📜قصیدة: ] آخر غصن [

🎤أداء الملا قحطان البدیري
🖋الشاعر: عقیل الحسیناوي
🏴لیلة ۲۹ محرم ۱٤۳۹ هـ.
--------------------
المستهل:

یطفّ العاشر اعیونك
الحزن یتعثّر ابلونك
یمهدي اشنقره لضعونك
●●●●●●●●●●
۱/
یا آخر غصن مجروح
محامل دمعتك تحدي
یالمصلّي صلاة النوح
یا آیة سبي و تدّي
یالمأذّن خدر مسلوب
من یا فاجعه نبدي
عرس لو هزّة الکاروك
جود و خوّه متبدّي

یتسبیحة ضمه و لوعه
أبد ماتنشف ادموعه
مظلمه الدنیا من دونك
یمهدي اشنقره لضعونك
●●●●●●●●●●
۲/
اشوکت نندل حزن فیّك
یا ریحة سبایه حسین
عاشورك فلا یخمد
متوسّط بیابي العین
ننام و نصحی عالشوغات
یسدرة منتهی امتیهین
چم رمله بأمل طاریك
وحید و عدهه باگه البین

ینفحه و من لدن قدره
ابطلوعك کل جرح یبره
الگطع ما نصّه قانونك
یمهدي اشنقره لضعونك
●●●●●●●●●●
۳/
اترید أقرالك اعلی التل
و الصعدت علیه تعثر
تصیح وین اخوتي بخوف
صدی الـ من عنده یتعذّر
تگوم و تنتهض و اتطیح
تحشّم وین المشکّر
یشیوخ الدلال الراح
دلیلي امن العده مِنطَر

اعلی زینب و الجره اعلی التل
ناس الکتبوا المقتل
قصدهم بي یلچمونك
یمهدي اشنقره لضعونك
●●●●●●●●●●
٤/
رکض عمّك بلایه اچفوف
شوگه ایدفعه لخیامه
تصدّق عینه ما کفّاه
الگاع اتواسي بجدامه
یرکض و السیوف ازحوف
رادن من دِمَه الهامه
سلّم عن بُعُد محتار
بجوده امخذِّمه أحلامه

وگع و احدوده داسوها
و عزیزة گلبه چتفوها
ترد حگهم یریدونك
یمهدي اشنقره لضعونك
●●●●●●●●●●
۵/
الزلم و المو زلم هدّوا
اعلی واحد ینعد بقرآن
داسوا آیة التطهیر
نکروا نعمة الفرقان
نیران و شتیمه و خیل
اسیاط امسودنه و خذلان
امتانینك عزا المهضوم
اعلی جدّه المنذبح عطشان

ابقایه العتره آذیتك
أرید أقره اعلی أهل بیتك
شریچ الهم یتانونك
یمهدي اشنقره لضعونك


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة نعي: ] خطوة جمر [

🎤أداء الملا قحطان البدیري
🖋الشاعر: واثق العیساوي
🏴لیالي استشهاد النبي الأعظم)ص(
📆صفر ۱٤۳۹ هـ.
--------------------

اجیت و کلشي بیّه ایریدك اویاي
یبوفاضل حبیبي أحتاج نظره

أوصف للدرب چنت بمعانیك
أحس ظهره انکسر محد یجبره

زماني ینهضم لو سولفت بیك
یاهو السمع بیك و صاحي ظهره

اجیتك و السفر غیّرني عبّاس
الزمن آثار خلّه بوجهي کثره

لو صاحي و شفتني چان ونّیت
و گلت وجهچ یزینب من یغیره

إذا هنه ذبح خوّان وسیاط
و نیران و خیم و جروح کثره

من التل رکضتي اتساوي عمرین
برمش عیني البیاض اتوضّح أمره

أرید أنسی و أرید أتذکّر اردود
بخیم روحي بعد نیران کبره

الحبل شم اعله ایدي عطرك اغتاض
عِصَر ایدي بشماته اشلون عصره

بحیث اشما گلت من الوجع آخ
مثل أمّي الزچیّه انطوني سطره

إذا بعدك عدل شتظن یگدرون
زلمهم من رحت وصلتلي جسره

إذا بعدك عدل چا سوطهم خاف
ما سوّه اعله متني آثار حمره

ابغیابك گمت أسمّي الماي عبّاس
الشبه بیناتکم بالغیره گطره

الإخت غیرة أخوها و ردتك اویاي
و لیلي ایخوّف و محتاجه گمره

اجیت و بیّه لسه شوغة الماي
یا ماي الأشربه ألگاه جمره



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] راحت الغالية [

🎤إداء الملا قحطان البدیري
🖋الشاعر: واثق العیساوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

راحت امن ایدي الغالیه
و الدنیا ظلت خالیه
راحت امن ایدي
وین القدر وداهه
أخذت اعیوني اویاهه
راحت امن ایدي
●●●●●●●●●●
۱/
عجیب الموت یاخذ یاهو غالي
یبچّي اعیوننه بطول اللیالي
مکان الأم یظل یا ناس خالي
بس الفاگد أمه ایعرفه حالي

و الأمه ما موجوده
انشوف الدمع بخدوده
یبچي بهضیمه
ایصیح أمي ما أنساهه
أخذت اعیوني اویاهه
راحت امن ایدي
●●●●●●●●●●
۲/
جنّه أمي و یشم طیب الدناهه
المحنه اتلوذ و اتصلّي وراهه
السمه تخجل إذا تسمع دعاهه
حتی اللّه اقترن عفوه ابرضاهه

کسر الضلع ماذیهه
تبچي و أنوح اعلیهه
نوح الیتیمه
محنیّه و أتلگاهه
أخذت اعیوني اویاهه
راحت امن ایدي
●●●●●●●●●●
۳/
یا راحه أنتظر ماعندي راحه
أفرك بالحزن راحه اعله راحه
الفگد والدته میعوف المناحه
و بس أمه دوه و مرهم جراحه

وجه أمي فرحة روحي
ضحکتها تشفي اجروحي
کلش عظیمه
محد عرف معناهه
أخذت اعیوني اویاهه
راحت امن ایدي
●●●●●●●●●●
٤/
ییمه أذکر ونینج من تونّین
و من گد الوجع لیلچ تسهرین
یوجه العافیه الما عافني اسنین
اشلون الیوم من ایدي تروحین

یمه البعد یاذیني
ویّاچ أرید اخذیني
فگدچ حریمه
یا زمن و أتمناهه
أخذت اعیوني اویاهه
راحت امن ایدي
●●●●●●●●●●
۵/
یشمعة بیتنه و یا طیب الأیام
وسف جوّه التراب اعیونچ اتنام
بقینه آنه و اخوتي ابدنیة آلام
ونشوفچ یالحزینه بس بالأحلام

و بالحلم لو مرّیتي
طیب و فرح طشّیتي
ایدچ کریمه
چفچ أثر شفناهه
أخذت اعیوني اویاهه
راحت امن ایدي



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] هداية فاطمة [

🎤أداء الملا قحطان البدیري
🖋الشاعر: علي عباس الربیعاوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

الحَمْدُللّهِ الّذي هَدانا
لِخدمَة فاطمه
●●●●●●●●●●
۱/
واجب علی کل الخدم لمّن یصلّون الفجر
بعد الرکعتین الفرض عشرة رُکُع نیّت شکر
مشکور یا ربّ العرش چي شرّفتني بهالأمر
خلیتني أخدم فاطمه و خادم أخلّص هالعمر

کل خادم العایش ملك زمانه
و اچفوفه لاطمه
●●●●●●●●●●
۲/
ندریها مو سهله تره هذا اللي یخدم حضرتچ
إلّا یوافقله علي خاطر یصیر ابخدمتچ
حتی اللي یکتبلچ شعر لمّن یوظّف قصّتچ
حیدر یدقّق کل حرف یلّه تروح لمنبرچ

و المهدي یوگ باللطم ورانه
یبچیلچ الدمه
●●●●●●●●●●
۳/
معروفه عد هاي البشر کل حي یموت بلا هوه
و احنه نموت ابلا لطم صارت مجالسنه الدوه
کل خادم أقرب للملك و ابرفگته ایشوف الضوه
یعني اللي یخدم حضرتچ وي قنبر و فضّه سوه

هاي المحبه بکل گلب أمانه
هَدیّة السمه
●●●●●●●●●●
٤/
وفقینه یالزهره بعد نعبر أحاسیس الدمع
و خلینه نوصل مرحله ویه اللطم نکسر ضلع
انطینه اشاره بمجلسچ صوت القصاید ینسمع
خاطر نرد المستهل حد ما نفسنه ینگطع

و اللي یدوّر عاللطم لگانه
جنود امحزّمه
●●●●●●●●●
۵/
حَيَّ علی صوت العزه حَيَّ علی طاري الخیم
حَيَّ اعله کلشي باللطم حتی اعله رفرفة العلم
دام العزه بي فاطمه تلطم و لا حبها الألم


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] هويتي البكاء [

🎤أداء الملا قحطان البدیري
🖋الشاعر: میرزا عادل أشکناني
📆ربیع الثاني ۱٤۳۹ هـ.
🏴اللیالي الفاطمیه الأولی
-------------------
المستهل:

هَوائِيَ البُکاء
هِوایَتي البُکاء
هَویتي البُکاء
علی البتولِ فاطمه
●●●●●●●●●●
۱/
تایه چنت بس الحزن لگاني
و أعجز أترجم حالتي ابلساني
او صار الدمع بعیوني تُرجُماني

فُك إذنك و زین إستمع
راح أحچي بلسان الدمع
أروي الك قصّة ضلع کسیر
حطّاب و ابسیف الحقد
ظل یگطع اهروش الورد
او صار اللي ما چنت أعتقد یصیر

مَن خانَ عهدَهُ
و جَازَ حدَّهُ
قَد صَبَّ حِقدهُ
علی البتولِ فاطمه
●●●●●●●●●●
۲/
الونه الخفیه ابظلمة الأماسي
اللّه بیها اشگد حچي او مآسي
أخذت کیاني او سلّبت حواسي

غصبوها حگها ابلا سبب
چانوا عرب بس مو عرب
خد حُرمه و اشلون انضرب عجیب
او والیها غوث ابکل شدد
الکل شي أخذ منه مدد
یا وسفه صار ابهالبلد غریب

أینَ المُعینُ أینْ
لوالدِ الحُسین
فَلْتَبكِ کُلُّ عَین
علی البتولِ فاطمه
●●●●●●●●●●
۳/
صارت هویتي الدمعه و المناحه
و أنظر علي ظل یحسب ابجراحه
شاهین لاچن منکسر جناحه

واجب علیّه أنفجع
و أعلگ امن اضلوعي شمع
او من عندي لازم یرتفع ونین
بالخاصره رمح انوِکَز
و الحبل چنّه ابچفّي حَز
عالقدّمت للّه أعز جنین

فالبیتُ طُوِّقا
بالنارِ اُحرِقا
و البابُ اُطبِقا
علی البتولِ فاطمه
●●●●●●●●●●
٤/
عیني سمه و ادموعي چالغَمَامه
و الکون کله مختلف نظامه
حیث الوصي ینجر بلا عِمامه

حتی الهوه الأتنفّسه
جمرة غضه لخیر النِسه
و ابحسرتي عَلَّ و عَسه أموت
او لا شوف حیدر بالحبل
مچتوف و ادموعه تهل
للموت یدعي ربه بالقنوت

تَوَشَّحَ السَوادْ
و باتَ في سُهادْ
فَعُمرهُ حِدادْ
علی البتولِ فاطمه
●●●●●●●●●●
۵/
حتی یحس دلالي بالرزیّه
مدّیت چفّي و اغرَفت بدیّه
من بحر لوعة فاطمه الزچیّه

أغصان صبري اتذبّلت
عاللي من الهم انحِلت
عشرین لا ما کمّلت حرام
صارت ادموعي مذهبي
عالدافعت چف أجنبي
بالباب عصروا چم نبي او إمام

لبضعةِ الحبیبْ
أمسی الفضا کَئیبْ
فَلیَعتَلِ النحیبْ
علی البتولِ فاطمه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] قصة استشهادها [

🎤أداء الملا قحطان البدیري
🖋الشاعر: علي عباس الربیعاوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

ما دام صارت قصة استشهادها
اثلث روایات اللي یخلق رادها
●●●●●●●●●●
۱/
اثلث روایات اللي ظلن و المشن
مایهمن و الحزن طول الزمن
نبقی نبچي من دمه لأم الحسن
لحد ما یطلع ذخر أحفادها
●●●●●●●●●●
۲/
ربنا من گل لعلي إخفي الگبر
اشگد مآرب عنده من هذا الأمر
ما یصیر الوادم اتزور القدر
هیه لیله و تحضر ابمیعادها
●●●●●●●●●●
۳/
مسألة اخفاء مرقد فاطمه
معظله و من الأمور المبهمه
و أعتقد حتی الگبر فوگ السمه
لأن بس ربنا عرف أمجادها
●●●●●●●●●●
٤/
الزهره أکبر من مفاهیم البشر
و لهذا سرها لسه ماظهر
اللي ینطوها الأرض کلها مهر
و الحسن و حسین همه أولادها
●●●●●●●●●●
۵/
اللي من عدها الضلع غفله انکسر
و انکسر ویاه من حیدر ظهر
اثلث روایات القصد نحزن دهر
و نبچي عاللي مایصح اضمادها



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] آه يا زهراء [

🎤أداء الملا قحطان البدیري
🖋الشاعر: مصطفی العیساوي
📆لیلة ۱۵ جمادي الأولی ۱٤۳۹ هـ.
🏴اللیالي الفاطمیه
--------------------
المستهل:

عایش بس ما عایش ذیچ الدنیا الچانت بیها
غابت شمعة روحي الما حسّبت الهم یطفیها
آه آه آه یا زهراء
●●●●●●●●●●
۱/
عایش بین الحسره و بین الـ آه
صعبه الیذکر غالي و ما یلگاه
ما ینسی أیام الراحت

ماینّسن یمّ الحسن ماچنت أصدّگ نفترگ
یالچنتي الي دنیة علي یا نبض البگلبي یدگ

صارت ذکری اباب الماخذ روحي و مارد لیها
غابت شمعة روحي الما حسّبت الهم یطفیها
آه آه آه یا زهراء
●●●●●●●●●●
۲/
رحتي و هذا اللیل بجرحي احتار
لیلي اگصر من کلمة وینج صار
و ما ردت منج کلمه

کثر البچي صرت انتچی لو مر علیه اسم الضلع
صوت الدمع ماینسمع بس بالبچي یموت الشمع

حالي دمعه بعین الفاگد غالي و ما باچیها
غابت شمعة روحي الما حسّبت الهم یطفیها
آه آه آه یا زهراء
●●●●●●●●●●
۳/
کلما طبیت لمحرابچ ألگه آذان
أشهد إنّ الدافع بابچ مو انسان
کاسر ضلع من جنّه

بآخر فرض ظل محتفض محرابچ الظل ابیِتِم
من اختنگ نسمة عشگ بسجادتچ ظلیت أشم

عطرچ ظل بین انفاس أیامي الما ناسیها
غابت شمعة روحي الما حسّبت الهم یطفیها
آه آه آه یا زهراء
●●●●●●●●●●
٤/
عفتي الذکری ابوجه أحبابچ عین
أسمع صوتچ لو سولفلي حسین
او وي زینب أذکر موقف

صاحت حسن راح الوطن من راحت أمنه فاطمه
أم الوفه و العاطفه مفتاح چانت للسمه

عافت کلمه ابین احروف الذکری الما تحچیها
غابت شمعة روحي الما حسّبت الهم یطفیها
آه آه آه یا زهراء
●●●●●●●●●●
۵/
انتي بروحي و کل خطواتي اویاي
عطشان لکلمة أم بیتي اهواي
بلکت بسمي تنادیني

طال البعد ماظن ترد یا من خذت مني العمر
بهذا الأجل مکتوب أظل کل وکتي أعیشك یالهجر

هجرچ جمره بین اضلوعي و افراگچ یچویها
غابت شمعة روحي الما حسّبت الهم یطفیها
آه آه آه یا زهراء



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] عنك راح [

🎤أداء الملا قحطان البدیري
🖋الشاعر: کرار حسین الکربلائي
📆 لیلة ۱٦ جمادي الأولی ۱٤۳۹ هـ.
🏴اللیالي الفاطمیه
--------------------
المستهل:

ما بینك و بین الشمس تحسبها کلها ساعه
الغالي گبل وکت الفجر لازم یتم وداعه
بروحك مدینة آه و الما ردت فرگاه
عنك راح عنك راح
●●●●●●●●●●
۱/
من تگضي ساعه امن اللیل
تهدم رکن من الحیل
و عالفجر عینك لا تبیّن له علامه
عالمغتسل رایح جاي
بس جرحك و صوت الماي
گلي اشلگیت و لجله ذبیت العمامه

ها یحامي الحمه
اتباوع اعله السمه
اشحسّبت چم ضلع
هشموا لفاطمه

یالتغسل بچفك بدر راحل گبل مغیبه
وي کل نفس یا حیدر براسك تلالي شیبه
اشتتنفس ابلیّاه و الما ردت فرگاه
عنك راح عنك راح
●●●●●●●●●●
۲/
ادعي اللّه یا حامي الجار
ام الحسن لا تندار
عندك علم شمسویه السیاط بمتنها
اللّه یعینك و اتشوف
عالوجه آثار اچفوف
شنهي من سطره الطیّحت ترچیة اذنها

و تلگه عدها جرح
هذا چعب الرمح
ابچي و اشبع بچي
گبل اذان الصبح

لا تسأل اشلون انطفه باب الدوه علیها
اتجاوب سؤالك فاطمه لو باوعت ادیها
چف فاطمه طفّاه و الما ردت فرگاه
عنك راح عنك راح
●●●●●●●●●●
۳/
بعینك شفت دیره اعتاب
مدري شتسولف للباب
یا باب بسمارك وصل ضلع الزچیّه
لحظه اسمعت محسن صاح
دزلي أمي خلّیني ارتاح
من گبل شوفة فاطمه شفت المنیّه

وجهي کله دمه
و منتظر بالسمه
لخاطري یا علي
خل تجي فاطمه

قرآن چنت ابلا وحي وکت العصر نزولي
میّت و اجتني فاطمه بچف محترگ تلولي
المحسن وليُ اللّه و الما ردت فرگاه
عنك راح عنك راح
●●●●●●●●●●
٤/
ابوجه السمه ماکو انجوم
عوف الحچي کله و گوم
من گبل متشّد الچفن صیح لبنینك
حلم الحسن ابنك ضاع
خل یشبع امن أمه اوداع
و گله اعله فگد الوالده اللّه الیعینك

المجتبی اعله الضلع
خله یجري الدمع
ینعذر چي نظر
فاطمه تنصفع

و لحسین لاتنطي وکت خل عینك اعله عینه
یمکن یموت امن البچي بموادع الحنینه
اعله حسین ألف ویلاه و الما ردت فرگاه
عنك راح عنك راح
●●●●●●●●●●●
۵/
اصبر بعد یا بوحسین
ما ناشدت زینب وین
هلّتن هاللّه یا علي ابهاي الیتیمه
المخلوقه من گبل النوح
التشبگ أخوها المذبوح
چم مره راحت تنظر اضلوعٍ هشیمه

فاطمه البسمله
الخاتمه بکربلا
حسینك الینذبح
بمنحره اتقبّله

یلا انتهی کلشي و بعد لازم تشد چفنها
دوّر المچان المختفي فاطم وجب دفنها
محبوبك اللّه اویاه و الما ردت فرگاه
عنك راح عنك راح



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] صبح المآسي [

🎤أداء الملا قحطان البدیري
🖋الشاعر السید عباس الموسوي
📆جمادي الأولی ۱٤۳۹ هـ.
🏴اللیالي الفاطمیه الثانیه
--------------------
المستهل:

أری صُبحاً تعتَّمْ
لکسرِ الضلعِ أحرَمْ
لفاطمةٍ عَلا صَوتُ البُکاءِ
علیها الأرضُ ناحت و السماءِ
●●●●●●●●●●
۱/
أری صُبحَ المآسي دمعَهُ جاري
لِما حَلَّ علی الزهراءِ في الدارِ
أری شمساً تنوحُ و تسألُ الباري
بأن یَفنی لها ضِلعٌ بِمِسمارِ

أری کَوناً تَألمْ
یَهِلُّ الدمعَ مِن دَمْ
و أضحی قائماً جُلَّ العزاءِ
علیها الأرضُ ناحت و السماءِ
●●●●●●●●●●
۲/
یُنادي الصبحُ مذعوراً أوا ویلي
و یَسترجي غدا في ظُلمَةِ اللیلِ
أیا لیلُ الدُجی إسعی لتکبیلي
فَنوري للوَری أضحی کسِجیلِ

علی الزهراءِ أظلمْ
سوادُ اللیلِ أرحَمْ
فما أبقی علی الدُنیا ضیائي
علیها الأرضُ ناحت و السماءِ
●●●●●●●●●●
۳/
یَضِجُّ اللیلُ في نجمٍ و أفلاكِ
بآهاتٍ یُناجي صُبحَهُ الباکي
کأنَّ الکونَ مِن إنسٍ و أملاكِ
خَلی یا صُبحُ فلیحیی بإهلاکي

ضَمیرُ الکونِ أعدمْ
و جُرحي قَد تکلَّمْ
لبنتِ المصطفی اُبدي ولائي
علیها الأرضُ ناحت و السماءِ
●●●●●●●●●●
٤/
یَذوبُ الصُبحُ في نارِ الجَوی جَمرا
و یَروي ما جری فیهِ علی الزهرا
بِخلفِ البابِ قد عَدّوا لها الغدرا
و للضلعِ یُنادي المُعتدي کَسرا

أری ضلعاً تَهَشَّمْ
لصدرِ الطُهرِ ألَّمْ
و للّهِ إشتَکَتْ عُظمَ البَلاءِ
علیها الأرضُ ناحت و السماءِ
●●●●●●●●●●
۵/
ألا یا صُبحُ هَوَّنْ کیفَ لا تدري
أنا مَن شَیّعَ الزهراءَ في السّرِ
أ لیلُ الحُزنِ أم لیلُ الأسی أمري
أنا لیلٌ أضاعَ اللیلَ بالفجرِ

إذا الزهراءُ تَسلمْ
کذا بدري یُتَمّمْ
و أبقی ساطعاً في کبریاءِ
علیها الأرضُ ناحت و السماءِ
●●●●●●●●●●
٦/
بآهاتٍ عليٌ دمعهُ یجري
یَهیلُ التُربَ في رفقٍ علی القبرِ
یَمورُ البحرُ إنْ یسمع بما یجري
و أطوادُ رَواسٍ في العری تسري

لها قلبٌ مُتَیّمْ
تُقیمُ الأرضَ مأتَمْ
و تمضي في شجونٍ للعَلاءِ
علیها الأرضُ ناحت و السماءِ



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] دم و دمع [

🎤أداء الملا قحطان البدیري
🖋الشاعر: السید عباس الموسوي
📆جمادي الأولی ۱٤۳۹ هـ.
🏴اللیالي الفاطمیه الثانیه
--------------------

دم و دمع باب و ضلع
بین الفَجِع و المِنفِجع
نار المصاب اعله الباب و الدمعه ما تطفیها
●●●●●●●●●●

أسری الإله ابفاطم و أسراها
من هم ظلمها لجنته أسراها
سبحانه مَن جاعلنه مِن أسراها

أسرة عشگ ما نفترگ
عن فاطمه لو نحترگ
کلما یحرگون الباب نندبها و انواسیها
●●●●●●●●●●

طینة محمد و انتقه فاضلها
للزهره خصها و عالخلگ فضّلها
من قدرته بحر الکرم فاض الها

بحر الحسن رسّه الزمن
و بحر الإبَه حسین انعلن
و بحر المصایب و الآه زینب سُفُن تِرسیها
●●●●●●●●●●

اي و الوضع خیر السنن ولبَتها
کل الوصایه فاطمه لبَّتها
ورثت حزن أمها بصبر ولبِتها

ورثت حزن یوم الدفن
عالنایبه طبگت جفن
أم المصایب زهراء و لزینب اتسمیها
●●●●●●●●●●

کوثر لبنها و ما یجف لبناها
نور العرش و أصله انوجد لبناها
سیّر الکون و سخّره لبناها

ربّ الفلق لمّن خلق
أرض و سمه و الحق نطق
سلّم مفاتیح الکون للطاهره و هادیها
●●●●●●●●●●

باب المصایب بالدمه مَحنتها
أحنت زمنها و الشدد مَحنتها
محنة أسیرة کربلا مِحنتها

نار و إبن سوط و متن
ابلیل المحن ظلت تون
نفس الشمر نفس السوط للنایبه یحدیها
●●●●●●●●●●

أقسم ابسر الفاتحه و مُنزلها
منزل هدی و محبط وحي مَنزلها
سرنه اعله خطها و الجدم مَنزلها

منزِل جدم لا و القلم
خد فاطمه درب الشیم
خطت طریق الأحرار بدم النحر نفدیها



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] أم علي [

🎤أداء الملا قحطان البدیري
🖋الشاعر: علي عسیلي العاملي
📆جمادي الأولی ۱٤۳۹ هـ.
🏴اللیالي الفاطمیه الثانیه
--------------------
المستهل:

فاطِمةٌ خيرُ النِّسا مالتْ إلى الجدارْ
يا ليْتَــهُ شُقَّ لها كـ(رُكنِ المُستجارْ)
فناحَ بيتُ اللهْ
يبكي على زهراهْ
--------------------

١/أمُّ عليٍّ أسرعتْ في خَشْيةِ
أَمْ كعبةٌ لاذتْ برُكْنِ الكعْبةِ؟!
لمّا رآها مُستجارُ الرَّحْمةِ
قال لها يا "مرحباً سيِّدتي"!!

لمّا رأتْ خشيتَها شُقت لها الأحجارْ
لهفي على من حُوصرتْ بِحَائطٍ ونارْ

فَرْقٌ وما أقْساهْ !
يبكي على زَهْراهْ
--------------------

٢/بالشِّبلِ قرَّتْ فاطِمٌ بِنتُ أسدْ
طفلاً ويتلو "قُلْ هُوَ اللهُ أحدْ"
آهٍ على مَنْ عصروا مِنْهَا الجسدْ
بالبابِ حتّى أسقطتْ حُلْمَ الوَلَدْ

كأنَّها قدْ خاطبتْ جنينَها البريءْ :
لا تضْطَرِبْ يا محسنٌ أتى لَكَ المسيءْ!!

بالدَّمعِ نادى "آهْ"
يبكي على زَهْراهْ
--------------------

٣/أمُّ عليٍّ قَدْ رآها أَحْمدُ
خارِجةً في فرحةٍ تُمجِّدُ
لَوْ ينظرُ الزَّهرا تقومُ، تقعدُ
إذ خرَجتْ والمرتضى يُقَيَّدُ

لمْ أنْسَها تدعوهُمُ خَلُّوا "أبا تُرابْ"
فجَاءَها العبدُ وألقاها على التُرابْ

والعرشُ في عَلْياهْ
يبكي على زهراهْ
--------------------

٤/أبكي على بنتِ نبيِّ الأُمّةِ
مُذْ عصروها صرختْ "يا أبتي"
أَوْصيْتَهُمْ :"فاطمتي، فاطمتي"
فأقبلوا بـ"الفيلِ"معْ "أَبْرهَةِ"

ليتَ "الأبابيلَ" أتتْ أمَامَها "جبريلْ"
تَرْميهِمَا بصَخْرتينِ مِنْ لَظى سجِّيلْ

جبريلُ في سَمْاهْ
يبكي على زَهْراهْ
--------------------

٥/جدارُها (الحطيمُ) حقّاً علموا
فعندهُ ذنبُ العبادِ يُحْطَمُ
يا عجباً لمّا أتــاها المُجْرِمُ
كيفَ بِهِ ضلوعُها تُحطَّمُ!!

لِرَحمةِ الرحمانِ هذا بابُها "ميزابْ"
لهفي عليْها كيفَ تُكوى كفُّها بِالبَابْ؟!

فالبابُ واحُزناهْ
يبكي على زَهْراهْ
---------------------

٦/لِبَيْتِ ربّي حُرمةٌ تُعظَّمُ
وحُرْمةُ المُؤمِنِ مِنْهَا أعْظَمُ
فكيفُ أمُّ الْمُؤْمِنِينَ تُظْلمُ
وخدُّها بِكَفِّ رِجْسٍ يُلْطَمُ؟!

"مقامُ إِبْرَاهِيمَ*" محفوظٌ وحتّى اليومْ
لكنْ أبو ابْرَاهِيمَ** أبْكَتْهُ أيادي القَوْمْ

دماً جرتْ عيناهْ
يبكي على زهراهْ

*إبراهيم النبيّ خليل الله (ص)
**أبو إبراهيم : النبي محمد (ص)

أهدي ثوابها إلى الذي فطّر قلبي بغيابه أخي الحاج حسين حسن تغمّدته أمُّ الأئمة (ع) برحمتها.
@AliOsailyAmily
#علي_عسيلي_العاملي



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] قامت القيامة [

🎤أداء الملا قحطان البدیري
🖋الشاعر: علي عسیلي العاملي
📆لیلة ۱۷ جمادي الأولی ۱٤۳۹ هـ.
🏴اللیالي الفاطمیه الثانیه
--------------------
المستهل:

إنّي أنا الفَقار
أراهُ بِنکِسَار
عن رأسهِ ألقی العِمَامه
یَوِدُّ لَو لِفاطمٍ قد قامتِ القیامة
●●●●●●●●●●
۱/
إنّي أنا السیفُ الّذي أبکی الأعادي
نَزفُ الدما شُربي کما الهاماتُ زادي
قد صارَ خدّي دفتري، دمعي مِدادي
أبکي عَلیّاً فارسَ السبعِ الشدادِ

بِلَوعَةٍ یَقولْ
زَهْراءُ یا بَتولْ
قد رُحْتِ عنّي یا حبیبه
و في حَنایا وَحْدتي قد قامتِ القیامة
●●●●●●●●●●
۲/
ذَا حیدرٌ لَیثُ الشَّری حامي الحَمیّه
یَنعی وحیداً وردةَ الدهرِ الزکیّه
أیامُهُ سَوداءَ لمْ تَبرحْ شَجیّه
بَلْ عمرُهُ صارَ اللیالي الفاطمیه

لا یعرِفُ الصَّباحْ
إلّا معَ النیاحْ
یبکي علی أمُ الیتامی
و في عیونِ فجرهِ قد قامتِ القیامة
●●●●●●●●●●
۳/
لمْ ینسَني لمّا أتی القومُ اللئامُ
نادیتُهُ جرِّدْ شِفاري یا هُمامُ
هلْ تُقْتَلُ الزَّهرا و لا یَعلو الحُسامُ
مِن بَعدِ عیْنیها علی الدُنیا السّلامُ

بالدمعِ و الأنینْ
یستذکرُ الجنینْ
للأرضِ بدراً خرَّ عَصْرا
و في السّما لأجلهِ قد قامتِ القیامة
●●●●●●●●●●
٤/
سَیفٌ أنا لکنْ حَدیدِي قد تَفَطّرْ
حتّی نَزِعتُ الغِمْدَ عَن حدّي لاُشهَرْ
بِاللّهِ کیفَ الصَّبرُ و الزهراءُ تُعصَرْ
آهٍ و منها الضِلعُ یا کرارُ یُکسَرْ

فأطْرَقَ الإمامْ
و صَمتهُ کلامْ
هلْ قُیِّدَتْ مِنهُ الشِّفَاهُ
فلَیتَها مِن قبلِ ذا قد قامتِ القیامة
●●●●●●●●●●
۵/
إنْ یَصبِرِ المَولی علی آلامِ فاطِمْ
أصبِرْ علی مُرِّ البَلا بینَ الصَّوارِمْ
حتّی یُنادي عالیاً ربُّ العَوالِمْ
کَبِّرْ بصوتِ الثَّأرِ یا سَیفَ الهَواشِمْ

سَتُصبِحُ الروؤسْ
لِثأرِها کوؤسْ
أشفي غداً قَلْبَ الولایه
و قائمي یُنادي قد قامتِ القیامة



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة‌: ] وكت غروب [

🎤أداء الملا قحطان البدیري
🖋الشاعر: محمد البطحاوي
📆لیلة ۲ جمادي الآخره ۱٤۳۹ هـ.
🏴اللیالي الفاطمیه
--------------------

اللهمَ عجّل لولیكَ الفرج
●●●●●●●●●●

وکت اغروب و امتانیك
نسمه اتحظنك الریه
یالدربك بعید اهواي
مر و اگعدلك شویه
یالعطشان من الطف لهذا الیوم
ماتشربلك امیّه
صحیح الناس مو ناسك
بس موجود عباسك
و امخلیلك الرایه
اعله شاطي ادموع علویه
اسمك شادّه بعتبة سنین الموت
مافارگني لیلیه
یالهجرك هظم یا شیب
ارحم حال راعیه
لو صیرن عظم اوگف
بدربك حیل و اقرا الندبه یومیه
●●●●●●●●●●

اشتم ریحتك بزیارة العباس
و اشوفن رایتك هیه
و اجمع کل وصف ینگال
عسن نتلاگه بالنیه
شایل صورتك یا حیدر الزهراء
و امخلیها شخصیه
سجن کل دنیتي ابلیاك
بس شوفتك حریه
اسمك آنه اخاف الشمس توصل لیه
گمت لبسته چفیه
ناثرلك اعیوني ابدرب الملاگاه
کحلهن و مر بیه
یا فرحة الفقره البات بیهم عوز
مرني و شوفني اشبیه
●●●●●●●●●●

بیه أطفال عطشانین
و اخت احسین مسبیه
و بیه اخیام محترگات
ماتنطفي ابلطمیه
و بیه انحور مرتفعات
فَي ارماح مدمیه
الك چم ثار عد اعداك
و الك مسلوبه ترچیه
ما یرکد الثار ایفور
تبرده ازنود راعیه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يعافيتي [

🎤أداء الملا قحطان البدیري
🖋الشاعر: أمیر فاضل السبتي
📆لیلة ۳ جمادي الآخره ۱٤۳۹ هـ.
🏴اللیالي الفاطمیه
--------------------
المستهل:

ردیلي یعافیتي
مخنوگ الهوه ابریتي
ردیلي یعافیتي
●●●●●●●●●●
۱/
رایحه و نظراتي صارت بس تعالي
بعیني شبعت نوم یالزهره اللیالي
الباله خالي مایحس بالبیته خالي
الوادم ایحسبون چم شیبه ابخیالي

أتعافه یمَرْضیّه
إذا وجهچ یِمُر ضَیَّه
یِمُر ضَیَّه یعافیتي
●●●●●●●●●●
۲/
صوتچ ایرد حیلي لمّن چنت أسمعه
و هسه یدفعني الهوه ابطارف اصبعه
الوحشه أصلّیها نعي و أنویها رجعه
مو ثواني لجیتچ أحسب دمعه دمعه

بموتچ لا تقنعیني
خیالچ عایش بعیني
عایش یعافیتي
●●●●●●●●●●
۳/
الناس إذا رادت تگوم اتنادي بسمي
او یا علي ایگوّمني و ایمشّیلي جدمي؟!
من حنانچ فاطمه اتمنیتج أمي
یا نبیّة بیتي ردي و بیّه رُحمي

گولي یا علي و گومي
گُوّه شایل اهدومي
گولي یعافیتي
●●●●●●●●●●
٤/
میّت و یمچ عدل ردّیني مَرّه
المگبره اشمحلاهه حفره و یمها حفره
کلشي یابس بیّه بس ادموعي خضره
انتي سطره ابعینچ آني ابّالي سطره

رحتي و بیمن اتصبّر
حایر حیدر ابحیدر
حایر یعافیتي
●●●●●●●●●●
۵/
گومي یا أوّل ضوه بعیوني شفته
گومي فَي الصیف من ظلچ عرفته
گاعد حسین ابمچانچ وحده عفته
العایش ابلا أم یعرفو من صفنته

ما یبچي الطفل سکته
الطفل حظن أمه سالفته
أمه یعافیتي
●●●●●●●●●●
٦/
ابعیده ریت المگبره و ریتچ قریبه
اللیل یخلص عالیفارگ شیبه شیبه
ساعد اللّه الیمشي بجنازة حبیبه
العنده غایب یا ثواب اللي یجیبه

ابثوابچ روحي اخذیها
ابمچان الحَمْدُ أهدیها
روحي یعافیتي
●●●●●●●●●●
۷/
استراحي و البچي خلیه إلیّه
المگبره ایگولون مابیها أذیّه
اوداعة اللّه فاطمه و محروسه بیّه
انتي میته و ریحتچ عدله بدیّه

اشلون ابرجعتي احچیلي
ویّاچ ادفنت حیلي
اشلون یعافیتي



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] المنهج الأكمل [

🎤أداء الملا قحطان البدیري
🖋الشاعر أحمد الماضي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

یا فاطمه أنتِ الصراطُ المستقیم
یا فاطمه آيٌ مِنَ الذکرِ الحکیم
المُنهجُ الأکْمَلْ و المُصْحفُ الأوّلْ
یا فاطمه یا فاطمه
●●●●●●●●●●
۱/
فاطِمٌ دارُ نجاةِ المؤمنین
حُبُها دَوحاتُ نورٍ و یقین
عنها قالَ اللّهُ في الذکرِ المُبین
( أدخُلوها بِسَلامٍ آمِنین )

یا طاهِرة لَولاكِ ما کانتْ حَیاةْ
یا طاهِرة رُغماً علی أنفِ الطُغاةْ
الکَوکبُ الأجملْ و المُصْحفُ الأوّلْ
یا فاطمه یا فاطمه
●●●●●●●●●●
۲/
أیا بَدراً یَبُثُّ النورَ في البدرِ
و أعراجاً مع المبعوثِ إذ یَسري
أتدري ما هِيَ أم کنتَ لا تدري
( سَلامٌ هيَ حتی مطلعِ الفجرِ )

یا عالِمَة أعلمُ مِن کُلِّ العُقولْ
یا عالِمَة أنتِ ضیاءٌ لا یَزولْ
للکاهِلِ الأعْبَلْ و المُصْحفُ الأوّلْ
یا فاطمه یا فاطمه
●●●●●●●●●●
۳/
هيَ التیسیرُ في العُسرِ
هيَ التقدیرُ في القدرِ
یَمینُ اللّهِ بالعَشرِ
لیالي النورِ و الیُسرِ
هيَ الصِدیقةُ الکُبری
( سُبحانَ الّذي أسری )
هيَ القُدسُ هيَ الأقصی
بتولُ الخیرِ لا یُحصی
کمالُ اللّهِ لا نَقصا
و مَن أنکرها یُقصی
بها تکتملُ البُشری
( سُبحانَ الّذي أسری )

یا مؤمِنة أنتِ الطریقُ للیقینْ
یا مؤمِنة خَیرُ نساءِ العالمینْ
یا سلوةَ المُرسلْ و المُصْحفُ الأوّلْ
یا فاطمه یا فاطمه
●●●●●●●●●●
٤/
بتولُ اللّهِ أنتِ السیّده الأولی
رِضاكِ مُحکمٌ ما زالَ مقبولا
حِسابُ اللّهِ أنتِ و الیَدُ الطولی
( لِیَقضي اللّهُ أمراً کانَ مفعولا )

یا فاضِلة یا نِعمةَ الربِّ الرحیمْ
یا فاضِلة یا صَدقَ اللّهُ العظیمْ
میزانهُ الأعدلْ و المُصْحفُ الأوّلْ
یا فاطمه یا فاطمه
●●●●●●●●●●
۵/
أنتِ نبراسُ الصّمَدْ
أنتِ للکونِ وَتَدْ
مَن یُعادیكِ یُقَدْ
لِجَحیمٍ و عَمَدْ
ساعةَ الحشرِ یُشَدْ
( بِحِبالٍ مِن مَسَد )
فاطِمٌ أنتِ السَنَدْ
و نِداءٌ لا یُرَدْ
( قُل هوَ اللّهُ أحد )

یا أمّنا نحنُ فِداكِ یا بَتول
●●●●●●●●●●
٦/
یا أمَّ أحبابي و بنتَ الحبیبْ
في کلِّ حاجاتي أراكِ المُجیبْ
في مُحکمِ التنزیلِ نَصٌّ أتی
کطِلسِمٍ نَحمِلهُ لا یخیبْ
( یا أیّها الناس أتّقوا ربّکم )
و غایةُ التقوی نراهُ النحیبْ
علی مُصابِ فاطِمٌ إنّهُ
( نصرٌ مِن اللّهِ و فتحٌ قریب )

یا قائمة و النورُ في العرشِ أستویْ
یا قائمة بیتُكِ أطهَرْ من طوی
فبیتُكِ الأفضلْ و المُصْحفُ الأوّلْ
یا فاطمه یا فاطمه
●●●●●●●●●●
۷/
نحنُ عُشّاقُ الشعائر
و نُحِبُ اللطمَ تَدرون
و بتولُ اللّهِ بِرٌ
واضحٌ و السرُ مکنون
و کِتابُ اللّهِ صَرّح
ظاهرٌ هذا و مضمون
( لن تنالوا البِرَ حتی تنفقوا مما تُحِبون )

یا فاطمه إسلامُ أنتِ و السلامْ
یا فاطمه ذکرُكِ مِسكٌ للختامْ
المبدأُ الأمثلْ و المُصْحفُ الأوّل
یا فاطمه یا فاطمه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] مساء الحزن [

🎤أداء الملا قحطان البدیري
🖋الشاعر عبداللّه القرمزي
📆لیلة ۳ جمادي الآخره ۱٤۳۹ هـ.
🏴اللیالي الفاطمیه
--------------------
المستهل:

مَساءُ الحُزنِ یا حَیدر
مَساءُ الحسرةِ الکُبری
و أيُّ مصیبةٌ أکبر
و أنتَ تُفارقُ الزهرا
●●●●●●●●●●
۱/
علی الزهراءِ لا صَبرٌ
مساءُ البینِ یا صبري
أنا الکرارُ قَد حَفَرتْ
یَدي هذا المسا قبري
علیكِ تجلّدي یمضي
أیا زهراءُ في العُمرِ
و کنتِ القَدرَ خافیةً
فَمُتُّ بلیلةِ القَدرِ

أصبراً قد بقی بعدَ البتولِ إلیك‌؟
جمیعُ الحُزنِ في الدنیا یَحلُّ علیك
●●●●●●●●●●
۲/
أ کانَ لآدمٍ حُزنٌ
کحُزني أم کتعذیبي
تُری أم جنّةُ المأوی
تُساوي فقدَ محبوبي
و فقدي فاطماً أعمی
بعیني ألفَ یعقوبِ
و لستُ أری علی صبري
یقاومُ ألفُ أیوبِ

أیا قلبي لدیكَ من العذابِ لدیكْ
جمیعُ الحُزنِ في الدنیا یَحلُّ علیك
●●●●●●●●●●
۳/
أ نامَ لآدمٍ جفنٌ
جواري هکذا؟ کلا
فَـ آدمُ حُزنهُ أمسی
یشابهُ حُزنيَ الأعلی
و نوحُ ینوحُ من نَوحي
و طوفانُ الأسی یُتلی
سفینتهُ کفاطمةٍ
مضت و جمیعُنا قَتلی

تُجَدِّفُ کیفَ هل جَلَدٌ بقی بیدیك؟
جمیعُ الحُزنِ في الدنیا یَحلُّ علیك
●●●●●●●●●●
٤/
قَلعتُ البابَ لم أعْبأ
و فقدُكِ قالعٌ قلبي
أعدتُ الشمسَ لکنّي
عجزتُ اُعیدُكِ قُربي
دفنتُكِ کیفَ لا أدري
و عُدتُ أحارُ في دربي
أعودُ الدارَ لا أقوی
ألا رُحماك یا ربّي

هُنالكَ زینبٌ و الدمعُ في عینیكْ
جمیعُ الحُزنِ في الدنیا یَحلُّ علیك
●●●●●●●●●●
۵/
أبا الزهراءِ قد رُدَّتْ
ودیعتکم فَوا لهفي
و کفّي قد دفنتُ بها
فُؤادي کیفَ یا کفّي
دفنتُ النصفَ مِن روحي
و عدتُ أقلَّ مِن نصفِ
ففاطمُ کلُّ وجداني
لقیتُ بموتها حَتفي

تَزلزَلَ رُکنُكَ الصَبّارُ في قَدَمیكْ
جمیعُ الحُزنِ في الدنیا یَحلُّ علیك
●●●●●●●●●●
٦/
فَسَلها یا رسولَ اللّه
ألا ما حالُ ضِلعَیكِ
و ما هذا الّذي یبدو
غروباً بینَ عینیكِ
ألا یا بضعتي قولي
حنانیكِ حنانیكِ
قلیلاً قد تفارقنا
تُری ماذا جری فیكِ

و ماذا یا عليُّ یحارُ في شَفَتیك؟
جمیعُ الحُزنِ في الدنیا یَحلُّ علیك



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: يا أم البنين - عربي و فارسي

🎤أداء الملا قحطان البدیري
🖋الشاعر: حیدر النجفي/عربي
🖋الشاعر: بشیر الکربلائي/فارسي
--------------------
المستهل:

المن تنشدین یا أم البنین
ظل ابلا معین بالحومه حسین
ما ینجبر بحسین واللّه کسرچ
یَمّ البنین اللّه یعظم أجرچ
--------------------

محشر شد به پا در کرب و بلا
فرقش شد دو تا از جور و جفا
از صدر زین روی زمین فتاده
از آن عمو دو آهنین فتاده
یَمّ البنین اللّه یعظم أجرچ
---------------------

صابوه بحجر و اجبینه انکسر
ظل سیف القدر عینه اعلی النحر
مذبوح راح احسینچ و شنخبرچ
یَمّ البنین اللّه یعظم أجرچ
--------------------

شد در علقمه شور و همهمه
بر لب زمزمه یبنَ فاطمه
أدرك أخا برادرم حسین جان
عباس تو تنها میان عدوان
یَمّ البنین اللّه یعظم أجرچ
--------------------

هذا أصعب کسر لا ماظل خدر
و ابأمر الشمر زینب للیسر
زینب سبیّه و لیها جمره بصدرچ
یَم البنین اللّه یعظم أجرچ
--------------------

دلها در نوا از این ماجرا
شد خون خدا زین غم مبتلا
بعد ابوفاضل حرم به غارت
شد زینب مظلومه در اسارت
یَمّ البنین اللّه یعظم أجرچ



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: دمعة وفائي - مکتوبة

🎤أداء الملا قحطان البدیري
🖋الشاعر: مهدي بارون
--------------------
المستهل:

دمعة وفائي شایله ما بین ادیّه
و اتمنی لو تقبلها یا حامي الحمیه
--------------------
۱/

بیتك دخلته و هالشرف یسري اویه دمي
لچن نظرت أولادك و ظل دمعي یهمي
نادیت یا حیدر دخیلك غیّر اسمي
خاف الإسم لولادك ایسبب أذیّه
--------------------
۲/

صح دمعتي تواسیهم و استمع همهم
بس ما ردت یابالحسن أتسمی أمهم
آنه و بنیني بکل فخر نصبح خدمهم
زینب اگلها اتدللي و أمرچ علیه
--------------------
۳/

أربع ولد یابالحسن ربّي نطاني
بسم الحسین اگبالهم یهتف لساني
لابد یجي الیوم إلّذي یتعلی شأني
و اسمع ضحایه اتذبحوا فوگ الوطیّه
--------------------
٤/

یابالحسن عبّاس عندي گُرّة العین
وصّیته ینده سیّدي لو یهتف حسین
بس لمّن انصاب و وگع و بکتره چفّین
إدرکني ناده یا أخي جتني المنیّه
--------------------
۵/

گله یخویه لایظل راسك بحجرك
وین انت راسك یبقی لو ینگطع نحرك
لسوح الحرب لا تحمل و انت اعلی مهرك
خایف اذا توگع تسحگك خیل أمیّه
--------------------
٦/

یابالحسن هذا الوفه الغذیته عبّاس
چم موقف اتسجل اله و یرفع لي الراس
باچر اذا صار الحشر تتجمع الناس
و اچفوفه تنظر یا علي بید الزچیّه

• نعي/أبوذیة

فجعني الدهر بولادي و أنا ابناي
و هدّم کل رکن عزمي ونبناي
یحسین الخلگ کلها و أنا ابناي
الك فدوه یبن حامي الحمیّه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] صوت الحسن [

🎤أداء الملا قحطان البدیري
🖋الشاعر: مصطفی العیساوي
📆لیلة ۵ جمادي الآخره ۱٤۳۹ هـ.
🏴اللیالي الفاطمیه
--------------------
المستهل:

لحظة وداعچ فاطمه
شفت انکسر ظهر السمه
و آنه انهدم حیلي
صوت الحسن یَمّ الحسن
فگد الیحب غربة وطن
یگضي بدمع لیلي
وداع وداع
●●●●●●●●●●
۱/
شلّه بدنیته الودّع ضوه اعیونه
کون الدفن غالي اویاه یدفنونه
الفاگد روحه ما ینگال له اشلونه

شحال المنکسر حاله
بعد یا دنیه تحلاله

آنه ابنچ الیشبه علي
حاچیني یا ریحة هلي
و بإسمي صیحي لي
یا دمعة اعیون الزمن
فگد الیحب غربة وطن
یگضي بدمع لیلي
وداع وداع
●●●●●●●●●●
۲/
گصیره أیام عمرچ ما تهنینه
لیش اثمنطعش عام و تودعینه
یتامه بغیرچ الوادم تسمّینه

أحس بدنیتي ظلمه
ماتت کلمة الیُمّه

المن أعیش بدنیتي
و افراگ عینچ علتي
من وکتي تچّیلي
و أیامي الحلوه انتهن
فگد الیحب غربة وطن
یگضي بدمع لیلي
وداع وداع
●●●●●●●●●●
۳/
کون الولد گبل الوالده موته
و اید أمه الحنینه اتشیل تابوته
لأن صوت المحنه مو مثل صوته

محله اوداع المربیات
تموت أم الولد لو مات

لو هزّت اچفوف الولد
اتحس الإبن نام ابمهد
یا دمعه لولیلي
حضن أمی چن جنّة عدن
فگد الیحب غربة وطن
یگضي بدمع لیلي
وداع وداع
●●●●●●●●●●
٤/
من طبع الأبو هو الیصبرنه
و علي شفته بغیابچ ما بطل ونه
أبو أولادچ ییُمه انکسر أولنه

أبونه و فاگد الزهره
ألچ ویاه ألف ذکری

کلما شفت وجهه الصبح
یقره الحمد قبل الجرح
لخاطر علي احچیلي
لسنینج الما ینّسن
فگد الیحب غربة وطن
یگضي بدمع لیلي
وداع وداع
●●●●●●●●●●
۵/
گعدنه اخلافچ و مکسوره گعدتنه
مر طاریچ یمه بنص سوالفنه
و زینب ویّه أخوها اتصیح عافتنه

و طاحت دمعة اخواني
و شبگ واحد علی الثاني

و احتارت أیام الدمع
یالرحتي مکسورة ضلع
من حزني یا ویلي
ترکت أثر بینه المحن
فگد الیحب غربة وطن
یگضي بدمع لیلي
وداع وداع



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed