📜قصیدة: [ أبواب الحسين ]

🎤أداء الملا قحطان البدیري
🎤 عبدالرحمن النصيري
🖊الشاعر أحمد ماضي
◾️محرم ١٤٤١ هـ.
——————————

یحسین یالماتنوصف
مدري شکبر عنوانك
الخیر کله بصایتك
و ابصحنك و بیبانك
باب العوافي بتربتك
أبیاض الوجوه بخدمتك
و ابصحنك و بیبانك
ــــــــــــــــــــــــــــــ

هذا باب القبله لو باب السماء
چن سفینة نوح یم باب الرجاء

الیوگف یم باب القبله
خادم یترجاك اتقبله
دمعاته ابحبك تکتبله
معنی الریشه و معنی النبله
ــــــــــــــــــــــــــــــ

أرفع ایدي یا حبیبي بالدعاء
و بیك أتوسل اباب الشهداء

الیطلب من بابك خیعونه
قاضي الحاجات ایسمونه
أملاك الحضره ایحضرونه
بس تنزل دمعه امن اعیونه
ــــــــــــــــــــــــــــــ

انسلم اباب الکرامه یالإمام
و الکرامه انولها اباب السلام

خدامك نشعر أحبابك
نکبر من نسجد بعتابك
نتمنه و نقسم یم بابك
نتحول خیط من اثیابك
ــــــــــــــــــــــــــــــ

باب سلطانیتك الما مثله باب
بسم زینب لبّس العفه حجاب

ماظن یفرق عطر و نظره
بین الجنه و بین الحضره
یتظلل باچر بالسدره
الیدخل من باب السدره
ــــــــــــــــــــــــــــــ

بخدمتك صارت أبیّه انفوسنه
و حق باب الراس نرفع روسنه

و بابچ یا زینب نوصله
نتوسل بسمچ و انقبله
کون انصیر اتراب التله
و انتي اتدوسینه و نتعلّه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كل القوافل ]

🎤أداء الملا قحطان البدیري
🖊الشاعر علي الخفاجي
◾️ ليلة ١ محرم ١٤٤١ هـ.
——————————
المستهل:

کل القوافل تعتني لمکه
لـ لا شریك ابعدله و ابملکه
بس قافلة حبنا
للموت تتعنه
لـ لا شریك ابعدله و ابملکه
ــــــــــــــــــــــــــــــ

هالقوافل و الرواحل گصدت المکه و منی
و الهواشم حجها لازم بالطفوف ابهالسنه
یالتشارك بالمناسك حسین للموت اعتنه
گاطع البر ما تأخر کربلا یوم المنه

عکس القوافل طلعت اضعونه
رایح یحج ویه الیحبونه
و الگصدت الجنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

آیه آیه للمنایه طلعت ابدور السمه
و العجیبه و المصیبه تعتني لگاع الضمه
عافت الحج و الفلك ضج برکب الحسین ارتمه
اشهل مسیره و هالعشیره البیها ریحة فاطمه

عاف الحجیج اتلبي هاللیله
و اتعنه بالأطفال و العیله
و اضعونه بالونه
للموت تتعنه
لـ لا شریك ابعدله و ابملکه
ــــــــــــــــــــــــــــــ

رحله نسمع بیها مصرع للسلیل الهاشمي
لا منیه و لا أمیه تمنع احسین الضمي
للولایه بإیده رایه و للشباب الفاطمي
یرخص الدم عنده زمزم صار نهر العلقمي

عاف الحجر و البیت بأحزانه
حج الطفوف ایصیر عنوانه
و الگطعت الضنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

یبني دوله و تمشي حوله فتیت الحق و النصر
گلبه ذایب و المراکب بیها ربّات الخدر
بهذا ليله شد رحیله بالتحدي و الصبر
و عالمنازل و المحامل طلعت اخیوط الفجر

عازم یروح لکربله بنصره
تمشي بضعنهم فاطمه الزهره
و اللیله تتمنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

یبني مجده غایه عنده رایح لأرض العله
و العلامه اویه الإمامه طلعت لیوث الفله
دم وریده ظل نشیده کربله یا کربله
ما تمنعه و لا ترجعه عن مسیر القافله

لیل و نهار ایواصل الرحله
و ایردد ابهیهات للذله
و التقترب منه
للموت تتعنه
لـ لا شریك ابعدله و ابملکه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ رفع الراية ]

🎤أداء الملا قحطان البدیري
🖊الشاعر واثق العيساوي
◾️ليلة ١ محرم ١٤٤١ هـ.
——————————
المستهل:

رایتنا رفعناها
لمصابك نذرناها
للزهرا نعزیها
یحسین انت راعیها
ــــــــــــــــــــــــــــــ

مثل ما بالسمه تنشر قمیصك هاي الأملاك
رفعنا بالسما رایة مصابك حتی ننعاك
حملها چف ابوفاضل هذاك الرافع الواك
علی اعناد الیضدونك نظل یحسین ویاك

کتبنا اسمك علی الرایه
و نظل للدمعه وفایه
شوارعنا و تعازیها
یحسین انت راعیها
ــــــــــــــــــــــــــــــ

کلما هل محرم یا حسین و شفنه الهلال
دمع اعیونه ابموسم حزننه یجري همّال
تعلمنا امن اهلنا مو سهل لو یبچي رجال
لچن ترخص الك کل الدموع و تشرح الحال

چبیر التنزل ادموعه
علیك و یلطم اضلوعه
و الدمعه اللي نجریها
یحسین انت راعیها
ــــــــــــــــــــــــــــــ

یهنیاله الیواسي فاطمه بأیام الأحزان
و اهي تحضر مجالسنا و تصیح اولیدي عطشان
نسمع صوت ونتها تنوح بگلب حیران
ادوّر عن عزا اولیدي و اگصده وین ما چان

هنیاله الضرب صدره
یواسي فاطمه الزهره
مجالسنا و نواعیها
یحسین انت راعیها
ــــــــــــــــــــــــــــــ

رایاتك تظل یحسین هیبه و للسما اوشاح
یطیح اللي یحاربها و یظل ساریها ما طاح
مثل ما شالوا اعدائك مناحرکم عالرماح
رفعناهن بغض بیهم خفگهن للسما لاح

هیبه رایة الکافل
هذاك الحید ابوفاضل
عظیمه و هیبه ساریها
یحسین انت راعیها
ــــــــــــــــــــــــــــــ

نعد اعله الأصابع یا حسین أیام و أیام
لمن یوصل شهر حزنك نشد للخدمه الاحزام
تره الفاگد عزیز اشما یسوي لا مینلام
و شنو یحسین أعز منك نصیر لحزنه خدام

غالي انت و ابن غالي
یحبك ربك العالي
الگاع و کلشي الإعلیها
یحسین انت راعیها





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ معنى الألم ]

🎤أداء الملا قحطان البدیري
🖊الشاعر واثق العيساوي
◾️ ليلة ٢ محرم ١٤٤١ هـ.
——————————
المستهل:

یالعایش بصدري حوافر لو سهم
یحسین ارید اویاك أحس معنی الألم
بدموعي أخلص أیامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یحسین کلما سافرت .. عن الأهل و اتغرّبت
و شفت الدموع ابعین بنتي اتلالي
أذکر اللحظه المؤلمه .. ویه العلیله فاطمه
من ودعتها و حالي یبچي لحالي
و آني ارجع اشما ابتعد .. بس انت رایح ماترد
ایموت انتظار اللي یفارگ غالي

لحظات الوداع اشنفع بیها الصبر
و المحترگ بالنار ما یچوي جمر
هاي الصور گدامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یا ماي الك بیّه جرح .. کلما اشربك أنذبح
أذکر ثغر عطشان جمره اشفافه
و بالغربه کلما اختنگ .. و دمي اعله اهلي یحترگ
و العایف اهله الفرح لابد عافه
کلما یمر عیني السهم .. بالتاسع اتذکّر صور
و اعیون ابوفاضل الکفه او وافه

مابین جرحي و جرحك اهواي الفرق
لکن الك بعیوني دمعات و صدق
رغم الذنب و آثامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

کلشي و الك ویاه صله .. یومیه أحس بکربلا
و کل لحظه مزروعه بحزن من عمري
لو شلت بچفوفي طفل .. اتخیّل بنحره النبل
بعیوني اشوف الدم و أهیم بصبري
وجه الرضیع اشگد ترف .. مایحمل اسهام و نزف
مو منحره یاریت صابوا نحري

یحسین ما مستوعب اچبیر الجرح
اشلون اشوف اولیدي ضامي و منذبح
الوجه البرائه الدامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

حاولت اعیشك بالصدگ .. حاولت بس گلبي یطگ
روحي ابعمق صبرك بقت محتاره
یحسین چا من یحتمل .. بالنار بیته یشتعل
و بثیاب اولاده الجمر شب ناره
من یحتمل ذبح اخوته .. و ما بیّن الهم دمعته
واگف جبل و اجروح کل اکتاره

اتخیل أعز اخوانك بعینه سهم
مگطوع چفه و راسه مضروب انهشم
و ما شرب لجلك ضامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یمکن یهون أکبر ألم .. إلّا الیمس صوب الحرم
هذا الأبد ماتنحمل نیرانه
من یقبل اخته تنضرب .. لو تنسبي بدیرة غرب
لو تمشي مچتوفه بحبل نسوانه
یحسین لهنا و اعتذر .. ما احتمل هذا الأمر
صبرك صبر ماعرفته دنیانه

یحسین فهمنی اشجره و راسك یون
من ماتت ابنیتك رقیه امن الحزن
و آنه ادري راسك حامي
کلما تزید آلامي
یحسین ارید اویاك أحس معنی الألم







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ليش العليله تون ]

🎤أداء الملا قحطان البدیري
🖊الشاعر السيد عبدالخالق المحنه
◾️ ليلة ٣ محرم ١٤٤١ هـ.
——————————
المستهل:

لیش الیظل ینتظر
یحسب و لا محسوب
لیش الدمع ینکسر
لمن یصیر غروب
لیش العلیله تون
و الحادي ما مصیوب
ــــــــــــــــــــــــــــــ

چلمة اللیش ابگفه الرایح وسافه
و چلمة الیمته عطش صیف و کلافه
وزّعت دمعي ابمتاهات المسافه
و اشتفید الیحتضر چلمة معافه

حتی الدرب بي دغش
چذّب عَلي مرات
وهّمني بین الإجوا
و الما إجوا خطوات
وین ألگه وجه الصبح
و الدنیه بالمگلوب
ــــــــــــــــــــــــــــــ

یعمي العیون الیروح ابلایه جیّه
و یهجم اعلیه الحزن وکت المسیه
أنحني ابطاري الأبو و اصفگ بدیه
و أنعه طور الفاجده ابداري رقیّه

ظلیت أهز بالمهد
و أتسله بالیاویل
و ابمتني سوط السبي
و بصدري رکضة خیل
مایستراح الگلب
لو ما یجي المحبوب
ــــــــــــــــــــــــــــــ

مدري لیش الدنیه بعیوني زغیره
و أدري بالضیّع أبو ضیّع عشیره
طیحته چن طیحة الخیمه الچبیره
و التظل ابلا ولي مثل الأسیره

لو ما أظل وحّدي
ما تستقر دنیاي
لو ماتوا أهلي عطش
خل یستراح الماي
من تختنگ ونّتي
ایصیر الدمع مطلوب
ــــــــــــــــــــــــــــــ

صفنة التفگد أخو اتفز ابألمها
صفنة التفگد أبو اتسولف یتمها
توگف ابچم یا علي الطاحوا زلمها
و تدري بالتفگد أبو ایواسیها عمها

اوگف و أتیه الدرب
و الحسره صگعة راس
یذبحها طاري العلم
للفارگت عبّــاس
هذا الحزن یا دهر
رایدله چم یعگوب
ــــــــــــــــــــــــــــــ

ونّة الیمته تحس بیها الیتامه
و کسرة الشیخ الأبو ابحرگة اخیامه
میّت الوالد و أنا عندي علامه
کسرة الخاطر و لا کسرة اعظامه

روحي سفینة عتب
و امزاحم الحسرات
و أحلامي طیر ابهوه
و بین السهام اتبات
کلشي أحس یرتجف
حتی الصدی مرعوب
ــــــــــــــــــــــــــــــ

مختلف لون الضوه و مختنگه داري
لیلي چن سیف الشمر یذبح نهاري
و آني أعتب و أزعل و أبدي اعتذاري
علتي ما بیّنت بان انکساري

اترکضني کلمة إجوا
و أسمعها کلمة مات
و أرجع بخت منکسر
و اتهوّس الشمّات
یا لیش تنفع بعد
هذا العَلَي مکتوب







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يا والدي]

🎤أداء الملا قحطان البدیري
🖊الشاعر عمار هليل الواسطي
◾️ليلة ٣ محرم ١٤٤١ هـ.
——————————
المستهل:

یا والدي بهذا المسه شخبارك
هم مثلي گاعد و السهر خطارك
ــــــــــــــــــــــــــــــ

تگصر اسنیني إذا الحسبه طویله
شوفتك صارت یبویه مستحیله
اشگد بعد أحسب بأیامي الثگیله
الك وحشه یالعفت روحي علیله

تدري الابو خیمه و یأذّي افراگه
یالغالي هم مشتاگ للمشتاگه
ــــــــــــــــــــــــــــــ

ذابت المهجه و ضعف شوف النواظر
مدري چم باچر یجي و ماتجي باچر
یاللي تدري أصعب کسر کسر الخواطر
بنتظارك نفذ صبري و بیش أکابر

بویه مسیة العافیه اعله عیونك
دمعاتي کتبت علی خدي اشلونك
ــــــــــــــــــــــــــــــ

بالمدامع ینگضي لیلي و نهاري
ضامیه و لشوفتك طال انتظاری
مو عطش للماي لا انت اختیاري
الورده تذبل من یمر طاري الصحاري

عطشانه عیني لشوفتك یا مایهه
مدري الزمان ابیا مصایب جایهه
ــــــــــــــــــــــــــــــ

أنعم الله لو یمر بس طیف منك
حتی أسِد اعیوني گوه بخبر عنك
ماخلص وني إذاً ماخلص ونك
گلبي یعلمني بعد ماترد چنك

چا لیش بالروح الحزن یبرالي
معناهه صایرلك قدر یالغالي
ــــــــــــــــــــــــــــــ

بویه شنهي أخبار عبدالله و رقیه
اهواي مشتاگه إلهم و شیصح بدیه
بویه شو محد رجع منکم إلیه
و المسافه اشگد عالارض الغاضریه

مابینك و بیني المسافه ادموعي
یطفي الأمل من تجري کل اشموعي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ها يا عقيل ]

🎤أداء الملا قحطان البدیري
🖊الشاعر مصطفى العيساوي
◾️ ليلة ٤ محرم ١٤٤١ هـ.
——————————
المستهل:

ها یا عقیل الطالبي
رایدلي حره امعدله
بأربع ولدها ینلزم
ظهر الحسین ابکربلا
ــــــــــــــــــــــــــــــ

اوصیك یا مرجع نسب تختارلي بت العرب
و اتکون بیرغ للوفه لبوه المَثَل بیها انضرب
عدها رساله امن السمه و تفسیر رؤیتها اقترب
و ایکون اسمها فاطمه بس کُنیه الها من ذهب

کُنیتها أم الأربعه
و هذا الإسم شانه اعتله
تصبح مواقفها سند
ظهر الحسین ابکربلا
ــــــــــــــــــــــــــــــ

راحت امن ایدي أم الحسن و اضلوع منها امهشمه
و الدار ظلمه ابلا ضوه من یوم راحت فاطمه
رایدلي أم لأم الخدر مارید تبقه امیتمه
دورلي بدویة وفه بغیرة أهلها امحزمه

و حسین عنده بس حسن
و الحسن مایبقه إله
خویه عقیل و من یشد
ظهر الحسین ابکربلا
ــــــــــــــــــــــــــــــ

من هسه مهتم بأمر تخنگني چلمة نینوه
لحسین رایدها ذخر یشتم محنتها هوه
لیل الخیم باچر صعب و آنه أدري خلفتها ضوه
نجوم و تضوي القافله و الگمر بچفوفه لوه

أربع سوالف تنحچي
خطوات ذیچ القافله
اجبال و علیهم ینتچي
ظهر الحسین ابکربلا
ــــــــــــــــــــــــــــــ

رایدلي من عدها ازلمه هیبة علي بي تنقره
بچفوفه ینشاف النهر لو عطش مر بمخدره
گنطره الخدر أم الخدر و بالحرب سبع الگنطره
من یهد تحتار الزلم عباس هد لو حیدره

عالمشرعه من ینغدر
توگع اچفوف البسمله
ساعتها بالطف ینکسر
ظهر الحسین ابکربلا
ــــــــــــــــــــــــــــــ

ینتهي الطف و ینسبي ظعن التکفل بي گمر
و أم البنین اعله الدرب تنتظر من عدهم خبر
بشر ابن حذلم من یجي اتنادیه یا ناعي القدر
ویلادي فدوه لو رجع بس الحسین امن السفر

گللها الحسین انذبح
و اعله الرمح راسه اعتله
و من انسبت إخته إنحنه
ظهر الحسین ابکربلا






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ جابتهم نشامه ]

🎤أداء الملا قحطان البدیري
🖊الشاعر الميرزا عادل أشكناني
◾️ ليلة ٤ محرم ١٤٤١ هـ.
——————————
المستهل:

جابتهم نشامه
و غذتهم شهامه
تالي لمولاها و سیدها
ضحت بالعدها و ماعدها
ــــــــــــــــــــــــــــــ

جابت اشبول أربعه کل واحد بألف انحسب
و حیّرت زلم العرب بنت الفحول امن العرب
هاي أمهم و الأبو حیدر بعد وین العجب
الدُره من تاخذ ذهب ناتجها لو دُر لو ذهب

قِمه و من یصلها
حیها و حي أصلها
ابهالغیره العدها انشاهدها
ضحت بالعدها و الماعدها
ــــــــــــــــــــــــــــــ

تعبت و لله درها ، درها در بالمرجله
و خلّفت عقد الشرف و العز لبن عقد الوله
عِلَوا بظهور المعالي و زلزلوا أم العُله
و تربیة بنت الحموله تشهد إلها کربله

تُرباة المضایف
اتبیّن بالمواقف
بالطف حین أصبح موعدها
ضحت بالعدها و ماعدها
ــــــــــــــــــــــــــــــ

فرع من غُصن أبوطالب أینَع و خضّر وفه
و إنطه یوم الطف ثماره أرواح لبن المصطفی
مو لِبَن رضعت ولدها راضعتهم معرفه
ابحیث أبوفاضل شُمر چفه اعله ماي اللي اغرفه

و الأمه ابدویه
مایخذل خویه
چلمه و عباس ایأکدها
ضحت بالعدها و ماعدها
ــــــــــــــــــــــــــــــ

شالت ابأشهر التسعه الیعجز ایشیله الدهر
و بات لرباة الأباة الجفن مکحول ابسهر
یا کفو أم عباس بیّن حگ رباها اعله النهر
ربّت اللي لو وگع یکسر امن احسین الظهر

و الفارگ عضیده
یلزم ظهره بیده
ایگله یا خوي أمك گدها
ضحت بالعدها و ماعدها
ــــــــــــــــــــــــــــــ

بس بنین أربعه عدها و ضحت ابهالأربعه
چان گُرّة عینها بجسومهم المگطعه
بِشِر جابلها بشاره للولد لمّن نعه
لاچن ابن الزهره فت احشاها طاري مصرعه

عنهم ماتنشاد
و اتنشده اعله واحد
و هالواحد لجله ابمگصدها
ضحت بالعدها و ماعدها






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كلشي واضح ]

🎤أداء الملا قحطان البدیري
🖊الشاعر مصطفى العيساوي
◾️ليلة ٥ محرم ١٤٤١ هـ.
——————————
المستهل:

کلشي واضح لیش محني و سکته تقره الفاتحه
کلشي واضح و الرساله بدمع عینك واضحه
لو ألف مسلم فدوه الك یالغالي یالغالي
ــــــــــــــــــــــــــــــ

بصوت الحزن المن تحن یا والد اسکینه
شفت القدر جایب خبر و أعرف مضامینه

آنه حمیده امن الدمع افتهم حچي الوادم
کل العلیها ینفني وجه الله وحده الدایم
لو ألف مسلم فدوه الك مادام راسك سالم

انت یمي و بدمع عینی العباره تنکتب
انت یمي العدها مثلك مو یتیمه تنحسب
مادام انت یالحنین اگبالي اگبالي
لو ألف مسلم فدوه الك یالغالي یالغالي
ــــــــــــــــــــــــــــــ

بدیرة غدر غاب البدر و الغدرته الکوفه
حان الوعد مسلم بعد مانگدر انشوفه

أول رساله امن الحزن بصدرك شلت تابوتك
مکسور یا باب السمه و العبره خنگت صوتك
مایرضه ابوي ابدمعتك لا تبچي سکته امروتك

غالي دمعك یا عرش روحي و أمیر احساسي
غالي دمعك انت أغلی امن الهوه البنفاسي
یا عمي انت خیمتي التبرالي التبرالي
لو ألف مسلم فدوه الك یالغالي یالغالي
ــــــــــــــــــــــــــــــ

بغربة أهل مات الأمل و اجروحه تلچمني
راسي انمسح یعني انذبح مسلم و یتّمني

أذکر وصیّة والدي خدّامه أصیر ابّیتك
أشبگ رقیّه و لو بچت أمسح دموع ابنیتك
و من أعطش لشوفة أبو ترویني من حنیتك

أشکر الله آنه أول طفله یتّمها السفر
أشکر الله و گبل شوفة کربلا شفت القهر
یحسین غیرك مایمر ابّالي ابّالي
لو ألف مسلم فدوه الك یالغالي یالغالي
ــــــــــــــــــــــــــــــ

مات ابعطش و ابلا نعش موت الغرب صعبه
أصعب جرح بعد الذبح خیل العده اتسحبه

ما أدري من فوق القصر والدي الغالي طایح
لحظتها طحت اعله الوجه و اهنا عرفته رایح
صاحوا اسحبوا جثته و کبّر بروحي الصایح

یا حسافه غیر طوعه الکوفه مابیها زلم
یا حسافه ما ینصره غیر بس هاني الشهم
صوت أعله من قصر الإماره العالي العالي
لو ألف مسلم فدوه الك یالغالي یالغالي
ــــــــــــــــــــــــــــــ

باچر لَوَن راح الضعن و لکربلا اتعنه
و بغربتك وي عیلتك ونه ابأثر ونه

وي سکنه أحضر مصرعك من بعد حرگ اخیمنه
و انتیه بالهیمه سوه و زینب تجي و اتلمنه
و اهنا اصیح اتیتّمت و امصابك الیتّمها

و ابسبینه آنه و ابنیتك رقیّه اعله الهزل
و ابسبینه ایچتفونه اثنینه بنفس الحبل
کل الیصیر و ما أهم بحالي بحالي
لو ألف مسلم فدوه الك یالغالي یالغالي







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ المشرعه تريد ]

🎤أداء الملا قحطان البدیري
🖊الشاعر علي البصيصي
💽 اصدار #لماذا_انت | محرم ١٤٤١ هـ.
——————————
المستهل:

و اتروح و تجي اعیوني اعله عبّاس المشه بعید
مو بس زینب اتریدك أثاري المشرعه ترید
حچولي اعله الدفو البیدك عرفت انگطعت الإید
مو بس زینب اتریدك أثاري المشرعه ترید
ــــــــــــــــــــــــــــــ

تروح و ترجع بعیني العلامات
تظل تمطر علیك اعیوني حسرات
فززني الدفو البیدك سلامات
گالوا عالشریعه اچفوفك اتبات

لمیت الحچي بروحي و گلت ما یهوه الفراگ
أحط اعیوني بعیونه و بعدني ایصیح مشتاگ
أسمیه ماچنت بسمه الضوه و عافیتي و العید
مو بس زینب اتریدك أثاري المشرعه ترید
ــــــــــــــــــــــــــــــ

مثل طبع البحر لو ودّع اشراع
بلا موعد رحیلك خلّص ابساع
عذرتك من خذت خطواتك الگاع
أعرفك ماتحب وگفات الوداع

خذتني لعالمك دمعه و گلت لا یرجع اردود
أکحل بشوفته عیوني و أبوس اچفوفه و الجود
و أرد بذکرك أتسلّه الغفه بحضن المواعید
مو بس زینب اتریدك أثاري المشرعه ترید
ــــــــــــــــــــــــــــــ

سکت و سولفت بعیوني الآلام
لمن گالولي چفك عالنهر نام
گلت خلصت و ماتت بیض الأیام
المکان بي أشمك شمته اسهام

رحت ما راحت الغیره اشیغیر منك الموت
الهوه لو حرّك اذیالي یفز بروحك الصوت
هسه اتغیّرت کلش کلت وجهي التجاعید
مو بس زینب اتریدك أثاري المشرعه ترید






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ تربية اباذر ]

🎤أداء الملا قحطان البدیري
🖊الشاعر كرار حسين الكربلائي
◾️ ليلة ٦ محرم ١٤٤١ هـ.
——————————
المستهل:

نقراها بالطف تربیة أباذر
واحد و لکن ینحسب معسکر
ایگولون عنه أسود اللون
بس عدنه أحلی امن الشمس جون
ــــــــــــــــــــــــــــــ

مسکین مقیاس البشر عالمظهر ایقیس الناس
الانسان خلي عالمحك موقفه ایصیر المقیاس
باوعت جون بکربلا للغیره لاگیته أنفاس
یکفيه ایگلوله یا عم چان الحسین و عبّاس

العاش بمضیف ایقیم السوالف
اسمه عبد بس أبیض المواقف
سبعین عمره عنه یحچون
بس عدنه أحلی امن الشمس جون
ــــــــــــــــــــــــــــــ

ویاه أبوالیمه حچه للعافیه جیتك هاي
گله ارجع لدیرة هلك لا یذبحونك ویاي
ساعتها ذب اعمامته و یم الخیم رایح جاي
و یصیح جربني بحرب مو بالرخه یا مولاي

معروف عبدك جون بالشهامه
و بالشده تعرف غیرة النشامه
و من الکبر یرجف یگولون
بس عدنه أحلی امن الشمس جون
ــــــــــــــــــــــــــــــ

من بین أنصاره ارتجز سیف الوغه بیمینه
من گال له طب للحرب قبّل اچفوف احسینه
و لشیخ الانصار التفت و ایگله ابوذر وینه
اتمنیته یحضر کربلا و ایشوف جون ابعینه

یگلب الطف و منتظر إشاره
لبیك یبن فاطمه شعاره
اشما صار لیل و بي یوصفون
بس عدنه أحلی امن الشمس جون
ــــــــــــــــــــــــــــــ

شیّب عساکر من برز و الموت صار اعلیها
خله الحرب ماینعرف اولها من تالیها
شایب و ینعد بألف و المعرکه راعیها
ذیچ الکتایب صارمه یاخذها و ایرد بیها

چن سبحه صارت بالحرب زلمها
ایطشرها و بکیفه یرد یلمها
گالوا علیه بالموت مفتون
بس عدنه أحلی امن الشمس جون
ــــــــــــــــــــــــــــــ

طاح و أبوالیمه اعتله لمصرعه و یمه اتعثّر
یم جون ظل یبچي و یحط خده اعله خد و اتحسّر
من مسح وجه بیمنته مثل الفجر ظل یزهر
و هب عطر جون بکربلا عطر المسچ و العنبر

و اشچم إمام الزار هذا النشمي
الصادق یگله بأبي و أمي
صح جسمه ظل عالغبره مرهون
بس عدنه أحلی امن الشمس جون






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ اخوها الغالي ]

🎤أداء الملا قحطان البدیري
🖊الشاعر واثق العيساوي
◾️ ليلة ٧ محرم ١٤٤١ هـ.
——————————
المستهل:

ماتنزل دموعك ردت بآخر وداع اگبالي
یالتدري بحساس الإخت لو راح اخوها الغالي
لو ودعت والیها
یا دمعه التواسیها
لو راح اخوها الغالي
ــــــــــــــــــــــــــــــ

اگعد اگبالي ارد أشوفك من گبل مانفترگ
حگها التودع اخوها من تسولف تختنگ
اشلون جفني بلایه صوتك یغفه لحظه و ینطبگ
و من تعوف الخیمه الباچر فوگ راسي تحترگ

وحدك یبوفاضل اخو یترس اعیون الخیمه
بس گلي لمن تحترگ اتستر ابیا هیمه
الـ بس السما اتغطیها
یا دمعه التواسیها
لو راح اخوها الغالي
ـــــــــــــــــــــــــــــــ

الیوم نادیتك و اجیت و وجهك ایلم وحشتي
مدري بعدك یابوفاضل منهو الیطب خیمتي
انت من تگبل علیه هوه اتطوف ابریتي
و باچر الدخان و اسمك و الهظیمه بحسرتي

آنه ادري بالیفگد اخو بس الله یدري بحاله
ایشوف بوجه کلما یصد واحد یشبها اگباله
صورتك لو صد لیها
یا دمعه التواسیها
لو راح اخوها الغالي
ــــــــــــــــــــــــــــــ

حچي المهظومه اویه اخوها بالوداع اشگد صعب
منهو گال الغرب دیره فگد الاخوان الغرب
جیش و اخیول و صحاري و دم اخوتي المنطلب
و الحرم همها بخدرها وینها و وین الحرب

وصیني گلي ابیا خدر باچر یجي و یلگاني
و یا خیمه الـ اتلم غربتي و مابیها وجه اخواني
چا المن امخلیها
یا دمعه التواسیها
لو راح اخوها الغالي
ــــــــــــــــــــــــــــــ

اطیني ایدك لاتضمها خل الم بیها الدمع
خلي اشبع شوف منك من گبل ماتنگطع
عینك بعیني ردتها و حچي عیونك ینسمع
و لأن شافوني بنظرها ابسهم رادوني انفجع

ارخصني اگصدك للنهر و انطیك نور عیوني
و من گبل ضربة هامتك خلیهم ایضربوني
و عینك بعیني افدیها
یا دمعه التواسیها
لو راح اخوها الغالي
ــــــــــــــــــــــــــــــ

الماي غالي و انت أغله یروحلك فدوه النهر
لاتغیب الدنیه ظلمه امنین ادورلي گمر
چني اسمع صوت اخوك حسین ناداني بقهر
جر عمود الخیمه یمي و ناده کسرولي الظهر

چم مره یطلع بس یرد فوگ الجروح ایکابر
بس من رجع منك شفت مکسور ظهره و حایر
عین و اخو مابیها
یا دمعه التواسیها
لو راح اخوها الغالي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ اخذ الوصيه ]

🎤أداء الملا قحطان البدیري
🖊الشاعر مصطفى العيساوي
◾️ ليلة ٨ محرم ١٤٤١ هـ.
——————————
المستهل:

اخذ الوصیه لعمك حسین یبني
گله بخدمتك یا ضوه العین یبني
بالعرس البس چفن
یا شیب وجه الحسن
یبني یبني
ــــــــــــــــــــــــــــــ

یعریس الشهامه و حنتك دمك
هاك اخذ الوصیه و روح یم عمك
یبني اشما تسولف شاهدك یمك
یبعد أمك أبوك لهالأمر ضمك

یبن المضیف الما یسد باب تدري
ضمك أبوك الهاي الاسباب تدري
اضوي اعله طول الزمن
یا شیب وجه الحسن
یبني یبني
ــــــــــــــــــــــــــــــ

یتربیة الحسن یا وارث افضاله
حلاة الزلمه من یحچون بفعاله
خل سیفك العسکر یحلف بجاله
هنیاله الوگف لحسین هنیاله

هوّس بسیفك یم الحسین یمه
و گله الوصیه برگبتي دین یمه
و آنه اعتبر مؤتمن
یا شیب وجه الحسن
یبني یبني
ــــــــــــــــــــــــــــــ

طب للحرب یمه و سولف ابسیفك
و خل الجیش هذا ایگلك بکیفك
هاي الرووس گدامك و اخذ حیفك
خطارك رگب یالماترد ضیفك

یم شسع نعلك خل یدنگون کلهم
فدوه لإسم جاسم یروحون کلهم
و السیف شافك وطن
یا شیب وجه الحسن
یبني یبني
ــــــــــــــــــــــــــــــ

ییمه من طحت أمك بچت سکته
و طفّیت الشمع و الفرح ماشفته
گلت لحسین هذا الولد ناذرته
المثل هاي المواقف آنه خلّفته

ربیته موقف یرفع الراس بالطف
عمره اثنعش عام امن الحساس بالطف
اعلیك المدامع مزن
یا شیب وجه الحسن
یبني یبني
ــــــــــــــــــــــــــــــ

عریس الهواشم سولفت عنه
و اسیوف العده للموت زفّنه
صیوان العرس بعیوني اشوفنه
من دمك یجاسم صارت الحنه

للموت زفّة ابني جسّام صارت
و الحنه دمه ابین الخیام صارت
طلبتك جنّة عدن
یا شیب وجه الحسن
یبني یبني






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ طبها العباس ]

🎤أداء الملا قحطان البدیري
🖊الشاعر أحمد ماضي
◾️ليلة ٧ محرم ١٤٤١ هـ.
——————————


یا ناس طبها العباس
یا ناس طگ راس براس
تدري شنهو اعلومها
دنگتله انجومها
ــــــــــــــــــــــــــــــ

صاح حیهم من برز لیها الکفیل
ادخیل صاحت من ابن حامي الدخیل
من یمیل الگمر گاع الله تمیل
عدل من الجیش یرجع مستحیل

یا ناس یرعد مو صوت
یا ناس طب لیها الموت
خطف لون ارسومها
دنگتله انجومها
ـــــــــــــــــــــــــــــ

وگف سبع الگنطره و دگ الصدر
و گال لأخته بشاربي خویه الخدر
فن زلم منهم علی الخیمه تمر
راح أراوي احیودها نجوم الظهر

یا ناس صاح آنه اهنا
یا ناس محد لاگاه
سحگ فوگ اخشومها
دنگتله انجومها
ــــــــــــــــــــــــــــــ

نزل عالحومه مثل سیل الغضب
ذکراها بزود قتّال العرب
عالشریعه من رفع چفه و خطب
خله عالیها اعله سافلها انگلب

یا ناس و ابهای اشهود
یا ناس ملیان الجود
کلها تحچي ابیومها
دنگتله انجومها
ــــــــــــــــــــــــــــــ

الرباب و لیلی صاحن یا هله
و زینب ابمعصبها و اتلوّح إله
اتخلّدت للیوم عملة کربلا
ابوگفت العباس راعي المرجله

یا ناس صاحن وفّیت
یا ناس گدها و کفّیت
جرعاها اسمومها
دنگتله انجومها
ــــــــــــــــــــــــــــــ

نزل خیّال المنایه و من نزل
مثل حیدر من هدم لات و هُبل
یاهو یوصل للفحل و ابن الفحل
من هتف معنی الخدر خیرالعمل

یا ناس و ابیوم الکون
یا ناس راواها افنون
الیوم یشبع حومها
دنگتله انجومها
ــــــــــــــــــــــــــــــــ

شمرة الکرار کلها ابصولته
و ریحة الزهره الزچیه ابرایته
هللتله الحره لمن شافته
خوف تتراجف زلم من هیبته

یا ناس هاك اسمع هاي
یا ناس رد بیده الماي
نهر سوه ادمومها
دنگتله انجومها
ـــــــــــــــــــــــــــــ

هوسه:

خل تکثر عله درب الشریعه الناس
و خلها تحتشد بسیوفها الحراس
بسیفه و رایته اتعناهم العبّــاس
و ما یرجع إلّا ایصفیها






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ابن من ]

🎤أداء الملا قحطان البدیري
🖊الشاعر علي فليفل
💽 اصدار #لماذا_انت محرم ١٤٤١ هـ.
——————————

أحد الشاميين يرى ضعن السبايا
و لا يعرف من هم ...
فيذهب للإمام السجاد (ع) فيسأله قائلا:

أنتَ ابن مَن؟

آنه ابن ذاك الضوه الفوگ الرمح
الگمر عمي و والدي ایطلع الصبح
ــــــــــ

وین أهلکم؟

احنه وادم وین ماصحلك جرح
وین ماتلگه الزعل نوگف صلح
جروح خضره و چهبت بدیرة ملح
ــــــــــ

فقره انتم لو ملوك؟

انت شتحس إذا عبدالله أخوك
ایچتفوك و خوف منك من بعید ایشتموك
لکن امن اتباوعلهم أعلی منهم راس أبوك
ــــــــــ

امنین جابوکم سبایه؟

وره حرب الدم بدت حرب العبایه
امنین مایبدي الحسین اتشوف زینب بالنهایه
سیف یسکت لو نطق نحر الضحایه
ــــــــــ

امنیلکم هذا الصبر؟

احنه ناس انموت بس ما ننجبر
عدنه طیلة خلگ مو طیلة عمر
واگفین اتشوفنه و لمن نوگع ننتصر






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مكسور الخاطر ]

🎤أداء الملا قحطان البدیري
🖊الشاعر واثق العيساوي
📆 ليلة ٩ جمادي الأولى ١٤٤١ هـ.
——————————
المستهل:

بعدك مکسور الخاطر
مو کافي اتظل امسافر
تدري بدمعات الحایر
نار و غربه و عذاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

ارجعلي یا أول اسم یرکض علیه المهموم
یا أول احروف الدعا وکت الأفز من النوم
معذور یا کنز السمه لو الله رادك مضموم

هالدنیا متروسه بألم کلمن تبع بیها وهم
بس جفني برجوعك حلم سؤال
ما بین فتنه و غربله ما بین شمر و حرمله
کل یوم یشبه کربلا تعال

لا أنسه و لا تنساني
أعمه و حبك دلاني
کلما یضعف ایماني
بدموعي ارسل عتاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

وین انت هسه ابیا أرض و اتلم دمعتك یا دار
محتار تبچي لغیبتك لو بینه گلبك محتار
و اتنام لو من القهر کل ساعه گلبك بي نار

وجهك تدیره اعله السمه بصدرك جروح امکومه
معذور یابن فاطمه و غریب
من تگعد اتصلي الصبح تشرب الماي و تنذبح
تذکر حسین اعله الرمح خضیب

و تتذکر نار اخیامه
و عباس الضربوا هامه
بالبر مرعوبه أیتامه
وأجساد اعله التراب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

چا یمته اشوفك بالعزا واگف ابصف المنبر
و من أذکر أمك فاطمه نار بدلیلك تسعر
و اتگلي عید و عبرتك مثل الضلع تتکسر

یمته بحضور ابن الحسن ایصور مجالسنه الزمن
و ایکون من عنده الثمن دعاء
یوگف اویانه و منهظم یوگف یشارکنه اللطم
و منه بعد ما ننحرم رجاء

مبخوت و أقرا اگبالك
تسمع صوتي و أنعالك
و أگرب منك و أدنالك
و أفرح بعد الغیاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

مرات بي لچمه الحچي و أصعب حچي الما ینگال
بس ارجع و کلشي سهل یالغایب و بعدك طال
عشنه بغیابك بالوهم نتبع سراب الآمال

مرت سنه و عبرت سنه و نتأمل الموعد دنه
لیك الرساله امعنونه برید
ترجع و تترك غیبتك تمسح دمعنه و دمعتك
انکحل العین بهیبتك نرید

یمته اترف هاي الرایه
بیها المبدأ و الغایه
وعدي یالمهدي احچایه
واضح مني الکتاب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب
ــــــــــــــــــــــــــــــ

یا آخر الصفوه و أمل کل الیحبوك اویاك
چا یمته ترجع رایتك و اترف عظیمه بیمناك
ردناك تحضر بالعزا ویانه توگف ردناك

احنه لطریقك ننتمي کلنا بوجودك نحتمي
اتشوف العزاء الفاطمي مهیب
یا صاحب الحق و الأمر بلکت عله المجلس تمر
لگلوبنا اتچمل صبر عجیب

ترفع رایة أحزانك
یا یمه ایصیح السانك
تلگانه اویاك أعوانك
شیب و کل الشباب
یمي و ماشوفك یمي
و أشکیلك ضیمي و همي
یالساکن دعوات أمي
کلما شافت مصاب






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يبعدنه الضلع ]

🎤أداء الملا قحطان البدیري
🖊الشاعر حیدر المیاحي
◾️الليالي الفاطميه ١٤٤٠ هـ.
——————————
المستهل:

عطشان بعیونك دمع
مکتوب یبعدنه الضلع
حسرة الفاگد تنسمع یمه یحسین
ــــــــــــــــــــــــــــــ

کافي تنوح ارحم یالولد حالي
المثلك صعبه اشوفن دمعته اگبالي
اگرب مني یحسین و تدناني
ارید ابچفي أمسح دمعك الغالي

یولیدي کافي ابداعتي
دمعك أعز من دمعتي
یولید الك کل عبرتي یمه یحسین
ــــــــــــــــــــــــــــــ

أحچي اویاك و ادموعك تجاوبني
امن أشوفك تبچي یولیدي تعذبني
اکتب بالدمع فوگ النعش یبني
عمري اثمنطعش و الباب شیبني

عمر الحزن چان اشکثر
ضلعین لو خد ینسطر
باچر اضلوعك تنکسر یمه یحسین
ــــــــــــــــــــــــــــــ

لاتسألني یبني و سکته خلیها
أمك لیش ماعندك علم بیها
اذا ما شبگتك لا تعتب اعلیها
ضلعها امهشم و محروگه ادیها

و بچفوفي أنشف دمعتك
و أقسم علیك بخیمتك
خلیني أشم بس رگبتك یمه یحسین
ــــــــــــــــــــــــــــــ

الحایط یمه للبسمار سلمنی
أحچي ابدمعي لو واحد یکلمني
ما أگدر أنام اضلوعي تلچمني
و اذا اگعد بعد اکثر تألمني

الباب اعله ضلعي امن انطبگ
چف أمك ابنار احترگ
حتی الهوه بروحي اختنگ یمه یحسین
ــــــــــــــــــــــــــــــ

امن اگول امودع الله الساني یتعذر
ثگیله الچلمه ارید الفضها ما اگدر
جریبه کربلا و بالباب تتنطر
میته امن العطش و امتانیه المنحر

من دارك لنار الخیم
بسمارهم صایر سهم
کل خطوه تسبیحة ألم یمه یحسین
ــــــــــــــــــــــــــــــ

اثر دمي بقه موجود عالحیطان
و بحجابي تشم بس ریحة الدخان
من هسه اشوفك تنذبح عطشان
و آنه ایدفنوني و انت تظل بلا دفان

مرمي و ثیابك تنسلب
ما یرحم و حار الترب
ابیا صوت امك تنتحب یمه یحسین






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ غريب اتعيش ]

🎤أداء الملا قحطان البدیري
🖊الشاعر محمد البطحاوي
📆 ليلة ٩ جمادي الأولى ١٤٤١ هـ.
——————————
المستهل:

غریب اتعیش و انت راعي دیره
یواحد و اللي راحولك عشیره
ــــــــــــــــــــــــــــــ

یباچي اثلثطعش معصوم
یالمتعب الدمع و الصاح
یملاچ الزرع صوفر
ما یرهمله کل فلاح
بعیونك ضعن واگف
تطیح اویاه کل ما طاح
وسفه الدنیا هچ اویاك
تبچي و یضحك الذباح

الدمع مولاي صرتوله گرابه
صیت انطاه الحسین و مصابه
ــــــــــــــــــــــــــــــ

اذا غایب أنا اسألمن
عن حسین و احواله
و بس انت تعرف الصار
من ظل جدك لحاله
البحضن الزچیه اینام
اتراب وساده سواله
صاح اهوای أنا عطشان
و محد ماي وداله

ماي اوجوهکم عیّشها کلها
و المیه الحسین انحرم منها
ــــــــــــــــــــــــــــــ

تاخذني الهظیمه اعلیك
مولاي و اصیحن وین
امن اسمع عمتك زینب
چتفوها مع اثمانین
الما عاش الجرح ویاك
وگفته اگبالك ابیا عین
اذا ماعینك بدمعه
فشله باچر امن حسین

لازم یحس بیك اللي یحبکم
و یظل حزنان مولاي لحزنکم
ــــــــــــــــــــــــــــــ

لخیمتها جفن عباس
ابخرابه الوکت نیّمها
و بنت حسین عطشانه
لهسه امتانیه عمها
عمایم هاشم اعله الگاع
بالطف ظلت ابدمها
بس الغُرُب موجودین
یاهو الغیرك ایلمها

ترست کربلا هاشم نیاشین
اهوایه ارسوم متطشره للحسین
ــــــــــــــــــــــــــــــ

یالموجود أحسّن بیك
بس الناس ماترحم
عقیده بروحي اذا ویاك
ردت مولاي اتکلّم
اروح لمجلس المذبوح
اعرفك تحضر المأتم
و اگلك کربلا تنزف
تره ابلیاك ما تلتم

یظل ذاك النحر ینزف نشوفه
ویظل عباس رافعلك اچفوفه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed