📜قصیدة: [ دافن احباب ]

🎤أداء الملا قحطان البدیري
🖊الشاعر: عمار هليل الواسطي
📆 ليلة ٢٤ محرم ١٤٤٣ هـ.
ــــــــــــــــــــــــــــــ

المستهل:

دافن بیدي أحباب
دمعي ابعیني اعتاب
هاي اوجوهکم مو مالت اتراب یالأحباب
۱/ــــــــــــــــــــ

ردیت لعزاز الگلب و اتگود بیه اجروحي
ماچني راح أدفن هلي چن رایح أدفن روحي

من همي روحي مافضت
أیامنه الحلوه گضت
و اسنین لمتنه مضت
ظلیت آنه و نوحي

راجع شابع نوح
لیش الغالي ایروح
دمع افراگکم میعوض اغیاب یالأحباب
۲/ــــــــــــــــــــ

لمیت المطشر بدي و الصخر ناح لحالي
دوس الحوافر مو سهل ضیّع ارسوم الغالي

فوگ الطعن فوگ الطبر
ابلا راس ادفنه بالگبر
وسّد رضیعي اعله الصدر
گلي و فجع دلالي

المن تبچي العین
ها یا بویه حسین
انتو اثنینکم جامعکم امصاب یالأحباب
۳/ــــــــــــــــــــ

ادري الاخو احزام الظهر بالصعبه یفزع عونه
مالومه المفارگ اخو لو تبچي دم اعیونه

هچ آنه یم شمعة هلي
مکسور دمعاتي اتهلي
انحب عله الأکبر علي
شبه النبي تدرونه

رایح ضي عیناي
ضامي و شح الماي
هذا امصابکم منه الگلب ذاب یالأحباب
٤/ــــــــــــــــــــ

تانیت اعلگ شمعته بیدي و خذتني الدمعه
عریس میت من وکت یم گبرك اشعل شمعه

آه یبن عمي و طیحتك
تکسر الخاطر شمعتك
تنداف بالدم حنتك
و الأمل بیك اتگطعه

من عرسك محروم
رمله اعلیك اتحوم
حلوه ارسومکم یربات الأطیاب یالأحباب
۵/ــــــــــــــــــــ

شدیت حیلي لدفنته و ابگلبي زاید همي
اعثر و اگوم و صحت إله عباس اجیتك عمي

ادفنتهن اچفوفه بِدي
کلش صعب دفنه عَلَي
دنیاي ظلمه و هو ضي
تفدیك روحي و دمي

حیلي ظل مهدود
لمن شفت الجود
زماني الخانکم و اشودّه و اشجاب یالأحباب
٦/ــــــــــــــــــــ

أحباب لمّتهم سوه صارت سوه دفنتهم
هنیال أرضها کربلا تتشرف ابلمتهم

ما ینوصف ثگل الحزن
و الساعدوني بالدفن
گلتلهم اهنانه و أحن
أمشي و تظل حسرتهم

هم تجمعنه أیام
أرجع من الشام
جایب روسکم و ابگلبي الصواب یالأحباب





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11194

📜قصیدة: [ ثقفت دمعي ]

🎤أداء الملا قحطان البدیري
🖊الشاعر: جاسم الصحيح
📆 ليلة ٧ صفر ١٤٤٣ هـ.
ــــــــــــــــــــــــــــــ

عَینايَ آخِرُ خَیمَتینِ بِکربلا
مَحروقتینِ بِهاجسٍ لا یُذرفُ

ثَقَّفتُ دَمعي في عزاكَ فَخانني
ما ثَمَّ دمعٌ في العزاءِ یُثَقّفُ

لا حُزنَ في حُزنٍ یُفَلسِفُ نفسهُ
الحزنُ حیثُ الحزنُ لا یَتَفلسَفُ

نَحتاجُ أنْ نَبکیكَ أکثرَ طالما
بالدمعِ یَصقُلُنا البکاءُ و یُرهِفُ

هیهاتَ یَرضیٰ عَن طَهارةِ نفسهِ
مَن لا یُطَهّرهُ الأسیٰ و یُنَظّفُ

قَسماً بِبَعضِكَ ما هُناكَ عظیمةٌ
في الدهرِ تُقنِعُني بِکُلّكَ أحلِفُ

قَلبي علیكَ تَجَذّرَتْ نَبضاتهُ
نَخلاً بِآهاتِ الأسیٰ یَتَسَعّفُ

مِن فَیضِ نحركَ فاضَ نَهرُ مَبادِئي
وَ اجتاحَ ما زَعَمَ الطغاةُ و أرجفوا

لم یَحرِفوني عن محطاتِ الفِدیٰ
فأنا ورائكَ فکرةٌ لا تُحرَفُ

بَعضي یُغَطّیني ببعضيَ مثلما
حَقلٌ علیهِ مِن السنابلِ شَرشِفُ

أتبعتُ غُربتَكَ السحیقةَ غُربتي
و الدربُ یَجمعُ خُطوَنا و یُؤلِفُ

في داخِلي قَمَرٌ یُضيئُ و خارِجي
قَمَرٌ و لکنَّ ضِیاهُ مُجَفَّفُ

ما دامَت الدنیا طریقَ مُهاجرٍ
سَتَظَلُ فیها غُربتي





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11196

📜قصیدة: [ ينعد بألف ]

🎤أداء الملا قحطان البدیري
🖊الشاعر: حيدر المياحي
📆 ليلة ٦ محرم ١٤٤١ هـ.
ــــــــــــــــــــــــــــــ

حي الله الأنصار
۱/ــــــــــــــــــــ

واحدهم إنعد بألف، و الگاع رادت تنخسف
بحدود الخیام
اتقدم حبیب ابشیبته، امدنگ لزینب هامته
و اتشوفه محتار
جاوبها بس چلمة نعم، گدامها هز العلم
خدام خدام
بالحومه نرفع هامتچ، هاي الرجال بخدمتچ
متحزمه احزام
۲/ــــــــــــــــــــ

بالحومه یا زینب وعد، اندگ الجدم مثل الوتد
ثابت جدمنه
باچر اتبین المرجله، لو احنه لو طف کربلا
اتسجل اسمنه
هاي الزلم للملحمه، احزامین اجت متحزمه
و ایفور دمنه
هاي الأنصار اتبشرچ، بالمعرکه تکسر خاطرچ
لو رف علمنه
۳/ــــــــــــــــــــ

من الحرایب ما نچل، وکت المعاره ما نمل
یا زود الأنصار
الحومه نغازلها غزل، بالطف عقاب الله نزل
لو مالك النار
اعیون الزلم تجدح جمر، وکت الحرب ما تنعبر
سوت الما صار
کل فارس اعلینه انتبه، هاي الزلم تنطي شبه
الأشتر و عمار
٤/ــــــــــــــــــــ

عفنه الحلایل و الحرم، للطف اجیناکم خدم
عدنه القناعه
الصرخه هزت نینوی، صحنه فرد صیحه سوه
سمعاً و طاعه
نستانس ابسوح الحرب، یجفل العسکر بس نطب
من هالشجاعه
خلي دلیلچ مطمئن، عالخیم مانطبگ جفن
کل استطاعه
۵/ــــــــــــــــــــ

ویه العده بس نلتحم، واحد ابواحد یصطدم
هاي الجحافل
ابعینچ تشوفین الزلم، فرسان نرجمهم رجم
لمن نقاتل
لبیك یا بت فاطمه، نشعل لهیب الحاطمه
هل من مُنازل
لازم یزید انحاسبه، بأسوء عقاب انعاقبه
ابهاي العواسل
٦/ــــــــــــــــــــ

وینه یزید و عسکره، هالیوم یوم الآخرة
صایر علیهم
کربلا نگلبها گلب، و انضیع اعلیها الدرب
لمن نجیهم
نافع اجه ویه وهب، عابس عله صدره کتب
مجنون بیهم
جاوب بُریر آنه شهم، زهیر بکل عزم
رفعوا ادیهم





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11198

📜قصیدة: [ مشتاقة لحسين ]

🎤أداء الملا قحطان البدیري
🖊الشاعر: كرار حيدر الخفاجي
📆 ليالي الأربعين ١٤٤٣ هـ.
ــــــــــــــــــــــــــــــ

المستهل:

جبت الضعینه ابیوم أربعینه
مشتاگه لحسین روحي الحنینه
۱/ــــــــــــــــــــ

من غربه جیته، میت لگیته
جوه التراب اموسده جثته الصریعه
جیته سبیه، و ما گام الیه
لنه اعله صدره المنهشم نایم رضیعه

درب المشیته ابعید بي شفت موتي
تعبانه لکن جیت لگبور اخوتي

یحسین أنادي ابهاي البوادي
هم تقبل اتشوف ظلي الأعادي
۲/ــــــــــــــــــــ

هاي المآسي، شیبتلي راسي
لگبر الأخو من اوصلت ظهري لزمته
و اذکرته واگع، بین المصارع
گاعد عله صدره الشمر و ایحز رگبته

یا ویلي شفت الخیل تکسر ابضلعه
لو محبسه المبیوگ مگطوع اصبعه

ارحم مماتي من ذکریاتي
و ابالي عاشور آنه و خواتي
۳/ــــــــــــــــــــ

غالي و اجیته، لا ما نسیته
ویایه جبت الراس أرجعنه ابمکانه
ها یبن أبویه، سامحني خویه
راسك اسنونه امکسره بالخیزرانه

شعرك امترب صار و الوجه دامي
و اشفافك امفطرات یعني انت ضامي

حالك جرحني ظل ظهري محني
ذباحك اویاك چنه ذبحني
٤/ــــــــــــــــــــ

یا خویه گتله، عذري اقبله
شوف الضعن جبته و رجع للغاضریه
ضعنك المسبي، تلگه نقص بي
ما رجعن اویايه الك خوله و رقیه

ماتن ابگاع اهناك و الشده شده
وحده بأرض لبنان و بالشام وحده

راحن سبایه ماتن ضحایه
اتعداني یا حیف چف المنایه
۵/ــــــــــــــــــــ

ما أدري شحچي، و اعیوني تبچي
لحسین اخویه امن السبي أرد اشتکیله
سطره اعله جفني، سوط اعله متني
چم مره شامت سبني و آنه اعله الهزیله

احنه اعله ظهر النوگ و ابلا هوادج
الوادم علینه اتگول ذوله خوارج

ابهاي المصیبه اطلع غریبه
کافلني عباس من وین أجیبه






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11201

📜قصیدة: [ أنزليني دمعة ]

🎤أداء الملا قحطان البدیري
🖊الشاعر: علي عسيلي العاملي
📆 ليلة ٤ محرم ١٤٤٣ هـ.
ــــــــــــــــــــــــــــــ

المستهل:

أنزِلیني دمعةً لحسینٍ کُلَّ حین
و أرفعیني صرخةً منكِ یا أمَّ البنین
یا أمَّ البنین
۱/ــــــــــــــــــــ

أنتِ مَن أنجبتِ أقمارَ الفداءِ
و بِذا صرتِ سماءً في سماءِ
و أنا غصنٌ علیٰ قیدِ الرجاءِ
فامنحیني الرَيَّ مِن دمعِ البکاءِ

إنّما هذا البکاء
عُدّتي دُنیاً و دین
فأرزقیني عبرةً
منكِ یا أمَّ البنین
یا أمَّ البنین
۲/ــــــــــــــــــــ

اصطفاكِ المرتضیٰ دونَ البریّه
کَي تکوني حِجرَ آسادِ المنیّه
و کفیٰ العبّاسُ فیهم یا وفیّه
فَـ بِهِ جهّزتِ جیشَ الغاضریّه

جهّزي قلبي إذاً
في الجنودِ الخادمین
إنَّ هذة رُتبةٌ
منكِ یا أمَّ البنین
یا أمَّ البنین
۳/ــــــــــــــــــــ

حُزتِ شأناً عندَ ذي الطفِ مَکینا
أعجزَ الأیامَ حدّاً و السنینا
کُلّما باكٍ جدیدٌ زادَ فینا
زادَ إبنٌ لكِ یا أمَّ البنینَ

إبنُكِ الباکي أنا
جئتُ بینَ الناحبین
مسحةُ الرأسِ کَفَت
منكِ یا أمَّ البنین
یا أمَّ البنین
٤/ــــــــــــــــــــ

طولُ زَندَیكِ کَـ تَلِّ المرقدینِ
عرضُ کَفّیكِ کـ بینَ الحرمینِ
أنتِ یا فاتحةً بَیني و بَیني
فافتحي لي البابَ یا بابَ الحُسینِ

افتحي البابَ فما
لِيَ إلّاكِ مُعین
خیرُ کفّي أصلهُ
منكِ یا أمَّ البنین
یا أمَّ البنین
۵/ــــــــــــــــــــ

یثربٌ تشهدُ یا أمَّ الأشاوِس
أنتِ مَن أسستِ للسبطِ المجالس
و لِذا ما مُتِّ في قلبِ العوابس
لكِ ظِلٌّ عندَ بابِ اللطمِ جالس

لكِ ظِلٌّ کاتِبٌ
لِأسامي اللاطمین
فاجعلیني لطمةً
منكِ یا أمَّ البنین
یا أمَّ البنین





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11203

📜قصیدة: [ هذا رسول الله ]

🎤أداء الملا قحطان البدیري
🖊الشاعر: الأديب جابر الكاظمي
📆 صفر ١٤٣٠ هـ.
ــــــــــــــــــــــــــــــ

المستهل:

هذا رسولَ الله
صَوتُ الأسیٰ یَنعاه
ما أشرقتْ أنوار
في غیبة المختار
صَوتُ الأسیٰ یَنعاه
۱/ــــــــــــــــــــ

بینَ آهاتٍ و حُزنْ هَتَفَ الناعي وَ رَد
لَمْ نُطِقْ حِلماً و صَبرْ فَـ لَقَد ماتَ مُحَمّد
خُنِقَ الدنیا غُبارٌ و فضاءُ الکونِ أسود
لرسولِ اللهِ دمعٌ فاضَ مِن جفنٍ مُسَهَّد

ذا دمعُنا الهَتّان
قد أحرقَ الأجفان
ضاقَتْ بِنا الأقطار
في غیبة المختار
صَوتُ الأسیٰ یَنعاه
۲/ــــــــــــــــــــ

أيُّ خطبٍ حَلَّ فینا أيُّ رزءٍ و عَزاء
غابَ مَن کانت یداهُ بحرُ جودٍ و سخاء
مادَت الأرضُ علیهِ و أنطویٰ وجهُ السَماء
و نداءٌ باتَ یعلو بالأسیٰ أيُّ نداء

مِن مُعضِلاتِ المَوت
قد جاءَ هذا الصَوت
یُنبي عن الأکدار
في غیبة المختار
صَوتُ الأسیٰ یَنعاه
۳/ــــــــــــــــــــ

أنجمٌ أمسَت حَیاریٰ في الأسیٰ ماذا تقول
و کَذا للشمسِ عینٌ شَجَّها دمعٌ هطول
و کأنَّ البدرَ یبکي نابَهُ خطبٌ مَهول
هکذا الأکوان باتت حینما غابَ الرسول

خیرُ البرایا مات
ما أعظم المأسات
في کلِّ قلبٍ نار
في غیبة المختار
صَوتُ الأسیٰ یَنعاه
٤/ــــــــــــــــــــ

حینما في لوحِ طه خُطَّ میقاتُ المنایا
سادَ في الکونِ ظَلامٌ أحدقت فیهِ البلایا
بینَ أطباقِ التراب دفنوا خیرَ البرایا
رزءهُ أوّلُ رزءٍ بعدهُ تأتي الرزایا

هذة صِحافُ البَین
خُطَّت بِدَمعِ العَین
قد غابت الأقمار
في غیبة المختار
صَوتُ الأسیٰ یَنعاه
۵/ــــــــــــــــــــ

ذا نبيٌّ ماتَ صبراً و بکتهُ الأنبیاء
بکَت الأرضُ علیهِ مثلما تبکي السماء
مِن العرش نحوَ الأرضِ قد جاءَ نِداء
أیّها الناسُ لقد ثُلَّ مِن الدینِ بنا





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11207

📜قصیدة: [ مطرود الزمان ]

🎤أداء الملا قحطان البدیري
🖊الشاعر المرحوم عبود غفلة
📆 استشهاد الإمام حسن المجتبى(ع) -
صفر ١٤٤٣ هـ.
ــــــــــــــــــــــــــــــ

مال دارك یبومحمد وفد مطرود الزمان
إلّا و اتملّك الدارین مسه ابعز و أمان
۱/ــــــــــــــــــــ

یا چریم الما یجازیك ابهالعالم چریم
یا زعیم الدین و الإسلام ماغیرك زعیم
بنت الأشعث یا وسافه اختارت اعلیك الزنیم
و اشترت منزل النیران ابفردوس الجنان
۲/ــــــــــــــــــــ

خسرت الدارین بنت الفاجر الجلف العنید
ماحظت بالحسن جعده انوب خابت من یزید
أصبح لفگدك الإسلام یبومحمد فجید
أظلم الیوم و یویلي و لبس ثوب امن الأحزان
۳/ــــــــــــــــــــ

أفرد امصابك عضیدك للمناحه و الونین
کسر عظم الظهر فگدك یالحسن من الحسین
سلمت أمر الخلافه للّعین ابن اللعین
یا وسافه خان عهده اویاك یالمهیوب خان
٤/ــــــــــــــــــــ

غده یتّبع محبیك ابکل دار و وطن
ایفلگ الهامات منها ابمرهفه و لیها سجن
اخوتك لمّن الجّراح لعد فخذك طعن
وین چانت و ابوالیمّه احسین عنّك وین چان
۵/ــــــــــــــــــــ

ناده ابوالسجاد لمّن عالنعش شاف النبل
یعصف امن اعلوج سفیان و مروان النذل
آه لاون وصیة الحسن یمنعني الفعل
چان شفتي اعلیچ شجرة یالمفتنه و یمروان
٦/ــــــــــــــــــــ

یا بني هاشم تنادي الخاینه و أم الفتن
بیتي ما أرضه تدخلون علیه نعش الحسن
صارت أبده بالرسول امن الحسن بنت الوثن
و الأمر بالسیف ماضي لا ابتلویح اللسان
ــــــــــــــــــــ

أیها السائلُ ما الجنةُ سَل صَحبَ الحسین
شاهدوا الجنةَ کشفاً و رأوها رأيَ عین

سَل عن المفتاحِ کَي ترفعَ عنكَ القُفلا
إنمّا مفتاحهم للفوزِ کانَ البذلا
هُم رِجالٌ صدقوا ما عاهدوا للمولا
و اهتَدَوا مُذ نزعَ الرحمنُ عنهم غِلّا

عانقوا النورَ رداً في حربهم ماهانوا
فتجاریٰ منهم الیاقوتُ و المرجانُ
سَل عن الریحان أذ تحملهُ الأفنانُ
إنّما عِطرُ الإمام الروحُ و الریحانُ

اُرِثوا مُذ آمنوا باللهِ ربِّ العصرِ
جنةً مِن تحتها الأنهارُ عِشقاً تجري
سَل عن القصرِ و عن روعةَ ذاك القصرِ
قصرُهم حُضنُ حسینٍ نِعمَ أجرُ الصبرِ





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11209

📜قصیدة: [ معز المؤمنين ]

🎤أداء الملا قحطان البدیري
🖊الشاعر: واثق العيساوي
📆 ليلة ١٠ صفر ١٤٤٣ هـ.
ــــــــــــــــــــــــــــــ

المستهل:

گالوا اعلیك المُذِل
الما رعوا للقربی دین
و انت متلوگ اعله اسمك
بس معز المؤمنین
ناس ما ترحم أبد
بیمن اتأمن بعد
یا معز المؤمنین
۱/ــــــــــــــــــــ

چف وحده متحارب أبد، وکت الشدد معذوره
و للراد یطعن بیك إذاً، لازم نوضّح الصوره
المعصوم مایحتاج أحد، هو الیحدد دوره
و ایرید اید اتناصره، میرید چف مبتوره

ظهرك من تأمنه یمهم
لابد ایرید الأمان
مو تشوف اللي یطعنك
هو منك بیك چان
وحده و ابکیفه اجتهد
بیمن اتأمن بعد
یا معز المؤمنین
۲/ــــــــــــــــــــ

هزیت غربیل الربع، قلّه الذي ایعینونك
طاحوا ابأول تجربه، چا بیمن اینصرونك
لا و الأشد وکت الصدگ، من ظهرك ایطعنونك
و انت الچنت لیهم وفي، شمسوي و ایخونونك

انت للطف البدایه
و انت خلیت الأساس
لکن اشبیدك علیهم
الناس صارت غیر ناس
و من یخونون العهد
بیمن اتأمن بعد
یا معز المؤمنین
۳/ــــــــــــــــــــ

اجناحین للدین العدل، صرت انت ویه احسینك
قائم و قاعد ماتضر، من النبي تعیینك
یمخطط الطف کربلا، و أنصار ماکو اتعینك
بحسین شدیت الظهر، ثائر یناصر دینك

نفترض سبعین عنده
لکن السبعین جیش
و انت وگفت ناس ضدك
کلها گام اتصیح لیش
نقص غیره مو عدد
بیمن اتأمن بعد
یا معز المؤمنین
٤/ــــــــــــــــــــ

صح ماحضرت ابکربلا، بس انت فعلاً حاضر
زارع رمح للطف کُبر، ازغیر عمر بس ثائر
و هو الیِربیه الحسن، مثل الحسن مو قاصر
طبّق وصیتك بالحرف، نعم الإبن و الناصر

هذا دمك هو نازف
من ورید ابنك یطیح
احسین بالقاسم یشوفك
ویه أهل بیته ذبیح
یاللي حاضرها الشدد
بیمن اتأمن بعد
یا معز المؤمنین
۵/ــــــــــــــــــــ

من السقیفه یالحسن، و الغدر موجِر بیکم
یردون تنصون و حشی، هو الله المعلیکم
یالماحله مجلس أبد، إلّا بعطر طاریکم
ننساها دنیانه و نظل، للموت ماناسیکم

و الیرید ایعیش اسمه
و ینکتب لیه البقاء
یرتبط لازم بکلشي
بي أثر من کربلاء
و گول للعنها ابتعد
بیمن اتأمن بعد
یا معز المؤمنین





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11231

📜قصیدة: [ حالة من العدم ]

🎤أداء الملا قحطان البدیري
🖊الشاعر ميرزا عادل أشكناني
——————————

ما .. صَبْرِي عَلَيْكَ وَ مَا
يُجْدِي البُكَاءُ دَمَا .. ما الإشتياقْ !؟
لا .. عنِّي تصُدَّ و لا
تَحْمِل فُؤادِي علىٰ .. ما لا يُطاقْ

هيّن أمر الموت عندي و أنه لمفارق هوَاك
مستعد أنطيك عمري و اشتري شَمَّة ثراك
عشِت حاله امْن العدَم لاهي نجاة اوْ لا هَلاك !
*يا غَرِيبَ الغُرَبَا فِي بُعْدِكُمْ حَالِي غَرِيِب !*

لا نَسيم (الصَبَا) ايْمُرني اْو لا يهِب (ريح الشِّمالْ)
و آنا عطشانك و أدوَّر رَشَفه من كاس الوِصال!
الدَّهر صيَّاد اْو إجيتك يالرضا ابْرَكضة غزَال !
*مُسْتَجِيرًا بِكَ أتْلُو سَيِّدي : {أمَّنْ يُجِيْبْ} ؟!*





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11233

📜قصیدة: [ مو بس باب ]

🎤أداء الملا قحطان البدیري
🖊الشاعر: مهدي بارون
📆 الليالي الفاطمية ١٤٤٢ هـ.
ــــــــــــــــــــــــــــــ

المستهل:

انت مو بس باب
انت کل أسباب اشتیاقي
بعد ما دفعوك
انت مو حرگوك لیش باقي
۱/ــــــــــــــــــــ

اي علي الواگف اگبالك، لایصیبك ارتباك
رغم حَنیَة ظهري یمك، عندي وگفه اهنا معاك
انت یالباقي ابرمادك، لاتظن جرحي نساك
من اشوفك گلبي یرجف، و أذکر اللاذت وراك

مانسیت الصار، یالفتحت الدار، للمصیبه
شوف من ذکراك، راح أعدها اویاك، شیبه شیبه
۲/ــــــــــــــــــــ

یا سبب فگد الزچیه، و یا سبب فگد الولد
یالکسرت اضلوع عمري، و کاسر ابخاطر مهد
یالمضیع أمنیاتي، اشمنتظر من عندي رَد
انت اصلاً حارگینك، اشراح اسویلك بعد

رادت الها امعین، و لاذت أم حسین، خلفك انت
شنهو ردك گول، الکسر مو معقول، ما سمعته
۳/ــــــــــــــــــــ

طه یمك چان یوگف، ما یطب إلّا ابإذن
و الوحي الداخل و طالع، جِرْحِته کلمة و إن
ما یغزرن بیك ذَنّي، و عالزچیه ما تحن
الیطبك طاب جنّه، هسه لیطبك یِوِن

العاش مثلي افراگ، یموت من یشتاگ، جرحه یحچي
و المشه جنّاز، ابناس حیل اعزاز، حیل یبچي
٤/ــــــــــــــــــــ

وگفتك یا باب صلفه، یالجرحت الذاکره
طبتي البیت ابوجودك، نفس طبت المگبره
شوفة المسمار تذبح، لیش رافض تستره
لیش تتحداني واگف، انت مو خیبر تره

راح أفز باللیل، یالوجودك حیل، یستفزني
عایش انت اویاي، یعني کل دنیاي، باقي حزني
۵/ــــــــــــــــــــ

یا سبب کل اشتیاقي، و دمعتي الما تنمسح
تدري یا باب امن أعبرك، ذکریاتي اشگد تلح
فاطمة دمها اعله بابك، یعني یومیه انذبح
لا تدور وین جرحي، الواگف اگبالك جرح

شوفلي اشسویت، یالترکت البیت، ابلا زچیه
الموت أخذها و راح، گلبي مایرتاح، نار بیّه
٦/ــــــــــــــــــــ

مختلف کل شي بحیاتي، صابر و هم منفجع
و الدمع ینشاف لکن، بیّه صایر ینسمع
ظال عایش و آنه روحي، کل مسیّه تنزع
المختنگ بالعبره یبچي، آنه مخنوگ بضلع

کلشي ما مألوف، فوگ خدي اتشوف، دمعي گاعد
فاطمة ابهالکون، راضي ترجع کون، یوم واحد





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11235

📜قصیدة: [ عصروا السماء ]

🎤أداء الملا قحطان البدیري
🖊الشاعر: السيد علوي الغريفي البحراني
📆 الليالي الفاطمية ١٤٤٣ هـ.
ــــــــــــــــــــــــــــــ

المستهل:

عَصَروا السَما و أسقطوا القمرا عُمْرا جَسَدا
هُزّي بضلعكِ و أنزِفي سُوَرا لِنَریٰ مَدَدا
۱/ــــــــــــــــــــ

صَدْرُكِ عَرْشٌ سَمَاوِيٌّ مِنْ أذیٰ المِسمَارِ هَلْ یُجْرَحْ؟
إنَّ ذاكَ الصَدرَ مکتوبٌ فیهِ یا زهراء «ألَمْ نَشْرَح»

بِضلعٍ منكِ آتیني أهل یا روحَ یاسینِ
مِنَ القرآنِ حَقّاً أسقطوها سورةَ التینِ؟!
سُجودكِ فوقَ أعتابٍ کَساجِدةٍ بِمِحرابِ
أیا بابَ السَمَا أتُریٰ یُرَضُّ البابُ بالبابِ؟!

في بابِ حِطَّةَ جَمّعوا حَطَبا و هُمُ احترقوا
دخلوا الجِنانَ و أضرموا اللهبا و بهِ اختنقوا
۲/ــــــــــــــــــــ

فاطِمٌ ضِلعاكِ مِئذَنتان یا صلاةَ اللهِ في الدارِ
ذا أنینُكِ کانَ صَوتَ أذانْ حَسبَ توقیتِ الدمِ الجاري

فَـ عندَ الرکعةِ الأولیٰ جَنینُكِ خَرَّ مَقتولا
قصیرٌ عُمرهُ لکنْ یُضاهي کربلا طولا!
جَنینُكِ قَد فَدیٰ العِفّة و بابُكِ ضَمّهُ خَلفَه
و قبلَ وقوعهِ للأرضِ مَدَّ مُحَمّدٌ کَفّه

کَم غُربةٍ لَقِیَتْ بِمَوطنها فَسَمَتْ وَطنا
قَد أسقطوا سیناً بِمُحسنها فَغَدا مِحَنا
۳/ــــــــــــــــــــ

حینَ خَدُّكِ صارَ مُحْمَرّا هلْ رأیتِ الکَونَ مُغْبَرّا؟
بینما المِسمارُ کانَ علی کربلاءَ یُحَرِّضُ الشِمرا

هُوَ المِسمارُ أقواسُ رَمْتهُ علیكِ أرجاسُ
عُصِرتِ عُصِرتِ حتی سالَ مِن ضِلعَیكِ عبّاسُ
یُجَرِّحُ عینكِ اللطمُ و یُطفئ عینهُ السهمُ
و ما کانَ للعبّاسِ یا أمَّ الفِدا ینمو

فَخُذي الحُسینَ بِنزفِ مَنحرهِ قِطَعاً قِطَعا
أو هَلْ أتاكِ حدیثُ خُنصُرِهِ فَـ لَقَد قُطِعا
٤/ــــــــــــــــــــ

هَلْ رأیتِ الحُزنَ في الشمسِ؟! ذاكَ حیدرُ حاسِرَ الرأسِ
لَمْ یقودوا حیدراً، قادوا یا بتولةُ آیَةَ الکُرسي

و حینَ نَزَفتِ أیتاما کأنَّ الکَونَ قَد قاما
إلیٰ ضِلعیكِ یا زهراءُ إجلالاً و إعظاما
لِحُمرةِ لطمةِ الخدِّ سیثأرُ صاحبُ الوعدِ
سلامٌ أنتِ یا زهراء حتی مطلعِ المهدي

هلّا رأفتِ بصاحبِ العصرِ فَـ بهِ جَزَعُ
هُوَ في الحقیقةِ صاحبُ الکسرِ و هُوَ الوجعُ






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11328

📜قصیدة: [ بنت من ]

🎤أداء الملا قحطان البدیري
🖊الشاعر: عبدالله القرمزي
📆 الليالي الفاطمية ١٤٤٣ هـ.
ــــــــــــــــــــــــــــــ

المستهل:

بِنْتُ مَنْ مَمْدودَةٌ في المُغْتَسل
في أمانِ اللهِ یا خیرَ العَمَل
و الصَلاةُ لاطِمه
فاطِمة یا فاطِمة
في أمانِ اللهِ یا خیرَ العَمَل
۱/ــــــــــــــــــــ

أذَّنَ الیُتْمُ علیٰ بِنْتُ الهُدیٰ
في أذانٍ ما لَهُ مِنْ مَثَلِ
و عليٌّ ما لَهُ إلّا الصَدیٰ
حینَ یَدعو ساعدَ اللهَ علي
ناعیاً روحي لِعَیْنَیكِ الفِدا
مَنْ أیا زهراءُ مِنْ بَعدَكِ لي
فَالردیٰ مالَ علیٰ بابِ الندیٰ
فَمَضَتْ نحوَ الحبیبِ الأولي

بعدَ عَینیها علیٰ الدنیا العَفا
تَرَکَتنا في أمانِ المُصطفیٰ
بِالدموعِ الساجِمة
فاطِمة یا فاطِمة
في أمانِ اللهِ یا خیرَ العَمَل
۲/ــــــــــــــــــــ

الأذانُ الیومَ یَبکي بِالدِما
و المُصَلَّیٰ ما بهِ مِن أحَدِ
موحِشٌ یَشکو إلیٰ اللهِ الظَما
مِثلَما أشکو إنْفِطارَ الکَبِدِ
فاطِمٌ عَجَّلتِ سَعیاً لِلسما
خَیمَةٌ إنّي و لا مِنْ عَمَدِ
لیتَ عَیْني بعدَ عَینیكِ العمیٰ
ما بَقَتْ مِنْ ذَرةٍ في جَلَدي

قاتِلي حُزني علیٰ هذا البلا
یا ابنةَ الهادي و أمَّ النُبَلا
کُنتِ أنتِ العاصمة
فاطِمة یا فاطِمة
في أمانِ اللهِ یا خیرَ العَمَل
۳/ــــــــــــــــــــ

في صلاةِ اللیلِ یَنعاكِ الدُعا
أینَ أنتِ یا سِراجَ الظُلَمِ
کُلَّما جِفنُ البَرایا هَجَعا
و عُیوني سَهَرَتْ لَمْ تَنَمِ
کُلَّما صَلَّیتُ لَیلاً وَجِعا
لُحْتِ کالکعبةِ وَسطَ الحَرَمِ
و إذا أرفعُ کَفي مُفجِعا
وَجهُكِ لاحَ بِطیفِ الألمِ

ما بَقیٰ بعدكِ صبرٌ لِـ علي
إفْتَحي عینیكِ یا زهراءُ لي
هَلْ تُراكِ نائمة
فاطِمة یا فاطِمة
في أمانِ اللهِ یا خیرَ العَمَل
٤/ــــــــــــــــــــ

سَمِعَ اللهُ لِمَنْ ناحَ لكِ
فالمدیٰ مِنْ بَعدكِ قَد أوحشا
فاطمٌ لِلمَوتِ ما أعْجَلَكِ
هَلْ مَشَیتینَ لهُ أمْ قَد مَشیٰ
نَظرةً منكِ إلیٰ مَنزِلكِ
قَدْ غَشاهُ مِنْ عذابٍ ما غَشَا
ما الّذي یا فاطمٌ نَحَّلَكِ
و رحلتي لا کما القلبُ یشا

ألَمٌ فاقَ حدودَ الألمِ
مَرَجَ البَحرینِ دمعي و دمي
و حیاتي مُظْلِمة
فاطِمة یا فاطِمة
في أمانِ اللهِ یا خیرَ العَمَل
٥/ــــــــــــــــــــ

سَبَّحي یا قطرةَ الدمُ لها
مِنْ دموعِ الحُزنِ مَرجاناً سَني
فاطمٌ قَدْ زُلزِلَتْ زِلزالَها
حینَما فاضَتْ بِعَصْرِ المُحسنِ
أخْرَجَتْ مِنْ عَصرةٍ أثْقالها
ما بِهِ تُذْهَلُ کُلُّ الألسُنِ
مالَها غابَتْ سریعاً مالَها
عَنْ حُسَینٍ و اغترابِ الحسنِ

و بَکَتْ زینبَ لِلْخَطبِ الأجل
أيُّ جُرحٍ فقدُكِ لا یُحْتَمَل
في أمانِ المَرْحَمة
فاطِمة یا فاطِمة
في أمانِ اللهِ یا خیرَ العَمَل





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11334

📜قصیدة: [ موطن إحساسي ]

🎤أداء الملا قحطان البدیري
🖊الشاعر: وسام الشويلي
◾️ الفاطمية ١٤٤٣ هـ.
ــــــــــــــــــــــــــــــ

راحله یا موطن إحساسي
و ماخذه دم گلبي و أنفاسي
انتي ناسي العایش اویاهم
شنو عمري من بعد ناسي

آنه أول من دفن روحه
و آنه آخر من یکف نوحه
وسط عیني صورة الفرگه
و عله اشفافي البسمه مذبوحه

أعیش ابذکریاتچ و الگلب حاضن جرح
و إذا أمسح دمعتي حزني بیمن ینمسح
یفاطم من غیابچ چنّي طیر و منذبح
أسِد بابي اعله روحي و یبقه جرحي المنفتح

شمع معلوگ أخلص اللیل
دمع بي نار من یجري
حنین و شوگ ماظل حیل
أعیش اشلون ما أدري
ــــــــــ

ویّه گبرچ أحچي بآلامي
لیش ماخذ زهرة أیامي
الورد ینحط في بساتینه
باللحد صارت وردة أحلامي

الگبر طبعه مایفك بابه
ولا ایرجّع غالي لأحبابه
اهلال بأول شهره هذا آنه
فوگ گبرچ و أحضن اترابه

أعوفن روحي یمچ من أعود لمنزلي
و أحس گلبي یگلي لهسه عایش یا علي
جروح التمشي بیّه و دمعي لچماتي هلي
بعد ماحسبه عمري الماکو بي انتي إلي

اسأل وین ألگه الموت
حتی اویاچ أتلاگه
یا زهراء آخر صوت
اي و روحي مشتاگه






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11343

📜قصیدة: [ مافرقت ]

🎤أداء الملا قحطان البدیري
🖊الشاعر: علي عباس الربيعاوي
📆 الليالي الفاطمية ١٤٤٣ هـ.
ــــــــــــــــــــــــــــــ

المستهل:

مافرَّقت بینه و بین ذولفقّار
محني اتگول بضلوعه اجه البسمار
الـ بس وکت الصلاة یبچي
هسه امدنگ و یحچي
اویلي الزهره شمسویه ابعلي الکرّار
۱/ــــــــــــــــــــ

ماعرفته هو هچ ابن آدم الفارگله غالي
ماعرفته یعصر عیونه علی ذکری اللیالي

گوّه یسمع لمّن اتحاچي الأمیر
چنّه ماندري علي بأي هم یحیر
امن الحزن ضعفان چن خیط ابحصیر
اشچانت الزهره لعلي و هچ ایصیر

ما أدري یعرفه المرّه لو شافاه
والله ماعرفته إلّا حچیت اویاه

تسألوني علي اشلونه ما أتذکر اعیونه
متعذب و رایح راد وسط الدار
۲/ــــــــــــــــــــ

اشلونه حاله اشما أوصّف حالته ایگولوا قلیله
اشلونه حاله اچتافه مایگدر علی هدمه یشیله

گتله مو کافي یمولاي اتنوح
گلي یا سلمان ماظل عندي روح
آنه مو مجروح عایش بالجروح
غفله راحت ماچنت أدري تروح

مایگدر یگوم و یگعد المجروح
گدامي و أحسّنه جسد مطروح

شسولف من شفت حاله یظم دمعه علی اعیاله
أحسّه ایگول مایتحملون ازغار
۳/ــــــــــــــــــــ

چان دمعه نازل امن اعیونه واصل حد ثیابه
چان دمعه اکثر من السانه الیسولف عذابه

گلي یا سلمان مو مشکلتي باب
اگبالي چتال الزچیه یا عتاب
اشما أشوفنه أحسّ جرحي شباب
هو یتنفس و فاطم بالتراب

اسکت گال أخافن لایفز احسین
یسألني علیها و شرد أجاوب وین

گله اسم الله یا روحي نام بزحمة جروحي
بدموعه و یشبگه شبگة المحتار
٤/ــــــــــــــــــــ

چان دیره و من روازین الحزن تطلع نواعي
چان دیره و طب خبر موت المحنه ابلایه ساعي

چان خیمه و لام آلاف الزغار
و خبر موت الزهره طب اعلیها نار
هاي أول مرّه أشوف الاختیار
علي حیدر صعب مو بیده القرار

یتسنّد علیه الکلها منه اتخاف
بعیونه الزچیه و الکسر ینشاف

دین الله علی اجروحه زهرة عمره مذبوحه
أبد ماچنه الذاك الچان حامي الجار
٥/ــــــــــــــــــــ

اشلون حیره البالحرب چان ایتسابگ وي خیاله
اشلون حیره و هو حیدر بس علي ایجاوب سؤاله

باقي یتأمّل مکان الذکریات
ویه أغلی انسانه چانت بالحیاة
اهنا مکان الرحه غاد الأمنیات
و علی ذیچ العتبه آخر ولدي مات

یا سلمان اشوف ابکل شبر زهره
مایبست بعدها أیامنه الخضره

لاتستغرب لحالي و أنا اگبالي چتالي
ظل عندي رماد امن الحطب تذکار





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11347

📜قصیدة: [ وين القاك ]

🎤أداء الملا قحطان البدیري
🖊الشاعر: مهدي بارون
📆 الليالي الفاطمية ١٤٤٣ هـ.
ــــــــــــــــــــــــــــــ

المستهل:

دوّرتك و مامن أثر
یالمنتظر وین الگاك
ماشایفك لکن أحس
ماراح أعیش ابلیاك
۱/ــــــــــــــــــــ

سولفتك اگبال الهوه و أتنفّس امن احروفك
بعیوني شایل لك أمل بالصدفه کون اتشوفك
لو ألتقي اویاك ابحلم ناذر أقبل اچفوفك
بالدنیا یا أصدق محب ماشفتكذو ماعوفك

مرني ابحلم خلني أبتسم حتی الجدم
مایعثر امن ایطوفك

منتظرك و راح أقتنع
لو خطوه بس أمشي اویاك
ماشایفك لکن أحس
ماراح أعیش ابلیاك
۲/ــــــــــــــــــــ

من نبضته اتعرف الیحب لو بیده یلزم گلبه
لو سهله چا کلمن عشگ حلوه العلاقه الصعبه
من سولفوا عنك وطن ظلیت أعیش ابغربه
یا بوالسراب المبتعد ما یروي حتی انشربه

یالمبتعد یمته ترد حتی الورد
ذبلان رادك گربه

یالوجهك ایجیب الضوه
حتی الفجر هم ناداك
ماشایفك لکن أحس
ماراح أعیش ابلیاك
۳/ــــــــــــــــــــ

یتونس اگبالي السهر لمن أهلها ادموعي
و امعاند اویاي الصبر ماجاي أحسه ابطوعي
هم زین ما طاح الگلب لازمته گوه اضلوعي
عایش لأجل أشتاگ الك یالـ انت کل موضوعي

غاب الضوه جیتك دوه حتی الهوه
هم حاقد اعله اشموعي

و ابراحته امخلي الجرح
حالف تشده ابیمناك
ماشایفك لکن أحس
ماراح أعیش ابلیاك






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11316

📜قصیدة: [ الله نور السماوات ]

🎤أداء الملا قحطان البدیري
🖋الشاعر: عبدالله القرمزي
📆جمادي الآخرة ۱٤۳۹ هـ.
🏴اللیالي الفاطمیة
ــــــــــــــــــــــــــــــ
المستهل:

اللّهُ نورُ السَماوات
و فاطِمٌ مِنهُ مِشکاة
تُزهِرُ لِلحَشرِ
کالکوکبِ الدُرِ
قَدّسَها اللّهُ مِن ذات
۱/ــــــــــــــــــــ

زَهْراء زَهْراء
هِيَ النورُ الأجَلُّ
بِها الکُرسِيُ یَعلو
و آیاتٌ لها تَزهو و آیات
زَهْراء زَهْراء
و ما أزهی سَناها
بِها یُزهِرُ طه
و تَزدانُ بِها کُلُّ الاُمومات
جَلالٌ لا یُحَدُّ
سَجایا لا تُعَدُّ
بِها قد کمّلَ اللّهُ الرِسالات
و سرُ اللّهِ فیها
تَجَاری مِن أبیها
کـ شَمسٍ غسّلَتْ وجهَ الصَباحات

تَرضَی السَماء لِرِضَاها
مِن طُهرِها مِن تُقَاها
زاهِرَةُ الطُهرِ
کالکوکبِ الدُرِ
قَدّسَها اللّهُ مِن ذات
۲/ــــــــــــــــــــ

زَهْراء زَهْراء
یَحارُ الطُهرُ فیها
و قد صَلّی علیها
جلالُ اللّهِ بینَ الإنسِ و الحور
زَهْراء زَهْراء
فَماذا مُبْتَداها
و ماذا مُنْتَهاها
و ما بینَهُما نورٌ علی نور
و جودٌ یَتَزمزَم
من النورِ المُعظّم
و قَلبٌ من بُیوتِ اللّهِ مَعمور
مِن اللّهِ سَناها
و رَیحَانةُ طه
و حُبُ المُرتضی إذ صعقَ الطور

في طُهرِها عَبقَریّه
حُوریّةٌ آدَمیّه
و قَلبُها العُذرِ
کالکوکبِ الدُرِ
قَدّسَها اللّهُ مِن ذات
۳/ــــــــــــــــــــ

زَهْراء زَهْراء
بِها تَسمو الصَلاةُ
و تَزکو المَکرُماتُ
و تَأْتَمُّ بِها کلُّ التَسَابیح
زَهْراء زَهْراء
سُلَیمانُ رَجاها
فَألقَت مِن هَواها
بسَاطاً یَقطعُ الدُنیا علی الریح
ظُهوراً للعَجائب
لِإبنِ أبي طالِب
إذا شَاهَدَها یَنسی التَباریح
و ما کانت نَبیَّه
و لکن نَبَویَّه
بِکَفَّیها إلی الخُلدِ مفاتیح

بابُ الجِنانِ هَواها
کلُّ الوجودِ فِداها
و خَیرُها یَجري
کالکوکبِ الدُرِ
قَدّسَها اللّهُ مِن ذات
٤/ــــــــــــــــــــ

زَهْراء زَهْراء
لَها یَومَ القِیامَه
مِن اللّهِ الکَرامه
و مِن بُطْنانِهِ العَرشُ یُنادي
زَهْراء زَهْراء
سَتَجْتازُ المَحَاشر
( ألا غُضّوا النواظر )
لِـ کَي تَعبُرَ ما بینَ العِبادِ
تُعَلّي بِالدِماءِ
قَمیصاً کربَلائي
عَلَیهِ بَعضُ أشْلاءِ الفُؤادِ
بِنا تَدعو الشَفیعه
لنا یا ربُّ شیعه
ألا حَقِق لهم کلَّ مُرادِ

اللّهُ نورُ السَماوات
یَقضي لِخَیرِ الشفیعات
أمْرُكِ مِن أمري
کالکوکبِ الدُرِ
قَدّسَها اللّهُ مِن ذات



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ
• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/6171

📜قصیدة: [ اتمنه بيده ]

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
ـــــــــــــــــــــــــ
المستهل:

أتمنی بیده ایغمّض العین
الموت عندي افراگ الحسین
من راح منّي و آنه أنعه
دمعه التودّیني اعله دمعه
۱/ــــــــــــــــــــ

من خطوة الناگه المشت ویاها ذیچ اللمّه
من یومها و آنه النعي عایش اویاي ابکلمه
حسین أغله امن الهوه أختنگ لو ما شمّه
و الفرگه تابوت العدل لو راح غالي ایهمّه

یا دنیا تحله بغیر الأحباب
و روح المفارگ دگت الباب
صوت البچي یاهو الیسمعه
دمعه التودّیني اعله دمعه
۲/ــــــــــــــــــــ

تلچمني کلمة کربلا کلما یمر طاریها
الهسه یجرحني الحچي لو ناعي یقره اعلیها
و لو گال شافتها الزلم زینب هظیمه احچیها
اللّه أکبر یا خلگ ستر اللّه سولف بیها

حتی الستر یم خیمتچ چان
یوگف ابابچ یقره قرآن
وسفه الستر دوّرله فزعه
دمعه التودّیني اعله دمعه
۳/ــــــــــــــــــــ

الموت أسهل من سهم و اشصار بالطف منه
حسین أحس بیه ینلچم لو سولفتلك عنه
و اتخیّل العمره ندی عبداللّه طیر الجنّه
ینذبح عنده آخر حلم عطشان چان بحضنه

عبداللّه سولف ماي للماي
ذبّت اگماطه چانت اهواي
راد الشهاده مثل ربعه
دمعه التودّیني اعله دمعه
٤/ــــــــــــــــــــ

چلمة الیُمه اتیتّمت من راح منّي الوالي
صح آنه أم الأربعه بس ما بقت تحلالي
اشتنفع الأم ابلا ولد و البیت صَبّح خالي
اشمحلاتها الأم تندفن بچفوف ابنها الغالي

شیل الجنازه اترید الأولاد
و أنا أربعتهم عنّي ابعاد
یاهو الیحط بگبري شمعه
دمعه التودّیني اعله دمعه
۵/ــــــــــــــــــــ

الأم سوالفها الإبن للشیب ضمّت ذخره
و آنه نذرت الأربعه لو یرجع ابن الزهره
یُمه أعتذر یا بوعلي ما خلّفتلك عشره
ما أدري مثلك ینذبح و الخیل تسحگ صدره

صدره صُفه میدان للخیل
دمّه اعله رملة کربلا ایسیل
ما چنت یَمه حتی أودعه
دمعه التودّیني اعله دمعه



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10023

📜قصیدة: [ أقراله عاشوراء يوميه ]

🎤أداء الملا قحطان البدیري
🖋الشاعر: کرار حسین الکربلائي
📆جمادي الآخرة ۱٤۳۹ هـ.
🏴وفاة أم البنین سلام الله علیها
ــــــــــــــــــــــــــــــ

المستهل:

الحمدُللّه و الشُکر
بکّائه خلّصت العمر
و البیت سویته حسینیّه
صارت قِبلتي کربلا
کل مغرب أتوجّه إله
و أقراله عاشوراء یومیه
۱/ــــــــــــــــــــ

و اللّه لو أملك عمر نوح
ما أشبع امن الدمعه و النوح
اشلون بحیاته ایعیش مرتاح
العنده مثل حسین مذبوح

خل یجي یعگوب و یگابلني ابونینه
یوسف عدل شنهو السبب مبیضّه عینه
شیگول گلبي و یوسفه مایدري وینه
عن ثوبه أسأل جاوبوني امسلّبینه

لقصّة حسین و مذبحه
کل یوم عندي فاتحه
و أنصب عزه بالدار لیلیه
تکتلني وحشة منزله
کل مغرب أتوجّه إله
و أقراله عاشوراء یومیه
۲/ــــــــــــــــــــ

امن حسین ماکو الدنیا بیها
و ما حصّلت حتی شبیهه
یا ناس نعمه البچي اعله حسین
بي صرت عند اللّه وجیهه

یا هالخلگ لو خیّروني بین الاثنین
أجري الدمع لحسین لو ولدچ تریدین
أحلف و حگ الگطّعوا من عنده چفّین
ما بدّل الدنیا بثواب ادموعي لحسین

یا ناس صدقوا هالدمع
من فاطمه یجبر ضلع
بهذا البکاء الحاجه مقضیّه
لمّن أطیح ابمشکله
کل مغرب أتوجّه إله
و أقراله عاشوراء یومیه
۳/ــــــــــــــــــــ

بچّیت کل الرایح و جاي
بثوابه وزّعت اشکثر ماي
صعبه یظل فوگي سگف بیت
و حسین عاري ایدوّر افیاي

یم بابي أنصب موکبي و یصیح الاحساس
یا ناس هذا الماي مو بثواب عبّاس
هالماي اشربوه بثواب حسین یا ناس
للنحره ضامي و عالترب جسمه بلا راس

کلما شربت امن العذب
اذکر اولیدي المنسلب
و جروح عنده ألف و تسعمیّه
هذا الحزن یستاهله
کل مغرب أتوجّه إله
و أقراله عاشوراء یومیه
٤/ــــــــــــــــــــ

شنهو وجودي ابلا وجوده
هو اللّه خالقني اعله موده
أترك الثوب الأسود اشلون
و زینب إجت بمتون سوده

بفراش إذا عیني غفت أتخیّل امصاب
زینب حبیبة فاطمه نامت علی اتراب
گمت أجمع أطفال المدینه بعتبة الباب
لخاطر رقیّه ابنیّته أنطیهن احجاب

و بثواب عبداللّه بعد
کل طفل أهدیله مهد
و اوگف ألولي و آنه محنیّه
و الصابه نبله حرمله
کل مغرب أتوجّه إله
و أقراله عاشوراء یومیه
۵/ــــــــــــــــــــ

الینصب عزا و اللي یحضره
العبّاس بعیونه ینظره
أتمنی ما مخلوقه حرمه
ابمنبرکم أصعد و آنه أقره

خلّوني أسمعکم نواعي بطور الأحزان
من أنعه آنه الوالده و الگلب لهفان
ویلا علیك حسین یبني المات عطشان
من بعد ذبحك أصبحت للخیل میدان

و الیستمع هذا الحچي
لازم یموت امن البچي
و آنه متت دیرة حزن بیّه
بگبري و دموعي هامله
کل مغرب أتوجّه إله
و أقراله عاشوراء یومیه



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9999