📜قصیدة: [ أهل روحي ]

🎤أداء الملا قحطان البدیري
🖊الشاعر علي عويز الشويلي
📆 ليلة ٣ محرم ١٤٤٢ هـ.
——————————
المستهل:

بقالي الليل و اجروحي
أهل روحي خذوا روحي
رسايل شوگي الهم من خذوها
لا ردوا علیها و لا قروها
أهل روحي أهل روحي
ــــــــــــــــــــ

معلوله و دمعات عیوني
چف ممدود ایگول اخذوني
أدوّر ناس تقراني و تسولف وي سکتّي
نگعد لیلیه آنه و نوحي
و انگلّب صندوگ اجروحي
و حگ الشوگ ما طاحت صورکم من صفنتي

اگعد و ایگعدن گدامي السنین
هو الفارگ یاخذ عمره الحنین

جدم ماعندي یندلهم
و لا لي اجناح یلحگهم
بلا تودیع یاریته الیسافر
و یروح بسکته لا یکسرله خاطر
أهل روحي أهل روحي
ــــــــــــــــــــ

کل عمره الما ردوا ناسه
یوسف یبقه ابیر احساسه
یصیّح وین قافلتي شیعطشها و تمرني
بالباب اعیونه ایگعدهن
لو صار اللیل ایطببهن
وراچن نوم و امساهر تعینني اعله حزني

العاشگ ما یطبگها ارموشه الغرام
شینومه و ما لاگي اعشوشه الحمام

اتاني عمري التعده
یرد و مالکم رده
ما عدکم سوالف مال جیّه
ولاگیکم رکض مفتوحه ادیّه
أهل روحي أهل روحي
ــــــــــــــــــــ

لو گلك محبوبك رایح
اتدور شوفك تلگاه طایح
متروسه الگاع من طولك الوگع محني بفرگته
الخل ابتودیعه الخِلانه
تحچي اعیونه و ینسه السانه
یدور اهواي ما یلگه و لا چلمه اعله شفته

أخرس یبقه اخلاف البعدوا علیه
و طبع الأخرس من ایسولف بدیه

تظل امتانيه اوجاعي
یرد لو ناعي لو ساعي
و أحس بالحالتین الگلب داري
یرد ضرف البواچي امن الصحاري
أهل روحي أهل روحي
ــــــــــــــــــــ

محبوبي الضایع عنوانه
لو نمت اتغطه ابقمصانه
و تظل عالبال مزدحمه مشاهد ذکریاتي
استغرب وجهي البطیوفي
و تتلمّس بي تبقه اچفوفي
شکثر متعوب من هظمي عليه میته امنیاتي

چن ورده و گطعوا سباحه الوصال
ما تلگالك خل ایگلك تعال

تعب گلبي الیدگ الکم
یدور بالنبض عنکم
عرفناه من لگاکم ما لگاکم
یفك اضلوعي و یمشي وراکم
أهل روحي أهل روحي
ــــــــــــــــــــ

قصة احزاني الکتبوني
فوگ ارفوف الهم عافوني
علیّه اتراب نسیاني و لا واحد حچاني
امن أول چلمه الیتهجّاني
یطبگ روحي و ما یقراني
قلم هجران خطّوني جمر حبره و چواني

اخواتي و عمتي و عبدالله اخوي
الهم عین و عین الظلت لـ أبوي

اگضّي اللیل مکسوره
اکظ صوره و أهد صوره
مثل روحة الشوف الظعن رایح
صحت من کون الي ایردهم الصایح
أهل روحي أهل روحي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: رسالة مسلم

🎤أداء الملا قحطان البديري
🖋الشاعر: مصطفى العيساوي
🏴 ليلة ۵ محرم الحرام ١٤٣٩ هـ.
●●●●●★●●●●●
المستهل:

خلي الظعن بأرض الوطن
من یوصلك کتابي
شفت الدرب دیرة غُرُب
بعیوني و بعذابي
طلعت رسایلهم چذب
و الناس مو ناس
أتمنی زینب ماتجي
ویّاك عبّـــــاس
●●●●●★●●●●●
۱/
ودّیت صوتي اویه الهوه
بالصوت چان المحتوی
یابوفاضل یالتکفّلت الخدر
گالوا لَخَیّك خل یجي
شفت الرسایل بس حچي
صعبه من تلگه الرسایل بس حبر
یالجایب اویاك السمه
خایف علی بنت فاطمه
لیل نیتهم عکس نیتك فجر

ماصح وفه ابدرب الجفه
لَتْصَدّگ الرسایل
ابهل قافله الْطف کربلا
لاتمشي یا بوفاضل
و الکوفه نفس الکوفه
میّت بیها الإحساس
أتمنی زینب ماتجي
ویّاك عبّـــــاس
●●●●●★●●●●●
۲/
وادم خذت دور السهم
منتظره بعیونك خِیَم
و أدري صعبه احچایتي من تنفهم
کل من فُرَشْ عینه اوْ گعد
و لزینب الشوف استعد
و العیون امتانیه اتشوف الحلم
اشما نبچي ماینفع دمع
لو صوت زینب ینسمع
صعبه وگفة زینب ابین الزلم

مِتْحَجِبه ابیرغ إبه
مادامك انت سالم
اعلیها خفت لمّن شفت
لَهْلِ الغدر علایم
لا مو زلم شبه الزلم
ماعندها نوماس
أتمنی زینب ماتجي
ویّاك عبّـــــاس
●●●●●★●●●●●
۳/
من هسه صارت کربلا
و الکوفه أول مرحله
و اللّه یستر لو وصلتوا لنینوی
چن شفت چفّك بي وحي
ایعاتب الماي اوْ مستحي
ما وصل للخیمه طاح اویه اللوه
و النوب أشم ریحة نحر
و أسمع ضلع عرش انکسر
اوْ چن أشوف الکون من مهره هوی

من ینذبح وجه الصبح
اهنا زینب ایطلعوها
طول الضوه ایشوفه الهوه
امن اتدور اعلی أخوها
امن الخیمه ستر اللّه طلع
و اتشوفه الأرجاس
أتمنی زینب ماتجي
ویّاك عبّـــــاس
●●●●●★●●●●●
٤/
بوجوههم شفت الصدگ
شفت المُخَیّم یحترگ
و الرماد ایکحّل اعیون الزغار
دخان یرسم من یِهِب
ترچیّه بالطف تنسلب
و ابعبایتها الزغیره امچلبه نار
و أنظر علیل ابلا دوه
اوْ قرآن بالخیمه انچوه
ایصیح إجه اللیل اوْ حرمنه ابلایه دار

رد یا گمر هاي الصور
بس تنتظر جیّتکم
ابحیره صرت امن اتصورت
بنت فاطمه ابغیبتکم
اوْ درب السبایه بي حچي
ایشیّب الراس
أتمنی زینب ماتجي
ویّاك عبّـــــاس
●●●●●★●●●●●
۵/
یابالفضل راح أنذبح
جسمي یطیح امن السطح
دمي فوگ الگاع یکتب لاتجون
بالکوفه و آنه بالگبر
و أسمع ظعن زینب یمر
و أفز من صیحة حمیده الـ بالظعون
چف زینب ایشوف الحبل
و السالفه الما تنحمل
و انت تدري اتموت لو شافت اعیون

موت الشمع لیل اوْ دمع
و الشامت انتظرها
بنت النبي بدرب السبي
هالفاجعه اشکبرها
کلمه الأخیره من گبل
لَتْموت الأنفاس
أتمنی زینب ماتجي
ویّاك عبّـــــاس


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ شعار مسلم ]

🎤أداء الملا قحطان البدیري
🖊الشاعر كرار حسين الكربلائي
📆 ليلة ٥ محرم ١٤٤٠ هـ.
——————————
المستهل:

علی قصر الإماره رفع مسلم شعاره
کل أرواحنا فدوه لأبوالسجاد
ــــــــــــــــــــ

هاي الدنیه مثل الطیف
وکت الموت منها اتفز
لا تختار موت الذل
بیها اختار موت العز
مسلم إقره تاریخه
بعین الباصره و رکز
تلگاه مثل الفجر و لیل
لازم موقفه یبرز

مثل موسی اعله طوره
سطع بحسین نوره
کاتبها اعله نحره و تنقره انشاد
کل أرواحنا فدوه لأبوالسجاد
ــــــــــــــــــــ

کل حر کل أبي و ثائر
عمره و موقفه یکبر
فاز الیتبع أهل الراي
راعي الراي مایخسر
مسلم چان بالکوفه
هو و سیفه و المنحر
ثبّت موقفه ابدمه
هذة تربیة حیدر
(گول ابکل شهم یظهر
هذة تربیة حیدر
یفدي بالجهاد انحور
یقدمها مشاعل نور
حتی الـ بالسبي و تتکفل الخدر
هذة تربیة حیدر)

نعم هاي العشیره
مواقفهم چبیره
الدنیا بلا حسین ایصیح ماتنراد
کل أرواحنا فدوه لأبوالسجاد
ــــــــــــــــــــ

مسلم کل سنه انشوفه
ضوه ایکحل نواظرنه
مسلم بس تگول إسمه
تتنفس مشاعرنه
علمنه الیموت ایعیش
و اتخلده منابرنه
أول نحر دمه ایصیح
(یحسین بضمایرنه
صحنه بیك آمنه
لا صیحة عواطف هاي
لا دعوه و مجرد راي
هذة من مبادئنه
صحنه بیك آمنه)

وفي من البدایه
حسیني للنهایه
و احنه اویاه نادینه علی المیعاد
کل أرواحنا فدوه لأبوالسجاد
ــــــــــــــــــــ

مسلم عنده بس طوعه
بس طوعه بألف زلمه
من صاحتله حیکم صار
کالبرکان شیلمه
حد ما غدروا بمسلم
السیف ابیمنته ذمه
الگید بچفه و اینادي
ما أترك أبوالیمه
(گطعوا من إدینه اچفوف
عنك ما منعنه الخوف
من الألم ما صحنه
صحنه بیك آمنه)

هلا و حي الله مسلم
صور للغیره یرسم
إبن المجد خلّد صیحة الأمجاد
کل أرواحنا فدوه لأبوالسجاد
ــــــــــــــــــــ

مُصلح مستقل ناصح
مثله ابهل وکت قِله
مقیاس الیحب احسین
لازم یرفض الذله
شاف الحکم بسم الدین
باگ العنب و السله
اتوجه للمدینه و صاح
إشهد یا رسول الله
(خُذ یا محمد عالأمه اشهد
هذة عترتك هذة مصارعها
هذة أمتك أنظر لواقعها)

قره سیفه قصیده
و نعم یا بوحمیده
کون اتصرّح الرادت تعیش أسیاد
کل أرواحنا فدوه لأبوالسجاد






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ابجن یالعیون ]

🎤أداء الملا قحطان البدیري
🖊الشاعر کرار حسین الکربلائي
📆 لیلة ۳ محرم ۱٤٤٢ هـ.
——————————
المستهل:

ابحرگه ابچن یالعیون
هلي ماظن یردّون
و اکتبیها رساله بعمر السنین
المرض ما یمنع الیبچي علی حسین
هلي ماظن یردّون
ــــــــــــــــــــ

جدامي من راح الظعن طلعن بنات عیوني
عافوني آني و دمعتي و الغربه باگت لوني
الخافوا عَلي من کربلا ابچم کربلا خلوني
بفراگهم میّة ذبح میّة سبي راووني

السبي مو الّا عالنوگ
تره مثل السبي الشوگ

و مثل شوفي الدموع امعاشره العین
المرض ما یمنع الیبچي علی حسین
هلي ماظن یردّون
ــــــــــــــــــــ

گالوا علیله و الدمع یاذیچ من تبچینه
گلتلهم العنده بخت لحسین تهمل عینه
یا ناس خلیت البچي مرسال بیني و بینه
یا مرض یمنع دمعته العطشان مات احسینه

ابعلتي و عیني متنام
و آنه ابچي اعله الخیام

وسط گلبي شلت جمرة صواوین
المرض ما یمنع الیبچي علی حسین
هلي ماظن یردّون
ــــــــــــــــــــ

آنه ابمحرم و ابصفر ما فارگت دمعاتي
شهرین باعدني الوکت عن اخوتي و عماتي
ابعیده المسافه بس گلت جرح الحسین ابذاتي
یومیه انصبله عزه و ما بطّلت آهاتي

لنحر الما شرب ماي
بچه حتی الهوه اویاي

المصیبه أکبر امن اسنیني مرتین
المرض ما یمنع الیبچي علی حسین
هلي ماظن یردّون
ــــــــــــــــــــ

الغیم استحه من دمعتي من کثر ما بچّیته
و حسین عندي أکبر جرح، جرح المرض ناسیته
البمصیبته امبچّي الصخر شیگول گلب ابنیته
محرومه من گبر الأبو لا زرته لا شمّیته

روحي لگبره تشتاگ
حِنه ظهري ابهالفراگ

البچاله و الیزوره ایحصّل أجرین
المرض ما یمنع الیبچي علی حسین
هلي ماظن یردّون
ــــــــــــــــــــ

والدي ظل محني الظهر من فارگه عباسه
و اگبال عینه اتذبحت صحبته و أهله و ناسه
شلي ابعمر مابي حزن و حسین گطعوا راسه
صعبه أعیش ابلا لطم و الصدر حافر داسه

من گالولي مذبوح
گضه عمري بچي و نوح

ابسبي زین العباد و عاش الونین
المرض ما یمنع الیبچي علی حسین
هلي ماظن یردّون






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أنت تدري ]

🎤أداء الملا قحطان البدیري
🖊الشاعر الأديب مهدي جناح الكاظمي
🖊الشاعر كرار حسين الكربلائي
📆 محرم ١٤٤٢ هـ.
——————————

مَا قیْمَتي إنْ لَمْ أکُنْ لَكَ خادِماً
و أکونَ في الدارَین تَحتَ لِواك
ــــــــــ

المستهل:

قُرآناً رَبُّكَ سَوَّاکا
ما کانَ العَالَمُ لَولاکا
نَبقیٰ خُدّامَكَ للحَشرِ
أحُسینٌ أنتَ بِنا تَدري
ــــــــــــــــــــ

بَرانا اللهُ خُدّاماً و أنصارا
و في جُرحِ الحسینِ بَنا لَنا دارا
و أجْرانا بقِفْرِ الأرضِ أنهارا
و أطلَعنا بِوادي الطفِ أشجارا

عَلَّمنا السبطُ لهُ نَبقیٰ
عُشّاقاً بالخدمةِ نَرقیٰ
صِحنا و الحُبُ بِنا یَسري
أحُسینٌ أنتَ بِنا تَدري
ــــــــــــــــــــ

یَقُرآن النِزَف مِن منحره القُرآن
أشوفنَّك نَهَر بس اِنذبح عَطشان
مِن شفنه الیِخِدمك ینحسب اِنسان
طشّرنه السنین لخدمتك قُربان

یا أکبر مِن کِلمَة أکبر
مات السیف و عاش المنحر
مِن الذَر هالحُب العُذري
أحُسینٌ أنتَ بِنا تَدري
ــــــــــــــــــــ

کِتابُ اللهِ جُرحُكَ قَد قَرأناهُ
و إنّا ما عَرفنَا اللهَ لَولاهُ
بِوادي الطفِ للأحْرارِ أوْحاهُ
و فیهِ کُلَّ سرِّ الکَونِ أحصاهُ

و لِزَینبَ في الطفِ خِیامُ
و الیها یأوي الإسلامُ
نَبکیها نَبکي للنحرِ
أحُسینٌ أنتَ بِنا تَدري
ــــــــــــــــــــ

و حگ الدُرّه ذیچ المِشت مسبیّه
مِلِح أیّامنه الخدمه الحسینیّه
عُرفنه الدمع یطفي اخیام علویّه
لذلك گُمنه نبچي اعلیك یومیّه

أول منبر تَل الحُره
و منّا صار إعلام الثَوره
من زینب هالجبل الثَوري
أحُسینٌ أنتَ بِنا تَدري






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ الرؤيا ]

🎤أداء الملا قحطان البدیري
🖊الشاعر واثق العيساوي
📆 ليلة ٤ محرم ١٤٤٢ هـ.
——————————
المستهل:

غفت من البچي اعیوني
ابمنامي و لن یواسوني
علي و الزهرا حاچوني و آنه ابعبرتي
صدگ یالحره وفّیتي
انتي بکلشي ضحّیتي
اولاد أربعه انطیتي و نزلت دمعتي
ــــــــــــــــــــ

من تفگد عزیز و تبگه محتار
تگضّي اللیل بین الدمعه و النار
اشیصبر أم الولد لو فارگ الدار
و آنه الودّعوني أربع أقمار
ربوا گدامي لمّن صاروا اکبار
و گلت فدوه لخوهم ابن الأطهار

ونین الفاگده بروحي
فطر گلب الصخر نوحي
نخیت اللیله لجروحي
علي و رد ونّتي

و اجاني و جایب الزهرا
تبرّد گلبي و اتصبره
هي الوالده و أدره
بضیمي و بلوتي
ــــــــــــــــــــ

الزهرا اگبالي گعدت و الحچي اهواي
تون ظلت لولدي و تبچي ویاي
و أنا لحسین أنوح و هو رجواي
دمع الفاگدات اتصافه بالراي
ظل حچي المصایب رایح و جاي
نحیر الیا مصیبه الهاي لو هاي

تواسیني و أواسیها
آنه اعله حسین أبچیها
و لبوفاضل نواعیها
تبچي لضنوتي

تگلي الکافل الکافل
هم اولیدي ابوفاضل
دمعها اعله الوجه سایل
سدّت وحشتي
ــــــــــــــــــــ

وصّیته اعله زینب گتله بحماك
و خوّانك اخذهم کلهم اویاك
ذخرتك للکلافه و أطلب ارباك
اعله زینب کون أبد ماتغفه عیناك
و لخوك حسین لازم ترخص ادماك
یسارك فدوه الهم فدوه یمناك

وفه من زغره غذّیته
اعله حب حسین ربّیته
الوعد یا ریت وفّیته
یمچ غایتي

مکانچ مابقه خالي
دوم اعیونچ اگبالي
أخدم ولدچ آمالي
و فرحة دنیتي
ــــــــــــــــــــ

گالت أمّنت من انتي بالبیت
عله اولادي و گلت عُربیه خلیت
علي اختارچ أصیله و طیبة الصیت
و أنا ابهذا الحچي فرحانه ظلیت
گعدت امن المنام او حیف فزّیت
أثاري لا علي و لا فاطمه الگیت

یطیف الفارگت نومي
خلصت و ردت اهمومي
دمعي امبلل اهدومي
و ترعب فزّتي

صوت الناعي صحّاني
ینوح بحرگه بچّاني
رکضت بلهفة أحزاني
تعثر خطوتي
ــــــــــــــــــــ

فزّیت اعله صوت الناعي من صاح
گدامي الگلب گبل الدمع طاح
عله اولادي یگلي راحوا و ناح
عالعباس أشوفه یصفگ الراح
گلتله حسین هو لگلبي سبّاح
یگلي ذاك راسه فوگ الارماح

مصاب الما رحم بیّه
العقیله تروح مسبیّه
و رقیّه وسفه ماهیه
هاي امصیبتي

یا ریت انعمت عیني
و اموت و تنگضي اسنیني
عگب ما راحوا ابنیني
شلي ابظلتي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ خوذة القمر ]

🎤أداء الملا قحطان البدیري
🖊الشاعر علي عسيلي العاملي
🖊كرار حسين الكربلائي
📆 محرم ١٤٤٢ هـ.
——————————
المستهل:

یَحکي لَنا النَهَر
عَن خوذَةِ القَمَر
مُذْ بأسُها ظَهَر
نَظمُ الوَغیٰ انتَثر
یا طَفُّ فَأرفَع للسَما رأسَك
قَدْ طَیَّبَ العَبّــاسُ أنفاسَك
ــــــــــــــــــــ

ماذا جَریٰ .. ماذا نَریٰ
للمَوتِ هذة خوذَه؟
أمْ للهُدیٰ .. وسطَ العِدیٰ
هَل یا تُراها عوذَه؟
في دَربِها .. مِن رُعبِها
أرواحُهُم مَأخوذَه
هاماتُهُم .. قاماتُهُم
بِلَمْحِها مَجْذوذَه

تَجتازُ مِثلَ البرقِ جیشَ المُعتدي
فَتَخْنِقُ الهَیجا بصوتٍ مُرعِدِ
إنّي أنا العبّــاسُ ذو التَوَدُّدِ
نَجلُ عليِّ المُرتضیٰ المُؤیَّدِ

عَن عَزمِها فَسَل
السُمرَ و الأسَل
فالفَارِسُ الأجَل
ماضٍ بلا وَجَل
یَدعو الرَّدیٰ أخبِر هُنا نَاسك
قَدْ طَیَّبَ العَبّــاسُ أنفاسَك
ــــــــــــــــــــ

الخوذَه سِمَه .. ابهامة سِمَه
و الریشه عدنانیّه
یا خزرته .. و اکحیلته
الریح السُلیمانیّه
البیرغ عِله .. و سِجدَت اِله
کُل الکُره الأرضیّه
ضیغَم ظَهَر .. بإذن النهر
حط جِربته ترچیّه

یا ماي صاح آنه الوفه قانوني
و یرسم الموج حسین بین اعیوني
یا نَفسُ من بعدَ الحُسینِ هُوني
و بعدَهُ لا کُنتِ أو تَکوني

چفي قِسَم قَسَم
یروي ضمه الخیم
ماي النهر أهم
من چفي و العَلَم
قُر و اعترف و احچیها بحساسك
قَدْ طَیَّبَ العَبّــاسُ أنفاسَك
ــــــــــــــــــــ

لا لِلـ أنا .. ثُمَّ انْثَنیٰ
یَرجو دُعا الزهراءِ
للخَیمةِ .. بِالقُربَةِ
یَعدو نَبيُّ المَاءِ
و الخوذَةُ .. مَرفوعةُ
کالشَمسِ في الهیجاءِ
مّنها سَطَع .. ضَوءٌ وَقَع
في أعیُنِ الحَوراءِ

تَنتَظِرُ الخوذةُ میعادَ اللِّقا
و رَجزُها یَشُقُّ آذانَ الشَّقا
إنّي أنا العبّــاسُ أغدو بالسِّقا
لا أرهبُ الموتَ إذا الموتُ رقَیٰ

في الحربِ قَد بَطَش
فاحتلَّها الدَّهَش
لِعِهنِها نَفَش
و رُوسَها فَرَش
فَرَدّدت یا شَطُّ مُذ داسك
قَدْ طَیَّبَ العَبّــاسُ أنفاسَك
ــــــــــــــــــــ

ابوجهه انّقَش .. لا للعطش
بس ذابلات اشفافه
رد الگمر .. شایل نهر
مو جربه فوگ اچتافه
سد الهوه .. و ذلها سوه
الرّماحه و السیّافه
طاح اللوه .. و چفه هوه
و الجود أبد ما عافه

ویگول فدوه لو هون چفیني
دیني لحسین و ما أعوف حسیني
واللهِ أنْ قَطَعتُمُ یَمیني
إنّي اُحامي أبداً عن دیني

و الخوذه ابهامته
شُربت من غیرته
تذکرها بحضرته
من تنظر گُبته
مو عجبه لو هب عالبشر یاسك
قَدْ طَیَّبَ العَبّــاسُ أنفاسَك






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ وحدك قاتلتهم ]

🎤أداء الملا قحطان البدیري
🖊الشاعر محمد البطحاوي
📆 ليلة ٥ محرم ١٤٤٢ هـ.
——————————
المستهل:

یمسلم ماهبتهم
وحدك قاتلتهم
طیّحت السلاطین
اسلاحك حب الحسین
وحدك قاتلتهم
ــــــــــــــــــــ

الیمثل احسین مایهتم لو کل الخلگ ضدّه
انت اشما تطیح اتعیش بس الماي یتبدّه
الیردد بسم أبوالسجاد أبد مایشعر ابوحده
گلت الشِدّه موش الموت افراگ حسین اهو الشِدّه

گلت أعظم افاده
لحسین القیاده
و شلت چلماته بالعین
اسلاحك حب الحسین
وحدك قاتلتهم
ــــــــــــــــــــ

چنت اهواي من طبیت چن هاشم لفت کلها
الأمانه اللي یدزها حسین هنیاله الیوصلها
چنها سیف أبوالحسنین الرساله الچنت شایلها
گلت حسین کلّفنی و اهتزّت عساچرها

سفیر آنه لسماکم
وراي الخیر اجاکم
گلت للکوفه تدرین
اسلاحك حب الحسین
وحدك قاتلتهم
ــــــــــــــــــــ

گلت کلمن یحب حسین و ماعرفوا حچي العشاگ
الیحبه اتگول لو ذره حتی لهله مایشتاگ
اعله حبه لو تموت اهواي من عندك فلا ینباگ
مسلم چي تحب حسین سبب موتك نسجله افراگ

حسین ابکل حیاته
مثل صومه و صلاته
جمعت الدنیا و الدین
اسلاحك حب الحسین
وحدك قاتلتهم
ــــــــــــــــــــ

الیحط ایده علیه حسین لو وحده فلا یحتار
یبیض وجه المودّیه و بالکوفه یظل تذکار
مو گد الحرب ذوله و العرکه ترید اکبار
هُمَّ اولاد المفرعات و انت خَلفت الکرّار

اشما کثرت یردها
یعرفه حسین گدها
جسمت الکوفه نصین
اسلاحك حب الحسین
وحدك قاتلتهم
ــــــــــــــــــــ

یالکلك وفه و غیره حتی ابموتتك تخدم
گلت الماي ماشُربه گبل حسین أنا مسلم
صحت یحسین تسمعني لأهل الکوفه لاتقدم
گبل لحظات من موتك ذکرت حسین و اتسلم

وصل یدري سلامه
مسح روس الیتامه
الذبحوك چا وین
اسلاحك حب الحسین
وحدك قاتلتهم






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ جيشك حاضر ]

🎤أداء الملا قحطان البدیري
🖊الشاعر واثق العيساوي
📆 ليلة ٦ محرم ١٤٤٢ هـ.
——————————
المستهل:

وحدک تامر .. جیشك حاضر
أمرك عالراس و عالعین
سیف و رایه .. اي وفّایه
تعرفنه انصارك یحسین
ــــــــــــــــــــ

من سمعنا بگلب زینب خایف و دمعتها نار
صوت قائدنا حبیب ایفزّع و بعیونه ثار
امزاحم الرایات صار اباب خیمتها قرار
و احنه أهل نخوه و حمیّه و تدري دم الشیعي حار

یا بت حیدر یاهو الیگدر
یوصل یم باب الخیمه
منحر منحر مانتعذّر
دم نصبغ لون الهیمه
ــــــــــــــــــــ

اویاك جیّة موت اجینه و المهم عدنه رضاك
انرید گدامك نموت اشعدنه باقین ابوراك
هذا جون و هذا عابس تدري مجنون ابهواك
و أعلی مرتبة الغرام اتضحّي للتهوه ابدماك

یبن الزهرا و انت الأدره
امجرّبنه و تدري البینه
کعبه انطوفك لا منعوفك
و احنه البیك انجنینه
ــــــــــــــــــــ

یمته یطلع صبح باچر موعد العاشر یحین
نذر نتطشر اگبالك سامعین و طائعین
المیسره بیها حبیب و ابن قین اعله الیمین
الیختم اویه احسین عمره اتخلّد احروفه السنین

یتعنه الحر یمك ینصر
هالثوره ابکل مابیها
و اتعلمنا المُذنِب مِنا
اذنوبه بحبك یمحیها
ــــــــــــــــــــ

الدنیا هیه اشبیها غیرك حتی تستاهل حیاة
ایعیش الیموت اعله حبك و الیعیش ابغیره مات
الله خالقنه اعله مودك منك اورثنا الصفات
یا إمامه و یا عقیده و یا ضمیر و یا صلاة

انت الثوره مو بس فطره
و عاهدناك احنه امن الذر
سیف انصارك یطلب ثارك
و اینادي ابـ حیـــدر حیــــدر
ــــــــــــــــــــ

شرف من الباري النه اویاك یحسین الختام
امن الشهد موتتنه احله و دونك انصد السهام
انت ضامي و احنه نروه الماي من بعدك حرام
یا نهر من جنة الله و رحمة الله اعله الأنام

کلنه انعاهد واحد واحد
گدامك نرخص دمنه
لا و اعیونك حیره بدونك
غیرك مولاي اشعدنه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ هيبه و خيال ]

🎤أداء الملا قحطان البدیري
🎤 الملا علي مهدي
🖊الشاعر عمار هليل الواسطي
📆 محرم ١٤٤٢ هـ.
——————————

عبّـــاس هیبه و خیّال
عبّـــاس صگّار ارجال
عبّـــاس عبّـــاس

رجفت اگباله الزلم کزبرت گاع الحومه
صار یوم الملحمه و عبّـــاس هاي اعلومه
الله راد لکربلا غیره و عزم من یومه

بیوم زینب حشّمت عقدت علیه آمالها
گلها عونچ غیرتي هالیوم شوفي أفعالها
دخلت انذار الحرب لمّن دخل خیّالها
و الزلم تنشد زلم ترجف اگباله اشمالها

عبّـــاس ما یسمع صوت
عبّـــاس مندوب الموت
من صاح خطّاف أرواح .. زمجر بالزلم
و الطاح من عدهم طاح .. و الراح منهزم
ــــــــــــــــــــ

عبّـــاس حید المیدان
عبّـــاس وین الفرسان
عبّـــاس عبّـــاس

رفرف بچفه العَلَم وین الزلم ناداهم
سعف بالریح أخو زینب هالشکل خلاهم
للي یسأل عالشجاعه یاخذ المعلومه

ماجت الگاع بزلمها رهبه خطفت لونهم
خزرت الکافل کفایه خیّبتها اظنونهم
و النهار أظلم علیهم من دخل طاعونهم
وینکم صاح ابوفاضل الله یعلم وینهم

عبّـــاس یوم الطف طاب
عبّـــاس لو داحي الباب
عنوان خط العنوان .. ردد مایلي
آنه اربات المیدان .. و الضیغم علي
ــــــــــــــــــــ

عبّـــاس و العاشر صار
عبّـــاس دخّلها انذار
عبّـــاس عبّـــاس

ماتهم کثرة عددهم ویّه شمرة حیدر
اتخوصر و عاین علیهم رجّفاهه العسکر
لیث یزئر چنه حیدر من یصد اهجومه

حسین باوع للگمر گله الشداید عیدك
کربلائك یابوفاضل یا عضیدي اتریدك
شگ صفوف اعداه بصوله و گله هیچي ایفیدك
اتبسّم حسین لأخیّه و گله عاشت ایدك

عبّـــاس گرّه لکل عین
عبّـــاس و ابگلبه حسین
زلزال بالطف زلزال .. ویله الما رضه
چتّال موت و چتّال .. چنه المرتضی
ــــــــــــــــــــ

عبّـــاس صاح لأم عون
عبّـــاس شوف اشیردون
عبّـــاس عبّـــاس

صار مرجع للشجاعه و للوفه بأفعاله
أخو زینب یوم ضهضب شردت الخیّاله
هو طوفان الحرب و الیوم یاهو ایلومه

هیچي هیبة حیدره و الموت یشبه سیفه
کل قوانین المعارك کلها تمشي بکیفه
شي طبیعي و هوه ابن من؟ للطلب توصیفه
و العدو لو عینه تغمض هم یرهبه ابطیفه

عبّـــاس شتوصفه احروف
عبّـــاس نعم الموصوف
طوفان چنه الطوفان .. فرعونهم غرگ
ظنه یرد ضي عدنان .. لکن مالحگ
ــــــــــــــــــــ

عبّـــاس هذا الوفّاي
عبّـــاس یا طف یا ماي
عبّـــاس عبّـــاس

منطي کلمه و داگ صدره للعقیه ایوافي
حتی لو ینطي حیاته ایگلها لا مو کافي
صورة الوالي علي بکل هیئته مرسومه

عاهد ابکل غیرته وفّه العهد للحره
کافل و گد کلمته للکلمه ینذر عمره
جیش صار لوحده بالمیمنه و بالیسره
لا عجب محد دره ابـ عبّـــاس چان اشکبره

عبّـــاس حط بالعینین
عبّـــاس زینب و حسین
نوماس غیره و نوماس .. مضرب للمثل
بالطف هذا العبّـــاس .. لن عنه سأل
ــــــــــــــــــــ

عبّـــاس تشهدله اعداه
عبّـــاس محد لاواه
عبّـــاس عبّـــاس

یسکت التاریخ حتماً لو حچه اربات الأمیر
وین مهربها الأعادي لو نوه اعلیهم یغیر
غیرة الله غیرته سبحانه صاغ اعلومه

شنهو صیت المشرعه و العلگمي و کل مایه
لو ما ابوفاضل بجرفه رکز ساري الرایه
شویه کلش یا فرات اتصیر هاي الغایه
شویه لن بحر الوفه ابـ عبّـــاس حیل اهوایه

عبّـــاس هالصیت انطاك
عبّـــاس هو الروّاك
معلوم هذا المعلوم .. عبّـــاس و النعم
صارت شبه النسوان .. گدامه الزلم






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] لا تبجون [

🎤أداء الملا قحطان البدیري
🖋الشاعر: المیرزا عادل أشکناني
ⓣ: @adel_ashkanani
🏴لیلة ۱۰ محرم الحرام ۱٤۳۹ هـ.
--------------------
المستهل:

لا تبچون توّه ارتاح او سدّ اعیونه
لا تبچون لا یسمعكم و اتگعدونه
لا یِعْله صوت الونّه
و ابنومه خل یتهنَّه
لا تبچون لا تبچون
●●●●●●●●●●
۱/
امْن التَّعَب نام إبني فوگ إمتوني حگّه
ترِف بین إیدي و أذیّه مِن أشُبْگه
یکسر الخاطر وجِه عبداللّه شُوفوه
ساد عینه او مبتِسِم و إشْفافه زرگه

یا محلاه بحضان أمَّه السّد إعیونه
یا محلاه حتّی او هُوَّ امغیَّر لونه
غصْن امن الورد چنَّه
و ابنومه خل یتهنَّه
لا تبچون لا تبچون
●●●●●●●●●●
۲/
ناري ما تطفی و لا الأحاه تُبرَد
اشکُبره گبر البیه راح إبني ایْتِوَسّد؟!
شیبي أبیض مثل لون اگماطه من راح
او دمعي أحمر مثل لون اگماطه من رَد

أصرخ آه الرایح من عندي شیْرِدّه؟
أصرخ آه ماي او من بین إیدي یتبدّه
عبداللّه طیر الجنّه
و ابنومه خل یتهنَّه
لا تبچون لا تبچون
●●●●●●●●●●
۳/
بعد کافي اعیونکم تتفایض إسیول
إعْزیز إبني او عند أبوه احسین مدلول
خاف یالنسوان تاذونه بِلِوْنین
إبدال لا تبچون إقروله الـ دِللّول

اوْلیدي نام نوحوا لاچن نوحوا ابسکته
اوْلیدي نام شوفوا مرتاح ابحضن إخته
بالصیحه لتْگعدنَّه
و ابنومه خل یتهنَّه
لا تبچون لا تبچون
●●●●●●●●●●
٤/
ابصوتي المبحوح لوْلیدي أناغیه
ابنام یا یُمّه الولد مهده أهز بیه
حرمله امفصِّل علیه النبله تفصال
إگلادته سهم المثلّث لایگه إعلیه

سهم البین ما خلّالي ابعیني دمعه
سهم البین من نحر اوْلیدي شیْشِلعه؟
سکته اوْلیدي نوحنّه
و ابنومه خل یتهنَّه
لا تبچون لا تبچون
●●●●●●●●●●
۵/
خِنگوا ونّتکم او لِزموا کل الأصوات
نام عبداللّه تره عبداللّه ما مات
حتّی لو مِن رُگبته دم نحره مسفوح
لا تظنّون الولد مذبوح هیهات

مو مذبوح او لا نِشْفت عالماي اریاگه
مو مذبوح آنه المذبوحه بفراگه



• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ نوم العوافي ]

🎤أداء الملا قحطان البدیري
🖊الشاعر مصطفى العيساوي
📆 ليلة ٢٦ محرم الحرام ١٤٣٩ هـ.
——————————
المستهل:

إنزل ییمه ابحضني و ارتاح
راسك زغیر و خشنه الرماح
کل ظنّي نایم یالولد
هزّیت رمحك مو مهد
نوم العوافي نوم العوافي
ــــــــــــــــــــ

نام اعله رمحك و آنه أناغیك
و امتانیه اتفز حتی أحاچیك
محله الولد لو غفت عینه
شفتك عطشت ابحضن الحسین
ضمیتلك عین و دمعتین
و امتانیه الجربه تجینه

غطیت کاروکك یمدلول
و هزّیت چفّي ابلا دللول
و انت أدره بیّه اشگد حنینه
تعبان لو مجبور عالنوم
عطشان لو مطلوب للصوم
چا شنهو ذنبك مادرینه

ذنبك چنت للماي عطشان
لو چان ذنبك أترف انسان
یالعمرك أزغر من رمح
ست أشهر و شفت الذبح
نوم العوافي نوم العوافي
ــــــــــــــــــــ

طبعك ترف یالنحرك ازغیر
وي دور رمحك راسك ایدیر
و روحي اعله رمحك گامت اتطوف
لو بیدي اوصّي الشایل الراس
خافن یلچمك و انت حسّاس
تنزف ترافه و أمك اتشوف

ما وصل صوتي الکله دخّان
حرگ الخیم یم السهم هان
عمله العملها ابگاع الطفوف
ظمّیت کلشي ایسولف اویاه
و سکتت روحي و حچت فرگاه
و نزلت دمعتي ابّین الچفوف

تدري الیفارگ غالي یحتار
حیرة نبي ابراهیم بالنار
عبدالله فك ریجه ابسهم
محتاره أسولف یا ألم
نوم العوافي نوم العوافي
ــــــــــــــــــــ

یا رمح کونك تعلم الغیب
هذا الولد تچایة الشیب
ما چنت أظن ابوکتي یندار
جُمّار گلبي و الگلب شاط
تعبت امتوني ابلف الگماط
یالماکو مثلك بین الزغار

اسم الله ییمه ایلچمك الماي
یا ضوه الچان ابهاي و ابهاي
الشمس چانت منك اتغار
محتاره أسولف یمك اشلون
و احنه حچینه ابّین العیون
یالغمّضتهن بیمن أحتار

یا شوف عیني الچان لبعید
یالچنت أشوفك جیّت العید
یا جرح بینه الینسمع
یولیدي أحاچیك ابدمع
نوم العوافي نوم العوافي
ــــــــــــــــــــ

ماشین یمه بدرب الأجناب
و تبره لضعنه روس الأحباب
فوگ العوالي الچانوا اویاي
اعثر ابگاع الکلهم عیون
و السوط سولف فوگ المتون
و لخاطرك خلیت ممشاي

من الدمع بللت الاردان
خافن تفز و اتگول عطشان
اعصر عیوني و اشرب الماي
یالماعرفت الرمح شیرید
یمه الگبالك موش اجاوید
چتفوا ادینه المالهم راي

بحبالهم تالیها ماشین
و آنه اعله رمحك سولفت عین
و احتار بیك اشما گلت
جاوبني یم رمحك صحت
نوم العوافي نوم العوافي
ــــــــــــــــــــ

یمه الفکر و الجدم متعوب
خلنه انتوادع گبل الغروب
افتح اعیونك مو حلو النوم
خاف ابتعد و ایچلچل اللیل
و التهي بدمع اعیوني الیسیل
و احتار بین الدمع و الگوم

کون الهوه ینشره للمات
چا بعت عمري و جبت نسمات
و لاعوف نحرك هچ ملچوم
مابین سهمك و النحر سوط
کون انتبادل و آخذ الموت
و لا تبتعد عن أمك ابیوم

آخر احچایه چانت بنوح
ودعتك الله اویه الرمح روح
یمه الولد من یبتعد
أمه لدمعها تستعد
نوم العوافي نوم العوافي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ظهر الحسين ]

🎤أداء الملا قحطان البدیري
🖊الشاعر كرار حسين الكربلائي
📆 ليلة ٧ محرم ١٤٤٢ هـ.
——————————
المستهل:

کسرنه ظَهر الحسین
چبیره احچایة الناس
عساها ابذمّة الماي
أخذ من عندي عبّــاس
بعد یا عین التنام
تبدّه افیاي الخیام
بعد ماعندي خوّان
ــــــــــــــــــــــــ

أگوم و طولي یوگع
أودعه بخطوه و أرجع
یهلبت بي نفس و ایگوم ویّاي
چبیر الغیره طایح
أخوي المني رایح
انطبع چفي اعله خاصرتي یدنیاي

صحت یحزام ظهري البیك اشد حیلي
انحنیت اگبالهم منهو الیتچیلي
دسولفلي یبعد حسین و احچیلي
اهد ابیا ضوه لمّن یچل لیلي

گلتله اشیوجعك گال
اشیوصلك یم خیمنه
اخاف اتموت یحسین
وراك اتظل حرمنه
الوکت ما أعرف اشضام
تبدّه افیاي الخیام
بعد ماعندي خوّان
ــــــــــــــــــــــــ

الطاحن موش چفین
هذني اعیوني الثنین
و عثرت بدرب کله اعیون شمات
اعله وجهي طحت مرتین
گمت ماچني الحسین
تره الرایحله أخو یگضیها طیحات

ضواي اعله النهر ماحسّبت یطفه
الاخو مطروح و آنه بعازة الوگفه
أمد چفي اله شو مایمد چفه
ادیه اترد خلیه اگبالهم کلفه

شبگته و چان عبّــاس
یضم بشیبي الدموع
تبدّت عِشرة اسنین
و حنیت اعلیها الضلوع
و لا شالتني الاجدام
تبدّه افیاي الخیام
بعد ماعندي خوّان
ــــــــــــــــــــــــ

سهم بالعین شفته
صحت آخ و لچمته
متت و اتنفّس افراگه لگوني
بچیت لغربتي جروح
و قریت بصوت مبحوح
عله العبّــاس اعمن یا عیوني

شني ظلتهن و شیشوفن بدونك
الاخو لو راح حیره من یسألونك
تکسر ظهري صارت کلمة اشلونك
الدمع بعیوني و انت السهم بعیونك

شگولن للحنینات
عفت عبّاسهن وین
ترد ویّاي لو لا
یبعد عیون الحسین
ضوه ما بین السهام
تبدّه افیاي الخیام
بعد ماعندي خوّان
ــــــــــــــــــــــــ

أخذ کل حیلي یا ناس
عمود الطاح بالراس
طیّح عَمَد خیمتنه الچبیره
لگیت آثار الزنود
مطبوعات عالجود
صحت ویلاه یا بدر العشیره

رجعت ابلا اخو و الخیم سألني
یبعد العافیه لیش الظهر محني
صحت و آنه الدمع یاخذني و ایردني
یخیمات النهر فرهد گمر مني

نهر عطشان للماي
و أخذ من عندي الچفوف
الضوه بعیوني عبّــاس
و بعد بعیوني ماشوف
النهر من باگ الاحلام
تبدّه افیاي الخیام
بعد ماعندي خوّان
ــــــــــــــــــــــــ

غریب لوحدي ظلیت
وي زینب تلاگیت
عین بعین سولفنه و بچینه
العطاشه لا یسمعون
اخیّچ طاح یم عون
صفگنه الراح عالراح امن ادینه

اهنا زینب قرت یم منحري المقتل
و ذیچ الساعه دارت عینها اعله التل
صاحت یخوتي یاجرح اتحمّل
حرگ الخیم؟ ذبحك؟ صعدت الهزّل؟

مادام العَلَم طاح
هزیله باچر النوگ
چبیره اعله اخت الحسین
تطب مچتوفه للسوگ
أسمعه ایصیحلي الشام
تبدّه افیاي الخیام
بعد ماعندي خوّان





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed