يا فاطمة اشفعي لي في الجنة 💞

#تمت #زيارة نيابة عن جميع #اعضاء القناة
في ذكرى ولادة الرسول محمد صلى الله عليه وآله وسلم

#قبل_قليل
#ليلة_الجمعة
#ليلة_ممطرة❤️

#تصويري
#r_m_k

📜قصیدة: ] يا حشد الله [

🎤أداء الملا قحطان البدیري
🖋الشاعر: الشیخ وسام الشویلي
--------------------
المستهل:

یا حشدَ اللّهِ تَقَدّمْ
مَن قالَ بأنّكَ تُهزَمْ
جِئنا لکم عاصِفه
ثاراتُنا زاحِفه
و دِمائُنا هاتِفه
لبیكَ ثارَ اللّه
--------------------
۱/
بسم اللّه نبدي و نذکر الهادي
محمد و احنه بسمه انصیح و اننادي
للثارات بالغیره حِدی الحادي
و الیعادي علي احنه إله انعادي

لبیكَ رسولَ اللّهِ
أنتَ الآمِرُ و الناهي
قَد حلّت الواقعه
أعدائُنا راکِعه
و سُیوفُنا مُشْرِعه
لبیكَ ثارَ اللّه
--------------------
۲/
احنه أم البنین ابهاي وصّتنه
مثل الأربعه بهالیوم نخوتنه
طلعنه و غیرة العبّاس رایتنه
وطننا احسین لجله انبیع مهجتنه

عادَتْ أیامُ الطّفِ
لِحُسینٍ سوفَ نُوفّي
هيَ حَربُنا الحاسِمه
و مَقالةُ الراجِمه
لبیكِ یا فاطِمه
لبیكَ ثارَ اللّه
--------------------
۳/
مثل احسین بالذل واللّه ما نرضه
لصلاة التضحیه من دمنا نتوضه
أکید الباع أرضه ما حفظ عرضه
و إذا راح الشرف شنهو إلّذي ایعوضه

خَسَروا الدارینَ و خابوا
و لِداعِ الذُلِّ أجابوا
لکِنّنا نَفتَخِر
بِدمائنا ننتَصِر
و هِتافُنا یَستمِر
لبیكَ ثارَ اللّه
--------------------
٤/
دخلناهه ابفخر تکریت و العوجه
بحر ثاراتنه فاض و طفح موجه
بعد شمرة عصه و ندخل الفلوجه
نِعَدّلها المشت ویّانه مَعْوُجَه

سَنُطَهِرُ کُلَّ الأرضِ
و علی الأرجاسِ سَنَقضي
هذا هُوَ قَولُنا
فَخُذُوهُ مِن فِعلِنا
و الصَوتُ مِن حَولِنا
لبیكَ ثارَ اللّه
--------------------
۵/
نلاگي الموت احنه و ابغثر باسم
شهادتنا شبیهه ابزفة القاسم
تربّینا ابوفائك یا گمر هاشم
نهتف بالحرب لبیك یا قائم

الحَشدُ بِِإسمِكَ أنشَدْ
یا قائمَ آل مُحمّدْ
ندعوكَ یا سیّدي
بالثأرِ لَو تبتَدي
و شِعارُنا یغتدي
لبیكَ ثارَ اللّه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

[ رسالة شكر ]

🎤أداء الملا قحطان البدیري
🖋الشاعر: کرار حسین الکربلائي
--------------------

اول شي رسالة شکر للموعود
لأن چان ابحشدنه بکل وکت موجود
و ابزوده دحرنه أهل الروایه السود
یبو صالح ینور العین مشکورین
--------------------

ألف شکراً جزیلاً مرجعیتنه
فتوتکم الحفظت النه هیبتنه
بیکم تعتلي اعله النجم رایتنه
یا ترباة أبو الحسنین مشکورین
--------------------

شکراً للمواکب و الحسینیات
طبخکم بي ملح (للذله لا هیهات)
أبو الموکب نشوفه اعله السواتر بات
بالمرقّط خدمتوا حسین مشکورین
--------------------

شکراً کل أبو قدّم عزیز الروح
المهم یبقه الوطن مو مهم إبنه ایروح
شکراً الکم بگد ما حملتوا اجروح
أدري اشکثر ملچومین مشکورین
--------------------

یا أم الشهید اهواي مشکوره
علی افراگ الولد یا یُمه مأجوره
من شفتي النصر شفناچ مسروره
ابنچ رفع راس الدین مشکورین
--------------------

بعد عدنه الشهید الضحه دم نحره
رسالة شکر لازم توصل لگبره
انتصرنه و لو مذمه ما نزف بشره
یا من بالدمه امضحین مشکورین
--------------------

شکراً للیتامه النطوا والدهم
الچنه اشکثر نبچي من نعایدهم
فرحوا بالنصر و ابیوت ماعدهم
الیتامه بحقکم امقصرین مشکورین


• أبوذیة •
ابیقین العدنه ما عشنه وهمنه
أبونه کربلا تبقه وهمنه
أبد میهمنه نتذبح وهمنه
تسلم گبتك یابو رقیه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] دعاء الأم [

🎤أداء الملا قحطان البدیري
🖋الشاعر: واثق العیساوي
ⓣ: @wathikesawee
🏴لیلة ۹ محرم الحرام ۱٤۳۹ هـ.
--------------------
المستهل:

دعاء الأم مجاب
إذا حل المصاب
دمعها اعله الشباب
نزل حسره و عتاب
●●●●●●●●●●
۱/
الأم بالشدد من ترفع ایدیها
من تبچي اعله ابنها و دمعه تجریها
الباري امن العرش مایقبل اعلیها
یسمع هالدعاء و کلشي ینطیها
تره التفگد ولد مهمومه تلگیها
لیل انهار ماتگطع بواچیها

گلب الأم رحیم
لمن ینخه العلیم
میرده الکریم
ینطیه الجواب
●●●●●●●●●●
۲/
بالطف الخیام اجروح متطشره
گبل نار العده بالحسره متوجره
خیمه و بیها صوت الوالده و عبره
صوت اعله الصخر من یوصل ایفسره
یا رب رد علي دلالي ینتظره
خاطرها اعله ابنها الباري میکسره

تنادي یا مجیب
أحلفك بالغریب
ترد ابني الحبیب
بدر من عیني غاب
●●●●●●●●●●
۳/
نادت یا إله الکون عطشانه
مو للماي لأبني و روحي ولهانه
یالردیت یوسف رد علي اویانه
ارید أجري دمعتي و أبچي بحضانه
هذا اولیدي هذا اعلیه حیرانه
شیعوض الولد من یفرغ امچانه

الگلب ما مستراح
اظن اولیدي راح
ادگ راح اعله راح
و راسي بحسره شاب
●●●●●●●●●●
٤/
صاحت یا إلهي المنقذ العالي
یالتدري ابعذابي و نار دلالي
ربّیت و تعبت و کبرت آمالي
بس العدها ابن تدري الولد غالي
ما موجود بس وجهه ایتراوالي
چنه ایصیح یمه و یعلم بحالي

رجع بس گلبه حار
العطش بعیونه نار
الوداع بدمعه صار
گلبها و گلبه ذاب
●●●●●●●●●●
۵/
ودّعها و رجع و عیونها اربیّه
لأبنها الما شربله گطرة امّیّه
شبیه المصطفی و ماخذ معانیّه
ینام اعله الترب عطشان تالیّه
یا ریت العیون اعلیه معمیّه
گبل متشوف جثته بخیمه مرمیّه

یا تعب السنین
ذوّبني الونین
یبني اللّه المعین
و أصبر عالغیاب



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] أيتمت سنيني [

🎤أداء الملا قحطان البدیري
🖋الشاعر: عمار هلیل الواسطي
🏴لیالي استشهاد النبي الأعظم )ص(
📆 صفر ۱٤۳۹ هـ.
--------------------
المستهل:

کیفَ أیتمتَ سنیني یا أبا الزهراء
هاكَ دمعي و أنیني یا أبا الزهراء
للحزنِ هذا موعدي
أیتمتني یا والدي
یا أبا الزهراء
●●●●●●●●●●
۱/
ضاقَ صدري و اُنادي
أینَ تمضي یا فؤادي
یشتکي قلبي
لیتَ شِعري کیفَ أحیا
بزمانٍ شاعَ غیّا
قاطعاً دربي
یا أبي قد ضاقَ ذرعي
لإلهي صرتُ أدعي
أن أری نحبي
فأنا إنْ متُّ بعدك
فأمانُ الروحِ عندك
ینتهي تعبي

کیفَ ألقاك بقُربي تلكَ آمالي
فدعوتُ اللّهَ ربي تلكَ آمالي
جُرحٌ جدیدٌ یبتدي
أیتمتني یا والدي
یا أبا الزهراء
●●●●●●●●●●
۲/
یا أبي إنْ دامَ قهري
ما الّذي یُخفیهِ دهري
من مُعاناتي
بشجونٍ ذا سؤالي
و جِراحي انشغالي
تلكَ مأساتي
هل تُری یسلمُ ضلعي
أم یکون الجمرُ دمعي
حُزنيَ الآتي
هل تَری شجوَ أنیني
فاجعاً ینعی جنیني
وقْدُ آهاتي

کلَّ هذا بنتظاري یا رسولَ اللّه
و تُحیطَ النارُ داري یا رسولَ اللّه
و اللّه یبقی شاهدي
أیتمتني یا والدي
یا أبا الزهراء
●●●●●●●●●●
۳/
یا حبیبَ اللّهِ قُل لي
أ یکونُ الحزنُ ظِلّي
کلَّ أیامي
إنهُ دهرُ العجائب
کي یَری سُودَ المصائب
قلبيَ الدامي
أملي کنتَ لوحدَك
أيَ عیشٍ طابَ بعدك؟
أنت أحلامي
تنزِفُ عمري جروحي
و صَمیمُ الجُرحِ روحي
نبضُ آلامي

أیها الراحلُ عني أمرُنا للّه
و بهِ ما خابَ ظني أمرُنا للّه
و بهِ یقیني سرمدي
أیتمتني یا والدي
یا أبا الزهراء
●●●●●●●●●●
٤/
أظلمَ الحُزنُ نهاري
بجراحي و انکساري
و أنقضی عمري
و أری الجُرحَ تجسَّد
سرمدیّاً ذا مُؤکّد
و ابتدی قهري
کیفَ یُرثیكَ بُکائي
و یُلبّیكَ ندائي
لیتهُ قبري
یا أبي و الحزنُ دائم
أبداً و الصبرُ قائم
جائراً دهري

أفجعَ الفقدُ کیاني آهِ واویلاه
تلكَ أحقادُ زماني آهِ واویلاه
و الدهرُ جَوراً یعتدي
أیتمتني یا والدي
یا أبا الزهراء
●●●●●●●●●●
۵/
إنعدامي أو بقائي
أرهقَ الروحَ عزائي
بالأسی یعدو
و أنا القَیّومُ حسبي
و هو خلّاقي و ربي
و بهِ أنجو
و أری إطلالَ عمري
من سیُطفي وقدَ جمري
ما لهُ یشدو
في متاهاتِ الرزایا
اُبصِرُ الیومَ الخفایا
هي لِيَ تبدو

