📜قصیدة : ] يمه زينب [

🎤أداء الملا قحطان البدیري
🖋الشاعر: مصطفی العیساوي
🏴لیلة ۱۸ محرم الحرام ۱٤۳۸ هـ.
■■■■■□■■■■■
المستهل:

یمه زینب أنجرح لو ردت أسئلچ
یمه زینب وین أخوچ او وین خدرچ
خایفه العبّاس گصّر
رادّه او لونچ تغیّر
تغیّر یمه زینب
■■■■■□■■■■■
۱/
راح أمد شوفي اعلی
گد الطف و أشوفه
او من معالم وجهچ
اتبیّن ظروفه
جاي أشم ریحه
اعلی ثوبچ من أطوفه
ریحة الشمّات
و الشمّات کوفه

چن شماته گایله لزینب سبیّه
چن شماته کاسره خاطر رقیّه
گلبچ او گلبي تحیّر
رادّه او لونچ تغیّر
تغیّر یمه زینب
■■■■■□■■■■■
۲/
إبني مو مثل الزلم
راضعته غیره
و أدري من أعتب علیه
یهتز ضمیره
یا أمیرة فاطمه
اشسواچ أسیره
وین أخوچ او لیش
ردیتي اویه غیره

وینه ذخرچ إحچي شو مارد علیّه
وینه ذخرچ لیش ظل بالغاضریّه
گامت أجدامي اتّعثّر
رادّه او لونچ تغیّر
تغیّر یمه زینب
■■■■■□■■■■■
۳/
وین عبّاس أرد أسئله
إشلون بیّه
خل یگوم و یاخذ
اچفوف امن إدیّه
یمه أشوف الظعن
شو مابي رقیّه
لیش بیدچ ثوبها
بس ماکو هیه

خل یگلي وینها ابیا درب ظلّت
خل یگلي خاف فوگ الراس صلّت
وَذّنَت اللّهُ أکبر
رادّه او لونچ تغیّر
تغیّر یمه زینب
■■■■■□■■■■■
٤/
هاي أمانه من أبوچ
او عندي ذمّه
یمه زینب وین عبداللّه
أرد أشمّه
البعده بگماطه و یساوي
ألفین زلمه
لیش أشوف اگماط
بي دم چنّه دمّه

شنهو حاله ماشوفه ویّه الإجوني
شنهو حاله راح ویّه الودّعوني
شلون یَمه الموت سیّر
رادّه او لونچ تغیّر
تغیّر یمه زینب
■■■■■□■■■■■
۵/
یمه إخذي الروح
بس دلّیني وینه
وین أخوچ احسین
الـ امحلّي الظعینه
صدگ گطعوا خنصره
و فذخوا جبینه
فوگ صدره الشمر
گاعد و ابضغینه

إبني وینه احسین ریحانة محمد
إبني وینه فوگ صدره الخیل تصعد
هسه أرید أولادي تحضر
رادّه او لونچ تغیّر
تغیّر یمه زینب


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] كل الرزاية [

🎤أداء الملا قحطان البدیري
🖋الشاعر: کرار حسین الکربلائي
🏴لیلة ۲۲ محرم الحرام ۱٤۳۹ هـ.
●●●●●○●●●●●
المستهل:

ما سامع الطف ابروایه
حاضر چنت کل الرزایه
چم منحر اگبالي انگطع
و الشاف مو مثل السمع
کل الرزایه
●●●●●○●●●●●
۱/
مجلس و زین العباد ابیته صاعد منبره
هالخطیب الیقره مجلس یوم عاشر حاضره
بده بالأنصار واحد بعد واحد بالسره
دمعه یم مقتل حبیب ابن مظاهر دم جره

هذا الکشف عن زینب الهم
من هوّس اباب المخیّم
شفته غیور او ما خضع
الشاف مو مثل السمع
کل الرزایه
●●●●●○●●●●●
۲/
و استمر یقره المقاتل ابلا روایه و لا سند
ایگول چم أم من محرم ظلّت ابحسرة ولد
عایش اجروح الیتامه الـ منها والدها انفگد
عدنا أم ذبحوا طفلها و لسه تبچي اعلی المهد

هاي الرباب الفاگده اتگول
عبدللّه ما شابع دللول
چم غالي راح او ما رجع
الشاف مو مثل السمع
کل الرزایه
●●●●●○●●●●●
۳/
آه و ابکتر الشریعه راح منه اشلون عم
گطعوا ایساره و یمینه او کسروا ابعینه السهم
العمد لمّن صاب راسه طاح عامود الخیم
او راسه متطشر لگیته فوگ چفّه و العَلَم

یا ناس منهو سامع ابهاي
ایموت ماي لخاطر الماي
گوّه سهم عینه انشلع
الشاف مو مثل السمع
کل الرزایه
●●●●●○●●●●●
٤/
صاح ظل احسین وحده چنت حاضر ذبحته
شمر گاعد فوگ صدره امن الگفه حز رگبته
شفت أبویه اگبالي یرفس و آنه أسمع ونّته
الخیل ماخلت عظم لحسین إلّا او کسرته

مثل الزچیه ضلعه مکسور
او حتّی اصبعه من چفّه مبتور
یا سهم من صدره طلع
الشاف مو مثل السمع
کل الرزایه
●●●●●○●●●●●
۵/
لامته خلاهه بیدها دنّگ و دمعه یصب
صاح شافوا طول زینب و هیه ترکض بالحرب
تبقی تتلفت علیّه ابسوط لمّن تنضرب
طاح گلبي من شفتها طایحه فوگ التُرُب

عمتي شفتها اتگوم و اتطیح
حیکم یا هاشم گامت اتصیح
و اعلی المتن سوط انطبع
الشاف مو مثل السمع
کل الرزایه
●●●●●○●●●●●
٦/
چنت أرید الموت لمّن گیّدوني بالحدید
لیش ماجتني المنیّه ابطبتي لمجلس یزید
یضحك و چانن خواتي امچتفات الإید بید
بالطشت جدام زینب یضرب ابراس الشهید

و اللي نهی الطف او مصابه
ماتت رقیّه بالخرابه
خد طفله جدامي انصفع
الشاف مو مثل السمع
کل الرزایه


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] وجه حيدر [

🎤أداء الملا قحطان البدیري
🖋الشاعر الشیخ حیدر الحمیداوي
🏴لیلة ۲٤ محرم الحرام ۱٤۳۹ هـ.
●●●●●●●●●●
المستهل:

ابعازتك یا وجه حیدر أبوي ابعازتك
ابعازتك یا أعز چلمة أخوي ابعازتك
لا قصوراً ببوفاضـل
یا چبیر ابعازتـك
●●●●●●●●●●
۱/
الـ ماله أخو بین الطوایف
ماله من ایعینه
کل أخو یحتاج أخیّه
من تضیج ابعینه
احسین یحتاج أبو محمد
و الحسن لحسینه
إتوفّي لي و آنه اوفي لك
دُر وفا اتغذّینه

ابغیرتك ینضرب صار المثال ابغیرتك
ابغیرتك تنوزن زحمه الجبال ابغیرتك
یا غیور اعلی الأخوّه
او یحلف اللّه ابغیرتك
●●●●●●●●●●
۲/
علّمتني اعلی الأخوّه
و المحاچي الدافیه
چم أخو قابیل أخیّه
و انت خوتك صافیه
انت چلمة خویه لجلك
امن اللّه چنها العافیه
یا شمس بیّن علینا
الدنیا ظلمه او طافیه

احچایتك اتطیّب الگلبه علیل احچایتك
احچایتك رطبه و اتنگط سبیل احچایتك
بالمحاچي چنّك أمّي
روح بیها احچایتك
●●●●●●●●●●
۳/
هسه أتمنی وگفتك
یا بیاض اعیوني
اتشوف یبن أمّي العساکر
آنه الـ ایگصدوني
خلي طشتك راح أهیجك
همهم ایذبحوني
نعم لا یوماً کَـ یَومي
عاري و ایسحگوني

امصیبتك راح أجددها علیك امصیبتك
امصیبتك هي بیّه و هي بیك امصیبتك
ابکربلا أوّل مصیبه
یا عضیدي امصیبتك
●●●●●●●●●●
٤/
تدري یبن أمّي شفکّر
من یموت اولیدي
او من أطیحن عالشریعه
یم چفوف اعضیدي
یاهو الـ ایگلي توچّل
و هاك إلزم إیدي
ابعازتك لمّن أصیحن
عیني دمعچ زیدي

ابشاربك ابداعتي و آنه ابن أبوك ابشاربك
ابشاربك إحضر او تچّي لخوك ابشاربك
انت یا شارب محمد
حیدر آنه ابشاربك
●●●●●●●●●●
۵/
کل أبو گلبه ایتمنّی
ایسوّي عرس اولیده
او جاسم اولیدك خطیه
حان عرسه او عیده
یا أبو جسّام احضر
للولد حنّي ایده
هو عرسه مره وحده
لو خلص شیعیده

اعمامتك لبّس ابنك بالزفاف اعمامتك
اعمامتك وفرة اللّه اعلی العجاف اعمامتك
لبّسه العرش ابعظمته
هو کونه اعمامتك


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] الزاهد الأعلم [

🎤أداء الملا قحطان البدیري
🖋الشاعر: واثق العیساوي
ⓣ: @wathikesawee
📆لیلة ۲۵ محرم الحرام ۱٤۳۹ هـ.
🏴استشهاد الإمام علي السجاد)ع(
●●●●●●●●●●
المستهل:

گلب السما اتفطّر
من إرتقی المنبر
گال آنه ابن حیدر
و الزهرا أمي
ابن الصفا او زمزم
الزاهد الأعلم
امن اسم العلي الأعظم
للیجهل إسمي
●●●●●●●●●●
۱/
شاء الـ إله او راد
و الباري حکمه أکبر
بقصر الظلم و الجور
أول نعي او منبر
ابخطبة علي السجاد
صوت العدل یظهر
تاج الظلم و الجور
من صرخته اتکسر

طبع الظلم میدوم
من ینطق المظلوم
او للطاغي لابد یوم
یاخذ جزائه
او هذا علي السجاد
یفضح الظالم راد
من إرتقی الأعواد
ذل کبریائه
●●●●●●●●●●
۲/
عنده النصر مو سیف
صار النصر کلمه
او بعض الکلام اسلاح
للیگدر ایفهمه
نقمه اعلی بعض الناس
و اعلی البعض رحمه
جیش الضوه ابمعناه
تطّشر الظلمه

رغم الأسر و الگید
و امچتفین الإید
لکن ذل ایزید
و ابقصره حایر
وینه الیعاند وین
گال آنه ابن احسین
او صب دمعته اعلی العین
بس گلبه صابر
●●●●●●●●●●
۳/
درب السبي و أخطار
و اعیوننه اتشوفه
زینب اویاهه أیتام
بالحسره مچتوفه
ما خایف اعلی الروح
بس عالحرم خوفه
کعبة أمانه أیتام
من ترجف اتطوفه

أول نصر مچتوف
و امگیّدینه بخوف
یَمه الیتامه اتطوف
او عمته الغریبه
صبر او حزن و ادموع
صوت الجرح مسموع
حسره التکسر اضلوع
هاي المصیبه
●●●●●●●●●●
٤/
یمشي الجبل مچتوف
من یعقل الحاله
ويه التعلگ أرگاب
للظالم أحباله
للحق صنع دستور
من منهج أقواله
شاء القدر بالطف
ما حانت آجاله

بالعلّه و الآلام
من هجموا الظلام
شاهد حریق أخیام
فوگ الیتامه
یوگع یرد ایگوم
و ابعلّته مهموم
فوگه المنایه اتحوم
هاي الظلامه
●●●●●●●●●●
۵/
یا قائد الأیتام
او رکض السبي الثائر
بین النصر و الـ آه
کل عمرك امسافر
فوگ الجرح و الضیم
تتحدی و اتکابر
فاز الیتبعك دوم
و الحاربك خاسر

بعیونك چم آه
و الطف فلا تنساه
عمرك خلص واللّه
دمعه بعیونك
ساهر تگضّي اللیل
تذکر جیوش او خیل
او دمعك نزل چن سیل
تکبر ظنونك


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] رقيه أم الحزن [

🎤أداء الملا قحطان البدیري
🖋الشاعر: واثق العیساوي
ⓣ: @wathikesawee
--------------------


رُقَیّه أم الحِزن بَعدك یِسَمّوني
▁▁▁▁▁▁▁▁▁▁
۱/
یا بویه بغیابك چم گلب محتار
ابیا نار الأسولف گلّي عن یا نار
بویه الگید یوجع و الچفوف ازغار
و اعیون الحرم یم روسکم تندار

و آنه بلا ذنب بسیاط ضربوني
▁▁▁▁▁▁▁▁▁▁
۲/
خذوني اویه الظعن و الدمعه تبرالي
گلب حتّی الصخر ظل ینحب لحالي
حرم و أطفال بویه اتظل بلا والي
راسك عالرمح یتمایل اگبالي

عزیزة و بعد عینك تدري هظموني
▁▁▁▁▁▁▁▁▁▁
۳/
شحچي لك یبویه عن عذاب الشام
تتشمت الناس و تضحك الظلام
ودونه لخرابه بس حرم و أیتام
اشلون اعیون بنتك یا حسین اتنام

او عطشانه لضحکتك ظلت اعیوني
▁▁▁▁▁▁▁▁▁▁
٤/
یتیمه و الیتیم یا والدي چتّال
مهظومه تظل ابلا أبو الأطفال
یا حال الأشرحه و حال أمَر من حال
و لا کلمة حزن من فرگتك تنگال

نمت من التعب و الدمع بعیوني
▁▁▁▁▁▁▁▁▁▁
۵/
غفیت او شفتك بطیف الحزن یحسین
تمسح راسي بیدك و الدمع بالعین
أنا گتلك بویه أریدك وین أشوفك وین
فزّیت اویه نوحي السَمَّع الصوبین

نحت یا والدي و اعداك سمعوني
▁▁▁▁▁▁▁▁▁▁
٦/
یسمعوني أنوح او طفله من اتنوح
گلب حتّی الصخر ظل عالبچي مجروح
وین ایروح رادك گلبي وین ایروح
ودّولي بطشت راسك یهالمذبوح

سیف الحزن من شفته ذبحوني



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] احياء النفوس [

🎤أداء الملا قحطان البدیري
🖋الشاعر: أبو احمد الخزاعي
🏴لیلة ۱۷ محرم الحرام ۱٤۳۹ هـ.
--------------------


هذة الدِمَاء في کَرْبلاء
معناهه مو قصه او مشاعر
●●●●●●●●●●
۱/
من تبچي لحسین بدمع
ویّاهه عِدّ اذنوبك
من تلطم او گلبك یحن
انوي تِصَلح اعیوبك
من تذکر الطف او تِوِن
اطلب رضا محبوبك
خل گلبك أبیض للخلگ
من تلبس أسود ثوبك

هذة الدُروسْ تِحیي النُفوسْ
و الینذکر فوگ المنابر
معناهه مو قصه او مشاعر
●●●●●●●●●●
۲/
یا من حضرت ابمجلسه
اشرب وفه ویّه الماي
و الناعي لو مر عالخدر
معناهه لعیالك هاي
او من تسمع بنحر الطفل
لطفالك اخلص بالراي
او لو رددت یا لیتنا
معناهه للحگ شَرّاي

و أعْلَم یَقینْ نَهْج الحُسینْ
منهج وعي اتحسّه الضمائر
معناهه مو قصه او مشاعر
●●●●●●●●●●
۳/
احسب اویامن خُوّتك
لو حضر طاري العبّاس
او لو راید اتطفي الخیم
طفّي الفتن بین الناس
من تذکر لزینب سبي
لا تجرح الحُره احساس
او من یلعن السانك شمر
لا تحني للظالم راس

خَط الاُباة مَعنی الحَیاة
و اللي جری ابیوم المآثر
معناهه مو قصه او مشاعر
●●●●●●●●●●
٤/
یا من ردت خادم تظل
دارك تِضَیف الزوّار
لا تعتقد هالدار الك
احسین إهو راعي الدار
سِر الجنان بخدمتك
لاتحرگ الجنّه ابنار
لاتحسب انت اشقدّمت
ضحّت انفوس الأحرار

کانَت سُیوف یومَ الطُفوف
و اتگطّعت روس او مناحر
معناهه مو قصه او مشاعر
●●●●●●●●●●
۵/
لو راید اتعیش ابفخر
تتمنی یصلح حالك
وکت العسر لو بالیسر
خلّي الحسین ابالك
من تخلص أیام العمر
تقره سِجِل أعمالك
و اینادي بسمك مبتشر
تتدلل او یجرالك

هذة الجِنان مُر في أمان
یوم الّذي تُبلی السَرائر
معناهه مو قصه او مشاعر


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: لیل السفر - مکتوبة

🎤أداء الملا قحطان البدیري
🖋الشاعر سید موفّق الموسوي
--------------------

لیل السفر دمعة سهر
شوق القلب سیف بنحر
و السافر و بیده الروح
یا غیبته اشیحملها
--------------------

چف الدهر سیف الحزن سالمنه
ما یوم أبد یابن الحسن سالمنه
جفن المحب دم الدمع سالمنه
مل الصبر یکفي الهجر
لیل البعد نار و تمر
و دمعة الفارق محبوب
چالجمر من یهملها
--------------------

روحه أصبحت حبل الدمع ماسرها
بجفاك یالمهدي الدهر ماسرها
غیبتك طالت یالولي ماسرها
لیل الجرح یرجی الصبح
و أبقی أنتظر یوم الفتح
و صرختك یاللثارات
للناصبه اتزلزلها
--------------------

یا یوسف الزهرا الهجر خلاني
و اجفاك مکسور الظهر خلاني
مهموم و أتنفس جمر خلاني
أنت الضوه و بیك الدوه
من سافرت شح الهوه
و لو میته هم تحیه الروح
بنظرة عطف من خلها
--------------------

تایه ابحرك یالصرت رباني
چفك یغایب عالوفه رباني
سر غیبتك یابن الحسن رباني
أبقی أبتهل نورك یهل
ابوجه الظلم سیفك تسل
و رایة الهادي المختار
ابعالي السما اترف الها
--------------------

بعیوني دمعة صورتك ظل یا شام
یالصرختك صبح و مسا ها یا شام
وي کل نفس عطر المخیم یا شام
و العمتك کل ونتك
نار السبي ما رحمتك
تبچي اعلی زینب و اتصیح
یا زینب و کافلها


• الّلهُـم صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------
• مُحبّي الرادود قَحطانْ البْدیري

•للقصائد المكتوبة

@qahtanqasaed

📜قصیدة: ] هلا بزوار الحسين [

🎤أداء الملا قحطان البدیري
🖋الشاعر: واثق العیساوي
ⓣ: @wathikesawee
🏴لیلة ۲۵ محرم الحرام ۱٤۳۹ هـ.
--------------------
المستهل:

تظل عیني بدربکم
یزوّار أنتظرکم
خدمتي او خیري انتم
هلا بزوّار الحسین
●●●●●●●●●●
۱/
لملمت ربعي او غراضي
او للمواکب جینه
و علی الموعد یالغیاره
ننتظر ظلینه
کون نبقه ابوجه أبیض
لیکم اتعنینه
سنه نجمع قوت أهلنه
او نحس ماوفّینه

و إذا وي أهلي أقصّر
المهم یم موکبي اتمر
تعال ابخاطري اجبر
هلا بزوّار الحسین
●●●●●●●●●●
۲/
یا وکت إسرع اشویه
یلا و ارحم حالي
سنه وحشه اتمر علیّه
الموکب ایظل خالي
حضّرت کل غالي عندي
الغالي بس للغالي
و آنه ماعندي أغلی منکم
یالبختکم عالي

أتاني بعیني دمعه
أصابع ایدي شمعه
أصیح او صوتي اسمعه
هلا بزوّار الحسین
●●●●●●●●●●
۳/
حتّی بیبان المواکب
عالوعد وفّایه
عرفت او فتحت نفسهه
لجیّت المشایه
الرایه وصله اقماش
لکن بیها سر و احچایه
بس گرب موعد الخدمه
ایرف گلبهه الرایه

یحرّکها هواکم
یزوّار او غلاکم
بقت روحي وراکم
هلا بزوّار الحسین
●●●●●●●●●●
٤/
الماي و الچاي المْهَیّل
و الأکل حطیته
و الفراش البي عطرکم
من وکت مدیته
ولدي و الجیران و أهلي
و العرف لمیته
ما نخیت آنه اعلی روحي
لیکم اتنخیته

سمع بیکم و اجاني
او علی الموعد لگاني
سنه گاعد و أتاني
هلا بزوّار الحسین
●●●●●●●●●●
۵/
لاتضیعون المکان
البي ثبت عنواني
موکبي نفسه یزایر
لا تروح لثاني
هیبه بالخدمه التنافس
آنه وي صحباني
اللّه یتباهی ابعددکم
من یزود امچاني

المکان بعیني یکبر
الزرعته اویاکم أثمر
المهم أرضیکم أگدر
هلا بزوّار الحسین
●●●●●●●●●
٦/
إن چان بیت او چان خیمه
لو غرف أبنیها
المهم روحي وسیعه
من ألمکم بیها
المکان ابملگه أهله
و الهلا ابراعیها
و آني کل عمري او رضاتي
هالخدامه اوفیها

و لا معنی لحیاتي
خدمتي البیها ذاتي
صحت حتّی ابمماتي
هلا بزوّار الحسین
●●●●●●●●●●
۷/
بأربعین احسین خادم
للخدم حسبوني
واللّه لو بیدي یزایر
أنطي حتّی اعیوني
کون أحطلك کل شي غالي
ابسفرتي او ماعوني
ما أریدن صیت
أرید ابخدمتي ایقبلوني

حسین إقبل خدمتي
و لا تگطع دمعتي
صحت صوت ابعبرتي
هلا بزوّار الحسین


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] أذان الأربعين [

🎤أداء الملا قحطان البدیري
🖋الشاعر: المیرزا عادل أشکناني
ⓣ: @adel_ashkanani
🏴لیلة ۲٦ محرم الحرام ۱٤۳۹ هـ.
--------------------
المستهل:

حَيَّ علی مزاره
قَد قامت الزیاره
حانت صلاة الزائرین
أذّن أذان الأربعین
●●●●●●●●●●
۱/
اللّهُ أکبر کَبّر ابگلب المُحب صوت النبض
واجب نِلَبّي دَعْوِته و بکربلا انأدّي الفرض
واعله الوعد شفنه البشر تطوي الدرب طول بعرض
هذا الیِجِي ابطَي السمه او ذاك الیِجِي ابطَي الأرض

مِن شِدّة انشِقافه
ما هَمَّتَه المَسافه
شد عزمه مِن أم البنین
أذّن أذان الأربعین
●●●●●●●●●●
۲/
مو رایه بیمیني شِلِت هذا الگلب بیدي یِرِف
یالجنّتك فوگ العقل فوگ الشِعِر فوگ الوصف
او لنّك عزیز اللّه او صرت عد ربنا جاهك مختلف
لو مات واحد بالدرب یخلق لك ابداله ألف

اِسمح لي أرْد أنشدك
اللّه اشکثر یودّك
و الـ (عندَ ذي العرشِ مکین)
أذّن أذان الأربعین
●●●●●●●●●●
۳/
الخلوا مواکب بالدرب خدّام نحسبهم نعم
و الواقع هُمَّ الساده و الأملاك بخیمهم خدم
نصبوا غُرَف جنّة عدن لاتعتقد نصبوا خیم
وزّعوا کوثر للشرب واعلی الشمس دگوا عَلَم

بعین البصیره أناظر
کلشي التریده حاضر
ویاهم الروح الأمین
أذّن أذان الأربعین
●●●●●●●●●●
٤/
یا زایر احسین ابتشر و ابهذة ربنا بشّرك
فضل الزیاره منحفظ ذخر و ذخیره لمحشرك
یاللي تحضره بکربلا باچر یجیك ویحضرك
و ابیوم القیامه اعله الصراط ابنفسه هو ایعبّرك

احسین الّذي یریده
للجنّه یلزم ایده
(هذا جزاءُ المُحسنین)
أذّن أذان الأربعین
●●●●●●●●●●
۵/
لو تنکشف لك عن حقیقة کربلا اتشوف العجب
تشوف الرُسل لزموا سَروا صف اعله ایوان الذهب
لو نفرض بدرب المشي نتعب نعم یسوه التعب
یکفیني من ازیارته اسمي بدفتر الزهرا انکتب

صك النجاه بدیّه
و اتوقّعه الزچیّه
گلبي علی مر السنین
أذّن أذان الأربعین


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

يا فاطمة اشفعي لي في الجنة ..
تمت زيارة نيابه عن جميع اعضاء القناة في ليلة استشهاد الامام الحسن المجتبى سلام الله عليه 💔

#قبل_قليل

📜قصیدة: ] دار ابوي [

🎤أداء الملا قحطان البدیري
🖋الشاعر: علي عویز الشویلي
🏴لیلة ۲۰ محرم الحرام ۱٤۳۹ هـ
--------------------
المستهل:

دار ابوي البیها چنت آنه الأمیره
دارت الدنیا او رجعت الها أسیره
بالیتامه او راس اخوي
رجّعوني لدار ابوي
البیها چنت آنه الأمیره
●●●●●●●●●●
۱/
ماعرفني البیت یاهیه انتي گال
گتله زینب آنه لکن وکتي مال
فارگیتك و آنه بالعز و الدلال
او راجعتلك و آنه بچفوفي الحبال

جیتك امن الطف وحیده ابلا حراسه
او هذا راعیّك جبت ویایه راسه
بیمن ایلاگي الضیوف
او هو مو عنده الچفوف
انگطعت المتروسه غیره
البیها چنت آنه الأمیره
●●●●●●●●●●
۲/
عاتبتها الدار من بعد السلام
لیش ما جیتینه من حرگوا خیام
او نار جوّانه او سما تمطر سهام
او چم رقیّه اتصیح زینب وین أنام

اخیام محترگه او شمر هد خیله
و احنه بس نسوان ذیچ اللیله
و انگطع راس الأمان
و الرماد ابکل مکان
ابخیمة إخواني الچبیره
البیها چنت آنه الأمیره
●●●●●●●●●●
۳/
دار ابوي البیها إلي اشگد ذکریات
لمّت إخوان او حچي او گعدت خوات
اسنین محد یدري عد حیدر بنات
او هسه ردنلچ یدار امچتفات

فُکّي بابچ أرد أشم اتراب أهلنه
و أرد أصیحن وینکم یهل المحنه
عاتبتها او گمت أنوح
دنیا لیل او وین أروح
لا أهل عندي او عشیره
البیها چنت آنه الأمیره
●●●●●●●●●●
٤/
اهوایه صعبه اعله الیرد من المغیب
او یلگه روحه اباب بیت أهله غریب
لا أخو ایلاگیه لا خِل لا حبیب
هذا جرح العنّه گالوا مایطیب

إخواني من فوگ الرماح انشوفهم
من وصلنه اعلیهه دارت روسهم
عالرمح و امذبّحین
او هزهم لبابچ حنین
او ذکروا اللیله الأخیره
البیها چنت آنه الأمیره
●●●●●●●●●●
۵/
من جزیته الباب ظل یرکض وراي
ایصیح معقوله یزینب انتي هاي
هذا بیت أهلچ ادخلیله تعاي
فلّي حبل ایدچ و اشربي اشویه ماي

او سولفت عالباب أمنیتي الحزینه
کون من عندك عَلَي یطلع علینه
سلمت شمس النهار
وین أنوّمها الزغار
یابو زینب واللّه حیره
البیها چنت آنه الأمیره


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] الراهب و الذبيح [

🎤أداء الملا قحطان البدیري
🖋الشاعر: واثق العیساوي
ⓣ: @wathikesawee
🏴لیلة ۲۸ محرم الحرام ۱٤۳۹ هـ.
--------------------
المستهل:

قَـالهَا الـرَّاهِبُ لِلْنَحـرِ الـذَبیح
هَـلْ حُسَیْـنٌ أنتَ أمْ أنتَ المَسیح
فیكَ آلامُ الصَّلیب
أیُها الشَیبُ الخَضیب
●●●●●●●●●●
۱/
عندَ أبوابِ الکَنیسهْ سَمِعَ الرّاهبُ صَوتاً
لَوعَةً و بُکاءْ
فَـ رأی الأقمارَ تَمْشي بِحبالٍ قَیّدوها
لَمْ تَکُنْ بِسَماءْ
حَوْلها الحُرّاسُ کانوا بِوجوهٍ کالِحَاتٍ
زُمْرةَ الطُلَقاءْ
و عَلَی الحائِطِ رُمْحٌ فیهِ وجهٌ کَـ نبيٍ
و یَفیضُ دِماءْ

قَالَ مَنْ هذا عَلَی الرُمحِ الطَویلْ
في ثَنَایاهُ أری صَبراً جَمیلْ
لِسُؤالي مَنْ مُجیب
أیُها الشَیبُ الخَضیب
●●●●●●●●●●
۲/
و أجابُوهُ بِلُؤْمٍ بَلْ بِحِقْدٍ ذاكَ رأسٌ
للإبا مَذْبوح
خُذهُ إنْ شئتَ و أمْضي کَيْ تُداوي
فیهِ لیلاً قلبكَ المجروح
راحَ یَبْکیهِ انتِحاباً و اغْتراباً یا ذبیحاً
قَدْ وَهَبْتَ الروح
أيَّ نورٍ أيَّ درْبٍ راحَ یُهدي للبرایا
دَمُكَ المَسفوح

أخذَ الرأسَ و صَبَّتْ منهُ عَینْ
راهبٌ لکنْ یُنادي وا حُسَینْ
و قَضَی اللیلَ نَحیب
أیُها الشَیبُ الخَضیب
●●●●●●●●●●
۳/
مَسَحَ الرأسَ و دمعٌ منهُ یَجري و یُنادي
سَیّدي رُحماك
أنتَ مَنْ؟ عِیسی إبنُ مَریم؟ أمْ حُسینٌ
أيُّ صبرٍ أيُّ نحرٍ ذاك
الجِراحاتُ العَظیمه فیكَ عادَت یا وحیداً
صابراً ألْقاك
و صَلیبُ الرُمحِ أقْسی بَلْ و أقْوی
یا عظیماً ضِعتُ في معناك

مَرْیمُ تُبکي لِفَقْدكَ و تَنوحْ
و رأتكَ مِثلَ عیسی في الجُروحْ
شَبَهٌ کانَ عجیب
أیُها الشَیبُ الخَضیب
●●●●●●●●●●
٤/
إنَّ عیسی صَلَبوهُ عَذّبوهُ قَتلوهُ
في صَلیبِ الهَم
إنّما لَمْ یَضربوها یأسِروها یَکتفوها
أمّهُ مَرْیَم
لَمْ یَکُن شِمْرٌ علیهِ في یدیهِ للمنایا
خِنْجَرٌ أبْکم
صَدرهُ لَمْ یسحقوهُ في البَوادي یَعتلوهُ
بِخُیولِ الهم

خُنصُرٌ مِن کفّهِ لَمْ یقطعوهْ
لا و لا بعدَ المنایا سَلّبوهْ
لَمْ یَکُنْ ضامٍ غریب
أیُها الشَیبُ الخَضیب
●●●●●●●●●●
۵/
دَمُكَ المسفوحُ صَوتٌ راحَ یحکي
عَن عذابٍ في مَدی الأزمان
و یَتاماكَ حروفٌ قَیّدوها کَيْ تموتَ
أحْرفُ القُرآن
ثَغرُكَ الظَّمآنُ نهرٌ راحَ یَرویني بَهاءاً
ثَغرُكَ الظَّمآن
یبنَ بنتٍ لِنبيٍ لَمْ یکُنْ منهُ شبیهٌ و نظیرٌ
مِثلهُ ما کان

سَیّدي إقْبلني و خُذني کالعَبیدْ
إنّما الإسلامُ نحرُكَ یا شَهیدْ
فَعَسَی جُرحي یَطیب
أیُها الشَیبُ الخَضیب


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] هاي الدنيه [

🎤أداء الملا قحطان البدیري
🖋الشاعر: علي البصیصي
🏴لیلة ۲۲ محرم الحرام ۱٤۳۹ هـ.
--------------------
المستهل:

هاي الدنیه هاي الدنیه
او هذا الصار اویاي
معقوله ایفارگنه الماي
●●●●●●●●●●
۱/
لمن مدّیت چفّك للهجر و امشیت
او غلاتك فَزّزِت کل عافیه او حنّیت
ضمّیت السوالف و العتب و انسیت
او مدري ابیا طرف من روحك انضمّیت

هاك اعیوني البیهن غربه او خیل
شوف بروحي اشسوّه الهم و اللیل
شیخلّص بجفاك ابچاي
معقوله ایفارگنه الماي
●●●●●●●●●●
۲/
گدّرني علی روحك خایفه امن الناس
خاف اتگول راح او عافها العبّاس
الیودّع عزیز ایصیر عنده احساس
و آنه أشتم علی اثیابك دِمَه امن الراس

لیش اعیونك بیها ادموع اوداع
لیل افراگك خلّص لیش ابساع
لحظات او ما طال اهواي
معقوله ایفارگنه الماي
●●●●●●●●●●
۳/
سولفت العطش یمّك هَجِر و اجروح
او دوّرت اعله روحي بوجهك المملوح
من گد ما یجي ابالي السهم و ایروح
اگبالك غمّضتهن من نویت اتروح

خاف اتعاین بین اعیونك موت
ضاع اگبالك یا عبّاس الصوت
بس افراگك رایح جاي
معقوله ایفارگنه الماي
●●●●●●●●●●
٤/
فُرَشت أیامي دمعه بلحظة املاگاك
او طشّیت السنین العایشتها اویاك
چفوفك لملِمَت روحي او بدیت أنخاك
هوه امن اتعوف ریتي ابیا مکان ألگاك

وین أنتظرك درب الشام ابعید
نار افراگك شو کل لحظه اتزید
و ایطوف بروحی اشچم راي
معقوله ایفارگنه الماي
●●●●●●●●●●
۵/
وگفت اگبالك او چفّك مسحلي العین
قریت ابچفّك افراگي او گطع چفّین
نخیتك ودّعتني او گتلي صبراً زین
عُرَفت الخیل تسحگ صدر أخوي احسین

شوگ ابروحي او طعم افراگك غیر
شوف اعیوني الشبعن یمّك خیر
راح ایشوفن بس اعداي
معقوله ایفارگنه الماي



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

إنّـا لِلّه و إنّـا إلیـہِ راجِعـون

انتقل إلی رحمة اللّه خـادم الحسیـن الشاب السیّـد مُحمَـد بـاقر العلـوي إثر حادث سیر في مدینة طهران - ایران

📜قصیدة: ] كل كــربله [

🎤أداء الملا قحطان البدیري
🖋الشاعر: مصطفی العیساوي
🏴لیلة ۲۰ محرم الحرام ۱٤۳۹ هـ.
--------------------
المستهل:

یا وطن شایل عالوطن
یالتِحدي بجروح الزمن
کل کربله صاحت هله
یالتِحدي بجروح الزمن
●●●●●●●●●●
۱/
آنه خادمتك او اسمي کربله
او گاعي تتشرف ابهاي القافله
اتصیح کل ذره ابترابي یا هله

طهّرت گاعي او صارت أطباعي
خادِمه لإبن الزچیّه
أفرش اترابي الجیّت أحبابي
او خیمتك فیّت علیّه

هل أتی ضعنك یستقر
لو بس لیالیه العشر
طفّك أنا یوم ابسنه
یالتِحدي بجروح الزمن
●●●●●●●●●●
۲/
انصب اخیامك کحل عین التراب
هاي بقعه اتصیر عاصمة الحجاب
او یستر اللّه لو گمر هالخیمه غاب

ماتظل هیمه کعبه مو خیمه
ایطوفها شمس او گمر
بیها أنفاسك او عَلَم عبّاسك
سمه او عالخیمه انتشر

لا سامح اللّه او تستعر
چم معصب ایلوحه الجمر
طیحت عَلَم تذبح خیم
یالتِحدي بجروح الزمن
●●●●●●●●●●
۳/
سکته و الجرف النهر صار الکلام
حسین لو رایدني أجیکم للخیام
من أجل شِربَت عذِب یوگع حرام

ما أتعبکم آنه مُهر أمکم
و انخِلَقت ابنینوی
بخیمته الساقي خل یظل باقي
فدوه أروحن للّوی

لو طاحت اچفوف الأبي
تنوخذ زینب للسبي
بنوگ الهزل چف او حبل
یالتِحدي بجروح الزمن
●●●●●●●●●●
٤/
گاع صاحت لو ظهر عاشور صار
فوگي تزحف لو دِوَت بالخیمه نار
او نحرك او راسك یباوع عالزغار

فوگي بالمصرع توگف او توگع
و انت عینك عالخیم
ینسحگ صدرك او ینگطع نحرك
او شیبتك یصبغها دم

اترابي لمّن لامسك
راید یدوّر محبسك
و لخنصرك یبچي الفلك
یالتِحدي بجروح الزمن
●●●●●●●●●●
۵/
اتراب سولف شایل بروحه خجل
گله شسمك صاح یحسین اسمي تل
أنه بیت لکل قصیده او مستهل

و ایظل سؤالي یا تری
فوگاي وگفت یا مره
بذاك الظهر ینعد عمر
یالتِحدي بجروح الزمن



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] خدم و المنبر [

🎤أداء الملا قحطان البدیري
🖋الشاعر: کرار حسین الکربلائي
🏴لیالي استشهـاد الإمام المجتبی)ع(
📆 صفـر ۱٤۳۹ هـ.
--------------------
المستهل:

خدم و المنبر أبونه
کربله أمنه الحنونه
ابخیمة احسین الچبیره
نفخر ابشیخ العشیره
●●●●●●●●●●
۱/
من تموت الشمس باچر
تلگه وجه احسین ضَي
او تلگه هاي الخدمه خیمه
اتوزّع اعله الدنیه فَي
احسین حَي و اللي یخدمه
ما یموت او یبقی حَي
کلشي بحسابه و أبد
میضیع عند احسین شَي

انسه کلشي و انتبه زین
ما یضیع الیخدم احسین
الکلمه الأولی و الأخیره
نفخر ابشیخ العشیره
●●●●●●●●●●
۲/
نعم هالمنبر أبونه
البيه تتفاخر هله
خشب بس من لبس
ثوب الخدمه ربك دلله
احسین باب اللّه الچبیره
الراد اللّه ایروح اله
و العرش مو بالسماء
العرش یعني کربله

اتگول الروایه الزاره ممشه
یعني زار اللّه اعله عرشه
هالأرض تنعد أمیره
نفخر ابشیخ العشیره
●●●●●●●●●●
۳/
هیچي علمونه أهلنه
بالمجالس ننتظم
او علّمونه لو سمعنه
حسین ذبحوا ننهظم
گبل منطب أي مدارس
نطب مدرسة اللطم
کربله انسمیها أمنه
و النعم من هیچي أم

اي حسینیه المنابر
او کربلائیه الشعائر
اشما نطب عالگاع دیره
نفخر ابشیخ العشیره
●●●●●●●●●●
٤/
کربله مثل الشعائر
حبها من تقوی القلوب
مستحب گالوا عشگها
و احنه لا عدنه وجوب
الإلها بس ینوي الزیاره
تنمحي اشعنده ذنوب
و العراق ایمدله سفره
من شماله للجنوب

اشما عدد زواره یکثر
کربله لوحدها تکبر
مستمره هالمسیره
نفخر ابشیخ العشیره
●●●●●●●●●●
۵/
للکره الأرضیه کلها
کربله تنعد إمام
او مو عجیبه انشوفه الها
یسجد البیت الحرام
کاظم المنظور بیها
بشعره جمره امن الخیام
الخرّجت حمزه الزغیّر
ننحني الها احترام

کربله العبّاس بیها
یا سلام اللّه علیها
و ابتربها تلگه غیره
نفخر ابشیخ العشیره



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] مجنونه بخدمتك [

🎤أداء الملا قحطان البدیري
🖋الشاعر: کرار حسین الکربلائي
🏴لیالي استشهاد الإمام السجاد)ع(
📆 محرم الحرام ۱٤۳۹ هـ.
--------------------

مجنونه بخدمتك روحي خلّیها
او مبخوت الحیاته اویاك یگضیها
ویّاك یبن الزهره
بحماك یبن الزهره
●●●●●●●●●●
۱/
بدخان المخیم صدري متنفس
عمري ابلا وجودك مظلم او هندس
خلّیني أصیر اتراب بالمجلس
شرف تسحگني خدامك ابرجلیها
ویّاك یبن الزهره
بحماك یبن الزهره
●●●●●●●●●●
۲/
ابعشر اخیول یا من صدرك اترضرض
الیحضه بنظره منك هذا صاحب حظ
أرید أبقی بخدمتك و الوجه أبیض
و امك فاطمه لنحرك أبچّیها
ویّاك یبن الزهره
بحماك یبن الزهره
●●●●●●●●●●
۳/
تحضر فاطمه بضلوع محنیه
تتوچه اعله حیطان الحسینیه
ألطم حیل بلکي اتأشر اعلیه
و أبچي اعلیك یحسین و أواسیها
ویّاك یبن الزهره
بحماك یبن الزهره
●●●●●●●●●●
٤/
أحلفك بالرضیع الما بُرَد دمه
حاچیلي الزچیه او گلها یا یُمه
علیچ ابنحري هالخادم اکتبي إسمه
وي خدامك التکتب أسامیها
ویّاك یبن الزهره
بحماك یبن الزهره
●●●●●●●●●●
۵/
علیك الما لگت راسك لگت منحر
وگفت بالعبایه اتفیّي عن الحر
أرید أگضي حیاتي بخدمة المنبر
و أنعی لزینب و أبچي لمآسیها
ویّاك یبن الزهره
بحماك یبن الزهره
●●●●●●●●●●
٦/
آنه اویاك أسولف و أدري تسمعني
من سفرة خدمتك حاشه تمنعني
أنا لخاطر رقیّه لا تضیعني
لغیرك صعبه هاي الچلمه أحچیها
ویّاك یبن الزهره
بحماك یبن الزهره
●●●●●●●●●●
۷/
علیك ابهامة العبّاس و اصوابه
أرید لتالي عمري ادموعي سچّابه
و آخر کلمه آیحسین و امصابه
او یمك روحي تاخذها تراعیها
ویّاك یبن الزهره
بحماك یبن الزهره



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed