📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
📍عيد الغدير ١٤٤٠ هـ.
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ـــــــــــــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10665

📜قصیدة: [ يا علي ]

🎤أداء الملا قحطان البدیري
🖋الشاعر: واثق العیساوي
🌠 عید الغدیر
ــــــــــــــــــــــــــــــــــــــــ

یا علي یا علي
یا علي یا علي یا علي
ــــــــــــــــــــ
۱/

تکتب احروف المحبّه عالقلب أصدق مقال
علي متْنَصّب أمیر اعلی الخلافه ابلا جدال
للغدیر الیوم أسافر هایم ابجنح الخیال
حتّی أشوف اچفوف ادیهم لوحه من صنع الجمال

چف علي و چف الرسول
و الحدیث اللي یقول
من لسان الهادي أحمد
یا علي انت الأمیر
ــــــــــــــــــــ
۲/

یا علي ابیا کلمه أوصفك و العقل یمك یحیر
انت لو ماکو ابوجودي راح ابایع مَن أمیر
مملکة آخر نبوّه لازم اتنصّب وزیر
منهو غیرك یا ولینا ابکل قلب یملك غدیر

یا علي لو ما لِواك
ضاعت الدنیا وراك
یعترف حتّی الیبغضك
یا علي انت الأمیر
ــــــــــــــــــــ
۳/

موقف اتذکره الروایه عاشت الأمه انتظار
تنتظر یصدر بإسمك یا علي أعظم قرار
یا علي للأمه دربك واضح و أصدق مسار
و الدخل روضة جنانك ما تِمِس اعیونه نار

انت حجه اعلی الوجود
بسمك احروف الخلود
تبقی للما لا نهایه
یا علي انت الأمیر
ــــــــــــــــــــ
٤/

منهو مثلك عالیتامه یفتر و بچفوفه قوت
الصلاه انت و قدسها و انت للعابد قنوت
انت سر عش الحمامه و لغز بیت العنکبوت
کل من ایموت اعلی حبك یا علي لا مایموت

یا ملاذ الإنتصار
من تصول ابذولفقّار
الك سوح الحرب نادت
یا علي انت الأمیر






• لا فَتَــی إلّا عَلــي لا سَیفْ إلّا ذُولْفَقّـــــار

• الّلهُــمَ صَل عَلَی مُحَمّــد و آل مُحَمّــد
--------------------
• مُحبّي الرادود قَحْطان البديري

@qahtanqasaed
https://tttttt.me/Q_albudeiri/10639

📜موال :[ صندوق الأصوات ]

🎤 أداء الملا قحطان البدیري
🖊الشاعر : عمار هلیل الواسطي
🌠 عيد الغدير
ــــــــــــــــــــ🔅🔅ــــــــــــــــــــ

لو نفترض صار إقتراع ابهل یوم
گالولي إختار التشوفه الأجدر

شتظن أقارن لو شفت جنّه و نار
لو بین صحرا و بین بستان أخضر

بین الرِسَم ضحکه بوجوه الأیتام
و بین الکِسَر خاطر لماي الجبّار

بین الشبع من دولته حتّی الطیر
و بین الجزع من دولته حتّی الشر

لا والله ما مجبور أخدع هالروح
مو بس أوَقّعْ بَل أوَقّعْ و أفخَر

لو بیدي أطَلِع گلبي و أرکض ملهوف
للرَشّحه الهادي الرسول الأطهار

ابـ صندوق الأصوات أحط گلبي اویه الصوت
و اثنینهن أختار بیهن حـیـــــدر





• لا فَتَی إلّا عَلي لا سَیفْ إلّا ذولْفِقار

• الّلهُـم صَل عَلَی مُحَمّـد و آل مُحَمّـد
--------------------
• مُحبّي الرادود قَحطانْ البْدیري

@qahtanqasaed
https://tttttt.me/Q_albudeiri/10640

📜قصیدة:[يا علي مدد]

🎤أداء الملا قحطان البدیري
🖋الشاعر: کرار حیدر الخفاجي
🌠 عید الغدیر
ـــــــــــــــــــــ☀️☀️ـــــــــــــــــــــ

صوتي بالشدد یا علي مدد
لا فتی إلّا علي یا علي مدد
ـــــــــــــــــــــ☀️☀️ـــــــــــــــــــــ

حیدر علي بوکت الشدد یحمیني
علي علي
اچفوفي أمِدها و ما یرد چفّینی
علي علي
لو ما عرفته ما عرفته لدیني
علي علي
عیني اللي مَتشوفه شسوّي بعیني
علي علي

هو مسندي یبقی قائدي
آنه حرزي و موئلي یا علي مدد
ـــــــــــــــــــــ☀️☀️ـــــــــــــــــــــ

حیدر حبیبي اللي رُبیت بدربه
علي علي
طیب و لایحرمني طیبة گلبه
علي علي
اتبرّه من روحي و لا من حُبه
علي علي

حیدر النَبَاء فاطر و سَبَاء
هو قرآن الجَلي یا علي مدد
ـــــــــــــــــــــ☀️☀️ـــــــــــــــــــــ

حیدر مَلیکي و ممتلك إحساسي
علي علي
ماشم هوا ما بي علي بأنفاسي
علي علي
لمّن یخالفني الزمان القاسي
علي علي
اوگف علی بابه و أدنّگ راسي
علي علي

فازَ مَن سَعَی و بـ علي دَعَا
هذا حیدر کافلي یا علي مدد
ـــــــــــــــــــــ☀️☀️ـــــــــــــــــــــ

عشگي و حیاتي الما أعیش بدونه
علي علي
والي الأیتام و کلهم ایحبونه
علي علي
کلمن یجي و بیده حِمَل ماعونه
علي علي
ایوزع ابخیر اعلیهم ایریدونه
علي علي

گلبي و النبض دیني و الفرض
کل شي بالدنیا إلي یا علي مدد
ـــــــــــــــــــــ☀️☀️ـــــــــــــــــــــ

حیدر الأول غصباً إعلی الحاقد
علي علي
مو آنه راید هو الله الراید
علي علي
مهما العواذل بالقضیه اتعاند
علي علي
یبقي علي برغم التسلسل واحد
علي علي

کلنا عالعهد نمضي للأبد
فدوه أموالي و هلي یا علي مدد
ـــــــــــــــــــــ☀️☀️ـــــــــــــــــــــ

تبقی النجف بسم الولي معموره
علي علي
اشما رادوا ایظلموها یسطع نوره
علي علي
الرادت تهدم صحن ما معذوره
علي علي
خل اتخسي و حیدر الحارس سُوره
علي علي

لو نذل هجم والله إلّا دم
نسحگه وداعة علي یا علي مدد
ـــــــــــــــــــــ☀️☀️ـــــــــــــــــــــ

یا علي محروس العراق بزودك
علي علي
یا داعش الیفتح حلگ بوجودك؟
علي علي
والله بس یتقربون لحدودك
علي علي
تلگی إعلی رووس الداعشیه جنودك
علي علي

داعش الحضر ابزودك اندحر
بصیحتي وده عاذلي یا علي مدد



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10642

📜 قصیدة: [اسأل الله]

🎤 أداء الملا قحطان البدیري
🖋 الشاعر: عمار هلیل الواسطي
🌠 عيد الغدير
ــــــــــــــــــــ☀️☀️ــــــــــــــــــــ
المستهل:

یالتوالي المرتضی بحکمه و درایه
اسأل الله یثبتك عالولایه
علي مولاك علي
لا مینساك علي
ـــــــــــــــــــــ☀️☀️ـــــــــــــــــــــ

یالموالي بمحبتك للصمیده
یقوه ایمانك و تقوه العقیده
اللیله قلبك فُرَح یعزف نشیده
الباري یرعاك لأن ردت الیریده

علي حبه وسیله و حبه غایه
اسأل الله یثبتك عالولایه
علي من العلي
لا مینساك علي
ـــــــــــــــــــــ☀️☀️ـــــــــــــــــــــ

هي فطره و یا هنیالك علیها
یرتفع شانه الیفاخر دوم بیها
الوادم ان چان اتعرف الله و نبیها
تدري بعد النبي حیدر ولیها

من محمد اخذ هاي الروایه
اسأل الله یثبتك عالولایه
الوصي بعدي علي
لا مینساك علي
ـــــــــــــــــــــ☀️☀️ـــــــــــــــــــــ

یالتبعت المصطفی و نهج الرساله
بالغدیر النبي شنهو اللي قاله
قال مولاکم علي و فاز اللي واله
و صدح صوته بالصلاة عالنبي و آله

هو بوحسین ولي من البدایه
اسأل الله یثبتك عالولایه
للمعالي تعتلي
لا مینساك علي
ـــــــــــــــــــــ☀️☀️ـــــــــــــــــــــ

اللیله صوب النجف نرفع ادینه
بیعة اخلاص لبوالیمه علینه
من فضل ربع العرش شیعه بقینه
و ابفضل حبنه لنبینه و لولینه

یبقی حب المصطفی و حیدر هدایه
اسأل الله یثبتك عالولایه
کل همومك تنجلي
لا مینساك علي
ـــــــــــــــــــــ☀️☀️ـــــــــــــــــــــ

