📜قصیدة: [ صوت الأمل ]

🎤أداء الملا قحطان البدیري
🖊الشاعر علي طمه الكربلائي
📆 ليلة ٤ محرم ١٤٢٩ هـ.
ــــــــــــــــــــــــــــــ

المستهل:

بصوت الأمل نادیت
و اتمنیت یالوالي
تسمع ونین الروح
من اجروح دلالي
یا بسمة الآمال یا بلسم الدلال
۱/ــــــــــــــــــــ

کل ساعه أشوغ و أحتضر
چن صورتك گدامي
اتودع العلیله فاطمه
و گلب الحرایر دامي
لن انظرتني و نظرتك
تتوادع اویه أحلامي
و چن غیمه حجبت ناظري
و ما شفت غیر آلامي

و لن بالسماء اغیوم
فوگ اتحوم مهمومه
تحمل قوافي اهموم
من ادموم منظومه
و اتغیرت الأحوال یا بلسم الدلال
۲/ــــــــــــــــــــ

و اتغیرت أحوالي و صرت
بمتن الفکر أتبحر
و لن روجه صدمت فکرتي
و بظنوني صرت اتعثر
و ارسیت بأمواج الگلب
شفت الدلیل امفطر
ینبض مآسي امن الهظم
و للحسره صایر مصدر

بحکم القدر محسوب
و المکتوب تقدیره
أصبر و أعد أیام
بالآلام تفسیره
و آلامي بیّه أشکال یا بلسم الدلال
۳/ــــــــــــــــــــ

و عانیت دهري و لو گدر
ریته یرد اجوابي
یا دهر ارحم حسرتي
و اسمع ونین اعتابي
بدموع قدسیه ارسمت
فرگة مصاب أحبابي
اشناویلي من بعد السفر
فسّرلي نوع امصابي

لیش الجفه ویاي
و ابدنیاي محرومه
أبقه و خِلیه الدار
و الأسوار مهدومه
و ابساعة الترحال یا بلسم الدلال
٤/ــــــــــــــــــــ

سیّرني جدمي ابلا وعي
مادري یگصد لا وین
و لن العقیله بنت علي
اتلگتني بدموع العین
گالتلي یا أم الوفه
إلنه و الچ ربنا ایعین
احنه لجل نشر العدل
و کشف الحقیقه ماشین

و الیحچي بالإیمان
و الرحمن برهانه
تسجد اله الأکوان
و القرآن عنوانه
مختومه هالأقوال یا بلسم الدلال
۵/ــــــــــــــــــــ

ودّعت زینب و اگصدت
یم البدور التسطع
حشّمت عون و جعفر و
عبدالله للحق ترکع
و الگمر هاشم هیبتي
حشّمته بأبني الأنزع
لولاه چف النایبه
توفي بحقوق المرضع

ناداهه عد عیناچ
آنه ارباچ یا یمه
لکتب درس للناس
من عباس تتعلمه
و تتذکر الأفعال یا بلسم الدلال





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10677

📜قصیدة: [ تسطع أفكارك ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٥ محرم ١٤٢٩ هـ.
ــــــــــــــــــــــــــــــ

المستهل:

عنوانك ایمانك
انت الماجد دمك شاهد تسطع أفکارك
یا مسلم یا مسلم تسطع أفکارك
۱/ــــــــــــــــــــ

یا مسلم کل شخص یتوضّح ایمانه
إذا طابق دلیله فعله و السانه
حمل ایمان گلبك و انت عنوانه
و علیٰ درب الشهاده اتجلّه برهانه

من طبعك و لشرعك
تحمل رایه لأشرف غایه و نتبع آثارك
یا مسلم یا مسلم تسطع أفکارك
۲/ــــــــــــــــــــ

یمسلم و الزمن لو غیّر الأطباع
تصیر الشاة ذیبه و الذیاب أسباع
وصلت لکوفه و اسمك بالمحافل شاع
شفت دین الله بیها ینشره و ینباع

و الیلهج بالمنهج
دنیه اتغُرّه و انت بعبره تشبح أنظارك
یا مسلم یا مسلم تسطع أفکارك
۳/ــــــــــــــــــــ

شفت عند البعض صار الشرع سلعه
یساوم بيه من أجل نفعه
شکثر منها نطت لبن النبي بیعه
و سفیر انت و علیك اصبحت مجتمعه

مخدوعه مجموعه
اترید اتغدرك و انت ابصبرك تتلاهب نار
یا مسلم یا مسلم تسطع أفکارك
٤/ــــــــــــــــــــ

مبادئ سامیه تحملها للأمه
و أرباب الخیانه اعلیك ملتمه
شهم مثلك یضحي لربه میهمه
یظل حي منتصر لو ینسفك دمه

برهانك میدانك
و انت لوحدك وگفت ضدك زمرة أشرار
یا مسلم یا مسلم تسطع أفکارك
٥/ــــــــــــــــــــ

یمسلم و الوفي مایخلف بوعده
إذا جیش الضلاله یجتمع ضده
جمعهم من تعنه لقتلك بحشده
ایمانك برز للحومه یتحده

بصرارك بیثارك
ثابت گلبك صرت بحربك معنی الإیثار
یا مسلم یا مسلم تسطع أفکارك





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10678

📜قصیدة: [ ضحه مسلم ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٥ محرم ١٤٢٩ هـ.
ــــــــــــــــــــــــــــــ

المستهل:

یالموالي لا تبالي
اذکر اهمومه اذا خانك زمانك
ضحه مسلم و انت مسلم
خلي بالشده أبوالیمه ضمانك
۱/ــــــــــــــــــــ

زمانك بالغدر أیامه موصوفه
إذا یعکس علیك ایجرّد اسیوفه
اخذ مسلم نموذج و الزمن کوفه
و التاریخ هذا الموقف ایشوفه

هذا موقف من نوصّف
و انت تعرف شنهو یکشف

من تشاهد تلگه عابد
عابد و یوم الشدد مصدر خیانه
دینه یهدم و انت مسلم
خلي بالشده أبوالیمه ضمانك
۲/ــــــــــــــــــــ

بشر تحمل علامه ابموضع السجده
لچن عدهه گلب یتماوج بحقده
مظاهرها عباده و دوم متعبده
خفایاهه نص الغادر وسط غمده

بس مظاهر گلبه غادر
من یناور بالمحاور

عنده غایه عن درایه
یخدع ایدوس القیم لجل السیاده
لأمره یعزم و انت مسلم
خلي بالشده أبوالیمه ضمانك
۳/ــــــــــــــــــــ

بشر وکت الفجر بالمسجد اتصبّح
تترك دینها باللیل و اتگبّح
شفایفها تبسمل و ایدها اتسبّح
و نفس هالإید لمّن تغدر اتذبّح

هالنماذج چالخوارج
من تحاجج بالمناهج

هالحثاله بالضلاله
من یزید اتعلّمت درس النذاله
طبعه مجرم و انت مسلم
خلي بالشده أبوالیمه ضمانك
٤/ــــــــــــــــــــ

یزید النصّب اعله الکوفه ابن ازیاد
و الأوغاد دوم اتنصّب الأوغاد
مسلم معتني للصلح و الإرشاد
ما ینفع نصح لأهل القرش عُبّاد

و اشینفعه الما یردعه
نهجه شرعه و کلها تسعه

الدنیا تغریه و بیها تثریه
تسعه للدنیا هوه الدنیا غواها
الدنیا توهم و انت مسلم
خلي بالشده أبوالیمه ضمانك
۵/ــــــــــــــــــــ

تغدره الکوفه مسلم زین یعرفها
لچن لبن الزچیه روحه وظّفها
رجال المعتقد تحسم مواقفها
اذا شافت الموت ابعز تشرفها

و الأماجد من تعاهد
ما تحاید بالعقاید

للعقیده بدم وریده
مسلم ابلوح المجد روحه رسمها
مثله ارسم و انت مسلم
خلي بالشده أبوالیمه ضمانك
٦/ــــــــــــــــــــ

الشهاده خلّدت مسلم بُقه ذکره
و اذا مات الجسد ما ماتت الفکره
و أبوالسجاد نفسه الحدّد المسره
و ما قام الشرع الّا بگطع نحره

ضحه نفسه و تبگه شمسه
تنطي درسه للیقدسه

هالمقدس دمه أسس
أسس اصروح العُلیٰ بأرض الکرامه
من تقدم و انت مسلم
خلي بالشده أبوالیمه ضمانك
۷/ــــــــــــــــــــ

إذا دنیاك لنبي الأطهار خوّانه
یا صاحب عقل یأمل بدنیانه
زمانك مرکب و بیدیك سکانه
و علیٰ ساح النجاة احسین منجانه

معطیاتك أمنیاتك
کل حیاتك و للمماتك

هذا نهجه النه منجه
حب أبوالیمه نجاتك و السعاده
الأمرك احسم و انت مسلم
خلي بالشده أبوالیمه ضمانك
۸/ــــــــــــــــــــ

المسلم یستباح و ینسفك دمه
و اذا ما یلگه مُصلح یهدي هالأمه
و یا لیت أصبحت هالصفوه و اللمّه
کل واحد سفیر احسین أبوالیمه

ترعرعنه و تطبعنه
لأمره طعنه بمجامعنه

ابهالمسیره الکل سفیره
و کل گلب یحمل هوه احسین السفاره
یالتعلّم و انت مسلم
خلي بالشده أبوالیمه ضمانك





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10678

📜قصیدة: [ كفة عملنا ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٦ محرم ١٤٢٩ هـ.
ــــــــــــــــــــــــــــــ

المستهل:

امحبته کفة عملنا الراجحه
احسین هالیوم و غداً و البارحه
۱/ــــــــــــــــــــ

احسین محبوب النبي و حبه اکتمل
بالسعاده و التفائل و الأمل
یالمحب حي علی خیر العمل
بسمه ظلت بالمآذن صادحه
۲/ــــــــــــــــــــ

حبه مستقبلنه و الیوم و الأمس
و شمس فکره و احنه منها نقتبس
یا بشر یستغني عن نور الشمس
و یا صلاة تستغني عن الفاتحه
۳/ــــــــــــــــــــ

امن الصلاة ضحه للصلاة
من وگف أداها ما بین الرماة
طاح لکن بعد بالمنهج حیاة
و السهام اللي اجت اتصافحه
٤/ــــــــــــــــــــ

اسهام ترمي واگف بحالة خشوع
و تجري للمعبود من جرحه الدموع
و لو لا فرض الباري ما أدی الرکوع
و لا سجد و اعیونه للحق شابحه
۵/ــــــــــــــــــــ

احسین ثار و حطّم أسوار السکوت
و حطّم اعروش الظلم و الجباروت
ما یهمنه نبگه للحگ لو نموت
عالمحجه الأحمدیه الواضحه
٦/ــــــــــــــــــــ

احسین نفس المصطفی خیر المله
عهد للمحشر طریقه انواصله
ابقافلة حبنه و تسیر القافله
و ما تعطلها الظواري النابحه
۷/ــــــــــــــــــــ

احسین لامونه علی حبه و نگول
احنه حبینه ثمر گلب الرسول
و انت حِب اللي تریده یا عذول
و شوف باچر یا محبه الرابحه
۸/ــــــــــــــــــــ

احسین قدوه و من نزوره بالگبر
عن محبه و شوگ، لهفه و مو جبر
و نصبر اعله أهل الملامه و الصبر
عطر حبنه ایفیض بأطیب رائحه
۹/ــــــــــــــــــــ

لا بُدع عدنه و لا نتبع سراب
احسین منهاجه الحقیقه و الصواب
و احنه من نسجد علی اشرف تراب
روحنه الأشرف مراتب طامحه
۱۰/ــــــــــــــــــــ

لا أبد ما انألِهَه و لا نعبده
احسین عبدالله و ضحه لسیده
و الیضحي لربه فرض النه انمجّده
و هذا تعبیر المسیره الصالحه
۱۱/ــــــــــــــــــــ

بیك یحسین الموالي یقتدي
یا نبض گلب الحسین المهتدي
کلنه فدوه انروح الك یا سیدي
یا ذبیح و عینه تبچي لذابحه





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10679

📜قصیدة: [ طلاب الشهاده ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٦ محرم ١٤٢٩ هـ.
ــــــــــــــــــــــــــــــ

المستهل:

طلّاب الشهاده و الحبر دمنه
و الصارم قلم و انت معلمنه
فوگ المنایه اندوس
و للدنیه ننطي ادروس
و الصارم قلم و انت معلمنه
۱/ــــــــــــــــــــ

لدروس التضحیه جینه
و حدت بینه عزایمنه
القلم سیف، الحبر دمنه
و أفکارك معلمنه
علی اکتاب المجد نملي
تفوقنه و تقدمنه
و شهاده انّول من ندخل
کُلیة ملاحمنه

و الراید شهاده یلتزم دربك
مضمونه النتیجه ناجح ابحبك
حبك بینه مغروس
للدنیه ننطي ادروس
و الصارم قلم و انت معلمنه
۲/ــــــــــــــــــــ

حملنه حبك ابدمنه
یمن وسط الگلب مغروس
و اجینه ننطي عدوانك
عِبَر بالتضحیه و ادروس
عدد شفناهه عدوانك
هیاکل تحدي بیها الروس
لچن شفنا أیادیها
طلیقه و الفکر محبوس

أرباب الضلاله اتجمّعت ضدك
تحدي و تدّعي تحمل فکر جدك
حال الدنیا معکوس
و للدنیه ننطي ادروس
و الصارم قلم و انت معلمنه
۳/ــــــــــــــــــــ

بضمایر میّته و عمیه
و علی عین الفکر حاجب
اجت بسم النبي لقتلك
و ابدم نحرك اتطالب
لَوَن چان النبي گبل
و یزید و بسمك ایحارب
هالعدوان تلگاهه
ابیا موقف و یا جانب

من جانب یزید و عالکفر ربعه
و من جانب محمد و احنه النتبعه
بیکم تحدي انفوس
و للدنیه ننطي ادروس
و الصارم قلم و انت معلمنه
٤/ــــــــــــــــــــ

وصیّة جدك ابدمنه
و گلبنه عایش ابهالدم
اشلون انخالف الصَلّی
علیه الخالق و سلّم
درب حبك سعادتنه
نسیر اعلیه مانندم
و الیدري بنعیم ایعیش
بعد بالموت مایهتم

أبواب الشهاده اتفتّحت النه
و موعدنه یضامي ابروضة الجنه
من نهجم اعله الروس
و للدنیه ننطي ادروس
و الصارم قلم و انت معلمنه






• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10679

📜قصیدة: [ مجنون ابوفاضل ]

🎤أداء الملا قحطان البدیري
🖊الشاعر كرار حسين الكربلائي
📆 صفر ١٤٤٢ هـ.
ــــــــــــــــــــــــــــــ

المستهل:

یا أکبر من مُخَیّلتي جمالك
أعیش ابعالمي الثاني ابوصالك
لقب بین البشر شایل
أنا مجنون أبوفاضل
۱/ــــــــــــــــــــ

گلت لروحي عاشگ واحد
گالت روحي مَن هُوَ؟
گلتلها الحَب إسمه الوادم
املَقّب شیّال اللوه
لچفّه انخلقت أکبر رایه
و رابي ویه الرایه سوه
تنزل شمس الله اعله أنفاسه
تاخذ من عدهه الضوه

فارس هذا الطف بکبره
أزغر امن اچفوفه
من اترکّز بین اعیونه
حیدر ثاني اتشوفه

بني هاشم مواقفهم چبیره
و أبوفاضل اهو بدر العشیره
تره الما حبه مو عاقل
أنا مجنون أبوفاضل
۲/ــــــــــــــــــــ

یاخذ گلبك بأول نظره
گالوا عن الحب قبل
و آنه الماشایف معشوگي
وماخلّه براسي عقل
عاشگ زلمه بس یا زلمه
لو سولف گول و فعل
مو صدفه امسمّینه أبوفاضل
تارس دنیانه فضل

چم سلطان و شیخ و مرجع
یم بابه تتباچه
امن اتخنگك هاي الدنیه
شم ریحة شبّاچه

اذا گتله ردت هاي المنایر
یگلك ابشر اتدلل یزایر
حبیبي و مایرد سائل
أنا مجنون أبوفاضل
۳/ــــــــــــــــــــ

یوسف گالوا أجمل واحد
شاف العبّاس و بَهَت
لمن جابوا طاري احروفه
کلشي بالعالم سکت
شیخ أهل الغیره ایسمونه
و اچفوفه اتنگط بخت
بالطف لاذت نجمه بنجمه
رایة هاشم من عِلَت

مو بالگاع اخیامه انصبت
منصوبات بعینه
جبرائیل و میکائیل
یبوسونه بچفینه

السما و بالسما تسجدله طاعه
وره راعي اللوه اتصلّي جماعه
نعم جبریل هم گایل
أنا مجنون أبوفاضل
٤/ــــــــــــــــــــ

رایح راجع یم اخیامه
ینضح من وجهه الوفه
عِطشَت سِکنه و جابت جوده
و خلفة حیدر گال أفه
زمجر، کبّر، فر العسکر
مثل الریشه بعاصفه
دَلهَم، عَتّم، غَیّم بالدم
دمدم مثل الآزِفه

ذیچ الساعه الحومه اختلّت
من سَرفَن ذرعانه
الصارم عصّة موسی
بیهم ظل یلهم ثعبانه

جماجمهم خرز جدامه طاحت
و دخیلك یابوفاضل کلها صاحت
ندا لسابع سما واصل
أنا مجنون أبوفاضل
۵/ــــــــــــــــــــ

عاشگ فارس طاحت چفّه
و چفه امچلّب بالعَلَم
شاف السهم امتَیّه روحه
و ضَیّف بعیونه السهم
امن العامود اتصوّب راسه
اتبرّه عامود الخیم
چي راعي الخوّه الصدگیه
ثابت ما زَل القدم

الکافل لو ما طیحة چفّه
اخیامه ماحرگوها
و لا رض صدر احسین الحافر
زینب مایسبوها

الگمر راس برمح
و اعیونه لإخته
اذا طگها شمرهم
یبچي سکته
عدل میت یظل کافل
أنا مجنون أبوفاضل





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10710

📜قصیدة: [ وين ابوفاضل ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٧ محرم ١٤٢٩ هـ.
ــــــــــــــــــــــــــــــ

المستهل:

وین أبوفاضل وینه
و الزمن دار اعلینه
۱/ــــــــــــــــــــ

أحس گلبي انخمش حین الرحت عني
گلت میعود أخاف و ینگطع ظني
گمت مذعوره یالفرگاك دوهني
و بلا اراده ارتفع یابالفضل وني

بالفاجعه حسّینه
و لشوفتك حنینه
۲/ــــــــــــــــــــ

گمت مذعوره لك و ادموعي تبرالي
و أحس بأطفال تبچي و تسحب أذیالي
حرت أبچي علیهم لو علی حالي
و بعد یا حیل عندي و اوصل لوالي

للمشرعه اتعنینه
نتعثر امن امشینه
۳/ــــــــــــــــــــ

اوصلت وسط الدرب و اعیوني دم تدمع
و أنادي اعلیك یا عباس ماتسمع
دلیلي مایخلي للخیم ارجع
و لا حیل البگالي و اعتني المصرع

گلبي فگد تمکینه
وسط الدرب ظلینه
٤/ــــــــــــــــــــ

جمعت الحیل کله و أمنت روحي
اذا شفت الگمر یهده و یخف نوحي
یمن متلوعه و جروحچ اجروحي
روحي للنهر یا بنت علي روحي

روحي لبیت والینه
و اخذي الحرم و اسکینه
۵/ــــــــــــــــــــ

ذکرت اسکینه و العین أشبحت لیها
شفتها للنهر ترکض یوالیها
و لن امن البعد أسمع بواچیها
و بدیها اچفوف و اتلولح لي بیدیها

و صاحت یا عمه الگینه
فوگ النهر چفینه





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10680

📜قصیدة: [ يا صاحب الغيره ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٧ محرم ١٤٢٩ هـ.
ــــــــــــــــــــــــــــــ

المستهل:

صوت الأجل ناداك یا صاحب الغیره
ماخذ دلیلي اویاك یا صاحب الغیره
تفجعني من اتروح یا أغلی من الروح
یا صاحب الغیره
۱/ــــــــــــــــــــ

یابالفضل عالمشرعه صوت المنیه اینادي
و چن کاتب اعلینه القدر نتفارگ ابهالوادي
یا خویه گبل اموادعك انظر بنات الهادي
و اتصوّر ابلایه ولي بعدك علیها السادي

اتصوره لهالحال یا صاحب الغیره
عیلتنه بین أنذال یا صاحب الغیره
تبگه علیك اتنوح یا أغلی من الروح
یا صاحب الغیره
۲/ــــــــــــــــــــ

عیلتنه تبگه ابلا ولي و اتصور انت الحاله
چم حرمه راحت تنسبي من تهجم الخیاله
یا خویه و ابوسط الخیم صوت الحزن یتعاله
ترضه العده یابالفضل لمخیمك تدناله

خدر البنیته ایطیح یا صاحب الغیره
و تبگه الیتامه اتصیح یا صاحب الغیره
لیك النظر مشبوح یا أغلی من الروح
یا صاحب الغیره
۳/ــــــــــــــــــــ

یا خویه لو عني رحت چم حاله تتراوعلي
جیش العده و المعرکه و بیت الخدر و أطفالي
و من تبتعد عن ناظري تهدم رکن آمالي
و اهمومي یا راعي الفضل تتراکم ابدلالي

و احتار أصد لاوین یا صاحب الغیره
و تدري اشتشوف العین یا صاحب الغیره
جیش الضلاله ایلوح یا أغلی من الروح
یا صاحب الغیره
٤/ــــــــــــــــــــ

للمعرکه اجیوش العده تتحشد و تتجمع
و انت علی صدر النهر توگع خضیب اموزع
بعدك وحید ابلا أخو صوب الحرب راح أطلع
مکسور خاطر منهظم من عندي و اشتتوقع

وحدي أصد للجیش یا صاحب الغیره
و أصرخ عفتني لیش یا صاحب الغیره
دمعي الك مسفوح یا أغلی من الروح
یا صاحب الغیره
۵/ــــــــــــــــــــ

صد الگمر لبن النبي و العاطفه جیّاشه
و گله یبوالیمه العمر لجلك عسن یتلاشه
ضحه أبویه للنبي یوم الرغد بفراشه
و مثله أضحیلك أنا و حاشه أعوفك حاشه

یا خویه بالبتّار یا صاحب الغیره
أهدم عروش أشرار یا صاحب الغیره
و أبني لمجدنه اصروح یا أغلی من الروح
یا صاحب الغیره
٦/ــــــــــــــــــــ

راعي الفضل لبن النبي چلمة وفه ایرددها
و وگفة علي للمصطفی عالمشرعه جددها
روس الضلاله ابساعده سیف العدل یحصدها
و اجسومه أهلها اموذره فوگ الثره ایوسدها

و یهتف الك هالروس یا صاحب الغیره
بیها الحقد مغروس یا صاحب الغیره
ریحة غدرها اتفوح یا أغلی من الروح
یا صاحب الغیره
۷/ــــــــــــــــــــ

عالمشرعه راعي الفضل یحصد زلم عدوانه
سیفه ارتوه دم و لچن روحه بگت عطشانه
نار الضمه و نار الحرب ما زعزعت ایمانه
و من صوّبه بعینه السهم صاحت دمه وجدانه

اعذرني خویه حسین یا صاحب الغیره
طاح السهم بالعین یا صاحب الغیره
و ادري العذر مسموح یا أغلی من الروح
یا صاحب الغیره
۸/ــــــــــــــــــــ

صوتك سمعته یا گمر صوت الأجل یفجعني
و مهظوم اجیتك للنهر گوم اگعد و اسمعني
ریتك چنت یابالفضل عالمشرعه اتودعني
و اخلافك بوادي الأسی چم نایبه تتبعني

ظهري کسرته الیوم یا صاحب الغیره
لبچي علیك ادموم یا صاحب الغیره
یالعالنهر مطروح یا أغلی من الروح
یا صاحب الغیره





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10680

📜قصیدة: [ المجالس تصنع انسان ]

🎤أداء الملا قحطان البدیري
🖊الشاعر علي عباس الربيعاوي
📆 استقبال شهر محرم ١٤٤٣ هـ.
ــــــــــــــــــــــــــــــ

المستهل:

إلی حضرة مجالسنه الکریمه
إلی من حفظت الفطره السلیمه
شکر من گلب و السان
المجالس تصنع انسان
مجالسنه الکریمه
۱/ــــــــــــــــــــ

إلی من حفظت الدین بوکت صار العدم دین
تلم کل الثقافات اعلی لطمه و دمعة العین
یمن لمّت الشبّان اعلی سفرة مجلس احسین
الشکر عرفان و احساس من کل المعزّین

شکر للي صُبح للدین حارس
شکر لأهل المواکب و المجالس
صدگ صلبة الإیمان
المجالس تصنع انسان
مجالسنه الکریمه
۲/ــــــــــــــــــــ

إلی من حفظت الشاب بوکت کلشي صدگ ضاع
الیطب ابمجلس احسین طلع بي شمرة اسباع
نعم من صارت ازماط کلف الیشیل الإشراع
نفسهم الیلطمون حرس ظلوا علی الگاع

لا تستصغر الدمعه الزغیره
العشگ هاي المجالس عنده غیره
اللطم لو وین ماچان
المجالس تصنع انسان
مجالسنه الکریمه
۳/ــــــــــــــــــــ

بثقافة عالم الروح المجالس تغذیة روح
الیطب لمجلس احسین یصیر انسان و یروح
یرد لعیاله مکسور السمع معصوم مذبوح
احترام لکل دیانات و تعاطف ویه الجروح

درس عدنه بنبذ کل عنصریه
علي و جون او وهب فوگ الوطیه
التعاطف أسمی عنوان
المجالس تصنع انسان
مجالسنه الکریمه
٤/ــــــــــــــــــــ

شکر للمنبر العایش عمر ینطي روایات
بمدرسة الحیاه صار الأول بالثقافات
التخرّج من الحسین ضمن أعلی الشهادات
و الیسمونه لطّام نجم و إعلی السماوات

الشکر کل الشکر لأهل المنابر
أمسي الأول الیوم اویه باچر
المنابر تبقی عنوان
المجالس تصنع انسان
مجالسنه الکریمه





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10715

📜قصیدة: [ كلما اشاهد شمع ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٨ محرم ١٤٢٩ هـ.
ــــــــــــــــــــــــــــــ

المستهل:

کلما أشاهد شمع
أحني لمصابك ضلع
۱/ــــــــــــــــــــ

جسّام الك رف الگلب
و أول رفیفه ابمهدك
من چنت أناغیك و أصب
دمع الحنان ابخدك
أبچي آنه و أضحکلك غصب
خوفي الزمان ایضدّك
یولیدي و ایهون الصعب
من تغفه روحي ابسدك

یولیدي من تبتسم
بگلبي الفرح یرتسم
یولیدي یا جسّام
۲/ــــــــــــــــــــ

عد چم سنه یبني و آنه
أسهر و أباري و أرعه
متمحنه و ظهري إنحنه
و لجلك ذبت چالشمعه
او یا ما تِنه گلبي المنه
مثل الیتاني زرعه
و انت الهنه و روض الهنه
ما یروه إلّا ابدمعه

شمعه اعلگتها العمر
و دمعه اعله خدي جمر
یولیدي یا جسّام




• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10681

📜قصیدة: [ يزهرة سنيني ]

🎤أداء الملا قحطان البدیري
🖊الشاعر هيثم سعودي الكربلائي
📆 ليلة ٨ محرم ١٤٢٩ هـ.
ــــــــــــــــــــــــــــــ

المستهل:

یزهرة سنیني سگیتك حنیني
أنوح لغیابك ییمه یجاسم
فجعني مصابك ییمه یجاسم
سگیتك حنیني
۱/ــــــــــــــــــــ

یمن وسط الجفن شلتك
حلم یتمرجح ابرمشي
و یمن تمشي السعاده اویاك
یا جسّام من تمشي
دلیلي مملکة حبك
یمن متربع ابعرشي
ذخرتك للکبر یبني
و تشیل ابموتتي نعشي

أعیش الأماني و سعیده ابزماني
و أحسّب حسابك ییمه یجاسم
فجعني مصابك ییمه یجاسم
سگیتك حنیني
۲/ــــــــــــــــــــ

حلم وردي و صرت تکبر
و أعِد العمرك أعوامه
اشکثر ماتکبر اسنینه
دلیلي تکبر أحلامه
السهر یبني یهد حیلي
صعب و أتحمل آلامه
و اذا یضحك بدر وجهك
زماني تضحك أیامه

یبدر اللیالي و أهیم ابخیالي
و أراقب شبابك ییمه یجاسم
فجعني مصابك ییمه یجاسم
سگیتك حنیني
۳/ــــــــــــــــــــ

شبابك حصته عمري
و الك مذخوره هالحصه
أرید ابکربلا اتوفّي
و اجت ابکربلا الفرصه
و رحت متسلّح لعمك
خذت للموزمه رخصه
و أحس منجل رحیلك صار
یحوش ابچبدي و ایگصه

أناطر رجوعك و أعاین شموعك
و اواصل عتابك ییمه یجاسم
فجعني مصابك ییمه یجاسم
سگیتك حنیني
٤/ــــــــــــــــــــ

الحرب زفة عرس یبني
و صلیل السیف هلهوله
خضتها ابمجدك و مجدك
نجم ما واحد اینوله
أراقب حربك و گلبي
یگلي عایني لطوله
العواطف جاوبت گلبتي
السیوف اعلیه مسلوله

صلیل الصوارم یفل العزایم
و عزمهم یهابك ییمه یجاسم
فجعني مصابك ییمه یجاسم
سگیتك حنیني
۵/ــــــــــــــــــــ

تخوض الملحمه و عزمك
یصول و شیمتك تحدي
و سیفك یخطف الأرواح
و الحلگ الأجل یهدي
ابسماء المعرکه غیمه
احجبت عني بدر سعدي
و لن شفتك علی الحومه
خضیب ابضربة العبدي

بسماء المصایب بدر عمري غایب
بمطر دم سحابك ییمه یجاسم
فجعني مصابك ییمه یجاسم
سگیتك حنیني
٦/ــــــــــــــــــــ

و علی اجدام الحزن جیتك
أنوح و دمعتي شفره
اویه کل دمعه ألم تنزل
تجرّح خدي و اتحفره
صدگ هذا انت یولیدي
التراب الوجهك امعفره
یوردة عمري و أحلامي
علیمن ذابله و صفره

تگطع دلیلي و أصیح ابعویلي
أموت بذهابك ییمه یجاسم
فجعني مصابك ییمه یجاسم
سگیتك حنیني





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10681

📜قصیدة: [ رباني عابس ]

🎤أداء الملا قحطان البدیري
🖊الشاعر ثائر الكناني
📆 استقبال شهر محرم ١٤٤٣ هـ.
ــــــــــــــــــــــــــــــ

المستهل:

ذره ذره روحي کبرت بالمجالس
ذره ذره عاشگ و ربّاني عابس
مجنونك حبیبي
۱/ــــــــــــــــــــ

ابعالم الذر و المعاني
کتبت احروف الولاء
جاذبیه بکل حروفك
رافع أرکان السماء
حسین یا صحوة ضمایر
انت عنوان البقاء
ضامي و اتروّي المشاعر
سر وجودك کربلاء

ذره ذره اتکوّن بجرحك صروح
ذره ذره جبل یا معنی الجروح
مجنونك حبیبي
۲/ــــــــــــــــــــ

طفل بذیال المواکب
أجهل ألوان السواد
أمي من أول محرم
أسمع اتگلي حداد
صعب تفسیر المواجع
و آني في عالم مهاد
أشعر بکل طمأنینه
راحه تنتاب الفؤاد

ذره ذره أسمع بعبره تگول
ذره ذره صیر خادم للبتول
مجنونك حبیبي
۳/ــــــــــــــــــــ

کلشي یتغیر فجائي
الضحکه تتحول دموع
باب عتبتنه الحزینه
اتزغرفه ألوان الشموع
أسمع العالم یدوّي
و شفت آلاف الجموع
صورة الخیل الرهیبه
و ماي و اچفوف و ضلوع

ذره ذره أمي کبرها الزمان
ذره ذره آني بدلت المکان
مجنونك حبیبي
٤/ــــــــــــــــــــ

شلت زنجیل اعله چتفي
و رایه سوده اعله السطح
یعني یا بیت النطبه
امخضر ابداره جرح
آني مجنون و حبیبك
العذر منك أستمح
هسه مضمونك عرفته
و لیش انت تنذبح

ذره ذره سامي بجروحك شهید
ذره ذره عالرمل طایح وحید
مجنونك حبیبي
۵/ــــــــــــــــــــ

الخدمه تیجان الضمایر
حافظ اعلیها ابسلوك
مو سهل تترقه بیها
و توصل الرتبة ملوك
صفي بالإخلاص نیتك
کلمن اتحبهم یجوك
الدنیه أیام و لیالي
و صاحب الدنیه ضحوك

ذره ذره العاقبه بحب الحسین
ذره ذره سیدي یا نورَ عین
مجنونك حبیبي
٦/ــــــــــــــــــــ

وظّب امتاع السفرتك
باچر ایطول الوقوف
و البشر محکوم لازم
اموزعه ألوان الحتوف
کامرة حُسن العواقب
امسلطه اعلینه و تشوف
و الیرید احسین لازم
ایعاني آلام الظروف

ذره ذره بالعشگ اعلن وجودك
ذره ذره خدمتك تعلن خلودك
مجنونك حبیبي





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10775

📜قصیدة: [ ولدي ]

🎤أداء الملا قحطان البدیري
🖊الشعر الفصيح: واثق العيساوي
🖊 الشعر الشعبي: كرار حسين الكربلائي
📆 محرم ١٤٤٣ هـ.
ــــــــــــــــــــــــــــــ

المستهل:

في خیمتي هوَ نائمٌ لَم یبكِ منذُ الأمس
السهمُ أطفأ نورهُ و غابَ قبلَ الشمس
وَلَدي حبیبي ظامئاً مذبوح
۱/ــــــــــــــــــــ

وَحدي أجودُ بِدَمعتي و أضیعُ في أحزاني
أبکي علی طفلي دَماً صارَ البُکا عنواني
أخَذوهُ مِني ظامئاً ثم عادَ یُعاني
فالسَهمُ حَزَّ وریدهُ یا لوعةَ الحرمانِ

لمّا نظرتُ بوجههِ صدري اعتلاهُ الهم
تلكَ البراءةُ أصبحت ممزوجةً بالدم
طفلي صغیري یا حبیبَ الروح ظامئاً مذبوح
۲/ــــــــــــــــــــ

لولیت و آنه اعله الهزل بلکت یفز و احچیله
و گبلي منو العِدها ولد منذبح و اتلولیله
اولیدي أمس یم عمته و چف عمته یدعیله
و الیوم أشوفه اعله الرمح درب السبي ایناغیله

ست اشهر و مات الحلم و سنیني صارت هم
و الدمع شیّب بالجفن مالومه ینزل دم
و اسمي تغیّر صار أم النوح ظامئاً مذبوح
۳/ــــــــــــــــــــ

بالأمسِ کانَ بُکائهُ و صِراخهُ یُشجیني
في عینهِ دمعُ الأسی نظراتهُ تُبکیني
الیومَ لا صوتٌ لهُ و هدوئهُ یؤذیني
طفلي ارتویٰ بدمائهِ و أنا الأسی یَرویني

عطشاً بنظرةِ عینهِ و یُدیرُها لِلنَهر
حتّی أتاهُ جَوابهم سهمٌ أصابَ النَحَر
قَابلتُ مَهدك أشتکي و أنوح ظامئاً مذبوح
٤/ــــــــــــــــــــ

بچّیني یفراگ الولد مارید أعیش بدونه
بعیوني ربّیت السهر من فارگنّي اعیونه
أسأل الغیم بکل وکت یا ماي ابني اشلونه
ظل حضني خالي و المهد صاح الگبر خیعونه

أزغر جرح طوله نهر عطشانه خلاني
و عالفاگده مثلي ولد یا موت شمتاني
شلي بحیاتي الدنیا کلها اجروح ظامئاً مذبوح





• الّلهُـمَ صَل عَلَی مُحَمّد و آل مُحَمّد
ــــــــــــــــــــــــــــــ

• مُحبّي الرادود قَحطانْ البْدیري
• للقصائد المکتوبة

@qahtanqasaed
https://tttttt.me/Q_albudeiri/10796