محنة الدهرِ العصیبِ جُرحكَ الدائم
أنتَ جُرحي و طبیبي جُرحكَ الدائم



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: ] ضوى سنيني [

🎤أداء الملا قحطان البدیري
🖋الشاعر: مصطفی العیساوي
📆 لیلة ۱۹ جمادي الأولی ۱٤۳۸ هـ.
🏴 اللیـالي الفـاطمیـه
-------------------
المستهل:

یالماخذ نظر عیني
لاتدفن ضوه اسنیني
گلبي امن الألم صاح
بویه علي بویه
الماتت أمه گدامه
اللّه ایساعد أیامه
اشلون ابدنیه یرتاح
بویه علي بویه
-------------------
۱/

بویه سولف یا علي روحي ماردت إلي
ماردت اویاك مانعها التراب
أمي مو مالت دفن ورده و انت الها غصن
مشترکه بالروح وضّح لي الأسباب

لیش أمي من دون البشر ماعبرت اثمنطعش
ابستان کون الورد مو حلوه ورده ابنعش

راحت زهرة أیامي بالباب الضلع دامي
خدها ابچفهم انلاح بویه علي بویه
سطرة أمي تاذیني منها زاید اونیني
گلبي امن الألم صاح بویه علي بویه
-------------------
۲/

شنهو ذنبي امن الزغر اتیتّمت باقي العمر
من عملة الباب أفگدها الأیام
عمري خمس اسنین أظن و آنه ادري الأم وطن
و اتقَدر الإحساس لو تنشد أیتام

بس الفگد أم ینسئل و اتجاوب ادموعه
نوح المفارگ ینسمع لو سولف ابلوعه

عالخد سولفت دمعه صوتچ محد ایسمعه
دمع اللي یسولف للألم راح بویه علي بویه
أشتاگ لنظر عینچ اشلونه الفارگ اسنینچ
گلبي امن الألم صاح بویه علي بویه
--------------------
۳/

بغیمه جفني ماصحه أبچي لو شفت الرحل
و أتمنی ویاي من وحشة الدار
حالي بعدچ چن شمع تبچي بس ماتنسمع
من یگبل اللیل ایخلیني أحتار

محتاره یم لیلي الصبر مثلچ شمع ذایبه
یعگوب ما عاش العمر لو مارجع غایبه

غابت فرحتي عني ماخذها الأجل مني
دمعي اعلی الوجن طاح بویه علي بویه
ماترهم بعد جیّه اسئل حزني یومیه
گلبي امن الألم صاح بویه علي بویه
--------------------
٤/

ابجرحي متواعد زمن الباب و الخیمه التقن
ما ادري بالنار من تکبر اویاي
اهنا شفت ضلعي انکسر اهناك سالفتي نهر
و امعاتب اچفوف ما رادن الماي

من بابچ و طف کربلا لو سولفت عن خدر
للخیمه هم یکسر ضلع دافعها چف الشمر

الما محسوبه من دیني لیش احباله تاذیني
چفي امن الحبل ناح بویه علي بویه
ناري و بابي و البیها یم الکافل أحچیها
گلبي امن الألم صاح بویه علي بویه
--------------------
۵/

راح أضم باب الألم لجیّتك راعي العَلَم
و أشکي لك اشصار من ذیچ الچفوف
یُمه خَیّچ لو سئل گبري وین ابیا محل
خل یسئل الباب و ابعتبته ایشوف

من یسئل الباب ابدمع عَبّاس ابن فَاطِمَه
ضمیته لأیام الضمه مثل المطر بالسمه

یا غیمة عطش روحي هاك اسمعهن اجروحي
تلچم بیه الجراح بویه علي بویه
روحه تشرگ ابهمي أمه فاطمه و أمي
گلبي امن الألم صاح بویه علي بویه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة : ] سألت المجيب [

🎤الحاج باسم الكربلائي
🎤 الملا قحطان البديري
🖋الشاعر السيد عبدالخالق المحنه
▁▁▁▁▁▁▁▁▁▁


سألت المُجیب یعود الحبیب
و أشوفك قریب یغیاب تعال
▁▁▁▁▁▁▁▁▁▁
۱/
یجیني اللیل و أنتظرك فجر تطلع
یصلّي کل جرح لو أذّن المدمع
تعال و من تجي عرش الحزن یرکع
و أگلك یا فرح لو جیت لا ترجع

صبر مایفید حبیبي بعید
دعاء الغریب یغیاب تعال
▁▁▁▁▁▁▁▁▁▁
۲/
إذا یفرح عذولي اشلون ما أزعل
یگول اغیاب مهدیکم عجب طوّل
إذا فعلاً یحبك خل یجي و یسأل
أبد ما أیّست و لشوفك اتأمّل

حلم ما یروح سکن بالجروح
جرح مایطیب یغایب تعال
▁▁▁▁▁▁▁▁▁▁
۳/
یصیر امن المهد أنتظرك لگبري
و أگولن بنتظارك خلّصت عمري
إذا صاح الجرح مایسکت بصبري
و أحس یمي او تشاهد دمعتي التجري

دموعي انتظار أعیش اعلی نار
شروق او مغیب یغایب تعال
▁▁▁▁▁▁▁▁▁▁
٤/
رجع یوسف بعد غیبه یمهدینه
فرح یعگوب ببنه او فتّحت عینه
متی یاللي رحت عنّه ترد لینه
یناشدني عذولي غایبك وینه

أجاوب یعود یوفّي الوعود
دواء و طبیب یغایب تعال
▁▁▁▁▁▁▁▁▁▁
۵/
شفت أصدق عباره اجروحي من تکتب
شفت أصعب عتاب ادموعي من تعتب
و أنا و جرحي و دموعي کل وکت نندب
حسبنه اشگد حسبنه و هم بعد نحسب

أجیتك جریح دخیلك أصیح
یصبري العجیب یغایب تعال
▁▁▁▁▁▁▁▁▁▁
٦/
تنادیك الزچیه و إستمع ونها
و أنا ونّي علیها مو أقل منها
یأذّني الجروح اللي یأذّنها
أرید أویاك أروح انشوف محسنها

أشوف الجنین و أواسي الحزین
یصیر النحیب یغایب تعال


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: ] منهاجنا علي [

🎤أداء الملا قحطان البدیري
🖋الشاعر: واثق العیساوي
------------------
المستهل:

لا لنْ تُمیتَ وحیَنا
یا ظالماً لـ أمِنا
في الطفِ کُنّا أم هُنا
منهاجُنا علي
--------------------
۱/
زینب چلمتي تنقاس بالقرآن
ثگیله احچایتي و اتکسّر التیجان
گلتها امن الزغر من شبوا النیران
میْموت الوحي و لا یسکت الآذان

في القصرِ حینَ قلتُها
قبلاً أنا رددتُها
من والدي وَرِثتُها
نهجُ الإبا علي
--------------------
۲/
متعوده علی النیران و البیها
تشب بثیاب أمي اگبالي تچویها
زغیره و حرگت ایدي و آنه أطفیها
کُبرت و بالطفوف خیمتي ألگیها

تلكَ الوجوه الظالمه
بُغضاً لأمي فاطمه
في الطفِ ناراً مُضرمه
و خصمُهمْ علي
---------------------
۳/
آه امن الزغر بعیوني طاف البین
و آنه اللي شفت شوقات بالعمرین
سمعت ابـ إذني صوت الطگت الضلعین
اضلوع أمي و بعدها اضلوع أخوي حسین

في الباب ظلماً للطاهره
صدرَ أبن أمي کسّره
خیلُ العدا بحافره
و ألّموا علي
--------------------
٤/
جُرحي امن الزغر و أهل الغدر لچموه
أخوي و ابن أخوي اگبالي هم ذبحوه
محسن طاح بالباب او ولا رحموه
و عبدالله ابسهم بأول عمر فطموه

سهمٌ لطفلٍ قد قتل
و صوتهم حقداً نزل
إقضوا علی خیر العمل
کَمْ یبغضوا علي
--------------------
۵/
حجاب أمي العفاف اتعلمت منه
إهي الکسرت ضلعها و دافعت عنه
منها اتعلمت شیصیر أحفظنه
منو الیگرب حجابي الفاطمي و فنه

لن یقربوا الخدرَ الأبي
هذا الحجابُ الزینبي
مُحَمّـــــديٌ طـالِبـي
و عِطرهُ علي


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] لكربلا خذني [

🎤أداء الملا قحطان البدیري
🖋الشاعر: أبو الحوراء الشمري
🏴لیالي استشهاد النبي الأعظم)ص(
📆 صفر ۱٤۳۹ هـ.
--------------------
المستهل:

لِکَربلاء خُذني
یا طائرَ الحُزنِ
بِجنحكَ المکسور
في أرضِها ضعني
●●●●●●●●●●
۱/
یم الأحبهم یا جنح ودیلي روحي
و ارسم علی وجه السمه کل غیمه نوحي
ما حسّبت یوم المشوا ما یرجعولي
سهم النوایب ما جری خط اعله لوحي

خُذني لِمَن أهْوی
تقْتادُني البَلوی
المَنُّ و السَلوی
لُقیاهُمُ أعْني
●●●●●●●●●●
۲/
حط بأثرهم یا گلب کل خطوه شمعه
و احصد غرابیل البعد کل ضحکه دمعه
إکتب علی جفن الصبر طوّل هجرهم
صوت الهواشم هزني مشتاگ أسمعه

یا لَهْفَها النفْسا
تَشْتاقُهم هَمسا
و الدمعُ ما أمسی
عن قُربِهم یَغني
●●●●●●●●●●
۳/
یم النهر جود الوفه فاض بکرامه
یکتب علی جرف العطش أوضح علامه
من ظلت عیون الخیم مشبوحه تنخاه
إلهم أبوفاضل تره یبعث سلامه

یا صادقَ الوعدِ
کفاكَ إذ تُهدي
نهراً من المجدِ
في جنةِ العَدنِ
●●●●●●●●●●
٤/
رفرف علی گلب إلّذي بالحومه عطشان
و احضن دمه الطفله الگضه و اهدیله جنحان
و إسئل تربها کربلا في یوم عاشور
هذا الحسین اللي وگع لو طاح قرآن

للحقِ قُربانُ
ینعاهُ مَیدانُ
للدینِ أرکانُ
في حُبهِ ذَرني
●●●●●●●●●●
۵/
إسئل علیهم یا وطن هم الغوالي
من رضّت اخیول العده صدر المعالي
منهو الیباریهم اذا سارت هالضعون


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] خادم يحاجي خادم [

🎤أداء الملا قحطان البدیري
🖋الشاعر: کرار حسین الکربلائي
🏴لیلة ۲۸ محرم ۱٤۳۹ هـ.
--------------------
المستهل:

خادم یحاچي خادم
هاي السنه شنقدّم
و نحضه برعایة فاطم
●●●●●●●●●●
۱/
انت الملك و احنه الخدم
یا من شهر حزنك وجب
الیبچي علی امصابك دمع
من فاطمه ایحصّل ذهب
چلمة الخادم غالیه
تسوه العشیره و النسب
حتی الشجر ظل یندعي
کون ابعزه أصبح حطب

مو عجبه یا بوالسجّاد
اصخام الجدر ینطي امراد
غایة الخدمه هذة
نحضه برعایة فاطم
●●●●●●●●●●
۲/
الوادم تصیح النه خدم
و نرضاها هاي لخاطرك
منطینه رتبه اعله الخلگ
یا بوعلي نتشکّرك
اعلیك الإجتك شایطه
امن الخیمه باست منحرك
اخذ التریده سیّدي
و ارزقنا خدمة منبرك

مشهوده الك و ابکل عام
اتبیّض وجوه الخدّام
عالفطره نخدم و انرید
نحضه برعایة فاطم
●●●●●●●●●●
۳/
یحسین زوّدنه بمدد
عن مجلسك ما نفترگ
انطیني جمره امن الخیم
بیها الگلب خل یحترگ
و انطیني من عابس نفس
سودنّي أکثر بالعشگ
مثلك أرید امن اللطم
صدري اعله ظهري ینطبگ

وجهك تخضّب بدماه
و داست حوافر فوگاه
انظل نبچي و النتمناه
نحضه برعایة فاطم
●●●●●●●●●●
٤/
ننظر اعله الوادم تحب
و کلمن یعیش ابعالمه
بس خدمتك مثل البحر
نشرب و کاتلنه الضمه
شیکفّي نبچیلك دمع
و المهدي یبچیلك دمه
الطملك و أکسر ضلع
هیچ اللطم وي فاطمه

کون ابنهایة عاشور
من اللطم صدري مکسور
نعیش ابجزع و المضمون
نحضه برعایة فاطم
●●●●●●●●●
۵/
صاحب فضل ما ینّسي
بس عدنه المجازه صعب
خلّیت جسمك عالأرض
حتی الأرض لا تنگلب
لخاطر نسانه تنحشم
خلّیت زینب تنضرب
أطفالنه تنام برغد
و نامت رقیّه اعله الترب

ابچیلك امن ألبس ثوب
و انت ردائك مسلوب
و الغایه من هذا النوح
نحضه برعایة فاطم
●●●●●●●●●●
٦/
من أحضر ابمجلس لطم
تحتاج هاي لنظرتك
باوعلي رحمه لفاطمه
خلّیني أموت بخدمتك
دایم ادعیني لکربلا
عندي حیاتي ازیارتك
و الجنّه مو بالآخره
واقع الجنّه حضرتك

انت لضیوفك تختار
ادعیني ویّه الزوّار
لمّن نزورك یحسین
نحضه برعایة فاطم


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋موال: ها قد أتیتك - مکتوب

🎤أداء الملا قحطان البدیري
🎤 الشاعر: واثق العيساوي
--------------------

ها قد أتیتُكِ و الأحزانُ تُثْقِلُني
أبکي علی أهلي أبکي علی وطني
أنا مثلكِ جُرحٌ غریبٌ بعیدٌ لَوعةٌ بدمي
ها قد أتیتُكِ و حنینُ هذة الروح للأحبابِ یروقُ لي
أمشي و طعمُ الدمعِ خلفي آهِ مِن زمني
أینَ استقَر القلب ذاكَ الحُزنُ یتبعُني
أنا لستُ إلّا بقایا تائهٌ تَعِبٌ
ترمي بيَّ الأشواق و الآلامُ تبلَعُني
أنا یا زینبُ الحوراء جئتُكِ خادماً
دمعي یؤخِرُني و الأفراح تدفَعُني
أنا مثلُكِ حتماً سـ أصنعُ غُربتي
وطناً و ما عادت دموعُ الشوقِ تُقْلِقُني
أنا سَبيُ البُعدُ أغلالي دموعُ أبي
و شوقُ أمي و بعضُ الحُزنِ في العلنِ
یا زینبُ إنّي سأبقی خادماً
هذا الذي في الغُربةِ العمیاءِ صَبَّرني
لا تحرموا عیني شفاعةَ قلبکم
لمّا أکون رهینَ القَبرِ و الکفنِ

• الّلهُـــــم صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------
• مُحبّي الرادود قَحطانْ البْدري
• للقصائد المكتوبة


@qahtanqasaed

📋قصیدة: یا زینب )مولد( - مکتوبة

🎤أداء الملا قحطان البدیري
-----------------

نورٌ للحَوراءِ تَجَلّی في أرضٍ أشرقَ و سَماء
و کأنَ الشمسَ بِحُلّتِها نزلتْ في بیتِ الزهراء
یا فاطمةٌ أنتِ الکوثر إنّا أعطیناكِ الجوهر
نورُ اللّهِ بـ بیتكِ یزهر و أنارَ جمیع الأکوان
أهلاً یا کُلَّ الإیمان یا زینب یا زینب
------------------

في بیتٍ أُسِّسَ للتقوی للّه یُسبّحُ ما فیه
بعليٍ صار و فاطمةٍ و کساءُ الحقِ یُغطیه
جائتْ و النورُ بِمقدمها زینبُ و اللّه مُعلّمُها
عِلماً و بَهاءً أکرمها و نَمَتْ في بیتِ الإحسان
أهلاً یا کُلَّ الإیمان یا زینب یا زینب
------------------

یا بعضٌ من سرِ أبیها عَبَقٌ من ذاك الإحساس
حسنٌ و حسینٌ بل فیها بطلٌ کـ أخیها العبّاس
صفوةُ کُلِّ الکَونِ بزینب للصبرِ و للعزةِ مذهب
سل عنها الطفُ یُکتبْ تاریخُ العزةِ عنوان
أهلاً یا کُلَّ الإیمان یا زینب یا زینب

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-------------------
• مُحبّي الرادود قَحطانْ البْدیري

https://telegram.me/joinchat/CBpTvz10QtTjHqlmVK7Ocg

📋قصیدة‌: یا زینب الکبری - مکتوبة

🎤أداء الملا قحطان البدیري
🖋الشاعر: واثق العیساوي
--------------------

سلام عیوني من یقرا هلا یا زینب الکبری
من اشفافي للحضره هلا یا زینب الکبری
--------------------

طفله و علي علّمها بالقرآن کلّمها
هیه الفاطمه أمها لابُد تبقی آیه
حسن و حسین اخوتها کُبرت وي عقیدتها
و اچفوف اللي ربّتها ایمان و درایه
عِلِم و ایمان غذّوها کرامه و عزّه ینطوها
ابیت العصمه ربّوها و مجمع للهدایه
سمانه اتصیح مبتشره هلا یا زینب الکبری
--------------------

کتبتچ کل حرف آیه یبنت حیدر یوفّایه
باچر کلنا مشایه ورد یمچ نجیبه
رایه و من ابوفاضل نجیب اویانه للعایل
بعد مانقبل الگایل عن زینب غریبه
سؤال الروح آذانه الچ هالشوگ ودّانه
مُحِب و الحضره عنوانه من یگصد حبیبه
وعد و الروح تنتظره هلا یا زینب الکبری
--------------------

حیاتچ کل معانیها جهاد و تقوی نلگیها
شرف بالطف رسمتیها یا بنت الصمیده
درب الشام ظل شاهد مره بس ابفکر قائد
اخت عبّاس و اتجاهد رایه اتلوح بیدیها
ثوره و هیه قادتها ابفصلها الثاني کتبتها
لهسه و صوت خطبتها چن نبره جدیده
شعار و کتبت الثوره هلا یا زینب الکبری
--------------------

کملتي النصر انتي جیش و تضحیه چنتي
صلتي ابعزمچ و جلتي صوتچ سوه غاره
قصر هدّیتي بعیونچ تحچین و یسمعونچ
چن حیدر یضنونچ علي انتي و فقاره
والله لو نویتیها شمس بیدچ تردیها
کل خطبه التخطبیها للحق و انتصاره
الله الأعلم و أدری هلا یا زینب الکبری

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

--------------------
• مُحبّي الرادود قَحطانْ البْدیري

https://telegram.me/joinchat/CBpTvz10QtTjHqlmVK7Ocg

📜قصیدة‌: ] جهز حياتك [

🎤أداء الملا قحطان البدیري
🖋الشاعر: علي عباس الربیعاوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

یا حیدر و راد الأجل
تتوادعون ابمغتسل
جهّز حیاتك یا علي ابساع
نظره أخیره انوب الوداع
تتوادعون ابمغتسل
●●●●●●●●●●
۱/
تنتهي الرحله الگصیره
یا علي بأول عُمُر
الشیب ما لحّگ یجیکم
ودّه کافور و سِدُر
و ابدال أجمل لیالي
عشتوا آهات الکسُر
اتفارگیتوا ابعصره مره
اتواعدیتوا اعلی الهجُر

شیطیبه گلبك الـ انجرح
گاعد تِغسّل بالفرح
تاخذ حیاتك صوغه للگاع
نظره أخیره انوب الوداع
تتوادعون ابمغتسل
●●●●●●●●●●
۲/
اتغیّم ابروحك مَحَنّه
و تمطر اعیونك ضمه
اشلون أعز مخلوقه عندك
غارگه اگبالك دمه
من تغسّل ذکریاتك
تخنگ ابروحك سمه
طوّل النظره الأخیره
اللیله تدفن فاطمه

أصعب علیك امن الکسر
أم بیتك اتنام ابگبر
و ابعصره وحده کل أمل ضاع
نظره أخیره انوب الوداع
تتوادعون ابمغتسل
●●●●●●●●●●
۳/
ابهیده صب الماي بیدك
چم ضلع منها انثلم
حیل یوجعها کسرها
چن نحر شابگ سهم
میته بس حسّت وداعك
لا خیال و لا وهم
المیّت ایحس گلبه أکثر
بالوداع و بالألم

المیّت یحس أکثر بعد
لو غالي من عنده ابتعد
چا شنهي حرگة کسر الأضلاع
نظره أخیره انوب الوداع
تتوادعون ابمغتسل
●●●●●●●●●●
٤/
انتچي اعلی الحایط ابچي
و خلي صوتك ینسمع
چنها مو صیحه أخیره
و چنّه مو آخر ضلع
رایحه اتأدّي الأمانه
او ویّه طه تنجمع
حتّی أزغر ورده عندك
زینبك هم تنفجع

تحمل علی اچتافك نعش
امفصّل و عمره اثمنطعش
و السدر یکتل حلو الأطباع
نظره أخیره انوب الوداع
تتوادعون ابمغتسل
●●●●●●●●●●
۵/
دخلوا أولادك یحیدر
خل یودعون الوطن
خل یطیحون بحضنها
بحرگه الحسین و حسن
لا یطولون ابچیهم
تدري ماذیها الزمن
اتوقع بلحظة مَحَنّه
طلع ادیها امن الچفن

عن فرحتك ما سولفت
ماتت ضحکتك من وکت
و اجروح گلبك کلش اوساع
نظره أخیره انوب الوداع
تتوادعون ابمغتسل



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] آخر غصن [

🎤أداء الملا قحطان البدیري
🖋الشاعر: عقیل الحسیناوي
🏴لیلة ۲۹ محرم ۱٤۳۹ هـ.
--------------------
المستهل:

یطفّ العاشر اعیونك
الحزن یتعثّر ابلونك
یمهدي اشنقره لضعونك
●●●●●●●●●●
۱/
یا آخر غصن مجروح
محامل دمعتك تحدي
یالمصلّي صلاة النوح
یا آیة سبي و تدّي
یالمأذّن خدر مسلوب
من یا فاجعه نبدي
عرس لو هزّة الکاروك
جود و خوّه متبدّي

یتسبیحة ضمه و لوعه
أبد ماتنشف ادموعه
مظلمه الدنیا من دونك
یمهدي اشنقره لضعونك
●●●●●●●●●●
۲/
اشوکت نندل حزن فیّك
یا ریحة سبایه حسین
عاشورك فلا یخمد
متوسّط بیابي العین
ننام و نصحی عالشوغات
یسدرة منتهی امتیهین
چم رمله بأمل طاریك
وحید و عدهه باگه البین

ینفحه و من لدن قدره
ابطلوعك کل جرح یبره
الگطع ما نصّه قانونك
یمهدي اشنقره لضعونك
●●●●●●●●●●
۳/
اترید أقرالك اعلی التل
و الصعدت علیه تعثر
تصیح وین اخوتي بخوف
صدی الـ من عنده یتعذّر
تگوم و تنتهض و اتطیح
تحشّم وین المشکّر
یشیوخ الدلال الراح
دلیلي امن العده مِنطَر

اعلی زینب و الجره اعلی التل
ناس الکتبوا المقتل
قصدهم بي یلچمونك
یمهدي اشنقره لضعونك
●●●●●●●●●●
٤/
رکض عمّك بلایه اچفوف
شوگه ایدفعه لخیامه
تصدّق عینه ما کفّاه
الگاع اتواسي بجدامه
یرکض و السیوف ازحوف
رادن من دِمَه الهامه
سلّم عن بُعُد محتار
بجوده امخذِّمه أحلامه

وگع و احدوده داسوها
و عزیزة گلبه چتفوها
ترد حگهم یریدونك
یمهدي اشنقره لضعونك
●●●●●●●●●●
۵/
الزلم و المو زلم هدّوا
اعلی واحد ینعد بقرآن
داسوا آیة التطهیر
نکروا نعمة الفرقان
نیران و شتیمه و خیل
اسیاط امسودنه و خذلان
امتانینك عزا المهضوم
اعلی جدّه المنذبح عطشان

ابقایه العتره آذیتك
أرید أقره اعلی أهل بیتك
شریچ الهم یتانونك
یمهدي اشنقره لضعونك


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة نعي: ] خطوة جمر [

🎤أداء الملا قحطان البدیري
🖋الشاعر: واثق العیساوي
🏴لیالي استشهاد النبي الأعظم)ص(
📆صفر ۱٤۳۹ هـ.
--------------------

اجیت و کلشي بیّه ایریدك اویاي
یبوفاضل حبیبي أحتاج نظره

أوصف للدرب چنت بمعانیك
أحس ظهره انکسر محد یجبره

زماني ینهضم لو سولفت بیك
یاهو السمع بیك و صاحي ظهره

اجیتك و السفر غیّرني عبّاس
الزمن آثار خلّه بوجهي کثره

لو صاحي و شفتني چان ونّیت
و گلت وجهچ یزینب من یغیره

إذا هنه ذبح خوّان وسیاط
و نیران و خیم و جروح کثره

من التل رکضتي اتساوي عمرین
برمش عیني البیاض اتوضّح أمره

أرید أنسی و أرید أتذکّر اردود
بخیم روحي بعد نیران کبره

الحبل شم اعله ایدي عطرك اغتاض
عِصَر ایدي بشماته اشلون عصره

بحیث اشما گلت من الوجع آخ
مثل أمّي الزچیّه انطوني سطره

إذا بعدك عدل شتظن یگدرون
زلمهم من رحت وصلتلي جسره

إذا بعدك عدل چا سوطهم خاف
ما سوّه اعله متني آثار حمره

ابغیابك گمت أسمّي الماي عبّاس
الشبه بیناتکم بالغیره گطره

الإخت غیرة أخوها و ردتك اویاي
و لیلي ایخوّف و محتاجه گمره

اجیت و بیّه لسه شوغة الماي
یا ماي الأشربه ألگاه جمره



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] راحت الغالية [

🎤إداء الملا قحطان البدیري
🖋الشاعر: واثق العیساوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

راحت امن ایدي الغالیه
و الدنیا ظلت خالیه
راحت امن ایدي
وین القدر وداهه
أخذت اعیوني اویاهه
راحت امن ایدي
●●●●●●●●●●
۱/
عجیب الموت یاخذ یاهو غالي
یبچّي اعیوننه بطول اللیالي
مکان الأم یظل یا ناس خالي
بس الفاگد أمه ایعرفه حالي

و الأمه ما موجوده
انشوف الدمع بخدوده
یبچي بهضیمه
ایصیح أمي ما أنساهه
أخذت اعیوني اویاهه
راحت امن ایدي
●●●●●●●●●●
۲/
جنّه أمي و یشم طیب الدناهه
المحنه اتلوذ و اتصلّي وراهه
السمه تخجل إذا تسمع دعاهه
حتی اللّه اقترن عفوه ابرضاهه

کسر الضلع ماذیهه
تبچي و أنوح اعلیهه
نوح الیتیمه
محنیّه و أتلگاهه
أخذت اعیوني اویاهه
راحت امن ایدي
●●●●●●●●●●
۳/
یا راحه أنتظر ماعندي راحه
أفرك بالحزن راحه اعله راحه
الفگد والدته میعوف المناحه
و بس أمه دوه و مرهم جراحه

وجه أمي فرحة روحي
ضحکتها تشفي اجروحي
کلش عظیمه
محد عرف معناهه
أخذت اعیوني اویاهه
راحت امن ایدي
●●●●●●●●●●
٤/
ییمه أذکر ونینج من تونّین
و من گد الوجع لیلچ تسهرین
یوجه العافیه الما عافني اسنین
اشلون الیوم من ایدي تروحین

یمه البعد یاذیني
ویّاچ أرید اخذیني
فگدچ حریمه
یا زمن و أتمناهه
أخذت اعیوني اویاهه
راحت امن ایدي
●●●●●●●●●●
۵/
یشمعة بیتنه و یا طیب الأیام
وسف جوّه التراب اعیونچ اتنام
بقینه آنه و اخوتي ابدنیة آلام
ونشوفچ یالحزینه بس بالأحلام

و بالحلم لو مرّیتي
طیب و فرح طشّیتي
ایدچ کریمه
چفچ أثر شفناهه
أخذت اعیوني اویاهه
راحت امن ایدي



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] هداية فاطمة [

🎤أداء الملا قحطان البدیري
🖋الشاعر: علي عباس الربیعاوي
📆ربیع الثاني ۱٤۳۹ هـ.
🏴اللیالي الفاطمیه الأولی
--------------------
المستهل:

الحَمْدُللّهِ الّذي هَدانا
لِخدمَة فاطمه
●●●●●●●●●●
۱/
واجب علی کل الخدم لمّن یصلّون الفجر
بعد الرکعتین الفرض عشرة رُکُع نیّت شکر
مشکور یا ربّ العرش چي شرّفتني بهالأمر
خلیتني أخدم فاطمه و خادم أخلّص هالعمر

کل خادم العایش ملك زمانه
و اچفوفه لاطمه
●●●●●●●●●●
۲/
ندریها مو سهله تره هذا اللي یخدم حضرتچ
إلّا یوافقله علي خاطر یصیر ابخدمتچ
حتی اللي یکتبلچ شعر لمّن یوظّف قصّتچ
حیدر یدقّق کل حرف یلّه تروح لمنبرچ

و المهدي یوگ باللطم ورانه
یبچیلچ الدمه
●●●●●●●●●●
۳/
معروفه عد هاي البشر کل حي یموت بلا هوه
و احنه نموت ابلا لطم صارت مجالسنه الدوه
کل خادم أقرب للملك و ابرفگته ایشوف الضوه
یعني اللي یخدم حضرتچ وي قنبر و فضّه سوه

هاي المحبه بکل گلب أمانه
هَدیّة السمه
●●●●●●●●●●
٤/
وفقینه یالزهره بعد نعبر أحاسیس الدمع
و خلینه نوصل مرحله ویه اللطم نکسر ضلع
انطینه اشاره بمجلسچ صوت القصاید ینسمع
خاطر نرد المستهل حد ما نفسنه ینگطع

و اللي یدوّر عاللطم لگانه
جنود امحزّمه
●●●●●●●●●
۵/
حَيَّ علی صوت العزه حَيَّ علی طاري الخیم
حَيَّ اعله کلشي باللطم حتی اعله رفرفة العلم
دام العزه بي فاطمه تلطم و لا حبها الألم


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] هويتي البكاء [

🎤أداء الملا قحطان البدیري
🖋الشاعر: میرزا عادل أشکناني
📆ربیع الثاني ۱٤۳۹ هـ.
🏴اللیالي الفاطمیه الأولی
-------------------
المستهل:

هَوائِيَ البُکاء
هِوایَتي البُکاء
هَویتي البُکاء
علی البتولِ فاطمه
●●●●●●●●●●
۱/
تایه چنت بس الحزن لگاني
و أعجز أترجم حالتي ابلساني
او صار الدمع بعیوني تُرجُماني

فُك إذنك و زین إستمع
راح أحچي بلسان الدمع
أروي الك قصّة ضلع کسیر
حطّاب و ابسیف الحقد
ظل یگطع اهروش الورد
او صار اللي ما چنت أعتقد یصیر

مَن خانَ عهدَهُ
و جَازَ حدَّهُ
قَد صَبَّ حِقدهُ
علی البتولِ فاطمه
●●●●●●●●●●
۲/
الونه الخفیه ابظلمة الأماسي
اللّه بیها اشگد حچي او مآسي
أخذت کیاني او سلّبت حواسي

غصبوها حگها ابلا سبب
چانوا عرب بس مو عرب
خد حُرمه و اشلون انضرب عجیب
او والیها غوث ابکل شدد
الکل شي أخذ منه مدد
یا وسفه صار ابهالبلد غریب

أینَ المُعینُ أینْ
لوالدِ الحُسین
فَلْتَبكِ کُلُّ عَین
علی البتولِ فاطمه
●●●●●●●●●●
۳/
صارت هویتي الدمعه و المناحه
و أنظر علي ظل یحسب ابجراحه
شاهین لاچن منکسر جناحه

واجب علیّه أنفجع
و أعلگ امن اضلوعي شمع
او من عندي لازم یرتفع ونین
بالخاصره رمح انوِکَز
و الحبل چنّه ابچفّي حَز
عالقدّمت للّه أعز جنین

فالبیتُ طُوِّقا
بالنارِ اُحرِقا
و البابُ اُطبِقا
علی البتولِ فاطمه
●●●●●●●●●●
٤/
عیني سمه و ادموعي چالغَمَامه
و الکون کله مختلف نظامه
حیث الوصي ینجر بلا عِمامه

حتی الهوه الأتنفّسه
جمرة غضه لخیر النِسه
و ابحسرتي عَلَّ و عَسه أموت
او لا شوف حیدر بالحبل
مچتوف و ادموعه تهل
للموت یدعي ربه بالقنوت

تَوَشَّحَ السَوادْ
و باتَ في سُهادْ
فَعُمرهُ حِدادْ
علی البتولِ فاطمه
●●●●●●●●●●
۵/
حتی یحس دلالي بالرزیّه
مدّیت چفّي و اغرَفت بدیّه
من بحر لوعة فاطمه الزچیّه

أغصان صبري اتذبّلت
عاللي من الهم انحِلت
عشرین لا ما کمّلت حرام
صارت ادموعي مذهبي
عالدافعت چف أجنبي
بالباب عصروا چم نبي او إمام

لبضعةِ الحبیبْ
أمسی الفضا کَئیبْ
فَلیَعتَلِ النحیبْ
علی البتولِ فاطمه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed