📜قصیدة: [ معز المؤمنين ]

🎤أداء الملا قحطان البدیري
🖊الشاعر: واثق العيساوي
📆 ليلة ١٠ صفر ١٤٤٣ هـ.
ــــــــــــــــــــــــــــــ

المستهل:

گالوا اعلیك المُذِل
الما رعوا للقربی دین
و انت متلوگ اعله اسمك
بس معز المؤمنین
ناس ما ترحم أبد
بیمن اتأمن بعد
یا معز المؤمنین
۱/ــــــــــــــــــــ

چف وحده متحارب أبد، وکت الشدد معذوره
و للراد یطعن بیك إذاً، لازم نوضّح الصوره
المعصوم مایحتاج أحد، هو الیحدد دوره
و ایرید اید اتناصره، میرید چف مبتوره

ظهرك من تأمنه یمهم
لابد ایرید الأمان
مو تشوف اللي یطعنك
هو منك بیك چان
وحده و ابکیفه اجتهد
بیمن اتأمن بعد
یا معز المؤمنین
۲/ــــــــــــــــــــ

هزیت غربیل الربع، قلّه الذي ایعینونك
طاحوا ابأول تجربه، چا بیمن اینصرونك
لا و الأشد وکت الصدگ، من ظهرك ایطعنونك
و انت الچنت لیهم وفي، شمسوي و ایخونونك

انت للطف البدایه
و انت خلیت الأساس
لکن اشبیدك علیهم
الناس صارت غیر ناس
و من یخونون العهد
بیمن اتأمن بعد
یا معز المؤمنین
۳/ــــــــــــــــــــ

اجناحین للدین العدل، صرت انت ویه احسینك
قائم و قاعد ماتضر، من النبي تعیینك
یمخطط الطف کربلا، و أنصار ماکو اتعینك
بحسین شدیت الظهر، ثائر یناصر دینك

نفترض سبعین عنده
لکن السبعین جیش
و انت وگفت ناس ضدك
کلها گام اتصیح لیش
نقص غیره مو عدد
بیمن اتأمن بعد
یا معز المؤمنین
٤/ــــــــــــــــــــ

صح ماحضرت ابکربلا، بس انت فعلاً حاضر
زارع رمح للطف کُبر، ازغیر عمر بس ثائر
و هو الیِربیه الحسن، مثل الحسن مو قاصر
طبّق وصیتك بالحرف، نعم الإبن و الناصر

هذا دمك هو نازف
من ورید ابنك یطیح
احسین بالقاسم یشوفك
ویه أهل بیته ذبیح
یاللي حاضرها الشدد
بیمن اتأمن بعد
یا معز المؤمنین
۵/ــــــــــــــــــــ

من السقیفه یالحسن، و الغدر موجِر بیکم
یردون تنصون و حشی، هو الله المعلیکم
یالماحله مجلس أبد، إلّا بعطر طاریکم
ننساها دنیانه و نظل، للموت ماناسیکم

و الیرید ایعیش اسمه
و ینکتب لیه البقاء
یرتبط لازم بکلشي
بي أثر من کربلاء
و گول للعنها ابتعد
بیمن اتأمن بعد
یا معز المؤمنین





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11231

📜قصیدة: [ سيف الحسن ]

🎤أداء الملا قحطان البدیري
🖊الشاعر ايهاب المالكي
📆 استشهاد الإمام الحسن المجتبى (ع) ١٤٤١ هـ.
ــــــــــــــــــــــــــــــ

أنا یالحسن ماردت أقره أفکار
تتشابه مثل کل السمعته

اذا گتلك کریم اشغیّرت بیك
شني الشي الجدید ابهاي جبته

جدك ضیّف بدیوانه جبریل
اذاً مولاي أکید اشتطلع انته

بمضیفك ما طرق واحد عله الباب
لأن بابك أساساً ما طبگته

أظن لو بابك امعطلّه خطّار
مثل حیــدر بچفّك چا قلعته

کریم و ما أشِك ابهایه ویّاك
الکرم منك أخذ هالة شُهرته

و لکن لیش سیفك قِلّه مذکور
أکاداً أرد اگلك ما لمحته

عقد بالنهروان بسیفك أرگاب
و ساویت ابن ملجم من طبرته

أکو سِر ابعدم تسلیط الأضواء
علیك و ما وصل کل الفعلته

کل القرر التاریخ یرویه
مضمون الحسن فشلت ثورته

ثوره ابدون جرّة سیف معقول؟
و انته ابن الیحلفون ابیمنته

هذا الما کتب عن سیفك ایجوز
ذاك الوکت شارد من شَهرته

مسالم بس ابمعنی رفعة اخلاق
مو معناها سیفك ما رفعته

عطر الورد من تتنفسه الناس
یوصلهم دفاعاً عن وردته

ذولفقّار غیر ابیتکم چان
ذاك التحلف الجن ابضربته

أنا فاهم الصار اویاك مولاي
الیریده المؤرّخ ما فهمته

أحس مضمومه ثوره ابین السطور
و أمیّز روح سیفك من لمعته

مخطط جعده هسه اگبالي مکشوف
و اتوضّح الدافع و اکتشفته

خافوا لا تعاصر طف الحسین
و بعد فوگ أبوفاضل تطلع انته






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9780

📜قصیدة: [ خمس جروح ]

🎤أداء الملا قحطان البدیري
🎤 الملا علي الوائلي
🖊الشاعر: کرار حسین الکربلائي
📆 صفر ١٤٤٤ هـ.
• ذکری شهادة الإمام الحسن المجتبی(ع)
ــــــــــــــــــــــــــــــ

المستهل:

تتوادع روحي و خمسه جروحي کلها احساس
زینب و حسیني و دمعه بعیني لچف عباس
جاسم عریس ایموت و رمله اتنوح ابلا صوت
خمس اجروح ابتابوت   یا روحي
۱/ــــــــــــــــــــ

اجت ساعة منیتي و بدیت أحچي وصیتي
و گبل لا أحچي طاحت دمعة العین
اخوي اشگد بچالي، وداع الغالي غالي
الدنیا اتروح فدوه لعین الحسین

من حضني فوگ صدره بشوگ و احساس
اضلوعه گالتلي بحوافر باچر أنداس
جیت أشم نحره و شفت نحره بلا راس

شمیت المنحر و آنه اتحسر عالمذبوح
یوم الطف عشته لمن شفته یمي اینوح
اتسولف بالدمعه العین   بموادع معصومین
حسین ایودع بحسین   یا روحي
۲/ـــــــــــــــــــــ

گلب زینب اجاني و گعد یحچي بمکاني
کسرتك یالچبیر اشگد چبیره
و تگلي اخلاف فیّك تره ایذبحون أخیّك
و أظل ابلا أهل و ابلا عشیرة

تحچي الگلوب و حچینه اعله الخیم چان
اعصابة أمي فاطمة ایترسوها دخان
مدري چم مرّه ابعمرها اتودع اخوان

یا غربة زینب و اشچم زینب راح اتصیر
مرّه ابنص خیمة و مرّه ابهیمة و مرّه اتحیر
چف یطفي بنار اخیام و چف خیمة ایلم أیتام
و أصعبهن ضیم الشام   یا روحي
۳/ــــــــــــــــــــ

گعد غیم السمه اویاي، گمر و ایسولف ابماي
و دمعته یالحسن لا تبعد اتصیح
شبگني و چان ملهوف و بچیت اگبال الچفوف
و کسر ظهري گبل لا رایته اتطیح

هذا أخوي الظل لخوي الماکو غیره
سهم عینه ایخیط اضلوعي الگصیره
طیحة العباس عند اخوانه حیره

شمیت اچفوفه و عیني اتشوفه بعین حسین
یوگع من مهره فوگ الغبره ابلا چفین
چف الغیره المملوح  امن ایروح الخیمه اتروح
ویاه تطلع چم روح   یا روحي
٤/ــــــــــــــــــــ

عمر جسّام سنتین و علیّه ایدیر بالعین
یگلي راح أصیر امن الیتامه
العزیزه اهوایه نفسه یموت ابیوم عرسه
عرس بچّه خواته و کل عمامه

کل تعب رمله الغریبه ایدفنه التراب
بکربلا اتحنّي ابنها بدم الخضاب
اتموت حرگه الراح من عدها ولد شاب

یا حیرة رمله یُمه اتگله افراگك آه
مطفیه الشمعه و عرس الدمعه ما انساه
هاي أم اتودع اوحید   و ماعدها غیره اولید
من عندي الطف شیرید   یا روحي
۵/ــــــــــــــــــــ

نهایة عمري دمعات و مناحه اعله الغریبات
و سباني الطف گبل سبیة خواتي
عشت أیامي مظلوم، متت و الچبد مسموم
اندفنت و بقت حسرة ذکریاتي

یا دمع صب عالغریب الما یدفنوه
عاري مسلوب اعله گاع الطف یخلوه
للسبي ینشال ضعنه و ما یشیلوه

یسبون اضعونه اگبال اعیونه لدرب الشام
من رمحه ایباوع مُر الواقع للأیتام
ضعن الجابه العباس   شمر الیحدي یا ناس
ابچي لآخر انفاس   یا روحي





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11812

📜قصیدة: [ هذا رسول الله ]

🎤أداء الملا قحطان البدیري
🖊الشاعر: الأديب جابر الكاظمي
📆 صفر ١٤٣٠ هـ.
ــــــــــــــــــــــــــــــ

المستهل:

هذا رسولَ الله
صَوتُ الأسیٰ یَنعاه
ما أشرقتْ أنوار
في غیبة المختار
صَوتُ الأسیٰ یَنعاه
۱/ــــــــــــــــــــ

بینَ آهاتٍ و حُزنْ هَتَفَ الناعي وَ رَد
لَمْ نُطِقْ حِلماً و صَبرْ فَـ لَقَد ماتَ مُحَمّد
خُنِقَ الدنیا غُبارٌ و فضاءُ الکونِ أسود
لرسولِ اللهِ دمعٌ فاضَ مِن جفنٍ مُسَهَّد

ذا دمعُنا الهَتّان
قد أحرقَ الأجفان
ضاقَتْ بِنا الأقطار
في غیبة المختار
صَوتُ الأسیٰ یَنعاه
۲/ــــــــــــــــــــ

أيُّ خطبٍ حَلَّ فینا أيُّ رزءٍ و عَزاء
غابَ مَن کانت یداهُ بحرُ جودٍ و سخاء
مادَت الأرضُ علیهِ و أنطویٰ وجهُ السَماء
و نداءٌ باتَ یعلو بالأسیٰ أيُّ نداء

مِن مُعضِلاتِ المَوت
قد جاءَ هذا الصَوت
یُنبي عن الأکدار
في غیبة المختار
صَوتُ الأسیٰ یَنعاه
۳/ــــــــــــــــــــ

أنجمٌ أمسَت حَیاریٰ في الأسیٰ ماذا تقول
و کَذا للشمسِ عینٌ شَجَّها دمعٌ هطول
و کأنَّ البدرَ یبکي نابَهُ خطبٌ مَهول
هکذا الأکوان باتت حینما غابَ الرسول

خیرُ البرایا مات
ما أعظم المأسات
في کلِّ قلبٍ نار
في غیبة المختار
صَوتُ الأسیٰ یَنعاه
٤/ــــــــــــــــــــ

حینما في لوحِ طه خُطَّ میقاتُ المنایا
سادَ في الکونِ ظَلامٌ أحدقت فیهِ البلایا
بینَ أطباقِ التراب دفنوا خیرَ البرایا
رزءهُ أوّلُ رزءٍ بعدهُ تأتي الرزایا

هذة صِحافُ البَین
خُطَّت بِدَمعِ العَین
قد غابت الأقمار
في غیبة المختار
صَوتُ الأسیٰ یَنعاه
۵/ــــــــــــــــــــ

ذا نبيٌّ ماتَ صبراً و بکتهُ الأنبیاء
بکَت الأرضُ علیهِ مثلما تبکي السماء
مِن العرش نحوَ الأرضِ قد جاءَ نِداء
أیّها الناسُ لقد ثُلَّ مِن الدینِ بنا





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11207

📜قصیدة: [ فارس بدر و احنینها ]

🎤أداء الملا قحطان البدیري
🖊الشاعر:المرحوم عبود غفله
📆 اللیالي الفاطمیة ١٤٤٣ هـ.
ــــــــــــــــــــــــــــــ


عجب یا فارس بدر و احنینها
تصد عن اودیعتك و اجنینها
ــــــــــــــــــــ

ما تره الدنیه و دهرها و الزمان
مثلك امجرّب ابحومات الطعان
ما سِوه چفك المرهف و السنان
مثلك ابدم الرگاب ایزینها
ــــــــــــــــــــ

او من تِهِم ابأمر ما دونك یِحول
سَدّة اسکندر یالمعَرج الخیول
لاچن اشبیدك عله اوصیة الرسول
استرت یسراك آه ایمینها
ــــــــــــــــــــ

والا لاون مالدین الله مراد
ابصبرك اعله الضیم یا سیف الجهاد
ما یزین الناس گادك بالنجاد
أخس خلگ الله و جلفها و شینها
ــــــــــــــــــــ

لاچن اتحمّلت یا داحي الباب
و هوّن امصابك عله الزهرة الصواب
تبعتك و ادموعها صب السحاب
او تون و العالم یون لونینها
ــــــــــــــــــــ

بالمصیبه اتعثر و اتطیح و تگوم
حایطه اعلیها جماهیر الهموم
خلوا ابن عمّي تنادیهم یگوم
و بالسیاط اتسودت متنینها
ــــــــــــــــــــ

آه لمّن عبد الأسود لیها صد
رد علیها ابزعل آه اشلون رد
رفع چفه و لطم من عدها الخد
حتی یالغایب نثر قرطینها
ــــــــــــــــــــ

خاضت أم الحسن دون المرتضی
للمنایه ابحور و اضرام الغضه
لَوَن ما یِسوَد ابدعواها الفضه
دون شُبهه یتّموا شبلینها
ــــــــــــــــــــ

لاچن اتدارکت حامیها ابلفظ
لو تِتمه فنت ما فوگ الأرض
کوّن العالم لجل تکوینها
ــــــــــــــــــــ

والله لَوَن ترفع أطراف القناع
هوت سبعتها اعله سبعتها الگاع
لاچن اتدارکت المصیبه ابساع
بچت و اعلیها الوصي دمعه سچب
ــــــــــــــــــــ

حزن لاچن الزمان الها عتب
لفه لداره و عن ثلاثتها انحجب
الموت ودها و ماگضت عشرینها





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11835

📜قصیدة: [ اعطيناك الصبرا]

🎤أداء الملا قحطان البدیري
🖊الشاعر: السید علوي الغریفي
📆 اللیالي الفاطمیة ١٤٤٣ هـ.
ــــــــــــــــــــــــــــــ

المستهل:

واریتَ النعشا.. أبکیتَ العرشا
في الظَلماء أخفیتَ البدرا
من بعد الکوثر.. إقرأ یا حیدر
إنّا أعطیناكَ الصبرا
ــــــــــــــــــــ

أتیٰ النبأ العظیمُ و دمعهُ یجري
و قبلَ الفجرِ واریٰ سورةَ الفجرِ
هيَ الزهراءُ تُشبهُ لیلةَ القدرِ
و ما للسرِ إلّا مدفنٌ سرّي

طَویٰ اللیلَ الخجولا.. أقامَ الکَونَ طُولا
لِکَي یُخفي البتولا.. في الظَلماء

لن تُشفي الضلعا.. لن تُخفي الدمعا
حتی لو أخفیتَ القبرا
من بعد الکوثر.. إقرأ یا حیدر
إنّا أعطیناكَ الصبرا
ــــــــــــــــــــ

عليٌّ و انحنیٰ طَوداً علی الطودِ
تَقَوّسَ ظَهرهُ جِدّاً من الفقدِ
هوَ الرّکاعُ في المحرابِ و الوِردِ
یُقالُ أطالَ رکعتهُ علی اللحدِ

جبینُ أبي تُرابِ.. تَعَفَّرَ بالتُرابِ
و فصلُ الإغترابِ.. قَدْ حَلّا

مَن ردَّ الشمسا.. مَحنیّاً أمسیٰ
هَل مِن جبلٍ یَحني الظَهرا
من بعد الکوثر.. إقرأ یا حیدر
إنّا أعطیناكَ الصبرا
ــــــــــــــــــــ

لِداركَ قبلَ أن تمشي مشیٰ القبرُ
لِجُرحِكَ وَجهُ فاطمةٍ هوَ الجبرُ
أردتَ رثاءها حتی انحنیٰ الشِعرُ
و خَطَّ بقبرها أفٌّ أیا دهرُ

فلا یکفي الرثاءُ.. و هَل تُرثیٰ السماءُ؟!
قوافیكَ البکاءُ.. و الأحزان

لا تَرثي الزهراء.. بعضُ حروفٍ هِجاء
تحتاجُ لها لُغةً أخریٰ
من بعد الکوثر.. إقرأ یا حیدر
إنّا أعطیناكَ الصبرا
ــــــــــــــــــــ

ترکتَ القبرَ مخفیّاً عن الأنظار
و تحرُسهُ کما حَرَسَ الحمامُ الغار
و من قد حاولوا فرّوا من الکرّار
و صِرتُ تَهُشّهُم هَشّاً بذي الفقّار

و مَن شاؤوا اقترابا.. لهُ فرّوا ذُبابا
و لم یلقوا تُرابا.. للزهراء

للقبر المخفي.. کرّارٌ یکفي
کَي یجعلَ واحدهم صِفرا
من بعد الکوثر.. إقرأ یا حیدر
إنّا أعطیناكَ الصبرا
ــــــــــــــــــــ

عليٌّ منذُ أن أخفیٰ ثریٰ فاطم
و هذا الکونِ للیومِ غدا قاتِم
سیبقیٰ شوکةٌ في أعیُنِ الظالم
و لن یبدو إلّا أن یظهر القائم

سیغدو القبرُ ثارا.. و یبنیهِ مزارا
یُریٰ لیلاً نهارا.. للزوّار

آمالُ اللحدِ.. في کفِّ المهدي
و نهایةُ غیبتهِ الکُبریٰ
من بعد الکوثر.. إقرأ یا حیدر
إنّا أعطیناكَ الصبرا





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11856

📜قصیدة: [ أعينيني على أمري ]

🎤أداء الملا قحطان البدیري
🖊الشاعر: واثق العيساوي
📆 الليالي الفاطمية ١٤٤٤ هـ.
ــــــــــــــــــــــــــــــ

المستهل:

وقفتُ و مَدمَعي یجري
و حُزني فاضَ في صدري
أعینیني علی أمري  أیا زهراء
ــــــــــــــــــــ

ضَعیني حیثُما تَجِدي لِحُزنكِ مَدمعي أهلا
فَبَحرُ الحزنِ یغمرُني علیٰ اسمِكِ حینما یُتْلیٰ
و هذا العُمرُ سیّدتي بخدمتِكِ اغتدیٰ أحلیٰ
أنا ما کُنتُ یا زهراء قَبْلُكِ لَم أکُنْ قَبلا

دَقّتْ ساعةَ الحُزنِ
و أنتِ صرتِ لي وطني
أعینیني علی أمري  أیا زهراء
ــــــــــــــــــــ

وَجَدتُكِ بَعدَها لا شيء یملئُ عینَ أفکاري
و حُزنٌ صارَ یَحمِلُني إلیكِ بِبَحرِ أشعاري
أریٰ المسمار یُقلِقُني علی الأبوابِ في داري
ضُلوعي تَشکي ألَماً أنا الأحزانُ مِسماري

فذاكَ البابُ في بیتي
یُذکِّرُني بكِ أنتِ
أعینیني علی أمري  أیا زهراء
ــــــــــــــــــــ

تَبَعتُكِ حیثُ لا ضَوءٌ و لیلٌ حالِكٌ دربي
و أتعَبَني و أثْقَلَني عظیمُ الوِزرِ من ذنبي
وَجَدتُكِ نَجمةً أخَذَت بِکَفّي حیثُما ربي
و هذا القلب مملوءٌ بِكِ بل صرتي لي قلبي

فَإسمُكِ عاشَ في نَبْضي
و دمعُ العینِ ذا فرضي
أعینیني علی أمري  أیا زهراء
ــــــــــــــــــــ

أنا یا أمَّ أحزاني علیٰ الأعتابِ أتَوَسّلْ
و أعلمُ أنَّ أذْکاري بِغَیْرِكِ لا و لن تُقبَلْ
إذا لَم تَشمَلي قلبي بِنظرتكِ فما أفعل؟
خُذیني عاشِقاً حُزني فأیّامي بِهِ أجملْ

و هذا الحُزنُ یُلْهِمُني
و یَوماً ما سَیَقْتِلُني
أعینیني علی أمري  أیا زهراء
ــــــــــــــــــــ

تَلُوكُ الریحُ أشرِعَتي و تُبْعِدُني عنِ المَرفَأ
و یُخْنِقُني سوادُ اللیلِ لو لا أنّكِ المَلجأ
اُتَمْتِمُ بسمِ فاطمةٍ طَمْأنةً بهِ أبدأ
کأنَ الوحي في اُذُني یُنادي باسمها إقرأ

حِراءُ الحُبِّ یَحمیني
أنادیكِ فنادیني
أعینیني علی أمري  أیا زهراء







• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11860

📜قصیدة: [ طفل حسينها ]

🎤أداء الملا قحطان البدیري
🖊الشاعر: المرحوم عبود غفله
📆 الليالي الفاطمية ١٤٤٣ هـ.
ــــــــــــــــــــــــــــــ


لَوَن ما یسقط الزهرا اجنینها
ما انصاب ابنبله طفل احسینها
ــــــــــــــــــــ

امن المدینة الحبل للطف متّصل
البیه طلع حامي الحمیّه للچتل
انگاد بیه زین العباد و عالهزل
امچتفیه و زینب امچتفیها
ــــــــــــــــــــ

و سوط گنفذ سلّمه بید الشمر
حتماً اعله المتن لابد ینکسر
و حکم غامض سبب لهذا الفکر
الهالحکم شو هاك اخذ تبیینها
ــــــــــــــــــــ

طلعت الزهرة وره حامي الدخیل
و اطلعت زینب یسیره اویه العلیل
و ابهجوم الدار من هجمت الخیل
علی اعیال احسین و اصواوینها
ــــــــــــــــــــ

یا الهي اللوح بیدك و القلم
تگدر اتغیّر اشما بیه انرسم
لاچن المعلوم من جري الحکم
سر خفي و لا ینعرف تبیینها
ــــــــــــــــــــ

والله مثل اللي صرع عمر بن ود
و لعد مرحب بارزه و نال الگصد
اعلیه یتجسّر جبان اهوه و عبد
للوثن ضد الشریعه و دینها
ــــــــــــــــــــ

اعلیك مامن باس یا حامي الحمه
من تگودك اید قذره و مجرمه
رفعتك یا سیدي لعرش السمه
و بینك الشتّان أضحه و بینها
ـــــــــــــــــــ

نور انت و خصمك اللیل الحلك
و الجیف عدوانك و انت المسك
یا حمه الایمان و اعداك الشرك
ابهالفضیله امتوّجك یاسینها







• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11838

📜قصیدة: [ راحت ]

🎤أداء الملا قحطان البدیري
🎤الشيخ حسین الأکرف
🖊الشاعر: علي عباس الربیعاوي
📆الليالي الفاطمية ١٤٤٣ هـ.
ــــــــــــــــــــــــــــــ

المستهل:

راحت.. لا تنتظرها یا علي
و لا تنتظر ردتها.. الزهرا طفت شمعتها
یالرایح راجع بالدار
لاتتنطر منها أخبار.. راحت
ــــــــــــــــــــ

الچانت بعینك محنّه و لامّه الدار
همك ایروح بنظرها ویه الزغار
روحك و گلبك و عینك تحترگ نار
تنعصر و بنص ضلعها اینام بسمار

عوّد روحك ماتلگاها.. من اترد و اطب البیت
عوّد روحك ماتتجاوب.. لو سولفت و لو ناغیت
عوّد روحك تبقه ابحیره.. لو یوم بحاجه احتاریت

ماتت.. ذیچ الأمیره الما شفت
دمعة عتب من عدها.. لبیتك بعد شیردها
تهتم و اتعیش اعله النار
لاتتنطر منها أخبار.. راحت
ــــــــــــــــــــ

جرحك أکبر من حیاتك و انت مچتوف
الیگدر و ماسوّه کلشي اشیگدر ایشوف
بینك و مابین نفسك ردد احروف
حروف فاطم خلّي جرحك یحرم ایطوف

راحت منك ذیچ الچانت.. تتبسملك خلف الباب
شگد مکسوره و مابینتلك.. خافن تهتم و تنصاب
و اکثر واحد انت التعرف.. عگب الزهره ماکو احباب

غابت.. شمسك گبل طرة الفجر
بچفوفك اتغسّلها.. و انت الّذي اتچفنها
و الشالع گلبك بسمار
لاتتنطر منها أخبار.. راحت
ــــــــــــــــــــ

یا علي کل نظرة منك دمعة و احزان
المایعرفك هم یعرفك حیل حیران
اللیل یغفه و انت تبقه تبچي سهران
لیش محني یاللي صدرك صدر دیوان

راحت منك ذیچ الضحکة.. خلتلك هم و دمعات
راحت فاطم لاتتنطر.. تنعاد لدارك هیهات
لم ادموعك شد احزامك.. عوّد جرحك عاللچمات

چانت.. روح بجسد طه النبي
مات الأخو ویاها.. ذکری ابأثر فرگاها
و ظلیت ابهالهم محتار
لاتتنطر منها أخبار.. راحت
ــــــــــــــــــــ

لا تدوّرها یحیدر و الوکت فات
ماتت و ماتسمعلها صوت و آیات
یجوز تسمع صوت لکن هاي ونّات
هذا صوت ایتام ظلوا بالمعانات

یمکن زینب فزّت تسأل.. و اتدور بالبیت ادموع
یجوز المحسن دمه اینادي.. یا بویه عصرتني ظلوع
مهظوم ما شاف الدنیا.. مو حگه اینوح الموجوع

صارت.. ذکری و جرح ماینّسي
بس الدمع و الونه.. دار و فگد محنّه
و العتبه و بابك تذکار
لاتتنطر منها أخبار.. راحت
ــــــــــــــــــــ

وین ماتندار ذکری چنها تابوت
یا علي و منهو یلومك کونك اتموت
امسافر و جرحك محطه و وکتك ایفوت
بس بواچي البیت کله عکس البیوت

امبیّن محني من الفرگه.. بعدك ماعدّت أیام
ظهرك فارغ ماتتحزّم.. ماعندك بالدنیا احزام
راعي جروحك حیلك رایح.. ماچنك ذاك الضرغام

سالت.. دمعه اعله الخدود الّذي
تخاف العرب من عنده.. قالع بیبان بیده
تندار و جرحك یندار
لاتتنطر منها أخبار.. راحت





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11862

📜موال: ها قد أتيتك

🎤أداء الملا قحطان البدیري
✒ الشاعر: واثق العيساوي
🎈مولد السیدة زینب سلام الله علیها
--------------------

ها قد أتیتُكِ و الأحزانُ تُثْقِلُني
أبکي علی أهلي أبکي علی وطني

أنا مثلكِ جُرحٌ غریبٌ بعیدٌ لَوعةٌ بدمي
ها قد أتیتُكِ و حنینُ هذة الروح للأحبابِ یروقُ لي

أمشي و طعمُ الدمعِ خلفي آهِ مِن زمني
أینَ استقَر القلب ذاكَ الحُزنُ یتبعُني

أنا لستُ إلّا بقایا تائهٌ تَعِبٌ
ترمي بيَّ الأشواق و الآلامُ تبلَعُني

أنا یا زینبُ الحوراء جئتُكِ خادماً
دمعي یؤخِرُني و الأفراح تدفَعُني

أنا مثلُكِ حتماً سـ أصنعُ غُربتي
وطناً و ما عادت دموعُ الشوقِ تُقْلِقُني

أنا سَبيُ البُعدُ أغلالي دموعُ أبي
و شوقُ أمي و بعضُ الحُزنِ في العلنِ

یا زینبُ إنّي سأبقی خادماً
هذا الذي في الغُربةِ العمیاءِ صَبَّرني

لا تحرموا عیني شفاعةَ قلبکم
لمّا أکون رهینَ القَبرِ و الکفنِ




• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة:[ یا زینب ]

🎤أداء الملا قحطان البدیري
🌱 مولد السیدة زینب سلام الله علیها
ــــــــــــــــــــ

نورٌ للحَوراءِ تَجَلّی   في أرضٍ أشرقَ و سَماء
و کأنَ الشمسَ بِحُلّتِها   نزلتْ في بیتِ الزهراء
یا فاطمةٌ أنتِ الکوثر   إنّا أعطیناكِ الجوهر
نورُ اللّهِ بـ بیتكِ یزهر   و أنارَ جمیع الأکوان
أهلاً یا کُلَّ الإیمان   یا زینب یا زینب
ــــــــــــــــــــ

في بیتٍ أُسِّسَ للتقوی   للّه یُسبّحُ ما فیه
بعليٍ صار و فاطمةٍ   و کساءُ الحقِ یُغطیه
جائتْ و النورُ بِمقدمها   زینبُ و اللّه مُعلّمُها
عِلماً و بَهاءً أکرمها   و نَمَتْ في بیتِ الإحسان
أهلاً یا کُلَّ الإیمان   یا زینب یا زینب
ــــــــــــــــــــ

یا بعضٌ من سرِ أبیها   عَبَقٌ من ذاك الإحساس
حسنٌ و حسینٌ بل فیها   بطلٌ کـ أخیها العبّاس
صفوةُ کُلِّ الکَونِ بزینب   للصبرِ و للعزةِ مذهب
سل عنها الطفُ یُکتبْ   تاریخُ العزةِ عنوان
أهلاً یا کُلَّ الإیمان   یا زینب یا زینب






• الّلهُـــــمَ صَل عَلَی مُحَمّـــــد و آل مُحَمّـــــد
ــــــــــــــــــــ
• مُحبّي الرادود قَحطانْ البْدیري

https://tttttt.me/Q_albudeiri/2870

📋قصیدة‌:[یا زینب الکبری]

🎤أداء الملا قحطان البدیري
🖋الشاعر: واثق العیساوي
🌱 مولد السیدة زینب سلام الله علیها
ــــــــــــــــــــ

سلام عیوني من یقره   هلا یا زینب الکبری
من اشفافي للحضره   هلا یا زینب الکبری
ــــــــــــــــــــ

طفله و علي علّمها  بالقرآن کلّمها
هیه الفاطمه أمها  لابُد تبقی آیه
حسن و حسین اخوتها  کُبرت وي عقیدتها
و اچفوف اللي ربّتها  ایمان و درایه
عِلِم و ایمان غذّوها  کرامه و عزّه ینطوها

ابیت العصمه ربّوها  و مجمع للهدایه
سمانه اتصیح مبتشره  هلا یا زینب الکبری
ــــــــــــــــــــ

کتبتچ کل حرف آیه  یبنت حیدر یوفّایه
باچر کلنا مشایه  ورد یمچ نجیبه
رایه و من ابوفاضل  نجیب اویانه للعایل
بعد مانقبل الگایل  عن زینب غریبه
سؤال الروح آذانه  الچ هالشوگ ودّانه

مُحِب و الحضره عنوانه  من یگصد حبیبه
وعد و الروح تنتظره  هلا یا زینب الکبری
ــــــــــــــــــــ

حیاتچ کل معانیها  جهاد و تقوی نلگیها
شرف بالطف رسمتیها  یا بنت الصمیده
درب الشام ظل شاهد  مره بس ابفکر قائد
اخت عبّاس و اتجاهد  رایه اتلوح بیدیها
ثوره و هیه قادتها  ابفصلها الثاني کتبتها

لهسه و صوت خطبتها  چن نبره جدیده
شعار و کتبت الثوره  هلا یا زینب الکبری
ــــــــــــــــــــ

کملتي النصر انتي  جیش و تضحیه چنتي
صلتي ابعزمچ و جلتي  صوتچ سوه غاره
قصر هدّیتي بعیونچ  تحچین و یسمعونچ
چن حیدر یضنونچ  علي انتي و فقاره
والله لو نویتیها  شمس بیدچ تردیها

کل خطبه التخطبیها  للحق و انتصاره
الله الأعلم و أدری  هلا یا زینب الکبری






• الّلهُـــــمَ صَل عَلَی مُحَمّـــــد و آل مُحَمّـــــد
ــــــــــــــــــــــــــــــ
• مُحبّي الرادود قَحطانْ البْدیري

@qahtanqasaed

📜قصیدة: [ أقراله عاشوراء يوميه ]

🎤أداء الملا قحطان البدیري
🖋الشاعر: کرار حسین الکربلائي
📆جمادي الآخرة ۱٤۳۹ هـ.
🏴وفاة أم البنین سلام الله علیها
ــــــــــــــــــــــــــــــ

المستهل:

الحمدُللّه و الشُکر
بکّائه خلّصت العمر
و البیت سویته حسینیّه
صارت قِبلتي کربلا
کل مغرب أتوجّه إله
و أقراله عاشوراء یومیه
۱/ــــــــــــــــــــ

و اللّه لو أملك عمر نوح
ما أشبع امن الدمعه و النوح
اشلون بحیاته ایعیش مرتاح
العنده مثل حسین مذبوح

خل یجي یعگوب و یگابلني ابونینه
یوسف عدل شنهو السبب مبیضّه عینه
شیگول گلبي و یوسفه مایدري وینه
عن ثوبه أسأل جاوبوني امسلّبینه

لقصّة حسین و مذبحه
کل یوم عندي فاتحه
و أنصب عزه بالدار لیلیه
تکتلني وحشة منزله
کل مغرب أتوجّه إله
و أقراله عاشوراء یومیه
۲/ــــــــــــــــــــ

امن حسین ماکو الدنیا بیها
و ما حصّلت حتی شبیهه
یا ناس نعمه البچي اعله حسین
بي صرت عند اللّه وجیهه

یا هالخلگ لو خیّروني بین الاثنین
أجري الدمع لحسین لو ولدچ تریدین
أحلف و حگ الگطّعوا من عنده چفّین
ما بدّل الدنیا بثواب ادموعي لحسین

یا ناس صدقوا هالدمع
من فاطمه یجبر ضلع
بهذا البکاء الحاجه مقضیّه
لمّن أطیح ابمشکله
کل مغرب أتوجّه إله
و أقراله عاشوراء یومیه
۳/ــــــــــــــــــــ

بچّیت کل الرایح و جاي
بثوابه وزّعت اشکثر ماي
صعبه یظل فوگي سگف بیت
و حسین عاري ایدوّر افیاي

یم بابي أنصب موکبي و یصیح الاحساس
یا ناس هذا الماي مو بثواب عبّاس
هالماي اشربوه بثواب حسین یا ناس
للنحره ضامي و عالترب جسمه بلا راس

کلما شربت امن العذب
اذکر اولیدي المنسلب
و جروح عنده ألف و تسعمیّه
هذا الحزن یستاهله
کل مغرب أتوجّه إله
و أقراله عاشوراء یومیه
٤/ــــــــــــــــــــ

شنهو وجودي ابلا وجوده
هو اللّه خالقني اعله موده
أترك الثوب الأسود اشلون
و زینب إجت بمتون سوده

بفراش إذا عیني غفت أتخیّل امصاب
زینب حبیبة فاطمه نامت علی اتراب
گمت أجمع أطفال المدینه بعتبة الباب
لخاطر رقیّه ابنیّته أنطیهن احجاب

و بثواب عبداللّه بعد
کل طفل أهدیله مهد
و اوگف ألولي و آنه محنیّه
و الصابه نبله حرمله
کل مغرب أتوجّه إله
و أقراله عاشوراء یومیه
۵/ــــــــــــــــــــ

الینصب عزا و اللي یحضره
العبّاس بعیونه ینظره
أتمنی ما مخلوقه حرمه
ابمنبرکم أصعد و آنه أقره

خلّوني أسمعکم نواعي بطور الأحزان
من أنعه آنه الوالده و الگلب لهفان
ویلا علیك حسین یبني المات عطشان
من بعد ذبحك أصبحت للخیل میدان

و الیستمع هذا الحچي
لازم یموت امن البچي
و آنه متت دیرة حزن بیّه
بگبري و دموعي هامله
کل مغرب أتوجّه إله
و أقراله عاشوراء یومیه



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/9999

📜قصیدة: [ رسالتي للفرات ]

🎤أداء الملا قحطان البدیري
🖋الشاعر: عبدالله القرمزي
📆جمادي الآخرة ۱٤۳۹ هـ.
🏴وفاة أم البنین سلام الله علیها
ــــــــــــــــــــ

المستهل:

رِسَالَتي لِلْفُراتْ
إنْ عُدَّتَ مِنهُ خائِبا
کیفَ تَرُدُّ ظَمآن
جاءَ إلیكَ شارِبا
۱/ــــــــــــــــــــ

قَرَعتُ بابَ العَفوِ و الرجاءِ
حامِلَةً رضیعَ کربلاءِ
أمُّ البنینِ و القِماطُ روحي
و الحُزنُ حُزني و العَزا عَزائي
عَلّقتُ آمالي علیكَ ربّي
بِحَقِّ هذا فأستَجِبْ دُعائي
حَمَلتُ عبدَاللهِ من شُجوني
رَسائلَ الدموعِ للسَماءِ

أدعو دُعاءَ الصَباحْ
إنْ کُنتَ لي مُعاتِبا
کیفَ تَرُدُّ ظَمآن
جاءَ إلیكَ شارِبا
۲/ــــــــــــــــــــ

یَبنَ الربابِ یا ضیاءَ عَیني
یا فَلْذَةً من کَبدِ الحُسینِ
إذا أتیتُم کربلاء عُطاشی
و البَینُ حالَ بینَکُم و بَیني
تَذَکّروا أمَّ البنینِ غَرقی
بِمَدمعِ الحسرةِ و الحنینِ
و قُلْ إلی ربِّكَ یا إلهي
أظْمَا علی ضِفافِ الرافِدینِ

طِفلٌ إلیكَ إلْتَجا
مِنَ السِهامِ هارِبا
کیفَ تَرُدُّ ظَمآن
جاءَ إلیكَ شارِبا
۳/ــــــــــــــــــــ

أعُوذُ مِنكَ لاهِبَ الغَلیلِ
و جُودُکمْ نِهایةُ المأمولِ
أسألُ یا ربّي سِواكَ حاشا
و أنتَ أنتَ غایةُ المسئولِ
و وعدُكَ الصادقُ للحَیاری
و بابُكَ المفتوحُ للوُغُولِ
و إنْ أرَدتَ هذةِ دِمانا
مُتْرَعَةٌ في ضَنَكِ الْمَحولِ

و هَل یَموتُ عُطشان
مَن لكَ فَرّ راغِبا
کیفَ تَرُدُّ ظَمآن
جاءَ إلیكَ شارِبا
٤/ــــــــــــــــــــ

سَتَرحَلونَ یا سَنا اللیالي
لِکَربلاء بالأهلِ و الرجالِ
و یَشهَدُ اللّهُ عَلَيَّ دَوماً
بأنني لا أذکُرُ الغَوالي
فَإنّما یَذکرُ مَن نَساکُم
و أنتُمُ دَوماً علی خَیالي
و أصعَبُ اللحظاتِ یا حبیبي
إنْ عُدّتُمُ و المَهدُ مِنكَ خالي

یَبنَ الحُسینِ إیّاكْ
تُرجِعُ قَلبي ذائِبا
کیفَ تَرُدُّ ظَمآن
جاءَ إلیكَ شارِبا



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/6315

📜قصیدة: [ اتمنه بيده ]

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
ـــــــــــــــــــــــــ
المستهل:

أتمنی بیده ایغمّض العین
الموت عندي افراگ الحسین
من راح منّي و آنه أنعه
دمعه التودّیني اعله دمعه
۱/ــــــــــــــــــــ

من خطوة الناگه المشت ویاها ذیچ اللمّه
من یومها و آنه النعي عایش اویاي ابکلمه
حسین أغله امن الهوه أختنگ لو ما شمّه
و الفرگه تابوت العدل لو راح غالي ایهمّه

یا دنیا تحله بغیر الأحباب
و روح المفارگ دگت الباب
صوت البچي یاهو الیسمعه
دمعه التودّیني اعله دمعه
۲/ــــــــــــــــــــ

تلچمني کلمة کربلا کلما یمر طاریها
الهسه یجرحني الحچي لو ناعي یقره اعلیها
و لو گال شافتها الزلم زینب هظیمه احچیها
اللّه أکبر یا خلگ ستر اللّه سولف بیها

حتی الستر یم خیمتچ چان
یوگف ابابچ یقره قرآن
وسفه الستر دوّرله فزعه
دمعه التودّیني اعله دمعه
۳/ــــــــــــــــــــ

الموت أسهل من سهم و اشصار بالطف منه
حسین أحس بیه ینلچم لو سولفتلك عنه
و اتخیّل العمره ندی عبداللّه طیر الجنّه
ینذبح عنده آخر حلم عطشان چان بحضنه

عبداللّه سولف ماي للماي
ذبّت اگماطه چانت اهواي
راد الشهاده مثل ربعه
دمعه التودّیني اعله دمعه
٤/ــــــــــــــــــــ

چلمة الیُمه اتیتّمت من راح منّي الوالي
صح آنه أم الأربعه بس ما بقت تحلالي
اشتنفع الأم ابلا ولد و البیت صَبّح خالي
اشمحلاتها الأم تندفن بچفوف ابنها الغالي

شیل الجنازه اترید الأولاد
و أنا أربعتهم عنّي ابعاد
یاهو الیحط بگبري شمعه
دمعه التودّیني اعله دمعه
۵/ــــــــــــــــــــ

الأم سوالفها الإبن للشیب ضمّت ذخره
و آنه نذرت الأربعه لو یرجع ابن الزهره
یُمه أعتذر یا بوعلي ما خلّفتلك عشره
ما أدري مثلك ینذبح و الخیل تسحگ صدره

صدره صُفه میدان للخیل
دمّه اعله رملة کربلا ایسیل
ما چنت یَمه حتی أودعه
دمعه التودّیني اعله دمعه



• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10023