📜قصیدة: [ و انتظرتك ]

🎤أداء الملا قحطان البدیري
🖊الشاعر محمد البطحاوي
◾️ الفاطميه ١٤٤١ هـ.
——————————
المستهل:

و انتظرتك و خلصت شوفي
اعله جیتك رمشه رمشه
و لطلعتك آنه ناذر
وجهي لجدامك أفرشه
ــــــــــــــــــــ

و باني لك ابگلبي جامع الکوفه
و أصلي لك صلاة اگلوب
و ارفرفلك رفیف الطیر لو ذبحوه
عایشلك و أنا المطلوب
تعّبتك و أعلم بیك یا مولاي
من طف کربلا متعوب
هو انت تنام اشلون
یاللي اغطاك ثوب الضامي المسلوب
ــــــــــــــــــــ

یالمشتاگ لاسمك شوگ المضیعات
خلني اتوضه بعیونك
دوّرت الخلگ العدلین و المیتین
کلهم ما یشبهونك
العارف قضیتك و السبي و الشام
فشله ایگلك اشلونك
آنه ادري الرمح و الباب و المسمار
متربعات بجفونك
ــــــــــــــــــــ

تبچیني و تغثني الناس
لو گالوا المهدي وین شو طوّل
و اگللهم سلفنه یکره الفقره
هل اعلیه ما حوّل
یظل ثابت الحبك دوم یالموعود
مو بس ینضنك بدّل
یم حسین کون ایروح بحزانه
و یبچي له بهظم عالتل
ــــــــــــــــــــ

اغازلهن اجدامك من بعید الشوف
و اتبرك و اظل معتام
و اغزل لك بیدیه ابساط دمعاتي
و افرشهن و اگلك نام
و ما بطّل ونیني اعلیك یالموعود
اشما مرت علیه أعوام
عاهدتك أظل للدوم
بدموعي اعیش ویاك حرگ اخیام
ــــــــــــــــــــ

یالتطلب اشما انطیك ما وفّي
للمشوها مسبیه
اهو الفاگد حسین و زینب و عباس
تداوي اجروحه لطمیه
و من تطلع اتشوف انصارك ایخدمون
و تلگه اخیام مبنیه
و عبدالله تطلعه ضامي و عطشان
و تشربه بیدك أمّیه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــ💐ــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ــــــــــ💐ــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــ💐ــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋 موال و هوسات - مکتوبات

🎤أداء الملا قحطان البدیري
🖋الموال للشاعر السید عبدالخالق المحنه
🖋الهوسات للشاعر علي المیاحي
--------------------

جمّار حبك علي لا مو سعف کربلا
و ایزیح ظیم الگلب کل ما حضر کربلا
و ابنك دعوه الکفر یخضع لهم کربلا
مو حگنه من نگصده ممشی بضریح نجف
و ادموعنه اتباشرت هیهات أبد مانجف
واللّه لو ینگطع خط کربلاء و نجف
بالگلب خط یشتغل یصرخ نجف کربلا
ـــــــــــــــ💐ـــــــــــــــ

هوسات:

یذکر واحد العباس هو التاریخ شمفهمه
آنه الشایف ابعیناي کیف أقتنع بالکلمه
اهو العباس چم عباس حتی بکربلا اتلمه
ایکفیله مدري اشکم کون


علي طوفان یونس یوم ضکه الحوت
و علي صوت الـ إله و چذب صوته ایموت
فقّاره بیمینه و شفرته التابوت
چف اللّه حیدر بالحومه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يا مهجة العسكري ]

🎤أداء الملا قحطان البدیري
🖊الشاعر علي جعفر القطيفي
◾️ الفاطميه ١٤٤١ هـ.
ــــــــــــــــــــــــــــــ

أری دَمعَها أری لَطمَها
بِعَینَیكَ یا مُهجةَ العسگري
ــــــــــــــــــــ

کَتبتُ اُناجي إمامَ الزمان
وَ حِبري نزیفُ الجَوَی المُسعِرِ
أتُبقي دُموعاً و في دفتري
حَدیثٌ عن الضلعِ و المَحجَرِ؟
ــــــــــــــــــــ

أتأذَنُ لي أنْ أدُكَّ السَماء
علی الأرضِ بالکَمَدِ المُمْطِرِ؟
أما زالَ في عینِ فاطمةٍ
مَصَبُ عیونِ الأسی الأحمري
و هَل مَسَّ ضِلعُكَ یا وَیلتي
حَرائِقُ مِن ضِلعِها الأطهَرِ؟
ــــــــــــــــــــ

أری بابَها بُثَّ مِن حَرقِهِ
رَمَادَ المناسِكِ و المِشعَرِ
و أبلی مَسامِعَ تَوحیدهِ
نِداها بِـ فِضّةَ هیّا إحضُري
و ما أسقطوا مُحسِناً قبلَ أن
یَخُرُّ السَماحُ علی مَجْمَرِ
ــــــــــــــــــــ

أیا عُصبَةَ الجَورِ بعدَ الّذي
فعلتِ إلی اللهِ لا تَنظُري
فلَن تُغضبي اللهَ مِن بعدهِ
بِکُفرٍ لَقَد هانَ أنْ تَکفُري
لَقَد غیّرَ اللوحُ أخبارَهُ
بغیرِ البلایا فلا تُبشري
ــــــــــــــــــــ

یُنَبِّئكُ قَتلُ بنتُ النبي
بِریحِ الثمانیةِ الصَرصَرِ
إذا ما أتی الحقُّ مِن نسلِها
و صاحَ بِأملاکِها زَمجِري
أهَجتُ علیكَ الأذی سیّدي
تَلَظی بِجَوفي و لَم أصبِرِ
ــــــــــــــــــــ

فما أنتَ مِن نارِها خالیاً
و ما أنا بالمُعْلِمِ المُخْبِرِ
و لَو شِئتَ أنْ لا یَقومَ الوجودُ
لأفنیتَهُ باسمِها الأکبرِ
حُسامُكَ في غِمدهِ العاصفات
و زلزَالةُ الخاسفِ المُنذِرِ





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة‌: طالعتك بدرا

🎤 أداء الحاج باسم الکربلائي
🎤 و الملا قحطان البدیري
🖋الشاعر الأدیب مهدي جناح الکاظمي
💿 ضمن اصدار - أحزاني أوطان
ــــــــــــــــــــــــــــــ

طالعتُكَ بدراً یتوسدُ رملَ الصحراء
طالعتُكَ جُرحاً یتعبدُ في غارِ حِراء
ــــــــــــــــــــ

و الوحيُ سمیرٌ و همومُ الإنسانِ لدیك
تتجلی ظمأءً تحملهُ شُطآنُ یدیك
و تَلوحُ یتیماً و قریشُ تنقادُ إلیك

طالعتُكَ قلباً یأویهِ جُرحُ النُبَلاء
طالعتُكَ شمساً تغبِطُها عینُ الأغواء
ــــــــــــــــــــ

ها أنتَ غَنيٌ دانَ لهُ حتی القَمَران
بِـ رِدائكَ مَعناً و سحابٌ یمطُرُ إحسان
بِـ جُراحكَ یخضَرُ عطاءً أملُ الأزمان

و جبینُكَ نوراً یتجلی للأرضِ سماء
و صفاتُكَ فیها یتعالی لله نداء
ــــــــــــــــــــ

لكَ یبقی غارُ حِراء و شعبُ أبي طالبَ یشهد
و بأنكَ تأبي إلّا أن تبقی في کَلِّ الأزمانِ مُحَمَّد
ــــــــــــــــــــ

یا صانعَ تاریخِ الدُنیا و الصبرُ لِواك
و مشیتَ و خطوكَ لم یشکو وخزَ الأشواك
و أسامتكَ قریشُ أذاها و اللّه یراك

ما زِلتَ نبیاً و یداهُ ینبوعَ عطاء
و لأنت غریبٌ و ستبقی رمزَ الغُرباء
ــــــــــــــــــــ

أبکیكَ علیّاً مکتوفاً بِـ حِبالِ الحیف
أبکیكَ حُسیناً منحرهُ ینهبُهُ السیف
تتوسلُ لِـ تراكَ عیوني أجنحةَ الطیف

تحمِلُها دمعاً و صلاةً تنعی الزهراء
فَـ یعودُ الطفُ بِـ صیحتهِ هل قطرهُ ماء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ جرحك أوطان ]

🎤أداء الملا قحطان البدیري
🖊الشاعر مهدي جناح الكاظمي
📀 اصدار أحزاني أوطان
——————————

مِن بَیتِ عليٍّ مُتّشِحاً
أنوارَ الحکمةِ قَدْ لاحا
هذة فاطِمَةٌ قادِمةٌ
کَـ سَناها ولدَتْ مِصباحا
و مُحَمّدُ هَلّلا إذْ صاحا
جُرحُكَ مِئذَنةً یَتجلّی
و الفجرُ بَکی
و العِشقُ بِمسجدهِ صلّی
و اللهُ یَری
في بحرِ الْتیهِ تَقَاذَفُني
أمواجُ هَواه
ــــــــــــــــــــ

و الدارُ تَنورْ و رَحاةُ الزهراءِ تَدورْ
و یَدورُ الزَمنُ المَقهور
و یَعودَ لِیَطْرُقَ بابَ علي
یَطلُبُ مِنهُ الغُفران
و یَقولُ مُحَمّد قَبّلَ نحرَ القُربان
و بَکی فأبکی القُرآن
جَسّدَ مُعجِزةَ الرحمن


جُرحُكَ مِئذَنةً یَتجلّی
و الفجرُ بَکی
و العِشقُ بِمسجدهِ صلّی
و اللهُ یَری
في بحرِ الْتیهِ تَقَاذَفُني
أمواجُ هَواه
ــــــــــــــــــــ

تَدري الأیام مِن جُرحِكَ یأتي الإلهام
تَثْبُتُ بِهَواكَ الأقدام
مِن مَهدِكَ مَهدَ المیلادِ
نَسْتَلهِمُ کُلَّ الأبعاد
و أبوكَ علي أنهَلَ عَینَ العُبّاد
مُنتظراً یَومَ المیعاد
لكَ یَومَ تَقومُ الأشهاد


جُرحُكَ مِئذَنةً یَتجلّی
و الفجرُ بَکی
و العِشقُ بِمسجدهِ صلّی
و اللهُ یَری
في بحرِ الْتیهِ تَقَاذَفُني
أمواجُ هَواه
ــــــــــــــــــــ

فِطْرُسُ مَجروح و لِنحرِكَ قَدْ آوی الروح
یَساءُ إذْ جَاءَ یَبوح
عَلّمتَ جمیعَ الأزمانِ
یا بَلسَم قَلبِ الإنسان
یا ضَامي و یا سَاقي ضَمَأ الإحسان
غُرَباءُ العالَمِ ذي حَیران
و دِمائُكَ صارَتْ أوطان


جُرحُكَ مِئذَنةً یَتجلّی
و الفجرُ بَکی
و العِشقُ بِمسجدهِ صلّی
و اللهُ یَری
في بحرِ الْتیهِ تَقَاذَفُني
أمواجُ هَواه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سافرت نحوك ]

🎤أداء الملا قحطان البدیري
🖊الشاعر واثق العيساوي
📀 اصدار أحزاني أوطان
——————————

طافَتْ علی کفِ الوَفاءِ دواتي
و لِحَجِّ عَینِك أحْرَمَتْ کَلِماتي
و بِمَاءِ جُودِكَ قَدْ تَوَضَّئَ خافِقي
لِیُقیمَ قَصراً في هَواكَ صَلاتي
ــــــــــــــــــــ

سَافَرتُ نَحْوَكَ لا ماضٍ سَیُرجِعُني
و سِواكَ ما نَظَرَ الفُؤادُ لِآتي
مَن ذا یَصِفكَ و ما لِمِثلِكَ واصِفٌ
و صِفاتُ حَیــــدرةٍ أتَت بِصفاتي
عجباً لِکَفٍّ کانَ ثَغرُ المُرتضی
قُدساً لها کَم جَادَ بِالقُبُلاتِ
في مِعْصَمٍ قَدْ سَوّرتهُ کَواکِبٌ
و أحاطَهُ الإعجازُ بالآیاتِ
عَیناكَ جُودٌ أمْطَرَتْ بِسَماءِها
ما لَم تَجِدهُ الأرضُ بالغَیماتِ
في المهدِ زینبُ قَدْ رَأتْكَ کَفیلَها
قَرَأتْ بِعَینِكَ غیرةَ النَظَراتِ
ــــــــــــــــــــ

أذِّنْ عَليٌّ إنَّهُ بَدْرُ الدُجی
أشْبِعهُ الصَوتَ کَزِدهُ بالبَرَکاتِ
و أحمِلْ إلی الزهراءِ أخباراً لَها
أنْ أشَرَقَ العَبّــاسُ بالبُشراتِ
شَقَّ الوَفاءُ جِدارَهُ و حِجابَهُ
مِن ثُمَّ نادا یا کریمةُ هاتِ
لَو لا الّذي في البیتِ کانَ قُدومهُ
ما غیرَ مَهدِكَ مِنهُ کانَ الآتي
قَمَرٌ و ما عَرَفَ المَحاقُ طَریقَهُ
أوَ هَل لِضَوءِ اللهِ مِن طُرُقاتِ
و بِصَدرِكَ الحَوراءُ سِرّاً بَوحُها
سِرّاً حَکَتهُ بِنَبرةِ الحَسراتِ
ــــــــــــــــــــ

امضي رَسولَ المَاءِ شَعبُكَ ضَامِئاً
و أتلو عَلیهِ الصَبرَ بالآیاتِ
الغَیمُ یَزحَفُ نَحوَ جودِكَ طَائعاً
یَرجُوكَ أنْ تَرویهِ مِن قَطَراتِ
ماذا حَکَیتَ المَاءَ حینَ رَمَیتَهُ
ما قالتِ الشَفتانِ مِن کلماتِ
أحلامُ أیتامٍ رَأتْكَ فَعُد لَها
زُرْ نَومَهُم عَبّـــاسُ کالنَسَماتِ
سَکَنَ الظلامُ شِفاهَهُم فأرجَع لَها
و أملَئ سَمَاءَ الجودِ بالنجماتِ
و أنِرْ سَمَاءَ الطفِ تِلكَ سَمَاءُنا
فَـ بِمَن یَلوذُ العَبدُ بالکُرُباتِ
یَبنَ الّتي صارَتْ مَلاذَ قُلوبِنا
أمُّ البنینِ و حَسبُها مَولاتي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ ساعة عمرك ]

🎤أداء الملا قحطان البدیري
🖊الشاعر سيد عبدالخالق المحنه
📆 شعبان ١٤٤٠ هـ.
——————————

ساعة عمرك و المهد ما یحتویك
و هو طف انشاف ماشافوا مهد
بیه امرادم خیل و اسیوف و صهیل
و بیه اخیام و مشرعه و چلمة وعد

اهوایه محتاره بقت أم البنین
الصایر ابعباس ما صار بأحد
لو بچه ما یسکت إلّا ابذولفقار
و من یلزمه بیده مایبچي بعد

من یشوف إخته تجي ایحاول یگوم
و حته لو غافي اعله صوت إخته گعد
من تباوعله یدگ صدره و یصیح
و زینب اتعرفه یگللها عهد

و من یشوف احسین یرفعله الچفوف
و الحسین ایصیح یبوفاضل مدد
ما زحف مثل الخلگ واگف عمود
أول أیامه خذه دور العمد

طیحة الحره تدورلها کفیل
و طیحة الدمعه تدورلها اعله خد
من یدگ عالگاع یعني اخیمنه وین
یمته یا زینب أدگ بیدي الوتد

و من یشوف الماي ینظر للحسین
یعني گبل احسین مایشرب أبد
و من یشوف السیف یعلن بالهجوم
و من یشوف الخیل یتصور صعد

ابگصته ایبین علي و حمزه و حسین
ابخزرته ایبین ألف صعصع رعد
من تجي زینب یحس روحه کفیل
و من تمیل اعلیه یحس روحه سند

من تشبگه یشعر ابطعم الوداع
و من تعوفه یشعر ابچفه انفگد
أول احچایاته زینب، رایه، جود
أول الخطوات خیّال و لِکَد
بالمشي مشیة قیاده و خلفه جیش
اتگول جدامه ألف فارس شرد





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يعباس على مهدك [

🎤أداء الملا قحطان البدیري
🖋الشاعر: کرار حسین الکربلائي
📆 ٤ شعبان ۱٤۳۵ هـ.
--------------------
المستهل:

یعبّاس علی مهدك
یعبّاس ردت عهدك
یعبّاس وفي ابوعدك
یبوفاضل یبوفاضل
--------------------

گبل میلادك ابلیله
شفت طیف الکشف همّي
گمر و امبرگع ابرایه
سجد یابالفضل یمّي
فتحت اعیوني لن أسمع
صوت أم البنین أمي
إجه العبّاس و ابوجهك
تفسّر یا گمر حلمي

أناديك صدگ شفتك
هلا بیك یبعد اختك
أناجیك گمر خدك
یبوفاضل یبوفاضل
--------------------

صور یم مهدك أنظرها
و أحبس دمعي بالگوّه
صورة جود بچفوفك
و من الصوره أتروّه
اشگد یشبه علي وجهك
ینگط غیره و امروّه
أگولن مو علي و روحي
تگلّي لا علي هوّه

حروفك علی الساني
و أشوفك علي الثاني
یطوفك نجم مجدك
یبوفاضل یبوفاضل
--------------------

کأن جبریل یم مهدك
نزل یقرالي هالآیه
هَدیناكِ گمر هاشم
کفیل و بي هالکفایه
نطقت ابمهدك و چانت
زینب أول احچایه
گلت مارید لعّابه
أریدن هودج و رایه

تصدلي ابوفه و نخوه
تگلّي الچ فدوه
أصلّي علی زندك
یبوفاضل یبوفاضل
--------------------

تنام الناس و آنه أبقه
أسهر وي گمر لیلي
تلاعب خدي بچفوفك
أناغیك و تناغیلي
إذا عنك غبت ساعه
ابسلامة عمري تدعیلي
و عن حبك تعبّرلي
اعصابه و شیله تهدیلي

یگلبك وفه شایل
اجیتك یبوفاضل
اعله دربك مشه البعدك
یبوفاضل یبوفاضل
--------------------

بعیونك شلت إختك
طبگت ارموشك اعلیّه
امن اگول اسمك أحس روحي
ابعرش الباري محمیّه
إذا محتاج إجه یمك
یحلفك یا گمر بیّه
تگله اوداعة اعیونك
یعمّي روح الحاجه مگضیّه

ابصلاتي یتکبیره
حیاتي یبوالغیره
عباتي العرش عندك
یبوفاضل یبوفاضل



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] شعبان الأفراح [

🎤أداء الملا قحطان البدیري
🖋الشاعر: کرار حسین الکربلائي
--------------------
المستهل:

هلا هلا گلب المحب صاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر یالفرّحت کل الموالین
احنه مدیونین الك مانوفي بالدین
صحنه و ادموع السعاده اتکحّل العین
یا هلا و میّة هلا بمیلاد الحسین

هلا هلا یا أحلی مصباح
هلا هلا شعبان الأفراح
اللهم صل علی محمّد
و آل أحمد
--------------------

لاحت بعین اللیالي دمعة احساس
و السما تنثر نجوم امعطّره ابیاس
رابع بشعبان گامت تهتف الناس
یا هلا و میّة هلا بمیلاد عبّاس

هلا هلا بدر الوفه لاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر أیام شهرك کلها أعیاد
تنضح أفراح و سعاده و خیر و أمجاد
یوم خامس بیك یصدف أحلی میلاد
یا هلا و میّة هلا یا زین العباد

هلا هلا عطر الإبا فاح
هلا هلا شعبان الأفراح
اللهم صل علی محمّد
و آل أحمد
--------------------

ابداخلي قلعة عشگ کل لحظه تکبر
ابگلبي آذان الفرح هاللیله کبّر
یا خلگ یوم إحدعش من حگي أسهر
و صیحتي کل الهلا یا علي الأکبر

هلا هلا گلبي الك راح
هلا هلا شعبان الأفراح
اللهم صل علی محمّد
و آل أحمد
--------------------

بخمسطعش شعبان لازم أنطي عهدي
أنتظر محبوبي و ادموعي اعله خدّي
أندعي ساعة ظهوره إلنا تبدي
عجّل اللّه فرجك مهـــــدي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] حيره وصفك [

🎤أداء الملا قحطان البدیري
🎤 و ملا محمد فصولي
🖋الشاعر: فاضل مقدم
📆 ٤ شعبان ۱٤۳۹ هـ.
🔖 میلاد أبالفضل العبّاس علیه السلام
--------------------
المستهل:

حیره وصفك حیره
انت رب الغیره
عبّاس انت رفعة راسي
عبّاس یالملکت إحساسي
●●●●●⭐️🌙●●●●●

زینب ابهل لیله
گاعده اتلولیله
گمر تحله بسمته بخدوده
ایدور نظرة عینه
ایعاین اعله حسینه
ایرید رایة کربلا بزنوده

ظل یهز مهده و ینادي الغالي
هلا بحزام الظهر و الوالي
زینب اتنادي گمر و ایلالي
خویه بوجودك قدرنه عالي

خویه بیك أتباهه
ضحکتك محلاهه
عبّاس یالسکنت أنفاسي
عبّاس یالملکت إحساسي
●●●●●⭐️🌙●●●●●

و الحسین ایشوفه
عالمهد و ایطوفه
ایشوف ساحة کربلا بعیونه
ابغیضه تلهب ناره
ظل یصد بتّاره
اهناك راعي المرجله ایسمّونه

ایگطّع اگماطه بعزم چفّینه
اشما یگمطونه یفك ایدینه
تجدح ابنار الشهامه عینه
ناره تبرد من یحضنه احسینه

حسین ایقبّل إیده
ایشوف عزم اعضیده
عبّاس یا فخر نوماسي
عبّاس یالملکت إحساسي
●●●●●⭐️🌙●●●●●

و الصمیده ابزوده
إتعنّه یم مولوده
صاح زینب خل تجي للغالي
شال چفّه بیده
حطها بید اولیده
للکفاله و صار هو الوالي

گال حیدر یا بوفاضل زودك
تکفل الحره العقیله ازنودك
و عالنهر یبني توافي اعهودك
و خلها تتباهه تظل بوجودك

رایتك علّیها
عالنهر هد بیها
عبّاس بیك أصد نبراسي
عبّاس یالملکت إحساسي
●●●●●⭐️🌙●●●●●

من کُبر عالغیره
ما تمر الحیره
زینب إخته و الوعد حادیها
عجّب الکون ابفخر
و ابسمه الخوّه گمر
و هو سبع الگنطره و حامیها

صار باب الحاجه من ایثاره
ما یخیب اللي گصد خطّاره
ابچفّه نهر المعرفه یتجاره
للکرامه الهسه تلهب ناره

و اللي ینخه اچفوفه
ایغرّگه ابمعروفه
عبّاس شرف أهلي و ناسي
عبّاس یالملکت إحساسي



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لا حياة بلا عزاء ]

🎤أداء الملا قحطان البدیري
🖊الشاعر كرار حسين الكربلائي
📆 ليلة ٢٧ شوال ١٤٤١ هـ.
——————————
المستهل:

لا حیاة ابلا عزاء
و انخلقنه لکربلاء
والله مشتاگین الك یا بوعلي
ــــــــــــــــــــ
۱/

انت للخادم أهل .. و گالت أصحاب المَثَل
یا غریب اذکر هلك و اتذکریتك
حسین یا نبض الگلب .. ابدونك انعیش ابغرب
هذا مو شانك تسد بیبان بیتك

و حگ بنتك رقیه التشبه الزهره
مشتاگین بس نشتم هوه الحضره

صوت المفارگ عله
الموت فرگة کربلا
فرگتك دیرة حزن ماتنجلي
والله مشتاگین الك یا بوعلي
ــــــــــــــــــــ
۲/

ایعاتبك دمع الیصب .. لیش مسدود الدرب
و عالصور یحسین ردت تبچي العیون
نشم صورة حضرتك .. و چفنه یمسح گبتك
و من بعید انزور صرنه اویه الیزورون

رجعنه اردود نقره و ندگ اید بإید
صدگ یحسین گمنه انزورك امن ابعید

والله صعبه یا ذبیح
مانشم عطر الضریح
صعبه صحنك من محبینك خِلي
والله مشتاگین الك یا بوعلي
ــــــــــــــــــــ
۳/

حلم صرت اتخیله .. چني ازور بکربلا
و گبتك صارت اگبالي و المناره
اسجد اباب الصحن .. طیر راجع للوطن
و اوگف اباب الذهب و اقره الزیاره

و اشم ریحة نحر یحسین من گبرك
و اسمع نوح عبدلله علی صدرك

بحضرتك الگه البتول
آخ یولیدي تگول
لیش صدرك فوگه حافر یعتلي
والله مشتاگین الك یا بوعلي
ــــــــــــــــــــ
٤/

حسره صارت یا حسین .. أمشي بین الحرمین
بیّه عِلّه و شوفة الگبه دواها
و یم ابوفاضل اروح .. اگعد ابابه و انوح
حضرة العبّاس مشتاگ لهواها

تهنه و غیر باب الگمر ما نندل
و من چف ابوفاضل رایدین الحل

مثل گلب أم البنین
لکربلا هزنه الحنین
اخو الموت افراگ صحنك یالولي
والله مشتاگین الك یا بوعلي
ــــــــــــــــــــ
۵/

نخوه من باب الرضا .. اعلیك ابوك المرتضی
خل نرد لحضرتك ما یرحم الشوگ
الروح رادت نینوی .. آه یا ذاك الهوه
البي نشم دخان خیمه و گلب محروگ

علیك بزینب الشافتك جوه الخیل
نظره نرید منك بعد ما ظل حیل

کربلائك یا غریب
هیه للعِلّه طبیب
نسکت و تبقه عبارة ما یلي
والله مشتاگین الك یا بوعلي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ حالة من العدم ]

🎤أداء الملا قحطان البدیري
🖊الشاعر ميرزا عادل أشكناني
——————————

ما .. صَبْرِي عَلَيْكَ وَ مَا
يُجْدِي البُكَاءُ دَمَا .. ما الإشتياقْ !؟
لا .. عنِّي تصُدَّ و لا
تَحْمِل فُؤادِي علىٰ .. ما لا يُطاقْ

هيّن أمر الموت عندي و أنه لمفارق هوَاك
مستعد أنطيك عمري و اشتري شَمَّة ثراك
عشِت حاله امْن العدَم لاهي نجاة اوْ لا هَلاك !
*يا غَرِيبَ الغُرَبَا فِي بُعْدِكُمْ حَالِي غَرِيِب !*

لا نَسيم (الصَبَا) ايْمُرني اْو لا يهِب (ريح الشِّمالْ)
و آنا عطشانك و أدوَّر رَشَفه من كاس الوِصال!
الدَّهر صيَّاد اْو إجيتك يالرضا ابْرَكضة غزَال !
*مُسْتَجِيرًا بِكَ أتْلُو سَيِّدي : {أمَّنْ يُجِيْبْ} ؟!*





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ الصرخه المرحومه ]

🎤أداء الملا قحطان البدیري
🎤 علی مهدي
🎤 محمد الجنامي

🖊کلمات الشیخ محمد جمعه
📆 محرم ١٤٤٢ هـ.
——————————
المستهل:

و حگ صرخة عزیزة گلبچ اعله التل
نرفع هالشعار و صرخة المقتل
ــــــــــــــــــــ

علی لوح القدر خطّ القلم بالنور
منصوبه المجالس من یهل عاشور
و حگ سبي العقیله و ضلعچ المکسور
مثل شمّ الهوه میصیر یتأجّل

مثل شمّ الهوه نحتاج یا زهره
مجالسنه و شعایرنه علی الفطره
نحییها ابیسرنه و ساعة العسره
و عاشور الوعد و محال نتبدّل
ــــــــــــــــــــ

عاشور الوعد تتحزّم الخدّام
هالعام و شعایرنه مثل کل عام
بتاریخ المواکب تشهد الأیام
من تشتد علینه انقدّم الأفضل

من تشتد علینه انلوذ بالمنبر
ونتشافه بذکر أبوالسجاد و الأکبر
آیحسین و مصابه و منتغیّر
بجاهچ یم حسن و حسین نتوسل
ــــــــــــــــــــ

دخیل الله و دخیلچ یم حسن و حسین
و حگ عباس و أمه و گطعة الچفین
نرید انظل علی بابچ ینور العین
خدّام بمجالسکم مثل أوّل

خدّام و شرف خدمتکم الغایه
حيّ اعله العزاء و نرفع الرایه
و تالي بأربعین حسین مشّایه
و ایزول الوباء و کل شي یتسهل
ــــــــــــــــــــ

یتسهل علینه انزور أبوالیمه
نطب صحنه الشریف و نشتکي یمّه
من بعده الحیاة امکدّره و ظلمه
صعب یم الحسن فرگاه نتحمل

صعب یم الحسن نتحمل الفرگه
و حنین الشوگ ما خلّه و ما بگّه
هاي اگلوبنا لحسین محترگه
و غیر دروب أبوالسجاد ما نندل






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ الخدمه بخير ]

🎤أداء الملا قحطان البدیري
🖊الشاعر علي عباس الربيعاوي
📆 محرم ١٤٤٢ هـ.
——————————
المستهل:

هالشهر هذا امن السنه غیر
و العاشگ احساسه جنح طیر
تجي ناس تروح ناس
منبر حسین الأساس
کل عام و الخدمه بألف خیر
ــــــــــــــــــــ

رحلة عاشگ لمعشوگ .. الجوارح تمشي مرضیه
نمشي احساس من ادموع .. الجوانح بالحسینیه
سواد و عالسطح رایات .. عشگ و گلوب مدمیه
مو فطره عشگ عرفان .. و التسبیح لطمیه

شهر الزکاة لدمعة العین
هنیاله کلمن یبچي لحسین
یختلف کل احساس
منبر حسین الأساس
کل عام و الخدمه بألف خیر
ــــــــــــــــــــ

شهر الدمعه شهر الشوگ .. عشگ امناغه للرایه
من واحد محرم هیل .. لحد مشیة المشایه
یا رب العشگ یحسین .. یا مقصود یا غایه
یمغیّر مسار الکون .. یا رافض عذب مایه

هذا الشهر المغیّر الکون
و امطیّب اگلوب الیعشگون
اول ابلایه قیاس
منبر حسین الأساس
کل عام و الخدمه بألف خیر
ــــــــــــــــــــ

ابوفاضل وگف عالجود .. هاي أیام وگفاته
تخوصر علی الشاطي و ظال .. فوگ العذب خزراته
ترچیه بذان الماي .. متعلگه احچایاته
ما أشرب و اخوي حسین .. یابس ریع وجناته

نذکر مواقف صاحب الجود
عالشاطي لسه اتحسه موجود
العطر و الشیمه و الیاس
منبر حسین الأساس
کل عام و الخدمه بألف خیر
ــــــــــــــــــــ

یتلفت طفل عالماي .. بگماطه و اخذ موقف
سمع ناصر یرید حسین .. گلبه ظل علیه ایرف
تخیرله سهم للموت .. زلمه و گلبه ما یرجف
حسبوا یبچي من وصلوا .. سمعوا بالخدر یحلف

اوداعت خدر هاي الصواوین
هالیوم اموت لخاطر حسین
طفل بس بالغیره حاس
منبر حسین الأساس
کل عام و الخدمه بألف خیر





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عزاؤنا سيرفع البلاء ]

🎤أداء الملا قحطان البدیري
🖊الشاعر عمار هليل الواسطي
▪️استقبال شهر محرم ١٤٤٢ هـ.
——————————
المستهل:


عزاؤنا سیرفع الوباء
حي علی السبط و کربلاء
ــــــــــــــــــــ

بالوعي انقیم الشعائر هذا واجبنه
حسین أبونه و هو یعرف شنو مطلبنه
تهون لمصابه بمحرم کل مصایبنه
و الأمل ریت بسجلّه حسین یکتبنه

الوعيُ ثم الوعيُ في العزاء
حي علی السبط و کربلاء
ــــــــــــــــــــ

هالمواسات الحزینه بهاي خدمتنه
مر ظرف طارئ علیها و بقت همتنه
الله یحفظ کل موالي ایحب قضیتنه
یالله یخواني القضیه اترید حکمتنه

و اللهُ فعّالٌ لما یشاء
حي علی السبط و کربلاء
ــــــــــــــــــــ

تختلف ظاهر و لکن ثابت الجوهر
الغیره نفس الغیره بینه و الحزن کبّر
حسین قائدنا و انطیعه طاعة العسکر
و بأمان الزهره نبقه اشما بقت تحضر

فمرحباً سیدة النساء
حي علی السبط و کربلاء
ــــــــــــــــــــ

یالله نستقبل محرم حي علی الهمه
و الوعي أول اشاره لشهر أبوالیمه
کلمن و مجهوده عنده و راید ایقدمه
و الهدف واحد نواسي فاطمه أمه

مجالسُ السبط هي الدواء
حي علی السبط و کربلاء
ــــــــــــــــــــ

الخدم للدوم تبقه قدوه للعالم
و الیظن العکس هذا حاقد و واهم
ماکو احرص عالقضیه من وفه الخادم
و آني گلت الخیر بعده و العزا دائم

قضیةٌ مصیرها البقاء
حي علی السبط و کربلاء
ــــــــــــــــــــ

ماتظل هالعام أمنا الزهره محتاره
نحضر انواسي الحسین و أهله و أنصاره
هالوباء ایزول حتماً تگضي أخطاره
و حضرته یملیها باچر شوگ زواره

أرواحُنا أعمارُنا فداء
حي علی السبط و کربلاء
ــــــــــــــــــــ

عدنه موعد وي محرم سوه نتلاگه
هالسنه گلب الموالي تلهب اشواگه
حسین معشوگ الخلیقه کلنه عشاگه
حسین من یگدر یعوفه و یحمل افراگه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يا روح الكوثر ]

🎤أداء الملا قحطان البدیري
🖊الشاعر واثق العیساوي
📆 لیلة ۱ محرم ۱٤٤٢ هـ.
——————————
المستهل:

سلامي سلامي لقمیصٍ یَرسِمُ صبراً
بُکائي عزائي لجراحٍ تسکُنُ صدرك
ــــــــــــــــــــ

في الأفقِ قمیصكَ قد لاحا
و دمائكّ تُلبسهُ وِشاحا
قلبُ الزهراءِ لهُ ناحا
و ظهرُها حاني
أیامُكّ جُرحُ الأیامِ
یشتاقُ لها قلبُ الضامي
نحرُكَ نصرٌ للإسلامِ
نهجٌ و أحیاني

سؤالي سؤالي أنَبيٌّ ذا؟ أم نحرك
بُکائي عزائي لجراحٍ تسکُنُ صدرك
ــــــــــــــــــــ

و اذا الأیامُ تُباعِدُني
عن قبركَ شوقُ یؤرِقني
روحي و الدمعُ یُقرّبني
و الموتُ یَلقاني
ما بینَ الحرمینِ حیاتي
و خمیسُ الشوقِ مناجاتي
أرفعُ کَفّيَ کَـ رایاتِ
فـ أنتَ أوطاني

اُنادي اُنادي مَن یهوی وطناً غیرك؟
بُکائي عزائي لجراحٍ تسکُنُ صدرك
ــــــــــــــــــــ

ذا صدرُكَ أمْ جبرائیلُ
أمْ قرآنٌ أمْ انجیلُ
و حوافرهُم فیهِ تجولُ
و الضلعُ أبکاني
ذا ثغرُكَ أمْ جمرٌ أحمر
نارُ الضمآنِ بهِ تَسعر
عطشانً یا روحَ الکوثر؟
یبنَ القرآنِ

نیاحي نیاحي لِجَفافٍ شقّقَ ثغرك
بُکائي عزائي لجراحٍ تسکُنُ صدرك
ــــــــــــــــــــ

أنتَ الأولُ أنتَ الباقي
دمعٌ ما فارقَ أحداقي
ألمٌ ما هاجرَ أوراقي
فـ أنتَ أحزاني
أبکیكَ فلا دمعٌ یکفي
لَو سالَ الدمعُ مع النزفِ
لم یشرح أحداثَ الطفِ
یا ویلَ أجفاني

دموعي دموعي نزفَت و أحاطت قبرك
بُکائي عزائي لجراحٍ تسکُنُ صدرك
ــــــــــــــــــــ

واجهتَ الموتَ بِاصرارِ
کـ أبیكَ عليِّ الکرارِ
یا آلَ البیتِ الأحرارِ
یا طُهرَ عنواني
اِقبلني مولاي کـ خادم
ناعٍ أمْ باكٍ أمْ لاطِم
فـ عزائي للحرةِ فاطِم
و ذاكَ ایماني

أراها أراها ترفعُ مَن یُحْيي أمرك
بُکائي عزائي لجراحٍ تسکُنُ صدرك






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed