📋قصیدة: عینك تشاهد فاطمه - مکتوبة

🎤أداء الملا قحطان البدیري
🖋الشاعر: السید مرتضی الصافي
--------------------

عینك تشاهد فاطمه عالمتغسل یا کرّار
مدّت ادیها امنل چفن حضنت حسین اویه الحسن
عالمغتسل یا کرّار
-------------------
۱/

گبل یوم الزچیه من ردت یومك
شفت کسر الضلع و انخطفت ارسومك
جرت دمعة العین و کثرت اهمومك
حگك یا علي و لا واحد ایلومك
بالخد علامه شاهدت بالصدر جرح البسمار
شفت المتون اتورمن حضنت حسین اویه الحسن
عالمغتسل یا کرّار
------------------
۲/

فوگ المغتسل من صارت الزهره
کسرها و الجرح لن عینك اتنظره
یاهو اللي تضمده و یاهو اللي تجبره
وگع گلبك علیها من فگد صبره
هاي الودیعه ابهل وضع ترجع لأبوها المختار
منها الضلوع اترضرضن حضنت حسین اویه الحسن
عالمغتسل یا کرّار
-------------------
۳/

گمت للزهره بآلامك تغسلها
گبل الماي دمعة حزنك اتهلها
تتلمس ابیدك کل مفاصلها
کلها امرضرضه یابالحسن کلها
گلبك اتصدع یا علي بضلوعك اتشب نار
ادموع لحزنها اتفجرن حضنت حسین اویه الحسن
عالمغتسل یا کرار
-------------------
٤/

بعد منظر یألّم محد ایحمله
تجیب الماي زینب یا أبوالحمله
ثوب أسود علیها إمیتمه و طفله
هیه اویا جسم الطاهره اتغسله
زینب تگل لفاطمه عفتینه یا یُمه ازغار
صرنه یتامه ابهل زمن حضنت حسین اویه الحسن
عالمغتسل یا کرّار
--------------------
۵/

الحسن و حسین للتودیع صحت الهم
بعیونك شفت من طاحوا اعلی أمهم
بدیها امنل چفن مدّت و حضنتهم
یشمون الزچیه و گامت اتشمهم
هذا آخر اوداع و بعد تنحجب عني الأنظار
اوجوه الیتامه اتغیرن حضنت حسین اویه الحسن
عالمغتسل یا کرّار
--------------------
٦/

جبرائیل صوته امن السما اتسمعه
صدی هالصوت گام الگلبك ایصدعه
وخر هالیتامه الحضنت البضعه
بچت کل الأملاك البیها منفجعه
بیدك شلتهم یا علي و اتحملت کل الصار
اعلیك الهموم اتکاثرن حضنت حسین اویه الحسن
عالمغتسل یا کرّار
-------------------
۷/

شلتها للبقیع الزهره وحدها
مترضرض جسدها من توسدها
محمرة العین و منسطر خدها
المحسن من دفنته بعید لو عدها

• شُـلّـتْ یَـــــد الطُغْیـــــان و التَعَـــــدي

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
-------------------
• مُحبّي الرادود قَحطانْ البْدیري

https://tttttt.me/joinchat/AAAAAD10QtTcCXaGImOnVw

📋قصیدة: یا حیدر ارجع للدار - مکتوبة

🎤أداء الملا قحطان البدیري
🖋الشاعر‌: واثق العيساوي
-----------------

یم الگبر لا تحتار یا حیدر ارجع للدار
بدموعك آنه اتعذّب مرعوبه گعدت زینب
یا حیدر ارجع للدار
--------------------
۱/

حیدر للگبر من راح مشتاگ لحبیب الروح
قره آیات دمعاته بترتیل الحزن و النوح
علی عطر التراب اهناك غفه بس ابجفن مجروح
سمع فاطمه اتنادي له أریدك للیتامه اتروح
یا من ابدمعك وفّیت یا حیدر ارجع للبیت
خوفي اعلی ولد الأیتام تشتاگ الیه و ماتنام
یا حیدر ارجع للدار
-----------------
۲/

وفّیت و کفیت اویاي یا حیدر دمع هلّیت
میهون الحبیب ایغیب و انت لوحدك ظلّیت
أریدك توصل لگبري أفگدك لیله لو ماجیت
لکن هسه گوم ارجع صحت زینب و ظلمه البیت
دمعتها نزلت نیران طفله و گلبها الحیران
تسئل و ما تلگاني صوت البچي أذّاني
یا حیدر ارجع للدار
------------------
۳/

أدري ابلایه أمي البیت حزین امنل فرح خالي
ظلمه و مایشوف النور من ایهاجر الغالي
أنا البفراگکم ظلّیت مثل أحوالکم حالي
أتاني بگبري اتمرّون یمکم تبگی آمالي
بس یا علي ابهذا اللیل من بیتي چن دمعه و ویل
زینب تدور اعلیه خلیلي حزن البیه
یا حیدر ارجع للدار
-----------------
٤/

أسمع صوتها امن اتنوح طفله و نوح یأذیني
أبچي و دمعتي من نار تلچم سطره البعیني
رد سکّتها یا کرّار و أنا بدمعاتي خلیني
لاتنساني أریدك دوم عهد ما بینك و بیني
للعهد دومك وفّاي ماتگطع الجیّه اویاي
ماینحمل کل افراگ و أدري لحبیبك تشتاگ
یا حیدر ارجع للدار
------------------
۵/

ارجع یا علي للدار و اخذ روحي علي ویاك
مشتاگه لحسن و حسین أرید أحضنهم أتنخاك
اخذني لزینب اللیله صوتي امنل گبر ناداك
وحشه اعلیها یا حیدر أریدنها تظل بحماك
درب السفر صار بعید زینب حضن أمها ترید
منّي اخذ هالتذکار دمعه و گلب یسعر نار
یا حیدر ارجع للدار

• شُـلّـتْ یَـــــد الطُغْیـــــان و التَعَـــــدّي

• الّلهُـــــمَ صَل عَلَی مُحَمّـــــد و آل مُحَمّـــــد


ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ

-----------------
• مُحبّي الرادود قَحطانْ البْدیري

https://tttttt.me/joinchat/AAAAAD10QtTcCXaGImOnVw

📜قصیدة: [ الدنيا دفعة باب ]

🎤أداء الملا قحطان البدیري
🖊الشاعر واثق العيساوي
◾️ الليالي الفاطميه ١٤٤١ هـ.
——————————
المستهل:

بالك تأمن أبد
بحچایة الچذاب
مو کلمن ایعاشرك
و اتحسبه عالأصحاب
بالك تصیر الضلع
و الدنیا دفعة باب
ــــــــــــــــــــــــــــــ

لا تقیس اللي تعاشر من کلامه
خلي مقدار الفعل هو العلامه
وکت الاسوالف سهل معنی الشهامه
ابهزّة الغربیل و اتبین النشامه

و الیحچي عن الوفه
سجّل علیه اشگال
و الزلمه مو بالحچي
الزلمه بالأفعال
التاریخ واضح صفه
لهل العقول اکتاب
ــــــــــــــــــــــــــــــ

شوف تاریخ النبي وي الصحابه
اغلب الویاه صفوا مصدر عذابه
راد دنیة عدل بس رادوها غابه
فاقوا بذاك الغدر حتی الذیابه

و الیمشي وي النبي
مو شرط مثله ایکون
و الوکت یکشف الك
من همّه الیغدرون
حتماً تعوف العجب
من تعرف الأسباب
ــــــــــــــــــــــــــــــ

تکرم الناس الیموت بأهل بیته
و لازم اینفذون غایاته و وصیته
بس رسول الله لمن حانت منیته
همّه کسروا خاطره و گصدوا اذیته

گاللهم بفاطمه
اوصیکم اتراعون
مایدري هچ الطمع
خلاهم اینکرون
اللابس قناع الوفه
کشّر اقناعه انیاب
ــــــــــــــــــــــــــــــ

اختصر دنیاتك و لا تبقه واهم
و اگضي عمرك للنبي و الـ آله خادم
عوّد اعیونك عله ادموع المآتم
اشکبر حظه اللي نزل دمعه اعله فاطم

و هچ آنه عندي بخت
عالزهره أقره أبیات
لو مثل حمزه یظل
بس صوتي بالعزیات
المات اعله حب فاطمه
صوته خلد ما غاب
ــــــــــــــــــــــــــــــ

دنیا صبت کل حقدها اعله الأطایب
تطعن بکلمن یعادیها و تحارب
من علي الطلگها و الشاف النوایب
لحد آخر نور من هالدنیا غایب

لا تنغر بدنیتك
مابیها موقف زین
وین الطمع و النهب
و أهل المناصب وین
تالي بمماته اشجنه
من عدها بس اتراب






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ حنيتلج ]

🎤أداء الملا قحطان البدیري
🖊الشاعر محمد البشير
◾️الليالي الفاطميه ١٤٤١ هـ.
——————————

بُعدچ عَلَي بُعد الجرف عالغرگان
یا ماي کلشي بروحي عگبچ ذبلان
یالطیحتچ طیحت مطر
یالچنتي للیعطش نهر
یا ثلمه من وجه الگمر
حنیتلچ حنیتلچ
ــــــــــــــــــــــــــــــ

اشلونچ یزهره ابهالفراگ اشلونچ
هم مثلي متعوبه و حزینه اعیونچ
گلیلي شمسوي الفراگ بلونچ
و بشریني طابن لو لهسه امتونچ

بشریني طابن لو بقن مکسورات
ادموعچ بعدهن عالوجه منثورات

طمنیني عنچ بالگبر
من صبري مل حتی الصبر
عگبچ ضعت گطره ابـ بحر
حنیتلچ حنیتلچ
ــــــــــــــــــــــــــــــ

یا ضوه البیت، البیت دونچ ظلمه
و مالح عطرچ و العطر شیضمه
ظلیت مثل اللي فگد حضن أمه
للموت تبقه هاي الهظمه

اشلون أنسه ضلعچ و الطفل و البسمار
ذکرچ یصیر اگبالي مهما أندار

حتی امن أعاین للسمه
تطلعلي کلمة فاطمه
مو راح أموت امن القهر
حنیتلچ حنیتلچ
ــــــــــــــــــــــــــــــ

یا نور کل متعوب عاش ابلا نور
من طحتي حسّیت الأرض بیّه اتدور
اتلمّست یسرة صدري و الگیته ایفور
ماچنه ضلعچ چنه گلبي المکسور

کسرة افراگچ نفس کسرة ضلعچ
طیحتي اخلافچ نفس طیحة دمعچ

کلهن ابگلبي و ما هدن
ابکل ثانیه یتجددن
مایرضه یرحمني الدهر
حنیتلچ حنیتلچ
ــــــــــــــــــــــــــــــ

یا نسمه یشهگها و یطیب المخنوگ
یالتقتدي ابحنیتچ اگلوب النوگ
اشما ردت اکابر ابقه ضحکة مبیوگ
امن ابعید یشتمون گلبي المحروگ

اشما ردت اکابر یبقه حزني امبیّن
هو الیحب ایصیر گلبه احنیّن

مابیه اتحمل بعد
شوگچ مثل وقع الرعد
گلبي تعوّد ماگدر
حنیتلچ حنیتلچ
ــــــــــــــــــــــــــــــ

حنیتلچ و ازداد بحساسي الهم
و اتطشرت عیناً حروف الطلسم
غمّضت عیني و قررت بیچ أحلم
و شفتچ بطیفي و فجأه ردیت ألتم

شفتچ و رد ینبض البفراگچ مات
و من الفرح حسّیت عندي اجناحات

بس من صحیت امن الحلم
ردیت ذابل منثلم
مچتوف بحبال السهر
حنیتلچ حنیتلچ
ــــــــــــــــــــــــــــــ

آنه الچنت لمّن أسل ذولفقار
ایکزبر جلد سیف الخصم بالزنجار
وسفه و صرت یهتز کیاني ابـ بسمار
لو ما وصیّة طه ما صار الصار

لو ما وصیّة طه چان هسه افلان
قبل الـ و إن ایصیر مگطوع السان

المانعني عن الناصبي
چلمه انحچت من النبي
ثارچ یجیبه المنتظر
حنیتلچ حنیتلچ






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ وياها دفنوني ]

🎤أداء الملا قحطان البدیري
🖊الشاعر ميرزا عادل أشكناني
◾️الليالي الفاطميه ١٤٤١ هـ.
——————————
المستهل:

اوياها دفنوني ، العمر ما أريده
عمره شيْفيده ، الدفن روحه بيده
حيدر يصيح ابصوته
حسْبوني ويّه الـموته
اوياها دفنوني ، العمر ما أريده
ــــــــــــــــــــــــــــــ

أنا المعروف حيدر بالشدد فزّاعْ
لچن موت الزجّيه بدّل الأوضاعْ
شفتها اشلون تمشي اْو توگع اعله الگاعْ
اْو عگبها تاه عزمي اْو صبري منّي ضاعْ
حگها من تلوج او تلتوي كل ساعْ
منو اليدري اشكثر يوجع كسر لضلاعْ


ياهو لـمْـجرِّب ، إلمها اْو مصابه ؟!
ياهو لـتْـوجَّر ، وسط بيته بابه !؟
منهو اليِحِس بالزهره ؟
حگي أصيح ابحسره
اوياها دفنوني ، العمر ما أريده
ــــــــــــــــــــــــــــــ

أنا سورة نبأ و القارعة و الصَّفْ
أنا إيد الله عجبه اْو إيده تتچتّف
كلِف كسر الزچيّه لاچن الأكلف
الوصيّه الگيِّدَتني اْو بيها أتكلّف
يحگ للشيعي عينه امْن البچي تتلَفْ
اْو علىٰ خد فاطمه مطبوعه صورة چفْ


حگي من حزني ، أموتن بعدها
اْو سطرة الطاغي ، أثرها اعْله خذها
لو أنظر الخد الأحمر
بيمن بعد أتصبّـر
اوياها دفنوني ، العمر ما أريده
ــــــــــــــــــــــــــــــ

احْفَرِت فوگ الوجِن من الدموع اشْطوط
اْو خَذِت حاصل ونين اْو بالبواچي شوط
عله الطلعت وراي اْو من حزتها اِتْشوط
اْو بيها اگبالي أشباه الرجال اتحوط
تولّوها ابضرب بيها الأراضي اتروط
هذا ابرمح ، هذا ابسيف ، ذاك ابسوط


هذا يدفعها ، هذاكَ اليِعتها
تنحب اگبالي ، اْو تأشّر شِفتها
ابهالحاله ما أنساها
أتمنّه أموت اوْياها
اوياها دفنوني ، العمر ما أريده
ــــــــــــــــــــــــــــــ

عله امِّ احْسين ياهو البيده ما يحزَن
اوْ يريت اِعيوني من صبِّ الدمِع يعمَن
ابسبب رضِّ الصدر و اضلوعها الطگّن
چانت تغفه بس عالجانب الأيْـمَـن !
ماتت و الدِّمه امْن اجروحها ايْخرَّن
اْو بسمار الصدر ويّاها يتچفَّن


الله بس يدري ، ابألمها اْو حزِنها
ماتت اْو باقي ، السواد ابمتنها
عالزهره خلّص صبري
يا ناس حفرو گبري
اوياها دفنوني ، العمر ما أريده
ــــــــــــــــــــــــــــــ

ادْفَنِتها و ارجعت للبيت و اعيوني
تصب صبِّ المطر و امْگرَّحه اِجفوني
أجرِّ ابروحي گوَّه اْو لوني مو لوني
و انادي يا حسن و احسين عينوني
شلِت خيبر عله امتوني اْو تعرفوني
او عگبها منحني و امهدّله امتوني


الفارس الأنزع ، دمعته اعْله خدّه
اليحكم الدنيا ، بقه تالي وحده
اعليها صفج چفّينه
ناده ابْمدامِع عينه
اوياها دفنوني ، العمر ما أريده







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لو ذكرت أم البنين ]

🎤أداء الملا قحطان البدیري
🖊الشاعر ميرزا عادل أشكناني
📆 محرم ١٤٤١ هـ.
——————————
المستهل:

اشلون أگولن إنِّي خادم لو ذكرت أم البنين
اْو لحظه من خدمتها تسوه خدمتي ابكلِّ السِّنين
الخدمه يعني معرفه ... المعرفه يعني وفه
اْو لحظه من خدمتها تسوه خدمتي ابكلِّ السِّنين
ــــــــــــــــــــــــــــــ

قال عليُّ المُرتضى : چلْمه اْو إِخِذ معناها
{ إنَّ القُلُوبَ أوْعِيَهْ , وَ خَيْرُهَا أوْعاها }
اْو گلْب أمِّ لِبْنين اشكثر يعرِف قَـدَر مولاها
و اتأمَّل ابموقفها مِن بِشْر ابْنَ حذلَم جاها

صُبَح وَنَها .. لحسين و الگلب انشِعَبْ
ولا چَنها .. ابْـ عامود عبَّاس اِنضرَبْ
صدِگ إنها .. بنْت الفحول اِمْن العَربْ

الناعي ظل ينعه وِلِدها , اتگول ما عندي ولِد !
عندي بس واحد اْو گِلِّي للوطن يمته يرِد ؟
هذا موقف , وَ كـفَىٰ ! ... المعرفه يعني وفه
اْو لحظه من خدمتها تسوه خدمتي ابكلِّ السِّنين


*وَ مِنْ كَلاَمٍ لَهُ (ع) لِكُمَيْلِ بْنِ زِيَادٍ اَلنَّخَعِيِّ قَالَ كُمَيْلُ بْنُ زِيَادٍ أَخَذَ بِيَدِي أَمِيرُ اَلْمُؤْمِنِينَ عَلِيُّ بْنُ أَبِي طَالِبٍ (ع) فَأَخْرَجَنِي إِلَى اَلْجَبَّانِ فَلَمَّا أَصْحَرَ تَنَفَّسَ اَلصُّعَدَاءَ ثُمَّ قَالَ يَا كُمَيْلَ بْنَ زِيَادٍ " إِنَّ هَذِهِ اَلْقُلُوبَ أَوْعِيَةٌ فَخَيْرُهَا أَوْعَاهَا " فَاحْفَظْ عَنِّي مَا أَقُولُ لَكَ اَلنَّاسُ ثَلاَثَةٌ .... الخبر / نهج البلاغه
ــــــــــــــــــــــــــــــ

واجب عله الخادِم صدِگ ينكر وجوده اْو إسمه
هوَّه (الصِّفر) يبقه صفِر لو ماكو (واحد) يَـمَّـه !
أم البنين لهالأمر متوجِّهه اْو مفتَهمه
باعت إسمها و أكتِفَت عدها إسم للخدمه

مطالِبها .. تكشف لك إنها عالِمه
رغُم حُبْها .. إنِّه إسمها فاطمه
لْـ تأدًّبْـها .. خلَّت إسمها "خادِمه" !

خافت إعْله اِحسين لو صاحوْا بِسْمها ينلچِمْ
و احْتِراماً للزچيَّه غيِّرَت حتَّه الإسِمْ
هالفِعِل شِـتْـوَصِّفَه !؟ .. المعرفه يعني وفه
اْو لحظه من خدمتها تسوه خدمتي ابكلِّ السِّنين
ــــــــــــــــــــــــــــــ

ضحَّت له شبَّان أربعه و اتگول له : خجلانه
و آنه شنو الّلي قدَّمت حتّه أحچي آنه اْو آنه !؟
عند الله ميزان العَمَـل كل واحد اْو عِرفانه
اْو عرفان أمِّ الأربعه بس الله يعلم شانه

منو البينه ؟! .. يعرِف إمامه من صدِگ
عَـله اِحسينه .. من چَـعَـب گلبه محترِگ !
ابدمِع عينه .. فايت مقامات العشِگ ؟!

إخِذ من أمِّ البنين المعرفه ابهذا المَقامْ
گبل ما اتشوفه (إبنها) چانت إتشوفه (إمامْ)
العقِل گبل العاطفه ! .. المعرفه يعني وفه
اْو لحظه من خدمتها تسوه خدمتي ابكلِّ السِّنين


*عن أمير المؤمنين "ع" : إنَّ قِيمَةَ كُلَّ اِمْرئٍ وَقدْرَهُ مَعْرِفَتَهُ، إنَّ اللهَ تَبَارَكَ وَتَعالى يُحِاسِبُ النَّاسَ عَلَى قَدرِ مَا آتاهُمْ مِنَ العُقُولِ فِي دَارِ الدنيا, البحار ج ٢ - الصفحة ١٨٤
ــــــــــــــــــــــــــــــ

كل واحد ايْخدمك عله گد ما يِعِرْفَك مولايْ
و آنه إعْله گدِّي ابخدمتي و أدْري إنته قابلني ابهايْ
أخجَل أگول إنِّي اخْدَمِت من أذكر امِّ الوفّايْ
مستَحْيَه من عندك و هِيْ باعت گمرها اعْله المايْ

دمه اوْريده .. و اسهام اِلبْگلبه اِنشِبَن
اْو گَطِع إيده .. ما تنحب اعليهن , لَچَن
عله اعضيده .. تبچي اْو تواسي امِّ الحسَن

چانت اِمْن الله تِريد اِبدال أربع , أربعين !
اْو كون واحد ورَه واحد ينذبح لجل الحُسين
فدوه لبن المصطفه .. المعرفه يعني وفه
اْو لحظه من خدمتها تسوه خدمتي ابكلِّ السِّنين
ــــــــــــــــــــــــــــــ

حتّه امْن أسولف دمْعتي و أتباهه بيها اعْله الناس
و اتصوَّر ابصدري خيَم تحرِگ جمر بالأنفاس
متوَّهِم آنه و الصدگ حزني اْو حزن كل الناس
ما يوصل لدمعه التهل من عين أم العبَّاس !

نواعيها .. صُـوْر اْو مَـلاك اليِـنْـفَخَه
بواچيها .. الميِّت يسِمْعه ابَّرْزَخه
الحزِن بيها .. هـدِّ الجبال الراسِخه

اشكبُر حزني للحُسين البيْه بس الله دِرَه
و آنه قطره من بحرها , يا حزنها اشمَكْبَره !؟
الجمر بيها ما طِفه .. المعرفه يعني وفه
اْو لحظه من خدمتها تسوه خدمتي ابكلِّ السِّنين
ــــــــــــــــــــــــــــــ

واليها غاب اشچم شهَر ما ضاگت اِخلافه النَّوم
و آنه إمامي اشچم سنه غايب اْو ما رَدْ لليوم
أمِّ البنين إنطَت درِس لو غاب عنَّك معصوم
واجب تنوح لفَرْگته و اتظل عليْه تنشِد دُوم

إلي صاحب .. غايب اْو مَدري اِليا وكِت ؟
يظل غايب .. اْو عيني اعْله دربه تلتِفِت
الجفن ذايب .. ابگد ما بچيته و اِندَبِت

مثل ما يوميَّه چانت تنتظر منهم خبر
كون يوميَّه أتاني ايْعود ليَّه المنتظَر
المُحب هذا موقِفه .. المعرفه يعني وفه
اْو لحظه من خدمتها تسوه خدمتي ابكلِّ السِّنين


Ͳ: @mirza_adel_ashkanani


• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ هالليله نادينه ]

🎤أداء الملا باسم الكربلائي
و الملا قحطان البدیري
🖊الشاعر واثق العيساوي
🌸 مولد السيدة فاطمة الزهراء سلام الله عليها
——————————
المستهل:

هاللیله نادینه بالفرحه صلینه
للهادي هنینه للهادي هنینه
ـــــــــــــــ💐ـــــــــــــــ

آیة محمد فاطمه و هاللیله ردد بیها
نزلت علی السان الوحي لصدر النبي یهدیها
إقراء اسمها بالفرح و انثر قداسه اعلیها
و کل آیه تبدي بفاطمه عطر الفرح ینهیها

و من تنقري الآیه بیها الصبر رایه
من رفت اعلینه للهادي هنینه
ـــــــــــــــ💐ـــــــــــــــ

نور و نزل من السمه بالمهد صار اویاها
أشرق علی الدنیا فرح ظلمه و شمس ضوّاها
أم الأبیها اتلقّبت ثغر النبي سمّاها
آیة محمد فاطمه بس حیدر الیقراها

سر في معانیها حیدر کفو لیها
سر و کُبر بینا للهادي هنینه
ـــــــــــــــ💐ـــــــــــــــ

مولاتي لو نندل إلچ المرقد إله اتعنینه
ننطش ورد في حضرتچ أرواح إلچ طشینه
لکن اجینا بکل فرح یم ابنچ اتعنینه
یم الحسین ابکربلا یا فاطمه نادینه

ندري انتي موجوده جاب الوفه اوروده
و بالحضره طشینه للهادي هنینه
ـــــــــــــــ💐ـــــــــــــــ

دنیانه و عیون الیحب في مولدچ فرحانه
حتی الملایك بالسمه نزلت تهني اویانه
الورد لیلة مولدچ ألوانه غیر ألوانه
رش عطره لجل امحبتچ و اتعطرت دنیانه

و الحبچ اینادي یا بضعة الهادي
وفینه وفینه للهادي هنینه







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ واقع حال ]

🎤أداء الملا قحطان البدیري
🖊الشاعر سيد عبدالخالق المحنه
🌸 مولد السيدة فاطمة الزهراء سلام الله عليها
——————————

واقع حال ما أحتاج أتکلم
تعال و شوف گلبي بلکي تتعلم

روحي حمامه اعلی الحبیب اتحوم
و أنا بگلبي عشگ من گبل مجره الدم

أنا الما رکضت اعلی السراب بیوم
و لا دوّرت شهره و عیب اتوهّم

المصالح مو إلي و قاموسها محذوف
أنا عندي رساله و جرح ما یلتم

اشما أصعد لفوگ أنظر لبطن الگاع
التواضع صار طبعي و أدري ما أندم

بعض مرات یطویني الحزن و أنهار
لکن من أشوف أحبابي أتبسّم

أنا کل الأریده و طلبتي بدنیاي
طلب واحد إلي و غیره ما أحلم

خادم للزچیه لآخر الأنفاس
و أخدم و أخدم و أفتخر و أترنّم

أنا خادم صرت من المهد للشیب
علّمت الگلب بس للحزن یرهم

بنیت اعضاي کلها بخدمة أم حسین
و اذا اترکها أدري اعضاي تتهدّم

الدنیا ابلا أمان و کل وکت
طوفان سفینة نوح صارت و الرکب یسلم

یصاحب لا تلوم العشگ مو بالکیف
اهي فرصه و سعید البخت من لزّم

الوفه بعهده شریف و فاز بالدارین
ادري مو بسیطه و دوم اتألّم

التربّه اعلی الشعاير یبقی ویه حسین
و هاي ترید موقف ینکتب بالدم

میهمني الیگول اشما یرید ایگول
أنا لجل الشعایر دوم اتحزّم

وفاء لفاطمه و هذا العهد للموت
عده عشگ الزچیه کل عشگ یحرم

ـــــــــــــــ💐ـــــــــــــــ

لغیر اعداي ابداً لاتسلني
تره ابغیر الشعایر لاتسلني
عده حب الزچیه لاتسلني
مغرم و الحچي یکثر علیّه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ وديني ]

🎤أداء الملا قحطان البدیري
🖊الشاعر حسين العامري
🌸 مولد السيدة فاطمة الزهراء سلام الله عليها
——————————
المستهل:

ودّيني      ودّيني يم     أحبابي     يا     عين
دّليني       دّليني      عنوان      الفرح      وين
للزهره     و     نبينه     مري    اعله    المدينه
دليني       دليني  عنوان      الفرح      وين
ـــــــــــــــ💐ـــــــــــــــ

راح   أترك   عذابي  و  أرحل  اردود  بجناح  الأماني
و  راح  أنسه السوالف  ويه  الغروب و أتحوّل تهاني
راح   أمسح  صور  طابعهن  اهنا  وي  ميل  الثواني
يمكن  راح  أسافر  بس  يجي  الليل  لا يمكن إجاني

من   عيني   من   عيني سافر  جرحي  و  الآه
لحبابي      لحبابي      صاحت     فرحتي     الله
يا     عيني     الحزينه     مري    اعله    المدينه
دليني       دليني عنوان      الفرح      وين
ـــــــــــــــ💐ـــــــــــــــ

سافرت  اعله  متن  الغيمه  و  الريح ماخذني بيمينه
و  أگل للعين مريني اعله الأحباب مري اعله المدينه
من  أوصل  اصبري  و  ابقي وياي خل نگصد نبينه
و  انعيّد ابگبره  و  يكمل  العيد  نرجع  يم  ولينه

بجناحي      بجناحي  أنزل     رايد     هناك
بفراحي     بفراحي     يكمل    عيدي    وياك
يا     آية     حچينه      مري     اعله    المدينه
دليني       دليني      عنوان      الفرح      وين
ـــــــــــــــ💐ـــــــــــــــ

صوت ايصيح اصعدوا روحوا لهناك بالفرحه انشرحنه
يم حيدر افرحوا و صيحوا فد صوت جبنالك فرحنه
ما   طوّل   عليكم   هذا   جبناه   فاطم  مقترحنه

نبنيها      نبنيها       حضرة     فاطمه     اليوم
نضويها     نضويها      مو     بالشمعه    بنجوم
حاچه    الگلب    عينه     مري    اعله   المدينه
دليني       دليني       عنوان      الفرح      وين
ـــــــــــــــ💐ـــــــــــــــ

نمشي  و  بالنجف  خطوات  الأميال يتراجع عمرها
ما  يمشي الوكت هالگد فرح جاي و اعيوني ابنظرها
و  نظرات  الفرج  و  اعيون  الأيتام  يتبادل سهرها
و  اسنين  الأيام  اختلفت  اهواي وگفت يم شهرها

و   ادموعي   و   ادموعي   مطرن  للفرح  ماي
و   اجفوني   و   اجفوني   فرحن  كلش  اهواي
گالن      للسفينه       مري      اعله     المدينه
دليني       دليني      عنوان      الفرح      وين







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜موال: [ كتبتك سرا ]

🎤أداء الملا قحطان البدیري
🖊الشاعر واثق العيساوي
🌸 مولد السيدة فاطمة الزهراء سلام الله عليها
——————————

كتبتُكِ  سِراً  قرأتُكِ  نور
و  اسمكِ  فينا  حِجابٌ و سور
فأنتِ  الخلودُ  و  أنتِ  البقاء
و  أنتِ عظيمةُ كُلِ الدهور

ولدتِ  فكنتِ  الهدى  و الضياء
و فوقَكِ أنوارُ ربي تدور
لِسرِكِ  قُدسٌ  بأمرِ السماء
كما النونُ للمختفي في البحور

لِمهدكِ  جاءت  غيومُ  الورود
لِتُمطرَ فوقكِ فيضَ العطور
و بالأفقِ خطّت شعوبُ الحمام
باسمكِ للناسِ هذا السرور

سأشدو  إليكِ  برغمِ  الجراح
بقلبٍ  حزينٍ غريبٍ صبور
فيا  فاطمُ  عهدُ  قلبي  إليك
سأخدِمُ  اسمكِ كُلَ العصور






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ فرحة السماء ]

🎤أداء الملا قحطان البدیري
🖊الشاعر واثق العيساوي
🌸مولد السيدة فاطمة الزهراء سلام الله عليها
——————————
المستهل:

فرحةٌ  عمّت بأرضٍ و سماء
إنهُ ميلادُها خيرُ النساء
ـــــــــــــــ💐ـــــــــــــــ

ترسم    الفرحه    معاني    ضحكه   بشفاف   الورود
مولد     الزهراء     يعني     مولد     الكل    الوجود
يا   زمن   اكتب   اسمها   ابصفحة   العز   و  الخلود
امسح     الدمعه    القديمه    خلي    فرحتنه    تعود

فغدت  بُشرى لِكُلِ الأنبياء
إنهُ ميلادُها خيرُ النساء
ـــــــــــــــ💐ـــــــــــــــ

فاطمه     النور    الإلهي    فاطمه    السر    العظيم
العدل    و    العلم    كله    و   الصراط   المستقيم
فاطمه     الأم    الأبيها    فاطمه    الجف    الرحيم
سائل    اللي    يعتنيها    عدها   باب   الله   الكريم

هذِهِ  الحُرةُ  بِنتُ  الكُرماء
إنهُ  ميلادُها  خيرُ النساء
ـــــــــــــــ💐ـــــــــــــــ

الوحي    يوم    الولاده    نزل    من    رب    العباد
فاطمه     أوحه     بإسمها    يا    محمد    هوه    راد
الوديعه      و     المطيعه     و     الشفيعه     بالمعاد
أم     أبيها    اللي    يودها    نور    يملك    بالفؤاد

و  تجلى  الحقُ فيها و النقاء
إنهُ ميلادُها خيرُ النساء
ـــــــــــــــ💐ـــــــــــــــ

يا   علي   هالليله   وجهك  مبتشر  فرحه  و  سرور
سيدة    بيت   الإمامه   ضافت   اعله   الدنيه   نور
الملائك     بالبشاره     يم     مهد     فاطم    تدور
و    النجوم   الليله   نزلت   تفتر   اعليها   و   تزور

فرحاً جاءت لبيتِ الأصفياء
إنهُ ميلادُها خيرُ النساء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ نصر و شهادة ]

🖊الشاعر علي كاطع البهادلي
📆 ١٩ جمادي الثاني ١٤٤١ هـ.
ـــــــــــــــــــــــــ

ماتَ التصبرُ بإنتظاركَ سیّدي
الدمعُ یجري في سطورِ قصائدي
فَـ لِأنّها مُدّت لکُم قطعوا یَدي
یـا سیّــدي یـا سیّــدي

شعبُ الوَفا مُغتال وَ دِماهُ علی رُمحٍ تَجري
ما مَرَّ مِن أجیال لَم تَلقی شیئاً مِن غَدرِ
الذنبُ کانَ مَنال عِشقاً مِن مقطوعِ النحرِ

مِن عاليَ الأحقاد یُرمی وَ لَن ینکسِر
لَو تُقتَلُ الأبطال مَوتي الّذي ینتصِر

کُنّا و لَن نُعطی ثَمن
هُم یرحلوا نحنُ الوطن
أحیاء نحنُ الوطن

یا بَدرَنا إدنو لنا
قَسراً نَمَت في حِجرِنا
أرزاء في حِجرِنا
ــــــــــــــــــــــــــــــ

الشعبُ شعبُكَ یا هلالاً غائباً
لیسَ الأسیرُ هوَ القتیلُ المُرتَهَن
کُلٌّ علیهِ بِلا ذراعٍ یعتدي

یـا سیّــدي یـا سیّــدي

یا قائماً للدین وطنُ المهديِّ أنا اُدعی
مِن طینةِ الماضین في أرضي فُرسانٌ صَرعی
لـلآنَ مُنذُ سنین للأضلُعِ أرجاسٌ تَسعی

تَعالت الأصوات لمّا هَوَت أنجُمُ
کَم کَوکبٍ مَنحور في حافرٍ هشّموا

کَم هشّموا کَم أضرموا
لکنّهم لَم یعلموا
أحرار لَم یعلموا

رِفقاً بِنا قیلَت لنا
لَم تُنطَقُ رغمَ العَنا
ثُوّار رغمَ العَنا
ــــــــــــــــــــــــــــــ

لمّا رأونَا للبتولةِ نعشَقُ
أبوابَ جِذعٍ أمَّروها تُطبقُ
و الدفعُ مَن قالَ انتهی، ذا یبتدي

یـا سیّــدي یـا سیّــدي

القَولُ ذاكَ یَطول کالخَیمةِ في فاهِ الجَمرِ
کَم ضَیغَمٍ مَحمول فوقَ الأکتافِ إلی القبرِ
أو والدٍ مَقتول إبنَتهُ تَلعَبُ لا تَدري

تَکالَبَ الطُغیان حتّی أراقَ الدِما
في مَحضَرِ الإنسان ما قالَ شخصٌ لِما

لَهفي لَنا ما ذَنبُنا
دونَ المَلا أبناؤنا
أیتام أبناؤنا

هُم یعلموا لَن یُکلَمُ
لکنّهم لَم یفهموا
إسلام لَم یفهموا
ــــــــــــــــــــــــــــــ

في کُلِّ دینٍ أنبیاءٌ أخبروا
مَن نالهُ ظُلمٌ عظیمٌ یُنصَرُ
کیفَ السکوتُ لِمَن بِدینِ مُحَمّـدِ

یـا سیّــدي یـا سیّــدي

رُحماكَ یا مَوعود الحُزنُ صَریحاً یَتَجلّی
الاُفقُ کالاُخدود مملؤاً بدموعِ الثکلی
قَد عادَ سهمُ الجود یُغرَسُ في أجفانِ القتلی

لِأننا ندعوك وَ مِنك نرجوا لِقا
صِرنا کما الضمآن وَ النحرُ کانَ السِقا

حِقدٌ سَری نحرٌ جری
زهرٌ هَوی فوقَ الثری
مذبوح فوق الثری

قَد أطرقوا ما یَشرِقُ
غدراً هُمُ قَد أزهقوا
الروح قَد أزهقوا

طِفلاً وَ کهلاً خصمُ شَعبُكَ ما رعی
مِن کُلِّ فَجٍ للفجیعةِ قَد سَعی
لَم یَهنأُ الطِفلُ الولیدِ بِمَولدِ

یـا سیّــدي یـا سیّــدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ و انتظرتك ]

🎤أداء الملا قحطان البدیري
🖊الشاعر محمد البطحاوي
◾️ الفاطميه ١٤٤١ هـ.
——————————
المستهل:

و انتظرتك و خلصت شوفي
اعله جیتك رمشه رمشه
و لطلعتك آنه ناذر
وجهي لجدامك أفرشه
ــــــــــــــــــــ

و باني لك ابگلبي جامع الکوفه
و أصلي لك صلاة اگلوب
و ارفرفلك رفیف الطیر لو ذبحوه
عایشلك و أنا المطلوب
تعّبتك و أعلم بیك یا مولاي
من طف کربلا متعوب
هو انت تنام اشلون
یاللي اغطاك ثوب الضامي المسلوب
ــــــــــــــــــــ

یالمشتاگ لاسمك شوگ المضیعات
خلني اتوضه بعیونك
دوّرت الخلگ العدلین و المیتین
کلهم ما یشبهونك
العارف قضیتك و السبي و الشام
فشله ایگلك اشلونك
آنه ادري الرمح و الباب و المسمار
متربعات بجفونك
ــــــــــــــــــــ

تبچیني و تغثني الناس
لو گالوا المهدي وین شو طوّل
و اگللهم سلفنه یکره الفقره
هل اعلیه ما حوّل
یظل ثابت الحبك دوم یالموعود
مو بس ینضنك بدّل
یم حسین کون ایروح بحزانه
و یبچي له بهظم عالتل
ــــــــــــــــــــ

اغازلهن اجدامك من بعید الشوف
و اتبرك و اظل معتام
و اغزل لك بیدیه ابساط دمعاتي
و افرشهن و اگلك نام
و ما بطّل ونیني اعلیك یالموعود
اشما مرت علیه أعوام
عاهدتك أظل للدوم
بدموعي اعیش ویاك حرگ اخیام
ــــــــــــــــــــ

یالتطلب اشما انطیك ما وفّي
للمشوها مسبیه
اهو الفاگد حسین و زینب و عباس
تداوي اجروحه لطمیه
و من تطلع اتشوف انصارك ایخدمون
و تلگه اخیام مبنیه
و عبدالله تطلعه ضامي و عطشان
و تشربه بیدك أمّیه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــ💐ــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ــــــــــ💐ــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــ💐ــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋 موال و هوسات - مکتوبات

🎤أداء الملا قحطان البدیري
🖋الموال للشاعر السید عبدالخالق المحنه
🖋الهوسات للشاعر علي المیاحي
--------------------

جمّار حبك علي لا مو سعف کربلا
و ایزیح ظیم الگلب کل ما حضر کربلا
و ابنك دعوه الکفر یخضع لهم کربلا
مو حگنه من نگصده ممشی بضریح نجف
و ادموعنه اتباشرت هیهات أبد مانجف
واللّه لو ینگطع خط کربلاء و نجف
بالگلب خط یشتغل یصرخ نجف کربلا
ـــــــــــــــ💐ـــــــــــــــ

هوسات:

یذکر واحد العباس هو التاریخ شمفهمه
آنه الشایف ابعیناي کیف أقتنع بالکلمه
اهو العباس چم عباس حتی بکربلا اتلمه
ایکفیله مدري اشکم کون


علي طوفان یونس یوم ضکه الحوت
و علي صوت الـ إله و چذب صوته ایموت
فقّاره بیمینه و شفرته التابوت
چف اللّه حیدر بالحومه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يا مهجة العسكري ]

🎤أداء الملا قحطان البدیري
🖊الشاعر علي جعفر القطيفي
◾️ الفاطميه ١٤٤١ هـ.
ــــــــــــــــــــــــــــــ

أری دَمعَها أری لَطمَها
بِعَینَیكَ یا مُهجةَ العسگري
ــــــــــــــــــــ

کَتبتُ اُناجي إمامَ الزمان
وَ حِبري نزیفُ الجَوَی المُسعِرِ
أتُبقي دُموعاً و في دفتري
حَدیثٌ عن الضلعِ و المَحجَرِ؟
ــــــــــــــــــــ

أتأذَنُ لي أنْ أدُكَّ السَماء
علی الأرضِ بالکَمَدِ المُمْطِرِ؟
أما زالَ في عینِ فاطمةٍ
مَصَبُ عیونِ الأسی الأحمري
و هَل مَسَّ ضِلعُكَ یا وَیلتي
حَرائِقُ مِن ضِلعِها الأطهَرِ؟
ــــــــــــــــــــ

أری بابَها بُثَّ مِن حَرقِهِ
رَمَادَ المناسِكِ و المِشعَرِ
و أبلی مَسامِعَ تَوحیدهِ
نِداها بِـ فِضّةَ هیّا إحضُري
و ما أسقطوا مُحسِناً قبلَ أن
یَخُرُّ السَماحُ علی مَجْمَرِ
ــــــــــــــــــــ

أیا عُصبَةَ الجَورِ بعدَ الّذي
فعلتِ إلی اللهِ لا تَنظُري
فلَن تُغضبي اللهَ مِن بعدهِ
بِکُفرٍ لَقَد هانَ أنْ تَکفُري
لَقَد غیّرَ اللوحُ أخبارَهُ
بغیرِ البلایا فلا تُبشري
ــــــــــــــــــــ

یُنَبِّئكُ قَتلُ بنتُ النبي
بِریحِ الثمانیةِ الصَرصَرِ
إذا ما أتی الحقُّ مِن نسلِها
و صاحَ بِأملاکِها زَمجِري
أهَجتُ علیكَ الأذی سیّدي
تَلَظی بِجَوفي و لَم أصبِرِ
ــــــــــــــــــــ

فما أنتَ مِن نارِها خالیاً
و ما أنا بالمُعْلِمِ المُخْبِرِ
و لَو شِئتَ أنْ لا یَقومَ الوجودُ
لأفنیتَهُ باسمِها الأکبرِ
حُسامُكَ في غِمدهِ العاصفات
و زلزَالةُ الخاسفِ المُنذِرِ





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة‌: طالعتك بدرا

🎤 أداء الحاج باسم الکربلائي
🎤 و الملا قحطان البدیري
🖋الشاعر الأدیب مهدي جناح الکاظمي
💿 ضمن اصدار - أحزاني أوطان
ــــــــــــــــــــــــــــــ

طالعتُكَ بدراً یتوسدُ رملَ الصحراء
طالعتُكَ جُرحاً یتعبدُ في غارِ حِراء
ــــــــــــــــــــ

و الوحيُ سمیرٌ و همومُ الإنسانِ لدیك
تتجلی ظمأءً تحملهُ شُطآنُ یدیك
و تَلوحُ یتیماً و قریشُ تنقادُ إلیك

طالعتُكَ قلباً یأویهِ جُرحُ النُبَلاء
طالعتُكَ شمساً تغبِطُها عینُ الأغواء
ــــــــــــــــــــ

ها أنتَ غَنيٌ دانَ لهُ حتی القَمَران
بِـ رِدائكَ مَعناً و سحابٌ یمطُرُ إحسان
بِـ جُراحكَ یخضَرُ عطاءً أملُ الأزمان

و جبینُكَ نوراً یتجلی للأرضِ سماء
و صفاتُكَ فیها یتعالی لله نداء
ــــــــــــــــــــ

لكَ یبقی غارُ حِراء و شعبُ أبي طالبَ یشهد
و بأنكَ تأبي إلّا أن تبقی في کَلِّ الأزمانِ مُحَمَّد
ــــــــــــــــــــ

یا صانعَ تاریخِ الدُنیا و الصبرُ لِواك
و مشیتَ و خطوكَ لم یشکو وخزَ الأشواك
و أسامتكَ قریشُ أذاها و اللّه یراك

ما زِلتَ نبیاً و یداهُ ینبوعَ عطاء
و لأنت غریبٌ و ستبقی رمزَ الغُرباء
ــــــــــــــــــــ

أبکیكَ علیّاً مکتوفاً بِـ حِبالِ الحیف
أبکیكَ حُسیناً منحرهُ ینهبُهُ السیف
تتوسلُ لِـ تراكَ عیوني أجنحةَ الطیف

تحمِلُها دمعاً و صلاةً تنعی الزهراء
فَـ یعودُ الطفُ بِـ صیحتهِ هل قطرهُ ماء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed