📜موال: ها قد أتيتك

🎤أداء الملا قحطان البدیري
✒ الشاعر: واثق العيساوي
🎈مولد السیدة زینب سلام الله علیها
--------------------

ها قد أتیتُكِ و الأحزانُ تُثْقِلُني
أبکي علی أهلي أبکي علی وطني

أنا مثلكِ جُرحٌ غریبٌ بعیدٌ لَوعةٌ بدمي
ها قد أتیتُكِ و حنینُ هذة الروح للأحبابِ یروقُ لي

أمشي و طعمُ الدمعِ خلفي آهِ مِن زمني
أینَ استقَر القلب ذاكَ الحُزنُ یتبعُني

أنا لستُ إلّا بقایا تائهٌ تَعِبٌ
ترمي بيَّ الأشواق و الآلامُ تبلَعُني

أنا یا زینبُ الحوراء جئتُكِ خادماً
دمعي یؤخِرُني و الأفراح تدفَعُني

أنا مثلُكِ حتماً سـ أصنعُ غُربتي
وطناً و ما عادت دموعُ الشوقِ تُقْلِقُني

أنا سَبيُ البُعدُ أغلالي دموعُ أبي
و شوقُ أمي و بعضُ الحُزنِ في العلنِ

یا زینبُ إنّي سأبقی خادماً
هذا الذي في الغُربةِ العمیاءِ صَبَّرني

لا تحرموا عیني شفاعةَ قلبکم
لمّا أکون رهینَ القَبرِ و الکفنِ




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ وارث فاطمه ]

🎤أداء الملا قحطان البدیري
🖊الشاعر ميرزا عادل أشكناني
▪️الليالي الفاطميه الأولي ـ ١٤٤٠ هـ
––––––––––
المستهل:

بعیني مرسوم الحزن
حگي من أنحب و أون
آنه وارث حزني من فاطمه
ــــــــــــــــــــــــــــــ

المهدي آنه و أورثت من أمي دمعي
و اعله خدي یجري حین الناعي ینعي
بعده صوت الزهرا ظل عایش ابسمعي
من وره الباب و تنادي آیضلعي

حگه گلبي ینفجع
و دمي یجري اویه الدمع
لمّن أتذکّر ضلع فاطمه
ــــــــــــــــــــــــــــــ

من کثر دمعي الجره راس الگلب شاب
و شابت اویه الراس حتی ارموش الأهداب
اشما أشاهد باب أذکر عصرة الباب
و أذکر أمي لاذت ابخلفه بلا احجاب

وره الباب امن اختفت
هالعدو اعلیها التفت
و یعلم ابخلفه اوگفت فاطمه
ــــــــــــــــــــــــــــــ

حتی و آنه ابّیتي عشت اویاها الهموم
امعلّگ ابداري عبایة أمي للیوم
یم قمیص احسین و أنظرها ابحزن دوم
بیها آثار الحرگ و آثار الدموم

أنظر بعیني انرسم
عالعبایه ابچف ألم
لنها هاي الرسمه دم فاطمه
ــــــــــــــــــــــــــــــ

حگي من تنحل إعظامي و یفنه جسمي
و حگي حین ابدال دمعي أجري دمي
و آنه کل تفکیري صار و هذا همّي
یمته أگطعها الچفوف السطرت أمي

عالّذي صاحوا و إن
حملتي اعلیهم أشن
و أرتجز هذا أنا ابن فاطمه
ـــــــــــــــــــــــــــــ

اشلون أکابر عالجرح و أنسه الّذي صار
و مثل نار الدار تسري ابمهجتي النار
أشعر الهالیوم و آنه ابصدري بسمار
و ما یطیب اصوابي إلّا امن آخذ الثار

ابغیر ثاري ما أهم
لنشر الرایه ابعزم
و أکتب اعلیها اسم فاطمه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ نشد مجنون ]

🎤أداء الملا قحطان البدیري
🖊الشاعر محمد البطحاوي
📆 الليالي الفاطميه ١٤٤٠ هـ.
——————————

تظل عینی ابصبر ملگاك دمعها ایجرّح ابخدي
وگفت روحی بدروبك شالت خلگ المجدي
و انشدلك نشد مجنون ماشفتولي المهدي
تره و جدك غیابك سیف گضاهه ایگطّع ابچبدي
ــــــــــــــــــــــــــــــ

و انشدلك نشد ملهوف یرید ایشوف محبوبه
حتی الهوه مترجیه یدلیني علی ادروبه
و اتوجّه لباري الکون ابکل واحد و إله حوبه
بلکي المهدي یقبلني خیط امچلّب ابثوبه
ــــــــــــــــــــــــــــــ

یالورثك نحر و اخیام و ضلع مکسور شحچیلك
اعله طف احسین یالمهدي یا دمعه التکفیلك
مولاي اشکثر آهات ابکل مجلس نودیلك
غمها الدنیا ماتنراد الخلت مثلي یدعیلك
ــــــــــــــــــــــــــــــ

المشن عماته مچتوفات مایتحشّم ابطلعه
الشایف کربلا ابعینه بعد یا مقتل إنسمعه
حجاب الباري عماتك سباهن ابن المفرعه
الأبو حیدر و عم عباس مایحتاج للفزعه
ــــــــــــــــــــــــــــــ

بخیام احسین ظلت نار بیهن واجّه و تسعر
و زینب وسفه بین الگوم گامت بالجثث تعثر
ابطف کربلا یا مولاي الك مگطوع چم منحر
و گلب زینب فلا یبرد إلّا ابکربلا تظهر
ــــــــــــــــــــــــــــــ

و توصل للطفوف اتصیح آیحسین یا یومه
و توگف عالجسد عریان تلبسه بیدك اهدومه
و لهسه حسین ینزف دم و تلگه اجروحه ملچومه
و التل منه تطلب حیل عذاب الطیحه و الگومه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يسأل سليم ]

🎤أداء الملا قحطان البدیري
🖊الشاعر ميرزا عادل أشكناني
📆 الليالي الفاطميه ١٤٤٠ هـ.
——————————

قالَ سُلَیمٌ قُلتُ یا سَلمانُ
هَل دَخلوا و لَم یَكُ استإذانُ
ــــــــــــــــــــــــــــــ

یسأل سُلَیم او فِکرَه مِن عِنده احتار
خَبّرني یا سَلمان عن کل الصار
فِعلاً حِصَل بنت النبي المُختار
ابحَضرة عَلي او هِجموا علیها بالدار

فَقال: إي وَ عِزّة الجبّارِ
وَ ما علی الزهراءِ مِن خِمارِ
ــــــــــــــــــــــــــــــ

و الظالم ابگُومه گُرَب و اتدَنّه
من حیدر او جَرّد حُسامه مِنّه
و الزهره رادت تِگصِده او تِتعَنّه
او تِنهَض لَبِن عَمها او تِدافع عنّه

لَکِنّها لاذَت وراءَ البابِ
رِعایَةً للسِترِ و الحِجابِ
ــــــــــــــــــــــــــــــ

بین الوَصي او بین الحِجاب احتارت
لمّن علی الدار الأعادي غارت
بس ما دروا خَلف الجِدار اتوارَت
اتهَیّج حِقدهم و الضغاین ثارت

فَمُذ رأوها عَصَروها عَصره
کادَت بِنَفسي أن تَموتَ حَسره
ـــــــــــــــــــــــــــــ

لمّن علی الزهره اللعین اتجسّر
فوگ الضلع ذاك التشوفه اتکسّر
شافت إبنها اعله التراب اتعفّر

فَأسقَطت بِنتُ الهُدی واحُزنا
جَنینُها ذاكَ المُسَمّی مُحسِنا





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مشاعرنا ]

🎤أداء الملا قحطان البدیري
🖊الشاعر كرار حيدر الخفاجي
🎈ذکری میلاد الإمام الحسین(ع)
——————————

المُحِب یحسین گلبه
إلك ینزِف مَحبّه
خواطِرنا .. مشاعِرنا .. إلك یحسین
ــــــــــــــــــــــــــــــ

حبیب و لاتظن أنساك لحظه
دلیلي کل وکت یحسین نبضه
أهیم و لاتظن ابغیرك أرضه
الیعشگ یا حسین اشکبر حظه

و لا یوجد مثالك
جلال الله جلالك
خواطِرنا .. مشاعِرنا .. إلك یحسین
ــــــــــــــــــــــــــــــ

بِزَغ هاللیله بدرك عالوطیه
محمد علي فرحوا و الزچیه
حفلنه اللیله بأرض الغاضریه
محبتك یا حسین إلنه هویه

بحر و انت السفینه
إذا نرکب نجینه
خواطِرنا .. مشاعِرنا .. إلك یحسین
ــــــــــــــــــــــــــــــ

یبو الأکبر نزل جبریل عندك
یبو الأکبر یهز بیدینه مهدك
کسیر اجناح فطرس من یگصدك
یرد اجناحه یحسین اعله یدك

عظیم و ما أوصفك
فقط ربك یعرفك
خواطِرنا .. مشاعِرنا .. إلك یحسین
ــــــــــــــــــــــــــــــ

یبو الأکبر فرحنه ابهل ولاده
و لا همنه الیضدنه و لا اعناده
فرحنه هذا رب الکون راده
عقیده و کلمن ابخط اعتقاده

و لا یمنع حفلنه
الیضدنه و العذلنه
خواطِرنا .. مشاعِرنا .. إلك یحسین





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يعباس على مهدك [

🎤أداء الملا قحطان البدیري
🖋الشاعر: کرار حسین الکربلائي
📆 ٤ شعبان ۱٤۳۵ هـ.
--------------------
المستهل:

یعبّاس علی مهدك
یعبّاس ردت عهدك
یعبّاس وفي ابوعدك
یبوفاضل یبوفاضل
--------------------

گبل میلادك ابلیله
شفت طیف الکشف همّي
گمر و امبرگع ابرایه
سجد یابالفضل یمّي
فتحت اعیوني لن أسمع
صوت أم البنین أمي
إجه العبّاس و ابوجهك
تفسّر یا گمر حلمي

أناديك صدگ شفتك
هلا بیك یبعد اختك
أناجیك گمر خدك
یبوفاضل یبوفاضل
--------------------

صور یم مهدك أنظرها
و أحبس دمعي بالگوّه
صورة جود بچفوفك
و من الصوره أتروّه
اشگد یشبه علي وجهك
ینگط غیره و امروّه
أگولن مو علي و روحي
تگلّي لا علي هوّه

حروفك علی الساني
و أشوفك علي الثاني
یطوفك نجم مجدك
یبوفاضل یبوفاضل
--------------------

کأن جبریل یم مهدك
نزل یقرالي هالآیه
هَدیناكِ گمر هاشم
کفیل و بي هالکفایه
نطقت ابمهدك و چانت
زینب أول احچایه
گلت مارید لعّابه
أریدن هودج و رایه

تصدلي ابوفه و نخوه
تگلّي الچ فدوه
أصلّي علی زندك
یبوفاضل یبوفاضل
--------------------

تنام الناس و آنه أبقه
أسهر وي گمر لیلي
تلاعب خدي بچفوفك
أناغیك و تناغیلي
إذا عنك غبت ساعه
ابسلامة عمري تدعیلي
و عن حبك تعبّرلي
اعصابه و شیله تهدیلي

یگلبك وفه شایل
اجیتك یبوفاضل
اعله دربك مشه البعدك
یبوفاضل یبوفاضل
--------------------

بعیونك شلت إختك
طبگت ارموشك اعلیّه
امن اگول اسمك أحس روحي
ابعرش الباري محمیّه
إذا محتاج إجه یمك
یحلفك یا گمر بیّه
تگله اوداعة اعیونك
یعمّي روح الحاجه مگضیّه

ابصلاتي یتکبیره
حیاتي یبوالغیره
عباتي العرش عندك
یبوفاضل یبوفاضل



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ رسول الماء ]

🎤أداء الملا قحطان البدیري
🖊الشاعر واثق العيساوي
——————————

أمضي رسولَ المَاءِ شعبُكَ ضامِئاً
و أتلُ علیهِ الصبرَ بالآیاتِ

الغَیمُ یَزحَفُ نَحوَ جودِكَ طائِعاً
یَرجوكَ أن ترویهِ مِن قَطَراتِ

ماذا حکیتَ الماءَ حینَ رَمیتَهُ؟
ما قالت الشَفتانِ مِن کلماتِ؟

أحلامُ أیتامٍ رأتك فَعُد لها
زُر نَومَهم عبّاسُ كالنَسَماتِ

سَکَنَ الظلامُ شِفاههُم فأرجَع لها
وَ املأ سَماءَ الجُودِ مِن نجماتِ

و أنِر سَماءَ الطَفِ تِلكَ سَمائُنا
فَـ بِمَن یَلوذُ العَبدُ بالکُرُباتِ؟

یَبنَ التي صارَت مَلاذَ قُلوبِنا
أمُّ البنینِ وَ حَسبُها مَولاتي

طافَت على كفِّ الوفاءِ ذواتي
و لِحَج عينكَ أحرمت كلماتي

و بِمَاءِ جودكِ قد توضئ خافقي
ليقيمَ قصراً في هواكَ صلاتي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ إلی متی أحار ]

🎤 أداء الملا قحطان البدیري
🖋الشاعر المیرزا عادل أشکناني
—------------------

إلی متی أحار؟
یا غُرَّةَ النهار
فالروحُ باغتِراب
و القلبُ بانتِظار
یا مهدي یا مهدي
—------------------

غارگ بالنهر بس الگلب ملهوب
عایش بالوطن بس أشعر ابغُربه
عایش حالة المطرود الـ ما رحُّبت بیه الگاع
یمشي او ما یدل دربه
حسبه اتجیبه و اتودّیه ألف حسبه
ناثر ما تَبَقّی من نبض گلبه
یبحر لاشتیاقه ابمرکب النُدبه
یدوّر عن ملامح یوسفیّه
من ذَوي القُربی

صمتٌ و انکسار
و الصبرُ بانهِیار
دمعي متی یُجاب؟
یا صاحبَ الدیار
—------------------

ناصب روحي خیمه
ابوسط صحرة شوگ
و أتنطّر تخضّر جیّتك واحه
یَزمزم گلبي العطشان
لاچن العجیب اشلون
انت اللاچم إجراحه
یَدوَاه او یَجَرّاحه
فِلَت صبري امن ایدیّه
ذبیح او یطلُبَك دیّه
غیر انت اللي ذبّاحه؟

عَیشٌ باضطرار
أم مَوتُ اصطِبار؟
في مدمعي سحاب
و في حَشايَ نار




• الّلهُـمَ صَل عَلَی مُحَمّد و آل مُحَمّد
—------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ بلا كلام ]

🎤أداء الملا قحطان البدیري
🖋الشاعر مصطفی الصائغ الکاظمي
--------------------

ابلا کلام و لا عتب
یحرگ سنابل شوگ بچفوف الیتاني
و لا رسالة عشگ خضره
و لا جرح ینزف أماني
جیتك و ممشیت خطوه
و گلبي بجناحه اعتناك
و آنه ضلّیت بمکاني
و بنتظارك روحي شمعه
تنتظر دمعه اعله دمعه
و گطّع چفوف الأمل سیف الثواني
★★★⭐★★★

و تشرب الساعات عمري
و مسمعت صوتك بذاني
و آنه أشرب کاس صبري
و أغفه بوسادة زماني
براسي تتزاحم سوالف
و عالبحر کل جمعه واگف
لحظه حایر لحظه خایف
و أسألك یالمبعد اشهالغیبه
و بنتظاري الموت یاخذني و یردني
أدعي ربي و انت تسمع
بلکي یرجع بلکي یرجع
حِن اعله حالي و تعال
★★★⭐★★★

أحسب أیامك نزیف
و گطره گطره
تنزل ادموعي بدعاء الفرج لجلك
گطره گطره
کل حرف أزرع دمع
یالمهدي و یخضّرلي شجره
قَذیت عیني بغیابك
و الجفن مابیه عبره
و مثل حرث الگاع أحرث روحي
یالملگاك مطره
و ما لفت منك سحابة شوگ الیّه
و لا خبر منك و لا مرسال إجاني
مِنتظر یالمُنتظر یصرخ لساني
ابلا کلام




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ ساعة عمرك ]

🎤أداء الملا قحطان البدیري
🖊الشاعر سيد عبدالخالق المحنه
📆 شعبان ١٤٤٠ هـ.
——————————

ساعة عمرك و المهد ما یحتویك
و هو طف انشاف ماشافوا مهد
بیه امرادم خیل و اسیوف و صهیل
و بیه اخیام و مشرعه و چلمة وعد

اهوایه محتاره بقت أم البنین
الصایر ابعباس ما صار بأحد
لو بچه ما یسکت إلّا ابذولفقار
و من یلزمه بیده مایبچي بعد

من یشوف إخته تجي ایحاول یگوم
و حته لو غافي اعله صوت إخته گعد
من تباوعله یدگ صدره و یصیح
و زینب اتعرفه یگللها عهد

و من یشوف احسین یرفعله الچفوف
و الحسین ایصیح یبوفاضل مدد
ما زحف مثل الخلگ واگف عمود
أول أیامه خذه دور العمد

طیحة الحره تدورلها کفیل
و طیحة الدمعه تدورلها اعله خد
من یدگ عالگاع یعني اخیمنه وین
یمته یا زینب أدگ بیدي الوتد

و من یشوف الماي ینظر للحسین
یعني گبل احسین مایشرب أبد
و من یشوف السیف یعلن بالهجوم
و من یشوف الخیل یتصور صعد

ابگصته ایبین علي و حمزه و حسین
ابخزرته ایبین ألف صعصع رعد
من تجي زینب یحس روحه کفیل
و من تمیل اعلیه یحس روحه سند

من تشبگه یشعر ابطعم الوداع
و من تعوفه یشعر ابچفه انفگد
أول احچایاته زینب، رایه، جود
أول الخطوات خیّال و لِکَد
بالمشي مشیة قیاده و خلفه جیش
اتگول جدامه ألف فارس شرد





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عذرا فاطمه ]

🎤أداء الملا قحطان البدیري
🖊الشاعر واثق العيساوي
📆 استشهاد أم البنين سلام الله عليها ١٤٤٠ هـ.
——————————

عذراً فاطمه اتعرفینها النیّه
أسولف عالجروح الأوجرت بیّه
عذراً فاطمه و شیفید نتعذّر
نسینه امصیبتچ و الضلع المکسّر
و لا چنه لعزائچ صایر المنبر
التهینا ابروحنه و امصابچ اتکتر
و الینساچ بالله اشلون تالیّه

عذراً فاطمه من ضلعچ المکسور
الله و انتي تدرون الگلب مجمور
و المنبر نصیحه لنفسي و الجمهور
دخیلچ سامحینه و غطّي عالمستور
استري أفعالنا العالناس مخفیّه

التهینا ابروحنه و شغلتنا دنیة زیف
و المفروض قدوه انصیر ألف یا حیف
کلمن بالوجه رافع لأخوه السیف
و اهي دنیه اشتطوّل احنه مثل الضیف
اشما عمّرنه هاي الدنیه مگضیّه

تره المنبر جبل و القمه بأبعد حد
لا تدفع أخوك الخادم و تصعد
اشگد حلوه الخدم بحچایه تتوحّد
لا لعبه نصیر ابّین جذب و شد
شنهو ایفرّحك لونها اتزوغ رجلیّه

ما بینه إمام و لا ملك معصوم
امن أغلط بالنصیحه استرني عالمضموم
و گدام البشر گلهم نقي و محشوم
خل نشکر الخدمه و خل علینه اتدوم
کلمه و خلها بذنك دوم ترچیّه

بیت الخدمه لمنه و احنه بي خوّان
خدّام الحسین اشمحله هالعنوان
تفرُقنا ایرجّح چفّة العدوان
و علینه ایمد بدال السانه ألف السان
او یامه ناس ضاعت بالأنانیّه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ لبيك يبن كرام الخلق ]

🎤أداء الملا قحطان البدیري
🖊الشاعر عمار هليل الواسطي
——————————

لبيكَ  يا  ابنَ  كِرامِ  الخلقِ  يا  أملي
في  كُلِ  لحظٍ يُنادي الدمع من مُقلي

يا صاحِبَ الأمرِ قد ضاقَ الزمانُ بها
روحي و في الأفقِ يدنو عن أسى أجلي

متى  أراك  و  هل  في  الصبرِ  منفعةٌ
و  اللهُ  قد  أعييتُ صبري و مُرتحلي

أنا   من   ديارٍ  أعزَّ  اللهُ  ساكِنها
من  بقعةِ  الحقِ  من  أرضِ  الوليِّ  علي

ناديتُ  لّبيكَ  يا  أملَ  الأنامِ  عسى
أن  تُطفئ  الشوقُ  يا موعود مُذ أزلي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يرماد الخيام ]

🎤أداء الملا قحطان البدیري
🖊الشاعر كرار حسين الكربلائي
📆 الليالي الفاطميه ١٤٤٠ هـ.
——————————
المستهل:

یرماد الخیام سالفتك اتفت الصخر
یرماد الخیام بچّیت چم عین و نحر
یالطافي بجدام ازغار
ماتنّسي یبن النار
ــــــــــــــــــــــــــــ

جابك الي متن الهوه من الطفوف اتعنه
گتله آنه أم الأربعه الماعدها غیر الونه
یرماد یمخلفك جمر چم گلب حارگ إلنه
ریحتك مو ریحة خیم وصلتني ریحة جنه

شمیتك اهواي حد ما خلص بیه النفس
شمیتك اهواي حد ما الدم بیه یبس
ابچم اید تارك تذکار
ماتنّسي یبن النار
ـــــــــــــــــــــــــــــ

یرماد أخبرك و الجرح من یوم عاشر ماطاب
زینب تره بت فاطمه و خیمتها بت ذاك الباب
من سحگتك زینب بچت کل دمعه دیره امن اعتاب
لو منك ابذاك الوکت چا صرت یرماد اتراب

چان الرمل حار فوگاه جدم ماینگل
چان الرمل حار و انت أحر امن الرمل
یمك شسولف أحتار
ماتنّسي یبن النار
ـــــــــــــــــــــــــــــ

یرماد تدري و هالخیم بانیها چف ماینعاد
زینب تشم منك عطر چف ابوفاضل یرماد
یمك علیل ابلا دوه من خیمته یطلع راد
من گام طاح اعله الوجه و اصبغت وجه السجاد

یابالفضل صاح طاحت یعمي اعمامتي
یابالفضل صاح جدامي ضربوا عمتي
حیله مثل حالك صار
ماتنّسي یبن النار
ـــــــــــــــــــــــــــــ

یرماد ماتدري بعد و حسین هم بچّیته
جوه حوافرها و سمع بالنار حرگوا بیته
ما چان تمشي اویه الهوه چان الخبر ضمیته
یرماد گطعوا منحره و ابمنحره چویته

فوگ الرمح چان و انت تطوف اعله الرمح
فوگ الرمح چان من شافك انعاد الذبح
راسه عله اعیاله اندار
ماتنّسي یبن النار
ــــــــــــــــــــــــــــــ

یرماد من رد الضعن تلگیته بس محنیه
الگاك بثیاب الحرم کلما أشم علویه
ابهم عن رقیه ناشدت یهل الضعن ماهیه
گالولي ماتت بالسبي و ابجمرتك مچویه

آه الیتیمات وناتهن بچّن عرش
آه الیتیمات فوگك غفن لیل اهدعش
اویاك الحچي ابمدمع صار
ماتنّسي یبن النار





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أحتار بمعانيك ]

🎤أداء الملا قحطان البدیري
🖊الشاعر واثق العيساوي
🎈مولد الإمام الحسن المجتبى عليه السلام
——————————
المستهل:

إلی الحسن أرفع ندائي
یا أول مخطط کربلائي
أحتار بمعانیك
و آنه ابکیفي أسمیك
یا أول مخطط کربلائي
ـــــــــــــــــــــــــــــــ

إجت یم مولدك یا سیدي أحلی البشایر
محتار أرد أوصفك یالحسن و لساني حایر
أنا بعالم وجودك سافرت و جناحي طایر
یا أول مؤسس للطفوف و فکره ثائر

ممهد للرساله العالمیه
أسست المجد للغاضریه
فکره و چانت اویاك
کل الکون سماك
یا أول مخطط کربلائي
ــــــــــــــــــــــــــــــ

لیلة مولدك صاغ الزمن یم فاطمه أسرار
رغم بعدك طفل خله الکرم بچفوفك آثار
تغذیت الشجاعه و العلم و امعمم ایثار
دار و بي علي و بي فاطمه شتعلم الدار

منزل فاطمه للحق سفاره
قیاده و عاصمة فقره و وزاره
و علي بیها یربیك
بمهدك من یناغیك
یا أول مخطط کربلائي
ــــــــــــــــــــــــــــــ

مضیفك باب جنه و الگصدها ماظن یخیب
و اچفوفك رحیمه و کل جرح لو مرك ایطیب
بیبانك شمس من الکرم ماتقبل اتغیب
و لو حتی الشمس مثلك شمس ماتگدر اتجیب

یا أول غصن یثمر هدایه
جمالك نزّله المعبود آیه
سبحانه اللي سواك
الکرم و السیف یمناك
یا أول مخطط کربلائي
ــــــــــــــــــــــــــــــ

نیشان الورد حط عالمهد یبن الأطایب
استحه وجه الگمر من السمه هاللیله غایب
ذایب کل محب من الفرح دلاله ذایب
و أعلن هالجفن من الدمع هاللیله تایب

نحضر اورود و اشموع و صواني
و ضحکه امن الگلب و أطیب أماني
نوزّعها اعله الأحباب
نصیح اویه الهوه الهاب
یا أول مخطط کربلائي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صاح الجرح ]

🎤أداء الملا قحطان البدیري
🖊الشاعر سيد عبدالخالق المحنه
◾️استشهاد أميرالمؤمنين عليه السلام
——————————
المستهل:

صاح الجرح صاح
حیدر علي راح
وي دمعة أحبابه
ظل یبچي محرابه
حیدر علي راح
ــــــــــــــــــــــــــــــ

تظل وحشه یحیدر دارنه ابفگدك
و آنه اشلون أشوف الدار من بعدك
أنا زینب یمن ارویحتي عندك
یریت اویاك بویه اتمدد ابلحدك

وین الصبر وین
بعدك یبو احسین
و اشیحمل اغیابه
ظل یبچي محرابه
حیدر علي راح
ــــــــــــــــــــــــــــــ

أعاین لأخوتي و الروح ملهوفه
کل واحد ینشف دمعه بچفوفه
شفت دهري علیّه جرّد اسیوفه
کلف حیدر بعد هیهات ماشوفه

یا وحشة الدار
بعدك یکرار
ماخمّد امصابه
ظل یبچي محرابه
حیدر علي راح
ـــــــــــــــــــــــــــــ

وین الفاجد الولیان رایدته
بس واحد علي و الیوم فاگدته
علّمت الیتیم النوح علّمته
او من زغري الحزن ویاي ماعفته

من عصرة الباب
عاشرت المصاب
وین القلع بابه
ظل یبچي محرابه
حیدر علي راح
ـــــــــــــــــــــــــــــ

گبل یوم الزچیه النوح ماعرفه
یا ثالث جرح بالروح مایشفه
اشیظل بالبیت بویه لو وگع سگفه
او بس انت ابجفاك انگول یا وسفه

و اتزود الآلام
من صوت الأیتام
یالتعرف اجوابه
ظل یبچي محرابه
حیدر علي راح
ــــــــــــــــــــــــــــــ

أشمن ریحتك و ارکض و أدورنك
و أصیحن یا علي بویه و أحشمنك
یا راعي الکلافه الیوم أریدنك
أشوف اعمامتك و اصرخ و أشمنك

یا عطر الأحباب
بنفاسي ما غاب
من جمرة اغیابه
ظل یبچي محرابه
حیدر علي راح
ــــــــــــــــــــــــــــــ

أسمع بالحمیه اتصیح یا حیــدر
و اتصیح الکلافه الیوم من یحضر
یبس هرش الموده و خضّر امن الشر
و عطش بحر الصبر و الروج یتعثر

غیض البحر بان
و الدمعه سفّان
سهم الهجر صابه
ظل یبچي محرابه
حیدر علي راح





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ محتار ]

🎤أداء الملا قحطان البدیري
🖊الشاعر علي عباس الربيعاوي
◾️الليالي الفاطميه ١٤٤٠ هـ.
——————————
المستهل:

محتار بالدار حیدر حیدر
باچر یودي الشمس للگبر
ــــــــــــــــــــــــــــــ

حیدر ابداره الغریبه
رایح و راد اعله ذیچ الذکریات
یوصل لحجرة الزهره
و یذکر الزهره بعد مو للحیاة
اگباله حاجات العزیزه
الرحّه و التنور هم امعذّبات
و النفس حسره اعله حسره
راحت امن ایده الزچیه و کلشي مات

عالصار منهار حیدر حیدر
المنحني یقنع ابیا عذر
باچر یودي الشمس للگبر
ــــــــــــــــــــــــــــــ

لملم الحیل التطشر
و بالصبر گام و صعد فوگ الجروح
وصل سجّادة الزهره
ساجده شاهدها بس ابلایه روح
زینب و فضه ینوحن
و السمه و اهل السمه کلها تنوح
اتگرّب و گلها دخیلچ
لا یا فاطم آنه بعدچ وین اروح

اسرار بالثار حیدر حیدر
یسمع ابگلبه نبض منفطر
باچر یودي الشمس للگبر
ــــــــــــــــــــــــــــــ

ثگل جلبابه اعله طوله
و صار حیدر ابد مو ذاك الشباب
و الیشوفه مایصدّگ
هذا هو اللي قلع بچفوفه باب
الزهره ظهره و راح ظهره
چانت اتصبره اعله آهات العذاب
عاینلها و طفه وجهه
و صاحن اجروحه سوه ابهذا المصاب

اکتار تندار حیدر حیدر
عایش ابدنیا فوگ الجمر
باچر یودي الشمس للگبر
ــــــــــــــــــــــــــــــ

الحسره من صدره لگبرها
روحه رد البیت ینگط بي حنین
ایخاف لا ینشد علیها
خاف زینب تنشد و خاف الحسین
والله بلوه الحسن بویه
گوم گل لخوانك ایهید الونین
هیه ساعه و تمشي عنکم
اتحضروا ابدمعاتکم باقي السنین

و النار منشار حیدر حیدر
تاکل الکلشي و لا تعتذر
باچر یودي الشمس للگبر
ــــــــــــــــــــــــــــــ

وگفت الدنیا العنیده
ابعین حیدر کلشي عالغبره غریب
و صاحت اجروح الموادع
بذنه یسمع حتی صوت الحب نحیب
انفجع تغرید البلابل
ابطوله جرح و باچر ایروح الحبیب
امخوصر و محني اشکبرها
ایگول فاطم لکن و لا من مجیب

و الحار محتار حیدر حیدر
و لا ذاك اللي سهل ینکسر
باچر یودي الشمس للگبر






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ التفت يا سيدي ]

🎤أداء الملا قحطان البدیري
🖊الشاعر ثامر الوندي
📆 ليلة ١٩ رمضان ١٤٤٠ هـ.
——————————

کفُّ اِبلیسَ علی کفِّ اللعین
هَل تَری یا أمیرَ المؤمنین
ــــــــــــــــــــــــــــــ

اِلتَفِت یا سیّدي روحي فِداك
و ازجُر السیفَ الّذي یَبقی رَداك
أینَ تکبیرُكَ في وجهِ عِداك
و اکتِشافاتُكَ للسِرِّ الدفین
ــــــــــــــــــــــــــــــ

اِلتَفِت یا سیّدي فَالغَدرُ صَال
و دَنی مِنكَ زَفیرُ الإغتیال
ظِلُّ اِبلیسَ تَمادی و استَطال
یَحجُبَ الرؤیةَ عن نُورِ الجبین
ــــــــــــــــــــــــــــــ

اِلتَفِت خلفَكَ فَالمِحرابُ تاه
و دَعاكَ الفَجرُ أن تُنهي الصلاه
قَد أحبَّ اللهَ عبداً فَابتلاه
أن یَری قاتِلهُ مِن قبلِ حین
ــــــــــــــــــــــــــــــ

اِلتَفِت هَل أنتَ تدري بالمَصیر
و تَری استِسلامَكَ الحقَ الأخیر
یا لَهُ سَیفُ المُراديِّ الحقیر
یَنثُرُ السُمَ علی هامِ الفَطین
ــــــــــــــــــــــــــــــ

اِلتَفِت مِن قبلِ جُرحٍ لَن یَهون
و سَیُوؤدّي بِكَ في أیدي المَنون
أنتَ إن فُزتَ فَـ نَحنُ الخاسِرون
و سَنَمضي للضیاعِ المُستَکین
ــــــــــــــــــــــــــــــ

آهِ یا مَولايَ مِن فقدِكَ آه
جُرحُكَ الدامي علی کُلِّ الجِباه
کیفَ مِن بَعدِكَ قَد تحلوا الحیاه
و یکونُ العَیشُ حُبّاً و حنین






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed