلّا و اتملّك الدارین مسه ابعز و أمان
۱/ــــــــــــــــــــ

یا چریم الما یجازیك ابهالعالم چریم
یا زعیم الدین و الإسلام ماغیرك زعیم
بنت الأشعث یا وسافه اختارت اعلیك الزنیم
و اشترت منزل النیران ابفردوس الجنان
۲/ــــــــــــــــــــ

خسرت الدارین بنت الفاجر الجلف العنید
ماحظت بالحسن جعده انوب خابت من یزید
أصبح لفگدك الإسلام یبومحمد فجید
أظلم الیوم و یویلي و لبس ثوب امن الأحزان
۳/ــــــــــــــــــــ

أفرد امصابك عضیدك للمناحه و الونین
کسر عظم الظهر فگدك یالحسن من الحسین
سلمت أمر الخلافه للّعین ابن اللعین
یا وسافه خان عهده اویاك یالمهیوب خان
٤/ــــــــــــــــــــ

غده یتّبع محبیك ابکل دار و وطن
ایفلگ الهامات منها ابمرهفه و لیها سجن
اخوتك لمّن الجّراح لعد فخذك طعن
وین چانت و ابوالیمّه احسین عنّك وین چان
۵/ــــــــــــــــــــ

ناده ابوالسجاد لمّن عالنعش شاف النبل
یعصف امن اعلوج سفیان و مروان النذل
آه لاون وصیة الحسن یمنعني الفعل
چان شفتي اعلیچ شجرة یالمفتنه و یمروان
٦/ــــــــــــــــــــ

یا بني هاشم تنادي الخاینه و أم الفتن
بیتي ما أرضه تدخلون علیه نعش الحسن
صارت أبده بالرسول امن الحسن بنت الوثن
و الأمر بالسیف ماضي لا ابتلویح اللسان
ــــــــــــــــــــ

أیها السائلُ ما الجنةُ سَل صَحبَ الحسین
شاهدوا الجنةَ کشفاً و رأوها رأيَ عین

سَل عن المفتاحِ کَي ترفعَ عنكَ القُفلا
إنمّا مفتاحهم للفوزِ کانَ البذلا
هُم رِجالٌ صدقوا ما عاهدوا للمولا
و اهتَدَوا مُذ نزعَ الرحمنُ عنهم غِلّا

عانقوا النورَ رداً في حربهم ماهانوا
فتجاریٰ منهم الیاقوتُ و المرجانُ
سَل عن الریحان أذ تحملهُ الأفنانُ
إنّما عِطرُ الإمام الروحُ و الریحانُ

اُرِثوا مُذ آمنوا باللهِ ربِّ العصرِ
جنةً مِن تحتها الأنهارُ عِشقاً تجري
سَل عن القصرِ و عن روعةَ ذاك القصرِ
قصرُهم حُضنُ حسینٍ نِعمَ أجرُ الصبرِ





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11209

📜قصیدة: [ معز المؤمنين ]

🎤أداء الملا قحطان البدیري
🖊الشاعر: واثق العيساوي
📆 ليلة ١٠ صفر ١٤٤٣ هـ.
ــــــــــــــــــــــــــــــ

المستهل:

گالوا اعلیك المُذِل
الما رعوا للقربی دین
و انت متلوگ اعله اسمك
بس معز المؤمنین
ناس ما ترحم أبد
بیمن اتأمن بعد
یا معز المؤمنین
۱/ــــــــــــــــــــ

چف وحده متحارب أبد، وکت الشدد معذوره
و للراد یطعن بیك إذاً، لازم نوضّح الصوره
المعصوم مایحتاج أحد، هو الیحدد دوره
و ایرید اید اتناصره، میرید چف مبتوره

ظهرك من تأمنه یمهم
لابد ایرید الأمان
مو تشوف اللي یطعنك
هو منك بیك چان
وحده و ابکیفه اجتهد
بیمن اتأمن بعد
یا معز المؤمنین
۲/ــــــــــــــــــــ

هزیت غربیل الربع، قلّه الذي ایعینونك
طاحوا ابأول تجربه، چا بیمن اینصرونك
لا و الأشد وکت الصدگ، من ظهرك ایطعنونك
و انت الچنت لیهم وفي، شمسوي و ایخونونك

انت للطف البدایه
و انت خلیت الأساس
لکن اشبیدك علیهم
الناس صارت غیر ناس
و من یخونون العهد
بیمن اتأمن بعد
یا معز المؤمنین
۳/ــــــــــــــــــــ

اجناحین للدین العدل، صرت انت ویه احسینك
قائم و قاعد ماتضر، من النبي تعیینك
یمخطط الطف کربلا، و أنصار ماکو اتعینك
بحسین شدیت الظهر، ثائر یناصر دینك

نفترض سبعین عنده
لکن السبعین جیش
و انت وگفت ناس ضدك
کلها گام اتصیح لیش
نقص غیره مو عدد
بیمن اتأمن بعد
یا معز المؤمنین
٤/ــــــــــــــــــــ

صح ماحضرت ابکربلا، بس انت فعلاً حاضر
زارع رمح للطف کُبر، ازغیر عمر بس ثائر
و هو الیِربیه الحسن، مثل الحسن مو قاصر
طبّق وصیتك بالحرف، نعم الإبن و الناصر

هذا دمك هو نازف
من ورید ابنك یطیح
احسین بالقاسم یشوفك
ویه أهل بیته ذبیح
یاللي حاضرها الشدد
بیمن اتأمن بعد
یا معز المؤمنین
۵/ــــــــــــــــــــ

من السقیفه یالحسن، و الغدر موجِر بیکم
یردون تنصون و حشی، هو الله المعلیکم
یالماحله مجلس أبد، إلّا بعطر طاریکم
ننساها دنیانه و نظل، للموت ماناسیکم

و الیرید ایعیش اسمه
و ینکتب لیه البقاء
یرتبط لازم بکلشي
بي أثر من کربلاء
و گول للعنها ابتعد
بیمن اتأمن بعد
یا معز المؤمنین





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11231

📜قصیدة: [ سيف الحسن ]

🎤أداء الملا قحطان البدیري
🖊الشاعر ايهاب المالكي
📆 استشهاد الإمام الحسن المجتبى (ع) ١٤٤١ هـ.
ــــــــــــــــــــــــــــــ

أنا یالحسن ماردت أقره أفکار
تتشابه مثل کل السمعته

اذا گتلك کریم اشغیّرت بیك
شني الشي الجدید ابهاي جبته

جدك ضیّف بدیوانه جبریل
اذاً مولاي أکید اشتطلع انته

بمضیفك ما طرق واحد عله الباب
لأن بابك أساساً ما طبگته

أظن لو بابك امعطلّه خطّار
مثل حیــدر بچفّك چا قلعته

کریم و ما أشِك ابهایه ویّاك
الکرم منك أخذ هالة شُهرته

و لکن لیش سیفك قِلّه مذکور
أکاداً أرد اگلك ما لمحته

عقد بالنهروان بسیفك أرگاب
و ساویت ابن ملجم من طبرته

أکو سِر ابعدم تسلیط الأضواء
علیك و ما وصل کل الفعلته

کل القرر التاریخ یرویه
مضمون الحسن فشلت ثورته

ثوره ابدون جرّة سیف معقول؟
و انته ابن الیحلفون ابیمنته

هذا الما کتب عن سیفك ایجوز
ذاك الوکت شارد من شَهرته

مسالم بس ابمعنی رفعة اخلاق
مو معناها سیفك ما رفعته

عطر الورد من تتنفسه الناس
یوصلهم دفاعاً عن وردته

ذولفقّار غیر ابیتکم چان
ذاك التحلف الجن ابضربته

أنا فاهم الصار اویاك مولاي
الیریده المؤرّخ ما فهمته

أحس مضمومه ثوره ابین السطور
و أمیّز روح سیفك من لمعته

مخطط جعده هسه اگبالي مکشوف
و اتوضّح الدافع و اکتشفته

خافوا لا تعاصر طف الحسین
و بعد فوگ أبوفاضل تطلع انته






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9780

📜قصیدة: [ خمس جروح ]

🎤أداء الملا قحطان البدیري
🎤 الملا علي الوائلي
🖊الشاعر: کرار حسین الکربلائي
📆 صفر ١٤٤٤ هـ.
• ذکری شهادة الإمام الحسن المجتبی(ع)
ــــــــــــــــــــــــــــــ

المستهل:

تتوادع روحي و خمسه جروحي کلها احساس
زینب و حسیني و دمعه بعیني لچف عباس
جاسم عریس ایموت و رمله اتنوح ابلا صوت
خمس اجروح ابتابوت   یا روحي
۱/ــــــــــــــــــــ

اجت ساعة منیتي و بدیت أحچي وصیتي
و گبل لا أحچي طاحت دمعة العین
اخوي اشگد بچالي، وداع الغالي غالي
الدنیا اتروح فدوه لعین الحسین

من حضني فوگ صدره بشوگ و احساس
اضلوعه گالتلي بحوافر باچر أنداس
جیت أشم نحره و شفت نحره بلا راس

شمیت المنحر و آنه اتحسر عالمذبوح
یوم الطف عشته لمن شفته یمي اینوح
اتسولف بالدمعه العین   بموادع معصومین
حسین ایودع بحسین   یا روحي
۲/ـــــــــــــــــــــ

گلب زینب اجاني و گعد یحچي بمکاني
کسرتك یالچبیر اشگد چبیره
و تگلي اخلاف فیّك تره ایذبحون أخیّك
و أظل ابلا أهل و ابلا عشیرة

تحچي الگلوب و حچینه اعله الخیم چان
اعصابة أمي فاطمة ایترسوها دخان
مدري چم مرّه ابعمرها اتودع اخوان

یا غربة زینب و اشچم زینب راح اتصیر
مرّه ابنص خیمة و مرّه ابهیمة و مرّه اتحیر
چف یطفي بنار اخیام و چف خیمة ایلم أیتام
و أصعبهن ضیم الشام   یا روحي
۳/ــــــــــــــــــــ

گعد غیم السمه اویاي، گمر و ایسولف ابماي
و دمعته یالحسن لا تبعد اتصیح
شبگني و چان ملهوف و بچیت اگبال الچفوف
و کسر ظهري گبل لا رایته اتطیح

هذا أخوي الظل لخوي الماکو غیره
سهم عینه ایخیط اضلوعي الگصیره
طیحة العباس عند اخوانه حیره

شمیت اچفوفه و عیني اتشوفه بعین حسین
یوگع من مهره فوگ الغبره ابلا چفین
چف الغیره المملوح  امن ایروح الخیمه اتروح
ویاه تطلع چم روح   یا روحي
٤/ــــــــــــــــــــ

عمر جسّام سنتین و علیّه ایدیر بالعین
یگلي راح أصیر امن الیتامه
العزیزه اهوایه نفسه یموت ابیوم عرسه
عرس بچّه خواته و کل عمامه

کل تعب رمله الغریبه ایدفنه التراب
بکربلا اتحنّي ابنها بدم الخضاب
اتموت حرگه الراح من عدها ولد شاب

یا حیرة رمله یُمه اتگله افراگك آه
مطفیه الشمعه و عرس الدمعه ما انساه
هاي أم اتودع اوحید   و ماعدها غیره اولید
من عندي الطف شیرید   یا روحي
۵/ــــــــــــــــــــ

نهایة عمري دمعات و مناحه اعله الغریبات
و سباني الطف گبل سبیة خواتي
عشت أیامي مظلوم، متت و الچبد مسموم
اندفنت و بقت حسرة ذکریاتي

یا دمع صب عالغریب الما یدفنوه
عاري مسلوب اعله گاع الطف یخلوه
للسبي ینشال ضعنه و ما یشیلوه

یسبون اضعونه اگبال اعیونه لدرب الشام
من رمحه ایباوع مُر الواقع للأیتام
ضعن الجابه العباس   شمر الیحدي یا ناس
ابچي لآخر انفاس   یا روحي





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11812

📜قصیدة: [ هذا رسول الله ]

🎤أداء الملا قحطان البدیري
🖊الشاعر: الأديب جابر الكاظمي
📆 صفر ١٤٣٠ هـ.
ــــــــــــــــــــــــــــــ

المستهل:

هذا رسولَ الله
صَوتُ الأسیٰ یَنعاه
ما أشرقتْ أنوار
في غیبة المختار
صَوتُ الأسیٰ یَنعاه
۱/ــــــــــــــــــــ

بینَ آهاتٍ و حُزنْ هَتَفَ الناعي وَ رَد
لَمْ نُطِقْ حِلماً و صَبرْ فَـ لَقَد ماتَ مُحَمّد
خُنِقَ الدنیا غُبارٌ و فضاءُ الکونِ أسود
لرسولِ اللهِ دمعٌ فاضَ مِن جفنٍ مُسَهَّد

ذا دمعُنا الهَتّان
قد أحرقَ الأجفان
ضاقَتْ بِنا الأقطار
في غیبة المختار
صَوتُ الأسیٰ یَنعاه
۲/ــــــــــــــــــــ

أيُّ خطبٍ حَلَّ فینا أيُّ رزءٍ و عَزاء
غابَ مَن کانت یداهُ بحرُ جودٍ و سخاء
مادَت الأرضُ علیهِ و أنطویٰ وجهُ السَماء
و نداءٌ باتَ یعلو بالأسیٰ أيُّ نداء

مِن مُعضِلاتِ المَوت
قد جاءَ هذا الصَوت
یُنبي عن الأکدار
في غیبة المختار
صَوتُ الأسیٰ یَنعاه
۳/ــــــــــــــــــــ

أنجمٌ أمسَت حَیاریٰ في الأسیٰ ماذا تقول
و کَذا للشمسِ عینٌ شَجَّها دمعٌ هطول
و کأنَّ البدرَ یبکي نابَهُ خطبٌ مَهول
هکذا الأکوان باتت حینما غابَ الرسول

خیرُ البرایا مات
ما أعظم المأسات
في کلِّ قلبٍ نار
في غیبة المختار
صَوتُ الأسیٰ یَنعاه
٤/ــــــــــــــــــــ

حینما في لوحِ طه خُطَّ میقاتُ المنایا
سادَ في الکونِ ظَلامٌ أحدقت فیهِ البلایا
بینَ أطباقِ التراب دفنوا خیرَ البرایا
رزءهُ أوّلُ رزءٍ بعدهُ تأتي الرزایا

هذة صِحافُ البَین
خُطَّت بِدَمعِ العَین
قد غابت الأقمار
في غیبة المختار
صَوتُ الأسیٰ یَنعاه
۵/ــــــــــــــــــــ

ذا نبيٌّ ماتَ صبراً و بکتهُ الأنبیاء
بکَت الأرضُ علیهِ مثلما تبکي السماء
مِن العرش نحوَ الأرضِ قد جاءَ نِداء
أیّها الناسُ لقد ثُلَّ مِن الدینِ بنا





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11207