📋قصیدة: سجلینا - مکتوبة

🎤 أداء الملا قحطان البدیري
🖋الشاعر: علي عسیلي العاملي
📆لیلة ۱۰ شوال ۱٤۳۸ هـ.
🏴ذکری هدم قبور أئمة البقیع علیهم السلام
--------------------
المستهل:

سَجّلینا بین ناعٍ بین رادودٍ و لاطم
سَجّلینا في کتابِ العشقِ خُدّامٍ لفَاطِم
فَاطِمَه یا فَاطِمَه یا زَهراء
--------------------
۱/

فاطمٌ و الکونُ یَرجو منكِ لُقْمَه
بَدّدي بالنورِ یا زهراءُ عَتْمَه
في الورا قَد بُعِثَ المُختارُ رَحْمَه
أيُّ سِرٍ فیكِ حتّی کُنتِ أمَّه

ویلَ قومٍ
هاجَمُوا دارَ المَعالي و المَکارم
ویلَ قومٍ
مَا دَروا في العرشِ خُدّاماً لفاطم
--------------------
۲/

بِكِ قبلَ الخلقِ قَرَّ الأنبیاءُ
کیفَ یَحْویكِ تُرابٌ أو سَمَاءُ
دونَ معناكِ یَتیهُ العُقَلاءُ
أنتِ ماءُ الماءِ للطَوءِ ضیاءُ

حارَبُوها
بعدَ عِلمٍ أنها غیبُ المَعالِم
حارَبُوها
فَـ نَصَبنا الحُزنَ خُدّاماً لفاطم
--------------------
۳/

فاطمٌ جئناكِ یا أمّاهُ وِلدا
فَحْضُنینا إننا نَرجِفُ بَردا
أشْبعي أرْواحَنا حُبّاً وَ وِدّا
کَبّرینا لإبنكِ المَهــديِّ جُنْدا

بنتظارٍ
کَيْ نَزورَ القبرَ أنصاراً لقائم
بنتظارٍ
أن نُلَبّي الثأرَ خُدّاماً لفاطم
--------------------
٤/

کیفَ ننسی المُحسِنَ المقتولَ عَصرا
کیفَ لا نَلعَنُ رِجساً قَد تَجَرا
ما وَفینا أن نُقِمْ حُزنَكِ عَشرا
ربّي وَفقنا للطمِ الصَدرِ دَهرا

کَمْ عُیُونٍ
لیسَ تبکي لن تَری في الحشرِ راحم
کَمْ عُیُونٍ
صَنَعتْ بالدمعِ خُدّاماً لفاطم
--------------------
۵/

في سَماءِ الطُهْرِ طِرنا کالنوارِس
ما دَرَسنا الحُبَ یوماً في المدارس
إنها فِطرَتُنا الأولی کـ عابِس
و لِذا نُدعَی مجانینَ المجالِس

عَرّفینا
أنَّ سِرَّ اللّهِ في هذة المآتِم
عَرّفینا
کَي ننالَ الفوزَ خُدّاماً لفاطم


• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري
• القصائد المكتوبة

@qahtanqasaed

📋قصیدة: لیلة الجمعه - مکتوبه

🎤أداء الملا قحطان البدیري
🖋الشاعر: حسین طالب السماوي
--------------------
المستهل:

الموت اجاني و طاحت الدمعه
و اگبالي صارت لیلة الجمعه
اتعودت اگضیها بین الحرمین
جمعه ما اذکر ترکتك یا حسین
--------------------
۱/

واللّه حیره اشلون أوصفنه الشعور
الموت یمي و یمك اسنیني تدور
وحشه غربه ظلمه أعرفها القبور
و ما خفت کل خوف أعوفك ما أزور
الموت اجاني و ماحرت بأمره
کل بالي صار بشارع السدره
اهناك چنت اوگف یبو الیمه حزین
جمعه ما أذکر ترکتك یا حسین
--------------------
۲/

گالوا اعلیه الخلگ ما عنده بیت
چي لیالي الجمعه بعتابك غفیت
آنه یا جمعه ترکتك ما اجیت
عمري أزور و لا طلبت و لا حچیت
بس هسه أگول و اعذر الساني
باللّه الخمیس اشلون لو جاني
لیلة الجمعه شگولن من تحین
جمعه ما أذکر ترکتك یا حسین
--------------------
۳/

کل خمیس حسین روحي امعلگه
بکربلا و راسي اجیك امدنگه
یعني معقوله أموت و مابگه
یوم واحد بي أزور الخیمگه
آنه الچنت أگعدلي یم خیمه
ابالي سکنه اتحوم بالهیمه
خاف أموت و أنحرم من الونین
جمعه ما أذکر ترکتك یا حسین
--------------------
٤/

انت تدري الدنیا مو هیه القصد
آنه ابچي اعلیك ما أحمل بُعِد
یا حبیب الیمرد ابگلبي مرد
لیلة الجمعه تمر و آنه ابلحد
لا هالحزن لا ما شفت قبله
اشلون أفارگ شارع القبله
اعیوني متروسه صور للمرقدین
جمعه ما أذکر ترکتك یا حسین
--------------------
۵/

أمي گالت من چنت تِحبي حَبي
لیلة الجمعه نمر بنت النبي
چنت تتمرض گبل و أنذر عِبي
خل یطیب ابني یا تل الزینبي
الموت اجاني و گلبي ظل ینحب
اشلون أعوفن آنه تل زینب
اشلون أنام بگبري ماتغمض لي عین
جمعه ما أذکر ترکتك یا حسین


• السَـلامُ عَلَیـك یـا قَتیــل العَبَـرات

• الّلهُـمَ صَل عَلَی مُحَمَّـد و آل مُحَمَّـد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري

📋قصیدة: لو نفترض - مکتوبة

🎤 أداء الملا قحطان البدیري
الشاعر ۱/: عمار هلیل الواسطي
الشاعر ۲/: واثق العیساوي
----------🔅🔅----------
۱/
لو نفترض صار إقتراع ابهل یوم
گالولي إختار التشوفه الأجدر
شتظن أقارن لو شفت جنّه و نار
لو بین صحرا و بین بستان أخضر
بین الرِسَم ضحکه بوجوه الأیتام
و بین الکِسَر خاطر لماي الجبّار
بین الشبع من دولته حتّی الطیر
و بین الجزع من دولته حتی الشر
لا والله ما مجبور أخدع هالروح
مو بس أوَقّعْ بَل أوَقّعْ و أفخَر
لو بیدي أطَلِع گلبي و أرکض ملهوف
للرَشّحَه الهادي الرسول الأطهار
ابـ صندوق الأصوات أحط گلبي اویه الصوت
و اثنینهن أختار بیهن حـیـــــدر
----------🔅🔅----------
۲/
یا إله الکون عُذراً هالسؤال الجَدَلي
حاشه ماشك ابقدرتك بس أسَکّت عاذلي
صارك الإعجاز خلقك بشر سمّیته
الصراط المستقیم و مدخل الجنّه
تحلم الکوثر اتشوفه اذا ما اتوالي علي
النبي ما تمم عقیده لَوَن ما ویاه علي
اِمن السما نازل فَقاره و انت سویته لعلي
کفو للزهراء ماکو لَوَن ما خالق علي
وصي للمرسول ما صح اذا ما وصّه ابعلي
الیتامه اتظل غریبه الصار موطنها علي
الشمس و اللیل و نجومه کلها سِبحه ابچف علي
النار و الجنّه و حکمها کلها مرهونه ابعلي
الکون من ایرید یوگف لازم ینادي علي
أعلی من هاي الخلیقه و أدنی من الله علي
واجب انعلّي الصلاة تحلی وي ذکرك علي
----------🔅🔅---------

• لا فَتَی إلّا عَلي لا سَیفْ إلّا ذولْفِقار

• الّلهُـم صَل عَلَی مُحَمّـد و آل مُحَمّـد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري

@qahtanqasaed

📋موال: أنا شیعي - کتابة

🎤أداء الملا قحطان البدیري
🖋الشاعر: زکي الیاسري
--------------------

أنا شیعي و هل في غیر آل إله من یرجی
أنا شیعي و لا أرضی بغیر المرتضی حیدر
أنا شیعي یقیني فیهِ مِن قَطرِ السَما أکبر
أنا شیعي و لن یُثنیني عن عزمي هوا المنکر
أنا شیعي غداً اُسقی زُلالاً مِن ندی الکـوثر

أنا شیعي فخورٌ إنني للمرتضی اُنْسَب
أنا شیعي و هذا یا ذَوي الألبابُ ما یُطلب
أنا شیعي و یا للّه ما أحلاهُ مِن مذهب
أنا شیعي غداً في الحشرِ لا ألقی لضیً یلهب

أنا شیعي و یبقی بیرقُ الإسلامُ بي عالي
أنا شیعي و مِن فیضِ الهُدی مِنهاجُ أفعالي
أنا شیعي و مِن أقوالِ طه بَوحُ أقوالي
أنا شیعي و لا أرضی سوی الکرّارُ لي والي
أنـــــا شـیـعـــــي

• لا فَتَـی إلّا عَلـي لا سَیْف إلّا ذولْفَقَّـار

• الّلهُـمَ صَل عَلَی مُحَمّـد و آل مُحَمّـد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------
• مُحبّي الرادود قَحطانْ البْدیري

@qahtanqasaed

📋قصیدة: یا علي - مکتوبة

🎤أداء الملا قحطان البدیري
🖋الشاعر: واثق العیساوي
--------------------

یا علي یا علي
یا علي یا علي یا علي
--------------------
۱/

تکتب احروف المحبّه عالقلب أصدق مقال
علي متْنَصّب أمیر اعلی الخلافه ابلا جدال
للغدیر الیوم أسافر هایم ابجنح الخیال
حتّی أشوف اچفوف ادیهم لوحه من صنع الجمال
چف علي و چف الرسول
و الحدیث اللي یقول
من لسان الهادي أحمد
یا علي انت الأمیر
--------------------
۲/

یا علي ابیا کلمه أوصفك و العقل یمك یحیر
انت لو ماکو ابوجودي راح ابایع مَن أمیر
مملکة آخر نبوّه لازم اتنصّب وزیر
منهو غیرك یا ولینا ابکل قلب یملك غدیر
یا علي لو ما لِواك
ضاعت الدنیا وراك
یعترف حتّی الیبغضك
یا علي انت الأمیر
--------------------
۳/

موقف اتذکره الروایه عاشت الأمه انتظار
تنتظر یصدر بإسمك یا علي أعظم قرار
یا علي للأمه دربك واضح و أصدق مسار
و الدخل روضة جنانك ما تِمِس اعیونه نار
انت حجه اعلی الوجود
بسمك احروف الخلود
تبقی للما لا نهایه
یا علي انت الأمیر
--------------------
٤/

منهو مثلك عالیتامه یفتر و بچفوفه قوت
الصلاه انت و قدسها و انت للعابد قنوت
انت سر عش الحمامه و لغز بیت العنکبوت
کل من ایموت اعلی حبك یا علي لا مایموت
یا ملاذ الإنتصار
من تصول ابذولفقّار
الك سوح الحرب نادت
یا علي انت الأمیر

• لا فَتَــی إلّا عَلــي لا سَیفْ إلّا ذُولْفَقّـــــار

• الّلهُــمَ صَل عَلَی مُحَمّــد و آل مُحَمّــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحْطان البديري

@qahtanqasaed

📋 قصیدة: أسأل اللّه - مکتوبة

🎤 أداء الملا قحطان البدیري
🖋 الشاعر: عمار هلیل الواسطي
------------------

یالتوالي المرتضی بحکمه و درایه
أسأل اللّه یثبتك عالولایه
علي مولاك علي
لا مینساك علي
----------🔸🔸----------

یالموالي بمحبتك للصمیده
یقوه ایمانك و تقوه العقیده
اللیله قلبك فُرَح یعزف نشیده
الباري یرعاك لأن ردت الیریده

علي حبه وسیله و حبه غایه
أسأل اللّه یثبتك عالولایه
علي من العلي
لا مینساك علي
----------🔸🔸----------

هي فطره و یا هنیالك علیها
یرتفع شانه الیفاخر دوم بیها
الوادم ان چان اتعرف اللّه و نبیها
تدري بعد النبي حیدر ولیها

من محمد اخذ هاي الروایه
أسأل اللّه یثبتك عالولایه
الوصي بعدي علي
لا مینساك علي
----------🔸🔸----------

یالتبعت المصطفی و نهج الرساله
بالغدیر النبي شنهو اللي قاله
قال مولاکم علي و فاز اللي واله
و صدح صوته بالصلاة عالنبي و آله

هو بوحسین ولي من البدایه
أسأل اللّه یثبتك عالولایه
للمعالي تعتلي
لا مینساك علي
----------🔸🔸----------

اللیله صوب النجف نرفع ادینه
بیعة اخلاص لبوالیمه علینه
من فضل ربع العرش شیعه بقینه
و ابفضل حبنه لنبینه و لولینه

یبقی حب المصطفی و حیدر هدایه
أسأل اللّه یثبتك عالولایه
کل همومك تنجلي
لا مینساك علي
----------🔸🔸----------

یالموالي بفرحتك هاي المسیه
تسر قلب الولي و قلب الزچیه
اشعل اشموع الفرح حبك هدیه
و اخذ من المرتضی أشرف هویه

ما یصح الّا الصحیح ابکل نهایه
أسأل اللّه یثبتك عالولایه


• لا فَتَی إلّا عَلي لا سَیفْ إلّا ذُولْفقار

• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-------------------
• مُحبّي الرادود قَحطانْ البْدیري

@qahtanqasaed

📋قصیدة: غيبة شمس - مكتوبة

🎤أداء الملا قحطان البدیري
🖋الشاعر کرار حیدر الخفاجي
🏴لیالي استشهاد الامام الجواد)ع(
📆 لیلة ۲۷ ذوالقعدة ۱٤۳۸ هـ.
--------------------
المستهل:

بدنیا الغرب حایر
ما دامك امسافر
من ینکسر خاطر مایطیب
و بروحي حنّیّه
نار و جمر بیّه
ما تنوي عالجیّه یالغریب
--------------------
۱/
امضیع الهوه اشراعي
بدربي انته متاعي
متشرد ابگاعي وین اروح
گلبي اعتنق جرحه
و انباگت الفرحه
جفني غفی و یصحی عالجروح

ظلیـت
منتظرك و أدعیلك یالطوّل مشوارك
حنیـت
یالضاعت أخبارك عایفني بحر نارك
تانیت ماجیت

دلیني بدروبك
حن الگلب صوبك
ودیلي مکتوبك یالحبیب
بدمع الهجر اکتب
تدري الیحب یعتب
عشت العمر اندب یالغریب
--------------------
۲/
غیبة شمس غایب
ما الك کل صاحب
رب السما اشکاتب مادریت
یابن الحسن صبرك
اشثگله علی صدرك
خامس سنه ابعمرك و اختفیت

موعـود
سردابك لغیابك و امغیب کل عمرك
مریـود
اتحمل و اتأمل و اتوسل و أنتظرك
موجود مفگود

صوت الدعا بشفتي
بس انت سالفتي
لیك انفجر صمتي بالنحیب
خیط الأمل ضایع
ابیر الحزن واگع
بس انت ما راجع یالغریب
--------------------
۳/
چم محنه جارحتك
و بحسره عایفتك
ثار أهلك بذمتك یا إمام
ضلع أمك و حیدر
چبد الحسن و اکثر
بطف کربلا المنحر و الخیام

معقـول
ماتنسی ثاراتك و امعاشر دمعاتك
شتگـول
من تذکر عالهزل تتسلب عماتك
امن اتصول مسئول

چم دم ضمه ابحیفك
بس ظلت بکیفك
تطلع تسل سیفك لو تغیب
چم صفنه بحساسك
شیب انترس راسك
تبچي لأعز ناسك یالغریب
--------------------
٤/
چم عین الك تشبح
تدري البعد یجرح
ماکو الذي ینصح انت وین
ندري ابثگل ظرفك
بس نحلم ابچفك
من نعتب انحلفك بالحسین

مکسـور
چم خاطر لحبابك و اغیابك ضیعنه
منثـور
مدمعنه و انرید البشاره اتسمعنه
معذور مجبور

عن ثارك ایناشد
یالمهدي چم واحد
ربك دعا الفاجد یستجیب
و الفاجد اشعنده
بس دمعته ابخده
مو هینه هالمده یالغریب
--------------------
۵/
یالمنجرح گلبك
چم حایر ایندبك
تدري اشجره ابشعبك بالغیاب
چم والدة اتاني
ظلت بلا والي
من دفنت الغالي بالتراب

هیهـات
نتخاذل نفدیلك و انقدم من اجلك
دعـوات
هاي ارضك تملیها بقسطك و بعدلك
و الفات ما مات

کل الجره عده
صاع ابألف ضده
یوم الفرج وعده عن قریب
البیرق امن اترفه
کل الوضع یصفی
بینه اشکثر لهفه یالغریب


• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-------------------
• مُحبّي الرادود قَحطانْ البْدیري
• للقصائد المكتوبة

@qahtanqasaed

📋قصيدة: مجنونك - مكتوبة

🎤أداء الملا قحطان البديري
🖋الشاعر: أبوكرار الإحسائي
📀ضمن اصدار عطشت أقلامنا
🏴محرم ١٤٣٨
-------------------

ماعوفك خلهم یِلومُوني
مجنونك خلهم یِسَمّوني
أباعبدالله حُسین ثار الله
-------------------

یَـ حسین امنل مَهَد عاهدت الله بعهد
لَـ أجریلك العین
مِن زُغري ابخدمتك أتأمل رحمتك
تقبلني یَـ حسین
أظل عبدك و أشوف إسمك
سِرَی ابدَمّي و شراییني
إلك عُمري نِذِر یُبقَی
یظل حُبّي إلك دِیني
عاهدتك لازم أوَفّي ادیوني
مجنونك خلهم یِسَمّوني
أباعبدالله حُسین ثار الله
-------------------

کل عُمري أنذِرَه لحسین و منبره
و هاي الکرامه
و الحایز هالفَخَر فایز طول الدهر
و إمعَلّي هامه
إذا إسمَك یِمُر بیّه نِطَقتَه فاحَت أنفاسي
إلك روحي مُلُك صارت
عهد یا مالِك إحساسي
مِن دَمّي خل تُصُب اعیوني
مجنونك خلهم یِسَمّوني
أباعبدالله حُسین ثار الله
------------------
عاشورك للحشر یلهب بیّه جَمُر
یا رحمه الله
و ادموعي مِن تِهِل کِل عُمري ما أمِل
امنل وَنّه و الـ آه
أنا العاشق مثل عابس
أصیرن مِن یِمُر طاریك
یِحِز دمعي علی یومك
و أنا الـ إسمك صحت لبیك
حبیتك و الجنون افنوني
مجنونك خلهم یِسَمّوني
أباعبدالله حُسین ثار الله

• الّلهُـــــمَ صَل عَلَی مُحَمّـــــد و آل مُحَمّـــــد


ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-----------------
• مُحبّي الرادود قَحطانْ البْدیري
• للقصائد المكتوب

@qahtanqasaed

📋قصیدة: لیل نهار

🎤أداء الملا قحطان البدیري
🖋 الشاعر: واثق العيساوي
--------------------

لیل انهار روحي بنار
ما حان الموعد لو بعده
عاف الدار صاح ابثار
و الواعد مایخلف وعده
--------------------

تانیت و عذاب العاشق ایتاني
یا حلمي الچبیر العشته بحزاني
دعائي الاول انت الردده الساني
یالیل الغیبه وحشه و بایگ الواني
معذور و یندب معذور
من یجبر خاطر مکسور
رب اکشف عني المستور سر الغایب
وین الگاك روحي اویاك
طالت یالمحجوب المدة
عاف الدار صاح ابثار
و الواعد مایخلف وعده
--------------------

سلام اللّه نوصله لدمعة أحزانك
أمیر اعلی الأرض بس نجهل امچانك
تعال اگلوبنه یالغایب أوطانك
یمتی امن السما یوصل صدی آذانك
یمتی بفرحه نعیش اویاك
و ایرف اعلی الدنیا الواك
کل مجلس تحضر نلگاك گلبك ذایب
ادمع العین آ یا حسین
صوتك حسرات اشگد عنده
عاف الدار صاح ابثار
و الواعد مایخلف وعده
--------------------

شتحب یا نعي ابیا طور من ننعه
و یاهو اکثر مصاب لگلبك ایصدعه
انت أعرف بصدر حسین و ابوضعه
صوت اضلوعه بذنك سیدي تسمعه
لو نقرالك عن عباس
لو عن زینب بین الناس
ضربوها بصوط الأرجاس و هي اتعاتب
انت اختار عن یا نار
عن یا حسره و عن یا شده
عاف الدار صاح ابثار
و الواعد مایخلف وعده
--------------------

ندري بك قریب و مختفي بسرك
لچن أمر الـ إله تغیب مو أمرك
انت التنتظر مو احنه ننتظرك
عفه صبر ابگلبك یا کبر صبرك
نشتمّك بالریح الهاب
وي کل دگه ابظهر الباب
یالتملك للغیبه أسباب حگنه انطالب
او ما جیت ما خلیت
باب اغیابك یمتی اتسده
عاف الدار صاح ابثار
و الواعد مایخلف وعده
--------------------

الك یم البقیع الچم جرح یدّي
ونین الفاطمه و اینادي یالمهدي
یا ثار التریده ابیا ألم تبدي
و تراب البقیع ایجیب و ایودي
چم ذکره اتسولف هالگاع
عن چم مرقد لیکم ضاع
رد یا سفّان و یا اشراع رد و حارب


• الّلهُـم صَل عَلَی مُحَمّد و آل مُحَمّد


ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري
• للقصائد المكتوبه

@qahtanqasaed

📋قصیدة: لیل السفر - مکتوبة

🎤أداء الملا قحطان البدیري
🖋الشاعر سید موفّق الموسوي
--------------------

لیل السفر دمعة سهر
شوق القلب سیف بنحر
و السافر و بیده الروح
یا غیبته اشیحملها
--------------------

چف الدهر سیف الحزن سالمنه
ما یوم أبد یابن الحسن سالمنه
جفن المحب دم الدمع سالمنه
مل الصبر یکفي الهجر
لیل البعد نار و تمر
و دمعة الفارق محبوب
چالجمر من یهملها
--------------------

روحه أصبحت حبل الدمع ماسرها
بجفاك یالمهدي الدهر ماسرها
غیبتك طالت یالولي ماسرها
لیل الجرح یرجی الصبح
و أبقی أنتظر یوم الفتح
و صرختك یاللثارات
للناصبه اتزلزلها
--------------------

یا یوسف الزهرا الهجر خلاني
و اجفاك مکسور الظهر خلاني
مهموم و أتنفس جمر خلاني
أنت الضوه و بیك الدوه
من سافرت شح الهوه
و لو میته هم تحیه الروح
بنظرة عطف من خلها
--------------------

تایه ابحرك یالصرت رباني
چفك یغایب عالوفه رباني
سر غیبتك یابن الحسن رباني
أبقی أبتهل نورك یهل
ابوجه الظلم سیفك تسل
و رایة الهادي المختار
ابعالي السما اترف الها
--------------------

بعیوني دمعة صورتك ظل یا شام
یالصرختك صبح و مسا ها یا شام
وي کل نفس عطر المخیم یا شام
و العمتك کل ونتك
نار السبي ما رحمتك
تبچي اعلی زینب و اتصیح
یا زینب و کافلها


• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري
• للقصائد المكتوبه

@qahtanqasaed

📋قصیدة: عمري دمعة - مکتوبه

🎤 أداء الملا قحطان البدیري
🖋الشاعر: مهــدي بـارون
--------------------

عمري بیوم العاشر دمعه
مابین الفاقد و الینعه
و الهویه امن الرزیه
الغاضریه
-------------------

آنه الباقر اویه النوح
مثل عشرة نجوم و لیل
ما ایفارقنه غیر النور
و النور انسحق بالخیل
بعدني ابزغري و أمشي اجروح
مابین الکدر و الویل
أشاهد دمعة الأطفال
بعد بیمن أشد الحیل
یا دمع الجفن أسمع تون
من المصایب
حالك مایسر شوف العذر
فوق الترایب
عیله ابلا أهل ماظل أمل
تترجی غایب
طفله اهنا بجت طفله شکت
فقد الحبایب
هالطفله اتدور غایبها
ذیچي اتدور عـ الجایبها
و العلامه اعلی الیتامه
بس أذیه
--------------------

أسمع من نواحي اللیل
ونه ابخاطر الاحساس
صداها امن العطش مبحوح
تظنها ابآخر الأنفاس
طفله و بس ترید اجواب
چلمة وین یا هالناس
استحی حتی الممات بحین
سکنه نادت العباس
لحظات العمر خلصت صبر
عاللي یکابر
و الدمعه تصب موقف صعب
یکسر خواطر
بدروب النظر یم النهر
شبحت مشاعر
شافت جربته دم هامته
و بعذره حایر
ظلت تسأل یا عم وینك
فدوه اسنیني لنظرة عینك
عمي تقبل عنك أرحل
هالمسیه
--------------------

أعیش اللیل بالحسبات
لیش اللي نودّه ایروح
و أمشي بدرب کله ارماد
اللي بسر الخیام ایبوح
أشوف اگبالي امصلاة
مفروشه لصلاة النوح
رقیه ما درت بحسین
مسلوب الجسم و الروح
گالوا یبتعد باچر یرد
بي طمنوها
لاچن بالخبر گطع النحر
ما ألّموها
یدرون الأجل یفنی بعجل
لو خبروها
طفله و تنتظر یخلص هجر
یرجع أبوها
مسحة ایده تتمناها
بالشام الموعد یلگاها
و ابمصابه للخرابه
هالمنیه


• الّلهُـم صَل عَلَی مُحَمّـد و آل مُحَمّـد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------
• مُحبّي الرادود قَحطانْ البْدیري
• للقصائد المكتوبه

@qahtanqasaed

📋قصیدة: باب المراد - مکتوبه

🎤 أداء الملا قحطان البدیري
🖋الشاعر: عبداللّه القرمزي
📆 لیلة ۲٦ ذوالقعدة ۱٤۳۸
🏴 استشهاد الامام الجواد (ع)
--------------------
المستهل:

جئنا دون زاد یا باب المراد
هل زادٌ لنا من کف الجواد
--------------------
۱/

مولايَ إنّا دونك کُنا في دُجی الظلام
کلٌ تَمنی و القلبُ حنّا منك للسلام
عفوك عنّا إن کُنتَ منّا لا كما یُرام
و ما رأینا أذاً و منّا منك یا إمام
مُرنا طائعین غیر السامعین
جوداً طامعین من کف الجواد
--------------------
۲/

نحنُ الحیاری نحنُ الأسری شَدّنا هواك
متنا اصطبارا ذُبنا انتظارا أینها یداك
من للفُقارا جائتك دارا ترتجي نداك
و القلبُ طارا ناراً فنارا حلمهُ یراك
قاومنا الفنا ذُقنا حتفنا
لکن کفّنا من کف الجواد
--------------------
۳/

عشنا عذابا متنا اغترابا فاض دمُنا
کلٌ علینا لیس إلینا من یضُمّنا
جئنا عزیه للکاظمیه و هي أمنا
جئنا فداکم غیرُ رضاکم لا یهُمّنا
إسرائي أنا معراجي هنا
فيه کلُ الغنی من کف الجواد
--------------------
٤/

انت المُرجّی لي فیك منجی أیها العظیم
حنوا لميت یا آل بیتٍ جودهم قدیم
هیهات أخسر یا اباجعفر فضلك العمیم
انت الطبیبُ و لا یخیبُ من أتی الکریم
إمدد لي یدیك تعويلي علیك
إحرامي الیك من کف الجواد
--------------------
۵/

داوي جروحي أمرر بروحي کي أعود حي
انت حیاتي انت مماتي انت کلُ شَيء
أيُ صلاةٍ أيُ نجاةٍ سیدي و أي
أرجوك وصلاً غیرك حبلاً لیسَ في یدي
ضاقت حیلتي لکن مُنیتي
صكُ الجنةِ من کف الجواد


• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------

• مُحبّي الرادود قَحطانْ البْدیري
• للقصائد المكتوبه

@qahtanqasaed