یالموالي بفرحتك هاي المسیه
تسر قلب الولي و قلب الزچیه
اشعل اشموع الفرح حبك هدیه
و اخذ من المرتضی أشرف هویه

ما یصح الّا الصحیح ابکل نهایه
اسأل الله یثبتك عالولایه






• لا فَتَی إلّا عَلي لا سَیفْ إلّا ذُولْفقار
-------------------
• مُحبّي الرادود قَحطانْ البْدیري

@qahtanqasaed
https://tttttt.me/Q_albudeiri/10627

📜قصیدة: [ علي عالي ]

🎤أداء الملا قحطان البدیري
🎤 الملا محمد بوجباره
🖊الشاعر عبدالأمیر الفتلاوي
🖊الشاعر علي عسیلي العاملي
🌠 عید الغدیر
ـــــــــــــــــــــ☀️☀️ـــــــــــــــــــــ

علي عالي اعله کل عالي
علي یموکّل امن الرب
علي ما نصّبك منصوب
لکن بالنص امنصّب
ـــــــــــــــــــــ☀️☀️ـــــــــــــــــــــ

لِغَدیرَكَ یا عَذبَ المَنهلِ
سَأحُجُّ و أرشُفُ کأسَ الوَلي
فَـ فؤاديَّ یَصحو إن یَثمَلِ
بِتَخَیُّلِ وجهِ أمیري علي

لكَ تاجُ ضیاءٍ لَفَّ العُلیٰ
فَسَناهُ بَهاءُ مِن ربِّ المَلا

یا عليُّ اللهُ ارتَضاکا
فَالثُریّا صارَت ثَراکا
إنني مَولايَ أحتاجُ
عینَ طه حتّی أراکا

أتُریٰ بِالأحداقِ
یا حُلمَ المُشتاقِ
یا نقشَ العَرشُ و یا
وجهَ اللهِ الباقي
ـــــــــــــــــــــ☀️☀️ـــــــــــــــــــــ

علي بساق العرش نورك
علي یالعلّمت جبریل
اسمك نزل بالتوراة
و ازبور و صحف و انجیل
ـــــــــــــــــــــ☀️☀️ـــــــــــــــــــــ

بِكَ ذِکرُ تعالیٰ عَزَّ و جَل
و لَدَیكَ تَهَاوَتْ اُعْلُ هُبَل
هُوَ عیدُكَ لمّا الدینُ اکتَمَل
فَسِواكَ تُریٰ مَن خَیرُ العَمَل

و کَفاكَ کِتابٌ في بَلِّغِ
فَـ لِکَعبِ عُلاكَ لا لم یُبلَغِ

مَا اتَّبَعتُ زَیداً و عَمرا
بَل وصیّاً قَدْ قَدَّ عَمرا
أنتَ مَن في السِلمِ و الحَربِ
قَدْ بَذَلتَ النَفسَ و العُمرا

لكَ خُذ روحي قُبلَه
لِیَدٍ حَمَت القِبلَه
بِغَدیرٍ لَم یُعرَفْ
مَن قَد آمَنَ قَبلَه
ـــــــــــــــــــــ☀️☀️ـــــــــــــــــــــ

یا کوکب خبر مُسنَد
الك تحت العرش مَسنَد
لولاك انفنی الإسلام
لا عابد و لا مَعبَد
ـــــــــــــــــــــ☀️☀️ـــــــــــــــــــــ

بِدِمائي عَینٌ، لامٌ و یاء
مِئةً معَ عشرٍ قد اُحصیا
فإذا ادعوكَ لِضَیقٍ بیا
لِيَ تَحضَرُ قبلَ تَلَفُظِ یا

فأراكَ أنیسي في وحشتي
و دلیلي سبیلي بل یا عُدّتي

حیدرٌ للمختارِ غَوثُ
صارِمٌ، دِرعٌ، رُمحٌ، لَیثُ
كَفُكَ الخَشناءُ في الطَعنِ
نَفسُها للمَلهوفِ غَیثُ

لِیَدي أنتَ الماسِك
تطأءُ الدربَ الشائِك
قَرُبَ العَبدُ النَائي
بِكَ في دَهرٍ حالك
ـــــــــــــــــــــ☀️☀️ـــــــــــــــــــــ

گرب بسم النبي الهادي
و بسمك و هو یتوسل
یسر بالسِر عِذت موسی
ناصر کل نبي و مُرسل






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10667

📜قصیدة: [ جروحي لطمية ]

🎤أداء الملا قحطان البدیري
🖊الشاعر السيد معتز الحسيني
• إصدار «من یدري؟» • محرم ١٤٤٤ هـ.
ــــــــــــــــــــــــــــــ

رافگت الدمع یحسین
حچیت اجروحي لطمیه
خاصمت الخرابه اسنین
الخذت منك ابنیه
أطب لمجلسك مخنوگ
و أطلع کلّي حنیه
و أحس چذب الحچي ابلیاك
و انت احچایه صدگیه
ــــــــــــــــــــ

حزین و محرم جاي
أگلك و الدمع هامل
و أذکر ظهرك المکسور
و أخجل من أبوفاضل

سودني العشگ ویاك
من عدهه وصرت عاقل
سافرت اشکثر و امتاع
غیر التربه ما شایل

من شفت العگل یحسین
بمحرم ناسك اتذبها
عرفت الیذبح العباس
یرد لزینب ایسبها

و حگ الداست اعله العوز
و فتحتلك مواکبها
اشگد بیها حزن و جروح
بس أیامك انحبها

آنه البیه أمي اتگود
أمس لو رحنه مشایه
و هسه من اعتني مشاي
أجیك و ولدي ویایه

لزمت اقرایتك للیوم
مثل ما ألزم الرایه
کبرني الحچي بطاریك
من اولایه لولایه

ما دامك تعیش اویاي
هاي النعمه تکفیني
ما ماشي بطمع ویاك
راید دمعه تنطیني

کون اشما یمر عاشور
نار الخیمه تچویني
کیفك و انت أبوي اتصیر
الیا مجلس تودیني






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11741

📜قصیدة: [ لا وطن إلا الحسين ]

🎤أداء الملا قحطان البدیري
🖊الشاعر: واثق العيساوي
📆 ليلة ١ محرم ١٤٤٤ هـ.
ــــــــــــــــــــــــــــــ

المستهل:

لا زمن إلّا محرم
لا وطن إلّا الحسین
عندي تسوه الدنیا کلها
خطوه بین الحرمین
کربلاء انتماء
و البقاء للعزاء
١/ــــــــــــــــــــ

گلب العاشگ و اشیهوه
و الدنیا ابغیره اشتسوه
حتی الدمعه اویاه حلوه
و حبیت ادموعي و أحزاني
یا لایمني اسمع ردي
غیر حسین آنه اشعندي
ابهالعالم لو اظل وحدي
وحده حسین ایصیر أوطاني
کل ساعه اتمر بأیامي
ما أذکر بیها الضامي
تکبر و اتزید آلامي
مکسور و ضایع تلگاني

لو ردتني و ضیعتني
بکربلا تلگاني دوم
طیر عطشان لدمعته
اهناك یم حسین أحوم
جنحي طار بالسماء
و البقاء للعزاء
٢/ــــــــــــــــــــ

بین الحرمین اعیوني
تسرح بیك و یلگوني
یحسین اتزید اظنوني
و اسأل کل خطوه اعله أسرارك
قطعة امن الجنة ألگاها
الله اختار و خلاها
یاهو الیعرف معناها
گاع و تنزف لسه بثارك
أتنفس بیها جروحك
و تتعلگ روحي بروحك
یتعب فکري و میلوحك
دمك خالط دم أنصارك

أمشي و أتخیل اطفوفك
و انشغل بیك و اضیع
و أسمع ابکل خطوة صرخة
صوت عبدالله الرضیع
و أبقه أنوح عالبکاء
و البقاء للعزاء
٣/ــــــــــــــــــــ

مادام حسین بروحي
یتکفل کل اجروحي
هو الیستاهل نوحي
یاهو الیسوه اجریله ادموعي
أنعه و مایسکت صوتي
و بمجلس راید موتي
و تلتف رایه بتابوتي
و آثار اللطمه اعله اضلوعي
لو گبري ایضمني اترابه
ارد أسمع ونه ابابه
آه یحسین ویمصابه
و للقاسم نذروها اشموعي

گالو حسین الیحضرك
للگبر لمن تفوت
و لأن مشتاق أرد أشوفه
الخاطره اشگد ردت أموت
و التهیت باللقاء
و البقاء للعزاء
٤/ــــــــــــــــــــ

کلمن خلصت سالفته
وین الضدك عاقبته
یحسین و ظلیت انت
تکبر و ایزغرون اگبالك
و الحاول یهدم گبرك
خاب و ظل شامخ نحرك
عجزوا ما منعوا ذکرك
یا مِلّه التخفیها افضالك
و اشگد رادوا یمحونك
یومیه أکبر یلگونك
ماگدروا لا و عیونك
و احنه انعیش و نحیه ابجالك

باقیه الدنیا ابوجودك
یا أصل کل الوجود
انت بس انت التجسد
للبشر معنی الخلود
یالتفیض کبریاء
و البقاء للعزاء
٥/ــــــــــــــــــــ

انت الأول و الآخر
انت الساند و الناصر
و اللي ایعوفك ظل حایر
و اتضیع بدونك أعماله
یا سر الباري الأعظم
یالرویت الدین ابدم
احنه اویاك و مانهتم
و الظل بدربك هنیاله
باچر موعدنا المحشر
و ایبین یاهو الیخسر
و ننصب بالجنه المنبر
و الدمعه اگبالك هماله

انت بالدنیا سندنا
و بیك محلاهه الحیاة
و خیمتك باچر تلمنا
بالحشر و انت النجاة
من یصیر هالنداء
و البقاء للعزاء






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11751

📜قصیدة: [ فلتبك البواكي ]

🎤أداء الملا قحطان البدیري
🖊الشاعر ميرزا عادل أشكناني
• إصدار «من یدري؟» محرم ١٤٤٤ هـ.
ــــــــــــــــــــــــــــــ

عَمَّتي ما أقرَح الجَفْنَ سِوَاكِ..
بالبُكا عَلَّمْتِ وَرْقَاءَ الأرَاكِ..

كيفَ لا تُبدي لكِ العينُ اِحْمرارْ
و احمرارُ الأفْقِ عن جَفنَيْكِ حاكِـي..

هكذا كانت نِداءاتُ السَّماءْ
فعلى زينبَ فلتَبْكِ البَوَاكِـي..
ــــــــــ

آنه اللّي سَد نوحي هالفضه..
ابلحظة فرَح گلبي ما حِظَه..

آنا المُهَيِّجْ حزْن الطفوف
علِيِّ اِبِنْ موسى الرِّضه..

هوَّنت عمَّتنه اِللّي يجي
او أنسَتنه كِل هَمنه اللّي مُظه..

[ أوْرَثَـتْـنا الكربَ و البَلاءْ ]
كرْب اْو بله لهالسَّه ما انگظه..


الخلّت علينه أيّامنه طول العمُر سُود
عمَّتنه زينب..
دمعة رسول الله إلى الحجةّ الموعود
عمّتنه زينب..
ما لا يُرىٰ و ما يُرى صَب دمْع لعيون
لحسين جدّنه
لاچن البچّه احسين و اهوَه ابنفسه ايْجُود
عمّتنه زينب.. !

ـــــــــــــــــــــــــــــــــــــــــــــــــــــ

شيعَتي أوْصِيكُمُ بالنَّوحِ ما إِنْ ..
عذْبَ ماءٍ ذُقتُمُ يومًا , ولكِن ..

فلْيَكُنْ نوْحًا لهُ تُدمَى القُلُوب
لقطيعِ النَّحْرِ مرضُوضِ الجَناجِنْ(1)

فضمانُ الفَوْزِ في هذا النُّوَاحْ
و أنا في الحشْر عندِ اللهِ ضامِن..


يا ابْنَ شَبيِبَ إذا تنتحِب..
مُسعْدِ امِّي الزهره تنحِسِبْ..

و الدمعه لو علَى الـ خَدْ جِرَت
بالمحشر اتجينه ابلا ذَنِبْ..

جدِّي الحُسين إذا تندبْه
تسبيحِ إلك نَدْبَك ينكِتِبْ..

إسلِب وَقَارَك من تذْكِره
ابحرِّ الشمس عاري اْو منسِلِبْ..


إن چَان رايد بالقيامه الجنَّه تضْمِن
إبچِي لحْسين..
إن چان ويَّانه تريد ابْعَدَن تسِكِن
إبچِي لحْسين..
چِلمه أخيره اْو تختصر كل هالمضامين
و اسمعها منّي
[ يا ابْنَ شبيبِ إنْ كُنْتَ باكيًا لشَيْءٍ ]
إبچِي لحْسين..

ــــــــــــــــ
(1) الجناجن : عظام الصدر وقيل رؤوس الأضلاع , و في ذلك قول اللعين أسيد بن مالك عندما دخل على ابن زياد طالبًا الجائرة متفاخرًا بقوله ( نحن رضضنا الصدرَ بعد الظهرِ ** في كل يعبوبٍ شديد الأسْر ) فقال من أنتم ؟! , فقال : نحن الذي وطأنا بخيولنا ظهر الحسين حتى طحنّا *جناجنَ* صدره !


ميرزا عادل أشكناني
الكويت
ذي القعدة 1443 هـ.




• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11753

📜قصیدة: [ أربع أنهار ]

🎤أداء الملا قحطان البدیري
🖊الشاعر: واثق العيساوي
📆 ليلة ٤ محرم ١٤٤٤ هـ.
ــــــــــــــــــــــــــــــ

المستهل:

ربیتکم دمعه و نذر و أطلبکم ارباي
أربع أنهار اتوزعوا لو گطعوا الماي
یالبیکم أحلامي.. مایبقه أي ضامي
لو گطعوا الماي
۱/ــــــــــــــــــــ

الأخو موقف، گلب و ایرف
عله اخوانه صُفه
ضوه اعیوني، توعدوني
و تشرفوني ابصِفه
عهد منکم، مناحرکم
نهر یجرن وفه
النهر لو شح، ابمواقف صح
العطش راح او طفه

بالشده اخوکم لو وگع عینه عالإخوان
العطشان لو شاف إخوته مایبقه عطشان
بالمنحر الدامي.. مایبقه أي ضامي
لو گطعوا الماي
۲/ــــــــــــــــــــ

ردت کلمة، لأبو الیمه
تروحوله فده
اذا باچر، بقه حایر
و عذاب الطف بده
العطش جمرة، و یبس ثغره
تصیروله نده
الدمه الیجري، نهر یسري
عله اعناد العده

أربع انحور امن الدمه تنزف للأطهار
امن المشرعه لحد الخیم یعني أربع أنهار
ابدم الوفه الحامي.. ما یبقه أي ضامي
لو گطعوا الماي
۳/ــــــــــــــــــــ

عله زینب، أون و أنحب
و أوصیکم ردت
خیام اتحن، یتامه اتون
اشیظل بیها الإخت
یهالکافل، یبو فاضل
وضع یرهب شفت
یضربوها، یچتفوها
عفه اگبالك صحت

چن نار أشوفن للسمه تاکل بالخیام
و الخیل هجمت عالحرم سحگت عالأیتام
أمنتك أیتامي.. مایبقه أي ضامي
لو گطعوا الماي
٤/ــــــــــــــــــــ

الضعن یحدي، و أظل وحدي
کسیرة ابلا جنح
مشو ولدي، و دمع خدي
کسر گلبي الصبح
و علیلتهم، و أنا و همهم
جرح یبچي لجرح
یعوفوني، و یذبحوني
اشیصبره المنذبح

عالباب عیني ابلا فکر بس احسب أیام
آنه و علیلتهم جفن مایقبل اینام
گلتلها بس نامي.. مایبقه أي ضامي
لو گطعوا الماي
۵/ــــــــــــــــــــ

و اجه الناعي، وصل گاعي
صحت ها یا بشر
بعید الشر، ابخیالي أعثر
أگوم و انکسر
عمت عیني، عله احسیني
بخبر ردت استقر
عظیم أجرچ، یگلي ابنچ
گطع نحره الشمر

و زینب مشت متیسره و یحدوها الأرجاس
ذباح أخوها اویه الضعن من بعد عباس
و اندارت أیامي.. مایبقه أي ضامي
لو گطعوا الماي






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11757

📜قصیدة: [ مات عليك ]

🎤أداء الملا قحطان البدیري
🖊الشاعر: عبدالله القرمزي
📆 ليلة ۵ محرم ١٤٤٤ هـ.
ــــــــــــــــــــــــــــــ

المستهل:

هذا سلامُ الوالهین
مِن فوقِ قصرِ الظالمین
سلامُ مشتاقٌ إلیك
سلامُ مَن ماتَ علیك
مِن مسلمٍ إلی الحسین
۱/ــــــــــــــــــــ

وجَّهتُ وجهي مِن علی قصرِ الإمارة
لِکربلا أحْرَمتُ إحرامَ الزیارة
أبْني إلیكَ مِن دَمي أعلیٰ منارة
مُستشهداً و الحرُ تکفیهِ الإشارة

مِن قبلِ أنْ أرمَیٰ شهید
هذا سلامي مِن بعید
حَذاري مِن غدرِ الزمان
لیسَ إلی القومِ أمان
مِن مسلمٍ إلی الحسین
۲/ــــــــــــــــــــ

مَن مُرسلٌ مِنّي إلی حِلوِ الشمائل
رسالةً تُخبِرُ عن غدرِ القبائل
عُد یا حبیبَ المصطفی عُد بالمحامل
یا سیدي عُد لا أمانَ للرسائل

عکسَ الّذي کانت تُفید
هذا أنا صِرتُ وحید
یا لیتني بینَ یدیك
أبُثُّ شکوايَ إلیك
مِن مسلمٍ إلی الحسین
۳/ــــــــــــــــــــ

لكَ السّلامُ یا عطیشاً بالفراتِ
مِن مسلمٍ علی ضیاعِ الأمنیاتِ
قَد نِلتُ أقصیٰ ما رجوتُ في حیاتي
مِثلكَ أقضي بالشفاهِ الذابلاتِ

فداكَ مَولايَ الدِماء
سَبِقتکم إلی السماء
خانوكَ بُغضاً لأبیك
لأنَّهم رأوهُ فیك
مِن مسلمٍ إلی الحسین
٤/ــــــــــــــــــــ

لكَ السّلامُ مِن مسافاتٍ بعیدة
یا سیدي إمسَح علی رأسِ حمیدة
فخري بِأنْ مُتُّ مِن أجلِ العقیدة
و غایةُ الروحِ بِأنْ تمضي شهیدة

و الشُهداء السُعداء
مضوا إلی الدینِ فداء
لکن علیكَ غُصّتي
مَن موصِلٌ رسالتي
مِن مسلمٍ إلی الحسین
۵/ــــــــــــــــــــ

لكَ السّلامُ یا غریبَ الغاضریة
خوفي علیكَ مِن خیولِ الأعوجیة
خوفي بِأنْ تُسبی النساءِ الفاطمیة
خوفي تریٰ رأسُكَ بالطشتِ رقیة

لكَ السّلامُ یا غریب
مِنّي علی الشیبِ الخضیب
و الرأسُ مِن فوقِ الرماح
موعِدنا عندَ الصباح
مِن مسلمٍ إلی الحسین






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11759

📜قصیدة: [ بجيتني ]

🎤أداء الملا قحطان البدیري
🖊الشاعر: واثق العيساوي
📆 ليلة ٧ محرم ١٤٤٤ هـ
ــــــــــــــــــــــــــــــ

المستهل:

بموقف صعب نادیتني
مکسور أرد خلیتني
من گتلي مارد للخیم
من شفتك بعینك سهم.. بچیتني
۱/ــــــــــــــــــــ

من صحت إدرکني أخي
الخویه اشکثر تانیتها
لکن لمن وصلت إلي
سیف بنحر حسیتها
برکضتي چم سهم و رمح
ضربوني و اتعدیتها
ایطعنوني و أعثر و أنجرح
بس اوصل اتمنیتها

شفتك بعیني و حایر
یا خویه بیك اشصایر
راسك ابعامود انهشم
من شفتك بعینك سهم.. بچیتني
۲/ــــــــــــــــــــ

نادیتني بذاك الوضع
بس نبرتك چتّاله
و یمك نصبت أول عزه
و اعیوني دم همّاله
اشحاله الیظل الوحده
و ایموت أخوه اگباله
لا و الأخوه مثلك وفي
گلي اشیظل ابحاله

الدنیا سوده ابعیني
عباس بس حاچیني
جفنك امن النظره انحرم
من شفتك بعینك سهم.. بچیتني
۳/ــــــــــــــــــــ

شنهو انت و بذاك الوضع
موقفك هم وافیته
کلما خذت راسك إلي
ماتقبل و دنیته
و استغربت من حالتك
وشنهو الذي سویته
حاسبها من وحدي أظل
راسي بحضنمن ریته

و اتگلي رد و عوفني
خاف العقیلة اتشوفني
کل هذا و اتهم بالحرم
من شفتك بعینك سهم.. بچیتني
٤/ــــــــــــــــــــ

ردیت بس ردت صگر
مکسور منه اجناحه
ردیت غرگان ابحر
و الروج باگ اصیاحه
چم سالفه ابراسي انحچت
و الگلب سکته انیاحه
و من شافني محني الظهر
ظل مبتسم ذباحه

أعثر و أگوم بحیرتي
دیرة غرب مو دیرتي
و الدنیا من بعدك عدم
من شفتك بعینك سهم.. بچیتني
۵/ــــــــــــــــــــ

زینب شفتها امحیّره
ابذاك العطش و الهیمه
سألتني بس ما جاوبت
من قرت وجهي و ظیمه
جریت عامود الخیم
او طاحت علینه الخیمه
صاحت بعد میرد إلي
راعي الفضل و الشیمه

مگطوعه ادیه خلیتها
و بیدي الدمه راویتها
یا خویه أحس ظهري انجسم
من شفتك بعینك سهم.. بچیتني





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11761

📜قصیدة: [ الزاهد الأعلم ]

🎤أداء الملا قحطان البدیري
🖋الشاعر: واثق العیساوي
📆لیلة ۲۵ محرم الحرام ۱٤۳۹ هـ.
🏴استشهاد الإمام علي السجاد(ع)
ــــــــــــــــــــ
المستهل:

گلب السما اتفطّر
من إرتقی المنبر
گال آنه ابن حیدر
و الزهرا أمي
ابن الصفا او زمزم
الزاهد الأعلم
امن اسم العلي الأعظم
للیجهل إسمي
۱/ــــــــــــــــــــ

شاء الـ إله او راد
و الباري حکمه أکبر
بقصر الظلم و الجور
أول نعي او منبر
ابخطبة علي السجاد
صوت العدل یظهر
تاج الظلم و الجور
من صرخته اتکسر

طبع الظلم میدوم
من ینطق المظلوم
او للطاغي لابد یوم
یاخذ جزائه
او هذا علي السجاد
یفضح الظالم راد
من إرتقی الأعواد
ذل کبریائه
۲/ــــــــــــــــــــ

عنده النصر مو سیف
صار النصر کلمه
او بعض الکلام اسلاح
للیگدر ایفهمه
نقمه اعلی بعض الناس
و اعلی البعض رحمه
جیش الضوه ابمعناه
تطّشر الظلمه

رغم الأسر و الگید
و امچتفین الإید
لکن ذل ایزید
و ابقصره حایر
وینه الیعاند وین
گال آنه ابن احسین
او صب دمعته اعلی العین
بس گلبه صابر
۳/ــــــــــــــــــــ

درب السبي و أخطار
و اعیوننه اتشوفه
زینب اویاهه أیتام
بالحسره مچتوفه
ما خایف اعلی الروح
بس عالحرم خوفه
کعبة أمانه أیتام
من ترجف اتطوفه

أول نصر مچتوف
و امگیّدینه بخوف
یَمه الیتامه اتطوف
او عمته الغریبه
صبر او حزن و ادموع
صوت الجرح مسموع
حسره التکسر اضلوع
هاي المصیبه
٤/ــــــــــــــــــــ

یمشي الجبل مچتوف
من یعقل الحاله
ويه التعلگ أرگاب
للظالم أحباله
للحق صنع دستور
من منهج أقواله
شاء القدر بالطف
ما حانت آجاله

بالعلّه و الآلام
من هجموا الظلام
شاهد حریق أخیام
فوگ الیتامه
یوگع یرد ایگوم
و ابعلّته مهموم
فوگه المنایه اتحوم
هاي الظلامه
۵/ــــــــــــــــــــ

یا قائد الأیتام
او رکض السبي الثائر
بین النصر و الـ آه
کل عمرك امسافر
فوگ الجرح و الضیم
تتحدی و اتکابر
فاز الیتبعك دوم
و الحاربك خاسر

بعیونك چم آه
و الطف فلا تنساه
عمرك خلص واللّه
دمعه بعیونك
ساهر تگضّي اللیل
تذکر جیوش او خیل
او دمعك نزل چن سیل
تکبر ظنونك


• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11119

📜قصیدة: [ أحزاني ماتنساني ]

🎤أداء الملا قحطان البدیري
🖊الشاعر كرار حسين الكربلائي
📆 محرم ١٤٤١ هـ.
ــــــــــــــــــــ
المستهل:

آنه الإمام السجاد
و أحزاني ماتنساني
۱/ــــــــــــــــــــ

أحزاني من زغري ربیت اویاها
لا هیه تنساني و لا أنساها
قصة مصابي بکربلا تلگاها

عذبني دهري یا ناس
و بکربلا اشراواني
۲/ــــــــــــــــــــ

لا لا تلوموني اعله دمع اعیوني
خلوني أموت امن الحزن خلوني
یا ناس من السوط سوده امتوني

من أجلي مخلوق النوح
ماتنطفي نیراني
۳/ــــــــــــــــــــ

تتجاره عبراتي لقتیل العبره
بعیوني شاهدت الشمر حز نحره
و أنظر عشر خیّاله تسحگ صدره

سیف الگطع نحر حسین
لدرب السبي وداني
٤/ــــــــــــــــــــ

بخیامي و اخیامي عَلي حرگوها
و بالخیل کل أیتامنه سحگوها
و اگبالي عمتي زینب ایضربوها

و اتذکرت نار الباب
من وجروا صیواني
٥/ــــــــــــــــــــ

هدّمت حیلي علّتي المخفیه
بس آني و النسوان لاذت بیّه
و الهاشمیه أصبحت مسبیه

أمي البتول و یا حیف
بیده الشمر جرّاني
٦/ــــــــــــــــــــ

و لا واحد امن أهل الغیاره یمّي
امن السلسله یا خلگ ینزف دمي
آنه الهظمني الشمر من سب أمي

شتّم علي و الزهراء
و أجري الدمع خلّاني
٧/ــــــــــــــــــــ

آنه عله افراش الأجل صحت بصوت
اخذ العمر أهلاً و سهلاً یا موت
أبچي اعله أبویه حته و آني بتابوت

بلحدي و أنوح اعله حسین
ماتنگضي أحزاني






• الّلهُـمَ صَل عَلَی مُحَمّد و آل مُحَمّد
ــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/11122