📜قصیدة: [ أحتار بمعانيك ]

🎤أداء الملا قحطان البدیري
🖊الشاعر واثق العيساوي
🎈مولد الإمام الحسن المجتبى عليه السلام
——————————
المستهل:

إلی الحسن أرفع ندائي
یا أول مخطط کربلائي
أحتار بمعانیك
و آنه ابکیفي أسمیك
یا أول مخطط کربلائي
ـــــــــــــــــــــــــــــــ

إجت یم مولدك یا سیدي أحلی البشایر
محتار أرد أوصفك یالحسن و لساني حایر
أنا بعالم وجودك سافرت و جناحي طایر
یا أول مؤسس للطفوف و فکره ثائر

ممهد للرساله العالمیه
أسست المجد للغاضریه
فکره و چانت اویاك
کل الکون سماك
یا أول مخطط کربلائي
ــــــــــــــــــــــــــــــ

لیلة مولدك صاغ الزمن یم فاطمه أسرار
رغم بعدك طفل خله الکرم بچفوفك آثار
تغذیت الشجاعه و العلم و امعمم ایثار
دار و بي علي و بي فاطمه شتعلم الدار

منزل فاطمه للحق سفاره
قیاده و عاصمة فقره و وزاره
و علي بیها یربیك
بمهدك من یناغیك
یا أول مخطط کربلائي
ــــــــــــــــــــــــــــــ

مضیفك باب جنه و الگصدها ماظن یخیب
و اچفوفك رحیمه و کل جرح لو مرك ایطیب
بیبانك شمس من الکرم ماتقبل اتغیب
و لو حتی الشمس مثلك شمس ماتگدر اتجیب

یا أول غصن یثمر هدایه
جمالك نزّله المعبود آیه
سبحانه اللي سواك
الکرم و السیف یمناك
یا أول مخطط کربلائي
ــــــــــــــــــــــــــــــ

نیشان الورد حط عالمهد یبن الأطایب
استحه وجه الگمر من السمه هاللیله غایب
ذایب کل محب من الفرح دلاله ذایب
و أعلن هالجفن من الدمع هاللیله تایب

نحضر اورود و اشموع و صواني
و ضحکه امن الگلب و أطیب أماني
نوزّعها اعله الأحباب
نصیح اویه الهوه الهاب
یا أول مخطط کربلائي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صاح الجرح ]

🎤أداء الملا قحطان البدیري
🖊الشاعر سيد عبدالخالق المحنه
◾️استشهاد أميرالمؤمنين عليه السلام
——————————
المستهل:

صاح الجرح صاح
حیدر علي راح
وي دمعة أحبابه
ظل یبچي محرابه
حیدر علي راح
ــــــــــــــــــــــــــــــ

تظل وحشه یحیدر دارنه ابفگدك
و آنه اشلون أشوف الدار من بعدك
أنا زینب یمن ارویحتي عندك
یریت اویاك بویه اتمدد ابلحدك

وین الصبر وین
بعدك یبو احسین
و اشیحمل اغیابه
ظل یبچي محرابه
حیدر علي راح
ــــــــــــــــــــــــــــــ

أعاین لأخوتي و الروح ملهوفه
کل واحد ینشف دمعه بچفوفه
شفت دهري علیّه جرّد اسیوفه
کلف حیدر بعد هیهات ماشوفه

یا وحشة الدار
بعدك یکرار
ماخمّد امصابه
ظل یبچي محرابه
حیدر علي راح
ـــــــــــــــــــــــــــــ

وین الفاجد الولیان رایدته
بس واحد علي و الیوم فاگدته
علّمت الیتیم النوح علّمته
او من زغري الحزن ویاي ماعفته

من عصرة الباب
عاشرت المصاب
وین القلع بابه
ظل یبچي محرابه
حیدر علي راح
ـــــــــــــــــــــــــــــ

گبل یوم الزچیه النوح ماعرفه
یا ثالث جرح بالروح مایشفه
اشیظل بالبیت بویه لو وگع سگفه
او بس انت ابجفاك انگول یا وسفه

و اتزود الآلام
من صوت الأیتام
یالتعرف اجوابه
ظل یبچي محرابه
حیدر علي راح
ــــــــــــــــــــــــــــــ

أشمن ریحتك و ارکض و أدورنك
و أصیحن یا علي بویه و أحشمنك
یا راعي الکلافه الیوم أریدنك
أشوف اعمامتك و اصرخ و أشمنك

یا عطر الأحباب
بنفاسي ما غاب
من جمرة اغیابه
ظل یبچي محرابه
حیدر علي راح
ــــــــــــــــــــــــــــــ

أسمع بالحمیه اتصیح یا حیــدر
و اتصیح الکلافه الیوم من یحضر
یبس هرش الموده و خضّر امن الشر
و عطش بحر الصبر و الروج یتعثر

غیض البحر بان
و الدمعه سفّان
سهم الهجر صابه
ظل یبچي محرابه
حیدر علي راح





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ محتار ]

🎤أداء الملا قحطان البدیري
🖊الشاعر علي عباس الربيعاوي
◾️الليالي الفاطميه ١٤٤٠ هـ.
——————————
المستهل:

محتار بالدار حیدر حیدر
باچر یودي الشمس للگبر
ــــــــــــــــــــــــــــــ

حیدر ابداره الغریبه
رایح و راد اعله ذیچ الذکریات
یوصل لحجرة الزهره
و یذکر الزهره بعد مو للحیاة
اگباله حاجات العزیزه
الرحّه و التنور هم امعذّبات
و النفس حسره اعله حسره
راحت امن ایده الزچیه و کلشي مات

عالصار منهار حیدر حیدر
المنحني یقنع ابیا عذر
باچر یودي الشمس للگبر
ــــــــــــــــــــــــــــــ

لملم الحیل التطشر
و بالصبر گام و صعد فوگ الجروح
وصل سجّادة الزهره
ساجده شاهدها بس ابلایه روح
زینب و فضه ینوحن
و السمه و اهل السمه کلها تنوح
اتگرّب و گلها دخیلچ
لا یا فاطم آنه بعدچ وین اروح

اسرار بالثار حیدر حیدر
یسمع ابگلبه نبض منفطر
باچر یودي الشمس للگبر
ــــــــــــــــــــــــــــــ

ثگل جلبابه اعله طوله
و صار حیدر ابد مو ذاك الشباب
و الیشوفه مایصدّگ
هذا هو اللي قلع بچفوفه باب
الزهره ظهره و راح ظهره
چانت اتصبره اعله آهات العذاب
عاینلها و طفه وجهه
و صاحن اجروحه سوه ابهذا المصاب

اکتار تندار حیدر حیدر
عایش ابدنیا فوگ الجمر
باچر یودي الشمس للگبر
ــــــــــــــــــــــــــــــ

الحسره من صدره لگبرها
روحه رد البیت ینگط بي حنین
ایخاف لا ینشد علیها
خاف زینب تنشد و خاف الحسین
والله بلوه الحسن بویه
گوم گل لخوانك ایهید الونین
هیه ساعه و تمشي عنکم
اتحضروا ابدمعاتکم باقي السنین

و النار منشار حیدر حیدر
تاکل الکلشي و لا تعتذر
باچر یودي الشمس للگبر
ــــــــــــــــــــــــــــــ

وگفت الدنیا العنیده
ابعین حیدر کلشي عالغبره غریب
و صاحت اجروح الموادع
بذنه یسمع حتی صوت الحب نحیب
انفجع تغرید البلابل
ابطوله جرح و باچر ایروح الحبیب
امخوصر و محني اشکبرها
ایگول فاطم لکن و لا من مجیب

و الحار محتار حیدر حیدر
و لا ذاك اللي سهل ینکسر
باچر یودي الشمس للگبر






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ التفت يا سيدي ]

🎤أداء الملا قحطان البدیري
🖊الشاعر ثامر الوندي
📆 ليلة ١٩ رمضان ١٤٤٠ هـ.
——————————

کفُّ اِبلیسَ علی کفِّ اللعین
هَل تَری یا أمیرَ المؤمنین
ــــــــــــــــــــــــــــــ

اِلتَفِت یا سیّدي روحي فِداك
و ازجُر السیفَ الّذي یَبقی رَداك
أینَ تکبیرُكَ في وجهِ عِداك
و اکتِشافاتُكَ للسِرِّ الدفین
ــــــــــــــــــــــــــــــ

اِلتَفِت یا سیّدي فَالغَدرُ صَال
و دَنی مِنكَ زَفیرُ الإغتیال
ظِلُّ اِبلیسَ تَمادی و استَطال
یَحجُبَ الرؤیةَ عن نُورِ الجبین
ــــــــــــــــــــــــــــــ

اِلتَفِت خلفَكَ فَالمِحرابُ تاه
و دَعاكَ الفَجرُ أن تُنهي الصلاه
قَد أحبَّ اللهَ عبداً فَابتلاه
أن یَری قاتِلهُ مِن قبلِ حین
ــــــــــــــــــــــــــــــ

اِلتَفِت هَل أنتَ تدري بالمَصیر
و تَری استِسلامَكَ الحقَ الأخیر
یا لَهُ سَیفُ المُراديِّ الحقیر
یَنثُرُ السُمَ علی هامِ الفَطین
ــــــــــــــــــــــــــــــ

اِلتَفِت مِن قبلِ جُرحٍ لَن یَهون
و سَیُوؤدّي بِكَ في أیدي المَنون
أنتَ إن فُزتَ فَـ نَحنُ الخاسِرون
و سَنَمضي للضیاعِ المُستَکین
ــــــــــــــــــــــــــــــ

آهِ یا مَولايَ مِن فقدِكَ آه
جُرحُكَ الدامي علی کُلِّ الجِباه
کیفَ مِن بَعدِكَ قَد تحلوا الحیاه
و یکونُ العَیشُ حُبّاً و حنین






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ اشدد حيازيمك ]

🎤أداء الملا قحطان البدیري
🖊الشاعر علي كاطع البهادلي
📆 ليلة ٢٠ رمضان ١٤٤٠ هـ.
——————————
المستهل:

اِشدُد حیازیمك إجه الموت
إرجع یحیدر حشّم الصوت
حتی الهوه ابهاي المسیه جارح
و صَوائحٌ تتبعُها نَوائح
إرجع یحیدر إرجع یحیدر
ـــــــــــــــــــــــــــــــ

أمشي و أحِس کُبر الوسیعه یزغر
و صورة منیّه اگبال عیني تظهر
صوت الجماد إرجع ندب یحیدر
و یلزم أزاري الباب أقسی منظر

أسمع تردد شفته بعتاب
یکره رحیلك کلشي بالباب
مو بس بشر فگد الأحبه فاضح
و صَوائحٌ تتبعُها نَوائح
إرجع یحیدر إرجع یحیدر
ــــــــــــــــــــــــــــــ

کل خطوه عبره و کل نفس منیّه
و دمعة سماي اعله النجم جریّه
چف الأجل حسّیته مس إدیّه
أمشي و أگول اللیله هیه هیه

تتبع أثر خطواتي آهات
گربت علی الموت المسافات
أعزل صرت و الهم عذابه جامح
و صَوائحٌ تتبعُها نَوائح
إرجع یحیدر إرجع یحیدر
ــــــــــــــــــــــــــــــ

من کبّرت ربي اعله راسي غیّم
سیف و بدت ریح الظلامه تنشم
صب الغدر حد ما تفایض الدم
و هام الصلاه وي هامتي تهشّم

دین اعله محرابي تبدّیت
و فُزتُ و ربِّ الکعبه نادیت
أول قتیل ابدمه کلشي رایح
و صَوائحٌ تتبعُها نَوائح
إرجع یحیدر إرجع یحیدر
ــــــــــــــــــــــــــــــ

آنه الفلا شافت مشیتي عثره
و لا بیّنت مره اعله طولي کسره
الیحضر شدد یاهو الیجي و ایحضره
محني و خیال الخیط ما یعبره

مایمشي خطوه السابگ الریح
من العذاب ایگوم و ایطیح
تنعه السما و صوت المصیبه صادح
و صوائحٌ تتبعُها نوائح
إرجع یحیدر إرجع یحیدر
ــــــــــــــــــــــــــــــ

داره الحزینه الکلشي غالي بیها
الما عنده حیل ابیا وضع یجیها
اتلگتني زینب و اسمعت بچیها
مدت إدیها و ما شفت إدیها

ما میّزت عذریني یم عون
دمي الیسیل امغطي العیون
ما شوف لتظنینه فکري سارح
و صَوائحٌ تتبعُها نَوائح
إرجع یحیدر إرجع یحیدر
ــــــــــــــــــــــــــــــ

هیچ أسمع الناعي نعه المصیبه
زیدي الدمع یا زینب الغریبه
الوسط الحرب ماینخمد لهیبه
نایم علی افراش الأجل عجیبه

محتاره کل الدنیا من هاي
یا سیف یگدر یطبر الماي
بس الظلام ابهالمسیه واضح
و صَوائحٌ تتبعُها نَوائح
إرجع یحیدر إرجع یحیدر





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صوت اليتامى ]

🎤أداء الملا قحطان البدیري
🖊الشاعر ميرزا عادل أشكناني
📆 ليلة ٢٠ رمضان ١٤٤٠ هـ.
——————————
المستهل:

ابکل أذان و کل إقامه
یرتفع صوت الیتامی
و النداء ابکل فرض
قد قتلوا علیّا
ــــــــــــــــــــــــــــــ

وکت الفرض لمّن یهل
نتوضّه بالدمع الیهل
نتذکّرك لمّن توضّیت ابدمائك
اکتاب الله عگبك منهجُر
یمیتّم آذان الفجُر
و هذة صلاة اللیل مشتاگه لدعائك

اتعوّد اللیل اعله صوتك
شاف وجه الله ابقنوتك
بفراگك اتصیح الأرض
قد قتلوا علیّا
ــــــــــــــــــــــــــــــ

شیسِد مکانك یا علي
لو شفنا محرابك خِلي
و هذة مناجاتك منو ایرتّلها بعدك
من تبدي تقره بالدعا
انشوف الملایك خاشعه
و ابتربة الطف أدري چنت اتخلّي خدك

آدم احتار ابخشوعك
او غرّگت نوح ابدموعك
او موسی یردد هاللفظ
قد قتلوا علیّا
ــــــــــــــــــــــــــــــ

یومیه بابك ینطرق
یمقسّم اعلیها الرزق
تتعنه یم بابك مساکین و اُساره
ابهاي الفضیله مَن أتی
او شهدتله سورة (هل أتی)
یحرِم حسن و احسین حتی ایوافي جاره

یاللي مایحصل بدیلك
رد عله ایتامك دخیلك
و ابدونك اینادي النبض
قد قتلوا علیّا
ــــــــــــــــــــــــــــــ

یالـ بالصلاه ما تلتفت
ابوسط الرکوع اتصدّقت
یا جامع الضدّین ماندرك معانیك
رغم التَخَتُم مُستحب
عفته لجل أمر الوجب
و ایمینك ابلا خاتم اشگد لایگه اعلیك

ابّابك اللیله اعتنینه
یمته تتصدّق علینه
و انگول لو ما تنتهض
قد قتلوا علیّا
ــــــــــــــــــــــــــــــ

یالشایل ابصدرك گلب
چان لعوالمنا قُطب
اینام النجم بس إنته لیلك ماتنامه
من گلت ما أشبع أبد
جائع یجوز ابهالبلد
بأرض الحجاز اهناك لو بأرض الیمامه

منخطف کل شیعي لونه
ایصیح مِنّا راح أبونه
و ابموت أبونه نفترض
قد قتلوا علیّا






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ قبض الروح ]

🎤أداء الملا قحطان البدیري
🖊الشاعر علي عسيلي العاملي
📆 ليلة ٢١ رمضان ١٤٤٠ هـ.
——————————
المستهل:

مِن الباري أتت دعوه
و خصّت والدَ الصفوه
إصعد إلی جواري
لنا وفّیت بل إکثر
و قبضُ الروحِ یا حیدر
قد کان بإختیاري
ــــــــــــــــــــــــــــــ

طیفٌ سَماويٌ أتی بِدمعهِ النَديِّ
جاءَ بهِ مُحمدُ النبيُّ للوصيِّ
کأنّهُ رِسالةٌ مِن ربهِ العليِّ
یا أحمدُ حانَ اللِقا فأنزِل إلی عليِّ

إنّي إنا اللهُ العلي
إشتَقتُ أن أری علي

و هذا اللیلُ إن یمضي
ستبکي مُقلةُ الأرضِ
في أول النهارِ
ستأتي یا أبا شُبّر
و قبضُ الروحِ یا حیدر
قد کان بإختیاري
ــــــــــــــــــــــــــــــ

یا قالعَ البابِ بِإصبعینِ یومَ خیبر
صبراً علی سیفٍ سَیُدمي الشمسَ حینَ تُطبَر
قالَ الإمامُ المُرتضی و دمعهُ تَحَدّر
هانَ المُصابُ عندَ ضلعِ فاطمِ المُکسّر

مِن بعدِ عینِ فاطمه
صارت حیاتي قاتِمه

فَقالَ المصطفی طه
إذن إرجع للُقیاها
و ارحل عنِ الدیارِ
إلیكَ اشتقتُ کالکوثر
و قبضُ الروحِ یا حیدر
قد کان بإختیاري
ــــــــــــــــــــــــــــــ

بعدَ لِقاءِ المصطفی، حیدرةٌ تَهیّأ
کأنّهُ بِدَمعِ کُلِّ الأنبیاءِ تَوَضّأ
هو القتیلُ قد مَشی للموتِ ما تلگّأ
یا عجباً و مِنهُ ذا قاتِلهُ تَخَبّأ

لَو لا القَضا أن یُغدَرا
لا لَم یَطالوا حیدرا

سَلوا عَمراً سَلوا مَرحَب
فَمَن بالموتِ قد رَحّب
ما قالَ ذولفِقارِ
بِسوحِ الحَربِ لا یُقهَر
و قبضُ الروحِ یا حیدر
قد کان بإختیاري
ــــــــــــــــــــــــــــــ

خُطی عَليٍّ إذ مَشی کانت علی الهَواءِ
فَالأرضُ ذابَت تحتهُ مِن کثرةِ البُکاءِ
نَراهُ رُغمَ عِلمِهِ بِفادِحِ البَلاءِ
یُدیرُ في سِبحَتهِ کواکبَ السَماءِ

في کفّهِ قبلَ القَدَر
الشمسُ ناحَت و القَمَر

دَعاهُ الکَونُ أن أبقَ
فأنتَ العُروةُ الوثقی
إرجع عن القرارِ
فقیلَ اقرَب و لَن تَخسَر
و قبضُ الروحِ یا حیدر
قد کان بإختیاري
ــــــــــــــــــــــــــــــ

آذانهُ تنهیدةٌ تُحِبُها الرِئاتُ
لِصَوتهِ تَسابَقَت في شَوقِها الجِهاتُ
آهٍ و لّما طُبِرَت قد قامتِ الصلاةُ
جبریلُ نادی خلفها قد ماتتِ الحیاةُ

وَحيٌ إلهيٌ نَزَل
عُد لي أیا خیرَالعمل
فالکُلُّ بإنتظارِ
یقولُ اللهُ أن أحضَر
و قبضُ الروحِ یا حیدر
قد کان بإختیاري






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آهات المنارات ]

🎤أداء الملا قحطان البدیري
🖊الشاعر كرار حسين الكربلائي
◾️ذکری هدم قبور أئمة البقیع(ع)
📆 شوال ١٤٤٠ هـ.
——————————
المستهل:

نسمع بالمزارات
آهات المنارات
و اتراب الصبر مات
بالحضره البقیعیه
ـــــــــــــــــــــــــــــــ

المصیبه ثامن ابشوال یا ناس
مایحتاج شاهد
منارات النبي صارلهن اعیون
للموقف تشاهد
اچفوف اللیل تهدم أضرحة نور
واحد بعد واحد
ما أدري هوت أربع سماوات
لو أربع مراقد

کل ما مرقد ایطیح
من گبره النبي ایصیح
عادت هُبَل و اللّات
بالحضره البقیعیه
ـــــــــــــــــــــــــــــــ

هوا هب عالغري و امحمّل اویاه
اتراب امن المقابر
علي و هو ابضریحه فاضت ادماه
و نزف جرح المشاعر
رایة گُبِته ما رفّت الیوم
بقت مکسوره خاطر
بحر النجف کله اتحوّل ادموع
بعیون المنایر

و ابحضرة أبو تراب
ناحت کل الأبواب
و السبع السماوات
بالحضره البقیعیه
ـــــــــــــــــــــــــــــ

خبر کله مآسي سمعته الیوم
أرض الغاضریه
المخیّم نصب موکب تعزیه فوگ
تل الزینبیه
احسین ابلا نحر متعنّي عبّاس
أخو ایواسي أخیّه
گبر أم البنین اتهدّم الیوم
یبو اچفوف السخیه

و الجثته بلا راس
راح ایواسي عبّاس
والله اللیله مأساة
بالحضره البقیعیه
ــــــــــــــــــــــــــــــ

آذان المناحه الیوم مسموع
من گبر الجوادین
بأرض الکاظمیه أربع منارات
یبچن یمها گبتین
نسمع صوت ینزف آه و اجروح
من العسکریین
عشنه ابهالمصیبه گبل أعوام
من فجرونه مرتین

لمّن شبّت النار
اذکرنه اعلیکم اشصار
وحشه و غربه و آهات
بالحضره البقیعیه
ــــــــــــــــــــــــــــــ

علي موسی الرضا ناح ابخراسان
یسمّعهم نحیبه
یدوّر وین دعبل یقره أبیات
عن هاي المصیبه
و لن نسمع نداء ایشیب أرواح
أنا الزهره الغریبه
گبري المختفي ویّاکم اینوح
اشکُبر صبري عجیبه

عندي هدم الگبور
یشبه یوم عاشور
روحي اعله الثره اتبات
بالحضره البقیعیه
ـــــــــــــــــــــــــــــــ

لسان الحال یشرح واقع الحال
نسمع منهم اجواب
ماهمنه الذهب حلم الذهب صار
یفرش روحه بالباب
بس اللي یهمنه الزایر اشلون
یگعد فوگ التراب
الأمل بالمهدي هو الیبني الگبور
لو عاد امن الغیاب

عترة بني یاسین
هُمَّ الدنیا و الدین
قریباً تعله رایات
بالحضره البقیعیه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ غيرك ماشفت ]

🎤أداء الملا قحطان البدیري
🖊الشاعر علاء شهيد
◾️استشهاد الإمام الصادق(ع) - ١٤٣٩ هـ.
——————————

غیرك ما شفت واحد ترس عیني
امن اجیلك ما أگلك سیدي انطیني
ــــــــــــــــــــــــــــــ

امن اجیلك حتی لو محتاج ماگلك
أضیعن بالذنب یحسین و أندلك
شنهو قیمتي لو زورك أشهدلك
بیا اسوه دخیلك سیدي اوصلك

لَوَن جمرة خیم یحسین تچویني
امن اجیلك ما أگلك سیدي انطیني
ــــــــــــــــــــــــــــــ

مثلك ما شفت واحد بتضحیتك
اعله مودي منذبح انت و أهل بیتك
و أنا کلي ذنب و أدخل حسینیتك
و لا مره اطردتني شکبر حنّیتك

بسمك خادم الوادم تسمّیني
امن اجیلك ما أگلك سیدي انطیني
ــــــــــــــــــــــــــــــ

انت انطیتني یحسین ألف شکراً
عیون ابمجلسك من تنذکر یبچن
دخیل اللي خذوهن بالسبي و حنن
إذا ما أگضي عمري لخدمتك المن

أرید بخدمتك یحسین خلیني
امن اجیلك ما أگلك سیدي انطیني
ــــــــــــــــــــــــــــــ

یا أول عشگ بجنون مر بیّه
و مسامر حبیبي کون لطمیه
و أذکر بالشعر محبس و ترچیه
و أختم شاء ربك مشت مسبیه

و لو حتماً علیكم أمر تکویني
امن اجیلك ما أگلك سیدي انطیني
ــــــــــــــــــــــــــــــ

أستلذ بسوالفي ویاك و احچیلك
و إذا عندي مصیبه أستحي امن اشکیلك
و حگ الوگفت امن الحر تِفَییلك
الك ممنون چي خلیتني ابچیلك

امن أطبن مجلسك لازم تبچیني
امن اجیلك ما أگلك سیدي انطیني






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كلما أشرب الماي ]

🎤أداء الملا قحطان البدیري
🖊الشاعر كرار حسين الكربلائي
◾️ استشهاد الإمام الصادق (ع) - ١٤٣٩ هـ.
——————————
المستهل:

یا شیعه کلما أشرب الماي
بي ألگه منحر جدي و اخضابه
کلما تضیگ ابعیني دنیاي
للطف أروح و أشبگ اترابه
آه أتمنی موتي بکربلا
ــــــــــــــــــــــــــــــ

أنا الصادق تِبچّي الگاع آهاتي
لزیارة احسین أکثر روایاتي
امن أزورن کربلا تسگیها عبراتي
و أسمع بیها ون اگلوب عمّاتي

مو بالفرات أتوضّه بدموع
أبچي و زیارة وارث أقراها
یم گبر الحسین أعلگ اشموع
و ذیچ المناحر أگعد أنعاها

بنوح أقره الزیاره الکامله
آه أتمنی موتي بکربلا
ــــــــــــــــــــــــــــــ

المذبح من أزوره أجذب الحسره
أسمع شوغة حسین ابگطع نحره
مو بس طبره ذبحوا بثنعش طبره
الخیل الراحت و ردت علیه عشره

اهواي الصور و ابخاطري اتجول
عریانه جثة احسین خلوها
ابعاشر محرم عشرة اخیول
بیها اثنعش معصوم سحگوها

ظیم و ابهمي روحي امحمّله
آه أتمنی موتي بکربلا
ــــــــــــــــــــــــــــــ

أزور أنصاره و أذکرها أسامیها
و أطوف اگبورهم و أسجد و أشم بیها
أهل الغیره مشکوره مساعیها
النشامه الواحد و سبعین أحییها

أمشي لحبیب و گلبي مکسور
یم گبره أبچي لشیبته و دمها
بالرایه هوّس یوم عاشور
هذا الکشف عن عمّتي همها

هاي أهل المراجل و العلا
آه أتمنی موتي بکربلا
ـــــــــــــــــــــــــــــ

أطلع من ضریحه و عیني تبچي احساس
فگدنه اشلون عم فوگ النهر یا ناس
اچفوفه امگطّعه و صابه العمد بالراس
صیحوا اویاي واویلي علی العبّـاس

عبّاس تاج الغیره من طاح
میّت و لکن بعده ظل کافل
لمّن سمع بالخیمه الصیاح
عالنهر دخّن راس ابوفاضل

غاب منّه بدر ما أجمله
آه أتمنی موتي بکربلا
ــــــــــــــــــــــــــــــ

بین الخیمه و التل یظل گلبي اینوح
مچان البیه ما خله اعله زینب روح
ما همّتها السیاط ابمتنها اتلوح
تدوّر عن أخوها ابیا کتر مذبوح

صاحت دخیل الله یالحسین
اگعد یخویه حرگوا اخیامك
النیران ماخلت صواوین
عدمن تبات اللیله أیتامك

آخ ظلت غریبه العایله
آه أتمنی موتي بکربلا
ــــــــــــــــــــــــــــــ

و لآخر نفس دمعاتي سچّابه
متت بثیابي و الجد سلبوا اثیابه
انمرد چبدي و لکن مو سهم صابه
و آخر صیحه آیحسین و امصابه

و ابخامس و عشرین شوّال
یا ناس بالسم گطّعوا چبدي
جعفرکم ابآخر نفس گال
یا ربّي عجّل طلعة المهدي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آخر رساله ]

🎤أداء الحاج باسم الكربلائي
و الملا قحطان البدیري
🖊الشاعر حمزه السماوي
◾️استشهاد الإمام الصادق (ع)
📆 ليلة ٢٦ شوال ١٤٤٠ هـ.
——————————
المستهل:

آخر رساله امن الگلب عندي
من جعفر الصادق إلی المهدي
واعدتك و باقي علی وعدي
ــــــــــــــــــــــــــــــ

سنابگ همي وگفت فوگ صدري
و سنان أفکاري تاخذ راس عمري
حفر خندق حزن سلمان صبري
و مِلیت الجره من ادموع تجري

لو باقي یوم بعمري أنتظره
و اوگف أخدمه و أرتجي نظره
جدك و أکلمك یالتجي بعدي
ــــــــــــــــــــــــــــــ

ابرغد نامت یبوصالح خصومك
و مُشّرد ثارك ابصحرة قدومك
اشترید اتسوي ماواحد یلومك
الزمن کمّیه و النوعیه یومك

لو عیسی خلفك بالفرض صلّی
یتقبل الله اینادي صوت الله
هذا الشرف یوم الشرف یجدي
ـــــــــــــــــــــــــــــ

علیك ابداعة العصره یمهدي
علیك ابداعة الکسره یمهدي
علیك ابداعة السطره یمهدي
علیك ابداعة الزهره یمهدي

کلش چبیره غیبة الکبری
کلش چبیره زینب الکبری
تعرف مصایبها و بعد تبدي
ــــــــــــــــــــــــــــــ

تجي و خل ترجع الأمّه لأصلها
تره الأصنام مو إلّا بشکلها
یجي القرآن و ایحاسب جهلها
یجي المیمون و ایحاسب جملها

شجر الأراك ایعاتب النخله
لایذ وراها و الغدر سهله
من گطع چف الکافل الجندي
ــــــــــــــــــــــــــــــ

عشت بحساس هالقصه الألیمه
احترگ بیتي و رکضت أستر حریمه
لچن جدك یبوصالح هضیمه
انگطع راسه گبل حرگة الخیمه

مات الحسین و عینه مفتوحه
لخیامه ماچانت علی اجروحه
کل همّه زینب تفتهم قصدي
ــــــــــــــــــــــــــــــ

یجي یوم الشهد و الغیبه مُرّه
و ترد زینب عزیزه و هیه فتره
و أبوهارون یصعد شعر یقره
و سوه نبچي علی المگطوع نحره

و ابطور العراقي یقره أبیاته
و موکب محرّم عندي رایاته
و منتظرك آنه أبقی ابوسط لحدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يتيمة علي ]

🎤أداء الملا قحطان البدیري
🖊الشاعر محمد البطحاوي
📆 ليلة ٢١ رمضان ١٤٤٠ هـ.
——————————
المستهل:

یحیدر تنتظر جیتك یتیمه
شفت برسومها امبینه الهضیمه
گلتلها اشتنطرین
گالتلي أبوحسین
یتیمه ... یتیمه
ــــــــــــــــــــــــــــــ

بچیت و جاوبتها اشعندچ اویاه
گالت واعداني
ابّدلت عید گال ایجیبها الیوم
لهسّه ما إجاني
الماناسیله طیر ابقمة اجبال
ماصدگ نساني
الحضر من المدینه ابدفن سلمان
مایوصل مچاني

نزلت دمعتي وماگلت چلمه
شجاوبها التنطرك یبوالیمه
أگلها ماخذه البین
گالتلي أبوحسین
یتیمه ... یتیمه
ــــــــــــــــــــــــــــــ

أسمعها تردد بسمك اهواي
و تگلك بویه وینك
امأخّرتك علي مصلحة الأیتام
أدعي الله یعینك
عطر چفك براسي لهسّه موجود
من مسحة یمینك
ابّحر الشوگ غرگانه اعله ملگاك
علي مدلي إدینك

تگلك یا علي احتاجیت جیتك
أگبل عیدنه اتعاید ابنیتك
أبونه اتگول چاوین
گالتلي أبوحسین
یتیمه ... یتیمه
ــــــــــــــــــــــــــــــ

إجانه ابلیله چانت شیخها الجوع
او وکّلني بچفوفه
احنه ابّیتنه و صرناله خطّار
و اهو ایدلل اضیوفه
أول مرّه أشوفن واحد ابلیل
یخاف أحد یشوفه
یجي املثّم یزور ابیوت الأیتام
و أکلهم علی اچتوفه

شگد تجّار تسمعنه بچینه
من الجوع ماواحد یجینه
ابوجوده الفقره عدلین
گالتلي أبوحسین
یتیمه ... یتیمه
ــــــــــــــــــــــــــــــ

إذا تندل مچانه أرد أوصّیك
بحچایه لحیــدر
خشم الحنطه گله الیوم مرفوع
و التاجر تکبّر
و اشوف اهوای فقره الیوم بالسوگ
و علی البیبان تفتر
و متیتمه اذاني صار یومین
من اللهُ أکبر

گله الجوع رد اعله المدینه
و اگلوب الیتامه اتصیح وینه
گله صار یومین
گالتلي أبوحسین
یتیمه ... یتیمه
ـــــــــــــــــــــــــــــــ

بس گلتلها مات اتگوم و اتطیح
او بیّن بیها جرحك
علي کلشي ابوجها اتغیّر اعلیك
امغزر بیها ملحك
چبیره امن البواچي صارت اعلیك
الچانت بیك تضحك
علی أنوار السمه یم وجهك اشموع
یالمعتلي اشوضحك

تمنت موتها کون اویه موتك
شله ابعیشته الماسمع صوتك
راح اهواي تبچین
گالتلي أبوحسین
یتیمه ... یتیمه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سلطان المجد ]

🎤أداء الملا قحطان البدیري
🖋الشاعر واثق العیساوي
📎میلاد الإمام الرضا علیه السلام
--------------------
المستهل:

سلطان المجد و العزه معناك معناك
مشهد ماتصیر الجنّه لولاك لولاك
بسمك شرّفتها و ما یوم اگصدتها
لولاك لولاك
⭐★⭐🌼⭐★⭐
۱/
یگولون الفرح لو دگ علی الباب یجیبلنه الأماني
و أیام العمر ابّین الأحباب محسوبه بثواني

و أیام العشتها من عمري و شفتها
مو منّه احسبتها تمر طیف الأفراح
الفجر لمّن أزورك یغسل وجهي نورك
فرح همّي و سرورك و لا عیش بالجراح

کل خطوه ابضریحك جنّه مولاي مولاي
أحس طعم العسل من صحنك الماي الماي
دواي و أمنیاتي و لا معنی لحیاتي
لولاك لولاك
⭐★⭐🌼⭐★⭐
۲/
إجیتك و الیجیك امفارگ الناس یا دنیا التِلِمّه
أشِمَّنّك نفس بس غیر الأنفاس عطر الجنّه أشِمّه

بضریحك لیل أتاني ملاذي و بي کیاني
عفت دمعه بمکاني تنادیك و تحاچیك
رساله و بیها اسمي أخطّها و حبري دمّي
کتبت اعلیها همّي و الهموم تبچیك

من أشکي بضریحك أرفع الراس الراس
ترضه اشلون أعوفك و أشکي للناس للناس
صعبه و إنت موجود درب الوفه مسدود
لولاك لولاك
⭐★⭐🌼⭐★⭐
۳/
أثر جدمك إذا ظل فوگ التراب یبو محمّد کرامه
و نور ابگُبتك یا نسل الأطیاب للتایه علامه

ذهب في محتواها شمس تشرق ضواها
کل اللي إجاها بالهموم و الدموع
بالهم گضّه عمره و تعب من کثر صبره
الحسره اتچوّي صدره و الآهات بالضلوع

بحیاتك و بمماتك تسمع الآه الآه
و الیتعنّه لیك اشلون تنساه تنساه
مضیفك دومه مفتوح و أبد ماتطیب الجروح
لولاك لولاك
⭐★⭐🌼⭐★⭐
٤/
إجیت و مولدك چن عالسمه ایدور ضوّاها اللیالي
مو کل نور مثلك ینحسب نور لا والله یغالي

کل الکون فرحان یردّد اسمك آذان
یا وارث القرآن بالورود أهنّیك
اللیله بفرحة العید ویّه الحب مواعید
بعین العالم اجدید بمولود فرح بیك

ابیات الفرح أقراها آیات آیات
هیهات الیحبك ینسه هیهات هیهات
اشلون المثلك أنساه أعیش ابغربه و ابآه
لولاك لولاك
⭐★⭐🌼⭐★⭐
۵/
أحاچي اجروحي أگلها ها یالجروح یمته الفرح یمته
تگلي للرضا و ابمشهد انروح دواه انشوفه کلنه

الجنّه اتطفي کل نار یَسِرّ و شایل أسرار
أوصفك بیش محتار بمولودك شنادیك
باچر یوم الإحساب أریدن منّك اکتاب
تسجّلني اویه الأحباب یمولاي أمل بیك

باچر عطرك علی اهدومي یلگوه یلگوه
یعرفونك شفیعي و ذنبي یمحوه یمحوه
متخلّيني محتار وحدي و أدخل النار
لولاك لولاك




• الّلهُـمَ صَل عَلَی مُحَمّد و آل مُحَمّد 🌹
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آخر رساله ]

🎤أداء الحاج باسم الكربلائي
و الملا قحطان البدیري
🖊الشاعر حمزه السماوي
◾️استشهاد الإمام الصادق (ع)
📆 ليلة ٢٦ شوال ١٤٤٠ هـ.
——————————
المستهل:

آخر رساله امن الگلب عندي
من جعفر الصادق إلی المهدي
واعدتك و باقي علی وعدي
ــــــــــــــــــــــــــــــ

سنابگ همي وگفت فوگ صدري
و سنان أفکاري تاخذ راس عمري
حفر خندق حزن سلمان صبري
و مِلیت الجره من ادموع تجري

لو باقي یوم بعمري أنتظره
و اوگف أخدمه و أرتجي نظره
جدك و أکلمك یالتجي بعدي
ــــــــــــــــــــــــــــــ

ابرغد نامت یبوصالح خصومك
و مُشّرد ثارك ابصحرة قدومك
اشترید اتسوي ماواحد یلومك
الزمن کمّیه و النوعیه یومك

لو عیسی خلفك بالفرض صلّی
یتقبل الله اینادي صوت الله
هذا الشرف یوم الشرف یجدي
ـــــــــــــــــــــــــــــ

علیك ابداعة العصره یمهدي
علیك ابداعة الکسره یمهدي
علیك ابداعة السطره یمهدي
علیك ابداعة الزهره یمهدي

کلش چبیره غیبة الکبری
کلش چبیره زینب الکبری
تعرف مصایبها و بعد تبدي
ــــــــــــــــــــــــــــــ

تجي و خل ترجع الأمّه لأصلها
تره الأصنام مو إلّا بشکلها
یجي القرآن و ایحاسب جهلها
یجي المیمون و ایحاسب جملها

شجر الأراك ایعاتب النخله
لایذ وراها و الغدر سهله
من گطع چف الکافل الجندي
ــــــــــــــــــــــــــــــ

عشت بحساس هالقصه الألیمه
احترگ بیتي و رکضت أستر حریمه
لچن جدك یبوصالح هضیمه
انگطع راسه گبل حرگة الخیمه

مات الحسین و عینه مفتوحه
لخیامه ماچانت علی اجروحه
کل همّه زینب تفتهم قصدي
ــــــــــــــــــــــــــــــ

یجي یوم الشهد و الغیبه مُرّه
و ترد زینب عزیزه و هیه فتره
و أبوهارون یصعد شعر یقره
و سوه نبچي علی المگطوع نحره

و ابطور العراقي یقره أبیاته
و موکب محرّم عندي رایاته
و منتظرك آنه أبقی ابوسط لحدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ خذوا قلبي ]

🎤أداء الملا قحطان البدیري
🖊الشاعر مصطفى الصائغ الكاظمي
◾️استشهاد الإمام الجواد (ع) - ١٤٣٨ هـ.
——————————
المستهل:

خُذوا قَلبي .. فَجُرحُ المُصطفی في شبلهِ جُرحي
کما ینعاهُ أنعاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

یمن مدمعکم اتسایل
شبه غیم السمه الماطر
و صُبَح کل واحد ابلهفه
لعوالم محنته ایهاجر
لمصاب المنکتب اسمه
ابجبین المصحف الطاهر
اجیت و گلبي بچفوفي
حملته و بالحزن حایر

لأرمیهِ .. علی نعشِ الجوادِ الطُهرِ بالحُزنِ
و أجثُ عندَ یُمناهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

ابخوالج کل نفس تعشگ
صور للآه مرسومه
و بین الیحب و المحبوب
مشاعر جَمّه مکتومه
و أنا ابهذا الشعور الیوم
أواسي الهادي بهمومه
و أحاور لوعته ابلوعه
جفن عیني الهجر نومه

بأجفاني .. حِوارٌ للأسی بالدمعِ و الوَجدِ
سأغدو من ضحایاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

صدگ صح المَثَل من گال
عین العاشگ اتفضحه
و أنا امذارف دمع عیني
العشگ شبل النبي اتوضحه
و لَوَن لیل المصاب ایمر
أواصل بالدمع صبحه
و أنوح لفگده و أتمنه
تناثر گلبي یم جرحه

فأحزاني .. کسیفٍ نابتٍ ما بینَ أضلاعي
عَسی بالموتِ ألقاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

أشد اجروحي بجروحي
و أکف الدمعه بالدمعه
و أصیح ابصرخة الفاگد
یناعي الموت لا تنعه
یا مهجة گلب تگدر
تصبر لمّن اتودعه
و یا چف بالألم و النوح
یحمل نعشه و ایشیعه

فذا جُرحي .. نزیفٌ یعبِرُ الأزمانَ و الدهرا
لِیَحدوا بي لِرُحباهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

یمن تتسایر بدمکم
مودّة عترة المختار
أرید اویاکم اللیله
أنوح لتاسع الأقمار
عگب محنة أبوالهادي
عسن لا طالت الأعمار
و عسن دلالي یتگطع
بخناجر حزنه و الأعبار






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آتيناه الحكم صبيا ]

🎤أداء الملا قحطان البدیري
🖊الشاعر ميرزا عادل أشكناني
◾️ استشهاد الإمام الجواد(ع) - ١٤٣٩ هـ.
——————————
المستهل:

عاش رضيَّاً مات رضيَّا
محمودَ العُقبىٰ مرضيَّا
و كيحيىٰ عاشَ ولا عجبٌ
{ آتَيْناهُ الحُكْمَ صبيِّا }
ــــــــــــــــــــــــــــــ

هذا قانون الخليقه و الأمُر فرْض اْو تحتَّم
لازم اِعْله الناس حُجَّه اِيكون و اِعليها ايتِقَدَّم
للعُمُر ماكو اِعْتبار اْو هاذي حِكمه البيها نِعْلَم
و إخذ شاهِد عندي يحيىٰ اْو غيره هَم عيسىٰ ابْنُ مريَمْ

و جوادُ العِترَةِ إنْ قِـيـسَا
أعظمُ منُ يحيىٰ أو عيسىٰ
و أبوهُ عليٌ لا يُجهَـلْ
أعلا قدْراً مِن زكَـرِيَّا
ــــــــــــــــــــــــــــــ

ذوله أهَل بيت النبوَّه كلشي مرهون ابأمرُهم
الكون و الما بيه كِلَّه مثِل قطره ابنُص بحَرهُم
ألله من دَوَّر خُزانه اِستوْدَع أسراره ابصدرهُم
و اللّي كبَّرهم فضلهم ما يصغّرهُم عُمُرهم !

فَمُحَمَّدُ من آلِ محمّدْ
فيهِ نوِرُ اللهِ تجسَّد
و كذا زكّاهُ وَ طهَّرَهُ
فغدا صِدِّيقاً عَلَوِيَّـا
ــــــــــــــــــــــــــــــ

ازغير عُمره او رغم هذا چانت أفعاله چبيره
الوحي ما ياخذ قراره إلا ينزل يستشيره
چان سيَّد بني هاشم يحكم ابعين البصيره
اْو رغًم تسْع اسنين عُمره منحِسب شيخ العشيره

رُبَّ صغيِرِ السِّـنِّ كبيرُ
ليسَ لهُ في الخَلقِ نظيرُ
أفضلُ أهلِ الأرضِ لذلكْ
سُمِّيَ عِندَ اللهِ تقيَّا
ــــــــــــــــــــــــــــــ

من زغر سنِّ الجواد او چان من الناس أعلَم
ابْمجلس المأمون چنَّه اِلْسان ألله لو تكلَّم
يحچي بالحكمه المُبينه او غيره من يحچي ايْتِلَعْـثَـم
اْو مِنّه ميْهِزّون شَعره ألِف من ( يحيىٰ ابْنُ أكثَم )

ذا إسْمُ الرَّحمنِ الأعظَم
صلَّىٰ اللهُ عليهِ و سلَّم
مَن ذا بالعِلمِ يبارِزُهُ
إذْ اُوتِيَ عِلْماً لَدُنِيَّا
ــــــــــــــــــــــــــــــ

اشما كبر عُمْر الإمامِ اشْما كمل هالنُور عنِده
تكبر اعليْه الضغينه و المعادي ايزود حِقده
اعيون حَمره اِعليه تِشبَح عالكمال البي تِحِسْدَه
اْو بدَل ليْجازونه گام الْـ مُعتَصِم سمَّم له چبده

كم قاسىٰ بالسُّمِّ و عانىٰ
أنواعَ البَغْيِ و ألوانا
فعليهِ مِنَ اللهِ سلامٌ
يومَ يموتُ وَ يُبعث حَيَّا






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صوت الشعائر ]

🎤أداء الملا قحطان البدیري
🖊الشاعر واثق العيساوي
◾️استقبال شهر محرم ١٤٤٠ هـ.
——————————
المستهل:

صوت الشعائر من المنابر
تحیا الضمائر هنا
الأمرُ أمري و الصدرُ صدري
و الدمعُ یجري هنا
لِما هذا العداء لِقیام العزاء
ــــــــــــــــــــ

یالتعترض ظل اعترض بآرائك المتکرره
هیه العقول اتنوعت ممکن فحم لو جوهره
تسألني عن معنی الحزن شیفید دمعك لو جره؟!
جواب جواب!
لو عیني عافت دمعتي و لحسین لو ماطاحت
شلي ابنظرها و تنعمي لو بطلت ماناحت
دنیه و بلا مجلس عزا یا روح بیها ارتاحت؟!

وَ تَضِجُّ السَماء لِقیام العزاء
ــــــــــــــــــــ

یا من تشکك باللطم و احیاء أمر الواقعه
و اتلومني بضرب الصدر و اتگلي مابي منفعه
صدر الحسین اللي أعز لو صدري وکت الفاجعه؟!
جواب جواب!
الخیل لو سحگت جسم حتماً تهشم اعظامه
و ألطم أرید أکسر ضلع و أضرب و أدگ عالهامه
و أدري الحوافر بیها ألم أقسی و أشد من قامه

و بِلَطمي نِداء لِقیام العزاء
ــــــــــــــــــــ

صوت البکاء الیزعجك للحزن ینصب مأذنه
و صوت الصراخ اویه الجزع بس للحسین انعنونه
بصوت المناحه انجاوبك کل سنه ایزود اعله السنه
جواب جواب!
من تفگد اگبالك شخص کلش عزیز و غالي
ماتبچي ماتصرخ حزن ما صوتك ایصد عالي
چا هذا الحسین و یظل لیه الجزع یحلالي

سَیَدومُ البُکاء لِقیام العزاء
ــــــــــــــــــــ

و اتلومني أمشي بجدم حافي و أروح لکربلا
بالأربعینیه و تذم صوت المواکب لو عله
و اتگول سدیتوا الدرب و اتناقش ابهالمسئله
جواب جواب!
بجدامي رایح معتني مرتاحه خلها اجدامك
و لو زاعجك سد الدرب میة درب گدامك
لکن یظل هذا الحقد مستوطن بأقلامك

و یَزیدُ البلاء لِقیام العزاء
ــــــــــــــــــــ

کلمن علینا معترض هذا الأمر واضح جلي
المهدي خلیفه بهالأرض صاحب أمر لیك و إلي
یعني الأرض کلها لعلي و لأولاد أبوالحمله علي
جواب جواب!
کلنا خدم عدهم إذاً نتباها لو قبلونه
خدام أسیاد الأرض شمحلاهه لو سمونه
دستور عدنا زینبي هیهات ما تمحونه

سَیَدومُ الولاء لِقیام العزاء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ دمع ناسك ]

🎤أداء الملا قحطان البدیري
🖊الشاعر علي مخيلف
◾️استشهاد الإمام الجواد (ع) - ١٤٤٠ هـ.
——————————
المستهل:

دمع ناسك بحر ما شالته کل الصحاري
یغالي ابنومتك شبعت ضوه شمس الظهاري
حبیبي یالجواد إمامي یالجواد
ــــــــــــــــــــ

مابین اجروحك و اسنینك کلك لچمه و آه
المثلك ماشایفته الدنیه تتعب ما تلگاه
ما موجود ابهذا الکوکب ابوکتك لا والله
تندب لحسینك لیلیه ماتگدر تنساه

شاب و شیّبت عمرك خلص مانشفت العین
عله السانك بقت چلمة حزن یا جدي یحسین
حبیبي یالجواد إمامي یالجواد
ــــــــــــــــــــ

شمس الله بصدرك محتاره مولاي اشسویت
ماعرفوك ابذیچ اللحظه من الله ادنیت
مصهور و من جسمك بیّن معدن أهل البیت
مثل الورده اتطشّر عطرك من الدنیا اشلمّیت

تابوتك نده و ما شالته مولاي المتون
انته أول بشر مات و لگه تابوته العیون
حبیبي یالجواد إمامي یالجواد
ــــــــــــــــــــ

تبچي و وناتك مذبوحه بیك اشگد حسرات
من دمعك عینك مجروحه طاحتلك خیمات
بضلوعك نار و ماتطفه منها و گلبك مات
چي عمتك زینب حسبوها من المسبیات

الله ایساعدك عمتك مشت مسبیه للشام
البصدرك یطب لا مو هوه تتنفس اسهام
حبیبي یالجواد إمامي یالجواد
ــــــــــــــــــــ

وجهك ذبلان و متعذب ضامي و گلبك راح
تبچي و تنحب چنك مغرب ماتگدر ترتاح
عقلك یرسم صورة عمتك ترکض بین ارماح
نسوان و ایتام امسابگ هوسه و صوت اصیاح

الیفگدله بشر یبقه یون لیله و نهاره
تعرفه امن البچي من ینهضم و بگلبه ناره
حبیبي یالجواد إمامي یالجواد
ــــــــــــــــــــ

سهران و کل عمرك تندب و نومك شابع نوم
مجروحه أیامك ماتمشي کل عام ایمر یوم
کل ذکره امن احسینك توجع مهموم و مسموم
غیر الموت بذاك الموقف شیداوي الملچوم

مکتوب الذبح عالمنجرح یگضیها آهات
یهل بیت النبي کل العمر یخلص حرامات
حبیبي یالجواد إمامي یالجواد






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ شعار مسلم ]

🎤أداء الملا قحطان البدیري
🖊الشاعر كرار حسين الكربلائي
📆 ليلة ٥ محرم ١٤٤٠ هـ.
——————————
المستهل:

علی قصر الإماره رفع مسلم شعاره
کل أرواحنا فدوه لأبوالسجاد
ــــــــــــــــــــ

هاي الدنیه مثل الطیف
وکت الموت منها اتفز
لا تختار موت الذل
بیها اختار موت العز
مسلم إقره تاریخه
بعین الباصره و رکز
تلگاه مثل الفجر و لیل
لازم موقفه یبرز

مثل موسی اعله طوره
سطع بحسین نوره
کاتبها اعله نحره و تنقره انشاد
کل أرواحنا فدوه لأبوالسجاد
ــــــــــــــــــــ

کل حر کل أبي و ثائر
عمره و موقفه یکبر
فاز الیتبع أهل الراي
راعي الراي مایخسر
مسلم چان بالکوفه
هو و سیفه و المنحر
ثبّت موقفه ابدمه
هذة تربیة حیدر
(گول ابکل شهم یظهر
هذة تربیة حیدر
یفدي بالجهاد انحور
یقدمها مشاعل نور
حتی الـ بالسبي و تتکفل الخدر
هذة تربیة حیدر)

نعم هاي العشیره
مواقفهم چبیره
الدنیا بلا حسین ایصیح ماتنراد
کل أرواحنا فدوه لأبوالسجاد
ــــــــــــــــــــ

مسلم کل سنه انشوفه
ضوه ایکحل نواظرنه
مسلم بس تگول إسمه
تتنفس مشاعرنه
علمنه الیموت ایعیش
و اتخلده منابرنه
أول نحر دمه ایصیح
(یحسین بضمایرنه
صحنه بیك آمنه
لا صیحة عواطف هاي
لا دعوه و مجرد راي
هذة من مبادئنه
صحنه بیك آمنه)

وفي من البدایه
حسیني للنهایه
و احنه اویاه نادینه علی المیعاد
کل أرواحنا فدوه لأبوالسجاد
ــــــــــــــــــــ

مسلم عنده بس طوعه
بس طوعه بألف زلمه
من صاحتله حیکم صار
کالبرکان شیلمه
حد ما غدروا بمسلم
السیف ابیمنته ذمه
الگید بچفه و اینادي
ما أترك أبوالیمه
(گطعوا من إدینه اچفوف
عنك ما منعنه الخوف
من الألم ما صحنه
صحنه بیك آمنه)

هلا و حي الله مسلم
صور للغیره یرسم
إبن المجد خلّد صیحة الأمجاد
کل أرواحنا فدوه لأبوالسجاد
ــــــــــــــــــــ

مُصلح مستقل ناصح
مثله ابهل وکت قِله
مقیاس الیحب احسین
لازم یرفض الذله
شاف الحکم بسم الدین
باگ العنب و السله
اتوجه للمدینه و صاح
إشهد یا رسول الله
(خُذ یا محمد عالأمه اشهد
هذة عترتك هذة مصارعها
هذة أمتك أنظر لواقعها)

قره سیفه قصیده
و نعم یا بوحمیده
کون اتصرّح الرادت تعیش أسیاد
کل أرواحنا فدوه لأبوالسجاد






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
📍عيد الغدير ١٤٤٠ هـ.
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ـــــــــــــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed