📜قصیدة: [ ابن من ]

🎤أداء الملا قحطان البدیري
🖊الشاعر علي فليفل
💽 اصدار #لماذا_انت محرم ١٤٤١ هـ.
——————————

أحد الشاميين يرى ضعن السبايا
و لا يعرف من هم ...
فيذهب للإمام السجاد (ع) فيسأله قائلا:

أنتَ ابن مَن؟

آنه ابن ذاك الضوه الفوگ الرمح
الگمر عمي و والدي ایطلع الصبح
ــــــــــ

وین أهلکم؟

احنه وادم وین ماصحلك جرح
وین ماتلگه الزعل نوگف صلح
جروح خضره و چهبت بدیرة ملح
ــــــــــ

فقره انتم لو ملوك؟

انت شتحس إذا عبدالله أخوك
ایچتفوك و خوف منك من بعید ایشتموك
لکن امن اتباوعلهم أعلی منهم راس أبوك
ــــــــــ

امنین جابوکم سبایه؟

وره حرب الدم بدت حرب العبایه
امنین مایبدي الحسین اتشوف زینب بالنهایه
سیف یسکت لو نطق نحر الضحایه
ــــــــــ

امنیلکم هذا الصبر؟

احنه ناس انموت بس ما ننجبر
عدنه طیلة خلگ مو طیلة عمر
واگفین اتشوفنه و لمن نوگع ننتصر






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مكسور الخاطر ]

🎤أداء الملا قحطان البدیري
🖊الشاعر واثق العيساوي
📆 ليلة ٩ جمادي الأولى ١٤٤١ هـ.
——————————
المستهل:

بعدك مکسور الخاطر
مو کافي اتظل امسافر
تدري بدمعات الحایر
نار و غربه و عذاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

ارجعلي یا أول اسم یرکض علیه المهموم
یا أول احروف الدعا وکت الأفز من النوم
معذور یا کنز السمه لو الله رادك مضموم

هالدنیا متروسه بألم کلمن تبع بیها وهم
بس جفني برجوعك حلم سؤال
ما بین فتنه و غربله ما بین شمر و حرمله
کل یوم یشبه کربلا تعال

لا أنسه و لا تنساني
أعمه و حبك دلاني
کلما یضعف ایماني
بدموعي ارسل عتاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

وین انت هسه ابیا أرض و اتلم دمعتك یا دار
محتار تبچي لغیبتك لو بینه گلبك محتار
و اتنام لو من القهر کل ساعه گلبك بي نار

وجهك تدیره اعله السمه بصدرك جروح امکومه
معذور یابن فاطمه و غریب
من تگعد اتصلي الصبح تشرب الماي و تنذبح
تذکر حسین اعله الرمح خضیب

و تتذکر نار اخیامه
و عباس الضربوا هامه
بالبر مرعوبه أیتامه
وأجساد اعله التراب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

چا یمته اشوفك بالعزا واگف ابصف المنبر
و من أذکر أمك فاطمه نار بدلیلك تسعر
و اتگلي عید و عبرتك مثل الضلع تتکسر

یمته بحضور ابن الحسن ایصور مجالسنه الزمن
و ایکون من عنده الثمن دعاء
یوگف اویانه و منهظم یوگف یشارکنه اللطم
و منه بعد ما ننحرم رجاء

مبخوت و أقرا اگبالك
تسمع صوتي و أنعالك
و أگرب منك و أدنالك
و أفرح بعد الغیاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

مرات بي لچمه الحچي و أصعب حچي الما ینگال
بس ارجع و کلشي سهل یالغایب و بعدك طال
عشنه بغیابك بالوهم نتبع سراب الآمال

مرت سنه و عبرت سنه و نتأمل الموعد دنه
لیك الرساله امعنونه برید
ترجع و تترك غیبتك تمسح دمعنه و دمعتك
انکحل العین بهیبتك نرید

یمته اترف هاي الرایه
بیها المبدأ و الغایه
وعدي یالمهدي احچایه
واضح مني الکتاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

یا آخر الصفوه و أمل کل الیحبوك اویاك
چا یمته ترجع رایتك و اترف عظیمه بیمناك
ردناك تحضر بالعزا ویانه توگف ردناك

احنه لطریقك ننتمي کلنا بوجودك نحتمي
اتشوف العزاء الفاطمي مهیب
یا صاحب الحق و الأمر بلکت عله المجلس تمر
لگلوبنا اتچمل صبر عجیب

ترفع رایة أحزانك
یا یمه ایصیح السانك
تلگانه اویاك أعوانك
شیب و کل الشباب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يبعدنه الضلع ]

🎤أداء الملا قحطان البدیري
🖊الشاعر حیدر المیاحي
◾️الليالي الفاطميه ١٤٤٠ هـ.
——————————
المستهل:

عطشان بعیونك دمع
مکتوب یبعدنه الضلع
حسرة الفاگد تنسمع یمه یحسین
ــــــــــــــــــــــــــــــ

کافي تنوح ارحم یالولد حالي
المثلك صعبه اشوفن دمعته اگبالي
اگرب مني یحسین و تدناني
ارید ابچفي أمسح دمعك الغالي

یولیدي کافي ابداعتي
دمعك أعز من دمعتي
یولید الك کل عبرتي یمه یحسین
ــــــــــــــــــــــــــــــ

أحچي اویاك و ادموعك تجاوبني
امن أشوفك تبچي یولیدي تعذبني
اکتب بالدمع فوگ النعش یبني
عمري اثمنطعش و الباب شیبني

عمر الحزن چان اشکثر
ضلعین لو خد ینسطر
باچر اضلوعك تنکسر یمه یحسین
ــــــــــــــــــــــــــــــ

لاتسألني یبني و سکته خلیها
أمك لیش ماعندك علم بیها
اذا ما شبگتك لا تعتب اعلیها
ضلعها امهشم و محروگه ادیها

و بچفوفي أنشف دمعتك
و أقسم علیك بخیمتك
خلیني أشم بس رگبتك یمه یحسین
ــــــــــــــــــــــــــــــ

الحایط یمه للبسمار سلمنی
أحچي ابدمعي لو واحد یکلمني
ما أگدر أنام اضلوعي تلچمني
و اذا اگعد بعد اکثر تألمني

الباب اعله ضلعي امن انطبگ
چف أمك ابنار احترگ
حتی الهوه بروحي اختنگ یمه یحسین
ــــــــــــــــــــــــــــــ

امن اگول امودع الله الساني یتعذر
ثگیله الچلمه ارید الفضها ما اگدر
جریبه کربلا و بالباب تتنطر
میته امن العطش و امتانیه المنحر

من دارك لنار الخیم
بسمارهم صایر سهم
کل خطوه تسبیحة ألم یمه یحسین
ــــــــــــــــــــــــــــــ

اثر دمي بقه موجود عالحیطان
و بحجابي تشم بس ریحة الدخان
من هسه اشوفك تنذبح عطشان
و آنه ایدفنوني و انت تظل بلا دفان

مرمي و ثیابك تنسلب
ما یرحم و حار الترب
ابیا صوت امك تنتحب یمه یحسین






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ غريب اتعيش ]

🎤أداء الملا قحطان البدیري
🖊الشاعر محمد البطحاوي
📆 ليلة ٩ جمادي الأولى ١٤٤١ هـ.
——————————
المستهل:

غریب اتعیش و انت راعي دیره
یواحد و اللي راحولك عشیره
ــــــــــــــــــــــــــــــ

یباچي اثلثطعش معصوم
یالمتعب الدمع و الصاح
یملاچ الزرع صوفر
ما یرهمله کل فلاح
بعیونك ضعن واگف
تطیح اویاه کل ما طاح
وسفه الدنیا هچ اویاك
تبچي و یضحك الذباح

الدمع مولاي صرتوله گرابه
صیت انطاه الحسین و مصابه
ــــــــــــــــــــــــــــــ

اذا غایب أنا اسألمن
عن حسین و احواله
و بس انت تعرف الصار
من ظل جدك لحاله
البحضن الزچیه اینام
اتراب وساده سواله
صاح اهوای أنا عطشان
و محد ماي وداله

ماي اوجوهکم عیّشها کلها
و المیه الحسین انحرم منها
ــــــــــــــــــــــــــــــ

تاخذني الهظیمه اعلیك
مولاي و اصیحن وین
امن اسمع عمتك زینب
چتفوها مع اثمانین
الما عاش الجرح ویاك
وگفته اگبالك ابیا عین
اذا ماعینك بدمعه
فشله باچر امن حسین

لازم یحس بیك اللي یحبکم
و یظل حزنان مولاي لحزنکم
ــــــــــــــــــــــــــــــ

لخیمتها جفن عباس
ابخرابه الوکت نیّمها
و بنت حسین عطشانه
لهسه امتانیه عمها
عمایم هاشم اعله الگاع
بالطف ظلت ابدمها
بس الغُرُب موجودین
یاهو الغیرك ایلمها

ترست کربلا هاشم نیاشین
اهوایه ارسوم متطشره للحسین
ــــــــــــــــــــــــــــــ

یالموجود أحسّن بیك
بس الناس ماترحم
عقیده بروحي اذا ویاك
ردت مولاي اتکلّم
اروح لمجلس المذبوح
اعرفك تحضر المأتم
و اگلك کربلا تنزف
تره ابلیاك ما تلتم

یظل ذاك النحر ینزف نشوفه
ویظل عباس رافعلك اچفوفه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ تراب القبر ]

🎤أداء الملا قحطان البدیري
🖊الشاعر كرار حسين الكربلائي
📆 الليالي الفاطميه ١٤٤١ هـ.
——————————
المستهل:

یا دنیه بتراب الگبر
باللیل راح ادفن بدر
و ابلا حبیب اگضي اللیالي
ابیتي اشبقه و المن أرد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه من بادي الأمر أفراحي فرهدتیها
دمعة علي بوزن الذهب بس انتي رخصتیها
خذتي محمد للگبر و عیوني بچیتیها
و ظللتي شمعة فاطمه و بالباب طفیتیها

خلیتي بابي یندفع
کسّرتي للزهره ضلع
ابهالفاجعه شیّبتي حالي
البسمار ذابحلي ورد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه چانت فاطمه مشکاة عصمه و تضوي
هیه الأمینه اعله الأرض و عن الله تحچي و تروي
انعصرت و من طاحت خفت رکن العرش لایهوي
من صاحت المحسن سگط رجّت الکون العلوي

المحسن وگع مثل الضوه
ویه أمه بالنار انچوه
باوعلي بس مدري اشحچالي
نظرة حزن بیها قصد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه گادوني بحبل و حالي الزچیه اتنظره
و طلعت ورایه فاطمه هیه و ضلعها و کسره
بالسوط رد الها النذل و لوّع امتون الزهره
و انضربت ابچعب الرمح و صابوا وجهه ابسطره

لمن شفتها اعله الأرض
مات بوسط گلبي النبض
طیحتها مرسومه بخیالي
آنه الضرب مرتي عبد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه راحت فاطمه و من عدها ظل چم تذکار
ثوب أحمر بنزف الدمه و احجاب محروگ بنار
مینام البضلعه کسر و اتموت لمن تندار
و الهوه من تتنفسه یلچمها جرح البسمار

شم الهوه اعلیها صعب
البسمار واصل للگلب
لیهسه صیحتها اعله بالي
چم ضلع عدها منمرد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه تدریني علي الما رفلي جفن بمیدان
تالي أودّع فرحتي و اسکن ابیت الأحزان
همّیت أشیّع فاطمه مابیّه أشیل الجثمان
مهدوم کل حیلي و صحت ساعدني عم یا سلمان

ها یسلمان الفارسي
حزن الضلع ما ینّسي
من شاف وضعیتي بچالي
مابیّه حیل اعله البعد
ما دام مفتوح اللحد
دفني سوه الغالي اویه غالي
ــــــــــــــــــــــــــــــ

یا دنیه ضمّیت الجرح عن لایشمتون اعداي
بیر الأسولف بي نشف و من ضیمي شیّبت الماي
أم بیتي عافتني و بقت بس رحمة الله الویاي
صح علي یتنفس لچن میت علي یا دنیاي

متلمني أرض و لا سمه
راحت امن ایدي فاطمه
الله یا دنیه اشجرالي
صعبه الحبیبه الینفگد
ما دام مفتوح اللحد
دفني سوه الغالي اویه غالي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

#السلام_عليكم

#تلبية للطلبات سنعيد ارسال كل القصائد المكتوبه
#ملاحظه :يمكنكم استخدام بحث القناة بكتابة اسم القصيدة..

📋قصيدة: مجنونك - مكتوبة

🎤أداء الملا قحطان البديري
🖋الشاعر: أبوكرار الإحسائي
📀ضمن اصدار عطشت أقلامنا
🏴محرم ١٤٣٨
-------------------

ماعوفك خلهم یِلومُوني
مجنونك خلهم یِسَمّوني
أباعبدالله حُسین ثار الله
-------------------

یَـ حسین امنل مَهَد عاهدت الله بعهد
لَـ أجریلك العین
مِن زُغري ابخدمتك أتأمل رحمتك
تقبلني یَـ حسین
أظل عبدك و أشوف إسمك
سِرَی ابدَمّي و شراییني
إلك عُمري نِذِر یُبقَی
یظل حُبّي إلك دِیني
عاهدتك لازم أوَفّي ادیوني
مجنونك خلهم یِسَمّوني
أباعبدالله حُسین ثار الله
-------------------

کل عُمري أنذِرَه لحسین و منبره
و هاي الکرامه
و الحایز هالفَخَر فایز طول الدهر
و إمعَلّي هامه
إذا إسمَك یِمُر بیّه نِطَقتَه فاحَت أنفاسي
إلك روحي مُلُك صارت
عهد یا مالِك إحساسي
مِن دَمّي خل تُصُب اعیوني
مجنونك خلهم یِسَمّوني
أباعبدالله حُسین ثار الله
------------------
عاشورك للحشر یلهب بیّه جَمُر
یا رحمه الله
و ادموعي مِن تِهِل کِل عُمري ما أمِل
امنل وَنّه و الـ آه
أنا العاشق مثل عابس
أصیرن مِن یِمُر طاریك
یِحِز دمعي علی یومك
و أنا الـ إسمك صحت لبیك
حبیتك و الجنون افنوني
مجنونك خلهم یِسَمّوني
أباعبدالله حُسین ثار الله

• الّلهُـــــمَ صَل عَلَی مُحَمّـــــد و آل مُحَمّـــــد


ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-----------------
• مُحبّي الرادود قَحطانْ البْدیري


https://tttttt.me/joinchat/AAAAAD10QtTcCXaGImOnVw

📋قصیدة: لو لا فاطمه - مکتوبة

🎤أداء الملا قحطان البدیري
🖋الشاعر: کرار حیدر الخفاجي
--------------------
المستهل:

لو لا وجودچ عالأرض ما صارت الدنیا
لا اللّه یخلق له نبي و لا ینبعث وحیه
انموت ابخدمتچ فاطمه و ابخدمتچ نحیه
--------------------
۱/

گبل ما ینخلق آدم گبل ما تنخلق حَوّا
سوّاچ اللّه زهراءَ سُبحانَ إلّذي سوّه
لولاچ اللّه یطفیها الشمس و الگمر ما ضَوّه
ما یخلق مُحَمّد قَط لو ما یولدچ هُوَّ
خُلقِچ لُغُز سِر طِلِسِم و ابهمّه یتفسّر
لولاچ أحمد مَنخلق و لا مِنخلق حیدر
ابیمناچ أمر رب السمه و ابیسرتچ نَهیه
و ابخدمتچ نحیه
--------------------
۲/

لولاچ اللّه ما یرفع سَماءَ و لا دَحَی أرضه
إسمچ کون یا فاطم گبل منگوله نتوضّه
الیخدمچ ربچ اموفقه و ابعلو النجم حضه
ما أدري اشکبر حضها و خادمتچ غدت فُضَّه
لا مریم و لا آسیه وصلن تُرُب جدمچ
حتی الملائك تندعي و تستغفر ابـ إسمچ
و اشچم نبي لبابچ سعی و اتقرّب ابسعیه
و ابخدمتچ نحیه
--------------------
۳/

إذا ما نشکرچ یعني نجحد هذا معروفچ
نعوف اللّه و شرع دینه إذا یا فاطمه انعوفچ
اشما گلنا یا فاطم أعظم و أکبر انشوفچ
شیوصف عُظُم قدرچ مُحَمّد بایس اچفوفچ
چان النبي من یگصدچ هو نبي و مرسل
ما یدخل لدارچ گبل یطلب إذن أول
حتی مُحَمّد یسئلچ و ایشورچ ابرأیه
و ابخدمتچ نحیه
--------------------
٤/

ما چنه ابزمانچ بل خلقنه اللّه ابزمان أبعد
ابحرگ الباب لو چنّه رگاب ابعتبتچ تنمد
ألف عام و کسر مرّت حزنچ بینه یتجدد
اللیالي الفاطمیه من تمرنه نلبس الأسود
و الما بچه لکسر الضلع مو من ظهر طاهر
و الما لعن ربع العِجِل اویا ینحشر باچر
یا فاطمه و عین الما تنحب الچ عمیه
و ابخدمتچ نحیه
--------------------
۵/

یریت اضلوعنه انکسرت و لکن ضلعچ الیسلم
یریت اخدودنه انسطرت و لا خدچ یسیل الدم
یریت أطفالنه اتیتمت و لا الحسین یتیتم
عساهه اگبورنه انجهلت و لا گبرچ یزهرا أظلم
لو نستمر ابهل حزن لو ثارچ انرده
کل جیل یرحل رایته ایسلمها للبعده
فضلچ عظیم و هالحزن بي ندفع الجِزیه
و ابخدمتچ نحیه
--------------------
٦/

ابحزنه اعلیچ یا فاطم فوز الآخره انضمنه
قلیل اویاچ إذا نجزع و لو حتی العمر یفنه
التبچي ابمجلسچ عینه یبني بقصره بالجنه
قصر و ابجنه شیسوي الـ انتي راضیه عنه
یکفي رضاچ و هالرضا عن جنه یغنینه
ما عدنه غیرچ فاطمه وحدچ تغیثینه
چم یوم و ایگضي العمر و الدنیا منتهیه
و ابخدمتچ نحیه

• شُـلّـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

---------------------
• مُحبّي الرادود قَحطانْ البْدیري


https://tttttt.me/joinchat/AAAAAD10QtTcCXaGImOnVw

📋قصیدة: هویت - مکتوبة

🎤أداء الملا قحطان البدیري
🖋الشاعر: علي گاطع البهادلي
-------------------
المستهل:

لو شالت امتونك جبل
ما تهوی یا خیرالعمل هویت
یالهامتك سابع سمه
من شیل جثة فاطمه هویت
--------------------
۱/

انت نجم الظلمه مفروض اتّباعه
و کلشي گلك یا علي سمعاً و طاعه
ابلایه چفك هالفلك یعلن ضیاعه
و دره بیدك کلشي مجهول اتّساعه
بس الیصد لیك اندهش
شایل اسنین اثمنطعش هویت
ارکان بیك امهدّمه
من شیل جثة فاطمه هویت
--------------------
۲/

یالتهابك حتی ساعات المنیّه
طولك الما مال مایل هالمسیّه
ما یهد حیلك حمل نوگ الرزیّه
بس حناك السوط الـ ابمتن الزچیّه
اختلّت موازین الصدگ
من ثگل المتون الزرگ هویت
و العین تارسها الدمه
من شیل جثة فاطمه هویت
--------------------
۳/

جدمك الما زل گبل لیش ایتعثّر
یاللي ما مثلك بشر شایل له کوثر
مشیك الباب اندفع و السطره تظهر
گلي یا حیـــــدر علي بیك اشتکسّر
هامك یا تأویل الفرض
تنتظره یلمسها الأرض هویت
الروح بیك امهشّمه
من شیل جثة فاطمه هویت
--------------------
٤/

یاهي أشد یابالحسن تسئل ضمایر
طبّت المیدان لو طَبْت المگابر
گلها خل تعرف شنو معنی المشاعر
الغالي بس الغالي ظهر أحبابه کاسر
حگه الظهر من ینکسر
غالي و یحط غالي ابگبر هویت
أدري اشکثر متألّمه
من شیل جثة فاطمه هویت
--------------------
۵/

الکسر عودك یا علي یکسر مَجَرّه
ایعینه اللّه الیدفن ابچفینه عمره
ابعینك اوداع و زیارة موت تقره
السلامُ اعلی المشت و ابخدها سطره
یالرحتي مکسورة ضلع
أقره الزیاره ابیا وضع هویت
یالهامتك سابع سمه
من شیل جثة فاطمه هویت

• شُـلّـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------
• مُحبّي الرادود قَحطانْ البْدیري

https://tttttt.me/joinchat/AAAAAD10QtTcCXaGImOnVw

📋قصیدة: انتي جنتنه - مکتوبة

🎤أداء الملا قحطان البدیري
🖋الشاعر: واثق العیساوي
--------------------

موالین ابعقیدتنه
بدت منچ کرامتنه أ یا زهراء
نشوفچ انتي جنتنه
ابهواچ الدنیه لامتنه أ یا زهراء
--------------------
۱/

یا زهراء الگلب منچ أبد ما تاب
یظل یذکر حروف اسمچ ألم و امصاب
یشوفچ ویه کل ذکره دمع عالباب
تغیب الدنیه یالنورچ أبد ما غاب
نضیع و نورچ البینه
علی دربچ یدلینه أ یا زهراء
بقت بیدچ أمانینه
بسجل للخدمه سجلینه أ یا زهراء
--------------------
۲/

ظلام و من علم بیتچ یشع النور
ملائك تنزل لبابچ علیه اتدور
تشوف ابکل ألم منچ ضلع مکسور
تشوف المحسن الطایح ورد منحور
خذوا من عندچ الفرحه
طفل یا ظالم ایذبحه أ یا زهراء
أثر عینچ منو ایمسحه
الزمن هم یعجز ایشرحه أ یا زهراء
--------------------
۳/

عرفنه الینکسر ضلعه یعینونه
علی خطوة مشي لازم یسندونه
خناجر للألم لمّن یلچمونه
نشوف الدمعه من تنزل علی اعیونه
ابصلاتچ یا ضلع یرکع
یذبحچ و الألم یرجع أ یا زهراء
نذل و ابچفه من یصفع
علی عیونچ أثر یصنع أ یا زهراء
--------------------
٤/

علی اوسادة ألم منچ دمع و آلام
تنام اجروحچ و عینچ أبد متنام
تصد لزینب اعیونچ تظل تحتام
علی حسین و حسن بعدچ بقوا أیتام
مواکب للدمع تنزل
مثل دمع المطر تهمل أ یا زهراء
یا عمر الورده ما یحمل
ألم بس الألم یکتل أ یا زهراء
-------------------
۵/

دمع بس الدمع منچ نزل برکان
فجر ثوره و بده یسطع علی الطغیان
شمس بس ضیها من یطلع شبه طوفان
فضح کل من یحارب حرمة الإنسان
بدت من فاطمه البضعه
مبادئ ثورة الدمعه أ یا زهراء
ضلعها اتحول لشمعه
ینور للبشر طبعه أ یا زهراء

• شُـلّـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد


ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري


https://tttttt.me/joinchat/AAAAAD10QtTcCXaGImOnVw

📋قصیدة: ضوى سنيني - مکتوبة

🎤أداء الملا قحطان البدیري
🖋الشاعر: مصطفی العیساوي
🏴اللیالي الفاطمیه - لیلة ۱۹ جمادي الأولی ۱٤۳۸ هـ.
-------------------
المستهل:
یالماخذ نظر عیني لاتدفن ضوه اسنیني
گلبي امن الألم صاح بویه علي بویه
الماتت أمه گدامه اللّه ایساعد أیامه
اشلون ابدنیه یرتاح بویه علي بویه
-------------------
۱/

بویه سولف یا علي روحي ماردت إلي
ماردت اویاك مانعها التراب
أمي مو مالت دفن ورده و انت الها غصن
مشترکه بالروح وضّح لي الأسباب
لیش أمي من دون البشر ماعبرت اثمنطعش
ابستان کون الورد مو حلوه ورده ابنعش
راحت زهرة أیامي بالباب الضلع دامي
خدها ابچفهم انلاح بویه علي بویه
سطرة أمي تاذیني منها زاید اونیني
گلبي امن الألم صاح بویه علي بویه
-------------------
۲/

شنهو ذنبي امن الزغر اتیتّمت باقي العمر
من عملة الباب أفگدها الأیام
عمري خمس اسنین أظن و آنه ادري الأم وطن
و اتقَدر الإحساس لو تنشد أیتام
بس الفگد أم ینسئل و اتجاوب ادموعه
نوح المفارگ ینسمع لو سولف ابلوعه
عالخد سولفت دمعه صوتچ محد ایسمعه
دمع اللي یسولف للألم راح بویه علي بویه
أشتاگ لنظر عینچ اشلونه الفارگ اسنینچ
گلبي امن الألم صاح بویه علي بویه
--------------------
۳/

بغیمه جفني ماصحه أبچي لو شفت الرحل
و أتمنی ویاي من وحشة الدار
حالي بعدچ چن شمع تبچي بس ماتنسمع
من یگبل اللیل ایخلیني أحتار
محتاره یم لیلي الصبر مثلچ شمع ذایبه
یعگوب ما عاش العمر لو مارجع غایبه
غابت فرحتي عني ماخذها الأجل مني
دمعي اعلی الوجن طاح بویه علي بویه
ماترهم بعد جیّه اسئل حزني یومیه
گلبي امن الألم صاح بویه علي بویه
--------------------
٤/

ابجرحي متواعد زمن الباب و الخیمه التقن
ما ادري بالنار من تکبر اویاي
اهنا شفت ضلعي انکسر اهناك سالفتي نهر
و امعاتب اچفوف ما رادن الماي
من بابچ و طف کربلا لو سولفت عن خدر
للخیمه هم یکسر ضلع دافعها چف الشمر
الما محسوبه من دیني لیش احباله تاذیني
چفي امن الحبل ناح بویه علي بویه
ناري و بابي و البیها یم الکافل أحچیها
گلبي امن الألم صاح بویه علي بویه
--------------------
۵/

راح أضم باب الألم لجیّتك راعي العَلَم
و أشکي لک اشصار من ذیچ الچفوف
یُمه خَیّچ لو سئل گبري وین ابیا محل
خل یسئل الباب و ابعتبته ایشوف
من یسئل الباب ابدمع عَبّاس ابن فَاطِمَه
ضمیته لأیام الضمه مثل المطر بالسمه
یا غیمة عطش روحي هاك اسمعهن اجروحي
تلچم بیه الجراح بویه علي بویه
روحه تشرگ ابهمي أمه فاطمه و أمي
گلبي امن الألم صاح بویه علي بویه


• شُـلّـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-------------------
• مُحبّي الرادود قَحطانْ البْدیري


https://tttttt.me/joinchat/AAAAAD10QtTcCXaGImOnVw

📋قصیدة: شکرا علی النعمه - مکتوبة

🎤أداء الملا قحطان البدیري
🖋الشعر: علي عبّاس الربیعاوي
-----------------
المستهل:

شکرا علی النعمه جبتیني للخدمه
یالمنبرچ رحمه یا فـــــاطـمـــــه
-----------------
۱/

الدنیا بعیوني منابر امرصّعه کلها دمع
وین ما عاین یا فاطم أنظر لکسر الضلع
براسي متربعه المجالس ألطم و ما أمتنع
لو گلت طایح جنینچ ضلعي ویاه ینشلع
من أدخل المأتم ریحة ورد أشتم
بعیني دمع یلتم یا فـــــاطـمـــــه
--------------------
۲/

أوگف ابمجلس عزائچ نیّتي خادم الچ
أقنت و أرفع إدیّه أبقی خادم منبرچ
حاجتي مگضیّه أدري گبل لا آنه أسئلچ
أمنیة عمري الوحیده سجّلیني بدفترچ
تعرفني هالوادم إنّي أنا الخادم
فوگ السما راسم یا فـــــاطـمـــــه
--------------------
۳/

أشعر ادموعي اللي تنزل بالعزاء امحزّمه
ابدنیا ما اتشرّف أبقی ماکو بیها فاطمه
ما أکلّف روحي و ألطم لا و حگ رب السما
إیدي من وحدها تلطم عالعزاء امعلّمه
بچفوفي ما أدري لمن تدگ صدري
صار اللطم عمري یا فـــــاطـمـــــه
-------------------
٤/

خطوه خطوه للمجالس من أروحن تنحسب
أدري کل خطوه لحضرتچ هیه عندچ تنکتب
أعز ما أملك دمعتي عني لا ما تنسلب
أبچي حد ما دمعه حره علی خدودي تنصلب
عمري صُبَح دمعه حد ماتجي الرجعه
و القائم انسمعه یا فـــــاطـمـــــه

• شُـلـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

------------------
• مُحبّي الرادود قَحطانْ البْدیري

https://tttttt.me/joinchat/AAAAAD10QtTcCXaGImOnVw